42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤨 «Самалёт» на дарозе і рэкорд свайго часу
Паглядзіце на гэты цуд тэхнікі з мінулага!
🤯 Вось такая «аргабудучыня»: пакуль мануальную працу паўсюль замяняюць машыны, беларускія дзяўчыны рукамі круцяць рухавік
Паглядзіце, чым займаюцца студэнты ў Беларускай Сельгасакадэміі.
💱 Курсы валютаў 24 красавіка
Долар падняўся прыкладна на паўтары капейкі. Еўра сёння не гандлявалі. Расейскі рубель нязначна саслабеў.
#курсывалютаў
📌 Нацбанк знайшоў спосаб падштурхнуць эканамічны рост
Дзеля гэтага вырашылі даваць прадпрыемствам гэтак званыя інвестыцыйныя крэдыты, што будуць таннейшымі за іншыя пазыкі.
👉 Эканамістка Настасся Лузгіна ў размове з «Белсатам» папярэдзіла, што пры найгоршым сцэнары такое раздаванне грошай цяпер можа прывесці да сур'ёзнага крызісу ў будучыні.
😡 Сілавікі ў Дзяржынску робяць ператрусы ў беларусаў, якія з'ехалі за мяжу
Праваабаронцы паведамляюць пра найменей чатыры такія выпадкі. Паведамляецца і пра выпадкі ператрусаў у людзей, што не зʼехалі.
☝️ Пратаколы ператрусаў складаюць у адным экзэмпляры, а людзям на рукі не выдаюць копію, каб не заставалася доказаў аб ціску з боку сілавікоў.
Нагадаем, што на мінулым тыдні ў горадзе ўжо пракацілася хваля ператрусаў. Яны былі звязаныя з удзелам людзей у пратэстах 2020 года.
#рэпрэсіі
😡 500 рублёў – мядзведзь, 200 – рысь
Савет Міністраў устанавіў мінімальны кошт дазволу на паляванне на рысь і мядзведзя.
Каб забіць мядзведзя:
500 рублёў – для грамадзян Беларусі ці іншых краін ЕАЭС (напрыклад, Расеі, Казахстану);
1000 рублёў – для грамадзян іншых краін.
Забойства рысі абыдзецца:
200 рублёў – для грамадзян Беларусі і краін ЕАЭС;
500 рублёў – для астатніх замежнікаў.
Дадаткова паляўнічым неабходна будзе набыць абавязковую паляўнічую пуцёўку, якая каштуе не менш 5 рублёў на чалавека Без яе дазвол не дзейнічае.
Новыя правілы палявання пачнуць дзейнічаць з 21 траўня 2025 года.
☝️Рысь і мядзведзь уключаныя ў Чырвоную кнігу Беларусі. Аднак у Беларусі плануюць панізіць іх прыродаахоўны статус, а таксама зубра і барсука звычайнага.
🤯«Украіна хоча выклікаць хаос у Беларусі»
Пасля навіны пра тое, што ў нашую краіну прыедуць працаваць 150 тыс пакістанцаў, беларусы пачалі абурацца ў сацсетках, а сілавікі – арыштоўваць іх і здымаць пакаяльныя відэа. А што спрабуе зрабіць з гэтай рэакцыяй прапаганда, якая да гэтага гадамі выбудоўвала ў вачах грамадскасці негатыўны вобраз мігрантаў?
Прасачылі, як змяняецца наратыў прапаганды ў нашым артыкуле.
Дабрыдзень, сябры!
Не ведаеце, што пачытаць па дарозе на працу? Сабралі для вас найбольш цікавыя матэрыялы, якія вы маглі прапусціць:
✔️Адкуль у беларусаў у ДНК балканцы і якія рызыкі ў генетычных тэстаў?
Генетычныя даследаванні набываюць усё большую папулярнасць у свеце, у тым ліку і сярод беларусаў. Але перад тым, як зрабіць тэст, варта ўсё ж даведацца пэўныя нюансы, а таксама магчымыя рызыкі.
✔️Выспы, неаготыка і рэкі з белым пяском
Топ-5 маршрутаў па Беларусі на доўгія выходныя.
✔️Усё больш беларусаў трапляе ў рэанімацыю пасля звычайнай прагулкі: імкліва расце колькасць небяспечных выпадкаў энцэфаліту
Як абараніцца ад хваробы?
