الناشر احمد الفاطمي

01 May 2026 00:09

گالو بیمن مجنون هم حبیت بعمرك
وبمرحلة العشاگ من صغرك من كبرك
بطن امي واسمع زين تحچيلي شگد بحسين
گالو بیمن مجنون
:::::
ياهو الحبيته انت بصغرك بي روحك مسروره
ما جاوبت الي سألوني بس طلعت الصوره
اندهشو من شافو وجهك مو انسان اسطوره
حتى الي مثل شخصيتك هم حبيته بدوره

گتلهم من حبیت حبیت اعله الفطره
حافظ انه اسم حسين بس ما اعرف اقره
اقراه مره ومرتين تحچيلي شگد بحسين
گالو بیمن مجنون
:::::
گالو ما شفناه يوصلك شلون تفسر هايه
گتلهم موجود بيتي شايل اسمه براية
گالو شمحصل من عشگك مغرم لو حب غايه
ما شفته بعمري وما عوفه منطي حسين احچايه


انه الحبيته يصير كل الناس تحبه
محبوبي فاتح باب فاتح ايده وگلبه
وين الگه المثلك وين تحچيلي شگد بحسين
گالو بیمن مجنون
:::::
گتلهم اسمه بنص گلبي وذكره بدمعة عيني
ينطني وما گال انطیتك بينه يظل وبيني
محبوبي معشوگ العالم لا مو بس حسيني
وانه بلا مجلس وقرايه ما تنفعني سنيني



محبوبك ما موجود شلون دگول انطاني
گتلهم منه الخير هــــــو الي سواني
هالحب هذا اصبح دين تحچيلي شگد بحسين
گالو بیمن مجنون
:::::
انه الشخص الي حبيته عريان وساترني
چنت صغير بين الوادم محبوبي الكبرني
محد يحضركم بالبرزخ وحسين اليحضرني
عابس متغير بجنونه وانه الحب غيرني

گتلهم عالمحبوب داست خیل بصدره
راسه اعله ارماح انشال حسين وگطعو نحره
جروحك الف وميتين تحچيلي شگد بحسين
گالو بیمن مجنون
:::::
گتلهم لا ما حب غيره بهذا الحب ما اگدر
من حبیت حسين هوايه مو يم قيس اتصدر
علمني حسين انه اتواضع ما علمني اتكبر
بالدنيا حسين واگفلي يوگف یوم المحشر

انتم حبيتو انسان هذا الحب ما ينفع
نص المكتوب يموت لو ما بي المطلع
تبچیلك هاي العين تحچيلي شكد بحسين
گالو بیمن مجنون
:::::
علي جبار الكعبي
الفاتحه لوالدي

الناشر احمد الفاطمي

30 April 2026 09:03

‏زينب حشمت حيهم من الضيم المعلـعلها
‏حيهم يا محمد گوم اخوتك ضيم واصلها
‏_______
‏صاحت حيهم اخت حسين وهتزت سمه الگمرة
‏وسمعها وهاض ابو فاضل وعينه من الزعل حمرة
‏افا يا زينب تحشمين وخيچ ما خلص عمره
‏
‏لخلي الدم يوازي الگيش
‏لطيب خاطرچ بالجيش
‏العمر لو ما الج عمريش
‏
‏انت تنوعي هنانه واخوج الراح يدخلها
‏00000000000000000000000
‏برد گلب العقيله هواي وشدت للبخت شيله
‏وصعد بحصانه ابو فاضل وصارت بلأرض ميله
‏شاهين وفتح جنحه او صول للعدو ابحيله
‏
‏طبها او بالوسط وكّر
‏سواهم طشاش ابر
‏زلمة ومن ضهر حيدر
‏
‏ردت للخيم زينب تبشرهم ابكافلها
‏000000000000000000000
‏رجع للخيمه اخوها وصار يم باب الخيم ملگه
‏تگله يا بعد زينب گواك الله ومدنگه
‏نزل يركض ركض ليها وفاتح ايده للشبگه
‏
‏شبگها وحبها فوگ العين
‏يبعد اشواربي اخت حسين
‏ابشري وابد لا تبچين
‏
‏مادام النفس بيه الخيمه ابماي ابللها
‏00000000000000000000
‏عرگت گصتي وتردين ماي واني اخو الحرة
‏لجيب الشط وردّه اردود ويم اجدامج انشمرة
‏الجربه اشويه احسنها الغيم الزينب انعصرة
‏
‏طفح غيضه وصعد مهرة
‏وحيهم گال يالشگره
‏وصالت مهرته الوذِره
‏
‏ومن دجت حوافرها وثگله الگاع نزلّها
‏0000000000000000000
‏توسطها الزلم والگوم ومبينات ريشاته
‏غبرة ودلهمت للشر وما فرزنو چلماته
‏بنصهم رايته تفتر وبيهم حيل طگاته
‏
‏وتولو والزلم تنعط
‏ونصبوله علراگ الشط
‏وتـانوه وبأمل يفحط
‏
‏ورجع للشط يجيب الماي ولهامه العمد شلها
‏0000000000000000000
‏علي ميران
‏
‏
‏

الناشر احمد الفاطمي

30 April 2026 08:42

كلبي شلون طاوعني وعفتكم
احير ابعلتي مدري ابسفركم

اه بويه حسين بويه.. اه بويه حسين بويه
................
1_چا ليش اليتاني يشبع افراك.. وانه امتانيه تردون اليه
وكولن باچر تحنون وشتاك..وتردون يالرحتو امن اديه
اهيسه المغربيه والنفس ضاك..وحشه البيت چنه المغربيه

چتال الهجر تدرون چتال
چا ليش انه اضل من دون العيال
الضعن مابي مچان الفاطمتكم
احير ابعلتي مدري ابسفركم
.............
2_طول اليل عيني امناطره الباب..ابويه يدكه ويكلي تعالي
تمشين ابضعنه ويه الاحباب.. وماعوفچ وحيده ابلايه والي
وتاليهه بسهم فركاهم انصاب..اويمشون ويون حالي اعله حالي

عافوني وحيده وراحو شلون
وبسرعه الاحبهم ليش يمشون
الهسه ومامصدكه فاركتكم
احير ابعلتي مدري ابسفركم
...............
3_تاخذني اويه روحي الصفنه وحتار..وكول شلون عافوني وحيده
عمري ازغير بس اجروحي اكبار.. وبويه يرد اليه اشكد اريده
كلبي اعله الاحبهم مشتعل نار.. وانه امحيره وعنهم بعيده

مو من المرض انه عليله
من افراكهم والدمع اسيله
وصيحن ردو ليه يالاحبكم
احير ابعلتي مدري ابسفركم
...................
4_لو من المرض لو من الافراك.. عله ابعله اكضيهه حياتي
ليش انه الاضلن وحدي بالبيت.. وليش اوياك يمشن كل خواتي
يبويه وداعتك رد ليه حنيت.. يماخذ مني روحي وذكرياتي

نضراتك اوداع وبيه خوفه
عبد الله بعد ماضن اشوفه
مدري شلون مني ضيعتكم
احير ابعلتي مدري ابسفركم
..................
5_الكم انه احنن كلش اهواي.. ولك اشتاك وانته اكبالي واكف
الكم انه اعطش وانتو للماي.. وتذبل شفتك والريج ناشف
مضيعتك او انته مضيع اعزاز.. اهل ونصار ياملح السوالف

انه انذبح چي مترد اليه
وانته اموذر اعله الغاضريه
كلش مارحم بيه هجركم
احير ابعلتي مدري ابسفركم

تمت
خادم اهل البيت
مصطفى الغريباوي

الناشر احمد الفاطمي

29 April 2026 20:04

[[القصيده گعديه موعظه ]]
>>>>>>>>>>>>>>>>>>>>>>>>>

يالتسأل  علينه  الرافضيه
عن أبً وجد هاي القضيه
هناك الما يضيعون
خدام الزجيه
*******************************
بهااليالي اتشوف موقف..... هذا اليحب الزچيه
تدري   اليواليهه   باچر..... فايز   ابيوم   المنيه
الما يحب الزهره خاسر.... عايش انواع
البليه

بگلبه تلگه اشگد دغش
احقوق ياكلهه  ونهش
حقد بس گلبه  انفرش

يعتبر من  جيش  اميه

يالتبغض علي تاليها  محنه
أيس    لا تفكر  بيها   جنه

بس همه اليفوزون
خدام الزجيه
*******************************
كلمن  يبين  أصالة.......طيبه  والمنبع  يفاخر
ولا يصير ابوجه ثاني ....ثوبه باصناف المظاهر
ينعرف صوت الحقيقه....عايش ابحيله ويناظر

