الناشر احمد الفاطمي
03 July 2026 23:55
الحزن شيبني بجروحي
الخرابه تذبح ابروحي
يعمه من الهضم سهرانه ما نام
يجينه الليل وانه ارماح الاحلام
*******
عمه تذبحني السوالف ديره ديره
هوايه شماته اتحدي ويانه حيره
والله مايرضه الگمر بعيونه غيره
ايشوف زينب حايره تمشي اسيره
المصايب هدمت حيلي
ابدمعتي ارحمني ياليلي
اشبيهه الناس صارت كلها ظلام
يجينه الليل وانه ارماح الاحلام
*******
نار بيه اتوجرت گلبي وعذابه
متت ياعمه ابزجر ذيج الخرابه
انذبح لمن رقيه اتنادي بابه
اتگلي عمه حسين ماخلص غيابه
جرحني الشامت ابعينه
يعمه هضموا اسكينه
الچوي ابرجليهه لسه بنار الخيام
يجينه الليل وانه ارماح الاحلام
*******
عمه هاي الرؤس چنهه اتباوع النه
خايفه ايطلعون يا عمه من اهلنه
هاي...شمسوي الذبح بيهم فجعنه
عمه تعبانات حيل اشگد سهرنه
مصايب دنيتي اشبيدي
الثكاله اتصيح يوليدي
انه ابحيره صفيت وياهن آلالام
يجينه الليل وانه ارماح الاحلام
******
لوعتي ابنوك الهزيله وطبت السوك
ليش مجتمعه الشماته وتنظر النوك
عمه مذبوحه وعلي وگليبي محروك
چنه مشلوع الگلب من بيت العروك
عذابي وما شفت راحه
مشينه ابصفنه ذباحه
يرافگنه الشمر بس وسفه الايام
يجينه الليل وانه ارماح الاحلام
*******
شفته ينشدهم صفه ايعاين عليه
يگلهم ادري امنين جبتوهه سبيه
صار يتشفه الرجس بأهل الحميه
ريت بالديوان چن تلفي المنيه
عشت بدموعي لچماتي
يرووحي الشام حسراتي
المصايب هونت بس طبت الشام
يجينه الليل وانه ارماح الاحلام
*******
طبت الديوان اصعب گلبي حساس
لو ثنايا احسين يضرب جايب الرأس
نشد عن الگمر قصده تسمع الناس
گال أبيت اللعن مثلك ماكو عباس
حسافه راحت اخواني
انه المهضومه عنواني
صحت ياخويه حيره بهاي اليتام
يجينه الليل وانه ارماح الاحلام
*******
تمت بعون الله تعالى الشاعر_يوسف_الفتلاوي
Читать полностью…
الناشر احمد الفاطمي
03 July 2026 22:58
#گوم_ليها_وطفي_نار_خـيـامه
السيده زينب ع :
گــوم لـيــها وطــفي نار خــيامــها
حـايـــره الحــره وتلــم بيــتـامــها
=======================
هجمت أعليه العده وانوت تــعيـل
حايره ودمع العتب صوب الچفيل
كل أهلها مطــرّحه وحــگچ يخيل
مــاكـو اليـردچ سـلــبتي أطـفـالها
=======================
وگفت أعله التل لچن عدها عتاب
وحال بين عيونها وبينه الأجـناب
ها يبن أمــي نمـت فوگ الــتراب
وانت المركض الــعده وفـرسانها
=======================
ســمع چلمات العتب گــام وعثر
صوت زينـب يالـمـه وگلبه نفطر
ياخبر زينب رعش جسمه الخبر
خـبر زينب خــيل يــم صيوانها
=======================
وچد بعينه وغطه عيونه الدمه
الكله غيره وصوت زينب يألمه
گاضي حيله الماتواجه صارمه
شاف زينب حــايره بنـسوانها
=======================
شلون حيره بين اخوها والخيم
ترد تـطفي النار لو تشــلـع سهم
زاد بيها اوجــاعهــا وزاد الألـــم
بالمـعسـكر فــرهدت عــدوانها
=======================
شبچت العشره وحزن گايد حزن
ونّت ام الـــولـد لخـــوتــه تـــون
أه يدهر المانـصف زينـب عـسن
خِــفه ذكـــر أسنـينـك وأيامـهـا
=======================
توجهت صــوب النهر وتعــاتبه
يالـگـمر عبـاس أخــوك ابحـده
طاح اخوك الماتلاوه ســـاعده
طاح صگار العده وشــجعانها
=======================
✍️عباس مالك آل عفريت
نسألكم الدعاء
Читать полностью…
الناشر احمد الفاطمي
03 July 2026 22:01
السبي
ويـنـهـا أزلام الـهـــواشـــــم ويـنـهـا
زينب بحـبل الـســبـي مـگـيـديـنـهـا
...........................................
وين قـتّـال العــرب وين الحـيـــود
وين حـمــزه ويـنـه صـيّـاد الاسود
انسبت نسوانكـــم سـبي الـيــهـود
وبالرمح چــــدام راس احــسيـنها
...........................................
بالرمــح راس الشـهـيـد ومـا سلم
بالحـجـر صـابـو جـبـيـنـه وانشتم
هـــاي ناس ارجـاس عـبّاد الصنم
بـدرهــــــم ودينار باعــت ديـنـهــا
...........................................
مافــزع حـــيـدر يـشــوف بكــربله
ضل وحـــيــد حسين ماتو كل هله
حــرگـــو اخيامه وسـبـوها العايله
ويـنــه خلّاس الـعــده بصـفـيـنــها
...........................................
منطرح فوگ الترب سبط الرسـول
بكل مغاره حسين داتسه الخيــول
بروحه والرده على اضلوعه تجول
اعظام صدره اعله الثره مكسرينها
...........................................
فــــرّن النـسـوان والــنـار اعــتـلـت
بصوت زينب صاحت وللتل مشت
هنا يبن امـــي تــره العـيــله نولت
واعــلـه ضـيـم السبي اللـه يعينها
...........................................
تعثـر ابـمـمشاها والوادي امخطر
شلـــون تل يشيلها اجبال الصـبـر
وصلته وگـــالت اجــيتك علعطـر
حسين خويه اوصالك مگطعينها
...........................................
شلــون حيـره بكرله زينب تحير
هاي ماصـارت قبل ماظن تصير
چتّلو أل النبي وحـتى الزغـــير
والاطفال الــــرضّـــع امچتلينها
.....................................................
✍️عباس مالك آل عفريت
نسألكم الدعاء
Читать полностью…
الناشر احمد الفاطمي
03 July 2026 17:46
قصيدة استقبال جثمان الولي الشهيد السيد علي خامنئي
ياهله ابنعشك هله
خل يطوف ابكربله
...............................
خل نشيل اجنازتك يلي رافع روسنه
هله ياهيبة علي ويافخر ناموسنه
داس جدمك للذي كل قصدهه ادوسنه
صار من ثوب الفخر يالكفو ملبوسنه
گلت هيهات وفزت
والله ابد ماساومت
چفك الله امفضله
ياهله ابنعشك هله
.............................
هله يابو الموزمه اعليك تربي اعيونه
علي وينتظرك علي ياحبيب اگلوبنه
عندك حسينك عشگ هالصرت معشوگنه
طوف جدك يالكفو والك نفتح بوبنه
كلهه تنطر جيتك
مو غريب ابديرتك
موغريب ابنص هله
ياهله ابنعشك هله
.............................
جدك ايلاگي النعش ياهله ابهيهاتي
هله بحسين العصر اليشبه الصولاتي
وصل حد گبري الفخر بيده رافع رايتي
گال كلا وما خضع وسوه مثل اسوايتي
ما. يبايع. للنذل
غصن من هذا النسل
زعله بعيونه حله
ياهله ابنعشك هله
.........................
كفو ياخلفة علي يالنسلكم ما يخيب
سطرتك سطرة علي والتلوحه ما يطيب
ياعلي امن اتحزمت الك شاهد تل ابيب
انته يمعلم الزلم ياهو للتكلف طبيب
ناس بيك اتحيرت
اضن بسمك مادرت
نفس ذيج المرجله
ياهله ابنعشك هله
............................