☝️ Беларусам скажуць каго можна любіць
Улады Лукашэнкі складуць і зацвердзяць «спіс выбітных асобаў», якіх беларусам дазволяць шанаваць і любіць.
У прыкладным спісе разам з Еўфрасінняй Полацкай і Францыскам Скарынам названыя таксама Канстанцін Заслонаў і Пятро Машэраў. Якія, паводле адыёзнага прапагандыста, «не выклікаюць аніякіх супярэчнасцяў у розных палітычных груп». Ці аж так?
Больш падрабязна чытайце па спасылцы.
І складайце ў каментарах свой спіс выбітных беларусаў.🙌
💥 #галоўнае за 23 красавіка
✔️ Адвакат Алесь Міхалевіч паказаў свой пашпарт Новай Беларусі
✔️ У Беларусі імкліва расце колькасць выпадкаў клешчавага энцэфаліту
✔️ Пуцін прапанаваў спыніць сваё ўварванне ва Украіну на цяперашняй лініі фронт
✔️ Перамовы ў Лондане сарваліся праз Крым
✔️ У Стамбуле адбыўся моцны землятрус магнітудай 6,2
✔️ У Беларусь завезлі тэхніку «ядравага» ведамства Расеі
✔️ Сікорскі агучыў палітыку адносна Беларусі
✔️ Латвія рыхтуе новыя правілы бяспекі
✔️ У Беларусі спрасцілі парадак набыцця дронаў
🫤 «Пра статус уцекача ў Грузіі беларусы з вялікаю доляй імавернасці могуць забыцца»
У 2020–2023 гадах Грузія здавалася вельмі прывабным варыянтам рэлакацыі для беларусаў. Але неўзабаве сітуацыя пачала змяняцца.
Грузія адмаўляе беларусам у міжнароднай абароне і часам не ўпускае назад пасля візарану. Беларусы асцерагаюцца, што іх пачнуць экстрадаваць на радзіму.
Ці можа гэта здарыцца і што рабіць беларусам? 👉 Апавёў адвакат Алесь Міхалевіч
❤️🩹 Па стаўленні да жывёлінаў можна вызначыць узровень культуры грамадства
Напрыклад, у Нідэрландах трамвай спыніўся, каб прапусціць... гусей.
Паглядзіце, як гэта было.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Чарговыя карупцыйныя справы – на гэты раз у мясаперапрацоўчай галіне
🔸Як беларуская і расейская драўніна паступала ў Вялікую Брытанію ў абыход санкцыяў
🔸Міністр замежных справаў Польшчы згадаў пра стасункі з Лукашэнкам, міграцыйны крызіс і шмат што датычнае нашае краіны
🔸Пад Жодзінам збіраюцца арганізаваць сажалку з адкідамі – людзі супраць, але міліцыя забараняе нават подпісы збіраць
🔸У Студыі абмяркуем эканамічныя пературбацыі: ранак працы і курс долара з Алісай Рыжычэнка. А таксама сітуацыю вакол Каардынацыйнае Рады: чаму так шмат пытанняў унутры структуры і пераабранне спікера
Далучайцеся да нашага эфіру ⤵️
https://www.youtube.com/live/DKsGJcnm358
🤔 А ці быў хлопчык? МУС адказала ці былі злачынствы з удзелам пакістанцаў, за расповед пра якія сілавікі пайшлі па блогерах
У ведамстве зняпраўдзілі навіны аб прыбыцці ў Беларусь 150 тысяч грамадзян Пакістана
«Міграцыйныя плыні з Пакістана адсутнічаюць, роўна як і злачынствы, учыненыя выхадцамі з гэтай дзяржавы (…) МУС мае ўсе неабходныя сілы і сродкі для забеспячэння бяспекі нашых грамадзян і пастаяннага кантролю міграцыйных патокаў!»
📌 Мікіта Мелказёраў стане сувядоўцам праграмы «Мова нанова»
Пра падрыхтоўку да новай работы, а таксама пра працу над іншымі праектамі ён расказаў у эфіры Раніцы з Белсатам
👀 Праграму цалкам глядзіце на YouTube-канале «Белсат LIFE»
👩🏫 «Zoom» можна: у «антырэпетытарскі» ўказ не ўвайшла адна з найбольш спрэчных нормаў
Гэта вынікае з апублікаваных на сайце Pravo.by вынікаў грамадскага абмеркавання.
