-
هذهِ القناة لنشر قصائد اهل البيت عليهم السلام اتمنى ان تنال كلماتي اعجابكم ورضاكم ان شاءالله ❤️✨
نوجّه النداء إلى كلّ الأحرار في العراق والعالم ليعوا أنّ هذه المعركة مصيرية. ولا عذر لمن يتقاعس عن نصرة الحق فيها. فها هم يزيد وأعوانه قد اصطفّوا من جديد في مواجهة الحسين وأصحابه، يريدونها كربلاء أخرى. وقد ركزوا بين اثنتين بين السلة والذلة. وهيهات منّا الذلّة
والله ناصر المقاومين
#توسلوا_بالزهراء_المنصورة
بسمه تعالى
:
لا تنشغلوا بمتابعة الاخبار عن التوجه الى الله
في هذه الساعات الحرجة
بحماية اهلنا شيعة ال محمد في الجمهورية
:
نعرف قلقكم
لكن
التوجه الى الله بالدعاء الآن
اولى من جميع المتابعات الاخرى
:
نحن
في ضيافة الله تعالى قطعا
سيكون المدد مباشرة من الله تعالى
فهو صاحب الضيافة لعباده
وهو الكفيل بالمظلومين
:
توسلوا الى الله تعالى #بالزهراء_المنصورة
فقد
جربتم بركات هذا التوسل في الحرب السابقة
ورأيتم عجائبه....
:
اللهم عجل لوليك الفرج
#بهاء_الموسوي
#جديد_من_ديوان_الثأر_الموعود_الجزء_الخامس_
لطميه بهوسات للإمام علي عليه السلام (ويه ام الحزن)
ويه ام الحزن … نلطم لهاليهه
امصوب عودهه و اصوابه گاضيهه
ويه ام الحزن لطمتنه شدوهه
ناده بالسمه جبريل صيحوهه
صوبوا عودهه و الهامه خسفوهه
(( من دمه الهامه امخضبيهه ))
ابن ملجم يا وسفه الهامه دماهه
و عين ام عون يا هالناس بچاهه
الليله للعزه شيلي ايدچ اوياهه
(( باللطمه اتريد اتعينيهه ))
عينيهه اعله ابوهه و شدي اللطمه
طبروا هامته و ينزف بقه دمه
الله ايعين حاله اعليه ابو اليمه
(( ما يگدر ويلي ايداويهه ))
ايداويهه لچمته ويلي ما يگدر
و گلبه اعله الابو يا ناس متفطر
اشلون الهامه منه ابسيف تطبر
(( و يا وسفه السم صاير بيهه ))
بيهه السم سره و اتغير الحاله
من الحيد چنهه قربت آجاله
جاباه الحسن و حسين تچاله
(( و لا يدري اشصاير هاديهه ))
ما يدري يابو ابراهيم بالصاير
ابن عمه تصوب و السلف داير
ايداويهه الحسن ما يگدر او حاير
(( ما يگدر يتقرب ليهه ))
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
عظم الله اجرك يا سيدي يا رسول الله
عظم الله اجرك يا سيدي يا أمير المؤمنين
#وفاة_ابو_طالب_7_رمضان 💔💔
لطميه مربعه للإمام علي عليه السلام (كومن يا بناته)
كومن يا بناته الليله ودعنه
من عنده طبيبه كَاطع الظنه
صاح حسين يا زينب يكلثومه
هذا آخر وداع الجن يمهضومه
ابونه اصفر جبينه وطول النومه
عينه امسلهمه وبس يجهر الونه
كومن يا بناته الليله ودعنه
كَامن للوصي زينب واخيتها
ابوها اتودعه وتسيل دمعتها
تجهر ونت الكرار سمعتها
يا حيدر يبويه لا تضيعنه
كومن يا بناته الليله ودعنه
اللّٰه اوياك يا عزنه ويحاميها
هالأيتام جا ياهو اليباريها
وزينب هاي ما تسمع بواجيها
خطره احوال ابوهن وايسن منه
كومن يا بناته الليله ودعنه
تشوفه ايلوج ابوها اورمت اجدامه
