الناشر احمد الفاطمي

26 October 2026 22:41

اريد انخاك يبن المايرد الناس
يالشابع عطش لاجن توزع حساس
احلفك ياحُسين بغيرت العباس

بهاي ذنوبي تتقبلني يا مولاي
،،،،،،،،،،،،،،،،،،،،،،،،،،،،،،،،،،،،،،،،
يالمعلمني احبك وانه احبك دوم
يا اول جرح بحساسي ضل مرسوم
يالمضحي بطفل من العمر مفطوم

ومضحي بخيم حسره عليها الماي
،،،،،،،،،،،،،،،،،،،،،،،،،،،،،،،،،،،،،،،،،
اضلم عمري بس الخدمة مصباحه
وبس وياك احسن بالتعب راحه
طير انه وخدمتك صارت جناحه

تدري هواي احبك واكثر من هواي
،،،،،،،،،،،،،،،،،،،،،،،،،،،،،،،،،،،،،،،،،،
يالشابع طعن ومفرهده هدومك
وصحاري الغاضريه مغيره رسومك
انسه ايامي كلها والطم اليومك

عايش ياحبيبي انه برحمتك هاي
،،،،،،،،،،،،،،،،،،،،،،،،،،،،،،،،،،،،،،،،،
ما انسى الخيم والغربه والعاشر
ومن فوگ المهر لمن طحت حاير
صدرك رحمة الله وداسك الحافر

واختك عالهزيله اتريد خوه وراي

ابوفايز الرافضي

الناشر احمد الفاطمي

25 October 2026 22:52

من الارشيف….
.
قصيدة... مات الضلع...  متعددة الأوزان
.
................والمستهل ...........
.
مات الضلع بالعصره..
.خدي انذبح بالسطره
               ظل گلبي ملهوف
يالمرتضى لاتنعى .
اگطع نزيف الدمعه
               فكر بالطفوف
وداعاً    ...  وداعاً يا علي
.
ـــــــــــــــــ ❁ ❁ ❁ ـــــــــــــــــ
.
عود الورد مني ذبل ..
ذبحوني قربان الهُبل
اهل السقيفه ابلا وجل .... ولوني
.
طبع الاصابع والاثر ..
يروي الك ذبح النظر
يالمرتضى برفس الظهر...... سِبوني
.
بضلوعي بسمار انغرس
                  ظل يگطع انفاسي
كل شهگه چن حافر فرس
                   تسحگ أعز ناسي
مسبيه صرت ابحضرتك
                    تنظرني حراسي
ياروحي امسح دمعتك
                 لا تجرح احساسي
لا تجرح احساسي
.
بس هالمسيه وينگطع حبل الوصيه
فكر يروح المصطفى بالغاضريه.  .. بالغاضريه
.
يل بلترب تدفني..
لا تترك حسين ابني.
             .ايظل بلا اخوان
عمرك گصير وتدري .
          لتخلي وردة خدري ..
تهظمها الاحزان
ونيني .   عليهم يعتلي
.
ـــــــــــــــــ ❁ ❁ ❁ ـــــــــــــــــ
.
هاي الأمانه ابرگّبتك ..
إنشد يحيدر أخوتك
عن حره تكفل عترتك... أبيّه
.
ذاخر الك رب السمه ..
زوجه عظيمة وعالمه
حره واسمها فاطمه.... وفيّه
.
وكت الغروب ابعتبتي
                   الشمعه تشعلها
سبعه المثاني الغربتي
                     تنعى وترتلها
حوريه من جنة عدن
                     الباري أنزلها
تصبر على مُر المحن
                 حره وتعد الها
حره وتعد الها
.
أم البنين  الطاهره الله اصطفاها
هاي التي نذرت الي منزف دماها
منزف دماها
.
الگبري من تجيني
بماي الورد ترويني
             تندبني وتنوح
يالزهره لترديني
        اربع ولد انطيني
بلسم للجروح
.
همومي...بذكرها تنجلي
.
ـــــــــــــــــ ❁ ❁ ❁ ـــــــــــــــــ
.
راح ابقى اندب بالگبر ..
وسط اللحد دمعي يدر
للباري الهج وانتظر .... يالنوماس
.
موعوده من واحد أحد ..
اسمع خبر شبل الاسد
يالزهره هاليوم انولد ... العباس
.
من يبتسم وسط المهد
                  آنه الي ناغيته
من يگطع اگماطه ويشد
                    يعني تنخيته
بعيونه لو هل دمعته
               بحسيني وصيته
يعني أمه هيه الولدته
                 وآنه الي ربيته
.وآنه الي ربيته.
.
أبو الفضل من ينولد انت تشوفه
قبلي عينه ياعلي وقبل چفوفه
.قبل چفوفه
.
هذا البطل انتظره.
ياخذلي ثار العصره
                  بيمينه بتار
اهداني ربي الردته
نشمي أيتكفل أخته
           واخوانه ابرار
ندائه... يگاعي زلزلي
.
ـــــــــــــــــ ❁ ❁ ❁ ـــــــــــــــــ
.
أم البنين املوعه..
تجمع ولدها الاربعه..
المدمع بخدها نعه.....يشجعان
.
احفظو يمه اوصيّتي ...
البضعه جمّرة دمعّتي
هاليوم اشدّن شيلتي .. للميدان
.
يمه يشيال اللوه.
          من فــدوه لسنينك
يايمه لاتشتم هوه
             يم رية احسينك
اشبع عطش لاترتوي
            عيش ابميادينك
ثابت تظل ماتلتوي
           لو صوبوا عينك
لو صوبوا عينك.
.
علة وجودي وهيبتي يمه الزچيه
خلوني بيكم افتخر يوم المنيه ..
يوم المنيه
.
نعم الذكر ذكرها
اعظم خدر خدرها
حره اوديعه
يوم الحشر والمحنه
يمه تلمنه كلنه
هيه الشفيعه
.
يقيني....وجودي الأولي
.
ـــــــــــــــــ ❁ ❁ ❁ ـــــــــــــــــ
.
مذبوحه عمري 18 
دمي على العتبه انفرش
چن زينب ابليل 11   .. سبيه
.
لو انته بالهامه انصبت
الچبده تنظرها ابطشت..
يعني يحيدر اعلنت ...منيه
.
انظرها وانظر عتبتي
               واتخايل اخيامي
بدمعتها انظر عترتي
              وامراكض ايتامي
يم بابي ما اذرف دمع
             لو الها ظل حامي
ماينكسر منها الضلع
            من تندب الظامي
من تندب الظامي
.
الفضه ما اندب أبد لو عندي خوان
كثر ولد زينب تره وراها عدوان
وراها عدوان
.
ترباتي فاهم درسه
خيط الخدر يحرسه
لو دمه مدرار
يعني الشمر انظره
اينادي طلعوا الزهره
وحدها بالدار
.
سلامي.   .. الى اكرم ولي
.
ـــــــــــــــــ ❁ ❁ ❁ ـــــــــــــــــ
.
انطيني ايدك ياعلي ..
خلني اعله چفك انتچي
مطلب الي عندي وحچي ... اسمعه
.
ماتنسى ردتك كربله ..
يوم السبي والعايله
غربة شبابي بالفله .. ارد انعه
.
ارد اندب وانعى وأون
               هاليــــله من داري
وي دمعتك يابو الحسن
                ارد ارتجي الباري
انظر ظهور المنتظر
              لجل الدمه الجاري
والشيعه بسمه تنتصر
               من تطلب ابثاري
من تطلب ابثاري
.
كل يوم اشوفن شيعتي وسط المجالس
صارت يحيدر دمعتي الهم مدارس
الهم مدارس
.
هذا الكلام الگلته
بچف يمنتك دونته
هاليله تذكار
ابمصحفي اذكره
ذخر لختام العتره
كل كلمه اسرار
.
وفاتي....هاليله تبتدي
.
.تمت ... بفضل ربي وعطاء اهل البيت عليهم السلام
.
.

حسن الموالي الفاطمي
..


