-
هذهِ القناة لنشر قصائد اهل البيت عليهم السلام اتمنى ان تنال كلماتي اعجابكم ورضاكم ان شاءالله ❤️✨
اليوم النبي دمعه يهله
يعتب عله عمه و يگله
اتطول الغيبه و موش سهله
و افراگ وجهك مو محله
(( و كلهه اعليك ايونن // دين الباري و قرآنه ))
عظم الله اجورنا واجوركم💔
الشاعر جعفر الساعدي
"اللهم كما أنعمت فتمم، وكما أعطيت فبارك، وكما أكرمت فزد."
الشاعر جعفر الساعدي😌🤍
#حصريا_من_ديوان_الحروف_الجعفرية_ج۱
لطميه بهوسات للأخت (خالة ابني)
خالة ابني و حيل يوجع يومهه
بالترابه اتنام وسفه ارسومهه
حيل يوجع يومهه و ما نحمله
بالترابه اتنام وسفه ام الهله
تسوه هوسات و عراضه و زهلله
(( لو ونينه // تستاهل ون ))
هيه تستاهل دموع من الدمه
ربت اطفالي و عليهه امعلمه
حسبيت اسنينهه اتظل دايمه
(( و اتعود // يا يوم اعلينه ))
هم ترد ويانه هم نگعد سوه
خالة ابني و هيه اعز من الهوه
والله فرگاهه جمر بيه دوه
(( السردابه // نامت بتراب ))
نامت ابتربان يكلف نومته
هيچ عاجبهه الحنينه و رادته
ظل ابنهه اينوح بس ما سمعته
(( و امعجل // بيهه الدفانه ))
بيهه حاديهه طلع وسفه ابعجل
و واگفه تنظرهه و اتنوح الاهل
امشي و اوگع گتله خليهه تظل
(( المهيوبه // بس ما رداهه ))
يمنه ما ردهه و مشه للمگبره
ليش مستعجل يا حاديهه و سره
چن اخذ روحي و عليهه حايره
(( و انگطعت // يا طاري الخيه ))
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
((وَإِذَا الْمَوْؤُودَةُ سُئِلَتْ*بِأَيِّ ذَنْبٍ قُتِلَتْ))
Читать полностью…
لطميه للحشد الشعبي( يالعله الساتر تونون)
اسم اللّٰه يالعله الساتر تونون
أهلنه ما اجوا لينه تكولون
اسم اللّٰه اعليكم اسم اللّٰه امن الونين
يحضركم علي أو يحضركم احسين
فرحانين جي للجنه ماشين
نظل احنه ابحزن وانتم تفرحون
اسم اللّٰه يالعله الساتر تونون
اسم اللّٰه يالعله الساتر وكفتوا
ما ندريكم اشردتوا اشطلبتوا
المن من هوى الدنيه انحرمتوا
لا تبطون واعلينه تعنّون
اسم اللّٰه يالعله الساتر تونون
ونيتوا ولا يدرون اهلكم
ابساع انكطع من الدنيا املكم
واحنه من بطيتوا ايّسنه منكم
يهل الزود ما نقبل تموتون
اسم اللّٰه يالعله الساتر تونون
عمت عيني عليكم يالحياده
اشبدينه انتم تمنيتوا الشهاده
أنتم طاهرين امن الولاده
او عاهدتوا بدمكم كون توفون
اسم اللّٰه يالعله الساتر تونون
✍🏻خادمة أهل البيت عليهم السلام
الشاعره ام شيماء الناقل الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه للحشد الشعبي (اسباع الناخيتكم شيميتوها)
أسباع الناخيتكم شيّميتوها
من عباس غيرتكم خذيتوها
أسباع او ما نطيتوا الحد يدهريه
شردتوا الدواعش والارهابيّه
ويه احسين وقعتوا اتفاقيّه
او بعتوا أرواح والجنه اشتريتوها
أسباع الناخيتكم شيّميتوها
حدكم ما تتيهونه اسباع انتم
رفعن روسهن بيكم الجابنكم
دهريه والمزامط ايلوگ الكم
الارواح ابشهاده بدليتوها
