👗🎀 نادي كل الستات 🎀👗

25 February 2024 19:53

اللهم ارفع أمى درجه في الجنه فتقول من أين لي هذا يا الله؟ - فـيقال بدعاء ابنتك ❤️‍🩹.

👗🎀 نادي كل الستات 🎀👗

24 February 2024 11:54

🌸ريحه التلاجه🌷
اما تستخدمي الفحم تكسريه وتحطيه في اناء صغير في داخل الثلاجة


الفكرة التانية
بطحن الفحم واقطع معاه قشور البرتقال وعيدان مكسرة من القرفة والقرنفل وشوية من الفانيليا
وحطيها في الثلاجة
مش هتلاقي ريحة ابداا


بيكربونات الصودا في اناء صغير في الثلاجة بتمتص الروائح تماما

👗🎀 نادي كل الستات 🎀👗

24 February 2024 11:54

🌈احنا هنعمل ايه اولا حاجه نسمى الله وندخل
#التلاجه
كدا ونرمى كل ال فيها ههههههههه
نبدا بقى ياقمر منك ليها هما خمّس خطوات
1. تفرغها

نشوف ايه الحاجات الهتترمى ونطلع الحاجات ال هنحتجتها تانى
وبعدين نرص الحاجه وممكن نجيب علب بلاستك نرص فيها الخضار والفاكهه
وتبقى زي الفل علي طواال

الاهم من نظافه التلاجه الخطوات دى
1. اى خضار او فاكهه تدخل التلاجه تتغسل قبل من حطها فيها
2. ممنوع منعا بتا وضع بواقى الاكل بالحلل ...نحط الاكل فى العلب البلاستك بتاعت التلاجه و
3. كل الاكل الفى التلاجه متغطى
4. ولو فى اى حاجه وقعت على طول تتمسح

🌸كدا التلاجه هتبقى نظيفه وريحتها جميله طول الاسبوع



#الثلاجه

افضل طريقتين لتنظيف الثلاجة بدون تعب ولا استخدام ماء كتيير هو الخل او منظف الزجاج بعد تخفيفه
👍👍👍👍👍رااائعين عن تجربة
قبل ما تبدائي خطواتك لازم تكوني فاصله الكهرباء🔌⚡️ عن التلاجه تماما
🎀الاول بطلعي الاكل كله والعبوات علي تربيزه فاضيه
ويفضل الخطوه ديه بالليل او بالنهار بدري وللاولاد نايمين 🙈علشان التوتر😅


🎀تمسحي كل رف بالفوظه بعد رشه
وتنشفيه كويس جداا

🎀واستخدمي اعواد قطن الاذن في تنظيف الثنايا والاماكن الضيقه✨✨


🎀طلعي كمان الادراج واعيدي النظر في محتوياتها
🎀العبوات كمان راجعي تاريخ الصلاحيه بتاعها ضروري

👗🎀 نادي كل الستات 🎀👗

21 February 2024 22:28

شهر شعبان دايمًا بيكون فرصة ممتازة ليك علشان تكون مؤهل للطاعة في شهر رمضان، سواء لو هتبدأ تتعود أكتر على الإلتزام واجتناب أي حاجة غلط بتعملها، أو التصدق، قيام الليل، والإكثار من الصوم 🤲

الأيام الجاية عندنا فرصة ذهبية نستعد بيها لـ شهر رمضان 🌙

فرصة ذهبية لـ صيام 5 أيام متتاليين.. من يوم الخميس 22 فبراير (12 شعبان) لـ يوم الإثنين 26 فبراير (16 شعبان) 👇

◾️ الخميس 22 فبراير (12 شعبان) - نافلة الخميس
◾️ الجمعـــة 23 فبراير (13 شعبان) - الأيام البيض
◾️ السبــــت 24 فبراير (14 شعبان) - الأيام البيض
◾️ الأحـــــــــد 25 فبراير (15 شعبان) - الأيام البيض
◾️ الإثنيــــــن 26 فبراير (16 شعبان) - نافلة الإثنين

تقبل الله منّا ومنكم صالح الأعمال، اللهم بارك لنا في شعبان وبلغنا رمضان 🙏

#ما_قبل_رمضان

👗🎀 نادي كل الستات 🎀👗

18 February 2024 20:34

البيت الممتلئ بالحب بين الزوجين سيخرج منه جيلاً محباً لمجتمعه نقياً و خالياً من الأمراض النفسية والسلوكية ، محافظاً على دينه وقيمه.