صح دليل الي يحب الافراگ ايعذبه
متت لاچن خلفت كلهه ناس امرتبه
والله مثلك ما يقل زود سيد مجتبه
صار بيهه الما يصح لا خصمنه امحسبه
ثارك امرجعه الكفو
بالولد زود الابو
صوت الأدخيلك عله
ياهله ابنعشك هله
خادم اهل البيت علي الزرگاني
Читать полностью…
الناشر احمد الفاطمي
03 July 2026 12:12
""ام البنين وصاحب الزمان 'على لحن ياصبح مابيه ضوه لمحمد الخاقاني""
انه ياأم الاربعه
المهدي هل اجيتج لگيتچ لچمه
احچي عن موادعه
وحجي الج غربته وذبحته ودمه
وداع حنانج احجيه احجيه
الصار ييمه سمعيه سمعيه
""""""""""""""""""""""""""""""""
لبقيعج جيتج بدمعي
وحزنج رايد استمعه.
من ودعتي جدي حسين
ودمعج هل گبل دمعه.
شگلج ونتي ضليتي
شضنج بالسفر رجعه
ماتدري باليسافر ماينعرف خبر
جيتج وريد اسمعج بموادع السفر
وصيتي لابد انتي على حسينج الگمر
شگلتي ياأم الوفه
لعمي ويخوته بمروته وزوده
شمحله بالطف موقفه
عينه قدماها ونطاها زنوده
حسين تفده طاريه طاريه
الصار ييمه سمعيه سمعيه
______
هله بجيتك يبعد امك
انه الطاريكم اشتاگيت
يجنك ريحة حسيني
ال محليه هذاك البيت
اسولفلك جرح هجره
جهز حين الضعن صديت
صحت انه يابوفاضل وين اخوتك صحت
لمن اجوني كلهم يبنيني حشمت
لبن الزجيه فدوه بوصيتي گلت
هاي يعباس شگلت
گتله يمه اريدك لعضيدك تچوه
حزامه بيك اسمع ردت
لوگفتك اناطر تسافر خوه
بروح لاتخبل افديه افديه
الصار ييمه سمعيه سمعيه
.....................................
عگب ماخلصت وصيتي
لنهه تباوع عيونه
بس صوبه اله تدنيت
نزل من فوگ ميمونه
نده مشكوره يايمه
ودمعته بطارف اجفونه
عالعشره ياوفيه يشهدلج الزمن
وياكم صحت ييمه خليني بالضعن
بحسراته گلي ضلي يايمه بالوطن
عدها يالمهدي ورحل
منها وانه اتاني لجواني بناره
ياهو يطرش ماوصل
ولخبر يجيبه لغريبه بداره
بنار دليلي اتانيه اتانيه
الصار ييمه سمعيه سمعيه
....................................
رد ويگلها ماشفتي
ييمه مصايب الصارت
كلما غمظت انظر
جفوف أعلى النهر طاحت
وجربه تبده منها الماي
وعين من السهم راحت
يايمه هذا عمي وحسين اله حضر
يگله يخويه وسفه طايح عله النهر
ولوحدي ارد يخويه والكسرة بالظهر
بلا اخو رد للخيم
وكسرته شكبرها وصعبها بدمعه
وينه يسمع بالحرم
وزينب شيگلها الجفلها مودعه
حيل عضيده مابيه مابيه
الصار ييمه سمعيه سمعيه
.................................
وگف عصرية العاشر
مابين العده الوحده
يجمع حيله مايگدر
وهو ياحيل ضل عده
عدها اعتاز اخو يرجع
بس عباس شيرده
سيوف ونبل اجته وگلبه العطش فطر
تجه على سيفه حيله عل حمله ماگدر
عدها اجه بجبينه بيه عسه الحجر
وطاح عدها أعلى الثره
جروحه من خذته ولته العشره
الاعوجيه محضره
ظلوعه رضرضتهه حفرتهه بصدره
خيول ييمه تلفيه تلفيه
الصار ييمه سمعيه سمعيه
......................................
بگه فوگ الرمل مرمي
بعد بيه روحه ماطلعت
يصد بعينه المخيم
ومره عله التل نظر وگفت
تنادي لو عدل يحسين
الخيل من الخيم گربت
حشمتها من سمعها وذاك الخدر طلع
لم حيله حتى يوگف ويما وگف وگع
من عدها وعلى ذبحه ذباحه من سرع
حزله نحره من الظهر
خضب بوريده الصعيده بدمه
والعده منها وگدر
بناره يوصللها وشعلها خيمه
نار خيامه تاذيه تاذيه
الصار ييمه سمعيه سمعيه
......................................
اجه الليل أعلى عماتي
ولاخيمه لبگت ليهن
عگب عباس من شافن
العده بالماي ترويهن
ياوحده تظوگ الماي
ومنه نحرم واليهن
حسين گطعو رگبته وماضايگ العذب
تتروه ياهي ترضه وتتهنه بالشرب
وفوگ الرمل وليهن من هدمه منسلب
يم البنين وبگت
عمتي والحرايم بظلايم تنعه
بالدمع ماهودت
زينب أعله اهلها وتگلها الفزعه
وين وجهنه ننطيه ننطيه
الصار ييمه سمعيه سمعيه
.....................................
خادمكم قاسم المالكي
Читать полностью…
الناشر احمد الفاطمي
03 July 2026 09:58
ودعت گلبي اعله الرمح....خويه
وبيناتنه_يبقى _ الجرح....خويه
محتاره انظر هاي الايتام
باچر سبينه وباچر الشام
*******
حيلي من التعب ماظل بعد كل حيل
وما تنشف دموعي بس عبرتي اتسيل
امنين ابدي المصايب يدري وني الليل
شفت فوك الجثث تلعب هجوم الخيل
مختنگه ونظر عالحرم.....خويه
شميت دخان الخيم.....خويه
عشت المصيبه ونار آلالم
باچر سبينه وباچر الشام
*****
حسبالي اليحن چم غالي عنده ايعود
امشي ابلايه روحي اشگد فگدت ازنود
مو بس طيف كون احلامي كلها اردود
ولا شفت الحُسين اعله الثرى من يجود
مريت من يم الذّبح.....خويه
والشمر يتعمد يلح......خويه
ياعجب دارت بينه الأيام
باچر سبينه وباچر الشام
*********
ظلعي اشگد حنيته وامشي مثل أمي
ونظر كل هلي رؤؤس اخوتي ابهمي
وسمع بس سبيه اشگد تجي ابهضمي
حسين ابروحه ينعه ويقره ظل بسمي
يا موت تذبح سلوتي....خويه
عالغبره عفت آنه اخوتي....خويه
مذبوحه صارت كل الأحلام
باچر سبينه وباچر الشام
*******
حزني اشگد يسولف بيه جرح البين
ومن يوم الطفوف العشته ميته اسنين
ما نمت آنه ليلي بس دموع العين
انظر يحترگ گلبي اعله راس احسين
وياي حارس بالضعن....خويه
يتحسر اشگد لو بچن....خويه
وبطيفي ذابح كل الأوهام
باچر سبينه وباچر الشام
*********
ميته من السبي بيه الجرح خمسين
وعمري من الظلع ياخذني حزن البين
اسمع بس شماته اتنادي هاي امنين
وني من الطفوف العشته بس جرحين
آهات يذبحني السبي.....خويه
ما ريد يحدينه اجنبي....خويه
ياوسفه يحدي بضعني ظلام
باچر سبينه وباچر الشام
*******
دار اشگد زماني وخله بيه اجروح
وچن ديرة علي صارت محطة نوح
روحي البيه شابت من سبيها الروح
تالي اعله القنا راس الأخو مذبوح
طبيت للكوفه الهضم.....خويه
اسمع شماته وانلچم......خويه
يرميني دهري تالي بسهام
باچر سبينه وباچر الشام
*********
تمت بعون الله تعالى
الشاعر_يوسف_الفتلاوي
Читать полностью…
الناشر احمد الفاطمي
03 July 2026 06:38
محرررم 1448 هـ ( ليلة العاشر )
باچر يا ماي
حيدر الحلفي
Читать полностью…
الناشر احمد الفاطمي
03 July 2026 06:06
🌹 دعمٌ لشاعرٍ حسينيٍّ شاب 🌹
منذ نعومة أظفاره، وهو ينسج القصيدة الحسينية بمحبةٍ وإخلاص، مجسدًا في كلماته عشقَه لأبي الفضل العباس (عليه السلام)، لتنبض قصائده بروح الولاء، وتستلهم القيم الحسينية الأصيلة.