ما بطل نزفها تنزف الهامه
كربان الأجل ما تمم صيامه
يا كلثوم نوحي اعلى المدللنه
كومن يا بناته الليله ودعنه
بفراش الكدر ممدود واليها
تحجي وياه وما يكَدر يحاجيها
زينب ويه اختها امشن نعازيها
كَولو اشلون باجر من يفكَدنه
كومن يا بناته الليله ودعنه
✍🏻خادمة أهل البيت عليهم السلام
العلويه فاطمه الخرساني حفظها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
جديد ١٤٤٧ هـ
الحروف الجعفرية ج ١
خاص للفواتح
الشاعر جعفر الساعدي
متوفر في مكتبة الغدير بغداد
لدينا توصيل لكافة المحافظات
واتساب
👇👇👇👇
07711395580
ليس لدينا رقم اخر
/channel/eheh10
نعي للإمام علي عليه السلام
هيبه الابو واسمه اشحلاته
او خيمه على اعياله او بناته
او على خاطري حجيه او صفاته
اجينه كعدنه او مالكيناه
علينه هظم واليوم ردناه
او نشبع هظايم عكَب عيناه
ابونه الجمعنه ابطيب ذاته
او يسرَّن الخاطر حجايانه
او شبعن هظم يالفاكَداته
آنه جايه والكلب مهظوم
وينك ندهته يالابو كَوم
ياوالدي شلّك ابهالنوم
هاليوم ابونه حمَّل اوشال
او ذلِّيت عكَبه والدمع سال
او ياهو اليعَدل الحمل لو مال
حمَل ابليل او كَطع بينه
واهمومنه كثرت علينه
واتذل بناته اخلافٍ عينه
ويه عكَب عيناك ذلَّيت
يا هيبتي او يا شمعة البيت
عساني كَبل ونّتك ونِّيت
دهري ابفكَد عودي كسرني
عثرة اهمومي اوزاد حزني
او عكَب الابو شيفيد وني
يبويه مرد كَلبي ونينك
او شبحت لعند الموت عينك
لا كَالها الله امفاراكينك
✍🏻خادمة أهل البيت عليهم السلام
ام شيماء فرج الله الأسدي حفظها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
هوسه ختاميه للإمام علي عليه السلام
بصف المأذنه طايح علي عله الكَاع
بسماها والأرض علمك يحيدر شاع
حتى البلمهد من سمع بسمك لاع
(مهدومه أركانه // اليوم الدين لحيدر)
هدمت ركن الديانه من طحت يا حيد
ويتمت اليتامه وكرب ليها العيد
على بابك يبوها شلون بعد تهيد
(شايل ملفاها //خلافك وين توجي)
✍🏻خادمة أهل البيت عليهم السلام
ام حارث الياسري رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه ثگيله للإمام علي عليه السلام (الليله انضرب بالمحراب)
حيدر علي داحي الباب
الليله إنضرب بالمحراب
حيدر علي صابه المرادي الليله
حطه اعله صدره الحسن ويتجيله
وزينب لبوها الدمع دم تسيله
يا والدي من ونتك كلبي إنصاب
الليله إنضرب بالمحراب
كهف الأرامل صوبوه عدوانه
أهل السمه وأهل الأرض حزنانه
والدهر ضيّع حيدره مولانه
حنت ملائكة السمه لداحي الباب
الليله إنضرب بالمحراب
جبريل ينعه بالسمه اعله المعلوم
يابا الحسن ما تممت شهر الصوم
شذنب الإمام إحتالت عليه الكَوم
والصوبك يابو الحسن ريته إنصاب
الليله إنضرب بالمحراب
يابو الفخر والمرجله وراعي الجود
يا منوة الطلاب شخصك مفكَود
يابا الحسن للدار ما ظن تعود
وإظلمت الدنيا عله حيدر من غاب
الليله إنضرب بالمحراب
غايب كمرها وأظلمت دنيانه
