1339
شاعر حسيني للمراسله عبر الخاص اضغط على الرابط @HaeiderALkhazaily .
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ترويج( تيك توك) حقيقي عراقي
1- مشاهدات
2- لايكات للمقطع
3- تسجيل اعجاب بالصفحة
4- رسائل
5- متابعين
للتواصل واتساب 07732320742
تلجرام
@ahmed_alziwar0
ترويج( تيك توك) حقيقي عراقي
1- مشاهدات
2- لايكات للمقطع
3- تسجيل اعجاب بالصفحة
4- رسائل
5- متابعين
للتواصل واتساب 07732320742
تلجرام
@ahmed_alziwar0
حدي (نعي)
للسيدة رقية (ع)
ماتت رقيه بالحزن
ازرگ متنهه والجفن
صرخت على راسك أبه
ضل الصده بذني يرن
مثل الورد ماتت شفت
سحنت تره قلبي سحن
حتى التغسلهه اجفلَت
سئلت شنو هذا الطعن
بتكم مريضه بيا مرض
ليش الزراگ البل متن
من عرفت علينه السده
گامت تغسلهه وتوون
گالت يزينب اسئلچ
وين الاهل وين اليحن
گلتلهه كلهم عالثره
ماضل اخو لاضل ابن
صاحت وسافه بت علي
بين الخرايب تندفن
..............
حيدر العمار الخزعلي
.
ردات لطم في نهاية المجلس
+++++++++++++++++++++
طول العمر نبچيله
اويلاه يابو علي
جـرح الفؤاد اينادي اويلاه يابو علي
مالي وانـه واولادي اويلاه يابو علي
فدوه لسليل الهادي اويلاه يابو علي
فدوه ألـه و للعيلـه
جمر القلب مايبرد اويلاه يابو علي
تبقه المدامع تشهد اويلاه يابو علي
لـو بالقبـر نتـوسـد اويلاه يابو علي
وسط القبـر ننعيله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وحشه وضلام الليله
اويلاه ياابا الفضل
لاجل الچفوف الطاحن اويلاه ياابا الفضل
كــل المـواكب صاحـن اويلاه ياابا الفضل
لطمـن عليــه وناحــن اويلاه ياابا الفضل
حگنه اذا نبچيله
طاح الگمر والرايه اويلاه ياابا الفضل
واتبده دمه و مايه اويلاه ياابا الفضل
صاحت أله الوفايه اويلاه ياابا الفضل
وينه اليعدل الميله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ويلي عليهه اوّيله
اويلاه ياام الخدر
للمـوت مـا ننساهـه اويلاه ياام الخدر
نبقه ننـوح اوياهـه اويلاه ياام الخدر
قلب المحب ناداهه اويلاه ياام الخدر
مدمعنـه دم انسيله
الچانت قبل محميه اويلاه ياام الخدر
هسه العبــه مدميـه اويلاه ياام الخدر
فوگ الهـزل مسبيـه اويلاه ياام الخدر
ياهو حملهه ايشيله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نـاح وتهـدم حَيلـه
اويلاه يبن الحسن
نـار ابقـلبنــه الذايــب اويلاه يبن الحسن
شيب وشباب وشايب اويلاه يبن الحسن
يمتـه ضهـور الغـايـب اويلاه يبن الحسن
يمته يصـول ابخيلـه
ويه الذخـر لطامـه اويلاه يبن الحسن
نلطـم نضل الهامـه اويلاه يبن الحسن
نبقـه نطبــر قـامـه اويلاه يبن الحسن
يوم الفرج ندعيله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حيدر العمار الخزعلي
.
