987
صلة رحم خدمتي وياكم لوعفتكم بله وين الكاكم صرتوا اهلي وكلشي اليه اعز من روحي عليه للتواصل مع خادم الزهراء عليها السلام الشاعر علي النائلي يرجئ التواصل علئ الرقم 07828746369 تلگرام - واتساب
https://youtube.com/shorts/Z0Z6wCXjdTg?si=qeOhtltrr_OySZM7
شكرا يخدام
مهدي المنكوشي
الشاعر علي النائلي
العتبة الحسينية المقدسه
https://youtu.be/MK7q55urZIQ?si=opm6SYlxsr8IYqsK
Читать полностью…
https://youtube.com/shorts/r_QmN2HSdlE?si=AFGkJoRYPtmtbhhn
Читать полностью…
https://youtu.be/h5eRW39tzD8?is=cg6YJXthcuyK6PY2
Читать полностью…
https://youtu.be/72kC8RDtqyg?si=60mHDoN3UiSd0O3M
يعباس جيب الماي لسكينه يابوفاضل
أداء ملا حيدر الحلواجي
كلمات الشاعر علي النائلي
إستشهاد مولاي الامام الحسن المجتبى عليه السلام
حسين ليش كبالي تجري دموعك
جبدي اهون من كسرها اظلوعك
والسَمْ اهون من سهم يعينك الله اعل الألم
خويه خويه
==========
الحسن اني ودمعتك تكسرلي خاطر
يبو الاكبر يابعد هاي النواظر
والسم اهون من ثكل ذيج الحوافر
الحافر اشجم ظلع منك خويه كاسر
ينطبك صدرك يخويه بظهرك
مو مهم أمري المهم بس امرك
الحافر لصدرك هشم. يعينك الله اعل الألم
خويه خويه
==========
من نصيبي السم تره ياخذ حبيبك
وسهم المثلث يبو الاكبر نصيبك
بعونك الله حسين خويه من يصيبك
للخيم كلي منو باجر يجيبك
إيصيبك مثلث سهم يالغالي
مو مصابي امصابك أشغل بالي
من يردك للخيم يعينك الله اعل الألم
خويه. خويه
==========
جهزنتي لدفنتي من طلعت الروح
بس مصابك يبو الاكبر زَيّد النوح
راسي ماشاله الرمح لا آني مذبوح
راسك وحالك يخويه اصل الاجروح
بيدك اتنزلني خويه لگبري
وشيعتني وصحت كسرو ظهري
گلبك بهاي إلجم يعينك الله اعل الألم
خويه خويه
==========
صفر مايشبه محرم بالمصايب
بدفنتي اخواني وهلي وكل الكرايب
بعازت الدفان جسمك عالترايب
ظل ثلاثه بلا دفن بالشمس ذايب
بلا دفن ظل عالتراب وضامي
الم جسمك همني مو آلامي
والضمه لحيلك هدم. يعينك الله اعل الألم
خويه خويه
==========
نعشي من صابو يخويه الگوم بسهام
سهامهم متخلي أدري بجسمك عظام
والحرك بيت امنا باجر يحرك خيام
اليَتّمْ إعيالي يخلي إعيالك أيتام
والرمه اسهام اعل نعشي بهايه
عليكم إيحرم الفرات ومايه
حته طفلك ماسلم يعينك الله اعل الألم
خويه خويه
==========
الشاعر علي النائلي
https://youtu.be/WhFvEn0WVe8?si=FjX-6wOzeLE-VSW6
Читать полностью…
https://youtu.be/5EhL0B4ym8I?si=_QxRN5dOPXl0gz4Y
Читать полностью…
https://youtube.com/shorts/1KTmffR0ZU8?si=p7SJFZwhgAqAizPH
Читать полностью…
https://youtu.be/XUPLwN4hxx4?si=OWtbQMlMFzIo_hib
يوم العاشر
ملا أكرم الجبوري
الشاعر علي النائلي
ميت هواي يدهري ميت هواي
ناري بحشاي احسها. ناري بحشاي
خذت حيلي السلسله موتي جان بكربله
ميت هواي
==========
اني زين العابدين وجرحي دامي
أرد أفَصّل موتتي بأخر كلامي
اول إجروح الگلب والدنا ضامي
وعالترب ذبحوا إخوتي وكل عمامي
ضامي الحسين يدنيا. ضامي الحسين