ندعوكم إلى دعمه وتشجيع موهبته، وذلك بالاشتراك في قناته ومتابعة نتاجه الأدبي المبارك:
/channel/ya_zahra_albtool
نسأل الله تعالى أن يوفقه لخدمة أهل البيت (عليهم السلام)، وأن يجعل قلمه منبرًا للحق، وصوتًا للولاء، وأن يبارك جهوده ويزيده توفيقًا وسدادًا.
Читать полностью…
الناشر احمد الفاطمي
03 July 2026 02:08
ليل ونار ساهرتك
ماي اعيون عاشرتك
ما انساك على بختك
__
حيرت روحي و حَقها معذوره
نورك الطاغي. ماهو أسطوره
كل حرف باسمك. بارز بنوره
بس شفت حائك حاء مكسوره
سينك شبيها سين مطبوره
يائك ونونك بخيل مجروره
عزه گبرك عزه روحي
وراية مرقدك نوحي
ترفرف عالمشاعر
مايدرون . شنو انته
والحباك. عِله بخته
يالمحبوب قبلتك
____
نور البگلبك مختلط بيه
لمسة ابداعك واضحه اعليه
مالك النيّه وشاغل النيه
انت تِجذبني وتمشي رجليه
ياضوه عيوني. يانفس ريه
عبد تقبلني لبنتك ارقيه
انه خادم لشيباتك
مي بارد لجمراتك
ابردلك غليلك
أي والله. حبيتك
تاج الراس خليتك
عميه العين ماشفتك
.
.
.
اشهدُ انك انت عافيتي
ولا عجيبه احسين گاعد ابنيتي
انه صح انسان والي حُريتي
شما اذل روحي ترفع ابصيتي
مالي شخصيه انت شخصيتي
ساكن ابگلبي. يابعد بيتي
على مهلك على مهلك
اجي اركض احب رجلك
لون چنت بزمانك
طفل ازغير. يم بابك
صرت اجبير يم بابك
گطرة ماي. عَله شفتك
.
.
.
صاحب الملّگه. اني سميتك
چن اطب بيتي. من اطب بيتك
لايذ بروحك. ادخيل قدسيتك
بگلبي من احچي. يعني حاچيتك
عن جميع الناس. بگلبي ضميتك
انت أُنس روحي. اني خليتك
منو مثلك يبو اليمه
منو مثلك حلو اسمه
عليت اعله العوالي
بعليين عله دمك
عرش الله. خط اسمك
ليش الناس. عايفتك
.
.
.
الملك والجان. صاعد ونازل
والدعاء يمك سيدي واصل
من نجي انزروك جيت السائل
نجي بالاول نزور ابو فاضل
بيه تشتم كون. ريحة الكافل
حتى تشبگني. والدمع هامل
ابو فاضل اخوه روحك
مي جوده دوه اجروحك
دخيلك يا ابو فاضل
لجل احسين واجفونه
انطه العين. لعيونه
عنده الله. منزلتك
.
.
.
ماردت غيرك. وانت رايدني
اني احبك حيل سيدي تحبيني
بويه اگللك تگلي يا ابني
بحضنك دافي. حيل تحضني
من الزم الشباج. انت تلزمني
منو بس غيرك. انت تفهمني
ولا. غيرك انه مدوره
على گلبي الك صوره
وجه مدري شحلاته
يالمعشوگ ومدلل
ابغيرك. لا اتوسل
هاي الروح. عاشگتك
.
.
.
دولة العشاق كربله هايّه
دولة قائدها صاحب الرايه
ياملك عرشك قمة الغايه
انت صح واحد : كلش هوايه
جننت گلبي وفقدت رايّه
خذت هذا الكون كله بحچايه
الا من ناصراً اسمع
ردت من ظهر ابوي اطلع
وقاتلك حبيبي
يامذبوح . تعذرني
بالاصلاب. تسمعني
لو موجود ناصرتك
_
لشاعر محمد الظالمي
Читать полностью…
الناشر احمد الفاطمي
03 July 2026 02:08
بعد ما صعدت على الهزله بخجل
قَدَّرَ اللهُ وما شاءَ فعلْ
.
.
.
وين يحيى المازني جيران حيدر
جارهم عشرين عام ويمكن أكثر
اسم زينب لقب حَسباله يتكرر
ماكو هيجي خدر عدنه الله اكبر
وين يحيى يشوفها ابلايه أهل
قَدَّرَ اللهُ وما شاءَ فعلْ
.
.
.
وین مَكة والمدینة والمھابه
وین حمزة اسمعله جوابه
آل ھاشم وینكم عدكم اطلابه
شلون زینب گاعده ابنص الخرابه
زينب ابلا محمل اومحد سئل
قَدَّرَ اللهُ وما شاءَ فعلْ
.
.
.
چان وحي الله اليقود الناگه وقرب
هسه تسمع بالاذن والدها ينسب
حَدِبت بس الها حَدب شكو كوكب
السمه زرگه احترام المتن زينب
هو ايفرست هم جبل وزينب جبل !
قَدَّرَ اللهُ وما شاءَ فعلْ
.
.
.
لون نسأل عالسبي هم شنو شكلة ؟
ابسبي لو خليت زلّمة ما يحمله
اتخيل انت ابحبل ماتگدر تِحلّه
وانت گدامك عدوك ما يفلّه
المره من توگع تره تشبع وجل
قَدَّرَ اللهُ وما شاءَ فعلْ
.
.
.
العابدة والزاهدة تمشي اسيره
عمت عيني تباوع البدر العَشيرة
بالله شتگله واخوها كله غِيره
يرجف أعله الرمح لو ينظرها غَيره
اتمنت العباس من رمحه نِزل
قَدَّرَ اللهُ وما شاءَ فعلْ
.
.
.
اشلون إذا صلّت جلوس وتدمع العين
زينب تگله الهي ابروح الحسين
عنده طفلة عمه ابي چا وين
اني اريدن والدي ايحل حبل الادين
عِدها أمل والدها يرجع عدها أمل
قَدَّرَ اللهُ وما شاءَ فعلْ
.
.
.
للشاعر محمد الظالمي
Читать полностью…
الناشر احمد الفاطمي
03 July 2026 01:25
جيت اركظلك ... ماي انطوني
اوصل يمك ... ويدفعوني
ضيعني الحزن
شيبه بنص گطن
يوجعني المتن
/////////////////////////
الماي گبلك ما اشربه _ انته هيچي علمتني
عودتني امشي والزمك _ وعالركض ما عودتني
دخيل حظنك يابو جرحي _ ظعت مني وظيعتني
لان جبت الماي اركض _ بويه ظربوني اعله متني
عوف امتوني ... وبلل شفتك
ادنه شويه ... لخاطر بنتك
تحملت الظرب
جبت المي شرب
فرفحت الگلب
/////////////////////////
وجهي فانوس البرائه _ اوجهك ينگط محنه
رمح راسك ما اشبگه _ الرمح موش امن اهلنه
والله دنيه الطشرتنه _ وين صرنه اوين چنه
اندفع دفعت غريبه _ جدمي لو يمك تدنه
الشايل راسك ... شگد حلفته
صار المغرب ... ما نزلته
بدموعي الح
نزله من الرمح
ونرجعه الصبح
/////////////////////////
يجيبني اعليك اشتياقي _ طفله ما اعرف اوادع
روحي ابوگنهه واجيلك _ اعليك بس ابقه اباوع
ارفع ايدي وما اللوحك _ اگبالك اوگف عالاصابع
عالرمح شريان ملتف _ من رگبتك بويه طالع
رمحك عالي ... وانه زغيره
شلون اوصلك ... هاي الحيره
مگابلتك واون
ماعندك حظن
مو بيدي من احن
/////////////////////////
بويه جست الماي بارد _ اصفه من ادموعي شوفه
من اليحرسك كمت اخافن_ سوطه سوه بيه خوفه
ليلي خلص يمك افتر _ ردت رمحك بس يعوفه
جوه راسك امشي واغفه _ من كثر ما ظليت اطوفه
المي بارد ... امنيتي تظوگه
يلچم ايدي ... چي محروگه
مي بارد جبت
كل ساع اللتفت
من يمهم خفت
/////////////////////////
يگول ياهو الشاف حالي _ ورده ماشايف سبيه
ممشه درب الكوفه جبته _ والحبل خانگ اديه
يمته نوصل للخرابه _ وتلتقي براسك رقيه
جدمي حافي وعيني يمك _ وموتي يدنه عليه
عيني بعينك ... ياابو اجروحي
من اشبگ راسك ... تطلع روحي
تلگاني متت
موعدنه الطشت
مو تنسه صحت