بس حسد گلبه  امتله
شوف  وضعك   عدّله
الغيبه  عندك   مشكله

لازم اتصحي  الضماير

حاذر بالزلل وحفظ لسانك
باچر هوه حصنك هوه امانك

كلهم ما يقصرون
خدام الزجيه
*******************************
ناس تعميهه المطامع.....وبالسان الغيبه حاضر
اشما تگله اتوب احذر... گالك خلهه اعله باچر
بالغرور اشگد يسولف.....ناصح  وكلش  مثابر

يبنادم  احذر حالتك
لا   لا   تغرك  دنيتك
تهوى وتطيح بزلتك

عوف مرحلة التفاخر

عيش  ابدنيتك عوف النميمه
محلاتك تره  الفطره السليمه

للجنه يطبون
خدام الزچيه
*******************************
باچر التوقيع  واضح......بي ختم  من  الزچيه
يعيش بالدنيا بكرامه... والعشك حامي الحميه
هذا  دستور  العقيده.....لو  ردت نهج  القضيه

شوف كل سيره وعجب
ابحبهم   اتنول    الرتب
علي   بس در وذهب

حب علي هوه الهويه

باچر   بالحشر  تعرف حسابك
لا تدور  ولاتلف حضر جوابك

بالمحشر  يضيئون
خدام الزجيه
*******************************
كلشي   بالدنيا  يغرك... بيت  وموال  وصحاب
عوف عنوان  التفاخر ... ونسه  مسألة  العتاب
گول بس حسين عندي.. هذا يا محلى الجواب

اتريد  تنجه  ابهل الامر
حسين بس هوه الذخر
هناك    يشفع   بالحشر

مبدأ الحق والثواب

يامحلى الخدامه ويعلى شانك
باچر    بالحشر   حاجز  مكانك

بالخدمه يوافون
خدام الزجيه
*******************************
تمت بعون الله تعالى الشاعر_يوسف_الفتلاوي

الناشر احمد الفاطمي

29 April 2026 09:17

برنامج محرم الحرام 2026
#يامولاتي_العليله 💔

بويه وهاي انه بالطف حلمانه
امشي امنيتي وياك
وكلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶
حلمانـه ويــــاك امشي ياروحــــي
انته ادوايي ونــــزف جـروحــــي
خذنــــي وياكــــم هم عطشانــــه
واوِعـــٓدك مـــا تسمــــع نــوحــــي

ابجــــي سكته حزنــــي سكته
وخل اموت بحركتي وماريدن دواي

مــــا اعذبــــك ولا اتعبــــك
نومه بويه بحظنك واشتمك هواي

خذني ويه خواني بيكم عنواني
لو ترحل وين الكاك
وكلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶
شيصبر روحـــــــي المتعوبــــه
فـــاطِمتك بويــــه مصيوبـــــه
وهم تعبانــــه وعلتي وكلبــــي
الفــــارك ضايــع بين دروبــــــه

وينك انتــــه والكسرتــــه
ياجبر يرهم الكسري وانته مبعد

وانتظــــاري ودمعِ جــــاري
بدارك وطيفك يبويه ايروح ويرد

بهمي ودعواتي ونزلت دمعاتي
مخنوكه اوين هواك
وكلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶
حلمانــــه اركض بويــــه الهيمــــه
واتچـَـــوه بنيِــــران الخيمــــــــــه
خل اركض بويــــه ويه اخواتــــي
ونتشــــارك بالطــف وبــظيمـــــــه

جمره اسحك وخلنــي انطك
هذا متني وايدي بس خلني اروحن

انته روحـــي ودوه جروحي
يابو الاكبر لو غبت مابيها اعيشن

تبيض اعيوني من اتعوفوني
شينومه الضل مشتاك
وكلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶
مامرتاحــــه بيــــوم الرحتــــوا
عفتونــــي الوحــــدي وحملتوا
لو لحظــــه الفركــــه اتعبنـــــي
شلــــــــون الكاكــــــــم طولتوا

هسه وحـــدي وهذا حـــدي
انه ما اصبر ثوانــي ارد اخوتــــي

موحشه الدار والبعد صــار
من بعد ظعن الاحبهم كرب موتي

يصعب فركاكم تبقئ ذكراكم
موتي وماريد انساك
كلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶
كلبي بكسره وجرحــه الدامــــي
يابويه شلون اكضــــي ايامــــي
تاخــذنــــي البابــــك وتردنــــي
روحــــي احتارت واجدامــــــي

اصبر شلــــون وهاي العيون
تريد وجهك ياضواها وكشخت العين

بعلتي والروح وهاي الجروح
تزود بالهم واليطيب شوفت حسين

وحدي بلا والي ودمعاتي تلالي
وحدي وضليت انعاك
كلبي بحزانه وتحرك نيرانه
خذني ماحب فركاك
ــــــــــــــــــــــــــــــــــــــــــــــــــــــــــــــــ🪶

الشاعـر : فيصل عاشــور المنصوري

الناشر احمد الفاطمي

29 April 2026 09:17

برنامج محرم الحرام 2026
#يامولاتي_يازينب 💔

ودعت قبر الرســــول بنظرتي
اودعت امي وكسرها بكسرتي
رايحه بظعن الدمع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
ودعت عطــــر المدينــه قبـر جــــدي والحسن
وقبر امي بكل جراحــي تــارك بروحي الشجن
ياعذابــــي الما تركنـــي اختار كلبي وبي سكن
اجدامي عن اهل المحنه شلــون ما ادري مشن

نزلت بحركه وتچــــوي دمعتي
ساكن بروحي الحزن يابلوتـــي
سكته وني شينسمع
رايحه بكســـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
عفــــت داري البلمدينه وخوتي جهزوا هودجي
ودعت كــل ذكرياتــــي بحــــزن كلبي وبالبجي
تتبع اثــــاري المصايب مـا تكــــف لمن تجــــي
متاعي ماخذته بواجـي وخنكه بعيوني وحجي

حست بكلبي وجراحـه ناكتي
وعرفت شرايح يصير بغربتي
للحزن جيبو الشمع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
من مشى ظعن الحبايب ذبلت اوراق الشجر
وغيمت الدنيا مخــاوف الله يستر هــل سفر
ياخريف احــــزان زينب انــــه زينـب بالقهـر
من صغر سني وافـــارك حالي رحمــه يادهر

الله يعلم بيها وحــــده مصيبتي
ظعني يمشي وانه ادري بقصتي
باجــر يبين الوضع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
من مشينه دربـي شفته حــاس بينه وبالتعب
وشعب كــل ديره نطبها يختلف عن كل شعب
اليا سبب ناس التضدنه والكرهنـــه اليا سبب
احنـــه من نســل النبوه وماكو مثل اهلي نسب

دارت اباطــــل حسافه دنيتي
ويه اهلي وباجـر انه بحسرتي
وبالمصايب انجمع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
نوصل الطــف المصيبه وهم اودع مـــن هلي
علي فاركتـه بصغرتــي وهسه افارك هم علي
وجاسم وكافل ظعوني بجفه عــــدل محملي
اشد فركه الحيلي تهدم افراك اخوتي والولي

امن المدينــه الكربله يارحلتي
ومنها للشام انـه اروح بعيلتي
شمايمر يوم انفجع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶
ياصبر روحــــي والمهـا وياحزن كلبي اليدك
عكب الحسين شيمرني غير خيمــه وتحترك
وانه حسبت بطريقـــي اول وتالــــي افترك
عودت روحي المصايب ادري وحــدي انترك

شلون انام وفاركت كل اخوتي
عل هــزل امشي واروح بونتي
وخبر عنهم ينقطع
رايحه بكسـر الظلع ودعتهم
ــــــــــــــــــــــــــــــــــــــــــــــــــــــــــــــــ🪶

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام 1447 هـــ
ياعقيلة الكمر
🔹🔸

الشــام اذانـــي دربها
ونــاس مايرحم كلبها
كلها سبتني لأن أمـــي الزجيه
ــــــــــــــــــــــــــــــــــــــــــــــــــــــــــــــــ
من بعد طف كربله والما رحمني
كلمن ايشامر حجي حجاره وصلني
اتكيدت جفي بحبل غير الشتمني
والله صعبه تنحجي هذا ضربني

عالهزل ياوسفه دربي
ويا جـرح يكدرله كلبي
وانه فاركت الاهــل بالغاضريـــه
ــــــــــــــــــــــــــــــــــــــــــــــــــــــــــــــــ
انه لايتام الظعن صرت الكفيله
وهاي رحله من الالم كلش طويله
للاسف اسمي اختلف وانه العقيله
بالغربه ربطولي الاسم هاي الثكيله

اسمي ياوسفه الغريبه
صار وانه ام المصيبه
يامــــوت يدّنــــه الي ويجبل عليه
ــــــــــــــــــــــــــــــــــــــــــــــــــــــــــــــــ
الليل يفهمنه بجــــي ويعرف عللنه
وبالخرابه انون سوه كلنه عله اهلنه
من راحو احباب القلب محد بقى النه
ضلينه نسمع بالشتم هذا القهرنه