قصيدة ( زينب تسئله .. زينب تسئله )
ليالي السبي ودفن الرؤوس الشريفه
حوار بين الامام السجاد والعقيله زينب (ع)
:::::::::::::::::::::::::::::::::::::::::::::::::::
رد من الدفن .. رد محني ويون
وزينب تسئله .. زينب تسئله
:::::::::::::::::::::::::::::::::::::::::::::::::::::::::
ياعلي جاي بيك ريحه كربله وعطر من العزاز
ياعلي جاي وحـدك ياهـو الچـان ويـاك جنـاز
اگعد وسولفلي بالله ياهو يمهم
هم بعدهم عالثره يجاره دمهم
لو تراب المعركه غطـه جثثـهم
بلايه روس شلون عمه ميزتهم
من گص الكفن .. لأخوان الحسن
زينب تسئله .. زينب تسئله
:::::::::::::::::::::::::::::::::::::::::::::::::::::::::
عـن الحسين عمه سولف لاتضم اعليه الاسرار
يبن الحسين نحره بعده من تقبله ينبض وحار
وخرت منه التراب ومـا لچمته ؟
هم نشد عني دگلي واشنشدته
وسعت لحده ياعمه من دفنته
منه المثلث دسولف هم شلعته
اشلميت واشلت .. من رحت ادفنت
زينب تسئله .. زينب تسئله
:::::::::::::::::::::::::::::::::::::::::::::::::::::::::
كل الضلـوع تأكدت عمـه اجمعتهن ويه العـظام
بيهن اصغار اطشرن كثر السحگ وصلن للخيام
الخنصر وشيبه التطاير هم جمعته
جلــده التشلـع نسيتـه لــو فگـدتـه
دون راس شلـون عالقبلـه وضعتـه
بلايـه كافـور وگطـن طبعــاً تركتـه
چم اصبع شفت .. من بيده احسبت
زينب تسئله .. زينب تسئله
:::::::::::::::::::::::::::::::::::::::::::::::::::::::::
عمـه عالمـاي ياابـو الباقـر انشـدك بعـده عباس
شلت الچفوف قبلتهن ياعلي خبرني الاحساس
شنهو الاحساس الملك قلبك وكتهه
مـن چفوف الغيـره بچفوفك شلتهه
بمـدمـع العيـن الجـره چـا غسلتهـه
زحت التراب وعلى زنوده ارجعتهه
بيا موقف صرت .. من حگك حرت
زينب تسئله .. زينب تسئله
:::::::::::::::::::::::::::::::::::::::::::::::::::::::::
صبرچ وياي وانه اخبرچ بالجره واحچيلچ الصار
كـل الاجسـاد كملـت عمـه دفنهـم حتـى الانصـار
بالحصيره حسين شلته يالعقيله
والطفل بأحضانه عفته يم دليله
الاكبر بصفهم دفنته طمني ليلـه
ولدچ وجاسم شلتهم فرد شيلـه
چي جسم بجسم .. مخلوط من ألم
زينب تسئله .. زينب تسئله
:::::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ليلة العاشر من محرم
لسان حال الموالي والمحب وهو يعيش مأسات ليله يعرفها وعاش بجراحها وتفاصيلها وتعود عليه في كل عام ويتجدد الألم
فيقول
......................................
.........................::::::::...:::.
ياجفن يكدر ينام وليله العاشر ضلام
عالعقيله وعالغريب والجرح ماضن يطيب
.••••••••••••••••••••••••••••
هالمسه حل النحيب ودنيتي بلون العبي
باجر الغالي سليب وكل عياله تنسبي
الارض تصرخ وداع تواسي تل الزينبي
وتنظر لحامي اللواء وكافل اعيال النبي
تسمع بون الخيام
الارض تقره السلام
وانه چفني بالنحيب
والجرح ماضن يطيب
•••••••••••••••••••••••••••••••••••
الصبح ألكه السيوف محوطه كل الخيم
ويبتدي الباطل يجول وينرمي اول سهم
زينب وسكنه تصيح وينتخي راعي العلم
الاكبر وجاسم يطيح وتبقه بس غصه وألم
ينقطع راح الكلام
بس دمع من الامام
ويلي ياحسين السليب
والجرح ماضن يطيب
••••••••••••••••••••••••••••••
اعرف اشباجر يصير وينرفع شنهو برمح
كل سنه يعود الزمان ويطلع لعاشر صبح
وارجع اردود واعيش بقصة احزان وذبح
چم سنه عشت العناء وچم سنه عشت الجرح
عايشت رمح وحسام
صوبت قلبي السهام
ويلي عالغالي الحبيب
والجرح ماضن يطيب
•••••••••••••••••••••••••••••••
عالترب باجر يطيح الغالي سابح بالدمه
الرمل بين الجراح وهوه جثته مخذمه
ضامي والخنصر گطيع وترتجف حته السمه
يوكف الكون بحداد وينتحب وي فاطمه
ينعصر قلب الحمام
الخيم تصبح ركام
والامر جداً عصيب
والجرح ماضن يطيب
•••••••••••••••••••••••••••••
عالنهر راح شيصير وزينب تصد عالنهر
تعرف الكافل يطيح ويفدي چفينه الگمر
والسهم يطفيله عين ومارجع الهه اعتذر
