42762
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Ціханоўскі звярнуўся да Лукашэнкі наконт вызвалення палітвязняў
Відэазварот стаў strana888/video/7533345578139405573">адказам на ўчорашнія словы самаабвешчанага пра нібыта жаданні перадаць Захаду «некалькі тысяч палітычных зняволеных» з умовай іх вывазу за мяжу Беларусі.
Вось, як на гэта адрэагаваў Ціханоўскі:
«Лукашэнка ўпэўнены, што “беглыя” не хочуць прымаць тысячы палітвязняў, што ім рты не патрэбныя. Дык вось Аляксандр, вось табе мой адказ.
Нам патрэбны кожны, кожны каго назвалі палітвязнем: здаровы, малады, хворы, стары – усе. Ты сам сказаў, адныя выдаткі з імі, яшчэ карміць, апранаць. І калі ты, Аляксандр, гатовы трымаць слова, гатовы выпускаць палонных з умовай, што яны выедуць за мяжу, то я ўжо замовіў 20 аўтобусаў. Трэба будзе, замовім 100, беларусы збяруць гэту суму за гадзіну. Забярэм усіх, бо гэта не пра грошы. Скажы толькі, куды пад'язджаць.
І калі ты, Аляксандр гатовы выпускаць людзей, што яны павінны выехаць за мяжу, то прама зараз 20 аўтобусаў будуць на мяжы. Калі ты гатовы адказваць за свае словы. Балабол!», – звярнуўся Ціханоўскі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 У Беларусі заўважылі рэкордную колькасць расейскіх дронаў
Падлічылі, колькі беспілотнікаў прылятала ў нашую краіну за апошнія дні, месяц і год. Лічбы ўжо дасягаюць сотняў БПЛА. Падрабязней чытайце па спасылцы (праз VPN).
🔺 Дзяржаўны Белстат распавёў сумную статыстыку па насельніцтве
Колькі ў краіне нараджаецца беларусаў і колькі памірае – глядзіце на нашым сайце (праз VPN).
🔺 Лукашэнка назваў адказнага за перамовы з ЗША
Самаабвешчаны правёў сустрэчу з дыпламатамі і закрануў тэмы палітвязняў, Ціханоўскага і свае жаданні пра адносіны з ЗША. Сабралі самае галоўнае па спасылцы (праз VPN).
#штопачытаць
😨 На Эвэрэсце знайшлі такое, чаго вы дакладна не чакалі
І гэта можа вас засмуціць. Паглядзіце, што гэта
😊 У Партугаліі буслы абжыліся на электралініі!
Атрымалася мілата, паглядзіце!
😳 Гары Потэру сёння споўнілася 45 гадоў!
У дзень народзінаў знакамітага чараўніка раскажам пяць цікавых фактаў пра Беларусь у папулярнай франшызе.
💫 Памятаеце, як у кнізе «Гары Потэр і Келіх агню» Хагрыд разам з Мадам Максім паехаў на дыпламатычную місію да веліканаў? Тады ён прызнаўся, што паспрачаўся з вампірам у менскай піўной. А значыць у сталіцы Беларусі ёсць чароўны бар (аналаг «Дзіравага катла»).
💫 Сметанковае піва – гэта беларускі напой. Яшчэ ў 1594 годзе на тэрыторыі сучаснай Беларусі з’явіўся напой пад назвай «граматка» – амаль копія слаўнага сметанковага піва з кніг пра Гары Потэра. Нашыя продкі награвалі піва і змешвалі з яечнымі жаўткамі, цукрам, сметанковым маслам і спецыямі. У выніку выходзіў слабаалкагольны напой.
💫 Гары Потэр па-беларуску: выдавецтва «Янушкевіч» змагло дамовіцца з уладальнікамі правоў пра новыя пераклады кніг Джаўэн Роўлінг на нашую мову. Вось толькі прадаваць іх у Беларусі пакуль што забаронена…
💫 У кнігах і фільмах згадваюцца нацыянальныя зборныя па квідычы: Ірландыя, Балгарыя і інш. Беларусі там няма, але гэта не перашкодзіла фанатам на форумах стварыць уяўную зборную Беларусі па квідычы з формай і нават гербам. Не канон, але ў нашых сэрцах жыве!
💫 Школа чараўніцтва Дурмстранг, дзе вучыўся Віктар Крум, не мае дакладнага месцазнаходжання. Аднак фанаты часта змяшчаюць яе недзе на ўсходзе Еўропы: Карпаты, Прыбалтыка і Беларусь. Можа, школа месціцца ў адным з сярэднявечных замкаў нашай краіны?
