4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#رقيه
جديد بمناسبة شهادة طفلة الحسين عليه السلام رقيه قصيدة بعنوان (مشتاقه لوجهك)
مشتاگه اشوفك حيل يبن الزچيه
اخر مره نظرتك بويه بالغاضريه
والدي في وين يا عمه طول غيابه
ومشتاگه اجلس وياه واشتم ثيابه
شفته بالنوم وبلهفه ناديته يبابه
وهسه أريده يا عمه بهاي العشيه
▪️〰▪️〰▪️〰▪️〰▪️〰▪️〰▪️〰
وصار الصياح ويل في خرابة الشام
رقيه أتريد ابوها وسمعوها الظلام
جابوا بطشت الذهب راس الامام
وگالت يعمه انا ما ريد لا زاد وميه
▪️〰▪️〰▪️〰▪️〰▪️〰▪️〰▪️〰
بين ايدين الطفله الطشت خلوه
زينب اوياها العليل الدمع صبوه
كريم حسين اگبالهم ويل شافوه
شهگة موت شهگوا والدمعه جريه
▪️〰▪️〰▪️〰▪️〰▪️〰▪️〰▪️〰
بحضن البنيه الطشت شالوا غطاه
شافت راس شيخ العشيره واويلاه
وشيبه الكريم امغسل بفيض دماه
صاحت من صميم الروح بونه شجيه
▪️〰▪️〰▪️〰▪️〰▪️〰▪️〰▪️〰
ردت اشتكيله حالي واگله اضربوني
حسافه يعمه براس أبويه افجعوني
شكثر ظلام ومن حنانه احرموني
احترگ گلبي يعمه من عظم الرزيه
▪️〰▪️〰▪️〰▪️〰▪️〰▪️〰▪️〰
حكت وي راس ابوها بدمع جاري
من غبت عني ياالولي اظلم نهاري
شوف حبل اليسر بيميني ويساري
مچتوفه بي انا وعمتي واعليلك سويه
▪️〰▪️〰▪️〰▪️〰▪️〰▪️〰▪️〰
حضنت الراس وشهگت وسكنت رقيه
حركوها لن ماتت الطفله ياعظم الرزيه
خذتها ام الحزن زينب والدمعه جريه
بدونچ رقيه ويلي اللون ارد الغاضريه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الامام علي ابن الحسين زين العابدين عليه السلام قصيدة بعنوان (رحل مسموم)
حط رحله علي السجاد الچبد مسموم
وما ابرحت عينه تهل دمه على المظلوم
ويح گلبي اعله زين العابدين ومصابه
خلصت حياته وما برحت دموعه سچابه
ينوح الوالده المذبوح وأنصاره وشبابه
ياعملة كربله خليتي الگلب ينزف دموم
▪️〰▪️〰▪️〰▪️〰▪️〰▪️〰▪️〰
اليشوف اهله وعزوته بفد ساعه عالغبرى
وتالي عماته وخواته بنفس الگيد متيسره
شتظن يبقى بحياته غير الچبد متوذره
زين العباد من طف كربله چبده مسموم
▪️〰▪️〰▪️〰▪️〰▪️〰▪️〰▪️〰
روحه ظلت اهناك من شاهد حسين
عالغبره امغسل بدمه ومحزوز الوتين
وبعينه شاف خيام محترگه ونساوين
تفتر بذيچ البوادي راعبها عسكر القوم
▪️〰▪️〰▪️〰▪️〰▪️〰▪️〰▪️〰
ويلي اعله زين العباد الما نشف دمعه
من محنة كربله والجرى بيها حنه ضلعه
چبده اتگطع اهناك من شاهد اهله صرعى
عيونه تنزف دمه ومتروس گلبه بالهموم
▪️〰▪️〰▪️〰▪️〰▪️〰▪️〰▪️〰
دار عينه بأهل بيته والگلب مكسور
وصاح اعله ابنه الباقر والدمع منثور
گال انته العشت وياي ظهر عاشور
ومثلي شفت يوليدي ذبحة المظلوم
▪️〰▪️〰▪️〰▪️〰▪️〰▪️〰▪️〰
گال وداعة الله بويه چبدي مسممينه
يالباقر اسمع وصيتي وهل دمع عينه
گلبي احترگ بدرب اليسر لمن مشينه
وسكنت انفاسه وما سكن جرحه المكلوم
▪️〰▪️〰▪️〰▪️〰▪️〰▪️〰▪️〰
حطه اعله المغتسل ابنه محمد الباقر
قام بواجب الميت ووين راح بالخاطر
وصل الطف كربله والجرى بيوم عاشر
حسين من دون الخلگ صار غسله ادموم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام قصيدة لدفن الأجساد الزواكي في كربلاء قصيدة بعنوان (دفن ومواجع)
يايوم الثالث عشر تحمل الم وهموم
رد علي السجاد يدفن جثة المظلوم
رد علي السجاد حدر الضلع نيران
ترك عماته وخواته بولية العدوان
راد يدفن أجساد ظلت على التربان
ومن وصل كربله ناح بگلب ملچوم
▪️〰▪️〰▪️〰▪️〰▪️〰▪️〰▪️〰
من وصل كربله ويل وهو ابهالحال
شاف على الأجساد لمة امن الرجال
گاللهم ساعدوني وحفروا بهالرمال
جاي مگصودي أدفن هاي الجسوم
▪️〰▪️〰▪️〰▪️〰▪️〰▪️〰▪️〰
عگب دفن الأهل ودفن الاصحاب
توجه علي السجاد منه الگلب ذاب
گلهم حصيره ريد والدمع دمه سچاب
ارد الم الشهيد حسين المگطع بالرغام
▪️〰▪️〰▪️〰▪️〰▪️〰▪️〰▪️〰
نزل والده ويل وينحب علي السجاد
وجاب الاكبر ونار تسعر وسط الفاد
لن سمع صوت من النحر يازين العباد
جيب الاصغر علي عليه الگلب ملچوم
▪️〰▪️〰▪️〰▪️〰▪️〰▪️〰▪️〰
حط الرضيع بصدر الابو حسين
واعليهم سوه التراب هله بالادين
وناجى الابو ساعه والگلب شطرين
وافرغ ادينه امن التراب بنفس مهموم
▪️〰▪️〰▪️〰▪️〰▪️〰▪️〰▪️〰
