-
هذهِ القناة لنشر قصائد اهل البيت عليهم السلام اتمنى ان تنال كلماتي اعجابكم ورضاكم ان شاءالله ❤️✨
نعي مجرد //
مفگود ابو الحملات هاليوم
و اتگابلن زينب و چلثوم
ايهلن لأبوهن مدمع ادموم
ايهلن دمعهن بقن عبره
و جرن الحسره عله الحسره
نادن تعالي اهنا يا زهره
تعالي يا يمه و گابلينه
و الحيد ابونه ماخذينه
لو راح ما يرجع علينه
علينه الولي ما بعد يرجع
و ابطلعته ناوي ايتسرع
و گلب العقيله هم تصدع
تصدع گلب زينب من النوح
و اتنادي بويه ما الي روح
گلبي عليكم حيل مجروح
گلبي يا بويه الحزن لاحه
و اينوح كل ليله و صباحه
و ظليت ابد ما مستراحه
طور الفراق //
آه يا بويه … الگلب ما هوّد ونينه
آه يا بويه … رايح و ما ترد لينه
آه يا بويه … ابناتك اتنوح و حزينه
آه يا بويه … اشلون بينه يا علينه
گلبي محزون … و غيبتك ما حسبتهه
گلبي محزون … فرگتك لا ما ردتهه
گلبي محزون … ايتامك اتون ما شفتهه
گلبي محزون … گلي عدمن ودعتهه
تخميس //
لَا كَانَ يَوْمُكَ يَا عَلِيُّ فَإِنَّهُ يَوْمٌ بِهِ الْدِيْنُ الْحَنِيْفُ مُضَعْضَعُ
أَصْمَىْ مُصَابُكَ قَلْبَ كُلِّ مُوَحِّد وَأَصَمَّ نَعْيُكَ كُلَّ أُذْنٍ تَسْمَعُ
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
#جديد_من_ديوان_الثأر_الموعود_الجزء_الخامس_
مجلس شهادة الإمام علي عليه السلام
صلى الله عليك يا سيدي و يا مولاي يا رسول الله يا رحمة الله الواسعه و يا باب نجاة الامة ما خاب من تمسك بكم و أمِن من لجأ اليكم سادتي فنفوز والله فوزًا عضيما …
قريض //
قُمْ نَاشِدِ الإسْلَامَ عن مُصَابِهْ أُصِيْبَ بِالنَّبِيِّ أَمْ كَتَابِهْ
أَمْ أَنَّ رَكْبَ الموتِ فيهِ قد سَرَى
بالروحِ محمولاً على رِكابِهْ
بَلَىْ قَضَى نَفْسُ النبيِّ المرتضَى وَأُدْرِجَ الليلةَ في أثوابِهْ
مَضَى على اهتضامِهِ بغُصَّةٍ غَصَّ بها الدهرُ مَدَى أحْقابِهْ
عاشَ غريباً بينَها وقد قضَى بسَيْفِ أشقاها على اغترابِهْ
لقد أراقوا ليلةَ القَدْرِ دماً دماؤها انْصَبَبْنَ بانصبابِهْ
تنزَّلُ الروحُ فوافى روحَهُ صاعدةً شوقاً إلى ثوابِهِ
فَضَجَّ والأملاكُ فيها ضجّةً منها اقشعرَّ الكونُ في إهابِهْ
وانقلبَ الإسلامُ للفجرِ بها للحَشْرِ إعوالاً على مُصابِهْ
للهِ نَفْسُ أحمدٍ مَنْ قد غدَا مِنْ نَفْسِ كُلِّ مؤمنٍ أَوْلَى بِهْ
غادرَهُ ابنُ مَلْجَمٍ ووجهُهُ مخضّبٌ بالدَّمِ في محرابِهْ
فَلْيَبْكِ جبريلُ لهُ ولْينتحِبْ في المَلَأ الأعلى على مُصابِهْ
((المصيبه))
قال الراوي: فلما نزل امير المؤمنين (ع) عن المأذنة جعل يسبح الله ويقدسه ويكثر من الصلاة على النبي (ص) وعبر على قوم نيام فى المسجد وفيهم ابن ملجم (لع)
فقال الصلاة الصلاة حتى انتهى الى ابن ملجم وهو مكبوب على وجهه فقال (ع): قم إلى الصلاة ولا تنم هكذا فانه نومُ الشياطين ثم قال (ع): لقد اضمرت أمراً عظيم تكاد السماوات يتفطرن منه وتنشق منه الارض وتخر الجبال هداً ولو شئت لاخبرتك بما اخفيته تحت ثيابك، ثم انه تقدم (ع) إلى المحراب ودخل فى الصلاة وأطال ركوعه وسجوده كما هى عادته فجاء اللعين ابن ملجم ووقف حذاء الاسطوانة التى كان يصلى عندها وأمهله حتى صلى الركعة الأولى فلما رفع رأسه منها رفع اللعين سيفه وضربه وتعمد بالضربة على رأسه الشريف فشقت رأسه الى موضع سجودهِ وقال بسم اللّٰه وبالله وعلى ملة رسول اللّٰه فزت ورب الكعبة فلما سمع أهل المسجد صوته أسرعوا الى المحراب وكانت الضربة مسمومة وقد جرى السم فى رأسه وبدنه الشريف وأحاط الناس بأمير المؤمنين (ع)، وهو يشد رأسه بميزره والدم يجرى على لحيته ووجهه الشريف وهو يتلو: ( منها خلقناكم وفيها نعيدكم ومنها تخرجكم تارة اخرى ) أنى أمر الله وصدق رسول الله (ص) وزلزلت الارض وماجت البحار ورجفت السماء واصطكت أبوابُ الجامع وضجت الملائكة فى السماء بالدعاء وهبت ريح عاصف مظلة سوداء ونادى جبرئيل بين السماء والارض بصوت يسمعه كل مستيقظ تهدمت والله اركان الهدى وانطمست اعلام التقى وانفصمت عروة الوثقى قتل ابن عم المصطفى قتل الوصي المجتبى قتل علي المرتضى قتله أشقى الاشقياء فسمت أم كثوم نعي جبرئيل فلطمت خدها وشقت جيبها وصاحت ورحم الله من صاح معها… واأبتاه … واعلياه … وامحمداه…