أسباع الناخيتكم شيّميتوها
أهنا ياللازمين أحدود سمعوني
الكم اندعي او افديكم اعيوني
أحموا الدين واحموا الشرف واحموني
أو كلمن شارده للبيت ردوها
أسباع الناخيتكم شيّميتوها
يا شجعان ردوا العايل اعلينه
طردوه لا تخلونه يطب لينه
الكم تندعي لو كَمنه صلينه
ابديرتنه الدواعش لا تخلوها
أسباع الناخيتكم شيّميتوها
اسباع انتم او زامطنه العده بيكم
شحدّه اليكَرب اشحده اليلاويكم
ينصركم علي او هيبه يخلّيكم
العيله من عدوكم ما حملتوها
أسباع الناخيتكم شيّميتوها
حياهن هله بيهن الجابنكم
نعمين او كفو منهن الرّبنكم
اعزاز اعليهن او للدين ضحّنكم
اختكم ما تذل يسباع ردتوها
أسباع الناخيتكم شيّميتوها
✍🏻خادمة أهل البيت عليهم السلام
الشاعره ام شيماء الناقل الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
بسم الله الرحمن الرحيم
بيان استنكار
ببالغ الحزن والأسى، نستنكر وبشدة الاستهداف الآثم الذي طال قوات وقادة الحشد الشعبي، تلك المؤسسة التي قدمت التضحيات الجسام دفاعًا عن الأرض والعِرض والمقدسات.
إن هذا الفعل الجبان لا يمتّ إلى القيم الإنسانية ولا إلى تعاليم ديننا الحنيف بصلة، وهو عمل مرفوض شرعًا وأخلاقًا، ولا يرضي الله تعالى ولا أهل بيت النبوة عليهم السلام، الذين دعونا دائمًا إلى نصرة الحق ورفض الظلم والعدوان.
إن استهداف من ضحّوا بأرواحهم في سبيل حماية الوطن هو تجاوز خطير يستدعي وقفة جادة من كل الأحرار، وتأكيدًا على أن دماء الشهداء لن تذهب سدى، وأن طريق الحق سيبقى ثابتًا رغم كل المحن.
ونسأل الله تعالى أن يحفظ العراق وأهله، وأن يتغمد الشهداء بواسع رحمته، وأن يمنّ على الجرحى بالشفاء العاجل، وأن يعجّل بظهور الإمام المهدي عجل الله فرجه الشريف، ليملأ الأرض قسطًا وعدلًا كما مُلئت ظلمًا وجورًا.
وسيظل الأمل قائمًا بنهاية الظلم وانتصار الحق، مهما تكاثرت التحديات.
والله ولي التوفيق
خادم أهل البيت عليهم السلام
الشاعر جعفر الساعدي
محد بالمحنه ايصير مثل امي
اتشيل الظيم عني وتشرك ابهمي 😭😭
✍🏻ام ريام
#جديد_من_ديوان_الثأر_الموعود_الجزء_الرابع_
لطميه فزاعيه للزهراء عليها السلام (وين ام المحنه اتريد)
وين ام المحنه اتريد
شالت من وكت عنه
وين ام المحنه اليوم
خلتني ابگلب مهظوم
عگبچ ما حلالي النوم
يا شمعة منازلنه
يا شمعتنه الضويه
شلتي وين هالنيه
موحش بيتچ اعليه
و مو بيت الاهل چنه
مو بيتچ عمه اعيوني
يا يمه و بعد لوني
من شالوچ فجعوني
ما ردوّا خطيتنه
ما ردوچ من شالوچ
و ابوسط اللحد خلوچ
يمه اشلون من نزلوچ
گطعيت انه للظنه
گطعيت الرجه وياچ
ازغار اكبار ضيعناچ
و ما ظني ييمه الگاچ
يالفرگاچ عذبنه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
ببركة محمد وآل محمد اصدار ديوان
ديوان الحروف الجعفريه الجزء الأول الخاص بمناسبات الفواتح: للأب وللأم وللأخ وللأخت لخادم اهل البيت عليهم السلام الشاعر جعفر الساعدي.
