31852
Хаётий ва Ибратли ҳикоялар... Хикматлар хазинаси... Инсон такдирини аччик синовлари... Hamkorlik va reklama uchun 👇👇 @Bronzam . . . . . .
Allohning eshigida sabr qilsa...
Fuzayl ibn Iyoz rohimahulloh dedilar:
- “Men sabrni yosh boladan oʻrgandim. Bir safar masjidga ketayotgandim, uyining ichida bolasini urayotgan ayolni topdim. Oʻgʻli qichqirib eshikni ochib qochdi. Ona uni orqasidan eshikni qulflab qoʻydi. Qaytib ketayotganimda, qaradim. Bola onasini rahmini keltirib ozgina yigʻlagandan keyin eshik ostonasida uxlab qolganiga duch keldim. Onaning koʻngli yumshab unga eshikni ochdi”.
Fuzayl rohimahulloh bu gaplarni ayta turib soqollari koʻz yoshlaridan hoʻl boʻlib ketdi. Soʻng:
- “Subhanalloh, banda agar Alloh azza va jall ning eshigida sabr qilsa (noumid boʻlmay, duo qilib soʻrasa), albatta Alloh unga eshigini ochadi” - dedilar.
Abu Dardo roziyallohu anhu dedilar:
🍀 - “Duoda jiddu - jahd qilinglar. Kim eshikni koʻp taqillataversa, albatta, tez fursatda unga ochiladi..!” 🙂
📚 Ibratli Hikoyalar 📚
🍀 Sizga jahl qilmoqchi boʻlgan kimsa dunyodagi eng yaxshi inson boʻlsangiz ham baribir sabab topadi...
🍀 Sizdan ketmoqchi boʻlgan kimsa, unga qancha mehr-muhabbatingizni tortiq qilmang, baribir ketadi...
🍀 Va yana xuddi shunday, kechirishni, sevishni istagan inson unga eng qattiq azobni bergan boʻlsangiz ham sizni qalbida saqlab yurish uchun sabab topa oladi... Aslida sababni oʻzi kerak emas, unga bu dunyoda borligingizni oʻzi kifoya...!
Farqi sizning yaxshi yoki yomonligingizda emas, qarshingizdagi insonning oldida qadr-qiymatingiz neqadar va qanchalik ekanligida...!
📚 Ibratli Hikoyalar 📚
Бўлган воқеа: Қайноғасини севиб яшаган келин
Ўттиз беш йил олдин сочлари жамалак қиз эдим. Ўшанда ўнинчи синфни энди тугатган, ўн еттига тўлиб-тўлмагандим. Туман марказида яшардик, ўқишга имконим бор эди. Бироқ отам мени ўқитишни истамади. Оилада олти қиз эдик. Мен энг каттаси эдим. Улар мени узатишдан ўзгасини ўйламасди. Шундай бўлди ҳам. Совчилар келиши тўхтаб қоладигандай шошишарди. Бир куни онам келган совчиларни қайтарди. Улар қайта-қайта келаверишди, келаверишди. Ахийри ўғли билан учрашишга онамни кўндиришди. Учрашувга чиқдим. У пайтлар тўйдан олдинги учрашувлар урф эмасди. Кўпчилик қизлар номус қилиб бўлажак турмуш ўртоғини кўрмай розилик берар, суратини бир кўриб ё кўрмай тегиб кетаверарди. Шу боисми, кўришишимиз узоғи билан беш дақиқага чўзилди. Суҳбатлашиш, яхшироқ танишишга вақт, имкон қайда дейсиз. Бир-биримизни кўришга зўрға улгурдик. Етиб боргунгача оёқларим қалтирай бошлаганди, қаттиқ ҳаяжонланардим. Айтилган жойда бўйлари баланд, келишган бир йигит кутиб турарди. У ўзини Асқар деб таништирди. Қайтиб қарашга юрагим бетламади. Титроғимни сездириб қўймай дедим. Тезда хайрлашдик. Юришга мажолим йўқ — бахтиёр эдим. Уйга келиб онамга розиман дедим. Қароримдан ҳамма ҳайрон эди...
Давоми Бор
Ozgina tabassum 🙃
Ota farzandlaridan soʻrabdi:
- Xoʻsh... kimni koʻproq yaxshi koʻrasizlar, onangiznimi yoki menimi?
Bolalar:
- Ikkovingizni ham yaxshi koʻramiz!