وللشاطي قصد تسعر بالگلب نار
شاف عمه امگطع اليمنه واليسار
نادى يعمي بطيحتك ما ظلت افكار
تدري اخذونا يساره عگبك يجيدوم
▪️〰▪️〰▪️〰▪️〰▪️〰▪️〰▪️〰
هل التراب اعله الگمر في كربله
ورد اردود للكوفه يحرسها العايله
شافته زينب ونشدت بدمعه هامله
خبرني يعمه بيا حال ادفنته للمظلوم
▪️〰▪️〰▪️〰▪️〰▪️〰▪️〰▪️〰
گلها يعمه شخبرچ يتعب التفصال
جسوم أهلنا وعزوتي تشعب الدلال
بيدي ادفنتها بالثرى لچن بيا حال
الجسوم كلها مغسله بفيض الدموم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام قصيدة للرحيل عن كربلاء وبداية السبي الأليم بعنوان (بدت رحلتنا)
بده صبح النايبات يايوم الحادي عشر
دنوا النوگ الهزيل وين عباس الگمر
ياصباح الحادي عشر دنوا النوگ الهزيل
تقدمت زينب الحره مچتفه بحبل الثقيل
ركبت ايتام اخوها ووصلت يم العليل
گاللها عمه اركبچ والدمع ويلي انهمر
▪️〰▪️〰▪️〰▪️〰▪️〰▪️〰▪️〰
گالتله ياعمه استمع انا ليه كافلي
معقوله عباس الگمر ما يجهز محملي
بدت گلها النايبات عالنهر نام الولي
گومي عمه بالصبر شدي حزام الظهر
▪️〰▪️〰▪️〰▪️〰▪️〰▪️〰▪️〰
ركبت الناگه يويلي والگلب يسعر لهيب
عين للشاطي راحت ووعين راحت للغريب
وداعة الله يخوتي والدمع منها سكيب
روحي وياكم تظل والجسد راح بسفر
▪️〰▪️〰▪️〰▪️〰▪️〰▪️〰▪️〰
ونادت بصوت العقيله يا أراضي كربله
تاركه اعله ترابچ انه نجوم بن عقد الوله
شلون تدري من انزلت واليوم عنچ راحله
اخوتي نومه بثراچ كيف ما اعمي النظر
▪️〰▪️〰▪️〰▪️〰▪️〰▪️〰▪️〰
ودعت زينب اهلها وداعة الله يا هلي
خويه عباس الغضنفر الگال خويه اتدللي
جاسم العريس عون جعفر واكبر علي
تاركه وياكم حسين جسمه متواصل وذر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد بمناسبة محرم الحرام قصيدة بعنوان (صار اللقاء) بين سيدة نساء العالمين وام البنين لسان حال
بين ام الوفه وام ضلع مكسور صار اللقاء
فاطمه وام البنين تلاگوا في أراضي كربلاء
ام حسن ويل اجت محنيه تدگ اعله الضلع
نست كل شي حصل ليها من شافت هالوضع
ونادت يم البنين الاربعه وني بگلب منفجع
حسيني وگمر هاشم في كربله اتوزعوا أشلاء
▪️〰▪️〰▪️〰▪️〰▪️〰▪️〰▪️〰
ام حسن تنتحب وتنوح في أراضي الغاضريه
من ألمها تگوم واتطيح وتسندالها ذيچ الوفيه
بدمع يجري تگلها يمولاتي يعينچ الله اعالرزيه
حسين وشبول الهواشم تغسيلهم فيض الدماء
▪️〰▪️〰▪️〰▪️〰▪️〰▪️〰▪️〰
ام الوفه تصيح يم حسن مصاب ابنچ فجعنه
فديته بأربع اولادي وتمنيت سالم يرجع النه
عزيزچ راح يالزهره وعليه دم تهل مدامعنه
گومي خل نلم اوصاله وننصب اعليه العزاء
▪️〰▪️〰▪️〰▪️〰▪️〰▪️〰▪️〰
گومي يامولاتي ننصب على ولادچ عزانا
حسينچ وگمر هاشم انذبحوا واظلم فضانا
وأخذوا بناتچ سبايا حيف وامصابهم عمانا
چتفوهن يا زچيه وبچت ليهم دم السماء
▪️〰▪️〰▪️〰▪️〰▪️〰▪️〰▪️〰
مصايب اولادچ يزهره تعدت كل الحدود
الحصل في كربله آه فجعنه وفت الچبود
كلها جثث متوذره ومحد حفر ليها لحود
والاعظم يزهره سبايا بناتچ مع الاعداء
▪️〰▪️〰▪️〰▪️〰▪️〰▪️〰▪️〰
يمولاتي ترى شعب گلبي اعزيزچ يزهره
مطحونه سوه ضلوعه وي عظم ظهره
ردت عليها ام حسن يا والدة سبع الگنطره
شوفي عباسچ يحره شقدم لوليدي فداء
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد محرم الحرام قصيدة ليوم العاشر نزول الامام الحسين عليه السلام المعركه بنفسه الشريفه قصيدة بعنوان (نزل للكون نور القداسة)
عگب ما راحت الأنصار وفرغت اخيامه
اباب الخيمه وگف ابو السجاد وي ايتامه
عگب ما خلصت الأنصار وفرغت اطنابه
وماظل بس حسين وعليله من أحبابه
نادى ايتامه ونسوته والدمعه سچابه
گوموا للوداع مني واللقا يوم القيامه
▪️〰▪️〰▪️〰▪️〰▪️〰▪️〰▪️〰
التمن عليه النسه والتمت كل الاطفال
وحده تحبه وحده تشمه والدمع همال
ووحده تگله امسح على راسي يمفضال
اتجهز لليتم بويه ومسحك هذا العلامه
▪️〰▪️〰▪️〰▪️〰▪️〰▪️〰▪️〰
عگب ما ودع عياله نادى برفيع الصوت
وين الذي يقدم الميمون وخلت البيوت
لن ام الصبر طلعت وقدمت مهر الموت
ونادت اشعبت گلبي والدمع مثل الغمامه
▪️〰▪️〰▪️〰▪️〰▪️〰▪️〰▪️〰
ركب ميمونه حسين وگصد ارض الحتوف
يفري الكتايب بن علي في وادي الطفوف
