1339
شاعر حسيني للمراسله عبر الخاص اضغط على الرابط @HaeiderALkhazaily .
قصيدة ( تسوه ايامي وسنيني )
للخدمه
ياعشگ روحي وحنيني
تسـوه ايامـي وسنيني
ياحبيبي .. ياحسين
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياحبيب الماكو من عندك حبيب
تستر الوادم لچن جسمك سليب
يا شمس تضوي علينه مـا تغيب
انت مرهم للجرح وانته الطبيب
ياجمر قلبي ويقيني
دمعتي انته وأنينـي
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا زمـن ينسـاك يا جـرح الزمـن
ياملاذ الكـون في وگت المحـن
ياغريب شلون صرت ألنه وطن
ياستر الاكوان وانته ابلا چفـن
انـه بيـك امعذبينـي
احلم بطيفك بجيني
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياشهيـد الديـن ما مثـلك شهيد
هشمو صدره بحوافر من حديد
يالبقيت بوحـدك بالطـف وحيد
تمشي بالشريان وي دم الوريـد
كون يمك ذابحيني
حتى وياك اربعيني
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياضياء العين يل كلك ضيـاء
منور الوجدان يا نور السمـاء
يالمتت عطشان مايكفي بكاء
العرش ينعاك وي اهل الكساء
يا دمع يكفيهه عيني
وانته اغله من بنيني
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا جـرح بالـروح يا اكبـر جـرح
عالارض مطروح راسك بالرمح
بالفلك يحسين مثلك ما يصـح
ما تـرد ملهوف من گد ماسمح
تربتك ختـم ابجبيني
ياذخر وكتي ومعيني
ياحبيبي .. ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر العمار الخزعلي
.
قصيدة ( دار الزمن )
ميمر
دار الزمن .. بأخت الحسن
دمـع وقهر .. حزن و محن
وأتغربت ب الأوطان عگب الگمر حاميهه
:::::::::::::::::::::::::::::::::::::::::::::::::::::::::::
دنيه عجيبه ما صفت مره الهه
تنگط عسل لاهل الغدر مره الهه
كل الشدايد والمحن مره الهه
نار و عطش .. ليل اهدعش
ما ينحمل .. ظلمه نعش
واتوسدت چن تابوت حزن السمه مغطيهه
:::::::::::::::::::::::::::::::::::::::::::::::::::::::::::
من عسكر الباطل ركض حاشاهه
مـا دنگـت راس لبشـر حـاشـاهـه
من تسئل الريح التهب حا شاهه
تچوي وجمر .. اخت البدر
فوگ الهزل .. مثل الصگر
مادنگت إلهم راس لبوه بهزل سابيهه
:::::::::::::::::::::::::::::::::::::::::::::::::::::::::::
غم الدهر غم الوكت ما سرهه
ما سَير اعليهه ابفرح ما سرهه
لو تسئل ارباب العقل ما سرهه
سرهه علي .. بنت الولي
بت فاطمه .. جدهه النبي
الصابره اخت حسين ام الخدر ندريهه
:::::::::::::::::::::::::::::::::::::::::::::::::::::::::::
وجه ابوجه صار الحزن ند الهه
من تطلب اعيون ورگب ند الهه
لوتمسح ابچفهه حجر نَده الهه
چان انفجر .. الهه نهر
لو رايده .. من الصخر
ماعطشت لشرب الماي شوف الگمر يزگيهه
:::::::::::::::::::::::::::::::::::::::::::::::::::::::::::
شامت سئل وين الگمر ماردهه؟؟
مـن ردت اعليه ارتجف ماردهه!!
