42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🇺🇸Ці прывядзе візіт Келага да «поўнай нармалізацыі» адносінаў ЗША і Беларусі?
Візіт амерыканскага прадстаўніка ў Менск і нечаканае вызваленне Сяргея Ціханоўскага выглядаюць як крокі да пераменаў.
Але ці сапраўды Захад гатовы пайсці насустрач, і што на гэта скажа Крэмль?
Эксперт тлумачыць, чаму гэтыя жэсты могуць быць толькі іллюзіяй зменаў — і хто насамрэч выйграе ад гэтай гульні.
🔗Пра гэта — у нашым матэрыяле
«У XXI стагоддзі ніхто не павінен жыць у такіх умовах»
Вызвалены эстонец распавёў пра турму ў Беларусі
Грамадзянін Эстоніі Алан Роя быў вызвалены разам з Ціханоўскім і яшчэ 12 палітвязнямі ў суботу, 21 чэрвеня. Увечары ён ужо прыляцеў дадому.
Паводле выдання Postimees, ён быў стомлены, але расчулены да слёз. Мужчына быў за кратамі са студзеня мінулага года. Яго абвінавацілі ў «стварэнні экстрэмісцкай арганізацыі» і асудзілі да шасці з паловай гадоў з штрафам амаль 6000 еўра.
«Знаходзіцца за кратамі – гэта адно, але з 2021 года я фактычна быў закладнікам у Беларусі. Да мяне ставіліся вельмі дрэнна.
Хутчэй за ўсё, я зраблю гэта справай свайго жыцця і распавяду праваабарончым арганізацыям пра тое, у якіх умовах там утрымліваюць людзей. У XXI стагоддзі ніхто не павінен жыць у такіх умовах», – сказаў ён.
Роя распавёў, што яго арыштавалі ў Беларусі пасля стварэння дабрачыннага фонду для падтрымкі сем’яў, якія былі незадаволены вынікамі «выбараў» 2020 года. На ягоную думку, «мясцовы дыктатар загадаў пакінуць гэтых людзей без працы і без ежы». Сам ён адчуваў, што абавязаны дапамагчы гэтым сем’ям.
Расейцы масава ўдарылі па Кіеве – ёсць загінулыя
Пасля атакі ракетамі і беспілотнікамі ў сталіцы Украіны абрынуўся пад’езд жылога дому. Загінулі шэсць чалавек, як мінімум 13 атрымалі раненні (сярод іх: двое дзяцей і цяжарная жанчына).
«Знішчаны цэлы пад’езд жылога шматпавярховіка. Разбор завалаў працягваецца. Паводле нашых даных, пад руінамі яшчэ могуць быць людзі», – заявіў кіраўнік МУС Украіны Ігар Клеменка.
Таксама паведамляецца, што пашкоджанні атрымала жыллёвая і медычная інфраструктура ў Кіеўскай вобласці. У выніку атак загінуў адзін чалавек, яшчэ васьмёра – параненыя.