ايتام ما تسكت لانها
فارِكَت ناس او وطنها
وكوه صعدونه الهزل وانه السبيه
ــــــــــــــــــــــــــــــــــــــــــــــــــــــــــــــــ
انفتح باب القصر وادخلنه بالشام
وادخلت ويه الظعن اجروح الايام
ياعين شافت كربله تغفى اهيه وتنام
ما يرف جنح الظعن اكبال الاسهام

اطفال ظعني عذبوها
وكل رقيه تريد ابوها
وانه وحــــدي للالم واشكف بديه
ــــــــــــــــــــــــــــــــــــــــــــــــــــــــــــــــ
انــــه زينب يادهر سهمك رمانــــــي
والدي حيدر علي وشاهد زمانــــي
من زمرة الكالو وآن جمر الجوانـــي
من نار باب امي كبل للطف اجانــــي

النــــار مستعره بدليلي
وبس حزن متروس ليلي
وصعبه تمشي عله الهزل كل فاطميه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
الخدمة لبيك ياحسين
🔹🔸
للخـــدم مـولاي نــــاذر سنيني
والمجالس هاي نعمه تنطيني
ــــــــــــــــــــــــــــــــــــــــــــــــــــــــــــــــ
رزق من الله المجالس بيها يتوعه الفرد
عنبر المجلس دمعنــه والعطـر فاق الورد
الروح تفتر للعزيــه وتاخــذ اللوعه وتـرد
الحركه تحله للموالي اليمرد بروحه مرد

من مصابــه اليوم دمعه يسكيني
والمجالس هـــاي نعمــه تنطيني
ــــــــــــــــــــــــــــــــــــــــــــــــــــــــــــــــ
نعمه والينكرها خاسر يبقى كل عمره وره
الماعرف فضل العزيه لايضل يحجي تره
اليقومنه اعلى حبـــه حسين دنيا واخره
وندخل الجنــه مواكــب بالقلوب الطاهره

جم مصيبــه تهون منهــا سويني
والمجالس هـــاي نعمه تنطيني
ــــــــــــــــــــــــــــــــــــــــــــــــــــــــــــــــ
على الفطره عشكنه عشك طفله مدلله
مثل ماجان الرقيه صار النه وصرنه اله
نكعد بفــي المجالس مثل كعدت عايله
ياضــوه الدنيه ورزقنه بالدموع الهامله

من دموع العين والهــا وديني
والمجالس هاي نعمه تنطيني
ــــــــــــــــــــــــــــــــــــــــــــــــــــــــــــــــ
يا اللهي بحق خيمهم خلني بحزان الحسين
للخدامه اجعلني خادم روحي ترخص للونين
انه اعمى ابلا دروبه ودربه النطاني اهوه عين
امن الطفوله للمآتم والها ياخذنـــي الحنين

بالحـــزن هليت وخلــــه يأذينــي
والمجالس هاي نعمـــه تنطيني
ــــــــــــــــــــــــــــــــــــــــــــــــــــــــــــــــ
للمجالس انطي عمري يحله من ابجي العمر
وكون يجويني المخيم ابنار تلسع والجمر
وكون اعيشن عمري انحب واكسر كليبي كسر
الراحه بالمجلس بواجي والهوه احلى عطر

للمجالـــس دوم بيهــــا ربيني
والمجالس هاي نعمه تنطيني
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
مولاتي السيده رقيه عليها السلام
🔹🔸

كلبي مـــايحمل فركته
الليل يكسرني وذكرته
رايـــــــــده حـــســـين
ــــــــــــــــــــــــــــــــــــــــــــــــــــــــــــــــ
أبـــدي بهمومي وضياعي
مـــن رقـــيــه للتركــني
من صبر روحي وكسرها
لليعزنــــــي واليحبنــي
الـــى عينـــــي وضواهـــا
حسين روحي واليهمني
شلون راح وخله روحـــي
اتلــوب وفراكـــه كتلني

اترادئ حيلي وكلشي بيه
امجتفه واسمـــي رقيــه
رايــــــــــــده حـــســـين
ــــــــــــــــــــــــــــــــــــــــــــــــــــــــــــــــ
والدي حسين اشحلاته
بـــس الـــه تحله يـبابه
ينشهك بنفاســـي عطره
وثوبـــه ينباس وترابـــه
اتغير الحـــال اوتركنـــي
وبيه ضل يمشي مصابه
بحظنه جنت اغفه اميره
وهسه بحظان الخرابه

ردت انام بحظنه ساعه
وخله يكسرني ابوداعه
رايــــــــــده حـــســـين
ــــــــــــــــــــــــــــــــــــــــــــــــــــــــــــــــ
خـــل اسولفله الصراحه
بالخرايب جرحــي يكبر
التف حبلهم فوك جفـــي
جفي جان ايلزمه الاكبر
وجدمي يمشي على الترافه
وهسه خطوه وزين يكدر
رايـــده حسين الحياتـــي
ليش طيــف ابالــي يفتر

وارد اسولفلـه بجـراحـــي
شلون ضل يشرق صباحي
رايــــــــــــــــده حـــســـين
ــــــــــــــــــــــــــــــــــــــــــــــــــــــــــــــــ
حيل مشتاكه الضحكته
ليش شفته امفطره
رايــــــده ايكلـــي رقيــه
وانه احب امسامره
ليش يتركنـــي ابخرايب
بحزني ابقى امساهره
الليل لو طـــول يخلـــي
چـــم كسر بالذاكرة

روحي تلتم امن اشوفه
وتنتهي لـمن اعوفــــــه
رايــــــــــده حـــســـين
ــــــــــــــــــــــــــــــــــــــــــــــــــــــــــــــــ
هسه وحدي الشام يخنك
تربعت ابروحي المأسي
بديره غربه وناس تضرب
شابجه العشره عله راسي
والالم صـــار اعله كلبـــي
حمل ويهد الرواســي
وهذا ظعن حسين كلـــه
بالحزن متالمه ناســـي

كلهـا ضلـــت بالنوايـــح
راس عالي وجسد طايح
رايــــــــــده حـــســـين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
مولاي السجاد عليه السلام
🔹🔸

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ
ياسيد العُبـــاد كســـرك يكبر ابهل سلسله
ياعلـــي السجــاد كلبك شايــل هموم وبله
كل صبح يشرق مصيبـه من مصايـب كربله
شفت بعيونــك نوايب حاطت الظعن اكمله

من حزنك حزن الغيم من مثلك شاف الظيم
انته صمتك منه هاي العاصفه

وحدك صاكرلك جيش افعالك ماجت بالريش
جف ابو فاضل لسانك وضفه

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ
ليلك اليكضي نواعـــي وحملك ايميل ويرد
ياعلـــي السجــاد كلبك منمرد عالطف مرد
من مرض روحك تصابر تمشي بظعون الورد
من بعد اهلك واخوتك عايش احـزان البعد

قائد تمشي ومهيوب وجدك قالعها البوب
من علي الكرار بيك انته صفه

فوك الهزل وانشوف الجيش وغطاء الخوف
وارث الشجعان حق مو عاطفه

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ
رحت بدروب المخاطـــر من بعد حــرك الخيم
وخذت دورك بالشجاعه واشمخت فوك القمم
جلمه من تنطقها ثـــوره وتنحسب رفــت علم
عنك التاريخ شاهـــد طالـــع امن اهل الشيم

وحدك وبجفك كيد وكلها ابامرك شتريد
السبع منك دروسه واكتفه

راعبهم هزيت اجبال مو جلمه وحجي الينكال
الوحيد البالوفه اصل الوفه

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ
اتكمل حسين بثورته ومنه شخصيتك علي
انتـــه من بعده ابفعالك ولي وارث من ولي
وانتـــه من لب المهابه وساطـع وامرك زلي
قائـــد ابظعن اليســـاره والمدد منكم يلي

قائد سيفك مسلول بالسانك هزيت اعقول
وكلها مرعوبه بقت والخايفه

سطراتك هاي اليوم اثرت بيهم للدوم
بخزرت اعيونك تشوفها الخفه

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ
واكف وكلك خطابه وراعب اجيوش العده
وانته محتركه خيامك والالم جـــار وسده
زلزلت عرش الرجاسه واهلكت اهل الرده
ناذر اسنينك شجاعه وللظعن كلك فـــده

فادي سنينك لحسين كملته وتوفي الدين
اسيول اجت منك عليهم جارفه

بديوان اكبالك ارجاس رجفت جنك عباس
تدوي جلماتك عليهم خاطفه

انته عابرها الصعاب ابمعرفه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:15