يحتوي : قصائد ثگيله، مربع، فزاعي، نعي، هوسات، گولات، رباطات، بجميع الأطوار وايضاً ادعيه .
يتوفر في جميع المكاتب في محافضات العراق
لطميه مربعه للشبان و الشهداء رضوان الله عليهم ((غرفتك عطرتهه))
غرفتك عطرتهه ما ترد ليهه
هاي امك تنادي اهنا يواليهه
هاي امك تنادي من گلب مجروح
غرفتك عطرتهه و العطور اتفوح
اشلون اتعوفهه ها يالولد و اتروح
اتريدك للگبر بيدك توديهه
غرفتك عطرتهه ما ترد ليهه
اتريدك للگبر جناز و اتزتهه
الموته موش الك ليهه تمنتهه
و رادت گعدتك بالدار رادتهه
و رادت يالولد انته التجازيهه
غرفتك عطرتهه ما ترد ليهه
رادتك يا ابنهه اتجازي ارباهه
ما تدري الزمان ايخون وياهه
ابد ما حَسِبت و اتگول سواهه
و ما گال الولد عالوالده اشبيهه
غرفتك عطرتهه ما ترد ليهه
ما گال الولد ليش امي محزونه
هاي الربته و گمطتهن امتونه
چانت هم تون من تطلع اسنونه
اليوم امصبحه ما حيل ظل بيهه
غرفتك عطرتهه ما ترد ليهه
اليوم امصبحه ما حيل ظل عدهه
خليهه تون و الله اليساعدهه
حنين و شوگ فوگ الظيم چايدهه
و خلي ام عون نتذكر بلاويهه
غرفتك عطرتهه ما ترد ليهه
خلي ام عون نتذكر مصايبهه
ما بينه غرب كلنه حبايبهه
يا وسفه الوكت دولاب دولبهه
بالشبان من راحوا نواسيهه
غرفتك عطرتهه ما ترد ليهه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تهدمت ولله اركان الهدى قصيدة في جرح ومقتل الامام علي عليه السلام من رثاء شاعر اهل البيت وخادم الحسين المرحوم كاظم منظور الكربلائي رحمه الله واطيب ثراه الناقل الشاعر جعفر الساعدي
غير مبري الذمه من ينسبها له
/channel/Jafar225
لطميه للإمام علي عليه السلام (حيدره اويانه)
بس هاي المسيه حيدره اويانه
باچر بيه ولده اتروح دفانه
بس هاي المسيه ايبات بالدار
و باچر ينفگد يا حامي الجار
يستاهل لطم حيدر المغوار
كلفه طبرته و بصوابه اذانه
بس هاي المسيه حيدره اويانه
كلفه طبرته و ضايع دواهه
و الدكتور لا فاد و براهه
اليوم ام عون ما بطل بچاهه
اتگول ارواحنه امهدمه و تعبانه
بس هاي المسيه حيدره اويانه
امهدمه ارواحنه و ما بيه ظنه
بس هاي المسيه الحيد يمنه
يا علويات گومن وادعنه
صاح حسين راح ايموت ملفانه
بس هاي المسيه حيدره اويانه
راح ايموت گوه ايجر الانفاس
گومن وادعنه و لطمن الراس
و گدامه اگعدت تنحب ام عباس
گلبي اتگول ينسد راح شريانه
بس هاي المسيه حيدره اويانه
گلبي اتگول تدري انصاب و انعاب
وين اتريد يا دحاي الابواب
امصابك ما مثيله يشبهه امصاب
عيناه غمضت و ابظيم خلانه
بس هاي المسيه حيدره اويانه
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه مربعه للإمام علي عليه السلام (هاليوم العقيله)
هاليوم العقيله … اتريد لطامه
للمطبور ابوهه تخسف الهامه
هاليوم العقيله اتريد جمعيه
وين الگابلتهه ها يشيعيه
يا امعدلات ما بيچن المنخيه
زينب حيل محتامه … هاليوم العقيله