والمنبر أحزن وانهجر قرآنه
لا وين عكَّبك ننوي يا ملفانه
راعي الجزاله واليكَصدك ما خاب
الليله إنضرب بالمحراب
ما ننسه يومك لا وعز المعبود
نصرخ عليك ونلبس هدوم السود
ماكو مثل شخصك يحيدر موجود
وجرح البراسك بينه ينزف ما طاب
الليله إنضرب بالمحراب
ممنونه ترثي أم حارث اعله المغوار
بحماك كلنه يا علي حامي الجار
بسدك تلوذ الشيعه من لهب النار
امن الحوض يروينه علي داحي الباب
الليله إنضرب بالمحراب
✍🏻خادمة أهل البيت عليهم السلام
ام حارث الياسري رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
من تأليف المرحومه العلويه المله
صاحبة الصوت الحزين والقلب الطيب ام حارث الياسري رحمها الله تعالى وسدد خطاها
لطميه مربعه لوحشة شهر رمضان للأحباب (شهر رمضان اجانه)
شهر رمضان اجانه … و انتظرناهم
للسفره فرشناهه و حسبناهم
حسبنه احسابهم بلكت يمرونه
و عن احوالنه اشصارت ينشدونه
اگلهم بالگلب ما يگطع اظنونه
و نسينه ارواحنه بس ما نسيناهم
شهر رمضان اجانه … و انتظرناهم
ما ننسى اهلنه و ذيچ عشرتهم
چتاله و تهد الحيل فرگتهم
تهل العين من ننظر الحجرتهم
لا من ودعونه و ودعيناهم
شهر رمضان اجانه … و انتظرناهم
لا من ودعونه و راحوا ابسرعه
هذا الموت يهدم بالشمل طبعه
نحن للدللونه و ما الهم رجعه
و ابد ما زعلونه احنان محلاهم
شهر رمضان اجانه … و انتظرناهم
ابد ما زعلونه و عيشونه ابطيب
وسفه اوجوههم حدر التراب اتغيب
مثل اگلوبهم مدري امنين انجيب
صار ابعيد عنه ابعيد ممشاهم
شهر رمضان اجانه … و انتظرناهم
مشوا لارض المگابر ما اجوا لينه
عالسفره گعدنه اليوم تانينه
يدگ الباب واحد ينشد اعلينه
و ابطل من الحزن و افرح ابملگاهم
شهر رمضان اجانه … و انتظرناهم
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
اريد اتشكر العباس خلوني
هذا الگال بالشدات اندبوني
ما اقصر و لا افشل اتعرفوني
(و اليطلب // انطيه امراده)
ابو الوگفات هو الشافه مرضانه
ندبناه و بچينه و صاح هذا انه
الله ابهالكرامه هاي خصانه
(انشافيهه // و العله الصعبه)
الف شكر منك ياسيدي ويا مولاي
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
بيت الحبايب عيب امرله
محزون بانت بيه الخله
عفيه اعله روحي البعد عدله
عدله يا روحي لا تظلين
ويه هلچ كونچ اتحملين
سنتين دارن موش تدرين
سنتين خل نگطع الظنه
يا روحي للغربن عنه
مضلم و ينعاهن نزلنه
مضلم نزلنه من جفاهن
نسني الدليلي ما نساهن
بالمگبره نامن شجاهن 😭😭😭
رحم الله من يقرأ الفاتحه على روح خادمة الحسين عليه السلام سلمى (ام مسلم)
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
السلام عليكم
نرجو قراءة هذا الدعاء وإرساله لكل الأسماء الموجودة لديكم فهو مؤثر جدا لهلاك العدو وهو لمرة واحدة فقط لنصرة الجمهورية الاسلامية والسيد الخامنئي وشيعة امير المؤمنين عليه السلام الذين يمثلون الاسلام المحمدي الاصيل ...