واعله ابن النبي اتوالمت برماح وسيوف
مثل سور اعله معصم كلها اعليه متلازمه
▪️〰▪️〰▪️〰▪️〰▪️〰▪️〰▪️〰
اثلث فرق يوم الكون اجتمعت اعله حسين
بسيوف وارماح ونبل من النبي رادت الدين
وثارات الكفر كلها طلعت عله ابن الميامين
لن المثلث شگ صدر القداسه وكسر عظامه
▪️〰▪️〰▪️〰▪️〰▪️〰▪️〰▪️〰
نزل للگاع حسين وساده من الرمل خله
ومن خرز ظهره ويلي سهم المثلث سله
وطلع وياه ثلثين من چبده يارسول الله
وفر المهر صوب الخيم يصهل بالظلامه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#ليلة_العاشر
جديد محرم الحرام قصيدة لوداع الفواطم ليلة العاشر بعنوان (ليل الوداع)
طول ياليل طول ما ريد يطرلك فجر
تدري ياليل باچر لو طلع صبحك يا قهر
ياليل طول هاي وياهم الي اخر مسيه
طول ياليل ولا يطر صبح الغاضريه
زينب ترى ياليل احاچيك انه الهاشميه
خل اشبع اوداع ياليل من اولاد الطهر
▪️〰▪️〰▪️〰▪️〰▪️〰▪️〰▪️〰
ياليل طول وشوف لمتهم بهاي الخيام
باچر لو يطر فجرك يصبح نهاري ظلام
باچر العريس يتحنى من الدمه جسام
باچر ليلى بالخيام تصيح اوليدي يالاكبر
▪️〰▪️〰▪️〰▪️〰▪️〰▪️〰▪️〰
ياليل طول بهاي المسيه وأترقب الحالي
من خيمه لخيمه أتصفح وجوه الغوالي
اسبعطعش گمر ياليل بيهم عزي ودلالي
تفجعني بيهم ياليل باچر لو فجرك يطر
▪️〰▪️〰▪️〰▪️〰▪️〰▪️〰▪️〰
ياليل طول واسمع تراتيل ابو السجاد
شوف ياليل يرتل بالدمع آيات رب العباد
باچر چم آيه ينسفك دمها ياليل بالوهاد
وتدري چم گلب باچر من المصايب ينكسر
▪️〰▪️〰▪️〰▪️〰▪️〰▪️〰▪️〰
ياليل طول خل املي النظر من صورهم
تدري ياليل باچر اخوتي بيا حال انظر الهم
جسوم مطروحه بالفلا موذره والغسل دمهم
وباچر كل هاي النسه والاطفال بالمچاتيل تتعثر
▪️〰▪️〰▪️〰▪️〰▪️〰▪️〰▪️〰
ياليل طول تدري باچر وش تشوف العين
عگب ذبح الأهل والأنصار مفرود الحسين
وعلى صدر العزيز باچر يرتقي شمر اللعين
ومن القفا ياليل البهيم يحز لحسين النحر
▪️〰▪️〰▪️〰▪️〰▪️〰▪️〰▪️〰
ياليل طول باچر لو تدري بينه شيصير
عگب ما يظل حسين وعزوته نومه بالهجير
يحرگون الخيام وتفر النسه وبحالها تحير
وانه ياليل من النار الم اطفال واتحزم بالصبر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#علي_الاكبر
جديد محرم الحرام قصيدة لعلي الاكبر ابن الحسين عليه السلام بعنوان (طولك سباني)
جلست يم جثة ابنها والدمع غدران
يا علي الاكبر ييمه اگليبي وجعان
يا زينب يحمل شمايل جده خير البشر
بكل صفاته ومنطقه اعليه ياگلب انكسر
گلب أمه الزچيه وگلب الوصي حيدر
وشگال گلب النبي من شافه امغسل بدمان
▪️〰▪️〰▪️〰▪️〰▪️〰▪️〰▪️〰
ويلي اعله الوالده لو شافت ابنها
امگطع الأوصال ومثله ينزف گلبها
الدمع ما يشفي الجرح ولا ينتهي ونها
وبضلوعها يسعر جمر والگلب لهفان
▪️〰▪️〰▪️〰▪️〰▪️〰▪️〰▪️〰
نادت يا عمته بالبچه والنوح ساعديني
طول ابني علي الاكبر والله سابيني
اشوفه امگطع اگبالي وما عمت عيني
يزينب مگدر اشوفه اموسد التربان
▪️〰▪️〰▪️〰▪️〰▪️〰▪️〰▪️〰
گالت يزينب هم يرهم دوه لجروحه
لفت گلبي واداويه وعلي ترد روحه
مگدر اقضي العمر نوحه اعله نوحه
ما ينشف دمعي يا عمته طول الازمان
▪️〰▪️〰▪️〰▪️〰▪️〰▪️〰▪️〰
يازينب للعشرين ما وصلت سنينه
مهجة ابوه ومهجتي بسيوف امگطعينه
گلبي ينزف بالجراح ما يخلص ونينه
هذا شبه المصطفى جده النبي العدنان
▪️〰▪️〰▪️〰▪️〰▪️〰▪️〰▪️〰
يا عمته گلبي على اوليدي ذاب وتفطر
شيب اگليبي طوله اشوفه اگبالي اموذر
انه وهذا وضعي بالله شحال ابو الاكبر
گليلي المن انوح عله اوليدي لو عله العطشان
▪️〰▪️〰▪️〰▪️〰▪️〰▪️〰▪️〰
يزينب لو بيدي ارد اموت اعلى جسمه
اريد الروح تطلع ولا اشوفه يسيل دمه
بالله شلون اتصبر بالله دگليلي وانه أمه
لو ينفع اگول يا ليت يوم الطف فلا چان
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#القاسم_ابن_الحسن
جديد محرم الحرام قصيدة للقاسم ابن الإمام الحسن المجتبى عليه السلام بعنوان(زفة شباب)
جاسم يايمه ترى مصابك فجعني
من دم رقبتك الحنه گلبي وجعني
جسام يايمه من عگبك صبري تطشر
من شفتك نايم عالثرى گلبي توذر
خيمة آمالي احترگت بنومك امطبر
بمصابك يلولد حيف دهري هظمني
