https://youtu.be/1NmfIgTWMH4?si=KhD-VMZzSVLMyE_h
Читать полностью…
https://youtu.be/n5c3QSb_dQw?si=PpxUrSSbiyuvTyrm
Читать полностью…
https://youtu.be/DUogV5uDHX8?si=w88yKZiN9H1dCpGl
Читать полностью…
https://youtu.be/p_yrjvTMq4I?si=RHHHBMzMyjA3SLd1
Читать полностью…
https://youtu.be/URdCt5nKAB0?si=KcxTWr3vX77C1Dcm
Читать полностью…
مشاهدكم تئذيني
ضريح الها بوسط عيني
عقيدة دمعي ابجيها
بدموعي يكتمل ديني
شبر اعله الارض صارت لگبور
ومحد يعتنيها والها يزور
اهل البيت صفوا تالي ابلا بيت
وبلايه شواهد ضلت دور
ياگاع بله استحي
من اگبور آل النبي
عندچ چم طالبي..بالغرقد
حجارات اعله الترب
والعين الهم تصب
ساده وچنهم غرب..صار شگد
بالعين باتت هل صور ما تضيع
ماعدنا مطلب غير نبني البقيع
___
بدعاء الندبه من اقره
عجل ياولي الثار
شيهيجك من بعد الطفوف
وتنضر بالبقيع اشصار
السادات البريه ألهم يزداد
عبدك يندبك اسياده ابعاد
حنت روحي رادت كون اتطوف
من مأوى الحسن المأوى السجاد
عجل يبن الحسن
ثارات الكم بقن
مايمحيها الزمن..شگد صبرك
اطلب ثار الحُسين
واطلب دم الجنين
والغرقد ضل حزين..ينتظرك
واطلب بسيفك يالثار الرضيع
ماعدنا مطلب غير نبني البقيع
_
شكثر ثارت مضمومه
تشب نيرانها وتنعاد
ماتبرد ترد كل عام
جمر يلهب تحت لرماد
انگلبت بالمضايف عدنا دلال
وما نعدلها اله انعدل الحال
لخاطر فاطمه تگصد وتنوح
مكسورة گلب وبضلع المال
فاطم تگصد تون
ام تنعى اچم ابن
شعنده اوياهه الدفن..شراوها
لو چثه اعله الثره
لو ماكو مگبره
والجرح شيجبره..واذها
وچم مشهد اليلچمها تنضر فجيع
ماعدنا مطلب غير نبني البقيع
_
يضل مطلبنا حي للدوم
كلمن حق اله بدينه
وعگدنه اروحنا بهل يوم
روح وهمه شدينه
وصرختنا التهز عرش الطاغوت
أقبل يبن فاطم صحنا بصوت
عندك للبقيع ازلام اهواي
الشيعه توحدت ما همها الموت
بچفك اعظم نصر
بيرغكم ينشر
وتنهض من الگبر..انصارك
الغربه بجفك تزول
ها ياروح البتول
غيبه وماچن تطول..الثارك
مادام اكو طلاب حگ ما يضيع
ماعدنا مطلب غير نبني البقيع
__
حسين سعد البهادلي
/channel/Hussein_s_b
اخر نداء انسمع..ومن بعده كلشي انگطع
حيدر نادآه..فُزتُ ولله..ومحرابه بيه انفجع
الماكو اغلى شي من عنده
كملها گوه السجده
وتفايض ادماه..
هدموا الكون بطبره
ومو ركن طاحن عشره
ودين الله ينعاه..
واقع!حلم؟هذا الصار
محمول يوصل للدار
وزينب گلبها المكسور
مايحتمل هيج اخبار
الداره رد ابلا عمامه..وما كمل حيدر صيامه
___
گال امهلوني اوكف..يم بابه لونه نخطف
ليش ينشدون..وتغير لون..وجه علي وگلبه رف
زينب يگلهم زينب
كافي گلبها تعذب
من امها لليوم..
وخايف تشاهد حالي
وتموت بنتي گبالي
وشتحمل اهموم..
شلون القلع ذاك الباب
بالگوه يمشي ومنصاب
لو تنشد شدار الحال
ياهو اليردلها اجواب
راجلعلي موش ابسلامه..وما كمل حيدر صيامه
__
توسد فراشه الامام..وبالكوفه خيم ظلام
ضجت دنياه..وگامت تنعاه..ابدمعة ابلغ امن الكلام
وكل الخلق مذهوله
الطايح علي معقوله
وبيه راجت الگاع..
وبدمه صار اخضابه
آه ياعلي ومصابه
چن حان الوداع..