بگلبي نارين جوتني. بگلبي نارين
وجرح نبلة حرمله موتي جان بكربله
ميت هواي
==========
جنت اني بكربله وبطفها حاظر
شفت ابوي حسين وحده بغربه حاير
صوته لسه بإذني اسمعه ماكو ناصر
تالي ابن المرتضئ اترضه الحوافر
مكّسر ظلوع لكيته. مكّسر اظلوع
حيل موجوع ابويه. حيل موجوع
لجرحه تبجي النافله. موتي جان بكربله
ميت هواي
==========
اني اتنفس حزن واتنفس جروح
ودمعي من دم عالوجن ياناس مسفوح
عالثره عفت انه ابوي حسين مذبوح
وصرت مصدر للونين ومصدر النوح
انزف آلام مصابي. انزف آلام
بنار الإخيام عذابي. بنار الإخيام
حسين انظر قاتله. موتي جان بكربله
ميت هواي
==========
أصعب جروح الگلب سبب مماتي
من شفت فوگ الهزل صعدن خواتي
زادت آلام المرض وي نايباتي
والسبي وجرحه سبب عَجّل وفاتي
عالهزل راح ضعنه. عالهزل راح
وفوگ الارماح اهلنه. فوگ الارماح
صعب سبيّ العايله موتي جان بكربله
==========
عشت بعد الواقعه وذيج الرزيه
من بعد اهلي هلا بجيت المنيه
كل جرح بالطف شفت يصعب عليه
لكن اصعبهن شفت عمتي سبيه
انطر الموت تراني. انطر الموت
حزني تابوت صفالي حزني تابوت
بموتي اصيحن ياهلا موتي جان بكربله
ميت هواي
==========
عاود اعليه الزمان وردت الگوم
ماكفاه جروح اهلي وذيج الهموم
فوگ عِلتي والهضم تاليها مسموم
گلبي من هاي البشر ياناس ملجوم
سَمْ الاحقاد ذبحني سم الاحقاد
بالغدر عاد عليه. بالغدر عاد
نسل جهلوا منزله موتي جان بكربله
ميت هواي
==========
الشاعر علي النائلي
https://youtu.be/7MlSA_m9P1A?si=5Q2VgsHDNUM7fXu2
يالتنعه بالمدينه
أداء ملا أكرم الجبوري
الشاعر علي النائلي
ليلة مولاتي ام البنين عليها السلام
اهوازي في شجاعة مولاتي زينب الحوراء عليها السلام
شالت بيرغ العباس ومن حيدر خذت نخوه
غابه وحايره هالناس طبت للقصر لبوه
==========
زينب طبت بهل يوم والوادم صفت خرسه
معكوده اللسن شتكول تذكر ياحجي وتنسه
حجيها سطرة العباس جفه بهيبته ونفسه
زينب هيه بحساسه
غيضه ونار البراسه
نار وتشتعل كل حين حجيها جم گلب جوّه
==========
لمن تنطق الكرار حجيه ومنطقه بحكمه
زينب هيبة العباس نزلت عالخصم نقمه
ذلت بالقصر أشرار وبانت بالعدوا ثلمه
زينب سيف المجرب
حاشه من الشدد تتعب
عفة فاطمه الزهراء تكوه اعل التعب تكوه
==========
هيبة هاشم الحوراء طبت عمة الساده
كسرت كل خشم مغرور زينب كسرت عناده
بيت العنكبوت اتكول القصر هزتله اوتاده
أوهن هالبيوت اهتز
ولهدمه القصر يجهز
ايامه عدد ويروح وابطن الارض يهوه
==========
القصر جنه الشريعه بهاي ودام جانت هوايه
وهواي الحجي المضموم كلمن قادم بغايه
اجاهم جن كمر عدنان زينب دكت الثايه
طخت بالقصر هالروس
دكت للحرب ناقوس
مانزلت سبيه بهاي نزلت عالخصم بلوه
==========
القصر يتزلزل ويهوه كل كلمه حرب تشعل
جن حمزه وعلي وعباس زينب بالحجي تزلزل
بركان انفجر بس غيض سجيل ورعب ينزل
ذلت ابرهه بقصره
وخلتها الزلم أسره
وفت حق علي الكرار وفت حقها بالخوه
==========
أشتات الجمع شو صار السحِر جن صار عالساحر
خلصوني يصيح بصوت يتلفت بقه وحاير
ذلتهم أخت عباس بيهم سوت الماصاير