👗🎀 نادي كل الستات 🎀👗

10 February 2024 18:43

#السمبوسه_في_القلايه_الهوائيه

👗🎀 نادي كل الستات 🎀👗

29 January 2024 18:19

👍رشه السكر الخفيفه جداً ع الصلصة بيقلل حموضه الطماطم وبخلي الطعم متوازن

👎كتر البهارات بيضيع الطعم الأساسي للأكل

👎 لما برش الفلفل الاسود ع البصل وهو نصف تحميره بيخلي ريحته وطعمه شبه اكل امهاتنا زمان

👍👍اي اكل بيتذكر عليه أسم الله بيطلع جميل وفيه بركه

👍 تنظيف المطبخ اول باول بيحسسني براحه نفسيه

👍بحمر دقيق البشاميل بالزيت ولما بطفي عليه بحط معلقه زبده بيبقا أخف اكتر

👎لما تعملي الكيكه وحطي السوايل ع الجاف متقلبيهاش كتير عشان دا بيبقا سبب للفرغات الكبيره اللي جوه الكيكه

👍السمنه مع الزيت ع الرز بيخليه أحلي بكتيررر من السمنه بس

👍 رشه الزعتر ع الصلصة بيخلي طعمها رهيب خصوصاً صلصه البيتزا والمكرونة

👎اوعي تستخدمي معلقه مبلوله ف برطمان الصلصه

👍 لما بهدي النار على الاكل وهو بيستوي بيبقي أحلي واطعم

👍 رشه الفانيليا ع اي عصير بيخلي طعمه وريحته حلوه اوي

👍 لما بخلص خليط الكيك اخر حاجه بعملها بحط أقل من ربع معلقه كربونات مع معلقه خل وبحطهم ع الكيك دا بيخليها تنفش اكتر واستحالة تهبط منك

👎 متمسكيش الحاجه السخنه بقماشه مبلوله لانها هتوصل الحراره

👍 كل كام يوم بغلي مياه في براد الشاي وبحطه في الحوض وبحط فيه معلقه كربونات مع خل بيفور وبينظف البرد الاستنلس من جوه ومن بره كمان

👍 لما ببدا في تنظيف البيت ببدا بالمطبخ والحمام الاول

👍👍 واخيرا وليس اخراً اذاعه القران الكريم في المطبخ سحر للراحه النفسيه وانتي بتطبخي

متابعة ليصلك كل جديد
بحبكم فى الله🥰❤️😍

👗🎀 نادي كل الستات 🎀👗

29 January 2024 08:01

🥺#فى بيوت كتير يحصل فيها حالة طوارىء لو ضيف استأذن علشان يدخل الحمام تلاقى اللى جرى يميين واللي جرى شمال كل ده علشان احنا ماعندناش اسلوب ثابت لحياتنا هتقوايلي أعمل إيه يازوجه اروبه ولهلوبه 🤔👌✨

🌺#أولا ياريت نبدأمع بعض كل واحده تدخل حمامها وتسأل نفسها سؤال هل ممكن حد غريب فى هذه اللحظه يدخل

🌺الحمام وماكونش محرجه سواء من عد النظافه او من الأشياا الموضوعه فى الحمام على أساس أنه جزء مهمل فى البيت .
ماعلينا خالينا نبدأ بالحل .

🌺النهارده برنامج اليوم الحمام فقط كل سم فيه لازم يكون زى الفل أنا عايزه أأكد على شىء مهم بلاش نربط بين النظافه والفخامه يعنى ممكن بأقل الأمكانيات اخلى المكان اللى انا عايشه فى جنه.

🌺بعد مانظفنا الحمام ياريت الحاجات اللى انا شيلتها وأنا بأنظف بلاش أرجعها تانى الحمام بلاش الشماعه اللى ورااء الباب عليها اشى حاجه تخص أبو العيال على حاجه تخص ام العيا على حاجه تخص العيال نفسم المنظر موش حلو حتى للناس اللى عايشين فى البيت .

🌺باسكت الغسيل ياريت يكون شكله حلو ويوضع فى مكان لايراه اى شخص غريب .

🌺بلاش فوطه واحده البيت كله يستخدمها ونحطها على

🌺الحبل تنشف ونرجع نستخدمها تانى كل فرد من أفراد البيت له فوطه مستقله وكل يوم أغير الفوط كل فرد يكون له ليفه لواحده وممكن توضع بشكل جميل يسمح يتهويتها علشان البكتيريا وكل فتره تتغير.