/////////////////////////
تمت ____ علاء الزيـــدي
Читать полностью…
الناشر احمد الفاطمي
02 July 2026 22:03
سابع الامام الحسين ع
انه اشتاكيت لأبن امي اشوفنه
سبع تيـــام مرت من تــفاركــنه
____
سبع تيام مرت واني ماشفته
وانه من الزغر مايوم فاركته
حيلي وياه راح بيوم ودعته
بقيت بروح ميته وبس اجر ونه
____
كضت ذيج اليالي وياكم الحلوه
وبعدكم خويه ماضلت بعد خوه
كمت من بلوه اكوم واعثر ابلوه
شبساع وكضت يحسين عشرتنه
___
انه اشتاكيت اشوفن طوله كدامي
واكله حسين شوف شحالهه ايامي
عله النــاكه سبـــايا والمتــن دامي
ومن ديره لديره اعداك تاخذنه
___
سبع تيام مرت ما غفـــت عيني
صوركم تعــرض كبالي وتبجني
كون تشوف كلبي اه يا حسيني
مثل كاع الطفوف امدمه احسنه
_____
مهضــومه اخيتك يابــعد روحي
مثل اجروح صدرك صارت جروحي
عليكم ما ابطل ونتي ونوحي
حلم ياريت فركاكم وافز منه
_____
الشاعر
مصطفى الحسني
Читать полностью…
الناشر احمد الفاطمي
02 July 2026 22:03
يبو فاضل.. الاخو ما ينحمل هجره
يبو فاضل .. حسينك منكسر ضهره
يبو فاضل...ارجعلي ابداعت العشره
يبو فاضل
///////////////////
طبع اليسافر للبجي الماي الدمع يتحضر
وانه اعله كد ما دمعت عباس خدي تحفر
ارجعلي يحزام الضهر ضهري عليك تكسر
شو باقي يم المشرعه وعايف احسين محير
يناسيني.. االوادم. خلصت غيره
يناسيني .. اخييك غطته الحيره
يناسيني .. منك بس ردت نضره
يبو فاضل
////////////////
يلتارس الدنيا دفو مخلوق من يا طينه
ضليت ادورك واختنك كلساع اكلهم وينه
هوه اليضل بلا اخو شتفيده دمعته عينه
مابيه اردن للخيم حاير شكل لسكينه
يضي عيني.. عيوني اشلون اسكتهن
يضي عيني .. البنات يدورن عمهن
يضي عيني .. فراكك بلكلب جمره
يبو فاضل
/////////
معطشني انته بروحتك لا ما معطشني الماي
يلغافي بعيونك سهم وسهامك بكلبي هواي
چنك سراب ومنذبح تبعد اشوفنك جاي
تمنيتك تضل بلخيم عباس واكف وياي
يعايفني.. خيامي بدونك مفرعه
يعايفني.. اخوك بحاجت الفزعه
يعايفني.. حسره درفع بحسره
يبو فاضل
///////////
تسألني عنك كل وكت زينب تحب تطمن
خايف اكلها منذبح وعيون اخيتك يعمن
تدري خواتك من ارد كلهن عليّ يلتمن
خويه البنات بلا ولي چا ودعتهن عدمن
شكللها .. زينب لو اجت تدمع
شكللها .. كفيلج يختي متكطع
شكللها .. بقى بس عطره
يبو فاضل
///////
اليفكد بروحه اخو يضل منجرح ما يشفه
ياخذني ويردني الهوه عباس صاير سعفه
يلنايم اعله المشرعه اكعد يخي لا تغفه
يحزام ضهري وعازتي لا يلكمر لا تطفه
اودعنك .. وسفه وطايح اجنازه
اودعنك .. يخي وعازتك عازه
اودعنك .. اخيك ينطفي عمره
يبو فاضل
Читать полностью…
الناشر احمد الفاطمي
02 July 2026 22:03
هذا حالي... ودعتهم غالي غالي.. هذا حالي
هذا حالي... مجرحه بهم اليالي.. هذا حالي
امشي بدروب المنيه
خايفه من الغاضريه
رايحه عنهم سبيه. هذا حاالي....
/////////////////
رايحه بسفرت ضلم عنهم طويله
وجوه ميته وخايفه ياهواشتكيله
يلچم اجروح السبي مابيه حيله
شايله بكلبي مصايبهم ثكيله
ياغريبه.. باجر يصحون زينب.. ياغريبه
ياغريبه... باجر التاريخ يكتب.. ياغريبه
تجرح بخدي دمعتي
وياهم انذبحت فرحتي
ولا اخو ينشد عليه... رايحه عنهم سبيه.. هذا حالي
////////////////
باجر بلا اهل امشي ولا كرابه
تنتظرني بلهفه كيعان الخرابه
منين اجيبن كلب يتحمل صلابه
وعّر درب الشام عثرات وترابه
بلا محامي.. امشي مچتوفات اديه.. بلا محامي
بلا محامي... تنضرب يمي رقيه... بلا محامي
ضربو كبالي خواتي
وانه محتاره بعباتي
والحبل جَرّحْ اديه... رايحه عنهم سبيه.. هذا حالي
///////////////////////////
بين اه ودمعه وبطولي الجرح
وبين حسرات الستر لا ينفضح
هسه اخوتي معلکين اعله الرمح
ياسهر عمري البعد مابي صبح
يادمعتي.. والشمر كوه سباني.. يادمعتي
يادمعتي.. منيلي عباس ثاني. يادمعتي
بسيفه ذباحه ذبحني
شتم الزهره وجرحني
ياهو منهم ضل اليه... رايحه عنهم سبيه.. هذا حالي
//////////////////
رايحه لديرت عطش يانينوى
رحلت دموع وخلص بيها الهوى
رايحه الديره وانه كلبي انجوى
كلوب سوده وناس مابيهم ضوه
*1ض
ياهضيمه... حرم واطفال وسبايه.. ياهضيمه
ياهضيمه... مضَيّع القران. ايه.. يا هضيمه
/
وحده حرموها من ابوها
اوحده كطعوا راس اخوها
وانه بلهم مبتليه... رايحه عنهم سبيه.. هذا حالي
//////////////////////////////////
ماشيه الديرت غرب ديرت تجافي
طايحين وجم كمر علنهر طافي
رايحه عنكم يمن نوم العوافي
شيل حملك ياكلب ياهو اليشافي
وسفه تالي... امشي وي روس الاحبهم.. وسفه تالي
وسفه تالي... انذبحو. وعافو ضعنهم.. . وسفه تالي
حركو اخيامي وسبوني
اهلي عدهم ضيعوني
وهمه علغبره رميه.. رايحه عنهم سبيه.. هذا حالي
علي مخيلف
Читать полностью…
الناشر احمد الفاطمي
02 July 2026 11:00
ودعتك الله ياضوه العين
كاتلني فگدك خويه يحسين
................................
يمطشر وعاري على الگاع
يحسين صار اوداعنه بساع
فگدك كلف ياحلو الاطباع
يكتل كتل يحسين الاوداع
مو هينه عنك كلنه ماشين
.................................
يحسين كلشي الزينب ايهون
بس فرگتك يا نور الاعيون
لا مو طبعكم ما توصون
بينه وصفو غربه اليحملون
واشگد صحت وانتم مطاعين
.................................
ادري الوكت يحسين خوان
يغدر ابوين الچنه قرآن
موهينه اخت وابلايا خوان
ودمع النواظر بيه نيشان
والدنيا باگت حلم الاسنين
..............................
يحسين غربه وهل لفه اليل
ويراد خويه الفرگتك حيل
شمسويه بيك الزلم والخيل
وزينب يخوهه عنك اتشيل
ابرفجة الجاتل گوه ماشين
................................
كون النواعي اترده الايموت
انعه لحدما افگد الصوت
يحسين كون امبادل الموت
اي والحمه يونس امن الحوت
افديكم ابعمري يغاليين
................................
كفت العشره حسين وياك
وما تنسه حتى اگدر انساك
عنك اروح وصعب فرگاك
ياغم وكتنه الهيج خلاك
جسمك تگطع بالميادين
...........................