فائزي //
مصيوب حامي الدين بالمحراب هاليوم
صابه اللعين ابسيف بس السيف مسموم
بالفجر من صابوه ابو الحمله تألم
يا حيف حامي الدين لصيامه ما تمم
كبّر الناعي بالسمه و الحزن خيّم
گومي اندعي للحيد يا زينب و چلثوم
نادي عله الحسنين و ايفزعوله ابساع
مصيوب ابو الحملات و ادمومه عله الگاع
ما يظل بس كم يوم عنكم يرحل ابساع
و ارض النجف يسكنهه يا وسفه المهظوم
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
لطميه للامام علي عليه السلام(ضل منصوب)
ضل منصوب جادركم يسادات
الكم فاتحه وميدان هوسات
وضل منصوب
ضل منصوب جادركم ولا طاح
وكل يوم بنزلكم نسمع أصياح
الف يا حيف ليث الموزمه راح
گضت روح الصميده والفجر مات
ضل منصوب جادركم يسادات
أجاه الموت حيدر وكت الاذان
ضل منصوب ماتمكم يشجعان
اليوم اشكال ابو السجاد حزنان
عساك ايصيح يابويه بسلامات
ضل منصوب جادركم يسادات
عساك أيكول سالم ما دفناك
اكبال العيد بويه ضيعيناك
تضل اكلوبنه للموت تنعاك
المسجد والكتب عكبك حزينات
ضل منصوب جادركم يسادات
المسجد والكتب عكبك حزانه
بويه اتصيح زينب يا رجانه
كون الموت وي شخصك خذانه
ونمشي اوياك يالتكَضي الكلافات
ضل منصوب جادركم يسادات
نمشي اوياك ما نهوه المباني
يكَضاي الكلافه انصيح تائي
ترد اردود لو عكَّبك نسائي
عفتني اشلون للونه وللآهات
ضل منصوب جادركم يسادات
عفتني اشلون للون والهضايم
عله التربان وسفه اليوم نايم
يليث الموزمه وبدر الهواشم
فدوه الهامتك نطيك هامات
ضل منصوب جادركم يسادات
فدوه الهامتك هاماتنه اتروح
مثل جرحك دليلي اليوم مجروح
هاذه النوح الك تستاهل النوح
تهل ادموعنه ونجهر العبرات
ضل منصوب جادركم يسادات
✍🏻خادمة أهل البيت عليهم السلام
ام هجران العمارچيه
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
نعي للامام علي عليه السلام
حسبالهم موجود ابونه
نشدو عليه و اذكرونه
بعد يا عيد لو راحن اعيونه
راحن اعيونه او يتماني
عسى العيد لا بين واجاني
وحشه وعمت عيني المباني
عمتني المباني احزان بيهه
اتراب الهجر باني عليهه
بعد لا نمرها ولا نَجيهه
ببيوتهم علت بجيهه
اجيت العصر وابني اعله متني
لكيت الدار خلوانه وعمتني
بجيت ولمن عيني اوجعتني
جلمت البويه فاركتني
واللّٰه الاو يوجع اصوابه
بدون الأبو المنزل خرابه
لا بيه صديق ولاكرابه
مر اعله اهلنه وياك كلهم
يا هو المثلكم نسو بتهم
تنشد الناس الغرب عنهم
موش امن اهلنه اجناب جنهم
كون اليدك الباب ابونه
وأكله هله كيفك شلونه
راح الكلب خابن اضنونه
ابونه دفناه اورجعنه
والبين بغيابه فجعنه
صطرنه عله العين او جعنه
ويه اليموت العتب زحمه
وشما نعاتب ما يهمه
ودارهم ظلت مظلمه
ريت البواجي تفيد ياريت
والراح منه يرد للبيت
ترى ادموعنه ما تنفع الميت
بس يا دهر منك اختليت
امن افراكهم والنوح مليت
ابجيلكم وابجي اعله روحي
وجروحكم لحمن اجروحي
وحتى الغرب تبحي اعله نوحي
✍🏻خادمة أهل البيت عليهم السلام
ام ريام الركابي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه مربعه للامام علي عليه السلام (وني ابعداليه)
يادار الولي وني ابعداليه
شال اليوم منج ما بعد جيه
يادار الولي وني واون وياج
لكيتج مظلمه وشمصعبه ملكاج
راح الي يكلي يا هلا وحياج
يا راعي الكرم راعي العزوبيه
يادار الولي وني ابعداليه
يا راعي الكرم راح الكرم وياك
يا ريف اليتامه وصدكً من سمّاك
خليه الدار بويه بيهه ما شفناك
نتكابل سوه جلثوم ياخيه
يادار الولي وني ابعداليه
نتكابل سوده دارك نعازيهه
ظلمه وخاليه وانته المضويهه
اهنا يا دار احلف ما اطب ليهه
خوش اسباع خوش ازلام دهريه
يادار الولي وني ابعداليه
شايل يا علي ومنبرك خليته
وبسيف العدل الاسلام عليته
ضحايه الدين هو وكل اهل بيته
دخليتكم يغاتي صبح وامسيه
يادار الولي وني ابعداليه
يادار النشامة ليش حزنانه
رد الصوت راعي البيت موهانه