🌺نظفنا الحمام وشيلنا الكراكيب وأوعى تنسى شباك الحمام ياجماعة الشبك أهم حاجه ده من بره عنوان بيتك ومن جوه يمنع دخول الاتربه الموجوده عليها مع اى شوية هواء الى المكان مره أخرى. اوعوا تكونوا تعتبتوا ده احنا لسه يادوبك فى الحمام ولم ننتهى بعد . ياريت الشغلانه دى تعمليها كل شهرماتستغربيش لان كل يوم الحمام ده أساسى كل

🌺يوووووووووووووم شوفى الوقت اللى يناسبك بالليل لو كنتى موظفه أصبح بعد مايخرج جوزك يالسلامه الحوض والبانيو والتواليت لازم يتغسلوا كويس وتخصصى لهم سفنجه معينه وزى ماأنتى عايزه استعملى اى مواد تنظيف المهم كل يوم .

🌺استنى رايحه فين أنا لسه ماخلصتش لازم يكون فى الحمام زجاجه زى بتاعى الجلانس حطى فيها شوية كلو وشويه ديتول وشوية ميه بنسب متساويه وكل ماتدخلى الحمام وتلاقى حد استخدم الحمام وخصوصا اذا كان فى صبيان وطبعا جوزك ترشى قاعدة التوليت والجزء اللى تحت القاعده بهذا المحلول وتنشفيها هتفضل ريحة حمامك طول النهار زى الفل .

🌺لازم يكون فوق الكومبينيشن فوطه صغيره وكل أفراد الأسرة يتعودا ان ماينفعش يستعمل الحمام ويكون على القاعده نقط بول (سورى)أنا باشوف المنظر ده كتير فى الأماكن العامه تبقى اللى خارجه من الحمام مافيش حاجه موش عاملها فى نفسها آخر شياكه وأدخل الاقيها مهانش عليها تنشف والقاعده علشان هى فى بيتها ماتعوديتش على كده
🌺.أوعى تملى ولا تزهقى صدقينى أنا والحمد لله عمرى ماحسيت بالربكه اللى الستات كلها بتكون فيها نتيجه المواقف دى لما بيكون ده السلوك العادى لكى بترتاحى.
تفتكرة بعد مانعمل كل ده هاتحتاجى ليلة رمضان وليلة العيد ولما يكون عندك عزومه ولما يجى ضيف فجأة ويدخل الحمام هاتتكسفى مأظنش . أجعلى من حمامك غرفه أساسيه فى البيت نظافه ورائحه عطره طوال اليوم بأقل القليل

🌺أخيرا
بالصلاة على النبي صل الله عليه وسلم تطيب الحياه
متنسيش متابعة لصفحتي علي الفيس بوك وقناه اليوتيوب بنفس الاسم وصورة البروفيل
#الحمام
#شغل_البيت_لعبتي

👗🎀 نادي كل الستات 🎀👗

28 January 2024 18:12

🌤️🌤️
*تذكير باب الريان*
*{ همْ دَرَجَاتٌ عِنْدَ اللهِ }*
لَا تكنْ عَادِيًا
أَرِ اللهَ مِنْ نَفْسِكَ
جِهَادًا في الوُصُولِ إِلَيْهُ
وَنيل المراتِبِ القَرِيبَةِ مِنْهُ

صيام الإثنين
#سنة_النبيﷺ
#صيام_يوم_في_سبيل_الله_يبعدك_عن_النار_سبعين_خريفا
#اتبع_سنته_تسعد_بصحبته_ﷺ

👗🎀 نادي كل الستات 🎀👗

25 January 2024 21:15

فيه فرق بيت البيت المكركب والبيت اللي مش نضيف...
البيت المكركب دا بيتي وبيوت كل الناس طبيعي ان فيه اطفال بتلعب وبتذاكر وعايشه ف بيت..
يعني عادي جدا المخدات تبقي مش معدوله بس الفرش نضيف..
عادي جدا تبقي اللعب ف كل الاوضه بس الاوضه ممسوحه ومتنضفه من التراب والعناكب...
عادي جدا الحمام ميكونش متوضب بس مش مبلول وريحته حلوه..
عادي جدا يبقي فيه مواعين بس المطبخ ممسوح ونضيف......
الفكره كلها ان بيوتنا كلنا بتتكركب عادي وطبيعي عشان فيها حياه فيه اطفال حسهم ولعبهم ف البيت.. ❤️.
احنا مش ستات خارقه ولا سوبر وومن احنا بنحاول نبقي منظمين ف بيوتنا وطريقه حياتنا وبننضف علي اد ما بنقدر عشان نفسنا وبيتنا ونفسيتنا.. ❤️