.
2018/2/5
.
الاوزان .
حدي تام +ميمر+ المنسجم+ الفائزي

الناشر احمد الفاطمي

25 October 2026 22:52

.#الليالي#الفاطمية
مجزوء الرمل....
​اللَّهُمَّ الْعَنْ مَنْ أَغْضَبَ فَاطِمَةَ
. ــــــــــ ❁ ❁ ❁ ـــــــــ
.
​فَاطِمٌ مِشْكَاةُ نُورِكْ
             وَحْيُكَ فِيهَا تَمَجَّدْ
​عُصِمَتْ تَحْتَ الْكِسَاءِ
              بَيْنَ كَفَّيْ مُحَمَّدْ
​تَغْضَبُ يَا رَبُ لَمَّا
           تَشْعُرُ الْعَدْلَ مُهَدَّدْ
​وَلِذَا كَانَ رِضَاكَا
            بِرَضَاها يَتَجَدَّدْ
.
​اللهم اجعلها بالنـــصر غانـمه
اللهم العن من اغضب فاطمه
.
ــــــــــ ❁ ❁ ❁ ـــــــــ
.
​كَانَ مَسْمُومًا أَبُوهَا
      وَلَهُ الأصحابُ تَنْظُرْ
​قَالَ هَلْ لِي بِدَوَاةٍ
          وَبِهَا لِلْحَقِّ أَنْصُرْ
​مَارِقَ الْقَوْمِ تمادى
     قَالَ إنَّ الْهَادِيَ يَهْجُرْ
​فَنفَرَى جُرْحَ الْبَتُولِ
       ودمُ العينينِ يمطُر
.
​اللَّهُمَّ اصْـــفَعْهُ بَرِيــحٍ مُظْـلِمَهْ
اللَّهُمَّ الْعَنْ مَنْ أَغْضَبَ فَاطِمَهْ
.
ــــــــــ ❁ ❁ ❁ ـــــــــ
.
​فَدَكٌ كَانَتْ هَدِيَّهْ
            تَغْرِسُ فِيهَا سَّلَامَا
​تُطْعِمُ الزَّهْرَاءُ مِنْهَا
             كُلَّ أَفْوَاهِ الْيَتَامَى
​غَصَبُوهَا ثُمَّ قَالُوا
             حُكْمُنَا فِيهَا لِزَامَا
​فالنَّبِيُّ لاَ يُوَرِّثْ
           فلذا كُفي الكَلَامَا

.
​اللَّهُمَّ ازْجُــرْهُـــمْ بِنَـارٍ حَاطِمَهْ
اللَّهُمَّ الْعَنْ مَنْ أَغْضَبَ فَاطِمَهْ
.
ــــــــــ ❁ ❁ ❁ ـــــــــ
.
. ​أَيْنَ مِيثَاقُ الْغَدِيرِ
               حِينَ بَايَعْتُمْ أَمِيرَا
​كَيْفَ أَمْسَى العَهْدُ زَيْفاً
       كَيْفَ أَضحى الأَمْرُ زُورَا
​جَفَّتِ الأَفْوَاهُ نَكْثاً
             لَمْ تَرَوْا لِلْحَقِّ نُورَا
​وَاحْتَطَبْتُمْ لِلْنقيه
           كَيْ تُذِقُوهَا سَعِيرَا
.
اللهم اسجنهم بارضٍ مضرمه
اللَّهُمَّ الْعَنْ مَنْ أَغْضَبَ فَاطِمَهْ

. ــــــــــ ❁ ❁ ❁ ـــــــــ

​أَضْرَمُوا النَّارَ وَلاذَتْ
           خَلْفَ بَابِ الأَنْبِيَاءِ
​مَارِقُ القَوْمِ تَعَدَّى
          يَعْصِرُ قَلْبَ السَّمَاءِ
​دَفَعَ البَابَ وَهَشَّمْ
          ضِلْعَ أُمِّ الأَوْصِيَاءِ
​ثُمَّ زَادَ العَصْرَ حَتَّى
         نَبَعَتْ عَيْنُ الدِّمَاءِ
.
​اللَّهُمَّ اســحقهُ  بِنَـــابٍ قاضمه
اللَّهُمَّ الْعَنْ مَنْ أَغْضَبَ فَاطِمَهْ

. ــــــــــ ❁ ❁ ❁ ـــــــــ
.
​
​يَبْدُو حقدَ القومِ فيهم
           لم ينل حدا التمامِ
لَيْسَ كَسْرُ الضَّلْعِ يَكْفِي
             بَلْ وَلا هَامَ الامامِ
قَطَّعُوا  لِلسِّبْطِ كَبْداً
        وَعَلَى النَّعْشِ سِّهَامِ
ثُمَّ ذبحٌ بِالطُّفُوفِ
      ثم رُضَّ للعِظَامِ

​اللَّهُمَّ افْضَحْهُمْ يَوْمَ المَحَاكَمَهْ
اللَّهُمَّ الْعَنْ مَنْ أَغْضَبَ فَاطِمَهْ
.
حسن الموالي الفاطمي


.

الناشر احمد الفاطمي

25 October 2026 22:52

السمه المن هلت ابدمعاتهه
ياهي منه الماتت بحسراتهه
انه خيمه وانتي باب
ثنينه نفس المصاب
...............................................
من المدينه الكربله نفس الجريمــــــــــه
الحرك بابج هم حرك من عندي خيمه
انه يمه يتمه وانتي هم يتيمــــــــــه
والفرق مالج خوات وماكو هيمـــــــه

والله هل موقف صعب
تراكضن بين الغرب
وبيهن المحد سمع جلماتهه
السمه المن هلت بدمعاتهه
..........................................................
راح سوالف والدمع عالخد تحسر
جرح واحد منه يل حالج تغـيــــــر
اكبالي ضلعج انه ادري من تكســـر
ضلوعي كلهه ولاشفت يايمه منحر

حسين وجه الله السمح
اكبال عيني ينذبح
والشماته جن سهم نضراتهه
السمه المن هلت بدمعاتهه

...............................................
عليه من طر الفجر هاي الصيبه
ماكو زينب كلها صاحتلي الغريبه
المثلي يايمه فلا يبطل نحيبه
راح خدري وصرت مچتوفه وسليبه

جفوفي شدوهه بحبل
وركبونه عله الهزل
كربله يمه شكثر شوغاتهه
السمه المن هلت بدمعاتهه
0000000000000000000
انسطر خدج ولاكن ما سبوچ
وفوگ الهزله ييمه ماخذوچ
ولامجلس بالطشت عاينتي اخوچ
وللخوارج يمه ابد ما نســــبوچ

من القهر كًمت احتضر
لاكفيل ولاخدر
المثلي مسبيه شكثر شماتهه
السمه المن هلت بدمعاتهه
ءءءءءءءءءءءءءءءءءء
بين اهلج من دنت ليـــــــج المنيه
علي حاضر والحسن وحسين اخيه
اه وجم اه لو تــــــدرين بيه
ميته واسمعهــــــم ينادوني السبيه

عذبوني بدنيتي
وانهظمت بموتتي
هاي زينب واشكثر لوعاتهه
السمه المن هلت بدمعاتهه

خادم اهل البيت ع فلاح طالب الماجدي

الناشر احمد الفاطمي

25 October 2026 22:52

أللهم ألعن // قتلت فاطمه
أللهم ألعن // قتلت فاطمه
/////////////////////////////_////////////////////
=١
إلك مرفوعه الأيادي يا مجيب
ألعن الكاسر ضلع بنت الحبيب
ربنه لا ترحم بعيد ولا قريب

رضا ابحركَـ الباب واسقاط الجنين
//////////////////////////////
==٢
إلك مرفوعه الأيادي يا سميع
الضيع ابحق الزجيه خل يضيع
ولا تخلي بالحشر ليه كل شفيع

حطب لجهنم اجعله ابن اللعين
/////////////////////////////
===٣
إلك مرفوعه الأيادي ياعطوف
ونرجو منك ما ترد هاي الجفوف
خلي حوبة فاطمه الظالم يشوف

والرضا بفعله يطب وياه سجين
////////////////////////
====٤
إلك مرفوعه الأيادي يا ودود
اتسود اوجوه الي خانو بالوعود
الكسرو ابخاطر الزهره ام الوجود

وعينهه سطروهه كَـدام الحسين
////////////////////////////////
=====٥
إلك مرفوعه الأيادي يا بصير
ابنارك اتحركَـه الحركَـ بيت الأمير
هوه وَلي اتنصب عليهم جبير

تحت ظل ذيج السقيفه يا معين
////////////////////////////////
======٦
الك مرفوعه الايادي يا صبور
اتعجل اليوسف الزهره بالظهور
يملي هاي الأرض عدل ويمحي جور

كل وجه شيطان خافيته السنين
_________
✍️🏻 كلمات #موسى_الخادم

الناشر احمد الفاطمي

25 October 2026 22:52

الليالي الفاطميه
قصيده ..گعديه.. 
.
هاذي حالت أمي ياناس
تختنگ ابشهگ الانفاس
راح اختصر وضعها..
           ينزف دمه دمعها
امي الحنونه

ـــــــــــــــــ ❁ ❁ ❁ ـــــــــــــــــ

كل فجر لوطر علينه
          الشمس يظلم ظواهه
لأن أمي ابخدها لطمه
            والهظم ولّيه ولاهه
عالوجه دمعتها تنعى
         أمي والونّه ابدماهه
چن 100 موش 18
عمر أمي وتنام ابنعش
غصن الورد دمه انفرش..
                بلسم وضايع دواهه
.
ويه كل شهگات الدموع
نستمع صرخات الضلوع
من انكسر ضلعها.. ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

هايشيعه  آنه زينب 
  خدي  من  الدمعه  شابع
فتحت عيني اعله حزني
        وبهظم جرحي اتابع
ياخلگ خد أمي شفته
      بي طبع خمسة اصابع
شوغة المها تنسمع
من تسجد أيطگ الضلع
نزف الدمه من ينجمع ..
           يطفح ابخدها منابع
.
ياألم ياعبره يانوح ..
كل نفس من عدها مجروح
گصده الذي صفعها ..
       ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