▪️〰▪️〰▪️〰▪️〰▪️〰▪️〰▪️〰
جسام يبن الحسن گوم اسمع انداي
نومتك فوگ الثرى گطعتلي رجواي
چنت يا يمه ذاخرتك لشيبي يامنواي
حسافه يوم الطفوف مصابه ذهلني
▪️〰▪️〰▪️〰▪️〰▪️〰▪️〰▪️〰
اگعد يا ضوا عيوني اسمع نحيبي
في طف كربله انگطع منك نصيبي
يل چنت ذاخرتك يمه لأيام شيبي
ردتك اباقي سنيني يجسام تسعدني
▪️〰▪️〰▪️〰▪️〰▪️〰▪️〰▪️〰
ما حسبت حساب تتركني وتروح
واظل من عگبك بس للطلم والنوح
وبعيني اشوف طولك بالثرى مطروح
سيف الگطع نحرك يايمه ذبحني
▪️〰▪️〰▪️〰▪️〰▪️〰▪️〰▪️〰
يا ضنوة ابوك الحسن يالبة حشاي
في كربله يا يمه طفوها عيناي
چنت اتمنى عرسك وافرح بدنياي
لچن حسافه بكربله دهري نكبني
▪️〰▪️〰▪️〰▪️〰▪️〰▪️〰▪️〰
تگلها شوفي يازينب محلى شبابه
عميت عيوني يعمته دمه خضابه
وبهيئة كفن يا زينب لبسها ثيابه
من شفته بهالحال ضلعي لجمني
▪️〰▪️〰▪️〰▪️〰▪️〰▪️〰▪️〰
فرگه الولد يازينب شيبت راسي
شوفته امضرج بدمه خنگت انفاسي
جاسم چان يازينب كل اهلي وناسي
بالطف دهري رماني وانهدم ركني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
ساعد الله قلب الحسين هذه الليله
يعين الله ابو السجاد من طاح الگمر
صاح ونادى خويه هسه ظهري انكسر
نداءه ملى وادي كربله ووصل للخدر
وزينب شبگت عشرها أمن الرزيه
اعظم الله اجورنا بمصاب ابي الفضل العباس عليه السلام
#آجركم_الله_ياصاحب_الزمان
#العباس
جديد محرم الحرام قصيدة لقمر العشيرة العباس بن علي عليه السلام بعنوان (هذا يومك)
ما بين الخيام وگف حامي الظعينه
بيساره القربه شايلها ورايه بيمينه
من سمع صوت الاطفال تنادي يعمنه
نار العطش يابو فاضل تحرگ چبدنه
ثار وغضب ابو الغيره وفارگ خيمنه
وللشاطي بكل عزمه قصد وعينه علينه
▪️〰▪️〰▪️〰▪️〰▪️〰▪️〰▪️〰
قصد للشاطي عباس ما همته جيوش
بيهم نزل ملك الموت يحصد بالالوف
وكشفهم عن ذاك النهر راعبهم الخوف
ومن وصل للنهر ملى القربه بيمينه
▪️〰▪️〰▪️〰▪️〰▪️〰▪️〰▪️〰
بيمينه ملاها القربه ورجع للخيام
يوصل الماي بعجل ويروي الأيتام
لچن حسافه بالدرب وگفتله ظلام
گطعوا يمنته وايساره وطفوله عينه
▪️〰▪️〰▪️〰▪️〰▪️〰▪️〰▪️〰
من وصل عباس صوته لمسامع حسين
مثل الصقر نزل شافه مخسوف الجبين
بچى وتخوصر اعليه يا عملة البين
وگله يخويه اعلمصابك من دم بچينه
▪️〰▪️〰▪️〰▪️〰▪️〰▪️〰▪️〰
گله يخويه بالخيم تنتظر الاطفال
من العطش يابو الفضل متغير الحال
مترقبه بماي العذب ترجع يكفال
ما تدري عالنهر الگمر خسفوا جبينه
▪️〰▪️〰▪️〰▪️〰▪️〰▪️〰▪️〰
خلى الگمر فوگ النهر ورجع للاطناب
تلگته زينب بلهفه يا عظم المصاب
گالتله وينه كافلي ياابن الاطياب
ما يرجع گاللها الكافل لا تنطرينه
▪️〰▪️〰▪️〰▪️〰▪️〰▪️〰▪️〰
گاللها عالنهر عفته مخسوف الجبين
يا زينب مگطوعه ايساره بعد واليمين
انكسر ياخويه بموته ظهر اخوچ حسين
يا زينب كافلچ راح وظل وحده ابوسكينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#الوصول_الى_كربلاء
جديد محرم الحرام قصيدة بعنوان (نزلوا ظعن الفواطم)
حسين يصعد الأنفاس من وصل مهره وتحير
هاي اراضي نينوى وينشد عن اسمها بن حيدر
وصل ذيچ النواحي ووگف مهره بذيچ البراري
اچم مهر صعده الولي ونشد اسم الگاع ينصاري
ليه عدوا اچم اسم نينوى والطف ياحجة الباري
أنصاره تعدد الاسماء وحسين السبط يتزفر
▪️〰▪️〰▪️〰▪️〰▪️〰▪️〰▪️〰
گال هاي الگاع هيه وغيرها ما ريد ابد
تعرفني واعرفها ينصاري وعليصير هيه تشهد
بيها تسيل دموم ترويها وللعرش تصعد
نصبوا اهنا خيمنا وخلي الحرم للجاي تتحضر
▪️〰▪️〰▪️〰▪️〰▪️〰▪️〰▪️〰
راح ابن الصميده ونصب بيده خيام الهواشم
بهيده نزلها العقليه وبيها تحوف كل الضياغم
وعلم ابو الغيره فوگ خيمتها يسطر ملاحم
وزينب تنظر لخوها وتگول يارب سلم هالغضنفر
▪️〰▪️〰▪️〰▪️〰▪️〰▪️〰▪️〰
حطوا ارحالهم في نينوى ولاد هزاز الحصون
حسين ما بينهم شمس وكلهم نجوم ويزهرون
نظر ليهم ابو السجاد نظره وهل دمع العيون
گال باچر كلنا ضحايا وهذا الشمل يتطشر
▪️〰▪️〰▪️〰▪️〰▪️〰▪️〰▪️〰
باچر حتى الطفل لينه بيد أهل الكفر مذبوح
وخيام البيدك شيدتها باچر تحترگ وتروح
والاعظم يا غضنفر حبل السبي لزينب يلوح