☝️Украінскі маніторынгавы канал зафіксаваў гэтай ноччу рэкордную колькасць беспілотнікаў у беларускім небе
За ўвесь ліпень у Беларусь, паводле падлікаў «Флагштоку», заляцела не менш за 96 расейскіх дронаў – і гэта таксама рэкорд. Папярэдні месячны рэкорд быў у студзені.
📍Чытайце болей на сайце
🤔 Новай амбасадаркаю Швецыі ў Расеі стане... спецпрадстаўніца пры беларускіх дэмсілах
Крыстына Юганнэсан распачне сваю працу ў Маскве ўвосень гэтага года. Раней яна ўжо была амбасадаркаю Швецыі ў Беларусі, аднак у 2022-м тэрмін ейнай працы ў нашай краіне скончыўся.
🔍 Болей чытайце па спасылцы
🇺🇦 Антыкарупцыйныя органы Украіны зноў маюць незалежнасць – пасля рэзкай крытыкі з боку Захаду Зяленскі адступіў
Закон, які падпарадкоўваў НАБУ і САП дзяржаўным органам, прэзідэнт Украіны падпісаў 22 ліпеня. Пасля гэтага ва ўкраінскіх гарадах адбыліся пратэсты, а ў краінах ЕЗ Зяленскага раскрытыкавалі, палічыўшы гэта крокам у бок аўтарытарызму.
📍Вось што адбылося сёння
🥳 Нарадзінец беларускай зямлі, які зрабіў сабе кар'еру за акіянам
31 ліпеня 1802 года нарадзіўся Ігнат Дамейка – выбітны геолаг, шматгадовы рэктар Чылійскага ўніверсітэту і нацыянальны герой Чылі.
🤔 Як так сталася, што жыццёвы шлях Дамейкі праклаўся ад сучаснай Гарадзеншчыны аж па заходняе ўзбярэжжа Паўднёвай Амерыкі? І гэта ўсё ў XIX стагоддзі, калі не было самалётаў ды інтэрнэту, якія вельмі хутка злучаюць розныя куткі планеты.
👀 Нагадваем пра гэта ў архіўным выданні нашай праграмы «Вусы Скарыны»
🪙 Беларускія банкі нарасцілі выдачу крэдытаў юрыдычным асобам. А фізічным асобам сталі выдаваць меней
Пры гэтым запазычанасць па крэдытах што адных, што другіх у гадавым вымярэнні расце.
🔍 Сабралі шмат лічбаў на старонцы
💬 «Cмерць мужчыны наступіла ў выніку самагубства, і ніхто не быў датычны да гэтага»
«Белсат» звярнуўся ў Гданьска-Аліўскую раённую пракуратуру з просьбаю даць дадатковыя звесткі пра хаду расследавання самагубства беларускага добраахвотніка Ягора І.
☝️Пачытайце, што нам адказалі
💱 Курсы валютаў 31 ліпеня
Долар на сённяшніх гандляваннях страціў каля трох капеек, а еўра наогул адкаціўся на тры з паловаю. Расейскі рубель умацаваўся амаль на 2 капейкі.
#курсывалютаў
📍У сталічным мікрараёне «Паўночны Бераг» адну з вуліц плануюць назваць імем Дзмітрыя Федасюка
Гэта супрацоўнік КДБ, які быў застрэлены падчас штурму кватэры Андрэя Зельцэра ў верасні 2021 года. У той перастрэлцы загінуў і сам Зельцэр.
@minsknews_by паведамляе, што Упраўленне культуры Менгарвыканкаму будзе разглядаць водгукі жыхароў Менску па гэтай прапанове цягам двух тыдняў.
🤪 Халва са смакам шкварак і зефір са смакам «Бела-Колы». Бабруйскія кандытары пад Новы год будуць здзіўляць беларусаў
Большасць іншых харчовых прадпрыемстваў паклапаціліся пра выгляд зімовых падарункаў, а не пра іх новыя смакі.
👀 Падрабязнасці глядзіце на нашай старонцы
🏠 У Менску імкліва растуць цэны на жытло. А ў Варшаве ды Маскве ўсё наадварот
Мінімальныя цэны на першасным рынку беларускай сталіцы складаюць каля 1300 долараў за квадратны метр, максімальныя ж набліжаюцца да адзнакі ў $10 тысяч.
