1313
بو کانالدا ایران توركلري و ایران چئوره سينده‌كي تورکلرين فولکلورو و یئرل سؤزلری پایلاشیلیر. باغلانتی یولو @folklorumuz
۲
بختیار واهاب‌زاده موغام پوئماسیندا بئله دییر:
"...هر موغام چالانین موغام دییه‌نین
کئچدیگی، آچدیغی ایز باشقا-باشقا
عین موغننی‌نی، هر دینله‌یه‌نین
کؤنلونو یاندیران کؤز باشقا-باشقا..."
آمما بوگون "باتور" قوروپونون ایفاائتدیگی بو کیچیک گؤستری‌‌ده موغاملارین گلینی بایات شیراز دا اوخونان "لپه‌لر" ماهنی‌سیندان هرکس عین شکیلده ائتگیلندی.
اورمو گؤلونون قوروماسینا تخصیص ائدیلمیش بو نمایش‌ده کیچیک اوشاقلار، اورمو آنالارینی چاغیریب، یالواریش‌لا اوندان گئتمه‌مه‌سینی، گئدیرسه‌ده اونلاری‌دا اؤزو ایله گؤتورمه‌سینی ایسته‌ییردیلر. ، اوشاقلارین و قوروپون باشچی‌سی لیلی‌خانیم کاظم‌زاده‌نین تاثیرلی ایفالاری گؤزل موسیقی ایله‌برابر گؤزلره یاش گتیریب، اورکلری کؤورتدی.
* * *
نمایش‌دن سونرا قیزلارین و اوغلانلارین موسیقی ایفالاری اولدو. و بو ایکی ایفانین اورتاسیندا، مراسیمین اصلی قوروجولاریندان بیری اولان ویداخانیم حشمتی اورک سؤزلرینی سؤیله‌‌مک اوچون تریبون آرخاسینا کئچدی.
او سؤزلرینه ائلدار موغانلی‌نین اوشاقلار و کؤرپه‌لر شعری‌ایله باشلاییب، قوناقلارا خوش‌گلدین ائتدیکدن سونرا "بیر انسانین کاراکترینین تملی اوشاقلیق چاغیندا قویولور و گلجکده گؤزل بیر دونیا یاراتماق اوچون اوشاقلارین اوستونده داها آرتیق چالیشمالی‌ییق" دئدی. او مجلیسده‌کی اوشاقلارین والدین و اوستادلاریندان خصوصا خانم کاظم زاده‌دن بو قونودا امه‌ک وئردیکلری اوچون تشکور ائتدی.
خانم حشمتی، سؤزلرینین سونوندا، ائل‌بیلیمی درنگینین قوروجوسو ،جناب مهندس صرافی، ائوده‌آل موسسه‌سی‌نین باشچی‌سی جناب نوید محمدی، و قادین اثرلری کیتاب ائوی‌نین قوروجولاری اولان خانیملار ذکیه ذولفقاری و فرانک‌فرید دن آد آپاریب اونلاردان بو اورتامی یاراتدیقلاری اوچون تشکور ائتدی.
کیچیک مهیانین "من بو ائلین قیزیام" ماهنی‌سیندان سونرا، هنرمند اوشاقلار تقدیرنامه‌لرینی آلماق اوچون سنه چاغریلدیلار.
تقدیرنامه‌لر تقدیم اولدوقدان سونرا شکیللر چکیلدی و لیلی‌خانیم کاظم‌زاده سون دانیشان اولاراق اورداکی هرکس‌دن خصوصا اوخوجانین نماینده‌سی، استاد صدیق جمال و گروهون گریموروندان تشکور ائدیب، "باتور" قوروپونون قاپیسی هرزمان هر اوشاقین اوزونه آچیق‌دیر, دئدی.
نهایت قوناقلارا چای و شیرینی سونولوب، مراسیم سوناچاتدی.
(افسون سلطانی)
@el_bilimi
رحمتلیک علی آغا خالط‌آبادی
مهندیس علیرضا صرافی
@el_bilimi
@evdeal
باش ساغلیغی
دونیا سندن کیم‌لر کئچدی ...
ازلدن بئله دیر چونکی کاینات
جهان دایمی دیر، عومور امانات
الدن- اله کئچیر وفاسیز حیات
بیز گلدی گئدریک سن یاشا دونیا
آلدیغیمیز آجی خبر اساسیندا ادبیات سئونلر قوروپونون تانینمیش اؤیه‌سی یاساق‌لاری سیندیران "یاساقلار قیزی" معصومه جبارپور بو گون تبریزده قلبی "آنفارکتوس" اثرینده آرزی کروانی مقصد چاتمادان، قلمی‌نین چیچکلی وعده‌سینده حیاتا گؤز یومدو.
بو اینانیلماز، آجی، دردلی خبر بیزیم هامیمیزی یاندیردی.
ادبیات سئونلر بو آیریلیغی ایلک اؤنجه جبارپور عایله‌لرینه، سئون‌لرینه، شاعیرین قلمداش‌لارینا، قوروپداش‌لارینا آذربایجان خالقینا باش ساغلیغی وئریر.
معصومه جبار پور 1368_جی ایلی فروردین آیینین بئشینده تبریزه دونیایا گؤز آچمیشدی.