‏مقطع صوتي من مصطفى الغريباوي

الناشر احمد الفاطمي

29 April 2026 06:29

يامولاي ادركني. وحدي لا تتركني

..................
اه وصحت من الالم يالمنتظر
من واقعي المر هذا اين المفر
يابن الحسن عبدك انه في خطر
من دواهي الدنيا شابع وقهر
يامولاي وسعفني
من بلواي خلصني
.....................
ياسيدي بشده طحت يامولاي
المن افزع وانه في هم بلواي
بالزهره حلفتك سيدي اهواي
عن عيني غايب وعندك دواي

يامولاي داويني. نظره منك تكفيني
.................
ياحسره ضاعت اوقاتي وشبابي
اش ينفع ندم لوضاعت احبابي
الحق عليه ارمم قلبي وحسابي
وقبل رحله الموت بيض كتابي

يامولاي اعذرني لوغلطان استرني
...................
انه اللي اذيتك سيدي وادري
من كثر ذنبي ومن كثر عذري
وانه المقصر منكسر جيت اسري
اباب عفوك واقف بروحي اشري

يامولاي. وتشوفني
يامولاي لتعوفني
..............
انه المهم عندك كنت هسه وين
الاقي يمك جلسه لو نظره عين
لو بس لهل الطاعه والمريدين
ياسيدي من ليه من للمذنبين

يامولاي لاتعذبني
وبالعقوبات تادبني
...............
انه الطحت من عينك وزعلتك
انه الغرتني دنيايه ونسيتك
تبا لدنيا ونفسي لو بكيتك
سامحني مولاي وردني دعيتك

يامولاي ورجعني
مثل ماكنت ترعيني
.........
سيدي بقلبك ادري وبجراحه
وادري ما خلت الطف الك راحه
وانه اللي زيد اجروحك صراحه
لك اعترف سيدي واطلب سماحه

يامولاي. وانته ربيني
للحسين عبدا حسيني
....................
هاليوم يامهدي اعلن توبتي
اليوسف فاطمه والطلعه نظرتي
ياسيدي ارجوك ارحم دمعتي
وقبلني خادم بالخدامه عزتي

.يامولاي واشتريني
اضل اوياك ماتبيعني
................


فاضل الدالوي 1447

الناشر احمد الفاطمي

28 April 2026 19:10

.
لسان حال مولاتي العليله ع
ـــــــــــــــــــــــــــــــــــــــــــــــــــــــــــ



*شالو كل هلي أليـله.*. ولاظل واحد أشگيله.*
.*أشگي حالتي الربي.  مشو عني.*
.*الأحبهم عذبـــو گلبي.  مشو عني.*
                                
*ــــــــــ*ـــــــــــــــــــ*ـــــــــــــــــــــــ*
خلوني وحدي وسافرو والدار صارت وحشه.•
ولماتنه الحلوه مشت ويه الضعن من غبشه.•
ضليت مشدوهـا مـثل  طير المـضيع عشه.•
يأناس الـ يفأرگ هلـه خـلوه يحـظر نـعشه.•

.*عليهم يبچن عيوني.*
.*شكثر گتلهم اخذوني.*

. عيوني عله الدرب تربي.   مشو عني.
. ألأحبهم عــذبو گلبي.  مشو عني.
*ــــــــــــــــــــــ*ــــــــــــــــــــ*ـــــــــــــ*
يابويه أخذني أشكد صحت مأچنه يسمع صوتي.•
رديت  تعبأنه شكثر  ورتــاح بس  بموتي.•
الدار صارت مـوحشه  وهدومي چـن تأبوتي.•
تعبن أجدامي بلامشي من الفرگه رأحت قوتي.•

.*روحي تحن عله الملكه.*
.*نسوني وحصتي الفركه.*

.*رأح من أيدي كل تعبي.* مشو عني*.
. ألأحبهم عذبـــو گلبي.*  . مشو عني.*
*ــــــــــ*ـــــــــــــــــــــــ*ــــــــــــــــــ*
يامـوت وينك مـاتجي طـعم الـهجر عذبني.•
لأابـوي أخذني مـن مشـه أولأ  انتـه المـاخذني.•
محـتاره مـأبين المــرض ومـأبين المـ فـارگني.•
كل ساعه أركض  ع الصور  هاذه الأمر تعبني.•

.*وعلي يـابـويه تعبانـه.*
.*والـينعاف مـوش انـه.*

.*جفوني وماعرف ذنبي.*  مشو عني.*
.*الأحبهم عذبـــو گلبي.*   مشو عني.*
"ـــــــــــــ*ــــــــــــــــــــــ*ـــــــــــــــــ*
اعصر بـديه مـن الهضم  ودموعي تنزل سكته.•
واختنگ مـن اسمـع حچي لحسين عـايـف بتـه.•
يحسين بــويه بغـيبتـك حـته النـفس ضـيعته.•
گلبـي اليحـبك مـن صـدگ ليش بهــجر عـذبته.•

.* يسد عين الشمس همي.*
.*ولاواحـد بقـه يـمـي.*

.*بعذاب يجأزو كل حبي.* مشو عني.*
.*ألأحبهم عذبــو گلبي.*    مشو عني.* 
*ــــــــــــ*ــــــــــــــ*ــــــــــــــــــــــــ*
مشتاگه لأحبأبي وعلي وحالي شكثر مـألومـه.•
اتمـنه يـرجع والـدي يـاهـو الـيجيب اعلــومـه•
بعطره احس روحي ترد  كل ساع اشم هدومه.•
تــفأرگـنه من ذاگ الشمل والـــمه مـامقسؤمه.•

.*احط راسي عله المصلأ.*
.*وگولن سهله عنـد الله.*

.*يردهـم ويئعرف عتبي* . مشو عني.*
.*ألأحبهم عذبــو گلبي.*  مشوعني.*
*ـــــــــــ*ــــــــــــــــ*ـــــــــــــــــــــــــ*

خادم السيده العليله ع
#علي_الحموداوي

الناشر احمد الفاطمي

28 April 2026 07:58

‏ألسنة كلها بس الك .. والي حزن حسيني
‏عندي عاشور وصفر .. خلي اطفي عيني
‏
‏العزاء للقائم  .. العزاء للقائم
‏
‏________
‏
‏كل محرم هاية
‏الك نفس حجايه
‏سدوا الشارع هذوله .. باللطم وقراية
‏
‏خل اكلك كلمة
‏حسين اكبر نعمه
‏انته سامع خادم .. عاف هاي الخدمه
‏
‏لاتناقشني وتكلي غلط هاي السالفه
‏العارض بهاي الشعائر هذا ابوه ماعارفه
‏كلمة واسمع هاك مني الدارجه ومتعارفه
‏احنه منبطل نحبه حسين شيخ الطايفه
‏
‏سده حلكك يابشر  .. ما أبطل ونيني
‏حسين سواني ملك .. شلون اعوف حسيني
‏
‏العزاء للقائم ... العزاء للقائم
‏________
‏
‏تحجي عن اهل اللطم
‏ولك بس ذوله الزلم
‏اخذو المنهاج صح .. هل يسموهم خدم
‏
‏مانفرق بالنحور
‏بالتراث ولطم شور
‏اثنينهم نفس الحسين .. والله الينور الصدور
‏
‏انته يل همك تخرب كاعد انته اتخاطر
‏تدري كل مجلس نقيمه ابو فاضل حاضر
‏باجر  يسطرك وويلك لو يكلفك باجر
‏ماتلحك هوا تشتم هوه كلشي حاصر
‏
‏انته شعليك بدمع .. مني لو من عينك
‏يالي ماعندك حسين .. مايفيدك دينك
‏العزاء للقائم ... العزاء للقائم
‏________
‏
‏انته مو بحساسي
‏ولو اعز كل ناسي
‏لا تكلي مايجوز .. من اطبر راسي
‏
‏النصيحه خلها الك
‏ولون بيدي العب فلك
‏موش بس الراس اطبره .. روحي اطبرها ولك
‏
‏بيدي امسح بيك شارع دخل بي موكب الي
‏واني هاي الازمتني خاف مايرضه العلي
‏جاي تمنعني اطبر فدوه اروح اني وهلي
‏الهامه من تنزف تواسي فاطمة تواسي وعلي
‏
‏احجي الي اتريده ... هالشهر ما اسمعك ..
‏طموحك انته بعيده .. خل كلامك ينفعك ..
‏العزاء للقائم .. العزاء للقائم
‏
‏_______
‏
‏باجر الصيحه الفجر ..
‏المهدي بسيفه يطر ..
‏المارضه لجده العزاء .. شطر يشطرهم شطر
‏
‏بيمنته صمامه
‏ومن يفك الثامه
‏يحين وقت الانتقام .. وتفزع اللطامه
‏
‏باجر المهدي يرتب جنده كلمن لطمه
‏ياهو لاطم حيل صدره وياهو مثل الاعمه
‏وياهو وزع ماي بارد واليشده اللهمه
‏وياهو يغسل بالجدوره هذا ياخذ ختمه
‏
‏ان شاء الله يعدنه خدم .. هالوسام شكبره
‏نمشي ونعيد الخيم .. ونلم كلمن نحره
‏العزاء للقائم .. العزاء للقائم
‏
‏________
‏
‏عدنه لو فتوه وامر
‏ندخل الشام العصر
‏نسحك اتباعه اليزيد .. الطلعوا بهذا العصر
‏
‏زينب اتضل حره
‏نور شام وحضره
‏الهدداها رد كفيل .. هاج نار وكبره
‏
‏حتلو ماتقبل انته انسوي مشية اربعين
‏لزينب الضلت غريبه بشامهم وبلا معين
‏الراية لمن نزلوها للخدم مابقت عين
‏هسه يالعرعور رايد تمنع احزان الحسين
‏
‏حسين اعز من كلشي .. شما اوصف صعبه
‏كلي موت ولكن .. ما اعوفه لدربه
‏
‏العزاء للقائم ..  العزاء للقائم
‏
‏________
‏
‏بالمثل كالوها
‏بمده ماعدلوها
‏السان ذاك الينتقد .. بذيل من شبهوها
‏
‏من الخدم هالرده
‏الينتقدنه شحده
‏ندوسه وي الخلفوه .. الضدنه ابنها لهنده
‏
‏وكت الكم بالشعائر صرتوا اتمنعونه
‏احنه لازمنه اسمنه جي خدم سمونه
‏والله والعباس نعرف همه بس لزمونه
‏لجن من يضهر المهدي الحاجي افكس عيونه
‏
‏باللطم اكطع درب .. وحرب اعلن بيها
‏وابو صالح من يرد .. هوه اليصفيها
‏العزاء للقائم  ..  العزاء للقائم
‏____
‏