راح ابجي حدما تگضي الادموع
ولطم العقيله ايكسر الاضلوع
يختلف نوحك مدري يانوع
من گلب اخت بحسين مفجوع
وللفرگه شالت الك چفين
خادم اهل البيت علي الزرگاني
Читать полностью…
الناشر احمد الفاطمي
03 July 2026 23:07
باچر ايسألوني وين أصحابي
راحوا وخلوني وحدي احبابي
*****
اشلون لو منكر سألني ابغربتي
والذنوب اهواي نزلت دمعتي
حيرتي بالوحشه صارت حيرتي
وانه بالخدمه صبغت اثيابي
*******
ابتدي اللحظات لو دمعي همل
والسؤال اشلون لو منكر سأل
بالگبر وهناك لو جسمي نزل
تبتدي اول مسيره اعتابي
*******
بيه لو ضاع الامل وسط التراب
باچر يسالوني عن يوم الحساب
وين افنيت العمر وين الشباب
تنزل الدمعه ويطول احسابي
*******
ابيا فعل گلي بديته بهل الحياة
لو يسألونك يجي فرض الصلاة
بس ابو اليمه صدك باب النجاة
خدمتك صارت بدايه اجوابي
*******
اشلون بچاني واخذ يبدي العتاب
وين عمرك لو بده يحصي الكتاب انه اجاوب خدمة احسين الجواب
هاي دمعاتي وجروح اصوابي
*******
باچر اهوال الگبر حسره وآنين مشهد الشفته يظل منظر حزين
بالگبر ونريد تحضر ياحسين
نعرف الونه وبيان اسبابي
*******
انه لو وسط الگبر ظلمه اصبحت ولا الي واحد صعب موقف شفت حسين ما يتركني وحدي اتوقعت
بالمجالس وي طيب احبابي
*******
بالگبر شفته اجه وگرب الي
وانه كل صوتي دخيلك ياعلي
غابو احبابي ومشو عني اهلي
بالسلامه خدمتي وجلبابي
*******
بالگبر مخنوگ بس جاني الهوه
گام بيده احسين يشعلي الضوه
گلبي لهفان واجه ابچفه ارتوه
خادم احسين بيميني اكتابي
*******
تمت بعون الله تعالى
الشاعر_يوسف_الفتلاوي
Читать полностью…
الناشر احمد الفاطمي
03 July 2026 22:32
خدام اتلكو المشايه
**
كلها اتحزمت تدرون. للخدمه الحسينيه
وطلعت تخدم الزوار. كل الكرة الأرضية
خلينه الدول يحجون. بالغيره العراقيه
ويا مية هله بالضيف. كمنه نصيح يوميه
رباط
وعالراس نشيله الزاير لبن الزهره
رباط
التمينه يم باب القبله
**
نوكف عالدرب ونصيح. زاير فدوه مر بينه
اشما نتعب تعبنه ايهون. لجل عيون ابو اسكينه
من كثر العشگ يا ناس. بالخدمه تحفينه
نتراكض عله الزوار. مثل الطفل ضلينه
رباط
وفايه واحنه اكل زاير
رباط
اشمحلاها يحسين الخدمه
****
بالموكب نصير اخوان شوف اشمحله لمتنه
ومرفوع وتشيل الراس. تخفگ دوم رايتنه
عاده عدنه للزوار. ما نكطعها عادتنه
نخدم حته لو بالماي. حلوه اهواي خدمتنه
الربط
الوزع طاست ماي بموكب
روه اكلوب العلويات
رباط
ونفرح بي الزاير لو مر
***
شفنه الفقره بالزوار. كلها طلعت اترحب
حته الماكو عنده افلوس. ناصب عالدرب موكب
كلها تجننت بحسين. سودنها العشك وتحب
وميزانية الخدام. تبذل والكمر يكتب
الرباط
وسوينه فقره احنه وموكب
رباط
واهل الغيره ملتمه اليوم
**
نخدم كل سنه كل عام. وعدنه الهمه موجوده
من زاخو لحد الفاو. هاي السفره ممدوده
لاخر لحضه وي حسين. تبقه الرايه معگوده
ولمن تعبر الزوار. انصيح ان شاء الله العوده
الرباط
انتجيله الزاير كلنه
رباط
وبالزوار اترحب زينب
*
تمت
تحسين الخفاجي
Читать полностью…
الناشر احمد الفاطمي
03 July 2026 19:00
قصيده حق تشيع السيد علي الخامنائي
. العراق تهيأ النعش الولي
يا هلا ومية هلا بسيد علي
==
بدمع نتلگاك يابن الطاهره
يا بطل تشييعك الكل تحضره
ياهو عمك انته سبع الگنطره
متانينه إبنج يل زهره
==
العراق متاني نعشك يا شهم
يا هلا بسيد علي تگول زلم
الك نفدي رواح سيد لا تهم
لجلك كل غالي مرخصينه
==
ومثل جدك ندري توجع ضربتك
ونعم من عده العفيفه الجابتك
گاعده الشجعان تنطر جيتك
نعشك على رأس يشيلونه
==
بلد واحد صرنه يران وعراق
اتفقنه وبعد منعيد تفاق
وابد ميفرقنه مولاي نفاق
مجمعينه حيدر ولاده
==
احنه وي يران ميفرقنه احد
نحبهم وحبونه حبنه من المهد
احنه مرتبطين كلنه فرد جد
يسمونه جدنه الكرار
==
سعيد العكيلي
Читать полностью…
الناشر احمد الفاطمي
03 July 2026 17:38
مــن بعــد ذاك السـفر
اضعوني رجعت يالگمر
بأربعينك هالإجت ليك العقيلة
~~~
من بعد ذل اليســـر خوية رجــع ضعني
عــــــباس تدري ابغُربتي محد سأل عني
بين المصايب يالگمر شو دهري ضيعني
ماتنهـــض ابين الترب ولداري رجـــعني
حاطت ابإختك غرب
وانت نايــــم بالترب
بأربعينك هالإجت ليك العقيلة
~~~
من يوم عاشــر فارگتكم بالگلــب حسرة
خوية لو تدري اشحصَل وي اختك الحرة
بينة طافو چم مدينة اگطعنة چم صحرة
ويلــي لِبن ازياد دخـلَت اخــتك القصرة
لِبن مرجانة ادخلِت
يمــي كــفَّالي رِدت
بأربعينك هالإجت ليك العقيلة
~~~
گــبل ضــعني بالكفالة ابإيدك امــدلَل
يابوفاضـل رحنة أسرى اصعدنة ع الهزّل
ادخلنا سوگ الشام رادو كل وسيلة انذل
اگعدنة ع الأقتاب خوية وشالو المحمل
بعيني كت سيل الدمع
و البچي ما ينسمع
بأربعينك هالإجت ليك العقيلة
~~~
ادخلنا للشام ومُدنها عَّـمّ فرح بيها
المالها اخوة ابضعنها ياهو يحميها
رشقو ايتامي بحِجارة وسـفة تاليها
صحنة ياعباس احضر دافـع اعليها
صحنة ياراعي الشيم
خل يرف يمنة العلم
بأربعينك هالإجت ليك العقيلة
~~~
احسين عفناه عالوطية امهشمة اضلوعة
وبعد عينة ابمعصم ايدي احبال مطبوعة
وبِالرِماح اگبال عـــيني الروس مـرفوعــة
الإيدهم طالت لأن چــــفيك مگطــوعة
ابگلبي چم عِلّة وجرح
وراسك اگبالي ابرمــح
بأربعينك هالإجت ليك العقيلة
~~~
تالي ما تالي ابخـــرابة اگعدنة بالهيمـــة
والحرس عينة طــــــويلة وفاگد الشيمة
بعد حرگ اخيامي بعدك ما شفت خيمة
وعالطشت يــم راس ابوها ماتـت ايتيمة
ماتت الطفلة ابهضم
والحبل صك بالعظم
بأربعينك هالإجت ليك العقيلة
~~~
وهل إجيت ابضعني يمك ياأبو الغيرة
امگبعة خوية ابعباتــي وگابعة ابحيرة
والمصيبـة البية مرت كـــلش اچببرة
بالعلـــم ظلل عَــليّة او ردني للديرة
راح ارد لأرض الوطـن
بحزن واهموم ومحن
بأربعينك هالإجت ليك العقيلة
~~~
أحمد عباس الحساني
الأربعــــــ١٤٤٨ــــــين
Читать полностью…
الناشر احمد الفاطمي
03 July 2026 11:00
سار الضعن ياحيف....... للكوفه اخباره
راح العزيز احسين... كلبي اشتعل ناره
●●●●●●●●●●●●●●●●●●●●●●