💥 #галоўнае за 22 чэрвеня
✔️ЗША атакавалі Іран і цалкам знішчылі яго ядравыя аб’екты. У МАГАТЭ склікаюць экстранную нараду з-за ўдараў. А Іран у адказ падтрымаў перакрыцце Армузскага праліва
✔️ Емен можа ўступіць у ірана-ізраільскую вайну
✔️ У Офісе Святланы Ціханоўскай прайшла прэс-канферэнцыя беларускіх палітвязняў
✔️ Стала вядомае імя вызваленага палітзняволенага грамадзяніна Польшчы. Другі вызвалены ў Беларусі японец, імаверна, трэвел-блогер «Этэру»
✔️ Памёр былы палітвязень, асуджаны на тры з паловай гады калоніі за ўдзел у пратэстах 2010 года
✔️ У Беларусі прадаюць графскую сядзібу ўсяго за 14$
✔️ Больш за 15 чалавек загінулі пры тэракце Дамаску. Двое ўзброеных мужчын адкрылі агонь у праваслаўнай царкве, пасля чаго адзін з іх узарваў пояс смяротніка. Яшчэ некалькі дзясяткаў людзей былі параненыя
#рэпрэсіі
▪️Сяргей Ціханоўскі расказаў, што Бабарыка і Калеснікава знаходзяцца на жэстачайшым рэжыме. А таксама пра вязняў, якія былі атрымалі экстрэмісцкі статус ужо ў калоніях за дапамогу іншым палітвязням, хоць спачатку былі асуджаныя паводле іншых артыкулаў
▪️Былая палітзняволеная Наталля Дуліна распавяла «Белсату» пра зняволеную журналістку Кацярыну Андрэеву
🤯 Такой тэхнікай валодаюць толькі дзесяць чалавек у свеце
Паглядзіце, што стварае беларус з Баранавічаў ☝️
🤡 «Гэта жэст добрай волі»
Церцель назваў вызваленне палітвязняў жэстам добрай волі Лукашэнкі:
«Жэст добрай волі – кіраўнік дзяржавы прыняў рашэнне. Сярод гэтых 14 асоб, перададзеных літаральна на днях па просьбе амерыканскага боку, ёсць вялікая колькасць асоб, затрыманых за шпіёнскую дзейнасць на нашай тэрыторыі. Гэта грамадзяне Польшчы, Латвіі, некаторых іншых дзяржаў. Гэта жэст добрай волі. Мы паглядзім, як адкажа іншы бок. Але не расслабляемся, працуем, забяспечваем бяспеку нашай дзяржавы, як ад нас патрабуе Прэзідэнт»
🤔 Даляціць ці не?
Больш за 20 тысячаў чалавек назіраюць за пасажырскім самалётам «Белавія», які ляціць праз тэрыторыю Ірану з Дубаю ў Менск.
«Мы постоянно отслеживаем ситуацию в регионе и выбираем оптимальный маршрут полета, чтобы соблюсти все необходимые меры безопасности при перевозке пассажиров», – кажуць у авіякампаніі. Тым часам гэта адзіны самалёт у небе над Іранам 😬
⚡️ Не прапусціце сёння адмысловы эфір «Студыі Белсату»
Сябры, мы рыхтуем адмысловае выданне прысвечанае вызваленню Сяргея Ціханоўскага ды іншых палітычных вязняў.
Белсат змяніў сетку вяшчання, каб запрасіць у нашую студыю палітыкаў ды палітолагаў і разам абмеркаваць апошнія падзеі.
belsat_news/streams">
👉 Далучайцеся да нашага эфіру а 19 гадзіне менскага часу.
😳 У Беларусі прадаюць графскую сядзібу ўсяго за 14$
Не, мы не памыліліся. Усяго за 42 рублі вы можаце набыць сядзібу графа Чарнышова-Круглікава ў Чачэрску. Год таму яна каштавала 429 тыс.рублёў.
Але ж не ўсё так проста. За такім салодкім коштам ідуць абавязкі:
▪️падпісаць ахоўнае абавязацельства;
▪️цягам двух гадоў правесці рэстаўрацыйныя і рамонтныя работы;
▪️выкарыстоўваць будынак у прадпрымальніцкіх мэтах (напрыклад, адкрыць гатэль).
ℹ️ Сядзіба графа Чарнышова-Круглікава ў Чачэрску – адзін з нешматлікіх захаваных шляхетскіх комплексаў XIX стагоддзя ў Гомельскай вобласці. Кажуць, яна выкарыстоўваўся, у тым ліку, і як месца прыёмаў і адпачынку высокапастаўленых гасцей. Па мясцовых легендах тут нібыта бывалі Кацярына II, Мікалай I, Аляксандр II, а таксама Аляксандр Пушкін. Аднак афіцыйна не ўсе гэтыя факты пацверджаныя.