زينب حيل محتامه اعله واليهه
شايل للنجف ما عوّد اعليهه
بدياره بقت تنحب امخليهه
گالت خلصت ايامه … هاليوم العقيله
گالت خلصت ايام الولي ابسرعه
شايل للنجف ماله بعد رجعه
ابگلبي اصواب و ابدلالي يا وجعه
چان الروحي شمامه … هاليوم العقيله
چان الروحي شمامه و مشه عني
من يوم الجفاني ما ضحك سني
اترجيته و گلتله اوياه ياخذني
او تبعيت الضعن يامه … هاليوم العقيله
تبعيت الضعن يا وسفه رجعوني
امشي اويه الولي لا ما يخلوني
شمسويه ذنب گلولي حاچوني
گلبي زايده الامه … هاليوم العقيله
گلبي زايده الامه و لاله ادوه
اصواب الحيد شوفوا بيه اشسوه
وصاكم يخوتي اهواي بالخوه
اظن سمعيتوا اكلامه … هاليوم العقيله
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
اليوم بالسجده … علي ايطبرونه
وگلبه من هسه استعر چانونه 😭😭
عمت عيني عليك يابو الحسن
✍🏻 الشاعر جعفر الساعدي
/channel/Jafar225
كلامي للساكتين عن دماء الاسرى الفلسطينين 💔~~~
مشرك للخطيب بصوتهم نادوه
لان بال النبي متوســــــــل لربه~~~
گالوله شرك وانتفضــــوا وعادوه
وابن حاخامــهم هم هوس بدربه~~~
بس سكتوا جميعاً عن دماء اسلام
لا صرح رئيس، و لا ابن شعبه~~~
تسع تالاف واحد والحكم اعدام
ولد اسلام ذوله مو ولد غربه~~~
سكته يالخليج و ماكو تصريحات
لان ضد النتن تصريحهم صعبه~~~
انكشفوا عالحقيقه والغطاء الدين
وصار ابن اليهودي اليحچي بالخطبه~~~
فتواهم امرها من النتن واترامب
وتقبيل العجيزه مطلب اتطلبه~~~
لحفظ دم الشعب گالوها ويصير
بعد چم يوم واجب يفتي مو رغبه ~~~
غم كل الخليج الخاضع ومنهان
وابن الانگليزي مرتفع غَضْبه~~~
تظاهر طالع وماراضي بالافساد
بشماله والجنوب وشرقه وي غربه ~~~
رفضوا للظلم واترامب ميريدوه
احسن من ابن سلمان وي حزبه~~~
طبگ وي اللعين وصفگاله اهواي
بل هو اليحرض تستمر حربه ~~~
الشاعره ام زينب الحسيني البصراويه
الناقل الشاعر جعفر الساعدي
/channel/Jafar225
لطميه للشهداء (اسباع ومانطيتوا الحد)
أسباع وما نطيتو الحد يشجعان
او ما تكدر تكابلكم العدوان
تحزّمتو او على الظالم هجمتوا
علي ادركنه ثلث مرات صحتوا
بكلوب الدواعش رعب صرتوا
بس الكم حلت ساحت الميدان
أسباع وما نطيتو الحد يشجعان
الساحه حلت والشاجور هلهل
نشامه واليكابلكم اتبهذل
الكم تاريخ معروف أمن الأول
صرتوا انصار للمذبوح عطشان
أسباع وما نطيتو الحد يشجعان
شجعان او عدوكم خاف منكم
لوما بالغدر جا ما كربكم
يالعمر الورد بعده عمركم
عفتو اطفال رملتو النسوان
أسباع وما نطيتو الحد يشجعان
تسوون المناحه يا نشامه
عفتوهه النسه أو عفتوا يتامه
أنه امك يالولد ليلي منامه
اون من فركتك والكَلب خلصان
أسباع وما نطيتو الحد يشجعان
تون أمك عليك او تجر حسره
اتكول اعلى الولد كلبي اشيصيره
يناس الفارك ابنه ايتيه فكره
او ما يندل طريقه ايصير دوهان
أسباع وما نطيتو الحد يشجعان