يالحادي بالله بهيد..ريض على اضعوني
عذبني جرح البين......وعميهن اعيوني
وسفه الشماته اشلون....للكوفه يحدوني
اصعب واشد الگوم.....مجتمعه بكتاره
راح العزيز احسين ..كلبي اشتعل ناره
●●●●●●●●●●●●●●●●●●●●●●
ولياني ظلت وين..........عالغبره تاليهه
مشوني درب الموت...وشلون احاچيهه
طاري السبي ينراد .....فزعت اهاليهه
زينب تظل اشلون ...ياخويه محتاره
راح العزيز احسين...كلبي اشتعل ناره
●●●●●●●●●●●●●●●●●●●●●●
اسمعهه كلها اتنوح....ثگلت محاملهه
جابوها هزله النوك.....وشلون اذللهه
شفت العليل احتار ....يسمع ثواكلهه
والحسره بيه اسكوت...والكوفه غداره
راح العزيز احسين. .كلبي اشتعل ناره
●●●●●●●●●●●●●●●●●●●●●●
مسرع مشه بلا راي.....يهضمني حاديهه
زينب اميره اجروح ....والدنيا تسبيهه
اسمع تكول الناس....هاي المره اشبيهه
درب الشماته اهواي....ذابحني بخطاره
راح العزيز احسين....كلبي اشتعل ناره
●●●●●●●●●●●●●●●●●●●●●●
اكثر حچي تأذيت.....گومي يمسبيه
طبينه قصر الشوم.........علويه علويه
بالمجلس اشكد ناس......ينشدهم عليه
حيره اشكثر ظليت.....وتعاين انظاره
راح العزيز احسين...كلبي اشتعل ناره
●●●●●●●●●●●●●●●●●●●●●●
بعض البشر معروف.........بالذله يتماشه
فاعل ضمير الخوف....وعله رجس عاشه
سلطانه طاغي يشوف..وبحكمه يتحاشه
معقوله هاي الناس.....تتوافد الداره
راح العزيز احسين....كلبي اشتعل ناره
●●●●●●●●●●●●●●●●●●●●●●
حدد مصيرك زين........لا تعشك الذله
عيش بكرامه انسان....عوف الوهم عله
ماتعله حاجب عين......من گعدت الدله
طبع البشر نوعين........تتغير أفكاره
راح العزيز احسين...كلبي اشتعل ناره
●●●●●●●●●●●●●●●●●●●●●●
تمت بعون الله تعالى الشاعر_يوسف_الفتلاوي
Читать полностью…
الناشر احمد الفاطمي
03 July 2026 06:38
محرررم 1448 هـ ( السيدة رقية عليها السلام )
حاچيني واگعد بويه حاچيني
ردتك تگلي ابنيتي حضنيني
ابنيتك واجيتك . اشگد دوريتك
وياك اموتن فدوه خليني
يالعفتني .. من بعد عشرة عمر . وحدي بشموس الظهر . ابلا وداع ابلا مدامع
تعبتني . ومالي حيل اعله التعب . والهوى ابريتي انحجب . والنفس بالريه ضايع
ماتشتم يالنايم عطري
مشتاگ الأحضانك صدري
فدوه ايروح العمرك عمري
لاخيمة لا فَي عندي لاخيمة
تاليها آنه او إنته بالهيمة
رحت وبچيتك . اشگد دوريتك
وياك اموتن فدوه خليني
_______
بويه ردتك . حظن امان ابنص حرب . شبگة تشرحلي الگلب . اترجع ايامي القديمة
إنتظرتك . من بعد هذا الركض . بويه بچفوفك أكظ . وانظرك جايبلي خيمة
فوگ الشوك اشگد مشوني
ايشربون الماي او عطشوني
جروا ترچيتي او جروني
تعبانه جيتك بويه تعبانه
ارقية آنه بنتك حيل عطشانه
من مالگيتك . اشگد دوريتك
وياك اموتن فدوه خليني
_______
گوم اليه .. وافتح اذراعك إلي . حضني اريدن يمتلي . من دموعك من حنانك
بين اديه .. من وريدك دم وگع . اشگد حضنته وما گطع . انگطعت انفاسي ابمچانك
مديت اچفوفي اعله اچفوفك
من كثر اجروحك ماشوفك
لا أگدر ابقى ولا عوفك
أنفاسي اخذها الريتك انفاسي
وريت الگطع راسك گطع راسي
من فارگيتك . اشگد دوريتك
وياك اموتن فدوه خليني
_______
امگطعينك . والثياب امسلبه . والعيون امتربه . والشموس امسومرتك
امعطشينك . وانته يم العلگمي . والسهام التنرمي . فطرت چبدي وچبدتك
صدرك ما أعرف من ضهرك
كومه اسهام الصارت حدرك
وهاي اخيول اگبالي اتجرك
ممرودة روحي اعليك ممرودة
وايامي بعدك بويه معدودة
لتظن نسيتك . اشگد دوريتك
وياك اموتن فدوه خليني
_______
أرد احضنك .. وخوفي اللچمك وانلچم . اسهام متروس الجسم . وماخذه امكاني الخناجر
أمشي عنك .. گلبي ماينطيني ابد . وادري ماعندك أحد . شلون اعوفك بويه باچر
لو ينلم جسمك لميته
وبتراب الطف ماخليته
وچا لمك فاطم وديته
ماتدري أمك بينه ماتدري
امگطعينك او آنه انسلب خدري
ابروحي اشتريتك . اشگد دوريتك
وياك اموتن فدوه خليني
حيدر الحلفي
Читать полностью…
الناشر احمد الفاطمي
03 July 2026 06:38
محرررم 1448 هـ ( ليلة العاشر )
باچر ياماي ايطفي هالخيمات وعلويات وين اتبات
باچر عبدالله ايرد اهنا مذبوح وكله اجروح لمى ايروح
باچر مصباح الأگشر عين اسكينة اتشوف
عبدالله ايريد الماي وذابح گلبه الخوف
زينب من خيمة الخيمة ويه اسكينة اتطوف
وبالأكبر ليلى امچلبه شلون اضناها اتعوف
راحت راحت .. زينب يم حسين . ابدونك نرحل وين . مثلك عدنه امنين
صاحت صاحت .. ماعيش ابلياك . للموت امشي اوياك . ضمني ابنص عيناك
ابدونك يحسين انضيع ونشبع موت وابشع صوت يمنه ايفوت
ياخيمة اتلم اطفالك وكت النار وكلها ازغار حيرة احتار
___
باچر يعطش عبدالله ايفت اعليه اگلوب
ايتعب لحسين ابدمعة وهو اشگد متعوب
باچر يتوادع بالطف محبوب ومحبوب
محد وي زينب يبقى من يوصل لغروب
ويلي ويلي .. اتصد اعله التربان . مذبوحين اخوان . والكافل خجلان
حيلي حيلي .. تصرخ زينب راح . من شفت الذباح . شايل راس وصاح
تصرخ چا ليش الميت عذبتوه گطعتوه سلبتوه
هذا حسين ابصفه ابني اشگد ملچوم ابلايه اهدوم ويلي اليوم
___
باچر عباس ايطيح ويمه حسين ايطيح
عالشاطي وخويه ادركني ابكسرة گلبه ايصيح
مترف الراية ابچفه وتسكت حتى الريح
ودم العباس ابحضنه حسين ايشوف ايسيح
حيرة حيرة .. يحتار ابعباس . حسين ابين الناس . لاعين ولاراس
اچبيرة اچبيرة .. ياطيحة لعضيد . شلون اليبقى اوحيد . مثل المگطوع ايد
چن فاگد كل الناس حسين ايعود وفوگ الجود دم ازنود
ايطَيح عامود الخيمة ويصرخ راح الكافل صاح مامرتاح
___
باچر لحسين يركضن بالمذبح نسوان
وايصيحن ليش اذبحته يالظالم عطشان
محفور ابصدره ونحره اسهام اشگد مليان
وارقية اتريد اتشمه بس ماتلگى امچان
بويه بويه .. اسحگت النار وجيت . صحتك مارديت . ابنتك ماشميت
بويه بويه .. طحت ارد اشبگ بيك . شو ماشفت ايديك . چابيش امگطعيك
هاي اتشم بيه وذيچ اتدور اهدوم بين الگوم سكنة اتحوم
هاي اتلمه جسمه وتصرخ واويلاه باقي اعضاه وين اللگاه
___
باچر من دون اخوتهن يگضن كل الليل
وزينب عن گعدة اتصلي رايح منها الحيل
ماتغمض عين اسكينة ايخوف صوت الخيل