الخادم قاسم جعفر المحمداوي

الناشر احمد الفاطمي

27 April 2026 11:05

ياگلبي لا تنطر ابد
الراح مايرجع بعد
ياحيل كل حيلي رگد ... حيلي ركد

عشره صفيت ويالألم
ويه الدموع التجري دم
گلبي حترگ قبل الخيم ... قبل الخيم

اهلي وكتي خذاهم
وانه اصرخ وراهم
لانسوني ابسفرهم
ودمعي لا مانساهم

رحله هاگد طويله
وعافو الهم عليله
اگعد انطر رساله
وانه طفله ونحيله

كلشي راح
حيلي طاح
راح اموت
من الصياح
،،،،،،،،،،،،،،،،،،،،،،،،،،،،،،،،،،،،،،،
من سافرت ضحكت هلي
البيت ضل ضلمه وعلي
خلوني جا ياهو الي ... ياهو الي

اتنطر ودمعي يهل
وبعتبت الباب انشتل
ضهري بعد ماينعدل ... ماينعدل

ياهو اليردلي حيلي
يخلص بدمعه ليلي
اصعد انه ورقيه
منيتي جانت يويلي

اهلي من وادعوني
وروحو وما خذوني
هنانه خلصت حياتي
من شفتهم جفوني

دمعي سال
وضهري مال
وصرت انام
اعله الرمال
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مشتاگه عيني وتنتضر
هلبت خبر ليهم يمر
شلون ابرد ودمعي جمر ... دمعي جمر

وحشة واخاف من الهوه
متعلعله وگلبي انجوه
ماينفع اوياي الدوه ... وياي الدوه

منيتي يلفيني موتي
ضجه حته بسكوتي
لا ابو الباقي يمي
وسافرت كل اخوتي

عشره راحت ضيمه
ورده تهجره غيمه
تعطش وماكو گطره
هاذا حال اليتيمه

شلون اشوف
بگلبي خوف
ادري ابوي
ابنص سيوف
،،،،،،،،،،،،،،،،،،،،،،،،،،،،،،،،،،،،،،،،،،،،
ادري اليصير ابكربله
كلشي تطشر بالفله
عالهزله اعضم عائله ... اعضم عائله

ادري ابخواتي مطشره
كافلهن ابحر الثره
وبلا خدر طلعت مره ... طلعت مره

اتمنه وياهن اني
الهزله ترهم مجاني
مالي ابهل مدينه
وسفه محد خذاني

منيتي اصبح سبيه
ويه سكنه ورقيه
المن ابقه بغربتي
ريته حبلي ابأديه

وهل كلام
ابلا ختام
بموتي انوح
اعله الخيام

ابوفايز الرافضي

الناشر احمد الفاطمي

30 April 2026 09:03

‏جم ضلمه خانگها العطش وتبدت ابچبد الضوه
‏وجروحي كثرن ياهلي وما يصلح الجرحي دوه
‏لو يدخل الريتي الهوه ماشمه وانتو ابلا هوه
‏
‏اجيتك والعتب ما ينحجي بسكته
‏اوگفت اتباوع الروحي گلت ميته
‏بريني الذمه راح احچيلك البيه
‏هاي الخنگه البصدري سببها انته
‏
‏اجيت اركض عبايه او هم
‏خيمه وثگـلاها اللدم
‏انبنـي واصللك اتهدم
‏0000000000000000
‏يالضيعتنه بطيحتك علتل صعد تالي العمر
‏حشمتك بشكل الجرح حيهم يبو جروح الخضر
‏اترف بشر فوگ الرمل يتگلب او ما مستقر
‏
‏ياهو يداين اعيونه او  ارجعهن
‏شرط ماشوف بيهن خاف اتعبهن
‏بس لحسين هم يله او يكفني
‏شما نشفن دمع ارجع انگعهن
‏
‏شگف عن ضلعه لا ينطگ
‏اشاگف خيلهم تسحگ
‏الباطل صار عدهم حگ
‏0000000000000
‏متحيرة وسأل بالگلب هسه اني واقع لو حلم
‏مابيه حيل افراکهم وبهاي اضن عدهم علم
‏خلوني ادور واهسي المتطشر ابين الزلم
‏
‏سولف بطّل امناغاك بالسكته
‏العله النايمه بگلبي دواها انته
‏ياهو المثلي اخوها تسوي هيج وياه
‏شلت افراگ وجها وجسمه ما شلته
‏
‏بجيت الكم بجي متانات
‏رحت ليكم سبع فدوات
‏يخوتي وتاج البنيـات
‏,, 00000000000000000000
‏وسط الترب ما يندفن راس الورد بس الجذر
‏جاليش راسك بالترب يا جوري يمحلي العمر
‏عل غبرة عافوك شعجب هاي الخلگ كلهم غبر
‏
‏مدري شصاير وعشان يبن امي
‏اني الغاثني والزاد بي همي
‏انته من السهم ومن الحبل اني
‏دمك علتراب وعله الضعن دمي
‏
‏ياول جلمة ما تنصاغ
‏يمحبس عجب الصياغ
‏ياول جلمة نا تنصاغ
‏0000000000000000000000
علي ميران

الناشر احمد الفاطمي

30 April 2026 08:42

‏مقطع صوتي من مصطفى الغريباوي

الناشر احمد الفاطمي

29 April 2026 22:31

ياعليا ياعلي     ياعليا ياعلي
،،،،،،،،،،،،،،،،،،،،،،،،،،،،،،،،،
هاذ صوت الفاتحين  ... ياعليا ياعلي
ها هو الفتح المبين  ... ياعليا ياعلي
ننتصر لو بعد حين    ... ياعليا ياعلي

صحنه ياحيد علي وجوها شتعل
المات مات بطگنه والخاتل ختل
سيفنه ايگطع المناحر لو زعل
الناسي خل نذكره معركت الجمل
ياعليا ياعلي     ياعليا ياعلي
،،،،،،،،،،،،،،،،،،،،،،،،،،،،،،،،،
حانَ وقت الأقتحام  ... ياعليا ياعلي
ذوقو يا اهل الضلام ... ياعليا ياعلي
سكرتَ الموتَ الزؤام ... ياعليا ياعلي

اليوم نطبگها الثريه اعله الثره
رعدت وضلت زلمها امطشره
هتزت وصحنه مدد يا حيدره
زلمه يگدر لينه ماجابت مره

ياعليا ياعلي     ياعليا ياعلي
،،،،،،،،،،،،،،،،،،،،،،،،،،،،،،،،،،،،،
جائكم حشداً مهيب ... ياعليا ياعلي
إنما النصرُ قريب   ...  ياعليا ياعلي
تصقط اعوان الصليب ... ياعليا ياعلي

احنه اهلها ونعشگ الطگ والردم
والله بالهندس نشع مثل النجم
من يصير مزامط اتبيين الزلم
البرزخ انترسه ونخلي مزدحم

ياعليا ياعلي     ياعليا ياعلي
،،،،،،،،،،،،،،،،،،،،،،،،،،،،،،،،،
لو يشاء الله نشاء ... ياعليا ياعلي
بسم رب الأولياء  ... ياعليا ياعلي
تَرتَعد منا السماء ... ياعليا ياعلي