یاساقلار قیزی حیاتینین ان گنج گون‌لریندن ادبیاتا ماراق گؤستردی. اونون حکایه‌لری، جسارتلی شعیرلری مختلیف درگی‌لرده، گونده‌لیک‌لرده، ادبیات سئونلر قوروپوندا، کانالیندا، ایشیق سایتیندا دفه‌لریله نشر اولونوب.
یاساقلار قیزی‌نین ایلک کیتابی "قار آدام" عنوانی ایله 1395ده یاشار قلم انتشاراتی طرفیندن باسیلمیشدی. شاعیرین ایکینجی اثری "من یاساق‌لاری سندیردیم" 1396_جی ایلده آیدین ساو نشریاتی طرفیندن ایشیق اوزو گورموشدو. ادبیاتدان باشقا خانیم جبارپورون عمیدی جناب‌لاریله بیرلیکده بیر ترجمه‌سی ده "متابولیسم سلول سرتولی، متابولیسم اسپرم سازی " عنوانی ایله 1397ده انتشارات خسروی طرفیندن ائلمیزه یادیگار قالییب.
آدی قالارقی، اونودولماز شاعیر معصومه جبارپورون توپراغا تاپیشیرما مراسیمی دوشنبه گونو ساعات 12/30 تبریزین وادی رحمت مزارلیغیندا قیداولاجاق.
ائلیمیزین سئویملی قیزی‌نین شام غریبانی دوشنبه گونو 1403/08/21 ساعات دان 20/30 - 18/30 دک تبریزده مسجدالنبی ده( خیابان آخونی روبروی پامچال قید اولاجاق.
عزیز شاعیرین روحو شاد، توپراغی یونگول اولسون.
ادبیات سئونلر 1493/08/29
/channel/Adabiyyatsevanlar
عاشیق دستان گئجه‌سی
سرخوش و محجوب دستانی
ایفا ائدیر: عاشیق حسین ساعی، هاجر جوانشیر، عاشیق حسین قاراداغلی
بالابان ایفاچیلاری:یوسف عبادیان، داودعبادیان
قاوال: محمد علی نهندی
@el_bilimi
چاغيريش
سيزی 12-جی داستان گئجه‌سینه چاغیریریق.
سسلنن دستان «سرخوش و محجوب داستاني» . عاشیق حسین ساعی باشدا اولماقلا اوزان قروپو
آدرس: شریعتی خیاوانی، قدیم پاستور خیاوانی‌نین اوللرینده، «بنیاد خیریه ژنتیک نسل فردا» سالونو
زمان: جمعه گونو، مهرین ۲۷-سی ساعت ۱۶:۳۰ -دان، ۱۹-آ قدر
https://maps.app.goo.gl/6KdfLqJcdwrT1dqS8?g_st=it
————————————
آذربایجان ائل بیلیمی و ائوده‌آل مؤسسه‌لری.
شرقی آذربایجان عاشیقلاری و واعظ آدینا قرآن - مثنوی انجمنلری.
مفاخرله گؤروش گروهونون مهندس علیرضا صرافی‌ایله گؤروش تؤرنینده، مرجان مناف‌زاده‌نین دانیشیقلاری.
@el_bilimi
مفاخرله گؤروش گروهونون مهندس علیرضا صرافی‌ایله گؤروش تؤرنینده، سعید چلبیانی‌نین دانیشیقلاری.
@el_bilimi
مفاخرله گؤروش گروهونون مهندس علیرضا صرافی‌ایله گؤروش تؤرنینده، اوستاد یوسف اعظمی‌نین دانیشیقلاری.
@el_bilimi
نام کتاب: پیشینه ی کهن گیاه درمانی در میان ترکان
نویسنده: شاهپور نوروزی
سال تالیف: ۱۳۷۹
استفاده از گیاهان و درمان گیاهی از زمان سومریان مورد توجه قرار گرفته است. در مورد گیاه درمانی کتاب های زیادی نوشته شده است ، اما به طب گیاه درمانی در میان ترکان توجه چندانی نشده است، در حالی که کاربرد گیاهانی مانند آویشن و کاکوتی و گاو زبان و پونه و اسفند و ... در میان ترکان از هزاران سال پیش رایج است. اما این کتاب با استفاده از کتاب هزار ساله دیوان لغات الترک محمود کاشغری و قوتادغو بیلیک یوسف خاص حاجب و فرهنگ سنگلاخ تالیف میرزا مهدیخان استرآبادی به بررسی این موضوع بپردازد.
@el_bilimi
اوشاقلار اوچون ناغیللار
توپلاییب، کؤچورن : شاهپور نوروزی
@el_bilimi
زهره خانیم وفایی‌نین فولکلور چالیشمالاری:
زهره خانیم وفایی آذربایجانین ایلک ژورنالیست قادینی اولماقلا برابر، ایلک فولکورچو قادینی دا ساییلماقدادیر.
نئجه کی فولکلور موضوعوندا بوگونه کیمی ۱۷ عنوان کتابی یایینلانمیشدیر. بعضا کیچیک حجملی کتابلار اولسالار دا، آمما ۱۳۶۹- جو ایلدن اعتبارا بو گونه کیمی تقریبا ایلده بیر کتابین، یازیب یایینا وئرمه‌سی بیزجه بؤیوک بیر غیرت ایستر. زهره خانیمین یارادیجیلیغی تکجه فولكلور دا دئييل اونون تاریخ ، ادبیات، آذربایجان مشاهیری و باشقا موضوعلاریندا دا چالیشمالاری آز اولمامیشدیر.