📺 Навіны за 5 хвілін
✔️ЗША нанеслі ўдары па трох ядравых аб'ектах у Іране
✔️Дональд Трамп апублікаваў фота з Сяргеем і Святланай Ціханоўскімі
✔️«Яны жартавалі пра расстрэл»: былая палітзняволеная Наталля Дуліна пра вызваленне
✔️«Любэ», Зара і Майданаў: у Брэсцкай крэпасці прайшла рэканструкцыя пачатку вайны
✔️Якая насамрэч медыцына ў Беларусі? Добрая ці так сабе?
✔️Японскі журавель – новы гадаванец заапарку ў Горадні
Глядзіце ў кароткім выданні навін на Белсаце 💻
😢 Ціханоўскі адзначыў, што ў вязніцах нават няма лекараў
Няма стаматолага, дэрматолага, тэрапеўта, толькі фельчар, які можа даць якую таблетку.
🤬 Ціханоўскі таксама паведаміў, што ёсць і палітвязні, якія былі асуджаныя ўжо ў калоніях за дапамогу іншым палітвязням, хоць спачатку былі асуджаныя паводле іншых артыкулаў. Паводле яго, іх вельмі шмат і абвяшчаюць «экстрэмістамі», але ў спісах праваабаронцаў іх няма. У прыватнасці, ён прывёў прыклад Гуціча, які быў асуджаны паводле 328, «ён ужо таксама наш чалавек».
Кірыл Балахонаў адзначыў, што памілаваных палітвязняў маглі неўзабаве вярнуць у калоніі, але ўжо на падставе іншых артыкулаў.
#рэпрэсіі
😢 Ціханоўскі сказаў, што не думаў, што трапіць у турмы да выбараў, толькі – пасля
Меркаваў, што могуць пасадзіць на 3-4 гады паводле эканамічных падставах, бо прадпрымальнікі ў Беларусі знаходзяцца ў «шэрай зоне»:
«А атрымалася так, як атрымалася. Дзякуй Богу, я праз пяць гадоў з хвастом выйшаў, а не праз 20. Я б 20 не прасядзеў»
📌 Наталля Дуліна адзначыла, што вызваленні пачаліся з 3 ліпеня 2024 года
Гэта былі людзі, якім заставалася вельмі мала да выйсця. Прыязджалі з прапановамі пісаць пра памілаванне людзі з Менску. Яны вызывалі канкрэтных людзей на падставе невядомага прынцыпу, распытвалі пра погляды і стаўленне да ўладаў. Тым, чые адказы ім пасавалі, прапаноўвалі напісаць прашэнне.
Паводле Дулінай, напачатку некаторым палітвязням таксама прапаноўвалі напісаць інтэрв'ю, якія пасля паказвалі абавязкова ў калоніях. Таксама, адзначыла яна, былі людзі, якім прапаноўвалі супрацу з сілавікамі па вызваленні. Выклікалі людзей на размову з падпіскай пра неразгалошванне.
Ігар Карней адзначыў, што ў студзені 2025 года яго вазілі ў КДБ і пагражалі асудзіць паводле новых артыкулаў. А далей паўгода нічога не адбывалася. Сваё вызваленне ён звязвае з намаганнямі радыё «Свабода», супрацоўнікам якога быў.
💔 Калі Святлану Ціханоўскую выдваралі з Беларусі, яго таксама «піналі» на Валадарцы
Сяргей мяркуе, што яго тады таксама маглі хацець выкінуць з Беларусі.
Ціханоўскі адзначыў, што ён з Бабарыкам і Калеснікавай знаходзіцца на жэстачайшым рэжыме. Яму не давалі лістоў, званкоў, ні разу не далі спавядацца, не дазвалялі гадамі купіць зубную шчотку ці мыла, не пускалі адваката.
Расказваючы пра гэта, былы палітвязень зноў расплакаўся.
Паводле яго, яго за кожную дробную правіну кідалі ў ШІЗА:
«Маньякі, забойцы сядзець з тэлевізарам. Мне нельга нават ліст ад сваякоў»
«Гэта кашмар. Гэта трэба спыніць. Людзей адтуль трэба вызваляць. Аліневічу тое самае – не даюць».