✍🏻خادمة أهل البيت عليهم السلام
الشاعره ام شيماء الناقل الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
يالغايب ولا غايب مِته صبرك تودعه
ما صدكَ بقيع الهم ينادي ولا تسمعه
عايش باتنظارك … ما تشهـر فقارك
نِزف جرح البقيع وبانت اعلومـه
اذا مجروح يعتب مـحد يـلومـه
يبو الثارات ثارك ما إجـه يومـه
إلك أربع قبور اهناك مهدومه
أغصان الامل يبست بقت تنظر ربيعك
حتى الما يحب يسئل تعال ابني بقيعك
ملهوف اعله ثارك … ما تشهـر فقارك
السلامُ على ائمة البقيع ائمة الهدى واعلام التقى 💔💔
لطميه للخميسات (ومانسينه احبابنه)
الليله جمعه ومانسينه احبابنه
واكفين امن الصبح يم بابنه
ركعه يردون وثواب
وبيهم شسوه التراب
ضلو ايصيحون حار اترابنه
واكفين امن الصبح يم بابنه
صابحونه وياهله بمصباحهم
صاحو ومحد ايسمعه اصياحهم
دكت الباب وتون ارواحهم
كالوا اعزاز الكلب
انريد نرجع مانطب
وكالوا الشوك النزلكم جابنه
واكفين امن الصبح يم بابنه
كالوا الشوك اليجرنه كل خميس
وحشه ذيج اكبورنه وماكو ونيس
والرمل يتلف الناعم من يجيس
والجفن راكد علينه
ليش ماواحد يجينه
نعتب وماوصل خط اعتابنه
واكفين امن الصبح يم بابنه
نعتب اعله المايمر بكبورنه
واحنه نعلم باليجي ويزورنه
وينكم يامن سكنتو بدورنه
عاد اذكرونه بصلاه
لو ازياره لو زكاه
امصوبين امن الافراك اصوابنه
واكفين امن الصبح يم بابنه
روحنه بسهم الافراك امصوبه
والمعاني امن السموم امخربه
اشلون ينسانه الكعد يمنه وربه
العدل حزنه كصير
مادره اعلينه شيصير
ومانشد عن حالنه ودولابنه
واكفين امن الصبح يم بابنه
مانشد عن حالنه ليش العدل
بعد مانعتب ومن نعتب يمل
وين لمتنه العصر وين الشمل
الشمل ماضن يعود
شلنه عنكم للحود
بعد مايكضي طويل اغيابنه
واكفين امن الصبح يم بابنه
الاغياب اسنين مايكضي يطول
بالكم تنسون حيدر والبتول
همه بس همه اليعدلون الحمول
والمناحه والونين
مو لهلنه للحسين
عله امصابه اللطم مو لمصابنه
واكفين الصبح يم بابنه
✍🏻خادمة أهل البيت عليهم السلام
الشاعره ام هجران الناقل الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
هوسات للشهداء رضوان الله عليهم
الشهادة ما هو كل واحد ايحصّلها
الا اليّ اله ربه امسجّلها
بخيت النالها او كون اللّٰه قابلها
او باب الجنه اله فتحوه او طب الها
وايشوف الرسل والانبياء كلها
((اهلا بجاي ايكَلوله))
الموت واحد والأسباب اتعدّدت
او بين هاي او ذيج وادمنه كَضت
يا سعد حظك شهيد انته متت
فخر بالدنيه او جنّه حصّلت
ارفعت راس امك وابوك استشهدت
فاطمة تبجي اوياها لو بجت
((الزهره اعليك اتعازيها))
فاطمة الزهرة تعازي أم الشهد
اتكلها حقَّج هذا وآنه حق اريد
ساعديني اعلى انبي محزوز الوريد
((مظلوم احسين او بجّاني))
وكف عالساتر النشمي او صاح صوت
يالله طلعوا ياللّبدتوا بالبيوت
لو اسحكَ راس الدواعش لو اموت
((والكَابلني ايشوف افعالي))