آنه كل هظمي وجروحي
           تبدي وي أمي الزچيه
بالحزن اسمعها تهمس
           توصي حماي الحميه
ياعلي محسن ادفنه
        وخفي گبره ابهالمسيه
راح ابني بيت الدمعتي
اذرف جروحي وعبرتي
من گبره تبدي غربتي..
       حد ما يحل يوم المنيه
.
أمي شوصف منها ياحال
كل مصيبه اتهد الاجبال
فگد الولد فجعها .
     . ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

نامت أعيون الحياره
            وآنه فزت نايباتي
أمي گالت يُمه زينب
     هالفجر تخلص حياتي
حسين ما أگدر أشمه
    حضنه صارمن امنياتي
بلطف اذا حل الخطر
يايمه شميلي النحر
لوحافر ابصدره استقر..
       يبدي سبيچ وي بناتي
.
يمه تطفى جمرت البين
من اقبل صدر الحسين
كسر الضلع منعها .
      . ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

يُمه من چتفوا كفيلي
          وآنه يم بابي صريعه
عيني نظرت عد كفيلچ
     چن هوا بجرف الشريعه
يفگد حسين ابطفوفه
    شبله وانصاره ورضيعه
يبدي السبي بالعايله
تنشد اديچ ابسنسله
انتي وعليل ابكربله.
    . ويذبل الورد ابربيعه
.
من كفيلچ قبلي الچفوف
بالولاده ويوم الطفوف
لچفوفه اولگطعها ..
          ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

يالعقيله لا يهمچ
     هظمي ودموع احتظاري
ينولد من ولدي قائم
      ينهض وياخذلي ثاري
شمايطول ابغيابه
           لابد ايرد الدياري
يحيي الشرائع والسنن
يگطع لسن اهل الفتن
والي نطق كلمة وأن ..
     أيصلبه ويطفيلي ناري
.
هذا حال امي وأمرها..
  هم تتاني منتظرها
غايب لچن سمعها..
        ينزف دمه دمعها
أمي الحنونه
.
.
نسألكم الدعاء
.
حسن الموالي الفاطمي
.
.

الناشر احمد الفاطمي

25 October 2026 22:52

حين اعرفت منها الضلع مكسور
معذور اذا عفت الغسل معذور
يابا الحسن

ــــــــــــــــــــــــــــــــــــــــ

غسلتها ياعلي ابدمع اليدر
غسلتها ومرت ايدك علكسر
غسلتها وانگطع حبل الصبر

معذور اذا عفت الغسل يابو الحميه
ما تدري چنت امكسره اضلوع الزچيه
معناها چانت من تون بالسكته هيه

حزنك محالاً تحتويه اسطور
معذور اذا عفت الغسل معذور
يابا الحسن

ــــــــــــــــــــــــــــــــــــــــ

چفنتها من بعد ما غسلت
چفنتها ومتن ازرگ عاينت
چفنتها وروحك اتحس چفنت

وحين اللي لحسين وحسن طاحو عليها
حنّت وُ أنّت فاطمه ومدّت اديها
ياحيدر وفوگ الـــــصدر ضمت بنيها

للــمنظر البچه المَلَك والحور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

شيعتها ياعلي ومتنك هِدَل
شيعتها وكلشي بعيونك ذبل
شيعتها وگلبك ابنار اشتعل

الله اليعينك شفت اثر سطره اعله خدها
واعله المتن للسوط أثر باقي وزندها
لاما متت چي وصِّتك هيَّه ابولدها

ميت لچن عايش تظل مجبور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

أمَّنتها بـ اللحد بس يا وضع
أمَّنتها وگتله بلسان الدمع
أمَّنتها بالك اتجيس الضلع

يَـتراب أأمنك فاطمه الجهلو قدرها
بالك تجيس الطاهره وتلچم كسرها
لو بيدي چا درت العمر كله لعمرها

مَـ اطّـفّـي نارك ڪلمة الـ مأجور
معذور اذا عفت الغسل معذور
يابا الحسن

ـــــــــــــــــــــــــــــــــــــــ


ودعتها وعلگبر دمعك يصب
ودعتها گوّه لحضان الترب
ودعتها والصعب دارك تطب

دارك يبو حسين اصبحت ظلمه وكئيبه
تبعت حبيب الله ومشت بنته الحبيبه
اسود يظل ثوبك فرض لا مو عجيبه

من قلعتك طاح الحصن والسور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

فارگتها وروحك انترست حِزن
فارگتها طير وامضيع غصن
فارگتها ما نلومك لو تون

لاخر حياتك دمعتك علخد جريه
تنعه وتون آ يا كسر ضلع الزچيه
ريتك تصد علينسحگ بالأعوجيه

يلتعلم اليجري ابضهر عاشور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

سيد علي عبدالزهره الناجي

الناشر احمد الفاطمي

25 October 2026 22:52

عيت الحومة ودخـل ضاريها
وزينـب تگــــلـه هـلا بـراعيها...
**
شتدت ومامش شجاع بيومها
وزينب تگله هلا براعيها
وختلـط عي الركـض بغـيومها
وزينب تگله هلا براعيها
صـوفر وجـوه الزلم ورسومها
وزينب تگله هلا براعيها
༺༻
الكُل تحت امرة غده يمحيها
وزينـــب تگلـــه هلا براعيـها...
༺༻༺༻
حگ اخوه وجــازة حگ ارباته
وزينب تگله هلا براعيها
وبـ اليا حُسيـن تفننت صولاته
وزينب تگله هلا براعيها
وجيش اميه تشــلبك برايـاته
وزينب تگله هلا براعيها
༺༻
الروح لـ الخوة وگدر ينطيها
وزينـــب تگلـه هلا بـراعيها...
༺༺༻༻
صاح بيـهم والزلـم من خـوفها
وزينب تگله هلا براعيها
الزامطو من ساعة گام يشوفها
وزينب تگله هلا براعيها
شردو وترسـت الگاع سيوفها
وزينب تگله هلا براعيها
༺༻
ما يثني الضربه لو يخطيها
وزبنـب تگـله هلا بــراعيــها...
༺༺༻༻
كلشي حتى اسباعهم محتاره
وزينب تگله هلا براعيها
والكتـــايب شــردت بلا جاره
وزينب تگله هلا براعيها
والنـار يطلـع من لهـب بتاره
وزينب تگله هلا براعيها
༺༻
كلشـي يگدر هذا ابن داحيها
وزينــب تگـله هــلا بـراعيـها...
༺༺༻༻
فزت أبطال العرب من طولها
وزينب تگله هلا براعيها
من ردم روس الـزلم بخيولها
وزينب تگله هلا براعيها
ختنگ ريج الهوه بعي جولها
وزينب تگله هلا براعيها
༺༻
عركه والعـباس قائــد بيها
وزبنــب تگلـه هلا براعيها...
༺༺༻༻
أسم القصيدة... حگ ارباته
عبد ال محمد
منتظر خالد المنصوري

الناشر احمد الفاطمي

25 October 2026 22:52

السلام عليكِ يامولاتي يافاطمة الزهراء

ــــــــــــــــــــــ ١ ـــــــــــــــــــــ
يشرح التـاريــخ مكــــسـورة ضـــــلــع
وفـدك سلبـوها الصـــحابــه والـــربــع
رادوا الــدين الســـــمـــاوي يـنــگـطــع
= وظـاعت من اهل الخلافه الغيــره =
ــــــــــــــــــــــ ٢ ـــــــــــــــــــــ
هجـمــوا عله الدار والــدار احـــتــرگ
وعله الزهره الباب ياوســفه انـطـبــگ
يا مــصــبيه البيها مـــحـــتــاره الـخلگ
== هاي هظمه  عله الزجيه جـبـيره =
ــــــــــــــــــــــ ٣ ـــــــــــــــــــــ
من هو يگــدر يوصل لباب الشــــــرف
والنبي المختار يــمها أشكد وگــــــــف
بيت فاطم بــيتـي بالمــســجد هــتــف
== والــيــــحبــه يــرتــفع تــقـديــره =
ـــــــــــــــــــــــ ٤ ــــــــــــــــــــــ
اشلون ما طاحت عله الـــكاع السمه
بيوم كسرو ضـلع مـن عــــد فاطـمـه
شلون ضل ساكت علي حامي الحمه
== هـذا سـر مـن الصـعـب تـفـسيره =
ـــــــــــــــــــ ٥ ــــــــــــــــــــــــ
اشلون بنت المصطفى خدها انســطر
هـــاي عجبه وبــيــها محتار الـــدهــر
الهاجم عله الزهره بالــــباري كــفــــر
== نـــور الله فــــاطــمه وتـــــصويـره =
ـــــــــــــــــــــ ٦ ــــــــــــــــــــــ
اشلون ضل عـالبـاب دم  أم الـــحسن
وأثر حرگ الدار باقي ويــــه الــــزمــن
بلوعـة أيــام الحزيـــنـه مــــــن گـظـــن
== بـــيـاذنب هجموا أشـرار الــديــره =
ـــــــــــــــــــــــــــــــــــــــــــ

الشاعر : خالد جودي العارضي

الناشر احمد الفاطمي

25 October 2026 22:52

((حدر التراب))


نام بجروحك يگـــــــلبي مايجون
آنه بچفوفي الذي أمغمض العيون
نام يا گلبي بمصاب
فاطمه حدر التراب .. فاطمه ..

