726
للتواصل والاستفسار عن لحن أو قصيدة عاشق الامام العباس عليه السلام (@Okok1985h)
🌹 دعمٌ لشاعرٍ حسينيٍّ شاب 🌹
منذ نعومة أظفاره، وهو ينسج القصيدة الحسينية بمحبةٍ وإخلاص، مجسدًا في كلماته عشقَه لأبي الفضل العباس (عليه السلام)، لتنبض قصائده بروح الولاء، وتستلهم القيم الحسينية الأصيلة.
ندعوكم إلى دعمه وتشجيع موهبته، وذلك بالاشتراك في قناته ومتابعة نتاجه الأدبي المبارك:
/channel/ya_zahra_albtool
نسأل الله تعالى أن يوفقه لخدمة أهل البيت (عليهم السلام)، وأن يجعل قلمه منبرًا للحق، وصوتًا للولاء، وأن يبارك جهوده ويزيده توفيقًا وسدادًا.
عشاك ونظل عشاك نتحده اليعادينه
ومن نصيح ياعباس يشتد العزم بينه
ملوك بخدمة اهل البيت ماهمنه حجي الوادم
كملن حارب العشاك دنيه وآخره نادم
الموكب اسسه العباس شكرا ياكمر هاشم
يكفينه فخر بالضيج خادم يفزغ لخادم
مانكعد ولانرتاح اخذنه اعله اللطم شمره
ومن گدماندگ ع راس خواچينه اصبحت حمره
العاشك لحد يلومه لودك وخسف صدره
بينه من الخيم دخان تلكه بكل گلب جمره
حلوه لمت العشاك بيها تفرح الزهره
انه الوالده من ننصيح ويانه تظل تقره
اشمحلاته العشك ياناس من يصير ع الفطره
المهدي بكل عزه ويانه يبچي ومنحني ضهره
دنيه بلا عزاء حسين غبره ومانظل بيها
تعلمنه البجي والنوح والزهره نواسيها
وماننسه الجرا بعاشور والجرو تراجيها
احذر خدمة اهل البيت احذرك لاتعاديها
يل تحچي علينه هواي شلگ بالحچي لزايد
هذه موكب العشاگ ابد ماتابع لواحد
قائدنه يظل عباس دنيه وآخـره قائد
كلشي بهل زمان يزول ذكرهم بس يظل خالد
الشاعر حسين القره غولي
درب السبي ماينحمل
والمشكله نوگ وهزل
مايرهم اعليهن طفل
ياباالفضل ياباالفضل
على نوك الهزل لمن مشينه( 1)
وحده تعاين بوحده وبجينه
شكثر بينه حجي بسما حجينه
الهضيمه احبالهم تاكل بدينه
بچفوف اخيتك جم حبل ياباالفضل ياباالفضل
*
اول تالي فرجه نصير للناس( 2)
ليطيح من الهزل بالخيل ينداس
شي خلص الدرب من دون عباس
زينب ياخو زينب دنكت راس
درب السبي ما ينحمل. ياباالفضل ياباالفضل
*
ركضنه بلاوعي ولوادم هواي (3)
كاتلنه العطش وبعازت الماي
سحكنه شكد جمر ماندري حفاي
ارض صحره وشمس ومنين الفياي
والمشكله نوك وهزل. ياباالفضل ياباالفضل
***
يسبونه وحجيهم كله تجريح( 4)
من كثر السياط نكوم ونطيح
ولافزاع ينغر لمن نصيح
كل هذه وكضينه اليل تسبيح
وسكينه دمعتهه تهل. يابا الفضل ياباالفضل
****
يشمرونه بحجر من كل الكتار (5)
وحنه بنص شماته وزحمت النار
نركض بل براري زغار وكبار
نكعد مدري نوكف والرمل حار
كلش صعب لم الشمل. ياباالفضل ياباالفضل
عاشق العباس حسين حميد
/channel/Housen_hamed_85
القصيده اشتشهاد الامام الحسن عليه السلام بيهه ألحان متعدد ف الي يحب يغير بيهه براحته 👆👆
Читать полностью…
وين ينطون الوجه طبلها الاكبر
بيها ضمت روسها وبيها اتعثر
چنه حيدر من نزل والكتايب شلها شل
*
نزل يتمشه اعل طوله والزلم كلها انحنت( 1)
الچانت معلگ تسولف گبل لايحجي ختفت
الشرد من البدايه انحسبه زلمه وماثبت
علگمي گام يتمشه والرگاب يعتها عت
جنه حيدر من نزل ومن جثثهم سوا تل
*
حاسبلها ومن تعنه شردت اشباه الـزلم( 2)
أرتفع صوت البواجي عمته صاحت ونعم
منين مافرو يجيهم ماكو واحد ينهزم
جنه ابوالحسنين لوطب والمعارك تنحسم
چنه حيدر من نزل صاح ببهم ورتجل *
بحور من دم سوا بيهم ونگلب لون النهر(3)
المشرعه نترست عمايم صاح چاوين المفر
لـوادي ترسنه بچثثهم وبل بقيه اترس سقر
بيه شمره من أبوفاظل مايظل الكم أثر
چنه حيدر من نزل المايل بسيفه نعدل *
وحك ضلع أمي الزجية وقل هوه الله احد( 4)
خل يجوني بخزره ردهم گلبي مايرجف ابد
باهته تصير المعارك من يقل بيها العدد
شما يودون الكتايب هم اصيحلهم بعد
چنه حيدر من نزل والسبع بيهم ختل
*
بكر ابن غانم تعنه وعلي الاكبر شافه( 5)
خله راسه ابين اديه وهوس اعل جتافه
انطاه ضربه حيديريه وصلا لسلافه
هاي تاليته التكبر ع الخلگ وتعافه
چنه حيدر من نزل طبها ابن خير العمل
*
( عاشق العباس حسين حميد )
نسألكم الدعاء…
/channel/Housen_hamed_85
الخصم من شافه دنك
كال طبلها الحسن
-------------------
نزل شبلك يبو محمد 1
والركاب بسيفه تنحد
والتعنه عليه مارد
سوه بيهم فاجعه
*
القاسم اعليهم تعنه 2
والزلم شردها منه
سوه بالميدان حنه
هوس اعل المشرعه
*
راح اغيم وصفه ورعد3
والكتايب كلها تشرد
ارد اطب بدوم موعد
وگلب العالي حدر
*
الكرم والزود بيه 4
والشجاعه حيدريه
والخصم عاين عليه
ومن خزرته ماحچه
*
صعبه اشوف حسين وحده5
والخصم كام يتعده
المايرد بسيفي ارده
وانه تربات الحسن
*
اترس الكاع بجثثهم 6
ونكت الحومه وردهم
مني ماتسلم رگبهم
اليوم ازلزل كربله
*
عمه زينب لايهمچ 7
اله ادنك القاده يمچ
خل يجون الراحه سهمچ
سهمج الراحه وعلي
*
النهر راح اجفي مايه 8
والزلم تصبح نثاية
اليوم ارتل وقرا آيه
انه الفتح المبين
*
راح أذب رباط ونزل 9
حچيي عام ويشمل الكل
الزلمه يطلع موش يختل
يرجع مدمه لهلا
*
التعده اعلينه يندم 10
والطفوف اگلبها بس دم
مايرد كلمن تقدم
سيفي يطرب عل حرب
*
(عاشق العباس حسين حميد )
نسألكم الدعاء…
/channel/Housen_hamed_85
ظل الحسين وحيد ابلا زلم
يدري عباس بعد يرجع حلم
وكض الصفاح مايرد صاح
*
خويه عباس ضحك شفته الشمر (1)
وحشم الجيش علي من كل كتر
وزينب تصيح بعد ماضل خدر
بس نساوين يدورن عن ستر
كافلج راح مايرد صاح
*
ظلوعي الگصار فرد حنيه نحنن( 2)
شفت الخيول على صدره اصعدن
حيلي احس باد والجدام اثكلن
لا علي وياي ولا خوي الحسن
والعدو ارتاح مايرد صاح
*
الماله خوان يظل بس يلتفت (3)
ادري بي طاح لچن مجبر صحت
بلكت يكوم يرد كبل الوكت
ميت وكون ولا يومك شفت
من سمع طاح مايرد صاح
*
فراك العزاز صدك يحني الضهر (4)
شلون لو چان اخو خيته الكمر
مكطع وصار حصص فوك النهر
شفت السهام علي مثل المطر
وصفك الراح مايرد صاح
*
لحظه والكون تحول كله دم( 5)
بيه حسيت صدك كلبي لجم
يم الجفوف شفت طايح علم
المشكله بعيد علي درب الخيم
بديرة اشباح مايرد صاح
*
(عاشق العباس حسين حميد )
نسألكم الدعاء…
/channel/Housen_hamed_85
متعوده كل ساعه التفت ولكاك يم الخيمه
عباس كلش طولت وبروحي صارت هيمه
