Anon

05 May 2025 04:49

‏من كتر رغبتي في إني أكون إنسان مستقل تماما بذاتي ، بقي صعب عليا مشاركة لحظاتي مع أي حد ، بحس إني لازم أتعامل مع مشاكلي ولحظات ضعفي لوحدي ، و الحقيقة دي حاجة مش لطيفه و قاسيه..لكن أعتقد اني مهما شخصيتي نضجت هفضل أميل إني أقسي علي نفسي بدل ما اكون مصدر طاقه سلبيه لشخص آخر

Anon

04 May 2025 07:19

الطف Green flag ممكن تتواجد ف الإنسان ، هو اللين والسهولة ، اللين عموما جميل اوي، شخص لين ف الزعل وفي القرارات ، لين ف الخصام وف الحياه عموماً ، شخص سهل تفهمه سهل تحبه وتتكلم معاه ف اصعب المواضيع ، شخص تضمن رد فعله وتضمن وتطمن انك مش هتهون عليه

Anon

29 Apr 2025 09:07

إحساس جميل أوى لما تلاقى شخص صريح معاك فى كل حاجة حتى لو كان الكلام اللى هيقوله هيضايقك، بس كفاية إنه إستبعد فكرة الكذب علشان على الأقل مايخسركش، وفكرة إن الناس اللي زى دي يبقي جواها دايماً حرص في تجنبها للكذب واللف والدوارن، أنت مش هتبقي محتاج بعد كدا اي حاجه.

Anon

11 Apr 2025 23:33

متخشش علاقة مع حد وهو لسه طالع من علاقه ومجروح، هو ظاهرياً هيبان إنه الشخص الصح اللي كنت بتتمناه، لكن منطقياً -عُمره ما هيحبك ولا هتستمروا مع بعض- ولا هيكون في بينكم فما بعد لغه الحوار ، عشان كده ياريت تتفهم موقفه وقت ضعفه وغياب عقله لإنه مبيكونش مُدرك اى تصرفات وقتها

Anon

05 Apr 2025 23:55

‏متوصلش اللي قدامك لمرحله إنه يتقفل منك وبعدين تقول ده باعني .متبقاش أنت صاحب الفعل الغلط و تقول إنك صح .متفضلش تضغط علي اللي قدامك وتشوفه هيستحملك لـ فين وتستني لحظة إنسحابه وهو بيلم اللي فاضل من روحه وتعيش دور الضحيه وتقول مستحملنيش وتقلب الترابيزه عليه معلش بقي متبقوش بجحين.

Anon

03 Apr 2025 21:26

مفيش ألطف من إنك تلاقى حد يحسسك دايمًا إنك متهونش عليه زعلك ولا خِصامك، تحس معاه دايمًا بالأمان وإنه الشخص الوحيد اللى لو فكرت تهرب من الكون كُله فهو لا، وتبقى عاوز تتشاف دايمًا حلو رغم عيوبك الظاهرة للكُل وإنك تتحب بضعفك وقِلة حيلتك وأوقات إنكسارك اللى مبتسمحش لحد يشوفها

Anon

25 Mar 2025 01:13

مش من حقك تعبر عن مشاعر أنت مش متأكد منها تجاه حد.. فيه ناس بتتعلق بكلمة، وعد بيتقال منك وبيصدقوه، فيه لسه ناس صادقين في مشاعرهم وبيتعاملوا مع اللي بيتقالهم بجدية، بيتمسكوا بالوعد وبيلزموا نفسهم بكلمتهم.. مش من حقك تبقى عيل مع شخص أنت في عينه كبير

Anon

14 Mar 2025 23:16

غريب إحساس إنك مش فاهم، لا فاهم نفسك، ولا مشاعرك، ولا حتى حياتك، حاسس إنك تايه بس تايه فين؟ وليه وإزاي؟ مش عارف حاسس إنك بتخسر بس مش قادر تحدد إيه اللي بيضيع منك، موجوع لكن مش عارف مصدر الوجع ولا حتى علاجه أنت عايش لكن فاضي بتدور على حاجة تملاك ، بتحاول تلاقي نفسك وسط زحام أفكارك لكن كل ما تقرب المسافة تبعد أكثر ، بتسأل الأسئلة الصح بس الإجابات ضايعة وسط الاصوات جوه دماغك وكأنك واقف في نص طريق طويل مش عارف ترجع ولا تكمل والمشكلة إنك حتى مش متأكد إنت رايح فين.

Anon

06 Mar 2025 20:54

اللي حابب يفضفض بأي شي ، أو يسأل في أي شي يبعت هنا @AnonQ74_bot .