""""""""""""""""""""""""""""""""""""""""""""""""'''

يبست سواجينه ويبس جاري الماي
وشويه دمـــــعي ورايد عيون هواي
يــــاگلبي كــــافي لاتدگ موت وياي

فاطمه بيدي ادفنتها .. وروحي مدفونه
هـــوه ياحيل البقاله .. الــــدافن امتونه
ايدي اعله خاصرتي وأحن
شالت عــــزيزتنه ام حسن
وروحي مدفونه ..

حزنچ وشادهلي حالي بس دموع
آنــــه قـــالع باب خيبر گمت الوع
وشيبي ذابحلي الشباب
فـــاطمه حــــدر التراب .. فاطمه ..

""""""""""""""""""""""""""""""""""""""""""""""""'''

يافاطـمه العش احترگـ هل ونيت
يادهــري وشماخذ بعـد وشخليت
ماخذ ضواي وشمعتي وكل البيت

كون شبـــــــاچ بگبرها .. نعاين اعليها
كون بس الكون صعبه .. شمـا نخليها
اتمنى بس هـيچ امنيه
بس نضره من الزاچيه
نعاين اعليها ..

الماله (فَيّ) زحمه تگله بوكته حار
البيده ماي شـلون افهما وبيدي نار
العنده دمعه بروحه باب
فـــــاطمه حـــدر التراب .. فاطمه ..

""""""""""""""""""""""""""""""""""""""""""""""""'''

يـــابير اسولفلك دمــع لاتحتار
ادري بعذابك والجرح بيك ونار
يابير اعرفه الهاجم اعلينه الدار

ذاك يتمشه اعله طوله .. الحارگ ادياري
ذاك ذابحلي حيــــاتي .. وكاشف اسراري
والدمع بالفرگه تهل
ذاك المســبب للقتل
الحارگ ادياري ..

ياندم ياچف افركه مستحيل
مثل هذا ياحــسافه يغفه ليل
للزمن عـندي عتاب
فاطمه حدر التراب .. فاطمه ..

""""""""""""""""""""""""""""""""""""""""""""""""'''

نغمت دعائــــچ فارگتها من ايام
مو فقط ولدچ فاطمه كلنه ايتام
تمنيت آنــــــه وياچ ندخل للشام

ندخل بضـــعن السبايه .. واشهگ بدمعي
راح اصيحن اخ راسي .. وانتـي ياضلعي
ونتعنه يم باب القصر
ونغطي زينب مـن تمر
واشهگ بدمعي ..

وراح اگلها بويه اصبري آنه ابوچ
ولـــو بعيون الشماته راس اخوچ
هاي امــچ بالعذاب
فاطمه حدر التراب .. فاطمه ..

عبد زينب
محمد الابراهيمي

الناشر احمد الفاطمي

25 October 2026 22:52

الزهره سر الله ونهج قرآنه
وردة الله بيا ذنب ذبلانه
فاطمه.. يا فاطمه
---
أقرأ آيات الجلاله آيه آيه
تلگه فاطم بالبدايه والنهايه
هيه قرآن بوحدها للهدايه
هيه أكبر من نحددها بروايه
فاطمه روح النبي وريحانه
وردة الله بيا ذنب ذبلانه
فاطمه يا فاطمه
---
فاطمه أفضل نساء العالمين
من نسلها هالأئمه الطاهرين
الي ما والاها أكيداً ماله دين
كلمة الله هيه والحق المبين
يا شريكة حيدر بوجدانه
وردة الله بيا ذنب ذبلانه
فاطمه يا فاطمه
---
بعده بفراشه النبي وتآمروا
للوصيه مو قلمهم حضروا
بالحطبهم للوصيه قرروا
نحرگ الدار بأهلها تشاوروا
طه جازوه بحرگ بيبانه
وردة الله بيا ذنب ذبلانه
فاطمه يا فاطمه
---
طه وصّه بدينه گالوا مو هله
أهل بيته الدين همه إبْ أكمله
الزهره بنته والوحيده مدلله
والضربها بلايه غيره ومرجله
وبالحقد نفسه نذل مليانه
وردة الله بيا ذنب ذبلانه
فاطمه يا فاطمه
---
تگلهم آني بت نبيكم فاطمه
لجله خالقها الأرض وي السمه
والله عن كل أنبيائه مقدمه
بكل وقاحه هجموا ابلا رحمه
مو صحابه بل زمر خوانه
وردة الله بيا ذنب ذبلانه
---
ويلي بسمار بصدرها يستقِر
حتى محسن ما سلم هم ينعصِر
وينه حماي الحمه مجتف عذِر
والوصيه تگله صبرك يستمِر
روحه حيدر بالصبر هالكانه
وردة الله بيا ذنب ذبلانه
فاطمه يا فاطمه
---
أحمد فلاح البديري
تمت بعونه تعالى
07805371983

الناشر احمد الفاطمي

25 October 2026 22:52

بهيده من تشيل نعش الطاهره

خاف تاذيها الضلوع مكسره

&&&

بهيده من تشيل نعش ام الطهر

خاف تاذيها بضلع فاطـــــم كسر

ليش وصلت دارها اچفوف الغدر

ليش يم الباب فاطـــــم تنعصر
شفت يم الباب نار موجره

&&&&

بهيده هذا النعش لازم ينحمل

فاطمه من العصره طاحلها طفل

ليش وبأي ذنب محسن ينقتل

بعده أشهر والعمر مــــا يكتمل
شافت المحسن طريح اعله الثره

&&&&

خاف ياذي النعش ضلعج فاطمه

بهيده من تشيله يا حامي الحمه

فاطمه مــــن كـــــل كتــــر متألمه

ليش ضلعچ فاطمه ینزف دمه
بكسر ضلعچ ونفجع هم حیدره

&&&&

بالظلام تريــــد ساعات الدفن

يا علي بچفوفك تسد الجفن

فاطمه من الالم ضلت تــــون

يا علي من السوط ياذيها المتن
فاطمه قديسه لا مو اي مره

&&&&

تمشي لكن فاطمه محني الظهر

هي امان وليش چا يمها الخطر

هي من كثر الوجع خلصت سهر

يا علي ما تبقه بس حسبت شهر

يا علي وتشوف انت الي جره

&&&&

ضلع واحد يا علي وحيلك ركد

بخيلهم ومكسره ضلوع الولد

حسين وبلا ناصر وما يمها احد

والشمر فوگ الحسین انظر گعد
والشمر يا علي يگطع منحره

&&&&

علي جبار الكعبي

الفاتحه لوالدي

الناشر احمد الفاطمي

25 October 2026 22:52

شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون

اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل

كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي

عالي نوحي  .. ودعتهه ..  عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين

جاري  دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح

هذا حالي ..  من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم

الناشر احمد الفاطمي

25 October 2026 22:52

الامام الحسن ينعى امه الزهراء عليها السلام
ابيته اشضل الماتت امه
رغم البي بس تلكا ظلمه
موت الام يصعب ملكاه
ومو أي أم أمنه الزهراء
___
طول امي فْي وغاب
بشمس الهجم عل باب
زهرة محمد تنعصر الله اكبر
تدفع تحاول غير
حرمه شتريد تصير
عالباب مو زلمه وكف ثلثميه واكثر

الباب اشسوه. لاذت گوه
صاحت اه ابكثر الچمه
صعبه تطلع. من اليدفع
حيل الحرمه شجابه الزلمه

ماصّحت بيهم اي رحمه
ابيته اشضل الماتت امه
___
َمن گد ألمها تريد
تحمي نفسها بأيد
والأيد الاخرى لازمه حجاب وعبايه
بنت النبي گالت
كالو وأن ماتت
هجمو عليها وصيحو هاي النهايه

صوت الكسره. بذيج العصره
صحنا وياها اه اجروح
طاح ابدمه. من حضن امه
محسن صار اول مذبوح

ذنب الماصاير بس اسمه
ابيته اشضل الماتت امه
___
شوف الهظيمه شلون
اضلم عليها الكون
كسرو ضلعها ومارعو ذيج الوصيه
مو بس ضلع والله
ضربو متنها وياه
كالدملج الاسود صبح عضد الزجيه

عبّرو حدها. وسطرو خدها
شفنه اللوعه وهاي الغربه
ياهو اليگدر. لكن حيدر
موصى وهاي الحيره الصعبه

ماطلعت من عنده الكلمه
ابيته اشضل الماتت امه
___
مامر مثل هل يوم
واكف علي مهضوم
حِيله على هذا الجره مالزمت ايديه
رغم الجراح نشوف
اخذو علي مجتوف
رغم الألم بس فاطمه طلعت تحاميه

هاي الوسفه. قيدو چفه
حيدر صعبه ابچفه قيود
طلعت فاطم. يا هل عالم
يرجع حيدر لو ما عود

تگلب بيها الدنيا الأمه
ابيته اشضل الماتت امه
___
اللـهم عـجـل لـوليـك الفـرج

محسن الحمداني

الناشر احمد الفاطمي

25 October 2026 22:52

أُمنيه عد عباس ساعتهه
يگطع الجف الحرگ عتبتهه
يا بو فاضل /// يا زهراء
1📕
مو قصور ابعلي قالع خيبر
علي أكبر من جيوش وعسكر
بس وصيه الگيدت جف حيدر
وخلت اشباه الزلم تتبختر