آنجاق اونون فولکلور موضوعلو چالیشمالاری باشقالارینا گوره داها آغیردیر دئیه بیلریک.
ائل‌بیلیمی درنگی بو دگرلی فولکلورچوموزو گنج نسله تانیتدیرماغی اؤزونه بورج بیلرک؛ اؤزلرینه مراجعت ائتدی.
بورادا سیز زهره خانیمین یازدیغی قیسا بیوقرافی و کولتورل چالیشمالاری‌یلا تانیش اولاجاقسينيز.
ائل‌بیلیمی رئداکته هیئتی
ائل‌بیلیمی درگیسی -۲۸-جی سای
فروردین ۱۳۹۰
@el_bilimi
زهره خانیم وفایی
آرا-سیرا ، قیسا-قیریق خاطرات
و ابدی‌لیک تأثرات
ع. صرافی
گؤی یاشیل، یئر ساری، مرجان داللار
دالمیش اوستونده‌کی قوشلار یاده
بیزه بیر ذوق تخطر قالدی (۱)
بو سؤنن، کؤلگه‌لنن دنیاده
«احمد هاشم»
🔶 زهره وفائی ایلک اؤنجه جوالدوزلا تیکیلمیش بیر آد ایدی، دئمک اونو ۱۳۷۰-دن باشلایاراق آنجاق چیخاردیغی درگی‌یله تانییردیم،یاخیندان هئچ گؤروشمه‌میشدیک.
🔷 آرادان یئددی ایل کئچدی …
۷۷-ده دکتر حمید نطقی‌نین وفاتیندان سونرا تهراندا اونون حقینده بیر سمینار کئچیریردیک، همین سمینارا زهره خانیمی دا چاغیردیق. ساغ اولسون سؤزوموزو یئره سالمادی، اوزاق یولدان آیاغی‌نین توزویلا گلیب، تریبون آرخاسینا کئچدی و اورک سؤزلرینی بیزیمله پایلاشدی. دئمک ایلک دفعه اورادا یاخیندان و اوزبه‌اوز تانیش اولوب دانیشدیق.
🔶 بیر ایل داها کئچدی…
تهران دانشگاهیندا «آذربایجان فولکلورو» کلاسیندا درس وئررکن بیردن قاپی آچیلدی و بودور زهره خانیم گیردی ایچری! و سانکی بیر اؤیرنجی‌یمیش کیمی کئچیب طلبه‌لرین سیراسیندااوتوردو!
من درس دئمگی دایاندیردیم و اونو طلبه‌لره معرفی ائدرک ایسته‌دیم گلسین بیزه دانیشسین، آما او دئدی: - تکجه گلمیشم تهراندا گؤردوگونوز ایشلرله تانیش اولام، سیز درسه دوام ائدین، منیم ده سوالیم اولسا بیر طلبه کیمی سوروشارام - دئدی.
او گون اؤیرنجیلره عاشیق ادبیاتیندان دانیشیردیم و سؤزون بیر حصه‌سینده معاصر اوستاد عاشیقلارین بیر نئچه‌سیندن آد چکدیم. یادیمدادی زهره‌خانیم ال قووزایبب، دئدی:
- بس نییه منیم اوستادیمین آدینی دئمه‌دیز؟
- سیزین اوستادیز کیمدیر ؟ - دییه سوروشدوم.
- منیم اوستادیم‌عاشیق غافار- دئدی.
منسه او زمانا کیمی عاشیق غافارین آدینی بئله ائشیتمه‌میشدیم.
معلوماتیمین آزلیغیندان اؤز-اؤزومه اوتاندیم و ایسته‌دیم کی عاشیق غافار حقینده بیر پارا معلومات وئرسین.
او دا اوتوردوغو یئرده اونون حقینده دانیشدی و بیر شعرینی ده حفظدن اوخودو.
عاشیق غافارین ایزینی توتوب تبریزه گلدیم ، اونونلا تانیشدیم. حقیقتا ده زهره خانیمین دئدیگی کیمی عاشیق غافار اوستاد بیر عاشیق ایمیش ، دوست اولدوق و بیر چوخ دگرلی خاطره‌لر یاشادیق
ایندی هر ایکیسی ده اللهین رحمتینه قوشوبلار.
روحلاری شاد اولسون.
🔷 دؤرد ایل ده کئچدی….
۸۲-دن اعتبارا تبریز متروسوندا ایشلمگه گلدیم و مختلف مناسبتلرده زهره خانیمی بعضا زینب‌پاشا آدلی کتاب‌ساتیشی و نشر مرکزینده و بعضا ده اؤز ائولرینده گؤروب، آذربایجان مسئله‌لری حقده قارشیلیقلی دانیشیقلاریمیز اولموشدو.
🔶 اوچ ایلدن سونرا …
۸۵-ده آذربایجان شهرلری ایران روزنامه‌سینه قارشی نمایش میدانی اولدو، آرا قاریشدی، مصصب ایتدی، من ده مجبورا چیخیب گلدیگیم یئره (تهرانا ) قاییتمالی اولدوم و بو آرادا بیر چوخ دوستلاریملا علاقه‌م کسیلدی، او جمله‌دن زهره خانیم وفایی‌نی ده هله‌لیک ایتیردیم.