📍Чытайце падрабязней
У выніку расейскай атакі на Кіеў загінулі ўжо 27 чалавек
Сярод іх – 2-гадовае дзіця, цела якога дасталі з-пад завалаў. Колькасць пацярпелых дасягнула 159 чалавек, у тым ліку 16 дзяцей.
1 жніўня ў Кіеве абвешчаны Днём жалобы ў памяць аб ахвярах масіраванай атакі Расеі. Украіна сёння склікае тэрміновае пасяджэнне Савета Бяспекі ААН.
Фота: getty images
💥 #галоўнае за 31 ліпеня
✔️Павел Латушка пра Анжаліку Мельнікаву: «Ёсць падазрэнні, што яна ўжо нежывая»
✔️У выніку маштабнай начной атакі на Кіеў загінулі як мінімум 15 чалавек
✔️У Менску плануць назваць адну з вуліц у гонар КДБшніка, якога забіў Зельцэр
✔️Новай амбасадаркаю Швецыі ў Расеі стане... спецпрадстаўніца пры беларускіх дэмсілах
✔️Украінскі маніторынгавы канал зафіксаваў гэтай ноччу рэкордную колькасць беспілотнікаў у беларускім небе
✔️Кулоны ад «Belaruskicry» замаўляць цяпер небяспечна – яны «экстрэмісцкія». А якая ёсць «неэкстрэмісцкая» альтэрнатыва?
✔️Лукашэнка пабачыў «акно магчымасцяў», адкрытае Трампам. І ўжо раздае даручэнні МЗС
✔️Больш за $9 тысяч за квадратны метр. Цэны на некаторае жытло ў Менску шакуюць
✔️«Красный пищевик» збіраецца выпусціць халву са смакам шкварак
#рэпрэсіі:
▫️33-гадовага гарадзенскага бармэна судзілі за «распальванне варожасці». Прычына – каментары ў Telegram
▫️Лёзненскі суд запрасіў віцяблянку на працэс па прызнанні яе старонак у сацсетках «экстрэмісцкімі». Сама яна жыве за мяжою
😎 Амбасадары стануць «гандлярамі і бізнесоўцамі»
Такую задачу перад кіраўнікамі дыпламатычных ведамстваў Беларусі паставіў Лукашэнка.
«Для мяне амбасадар і амбасада – гэта не пра палітыку. Гэта экспарт, перш за ўсё, прадукцыі (гандаль) і новыя інвестпраекты (тэхналогіі і працоўныя месцы). Толькі так мы будзем вас ацэньваць», – заявіў дыктатар на адмысловай нарадзе.
☝️ «Рэжым Лукашэнкі ніколі не быў настолькі прыгатаваны да вайны»
І Беларусь больш не нейтральная краіна. Так заяўляе намеснік Святланы Ціханоўскай, кіраўнік НАУ Павел Латушка.
«Стварэнне народных апалчэнняў і павелічэнне інтэнсіўнасць вучэнняў з удзелам тэрытарыяльных войскаў – гэта непасрэднае ўцягванне цывільных асобаў у ваенныя прыгатаванні».
🗣 Шукаем песню, якая раскрые душу Падляшша
Аня і Дзёня трапілі ў залеву, але гэта не перашкода навучыцца спяваць традыцыйныя песні 🎼 🦬
☝️Глядзіце новае выданне «Падляшскіх вакацый» на YouTube-канале «Белсат LIFE»
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 Латушка мяркуе, што Мельнікавай можа ўжо не быць сярод жывых
🔸Як цяпер успрымаюць пагрозы з боку рэжыму Лукашэнкі ў NATO? Меркаванне былога прэс-сакратара альянсу
🔸У Менску плануюць назваць вуліцу імем КДБшніка, які загінуў падчас штурму кватэры Зельцэра
🔸Як «Белтэлерадыёкампанія» патраціла каля мільёна еўраў з дзяржбюджэту на стварэнне новых зорак эстрады
Далучайцеся да нашага эфіру ⤵️
☝️Афіцыйная статыстыка: беларусаў памірае амаль у два разы болей, чым нараджаецца
У сельскай мясцовасці гэтыя суадносіны яшчэ горшыя: нованароджаных у вёсках цягам 2024 года было ўтрая меней за памерлых.
🔍 Болей лічбаў знойдзеце па спасылцы
💁🏻♂️ У Расеі спрабуюць зрабіць выгляд, што «Аэрафлот» цалкам прыйшоў у норму пасля кібератакі. Але гэта не так
Спачатку прапаганда прызнавала, што атака сталася прынамсі адной з найбуйнейшых у гісторыі расейскай авіяцыі. Але потым перайшлі да таго, што ўзлом быў не такім і значным, а «Кіберпартызаны» – «непрафесійныя хакеры».