محتاره الزلم تنگاد
خطت زينب الامجاد
تاريخ وبقه التاريخ ماينزل بقه إبعِلوّه
==========
الشاعر علي النائلي
https://youtu.be/gsYr0ffJ2rU?si=aPGJAU7U4_vfDXVk
Читать полностью…
https://youtube.com/shorts/zgy2E2Prvzc?si=bsBtUUKqj2T_iy7Y
Читать полностью…
https://youtu.be/E0Ta8V_fcmE?si=xhrdVE3nnlynAECt
Читать полностью…
https://youtu.be/AjipGyDej3k?si=vEKedsETGOZ0YELj
Читать полностью…
https://youtu.be/23-8LK9CV6I?si=4_zIcZAeoiy2O9_Q
حروب الحسن
أداء الحبيب ملا حيدر الحلواجي
الشاعر علي النائلي
عزاء مملكة البحرين
الزهره تحظر هالمجالس هايه
وتختم الزهره العزه بحجايه
شيعتي بيوم الحساب مايمر بيكم عذاب
وابو صالح
==========
من بدايه شهر الاحزان وعذابه
الزهره تنعئ اه يالحسين ومصابه
وسجلت كل خادم واجره وثوابه
من دمع عينه ولطم كلشي بحسابه
سجلت كلشي بسجل الخادم
هذا باجي وهذا ناعي ولاطم
من تعظمون المصاب. مايمر بيكم عذاب
وتختم الزهره العزه بحجايه
==========
ابو صالح راعي كل مجلس يحظره
وينحب بدمعه لمن تنحب الزهره
والبجه وياهم وجوب اتشمله نظره
مجلس وبيه الزجيه تحسبه حظره
مثل قبة حسين هذا المجلس
فاطمه ام الحسن بي تجلس
حظره وشعظم الثواب. مايمر بيكم عذاب
وتختم الزهره العزه بحجايه
=========
الله يجزيكم الخير بكل مسيه
يالبجيتوا اعل البقه بالغاضريه
انتم اتعزوني ببنيتي السبيه
واليصب دمعه اجي وكت المنيه
واليصب لجل الحسين العبره
وعد احظر لو نزل في كبره
ذهب يوكع موتراب مايمر بيكم عذاب
وختمت الزهره العزه بحجايه
==========
الناعي والرادود من يقره اسمعه
اني انعه اعل الذبيح وهو ينعه
الله يجزي الشاعر بجلماته دمعه
لليضدكم هالشعائر والله صفعه
ناعي والرادود يبجي وشاعر
من اشوفنكم يطيب الخاطر
مطر نازل من سحاب. مايمر بيكم عذاب
وختمت الزهره العزاء بحجايه
==========
مدرسه عدكم صفت هاي المجالس
منهو يخدم أكثر وعدكم تنافس
ياللي قدوتكم صبح بجونه عابس
والادين تصير جنحان النوارس
واللطم صدره بعشك يدّرَس
هذا بالمحشر بياض النورس
مسجل دموعه بكتاب. مايمر بيكم عذاب
وختمت الزهره العزاء بحجايه
==========
الشاعر علي النائلي
مولاتي زينب تخاطب مولاي الإمام الحسن المجتبى عليهم السلام
مره بطشت مره برمح. عشت العمر جرح بجرح
مره الحسن مره حسين مره بسبي اني انذبح
==========
گلبي انفطر من الألم كد مايصيبه
كبالك يخويه اوكف أهل دمع المصيبه
من هسه اگللك تره زينب غريبه
وگلبي يبو محمد فلا يگطع نحيبه
يبدي الجرح اول صَفر. هسه جبد باجر نحر
شينشف ادموع العين مره بسبي اني انذبح
==========
جبدك اشوفنه واصد حالك تغير
ذبلان ياوجه الشمس جن وجهك اصفر
شحال الذي جبده برمح خويه تطشر
شحال الگلب شاف الاخو بالدم تعثر
سَم وعطش وي ارماح يم الاخو جم ذباح
حيدر اجيبنه امنين. مره بسبي اني انذبح
==========
خويه الطشت هذا شكثر يحمل اذيه
بيه الجبد هسه اصد واجروحه بيه
لكن يبومحمد بعد طشت المنيه
بذاك الطشت راس الاخو وموتت رقيه
ذاك الطشت بيه الراس. وطفله وبلايا أنفاس