مچتوفه تمشي وي العده وبالايتام تتعثر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العليلة
جديد بمناسبة شهر محرم الحرام قصيدة بعنوان (بويه ترحل)
بويه ناوي اعله السفر وعايف ديارك يغالي
تارك ابنيتك عليله وما يرحم الدهر حالي
شو شايل ظعونك چنك نويت اعله السفر
ما حسبت احسابي وحدي في ليل السهر
وحسبة ظنوني بغيابك بويه لو مال الدهر
وانه من هسه يبويه دمعي علوجنه يلالي
▪️〰▪️〰▪️〰▪️〰▪️〰▪️〰▪️〰
وين ناوي يبو السجاد واوحدي تعوفوني
عليله والمرض هدني بالله وياكم اخذوني
عگبكم انه بهالدار ما تجف دمعة عيوني
وخوفي كل خوفي بيكم ينفجع دلالي
▪️〰▪️〰▪️〰▪️〰▪️〰▪️〰▪️〰
من سفركم بويه کلبي يرجف امن الخوف
ماخذ كل اهلي وياك وبالبيت تظل طيوف
اهنا چانو يجلسون وياي وهسه ما شوف
بس حياطين البيت بويه والدار خالي
▪️〰▪️〰▪️〰▪️〰▪️〰▪️〰▪️〰
ما يجف دمعي لجلكم ونار الفراگ تچويني
عگبكم يبويه بس حسبات تاخذني وتوديني
هم تردون بويه الداركم وبيكم تقر عيني
وترجع الفرحه للمدينه وتتغير احوالي
▪️〰▪️〰▪️〰▪️〰▪️〰▪️〰▪️〰
هم ترجع يبويه للمدينه وعلتي تروح
لو أظل عگبك للهم والنايبه والجروح
خوفي يلفي الخبر وبطف كربله مذبوح
وسنين عمري تبقى بس نوح ونحيب يلوالي
▪️〰▪️〰▪️〰▪️〰▪️〰▪️〰▪️〰
شگولن لو لفى خطار بويه وعنك ينشدون
ومن يشوفون دارك خليه بدمعه ينحبون
وين راعي الدار وين ابن هزاز الحصون
وين حسين ابو السجاد وكلمن دمعته تلالي
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الامام علي بن الحسين زين العابدين عليه السلام قصيدة بعنوان (جروح السجاد)
چم جرح وسط الگلب يازين العباد
جرح الشباب بكربله وجرح الگياد
چم جرح عاش بحياتك طول السنين
جرح الذبيح المابرد يبن الحسين
لو جرح الخيام بكربله لو گطع الادين
لو گيد السبي ويه الشماته بذيچ البلاد
▪️〰▪️〰▪️〰▪️〰▪️〰▪️〰▪️〰
عيونك التنزف دمه وجرحك غزير
شگالت روحك يبو الباقر بذاك الهجير
وانت اعله راس الابو طرفك تدير
راسه اعله الرمح وجسمه معفر بالوهاد
▪️〰▪️〰▪️〰▪️〰▪️〰▪️〰▪️〰
يل قضيت العمر كله تنوح اعله الذبيح
گلبك ساعه من طف كربله ما يستريح
حتى ماي التشربه تخلطه بدمع اليسيح
وتنادي آه يل عالنهر ماتوا وتلهب الاكباد
▪️〰▪️〰▪️〰▪️〰▪️〰▪️〰▪️〰
عمرك خلص مولاي وظلت الحسرات
وسط الحشا نار من حرگوا الخيمات
لحد يوم المنيه تظل تسعر الجمرات
وما يجف دمع المصاب ياعلي السجاد
▪️〰▪️〰▪️〰▪️〰▪️〰▪️〰▪️〰
سنين عمرك يختصرها شهر عاشور
بيوم واحد كل عزوتك مگطوعه النحور
وخيل وزلم والنار حاطت كلها بالخدور
وگيد الأسر مولاي شفته وشفت الاحقاد
▪️〰▪️〰▪️〰▪️〰▪️〰▪️〰▪️〰
لو تخبرنا ياعلي شباقي من مصايب
ما شفتها مولاي بعاشر ويوم الحرايب
تالي بشام شمات ونوم بذيچ الخرايب
وتروح مسموم الچبد يسعر جمر الفاد
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام قصيدة للسبي في طريق الشام بعنوان (درب السبي عذب دليلي)
في وين يا درب السبي ناوي توديني
بنت الصميده حيدر والعدو سابيني!!
يا نار تچوي الدليل من عگب اخوتي
فوگ ناگه امهزله وسكته تهل دمعتي
ولو نخيت سوط العده يوجب نخوتي
صوت الشماته أكثر من الگيد چاويني
▪️〰▪️〰▪️〰▪️〰▪️〰▪️〰▪️〰
يا درب السبي تدري بينه شسويت
گلب النبي ويه وديعته چويت
يا درب كل المصايب علينه صبيت
وعين الوصي بيك ما غفت تباريني
▪️〰▪️〰▪️〰▪️〰▪️〰▪️〰▪️〰
يا درب البيك مشيت غصبن عليه
وعفت جثث كل اهلي بالغاضريه
طلعت مكفله ويل بأيتام ابن الزچيه
ودمعة الأيتام عالنوگ حيل تاذيني
▪️〰▪️〰▪️〰▪️〰▪️〰▪️〰▪️〰
يا درب حيل عذبتني ويه الاطفال
انظر ليهم باليتم ومچتوفين بحبال
وكل دمعه منهم يادرب تحرگ الدلال
وما اخبرك عن السجاد وعينه بعيني
▪️〰▪️〰▪️〰▪️〰▪️〰▪️〰▪️〰
يا درب الصعب بعد ما وصلنا الشام
شلون گلي من نوصل بكل هذي الالام
شلون من نوصل ورأس حسين جدام
الشام وباب ساعاته بسهامه يرميني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الحسين
جديد محرم الحرام قصيدة نخوه للامام الحسين عليه السلام بعنوان (قاصد جنابك)
اجيت بدمعي انحب انخه يلحسين
گاصد جنابك سيدي رافع الكفين
اجيتك دمعي ينهمل يبن الزچيه
اتوسلك يابو علي بدمعه جريه