يالله طلعوا كابلونه لا تغدرونه غدر
لو امكابل كل حربنه ايصير مضمون النصر
جا خسر داعش آلاف او ما خسرنه احنه نفر
احنه حيدر علمانه اشلون نهجم عالكفر
يا هو النشوفه يخوّف يكدر أو ما ينكَدر
لو يلزم رشاشة بيده او صاح لا وين المفر
الموت ينساه عزمه يشتد من تهلهله السمر
((يطرب والماو ايغنّيله))
يبن الهور يالواكف على الساتر
يحامي العرض وامك بيك تتفاخر
تحمّلت العطش الجوع او تعبك والبرد والحر
الف حياك حيّ زودك يسبع البر
((المثلك وسفه ايخسرونه))
عراقيين واسباع او غياره احنه
داعش مشتبه ما ينوخذ حقنه
امن اسمعنه بنات السلف ينخنّه
احنه اخواتكم وانتم أخوان إلنه
نعيّركم ترى لو طاحت أشيلنه
((الزود الكم يهل الغيره))
تره ابليه الملح موحلو الطعام
المجلس الما بيه ذكر لحسين ناقص مو تمام
عطّروا الافواه بسم احسين مصباح الظلام
ابجوا لطموا حيل صيحوا خل يسمعون اللام
((احسين انحبه او ما ننساه))
سفينه للنجاة احسين ينجه الي صعد بيها
سلام اللّٰه اعلى أبو السجاد أحبه روحي اله أفديها
لو ما دمه جا هسه الفريضه ما نصلّيها
((الدين ابدمه اتشيّد واعرفناه))
✍🏻خادمة أهل البيت عليهم السلام
الشاعره ام شيماء الناقل الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
لطميه للزهراء عليها السلام ( ايصير مثل امي )
محد بالمحنه ايصير مثل امي
تشيل الضيم عني وتشرك بهمي
حنينه وما نمل من لذت ارباها
ودولاب ويهد الحيل فرگاها
اليوم الروح محتامه اعله ملگاها
صار النوح يمه والبچي همي
محد بالمحنه ايصير مثل امي
اجيت الدارهه والدار مسدوده
ناشدت النزل والروح ممروده
وين ام المحنه وليش مفگوده
عليها انعاب گلبي وانهدم عزمي
محد بالمحنه ايصير مثل امي
عليها انعاب گلبي وجايه اگعدهه
شفتهه حملت وايست من عدهه
واصيح امي يشيال النعش ردهه
اون لفراگهه وظل الدمع يهمي
محد بالمحنه ايصير مثل امي
اون لفراگهه والعين لعميهه
نزلتي المگبره والدار عفتيهه
عدنه اهموم عگبچ وين نشكيهه
صار النوح يمه والبچي سهمي
محد بالمحنه ايصير مثل امي
بعدنه ابعازتچ مانحمل الفرگه
مالوم الگلب لو راد الچ حگه
امحمله وشايله وهيهات للملگه
صار الحيل ناحل وانخطف دمي
محد بالمحنه ايصير مثل امي
باد الحيل عالعدله محاچيهه
واذا صار العصر راد الگلب ليهه
اجيت الدارهه وانشد مبانيهه
شفت انزولهه وحشه ونحل جسمي
محد بالمحنه ايصير مثل امي
ظلمه انزولهه والدار حزنانه
ونيت وصحت والروح خلصانه
وين العاشرتنه وگعدت اويانه
لحگت اضعونهه لمن تعب جدمي
محد بالمحنه ايصير مثل امي
✍🏻خادمة أهل البيت عليهم السلام
الشاعره ام هجران
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
لطميه لشهداء الحشد الشعبي (الله واكبر)
اللـــــــــه واكبر كل حشدنه ناده
لا مـــــا يهاب الموت الهم عاده
لا ما يهاب الموت وسط الهيمه
ابنص البوادي لا ذره ولا خيمه
أصحاب غيره ذوله اهل الشيمه