لوما الوصيه / جا طشراهم / حيدر علي
لوما الوصيه / جا موتاهم / سيف الولي

البجفوفه خيبر من عِرگ عتهه
يگطع الجف الحرگ عتبتهه
يا بو فاضل /// يا زهراء
2📕📕

كافل الحره الكفوو تربيته
يشلع اعيون الگرب يم بيته
اشحال اذا لبوة علي ناخيته
اوهو ما ملزوم ابد بوصيته

الساتر الله / لو يمهه حاضر / جا طش رعب
الساتر الله / ميخلي كافر / ينبض گلب

لو عگدت الزهراء شيلتهه
يگطع الجف الحرگ عتبتهه

يا بو فاضل /// يا زهراء

3📕📕📕

اتخيل العباس ذيج الليله
حاضر وأم الحسن تشكيله
شنهو جا سوه الكفيل ادخيله
چا دفنهم على بابه ابحيله

سيد الشريعه / من راسه غيره / الحد الجدم
سيد الشريعه / بجفوفه اسيره / الحرگو خيم

صولاته كل الناس شافتهه
يگطع الجف الحرگ عتبتهه

يا بو فاضل /// يا زهراء
4📕📕📕📕

والله لو شاف الزجيه بعينه
تنضرب جا هد گبل جفينه
وصاح وينه الگابلاني وينه
الا اشطره اثنين وانهي اسنينه

راعي الكفاله / تذبح خزرته / مثل الفحل
راعي الكفاله / توجع ضربته / جنهه الأجل

قبضة يمينه محله سطرتهه
يگطع الجف الحرگ عتبتهه

يا بو فاضل /// يا زهراء

5📕📕📕📕📕

زلمه حيد ومن وصل لحدوده
يگلب الدنيه اويرد بزنوده
الهجمو اعله الدار لو بوجوده
چا وحق حيدر فِناهم زوده

ليث الحرايب / كلهه تهابه / عده وعدد
ليث الحرايب / ميسدّه بابه / وكت الشدد

لو فزعته الزهراء رادتهه
يگطع الجف الحرگ عتبتهه

يا بو فاضل /// يا زهراء
================
كلمات ✍️#موسى_الخادم

الناشر احمد الفاطمي

25 October 2026 22:52

اليالي الفاطمية

شفتك راد محني وتمشي بالكوه
اباوعلك وكولن هــــــوه مو هوه

بويه التـــــعثر اجدامه
ودمعته مغركه الثامه
وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ

ماعرفتك وانه اندل شكو بروحك
ياعلي ابكد عمرك واكبر اجروحك
هاي اول مــــره اسمع يعله نوحك

ياعلي رحت شاب ورجعت البيتك مشيب
ياعلي رحت تمشي عله طولك راجع محدب


شمضيع علي ودم يبجن اعيونك
اول مــــره اشوف مهدله متونك


شتــــــكل لليشوفونك
وحزنك خانك اعيونك

وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ

رجفت ايدك هاي يابويه غريبه
وعله وجهك بينت كبر المصيبه
اليلزم اصفاحه تره فاكد حبيبه


ياعلي الباب اشما تشوفه ايصبن ادموعك
ياعلي اشما انشدك عله امي تلزم اضلوعك


علي شو كوه اشوفك تجر بنفاسك
ولاخر شيبه ماشي الوجع بحساسك

مشه بيك الوجع سكته
وانته صــــرت مو انته

وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ

بويه انه حسين هـــــــــــذا لي اندبك
اشما يجوجي ليل احس كلش يعذبك
ماتت امـــــي ومات وي موتتها كلبك


ياعلي شمس مغرب اشويه اشويه كلبك مات
ياعلي وماتن حسره فوك شفافك الجلمات


ماتت فاطمه ومات الضوه بعينك
ومودمعك عله الخد طاحن اسنينك

يبعد انه وبعد ضلي
انت اتيتمة مثلي

وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ

ميله بي متنك يبويه ودمعك احمر
بالمشي كمت ابخــــيالك بويه تثعر
ضلع امي هــــــــوه لو ضلعك تكسر

ياعلي ضوه بيتك طفه من شالت الزهره
ياعلي عله وجه أمي جنت من تلضم البره


يـــــالروحك حنينه وتشبه الدره
شلون انطاك كلبك تدفن الزهره


دخيل الله اشكبر صبرك
كلبك ميت ابصــــــــدرك

وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ

ضلع واحد ياعلي وبجاك من دم
باجر انه ولا ضلع من عندي يسلم
بالحوافر بويه كل جسمي يتهشم


ياعلي جرح الباب صـــــــح خلاك تتعثر
ياعلي بس جرح السبي يابوالحسن اكبر

صعبه الحرمه بويه ابحبل تجتف
باجر زينب أبين الـــــــزلم توكف

من يوكع ابو الغيره
حيرت زينبك حيره

وره امي فاطمه وره امي فاطمه

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

الناشر احمد الفاطمي

25 October 2026 22:52

نعي استشهاد الزهراء
عليها السلام
ياشيال نعش الزهره تانينه
ابدون امنه العزيزه لا تخلينه
عگب ام الحسن منهو اليبارينه
منو ينشف دمعنه من يسلينه
ضلينه ايتام ونتباچه
_

يانعش الزچيه اشكثر بيك احزان
الجره اعله امنه يوادم ماجره اعله انسان
علي ودع سلوته وليله ظل سهران
اول مره ابونه طايح وذبلان
من يمشي يطيح ابكل خطوه

__

مضلومه الزچيه ماتت ابحسره
لحد اليوم بيهه لچمت العصره
مو بس ضلع منهه اضلوع متكسره
ابخدها ام الحسن ياوسفه اثر سطره
يايمه المحسن چاوينه

____

هنياله الجره عله ام الحسن دمعه
باچر بل گبر تضويله بي شمعه
تره مينفعه كلشي دمعته اتنفعه
جبريل بعضمته اعليهه ضل ينعه
يافاطم صاح أواساهه


سلام البهادلي

الناشر احمد الفاطمي

25 October 2026 22:52

مِنَ السَّمَاءِ جِبْرِيلُ كَبَّرْ
بِدَارِ فَاطِمْ ضِلْعٌ تَكَسَّرْ
اللهُ أَكْبَرْ .. اللهُ أَكْبَرْ .. ضِلْعٌ تَكَسَّرْ
___
هبط وحي الرساله ويذرف الدمعه
وملتمه الملائك بالسمه وتنعه
هز هذا الخبر عرش الله والسبعه
من بيت النبي اليوم انطفت شمعه

​​هَذَا مُصَابٌ فَاقَ الشُّجُونِ
تَبْكِيهِ حُزْنًا كُلُّ العُيُونِ
وَالْكَوْنُ أَحْمَرْ .. اللهُ أكبرْ .. ضِلْعٌ تَكَسَّرْ
___
طاحت من بعد ماطاح محسنهه
وحتار الحسين شلون يحضنهه
الحسن يم راسهه ويسكن بونهه
والآم الضلع زينب تسكنهه

وَيَبْقَى صَوْتٌ مِنَ الأَنِينِ
يَصِفْ جُرُوحاً عَلَى الجَنِينِ
فَتَمُوتُ كَوْثَرْ.. اللهُ أَكْبَرْ..ضِلْعٌ تَكَسَّرْ
___
علي لمّن حضرها وشاهد الكسره
وشاف بنفس ريته شسوت العصره
مثل قوس السهم ظل منحني ظهره
ظل يدعي الإلٰه يعجّل الطبره

منَ الضُّلُوعِ دَمٌ سَكِيبْ
يُنَادِي فَاطِمَ فَلاَ تُجِيبْ
وَالقَلْبُ يَسْعَرْ..اللهُ أَكْبَرْ..ضِلْعٌ تَكَسَّرْ
___
جبريل بكثر مامؤلم المنضر
كل خطوه المشاهه جدمه يتعثر
هاي الفاجعه المامنهه شي اكبر
حيدر بيده يدفن جزء من حيدر

​عَجَّ الضَّلَامُ وَالْقَلْبُ يَسْعَرْ
نِيرَانِ بَابٌ فِي قَلْبِ حَيْدَرْ
وَالصَّوْتُ زَمْجَرْ..اللهُ أَكْبَرْ... ضِلْعٌ تَكَسَّرْ
___
دنيه ومن رفضهه حيدر إشتدت
حيله بمحسن وكسر الضلع هدت
من گد ما حقوده الدنيه وإسودت
ماسالت دمع عين الولي إتبدت

​لِمَنْ تَبِعَهَا.. إِلَيْهِ مَأْوَى
وَمَنْ رَفَضَهَا.. لَهُ عَدْوَى
حِقْدٌ، فَيَظْهَرْ..اللهُ أَكْبَرْ..ضِلْعٌ تُكْسَرْ
___
من هول المصيبه شكم ملك نازل
وبلا مستحه يتبسم الفاعل
وضحت من جذرهه القصه للعاقل
جاهل والنبي ماصاحب الجاهل