Ota:
- Yaxshi, aytinglarchi, agar men Madinaga, onangiz Makkaga ketsak, qaysi birimiz bilan ketar edingiz?
Bolalar:
- Oyimiz bilan!
Ota:
- Demak, onangizni koʻproq yaxshi koʻrar ekansiz-da?
Bolalar:
- Yoʻq, Makkani koʻproq yaxshi koʻramiz!
Ota:
- Xoʻp, men Makkaga, Onangiz Madinaga ketsak, men bilan ketasizlar-a?
Bolalar:
- Yoʻq, Madinaga ketamiz..!
Ota:
- Nima uchun 🤔?
Bolalar:
- Chunki, Makkani ziyorat qilib boʻldik!😊☺️🙃
📚 Ibratli Hikoyalar 📚
🍀 Qaygʼurma! Kasal tuzaladi, musibat ketadi, gunox kechiriladi, qarz toʼlanadi, mahbus ozod boʼladi, kelajak keladi, osiy tavba qiladi, faqir boy boʼladi.
🍀 Qaygʼurma! Аxir qora bulut qanday tarqalganini, qorongʼu tun nihoyasiga yetganini, kuchli shamol qanday tin olganini, boʼron qanday toʼxtaganini koʼrmadingmi? Demak, ogʼir kunlarning ortidan farovonlik, kenglik va yaxshi hayot bordir.
🍀 Qaygʼurma! Chunki quyuq soya quyosh alangasini oʼchiradi, toza suv issiqdagi tashnalikni sovutadi, issiq non qattiq ochlikni toʼydiradi, bedor holda iztirob chekish ortida lazzatli orom bordir, dard alamlarini sogʼlik lazzati ketkizur, buning uchun sen bir oz sabr qilmogʼing va bir lahza kutishing darkor.
- Shayx Oiz Al-Qarniy
📚 Ibratli Hikoyalar 📚
🌿 Kuchli, sovuqqon, quvnoq koʻringan insonlarga ishonmang... Ular aslida butunlay boshqacha boʻladilar...
Kuchli koʻringan inson aslida suyanchigʻi, ishongani yoʻqligidan kuchli koʻrinishga harakat qiladi... Aslida suyana oladigan insonga juda ehtiyojmand boʻladi...
Sovuqqon koʻringan inson aslida qalbi juda hassos... Tark etsangiz ham hech narsa boʻlmagandek tutadi, aslida qalbidan sinib, parchalanib ketadi...
Quvnoq inson hazillari, kulgilari ortida togʻlardek dardlarini yashirib yuradi. Unga tushunadigan, his qila oladigan inson kerak...
Ularning koʻrinishlariga qarab muomala qilmang, ehtiyot qiling... Ular sizning mehringizga, eʼtiboringizga muxtojlar...
📚 Ibratli Hikoyalar 📚
🌿 Taqdirning ba’zi bir yo‘llaridan yolg‘iz, kuchsiz, ilojsiz bo‘lsang-da, bosib o‘tmaslikning imkoni yo‘q...
Bu qorong‘u yo‘laklar boshiga Seni turfa hil sabablar, turfa hil vositalar keltirib tashlaydi...
Ba’zan najotsiz o‘tgan kunlaringga o‘girilib qararkansan, aslida o‘zing boshqalar uchun "najot" bo‘lib yuborilganligingni tushunasan...
Ba’zan esa kimlarnidir xayotingga "sinov" bo‘lib yuborilganini-yu, ular bilan sinalganingni ham tan olging keladi...
Hamma gap ohirgi manzilimiz qayerda tugashiga bog‘liq.
Jannatdan umidvormiz...
To o‘sha so‘nggi manzil tomon intilarkanmiz, yo‘lda bizga uchraydiganlar xayrli odamlar bo‘lib chiqishini ham istayveramiz!
Balki shu boisdanmi, "Sen-la umr kechiruvchi jufting iymoningni yarmi bo‘ladi!" deyishadi...
Kimdir o‘sha yarim iymonda yutuqqa erishadi, kimdir esa yo‘q...
Insonlar borasida ham xayrlisini so‘rang, manzil tomon qadamingizga ana shundaylar dalda bo‘lishadi!
©️Ummu Zaynab Ummu
📚 Ibratli Hikoyalar 📚
🍀 Omonat....