شال البلكرم والعدل ميزانه
ديوانك مضلم // خليته
✍🏻خادمة أهل البيت عليهم السلام
الشاعره سعاد الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
حديث أمير النحل ونعي
في حديث قدسي قال تعالى : عبدي أطعني تكن مثلي أو مَقَّلي تقل للشيء كن فيكون. وهذا يعني إن اللّه جل جلاله يُسخّر لهُ الأشياء فيجعلها تطيعه بأمر اللّه وممن أطاع اللّٰه سبحانه حق طاعته أمير المؤمنين الذي خاطر بحياته وطاع اللّٰه يوم مبيته على فراش النبي وباهى اللّٰه سبحانه به الملائكة وجعله يقول للشيء كن فيكون باذن الله. ومن معجزات أمير المؤمنين إنه كلّم التحل ومن أحد ألقابه أمير النحل ، مما يروى إن ذات يوم أرسل النبي (من} غلياً إلى قوم لهم نحل كثير فكنّبوه فقال: يانحل أخرج عنهم فقد طغوا فطار النحل فأفتقر القوم واشتدت بهم الحاجه إلى النحل لأن رزقهم كان منه فأرسلوا إلى النبي{ص} أرسل إلينا رسولك فأرسله إليهم فأسلموا فقال: يانحل أقبل بحق من أرسلني إليك فرجع النحل كله . هذا امير المؤمنين الذي تجرئ أبن ملجم عليه مع إن امير المؤمنين كان يعطف عليه ويُحسن إليه . يقول الأصبغ بن نباته دخلت على أمير المؤمنين وكان مُعصّب بعصابة صفراء وكان وجهه أصفر مثل العصبة وطلب الحسنين من الشيعة أن يتركوا الإمام لأنه ساءت حالته يقول فخرج الناس ولكن قلبي لم يطاو عني بقيت واقف بالباب أنتظر فرصة للدخول فعندما تفرق الناس أستأذن من الحسن (ع)ودخل على الإمام وهو في أنفاسه الأخيرة وكان وجهه أشد صفاراً من عصبته
((النعي))
من شاف الأصبغ وجه حيدر
دك عالصدر والدمع نثّار
لون الوجه وعصابته أصفر
اسمحلي يحيدر أظل يمك
وخليني أقبلنّك وأشمك
من قبل ما كبرك يضمك
الأصبغ من أصحابه المخلصين
وشاف الحسن ينعه ويه الحسين
صاح وتهل دمعت العينين
وسفه على حيدر آيطيبين
جبريل صاح وأظلم الكون
تصوب علي ويهل العيون
ولمصيبته تنوح اليحبون
تصوب الوالي بشهر رمضان
والدين منه أنهدت أركان
وزينب تون والكلب خلصان
شمالك تون ياناعي الأحزان
سال الدمه وخضّب المحراب
وصاحو تصوب داحي الباب
وكامت تون عليه الأصحاب
وزينب تنادي راح أبونه
وبمصاب أبونه صوّبونه
شلهم عليه وشيطلبونه
اسم اللّٰه على اسمك آ يمهيوب
يالطبرتك تسعر بالكلوب
وسفه الأمير يطيح مصيوب
✍🏻خادمة أهل البيت عليهم السلام
المرحومه ام معتصم
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
مربعة للجرح (يجراح الولي)
يجراح الولي شحاله دحاجيني
هم ينهض بعد لو لا دحاجيني
جراح الولي ماتمم صيامه
بهيده عالجه ولا تلجم الهامة
ظلت تنتحب من عكبه اليتامة
وأريد أسمع وصيته وشيوصيني
يجراح الولي شحاله دحاجيني
يجراح الأرامل طاحت بشدة
تتوح على الولي وتنحب على فقده
جان إلهن علي ينفق شما عنده
صاحن ياعلي منهو اليباريني
يجراح الولي شحاله دحاجيني
يجراح الولي العيد أجبل علينه
ومامش حيد يرعانه ويبارينه
راح البشدد هوَّ الينجين
وعلى فقد الولي يتزايد ونيني
يجراح الولي شحاله دحاجيني
راح الجان هوَّه عزنه وحمانه
ونصبنه عليه مجالسنه وعزايانه
وريت العيد لاهل بسمايانه
ومن عكب الولي العيد أظلم بعيني
يجراح الولي شحاله دحاجيني
ريت العيد لا بيّن إلي هلاله
وأشوف الحيد راح ويتم عياله
لمشكل عليا جان جلاّله
بكل شدة علي هوَّ الينجيني
يجراح الولي شحاله دحاجيني
ياوسفه علي ميعيّد ويانه
التمّينه وابونه خاليّ أمجانه
أصيح دخيل ياحيدر يرجوانه
يتيمه شلون يابوية تخليني
يجراح الولي شحاله دحاجيني
لفانه العيد وأهل العيد ماهمّه
وظل كلبي بعد ماينجلي همّه
هوَّ الجان رحمة ونور للأمة
وعكب حيدر بقت داره تبجيني
يجراح الولي شحاله دحاجيني
✍🏻خادمة أهل البيت عليهم السلام
المرحومه ام معتصم
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
الشهيد المظلوم الذي ظلمهُ عدوهُ الأمريكي حين قتله وظلمتهُ الحكومة حين أنكرتهُ
الشهيد (عماد عبد الكريم اللامي) أُستشهد نتيجة القصف الأمريكي الغاشم على جيشنا الباسل ، أثناء التصدّي للإنزال الأمريكي في النخيب - كربلاء.