​فَكَيْفَ يُحْسَبْ عَلَى الرَّسُولِ
وَكَيْفَ يَحْقِدْ عَلَى الْبَتُولِ
بِالذَّنْبِ يَفْخَرْ..أَللَّهُ أَكْبَرْ..ضِلْعٌ تَكَسَّرْ
___
خادم فاطمه الشاعر سيف الكربلائي

الناشر احمد الفاطمي

25 October 2026 22:52

يم بيتي وجهالي .... كعدي وشوفي حالي
عليج اعيوني ذبلت
غيابج روحي ملت
يم بيتي وجهالي ...اكعدي وشوفي حالي
.....
اجيتج يالزجية ابدمع العيون
اوعفت ايتامج ابدارج يونون
زينب والحسن وحسين بعداج
كضو ليلت أوداعج ينوحون

ماغمض جفنهم ... حكم ماتت امهم
امانيهم تبدت
غيابج روحي ملت
كعدي
......
ما نامو يتامج لاخر الليل
كضوها ابواجي ونوح وعويل
متمدد على امصلاتج حسين
حاضن شيلتج والمدمع يسيل

كاسر كلبي حاله ... أيسولف وي خياله
انه امي الكبر سكنت
غيابج روحي ملت

......
يم حسين ردي ردي وياي
خانكني ظلام البيت يهواي
اذاني البجي وامساهر الليل
وتعبني طريق المكبره اهواي

اتعثر اجيتج ... لحضه ما نسيتج
وحك ذكرى الي ظلت
غيابج روحي ملت
.....
نفضي اتراب كبرج ياضوه العين
امفارك صورتج صايرلي يومين
اه اشجم جرح عفتلي ميطيب
من غير المناحه وغير الاونين

يا عافيتي كومي .... احجيلج همومي
ابدليلي النار وجرت
غيابج روحي ملت

.......
فتحيلي الكبر يم بيتي انخاج
ما رايد حياتي رايد اوياج
ألمفارك حبيبه ميت ايعيش
وانه الموت ماخذني اعله طرواج

يخلص عمره حاير ... ويفرر بالمكابر
دموع العين شحت
غيابج روحي ملت

......

الحمدالله رب العالمين .
اللهم صل على محمد وال محمد
موسى الخادم

الناشر احمد الفاطمي

25 October 2026 22:52

يايمه حاجيني
ورحمي دمع عيني
ازغير ودمعتي اعله الوجن ترسم حسرتي

لسه اول الخطوه
عمري بده توه
وايتيم ابنج صار أسمه يا غربتي

يمه وين اروح .. شتحمل اكثر
المن انه ابوح .. وكلبي تفطر
ويه عمري اشوف .. الغربه تكبر

لا لا توصيني العقيله بعيني اخليها
بس يمه حاجيني الشدهني ايدج شبيها

اماه..حاجيني.. انه حسين
اماه.. هذا الموت.. جانه منين
اماه.. ما يرحم.. دمع العين
__
من البجي انشف
وبالياعلي اوكف
بس علي كوه يشيل روحه حيله مهدود

ذاك البطل حيدر
بالخطوه يتعثر
كلما نكله شبيك بويه يكول متعود

كلنه ضايعين .. وردنه حنانج
دنيا ما تعيد .. النه امانج
ياهو فاطمه؟ .. ياخذ مكانج

شيصير لو مثل الخلائق امي تحضني؟
شيصير لو تبقين يمي ياسبب حزني

اماه.. ما اصبر.. كلبي انفت
اماه.. حسينج ضاع.. وتشتت
اماه.. كل الناس.. تتشمت

___
الماعنده ام ضايع
نوح ولطم شابع
ومحتاج حضن امي تره ما شابع احضان

سمعيني لو كلمه
كليلي يا يمه
كليلي اخر مره يبني وهودي الاحزان

شايب الدليل .. يايمه شايب
مابقت عيون .. من المصايب
هسه غربه هاي .. وباجر غرايب

ما ركزت جنت ابجي يمه عيدي الوصيه
عيديها خل اسمع ييمه! شنهي مسبيه؟

اماه.. شنهي النار.. شنهي الشام
اماه.. زينب هاي.. عدها خيام
اماه.. شلون تعيش.. شلون تنام
____
تمر بيه ايامي
تراودني احلامي
وانضر خيام بلا اهل بيها العدو فات

كلما نمت ليلي
تطلع مداليلي
معقوله هيج يصير يمه اشكد حرامات

خيل اجت تغير .. بخيمه لكتهن
ركضن وحفات .. بالهيمه كلهن
يمه شو حبال .. بحلامي جتهن

معقوله ابني يصيح فرن عمه يا عمه
امن يريد يطلع من خيامه ياهو اليكومه

اماه.. فرن صاح .. كدامي
اماه.. هم مذبوح ..هم ضامي
اماه.. كلهن ذن .. بحلامي
____
وصارت صدك تالي
اصعد رمح عالي
وتربي عيوني عالحرم بالهيمه يمه

يطلعون شيباتي
بطلعت عزيزاتي
يتعثرن بين الجثث والدنيا ضلمه

ادعيلي ارد اكوم .. احمي خيمنه
يمه ذاك اخوي .. طاح اليلمنه
يمه ابني راح .. وكلشي صدمنه

لا كافل ولا الاكبر انه الوحدي بالهيمه
وعندي عطاشه اتاني جربه يمه بالخيمه

اماه . النار تشب . بالصيوان
اماه.. جابو نوك .. للنسوان
اماه.. .. يمشوهم . للديوان

علي رضا المحمداوي

الناشر احمد الفاطمي

25 October 2026 22:52

حلّت عله الزهره المصايب
شافو محُمد عنهه غايب
تجري دمِا **** عينُ السّما
طبع اليموت أبكل زمن --- يحزن عليه سابع جار
بس غمّضت عين النبي --- وصحابه هجمو للدار
كلهه السقيفه أتحاشمت --- من فاطمه أتريد الثار
ماقنعو أبكسر اللضلع --- بالباب شبوها النار
بعدَ ألأمين **** يأتي أنين
كَلب الزجيه الليله ذايب
-=-=-=-=-=-=-=-=-=-=-=-
من أجت فضه أوتستمع --- بالباب يالزهره أصياح
موبس دمع خدج نزل --- شافت المحسن من طاح
يكّبر البسمار أويرد ---  ويصير بالطف أرماح
يذبح رضيع أبلا ذنب --- عد حرمله أيصير أسلاح
فيهِ ضِماء  **** في كربلاء
تكثر عله أحسين المصايب
-=-=-=-==-=-=-=-=-=-=-
زينب والحسين أوحسن --- من أجو يمج يبجون
جبريل وياهم صرخ --- بمصابج أوبجه الكون
كل الخلايق كَبرت --- لا مو دمع تبجي أعيون
كلمن رضه أبهاذ الفعل --- يابت محمد مديون
في أيي دين **** قتلُ الجنين
من عدهم أنشوف العجايب
=-=-=-=-=-=-=-=-=-=-=-=-=-=
يافاطمه أعليج أشجره --- حين التعنوج الكَوم 
هاي الضلاله اتكررت ---  مولاتي ضلت للدوم
ويلي أعله بابج يندفع --- ويلي أعله ضلعج مهشوم
ماصحتي ياحيدر أبد --- تدرينه حيدر ملزوم
كانَ الأمير **** لامو أسير
لوله الوصيه أيرد كتايب
=-=-=-=-=-=-=-=-=-=-==-=
يسعر جمر بابج يضل --- يرجع علينه أبكل عام
يحضر أبعاشر كربله --- يحركَ أثياب اللأيتام
مايطفه من حقد الذي --- شوهو دين الأسلام 
مو بس يوُجر بالخييم --- يمشي أويزينب للشام
يبقى لهيب **** مامن مُجيب
لمن يرد العدها غايب

للشاعر فاخر علي الشبيبي

الناشر احمد الفاطمي

25 October 2026 22:52

شما دارت سنه وأسـمع وأن يا فاطمة الزهرة
وأن انـتِ وراء الــــباب تـعني مدافع وعصرة
يعني يطيح محسن أخ واثر ياخـذنه الحسرة
الحسرة تگْـول الا من ثار عجـل قائم العتـرة
༺༻
عجل النه.. وطالب بحق الزجـية جدتك
مو ضلعها.. كـل جـنبها من تكسر نادتك
༺༻
تهضم.. علـ المره الوليه وهيه ياهيه
بت امـير الكون مرت المرتضى
تدفع.. وكلهم عليها والحرمه ما بيها
ودخل بسمار بضلعها ورضرضى

*أويلاة يا فاطمة*
༺༻༺༺༻༻
لو جـرت نفسـها تصيح يعـني بالهـوى تعـاني
شسـوت فاطـمة بيا حق يكسر ضلعـچ الداني
وأكو موقّـف بعصر الـباب هـذا هــواي بچاني
المحسن من يريد يطيح بسوطه يجمل الجاني
༺༻
ما رعوها..عذبـوهـا وطـاح أبنـها علـ ثره
مرمروها..من فعلهم وخله يقره الما دره
༺༻
التكتل..هذا بس يكفي ليش چا يخفي
حيدر بـگبر الزجيه أم الحسن
ماتت..وغاضبه عليهم والعار غاطيهم
وباچـر الأروح تُسئل مـا خفن