ومن يبچن خولي ايگوم ابراس حسين ايشيل
جابوا جابوا .. هزل نوگ اهواي . وصاحوا صعدوا الجاي . ولاتنطوهم ماي
نادوا نادوا .. راس الأب جيبوه . واولهم خلوه . ابرمح اهنا شيلوه
باچر عالهزلة ايروحن مسبيات لبنيات للشامات
ابلا كافل عمده الحادي ايطب للسوگ ابهاي النوگ شلون اتلوگ
حيدر الحلفي
Читать полностью…
الناشر احمد الفاطمي
03 July 2026 02:08
راس بصندوگ. وراس بتنور
راس العباس. وراس المنحور
__
خذوني ميسره ورووس اخوتي ويايه
زماني الخله خولي ياخذ الرايه
الالم مو بس جرح يمكن من احچايه
عقيلة آل هاشم طالعه هايه
كثره الشمات. وعليه ادور
راس العباس. وراس المنحور
___
يم مخمور راس احسين والينه
ابتنور اعله وجهه وما يسد عينه
اخاف من الخَفِت يلچم شراينه
ويطب ذاك الرماد ابنحره وجبينه
يطلع بالراس. دخان اِونور
راس العباس. وراس المنحور
___
منو ايوَصلّني للتنور وادعيله
اريد الراس احضنه بگلبي واشكيله
اريد امسح جروحه الهاده حيله
اريد امسح لحيته ودمه بالشيله
الحاجب مطبور وگلبي مطبور
راس العباس. وراس المنحور
____
على سرج الفرس معقولة صندوگه
تره الراس ابو فاضل روحي محروگه
بغيابه اشما اشم الهوه مخنوگه
على اعيون ابو فاضل گلبي طگ شوگه
سهمه مشلوع. لو لا مكسور
راس العباس. وراس المنحور
__
انامن بالخرابه وعيني ماتغفه
اريداً رووس اخوتي تعين بالوگفه
أخي عباس امشي ويالشمر كلفه
واطب ديوان و عيون الزم صلفه
فرقنه الموت وعاشر عاشور
راس العباس. وراس المنحور
___
اصب ادموعي يللي رووسكم سلوى
مره متعوبه لا حولَ ولا قوه
منو بالكون عدها مثلي هيج اخوه ؟
الگمر واحسين اخوتي الطولكم فدوه
گلبي لو مات. اعليكم ماجور
راس العباس. وراس المنحور
للشاعر محمد الظالمي
Читать полностью…
الناشر احمد الفاطمي
03 July 2026 02:08
طريق طويل تعبت هواي
وگف گلبي واريد الماي
.
.
.
ركضني دهري ابهالعمر رجليه گامت تتعب
من كربله گولوا عليّ الله يرحمج زينب
رمل و هوه ماينحمل وخله حجابي امترب
راسك على راس الرمح مدري يا راس الشيب
اخي وحدي. صبح ممشاي
وگف گلبي واريد الماي
.
.
.
جيت ابغبار المعركة مضيعه اخو مضيعنه
انت الغيور الينتفض چا نايم شگد صحنه
الاذاني مو ضربت متن ولا دفعتي ولا دمنه
الاذتني خويه رگبتك والخشبه چانت خشنه
صدگ عطشان يلب احشاي
وگف گلبي واريد الماي
.
.
.
راسك اشيله بيمنتي لا مو تشيله الشجره
مرات اشوفه عالرمح مره اعله ذيج الصخره
وينگط الدم أعله الحجر , والحجر نوحي يكسره
ياخويه تبجي ناگتي احسب اشگد متأثره
الكسر روحي تون وياي
وگف گلبي واريد الماي
.
.
.
لاعدنه بيت ونختفي ولاعدنه واحد فزاع
شبعد النجف عن كربله وين الله ويطويلي الگاع
صحنه دخيلك ياعلي ها يا صياد الاسباع
طويل اذراع الشمر عليّ وانه گصيرة اذراع
علي وينك صحت لسماي
وگف گلبي واريد الماي
.
.
.
مرات اكو شي ينحجي بس آه يالشام الشام !
راسك اذا نام ابرمح جا احنه گلي شنام
مشتاگه اسمع ضحكتك مشتاگه وگلبي محتام
كل عام راسك عالرمح ويفتر عليه كل عام
بچي اعيوني الك مبچاي
وگف گلبي واريد الماي
.
.
.
مشتاگه الك مدري اشكثر و المهم اكثر الناس
مشتاگه الك يابو علي ها يا حبيب الاحساس
مشتاگه افيي من الشمس وبحجابي اغطي عالراس
مشتاگه خويه الشوفتك ولچفوف اخويه العباس
ابو فاضل ضوه عيناي
وگف گلبي واريد الماي
للشاعر محمد الظالمي
Читать полностью…
الناشر احمد الفاطمي
03 July 2026 01:25
التحلم كون _ عدها اعيون
مو للسوط _ تنطي امتون
///////////////////////
الحصته السهر . يخنگه القهر . بجرحه يهم
الظاگ السبي . بعينه بعد . يظل ياحلم
خوف وعطش . نار وسلب . خيل وزلم
احلم چنت صح بالخيم _ وكل اخوتي موجوده
مو هسه اغفه اعله الرمل _ وايدي بحبل مشدوده
درب الشام _ اليوم بعام
فراشي تراب _ بلايه اخيام
///////////////////////
بعينه حچي . الشابع بچي . يضل مخنوگ
جرحي جرح . ماينمسح . اسمه السوگ
فرني الوكت . فرت الرحه . فوگ النوگ
لا گبلي لا بعدي نسمع _ فوگ الهزل علويه
چان اسمي انه ام الخدر _ وهسه اسمي يالمسبيه
جرح الماي _ يمشي وياي
شوكت ارتاح _ من دنياي
///////////////////////
محله الاخت . ويه الاخو . تگعد سوه
يم كل رمح . اگعد جرح . يشح الهوه
بنار الهجر . من فارگت . گلبي انچوه
حنيتي تتبده دمع _ يم كل رمح يلگوني
ومن اوصل الرمح الگمر _ يهيج الوجع بتموني
دمعي يگول _ الفرگه اطول
يالعباس _ ما معقول
///////////////////////
لو غمضت . بحلمي شفت . دم ومهد
بحر الظهر . فوگ الصدر . حافر صعد
انه بسبي . وبس الحبل . عني نشد
يادنيتي موتي تره_ من العاشر امتانيته
الخمسين عمره وينسبي _ بيهه شيظل عافيته
الناگه تميل _ ودمعي يسيل
وين الموت _ تااخر حيل
///////////////////////
شيبي كثر . لجفني عبر . من الحزن
ماسلهمت . عيني ابد . اگعد واون
حالي صعب . بديرة غرب . للخوه احن
تالي بخرابه بلاسگف _ زينبكم امگعديها
كل ما يمر شامت حچي _ يسمعها ويبچيها
شما اندار _ كلها ازغار
گلبي اهواي _ ظل محتار
///////////////////////
تمت ___ علاء الزيـــدي
Читать полностью…
الناشر احمد الفاطمي
03 July 2026 00:31
خدام........ما ننساكم
للموت......احنه وياكم
بيها الفخر معلوم
ناحت عله المظلوم
*****
من حمزه الزغير نعرف الخدمه
نيته وي الخدامه انشوفه بالقمه
وي دفتر حبيب امسجل بأسمه
الخادم يعلى شانه ويشكر النعمه
اخلاص......من ماضيها
خدام .......نفخر بيها
بيها الحزن مرسوم
ناحت عله المظلوم
*****
نبراس الخدامه وبيها رفعت راس
عنوان التفاخر فايض الاحساس
مثل ياسين عايش مايموت الياس
جامع للعشگ تشهد جميع الناس
اسماء.....ماضي الخدمه
معروف........كلمن بسمه
ليل وحسرات اهموم
ناحت عله المظلوم
*****
مصاديق العشگ تلگه اشكثر هايم
وكل معنى الخدامه يدرك الفاهم
اشگد حلوه ابرتبتك لوصرت خادم
فخر معروف دستور بشعر كاظم
تاريخ....نبقى وياهم
عشاگ.......حبيناهم
دنيانه اشگد مالوم
ناحت عله المظلوم
*****
شرف هاي الخدامه وبيها يتهنه
ملك والحور تگعد يمه تتمنه
يامحلى النويني ابصوتك الونه
خالد يبقى صيته وحاجز الجنه
