Telegram-канал awarenessmessage - حـــــ 💞 ــواء: Unsorted

حـــــ 💞 ــواء

06 May 2024 08:42

انتبهوا أيها السادة والسيدات
إحنا بنشوف اليومين دول ظاهرة منتشرة قوي

إن الواحدة تبقى متجوزة ومعاها عيال وكمان متجوزة عن حب وتلاقيها بتخون جوزها مع واحد ضحك عليها بكلمتين
بصي بقى كل واحدة تقراء الكلمتين دول كويس عشان بعد كده منرجعش نعيط لأن دى مصيبة كبيرة وطبعاً السبب النت ومواقع التواصل الزفت
ال الناس بتستخدمهاا غلط

إبن عمك / إبن خالك / إبن الجن الأزرق / زميل دراسة / جارنا من زمان
بعتلك

مساء الخير صباح الخير

إزيك عاملة إيه
مش باينة ليه
طمنيني عنك
وحشتيني

هى بتبدأ كده وتنتهى بموت ودمار وخراب بيوت
فتحتي بابك للشيطان و هيخرب بيتك بعدها

مالك حزينة ليه
حاسس من كلامك إنك متضايقة
طب إحكيلى فضفضيلى
جوزك ضايقك
أنت لو امراتى مستحيل أسيبك لحظة 😏
وراء إبتسامتك الحلوة ديه حاسس إن فيه حزن عميق

لأ حساس ياواد يا إبن ......

حد قالك إن عينيك حلوة
هتعملى إيه النهارده
أكلتى
فطرتى

ياحنين يا إبن ......

صفحتك على الفيس حزينة قوي وكومنتاتك فيها شرود

إتغديتى
هيجيلى سكتة قلبية من السهوكة

طبعاً أنتِ زي الهبلة وتلاقى قلبك خرج من جسمك
إيه ده حاسس بيا وتلاقى نفسك بتفضفضي وتشكي مع إن هو ماله أصلا
و دى هى الطريقة ال بيجيبك منها

هوب إتعلقتى به وبقيتوا أصحاب ميعديش يوم بالكثير غير لما تتكلمي معاه
و بتحكي معاه على إنه صديق مع إنك من جواكي بتحبيه وعوزاه يجوزك
و هو يقولك أنا عايز أجوزك برضه بس لولا إنك ست متجوزة عارفة أول ما تطلقى هجوزك على طول و يجيبك سكة من هنا

وصل لل هو عايزه من الأول
ما هو مفيش أسهل منك متجوزة و هتخافى تتفضحى فا عادي بقى
( ما تسيبي الواد يلعب يا بنت براحته ) بيحبني بقى

و تحصلي على لقب ست متزوجة و
( زانية / خاينة / شمال ) بجدارة

وخاينة فى كل الأديان و الأعراف و التقاليد و العادات و المجتمعات
لاتقولي بقى مشاعري ولحظة شيطان و لا غلطة

أنت ال فتحتي للشيطان بابك على مصراعيه

أول ما تلاقي واحد بعتلك
كده من غير حوارات ونقاشات بلوك على طول

وال يزعل يزعل حتى لوقريبك
دي أصول ومبادئ يا بنتي
أحسن ماتندمي فى الآخر وتبكي بدل الدموع دم

يابنت الأصول حافظي على بيتك مهما كانت حالتك
يا بنتي متدخليش أي رجل حياتك
لقيتي رجل بصلك بصه إعجاب عينك متترفعش ليه تاني
أنتِ على ذمة رجل خليكي فى حلالك فى حضن جوزك إعملى ال أنت عوزاه
مش لما نقولك إعملي كده تقولي بتكسف

طيب مبتكسفيش ليه من الرجالة الغريبة
و هو الشيطان لازم يكرهكك فى جوزك

وتبدأي تعملي طلباته بالعافية و أنتِ مش طايقاه وعقلك بيقارن بين الكلام الحلو و الإهتمام بتاع ال خلاكي شمال وبين جوزك و أنت شايفاه نايم بيشخر من التعب فى الشغل إنما التاني قاعد صايع وهو متعود على كده مع ستات متجوزة كثيرة
عشان صايع و عارف إنها لقمة طرية و سهلة ولا أهلي و شبكة و مهر و مسوؤلية و تكتيفة و ربطة لأ و كمان هتبقي خايفة تتفضحي

بيوت كثيرة خربت بسبب العلاقات دي
جوزك اللي طالع عينه في شغله دا عشانك أنت مش حد تاني
و يارب ماحد يزعل من كلامي و ال يزعل يتفلق

( ال على راسه بطحة )

خليكي فاكرة كلامي كويس

{ الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ ۖ
وَلَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ } النور { ٢ }

البنت أو الست هى ال بتفتح بابها مش الرجل لأن هو لو وقف على شعر حواجبه مش هيعرف يفتح بابها لو هى مش عايزة تفتح 😎😎