بالصحره ناموو للعــــدو صياده
اللـــــــــه واكبر كل حشدنه ناده
صــــــياده الهم صولت المعروفه
واحدهم اصحاب الحسين تشوفه
راية محمـــد عل جثث ملفـــــوفه
للوطــن ارگاب الحــــــشد سداده
اللـــــــــه واكبر كل حشدنه ناده
للوطـــــن نادوا هالرگب ننطيها
رايـــــة علي فوگ السما انعليها
صــــــولة حسين اعالكفر سميها
من عزم ابو السجاد سيد الساده
اللـــــــــه واكبر كل حشدنه ناده
من عزم ابـــــو السجاد ميگربونه
كـــــل والده وشيــبه نگر اعيونه
الما جابته امه انشوفه احنه اشلونه
نسحگ جثث ونصيح بعد ازياده
اللـــــــــه واكبر كل حشدنه ناده
نسحگ جثث لا ما تفض لِطلابه
احنه الليــــوث الكاسرين الغابه
حجر وبرير وجون همه اصحابه
نادي ابإسم ابطال ذولــي القاده
اللـــــــــه واكبر كل حشدنه ناده
نادي بإسمهم خل تضيگ ادروبه
بالمحشر ايطلعون كل اعــــيوبه
نار المسعره للكــــــــفر منصوبه
تحرگ جثثهم تحصد الحصاده
اللـــــــــه واكبر كل حشدنه ناده
✍🏻خادمة أهل البيت عليهم السلام
العلويه ام وليد
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
نعي لليالي العيد
ياعيد لاتجهب نزلنه
محزنين عالشالو بعدنه
وبدارهم ماهمه اهلنه
شلون عيده الشالو اهله
بس المناحه عليه تحله
وعيدك مبارك لا تكله
الفاكد عزيز شلون عيده
محتام ملكه اهله يريده
مشو وايام ملاكهم بعيده
شيعودهم صارو بعيدين
واحنه عالفراكهم محزنين
حسره الشوفهم والدمع بالعين
ليمت يرد الوكت بيهم
عزاز ونريد انروح ليهم
ندك بابهم وانطب عليهم
ياناس جان العيد محلاه
ويه الحنين وذاك ملكاه
فاركنه الفرح من فاركيناه
الفاكد احباب يلوكله النوح
شيطيب دليله بجرح مجروح
والبيه جرح للمكبره يروح
يروح ويكلهم حيل مشتاك
عنيتو علينه والكلب طاك
ردونه وكافي من الفراك
الفاكد يون وينوح خليه
تره العيد من يجبل يبجيه
يذكره بهله يوم اليمر بيه
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/Jafar225
شفيعتكم فاطمة الزهراء عليها السلام الله ينطي ويصبر اهلكم من صبر زينب عليها السلام 💔
Читать полностью…
شايل علي و عايف يتاماه
ايصيحون ابونه انريد وياه
الدين و اهل الدين ينعاه
و خالي عمت عيني امصلاه
مو زين الگبر و العيد اجاه
وسفه و ندامه ما حويناه
و هيچ من ادينه ضيعيناه
((اويلاه يا ناره السريه))
😭😭😭😭😭😭😭
عظم الله اجركم يا شيعه و يا موالين بشهادة مولانا أمير المؤمنين عليه السلام عظم الله اجرك يا مولاي يا صاحب العصر والزمان💔💔…
اللهم بحق هذا اليوم عجل فرج ظهور وليك الحجة بن الحسن عليهما السلام واجعلنا من انصاره و اعوانه و المستشهدين بين يديه 🤲🏻
نعي مجرد وحديث مختصر جديد للإمام علي عليه السلام
ما اريد بويه يوم الوداع
حيلي تهدم و الصبر ضاع
بالنجف شلك رايح ابساع
بالنجف شلك موش زينه
يا بوي يالروحك حنينه
الظنه گطعنه و ايسينه
منك گطعناهه المظنه