كثرت همومي مولاي اونتي شجيه
اقسم اعليك بفاطمه وابلطمة العين
▪️〰▪️〰▪️〰▪️〰▪️〰▪️〰
اعتنيتك ياابو علي مولاي مهموم
بحگ الرضيع النذبح اقسم يمظلوم
اكتبلي زياره لمرقدك مسلوب الهدوم
بعبدالله جيتك انتحب لا ترد الادين
▪️〰▪️〰▪️〰▪️〰▪️〰▪️〰▪️〰
بدمعة سكينه انتحب يبن الزچيه
من نادت عباس البطل يعمي ميه
يبست لهاتي من الظما ونتي شجيه
عسى سالم يعمي شمالك واليمين
▪️〰▪️〰▪️〰▪️〰▪️〰▪️〰▪️〰
اقسم عليك بمحنتك وي علي الأكبر
من شفته طايح عالثرى اگبالك اموذر
من جيته مولاي بلهفه ودمعك تحدر
بشبه جدك يمولاي تنجي المحبين
▪️〰▪️〰▪️〰▪️〰▪️〰▪️〰▪️〰
يبو الاكبر يلحسين بعباس الكفيل
من وصلت يم جثته دمعاتك تسيل
خلصها للشيعه يبن حماي الدخيل
كلها اعله بابك وگفت من جور السنين
▪️〰▪️〰▪️〰▪️〰▪️〰▪️〰▪️〰
بزينب الحره نتوسل جينه يمولاي
بحرگة گلبها والدمع والصاير هواي
من المحن يبو الاكبر تيهينه الراي
بالنادت بفيض الدمع حرگوا الصواوين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_الوحشة
جديد محرم الحرام قصيدة ليلة الحادي عشر وثقل النبوة قصيدة بعنوان (وحشة الليل)
چلچل الليل بظلامه في طفوف الغاضريه
وزينب گامت تلم اطفال حسين ابن الزچيه
عگب كل الجرى اعله حسين وإخوانه
حرگوا خيامه ويل وظلت ايتامه حيرانه
زينب تلم بيهم والگلب زادت اشجانه
وماكو خيمه التؤويهم في ذيچ العشيه
▪️〰▪️〰▪️〰▪️〰▪️〰▪️〰▪️〰
جمعت كل الاطفال عگب يوم طويل
وتناوبت بالحراسه وي اختها مع العليل
الاطفال من الرعب ما عرفت تنام الليل
تلتجي بزينب ويل وتشتكي عظم الرزيه
▪️〰▪️〰▪️〰▪️〰▪️〰▪️〰▪️〰
زينب بهدوة الليل تسكن روع الاطفال
تگلهم ناموا يا يتامه وتمسح دمع همال
يا يتامه حسين انشعب ليكم الدلال
تسكت يتامه ونوب نسوه والدمعه جريه
▪️〰▪️〰▪️〰▪️〰▪️〰▪️〰▪️〰
يويلي الليل من اجبل على زينب شلون
محتاره بنسه وأطفال كل ساعه يبچون
وهيه ما بينهم توزع نظرات العيون
تسكت اسكينه ولن تفز ساعه رقيه
▪️〰▪️〰▪️〰▪️〰▪️〰▪️〰▪️〰
وجهت زينب وجهه للحسين برض المعاره
گالت يخويه هالايتام خلت دمعي يتجاره
وكافلي نايم عالثرى مگطعه يمينه ويساره
وانت مرضوض الجسم يحسين بالغاضريه
▪️〰▪️〰▪️〰▪️〰▪️〰▪️〰▪️〰
گلي يخويه حسين انه شسوي بيتاماك
من كثر الرعب خويه بدمع ظليت انخاك
وين انطي الوجه وين وحولي بس اعداك
وانهدلت متون اليتامه من سوط ال اميه
▪️〰▪️〰▪️〰▪️〰▪️〰▪️〰▪️〰
يخويه ايتامك مرمروني عنك ينشدون
شگلهم خويه انت الصدر بالخيل مطحون
اخاف خويه اخبرهم بفد لحظه يموتون
اتمرمر دليلي يبو السجاد وافرك بديه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد محرم الحرام قصيدة بعنوان (رد المهر خالي) رجوع الجواد يصهل إلى خيام الحسين عليه السلام
رجع مهر ابو السجاد يصهل بالظليمه
مقلوب سرجه ووگف يم باب الخيمه
رد يصهل صهيل وگف وسط الخيام
طلعت اسكينه شافته وشبگت الهام
نادت يعمه گومي نستعد لرحلة الشام
مهر حسين عاد وحده وخلاني يتيمه
▪️〰▪️〰▪️〰▪️〰▪️〰▪️〰▪️〰
گامت زينب وشبگت مهر الحسين
تگله يلميمون راعيك طاح في وين
خبرني بالعجل گلبي انشطر نصين
گلبي انجسم بين حسين وحريمه
▪️〰▪️〰▪️〰▪️〰▪️〰▪️〰▪️〰
تعالي وياي گلها گبل ما تروح روحه
حسين من كثر الطبر ما تنعد جروحه
سهم المثلث يحره شعبني نزوحه
طلعه حسين من ظهره يا عظيمه
▪️〰▪️〰▪️〰▪️〰▪️〰▪️〰▪️〰
بالعجل يا زينب گبل ما ينرفع راسه
لحگي اخيچ يحره گبل گطعت انفاسه
من كثر الطبر ويل الولي فاگد إحساسه
تركته والشمر وياه يتأهب لحز كريمه
▪️〰▪️〰▪️〰▪️〰▪️〰▪️〰▪️〰
تعالي وجيبي وياچ سكنه والحرم
خل نروح نشوف حسين الشهم
بلكت ينفع يزينب دوه لجرح السهم
ولا ننفجع كلنا يحره بصاحب الشيمه
▪️〰▪️〰▪️〰▪️〰▪️〰▪️〰▪️〰
گالتله يلميمون بعد ما ينفع دوه
دشوف اسود الفضا في نينوى
راس حسين فوگ الرمح بالهوه
والسمه دم تهل من هاي الجريمه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
يوم العاشر بعاشور يوم الكون
مشى دهرچ يزينب إبلا عيون
اخذ منچ بساعه كل الغصون
وردلچ للخيام يصهل الميمون
#آه_لوجدك_يازينب💔
اعظم الله اجورنا بمصاب الحسين بن علي عليه السلام
#ليلة_عاشوراء
يا ليل ..