بعصابة الزهره ايريد
يشد الجرح بلكي يهيد
من الألم حيدر گام
يقبضها ويسبل الايد
وانكسر بيت الأمامه..وما كمل حيدر صيامه
__
ايتامه كلها اعتنت..يم داره من اوكفت
حسين ينشدون..يبچي ويبچون..شالت دمعها واجت
بعبره حچو مذبوحه
شنهي اليطيب اجروحه
وبالروح نفديه..
حيدر اذا ينضرنه
بلكي يبطل ونه
وبلكت نداويه..
حگ يطلم الكون اعليه
ونوح العمر ليه نگضيه
بهل نايبة هذا اليوم
نفرع الروس وننعيه
وصَبحت كلها يتامه..وما كمل حيدر صيامه
___
حسين سعد البهادلي
/channel/Hussein_s_b
ياكلبي شتريد
ميته المواعيد
شتتنطر اخوان
ودربك صفه ابعيد
شتترجى تشوف حسين بعد ياكلبي ماينشاف
العفته اعله الترب مطروح هوه المثله هم ينعاف
سنه ونص مابجت غيره عيوني وماطبكت اجفون
وهاي اخر ايامي النوح اموت وجرحي ماينراف
حايره.. شلون ابجي لو تغمض عيني
حايره.. خاف اموت وما وفيت حسيني
حايره.. بلحدي مايحضرني المبچيني
____
لو يحضر حسين
ويغمض العين
بيده يگلبي
چا عفت الونين
ابطل اونيني لو تحضر الدفتني منگبه الخوان
لأن وحشى الجنازه تصير المو من ناسها الدفان
واني بنص غرب شمات تكره طاري علويات
شضل والغربه موش احنان بعقيله هاشم وعدنان
وينك.. اجتاف معتازه الجنازه بدونك
وينك.. حسين يلشايلني وسط اعيونك
وينك.. هذا نعشي وانت وين امتونك
___
هل دنيه دارت
وبالغربه صارت
اخت الميامين
او حدها ماتت
بعد ياكلبي شمتاني اوكف بلكي هسه ارتاح
حتى بموتي ماحضرو هلي ومحد لزينب ناح
لاجنازه لا فزاع لا رايه الساده شلون
المثلي من تغرب كون عليها الدنيا كلها صياح
الساده.. ليش ماحضرو العمت الساده
الساده.. هاي ماعدكم جرت هل عاده
الساده.. بسكته ميتكم دفنته وناده
_____
تتأمل ام عون
اخوه يشيعون
مو تغمض العين
وغربه يدفنون
شلها الغربه ويانه محد موتته براحه
لو عطشان لو مسموم لو نار احرگت راحه
ومحد مثلي صار اوياه بسبي انعگدت اديه عالنوگ
ومن اهله مشه گوه ومحد من مشه ناحه
ايامي.. هاي هيه وهل گضيت ايامي
ايامي.. انتهت من صارت رماد اخيامي
ايامي.. متت من ذبحوا اخوي الضامي
___
حسين سعد البهادلي
/channel/Hussein_s_b
https://youtu.be/tUML-sAdROQ?si=GhdOLfPUUUfPmkfw
Читать полностью…
اذا ضاعت علي روحي وتهت بين الاسامي
اذا نيتي حواها الشك وبعد ما الها حامي
اشد نيتي بعلگ بخته ورد اگصد امامي
امان الروحي شباچه
شما ثگلت محاملها
وريث الكاظم وعطفه
غطة دنيانه بكملها
المالها ضمان وحل
بيده القاسم يحلها
يا قاسم ايمان الناس ..ورزق الخدم من عنده
عاده الكرم بيه والجود.. من والده ومن جده
صك الخدمتي رايد ... اليمدله چف ما رده
ماخاب من توسلَ وجاء
ياقاسم الايمان والعطاء
___
شكثر دگيت بالبيبان ولا باب انفتحلي
بسبب طبعي وعظم ذنبي وجهلت بطيني وصلي
وشفت باب الرضا ودگيت العفو طبعه وسمحلي
رؤف ورئفته تشبه
حنان ورئفة السلطان
واذا يطردني كل الكون
بحضرته الروحي الگه امچان
عدم مالي اسم لا لون
وبجاها صار الي عنوان
ابابه اختم جفه روحي.. ويخلقلي عمر ثاني
وعر دربي وضعيف الحال..وخذت من سيدي ايماني
سلمته الامر مولاي .. ومثل ماراد سواني
وفي رحابه منتهى الجفاء
يا قاسم الايمان والعطاء
____
اخو المعصومه يعصمني وشفت غاية خلقتي
اذا مو عصمته مولاي اضيع اني وخدمتي
واذا جدمي عثر فد يوم يجي يمسح عثرتي
بجلاله وبجماله اسرح
وسلطنتة هيامي
خسف نور الكمر حسنه
وضواه فزز غرامي
وصبح وردي حروف اسمه
بصحوتي وبمنامي
الصبح ساقي بثواب اهله ..سقاني من بحر جوده
بوكت مامش جفوف تگود..بس اجفوفه ممدوده
لزم ركن الدمع بالعين..واني اركاني مهدوده
وصرت استحيه في الخلاء
يا قاسم الايمان والعطاء
____
تكفل غربتي وتترس هل دنيا غربته
احسن روحي بين اهلي من ادخل حضرته
مو بعمالي اگصدله . اگصدله برحمته
حشود ابابه تتوسل
ويمد ايده السخيه
العبد بعتابه لويسجد
وطلب منه عطيه
بمصابة الي يتوسط
الليالي الفاطمية
اجيته استجدي ادموعي..بليالي الزهره ينطيني
عهد دمعاتي شديته..بشباجه وملك عيني
وجمرت گلبي اتوسل ..ما تبرد على حسيني
نستأذنُ الدموع والبكاء
يا قاسم الايمان والعطاء
___
حسين سعد البهادلي
/channel/Hussein_s_b
#شهادة_مولاي_قاسم_الايمان_والعطاء_ع
https://youtu.be/rUq_uUwRgRg?si=nFdVX1W8YlljPK48
Читать полностью…
https://youtu.be/WjGSxTcKZPI?si=9FpekjRjOD8Rp9P2
Читать полностью…
فإن مات او قتل تندثر كل وصية
وينسي ما أمر وشوصه بالزجية
باب الزهره يگلهم بابي
وهل باب ل الله اقرب باب
ويُئذيني كلمن اذاها
وحجاب الباري الها حجاب
حچي النبي اخضر بعد وباب ام ابوها احترگ
ومثل الجفن عالضلع بجذوعه من انطبگ
ويرفس برجله الحقد حايط وجذع انشبگ
قالوا وإن ..للزهراء
محد يحن..للزهراء
وسطروا جفن..للزهراء
يازهراء
نسوا ما قال طاها رضا الباري رضاها
__
انهتك ستر النبي وبعده مُسجى بعده
حرمته مارعوا والزهره ما بچته
مالحگت تدفن واليها
واصحابه هدوا بالنار
توها تريد تحامي المُحسن
وتلاگت وي البسمار
لمو احقاد وحطب ودخان غطه السمه
وبيا ذنب يحترگ دار النبي بفاطمة
وبدم جنين ام حسن الحايط تخضب دمه
حيره ابتدت..للزهراء
ونار اوصلت..للزهراء
وگلب احرگت..للزهراء
يازهراء
يأنُّ لها لظاها رضا الباري رضاها
__
بأهل بيت النبي محد حفظ گرابه
ولا چنه نصح ولا سمعت الصحابه
أمنهم بكتاب الباري
وشگد وصه بأهل البيت
ومحد يـتئمن بس حيدر
اوصلت حدها لدوس البيت
صُمٌّ وبُكمٌ عُمْيِ الگالوا محُمد هجر
ونفسه الحچه اعله النبي ابابه اشتعل غيضه شر
وبس چف علي ونجتف وبوصيته ظهره انكسر
وحيدر صبر..للزهراء
وشاف العصر..للزهراء
وگلبه انفطر..للزهراء
يازهراء
فحيدرٌ حماها رضا الباري رضاها
__
قسى هواي الزمن والزهره عذبوها
امنعوها امن الدمع وما رضوا تبچي ابوها
ماقبلوا تبچي اعله مصابه
وسلبوا حگها شر الناس
مازالت من بعد الهادي
اعله فراگه متعصبه الراس
وبيها جره اعظم جرم ضلع وابن فارگت
وصارت نحيلة جسد ومثل الخيال اصبحت
واعله الهضمها اندعت والربها فاطم شكت
والله غضب..للزهراء
لو غيضه صب..للزهراء
كونه انگلب ..للزهراء
قضت تشكوا اذاها رضا الباري رضاها
___
حسين سعد البهادلي
📜شهادة النبي الاعظم والهجوم
على دار الزهراء صلوات ربي عليهم
/channel/Hussein_s_b
شالت راية عمها.. وشكت الها رقيه
كفالج چا وينه..ابو النفس الابيه
يارية شخليتي ..فوگ النهر رميه
وتسولف بقهر .. من ذكرت النهر
وتحچي معانات الهاشميات
من غرّب الگمر .. كلشي اله انكسر
والتحدي شمات بالفاطميات
يارايه اعله عمنه كاتلنه الحنين
من اليوم التركنه ماغمضنه عين
البوجودة يناديني بأسم الدلال
ياقُرةَ عَينَ فاطم والحُسين
_
تعثر وتچيهه ..راية گمرها تجوه
والدرب بحسراته..هل راية الها سلوه
وتتذكر ايام ال..عمها گضتها حلوه
من فيه والدلال .. للهزله والحبال
من غمض وطاح راح الخدر راح