تسأله خاف وتريد ومايه عالگاع انتثر
عاشت وياه بوئام
تالي تبقه وياحرام
ضاعت وشح النصيب
والجرح ماضن يطيب
••••••••••••••••••••••••••••••••
اشيحل وضع الرباب بكربله وكت الظهر
ليله وي رمله شتصيح وحكي قلبي ينكسر
ماردت عاشر يعود وانه عايش هالعمر
هالمسه رايد اموت ولا اعيشنه بجمر
بعاشر الشهر الحرام
احترك ويه الخيام
واشتعل وسط اللهيب
والجرح ماضن يطيب
•••••••••••••••••••••••••••••
الشاعر : حيدر العمار الخزعلي
•••••••••••••••••••••••••••••
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( اردم الوادم ردم )
ليلة أبو فاضل العباس (ع)
صول ياشيخ الزلم
واردم الوادم ردم
طگهه راس براس .. وانتفض عباس
اردم الوادم ردم
+++++++++++++++++++++++++++
ثور وامحيهه الكتايب يا الگمر افنيهـه
اقبض ارواح وجماجم والشمس طفيهه
احصد بسيفك يباشط عل النهر بچيهه
انته عفراس الحرايب والحرم ساقيهه
ثور يابو المرجله
هزهه بيدك كربله
اقلع من الساس .. وانتفض عباس
اردم الوادم ردم
+++++++++++++++++++++++++++
گوم راويهم عذابك اسطـر بچفك سطر
جندل الفرسان ازئر اعصر الوادم عصر
ياگمر عدنان كونك ما تخلي ألهـم ذكـر
يابوفاضل انه خوفي عل النهر لاتنغدر
گـوم يبـن المرتضـه
ضيگ اعليهه الفضه
واقبض الانفاس .. وانتفض عباس
اردم الوادم ردم
+++++++++++++++++++++++++++
ضَهضب وعينه تلالي دگهه ايده بالصدر
صدت اعليه وتگلـه اذبـح بدربـك شمـر
گلهه يازينب وحقـچ لـو اشوفه ينشطر
الا اراويهـم يزينب بالحرب نجم الظهر
الا اخليهــه تــوون
اطحن الوادم طحن
وامحي هاي الناس .. وانتفض عباس
اردم الوادم ردم
+++++++++++++++++++++++++++
طبهه طافح والعقيلـه تعاين يـرف العلـم
ماجت الگـاع بأهلهـه من أبوفاضل هجـم
عالنخل شمر جثثهم والسعف يگطرله دم
النهـر مـايـه تبخـر والجـرف كلــه انهـدم
نار سيفه مضرمـه
چنه حمامي الحمه
دولب الأرجاس .. وانتفض عباس
اردم الوادم ردم
+++++++++++++++++++++++++++
انشلت اگباله العساكر وگفـو ابلايه رِكب
يَبس الدم ابگلبهـم صـارو حجار وحطـب
رُكبت الخيل بظهرهم والوضع كله انگلب
غصت ابطون المنايه من أبوفاضل غضب
الخيـل منـه تنهــزم
ضل يطشرهه ويلم
من تفـر تنداس .. وانتفض عباس
اردم الوادم ردم
+++++++++++++++++++++++++++
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( يالغوالي ياهلي )
ليلة فاطمة العليله (ع)
يل مشيتوا بالضعينه
شنهو ضلتي بالمدينه
هم عليله وهم حزينه
يالغوالي ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لو سئلتو اشلونه حالي
تاكل بروحي الليالي
ضل عليكم والله بالي
شلون بيه يالرحلتو
من مشيتو الگمره ماتت
والجروح بقلبي صاحت
يالعليله السبعه طاحت
وانه انطر مارجعتو
يجري دمعي ياهضيمـه
عيني تمطر چنهه غيمه
بالبـواچـي چـن يتيمـه
يالغوالي ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الضعينه أگبالي تمشي
چنهه شالت بويه نعشي
من مشيتو راح كلشي
بيا مكان الليله نمتو
السـوالـف كلهـه دمعـه
چنهه ماكو بويه رجعه
قلبي ينبض لو تسمعه
بس تعال وما سئلتو
اگضي ليلي بس اتاني
و اندعي ومحد لفاني
وانتهـت كـل الأمـانـي
يالغوالي ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشتريهه بروحي ترجع
مااعيشـن بعـدك إقنـع
رد جوابك مـو تگطع
هرش قلبي ياحبيبي
شلونه عبد الله وخواته
الماكـو بالدنيـا بحـلاتـه
خلـــي عبــاس بعبــاتـه
يغطي وجهه ياطبيبي
لا تخلـي سكنـــه تزعـل
ومن تعبهه خوفي تذبل
كون اجيكم هسه تقبـل
يالغوالي ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الاكبر شلونـه وعمامـي
ليش احسن انته ضامي
وانه مطحونه عضامي
والله حيره حيرتني
من رقيه بويـه تتعـب
خلـتنام بصفهـه زينب
گليبي نار لخوله يلهب
من عفتني موتتني
راح اضلن بويه اسئل
احلم ترجعلـي محمل
دمعي وي صبري وشل
يالغوالي ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر العمار الخزعلي
.