شُيّع بدون ذكر إسمه ونشر صورته ومن الواجب علينا نشر صورته و التغني ببطولاته وهو يلاقي ربه شهيداً صائماً مجاهداً حامياً لدولتهُ وشعبهُ
هنيئاً لك الشهادة.
هوسات للشهيد القائد عن لسان الشاعر
سألوني عن مذهبي
وسيف العده بمنحري
جاوبت اصل الشرف
جعفري ومن جعفري
گالولي انكر علي
لو يجري دمك جري
((الدم لحيدر فدوه ويرخص لولاده))
گالولي انكر علي
گلت الهم الكرار
ما ازل عن اولايته
وهاذه الأبد ماصار
خلوني اموت بشرف
ولا عيشه بيهه العار
((والموت بعز يا محلاته))
گالولي عوف الحسن
ناديت الف ياحيف
مو هاذه طبع اليحب
عالرگبه لو مو سيف
بالعزه ابيع النفس
للجنه باچر ضيف
((واهناك الزهره اتلاكيني))
أيسوا من الحسن
گالولي عوف حسين
مو اني الجاوبت
جاوب سواد العين
شلون اعوف الفخر
واتبع هوه الطاغين
((وحسين اتوذر ما عوفه))
لو وذروني وذر
واتگطعت مرات
ما اعوف ابد سادتي
واتبع هوه الشمات
ترخص الروح لعلي
بحبهم شهيد المات
((يمهم بالجنه ايسجلونه))
✍🏻خادمة أهل البيت عليهم السلام
الشاعره ام ريام دخيل الركابي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه موشح للشهيد القائد (عالعهد للموت)
(( النعي ))
سيد علي نبچي و نون ليك
اشمالهم گوم العده اعليك
ننطي النفوس و لا نوافيك
عطر الزچيه فاطمه بيك
عمت عين گلبي وين نلگيك
(( النزله ))
عالعهد للموت … الك وفايه
والله ما تخلف الشيعه ابهايه
عالعهد يا سيدي تدرينه
حتى لو بارواحنه انضرينه
و ننخه بالعباس عم اسكينه
هوه للشيعه يظل تچايه
عالعهد للموت … الك وفايه
هو للشيعه يگف وياهه
بالحروب الصايره يحماهه
و امك الزهراء عازيناهه
و اعله يومك ناصبين اقرايه
عالعهد للموت … الك وفايه
اعله يومك ناصبين الفاتحه
ننعى و نبچي ابمدامع جارحه
البارحه موجود انته البارحه
هسه مقصوفه حسافه الثايه
عالعهد للموت … الك وفايه
قاصفينك و انته تحمي الشيعه
گلت دمي للظلم ما ابيعه
و الخسيس اترامب ابد ما اطيعه
دومني ابعينه اظل سلايه
عالعهد للموت … الك وفايه
اوگف ابوجه الظلم و افعالهم
ما اعوفنهم هذوله ابحالهم
الا اكتلهم و اكتل ارجالهم
و الامام المنتظر ويايه
عالعهد للموت … الك وفايه
الامام المنتظر يحميني
و بالقصف بيده الجليله ايعيني
سيدي عميه اعله طولك عيني
تنقتل و ابلا ذنب لا سايه
عالعهد للموت … الك وفايه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
حسافه ينقصف يا خيرة القاده
و دين الله عليه انهدم و اتراده
كل شيعي محب خل يعلن احداده
امصيبه ما مثلهه المصيبة الساده
(( يردونه // للعازه السيد ))
(( يا حيف المثله ايقصفونه ))
(( شيجيبه // و ازماط الشايل ))
الشاعر جعفر الساعدي
عن الامام أبي جعفر الباقر عليه السلام أنه قال:
كأني بقوم قد خرجوا بالمشرق
يطلبون الحق فلا يعطونه ثم يطلبونه فلا يعطونه
فإذا رأوا ذلك وضعوا سيوفهم على عواتقهم فيعطون ما سألوا فلا يقبلونه حتى يقوموا
ولا يدفعونها إلا إلى صاحبكم
قتلاهم شهداء أما إني لو أدركت ذلك لأبقيت نفسي لصاحب هذا الامر.