انه يا ليل العقيله وانته حاضر كربلاء
لو يطر فجرك اكيد عيني مدمعها دماء
باچر بعيني اشوف من دمه عيون السماء
خيط فجرك من يطر حسين يبگه بالعراء
باچر وعگب المصيبه عالهزل اول عزاء
باچر نودع اهلنا وسكته يا ليل البكاء
✍🏻 خادمة الزهراء // ليلى زغيب
#يا_ليل_طول_ساعاتك 💔
#عظم_الله_لكم_الاجر_ياصاحب_الزمان_بمصاب_جدك_الحسين
#عبدالله_الرضيع
جديد محرم الحرام قصيدة لطفل الحسين عبدالله الرضيع عليه السلام بعنوان (سهم نحرك)
عبدالله يا نور العين سهمك بنحري
انفجع دلالي من شفت النحر مفري
عبدالله يبعد امك يوليدي الغالي
يل چنت تضوي لي عتم الليالي
رحت مني ييمه وبيك انفجع دلالي
يا ريحة ابوك حسين ياثمر عمري
▪️〰▪️〰▪️〰▪️〰▪️〰▪️〰▪️〰
يست شهور من عمرك بس مضن
ما حسبت حساب يفجعني الزمن
يعبدالله وبسهم نحرك شفت المحن
يايمه گلي شلون بعد يصفى دهري
▪️〰▪️〰▪️〰▪️〰▪️〰▪️〰▪️〰
عبدالله شعبت الروح يمه بونبنك
من كثر العطش ما غمضت عينك
تروح وي الابو ترجع سهم بوتينك
يعبدالله بعد ما ينجبر يايمه كسري
▪️〰▪️〰▪️〰▪️〰▪️〰▪️〰▪️〰
روحك شگالت ييمه من حر السهم
شلون فليت الگماط وجرحك كلم
وبيا صبر شالك دگلي حسين الشهم
مدري بيا گلب گلي ياامه صبري
▪️〰▪️〰▪️〰▪️〰▪️〰▪️〰▪️〰
كل الطلبته ليك ماي تروي اظماك
ما شلت سيف ورحت ليهم بيمناك
ليش الغدر يوليدي يعبدالله تعناك
احترگ گلبي يايمه واحترت بمري
▪️〰▪️〰▪️〰▪️〰▪️〰▪️〰▪️〰
سهم الحز وريدك يمه نبت بضلوعي
وعلى مصابك ييمه تحرگ دموعي
بعد العشته وياك ما يهدى روعي
مهدك الخالي يعبدالله صار گبري
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#علي_الاكبر
جديد محرم الحرام قصيدة لعلي الاكبر ابن الحسين عليه السلام بعنوان (شبيه المصطفى)
حسين بيا حاله شاف علي الاكبر
بني هاشم الحملته ياويلي اموذر
جابه وبالخيمه حطه وظل ينتحب
يا علي الاكبر يابويه امري صعب
يل تشبه جدك محمد دمعي يصب
امگطع الأوصال يبني الله اكبر
▪️〰▪️〰▪️〰▪️〰▪️〰▪️〰▪️〰
نادى عالدنبا العفى ودمعه يلالي
امگطع يا علي الاكبر بويه گبالي
ياشبيه المصطفى جدي الغالي
عله المصاب يابويه شلون اقدر
▪️〰▪️〰▪️〰▪️〰▪️〰▪️〰▪️〰
اتمدد بطوله ينادي ويهمل دمع
يبويه بفراگك شلون صار الوضع
گوم علي وشوف اچم محني ضلع
ضلوع أهل العبا محنيه وبعد أكثر
▪️〰▪️〰▪️〰▪️〰▪️〰▪️〰▪️〰
رحت يا علي واتركت بيه الجروح
مصابك يبويه شعب مني الروح
من چنت انظرالك وجه النبي يلوح
على مصابك عفيه گلبي شلون يتصبر
▪️〰▪️〰▪️〰▪️〰▪️〰▪️〰▪️〰
بيا حال اتلگتك ياعلي الزهره
من شافت كثر الجروح يا عبره
هلت دمع من دم والعين حمره
ولطمت ويا ضلع منها التكسر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#القاسم_ابن_الحسن
جديد محرم الحرام قصيدة للقاسم ابن الحسن بعنوان (طب للحرب)
چنه الحسن من شافه الحسين
كل الشمايل بعيون ابن الميامين
تقرب جسام لعمه نادى يعمي
ارخصني هاليوم حنتي دمي
لنصرة المظلوم ذخرتني امي
وهاليوم اتقدم ماهايب البين
▪️〰▪️〰▪️〰▪️〰▪️〰▪️〰▪️〰
شافه الحسين وهلت دموعه
ضم الولد حيل وبگلبه لوعه
شم الشبل ويل واحنى ضلوعه
وگله تقدم جاسم وسط الميادين
▪️〰▪️〰▪️〰▪️〰▪️〰▪️〰▪️〰
نزل للحومه وتترقبه العيون
عمه وي أمه وعمته ينظرون
چنه الحسن هذا النزل ينادون
ومن السمه يترقبه جد حسين
▪️〰▪️〰▪️〰▪️〰▪️〰▪️〰▪️〰
يفري الكتايب جسام بيمينه
ساعه وحاطته ازلام اللعينه
نادى يعمي الحگني يبن الامينه
وطاح اعالثرى مخضوب الجبين
▪️〰▪️〰▪️〰▪️〰▪️〰▪️〰▪️〰
مثل الصقر على الحومه نزلها
اعلى صدره شاله الدمعه يهلها
رجل الولد على الگاع باين أثرها
وحط حسين الولد بين المطاعين
▪️〰▪️〰▪️〰▪️〰▪️〰▪️〰▪️〰
خلاه لجسام ويل يم ابنه الاكبر
وگعد مابين الاثنين و يتحسر
والدمعه من دم بخدوده تحفر
ينعه الولد وابن عمه ويصفگ بالادين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة للعباس بن علي عليه السلام بعنوان (قمرنا مخسوف)
زينب اتلقت حسين بدمعه جريه
وينه كافلي عباس يبن الزچيه
وصل للخيمه حسين وطيح عمدها
زينب شافته والدمعه اعله خدها
گالتله وين الكافل والجمر بچبدها
يا خويه عطني الجواب ناري لظيه
▪️〰▪️〰▪️〰▪️〰▪️〰▪️〰▪️〰
گلها يزينب ترى راح كافل ظعنه
يا خويه من عگبه تشتت شملنه
وانكسر ظهر الدين والدمع دمنه
اتجهزي يا زينب بعد ساعه سبيه
▪️〰▪️〰▪️〰▪️〰▪️〰▪️〰▪️〰
گاللها والدمع يجري دمه بالعين
خدرچ تفرهد وانكسر ظهر حسين
اخبرچ يزينب گطعوا يساره واليمين
وبالعمد مفضوخ راسه يا الهاشميه
▪️〰▪️〰▪️〰▪️〰▪️〰▪️〰▪️〰