ممكن ييجي عليا يوم مليش نفس اطبخ ولا اشيل كوبايه من مكانها بيحصل عادي جدا.. ❤️
ممكن يعدي عليا يوم مسرحش شعري عادي مفيش طاقه بتحصل عادي..
ممكن انام عادي واسيب المواعين للصبح لو تعبانه او مليش نفس...
احنا مش ناس مثاليه...
بس مفيش ست هنا وحشه ابدا كل ست هنا ست الستات ربنا يعطيكم الصحه والعافيه❤️❤️

👗🎀 نادي كل الستات 🎀👗

24 January 2024 12:24

حاجات بطلت اعملها وحسيت بالفرق انت كمان بطلي تعمليها وهتحسي بفرق👍👍🤗

🚫اولا بطلي تصحي متأخر واصحي بدري البركه ف البكور

بطلي تمسكي التليفون اول م تحصي

بطلي تسويف وابدئي كل يوم لو حاجه بسيطه

بطلي تقرري انك تقلبي البيت كله ف يوم واحد وتنضفيه اوضه اوضه افضل واريح

بطلي تجيبي حاجات م ش محتجاها لمجرد ان عليها عرض او ارخص

بطلي تجمعي علب او ابرطمانت او اي حاجات مش عايزاها اتخلصي منها اول بأول

بطلي تجيبي منظفات مش معروف مصدرها عشان هتضر ايدك

🚫بطلي تستسهلي وتجيبي اكل جاهز ع طول الاكل ف البيت انضف واوفر

وانت بطلتي ايه؟؟
@club4allLadies2_bot

👗🎀 نادي كل الستات 🎀👗

23 January 2024 10:43

لا تفعل ٣ أشياء:
‏١- أن تطلب من أحد البقاء في حياتك.
‏٢- أن تستجدِ من أحد التحدث إليك.
‏٣- أن تتسول من أحد الاهتمام.

👗🎀 نادي كل الستات 🎀👗

23 January 2024 07:46

حاجات هتنجزيها ف يومك منغير م تحسي 💡💡

👈لو في كوبايات ف الحوض وانت بتغلي ميه الشاي اغسليها بسرعه

👈بعد م تخلصي مواعين اغسلي الحوض والسيراميم اللي حوايه هيفضل المكان ده دايما نضيف

👈رتبي سريرك اول م تصحي

👈شغلي الغساله اول باول الغسيل مش هيتراكم عليكي

👈طبقي الغسيل وانت بتتفرجي ع مسلسلك المفضل مش هتحسي بيه

👈رتبي درج واحد كل يوم

👈حددي كل يوم مهمه صغيره تنجزيها

👈لو نوع توابل خلص اغسلي البرطمان بتاعه قبل م تمليه

👈لو درج ف التلاجه فضي اغسليه او امسحيه قبل م تمليه تاني

👈قبل م تنشري دايما اكنسي البلكونه وامسحي الاحبال هتفضل ع طول نضيفه ومش هيتراكم فيها تراب وتنضيفها هيبقى اسهل

👈امسحي البوتجاز بعد م تخلصي طبخ ع طول اول باول مش هتتراكم عليه الدهون

❤️❤️تابعوا صفحتنا علي الفيس بوك بنفس الاسم وقناتنا علي اليوتيوب ان شاء الله دايما هتلاقوا نصايح جديده ومفيده ❤️❤️

👗🎀 نادي كل الستات 🎀👗

23 January 2024 06:05

افتحو الشبابيك ودخلو نور ربنا البيت🌵🌼

شغلو الراديو على اذاعة القرأن الكريم وقولو الاذكار 📻♥️

صلاة الضحى ركعتين مش بتاخد دقايق لكن ثوابها عظيم وصدقه عن ٣٦٠ مفصل فى جسمنا 👤

حطو غسيل فى الغساله .. لمو بساكت الاوض .. غيرو الملايات وشمسو البطاطين والكوفرتات والمخدات 🌤