ثم انها اقبلت على الحسنين وقالت اسرعا فأن ابانا قد قتل، فخرجا مسرعين إلى المسجد فوجدا اباهما في محرابه والدماء تسيل على وجهه الشريف فنادوا ورحم الله منادى معهم… واأماماه … واأمير المومنيناه
ثم أن الناس خرجوا في طلب ابن ملجم (لع) فقبضوا عليه وأتوا به إلى الأمير فأمر بحبسه فحبس واجتمع الناس من كل جانب ومكان وهم ينادون… واأماماه … واسيداه …
ثم أن الحسنين عصبا رأسه وحملاه إلى منزله وأحدقت به اولاده واصحابه وهم باكون نادبون ثم ادخلوه المنزل فلما رأينه زينب وام كلثوم صحن ورحم الله من صاح معهن… واأبتاه … واعلياه … من لليتامى بعدك ياأبتاه،
ثم ان الحسنين جمعا له الاطباء ومن جملتهم أثير الجراح، فأستدعى برية شاه حاره واستخرج منها عرقاً فنفخه وادخله في جرح امير المؤمنين (ع) ثم استخرجه وقد خرج معه مخّ دماغه فقال: يا أمير المؤمنين وصي وصيتك واعهد عهدك فجعل الناس يبكون بكاء خفيفًا الا الاصبغ بن نباته فأنه لم يملك نفسه دون ان خنقته العبرة ورفع صوته بالبكاء فسمعه أمير المؤمنين (ع) فقال: يا أصبغ لاتبكي انها والله الجنة قال: سيدي وانا اعلم انك تصير إلى الجنة ولكن ابكي لفراقك ياسيدي .
نعي مجرد //
ايس طبيب الوالي منه
و بس هالمسيه گال اظنه
باچر علي يرتحل عنه
مابي سلامه يا وليكم
باچر حزن چنه يجيكم
ابو حسين يگطع وسف بيكم
دوعدوه ها يالتحبونه
و بالراض بس لا تلچمونه
عونه اليشوفه بعد عونه
طبرته مچيده و أثرت بيه
و بصوابه سم و حيل گاضيه
اشلون اللعين اتجسر اعليه
ما منهه طيبه طبرت الراس
داتوادعوا هاي آخر انفاس
يا چلثوم يا زينب يا عباس
طبيبه طلع يصفگهن ايده
و ايگول هالطبره مچيده
و گربت عله الكوفه الوعيده
باچر الكوفه ايشيل منهه
و تبقه يتاماه ابحزنهه
و زينب فلا ينگطع ونهه
حشمت ونادته يدكتور
دخيلك دطيبلنه المطبور
يگلهه الجرح منلچم و ايفور
يگلهه الجرح مابيه طيبه
ويلاه و امأيس طبيبه
الليله الملاگه اويه الحبيبه
الليله الملاگه اويه الزچيه
او ويه النبي خير البريه
اهواي استعد حامي الحميه
ولم يزل يثقل حاله حتى مضت عليه ثلاثه ايام فدعى ليلة وفاته ان تحضر اولاده وأهل بيته جميعاً، فحضروا وألتفت إلى اولاده الذين هم من غير فاطمة وقال لهم: يابني اوصيكم وجميع من حضر بطاعة اخويكم الحسن والحسين فأنهما اماماكم واماما هذه الأمة بعدي ثم ألتفت إلى الحسنين (ع) وقال لهما: كأني بكما يا حبيبّي وقد خرجت عليكما الفتن من هاهنا وهاهنا فعليكما بالصبر على المصائب ثم ألتفت إلى الحسن خاصة واوصاه بجميع وصاياه ثم أدار عينه في اهب بيته واولاده وقال: استودعكم الله حفظكم الله ، الله خليفتي عليكم وكفى به خليفة ، ثم تقبل القبلة وتشهد الشهادتين ثم قضى نحبه مظلوماً شهيداً فبكى الحسن والحسين وارتفع الصراخ من كل جانب ومكان وصارت في الكوفة صيحةً عظيمة والعزاء لزينب وام كلثوم وام البنين والفاطميات عليهن السلام…..