اتحزمي بالصبر حزام ظهري انگطع
من شفت حاله يخويه گلبي انصدع
جفن عيني دمه يهمل عليه المدمع
شخبرچ طاحت رايته وچفينه سويه
▪️〰▪️〰▪️〰▪️〰▪️〰▪️〰▪️〰
بچت زينب وصاحت وينك يحيدر
كافل ظعنا اعله النهر طاح وتگنطر
سور الخيم راح وحسين اعله الأثر
وتفرهد شملنا في أراضي الغاضريه
▪️〰▪️〰▪️〰▪️〰▪️〰▪️〰▪️〰
حضنت اخوها حسين ونادت بصوت
راح كافل خدرنا وحامي سور البيوت
وينك يحيدر الكرار يل بالشدد منعوت
حالتي حاله عصيبه اه يا عظم الرزيه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#انصار_الحسين
جديد محرم الحرام قصيدة لأنصار الحسين عليه السلام بعنوان (أنصار العقيدة)
أنصارك يبو السجاد خيرة الأنصار
لا قبلهم لا بعدهم نسمع بالاخبار
سجل التاريخ اسامي وبيهم سمعنه
همه أنصار ابو السجاد وهذا فخرنه
لجلهم كل حين دمه يجري دمعنه
سجل التاريخ ليهم اجمل الاذكار
▪️〰▪️〰▪️〰▪️〰▪️〰▪️〰▪️〰
واحد وسبعين چانوا يا نعم الاصحاب
في كربله سور ظلوا يحرسوا الاطناب
ضحوا الأرواح سهله لبن داحي الباب
خلوها صرخه للزمن في وجه الاشرار
▪️〰▪️〰▪️〰▪️〰▪️〰▪️〰▪️〰
خيرهم حسين السبط واختاروا هُمه
منعوف دربك للابد حاشا يابو الائمه
وكل واحد بيهم سجلها والحبر دمه
سجلوا بالطف للدنيا اروع الاشعار
▪️〰▪️〰▪️〰▪️〰▪️〰▪️〰▪️〰
قدمهم حسين السبط في ساعه وحده
ووگف على جثثهم والدمعه تحفر خده
ناداهم يصحاب الهمم العدو تخطى حده
كل واحد بسمه ناداه والدمع منه نثار
▪️〰▪️〰▪️〰▪️〰▪️〰▪️〰▪️〰
جثثهم عالگاع رادت تلبي الحسين
من سمعت صوته ينادي کوموا يطيبين
ردوها لجيوش الكفر عن الصواوين
من عگب موتي تدرون تحرگها بالنار
▪️〰▪️〰▪️〰▪️〰▪️〰▪️〰▪️〰
حبيب وعابس وجون گوموا يأنصار
وياكم خل يجي مسلم ويسل البتار
خيامي خلت يصحابي وحرت بالافكار
حتى كفيل العايله گطعوله اليمنه وايسار
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#مسلم_بن_عقيل
جديد محرم الحرام قصيدة لسفير الحسين عليه السلام مسلم بن عقيل بعنوان (سفير الحق)
وصل للكوفه مسلم سفير الحسين
رايد يعرف أمرها في نصرة الدين
أتوجه حامل رساله وللكوفه گاصد
ابن عم حسين مسلم لو عنه تناشد
يعرف خبرها للكوفه بهالسفره رايد
ويوصل خبر معلوم لبن عمه حسين
▪️〰▪️〰▪️〰▪️〰▪️〰▪️〰▪️〰
الكوفه هيه الكوفه معروفه بغدرها
ومثل ما خذلت من قبل نفسه أمرها
ظل مسلم بيها وحيد شنهو عذرها
وبالسكك ظل يمشي وما حصل امعين
▪️〰▪️〰▪️〰▪️〰▪️〰▪️〰▪️〰
بذيچ السكك مسلم ويدير الأفكار
بفكره سرح لحسين ياقلة الأنصار
وهو وحيد ويتلفت يمينه وايسار
غريب ابلدة الكوفه ينطي الوجه وين
▪️〰▪️〰▪️〰▪️〰▪️〰▪️〰▪️〰
من يوصل للحسين ويخبره بحاله
انغدر سفيرك بوعلي والدمعه هماله
عدوه بكل غدر حيف والله تعناله
تاليها بالسوق انسحب وسط المسلمين
▪️〰▪️〰▪️〰▪️〰▪️〰▪️〰▪️〰
ريتك يا بوعلي حاضر ساعة الاخذوه
من عالي القصر للگاع يحسين ذبوه
ما ظل مفصل ببن عمك ما رضوه
وتالي يبو السجاد حزوا له الوتين
▪️〰▪️〰▪️〰▪️〰▪️〰▪️〰▪️〰
ويل ومن وصل لحسين ذاك الخبر
نادي عله أخته والدمع منه انهمر
جيبي حميده گلبها هاليوم انكسر
والدها مسلم تراه تخاطفاه البين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الخروج_من_المدينه
جديد محرم الحرام في وداع ام البنين الركب الحسيني قصيدة بعنوان (وداعة الله يا حسين)
عايف ديارك يايمه والسفر هذا طويل
اخذ أحبابك سويه وشايل بهدوة الليل
هاي اولادي يغالي كون فدوه تروح كلها
وللمدينه سالم انته ياابو الاكبر ترد إلها
لون ميه من الولد عندي چا الك قدمتها
ولا ينفجع قلب النبي وي حماي الدخيل
▪️〰▪️〰▪️〰▪️〰▪️〰▪️〰▪️〰
اربع اولادي بالحرب انت تدريهم ضياغم
توقف بوجه المنايا الك يا زين الهواشم
سور كلها تصير ليك تحمي خيمات الفواطم
ولا يصك سمعي يغالي تبقه عالغبره جديل
▪️〰▪️〰▪️〰▪️〰▪️〰▪️〰▪️〰
تبقى روحي تنتظر وتحسب حساب العقيله
مدللة حيدر يوالي وديعة الزهره الجليله
خوفي تبقى بكربله والدمع من دم تسيله
تنظر ليوث الهواشم بين مطعون وقتيل
▪️〰▪️〰▪️〰▪️〰▪️〰▪️〰▪️〰
گلبي يرجف عالعقيله حسين يا مهجة علي
من عگب عزها وفخرها خوفي لنها تنولي
واويه حاقد تمشي زينب اه يا دمعه اهملي
بموكب اطفال وارامل مچتفه ويه العليل
▪️〰▪️〰▪️〰▪️〰▪️〰▪️〰▪️〰
راح أظل اعله الدرب انتظر ظعن الغوالي
من يردون الوطن والدمع بالهم يلالي
وما اظن اعرفها زينب من كثر ظيم الليالي
بعمري كله افتديكم ولا الدهر بيكم يميل
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA