42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💧«На інтэрнацыянальнай, якую вечна топіць, Мэрсэдэс загарэўся»
5 чэрвеня 2025 года моцная залева абрынулася на Менск, Горадню і іншыя гарады Беларусі, выклікаўшы 10-бальныя заторы. Вуліцы ператварыліся ў рэкі, а транспартны рух быў паралізаваны. 🚣🏼
Падрабязнасці і фота наступстваў непагадзі глядзіце ў матэрыяле «Белсату»🔗
Святлана Ціханоўская распавяла, што адбывалася з ёй у кабінеце Ярмошынай у 2020-м
10 жніўня кандыдатка ў прэзідэнты пайшла разам з Максімам Знакам у ЦВК, каб падаць заяву аб фальсіфікацыі выбараў. У выніку вярнуўся толькі юрыст, распавёўшы, што Ціханоўская пакінула будынак праз іншы ўваход. На наступны дзень стала вядома, што жанчына ўжо не ў Беларусі.
Ціханоўская ў інтэрв'ю BBC распавяла, што тады адбылося:
«Калі прыйшла ў ЦВК, мяне сустрэлі два супрацоўнікі КДБ. Яны завялі мяне ў асобны пакой і пачалі размову. Яны пачалі запалохваць, шантажаваць маімі дзецьмі. Казалі, што ведаюць, дзе яны знаходзяцца. Што я буду затрыманая. Што з імі зробяць у дзіцячым доме. Што я не ўбачу, як яны растуць.
Я размаўляла з імі тры гадзіны. Прасіла: “Людзі хочуць перамен. Ім патрэбныя свабодныя выбары. Давайце пачнём дыялог”. Але яны былі ўпэўненыя, што калі прымусяць мяне з’ехаць, людзі не выйдуць на вуліцы.
Мая ўнутраная маці выйграла барацьбу. Гэта быў жахліва балючы выбар. Я не магла паверыць, што павінна пакінуць краіну. Мне здавалася, што людзі ўспрымуць гэта як здраду. Але я зрабіла гэты выбар. Яны загадалі запісаць відэа – нешта абсалютна агульнае, што “не трэба праліваць кроў”. І далі мне 20 хвілін сабрацца. Я ўзяла толькі маленькі заплечнік з дакументамі», – распавяла Ціханоўская.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Беларуска згуляе ў фінале «Ралан Гарос»
Сабаленка выйграла польку ў Парыжы і тым самым упершыню ў кар’еры атрымала пуцёўку ў фінал «Ралан Гарос». Хто стане яе суперніцай і колькі грошай можна выйграць – чытайце на нашым сайце (праз VPN).
🔺 Беларусы перажылі адзін з самых халодных траўняў за ўсю гісторыю
Паводле Pogoda.bу, травень 2025 года большасць беларусаў узгадае як вельмі мокры і халодны месяц. Прачытайце, як перажыла краіна дзіўнае надвор’е і хто пацярпеў найбольш – чытайце праз VPN.
🔺 Памежная ахова Польшчы растлумачыла замінкі на мяжы
Чаму чаргі сталі даўжэйшымі, а афармленне было такім павольным – памежная служба Польшчы дала каментар. Падрабязнасці – чытайце па спасылцы (праз VPN).
#штопачытаць
☝️Шмат вакансіяў — ізноў "народзец" вінаваты
Беларусаў «разбэсцілі» і яны "сталі менш вырабляць дзяцей" — так чыноўнік з Воршы тлумачаць недахоп працаўнікоў у Беларусі.
Каб вырашыць праблему ўлады прапаноўваюць не добры заробак, спыненне рэпрэсіяў ды вызваленне палітвязняў, а "прыцягваць гэтых людзей", што азначае — мігрантаў.
Толькі ці паспяшаюцца "гэтыя людзі" прыцягнуцца ў беларускі "рай". Чытайце па спасылцы. 👈
💪 Гэтая беларуска заснавала манастыры ў ХІІ стагоддзі і збудавала храм, які стаіць дагэтуль
Сёння – дзень памяці беларускай святой Еўфрасінні Полацкай. Яна стала першай беларускай мецэнаткай, вяла асветніцкую дзейнасць.
Распавядаем пра жыццёвы шлях беларускай святой, пачытайце!
«Стан БПЦ нашмат лепшы, чым РПЦ, дзякуючы адукацыі, дзякуючы заходняму вектару» ☦️
4–5 чэрвеня ў Беларусь прыбыў патрыярх Кірыл. У адрозненне ад папярэдніх візітаў, ён не сустракаўся з Лукашэнкам, а сам прыём быў стрыманым. У сваіх прамовах Кірыл казаў пра «святую Русь» і ролю Беларусі ў ёй.