ابوذيه //
يگلبي احزن عله الوالد … و ون حيل
ميت من طبرته هاي … ون حيل
ظل الليل ما نامه … يون حيل
و ينادي يا اولادي اتعالوا ليه
آه يالصاب ابو الحسنين … شله
گضه روحي و گضه گلبي … وشَلّه
اليحبك بالعمر يا بويه … شله
يوم التاخذك منه المنيه
#جديد_من_ديوان_الثأر_الموعود_الجزء_الخامس_
لطميه مربعه للإمام علي عليه السلام (الليله اتوادعوا)
الليله اتوادعوا … باچر ترا ايشيل
لأرض المگبره حماي الدخيل
الليله اتوادعوا يلي تحبونه
باچر للنجف عنكم يشيلونه
ابهيد ابهيد وياه من تبوسونه
لا اتطخون راسه و ينلچم حيل
الليله اتوادعوا … باچر ترا ايشيل
لا اتطخون راسه تاذي الطبره
حيدر من وجعهه الله اليصبره
بگلوب اليتامه صايره جمره
و بنته اشلون بيهه من يجي الليل
الليله اتوادعوا … باچر ترا ايشيل
بنته اشلون بيهه اشلون حالتهه
اتودع بالحنين و تجري دمعتهه
الليله باللطم جدوا ابعزيتهه
للمطبور خل انصيح يا ويل
الليله اتوادعوا … باچر ترا ايشيل
للمطبور ابوهه نخسف الهامه
منه يا خلگ چن قربت ايامه
هاي اخر مسيه و موته جدامه
ابو الغيره يا ناس انوه عله الشيل
الليله اتوادعوا … باچر ترا ايشيل
ابو الغيره و حميه شدّد ارحاله
و طلع للمگبره و العين هماله
هذا حسين يبچي اترادت احواله
و ابو محمد ينادي و مدمعه ايسيل
الليله اتوادعوا … باچر ترا ايشيل
ابو محمد ينادي الزينب و چلثوم
عزچن يا بناته طاب ليه النوم
بترابه ينام و موش يمنه اليوم
يا امرجف الزلم و امرجف الخيل
الليله اتوادعوا … باچر ترا ايشيل
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطمية للإمام علي علييه السلام (طاح المرمر المناع)
طاح المرمر المناع
ما كَدروا يعمرونه
طاح اليوم داحي الباب
والدم فيض المحراب
يا حيدر يليث الغاب
علكلفات ينخونه
ابونه اهديب للكلفات
يا هو الكال حيدر مات
هيبه وحاضر الشدّات
والوالاه خيعونه
فايز ياعلي الوالاك
هنياله اليصلي اوياك
دمك فيض امصلاك
انعه اعليك ممنونه
الراس انجسم بالسيف
منهو الخملك يا حيف
يا حيدر يسبع امخيف
والدنيه عليك مرجونه
مرجونه يراعيهه
بس ضل الحزن بيه
وين اليوم واليهه
اظن راحوا يغسلونه
راحو للغسل بالزين
كل الحيف يابو حسين
بويه انكلبت الصوبين
ياهو الي يسلونه
شايل يا علي الكرار
والليله خليه الدار
بالقران دمك صار
نلطم هيج خلونه
✍🏻خادمة أهل البيت عليهم السلام
ام ريام الركابي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
مربعه للأمام علي عليه السلام (شنهو اليوجعك)
شنهو اليوجعك بويه وتون منه
وأصوابك كلف واشلون اشدنه
شنهو اليوجعك يابا الحسن فدوه
وأصوابك غميج ولا ينفعه أدوه
منه امغيرات ارسومك الحلوه
لو يندار وبروحي لديرنه
شنهو اليوجعك بويه وتون منه
لو ينشال جرحك والوجع شلته
ولا سمعك تلوج الليل مانمته
حيلي ياعلي الكرار هدمته
ودمك عالجبين ايسيل اشوفنه
شنهو اليوجعك بويه وتون منه
شفت دمك يسيل وتنزف الطبره
واصوابك كلف هيهات مايبره
راح الحيل مني اوداعت الزهره
ممرود الكلب يابويه أهيسنه
شنهو اليوجعك بويه وتون منه
ممرود الكَلب من ونتك نصين
لا تكَدر تكوم ولاتفك العين
وين اتريد حاجيني يبو الحسنين
راح اتشيل مامنك بعد ضدنه
شنهو اليوجعك بويه وتون منه
اروح اوياك اخذني وين عني اتريد
ولا ضلن يتيمه اكَبال يوم العيد
ولراسك بعد ماضن علاج ايفيد
مطبور امن اطبكَه خاف الحمنه
شنهو اليوجعك بويه وتون منه
اشلون اطبك جبينك ياعلي مطبور
مافادك علاج وايس الدكتور
اتون صبحت حالك صدك مخطور
ضل يبجي الحسن ويكول ودعنه
شنهو اليوجعك بويه وتون منه
ضل يبجي الحسن ويهلن اعيونه
مرعوبه ونشدته والدي شلونه
وني ايكول يازينب المحزونه
عودج غاب عنه ومايرد النه
شنهو اليوجعك بويه وتون منه
✍🏻خادمة أهل البيت عليهم السلام
ام هجران العمارچيه
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه مربعه للأمام علي عليه السلام (ياسور المساكين)