مالايك اعليه الهجر مشتاكه الك خويه شكثر
*
يل أسست معنى الوفه وبحسين عمرك هايم(1)
منتضره ماطب للخيم اله انته ترجع سالم
مهضومه مومن العطش يهضمني حجي الوادم
كالولي بس ماصدكت عل مشرعه تظل نايم
موكتلي راح نظل عمر مشتاكه الك خويه شكثر
حسيت ماترجع بعد من راح شوف الرايه(2)
وتلبس بروحي الحزن وتعده حزني اولايه
حفاي نركض والحچي يأذيك خاف اهوايه
ماطول وراح اختصر برجلينه كم سلايه
كل هذه وانه ابقه انتضر مشتاكه الك خويه شكثر
كلبت عباتي من الشمس والعطش غير لوني
محضرين اشوفنهم هزل عباس لايسبوني (3)
معقوله تراضها بحبل من يمك يمشوني
والسوط يطبع ع المتن جدامك يطكوني
مابيه بس وشلت صبر مشتاكه الك خويه شكثر
حرمه وتولتني الزلم من كل كتر ياباالفضل(4)
ورقيه تمشي وتنهطر بچفوفها مچلب الحبل
والتتعب وماتستمر يولونها سياط وسحل
غثاني من صاح الشمرودعي الكمر من ع الهزل
لاخيمه عدنه ولاستر مشتاكه الك خويه شكثر
*
استوطن بروحي العطش خويه وصرت ذبلانه (5)
كل ساعه اعاين حالتي معقوله زينب انه
تعبانه مابيه التفت من الركض تعبانه
ومتوني من كثر الضرب عباس شو خدرانه
بيد الشمر صار الامر مشتاكه الك خويه شكثر
*
(عاشق الامام العباس حسين حميد)
نسألكم الدعاء
/channel/Housen_hamed_85
عرفتك يله صرت انسان
الشاعر المخلص
حسين حميد
وصية خادم
فدوه لا تنسوني بكل عزه اذكروني
خاف ياخذني التراب وبتعد عن المصاب ربعي لاتنسوني من تغمض عيوني
من تقيمون المأتم عاينو لمچاني
بيه ماضلت ملامح والترب غطاني
اخ يالمتنه ذيجه واخ ياصحباني
حته لو اهلي نسوني الزهره ماتنساني
ربعي لاتنسوني •••••• لو تغير لوني
»»»»»»»»»»»»»»»»»»»»
روحي دوم تحوم يمكم للمجالس طافحه
حيل اعذروني يخوتي مااجيت البارحه
چان ابو السجاد يمي وماحضرت الفاتحه
بالكبر هون عليه وكلي نيتك واضحه
ربعي لاتنسوني •••••• دمعتي اعله چفوني
»»»»»»»»»»«««««
خدمة ال البيت رحمه للخدمهم من صدك
كون مو خدمة مصالح لااعلام ولا يطك
المانزل دمعه لحبيبه هذه مو يم العشك
كون كبل حسين صدري بالحوافر ينسحك
ربعي لا تنسوني ........ ماتخيب اضنوني
»»»»»»»»»»»»»»»»»
كل سنه چنت بمحرم واكف ودمعي يهل
دمعي موبنصاف ينزل والده مضيعه طفل
هسه صرت بعيد عنكم ولمفارك مو سهل
كلبي مايبرد لهيبه بت علي فوك الهزل
ربعي لاتنسوني •••••• يامن تحبوني
»»»»»»»»»»«»«»»»»»»»»«««««
الشاعر حسين حميد
كلشي احمل ولاجلمت اوداع
يحسين ضاكن بيه الوساع
ودموع عيني لاحت الكاع
صار الهجر شبساع شبساع
يل حسين بغيابك حالي موحال
والموادع صعب مو چلمه تنكال
احير بروحي بعدك لوبل عيال
تهضمني السوالف والحجي اشكال
هاي الليله كون تطول هواي
يبو كلب الحنين سوالفك ماي
ياشيخ العشيرة وراي للراي
اشوفك للمخيم رايح وجاي
بعدك مامشيت وحيلي احس باد
باچر بل صحاري تيه الولاد
ويسبني الشمر والماله رداد
چاغير الاخو للضيج يراد
باجر للطوايف سالفه نصير
ويتفرج علينه زغير وچبير
يخويه بيا وكت زينبكم تحير
من فوك الهزل وعيونها تدير
عاشق العباس حسين حميد
الى مولاتي رقية سلام الله عليها
مابيه بس وشلت نفس
وحضيني بس دم انترس