🔷دؤرد ایل داها کئچدی…
۱۳۸۹ -دا بو قرارا گلدیم کی اؤلکه‌ده ایلک دفعه اولاراق قادین و فولکلور موضوعوندا بیر اؤزل‌سایی چیخاریم، منیم خواهشیمله زهره خانیم دا ایلک فولکلورچو قادین اولاراق اؤز چالیشمالاری حقده بیر دگرلی یازی یازیب نشر اوچون گؤندردی.
(آشاغیدا عینیله دا وئریرم. )
🔶 تخمینا ۶ ایل تهراندا قالاندان سونرا ۱۳۹۱-ده یئنه منی تبریز متروسوندا داها یوکسک بیر وظیفه‌ده ایشله‌مگه چاغیردیلار. گلدیم یئرلشیب ، یئریمی برکیدندن سونرا، بیر زنگ ووروب ، اجازه آلیب زهره خانیمین گؤروشونه گئتدیم، آما اونون دورومو تام معنادا دگیشمیشدی.
او داها اولکی زهره دئییلدی!
اونو ۸۵- دن اعتیبارا اینیردیگیم گوندن داها تاپا بیلمه‌دیم.
سونکو زهره اؤزونو اجتماعی فعالیت‌لردن کناردا ساخلیر، آز دانیشیر، هئچ نه ده یازمیردی !!!…
سببینی سوروشمادیم، هر چند معین حدسلر وورا بیلیردیم.
بو غریب حال عمرونون سونونا قدر سوردو.
***
🔷 و ایندی ایللری قووالییا- قوالییا گلدیک بو گونه . خبر گلدی کی ۱۵ - دن چو خ انزاوادا یاشایان او زهره اوچدو گئتدی. خ
بیر زمان مین بیر دیل‌له دانیشان او زهره ،
اونا -بونا جوالدوز باتیران، بیر شهری قاتیب، قاریشدیران، زینب‌پاشانین قیز نوه‌سی،
زینب پاشا کیمی ده سونوندا یورولوب، بیر قیراغا چکیلیب ایتگین دوشن او زهره … سس‌سیز - سمیرسیز. دونیامیزی ترک ائتدی.
اوندان بیزه نه قالدی ؟
- قیرخا یاخین کتاب و بیر جوالدوز!
و البته آجیلی- شیرینلی خاطره‌لر
و داها بیر ذوق تحسر و تخطر …
….
حیفلر اولسون
.
———————————-
(۱) - «تخطر» : خاطرلاما
@el_bilimi
جوالدوزلو گلین
ائله کی اسدی بیر خزان، تالاندی گۆللریم منیم
خبر چاتینجا بۆلبۆله خار آغلادی، من آغلادیم
ساواش مئیدانیندا، ساواشی قازانماق؛ ایگیدلرین قانی باهاسینا توْز - دومان ایچره دالغالانان بایراغی اسرک ساخلاییب یئره دۆشمهسی‌نین قاباغینی آلماقدیر.
باشی بلالی آذربایجانیمیز؛ تاریخ بوْیو فرقلی دۆشمانلارلا دؤنه‌لرجه ساواشا گیریب، آنجاق هئچ بیر چاغدا دیلی، کیملیگی، تاریخی، ادبییاتی و وارلیغی آرادان گئتمک تهلوکه‌سی‌ایله قارشی - قارشییا گلمه‌ییب،
بو باشی اوجا میللتین آند ایچمیش دۆشمانلاری وارلیغیمیزی یوْخ ائتمگه بۆتۆن گۆجلری‌ایله آددیم آتدیقلاری زامان، تبریزین داریسقال کۆچه‌لری‌نین بیرینده الینه جوالدوز آلان گنج بیر قادین، بو ائلین یارالارینی ساریماغا باشلاییب، ساواشین قیزغین آن‌لاریندا بایراغیمیزی اسرک ساخلاماغا جان آتیردی،
اوْنون جوالدوزو سوْنرالار بو میللتین گنج ساواشچی‌لارینا یوْل گؤسترگه‌سی اوْلاراق، هر بیر ایلمه‌گی‌ایله دردلره درمان اوْلوب، کیملیگین نئجه قوْروماسینی اؤیره‌تدی.
بلکه زهره خانیم وفایی، آذربایجانین آدلی - سانلی قهرمان‌لارینی تانیتدیرارکن اؤزۆ اینانماییردی اوْ گؤزل آدی؛ گله‌جکده چیخان آذربایجان قهرمانلاری کیتابلاری‌نین باشیندا پارلایاجاق،
اسکی اوْیونلاریمیزی، پئشه‌لریمیزی، دب‌لریمیزی، اوْنودولموش سایاچی نغمه‌لریمیزله، سینامالاریمیزی، یئمک‌لریمیزی، فوْلکلوروموزو اؤلچۆب - بیچیب تانیتدیغی کیمی...
و حئیدرخان عم‌اوْغلونو اوْنون آلقیشلاری و قارغیشلاری آراسیندان تانییان منیم کیمی بیریسینه بوگۆن یوْخلوغوندان یازماق چوْخ چتین‌دیر.