*أويلاه يا فاطمة*
༺༻ ༺༻ ༺༻
وبعد ذاك السطر وضيم محسن شافته عينچ
وبرماد الحـرگ والـدم هم جابو على حضينچ
وجان أمـينچ تحضـني بـس يا ضـلع اليعيـنچ
وضلعـج مـن أثـر مسـمار ما هـون علـ ونينچ
༺༻
وأمك انه ..يمه محسن راح الحگك الگبر
ما اطول ..بـس أودع اهلك وانطي العمر
༺༻
بدمي ..يختلط دمك ويـ نمسح رأسمك
وانه چنت محضره المتونك مهد
ترحل ..وارتحـل بعـدك وينهجر مهدك
چـا شـلي بـدنيه من غــيرك بعد

*أويلاه يا فاطمة*
༺༻ ༺༻ ༺༻
من ثغر الحسن وحسين وزينب طلعت ألـ يمه
مختنـگه وراهـا جـروح نعمـه وزالـت النـعمه
أليفگد أمه صـح أيعيش لأكـن عيـشت النقمه
وزينب من تريد تـنام علـ ريحة أمـها متعلـمه
༺༻
بالــعبايه ..ينيموها وگطعت بتوت الگلب
يمه زينب ..انه بنتج عيني ما بطلت تصب
༺༻
شافت..بعيـنهـا الصــاير والحـرگ دايـر
وتذكر شسوه بضلع أمها العصر
ماتـت..وماتـت عليها والضـيم غاطيها
ورثت من أمها المصايـب الگبر

*أويلاه يا فاطمة*
༺༻ ༺༻ ༺༻
أسم القصيدة ..وراء الباب
عبد أل محمد
*منتظر خالد المنصوري*

الناشر احمد الفاطمي

25 October 2026 22:52

لفاطمه ولائي
لفاطمه دعائي
لفاطمه عزائي ... لفاطمه
\\\\\\\\\\\\\\\\\\\\\
=١
العالم الزهره انتمائي وبنتمائي افتخر 
وقعت الهه بدمائي ولطمتي الفوكَـ الصدر
ربي شاهد عن كلامي لام حسن روحي نذر
وسلوة اسنيني وحياتي ودمعتي الأم الخدر

لفاطمه بكائي
لفاطمه ولائي
لفاطمه عزائي ... لفاطمه
\\\\\\\\\\\\\\\\\\\\\

==٢
انه كل عمري نذرته الخدمة امي فاطمه
والمجالس ليه تشهد والجفوف اللاطمه
كل صباح وكل مسيه روحي إلهه امحزمه
وبذكرهه الساني يلهج أي وحق رب السمه

لفاطمه ندائي
لفاطمه ولائي
لفاطمه عزائي ... لفاطمه
\\\\\\\\\\\\\\\\\\\\\

===٣
طبعي عاشكَـ للزجيه وعندي هذا احسن عمل
ما يهمني العني يحجي المسأله ما إلهه حل
أنه عندي الزهره حبهه ينجي حتى امن الأجل
ومقتنع أنه ابقراري وما أغيره اشما حصل

لفاطمه دمائي
لفاطمه ولائي
لفاطمه عزائي ... لفاطمه
\\\\\\\\\\\\\\\\\\\\\

====٤
ما أساوم لا أجامل من رضا بكسر الضلع
طبعي عالزهره أدافع ما أبطل هالطبع
الله يلعن من بغضهه دوم اردد مقتنع
كلمن ايعادي الزجيه واله شيطان الربع 

لفاطمه بقائي
لفاطمه ولائي
لفاطمه عزائي ... لفاطمه
\\\\\\\\\\\\\\\\\\\\\

======٦
أشكر الله الي جعلني من محبين ام حسن 
نعمة الله الماكو منهه فاطمه الزهره وطن
باجر المهدي ابظهوره يبني الهه اجم صحن
والغصب حقهه يصلبه اعله اشجره وينهي المحن

لفاطمه عطائي
لفاطمه ولائي
لفاطمه عزائي ... لفاطمه
\\\\\\\\\\\\\\\\\\\\\

✍️🏻 كلمات #موسى_الخادم

الناشر احمد الفاطمي

25 October 2026 22:52

لحن قصيدة
(حدر التراب)
بصوت
خادم الامام الحسين
ملا محمد الساري
ايران_اهواز

الناشر احمد الفاطمي

25 October 2026 22:52

منظر فطر گـلب السمه
حيدر يشيع فــــاطمه
كوثر حياته ومن مشت
گضا العمر ميت ضمه

ــــــــــــــــــــــــــــــــــــــ

بالــــــوداع شابگ نعشها ويجري دمعه
صبره ضاع يدريها روحه ابلايه رجعه

للـــزهره حسراته اشكبرها
والمشكله ايعرف السطرها
والسطره اسود ظل اثرها

صابر لچنه امن الصبر
يم ناره يتدفه الــــــجمر
فگد ام حسن خله الشمس
بعيونه صارت مظلمه

ـــــــــــــــــــــــــــــــــــــــــــــــــــــــــــــــ

والضلــوع حين العرف بيهن كسيره
ظل يلـوع چن لوعة الفاگد عشيره

معناها حيدر ما سمعــــــها
ولا حاچته ابكسرت ضلعها
وابخير اله اتبيِّن وضــــعها

اي حگه حيدر ينذهل
معذور اذا عاف الـــــغسل
حط راسه ما بين الركب
وادموعه علخد ساجمه

ـــــــــــــــــــــــــــــــــــــــــــــــــــــــــــــــ

بالظلام شال النعش وچفوفه ترجف
يـاحرام ١٨ عــام الــــــــكوثر ايجف

حين اللي وسدها ابـــلحدها
وصه اللحد لا ياذي خــــدها
امن العصره ما طابت بعدها

هل الترب واخفه الگبر
وبلا عمر عاش العمر
لا تنلچم وصه الچفن
يدريها حيل امــــألمه

ـــــــــــــــــــــــــــــــــــــــــــــــــــــــــــــ

علگبر بالــفاتحه انفتحت جروحه
للطُهر يهديها ما ندري اعله روحه

من رش گبرها ابجاري دمعه
سبع الشداد لــــــــحاله تنعه
تشارك علي وتون يَـــ بضعه

شَيل الجبل اي ينحمل
بس فگد فاطم مو سهل
وسفه الرضيّه الراضيه
تمشي ابـــــزعلها وناقمه

ــــــــــــــــــــــــــــــــــــــــــــــــــــــــــــــ

ابيا وضع يرجع الــــدافن امنياته
والــــدمع شيعوض الماتت حياته

كلما يصد باب ايـتحسر
شوغة الـــبسمار ايتذكر
يذكر الــمحسن دم تعفر

لمن تمر بي (والعصر)
يذكرها طاحت بالعصر
سورة الكوثر چن يحس
ايات بيها امهشمه


ـــــــــــــــــــــــــــــــــــــــــــــــــــــــــــــــ

مستحيل نوصف حزن حامي الحميه
شي قليل لو گلنه شاب ابهلـــــــ رزيه

يدمي الگلب حزن الـوديعه
بس هونه احسين ورضيعه
ماتو عطش يم الــــــشريعه

موبس ضلع بي منهشم
سحگت عليه خيل وزلم
راسه انرفع فوگ الرمح
وابـــــــنار شب امخيمه

ــــــــــــــــــــــــــــــــــــــــ

سيد علي عبدالزهره الناجي

الناشر احمد الفاطمي

25 October 2026 22:52

لسان حال الامام علي عليه السلام في تشيع مولاتي الزهراء عليها السلام يقول

علي حسين واو ويلاه

شيعتج انه ابدمعه العين
بس محد ايشيعه ابنج حسين
ضل عل الترايب ثلث تيام
ومطشر ابطول الميادين

على حسين واو يلاه

****
بضلعج كسر بس ضلعه مطحون
ويلي بحصيره حسين مدفون
والتهضم وتجرحني بس هاي
ايذبحونه يم ابنيتج ام عون

على حسين واو يلاه

****
يم راسج انعه وحيل مكسور
بس ماكو مثل امصاب عاشور
حسينج يافاطم خيل ينداس
وعلى الترايب يبقه مشمور

على حسين واو ويلاه

****
كل ميت إكراماً يدفنوه
جا ليش ابنه حسين داسوه
هدو علي بل الخيل وحجار
فوك الترايب عاري خلوه

على حسين واو يلاه

زينب تلمه وتبجي وتنوح
وبكل مكان حسين مجروح
ماضل ضلع سالم بل الحسين
وصوت اخته من النوح مبحوح

مرتضى محمد الموسوي

الناشر احمد الفاطمي

25 October 2026 22:52

هاج روحي  بس اگعدي   ولاتعذبيني بجفاج
انه وحدي   باقي المن   والله لو ميت وراج
يالزجيه    هواي صعبه   يهده گلبي المانساج
فراگ وجهي   لو ضلوعج  ياهو اكثر عذباج