وبحالي شمسوي البين مره بسبي اني انذبح
==========
فكدك سباني وهيست گلبي لجمني
بذاك السبي هم تدري جم سوط اليطگني
حاظر تمنيتك يبو محمد تفكني
مجتوفه اختك عالهزل والسابي سبني
أصعب جرح طبت السوك تميل وهزيله هالنوگ
مو مره ميته ومرتين مره بسبي اني انذبح
==========
عمري انگضه بالهم تره وبحسره وآلام
من حرگت اگليبي عليك لحرك الاخيام
من كربله جان الجرح والاكلف الشام
يمته الجفن هايالحسن يرتاح وينام
صار العمر ماينراد. بگلبي الألم هاج وزاد
نار السبي تشب نارين مره بسبي اني انذبح
==========
الشاعر علي النائلي
ماتت رقيه وشبكت الراس
ياعمه زينب كطعت انفاس
==========
شبكت ابويه وماتت عليه
مذبوح ابوها الطفله تدريه
من ونها حته الصخر تاذيه
گلب البراءه بونها حسّاسّ
==========
كد التعب من رادت تنام
زاد المصاب بنوم الآلام
شافت ابوها بذيج الاحلام
ويلزم اديها بلهفه واحساس
==========
كالتله بويه بحالك شصار
وليش بجبهتك باقيه اثار
دم يجري هذا امجان الاحجار
بحالك يبويه شسوت الناس
==========
من سفرتك گالتله لليوم
وداعت اعيونك ماشفت نوم
مثل النحر هم گلبي ملجوم
فراكك يبويه ايذبل الياس
==========
تعبني والله خلافك النوح
وبعدك يبويه مابقت روح
عالرمح راسك وانت مذبوح
ومذبوح اشوفن عمي عباس
==========
جان الوعد ملگاها بالموت
ولني بخرابه واسمع الصوت
جهزوا لرقيه اليوم تابوت
لاجمني گلبي يعرف وحاس
==========
الشاعر علي النائلي
اباب الساعه زينب حايره هواي
ويعاين عليها الراح والجاي
تصد اعل الضعينه بشماته هالمدينه
==========
الساعه تنعد اعل زينب جانت إبعام
واقسه ضيم المر عليها كله بالشام
والشماته اتصد عليها عيون بسهام
إحتارت ابين الثكاله وبين الايتام
منّ اتشوف اخوها اعل الرمح راس
الحك جنها صاحت خويه عباس
وحبال ابإدينه. بشماته هالمدينه
==========
عليها مشبوحه العقيله ذيج الانظار
والبديها احبال بيمن تشكف احجار
راس ابو فاضل عليها برمحه يندار
ميسره ومسبيه بيها شصار ماصار
وعلي لغربيتها زينب تبجي العيون
من ذيج السياط مزوركه امتون
تكول ابلا ولينه بشماته هالمدينه
==========
سوك والوادم شماته ابطبت السوك
وعلئ زينب تبجي حسره كامت النوك
من الحجي ذاك التسمعه الگلب محروك
والسبي لزينب يعالم والله ميلوگ
من حجيّ الشماته الهدم الحيل
ماغمض جفنها ونامت الليل
وإتصيح اشلگينه بشماته هالمدينه
==========
الكلفه زينب عالهزل وتعاين الناس
اكلف إمصاب العليها ايشيب الراس
بالحبل مجتوفه صارت حته الانفاس
مصابها مااظن مصاب بمثله ينقاس
من عافت أهلها بذيج الاطفوف
بهاي الساعه زينب فكدت الشوف
الگلب عالي ونينه بشماته هالمدينه
==========
الشام عيد وبس فرح ويدك طبلها
وزينب اعل ارماح ظلت روس اهلها
علي وين الشده هايه وخل يحلها
زينب بديرة غرب محد وصلها
بيمن تنتخي ومذبحه الكوم
وأشرار الخلايق يمها وتحوم
على يالماتجينه بشماته هالمدينه
==========
الشاعر علي النائلي
بشر بشر للكمر مشايه
أثر أثر بالسمه ترف رايه
==========
الناس تكصد للكمر بالمركبات
واحنه نتعنه الكمر نزحف حُفات