Hazrat Umar r.a. bir juma kuni uylarida ushlanib qolib, masjidga hadeganda chiqavermadilar. Jamoat u kishini kutib qoldi. Nihoyat eshikda hazrat Umar koʻrinib, minbar tomon yoʻnaldilar.
- Kuttirib qoʻyganim uchun uzr! Egnimdagi libosimni yuvgan edim. Qurishi qiyin boʻldi. Kechikishimning sababi shu.
“Moʻminlar amiri, boshqa kiyim kiysangiz boʻlardiku. Shuni kiyish shartmidi?” - deguvchi topilmadi. Chunki hazrat Umarning boshqa kiyimi yoʻqligi hammaga maʼlum edi.
Umar ibn Xattob toʻrt xalifadan biri boʻlib, oʻsha vaqtda hozirgi Saudiya Arabistoni, Iroq, Eron, Suriya, Misr, Liviya va boshqa hududlarga hukmdorlik qilardi. Juda koʻp mulkka ega boʻlgan bayt-ul mol (xalq puli) uning qoʻlida edi.
Tirikligidayoq jannat kalitiga ega chiqqan, paygʻambarimiz Muhammad s.a.v. sanab oʻtgan oʻnlab insonlardan biri edi. Hatto u ham shunday oddiy yashadi. Endi fikr qiling! Ular kim ediyu biz kimmiz....?!
Solijonov sahifasidan.
📚 Ibratli Hikoyalar 📚
Yo‘lning qiyinligidan umidsizlikka tushmang! "Sirot" ham jahhanam ustidadur... Ammo u jannatga olib boradi...
📚 Ibratli Hikoyalar 📚
Bizda qadr-qiymat masalasi ikki kaft orasida oʻlchanadi. Qancha koʻp yaxshi koʻrsak, shuncha koʻp duolarimizda eslanadi...!
📚 Ibratli Hikoyalar 📚
🌿 Odamlardan farishtalikni talab qilmang...
Chunki bu dunyoda ojiz bandalar yashaydi farishtalar emas...
Xar birimiz adashamiz, xato qilamiz, bilib bilmay kimnidir koʻngliga ozor beramiz....
Lekin koʻnglimizga ozor bergan oʻsha yomonni xam, qandaydir bir yaxshi xislati.....
Biz uchun eng mukammal boʻlgan insonni xam bir yomon odati boʻladi...
Bizga ozorlarni eslab yurmasligimiz uchun Unutish va Kechirish tuygʻulari berilgan... Agar kechira olmasak demak biz xam yaxshi odam emasmiz.....
Shunday ekan yomon odamlar yoʻq... shunchaki yomon odatlar bor xalos....
Yaqinlaringizdan va doʻst-u yoringizdan kichkina yomon odati uchun voz kechmang... kechiring... unuting... 🙂
📚 Ibratli Hikoyalar 📚
Болажоним😭
Эндигина кўзи ёриган ёш она кучли ҳаяжонда: – Чақалоғимни кўрсам бўладими? – деб сўради. Қучоғига юмшоқ бир юргак берилди ва бахтли она чақалоғининг жажжи юзини кўрмоқ учун унинг юзини очди ва ҳайратга тушганидан тили тутилиб қолди. Она ва чақалоқни кузатиб турган дўхтир шартта орқасига ўгрилиб деразадан кўчани томоша қила бошлади. Чақалоқнинг ...
Ўқинг фақат йиғламанг😔👇
🌿 O‘tmishda qilgan xatolaringizdan afsuslanmang. Agar ular bo‘lmasa, xozirgi darajangizda bo‘lmas edingiz...
Ishoning xunuk o‘tmishdan ko‘ra, xunuk buguningiz yomonroqdir. Eng achinarlisi esa kelajagingiz yomonroq bo‘lishi. Amallar nihoyasiga qarab o‘lchanar ekan, fursatni achinish uchun emas, o‘zingizni yaxshilash uchun sarflang...
Xabarlarda kelishicha Alloh taolo bandalariga shu qadar mehribon-ki, tavba bilan gunohlarni faqatgina nomai amoldan o‘chiribgina qolmay, bandam xijolat bo‘lmasin deya farishtalarning xotiralaridan xam o‘chirib yuborar ekan. O‘tmishdagi gunohlarni yo‘qotish uchun xam, kelajakdagi xayrni ko‘paytirish uchun xam imkoningiz bor. Umidingizni uzmang...
— Orif Taskinning "Hayot menga shuni o‘rgatdi" kitobidan.