Тэалагіня Наталля Васілевіч аналізуе, чаму гэты візіт адбыўся менавіта цяпер і чым беларускае праваслаўе прынцыпова адрозніваецца ад расейскага — пра гэта ў артыкуле на нашым сайце🔗
🎾Сабаленка абышла польку Свёнтэк і трапіць у фінал «Ралан Гарос»
Матч Сабаленка – Сьвёнтэк у рамках «Ралян Гарос» адбыўся 5 чэрвеня ў Парыжы. Арына Сабаленка ў выніку перамагла суперніцу ў трох сэтах і тым самым здабыла ўпершыню ў кар'еры пуцёўку ў фінал «Ралян Гарос» — адзін з 4 турніраў «Вялікага шлему»
🌩 Сёння непагадзь буяла ў Горадні
Шквальны вецер і нулявая бачнасць.
Паглядзіце ☝️
💦 Апошні месяц быў адным з самых халодных і мокрых за ўсю гісторыю. Якія рэкорды пабіла беларускае надвор'е чытайце на нашай старонцы
«Чаго ты звоніш сюды?! Закрыў рот свой»
Андрэй Павук спытаў прадстаўнікоў праваахоўных органаў і сілавых структур, чаму яны не выконваюць сваіх жа інструкцый і абавязкаў.
▶️ Глядзіце, што з гэтага выйшла ў новым выданні «Шухер-шоу» на YouTube-канале «Белсат LIFE»
😃 Савет Міністраў вызначыў максімальную вышыню травы, пасля якой яе трэба скасіць
І што тут пачалося ў беларускім тыктоку... 🙈
Паглядзіце!
🗓Сёння — Дзень памяці Еўфрасінні Полацкай
Еўфрасіння Полацкая — першая вядомая беларуская асветніца і святая, якая заснавала жаночы манастыр і спрыяла развіццю адукацыі, кніжнай справы і культуры ў Полацку ў XII стагоддзі🤍
🔽 Добрая нагода глянуць выпуск перадачы «Вусы Скарыны» пра нашую асветніцу
❗️Польскі бок прыпыніў рух аўтобусаў
Ад 10 раніцы памежнікі пераходу Тэрэспаль перапынілі запуск аўтобусаў на тэрыторыю Польшчы.
На дадзеным момант 4 аўтобусы, якія выпусціў беларускі бок ужо больш за 3 гадзіны чакаюць на заезд.
🚗🚚 Цяпер у чарзе на мяжы 1555 аўта і 55 аўтобусаў
🔗Падрабязней пра цяперашні стан памежнага руху — чытайце на сайце
📺 Навіны за 5 хвілін
🔻Абстрэлы Украіны
🔻Трамп і Пуцін паразмаўлялі па тэлефоне
🔻Пуцін паскардзіўся Папу Рымскаму на Украіну
🔻Пуцін адмовіў магчымасць перамоў з Зяленскім
🔻Літва ўзгадніла магчымасць уводзіць уласныя санкцыі пры выпадку скасавання еўрапейскіх
🔻Каментар Кавалеўскага пра гатоўнасць Лукашэнкі весці перамовы «вязні за адмену санкцый»
🔻Стала вядома пра смерць былога палітвязня
🔻МУС праводзіць спецаперацыю МАК
🔻Затрыманне «перспектыўнага» чыноўніка: Ігар Юркевіч
Глядзіце ў кароткім выданні навін на Белсаце 💻
🇵🇱Польскія спецслужбы далі каментар пра пагрозлівыя лісты, якія прыходзілі беларусам
Агенцтва ўнутранай бяспекі (ABW) пракаментавала «Белсату» выпадкі, калі беларусам прыходзілі лісты ад імя арганізацыі з патрабаваннем з'ехаць з Польшчы:
Ніводзін з выяўленых лістоў не мае прыкметаў афіцыйнага ліста, і, акрамя таго, яны змяшчаюць спасылкі на састарэлыя або неабавязковыя правілы.
Вышэйназваныя дзеянні ёсць дэзынфармацыяй і могуць мець на мэце распальванне грамадскага неспакою
🚫🇱🇹Літоўскі урад падтрымаў магчымасць уводзіць санкцыі супраць Беларусі і Расеі
Адпаведны законы прыняты кабінетам міністраў Літвы і чакае зацверджанне ў Сейме.
Згодна з пастановай Літва зможа самастойна ўводзіць санкцыі на выпадак іх зняцця Еўразвязам.