احنه شيعة حيدره واهل الفده
السكته ماتت حجي المگابل بده
الخارق العدنا يدگ حصن العده
لا تكضه القبه لا بعد المده

ياعليا ياعلي     ياعليا ياعلي
،،،،،،،،،،،،،،،،،،،،،،،،،،،،،،،،،
نحنُ اصحاب اليقين ... ياعليا ياعلي
نكسر الدرعُ الحصين ... ياعليا ياعلي
في المعارك لا نلين  ... ياعليا ياعلي

عدنه مرجع ساكن بگاع النجف
الله يستر لو رفع جفه وهتف
يمكن من الضجه تصحه أهل الكهف
جفه خيمتنه وبعد ما منه جف

ياعليا ياعلي     ياعليا ياعلي
ابوفايز الرافضي

الناشر احمد الفاطمي

29 April 2026 09:17

برنامج محرم الحرام 2026
#يا_أم_البنين 💔

من اول يوم ضحّــت غيرت اسمها
من اول يوم ثبتت رفعــــت علمها
وابيــــت الزچيــــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶
اول مـــا تزوجهــــا علــــي الكــــرار
بأســــم الله ونبّيه دخلت اهيه الدار
منهــا حيـــدره رايدله بــــس اقمــار
وكالتله بخدمتك واخــدم الاطهــــار

بعيني حسين وكفت سولف حزنها
بعيني حسين غالي ويرخص ابنها
ومن هــاي المسيــــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶
اسمها فاطمــه وفرحت علي بثنين
غير أسمي ماريد اجرح انه حسين
بأسم فاطم إذا يسمع تهــــل العين
ولقبهـــا علــــي ونـــاداها ام البنين

ولدت عباس ونذرت نحره لأخيه
ولدت عباس كالت أرضي الزچيه
وكمطتــــه ابوصيـــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶
فخر شافت ضوه حسين ونطت كلمه
شخلــف من ولـــد يبنــــي الك دمـــه
اربيهــــم الك وانطيهــــم ابهمــــــــه
بعــــزم ثابـت يرخصولك يبو اليمــــه

بعزم ودين ربــــت ونطـت زلمها
بعزم ودين ضحت وصلت فهمها
وكالــــت للمنيــــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶
الطف لمن اجه واضــــح رباها اشجان
خدم ربت اله مو بس سند واخــــوان
مواقفهم وفيــــه وعبــــرت الشجعان
مثلهم عالاخــــوه ما تلاكــي احنـــان

موقف للدوم بالطف يحمل رساله
موقف للدوم فدوه نروح العياله
بـــأرض الغاضريــــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶
تركت كـــل خبر عن اربعــــه الاولاد
وكلبها عله الحسين بكل حزن نشاد
سئلت عالعقيله والجــــواب ارمـــاد
حتارت والكســر كله بأبو السجــــاد

نهارت بحسين نكسرت طاحت حزينه
نهارت بحسين خسرت صاحت ولينه
ودمعــــتها جريــــه
هــاي اهيه الوفيــــه من اول يوم
ــــــــــــــــــــــــــــــــــــــــــــــــــــــــــــــــ🪶

الشاعـر : فيصل عاشــور المنصوري

الناشر احمد الفاطمي

29 April 2026 09:17

برنامج محرم الحرام 2026
#يامولاتي_يازينب 💔

هاي اعيوني تشوفك كل شهر بحال
هاي اعيوني تقـــره احزانــك يهلال
وتكبر بمصابــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶
اشوفــــك من تهل قوس ونبل وارمــــاح
بغــــروب الدم عجاجه وكلبي مامرتــــاح
لحدمــــا تكتمل دايرنــــه بـس اصيــــاح
شمـس تتغرب وديــــرة وردنــــه الفــــاح

هاي ظعوني تمشي وممشاها الموت
هاي ظعوني تخلص دمعات وصوت
حزنك دك بابــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶
زينب يا شهــــر كلمــــا قــــرب يومــــك
اسولف ويه روحــــي واحسب نجومــك
أكض قلبي بســواد الشفتــــه بغيومــــك
بس الفركــــه والـــدم ألكــــى بعلومــــك

بحزني ولونـــي بدخان الخيمــه احتار
بحزني ولونـــي من تركض بينه النـــار
وبفــــراك احبابــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶
امن ابـاوع للسمـــه ألمح عمــــد مايــــل
يعني حسينـــي يرجــع منحني وذابــــل
رجعتــــه مـن الشريعــــه من أبو فاضــل
يحط ايده على ضهــــره والدمع هامــــل

وحمل امتونــي بطيحة خوانــــي يميل
وحمل امتونــي بهيمه وبس ليل وخيل
وتكمـــل بسبابــــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶
أعــــرف باجــــر بظعنــــي يمـــرّه البين
وأمــــان الخيمــه يتحــول رمــــاد ونين
أعسكر للحــــزن واسلاحــــي دمع العين
واشوف الدنيا تكضــي من يطيح حسين

بهم تركونــي وحدي وعسكر وأرجاس
بهم تركونــي صحت ومــــا رد عبــاس
وقــرّا بكتابــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶
يهــــلال العطـش أطفالــــي بالخيمـــــــة
بضماهــا وتصــــرخ ورادت ابو الشيمــــة
الجـــدم من الخيم شــــارد الى الهِيمــــة
قلبي وذنــــي يلكاهن وســــط ضيمـــــــة

غربه اخذوني عالهــــزل اصعـــد ليش
غربه اخذوني حرمه وكل هذا الجيش
بحزني ما رابــــي ودمعــــي وعتابــي
ــــــــــــــــــــــــــــــــــــــــــــــــــــــــــــــــ🪶

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
مولاتي رقيه عليها السلام

🔹🔸

حلـــــم طفله رقيــــه اتريّد الحسين
وكضــت درب السبي بلوعات الونين
ــــــــــــــــــــــــــــــــــــــــــــــــــــــــــــــــ
حلم طفلة تناشق بالبجي على الراح
تريد الغالي بــس الغالي فوك ارماح
وجفهه امكيد ودايرهــا بــس اصياح

اشيضل بيها البجت حتى فصوص العين
حلـــــم طفله رقيـــــه اتريد الحسين
ــــــــــــــــــــــــــــــــــــــــــــــــــــــــــــــــ
من طــــف كربله صـــار الدرب ملعون
نهش بيها واخـــذ منها نظــــر العيون
بحيث الظلمه صارت والصبح فد لون

كــل خطــوه تكلّ الـ زينب احنه وين
حلـــــم طفله رقيــــه اتريد الحسين
ــــــــــــــــــــــــــــــــــــــــــــــــــــــــــــــــ
تنـــادي على العقيله والقلب مفتوت
خذوها للطشت وبسرعه راح الصوت
وبنّت قمة حلمها على الطشت بالموت

على الشافته مايفرق بعد هالبين
حلـــم طفله رقيــه تريد الحسين
ــــــــــــــــــــــــــــــــــــــــــــــــــــــــــــــــ
اخر لحظة شافت مصحف الله اجروح
اجلاده مخضب وكـــل ايه بـــيه اتنوح
مـــن البسمله بكطع النحـــر مذبوح

اثر طبره على شفته وجوه عينه ثنين
حلــــــم طفله رقيـــــه اتريّد الحسين
ــــــــــــــــــــــــــــــــــــــــــــــــــــــــــــــــ
وفاها الاجل من صرخت ابحسره
يابويـــه وحبيبـي ياضـــوه الزهـــره
اهنانــه بينت اشكدها تره الكسره

وعمتهـــا العقيلـه ضلـــت ابنارين
حلـــــم طفله رقيــــه اتريّد الحسين
ــــــــــــــــــــــــــــــــــــــــــــــــــــــــــــــــ
ملخص قُصة الطفلة ونبين الصار
بحرك صيوان اهلها ركضت من النار
وضلت خايفه وضل الكلب محتار

وصاحت عمه شيشوف الكلب بعدين
حلـــــم طفله رقيــــه اتريّد الحسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
#شور #كعديه
🔹🔸

غريبه احتارت الحـــره ونهار الدنيا اظلم صـار
طاح الها اليسند الحيل من بعـده بقت تحتار
متلوعه ابليالي الظيم من حركت خيمها النار
صاحت يهلي لحكوني شماته ترســـوا الاكتـار

الماي يجويها من حركت كلبها
ــــــــــــــــــــــــــــــــــــــــــــــــــــــــــــــــ
من بعد الخيم والنار ليل الطف عذاب اسود
بت حيدر علي الكرار غريبه وما بقى اله احد
اول تالــــي اخت حسين خيمة خيها تتفرهد
محتاره تلم الاطفــــال لو تركــض وره الشِرّد