📚 Ibratli Hikoyalar 📚
ИНСОННИНГ САОДАТИГА САБАБ БЎЛУВЧИ ОМИЛЛАР
1.Солиҳ амал: "Эркакми ё аёлми - кимда - ким мўмин бўлган ҳолда бирон эзгу иш қилса, бас, Биз унга ёқимли ҳаёт бахш этурмиз" (Нахл сураси, 97-оят).
2. Яхши аёл: "... Парвардигоро, хотинларимиздан ва зурриётларимиздан бизларга кўз қувончини бахш эт ва бизларни тавбадорларга пешво қил !" (Фурқон сураси, 74-оят).
3. Кенг уй: Ҳамдис: "Эй Аллоҳ, мен учун ҳовлимни кенг қилгин".
4. Ҳалол, покиза касб: Ҳадис: " Аллоҳ покдир, покизаларни севар".
5. Чиройли хулқ ва инсонлар меҳрини қозониш: "Яна мени қаерда бўлсам баракотли қилди" (Марям сураси, 31-оят).
6. Қарздан саломат ва нафақада тежамкор бўлиш:
"Улар эҳсон қилганларида исроф ҳам, хасислик ҳам қилмаслар, (тутган йўллари) бунинг ўртасида-мўътадилдир" (Фурқон сураси, 67-оят).
"(Бахиллик қилиб) кўлингизни бўйнингизга боғлаб ҳам олманг.(Исрофгарчилик қилиш билан) уни бутунлай ёйиб ҳам юборманг!" (Исро сураси, 29-оят).
☝️ДЎСТЛАРИНГИЗГА ҲАМ УЛАШИНГ!!!
📚 Ibratli Hikoyalar 📚
Tabassum qiling! Hech nima yo‘qotmaysiz. Robbingiz bor, rizqingiz bitib qo‘yilgan, umringiz belgilab qo‘yilgan. Atrofni hamisha go‘zal ko‘rmoq uchun, o‘zingiz go‘zal bo‘ling!
— Shayx Sha’roviy
📚 Ibratli Hikoyalar 📚
🌿🌿🌿🌿🌿🌿🌿🌿🌿🌿
---- Ayol....
Familyasini o‘zgartiradi,
Uyini o‘zgartiradi,
Oilasini o‘zgartiradi,
Siz bilan boshqa uyga ko‘chadi,
Siz bilan bir o‘choq quradi,
Siz uchun homila bo‘ladi,
Homiladorlik uning vujudini o‘zgartiradi,
Tanadagi shishlar, og‘riqlar,
Chidab bo‘lmas to‘lg‘oq azobi,
Ikki yo‘l orasida qolib, sog‘lom chaqaloq dunyoga keltiradi,
Hattoki, tug‘ilgan chaqaloq ham sizning naslingizni davom ettiradi,
O‘ladigan kuniga qadar..qiladigan barcha ishi, yemak pishirish, uyingizni tozalash, onangiz va otangizning xizmatida bo‘lish, farzandlaringizni katta qilish, tarbiya berish, sizning fe’lingizga moslashish, ko‘nglingizni olish, injiqliklaringizga ko‘nikish, huzuringizni ta’minlash, butun oila munosabatlarini bir maromda ushlab turish, sizga foydasi bo‘ladigan barcha narsani, hatto sog‘lig‘idan, go‘zalligidan, qiziqishlaridan kechib bo‘lsa ham, qiladi.
Shuncha narsalardan keyin ham u siz uchun go‘zal va betakror bo‘lib qolishi kerak, buni uddalashi kerak.
Bu orada, uning ham og‘rib qoladigan boshi, tomog‘i, tishi, buziladigan asabi, huzursiz bo‘ladigan ko‘ngli bor..
Sanab o‘tilmagan fazilatlari hali bisyor..
Allohning amrlarini joy-joyiga qo‘yib bajaradigan, ilm talabida bo‘ladigan ayol haqida hali yozmadim.
Hurmatli erkaklar, hayotingiz sherigi, umr yo‘ldoshingiz bo‘lgan ayolingizni qiymatini biling.
Ayol bo‘lish oson emas.
Ayol bo‘lish bebaho narsa..
📚 Ibratli Hikoyalar 📚
Hayotingizda ikki toifa odamlar mavjud. Ularni bir-birlaridan ajrata biling...