👉 Акрамя гэтага, у праекце было зроблена яшчэ некалькі ўдакладненняў
🤔 Расейская мова – гэта дыялект беларускай?
А колькі ўсяго існуе дыялектаў беларускай мовы? І чаму гаворка жыхароў Ашмянскага раёну прэтэндуе на статус асобнага дыялекту?
👉 Пра ўсё гэта даведаецеся ў новым выпуску праграмы «Мова нанова»
📌 «Рэжым без разбору б’е ўсіх»
У сацсетках завірусілася відэа, як замежнікі ўчынілі бойку ў Гомлі. А нядаўна Лукашэнка заявіў, што прывязе ў Беларусь150 тысяч пакістанцаў.
І хоць паводле ўладаў Беларусі, у бойцы ўдзельнічалі не пакістанцы, а мараканцы, адбыўся невялікі сацыяльны выбух. У сацсетках адбываецца вэрхал – людзі пакідаюць безліч злых расісцкіх каментароў. А сілавікі пачалі праходзіць да тых, хто гэтыя каментары пакідае.
Але ж рэжым сам гэтага дабіваўся. «Браты славяне» і «Вялікая Расея» – гэта тое, што льецца з прапагандысцкіх каналаў. Дык чаму цяпер прэтэнзіі? 👉 Разбіраемся
📺 Навіны за 5 хвілін
✔️Украіна перажыла найбольш маштабную расейскую атаку з пачатку года
✔️Дзе ўлады збіраюцца захоўваць ядравыя адкіды?
✔️На волю выйшаў каталіцкі святар Сяргей Трысцень
✔️Латвія ўводзіць новыя патрабаванні для беларусаў
✔️На АЗС у Менску з'явіўся робат-афіцыянт
Глядзіце ў кароткім выданні навін на Белсаце 💻
❗️Рэжым анансаваў вялікую амністыю да 80-годдзя Перамогі
Пад яе трапяць амаль 8000 асуджаных. Абяцаюць «шэраг навацый».
▪️Сярод іншага, у пералік асобаў, якія цалкам вызваляюцца ад пакарання і іншых мер крымінальнай адказнасці, дапоўняць новай катэгорыяй асобаў з пэўнымі захворваннямі.
▪️Таксама прапануецца раней не судзімым асобам, якія дасягнулі 70-гадовага ўзросту і асуджаным да пазбаўлення волі на тэрмін да шасці гадоў уключна, замяніць пакаранне больш мяккім у выглядзе абмежавання волі без накіравання ў папраўчую ўстанову адкрытага тыпу.
▪️Поўную амністыю заменяць частковай у выглядзе скарачэння пакарання на адзін год для асобаў, асуджаных за неасцярожныя злачынствы, якія прывялі да смерці чалавека.
❤️ Беларуская дызайнерка Соня стварае ўнікальныя, выключныя ўпрыгажэнні і дэкор
Часам самыя звычайныя бытавыя рэчы становяцца для яе варштатам, а натхненне прыходзіць, калі ўжо хочацца спаць.
Пра любоў да прыгожага і першыя крокі ў мастацтве макрамэ — глядзіце ў праграме «Раніца з Белсатам» на YouTube-канале «Белсат LIFE»
Ноччу расейцы нанеслі масаваны ўдар па Украіне
Асноўнымі мэтамі атак сталі Кіеў і вобласць, Жытоміршчына, Днепрапятроўшчына, Харкаўшчына, Палтаўшчына, Хмельніччына, Сумшчына і Запарожжа.
У выкіну атакі найбольш пацярпеў Кіеў. На цяперашні момант вядома пра 10 загінулых і больш за 70 параненых.
Больш інфармацыі чытайце па спасылцы
🇸🇪 Швед, які прывучаў беларусаў да роднай мовы
Стэфан Эрыксан – першым амбасадарам Швецыі ў незалежнай Беларусі. І ці не першы амбасадар, які загаварыў па-беларуску.
