931
¹³³ أّلَشُـعٌر لَأّدٍيِّنِ لَهّـ _____ تجد هنا الشعر الصحيح و الذائقة الواعية _____ ادارة القناة👇 @majed133 ______ رابط القناة👇 https://t.me/joinchat/AAAAADz1EghSzjsJcbUnzw
هذه الليلة
قادمة من طرف ليالٍ
قديمة أعرفها.
#خالد_النشمي
روحي طفله ازغيره مفطومه اعله حسره،
روحي ابدال الذهب
حطو بذنها اخويط بكره....
#موعود_الرشيدي
#موعود_قاسم
عسى ذاكرات المقاهي القديمة
ما تَعِبَت مثل ذاكرتي
ها هو الأمس يفترش الصمت
في ركن خمارة النهر
مولاي لا شيئ
مولاي لا شيئ
مولاي لغز المرايا
لعلك تعرف كيف الخروج
من اللغز
لا شيئ.. لا شيئ.. لا شيئ
(إلى روح غسان ومظفر الرحمة والنور)
من شوفتك بيه جرح
لايعتك ولايلتم ولا ينغسل
ولايبرد ولايلتف
#محسن -الخياط
كون تشوف حالي شگد الك ملهوف
#جبار-رشيد
وانا اگوله:
ليله فيها لگاك
أبيع العمر وأشتريها وما لگیتك💔
انه ووعودك صفيت بلايه وعدك
وانه دمعات الحزن
شاتلهه ظليت على خدك
وانه سچة درب سواني زماني
يا حريمه ياحريمه
#ناظم-السماوي
سولفن عنّك أميرات الفخاتي كالن
النگار بالزعرور ما يشبه حلاتك
جابعد روحي شحلاتك
#مظفر-النواب
وين اهذري الكلشي بيه
وين اگولن كلشي مر
لا درب ما عثراني
ولا گصد جدمي بطر
ولا محطة البيها اونس روحي لو گلبي عثر
انه ويه الكلشي ماكو أصحاب كضينه العمر
#وجدان-النقيب
احطنك بلب حشاي
واصوغنك صياغه لمنحري كلاده
#عطا
يا حبيبي
خاف ترهم يوم وازعل
لا تفكر بيّه زايد ..
گلبي فضَه
والزعل ويّاك ومضه
بس أشوفك، أو يمر بيّه خيالك
كل شي بيّه بساع يرضى
ومن تجي
لا تعتذرلي
لا ترضّيني حبيبي
لخاطرك من كيفي أرضى .
#عبد الكريم -القصاب
يا لذيذ الروح وحشه
وداعتك وحشه الليالي
شگد الك عطشانه روحي
انت تدري شگد احبك لو نسيت
آه لو تدري حبيبي شگد احبك ما نسيت
يالذيذ الشمه يا طعم الزلال
القصيده عليك تسالني شگول؟
اختنگت حروف القصايد بالسؤال
#محسن-الدخيلي
ميت أنه
ولا خط يجي عن موتك
سوده وحشتك يولدي حرموك من تابوتك
مشچوله ذمته المرمرك
لا تبري ذمته مروتك
ما ناح طير على الشجر
إلا اعله نغمة صوتك
حيل ادلهمت يانبع گلبي وگمرنه امدمه
إبموس الخناجر تاكل بلحمه وتفطر النجمه
عميه وتدور رويحتي إبيا بير أدور يمه
وما اظن بعد تطلع شمس وتزول هاي الغمه
وفرگاك فت إمرارتي وضاگت عليه الچلمه
لا گبر وتهدل إله
وألهم ترابه وأسأله
الگلب صاير كربله
ولا خط يجي عن موتك
يتنفس بشفته الورد والنجم غافي برمشه
هد حيلي موتك يا حلم يبس الطير إبعشه
إنچان مت بلا گبر ٱني گبر يتمشه
بلچن تفز إرويحتك يوم وتطير الوحشه
وألگاك أقفلك بالرحم وأنطيهم إذن الطرشه
ما رد حلم عايف هله
وصدره رصاص ومنقله
الگلب صاير كربله
ولا خط يجي عن موتك
وما تخلص إگبور البلد دفان ينخه بدفان
ومشله اشليله الشفل ويطمها عدله الشبان
يا ريت ما جبتك ولا هلهلت يمه النسوان
يصل عظمك إبسن الشفل وتاكل بعيني الغربان
وأوگع وتل إرويحتي وأچبح إعله البيبان
ما رد حلم عايف هله
ولا طير يعرف واسأله
الگلب صاير كربله
ولا خط يجي عن موتك
#موفق_محمد
الليله گلبي ينام دافي
وتندفن ويا حرارة جيله
اللیله اخر لیله
#الگاطع
اللیله اموت اللیله اخر لیله
2:12
يمشحوف علئ ريح الليل تاه معيبره
وسيس
#محسن-الخياط
.
ذاك آبويتنا
بذيج الحريجه،،،أهناك
وانا بلا طريج آهنا .
آه ..... آحّاه ،
أشمّن عن بعد شعواط .