- Bir toifadagilari, bekorchi vaqtini sizga sarf qiladilar...
- Boshqa toifadagilari esa siz uchun qimmatli vaqtini ajratadilar.
- "Vaqtim bo‘lmadi"... "Vaqtim yo‘q edi"... "Ilojini qilolmadim"... kabi so‘zlarga aslo ishonmang...
U insonni vaqti emas, aslida hohishi bo‘lmagan.
- Hohish bo‘lsa vaqt ham, imkoniyat ham topiladi..
📚 Ibratli Hikoyalar 📚
🍃 Yaxshi ko‘rgan insonlaringizni juda mahkam tuting!
🍃 Ularga yaxshi ko‘rishingizni ayting! Xatolarini kechiring!
🌱 Bir kuni kelib yo siz yoki ular rihlat qiladilar. Qalbda esa, ularga aytilmay qolgan gaplar, sog‘inchlar qoladi.
🌱 Siz bilan tortishgan, o‘zlarini oqlagan, tushuntirgan, e’tirof etgan, urishishlaridan yetgan jarohatingiz ichidan tuzalmasidan oldin, tashqarisini tikib qo‘ymang!
🌱 Hayot gina - kudrat, hasad, g‘azab saqlash, rishtalarni uzishga arzimaydigan darajada qisqa.
🌱 Ertaga faqat xotiralarga aylanamiz. O‘lim ruxsat so‘rab o‘tirmaydi. Sizga yomonlik qilganlarga tabassum qiling, marhamatli bo‘ling!
— Shayx Aliy Tantoviy
O‘zaro mehr - oqibat, samiyat, bag‘rikenlik, kechirimlilik-la boshlangan kun qanday yaxshi! 🙂
•┈•┈•┈•┈•❁☀️❁•┈•┈•┈•┈•
📚 Ibratli Hikoyalar 📚
Qorabog‘da shahid ketgan bir do‘stimning uyiga borgandim... Uning besh yoshli qizi tizzamga kelib o‘tirdi. Uning qo‘lida pufagi bor edi... 🎈
— Qizim, kel shu pufakni birga o‘ynaymiz...
—Yo‘q, yorilib ketadi...
— U yorilsa senga minglarcha pufak olib beraman.
— Yo‘q, amaki. U yorilsa men o‘laman. Bu pufakni dadam shishirgan. Uning ichida dadamning nafasi bor.... 😔😞
📚 Ibratli Hikoyalar 📚
🌸 ЖУМА АЙЁМИНГИЗ МУБОРАК БЎЛСИН! 🕋 🌙 🤲
🌹Яҳши амал жаннатга йўлак,
🌹Савобларнинг совғаси бўлак,
🌹Чин юракдан билдирай тилак,
🌹ЖУМА айёмингиз бўлсин муборак!
Аллоҳим! 🤲
Борар жойимизни кенглиги осмонлару ерча бўлган, тақводорлар учун тайёрлаб қўйилган жаннатдан қилгин.
🌙 Жума айёмингиз муборак бўлсин!
Жуманинг хайри ва барокоти сизга булсин азиз диндошим🤲
Яқинларингизни табриклаш эсдан чикмасин 🌷
📚 Ibratli Hikoyalar 📚
🌿Dillarga ozor yetkazib qoʼymang...
👉 Yetimdan «ota-onang qanday vafot etganlar?» deb soʼramang.
👉 Farzandidan judo boʼlgan ota-onalardan «farzandingiz qanday vafot etgan?» deb soʼramang.
👉 Ishsiz odamdan «siz nima uchun ishlamaysiz?» deb odamlar orasida soʼramang.
👉 Faqirga «sizga qancha pul kerak?», deb soʼramasdan koʼnglingizdan chiqarib beravering. Chunki faqirda ham oʼziga yarasha gʼururi bor. Bir kun kelib koʼz-koʼzga qayta tushishi mumkunligini ham unutmaylik.
👉 Turmushga chiqmagan qizdan «yoshingiz nechada yoki sovchilar kelayaptimi?» deb aslo soʼramang.
👉 Farzandi yoʼq ayolga «farzandingiz yoʼqmidi?» deb ayta koʼrmang.
👉 Biron bir kishini yuzida chandiq yoki bitgan yaraning izini koʼrib qolsangiz buning sababini soʼramang. Chunki yuz insonning nozik yerlardan biri hisoblanib, u har qancha yashirishga urinmasin buning ilojisi yoʼqdir.