Санкцыі могуць распаўсюджвацца на тыя сектары эканомікі, якія патэнцыйна здольныя садзейнічаць расейскай агрэсіі супраць Украіны або пагражаць бяспецы і незалежнасці Літвы.
🔗Падрабязнасці — чытайце тут
Украіна запусціла па Расеі больш за 170 дронаў
Беспілотнікі трапілі ў жылы комплекс у Энгельсе, а таксама ў нафтабазу, якая раней ужо падвяргалася атакам. Украінскія вайскоўцы сцвярджаюць, што менавіта там захоўваецца паліва для стратэгічнай авіяцыі.
Пад удар таксама трапіў Бранск: мясцовыя жыхары чулі выбухі ў раёне аэрапорту. Мэр Масквы паведаміў пра знішчэнне 10 дронаў за ноч, якія спрабавалі атакаваць сталіцу.
Расея масава ўдарыла па Кіеве – ёсць загінулыя
Атака была нанесена дронамі і балістычнымі ракетамі. Паводле мэра сталіцы, мінімум чатыры чалавекі загінулі, 20 жыхароў атрымалі раненні.
Таксама расейцы пашкодзілі навучальную ўстанову, 16-павярховы будынак, наземную лінію метро і грамадзянскую інфраструктуру.
Акрамя таго, дроны і крылатыя ракеты былі чутныя ў Кіеўскай, Чарнігаўскай, Луцкай, Цярнопальскай, Львоўскай, Хмяльніцкай вобласцях і Крывым Рогу.
💥 #галоўнае за 5 чэрвеня
✔️Праз расейскую атаку на Чарнігаўшчыне загінула маленькае дзіця, ягоная маці і бабуля
✔️Літоўскі урад падтрымаў магчымасць уводзіць санкцыі супраць Беларусі і Расеі
✔️Памёр знакаміты палітвязень часоў Плошчы-2010
✔️ Польскія спецслужбы далі каментар пра пагрозлівыя лісты, якія прыходзілі беларусам
✔️ Сёння — Дзень памяці Еўфрасінні Полацкай
✔️ Чаго чакаць дзецям у «абаронна-патрыятычным» летніку — даведаліся
✔️Польскія памежнікі: чэргах вінаватыя нелегальныя мігранты
✔️Страшэнная непагадзь буяла ў Горадні
✔️Сабаленка трапіць у фінал «Ралан Гарос»
✔️Аршанскі льнокамбінат палохае працаўнікоў мігрантамі праз нізкую нараджальнасць
#рэпрэсіі:
▫️ Каля 20 чалавек затрымалі па справе «Беларускага Гаюна»
☝️ «Адраджэнне вёскі» па-беларуску: закрыццё школаў, клубаў, крамаў
Так, у Слуцкім раёне вяскоўцы нават выйшлі пратэставаць, каб захаваць мясцовую краму. Чыноўнікі тлумачаць, што не могуць знайсці прадаўца на прапанаваны заробак.
Чым скончыліся вяскова-чыноўніцкія перамовы і як працуе дзяржаўная праграма «Адраджэнне вёскі» глядзіце ў праграме «Аб'ектыў». 👈
🧐 Што будзе, калі прапанаваць беларусу няправільныя дранікі?
Глядзіце ў відэа!
Не плаціў аліменты — забралі кватэру🏠⚖️
Гамяльчук пасля разводу ў 2010 годзе ні разу не заплаціў аліменты на сына. Доўгі час быў у вышуку, жыў і працаваў за мяжой. Некалькі гадоў таму вярнуўся ў Беларусь і пасяліўся ў маці. Пасля гэтага яго кватэра перастала быць адзіным месцам жыхарства, і судовыя выканаўцы пастанавілі яе прадаць для пагашэння доўгу.
Дарэчы, у Беларусі аліменты вылічаюцца з заробку і даходаў, але не з грошай, атрыманых ад продажу нерухомасці. Калі б мужчына сам прадаў кватэру, спагнаць аліменты з гэтай сумы было б немагчыма.💸
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Клікаў Папу, а прыехаў патрыярх. У Беларусь прыбыў кіраўнік РПЦ Кірыл Гундзяеў
🔸У Горадні суд пастанавіў адабраць будынак у бізнесоўца. У будынку - месціўся ў тым ліку кансулат Польшчы. Што будзе з візамі?
🔸Як прайшло паседжанне міністраў абароны краінаў-чальцоў NATO
🔸У Беларусі абмежавалі доступ да раскладу судоў
🔸У вёсцы Новы двор на Случчыне зачыняюць адзіную краму. Жыхары абураныя, але няма каму працаваць. Чаму пры актыўным уліванні сродкаў у Райпо, гандаль на вёсцы не атрымліваецца ўратаваць?