كنسه سريعه ولم الكراكيب وتلميع الازاز وتنضيف الحمام .. مجهود قليل ووقت قليل = انجاز كبير

استغلو وقت الصبح الشمس والهدوء والروقان وسعة الوقت والصحه " بُورك لأُمتى فى بكورها " ♥️

#البرنامج_الصباحي

👗🎀 نادي كل الستات 🎀👗

22 January 2024 08:22

“عندما تستيقظ صباحاً وقد رُزِقتَ من الله يوماً جديداً لتحيا، لتفكر، لتستمتع، لتُحب، اجعل أول كلمة لك هي الحمدلله “

صباح الخير ♥️

👗🎀 نادي كل الستات 🎀👗

24 February 2024 19:17

ازي نحافظ على الجبنه القريش أطول فترة ممكنة

👗🎀 نادي كل الستات 🎀👗

24 February 2024 11:54

🎀طيب ازااي نحافظ على نظافة الثلاجة

🎀اول حاجة
اعتمدي فكرة السلال الصغيرة في الثلاجة
منظمة
موفرة للمساحة
مريحة للعين
مش بتسبب اي بهدلة للتلاجة ومتوفره في كل مكان وبكل الاسعار💰

🎀 الحاجة الثانيةخطأ جدا انك تسيبي اكل مكشوف في الثلاجة
لو خضار بيذبل
لو طعام مطبوخ بيفقد نكهته وقيمته
غير ريحة الثلاجة اللي بتكون كريهة
بمنتهى السهولة غطي اي اكل بالنايلون الشفاف
والخضار غلفيه كمان بالنايلون

🎀اطباق وحلل الي فيهم بواقي الاكل نستبدلهم بالعلب الخاصة بالثلاجة انضف واحسن

🎀ولو مش متوفره عندك اعيدي استخدام عبوات البلاستك بشرط انها تكون امنه
راجعي البوست ده ضروري👇 للبلاستيكات وعلب الثلاجه


🎀البرطمانات الزجاج كمان فكره عبقريه لانها شفافه ومحكمه الغلق وكمان مش بتاخد مساحه

#الثلاجه

👗🎀 نادي كل الستات 🎀👗

24 February 2024 11:51

صباح النشاط 💪💪

مهمه النهارده رخامه المطبخ والادراج

اولا. تنظيف الرخامة مع تنظيف كل الاجهزة الكهربائية
الميكرويف .. الخلاط .. الكبة .. غلايه الماء✨✨

ممكن تحطي ع الرخامه بوت زرع او شريط لد هيدي شكل تحفه للرخامه 🪴

ثانيا✨. فضي الادراج خالص امسحيها كويس عيدي ترتيب الحاجه فيها حاولي كل الحاجات اللي بتستخدميها مع بعض تكون ف درج واحد

يعني المعالق مع الشوك والسكاكين

التوابل مع بعض.

مستلزمات المشروبات زي الشاي والسكر والقهو والنسكافيه
يكونوا جمب بعض

مهمه النهارده مدتها نص ساعه 🕛🕛👌

شوفي بقي الاامار ديه لتنظيم الرخامة

👗🎀 نادي كل الستات 🎀👗

20 February 2024 20:36

صاحب الصدقة لا يقع ، فالصدقة الخالصة لله تطفئ الخطيئة ، وتسر القلب ، وتمنع المصائب وتذهب الهم وتزيد فى الرزق والسعادة ♥️

👗🎀 نادي كل الستات 🎀👗

12 February 2024 14:24

شايلن الهم ليه 🤔🤔🤔
ليه بجد 🤔🤔🤔
اللي بيشتكوا من غلاء الاسعار وشايلين هم هيعملوا ايه في رمضان٠
انتم مش واخدين بالكم ولا ايه????????????
.
يقول الله - تبارك وتعالى -: ﴿ وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ ﴾ [الذاريات: 22، 23].