👉 Mehmondan nima tanovvul etishini yoki ichishini soʼramang. Chunki soʼrab uning bu istagidan mahrum etib qoʼyishingiz ehtimoli bor. Shuning uchun, soʼramasdan mehmoningizga boringizni taqdim etavering.
👉 Kimlarnidir kulgusi va rohatini deb doʼstingizni mazah kilish hayolingizga ham kelmasin. Chunki bu doʼstingizga juda ham ogʼir botadi.
Har doyim oʼzingizni shu insonlar qatoriga qoʼyib, ularning hissiyoti bilan yashashga urinib koʼring!
✨Kun hikmati✨
Senga ozor beradigan narsadan chetda boʼl.Oʼzing uchun shunday solih doʼst tanlaginki, bunday doʼst kamdan-kam uchraydigan boʼlsin. Ishingni Аllohdan qoʼrqadiganlar bilan maslahat qil!
Umar ibn Xattob roziyallohu anhu.
📚 Ibratli Hikoyalar 📚
🍃 "Yomon ham yolg‘iz qolganda yig‘lasa kerak... "
🍃 "Shallaqi ayol ham uni bir soniya tildan qoldiradigan guldastani ko‘rgan-da,
"ayol"ligi esiga tushsa kerak...
🍃 "Puli oshib toshib ketgan boy ham bir chetda o‘tirib, bir bog‘lam pulga- bir dona sodiq inson sotib olish mumkin bo‘lgan savdoni orzu qilar, balki..."
🍃 "Barcha yomon ko‘radigan odamning uyidagi devorda uni chin dildan yaxshi ko‘rgan inson-onasining surati osig‘liq tursa kerak..."
🍃 "Umr bo‘yi ateist bo‘lib yashagan xudosiz ham yonginasida avtoxalokat sodir bo‘lganida, beihtiyor "xudoga shukr" deb yuborar, balki..."
🍃 "Yomonlar- biz ko‘rib, xulosa qilishimiz uchungina yaratilgan... "
🍃 Hech kimni ayblamaydigan, hammani Allohning bir hohishi va hikmati sabab "dunyo ko‘rgani" ga imon keltirgan odam- mana shularni o‘ylaydi!!!
©️ Ummu Zaynab Ummu
📚 Ibratli Hikoyalar 📚
🌿 Muso alayhissalom beshikdagi zaif, kuchsiz chaqaloq bo‘lishiga qaramasdan dengizda cho‘kmadi, chunki Alloh uni O‘z himoyasiga olgan edi. Lekin fir’avn o‘z hukmronligida buyuk kuch-qudratga ega bo‘lgan holda dengizga g‘arq bo‘ldi, chunki Alloh uni halok qilishni xohlagan edi. Shunday ekan, Allohga tavakkal qiling va ishlaringizni U Zotga topshiring! Zero, Alloh "bo‘l" deganni hech kimsa to‘xtatib qololmaydi va "bo‘lma" deganni hech kim ro‘yobga chiqarib qo‘yolmaydi...
📚 Ibratli Hikoyalar 📚
Bizda mahzun boʻlishimiz uchun hech qanday sabab yoʻq... Qurʼonning barcha oyatlari “Albatta, Alloh biz bilan birga” ekanini taʼkidlaydi. Shunday ekan, xursand boʻling...!
- Zokir Nayk
📚 Ibratli Hikoyalar 📚
Koshkiydi men bilan Makkani orasida bir donagina koʻcha boʻlsayu, yuragim har siqilganda u yerga borsam...
📚 Ibratli Hikoyalar 📚
Nafaqaga chiqqan o‘qituvchining o‘rniga boshqa muallima sinfga kirdi. Darsni tushuntirishni boshladi. Talabalarning biridan savol so‘ragandi, boshqa barcha talabalar kulib yubordi. O‘qituvchi xayron bo‘ldi. Talabalarga qarab o‘rinsiz kulguning siriga yetdi. Sabab: sinfda xamma axmoq, aqlan noqis xisoblaydigan talabaga savol bergani ekan. Dars tugab talabalar sinfni tark etadigan maxal, muallima o‘sha talabani chaqirdi. U bilan xoli qolib, qog‘ozchaga yozilgan ikki qator baytni berdi va:
- Buni ismingni yodlagandek yodlab kel, hech kimga aytma, - dedi.