وين اتريد … ياسور المساكين
خليت المنابر والقرائين
وين تريد ياعزنه ويوالينه
خليت اليتيم ايهل دمع عينه
گالوا للگبر وجهك امشيعينه
والمسجد حزين ويلطم الدين
وين اتريد … ياسور المساكين
عليك اليوم يلطم مسجد الكوفه
وايات الكتاب ايعازن احروفه
لبس ثوب السواد المنبر اتعوفه
ودمع جبريل ماينشف امن العين
وين اتريد … ياسور المساكين
ماينشف دمعنه ولادمع جبريل
ياحامي الحميه اشلون عنه اتشيل
زينب گاعده وياك طول الليل
وباچر وين مصباحك يبو حسين
وين اتريد … ياسور المساكين
باچر وين مصباحك يليث الغاب
تسكن مگبره ماتوگف بمحراب
ايلجمه الرمل جرحك بعد ماطاب
وراسك ياعلي مجسوم نصين
وين اتريد … ياسور المساكين
راسك ياعلي مصيوب بالگصه
تجرعت الألم غصه بأثر غصه
نعتب والدهر بعتابنه انخصه
أخذ حامي الحميه امن الموالين
وين اتريد … ياسور المساكين
اخذ حامي الحميه ومشه الجيدومه
عمت عين الزمان الغيب أرسومه
نروح لكربله وزينب المهضومه
ونلطم عالزلم ذيچ المطاعين
وين اتريد … ياسور المساكين
مطاعين الزلم ناموا عله الغبره
زينب ياهضم ضاگته وياعبره
ننخاها ونگلهه بداعت الزهره
نطلب وكفتج يالماتقصرين
وين اتريد … ياسور المساكين
✍🏻خادمة أهل البيت عليهم السلام
ام هجران العمارچيه
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه ثكيله للامام علي عليه السلام (اه يالدهر اه)
اه يالدهر اه .... ذني سجاياه
ينغدر حماي الحمه
وركن الديانه هدمه
وفاركني وياه .... اه يالدهر اه
اه يالدهر غدار من يتوله
جم كلب صابه وجم جرح بيه خله
وشجم طفله دنك ركبته وذله
جم شاب ذبل وردته
جم بيت سود عتبته
وشد حربه وياه .... اه يالدهر اه
اه يالدهر من غدرته واحرابه
دون الخلك مكن ابكلبي اصوابه
جم نزل لهلي امسودات اعتابه
جم عيله بيها اتكلفت
ويه الاحزان اتحالفت
و شربني بلواه .... اه يالدهر اه
اول جرح جرح ام حسن بلبسمار
وارتهب كلبي ابصوتها وذيج النار
نار الحقد من لهبت ابباب الدار
شفت امي عليها انغمه
وانجتف حماي الحمه
ومن حاطته اعداه .... اه يالدهر اه
ثاني جرح طر مهجتي وذللني
مكن اصوابه ابروحي و يتمني
قاسي الدهر بيد الهظم سلمني
من شفت ابو الحمله انطبر
كلبي مثل راسه انفطر
من سبح بدماه .... اه يالدهر اه
حيدر يبويه اليوم وجهك مفكود
امسه المسه ياوالدي اهدومي سود
خافن يبو الحمله المجانك متعود
يحباب كلبي اشجاكم
وين الوكت وداكم
حملوني وياه .... اه يالدهر اه
بيت العلم و الدين اصبح خالي
و اعمامت الكرار تنعه اكبالي
ريتك يبو الحسنين تنظر حالي
من هيبتك فكدوها
من حجرتك سدوها
ياذيني فركاه .... اه يالدهر اه
راح الامام وما اظن بيه رده
فارك عزيز النبي و بيته سده
اتنوح اليتامه اللايذين ابسده
كهف الحرم و الايتام
اتوسد الغبره و نام
يوحشني مبناه .... اه يالدهر اه
✍🏻خادمة أهل البيت عليهم السلام
الشاعره فاطمه الموسوي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه موشح للجرح (مولانه)
نصاب راس المرتضى مولانه
ودين بارينه وكع بنيانه
أنصاب راس المرتضى وكت الفجر
بسيف مسموم وعلى الهامه أنسطر
وشيعته كامت تدك على الصدر
وظلت أولاده تون حزنانه
نصاب راس المرتضى مولانه
نصاب والينه ياويلي بهامته
وظلت بحسرة تنوح أبنيّته
والحزن هاليوم غطَه شيعته
وغيّمت هاليوم ظلمة اسمانه
نصاب راس المرتضى مولانه
وسفه عنّه تروح ياحامي الدخيل
يالترجف الموت يالتشفي العليل
وزينب خلافك دمعهه دم يسيل
نكول يابوية الهظم سلانه
نصاب راس المرتضى مولانه
شلّي أبعمري عكب عينك بعد
ما حلالي العيش عكبك يالأسد
راح كل ذاك الدلال ومايرد
وعكبك الذل والهظم يلفانه
نصاب راس المرتضى مولانه
يا أمير النحل يافحل الفحول
غيبتك عنّي يابويه لا تطول
الروح بغيابك تولاهه النحول
وانه يابوية أصبحت حزنانه
نصاب راس المرتضى مولانه
ما ابطل النوح عكبك يالولي
أصرخ بفقدك وأنادي ياعلي