قصيدة ( نسخه من الكافل )
ليلة مسلم ابن عقيل (ع)
مسلم نسخه من الكافل
وحده بسيفه ضل يقاتل
/////////////////////////////////////
تارس قلبه حب احسينه
لا رف رمشه ولا چفينه
كل الوادم موش ابعينه
يسطر يطبر من اينازل
وحده بسيفه ضل يقاتل
/////////////////////////////////////
چن عباس الحيد ابعزمه
غيره هاشم تجري بدمه
باب الحاجه ومن تحشمه
ينطي امراد لأصغر سائل
وحده بسيفه ضل يقاتل
/////////////////////////////////////
جيش الكوفه احتار بأمره
ساعه يلمه وساعه يطشره
مسلم بيده الغيم ايعصره
مسلم موت اعليهم نازل
وحده بسيفه ضل يقاتل
/////////////////////////////////////
صاحب غيره الكل تمشيله
مــا يتعــذر مــن تشكيلــه
حيل الكافل بالطف حيلـه
يعدل چفه حمل المايل
وحده بسيفه ضل يقاتل
/////////////////////////////////////
مسلم گمره ابليل الكوفه
تمطر خير وتطي چفوفه
اليگصدله ايعود ايطوفه
يرد ابأيده امراده وقابل
وحده بسيفه ضل يقاتل
/////////////////////////////////////
درب الـوادم تاه اگبالـه
بس حسين الباقي أباله
ترجف وادم من اخياله
هز الجيش واهل الباطل
وحده بسيفه ضل يقاتل
/////////////////////////////////////
حيدر العمار الخزعلي
.
قصيدة ( محرم هالأجانه )
هلال محرم
محرم هـالاجانه
خل نبدي بعزانه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بين اهلاله وصعد صدر السمه
لونه احمر من كثر فيض الدمه
يسئـل محـرم بقـه وي فاطمـه
والعقيله تنشـد وحامي الحمـه
الخدم وين ولوانـه
والوحي رتل لسانه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دِخلـت بـأول عـزه ينعه لأبنهـه
يهمل بخدهه دمع ازرگ جفنهه
لطمت اعليه وتون يتعاله ونهه
ماسمعنه والذنب حاجبنه عنهه
الذنب عنهه عمانه
لچـن باقـي رثانـه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كتبت بأول سطر اهل المـواكب
خطت بچفهه عهد لمن يحاسب
ربـك الـوادم انـه بيهــم اطالـب
للخدم انه وعلي انطي مناصب
بعد عدكم مكانـه
بحفظ الله وأمانه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گعدت بطرف العزه محني ظهرهه
چفهه عالگاع واگو چف بصدرهه
تنلچـم مـن اللطـم تلــزم كسـرهـه
النفس گوه واجه المهدي حضرهه
حضر سيد زمانه
بدمع نلطم لگانه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الذخـر يمهه بچـه نگعـت لحيتـه
والفـلك كلــه بچـه ويــه بچيتــه
سجل دموع الخدم واحنه بثنيته
نبقـه ندعي بـالفرج ننصر قضيته
فده لجيته دمانه
الفرج هوه رضانه
يااهل العزاء .. يااهل العزاء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
اكبر فاتحه بتـاريخ الاكـوان
صاحبهه سليب وماله دفـان
مـا بيهـه ابـن لا بيهـه خـوان
منصوبه بقت ابطول الازمان
ابد لا
فاتحته ماتخلص ولا شالت ابدلا
بقـت طول الدهر منصـوبـه ابدلا
ودمــع عينــاي اذا وَشَــل ابـــدلا
بـدمـه الـدلال وابچي وي الزچيه
.
.