- بیر گۆن خانیم وفایی‌یه نه‌دن کیتابلاری‌نیزین ایچ دۆزه‌نی هابئله قابیق طراحیسی‌نه چوْخ اؤنم وئرمه‌ییرسینیز، سوْرغومون جاوابیندا گۆلۆمسه‌ییب یادلاردا قالارغی اوْلان بئله بیر سؤز دئدی: چین اؤلکه‌سیندن کئیفیت‌سیز جینس‌لر، مال‌لار گتیرن آل - وئرچی‌لر اوْنلارین راحات و تئز ساتیلماغینا گؤره ائشیک گؤرۆنۆشۆن بزه‌ییب - دۆزنله‌یرلر،
آنجاق آلمان اؤلکه‌سی‌نین اۆرۆن‌لری ساده حالدا، یوخاری کئیفییت‌لرینه گؤره همئشه توْپلومدا خوْش قارشی‌لانارلار.
اوْ اۆزدن من چالیشیرام کیتابلاریمین ایچینده یازیلان سؤزلر واسیطه‌سی‌ایله اوْخوجولار کیتابلاری اوْخوماغا ماراقلانسین، قابیق بزه‌گی‌ایله یوْخ.
هم ده بو ایشیم‌له کیتابلاریمین قورتولموش قیمتی آشاغی باشا گلر اوْ اۆزدن چوْخلاری آلیب اوْخویا بیلرلر....
و بیز بو گۆن آلماس ایلدیریمی اؤزۆنه یوْرولمامازلیق سیمگه‌سی سئچیب، اوْنون یارادیجیلیق یاشامینی اۆلگۆ بیلن بیر اۆلکر اولدوزوموزو، یوردوموزون خزل‌لی گۆنلرینده شاهسئون خالچالارینا بۆرۆلۆ حالدا یورد توْرپاغینا تاپشیریریق...
✓) یازی ایچره گئدن اؤزل آدلارین بیر چوْخو؛ آلقیش‌لار - قارغیش‌لار، سینامالار، یئمک‌لر، پئشه‌لر، شاهسئون‌لر و.... خانیم وفایی‌نین کیتابلاری‌نین بیر سیراسی‌نین آدلاری‌دیرلار.
داودعبدی
@davud_ebdi
۱
انسانلارین حیاتینین ثمری
بو دونیانین بزه‌گی‌دیر اوشاقلار
یئر اوزونون گرکی‌دیر اوشاقلار
(ائلدار موغانلی)
پنجشنبه آذر آیینین بیرینجی گونو،(۱۴۰۳/۰۹/۰۳) ائل‌بیلیمی موسسه‌سینده دونیانین گلجک صاحیبلری یعنی اوشاقلار محفلینه قوناق اولدوق. بو مجلیسده کی قادین کیتاب ائوی گروهونون، اوشاق ادبیاتی بؤلومو طرفیندن، قورولموشدو،اوشاقلارین والدینی، و بیر سیرا شاعیر و ادبیاتچی‌دا ایشتیراک ائتمیشدیلر. قوناقلار ایچینده شهریمیزین باجاریقلی تئاتر یؤنتمنی یعقوب صدیق‌جمال جنابلاری‌دا گورونوردو.
مجلیسین جوشغولو و انرژی‌لی آپاریجیسی آیاتای پورمحمد مراسیمی بیر شعرایله باشلاییب سؤزو موسیقی ایفا ائدن اوشاقلارا یعنی( نیلای، ایستکلی و صنم)ه وئردی.
"نئجه ائلدن اوبادان
هر نغمه‌ن بیر قیزیل گول..."
ائلشاد غلامی، طبعی‌روان عین حالدادا ظرافات‌چی کیچیک بیر اوغلان، سِنه چیخیب و یازدیغی شعری اوخودو. او اؤز طنز شعری‌ایله بیزه اجتماعی اقتصادی دورومون اوشاقلارا نه قدر تاثیر ائتدیگینی گؤستردی.
سپیده خانیم رسولی، اینگیلیزجه‌دن چئویردیگی"تکجه دوشان قولاق‌آسدی"آدلی کیتابی تانیتدیریب، سونرا بالاجا کیمیا یوسفی سِن اوستونه چیخیب او کیتابی قوناقلار اوچون اوخودو. بو کیتاب اوشاقلارا یاردیم سئورلیگی اؤیره‌دیردی. آردیندان بالاجا سئویملی آیجان، اوشاقلارا آنادیلینده اوخوماق اؤیره‌دن اوخوجان اپلیکیشنینی بیر قولچاق و اوینادیغی کیچیک بیر نمایش‌له مجلیسده‌کی‌لره تانیتدیردی
* * *
"کیم یاتمیش، کیم اویاق؟
هامی یاتیب جیرتدان اویاق"
بو گوزل قدیم ناغیلی ایلک باشدا آپاریجی‌نین آغزیندان ائشیدیب، سونرا تاماشاسینی سئیر ائتدیک. بو معنالی ناغیلین سونوندا جیرتدان عاغیل و ذکاسی‌ایله یولداشلارینی نجات وئریر، دیو ایسه اؤز جهالتینده بوغولور...