بسم الله الرحمن الرحيم
اللهم صل على محمد وال محمد
أللهمَّ شتِّت شمل اليهود وفرِّق جمعهم واقذف الرُّعب في قلوبهم والهلع والخوف في نفوسهم واضربهم ببعض وحيّرهم وغيّرهم وضلِّلهم واجعل نيرانهم ترتدَّ إليهم وفرِّط تدبيرهم وخرِّب بنيانهم ودكَّ حصونهم وبدِّل أحوالهم وقرِّب آجالهم واقطع أعمارهم واشغلهم بأبدانهم وخذهم أخذَ عزيزٍ مُقتدِر وأرسل عليهم طيراً أبابيل وارمهم بحجارةِ من سجّيل واجعلهم كعصفٍ مأكول ياقهّار يا قهًار يا قهّار يا جبّار يا جبّار يا جبّار إنتقم منهم أشد إنتقام بحق محمد وآل محمد
اللهم صل على محمد وآل محمد
الرجاء المشاركة
لطميه مربعه للحسين عليه السلام (مابطله البجي)
مابطله البجي وخل يعمن اعيوني
عله اعزاز الكلب شالو وعافوني
ماردو بعد راحو فرد روحه
وكَلب الفاركاهم تنزف اجروحه
اسباع وكل سبع ما ينكَطع نوحه
عليهم راح حيلي وانخطف لوني
مابطله البجي وخل يعمن اعيوني
نشدت اديارهم والروح نحلانه
وين العاشرونه وكعدوا اويانه
فركَاهم صعب واهواي بجانه
اريد الطم عليهم واوجع امتوني
مابطله البجي وخل يعمن اعيوني
خل الطم عليهم واصرخ بحركَه
اجيت لدارهم وبدارهم شلكَه
انريد انشوفهم مانحمل الفركَه
يهل الزود فدوه ماتحاجوني
مابطله البجي وخل يعمن اعيوني
يهل المرجله ناديت يهل الزود
نمتو بلتراب وبابكم مسدود
ما يحمل هضم صار الكلب ممرود
كتلني اغيابكم يالدلليتوني
مابطله البجي وخل يعمن اعيوني
فركاكم كتلني وانتحب ضليت
تعميني المنازل من أطب للبيت
وين اهل الشيم واهل الكرم ناديت
حدر الكَاع ماجنهم يسمعوني
مابطله البجي وخل يعمن اعيوني
ماسمعو عتابي وغفوا حدر الكَاع
وداهم زماني ومشو عني بساع
احا يهل المحنه وبالفخر مرباع
الف ياحيف بلذله تخلوني
مابطله البجي وخل يعمن اعيوني
عافوني بمذله وعوز شوفتهم
اهلنه امن الكبر هيهات ردتهم
اون وما أفل للموت ونتهم
بعد خاب الرجه وانكَطعت ضنوني
مابطله البجي وخل يعمن اعيوني
✍🏻خادمة أهل البيت عليهم السلام
ام ريام دخيل الركابي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه سريعه للإمام علي عليه السلام (يا وفاده)
باب العلم مفكود
يا وفاده
باب العلم والجود
هيهات بعد ايعود
يابالحسن ياطود
يا راعي العباده
يا كَاصد الكرار
هم تدري شنهو صار
سافر امان الجار
ردّوا يكصّاده
ردّو يهالوفّاد
راح الي جان اسناد
يوم المعالي باد
وانكسرت اوتاده
جودك يبو النوماس
روّه جميع الناس
وانت عَلم عالراس
يالشاعت امجاده
وسفه كريم الذات
نوّه زمانه اؤفات
بس ظلت الحسرات
يا رآيت الساده
مفقود عالى الشان
وارتجّت الاكوان
بيت الوفه حزنان
وتهاوت اعماده
✍🏻خادمة أهل البيت عليهم السلام
ام مظفر الخاقاني رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لا تسأل علينه … وين ما وين
مشغولين دوم بذكر الحسين
نرتاح ابعزانه
خلينه ابهوانه
مشغولين دوم بذكر الحسين……😭❤️
لطميه موشح للإمام علي عليه السلام (يا ابا الايتام)
يا أبا الأيتام // يا واليها