ماضل عليها حال .. راعي خدرها شال
والحادي ذباح وصاح الأسم صاح
وتگلها يرايه يالضلچ امان
من چتني بمتن عمنا ومن عمنا چان
لاضيم اليمرنا لا مرانا خوف
فارگنه وتركنا ديره امن الحنان
__
ضلت طفله ورايه..ودمعه تخط غريبه
المارف بيرق الها..بين العرب مصيبه
تالي اضعون الكافل..ابلايه الكفل عجيبه
فوگ الارض هوه .. وفوگه هوه اللوه
وتندب رقيه عم رد اليه
شسويتي نينوه .. بفد ساعه وسوه
خيام العليه طاحن سويه
يسبوها الي مالها عم وعلم
التفارگ خيمها كل عزها انهدم
ونگعدت حبال بچف اترف خلق
وهاي اعظم مصيبه ياهاشم وألم
____
يارايه تگل الها ..فيّ على الضعينه
يالعطرچ من عمنا..كفلينه للمدينه
رفي شما رفيتي..نستشعر السَكينه
ياريه ننسبي .. وبچف الاجنبي
نمشي بلا راي ولاعدنا حماي
جم حرمه للنبي .. كافلها طالبي
فارگها عالماي وتعطش أله اهواي
مايرهم ضعنه ابلا راية وكفيل
وينشف الدموع البفراگه تسيل
لاعشنا بأمان ولاشفنا الامان
من عگب الكفلنه ندور دخيل
_
حسين سعد البهادلي
/channel/Hussein_s_b
#شهادة_مولاتي_رقية_ع
گعدن عمه خلي احسب ضعنه
صار هواي نمشي وما كعدنه
مو من الدرب من فگد الحسين
ماضل حيل بينه شكد تعبنه
اگعدن خلي اعدد بالاسامي
بعد ماحاجه اضم بيهن وحامي
طلعن لمن احترگت خيامي
گعدن عمه عالرمال..وانسن ايام الدلال
___
اكعدن هاي هيمه مو صواوين
انسنه الدلال وفي الحسين
بسكته ابچن يعمه هواي الدموع
حلات الدمعة التطلع نياشين
فرصه وخلي نبچيهم اهلنه
ونذكر من وطنه شلون شلنه
وهسه شلون ضل مايل حملنه
نبچي الضلوا عالفرات..واحد واحد منه مات
___
اگعدن خلي نتذكر خدرنه
ومن چانت الرايه بچف گمرنه
ومن چانت الي كلمه والي شان
هسه وين اجينه اوين صرنه
اكعدن بلكي عمه تستراحن
اجدام النوگ من الممشه طاحن
تعب مدري علينه بهضم ناحن
حتى الناگه بلايه حيل..شويه ارتاحن هذا ليل
___
اكعدن لا تخافن عمه نرتاح
ونتخيال اجساد تصير الارماح
بفيّ راس الولي نگعد مئمنات
بس راس ويباري الگام والطاح
التمن عالرمح كلچن عزيزات
راس حسين يمنه اليوم خيبات
وهاي عيونه تنضر للغريبات
وين ارقيه خل تجي..وياه انموت امن البچي
__
اخر گعده هاي تغير الحال
امرنه مو بيدنه بيد جمال
هيج يصير بيها المالها اخوان
وتعوف اعله الثره 18 خيال
كعدن خلها تشبع شوف العيون
سفرة موت وهواي اليموتون
ودعنها وتودع رايده ام عون
باجر نرجع للفله..وتبعد اكثر كربله
___
حسين سعد البهادلي
/channel/Hussein_s_b
https://youtu.be/jqWecQcRFjI?si=GlPpno35PsZhC4iY
Читать полностью…
https://youtu.be/smoNyXEZH-k?si=MDMvCRVlhRxN797l
Читать полностью…
https://youtu.be/lGA7q4C1j3s?si=-4vhfWE_Unc5yZfA
Читать полностью…
https://youtu.be/owahCP71N8c?si=OoE0zYZNkJ4Zjg8c
Читать полностью…
https://youtu.be/TywnoErjpjA?si=OoE3giKVJSZtfm6n
Читать полностью…
گأني بالعقيله حين عادو بأمير المؤمنين.. ع
ونت وصاحت يالمجبلين
هل شايلينه اوياكم امنين
اسمع اصياح ونوح صوبين
خاف انطبر عودي يطيبين
ماشفت خير بدگت الباب
من ساعة امي وگلبي منصاب
لهاي اليتيمة رجعو اجواب
وماجاوبها الحسن وحسين
يابويه ياعلي.. يابويه ياعلي
__
طب الحسن وبدمعته يصيح
عالباب گام يگوم وطيح
هذا ابونه الدمه ايسيح
ومتخضبة شيبته بدماه
عباس جاوب خويه عباس
شهل صايحه وتتثاغب الناس
كلها يزينب صابوو الراس
ويلاه يخويه صيحي ويلاه
يابويه ياعلي.. يابويه ياعلي
__
جابوا طبيبة الي يداويه
يسبلهن ويقبض علي ايديه
وبان الوجع مكلف مأذيه
وتغير وصار اصفر اللون
نشدوه وزينب تسمع الگال
اصواب ابوكم چنه چتال
بياحل صرنه تگول يا حال
اليموت ابوه ولده يموتون
يابويه ياعلي.. يابويه ياعلي
__
من هسه راح اصبح غريبه
الله يزينب هل مصيبه
لوالدچ مايگدر طبيبه
وتوادعي اوي الوالد ابساع
چنه اليتم يطلبني طلبه
موت الابو يخواني غربه
من بعد ابونا العيشه صعبه
وياه كون اندفن بالگاع
يابويه ياعلي.. يابويه ياعلي
_
اولاد بس الزهره يبقون
گلهم علي والباقي يمشون
وعباس دم صباها العيون
وكله يعين الزهره رد وين
جاب ايده حطاها اعله ايدي
عباس الك زينب وصيتي
اكفلها وارتاح ابمنيتي
وغمض حسين اعيون ابو حسين
يابويه ياعلي.. يابويه ياعلي
__
غمض اعيونه واليتامه
ضلت عليه تلطم الهامه
علما كمل وسفه صيامه
جن وانس حگ تلطم اعليه
خلي العمر ليه لطم خله
الماله علي بالدنيه شله
ركن الهُدى هل طاح كله
الليله النبي بحيدر نعزيه
يابويه ياعلي.. يابويه ياعلي
(تهدمت والله اركان الهُدى)
_
حسين سعد البهادلي
/channel/Hussein_s_b
احسب لياليه العمر.. وشكد اتاني وانتضر
ارجع اعد لو هل سنه.. مكتوبه ازور ام الخدر
بعيني انرسم باب الجزع
وعيني اله ما تنطبگ
تسولف إلي ناس المشت
واطفه بحجيهم واحترگ
چفني يتفجر
بدمعتي وگلبي تفطر
بحسرتي وجروحي تكبر... اااه
حرمان اعيشن
كل سنه بس اني اضلن
انتضر ودمعاتي صرخن... اااه
كل عام يمضي واني عيني عالدرب
ياهو اليجر ايدي واطب شام الغرب
___
دعوه ردت مره انطلب.. يم عون اطبن حضرتچ
وشهگ مثل كل الخدم.. بعبره امن شوفن غربتچ
ابابچ نياشين ارد احط
وبچي مثل بچيي الطفل
وايديني امدلچ مثل اسير
وبچفوفي معگود الحبل
واتبع اثرها
وكفتچ من شفتي مرها
وحسرتچ بطبت قصرها... اااه
ولبن الدعيه
ماثله بديوان اميه
ياحرام وگالوا سبيه... اااه
اطهر صلب واشرف عقليه وبنت امام
تدخلت على قصر الدعيه.. يا حرام
___
اسمع سمع ماشيفه.. كالوا عليه اكبر مصاب
تهظم وكفته وطبته.. شام الخرايب والعذاب
بعفتها داست عتبته
لا مو گدرها وگفته
عگب الكفاله والخدر
لاچف اخو ولا رايته
عگب الكفاله
للسبي يكطع وصاله
الهاشمي وضاعت عياله... اااه
رادت تشوفه
ونتخت يرجع چفوفه
بالهظم تنخه بحروفه... اااه
تدعي الله بلكي بچف اخو بجيت الظلام
يرجعها من شام النوايب للخيام
___
گالوا وحيده وانتخت.. الحگو علي ها يخوتي
وين العشيره والاهل.. بالشام اموت بغربتي
لا صايح ولا اكو لطم
تريد بدفنها هاشمي
وتتنگب الساده وتجيب
ماي الغسل من العلكمي
محد حضرها
بس علي بنزلت قبرها
كافلي نادت خدرها... اااه
وحده دفنها
ونكسر يلچم متنها
الترب وغمض جفنها... اااه
ينوح اعله عمته ومايحصله مُعين
ياربي ازورن وابچي اريد اخت الحُسين
____
حسين سعد البهادلي
/channel/Hussein_s_b
وين اليوصل هل خبر
والگلبه لضعوني انكسر
بحينا يفزع لو وصل
حيهم يعدنان ومضر
يهاشم عفت علويه
يگلهم مشت مسبيه
ومن الضيم محنيه
مشت من العراق وگاصده ارض الشام
بضعنها مو هواشم تحدي الضلام
الصار بكربله ماصاير لهل يوم
علوياتكم تنسبي وعين تنام
حيهم يابني هاشم .. حيهم يابني هاشم
_
وين اليطر درب الصعب
وعيونه الحالي تصب
يبلغ عمامي بحالتي
شلون القصر لمن اطب
يگلهم شنهي ضملي الشام
يضربون الگعد والگام
محتاره بضعن لأيتام
محتاره بضعن ايتام اخوها حسين