جیرتدان ناغیلیندان سونرا آردی آردینا دانیشیقلار اولدو، ایلک باشدا فرانک خانیم فرید قادین اثرلری کتابخاناسی و اونون اطرافینداکی چالیشمالار حاقدا ایضاحلار وئردی. آردیندان اولدوز خانیم، الیار و مهسا آدلی اوشاقلارین یاردیملاری ایله تولکو ناغیلینی ایجرا ائتدیلر. سونرا صوناخانیم نوری اینگیلیزجه‌دن چئویردیگی "بدنیمی ائشیدیرم"، "من دینجم" و "من باجاریرام" آدلی اوچ کیتابینی تانیتدیردی. روانشناسی مضمون‌لاری اولان بو اوچ کیتاب، باشقا اوشاق کیتابلاری‌ایله بیرلیکده ساتیش اوچون سرگی‌لنمیشدی.
آپاریجی آیاتای پورمحمدین اوخودوغو آذربایجان شعریندن سونرا بیر دویغولو نومایشه شاهید اولدوق:
آردی وار...
#سولدوزدا_مرمر_اویونو.
اورمودا شار و ساچما، بیر سیرا شهرلرده مازی و تورکیه‌ده میسکئت اویونو آدلانان بو اویونا سولدوزدا مرمر اویونو دئیرلر. بو آلتین اؤنجه‌لر مرمر داشدان، سونرالار ایسه شوشه‌دن اولدوغو اوچون مرمر اویونو دئییلمه احتمالی چوخدور.
اویونون باشلانغیجی:
ایلک اؤنجه خیردا دمیر پوللار اویونچولارین سایی قدر یئرده دیک دوزولر. اویونون کیمین ایلک باشلایاجاغی اوچون خیردا پول ایله شیر یا خط آتاردیلار، یا دا کیمین مرمری هانسیسیا خیردا پولا ده‌یسه ایدی، یا دا یاخین اولسایدی، او بیرینجی نفر اولاراق باشلامالی ایدی. ایلک باشلایانا پانج یا پاش (باش) دئیردیلر. ایکینجی شخصه پاشدالی دئیردیلر، سونرا ایسه اوچونجو، دؤردونجو و آخیرینجینا زیرریق ...
یئره دوزولن پولا مالا دئیردیلر. هر کسین مرمری هانسیسا پوللا ده‌یسه ایدی، او پول، ووران شخصین اولاردی. کیمینسه مرمری باشقاسینین مرمرینه ده‌یسه ایدی، وورولان شخص اویوندان چیخاردی. بیری مرمرینی پولا و یا هانسیسا اویونچویا طرف آتاندا بیر اویونچونون، یادا قیراقدا دایانانلارین آیاغینا ده‌یسه ایدی، بونا «تپری ـ Təpəri» دئیردیلر. مرمری باشقاسینا ده‌یمیش شخص دئیردی: من تپری‌یم و مرمری تکرار آتاردی. بیرینین مرمری میدانین قیراغیندا سویا و یا آرخا دوشسه ایدی، دئیردی: سره‌نه‌یم (sərənə-yəm). یعنی مرمرینی ایسته‌دییی پولا یاخین آتا بیلردی، دوغروسو، مرمرینی ایسته‌دییی یئره سَره بیلردی. پیتی قوروماق تئرمینی ده وار ایدی: انگیزه و ستیمول یا متیواسیا معناسیندا. قارداش، چکیل قیراغا، پیتیمی قوروتما. اویوندا بوتون پوللار وورولاندان سونرا اویون قورتاراردی. البته، بیر اویونچو بیر پولو وردوقدا، اویونو تکرار او باشلایاردی، و باشقا اویونچو و یا پولو وورما حاققی وار ایدی. بیر اویونچو باشقا اویونچونون مرمرینین اورتاسیندان ووروب، اؤز مرمری ووردوغو مرمرین یئرینده اوتورسایدی، بو ایشه قورتا(qorta) دئیردیلر. یعنی ووردوغو مرمرین دوز اورتاسیندان ووردوغو اوچون بونا قورتا، یا قوتدا دئیردیلر. طرف دئیردی: باخ گور، نئجه قورتالادیم یا قوتدالادیم! (چوخ گومان لارینگال نظریه‌سینه اساسا، همین اورتا سؤزونون ق لارینگالی ایله دئییلدییندن یارانمیشدیر. اوتلاماق سؤزونو خوتداماق دئییلدییی کیمی. )
*عزیز سولدوزلولار بو اویونون هاراسینی دوز دئمه‌سم، منه یازین یا دا سس ایله بیلدیرین.
#سیزین_کندده_نه_دئییرلر؟
#بازیهای_محلی
#ایران_آذربایجان_سولدوز_نقده
#سولدوز_مرمر_اویونو
#Türkiye_misket
#Mərmər_şar_saçma_mazı
#Paş_paşdalı_zırrıq_qorta_mala
#Piti_qurumaq
#İran_Azərbaycan_Sulduz_Nağadey
https://www.instagram.com/reel/C0XaBdWuvPB/?igsh=emQ0Zzc4eWxpMnM3
علی آغا جنگجو خالط آبادی-نین دوغوم گونو بهانه‌سیله
(مختصر بیوگرافی)
۱۳۲۲/جی ایلده آبان آیینین ۲۳-نده «اورمو»نون «عسگرخان» محله‌سینده، دونیایا گلدی. ایلک و اورتا مکتبینی همین شهرده بیتیردی. او هله یئنی‌یئتمه‌لیک یاشلاریندا ایکن آتاسینی الدن وئرمیش و ائوین بؤیوک اوغلو اولدوغو اوچون عایله‌نین بوتون مسئولیتی اونون عهده‌سینه دوشموشدور.