ليش عنها اتروح وأتخلِّيها
رحت يا كرَّارها يالمرتضى
يا علي لوله المقدَّر والقضى
او ضاكَت اعلينه ارضها والفضى
ما خفه نورك يالمضؤيها
يا أبا الأيتام // يا واليها
يا علي و اشلون كول آرضيتها
هاليتامه امطشره خليتها
او جنت ليليَّه تجيها البيتها
بعد عكَبك من يحن اعليها
يا أبا الأيتام // يا واليها
يا علي اعلى الناس موهينه تره
لاكن الموعود وامر الله جره
تنضرب يا موتها يا حيدره
او جنت تعرفها او تدري بيها
يا أبا الأيتام // يا واليها
يا علي هالضربه تتناها جنت
بعد ما صار الفجر وانته أطلعت
اوليلتك كلها يحيدر مانمت
او ضربتك والفاجعه امتانيها
يا أبا الأيتام // يا واليها
لجن يا مولاي هاي احبابك
كلها محزونه اوتون لمصابك
اتكول يا وسفه النذل ماهابك
او ضرب راسك ما خجل طاغيها
يا أبا الأيتام // يا واليها
رحت والاسلام كلها اتكدِّرت
من يلوم العين لو لجلك بجت
الهالمصيبه اكلوبنه ابنار أسعرت
الليله كلنه الزينب انعازيها
يا أبا الأيتام // يا واليها
او ننتحب وانصيح ياحامي الحمه
انعازى زينب بالمصيبه المؤلمه
جبره لبناتك اعلى امهن فاطمه
يفكدنك بعد يا حاميها
يا أبا الأيتام // يا واليها
✍🏻خادمة أهل البيت عليهم السلام
ام شيماء فرج الله الأسدي حفظها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه مربعه للإمام علي عليه السلام (وحشه دواوينه)
الليله أبو الحسن // وحشه دواوينه
وعالي الشان من مجلسه مضيعينه
بالمسجد يشيعه إنجتل مولانه
ماتم الصلاة لا تمم آذانه
مرجونه الأكوان عليه وحزنانه
وأبو محمد عليه يجري دمع عينه
الليله أبو الحسن // وحشه دواوين
يبجون الحسن وحسين مندومين
أخو المختار طاح وهدم ركن الدين
يا عزنه وذخرنه اليوم غايب وين
يابا الحسن يومك يصعب علينه
الليله أبو الحسن // وحشه دواوين
واسوا زينب وإبجوا يشيعتها
الليله بحزن دم تسيل مدمعتها
مهظومه عله أبوها يا مصيبتها
يتامه خلاف أبونه بحزن ظلينه
الليله أبو الحسن // وحشه دواوين
جابوله الطبيب وشاف راسه إشكَال
الجرح مسموم وص يابا الحسن بالحال
من عندك كَرب يا سيدي الآجال
إحنه نموت وأنت تظل يوالينه
الليله أبو الحسن // وحشه دواوين
جرح البيك بينه يصير وأنت تطيب
يا ليث الحرايب يا شهم يهديب
ومن بعدك يحيدر هاليتامه تسيب
شمال الدهر هدم بيت العلينه
الليله أبو الحسن // وحشه دواوين
ضجه بالسمه والأرض مرجونه
علي حيدر من المسجد يطلعونه
من صوابه نزف دمه وخطف لونه
وإحنه بلا حمه ولا ذخر ظلينه
الليله أبو الحسن // وحشه دواوين
شاله الحسن بيده ورجعه للدار
معصب بالعمامه يون حامي الجار
يبو إبراهيم ما تدري عله اخوك شصار
علي حامي الحمه نخبرك مصوبينه
الليله أبو الحسن // وحشه دواوين
أم حارث خادمه وتنعي عله مولاهه
الشيعه مكدره وبحزان وياهه
اليوم عليك ماجور النبي طاهه
وأم الحسن عالموله نعازيه
الليله أبو الحسن // وحشه دواوين
✍🏻خادمة أهل البيت عليهم السلام