حيدر العمار الخزعلي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( قربني منك )
للخدمه
ماريد مـال ولا حزب
خلينـي منـك اقتـرب
يكفيني خادم انكتب
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شفت هالناس تتسابق على چذبه
وكل واحـد يبـو الاكبـر إله حزبـه
يدور مال .. شفت اشكال .. صدگ عجبه
عدهه الدين .. صـار الحين .. مثـل لعبه
عاشو عمرهم بالوهم
باعو ذممهم و القيم
ماعاشو ابنار الخيم
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشت انعاك مااخلف ابـد وعدي
اضل وياك لـحد مايظهر المهدي
شعلي بلناس ..وحگ عباس .. على عهدي
الك مرهون .. قلب وعيون .. تضل تـدي
خليني بالمجلس اون
اشبع لطم اشبع حزن
يفـداك مـالي والأبـن
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الطمع والمال ماهمني يبـو الاكبر
تسوه الكون اذا ميت والي تحضر
تقر العين .. غداً يحسين .. حلو المنظر
تفتح باب .. هوى جِـلاب .. يروح الشـر
تحضرني باجر بالقبر
تـاخذ اديـه بالحشـر
يابو الحميـه انتظــر
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قلوب الناس يبست ماتت الرحمه
وانه گلبـي الك ينبض جَمـر دمـه
حزن عاشور .. بيه ايدور .. اخذ كلمه
عيب انساك .. اريد اوياك .. يبو اليمه
ماريد منصب من بشر
خليني مكسور الظهر
انعـه العقيله و الگمر
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مسـار الكـون يتبـدل ولا بـدلك
أمِل دنياي بـس انتـه ولا مِـلك
يجرح الروح .. اضل مجروح .. انه لاجلك
يماي المـاي .. شمس دنياي .. منـو المثلك
ياماي عيني ودنيتي
انتـه انيسي بغربتي
انته دواي و علتي
قربني منك ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر العمار الخزعلي
.
قصيدة. (محفوظه صورهم )
-------------------------------------------
خـدامـه ايعـرفهـم .. يتعنـه لگبـرهـم
عنده كلش اعزاز .. محفوظه صورهم
===============================
الخدم كلهـه امسجله عنده الاسامي
و الصور مـن تنعـرض ينظــر إمامـي
حسين بعيونه الخدم واسمـع كلامي
گـلـه أنتـه سيـدي و اهلـي وعمـامي
لتخاف المنيه .. مذبوح الزچيه
يمشي بيك جناز ..
عنده كلش اعزاز .. محفوظه صورهم
===============================
العاش بعيونه دمع لتضن يتـركـه
ولا تضن حته الگـبـر بـاجـر يضكه
حسين واگف للخدم ياهو اليحركه
والـي ما عنـده سَند گلــي شيفـكه
يحتار ابسؤاله .. لو منكر اجالـه
منه نظره يعتاز ..
عنده كلش اعزاز .. محفوظه صورهم
===============================
احنه من نبچي اله شنهو دمعنه
والله مولانـه تـره كـاسـر ضلعنه
فدوه نغديله و نـذر فدوه تعبنه
احنه من غيره عدم وبيه اقتنعه
ابخيره اكتفينه .. وبأوسع سفينه
باچر كلشي نجتاز ..
عنده كلش اعزاز .. محفوظه صورهم
===============================
الچانو اويانه أمس واضح دربهم
وندعـي الله للمضـو يقبـل عملهم
وين الحسين ومصابه هـم مثلهم
تخلص ايام الحيـاة ابحق بختهم
مابين المجالس .. ابسود الملابس
هذه اكبر انجاز ..
عنده كلش اعزاز .. محفوظه صورهم
===============================
الـرزق ام الحسـن تـرضـه عليـنـه
واحنـه لـزهره نـواسي لـو بچينـه
عدنه عشرين بصفر واجب مشينه
والطبـخ صـاير رسـم لامـو بدينـه
وضلوع الزچيه .. الخدمه الهويـه
واحنه بيهه نمتاز ..
عنده كلش اعزاز .. محفوظه صورهم
===============================
حيدر العمار الخزعلي
.