Keyingi darsda muallima o‘sha ikki qator she’rni yozuv taxtasiga yozdi. Uni ma’nosini, fasoxatini tushuntirdi. So‘ng uni o‘chirib:
- Kim xozirgi she’rni yodlab qololdi, - deb so‘radi. Xech kim churq etmadi.
Faqat o‘sha "ikkichi" ming hayajon, iymanish bilan qo‘l ko‘tardi. O‘qituvchi:
- Qani, javob ber, - dedi. U she’rni yodlab berdi. Ustoz uni ko‘p maqtadi, boshqalar o‘rnak olishini aytdi. Talabalar bu xolatda xayratga tushar, kimdir kecha kulgani uchun xijolat bo‘lar, kimdir xayrat bilan qarar edi. Bu xol xafta davomida davom etdi. O‘qituvchi u talabani maqtardi. O‘quvchilarning u xaqidagi tushunchalari o‘zgara boshladi. U bolaning xam ruxiy xolati ijobiy tomonga burilish yasadi. O‘ziga bo‘lgan ishonch uyg‘ondi. Oldingi o‘qituvchi xisoblagandek axmoq emasligini angladi.
Talabalar bilan ilmda musobaqa qila olishini, o‘z ustida ishlasa, a’lochi bo‘la olishini bildi. Nafaqat shu fandan, balki, boshqalaridan xam a’lo baxolar ola boshladi. Maktabni yaxshi natijalar bilan bitirib, oliygoxga kirdi, so‘ng magistraturani bitirdi. Doktor bo‘lishni xam maqsad qildi.
U o‘qituvchisi xaqida yozarkan:
"Insonlar ikki toifaga bo‘linadilar: biri yaxshiliklar kaliti bo‘lsa, boshqasi uning qulfidir. Birlari sizni shijoatlantirib, qo‘lingizdan tutib, umid bag‘ishlaydi. Sizdagi dardu alamni xis qiladi. Xayot yo‘lingizni belgilashingizga sabab bo‘ladi.
Boshqalari esa, sizdagi iqtidorni berkitib, yomonliklarni ochadi. U sizni ruxan ezishdan, o‘zgalar oldiga yerga urishdan, azob berishdan roxat tuyadi. Qanchadan-qancha insonlar bunday o‘qituvchilarning qurboniga aylanadi. Butun umri o‘zini tiklolmay o‘tadi" dedi.
📚 Ibratli Hikoyalar 📚
🌿 Duo qilish qanchalik ulkan ne’mat ekanini bilganingizda, tilingiz duodan bo‘shamas edi...
Bir o‘ylab ko‘ring-a? Hamma narsaga qodir, hamma narsaning sohibi bo‘lgan Zotdan biron narsa so‘rash va so‘raganingiz sari ne’matlarning ziyoda bo‘lib kelishi, Uning muhabbatiga sazovor bo‘lish, Unga yaqin bo‘lish hamma hammasi shu duoda mujassam. Duoning ijobatida ham Alloh taolo sizdan ko‘p narsani so‘ramadi.
Faqatgina O‘zidan so‘rashga va duoning ijobat bo‘lishida shak qilmaslikka buyurdi. Yomon bo‘lsangiz-da, duoning ijobatidan shak qilmang.
Duo qiling va aniq keladi deb kuting.
Eslang, insoniyatning eng yomoni bo‘lsa-da, Alloh Fir’avnni duosini ijobat qildi. Siz Fir’avndan ko‘ra yomonroqmisiz? Yoki siz Fir’avn duoning ijobatiga ishonganchalik ishona olmaysizmi?!
— Orif Taskinning «Hayot menga shuni o‘rgatdi» kitobidan.
📚 Ibratli Hikoyalar 📚
Befarzand ayol....
🌿 Alloh Rahmlilarning eng rahmlisidir...
Bir ayol Allohning payg‘ambari Muso alayhissalomning oldilariga kelib:
“Ey Allohning Nabiysi,
Robbingizga menga qalbimni shodlikka to‘ldiradigan solih farzand berishini so‘rab duo qiling” - dedi.
Muso alayhissalom Robbilariga o‘sha ayolga farzand berishini so‘rab duo qildilar. Alloh azza va jalla u zotga:
- Men uni “Aqiym” (Tug‘mas) deb yozib qo‘yganman”- deb javob berdi. Muso alayhissalom haligi ayolga:
“Alloh azza va jalla “Men uni “Aqiym” deb yozib qo‘yganman”, deyapti” - dedilar.