گالت من طب والـزلم ما ردهـه
وينك چنت .. ليش اشردت
من خوفك .. بأمرك حرت
چان ابرزت للعـباس هسه وَرا تحچيهه
:::::::::::::::::::::::::::::::::::::::::::::::::::::::::::
رغم الحياة الما بقت لـذه الهه
مـا طاوعت راي الوكت لا ذلهه
چم واحد بوكت الشدد لاذ الهه
ام الستر .. رغم اليسر
قبلة شرف .. كعبة صبر
حتى الشعر بيهه احتار نسوه وزلم تبچيهه
:::::::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ( شالع قلبي بالماي )
ليلة عبد الله الرضيع (ع)
شالـع گلبي بالمـاي
بعدك شنهـو دنياي
ابقـه يُمـه لتــروح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
ييمه اشلون عايفني واصيح وما تناغيني
العطش غيرك عني عبد الله عمـت عيني
دوه جروحي .. الك روحي .. وزلال العين
لأجل تروه .. النظر فدوه .. ياابن حسين
وينـه الكافل بهـاي
ليش اتعطل اهواي
گالو جسمه مطروح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
ييمه الخيمه أأمـن لك لاتطلـع دضل يمي
هاي جيوش ماترحم عبد الله نشف دمي
أخذ صدري .. عسن يجري .. لبن واتنام
واهز مهدك .. وامَسِدلك .. وسط الخيام
بَسك تبچي لـَتموت
يمرد گلبي هلصوت
بطل كـافي لتنـوح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
خذاك حسين تتلضه واخذ گلبي وشـرايني
رگضت اعليه أسئلنه واعاين ما يحاچيني
يـمذبوحي .. عله نوحـي .. طحـت بالگـاع
شفت نحرك .. دمه بصدرك .. عفتني بساع
گتلك عيني ترويك
ابقه بميهـه ازگيك
عمري اخذه ولروح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
مشيت وانظر الوادم تتعارك تشيل الروس
اكو واحد رفع راسك بلا غيره ولا ناموس
بسهم احمر .. دمه اتعفر .. يسيل ادموم
ترس ايده .. مثل صيده .. دمه الزردوم
احنه نمشي بالنـوگ
وانته بيده مخنوگ
چفي سهمه ميلوح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
چنت اتمنـه تدفني واتاني تكبـر اگبالي
بست اشهر بعد حملك خابت يُمه أمالي
خلص كلشي .. هزل نعشي .. وسهم نعشك
سوه متنـه .. و تشيعنـه .. وخـذو عشـك
ماضل يُمه كاروك
منه والله حرموك
گلبي خزن اجروح
ابقــه يُمـــه ويـاي
::::::::::::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ( العمر دونك )
للخدمة
يحسين العمر دونك
مايسوه لا واعيونك
:::::::::::::::::::::::::::::::::::::::::::::::::::::::::::::
نموت احنه وتضل عايش يكل همنه
توارثنه العشـگ والحب جره ابدمنه
بـلا واهـس تــره الدنيـا وبـلا معنــه
اذا نفـگــد يبـو الاكبــر شعــايـرنـــه
نعرف شنهو مضمونك
يحسين العمـر دونـك
:::::::::::::::::::::::::::::::::::::::::::::::::::::::::::::
انه ابجالك ملك عايش منو المثلي
شنو الدنيـا شنو العالم يبعد اهلـي
اخط اسمك واضل انعه ويسولفلي
متت ضامي ودمه قلبي بقـه يغلي
واحمر منصبغ لونك
يحسين العمر دونك
::::::::::::::::::::::::::::::::::::::::::::::::::::::::::::::
حچـي الوادم شنو نفعه لون عفتك
وانه گلبي احس مسبي سبي اختك
الك عايش والك الطم عشت قصتك
لگطـع راسك وحي ربك على شفتك
دمـك غرگ اجفونك
يحسين العمر دونك
::::::::::::::::::::::::::::::::::::::::::::::::::::::::::::::
العمـر فدوه الك يخلـص ولا اهتـم
وطن روحي يبو الاكبـر هـو المأتم
بطرگ دمعـي انـه باجـر لـون عتم
عليّ قبري وترد روحي لمـن اشتم
عطرك واسئل شلونك
يحسين العمـر دونـك
::::::::::::::::::::::::::::::::::::::::::::::::::::::::::::::
انه حبي دغش مابي وعلى الفطره
وادري بكـل تعـب باجـر إلــه أجره
كـل تعبي لأجـل ترضه مـع الزهـره
يبو اليمه هـوه ريتي هوه الحضره
وانه العايش ابكونك
يحسين العمـر دونـك
::::::::::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ( لـِزمو أگباله سره )
ليلة علي الاكبر (ع)
لـزمو اگبالـه سره
والرگاب امطشره
علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
من تحزم شد لثامه گامت اتموج الفله
والعساكر منه شردت والرمح بيده عله
ساعه يطبر ساعه يطعن ورگاب امدندله
طب عليهم يغلي دمه هذا ليث المرجله
طب يصول بسيفه
واشـ يريد ابكيـفه
مو سهل توصيفـه
المختلف تصنيفـه
يرهب ويسطر سطر
عالفرس نيـزك يمـر ... علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
خلبص بسيفه الكتايب والگمر ينظر اله
تگوه ناداه الكفيل وليلى صاحت ياهله
أفگس اعيون الفوارس والمعسكر زلزله
يالله يالاكبـر ييُـمه هزهه بيـدك كربلـه
ضامي بس بچاهـم
مـن زعــل چـواهـم
تحته تجري دماهم
چـن أسـد لاگـاهـم
يگطع اوداج ونحر
مـاكو منه اي مفـر .. علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
غيـم ودلهم عليهم كالجبـل واگف اشم
ما بقه سيف بأديهم طاحن وطاح العلم
البطل بيهم تجندل و السبـع منه انهـزم
بالمعاره سـوه ثوره وصاحـو بآه و ألـم
خل نبوس اچفوفه
وخـل نـرد للكـوفـه
بلكي يرضه نشوفه
ســوه بيهـم خوفـه
حط خشمهم بالثره
سـوه بيهـم نايـره .. علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ابن غانم منه يرجف من برزله جَندله
راسه جابه للمخيم دمه يجري وشلـه
الحسين بجيته كبـر حتى ثغـره قبلـه
گله تسلم ياحبيبي والله ضربه معدله
ليلى باسـت ايده
ويغلي نار اوريده
گلهـه افني البيده
يُمـه هاي الصيده
يُمـه ابنــچ مفخـره
عمه سبع الگنطـره .. علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
الإلوف أگباله حارت صارت الشرده حلم
عسكر الوادم تطشر والـزلـم فـوگ الزلـم
داست الخيل بظهرهم عندك اخبار وعلم
علي الاكبر بالكتايب ينثـر بكيفـه ويلــم
غيره دخن راسه
والجمر بأنفاسـه
كظ علمهم داسه
واختفت حراسه
ترسـو اجهنـم ترس
حنه بالدم الشمس .. علي الاكبر .. علي الاكبر
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
قصيدة ( تحزمو كلهم سوه )
ليلة الانصار (ع)
تحزمو كلهم سوه
والگمر شال اللوه
لن حبيب بصوته صاح
نگطع اليوم الهوه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
اسطفت اگباله الرجال شالت اسيوف ورماح
جددو عهد الوفاء كبرو حي عل الفلاح
لبسو الغيره دروع طلبو حسين السماح
ندخل الحومه نصول ويفرح بچفنه السلاح
عَـجلو رادو قتال
يأمر يصير النزال
ذوله زلم النايبات
ذوله للعايل دوه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
شوذب اتقدم سعيد والكلام ابحرگه دار
لن بريـر بصوته صاح ما احـب الانتظار
انه الاول ارد اموت وعينه تطاير شـرار
واعترض عابس يگول خلو لحسين القرار
الگمر ضب اللثام
كبر وشال الحسام
بالصدر دگالـه ايد
والحچي كله انطوه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
شمرو اغماد السيوف هوسو يم الخيـام
لو يـوذرونه ونمـوت ما نعوفـك يا إمام
ترخص لأجلك نحور المهـم انته ابسلام
السوالف للسيوف بالحرب مامش كـلام
تسابقو شيب وشباب
هوسو وأم الحجـاب
تسمع وتدعي بنحيب
والقلب نار انچوه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
قبلو ايد الحسين ودخلو الحومه اسود
والگمر هز اللواء وگامت اطيح الجنود
ارتعد شط الفرات من سمع شايله جود
ارتجز الاكبر يصيح نكتب اليوم الخلود
ما نفر مثل العبيد
مايهم شمر ويزيد
احنه عالحق والسراط
وبيهه ماجت نينوه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
الشمس لبست نگاب والهوى تغير لهيب
اشتعل حته التراب هجمو وزمجر حبيب
يطعـن ويردم زُهير نافع بموقف عجيب
يوصي جون بكربلاء لاتفارگ هــالغريب
ماكو منهم بالوجود
لا وحق راعي الزنود
الفخر بيهم قليل
والمجد منهم روه
'''''''''''''''''''''''''''''''''''''''''''''''''''''''''''''''''''''''''''''''''''''''''''''"'''''''"""""""""
حيدر العمار الخزعلي
.