👀 Глядзіце болей па спасылцы
💁🏻♂️ Лукашэнка пабачыў «акно магчымасцяў», адкрытае Трампам. І ўжо раздае даручэнні МЗС
Самаабвешчаны кіраўнік Беларусі заявіў, што дыпламатам, якія працуюць на Захадзе, «ні ў якім разе нельга адседжвацца».
🔍 Падрабязней чытайце па спасылцы
💁🏻♂️ Кулоны ад «Belaruskicry» замаўляць цяпер небяспечна – яны «экстрэмісцкія». А якая ёсць «неэкстрэмісцкая» альтэрнатыва?
Дзяржава ўжо спрабавала паўтарыць поспех іншага папулярнага патрыятычнага брэнду: пасля Sybmal.by «вышымайкі» пэўны час вырабляў БРСМ.
Але ж ювелірных упрыгожанняў «чырвона-зялёнай» тэматыкі, здаецца, не існуе? А вось і не!
👀 Паглядзелі на «правільныя» кулоны (і на тое, хто іх выпускае)
💬 «Ёсць падазрэнні, што яна ўжо нежывая»
Падчас сённяшняй прэс-канферэнцыі ў Варшаве кіраўнік НАУ Павел Латушка выказаў здагадку, што Анжалікі Мельнікавай ужо можа не быць сярод жывых.
Пра гэта перадае наш карэспандэнт, прысутны на месцы падзеяў.
💁🏻♂️ Чыноўніку з Гарадзеншчыны пагражае да 15 гадоў. Яго «спалілі» на хабары
Праўда, статыстыка Вярхоўнага суда РБ сведчыць пра тое, што траціна асуджаных за карупцыю атрымліваюць адтэрмінаванне пакарання, якое ў выніку яны могуць і не адбыць.
📍Вось што здарылася ў гэтым выпадку
📷 Фота ілюстрацыйнае
📺 Навіны за 5 хвілін
⬆️ Над Гомельшчынай зноў бачылі беспілотнікі. Іх было мінімум 5
🔻Маштабная дронава-ракетная атака Расеі на Кіеў
🔻15 няпоўнагадовых асудзілі з пачатку года за «палітыку»
🔻Разбіраемся, што адбываецца з надвор'ем у Беларусі і ці можна атрымаць кампенсацыю, калі вы пацярпелі ад непагадзі
Глядзіце ў кароткім выданні навін на Белсаце 💻
✈️🤫 Авіякампаніі ніколі ў жыцці не раскажуць вам пра гэта
Падчас вандровак і авіяпералётаў ёсць імавернасць трапіць у якую-небудзь прыкрасць: оўвэрбукінг, затрымка рэйсу, нядопуск на пасадку праз тое, што ў вас не пашпарт, а, напрыклад, польскі падарожны дакумент. А ці ведаеце вы, што ў ЕЗ можна атрымаць кампенсацыю цягам 3-х гадоў пасля здарэння?
💸 Парады, як дамагчыся кампенсацыі ад авіякампаніі пры скасаванні рэйсу – у праграме «Раніца з «Белсатам» на YouTube-канале «Белсат LIFE»
Трамп назваў расейскую эканоміку мёртвай, а Мядзведзева – «правальным прэзідэнтам»
Раней экс-прэзідэнт Расеі, звяртаючыся да Трампа, напісаў, што амерыканскі ўльтыматум наконт мірнага пагаднення з Украінай – гэта «пагроза і крок да вайны».
Трамп у сваю чаргу realDonaldTrump/posts/114945847973193713">пракаментаваў 25-працэнтныя мыты, уведзеныя на тавары з Індыі ў сувязі з закупам расейскай ваеннай тэхнікі і энергарэсурсаў:
«Мне ўсё роўна, што Індыя робіць з Расеяй. Хай яны разам разваляць свае мёртвыя эканомікі – мне ўсё роўна. У нас вельмі мала бізнесу з Індыяй, іх мыты занадта высокія, адны з самых высокіх у свеце. Расея і ЗША таксама амаль не супрацоўнічаюць».
Трамп таксама назваў Мядзведзева «правальным прэзідэнтам»:
«Скажыце Мядзведзеву, праваленаму былому прэзідэнту Расеі, які ўсё яшчэ лічыць сябе прэзідэнтам, каб ён сачыў за сваімі словамі. Ён заходзіць на вельмі небяспечную тэрыторыю», – напісаў прэзідэнт ЗША.