شبجت الحره العشره من الاصابع
ــــــــــــــــــــــــــــــــــــــــــــــــــــــــــــــــ
وداع الحره ويه حسين شيب اتخضب ابدمعه
اليترك روحــــه بين اخيام نار الخيمه اليتلسعه
وشعلت من دموع العين مو شمعه الف شمعه
الضلت من بواجي الظيم تنعى على المشو تنعه

من بواجيها الغيمه اصبح مطرها
ــــــــــــــــــــــــــــــــــــــــــــــــــــــــــــــــ
صاحت يَخوتي ابهل يوم حيلي من الحزن ذابل
مشتاكــــه لخوها حسين مشتاكــــه لابو فاضل
ليل الفركــــه بس اونين غير الدمعــــه ما شايل
عالركضت وراهـــا الخيل طفلـــه وزينب اتسائل

ولا اتضربوها ابوها المات توه
ــــــــــــــــــــــــــــــــــــــــــــــــــــــــــــــــ
تشاكف عن سياط الموت زينب ضلت ابهيمه
واخوتها على الرمضاء ومنانه احركـــوا خيمه
راح الها الاخو الكفال ابو الغيره وابو الشيمه
ومكسور القلب بفراك ظـــل ابحزنه وابظيمه

التموا اعليها اتشاكف عن رقيه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام 1447 هـــ
مولاتي السيده رقيه عليها السلام
🔹🔸

طفله وخبــــرهــا حسره بصدرهـا
عن حال الحسين يسولف نظرهــا
ــــــــــــــــــــــــــــــــــــــــــــــــــــــــــــــــ
جانت رقيه اتعيش بحظان الحسين
طفله واميره اتكون بنت السلاطين
هسه يتيمه حــال عن الاهـــل وين
ياخذها دمـــــع الاه ويردها الاونين

الكاسر ظهرها وطشر عمرهـــا
والدها الحنين يسولف نظرهــا
ــــــــــــــــــــــــــــــــــــــــــــــــــــــــــــــــ
طفله ابعروش الورد مـــو مالت ابعاد
ماخذ نظرها الدمع بت شيخ الامجاد
شتخلف النيران بس طـــــاري الارماد
مختلفه بت حسين بيها الجـــرح حـاد

يكبر كســرهــا بعملة دهرهـــا
ظلـــت بالاونين يسولف نظرهــا
ــــــــــــــــــــــــــــــــــــــــــــــــــــــــــــــــ
كـــل التريــــده ايصير دللهـــا ابوهـــا
لو رادت اهيه افيـــاي يركض اخوهـــا
من تعطش على الماي العمها خذوها
وهسـه الدلال ايروح طفله و سبوهــا

رايـــح صبرهــا وخيها وكمرهــا
معصوبة العين يسولف نظرهــا
ــــــــــــــــــــــــــــــــــــــــــــــــــــــــــــــــ
ملجومــــه بنت حسين طفلــه ويتيمه
الشافت ابوهـــا ايموت شتظن سليمه
راح الوجـــع عالروح نــــار على خيمــه
محـــد بقـــى يانــــاس والدنيا هيمــــه

طفله وقدرهــــا وهــــذا امرهـا
وتمشي الى اين يسولف نظرهــا
ــــــــــــــــــــــــــــــــــــــــــــــــــــــــــــــــ
شافت بلايا شكثر من عدها الاخيــــام
الراحــــت بأمــــان الكمر ردت بــلالام
من طاح ابوهــا صــــدك ماقبلت اتنام
وموتتها فـــوك الطشت كتلتها الاحلام

النــــار وجمرها وشامت يجرهـا
وشدوها الايديـن يسولف نظرهــا
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:17

#مجالس_محرم_الحرام
مولاي السجاد عليه السلام #نزله

🔹🔸

ياعلـــي وحزنك مصايب كربله
من مشيت على الهزل بالعايله
ــــــــــــــــــــــــــــــــــــــــــــــــــــــــــــــــ
ياعلـــي السجاد حزنك مايفض
من طفوف حسين ماضلك نبض
على الهزل صليت بجروحك فرض
ابتكبيرة اللامك يسيد القافلة
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ
من بعد الحسين كلبك ماصبر
وكسر روحك من بلاء الطف كبر
ليهسه بالك شايل اهات وصور
فوك هزل هل هواشم راحله
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ
الحياة اعليك صعبه امن الجروح
كاضـــي ايامك تون كاضيها نوح
ابوكعت حسينك فلا تبقى اهيه روح
واثر بجفوفك بقى من السلسله
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ
شلون تنسى الي جره ابطف البلاء
وانته بجروحك نصبت الهم عزاء
على الظل امسلبينه وبالعراء
للقبر هاي الدموع الهامله
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ
ياعلـــي السجاد كلبك بس يون
محمل اهات ومصايب والحزن
من دمع عينك تكون هل مزن
وعلى عماتك ركضهن بالفله
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ
حكك امن تنوح تذكر هل الالم
من وكع عباس شيال العلم
منها وكليبك فلا لحظه سلم
من بعد طف الرزيه والبله
ياعلـــي وحزنك مصايب كربله
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

الناشر احمد الفاطمي

29 April 2026 09:15

طب الكوفه خيال
هلا ابخلاس الارجال
من حسين مرسال
سفير الساده
.............
1_حيل الكمر هذا وچف الحسين
هلا بمسلم يصكار الميادين
ابن عمه يسمي زلمة الزين
ويعرف بي شهم ويكحل العين

زلمه وينكط اعناد
اسد بالحومه صياد
مسلم ماله امثال
سفير الساده
................
2_زلمه هاشمي وحلوه خصاله
دخل للكوفه بيمنه رساله
بسم الله قره ابئسم الجلاله
وصله اعله النبي ياسين واله

ويا هالناس ناده
انه مرسل الساده
وشموخه ابعلو الاجبال
سفير الساده
.............
3_ابذاك الصيف رجفهم الزلمه
وبركاب الزلم سيفه يثلمه
ياحي الله مرسال ابن عمه
هذا المايثني ابيوم كلمه

وطوعه اتلكه تكوه
الزلم تغديله فدوه
بيمنه اللوه اوصال
سفير الساده
..................
4_زلمه الوحده امرجف العساكر
سبع صنديد چا غير ابو طاهر
قائد وتعرف زوده العشاير
عله دين الحسين وزلمه ثائر

يمشتت شملهم
يمرجف زلمهم
طب للكوفه عيال
سفير الساده
..............
5_ماخذ من كمر هاشم اعناده
زلمه وسيفه يعشك ركب قاده
صدك خيال ياهيبة الساده
العله سطح القصر والشرد صاده

ويل ابن الدعيه
ويل اجيوش اميه
اجه اليشبه الكفال
سفير الساده

تمت
خادم اهل البيت
مصطفى الغريباوي

الناشر احمد الفاطمي

29 April 2026 09:15

حركوهه الخيم عباس چا وينه
.............
1_اندهولي كمر عدنان خل يلحك علينه
كلوله بحبل للشام مچتوفات ادينه
كلوله تراهه النار ماترحم عبينه
بالخيمات بس نسوان واليله انولينه

كوم الحك يبو الغيره.. زينب ضاله ابحيره

وشباه الزلم يرضاهه تولينه
حركوهه الخيم عباس چا وينه
...............
2_كلوله اليسر والشام مايرحم خواتك
يالوفاي يالسكاي والنعرف صفاتك
نايم عالنهر ياحيد ذني امخدراتك
يمدلل ام عون شلون عفت امدللاتك

ياكفالهن وينك.. طلع السهم من عينك

انهض ونتقم من الشتم بينه
حركوهه الخيم عباس چا وينه
................
3_صاحو بالخيم فرهود والنيران شبت
وذيچ اخته ام عمر خمسين من الركض تعبت
وحدهه ابسوط تنطك ليش وحده ابرمح عثرت
ابدرب الشوچ والعاكول بنت حسين شردت

شمرهم صارت ابكيفه.. ويمنه ايهوس ابسيفه

شيال العلم خل يلحك اعلينه
حركوهه الخيم عباس چا وينه
................
4_السلاسل خويه حيل اثكال ماترحم چدمنه
اوهوادج مامش اعله النوك بالكوه صعدنه
ترضاهه نطب السوك ياكافل خدرنه
تعبنه امن اليسر عباس اي والله تعبنه

بحجر ياخويه يرمونه.. والمو زلم شتمونه

وينك ياشهم ردنه الاهالينه
حركوهه الخيم عباس چا وينه
................
5_ابخرابه امدللات حسين كعدن يبو الغيره
وبنات شيوخ هاشم ليش هسه ابلا عشيره
الاميره اصبحت ياعباس مسبيه او اسيره
ماشافت الراحه ام عون حيره اخلاف خيره