طبيبك يگلي وادعنه
و اشبعن محاچي و شوف منه
ما ينشبع منك يالانمر
راسك عمت عيني امطبر
انداوي الجرح بويه ما نگدر
لا فاد شد و اضماد وياك
و جرح البراسك حيل اذاك
الموت دگ بابك و راداك
الله ايساعدهن زينب وام كلثوم يا شيعه و يا موالين اليوم العزه الهن عمت عيني ودعن ابوهن جابوا الطبيب حسبالهم يطيب ابوهم بس الدكتور صفگ ايده وگال اتوادعوا منه بعد ماكو ظنه ويلاه… ويلاه قال محمّد بن الحنفيّة(عليه السلام): لمّا كانت ليلة إحدى وعشرين وأظلم اللّيل وهي الليلة الثانية من الكائنة، جمع أبي أولاده وأهل بيته وودّعهم، ثمّ قال لهم: الله خليفتي عليكم وهو حسبي ونعم الوكيل، وأوصاهم -الجميع منهم- بلزوم الإيمان والأديان والأحكام التي أوصاهُ بها رسول الله(صلّى الله عليه وآله). ثمّ أُغمي على الإمام(عليه السلام) ساعة، فأفاق وقال: هذا رسول الله(صلّى الله عليه وآله)، وعمّي حمزة، وأخي جعفر، وأصحاب رسول الله(صلّى الله عليه وآله)، وكلّهم يقولون: عجِّل قدومك علينا فإنّا إليك مشتاقون، ثمّ أدار عينيه في أهل بيته كلّهم، وقال: أستودعكم الله جميعاً، سدَّدكم الله جميعاً، حفظكم الله جميعاً، خليفتي عليكم الله، وكفى بالله خليفة. ثمّ قال: وعليكم السلام يا رسل ربّي، وتلا قوله تعالى: (لِمِثْلِ هَٰذَا فَلْيَعْمَلِ الْعَامِلُونَ) و (إِنَّ اللَّهَ مَعَ الَّذِينَ اتَّقَوا وَّالَّذِينَ هُم مُّحْسِنُونَ) وعرق جبينه وسكن أنينه، وما زال يذكر الله كثيراً ويتشهّد الشهادتين، ثمّ استقبل القبلة وغمَّض عينيه ومدّ رجليه ويديه، وقال: أشهد أن لا إله إلّا الله وحده لا شريك له وأشهد أنَّ محمّداً عبده ورسوله، ثمّ قضى نحبه (عليه السلام)..
فعند ذلك صرخت زينب بنت علي(عليه السلام) وأمّ كلثوم وجميع نسائه، وا إماماه!! وا عليّاه!! وا سيّداه!!.
اليوم العزه الزينب و اهلهه
شايل ابوهه و ذب حملهه
خل نبچي و الدمعه نهلهه
خل نبچي و انعازي اعياله
بيده الحسن و حسين شاله
و النوح بالكوفه تعاله
چن الرسول اتوفه هاليوم
و ركن الديانه صار مهدوم
لاجل الوصي اتكدر و مهظوم
مهظوم يا ركن الديانه
من حملوا عزنه و حمانه
و الشال ابونه ما اتوانه
شالوا ابونه وين يردون
و حشمت بيهم بس يردون
تشبع وداع و شوف العيون
تشبع وداع و شوف عيني
شايل ابويه و يخليني
وين اليحبني و يعازيني
✍🏻خادم أهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
/channel/Jafar225
تهدمت والله أركان الهدى وانفصمت والله العروة الوثقى
Читать полностью…
هذا مجلس حديث ونعي وابوذيات وقريض يعني مجلس كامل من الجرح للشهاده مقسم تگدرون تقرأون الحديث مال الجرح وياه النعي وتگدرون بيوم الشهاده تقرأون الحديث مال الشهاده والنعي هم هذا بكتابي الثأر الموعود الجزء الخامس نزلته الكم بثواب أمير المؤمنين لاتنسوني من دعائكم
والقصائد نشرت الكم اهواي وان شاءالله ماقصرت