Anon

03 Mar 2025 23:08

الحياة ما بتُقفش على حُزنك ولا على مشاكلك، إنتَ اللي بتُقف مكانك والدُنيا بتجري من حواليك وإنتَ قاعد في نفس الكورنر بتبكي على اللي فات! وكدا إنتَ بتضغط على روحك وبتحمّل نفسك أكتر من طاقتها، خلّي الموقف اللي وجعك ياخُد وقته في الحُزن وإركنه ورا ضهرك وكمل حياتك، الذِكرى اللي تعباك خُد وقتك في التعافي منها وإركنها ورا ضهرك وكمل حياتك، عيش كُل مشاعرك وأحزانك عادي بس وإنتَ بتكمّل حياتك مش وإنتَ محبوس في وحدتك وأحزانك.

ما تسمحش للحُزن يسرق عُمرك.

Anon

02 Mar 2025 02:06

كل ما تلاقي نفسك مُحبط خد نفس عميق كده وأفتكر إنك مش فى سباق مع حد ولا مُضطر إنك تثبت حاجه لحد وإن كل حاجه هتيجي فى وقتها المُناسب، وإن الدنيا مش ٢٤ قيراط زي ما بيقولوا، الدنيا دار بلاء وابتلاء، دار اختبار، ده أمتحانك مش نهايتك، ولازم تتأكد إن رزقك مش هيروح لغيرك

Anon

28 Feb 2025 02:13

عاملي فيها عم الناضج وبتحل مشاكل كل اللي عرفهم وبتوجه ده يعمل اي وميعملش اي ونسيت توجه نفسك.

Anon

22 Feb 2025 23:48

موضوع إنك تخش حياة شخص وتعلقه بيك وتدرجياً تبعد عنه وترجع تقرب وتبعد تانى وفكل مره عذر غريب وهو هنا بيفضل محتار ومشاعره بتتسحب منه وبيتعب نفسياً يعنى أنت فاهم ومستوعب حجم الموقف ؟! إنك بتتلاعب بمشاعر الناس وقت فراغك .. فإن قتلت قلباً نبض بالحب لك ظلم من ظلمات يوم القيامة..

Anon

19 Feb 2025 01:52

‏" الشخص الطيب هو أسوأ شخص تقدر تشوف منه رد فعل يخليك تتفاجئ وتقسم انك عمرك ماعرفت الشخص ده ،، ويمكن كمان تكرهه باقى حياتك لو خرج عن شعوره ؛ الشخص الطيب بيسامح الف مره ويعدى مواقف كتير ؛ بس بيبقي عيبه الوحيد انه لما بيروح مبيرجعش تاني حتي لو حصل أيه " .

Anon

16 Feb 2025 02:03

اللي يزعلك ويعمل نفسه مش واخد باله ، مش لازم أنت كمان تديله اعتبار وتفكّر تعاتبه لأنه ميستحقش عتابك ولا وجوده فى حياتك من الأساس ، ده نوع من الناس بيحب يستنصح وفاكر إن الأمور يجوز تتصلح من غير ما يشغل تفكيره في تصليحها وده في حد ذاته قله تقدير متقلش عن "التجاهل والبجاحة" وأنت نفسك عزيزة عليك وما ينفعش ترخصها بالالتفات لشيء ميستحقش الوجود أصلاً

Anon

04 May 2025 09:21

أتمني تشيلوا الكتم من القناة عشان السين والتفاعل يعلى، مش بنزل إعلانات خالص ، فَـ اهتموا بالمحتوى وشيلوا الكتم "Mute" لُطفًا .

Anon

01 May 2025 08:26

بعد ما هتاخُد على دماغك من الحياة ومن الناس هتلاقي نفسك تلقائيًا واخد جنب من كُل حاجة .. من الكلام، من النقاش، من المواجهات، ومن أي احتكاك عمومًا، دا غير إنّك كمان هتبدأ تخاف من الناس ومن وجودهُم في حياتك فهتختار الوحدة بكامل إرادتك، وساعتها لا هتدوّر على حد ولا هتستنى حد،

Anon

14 Apr 2025 23:05

السكوت مش دايمًا علامة رضا؛ فيه درجة من الزعل من شخص قُريب منك مبينفعش معاها عِتاب، ما أنت عاتبت قبل كده لما زهقت من روحك، اتغير حاجة؟ لأ ، فيه درجة من الغضب المكتوم، والإحساس بمرارة الخذلان، مبينفعش معاها غير السكوت، غصب عنك بتلاقي روحك ساكت حتى وأنت جواك بتغلي، فيه درجات من الألم بتسكِّت صاحبها غصب عنه، فيه أوقات أي كلام ممكن يتقال فيها بيبقى بايخ وتقيل أوي على صاحبه.