مره ابسوط ضربوهه..مره الناس شتموهه

بيهه اشكد الم ياكافل سكينه
حركوهه الخيم عباس چا وينه

تمت
خادم اهل البيت
مصطفى الغريباوي

الناشر احمد الفاطمي

28 April 2026 21:47

ماريد انساك      خليني وياك
ضايع مولاي       بالي ابلياك
،،،،،،،،،،،،،،،،،،،،،،،،،،،،،،،،،،،،،،
من زغري عشت حساس
مبعدني عن الناس
كلشي عفت . وتعلقت . بيك اشكثر

بس انته والله اهواك
حب الحقيقه اهناك
بس كربله . بيها الهله . وحب الزغر

اعيش ... ويه خيامك احلا ايامي
اهيم  ... بالحب وتاخذني احلامي
اريد  ...  اسهر دمعة بگلبي الضامي
الك

انطيك ايام      تنطيني خيام
تشبعني افضال   مشبعيك سهام
،،،،،،،،،،،،،،،،،،،،،،،،،،،،،،،،،،،،،،،،،
كل ما دليلي ايحير
تفكيري بيك يصير
بيك العقل . ضل منشغل . سارح عشگ

مولاي اخذني ابعيد
غيرك بشر ما ريد
گلبك عذب . كلشي جذب . وانته الصدگ

هواك ... ترتاح من تشمه انفاسي
ضواك ... جن طيف يمر اعله حساسي
غريب  ... بس حبك يالغالي ابراسي
صفه

ماريد الناس    عيشني حساس
بديني شلون    ماي العباس
،،،،،،،،،،،،،،،،،،،،،،،،،،،،،،،،،،،،،،،،
افخر يبعد الروح
عاشگ بشر مذبوح
حب ستقر . بيه وكبر . عاشگ صرت

يالبيك اسولف دوم
الهسه انه ما مفطوم
منك بعد . ما مل ابد . طول الوكت

سؤال ... عن نورك متحير شقره
جمال ... مخلوط بحنيت الزهره
يروح ... ومجانك بالروح اشكبره
جبير

غيرك ماريد     تاخذني ابعيد
طايح بالبير    بس مدلي الأيد
،،،،،،،،،،،،،،،،،،،،،،،،،،،،،،،،،،،،،،،،
بشمت هواك ارتاح
وكل الوجع ينزاح
يابو العطف . حار الوصف .  شيوصفك

مجلس عزائك صار
روح  وحيات  ودار
ادخل شكل . اطلع شكل . واتلهفك

بديت ... قصت حبي من اول دمعه
قريت ... غالي وحافر يسحگ ضلعه
اكيد  ... بذكرك روحي تضل منفجعه
بألم

اسهرلك ليل      وي نجم سهيل
والحسره اطول    وتبوگ الحيل
،،،،،،،،،،،،،،،،،،،،،،،،،،،،،،،،،،،،،،،،،،،
يالنايم ابلا ثوب
من كل كتر مسلوب
محد الك . ضاعت هلك . فوگ الهزل

طلعت الك نسوان
ضل الثواكل بان
بين الغرب . مشهد صعب . ماينحمل

خيام ... عندك بالطف امحرگيها
ضلام ... وثيابك ليش امسلبيها
نساء ... مجتوفه بهزله وسابيها
ضلم

عطشان هواي     ما شارب ماي
طايح عالگاع      بجرحك مولاي

ابوفايز الرافضي

الناشر احمد الفاطمي

28 April 2026 08:37

فرحنه  وبالعشك  ورده..........ودينه
ورفعنه اشموع يم طوسك.....ودينه
خسر  كلمن  يضد طه............ودينه

مشرك بالرساله الاحمديه

●●●●●●●●●●●●●●●●●●●●●
همت بالفرحه واشواگي.......وهماي
واجيك وانسه كل حزني......وهمي....وهماي
يبو محمد ردت عطفك.........وهماي

عشك وياك والحد المنيه
●●●●●●●●●●●●●●●●●●●●●●●●
#كلمات_يوسف_الفتلاوي

الناشر احمد الفاطمي

27 April 2026 22:53

قصيدة نزلة



‏لايفرح الينكر علي .. الجنه بس للشيعة
‏
‏______
‏
‏سين من الناس كايل .. مانجيد احنه البكاء
‏واحنه عدنه اليبجي زلمه .. يوفقه سيد الشهداء
‏كال مانبجي اعل ميته ..مانحب هذا الهراء
‏يله ياخدام ردوا .. علوا بي هذا النداء
‏
‏رساله من الخدم .. للي مافهم
‏نضل ننصب خيم .. ونضل ننطي زلم
‏الحركه اعله الحسين .. مثل نار الحمم
‏
‏_________
‏
‏قبل لا ندخل قضيه ... كلمن اصله يدري وين
‏اني مولود بمجالس  .. وضايع اصلك من سنين
‏اني جدي الشال خيبر .. وانته من النازعين
‏وعلي من يضهر المهدي .. الا طرك وصلتين
‏
‏يجي ويختم ختم .. وموتك تستلم
‏وياه راعي العلم .. يكض كلمن شتم
‏يعيد الكنطره .. ويسويكم غنم
‏________
‏
‏اهواي كلتوا الشيعه تبجي ... احنه نبجي اعل الحبيب
‏بكل وسائلكم اجيتوا .. وبس فشل هذا العجيب
‏المهدي حاضر بيده يختم .. يوفق الكلبه قريب
‏واليضد الشيعه يخسر .. لون صاحوا يامجيب
‏
‏يكلبوها الامم .. شهم جدهم شهم
‏الشيعه بالقمم .. اليضدهم ماسلم
‏الحلم بيهم حلم .. يرعبوه بالحلم
‏
‏________
‏
‏وانتضارك يابو صالح .. جنه جف وبي جمر
‏واختبارك جان اصعب .. والصبر مل الصبر
‏هذا خسران بحياته .. المايتاني المنتظر
‏باجر الزهره تكله .. وين كضيته العمر
‏
‏رامي بالسهم .. لو حارك خيم
‏ساكت عالضلم .. لو ضد الخدم
‏لو شايل رمح ..ضد ذيج الحرم
‏
‏_______
‏
‏اني من يسألني شامت .. وين دارس يامكان
‏والله يم حسين اكله .. لان بس هوه امان
‏والمدرس ابو فاضل .. الوفه بديونه ضمان
‏وفاطمة المدرسه هيه .. هيه تضمنها الجنان
‏
‏وتشد النه الهمم ..وتكلنه والنعم
‏تجي بهيئة عزم .. وتزودنه بعلم
‏تكول ابجوا بجزع .. للباره الذمم
‏_______


‏الخادم قاسم جعفر المحمداوي

الناشر احمد الفاطمي

27 April 2026 06:22

للكوفه رايح بالسلامه
         امودع علي يابو الشهامه
            بس كول عندي ابنيه
             يا  بويه  فكر  بيه
..................................
آنه حميده المارحم يابويه وكتك بيهه
بايگ ضواهه ابلا سبب وبلايه ابو مخليهه
دنيانه يابويه عطش وابشوفتك نرويهه
يابويه الابنيه الابو خيمه اويفي اعليهه
     وابفرگته اتصير القيامه
       للكوفه رايح بالسلامة
           تذبل شويه شويه
            يابويه فكر بيه
..........................................
من ساعة الكالو مشه عنج اوشد ارحاله
اوصه الحسين ابعيلته وبيج انتي وصه عياله
گلبي سكن بيه الحزن والحسره ترست باله
معقوله مسلم مايرد ينسه هله واطفاله
          وبينت يامسلم علامه
           للكوفه رايح بالسلامه
           طفله الظهر محنيه
              يابويه فكر بيه
.............................................
من تمشي عيني اعله الدرب واحسب اتعود لينه
يابويه احنه ابعازتك لا تمشي واتخلينه
ياعيني وابنادم يكف لو عنه شالت عينه
باجر اخلافك دنيتي من الهضم تروينه
           والزمن ماترحم سهامه
           للكوفه رايح بالسلامة
          اشحاله الفگد غاليه
             يابويه فكر بيه
.............................................
خليتني ابعازة ابو وأكضي العمر ملهوفه
والعنه يرحل والده يكسر زمانه اچفوفه
اعليك العتب يا والدي آيا غريب الكوفه
جيش النوايب بالگلب بعدك تهد اصفوفه
            بعدك يسمونه يتامه
             للكوفه رايح بالسلامة
                حالي اليتم تاليه
                 يابويه فكر بيه
..............................................
لا جيش عندك لا اهل واشلون حالك باجر
والبايعك خان الوعد واعليك عسكر داير
لالك عشيره ولا اهل والمن تدير الناظر
شحيت اليه ابشوفتك عندك يشح الناصر
             عنك بعيدين النشامه
              للكوفه رايح بالسلامه
              جثه ابحقد مرميه
               يابويه فكر بيه

خادم اهل البيت علي الزرگاني