ام حارث الياسري رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه فزاعيه للإمام علي عليه السلام (للما تمم اصيامه)
حزنانه الإنس والجان
للما تمم اصيامه
ما تمم شهر رمضان
راح وهجّر القرآن
وخله كل محب حزنان
فدوه لذيچ العمامه
حيدر ما مثيله امثيل
كردسها الزلم والخيل
ونهران الدموم تسيل
ويضربهم عله الهامه
حيدر بالوغى معروف
وبيوم الحرب موصوف
يفرح من تصير صفوف
وايشد بيده احزامه
ينزف ما كَطع دمه
بالمحراب أبو اليمه
عليه الناس ملتم
وطول الليل ما نامه
✍🏻خادمة أهل البيت عليهم السلام
ام حارث الياسري رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه للإمام علي عليه السلام (اليوم امكدره الدنيه)
اليوم مكدره الدنيه عله أهاليهه
شيبة حيدر الدم سايل عليهه
مخسوف الكَمر والشمس مكسوفه
اليوم إنجتل باب العلم بالكوفه
ريت المصطفى يحضر علي يشوفه
يشد طبرة علي وبيده يداويهه
اليوم مكدره الدنيا عله أهاليهه
جعفر ما دره بحيدر مصوبينه
بالسم سيف المرادي مغمسينه
خطر ويلوج كلساع وشبح عينه
والشيعه عله مولاهه الكدر بيهه
اليوم مكدره الدنيا عله أهاليهه
صواب البيك ريت بشيعتك كلهه
يبو الأيتام لا تمشي وتذللهه
ومن بعدك يبو الحسنين منهو إلهه
تضيع بضيعتك منهو اليلفيهه
اليوم مكدره الدنيا عله أهاليهه
حيدر يالمحير افكار عدوانه
بسيفه لو ضرب ما يخطي نيشانه
والصخره رفعهه وسكَه العطشانه
شهود لحيدر من الماي مرويهه
اليوم مكدره الدنيا عله أهاليهه
يبو السبطين بيك الدهر صوبنه
العيد أكَبل يبونه ليش عايفنه
شو ما فكرت بينه رحت عنه
إجتنه النايبه وضيعت حاميهه
اليوم مكدره الدنيا عله أهاليهه
حاميهه وحماهه وبيك مامونين
يمدرج الحيارى وعز للمحبين
علي يا عالي من اللّٰه وعرق للدين
شفيع أنت ويوم الحشر ساقيهه
اليوم مكدره الدنيا عله أهاليهه
خادمتك أم حارث وأنت منهلهه
ومن النار يابو الحسن سد إلهه
مامونه الشيعه وأنت كافلهه
ومن النار يا حيدر تنجيهه
اليوم مكدره الدنيا عله أهاليهه
✍🏻خادمة أهل البيت عليهم السلام
ام حارث الياسري رحمها الله
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
السلام عليكم تابعوني ان شاءالله انزل الكم قصائد للإمام علي عليه السلام من الكتب واذا كتبت جديد اول شيء انزله هنا ولا تنسوني بالدعاء❤️🌹
Читать полностью…
ملايتنا بالنجف الأشرف الي سألوني على دواويني الحروف الجعفريه الخاص بالفواتح والثار الموعود الجزء الخامس متوفرات يم مكتبة حسن الطريحي سوق الحويش🌹
Читать полностью…
جديد ديوان الثأر الموعود الجزء الخامس يحتوي على فصل للإمام علي عليه السلام قصائد بعدة اطوار ثگيل فزاعي مربع فزاعي بهوسات گولات مجالس نعي هوسات تجدونه في جميع مكاتب محافضات العراق
Читать полностью…
السلام عليكم ورحمة الله وبركاته خادمه من خادمات الحسين عليه السلام الان في صالة العمليات ادعوا لها عسى ولعل دعائكم اقرب إلى الله وإن شاءالله مستجابه
Читать полностью…
/channel/sm25_5
اشتركوا قصائد حسينيه مكتوبه