ما لكش دعوه اه ملكش دعوه دي حاجه ما تخصكش رزقك محفوظ ربك اقسم لك عاوز ايه تاني
ما عليك غير السعي واليقين بالله هتشوف العجب الرزق اللي هيجي يدور عليه بس أسعى بما يرضي الله فقط
((( نصيحه من القلب ))) ♥️♥️

👗🎀 نادي كل الستات 🎀👗

10 February 2024 16:10

المدارس بدأت وبدل م نقعد نشتكي من الصحيان بدري وان الاجازه خلصت تعالي اقولك ازاي تستغلي الوقت ده وان ده اكتر وقت هتعرفي تنظمي فيه يومك 👍👍

اولا لازم تصحي قبل الاولاد صلي الفجر عشان تحسي ببركه اليوم ❤️❤️

شغلي اذاعه القرآن الكريم 📻

العيش الفينو تكوني مجهزاه وفاتحاه من بليل عشان يكون
جاهز ع الحشو🥖🥖

ممكن لو بيفطروا قبل المدرسه تكوني مجهزه الفطار من بليل 🍪🥧

لو مش بيفطروا يبقى ع الاقل معلقه عسل نحل او كوبايه شاي بلبن🍯

لو عندك بنات تسلكي شعرهم من بليل وتعمليه كحكه هيسهل عليكي كتير الصبح 💆

نكون مجهزين الجدول ومأكدين ع ادواتهم من بليل 📝

نكون مجهزين هدوم المدرسه والتوك والشرابات من بليل نطبقهم ونحطهم جمب بعض 👔

واهم حاجه نبدأ يومنا مع اولادنا بضحكه وحضن ونقولهم كلام ايجابي بجد هيفرق معاهم باقي اليوم 🥰🥰

👗🎀 نادي كل الستات 🎀👗

29 January 2024 10:19

عندما تستيقظ ادع الله اربع دعوات:
‏- يارب توكلت عليك
‏- يارب احتسبت يومي هذا لوجهك الكريم فتقبله مني ويسره لي وبارك لي فيه
‏- رب اشرح لي صدري ويسر لي امري
‏- اللهم اني استودعتك نفسي وأهلي وذريتي وأحبتي فاحفظهم حفظاً يليق بعظمتك

صباح الخير ♥️

👗🎀 نادي كل الستات 🎀👗

29 January 2024 00:03

اكل زمان البسيط كان ليه طعم ونفس

الموضه الجديده اللي طالعه بتاعه كتر التوابل والبهارات في الاكل دي بطلوها الله يكرمكم 😑💥❌
بتكتروا التوابل في الاكل ومبتبقوش عارفين بتاكلواوايه والله من كترها😏🥹
🥹

💥 التقاليع الجديده واللي معتبرينها شياكه في الطبخ بتبوظلكو المعده والكلي وارتجاع المرئ بقا مالي الدنيا ❌

✅الناس بتسال عن البهارات والتوابل والخلطات اللي بتخلي الاكل طعمه حلو❌
واللي تقولي بستخدم كل البهارات واكلي مش حلو برضو❌

✅الفكره أن حلاوتها في بساطتها الاكله لو معموله بنفس ومعليهاش غير ملح وفلفل بس بتبقا تحفه وده اكل امهاتنا كلنا اللي اتربينا عليه ملح وفلفل بس👌

اطبخوا بمزاج وبنفس وخلوا نيتكم صافيه وصلوا ع النبي❤️ وانتوابتطبخوا كدا

👗🎀 نادي كل الستات 🎀👗

26 January 2024 15:09

ازي تفرزي وتخزني من غير ما تحسي بمجهود ولا ضغط ميزانيه

🍅كل ماتنزلى السوق هاتى كيلو زيادة مع طلباتك .لو بسله هاتي اتنين بدل واحد وفرزي التاني
ولو طماطم زودي شويه وشيلي كيس تسبيكه طماطم
وكمان ال برتقال🍊مانجو🥭 اى نوع خضار او فاكهه وفرزيه وكده التفريز مش هياخد من ميزانيه البيت مبلغ كبير وهتوفري علي نفسك وقت ومجهود وفلوس😌😌لايك لدودوماتبخلوش عليه ☺️☺️

🍚كل ماتجيبى مشتريات البيت زودى كيلو سكر او كيلو رز او زجاجة زيت وشيليهم ل شهر رمضان وكدا هنستعد لشهر 🌙رمضان الكريم بدون ضغط مادي اسمعي كلامي 🤔🤔

🍏لو عندك عزومه حاولى تجهزي لها من قبلها بكام يوم عشان مترهقيش نفسك وصحتك ومن اولويات العزومه التسبيكه والتعصيج
ولو هتعملي محاشي ولو هتبلي دواجن ولحوم تبليها وحطيها في الفريزر وهطلعيها يوم العزومه علي التسويه وتكوني سهلتي علي نفسك التعب والمجهود👍👍فين الايك 🤔