شلون بيه ...  الليله لو رحتي من اديه
هاي هيه  ...  جنها خلصت بالزجيه
والمنيه   ...  امنيتي تلفيني المنيه
،،،،،،،،،،،،،،،،،،،،،،،،،،،،،،،،،
انه حيدر   فدوه رجعي   للهجر مابيه حيل
تغيريت   وموش الاول   صاير من امشي اميل
انه شلته    بهاي ايدي     خيبر وبابه الثگيل
لجن هسه   خلاف عينج   ريشه ما اگدر اشيل

ضلمه عمري  ... وختنگ بالفرگه صدري
بروحي كسري ... بحالتي بس الله يدري
وينه گبري   ...  ارد اموتن وينه گبري
،،،،،،،،،،،،،،،،،،،،،،،،،،،،،،،،،،،،،،
والله دنيا    تفارگينه   وراحت ايام الدلال
يالحنينه   ويه نعشج  كل حنان الدنيا شال
روحي رادت  مني تطلع   والله مابيها مجال
واليفارگ   روحته تطلع   ينجوي بجلمة تعال

هاذ حالي  ... بالنعش شايل دلالي
بلايه غالي ...  تنگضي شلون اليالي
انتي بالي  ... ورايح بفرگاج بالي
،،،،،،،،،،،،،،،،،،،،،،،،،،،،،،،،،،
هاي اول  مره اعثر  وانه گاعد ما مشيت
ارد اگلج   يالحبيبه   والله عگبج شيبيت
الماتلمه   حضان غالي  ما اضن يلمه بيت
مال طولي   تلاحگيني   شلون سعفه حدبيت

كلشي رايح ... مثل ماي برمل طايح
بصوت جارح ... گلبي يم حسين صايح
دمع مالح   ...  حته دمع العين مالح

ابوفايز الرافضي

الناشر احمد الفاطمي

25 October 2026 22:52

الليالي الفاطميه...
. كيف وصفت السيده فضه ماجرى لمولاتها
الزهراء عليها السلام....
....
.
آنه فضه وگلـبي ماطاب
عالزچيه دمـعي سـچاب
ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ
.
خادمـه للـزهــــره وافـخر بالخـدامـه
حاضره وشفت اشجره ابيت الامامه
والله چوّت جـرحي جمـرات الملامه
فاطمه انصـابت وأنه اطلع بالسلامه
.
لا جـرح لا لطـمه بالعـين
والصفع بس بم الحسين
ماچواني جمر العتاب..
       ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما أطيب من الهظيمه گلبي مصدوع
السطر مولاتي چفه ابخـدها مطبوع
يدري بيـها لاذت وما شـاف الدمـوع
بيها يعـصر وآنه أسمع كسر الضلوع
.
ناده فاطم طلعوها
الها ما يفـزع ابوها
مايجيها الحدر التراب ..
        ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
فاطمه اليوم اصبـحت اول سبيه
ماتنادي ادركني يا حـامي الحميه
تدري حـيدر چتفه حـبل الوصـيه
ماتحرجه وتهظم اجـروحه الابيه
.
تگلي يافضه اسنديني
اسّـقط الظالم جنـيني
انظرلها امخضبه خضاب..
          ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما اوفـي لـو گضـيت اسنـيـني انعه
من نختني الزهره رادت مني فزعه
تحيـرت باب الزچـيه شـلون ارجعه
وبالضلع بسـماره نابت بيش اطلعه
.
لـــوردت الــزم اديـــها
تختنگ كل شهگه بيها
مانسيته ذاك الصواب…
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أسنـدتها وظـمت العـبـره ابحـزنها
تمشي محـنية ظهـر مـذبوح ابنها
قنـفذ ابسـوطه غده يظرب متنها
من لطمته ويلي ظل ازرگ وجنها
.
عالترب ظل دمها مسفوح
بـويه بـويه گـامـت اتنوح
من حزنها ايشيب الشاب..
            ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أظلمت شمس السمه برض المدينه
غمـضـت مـن الالم أمـنه الحـنـيـنه
بيها اسـمع كل عظـم ينعى ابونينه
چفي گامت تنچوي ابخد الحــزينه
.
بيها تسري كل الآلآم
وبدمعها نــار الخيام
گمت اشم ابخدها عطاب
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

ودعتني وگبري گالت رايـح ايضيع
وبمصيبة ضلعي تحــتار المواضيع
گلبي لبحـور الـدمه اصـبح ينابيــع
عمـري يافـضه بعـد ينعـد بســابيع
.
منـــها تــم ١٨ عــام
بالگبر مولاتي اتنام
تنحرم من الهوه الهاب
        ريته كاسر ضلعي الباب

ـــــــــــــــــ ❁ ❁ ❁ ــــــــــــــــ

تارك ابروحي الهظم ياشيعه نيشان
فاطــمه گـالت اريــدن اقـره قـــرآن
لوخفت صوتي يفضه مـوعدي حان
يعني للبـاري رحت اشكيله الاحزان
.
من خفت صوت الزچيه
ارتـفـع صـــوت المـنـيـه
ماتت الزهره بهالسباب
      ريته كاسر ضلعي الباب
.
.

حسن الموالي الفاطمي
.
.

.

الناشر احمد الفاطمي

25 October 2026 22:52

مولاي امير المومنين ينعى الصديقة فاطمة عليهم السلام..

باب بيتي.. المانسد للملگه مره
باب بيتي.. اسد عيني حتى اعبره

چني مو انه علي.. لاهوه طبعي
تّصبر اولادي علي.. ويطيح دمعي
__
اصد اعله بابي واهدنّ حسرتي.. وروحي تنهد
البشر كلها هايه واعيشن غربتي .. مالي احد

عشت امنازع الروح من لتمو عله الدار
احس ابكلبي بي نار من شعلو عليه نار
ادور ابعيني لحسين بس اعيونه تندار
مدري اعيونه شتكول ولاجه ابالي بسمار

شده بالي.. وماهدئ اوليدي وضعه
شده بالي.. خله شو ايده عله ضلعه
وانه هم ارفعت ادي.. فوگ ضلعي
__
على ناري اكابر وقيودي بوصيه .. وكلبي يفزع
اكض كلبي لوكض لسئلني عله امه .. يمته ترجع

راحت امه للباب يسئل ترجع اهناه
تطلع روحي لو كال ردي ابساع يماه
لو صاباها مكروه ولو لا سامح الله
حال الحسن وحسين مدري حيره شلكاه

ألي اتدنو.. اعيون تحجي وهمه سكته
ألي اتدنو.. بويه ترجع امنه يمته
تنضر اتمناها الي.. ابهذه وضعي
__
عّله ابيتي صايح وتكلي جروحي .. ندفع بابي
صحت ها يزهراء اطيحن وكومن.. ياعذابي

ماصارت يهل الناس اصعب من الاصعاب
تدفع بأيد والايد الاخرى لازمه احجاب
شلون انسان بالكون يحمل هذا المصاب
دفعو بابي والنوب ألزهراء ورا الباب

حيل دفعو..الزلمه ماهي المره بحيله
حيل دفعو..ودم على العتبه تسيله
ماحجت لحك علي.. انكسر ضلعي
__
هضم بانكساري يبين عليه .. الهضم بيه
نسحك بابه داري حسافه الوصيه.. مكيده اديه

ألياشيخ اندفع باب بيته وهوه ساكت
الكبل جانو يلوذون ورايه شو تمادت
وما أكدر اهد ليش وكبالي اهيه ماتت
طاح اوليدي ع الباب والزهراء طاحت

ابني طايح.. وانخلط دمها وي دمه
ابني طايح.. يازلم تحمل الهضمه
والدمع فرگه يهلي .. انطفى شمعي
____
اللهم بلوعة علي عليه السلام عجل لوليك الفرج

محسن الحمداني

الناشر احمد الفاطمي

25 October 2026 22:52

لا تلوموني اعله دمع اعيوني
ابجي لمصاب ام حسن خلوني
🟥1
آنه من يوم اسمعت ضلع ام حسن
منكسر بالباب واعيوني بچن
وصار مجلس فاطمه الزهره وطن

عندي يا هالناس لتلوموني
2🟥🟥

يا مصيبة فاطمه التدمي الگلب
حگي من ابچيلهه ودمعي اليصب
گالو امن العَصره طاحت عالترب

ابهل الكلام اهواي احس هضموني

3🟥🟥🟥
أحسب احساب الليالي فاطِمه
آنه وادموعي وجفوفي اللآطِمه
عالمجالس حيل روحي امعلمه

وين ما گالو عزه تلگوني
4🟥🟥🟥🟥

لا تلموني اعله حزني المنفضح
على الزهره واعله ابنهه المذبح
اشلون اعيش الفرحه وانسه اكبر جرح

نازف امن الزهره نور اعيوني

5🟥🟥🟥🟥🟥
أنسه أسمي ومستحيل انسه الجره
اضلوع فاطم ويلي كلهه امكسره
هالابيات ابكل عزيه حاضره

اومن اموتن بيهن اذكروني
6🟥🟥🟥🟥🟥🟥

الفاطمه الزهراء الخدهه منسطر
يحرم اعليه الفرح لآخر عمر
باقي وي حزني لحد طبت الگبر

وبثوب الاسود يا خلگ جفنوني

🤲🏻✍️ كلمات #موسى_الخادم