❤️🩹 «Я не веру дагэтуль, што гэта атрымалася»
Ціханоўскі распавёў, што перад вызваленнем яго, схуднеўшага да 75 кілаграмаў, спецыяльна адкормлівалі:
«Мяне апошні месяц адкормлівалі – мяса, малако, тварог, двайная порцыя пайкі. Гэта так апошні месяц, і я так выглядаю»
І апошні 30-ы дзень «дыеты» яго вывезлі з мяхом на галаве і ў кайданках у СІЗА КДБ у Менску:
«Тады зразумеў, што ўсё – група, усіх збіраюць»
На насутпны дзень палітвязні ўжо былі пад абаронай амерыканскіх дыпламатаў.
Ціханоўскі падзякаваў Літве за тое, што дазволілі выехаць. Таксама паводле былога палітвязня, Лукашэнка «вытанцоўвае лезгінку» перад Трампам.
🍃 БРЦ высветліў як «Горадня Азот» абыходзіць санкцыі
Падсанкцыйны «Горадня Азот» працягвае гнаць угнаенні ў Еўропу праз фірмы-пракладкі. За схемамі стаяць людзі Лукашэнкі.
БРЦ высветліў як працуе схема:
Для экспарту ў ЕЗ выкарыстоўваюць фірмы-пасярэднікі. Іх называюць «спецэкспарцёрамі». «Горадня Азот» нібыта здае ім у арэнду абсталяванне заводу, і афіцыйна тавар вырабляюць ужо спецэкспарцёры, а не прадпрыемства
Трамп заявіў, што ядравыя аб’екты ў Іране «знішчаныя»
«Як паказваюць спадарожнікавыя здымкі, усім ядравым аб’ектам у Іране нанесены велізарныя пашкоджанні. Знішчэнне – вось дакладны тэрмін!» – realDonaldTrump/posts/114730186433008075">напісаў прэзідэнт ЗША.
Таксама Трамп дапусціў магчымасць змены ўлады ў Іране. Ён заявіў, што «хоць і непаліткарэктна выкарыстоўваць тэрмін “змена рэжыму”, іранскі рэжым не здольны зрабіць сваю краіну зноў вялікай», і дадаў: «чаму б яго не змяніць».
Вядома, што сёння прэзідэнт ЗША сустрэнецца са сваёй камандай па нацбяспецы, каб абмеркаваць вынікі амерыканскай атакі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Кацярына Андрэева «не зламалася» за кратамі
Наталля Дуліна, якая выйшла на волю 21 чэрвеня, адбывала пакаранне ў папраўчай калоніі № 4 у Гомелі, дзе знаходзіцца і Кацярына Андрэева. Пасля вызвалення яна распавяла, што ёй вядома пра журналістку «Белсату». Чытайце на нашым сайце пра VPN.
🔺 Што прымусіла Лукашэнку вызваліць Ціханоўскага?
Палітычны аглядальнік Вадзім Мажэйка распавёў, навошта рэжым вырашыў пайсці на гэты крок. Чытайце ў нашым матэрыяле (праз VPN).
🔺 Якое было першае жаданне Ціханоўскага пасля вызвалення?
Былы палітвязень распавёў у эфіры «Белсату» пра свае першыя перажыванні і жаданні на волі. Падрабязней – па спасылцы (праз VPN).
#штопачытаць
❤️ «Яна не зламалася»
Былая палітзняволеная Наталля Дуліна распавяла «Белсату» пра нашую зняволеную журналістку Катярыну Андрэеву:
«Асабіста з ёй я не перасякалася, але бачыла яе там. Яна чалавек моцны, хоць кажуць, што яна не тое, каб замкнулася, але неяк, мабыць, яе паводзіны трохі змяніліся, але агулам яна не зламалася»
💥 Сяргей Ціханоўскі на Белсаце. Далучайцеся да нашага адмысловага эфіру
Сёння ў эфіры «Студыі Белсату» разам з гасцямі і экспертамі абмяркуем вызваленне палітвязняў і заявы Сяргея Ціханоўскага.