قصيدة ( يالأكبر دخيلك )
دخيلك يالأكبر دخيلك
::::::::::::::::::::::::::::::::::::::::::::::::::::::::::
طَر الصفوف نزل خـوف بـده بالغاره
شگ الصدور علي ايفـور لهـب بتـاره
غرگت الخيل وسط سيل دمه يجاره
غرگو ابحر الدمه
من تحرگ صارمه
والرؤوس مهشمه
من يهز ايمينه
دخيلك يالأكبر دخيلك
::::::::::::::::::::::::::::::::::::::::::::::::::::::::::
صَفن الموت مثل حوت بلعهم سيفه
صَدع الگاع شمر ضاع يصول بكيفه
طبو انذار عُمر حـار چواهـم صيفـه
مـن غضـب اذاهـم
چن حطب سواهم
يطعــن وبچـاهــم
والجمر من عينه
دخيلك يالأكبر دخيلك
::::::::::::::::::::::::::::::::::::::::::::::::::::::::::
ايده سجيل من ايميل تطيح الوادم
يمنه ويسار عصف نار جحيم وقادم
چنه كـرار لمـن غـار جـريء وصـادم
ما يهمه من يهد
يمرد بسيفه مرد
يحصد الوادم حصد
ويشمر ابچفينه
دخيلك يالأكبر دخيلك
::::::::::::::::::::::::::::::::::::::::::::::::::::::::::
صـارو اتلـول عُـرض طــول يبَـتـر بيهـم
طاحت الروس وهو يدوس على عاليهم
يعصـر الغيـم مطـر ضيم بـِده يـزگيـهم
احمر اتشوف المطر
چم سبع منه انتحر
يرعد و يمطر خطر
والضوه بخدينه
دخيلك يالأكبر دخيلك
::::::::::::::::::::::::::::::::::::::::::::::::::::::::::
رحه ويدور عـالضهـور طحنهـم بيـده
طشهم اتراب اسد غاب حربهـم عيده
فَگس اعيون بـالسنـون ترسهه البيده
طشر الوادم قطع
الثره بدمهم نگـع
چفه بالروس انطبع
والأكبر مسمينه
دخيلك يالأكبر دخيلك
::::::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ( ضوه عيوني )
لسان حال زينب (ع) وهي تخاطب كفيلها (ع)
ضوه عيوني يبو الغيره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
مشيت بقلبي غصه والدمع سال
دريت بحالي خويه وحال العيال
بقينـه ابـلا مخيـم فـوگ الرمـال
يبو الغيره وضعنه ايهـد الجبال
مصيبتنـه تــره اچبيـره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
بچينه شگد بچينه نگعت الگاع
ولا بيهم شريف وكلهـم اضبـاع
تولونه بشتم طگـونه كل سـاع
وانه عنكم قريبـه شمرة أذراع
ردت چفــك تــدابيـــره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
عگب عينك حرسنه كلهم اجناب
بقه حسينك ذبيح وفوگ التراب
وانه بحيره شسولف بس العتاب
أكل قلبي يخويه وجمـري لهـاب
جمـر قلبـي يـوج ديـره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
منـو يرضاهـه زينب بالعـره اتبـات
بطرگ العبايه مچتفه يمهه يتيمات
بنت الصميده ياگمـر والله حرامات
هذا وضعهه للاسف ياخويه مأسات
انـه بجـالك چنـت ليـره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
عبدالله بعدك بالسهم گطعو وريده
وامـه ولا تقنـع ابـد تبچـي وتريده
ليلـى تنـادي يا علـي امـك وحيـده
ورملـه تگلـي منذبح والحنـه بيـده
ولا تگطـــع ابــد سيــره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
سبعين الف يابا الفضل هجمو عليه
بساعتهه خويه ماردت غيـر المنيـه
چم طفله ماتت بالسحگ بالغاضريه
وكونك تشوف السلبو سكنه ورقيه
بقت تنحب وهي صغيره
تأسـرنـه ، وأنــه بحِــيره
::::::::::::::::::::::::::::::::::::::::::::::::::::::
احچيلك انه مختصر ياشيخ الرجال
فوگ الهزل وميسره وبچفي الحبال
ما اگدر اشرحلك بعد اليحدي چتال
لااعرف شتالي اليسر مابين الانذال
ردت موتــي ولا غيــره
تأسـرنـه ، وأنـه بحِــيره
::::::::::::::::::::::::::::::::::::::::::::::::::::::
حيدر العمار الخزعلي
.