ایکی ایل عسگرلیگینی اردبیلده کئچیردن سونرا، آناسی و باجی قارداش و باجیلارینی گؤتوروب، اورمودان تهرانا کؤچموشدور.
اورادا ایلک اؤنجه قدیم مکتب دوستو جمال آغانی (دوکتور جمال آیریملو)نو تاپیب، آز سونرا دا شاعر حسن مجیدزاده(ساوالان)ایله تانیش اولموشلار. بونلار سورکلی حالدا بیر-بیری‌یله گؤروشوب، دانیشاردیلار بو گؤروشلرین نتیجه‌سینده علی خالط‌آبادی او زماندان اعتبارا آنادیلینه، ادبیاتینا و وطنینه اورکدن باغلانمیشدیر.
علی خالط آبادی ایلک اؤنجه بیر مدت تولیدارو شرکتینده، کارگزینی رئیسی کیمی چالیشمیش، سونرا فرهنگ و هنر (بوگونکو ارشاد اسلامی) وزارتینده رسما استخدام اولموش، تهران و زاهدان شهرلرینده ایشله‌میشدیر. نهایت انقلاب عرفه‌سینده تبریز شهرینه ماموریت آلاراق، همین اداره‌نین مالی-اداری وظیفه‌سینده ایشله‌میش و ۱۳۸۰-جی ایلده امکلی (بازنشسته) اولموشدر.
علی خالط‌آبادی تبریزه گلندن سونرا، «حسن آذربایجان»لا تانیش اولموش و عؤمرونون سونونا کیمی اونون کناریندا اولموشدور. سونرا دکتر «محمدتقی زهتابی»نی تاپیب اونون بیر چوخ کتابلارینا مجوز آلماقدا موثر نقشی اولموشدو. همین ایل‌لرده «ائلدار» آدلی بیر انتشارات ثبته وئرمیش و اونلارجا دگرلی کتاب نشر ائتمیشدیر.
او، ح. آذربایجان، مهندس ی. تقوی، دوکتور م. ت. زهتابی ایله بیرلیکده «آذربایجان مدنیت اوجاغی»نی قورموشلار. «مدنیت اوجاغی» وقتی‌یله تبریز محیطینده ان اؤنملی کولتورل و معارف‌پرور اجتماعی تشکیلات کیمی چالیشمیشدیر.
علی خالط آبادی ۱۳۸۳-جو ایلدن اعتبارا دیلماج درگی‌سی‌نین اجرایی مدیری اولموش و همین ایلدن باشلایاراق بو گونه کیمی دیلماجین امتیاز صاحبی اولان مهندس علیرضا صرافی‌نین ان یاخین یولداشلاریندان اولموشدور و صرافی ایله بیرلیکده «ائل بیلیمی مؤسسه»سی‌نین قوروجولاریندان اولموش و بو گونه کیمی ده بو مؤسسه‌نین ثابت و داییمی عضوو بیر چوخ وظیفه‌لری عهده‌له‌میشدیر.
او کؤنوللو اولاراق عؤمور بویو آنادیلینه و آنا وطنینه منت‌سیز خدمت ائتمیش و خلقی‌نین ادعاسیز خادمی کیمی چالیشمیشدبر.
نهایت ۸۰ ایل‌لیک ثمره‌لی عؤمرونون ذیروه‌سینده سئودیگی دوستلاری و سئویملی عاییله‌سینی ترک ائده‌رک، آذر آیینین ۱۴-نده ایشیقیلی دونیایا گؤز یومدو.
یولو گئدرلی اولسون.
@el_bilimi
@evdeal
آجی خبر
معصومه جبار پور"یاساقلار قیزی" بو گون1403,8,21 تبریزده حیاتا گوز یومدو.
/channel/Adabiyyatsevanlar
👈 موسسه فرهنگی و هنری حکیم نظامی گنجه‌ای تبریز برگزار می‌کند.
سه شنبه‌ها ساعت ۱۶ الی ۱۷
شروع کلاس ها از ۲۴ مهرماه ۱۴۰۳
📚 سلسله نشست‌های اسطوره شناسی
🗿 در تعریف اسطوره و توصیف ادیان پیشاتاریخی
👈 در تشریح اسطوره شناختی افسانه‌های فولکلوریک آذربایجان
🤔 مدرس: روح اله صاحب قلم
موسسه فرهنگی و هنری حکیم نظامی گنجه‌ای
تبریز/ خانه تاریخی شهید ثقه الاسلام
کلاس برای عموم آزاد و رایگان می‌باشد.
با احترام
مدیر عامل موسسه
علیرضا مهدوی
👁اومای
کانال تلگرامی
اسطوره شناسی و افسانه پژوهی
@asatir_shaman2
بوگون عاشیق دستان گئجه‌سی‌نین حؤرمتلی ایفاچیلاری
@el_bilimi
مفاخرله گؤروش گروهونون مهندس علیرضا صرافی‌ایله گؤروش تؤرنینده، نوید محمدی‌نین دانیشیقلاری.
@el_bilimi
مفاخرله گؤروش گروهونون مهندس علیرضا صرافی‌ایله گؤروش تؤرنینده، اوستاد رضا سرابی‌نین دانیشیقلاری.