🎤 Сёння ў нашым эфіры: Сяргей Ціханоўскі, Павел Латушка, Франак Вячорка, былыя палітзнволеныя Сяргей Гунь і Антаніна Канавалава.
А таксама палітычны аглядальнік Валер Карбалевіч, даследчык Цэнтру новых ідэй Антон Раднянкоў, наш карэспандэнь у Бруселі Алесь Сіліч і прадстаўніца АПК па сацыяльнай палітыцы Вольга Зазулінская.
👉 Далучайцеся https://www.youtube.com/live/mXHoRU9WQmI
😡 Вось так у Беларусі перапісваюць гісторыю
У вёсцы ў Брагінскім раёне знаходзіцца брацкая магіла загінулых падчас Другой сусветнай вайны. На магіле была дошка з надпісам, што некалькі чалавек былі забітыя нямецкімі захопнікамі і іх рускімі памагатымі.
☝️ Аднак зараз з'явілася новая дошка, заўважыў «Флагшток». І на ёй ідэолагі, адказныя за абнаўленне шыльды, прыбралі згадку пра расейцаў.
Фота: «Флагшток»
🤔 «Дзякуй, спадар прэзідэнт» : у Тэль-Авіве з'явіўся банэр з падзякай Трампу
Такім чынам жыхары гораду хутчэй за ўсё хацелі выказаць Трампу падзяку за знішчэнне ядравых абʼектаў у Іране.
У адрозненні ад ізраільцянаў, шмат якія краіны асудзілі такі крок.
▪️У МЗС Кітая, напрыклад, падкрэслілі, што «бакі канфлікту, асабліва Ізраіль, павінны як мага хутчэй спыніць напады і пачаць перамовы».
▪️Папа Рымскі Леў заявіў пра «непапраўную прорву», да якой могуць прывесці атакі на Тэгеран.
▪️Нават Расея асудзіла ўдары ЗША па ядравых аб'ектах Ірану, спаслаўшыся на нормы міжнароднага права
▪️А ў ЗША пачалі заклікаць да імпічменту Трампу, бо ён даў дазвол на атаку без згоды Кангрэсу.
📌 Парламент Ірана падтрымаў перакрыцце Армузскага праліва пасля атакі ЗША
Канчатковае рашэнне павінен прыняць савет бяспекі краіны, піша Reuters са спасылкай на Press TV.
ℹ️ Армузскі праліў злучае Персідскі заліў з Аманскім для выхаду ў Індыйскі акіян. Ён мае стратэгічнае значэнне: праз яго праходзіць амаль пятая частка сусветнага нафтавага трафіку. Адлегласць у самым вузкім месцы праліва паміж Аманам і Іранам – 54 км.
🪖 ЗША непакояцца, што Іран можа адпомсціць за атаку на іх ядравыя аб'екты цягам 48
Пра гэта піша «NBC News» са спасылкай на двух чыноўнікаў у галіне абароны.
Невядома, ці будзе Іран біць па замежных аб’ектах Штатаў, ці па тэрыторыі ЗША. Але раней Іран меў планы ўдарыць у амерыканскія базы на Блізкім Усходзе.
👉 Падрабязнасці чытайце ў нашым артыкуле
🔥 На заканчэнне Сяргей Ціханоўскі заклікаў беларусаў не спыняць змаганне.
Читать полностью…
📌 Святлана Ціханоўская паабяцала быць з беларусамі да таго, пакуль «мы не вызвалім палітвязняў, не правядзём вольныя выбары»
Гэта была пачатковая мэта, і «пакуль мне хапае моцы, пакуль ёсць падтрыманне і яго адчуваю, я буду працягваць гэты шлях». Яна сказала, што трэба спыніць таксама пагрозы суверэнітэту Беларусі і вярнуць краіну ў еўрапейскую супольнасць.