احزان......عشنه الحسره
مبخوت......ناعي الزهره
خطت حزنهه ادموم
ناحت عله المظلوم
*****
معجم للعشگ خط اشكثر قاموس
والخادم رساله وبيها عّبره ادروس
فخر ملا وطن منبع قيم مغروس
وفائه وخدمته بيها صبح ناموس
وياك .....گطع المنحر
نهواك.......يا بو الأكبر
صك الخدمه مختوم
ناحت عله المظلوم
*********
اقمار الخدم تضوي ابدروب البين
معروف اليخدمك من دموع العين
ملا جواد صوته بكل حزن يحسين
تراث الخدمه عدنه مانسينه اسنين
بحماك......يوم المحشر
للموت......عشگ المنبر
خالد ذكرك لدوم
ناحت عله المظلوم
*****
تمت بعون الله تعالى الشاعر_يوسف_الفتلاوي
Читать полностью…
الناشر احمد الفاطمي
02 July 2026 22:03
زينب هاي الايام. ما مرت بلحلام
الله يساعدج كون. عندج كومت ايتام
وانتي بلا ولي. اه يا بت علي
مامرت بلحلام
~~~~~~~~~~~~~~~
آلله يساعدج يابت علي شلون
تحملتي السياط الفوك المتون
مشيتي بيا محمد باجر تهون
وحدايت اضعونج ما يرحمون
وانتي ام الخدر ليش أعليج يباوع الجيش
بصحره جدامج تفوت شلون ايتامج تعيش
وانتي بلا ولي اه يا بت علي
~~~~~~~~~~~~~~~~~~~
صعبه ام الخدر ماعده كفال
شلون الضعن يمشي بلايه خيال
الجانت غاليه وعراس تنشال
وهسه مدولبه وتلم بلعيال
عل سحكتهم خيول. جانت تبجي ودكول
يل عفتوني بلضيم. عتابي وياكم يطول
وانتي بلا ولي. اه يا بت علي
~~~~~~~~~~~~~~~~~~
الجانت عدهه اخوه سباع وهواي
صارت عدهه صعبه شربت الماي
وسفه العدهه شجره ادور فياي
وتباوع عل عيون. شردت منهه الضنون
المن لا تحشمين. اخوتج ما يسمعون
وانتي بلا ولي. آه يا بت علي
~~~~~~~~~~~~~~~
ضلت حايره بت فاطمه تريد
يجي العباس يفتح شدت الكيد
مشت للشام وتلكوهه. بلعيد
شيب راسهه وطلعت تجاعيد
طبت صايره رماد ويصيحون بعناد
اخوتچ فوك الرماح. كلهم عنج ابعاد
وانتي بلا ولي. اه يا بت علي.
~~~~~~~~~~~~
ما مرت على بنادم فرد يوم
ما بين الخيول اطيح وتكوم
فوك عيالهه ضلامهه تحوم
تباوع علرمح وين يا نظرات الحسين
اختك والزلم هاي. ودكت حزني والبين
وانتي بلا ولي. اه يا بت علي
~~~~~~~~~~~~~~
علي مخيلف
Читать полностью…
الناشر احمد الفاطمي
02 July 2026 22:03
شور
اخر جرح... بنيتي مهضومه رقيه
اخر جرح.. تبجي وتباوع عليه
خايفه وغيم حزنها
حافيه ومجروحه اذنها
اخر جرح اخر جرح
~~~~~~~~~~~~~~~~~~~
اه يامنظر ا خذ روحي وفزعها
بنيتي من تصيح ماواحد سمعها
الجّرح احساسي يأذيني وجعها
خفت لا حافرهم يدوس بضلعها
نوح والم... زادت اجروحي ومحتتي
نوح والم... ماكو خيمه التحمي بنتي
ضيعت منها ضعنها
حافيه ومجروحه اذنها
اخر جرح. اخر جرح
~~~~~~~~~~~~~~~~~~~~~
للذبح موجود وبفارغ صبر
لجن شيصبرني لو يمي. تمر
هيه ركضت والرمل صاير جمر
كبل. لا. تضربها. اذبح ياالشمر
آ يا زمن.. ينضرب عزي ودلالي
آ يازمن.. يم رقيه باقي بالي
تركض وازرك. متنها
حافيه ومجروحه اذنها
اخر جرح. اخر جرح
~~~~~~~~~~~~~~~~~~~
تبدت اعيوني وتألمني المواجع
من شفت بعيونها امبينه المدامع
ابنيتي ترفه وغاليه ومو للشوارع
كون كل خطوه الرقيه تخلي جامع
هم وجراح... ورده ماكامل عمرها
هم وجراح.. خوفي لو شمو عطرها
خيول خاف يكطعنها
حافيه ومجروحه اذنها
اخر جرح
~~~~~~~~~~~~~~~~~~~
بلحضه ماينعرف ليل ولا صباح
وكفت اعله اطرافها وحاديها صاح
طفله ماتكدر تلوحك عل. رماح
فوك راس بنيتي دمي هواي ساح
فوك الرمح... راسي والطفله ورايه
فوك الرمح... رايح وياهم سبايه
والمصااايب عذبنها
حافيه ومجروحه اذنها
اخر جرح
~~~~~~~~~~~~~~~~~~
طفله مجروحه وعليها اليل صار
ادموعها التنزل مثل هذا. النهار
ايه ايه ترتل اعيون ا. لزغار
طفله مسبيه وعليها عيون ثار
اخر كلام.. غفت بحضان المنيه
اخر كلام.. علطشت جابوها اليه
ماتت وراسي بحضنها
حافيه ومجروحه اذنها
اخر جرح. اخر جرح
~~~~~~~~~~~~~~~~
علي مخيلف
Читать полностью…
الناشر احمد الفاطمي
02 July 2026 16:45
يانار الطف الماتخمد
""""""""""""""""""""""""
يانار الدومج مستعره
تحرگ بگلوب ال الزهره
بشيعتهم ماتطفي الجمره
وللطف ومصابه الماتبرد
::::::::::::::::::::::::::::
يانار بگلب حسين انتي
من صباح الطف توجرتي
العطشان شمالج ماشفتي
شمايفگد شو نارج تشتد
.................
يانار الشبت بخيامه
وحرگت چم جف من ايتامه
من جيل بجيل بخدامه
متهيد شما طالت تحتد
:::::::::::::::::::::::::::
بزينب يانار شسويتي
بذاك الدلال شخليتي
من ليل العاشر شبيتي
ومنها البينه لمنج تمتد
....................
ويانار گلوب عيال الله
ويانار بگلب ام عبدالله
ماتهفت يانارج والله
ولراعي الثار ليتسيد
............
خادمكم قاسم المالكي
Читать полностью…
الناشر احمد الفاطمي
02 July 2026 10:59
عنك رايحه بالگوه يحسيني
الله وياك ياروحي ونظر عيني
...............................
عنك رايحه ياراعي الامروه
مو بيدي الامر يحسين بالگوه
گلي ابلا عينك دنيتي اشتسوه
اي والله ابغيابگ گلبي الاتچوه
مثلك وين راح الگه
شارك زينب الشهگه
چلمة خويه تهضمني وتبچيني
...........................
ماحسبت امشي وابتعد عنك
وابهل حاله يبن امي اعوفنك
من عالناگه ارد ابجي واودعنك
اموزع كل كتر واشلون المنك
ودعتك على الناگه
اوياك اشلون نتلاگه
من عالناگه هامت ليك چفيني
عنك رايحه بالگوه يحسيني
......................
حيهم ياصريع الطف الك صحنه
رد الحيل بيك اوگوم رجعنه
ها يحسين كل عتبي اعله كافلنه
مايدري الشمر هوه الحده ابضعنه
صحت ابصوت ياحيهم
واتنخه ابهلي كلهم
الموت امخيم ومحد يحاچيني
..........................
حيهم رحنه وي عدوان ماترحم
اشما صحنه يهلنه حسين نتشتم
ما بين اليتيمه وبين الاتيتم
وينك ياگمرنه ليل طفهه اضلم
وينك يا ابو الغيره
زينب ضلت ابحيره
وسفه الموت حل بينك ومابيني
...........................
من سار الضعن والحره عالناگه
ويا عباس يمك وانه مشتاگه
ياخويه الاخو ما يرحم افراگه
وانه ادري بعد هيهات الاملاگه
رحت ابين عدواني
وظل گلبي على اخواني
ابقه وخاف حادي النوگ يجزيني
خادم اهل البيت علي الزرگاني
Читать полностью…
6686