Anon

09 Apr 2025 22:56

هتوصل لمرحلة في حياتك كل اللي هتدوّر عليه هيكون الصدق .. الصدق وبس وأول حاجة هتهرب منها في حياتك هي التمثيل مش هتستحمل لحظة وسط ناس بتمثل على بعض مش هتستحمل حد بيضحك في وشك وهو مش شايلك حلو في قلبه مش هتقدر للحظة تتجواب مع أجواء النفاق هتبعد عن ناس كتير وهتهرب من أماكن كتير وهيفتكروك منطوي بس الحقيقة إن قلبك نضج ، وروحك عايزة ترتاح في أمان مش هتدوّر على العدد ورضا الناس ، هتدوّر على الأمان ورضا ضميرك أنت .

Anon

03 Apr 2025 22:22

لو حابب تفضفض بأي شي ابعت @AnonQ74_bot .

Anon

30 Mar 2025 18:23

كل سنه وانتم طيبين جميعا طَابَت أعيادُكم برِفقةِ مَن تُحبّون . @AnonQ74_bot

Anon

19 Mar 2025 22:42

الكل فاكر انك مش قادر تتخطي بس الحقيقه إنك مش عايز ومش هاين عليك تحذف الذكريات الوحيده اللي كنت سعيد فيها وعندك امل ان كل حاجه هترجع زي الأول

Anon

13 Mar 2025 00:14

‏لو حد حب يقرب منك، وانت قابل ده .. ياريت متصعبهاش عليه،
وده لمصلحتك انت ، لانه لو وصل مستنزف مش هيلاقي حاجة يقدمهالك، لان طاقته خلصت في رحلة الوصول، وبعدها هتقول اتمسكن لحد ما اتمكن وانت مش مدرك ان انت السبب وطاقته المهدرة دي كانت كلها ليك .

Anon

05 Mar 2025 23:20

في ذكريات بتيجي فجأة على بالنا بتخلينا نبتسم، بس للأسف الابتسامة وقتها ما بتبقاش ابتسامة سعادة؛ ولكن بتكون ابتسامة حُزن، ابتسامة سُخرية، ابتسامة فيها خيبة أمل؛ ودا بيحصل لما بنفتكر ذكرى كانت بتجمعنا بشخص والشخص دا خذلنا .. فلما بنفتكر وعوده وكلامه وأيامه ونبُص للحياة اللي بنعيشها حاليًا ونلاقي نفسنا لوحدنا وإن الشخص دا هو سبب كُل الأذى اللي بنعيشه دلوقتي.. فبنبتسم من الحُزن على روحنا وعلى غبائنا.

Anon

02 Mar 2025 23:10

اللي حابب يفضفض بأي شي ، أو يسأل في أي شي يبعت هنا @AnonQ74_bot .

Anon

28 Feb 2025 03:24

اللي حابب يفضفض بأي شي يبعت هنا @AnonQ74_bot .

Anon

24 Feb 2025 17:29

السَّلام عليكُم ورحمة اللهِ وبركاته ، بما إن رمضان خلاص ع الأبواب ف دا جروب ديني هننزل فيه قرآن وأدعيه وأذكار علي مدار اليوم بإذن اللّٰه ، وإن شاء اللَّه نستفيد كُلنا من بعض وربنا يجعله فِ ميزان حسناتنا.

/channel/+w8PWWMoY7iZiZDlk

Anon

20 Feb 2025 01:08

من اصعب المواقف اللي ممكن تواجه الانسان انه يحس بحاجات وميعرفش يحكيها لحد فيضطر يسكت ويكمل حياته كدا ، ويتظاهر انه عادي يتظاهر أنه بخير ، وهو من جواه مليون نغزه حزينه بتأكد أنو مش بخير ابدا

Anon

17 Feb 2025 02:58

أوقات بتبقى عايز ترتاح بس ما تنامش ولا تقعد لوحدك لكن ترتاح من التفكير ومن الضغط ومن إحساس إنك مضطر تفضل قوي طول الوقت.

Anon

14 Feb 2025 22:33

‏كُونك شخص مُتقلب المزاج بيخليك محتاج لمُعامله خاصه محتاج شخص ياخدك زى ما إنت، شخص يحتويك ويحترم دموعك وجنانك وإحساسك الزايد وتراكماتك اللى مبتعرفش تحكيها لحد، شخص ينظم كل العشوائيه اللى جواك ويفهم سكوتك وخوفك وقلقك من كل حاجه .