📌 Ціханоўскі паведаміў, што сустрэча з Лукашэнкам у СІЗА КДБ у кастрычніку 2020 года адбылася пад вонкавым ціскам
У камеры было 12 чалавек плюс Лукашэнка і тры камеры, а таксама аператар. Паводле Ціханоўскага, размовы цягнулася 5 гадзін, ён расказваў пра УНС і рэформы Канстытуцыі, «нам яны не патрэбныя», спрабаваў настроіць супраць адзін аднаго Ціханоўскага і Бабарыку.
Паводле Ціханоўскага, камеры былі патрэбныя, каб паказаць, як палітвязні ціснуць яму рукі. Бабарыка паціснуў, а сам ён адмовіўся, фармальна праз каронавірус.
На пытанне Ціханоўскага пра тое, навошта Лукашэнка падкінуў яму грошы, той з трэцяй спробы адказаў:
«А як вы хацелі? Палітыка – гэта брудная справа. Вы павінны быць гатовыя, што вам падкінуць грошы, схопяць і пасадзяць... Пакуль ён там, там сапраўды такая палітыка... Чалавек – жах, кашмар. Калі ён без паперкі, ён жа праўду пачынае. Кажа, як ёсць»Читать полностью…
☝️ Ціханоўская адзначыла, што дэмсілы працягваюць патрабаваць вызвалення ўсіх палітвязняў
Для гэтага патрэбны ціск і салідарнасць. Паводле яе, тое, што робіць амерыканская адміністрацыя – гэта «фантастыка». Яна адзначыла, што вызваленне сталася магчымым толькі дзякуючы намаганням мінулых гадоў з боку дэмсілаў, медыяў і праваабаронцаў разам з міжнароднымі саюзнікамі:
«Мы здолелі гэтага дасягнуць. І я спадзяюся, што мы здолеем дасягунць большага. Але нашая патрабаванне яснае – усе рэпрэсіі мусяць спыніцца, і ўсе павінны быць вызваленыя з вязніцаў. І ўсе павінны мець магчымасць вярнуцца дадому, калі яны хочуць»
☝️ Ціханоўскі заявіў, што ніколі не быў прарасейскім, а заўсёды быў беларусам
Ён адзначыў толькі, што ў яго былі офісы ў Маскве і Кіеве, а таксама некаторы час у Літве.
«Ніколі не выступаў я прарасейску. Наш супольны вораг – пуцінская ўлада. Пакуль яна не падзе, ніякай перамогі ў Беларусі быць не можа»
«На той момант я не ствіўся да гэтага наш-ваш, я не займаўся палітыкай, не быў блогерам. Я ніколі не задумваўся, што гэта можа быць неяк успрынята. Крым – гэта тэрыторыя Украіны, і тыя прэтэнзія, якія Расея высоўвае адносна ўкраінскіх тэрыторыяў, я гэта абсалютна не падтрымліваю».Читать полностью…
😡 Пратасевіч паказваў Ціханоўскаму кадры з візіту да Віктара Бабарыкі
І распавёў, што ездзіць яшчэ да 20 палітвязняў, а астатнімі займаюцца іншыя. «Я яго прадынаміў па ўсіх пытаннях», – сказаў Ціханоўскі.
Пасля адмовы падпісваць дакументы з Пратасевічам, яго забралі да супрацоўнікаў КДБ. У выніку пагрозаў чэкістаў, Ціханоўскі заявіў, што падпісаў паперку, што не супраць таго, каб яго адправілі за мяжу. Таксама яму праводзілі дэзынфармацыю пра дзейнасць офісу.
«Больш шчырага чалавека, як Святлана я не сустракаў. Я ейнага мізінца няварты. А яны такія рэчы расказвалі рэчы – проста кашмар, і пра яе, і пра офіс»
Ціханоўскі мяркуе, што яго выпусцілі, каб ён учыніў разлад у дэмакратычных сілах, але ён сказаў, што не збіраецца такога рабіць. І заклікаў кожнага беларуса дзейнічаць.