ما أدري ،
هسّه آشلون حال آعكَال آبوي
وشيلة آمي آهناك ؟
وكَلادة أخيتي وزيجها المستور ،
ومخاديد العروس وسنبلة روحي ،
وكاروك الرضيع وخضرمة الگَماط ،
وشجم فلس متوضّي بعرگ گصتي ؟
هسه آشلون حال آستارة الشباج ،
ورسوم العلى الحيطان ،
والبستان ،
وعصافير الندى
وعشوشها الماشايفه الدخان
وماي اجروفنا وكل شي عزيز اهناك ؟
هسّه آشلون حال اجناح كَلبي
المن سنه ما حاط
امورّث من سنه وما حاط
مثل كل شي عزيز آهناك
حريجه وكل عزيز آرماد
آه .... آحّاه ،
مدري شلون طاحت چفة الميزان
هلي صفناتهم ميزان
يعرگ مستحه شخاطهم مايحرگ الخوان
غريب العود هذا الواج
وغريبه جدحة الشخاط ...
آه ... أحاه
مدري شضال من ذيچ الحريجه اهناك
چن زخة بواچي اهناك
حريجه و كل عزيز ارماد .
.
#عبدالكريم_القصاب
¹³³
غنه خوف المبتلي بروحه
بعد ما خظر الخنجر وسط كلبه
ولمع وجه بسكوت
من يغني الكاولي ككلم سكوت
لو دره البلبل بواجيه غنه
يبلع لسانه ويموت
بس يضل مفضوح كلبي
شاور احروف التفاة ما لكه لحزنه دوه
شاور الشكره وبجه
كافي حزنك
جرح كلبك
والوكت خنجر عدو
يشتري الشوك بعطش روحه ويهيم
رافك الشوك ويضل جدمه يتيم
شو يريد ضماد يداوه بخناجر
والعمر جذبه اعله باجر
#علي_الشباني
انا كلبي شكر محروگ
طاح بگصب وبجالي ولمه بكاغد مشكك
اجيتك ساجيه بلا ماي بتراب الدفني اغرك
#محسن- الخياط
تعدلهه بحلاتك ياضوه وترخص
يالمشيك سباني بمشيتك تركص
#محسن-الخياط
ياريت الليالي الماضيه بذاك الفرح تنعاد
ياريت الزمن يفحط ولا يمشي
ويرد اردود لايام العشگ والشوگ والميعاد
ظلمه والنجم تعبان
وجرح الگمر مايرهم الهه اضماد
الليله اطويت صفحه من العمر سوده
الليله احرگ ثلاثيني
واسوي الذكريات ارماد
انه لوحدي ابمسية افراگ💔
#کاظم-الگاطع
بطيفي لو مَرة حَضر
تضوي الليالي بلا گُمَر
#اسماعیل-الگاطع
يا آهي إشگثر تگبر ؟
سحابة او لا لبگها الريح ، ولابيّها الوگت
حَدّر ولاصبر الصبرته أعليّك
نافعني أبگثر ماضر
#عريان-السید
ولك يبعيد
شفتك نابت بروحي .
لا صفصاف مشيك
لا عشب منسي .
ولا مخلاص منك
نابت بروحي
#علي-الشباني
يا حبيبي بداعتك
شحت مواسم شوگنه و هسه انتهينه
هم ترد علينا؟
هم تعود؟
حتي المفردات عليك لبسن سود
بلكي تعود...
#بلا عنوان💔
أنه شنهي أبلايه ضيّك
كل ضوه أيطيح اعله زلفي أيگوم شيب
شكبرتني
الليله چنها أخر محطه
الليله عاجر
أنه خايف ما تصح أيام
بيها أتلگه باچر
أو لا نسيم بگلبه أشمك
يا أمغرب شنسى منك
#جواد- زغير
شنسی منك💔
بعدها محبتك خضره ذبل عمري ولا ذبلت
يـَ جمره وشابگه اعله الروح لاتبرد ولا تهفت
#کاظم-الكاطع
يالتظنين الشمل يلتم
شمل عزج تشتت
#عريان-السید
¹³³
ويلوموني ..
واحسك تكبر بروحي ويلوموني
وانا بلا شوفتك شينفعن عيوني
يا شوفتي
ورجوتي
ودنياتي
ولوني
وعذابي وبسمتي وشكواي وضنوني
ياخيعونك علي وبيك خيعوني .
ياواهس تضحك الدنيا على شفافك ..
يابو الليل الحلو ال يلعب على جتافك
احس روحي تأمن بيك وتخافك !
واحسك لغز شنهو انت وشنو اوصافك
ولا غيرك نبع بالشوگ يرويني
وتوصيني ؟؟
لونّك مو دمع ما ضمتك عيني !
#عريان_السيدخلف
شنو فضلك عليه وحاطني وي الريح ؟
خانگ فرحتي
ورملاتك تذري ..
لا مثل الخلگ وتدگ عليه الباب
وتسر خاطري ولا گلت متبري
معلگني بأمل يادوب يشفع بيك
واتأمل حلاتك
واحتمل مري ..
#عريان-السيد خلف
وعرفتك ساجيه اتفيض بشحيح الماي
بظفيره سنبلك عنبر يشتلونك
#ناظم-السماوي