بالمرة بقي
🌷لو مخزنه ثوم🧄 في البلكونه فصاصيهم وقشريهم وحطيهم فى علبه في الفريزر👍👍

ولو استفدتى باى معلومه متنسيش تتبعينى هنا ولا تنسوني بدعوه حلوة من قلوبكم ويارب اكون عند حسن ظنكم ❤️

👗🎀 نادي كل الستات 🎀👗

24 January 2024 12:32

لو في حد مستبيحك وانت مش حاطط له حدود هيستبيحك اكتر مش هيقدر تضحياتك وهترجع بعد ما استنزفت عاوز تحط نفس الحدود اللي انت كنت المفروض،تحطها من الاول
بس هيكون ده بخساره العلاقات والخناق والقيل والقال

سامح نفسك انك اتأخرت وتحمل الفتره دي وابتدي من هنا ورايح تحط لنفسك قاعده ان لا يلدغ المؤمن من جحر مرتين

اللي تفوته مره متفوتوش التانيه

وياريت يبقي ولا حتي مره

انت مش مستباح

احترم نفسك المتجاوز مبيحترمش حد

👗🎀 نادي كل الستات 🎀👗

23 January 2024 19:21

نعم لقد كان الانفصال سيد الموقف والخيار الأقرب من الواقعية

ولكن هناك خيارا آخر لم يكن يخطر لها

إنه دورة شهرزاد حيث دخلتها لتثبت لنفسها أنها تقوم بم عليها لحماية أسرتها من التفكك

ولكنها تفاجأت!

لقد تغير كل شيء! المشاعر والكلام والتعامل والأشياء المشتركة💞

لم تكن هي الحسناء ولم يكن زوجها الوحش💔


بل كانا حبيبين فرقهما عدم الخبرة بالاهتمام بالنفس وإحياء فطرتها أولا

مع ظن كل واحد منهما أنه يقدم الأجمل والأفضل دون الاهتمام بفهم احتياجات الآخر وطرق تفكيره وإسعاده.

مرت رحلة شهرزاد بمحطاتها الثلاث:الأنوثة والإصلاح الزوجي والعلاقة الحميمية

وهاهما يختمان الرحلة بارتداء ثوب الزفاف من جديد لتعود الحياة لمجاريها ،مودة ورحمة ومتعة وإثارة💞

لم تكن.ص الوحيدة لقد رأينا كيف تكرر هذا في تعليق الأخوات

فياترى كم مرة سيبقى يتكرر ومن ستكون بطلته القادمة👏

وكيف هو حال من تعيش أصلا المودة والرحمة وتحتاج الخبرة وانتشال الفطرة من تحت أنقاض مسؤوليات اليوم المزدحم

شهرزاد 💞قرار ينقلك لعالم جديد💞

👌أسبوع واحد على إغلاق التسجيل

من هنا تحجزين تذكرتك👇👇

@Jawad3333_bot

👗🎀 نادي كل الستات 🎀👗

23 January 2024 08:24

انا جيت😂❤️
وصلت أقصي طموحاتي لـ
. انضف المطبخ
. الشقه نضيفه وريحتها حلوه
. فرشت ملايات نضيفه
.اخد شاور ساقع
اصلي الفروض ف وقتها
. اشغل فيلم بحبه
. وصوت المروحه بيهفهف 😂♥
اللهم بيوت هادئة تنبعث منها الطمأنينة ♥
خمس حاجات من مسببات السعاده لاى ست وبالتالى لأى بيت🏩
البيت رايق ومتعطر🫰
حوض فاضى ونضيف 🫰
بوتجاز مغسول ومتلمع 🫰
باسكت زباله فاضى 🫰
رخامه رايقه ونضيفه 🫰
حرفياً ما اخدوش منى ساعه وممكن اقل كمان ☺️

ارتحت نفسياً وهقوم باذن الله فايقه وعندى طاقه ايجابيه ومتحمسه ليوم جديد رايق🏩🫰

✨رؤية العين لمنظر هادى ونضيف بيكون مبهج وبيبعث بالحماس والنشاط
التراب والكركبه مؤذيين للعين
كل مايكون ايدينا فى البيت بلمسات خفيفه سريعه = تعب اقل ومجهود اقل ووقت كمان اقل ✅