لاحدايهم لا حالهم ضل زين
عمت عيني عليهم كلها عمه تصيح
وين حسين ابونا وعمنا راحو وين
حيهم يابني هاشم .. حيهم يابني هاشم
___
وين اليوصل نخوتي
ويگصد يحشمها اخوتي
لديوان ابو طالب يطب
ايگلهم حرمكم بالسبي
عفتهن لا نشد بيهن
بحبل مشدوده ايديهن
انشدو واحچي اشبيهن
بخرابه يگعد بنزلتهن امن النوگ
لاضل قصر ماطبن ولا ضل سوگ
انتخن بمحمد وهل جاي متعنيه
يلحگ بالفواطم لو رگه السبوگ
حيهم يابني هاشم .. حيهم يابني هاشم
____
وين اليشگ زيجه ويصيح
لمحمد احسينك ذبيح
شيخ الهواشم بالفله
وسجاده ايگوم ويطيح
وعلى زينب الكون اندار
بلا رايه بقت لا دار
انتخت ها يبن حامي الجار
تنادي ياهلي ومحد يحاجيها
غريبه ضلت وياهو اليحاميها
اذا ماتلحگ الها تموت برض الشام
اسرع يا اخوها وگوم رد بيها
حيهم يابني هاشم .. حيهم يابني هاشم
__
اسبگها ياخوها الشكر
عدكم عقيله بنص كفر
ماتت رقيه ولا تموت
بشام النواب تنتضر
عازه تنادي للخوان
عقيله هاشم وعدنان
امن الداخن للديوان
هاي اخر ايام ديون للخوه
راح تموت يم المالها امروه
الطمو اعله الغريبه المالها فزاع
ابعيده اعله الاهل لوغمضت گوه
حيهم يابني هاشم .. حيهم يابني هاشم
__
حسين سعد البهادلي
/channel/Hussein_s_b
https://youtu.be/-JghhfTTHtA?si=z3ATjskUYZbO3V47
Читать полностью…
https://youtu.be/NITZq--Uv3c?si=dffa6fx3P6fgy5EJ
Читать полностью…
https://youtu.be/BgICU4FLyGo?si=QJM8kft_l-g32Ii5
Читать полностью…
يمه زينب تعالي… الماحجيته ارد احجي
مجبوره يم حيدر اسكت..ينهضم ما اگدر اشكي
عن كلشي خليني اسولف ..والگلب خل يتصبر
البسمار لمن اجاني ..بوليدي مدري شكسر
بضلعي مافكرت لحضه
وفكرت بالما اعوضه
المحسن امن يدي فگدته…بيش اعوضه
بحشاي حسيت بعذابه
وعرفت من رفسه صابه
هذا بسمار المنيه…يمه عرضه
محتاره بين الضلع والشهيد
ايد اعله ضلعي واله انطي ايد
والنزف ماخذ حيلي ونحنيت
والدنيا جارت مدري شتريد
_
من رفس بابي عليه..وامر عبيده بضربي
بجذوع بابي الوذن..ويايمه يرجف كلبي
فاطم يكلوله واسمع..كلهم (وإن)ماعرفني
ماهمني يمه عصرهم..بس محسن الي هضمني
من طاح يايمه عذابي
ومن دماه اتحنه بابي
طحت وي طيحت جنيني ..شكد هضمني
المارحمني من ضربني
من ضربته للگاع ذبني
وهمي چان بعيني اشوفه..همي ابني
وحيطان داري بيها اثر دمه
والعين من سطرته امورمه
لا رعوا حرمه لا رعوا حجاب
هدت علي عصابه مجرمه
_
باخر انفاسي شصيحن..ودخان خانگ ريتي
ونيران داري شفتها.. طالت ادي وبيتي
ياعلي شكد ردت انادي..واعرف علي تعرفيني
ينكسر لمن اندبه..وهل صحت فضه اسنديني
ادري ماتقبل حميته
لو سمع تنخاه ام بيته
وعلي مجتوف بوصيته..وما صحتله
الشهم لو ما اخذ حيفه
يموت بين اچفوفه سيفه
وغيرته تذبح ابروحه….لو تكتله
حيف الزمن وي علي هيج دار
مجبور ما يلزمه ذو الفقار
ومجبوره ما اتنخه اني بيه
چا صار جرحه بطوله يمه صار
___
ياغربتي بداري احسها..اصبح غريبه بداري
يايمه باجر تشوفي..شنهي العنيه بالصحاري
سمعي يازينب وصيتي..وشوفي هل نار وحطبهم
باجر احسين وعياله..هم تجي تحرگ خيمهم
هل نار ما ترحم خواتچ
تشتعل يمه بخيامچ
وكلها غربه لو ركضتي..بالصحاري
جرح واحد آنه بيه
وبحسين الف وتسعميه
گبالچ ايطيح وتعوفي…بالبراري
خيل وزلم عالخيم من تغير
لاترحم اچبير ولا زغير
وما تعبر الطايح تدك ضلوع
وماتعرف شداست ارض؟امير!