«Гэта было звязана з сітуацыяй з мовай, з культурай. Тое, што людзі да канца не цанілі тое, што ў іх ёсць. І гэта, мабыць, мяне падштурхоўвала зацікавіцца моваю», – так Стэфан Эрыксан вытлумачыў сваю любоў да беларускай мовы.
Стэфан Эрыксан і сёння працягвае цікавіцца Беларуссю і перакладае беларускую літаратуру на іншыя мовы свету.
Больш чытайце па спасылцы. 🫶
☝️ Спешна і таямніча. Пад Менскам будуюць сцёкавую сажалку
Каля Жодзіна будуюць палігон для адкідаў, якія будуць звозіць з Менску. Будоўля распачалася без грамадскага абмеркавання і вядзецца шпаркімі тэмпамі. Мясцовыя жыхары збіраюць подпісы на знак пратэсту, але марна.
Адмыслоўцы заяўляюць пра верагоднасць новага эпіцэнтру экалагічнага бедства.
Больш падрабязна глядзіце ў «Аб'ектыве». 👈
#рэпрэсіі Асноўнае за 23 красавіка
🔻 Расейскія і беларускія спецслужбы планавалі гват у дачыненні да беларусаў у Літве
🔻 Памёр палітвязень Віталь Бычкоў
🔻 У Беларусі пачаліся затрыманні за каментары пра пакістанцаў
🔻 Затрымалі яшчэ аднаго каталіцкага святара з Менску
🔻 Затрымалі евангельскага пастара з Хойніцкага раёна
🔻 Гарадзенца асудзілі да 10 гадоў калоніі за «здраду дзяржаве»
📌 У Tesla горшы квартальны вынік больш чым за два гады
За першы квартал 2025 года чысты прыбытак кампаніі па стварэнні і продажы электрамабіляў упаў за год на 71%. Гэта вынікае з дакладу, які апублікавала кампанія 22 красавіка.
🤡 У той жа дзень Ілан Маск заявіў, што з траўня рэзка скароціць колькасць сваіх дзён на працы ў Дэпартаменце эфектыўнасці ўрада (DOGE) і вернецца да кіраўніцтва сваімі кампаніямі, паведамляе New York Times.
📚Гэты беларускі пісьменнік валодаў шасцю мовамі і быў адным з самых публікаваных у БССР
139 гадоў таму нарадзіўся знакаміты беларускі пісьменнік, паэт, публіцыст і мовазнаўца Змітрок Бядуля. Ён працаваў з Купалам, сябраваў з Кузьмой Чорным, а ў ягонай кватэры некаторы час жыў Багдановіч.
Пра лёс нашага выбітнага земляка глядзіце ў нашым сюжэце!
📌 У Беларусі спрасцілі парадак набыцця дронаў. Здагадайцеся, для каго
Лукашэнка падпісаў указ, які рэгулюе выкарыстанне грамадзянскіх беспілотных лятальных апаратаў і авіямадэлей.
«У прыватнасці, спрашчаецца парадак увозу ў Беларусь БЛА і авіямадэляў у інтарэсах сілавых, праваахоўных і іншых арганізацый. Акрамя таго, у мэтах узмацнення кантролю за абаротам БЛА ўводзіцца абавязак юрыдычных асоб і індывідуальных прадпрымальнікаў узгадняць продаж БЛА да яе ажыццяўлення»Читать полностью…
🤔 Лукашэнка прапанаваў засяліць у Беларусь 150 тысяч пакістанцаў
У якой вобласці гэта можа адбыцца? А чаму растуць цэны на бульбу і яблыкі?
👉 Пра эканоміку РБ спрачаліся вядоўца праграмы « атмасфера» на «Белсаце» Аляксандр Кныровіч і галоўны рэдактар партала «Plan B» Вольга Лойка ў новым выпуску праграмы «Двубой»
🧬 Генетычныя тэсты – карысць або рызыка?
Сёння Дзень ДНК, мы ўзгадваем пра адзін з самых папулярных трэндаў – генетычныя тэсты.
У Беларусі ўсё больш людзей зацікаўлены ў выяўленні сваіх генаў і паходжання. Але ці ўсе яны сапраўды карысныя?
Пра гэта «Белсату» расказаў навуковец, аналітык тэхналогіяў Сяргей Бесараб – чытайце ПА СПАСЫЛЦЫ