ياولي اللّٰه يانعم الولي
بتك خلافك تظل حزنانه
نصاب راس المرتضى مولانه
✍🏻خادمة أهل البيت عليهم السلام
المرحومه ام معتصم
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
شدة لجرح الأمير عليه السلام (كتال جرحك)
كتال جرحك ياعلي والله وهظمنه
ونبجي وننادي مصيبتك بيهه انفجعنه
جرجك يضمدونه ياحيدر والدمه يفور
ومسموم سيف الصوّبك يالطحت مغدور
اللّٰه يعين بغيبتك زينب والخدور
يبجن على فركاك ويجهرن الونّه
يأسور بيتي اللي وكع زينب تنادي
وسفه يصوبك ياعلي سيف المرادي
والله يابوية تمرمرت لبّت أفادي
عكبك يحمّاي الحمه وعزنه وفخرنه
تنعه الأرامل ياعلي وتنوح الأيتام
ويبجي اليحبك ياعلي ويلطم على الهام
تهدّم عكب عيناك جم ركن من الأسلام
ياحيف من عدنه رحت آ ياذخرنه
يالشيّدت الأسلام وأنت رفعت شانه
ياوسفة عنّه تروح ياعزنه وحمانه
لجلك ياحيدر هالعزة وهذا بجانه
ولجلك ندك على الصدر نجهر الونه
يالجفّك الماعون ويطعم اليتامه
ريتك يحماي الحمة تكوم بسلامه
تخلّص شهر رمضان واتمم صيامه
وتعيّد ويانه ياحيدر ياذخرنه
وشيعتك تصرخ ياعلي الليلة وتناديك
كلنه يحمّاي الحمه تدري نواليك
ونجدد وياك العهد كلنه محبيك
ياعلي وانت بالشدد يالتحضر النه
✍🏻خادمة أهل البيت عليهم السلام
المرحومه ام معتصم
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
السَّلامُ عَلَيْكَ يا ابْنَ رَسُولِ رَبِّ العالَمِينَ ، السَّلامُ عَلَيْكَ يا ابْنَ أَمِيرِ المُؤْمِنِينَ ، السَّلامُ عَليْكَ يا ابْنَ فاطِمَةَ الزَّهْراءِ ، السَّلامُ عَلَيْكَ يا حَبِيبَ اللهِ ، السَّلامُ عَلَيْكَ يا صَفْوَةَ اللهِ ، السَّلامُ عَلَيْكَ يا أمِينَ اللهِ ، السَّلامُ عَليْكَ يا حُجَّةَ اللهِ ، السَّلامُ عَلَيْكَ يا نُورَ اللهِ ، السَّلامُ عَلَيْكَ يا صِراطَ اللهِ ، السَّلامُ عَلَيْكَ يا بَيانَ حُكْمِ اللهِ ، السَّلامُ عَلَيْكَ يا ناصِرَ دِينِ اللهِ ، السَّلامُ عَلَيْكَ أَيُّها السَّيِّدُ الزَّكيُّ ، السَّلامُ عَلَيْكَ أَيُّها البَرُّ الوَفيُّ ، السَّلامُ عَلَيْكَ أَيُّها القائِمُ الاَمِينُ ، السَّلامُ عَليْكَ أَيُّها العالِمُ بِالتَّأْوِيلِ ، السَّلامُ عَلَيْكَ أَيُّها الهادِي المَهديُّ السَّلامُ عَلَيْكَ أَيُّها الطّاهِرُ الزَّكيُّ ، السَّلامُ عَلَيْكَ أَيُّها التَّقيُّ النَّقيُّ ، السَّلامُ عَلَيْكَ أَيُّها الحَقُّ الحَقِيقُ ، السَّلامُ عَلَيْكَ أَيُّها الشَّهِيدُ الصِّدِّيقُ ، السَّلامُ عَلَيْكَ يا أبا مُحَمَّدٍ الحَسَنِ بْنَ عَلِيٍّ وَرَحْمَةُ الله وَبَرَكاتُهُ.
Читать полностью…
هوسات للوليان
ما تسوه العتب دنياي مالي اعتاب وياهه
من عدنه خذت طيبين نامت عالثره ألحاهه
حزنانه المباني اليوم اتريد المشه وعافاهه
((الحگ والبيرغ يبچي اعليه))
عليه الحگ يون والجار والخطار
احا يالراح عنه وسكن ذيچ الدار
اتراب ورمل خنگه وسموم الحار
((ما هان اعلينه الحيد الشايل))
مو هين علينه الراح حنين وطيب العشره
أله جوه الكلب ونه ونوح ونايبه وعبره
يا حيف والف يا حيف ذاك الوجه عالغبره
((شماله البين ايهدم ببيوت الزينه))
شگد هدم البين ابيوت معموره وبعد زينه
طالت غيبت الغياب وماردت ليالينه
عازوا ام الحزن هاليوم للگطعوا چفينه
((احا يالگايل شنهو الماي وما اجيبه))
✍🏻خادمة أهل البيت عليهم السلام
الشاعره ام ريام دخيل الركابي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
وينك يا امام العدل هالليله
اترامب اهواي اذانه برد حيله
يقصف وين نشمي كله غيره و زود
واحدهم سبع ما نام عالعيله
(( بجوابك // لا تبطي اعلينه ))
الشاعر جعفر الساعدي
اللهم سدد
اللهم انصر
اللهم بحق الحسين عليه السلام
عالعهد … للموت الك وفايه
والله ما تخلف الشيعه ابهايه 😭
الشاعر جعفر الساعدي
إنا لله وإنا إليه راجعون 😭💔
((الشايل مايتعوض // حگنه انون وانوح اعليه))