___
حسين سعد البهادلي
/channel/Hussein_s_b
خويه اجينه
گوم خويه اتلگه اختك
يالرحت عنك وصلتك
گوم شوف شصار بينه
مو مثل مارحنه جينه
لاتنشادني اعله حالي
حالي يغني عن سؤالي
وتشرح الحاله الضعينه ..خويه جينه
شتنشد اعله مدللاتك
هسه احسبهن بناتك
واكتفي بس بَسكينه..خويه جينه
لاتناشد عن رقيه
لاتناشد عن صفيه
وعن شريفه وخوله وين
خويه عفنه بكل بخرابة
اطفال عندك ميتين
اطفال ماتو ودفنتهم
اطفال خويه ضيعتهم
اطفال تاهو ياحسين
وبس دمعنه بمثل مارحنه اجينه
وناگع الهدم ابچينه..خويه اجينه
والتقينه
خويه مثل اللهفة ذيج
اركاض رحنه
وركض عالگبر انچفينه
والفرق نار وهزيله
كوه عالهزله ركبنا
وكوة نزلت الضعينه
افتحلي اديك افتحلي صدرك
خلي اشمك .. ارد اضمك..وما الجمك
ارد اعيدك اوصية امك
من بعد رحلة سبينه..خويه جينه
واخيراً .. راح نكعد يم اهلنه
واخيراً .. راح يتلملم شملنه
حسين وين الي كفلنه
شكثر مشتاگه العلمنه
لا روينه ابماي بعده
ولا التذينه بشربنه
شكد عطشنه
ويحرم اعلينه اذا غيره طلبنه
حسين وين الكفلنه
گوم خويه انطينه اديك
وخلي نعرج للمدينه
وهيه حيرة شلون ننطيك الادين
تهضمك اثار الحبال
البسبي ربطت ادينه..خويه جينه
آه خويه كون تدري
الممشه گوه ابلايه رايه
التمشي لا طلاب عدها
والستر بس العبايه
تمشي سكته
تبچي سكته..الماله اهل يگضيها سكته
توسطت حيرة اعله حيرة
الروس كدامي خذوها
خويه وثمانين طفله سحگت دروب المنايه
شكد عفت خويه ورايه
المهم انته.
وما دريت اشصار بينه..خويه جينه
الشام ما خله النه حيله
ما بقة لا حيل لا لون
وانت شوف شصار بم عون
رحت منك هاشميه
ابابه سموني سبيه
نوب كالو خارجيه
واني ماريدن اهضمك يگصر الساني
بكلامي ..هناك عرفوها الاسامي
وكاموا يصيحون خويه بالاسامي
المهم يمك هل وصلنه
المهم يمك هل رجعنه
البيت ابونا عاد ردنه
وداعت امي شكد تعبنه
بدرب بيه ضاع الي يحدي
هيمه تكضي وهيمه تبدي
هواي صاير ماكعدنه
وگبرك مفيي علينه..خويه جينه
شلون اعوفك هسه گلي
شعندي اردن للمدينه
ياهو عندي المن اروحن
حسين ياكلشي بحياتي
وهسه ضاع امن ايدي كلشي
يا أمل خدري وخواتي
ريت اموتن يمك وانهي حياتي
ارتاح بلكي
وما اعيشنك عذاب لحد مماتي
بيك نبدي
وهسه يمك وانتهينه ..خويه جينه
____
حسين سعد البهادلي
/channel/Hussein_s_b
تنقل الرواية بلسان الحال..
عند وقوف مولاتنا عقيلة الطالبيين
عليها السلام
في باب الساعات و جاء ابن السيده
عفية العقيلية
بنت ابي طالب ليشاهد بمن جائو
فااخذ يتسائل حتى وصل الى
مولاتنا العقيله فبدء
بالسؤال من انت ومن اي بلد ومن معك..