@el_bilimi
مفاخرلرله گؤروش گروهونون تک به تکی، اؤزه‌للیکله دَیرلی امکداشلاریم خدیجه خانیم حکمت‌پناه و یوسف حسنی اعظمی جنابلاری‌نین ائل‌بیلیمی مؤسسه‌سینده حضورونو عزیزله‌ییریک.
سایقیلاریملا
کبری میرحسینی
شکیل ( شخصی آرشیویمدن)
@el_bilimi
خبر
انیمیشن «گیلگمش» ساخته حسین مرادی‌زاده جایزه بهترین انیمیشنِ جشنواره بین‌المللی فیلم کوتاه «دایورسیتی» آمریکا شد.
این انیمیشن ۱۰ دقیقه‌ای با تکنیک نقاشی رنگ و روغن سال ۱۴۰۰ از سوی امور سینمایی کانون پرورش فکری کودکان و نوجوانان تولید شده است.
در خلاصه داستان گیلگمش آمده است: گیلگمش، پهلوان نامدار اوروک، شهری از سرزمین سومر در میان‌رودان است، عمری در جست‌وجوی جاودانگی می‌کوشد و بارها شکست می‌خورد اما سرانجام به گیاهی دست می‌یابد که او را جاودانه خواهد کرد ولی «مار»ی آن گیاه را می‌رباید و حاصل عمر او از دست می‌رود...
بر اساس این خبر، حسین مرادی‌زاده کارگردان «گیلگمش» در روزهای پایانی تابستان سال جاری به عنوان یکی از اعضای هیات داوران چهارمین جشنواره بین‌المللی فیلم کوتاه «ت» در شهر کارلسرروهه کشور آلمان حضور داشت.
پیشتر نیز انیمیشن «گیلگمش» در سیزدهمین جشنواره بین‌المللی انیمیشن تهران، سی‌ونهمین جشنواره بین‌المللی فیلم کوتاه تهران، چهارمین جشنواره فیلم «نگاهی به زمان» کشور اروگوئه، جشنواره فیلم‌های انیمیشن معاصر« لونی ین» و... حضور داشته است.
جشنواره بین‌المللی فیلم کوتاه دایورسیتی مهر ۱۴۰۳ (سپتامبر ۲۰۲۴) در آمریکا برگزار شد.
@Adabiyyatsevanlar
@el_bilimi
✅#کنسرت_گروه_راست‌موغام
۱۴۰۳/۸/۴
ساعت ۱۸ و ۲۱
چایکنار، پایین‌تر از باغلارباغی، مجتمع خدماتی و تفریحی پتروشیمی، آمفی تئاتر پتروشیمی
@el_bilimi
@evdeal
.
⭕️ آذربایجان فوْلکلوْروندان بیر منظوم حکایه
🟣خرمن اۆستۆ وعده‌سی
✍شاعر، سسلندیرن: #علی_دل‌پاک
@MuncuqAz
@el_bilimi
مراسم تشییع و خاکسپاری زهره وفایی نویسنده، ژورنالیست، ناشر و فعال فرهنگی آذربایجان فردا دوم مهرماه راس ساعت ۱۱در قطعه هنرمندان وادی رحمت تبریز برگزار خواهد شد.
همچنین در همین روز از ساعت ۱۶-۱۸ مراسم شام غریبان و ترحیم ایشان در مسجد میر محمود واقع در خیابان ششگلان برگزار خواهد شد.
لازم به ذکر است زهره وفایی روز ۳۱شهریور در سن هفتاد و یک سالگی درگذشت.
وی مدیرمسئول ماهنامه انتقادی-فکاهی جوالدوز، صاحب امتیاز انتشارات زینب پاشا بوده و مولف-تدوین گر ده ها کتاب بوده که از آن جمله می‌توان به اوشاق مکتبی، نام آوران آذربایجان(۵جلد)، حمام و نقش آن در فرهنگ آذربایجان، آلقیش‌لار و قارقیش‌لار، ائل بایاتی‌لاری، اویونلار، سینامالار، خوردنیهای رایج در آذربایجان، پئشه‌لر، لای‌لالار، قاب‌لار، نامها و نامیده‌ها، گئییم‌لر، سومرلرین موسیقی‌سی، آنا، اوروج، اؤلچولر، مزدک، حیدر عم اوغلو، قارین قولو جوجه، آختار-تاپ، ضرب‌المثل‌لر، باهار، اوروج، تاپماجالار، ال اله، ۹۹حکایه،شاهسونلر، ائل ماهنی‌لاری، قارا قوینلولار-آغ قویونلولار، قاچ توتو...بوده است.
#زهره_وفایی
@el_bilimi
⚫ آلدیغیمیز اجی خبر اساسیندا تانینمیش یازار زهره خانیم وفایی حیاتینی دییشب.
خانیم زهره وفایی، بیر نئچه ایل چوالدوز درگی سین نشر ائتمیشدیر.
اوندان لای‌لالار-اویونلار-شاهسونلر-ضرب المثل-تاپماجا. و...کیمی اثرلر یادگار قالمیشدی.
ائل بیلیمی و فولکلورچو خانیملار آدیندان خانیم وفایی‌نین عایله‌سینه باش ساغلیغی وئریب. آللاه تعالی‌دان اونا رحمت دیله‌ییریک.
@el_bilimi