متغيره حيل الواني بويه الشمر طگاني
يابويه كاتلني العطش وثيابي نگعن بدم( 1)
المثلي مومالت سبي وبين الخلگ تتشتم
تكتلني خزرات الغرب من كل كتر من تلتم
مرات اگولن لاصدگ ومرات اكول اتحلم
درب السبي اذاني بويه الشمر طگاني
*
حادي الضعن مابي رحم حرم الماي أعليه(2)
يوكف اگبالي ويبتسم لو كلته اريد اميه
ذبلانه من كثر العطش ومطككه رجليه
هوه انه مومالت سبي ليش اصبحت مسبيه
يابس بحلگي الساني بويه الشمر طگاني
*
كلما يجرون الحبل يابويه اكوم اتعثر( 3)
مرات يفلت ونسي شكم مره اتيهن بالبر
أغفه ويرد ليه الوعي زغيرونه مو مالت حر
لوميته اشوالي وعلي ولاشوف زينب تنجر
موقف صدگ بچاني بويه الشمر طگاني
*
ماخله بيه ولاضلع كسرلي كل ضلوعي (4)
السوط من ينزل لسع بچه الصخر موضوعي
بلكوه اجركمت النفس تشرح الحاله دموعي
حط باله وياي الدهر طفالي كل شموعي
الماله اهل شمتاني بويه الشمر طگاني
*
سحلونه جدام الخلگ والناس كلها لتمت( 5)
نكسر الخاطر ياعلي بينه الغرب تتشمت
ويانه ماظلت زلم چاليش أكوم اتلفت
ماريد أطول بالحچي عباس عمتي انطگت
نجوم الضهر راواني بويه الشمر طگاني
*
(عاشق العباس حسين حميد)
نسألكم الدعاء
/channel/Housen_hamed_85
الى سيدي الامام الحسن المظلوم (ع)
ليش ناسين الحسن محد يذكره
لاعزاء ولامجالس تحيي أمره
نرجو حيل المعذره الشيعه كلها مقصره
*
واضح التقصير بينه يبو محمد نعتذر (1)
كلشي مامنطين لجلك ونته منطينه شكثر
من بعيد تكول هاكم هيجي تنطي بلا نذر
نذكرك بكل عام مره وتنسي وما تنذكر
يهدم الحيل الجره الشيعه كلها مقصره
*
ملتهين بدنيه غبره وماحسبنالك عدل( 2)
تيه السفان بينه ولخلگ ماتنحمل
كلمن وي فلان صار وصعبه يلتم الشمل
ماكو شراي لحجينه تخلبص اعلينه الغزل
صعبه نتوحد تره الشيعه كلها مقصره
*
سيدي المفروض كبرك ينبني ويصبح مزار( 3)
شكد هضيمه لهسه باقي وعشعش عليه الغبار
منين اجيبن ناس كلفه وتفزع بوضح النهار
تهدم عروش الضلام وينكسر هذه الحصار
وتوكف اعل الحد سره الشيعه كلها مقصره
*
صنته ماواحد يزورك واليزورك من بعيد( 4)
حاوطوك بناس تكره تعشك الدم والحديد
بلايه غيره ولاكرامه وللفلس صارو عبيد
همه وي بليس رفگه وسارو بمنهج يزيد
وراسك اخوك ومنحره الشيعه كلها مقصره
*
ايسينه وماكو فزعه حيل ابوصالح تعب (5)
ماشبعتو نوم اكعدو يله ثورو ياشعب
خنه نتعنه البقيع نشيد المرقد ذهب
هاي وادم مونضيفه حته ماتسوه العتب
گبره ليش وي الثره الشيعه كلها مقصره
*
(عاشق العباس حسين حميد )
نسألكم الدعاء…/channel/Housen_hamed_85
القصيده كتبت عله لحن (هلا بيهم زوار )
أحبتي القرائه تكون( بالجواب )
أفطن يل موالي وستمع زين
مايسوا العمر من دون الحسين
عوف الدنيه والبيها ودمعتك لاتغليها
*
مبخوت اليحبه حسين يخلص سنينه بالخدمة
بكتاب الزجيه اهناك خادم ينكتب اسمه (1)
يجي بيوم القيامة بخير تركض فاطمة تشمه
يفوت اعل السراط بزود يسير عل خلك نسمه
ابالك چلمة خليها ودمعتك لاتغليها
*
لاتبخل عله وليدي خصوصآ لو نعه الناعي (2)
مايخلص حچي الوادم اهواي المالهم داعي
من تصيح يامظلوم حيل تخفف اوجاعي