بالعقيده راسخ الحب والثبات
واحنه رمز المفخره والتضحيات
نهر. نهر. ابد ماجف مايه
أثر أثر. بالسمه ترف رايه
==========
ترف رايات الكمر فوك السمه
وكفه وحده الخدم كلها امحزمه
وادم اعل التعب حيل معلمه
وهالعشك ياناس محد يفهمه
دهر. دهر. مايفسر الايه
أثر. أثر. بالسمه ترف رايه
==========
مشي متعنيه اجت كلها الدول
والكمر يم الكمر زاير نزل
والله هنياله الذي بصحنه انقبل
زاير ايسجله ابن خير العمل
حظر. حظر. للكفيل الغايه
أثر. أثر. بالسمه ترف رايه
==========
العجايب سبعه هالعالم تشوف
والعجايب كلها صارت بالطفوف
بقعه محدوده إوحوت كل الالوف
كعبه صارت والبشر بيها تطوف
فخر. فخر. معجزات هوايه
أثر. أثر. بالسمه ترف رايه
==========
والكواكب كلها متعنيه وتزور
والأرض وكفت فلا تمشي وتدور
معجزه وظلت علئ مر الدهور
كربلاء للعالم اتشع وتنور
كمر. كمر. كربلاء إمرايه
أثر أثر بالسمه ترف رايه
==========
الشاعر علي النائلي
https://youtu.be/zA4MSwgFNCI?si=DPYVoRyX0Q3RrFve
Читать полностью…
للعليل اليوم صوت النايحه
والفروض عليه تقره الفاتحه
==========
الفروض الخمسه حست بالبُعد
والنوافل تبجي وتعزي الحمد
السجده صاحت وين رايح مبتعد
فگدك لركن الفرائض جارحه
==========
الليل نافلته طِلع منها الونين
وراح من عدها اليأديها بيقين
راح اليسموه سيد الساجدين
والصلاه سمعت دعائه البارحه
==========
عليها ماهان البُعد تبجي الشفع
والوتر بأخر فرض تجري الدمع
بعد آذانه علي ماينسمع
وجانت لآذانه كلش شابحه
==========
والمناجاة العشر والخامسه
حست يحل الظلام بهل مسه
نوره غاب اليوم ابن خير النسه
والضوه بفكد العليل شذابحه
==========
والتصدق صاح ويه البسمله
راح عالي الشان عالي المنزله
راح من عايش مصايب كربله
وروحه يم المنذبح جن رايحه
==========
المصحف واياته حزنت والسور
والصحيفه ونها يكسر بالحجر
انثلم ركن الدين بمصابه انفطر
والسمه دمعتها بانت سايحه
==========
أنبياء الله تون لجل العليل
آدم ونوح وبجه اليوم الخليل
وابو الزهره انفطر من عنده الدليل
وبالسماء اليوم صارت صايحه
==========
الشاعر علي النائلي
https://youtu.be/HK209TpTC8c?si=Dyo1NSaZiM9zag3m
Читать полностью…
وعندما رجع مولاي زين العابدين عليه السلام
من دفن الأجساد الطاهره وكأني بمولاتي زينب
تسأله عن حال الامام الحسين عليه السلام
عمه حاچيني دفنته؟ بنعش لوبيمن حملته
عمه حاچيني يعمه. بيمن الوالد تلمه
عمه حاجيني دفنته
==========
راجع ومحني برجوعك. عمه شو لازم ضلوعك
من دمه نزلت دموعك. بهل الرزيه
ادري بالحاله رهيبه. دفنت الوالد مصيبه
كتله زينبكم غريبه؟ وهم سبيه
بيا وضع عمه لگيته دمه بعيونه ولحيته
نايم الحلوه مشيته بهل مسيه
خنصره وخاتم يمينه. شفته هم مسلبينه؟
صبعه هم امرجعينه ؟ جبته اليه؟
علي سولفلي شجرالك عمه وشصار عله حالك
حيل مشتاگه اشمه. بيمن الوالد تلمه
==========
من الطعن شكله تغير. عمه هم بالك تحير ؟
كل جرح الله أكبر. اسمع صياح
عمه جم اصواب شفته. حيل ضربوه اعله شفته ؟؟
شلون ياعمه حملته احملته لوطاح