وخلينا فاكرين دايماً بيت منظم اسهل فى تنضيفه من بيت غير منظم🏩🫰✨
متنسوش وسط كل ده اهم حاجه فرض ربنا 🥹
قراءه ورد يومياً
اقري سوره الملك قبل ما تنامي ✨
ديما شغلي بخور في البيت بيهدي نفسيتك جدا 🙈
اذعه القران الكريم✨
يوميا سوره البقره في البيت روتين البدريه منسيه🌸
نحنُ بخير مازل بيتنا بخير .. ‏فلا يُمكن للمرءِ أَن يجد مأوىً أهدأ وأكثر سكونًا من بيته

#نصائح_المطبخ

👗🎀 نادي كل الستات 🎀👗

23 January 2024 06:50

اكنس بيتك ورشه ماتعرف مين يخشه ..
كانت جمله بتتقالنا ديما زمان من امهاتنا ومن جدتنا يعني عشان ننظف البيت باستمرار وكبرنا وعرفنا أن الراحه فعلا في تنظيف بيوتنا حتي لو دخل عندنا ضيف بنبقا مش شيلين هم
هقولكم شويه نصايح ع قدي كدا أن شاء الله تستفيدو
اول حاجه بحس أن الهدوم في الاوضه هيا اللى بتكركبها فااول حاجه بعملها بطبق الغسيل النظيف واللي مش نظيف بحطه في المكان المخصص ليه

تاني حاجه ببدا بالسرير بغير الملايه وأكياس المخدات وبرش شويه برفان هادي كدا ع المخدات

تالت حاجه بشيل السجاد وبكون عامله مياه بديتول وبمسح الأرض بالشرشوبه يدوب تنشف بفرش وطبعا بكون نفضت السجاد ..
بسوي السراحه وبنظم كل اللي عليها ..
بعد مابخلص برش معطر ولو كان عندي بخور بولع عود وبقفل الاوضه 🩷

بعمل كل ده مع بقيت الاوض حتي الصاله

أهم حاجه وانتي شغاله في البيت شغلي اذاعه القران الكريم على التليفزيون او لو ف راديو يبقي حلو اوى🩷

بالنسبه لتنظيف المطبخ ببدا بالمواعين بس قبل اي حاجه بحط شويه كلور ع البوتجاز وبسيبه لحد ما اخلص ..

اول باول وبعد كل اكله بشيل كل البواقي من الأطباق وبحطها في الحوض عشان لما اجي اغسلها ماتسدش الحوض

لو عندي طاسه فيها زيت ومفروض هرميه مش برميه في الحوض عشان مع الوقت بيتسد بجيب قماشه بكون مش عايزاها وبحطها في الزيت بتشرب الزيت كله بحطها في كيسه وبرميها...

لما النور بيقطع لو عندي اوضه عايزه تتنظف بنظفها ع الكشاف بضيع وقت وفي نفس الوقت لما النور بيجي بحس براحه نفسيه

بعد العشا وانا بعمل الشاي لو في مواعين بغسلها وبنظف الأرض .. بمسح البوتجاز
بقوم تاني يوم اعمل الفطار وانا نفسيتي مرتاحه 🩷

عمله يوم من كل أسبوع تنظيف عميق بشيل السجاد وبمسح الخشب وبسيق من تحت السراير واليوم دي بيبقا يوم الخميس بقوم الجمعه البيت بيبقا زي الفل بشغل التلفزيون ع صلاه الجمعه وانا مولعه بخور وفاتحه كل البلكونات 🥰

واخيراً وليس اخراً حاولو ماتبيتوش زباله في البيت وان حصل اقفلو الكيس كويس وحطوه جوه كيس كمان
#شغل_البيت_لعبتي

👗🎀 نادي كل الستات 🎀👗

22 January 2024 08:22

تعالي اقولك علي شويه افكار للغدا

👗🎀 نادي كل الستات 🎀👗

21 January 2024 21:26

🌤️🌤️
*تذكير باب الريان*
*{ همْ دَرَجَاتٌ عِنْدَ اللهِ }*
لَا تكنْ عَادِيًا
أَرِ اللهَ مِنْ نَفْسِكَ
جِهَادًا في الوُصُولِ إِلَيْهُ
وَنيل المراتِبِ القَرِيبَةِ مِنْهُ

صيام الإثنين
#سنة_النبيﷺ
#صيام_يوم_في_سبيل_الله_يبعدك_عن_النار_سبعين_خريفا
#اتبع_سنته_تسعد_بصحبته_ﷺ