🔸Сусветны дзень аховы навакольнага асяроддзя. Пад пільнай увагай - праблема мікрапластыку
Далучайцеся да нашага эфіру ⤵️
https://www.youtube.com/live/Yq_xioqZCKU
🇵🇱🚨Польскія памежнікі далі каментар пра затрымкі на мяжы
Памежная ахова Польшчы патлумачыла, што затрымкі ў працы памежнага пераходу звязаныя са
спробамі нелегальнага пераходу мяжы:
Міграцыйны ціск на ўчастку мяжы з Беларуссю, што ахоўваецца памежным пунктам у Тэрэспалі, прыводзіць да перыядычнай неабходнасці перанакіравання часткі супрацоўнікаў на выкананне задачаў, звязаных з непасрэднай аховай зялёнай мяжы, што з'яўляецца абсалютным прыярытэтам
❓Чаго чакаць дзецям у «абаронна-патрыятычным» летніку
Улады анансавалі «абаронна-патрыятычную» змену ў дзіцячым летніку «Лугаўцы» пад Дуброўнам.
«Белсат» высветліў які градус ваеншчыны і ідэалагічнай апрацоўкі будзе чакаць там дзяцей👇🏻
Падрабязнасці — у нашым артыкуле
😔Каля 20 чалавек затрымалі па справе «Беларускага Гаюна»
Затрыманні ідуць апошнія некалькі месяцаў.
«Беларускі Гаюн» займаўся сачэннем за рухам расейскіх вайскоўцаў і беспілотнікаў у беларускім паветры.
Праект спыніў сваю дзейнасць 7 лютага 2025 года. Гэта адбылося пасля таго, як сілавікі атрымалі доступ да базы кантактаў ініцыятывы
🔗Што вядома пра пераслед за супрацу — чытайце ў артыкуле
«Найлепшы сцэнар, які тут Лукашэнка бачыць, – гэта перадаць уладу камусьці з родных»
Пошук пераемніка і скасаванне прэзідэнцкіх выбараў у Беларусі – госці «Двубою» Паўлюк Быкоўскі і Пётр Рудкоўскі абмяркоўваюць, якім будзе транзіт улады Лукашэнкі.
Глядзіце цалкам на YouTube-канале «Белсат NEWS»
💱 Курсы валютаў 5 чэрвеня
Долар дадаў 1.3 капейкі. Еўра панізіўся ледзь-ледзь. Расейскі рубель страціў 1.1 капейкі.
#курсвалютаў
💭 «Ён зрабіў сапраўдны шэдэўр тагачаснай картаграфіі. Гэта проста космас!»
Ініцыятыва «MALDZIS» выкупіла яшчэ адну мапу ВКЛ, аўтарства Яна Няпрэцкага – расказвае Павел Мацукевіч, кіраўнік ініцыятывы ☝️
😢Памёр знакаміты палітвязень часоў Плошчы-2010
У ЗША ад сардэчнага прыступу памёр Аляксандр Класкоўскі. Яму было 46 гадоў.
З 1999 па 2005 сын знакамітых журналістаў Аляксандра і Людмілы Класкоўскіх працаваў у ДАІ. А ў 2010 ён стаў вядомы тым, што ўзяў удзел у пратэстах на плошчы Незалежнасці ў міліцэйскай форме. Пазней ён быў асуджаны да 5 гадоў зняволення, але быў памілаваны, адбыўшы за кратамі менш за год.
З 2020 года Аляксандр жыў у ЗША.
🫥Трамп падпісаў указ, згодна з якім уводзіцца поўная забарона на ўезд у краіну для грамадзянаў 12 дзяржаваў
У спіс трапілі: Афганістан, М’янма, Чад, Рэспубліка Конга, Экватарыяльная Гвінея, Эрытрэя, Гаіці, Іран, Лівія, Самалі, Судан і Емен. Забарона не распаўсюджваецца на людзей з сапраўднымі амерыканскімі візамі і пастаянным законным статусам рэзідэнта.
Акрамя таго, для грамадзян яшчэ сямі краін – Бурундзі, Кубы, Лаоса, Сьера-Леонэ, Тога, Туркменістана і Венесуэлы – уведзены частковы іміграцыйны бан: ім будуць адмаўляць у гасцявых і студэнцкіх візах. Аднак працоўныя візы і дазволы на ўз’яднанне з сям’ёй застануцца магчымымі.