Telegram-канал jilahosaini - ژیلا حسەینی، مارف ئاغایی: Unsorted

ژیلا حسەینی، مارف ئاغایی

14 Nov 2021 07:39

🌹جارێکی دیکە بەخێرهاتنی هەموو بەشدارانی ئازیز دەکەینەوە.

#پێشەکی

بەڕێزان!
نیزیک بە دوو ساڵ لەوە پێش بە هۆی هێندێک بابەتی پەیوەندیدار، بیرۆکەیەک کەوتە مێشکمەوە کە ئەوڕۆ بە ناوی « کۆباری وشە » دەناسرێ!

کۆباری وشە؟
کۆباری وشە پێکهاتوو لە فەرهەنگەکانی فارسی بە کوردی، کوردی بە فارسی و فەرهەنگی کوردی بە کوردییە، کە لە هەموو فەرهەنگە وشەکانی کوردی کە لە ڕوباتێکی تلێگڕامیدا داڕێژراوە بە جۆرێک بە شێوەی گەڕۆکێکی تەواو خۆگەڕ لە تلگڕامدا چالاکی دەکات.
ئەم ڕوباتە بە شێوەیەک دارێژراوە کە هەر کاتێ بەکارهێنەرێکی تلێگڕام داوای وشەیەکی کوردی بکات ئی هەر کام لە زاراوەکانی کوردی بێ، ئەو ڕوباتە مانای ئەو وشەیە دەخاتە بەر دەستی، هەروەها کارایی ڕوباتەکەش بە شێوەیەکە کە ئەگەر بە هەر کۆڕێک زیاد بکرێ و لەنێو کۆڕەکەدا بەکارهێنەرێک وشەیەکی کوردی بنێرێتە کۆڕ، ئەم ڕوباتە بەشێوەی خۆگەڕ وڵام دەداتەوە و دەستبەجێ مانای وشەکەی دەخاتە بەر دەستی بەکارهێنەر.

هەڵبەت ئەم ڕوباتە تەنیا کاریی تکنیکی و کۆدنووسی بە کۆتایی گەیشتوە و لە ئێستادا تەنیا وەکوو لاپەڕەیەکی سپی وایە و هیچی تێدا نەنووسراوە، ئێستا بە هاوکاری و هاوفکری بەڕێزانێک کە دڵسۆز و خەمخۆری زمانی دایکیمانن کەوتۆت قۆناغی جێبەجێکردن و بە پێویستمان بە هیمەتی هەمووتانە هەتا کاری لەسەر بکەین!

من وەک پێکهێنەری کوردستان تکنیک کە ئەرکی سازکردنی ڕوباتی تلێگڕامیم بە ئەستۆیە، شانازی ئەوەم پێ بەخشرا هەموو قۆناغەکانی سازکردنی ئەو ڕوباتەش بە کۆتایی بگەیێنم، پێویستە ئاماژە بەوەش بکرێ کوردستان تکنیک نیزیک بە ۴ ساڵە شانازی ئەوەی هەیە وەک یەکەم پێکهێنەری ڕوباتی تلێگڕام بە زمانی کوردی لە خزمەت هاونیشتمانییانیدا بێ بۆ ئاسان و خێرا بەڕێوەبردنی بابەتە پەیوەندیدارەکانی تلێگڕام.

🌼جا ئێستا خوێنەری بەڕێز و بەشداربووی ئازیز!

نۆرەی ئێوەیە تا بە هاوکاری و دەستە پڕ وزە و بیرە ڕووناکەکەی خۆتان یاریدەدەرم بن بۆ وەسەر یەکخستنی ئەم فەرهەنگە.
ئێمە کۆمەڵێک کەس لەو کاناڵ و کۆڕە هاوشێوە ناوە(کۆباری وشە)، کۆ بووینەتەوە تا دەست و دڵمان، بیر و بڕیارمان یەک بخەین و بە هێزێکی لە کۆتا نەهاتوو هەموو ئەو وشە کوردییانەی کە بەداخەوە بە هۆی جۆراوجۆر خەریکە لەناو دەچن لەم ڕوباتەدا کۆ بکەینەوە تا بۆ داهاتووی منداڵەکانی ئەو نیشتمانە بمێنێتەوە!

⚜️ڕوونکردنەوە لەسەر چۆن نووسینی وشەکان لە ڕوباتدا:

لەم ڕوباتەدا ئێمە هیچ جۆرە گۆڕانکارییەک بەسەر، مانای وشە یان شێوازی نووسینی وشەی کوردی ناهێنین و تەنیا ئەو وشانە وەک خۆیان کە لە فەرهەنگە جۆراوجۆرەکانی وشەی زمانی کوردی چاپ و بڵاو بوونەتەوە وەک ئەمانەتدارێک دەگوێزینەوە بۆ ناو ئەم ڕوباتە و قالبی وشەکان ناگۆڕین، چۆن نووسراون هەر بەو جۆرە لە ڕوباتدا دەینووسینەوە، وشەکان لە ڕووی کتێبە فەرهەنگەکانەوە دەنووسرێن نە نەرمۆڵەی فەرهەنگەکان!

🔹هیوادارین ئەو پڕۆژەیە بەو جۆرەی بەراوردمان کردووە بە زوویی تەواو بێ، لە کۆتاییدا دەستخۆشی له تەواوی ئەو کەسانه دەکەین کە بە تاک و کۆ لە کۆڕە فەرهەنگی و فێرکارییەکانی زمانی کوردی لە شارە جۆڕاوجۆڕەکاندا بۆ یارمەتیمان هاتوون و چالاکی دەکەن، ناویان دەبردرێ و دەستخۆشیان لێ دەکرێ و لە ڕوباتەکەدا دەنووسرێ کە ئەو کارە بە هەوڵ و تێکۆشانی چ کەسانێک و چەن کەس و لە چ ماوەیەکدا بەڕێوە چووە، هەر چەن بۆ خزمەتکردن پێم وا نییە هیچ کام لە ئێمە چاوەڕێی دەستخۆشی و سپاس و پێزانین بین، چون هەر چی دەیکەین بۆ خۆمان و داهاتووی خۆمان و بنەماڵە و نیشتمانی خۆمانی دەکەین

بەسپاسەوە - دیار کورد
#تکایە_هاوڕێیان_و_خەمخۆرانی_زمانی_کوردی_بانگێشتی_ئەم_کاناڵە_بکە.

کاناڵی کۆباری وشە:

https://t.me/joinchat/j8oQ3j6EyNY4MWZi

کۆڕی کۆباری وشە:
https://t.me/joinchat/Vunq75uM7HkxY2My
.