قصيدة ( خدام ابن الزچيه )
للخدمه
حي الله خـدام ابن الزچيه
خدام الحسين اهل الحميه
:::::::::::::::::::::::::::::::::::::::::::::::::::::::::::::::
عل العهد وفايه .. رايه تسند رايه
والشهر نستقبله
نبچي وي الزهره .. بالدمع والعبره
كل ارضنه كربله
نلطم بثوب اسود .. والمواكب تشهد
ترسن دروب الفله
احنه ولد العاشر .. احنه ماضي وحاضر
وي ابن عقد الوله
ربانه عاشور نحيي القضيه
حي الله خـدام ابن الزچيه
:::::::::::::::::::::::::::::::::::::::::::::::::::::::::::::::
احنه اهل الخدمه .. والخدم نتسمه
احنه تربات الگمر
عل الوفه واحدنه .. أمعلم وقائدنه
رايته فوگ النهر
بيهه طابع چفه .. هاذه وكت الكلفه
فَگس اعيون الدهر
انطه دم اوريده .. ضحه لاجل اعضيده
بالوفه بچه الحجر
خرجنه عباس انطه الهويه
حي الله خـدام ابن الزچيه
:::::::::::::::::::::::::::::::::::::::::::::::::::::::::::::::
من يهل عاشوره .. نوفي كل انذوره
نشكر الله والشهيد
عُمر مـن انطانه .. وباقي هوه ويانه
نبقه خدام وعبيد
ما تركنه ابعازه .. وحتى من نتـوازه
ينطي الحسين شنريد
يبقه بينه جمـره .. وما نبيع العِشره
ونلعن القاتِل يزيد
ما نتـرك حسين حد المنيه
حي الله خـدام ابن الزچيه
:::::::::::::::::::::::::::::::::::::::::::::::::::::::::::::::
مـا تركنـه اعتابـه .. صرنه نعشـگ بابـه
ننعه وي ام الخدر
عل المشيب الدامي .. عل العزيز الضامي
أثرت بينـه اشكثر
صاحت من التلـه .. يا علي و يـا اهلــه
سحگت الخيل الصدر
من بعد حز نحره .. وسفـه ابـن الزهره
يرفس بصدره الشمر
يتفايض دموم فوگ الوطيه
حي الله خـدام ابن الزچيـه
:::::::::::::::::::::::::::::::::::::::::::::::::::::::::::::::
من نعوف الموكب .. تبقه زينب تعتب
تشتعل نار الخيم
لو نعاله القاري .. المهدي يصرخ ثاري
حيلي ياجَد انهدم
اللطـم و الخدمه .. مو سهـل يفتهمـه
لماعگد طرف العلم
الطبخ مـو عــاده .. الشفـه مـن زاده
والگلب بيه انلچم
لو رايد اتفـوز عندي وصيه
حي الله خـدام ابن الزچيـه
:::::::::::::::::::::::::::::::::::::::::::::::::::::::::::::::
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( بس اتاني )
ليلة ام البنين (ع)
كلشي بيه ضل يون
ماگدرت اعله الحزن
وإنـه ميته بـلا دفـن
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
روحي راحت و المدينه ما بقالي بيهه غالـي
من اهد ساعة سفرهم بس لحسين اعله بالي
هد كياني هد وجودي اصفگ ايميني بشمالي
يمته يرجـع كـون اشوفه تالـي مارد واجالـي
بيه الحسين اشعمل
من اخذ كل الاهـل
واقترب مني الاجل
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالـغـوالي اگعـد اندب اعتـب واذكـر اسامـي
ما تجوني صبري خلص يمته ترجع يا امامي
عيني يبست ياحبيبي وانطـر الـياخذ كلامي
مااجاني حته طارش ياهـو اليوصل سلامي
حته طارش ما لفه
والاثر ماكو اختفه
لعلتي ماكو شفه
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عالعقيله قلبي يلهب محترگ مدري شجاني
ليش احسن بيهه تبچي والله حيرني زماني
وين اروحن ألمن اشكي لياوكت ابقه اعاني
من بَعدهم راسي شيب للقهـر دهـري رماني
ليلي يخلص بالبچي
من مشو ولدك علي
مـا رجع واحـد إلـي
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دنيه خنگه ماكو راحه عالدرب عيني ترابـي
ابقه انطر بلكي واحد يرجع ويخلص عذابي
كون اروحن هسه يمهم وانظر لزهره شبابي
عمري خلص وانه انحب بالدمع ناگع حجابي
عيني ضلت عالدرب
وانظر بمـاي الشـرب
زينب آبوسط الغرب
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شده صارت مو طبعهم ولدي ينسوني ألهي
ترد ضعنهم كونه سالم وارجع وبيهم اباهي
ذوله اهلي هٰذا عزنه هٰذا بختي هٰذا جاهي
هٰذا الحسين واخوته واللوه والطوله راهي
اسجـد لربي شكـر
لو اجو بعد الصبر
من اهدهه وللگبر
بس اتاني .. بس اتاني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0