جسمه شيجمعه شيرده داست الخيل اعل خده
وصل حافرهن لجبده وي الارماح
بالحوافر جسمه لازگ صدره وي امتونه طابگ
الگبل لحضان اخته شابگ بالترب راح
عمه وظلوعه طحنهن الحافر بثكله كسرهن
غيرن ياعمه جسمه. بيمن الوالد تلمه
==========
بكل كتر طعنه وجراحه صلن بجسمه رماحه
بالذبح ماشاف راحه شفته تعبان
بالشمس جسمه التغير والعطش لشفافه فَطّر
حالك لحاله تحير جان عطشان
ياجرح ضمدته بيدك تحجي ياعمه اريدك
وي الابو دافن عضيدك وانت ذبلان
ادفنت عبدالله اعل صدره؟ موسد وليده وي كبره
هم كطع دم مجره نحره لويصب جان
عمه سولفلي عليهن جروحه هم تسمع حجيهن
بكل كتر متبدي دمه بيمن الوالد تلمه
==========
بعد سولفلي اعله صدره. بقصته يوليدي ادره
نحره ماباقيله نحره يبني مگطوع
عمه شنهو البي تغير. طوله يمكن صاير اكصر لان كطعوا منه منحر. راسه مرفوع
حافر بخاصرته دايس. بلا رحم ياعمه رافس رمل موش اهدومه لابس راجع تلوع
الخيل من سحكتله صدره جابت ظلوعه اعله نحره
صدر طبكنه اعله ظهره وتجري الادموع
اتكسرن كلهن عظامه. مايرد ليه بسلامه
همي يكبر ويه همه. بيمن الوالد تلمه
=========
روحك شحست يعمه من كعدت اشويه يمه
خلصت اعظامه ويه دمه عمه وشصار
بفترت اشكد لملميته گلبه بظلوعه لگيته ؟؟
تحَيَرَت حته منيته بجسمه اثار
أثر سيف وأثر نبله حاير الوالد تقبله
بالكبر لمن تنزله علي تحتار
راسه ماكو وماكو خده عله نحر من توسده
تلجمه عمه وهاي شِدّه والترب حار
والكبر يلجم جروحه. روحي طلعت ويه روحه
منهو اللي يوديني يمه. يبمن الوالد تلمه
==========
الشاعر علي النائلي
طبينه للكوفه عالناكه مجتوفه
لمن خذوني شكد تعبوني
عالناكه مجتوفه
==========
من كربله للكوفه مسراها السبايه
يمشي الضعن وبصفه تتمشه المنايه
فوك الهزل مجتوفه اشوفن ايه ايه
وصَلَّت بجرح النوايب هالرزايه
للكوفه مسرانه بأيتامي حيرانه
اهلي الجفوني. اشكد تعبوني
عالناكه مجتوفه
==========
زينب انا وحيرة گلب ظل ينزف جروح
عفت الحسين بكربله ياويلي مذبوح
فوك الهزل اني جسد وبكربله الروح
بله شبعد ينفع بجي وشينفع النوح
لحسيني مشتاكه متعبني يفراكه
يعمن عِيوني شكد تعبوني
عالناكه مجتوفه
==========
بعد ماشفت الذبح وبكربله إصياح
روس اخوتي وياي هاي وفوك الارماح
بينه من هالفاجعه ماظلت ارواح
والتموت احبابه بس بموته يرتاح
واليجرح احساسي مذبوحه انفاسي
من شتموني شكد تعبوني
عالناكه مجتوفه
==========
لديرة هلي الجانت قبل طبينه گوّهَ
بدار الاهل مريت انا وگلبي تجوه
حن الگلب عطر اليحب شمه وتروه
من حسرته ينبض الم مال وتلَّوه
من حسرتي ونوحي. ماتخلص جروحي
بلوه بلوني شكد تعبوني
عالناكه مجتوفه
=========
ناس الشماته بكل كتر مزروعه العيون
بله هاي بيا وكت لزينب ينظرون
هاي السبيه بت على اسمع يكولون
لاموحجي بالسوگ ويلي سهام يرمون
بالكوفه محتاره ودموعي تتجاره
ميته لكوني شكد تعبوني
عالناكه مجتوفه
==========
الشاعر علي النائلي
https://youtu.be/yBgvCwGUgio?si=_oJd2BF3rHb8HG6H
Читать полностью…
https://youtu.be/CS5uy0tABIY?si=GLPLixoLngSUt49D
Читать полностью…