Ayol qaytib ketdi...
Oradan bir yil o‘tgach, ayol yana kelib, Muso alayhissalomga:
“Ey Allohning Nabiysi,
Robbingizga yana bir bor menga solih farzand berishini so‘rab duo qiling” - deya iltimos qildi.
Muso alayhissalom Robbilaridan u ayolga farzand berishini so‘rab duo qildilar. Alloh azza va jalla:
“Men uni “Aqiym” deb yozib qo‘yganman” - dedi.
Muso alayhissalom haligi ayolga:
“Alloh azza va jalla: “Men uni “Aqiym” deb yozib qo‘yganman” deyapti”, dedilar.
Oradan bir yil o‘tgach, Muso alayhissalom boyagi ayolni qo‘lida chaqaloq ko‘tarib ketayotganini ko‘rdilar.
Undan: “Bu bola kim?” deb so‘radilar.
Ayol: “Bu mening o‘g‘lim” deya javob berdi.
Muso alayhissalom Robbilaridan: “Ey Robbim, Sen u ayolni “Aqiym” deb yozib qo‘yganding. Qanday qilib unda bola bo‘ldi?!” - deb so‘radilar.
Shunda Alloh taolo:
“Har safar “Aqiym” deganimda, u “Rohiym” derdi. Bas, "Rahmatim" qudratimdan ustun keldi” - deb marhamat qildi!
Ey rahmlilarning eng rahmlisi!
Naqadar buyuksan!
Ey karamlilarning eng Karamlisi!
Naqadar mehribonsan!
Ey farzand ne’matiga
erisholmay, umdsizlikka tushayotganlar!
Allohning rahmatidan noumid bo‘lmanglar!
Allohga bo‘lgan gumonlaringizni go‘zal qilinglar!
“Boshqalar qatori menga ham solih farzand ato etadi" deb yaxshi gumonda bo‘linglar...
📚 Ibratli Hikoyalar 📚
ЭСЛАБ ҚОЛИШ ВА УНУТИШ...
Кўпни кўрган кекса онахондан сўрашибди:
–Бувижон! Сиз жуда оғир ҳаёт кечирдингиз, бироқ кўнг лингиз ҳалиям ёш. Бунинг бирор сири борми?
– Бор албатта,– жавоб берибди онахон,– менга қилинган барча яхшиликни юрагимга, нима ёмонлик қилишса, сувга ёздим. Акс ҳолда юрагим тўла чандиқ бўларди. Ҳозир юрагим хушбўй гуллар билан тўла боғ!
Яратганга беадад шукрлар бўлсин, У зот бизга эслаб қолиш ва унутиш неъматини берган. Бизга қачон яхшилик қилинса, миннатдорчилик уни эслаб қолишга, меҳр эса ёмонликни унутишга мажбур қилади...
@ibratli_sozlar
📚 Ibratli Hikoyalar 📚
🌿 Ta’lim dargohlarida jonzotlarning qancha turga ajralishi haqida gapirganlar inson joynamozda oladigan nafasning isidan og‘iz ochishmadi....
🌿 Imtixonlardan o‘tolmasak, yana bir yil o‘qishimizga to‘g‘ri kelishini aytishdi-yu, qabrda qaytadan imtixon topshirib bo‘lmasligi haqida gapirishmadi...
🌿 Ta’lim dargohidagi qoidalarni buzsak, jazoga tortilishimiz haqida ogohlantirishdi, biroq Allohning amrlariga itoat etmasak, bizni o‘rab olgan rahmatga qarshi isyon ko‘targan bo‘lishimiz to‘g‘risida miq etishmadi...
🌿 Holbuki, Yo Rab, Sening qoidalaringga amal qilganlar hatto chumoliga ham ozor bermaydi....
🌿 Holbuki, Yo Rab, Sening qoidalaringga rioya qilganlar ikki dunyoda ham saodatga erishadi...
— Orif Taskinning “Alfido” asaridan
Ps/ Kitob haqida yozgan postimizdan keyin koʻpchilik kitobni elektron variantini soʻrab yozishyapti. Afsus kitob yangi chop etilgan boʻlib, bilishimcha hali uning elektron varianti yoʻq. Oʻylashimcha, kitobni qoʻlda ushlab, varoqlab oʻqiganga yetmaydi baribir ☺️