الماعايش فگد غالين مايفهم حچي الساعي
العقيله بحركه واسيها ودمعتك لاتغليها
*
رزق خدمتنه آل البيت موكل واحد نجيبه( 3)
تحفض بالمجالس حيل وترك كل حجي الغيبه
وگبل لايبتدي المجلس كون تعيش المصيبه
يفرح حيل ابو السجاد اذا كثرت معازيبه
ولجل حسين صفيها ودمعتك لاتغليها
*
تواضع والتواضع حيل عدهم يرتفع شانه (4)
ولاتحجي اعل هذه وذاك هلاك ابنادم السانه
رايد تكبر ازغر حيل وعوفك من حچي الانه
واليخدم لبو السجاد يبقه حسين عنوانه
المواكب لاتعاديها ودمعتك لاتغليها
*
بطراف المجالس صير وصبر من يغثونك( 5)
وسجلهن وقف لحسين كلما هلن عيونك
تعلم من وفه العباس وعاشر وادم بلونك
ولطم لطمت العشاگ لحد ماتتعب متونك
نار الخيمه طفيها ودمعتك لاتغليها
*
عاشق العباس حسين حميد
نسألكم الدعاء…
/channel/Housen_hamed_85
انه العباس وين يفرون
راح انهي الجيش وخيال ام عون
*
العلكمي مجتف اجيبه بيه ضنكم لايخيب (1)
اترس الكاع بجثثهم والشمس منهم تغيب
بكل كتر راح اطلع الهم وكلب الحومه نحيب
العنده اخو مثلي يتباها ياهو كللكم غريب
انه العباس وين يفرون
*
اخسف الحومه من اطبن والزلم تلبس عبي (2)
تبقا بحماي العقيله ياهو كلكم تنسبي
سيفي باشط ع النواصب راح يسبيهم سبي
الجاي يتمشه اعل طوله اليوم يتمشه حبي
انه العباس وين يفرون
*
خويه زينب رفعي راسچ يابعد روحي وهلي( 3)
انه هذه وذوله اخوتي نروحلچ فدوه وعلي
سهمچ الراحه وغلاتچ يل عقيله تدللي
عمره ماعاش اليغثچ واليغثچ يبتلي
انه العباس انه العباس
*
من زغر موتوني اكيف من يمر طاري النزال( 4)
الكنطره لي هسه ترجف والنهر يصرخ تعال
اليوم اطب بكل شريعه وكلب الخابط زلال
وترس الجربه اعل كيفي وكهوة اخدر بدلال
انه العباس وين يفرون
*
ابن ابوه الكال يوصل والوصل ماله عذر( 5)
للحرب دكيت صدري وهاي ساعات الصفر
زامطت وبعالي صوتي الزلمه يوصل للخدر
حان وكتي وهذه يومي اليوم اگص راس الشمر
انه العباس. وين يفرون
*
(عاشق الامام العباس حسين حميد)
نسألكم الدعاء
/channel/Housen_hamed_85
السبب بينه احنه ناسينك
علينه يل مهدي الله اليعينك
سيدي عذرنه هوايه قصرنه
****
احنه يوميه برمح نطعن دليلك (1)
وبصلافة عين نوكف نندعيلك
علينه من كثر البچي ناكع شليلك
انام مرتاحين ونته تسهره ليلك
لهسه ماتبنه هوايه قصرنه
****
انته ماعايز جرح وجروحك اهواي( 2)
توصل لحد لعطش ويلچمك الماي
لوندعي من كل گلب چا عجلت مولاي
خايف تجي سيدي ونصيح المن جاي
نعترف ضعنه هوايه قصرنه
****
مانلومك سيدي لو تبچي من دم( 3)
لهسه بالك بي حرگ من المخيم
ندعي يوميه اللقائك ونته تعلم
محد بدونك يمهدي بينه يهتم
نعرف تحبنه هوايه قصرنه
****
راح اذكرك بالخيم والصار بيها (4)
عمتك من الضرب راحن اديها
خيمه خيمه والزلم تفتر عليها
يابوفاظل حشمت بس مايجيها
مصابك يهمنه هوايه قصرنه
****
يعينك الله سيدي بكل مغربيه (5)
من يجي ابالك ضعن ذيج السيبه
تسمع اصياح وبچي سكنه ورقيه
مچتفات وغـربـن وي آل ميه
عايش بمحنه هوايه قصرنه
****
(لعاشق العباس حسين حميد)
نسألكم الدعاء…
/channel/Housen_hamed_85