آنه الجان اسمي الهاشمية
وإنه عمة شكو هنا فاطمية
إنه من نسل اسياد السماوات
وعليّ تسمع يصيحون السبيه
آنه البيه كل العفه تنقاس
واني الچفي من معصوم ينباس
إنه راية علي الرفت بالاخلاق
آنه الجان خادم الي العباس
آنه بت علي وبنت الزجيه
عقيله واحملت ثگل الرزيه
(وآنه العلي تنگال الخطيه)
إنه الماطالع خيالي على الناس
بليله ويوم صرت الخارجيه
آنه الطولي ابد ما لمحته العين
وآنه الطولي چان بطول الحسين
الدهر خلاني چلمه بحلگ شمات
عگب ما عفت اخوتي بصحره ميتين
آنه الي بخيمها نهبت الكوم
وصارت روحي مابين اخوتي تحوم
آنه المن صحت ادركني يحسين
شافت جثت اخوها اتطيح وتكوم
آنه الصبحت لا حيله لا راي
وآنه الي بعضوني تحدي اعداي
وكت خلالها زينب ترچب النوگ
عگب طيحتة كفيلي وچفه عالماي
إنه التفزعلي اخوتي گبل ماصيح
وآنه الهسه اميل بطگة الريح
آنه الشامخه بت داحي الباب
زمن خله العقيله تكوم وتطيح
لاتنشد علي وعن هلي وين
باوع عالرمح وتجاوب العين
آنه اخت العبرته تعيش للدوم
إنه خدر الذبيح الضامي حسين
تريد تشوف لو فزعت حيهم
تهتز روس اخوتي ابلا جثثهم
آنه اخت العوالي الفوك الرماح
يتشيمون لو كلت انه اختهم
خبر امك وخبر عمامك
وشك زيجك ييمه وشد لثامك
كلهم خالتي الجابوها للشام
الله وياي بلغها بسلامك
———————————
حسين سعد البهادلي
/channel/Hussein_s_b
گأني بحرم رسول الله تسمع عقيلة بني هاشم
تندب اخاها العباس في ليلة من ليالي السبي..
تمنيتك تمرني
بعينك يخوي تشوف..اللهفة ورجيف الخوف
وفراگك حرگني
يچويني بالشريان..ليطفيني چف اخوان
شلون اعقلها اني امشي وكافلي يضل عالفرات
شلون اعوف الدللاني واقتنع عباس مات
لحضه ماانساك وتغيب اعله بالي
شما اغمض عين بيعوني تلالي
شلون ترضخ زينب واذبح دلالي
كافلي من بين اخوتي وعم عيالي
من بعدك..ذبحوا حجينه..ومنعوا بجينه..خويه
منعوا بجينه
____
لو ساعة تجينه
تطفيلي هذا اليل..ومن حيلك اخذ حيل
وتباري الضعينه
تسكت لسان الناس..التنشدني يا عباس
التنشد العباس وينه الچان سترچ بالخيام
يحضر لسود اليالي ويكشف بضيه الضلام
عازه الك من روح مكسوره وحنينه
ردني ياعباس خويه للمدينه
بنار هجرك طحنه ورگه امن الضعينه
شيل جودك واسرع والحگ علينه
كفالي..ماتدري بينه..خويه انولينه..خويه
خويه نولينه
____
لو اگدر اجيتك
دربك عليه بعيد..وافرك قهر بالايد
من هضمي انتخيتك
يالتسمع الينخاك..عباسي اترجاك
انه اختك وانتخيت گوم عونه اختك تريد
روح وحده وياك عشته عمري يانبض الوريد
المن اسهر لو اباري انطيني حلك
هاي اول مره ماتحجي امن اسئلك
اختك وحگها لون خويه نختلك
گلبي ياعباس مو ريجي العطشلك
ماريده.. الماي اني اريدك..وياعازة ايدك..خويه
ياعازة ايدك
__
من عفتك رميه
فوگ النهر مطروح..ذابحني يالمذبوح
يسموها سبيه
المو چف اخوها يشيل..عنها الحمل وتميل
اني اجيت بعضن كافل بشاربك خويه اجيت
شلون ترضاها اروح ميسره وعنك مشيت
هذا ضعنك هاي تنشدني اليتامه
مارجع عباس عمنه بالسلامه
شرد اجاوب شرد اكولن ياحمانه
وانت كاسر كلبي وحسين وخيامه
بس ساعه..ترجع كفايه..وشيل النه رايه..خويه
شيل النه رايه
___
ماتدري شجرالي
من عفتك ابلا وداع..ضعت وضعنكم ضاع
انشدني اعله حالي
سكته الدرب كضيت..يمنعوني لو ونيت
الماله اهل يكضيها سكته وجان اعظم ماشفت
كل عشيرة تريده اهلها واني من هضمي متت
رفرفت يمنا البيارغ وشفنه ضلها
وكل عشيره طالبت وتريد اهلها
بس ضعونك ماكو رايه تطالبلها
ولاكو واحد عنها يشند لا وصلها
شگد متنه..من ما اجيتوو..ولا ناشديتوو..خويه
ولا ناشديتو
__
حسين سعد البهادلي
/channel/Hussein_s_b