قصيدة ( بسيف ويقين )
ليلة مسلم ابن عقيل (ع)
مسلم بسيف ويقين
زلزل ارض الضالمين
:::::::::::::::::::::::::::::::::::::::::::::::::::::::::::::
مسلم لطوعـة يگلهه ولا تشجعيني أبـد
مـادريتي منهـو انـه ما اهـم بأكبر عـدد
والله لاخلـي يطوعه الوادم اتنادي مدد
واترس الگاع بچثثهم اقسم بواحد احد
انـه شـراي الحـرب
لـ أگلب الدنيه گلب
انـه عـمـي حيـدره
بالوغه ليث وأطب
هــذا رمـز الثـائريـن
زلزل ارض الضالمين
:::::::::::::::::::::::::::::::::::::::::::::::::::::::::::::
زمجر و تشمر يمينه فوگ السطوح الزلـم
بلايه روس أگباله تركض منه وادم تنهزم
شبعت ابطون المنايه ولاشبع سيف الشهم
غرگت الكوفه بدماهم والدمه يـردم ردم
فجر ابحور الدمه
من تحرك صارمـه
نازل اعليهم عذاب
الكوفه كلهه ميتمه
رتـل الفتــح المبيـن
زلزل ارض الضالمين
:::::::::::::::::::::::::::::::::::::::::::::::::::::::::::::
مابقت بالكوفه باب الكوفـه كلهه امشرعه
من صرخ ياداحي خيبر صوته خيبر يقلعه
مشتعل غيره يحارب چنه راعي المشرعه
مسلم ايرد الكتـايب بس يـردهـه مگطعـه
يگطع بسيفه الحجر
ما يوصفـه اي بشـر
الوغه بسمه تصـيح
چنـه عبـاس الگمـر
هـذا بـاب السـائليـن
زلزل ارض الضالمين
:::::::::::::::::::::::::::::::::::::::::::::::::::::::::::::
انگلبت الكوفه مناحه لبست اثياب الحزن
اترملـت كـل النساء وظلت اتنـوح وتـوون
كل شبر ذابحله واحد طاحن الوادم طحن
والمگابر منه صاحت ياهـو يلحگ عالدفن
ما سلم منهم فرد
يذبح يروح ويرد
يمطر بچفينه نار
فگس اعيون اليصد
مسلم الحبل المتيـن
زلزل ارض الضالمين
:::::::::::::::::::::::::::::::::::::::::::::::::::::::::::::
انخسف قصر الاماره من صعد مسلم اله
ماحمل هاي الرجوله ولا بقه بعده وعلـه
من تروح تشوفه هسه تلگه ارضه قاحله
بالتراب مغطه سطحه برجله مسلم نزلـه
من رِمـو منه الفحل
القصـر غــار ونــزل
بلعته الگـاع اختفـه
مسلم الفاتـح دخـل
منـه كلهـم خـايفيـن
زلزل ارض الضالمين
:::::::::::::::::::::::::::::::::::::::::::::::::::::::::::::
حيدر العمار الخزعلي
.
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0