قناة دموع الفواطم الحاجة ام احمد "الحچامي"
21 April 2026 21:56
لطميه وزن فائزي لاول ايام محرم
لسان حال السيده زينب عليها السلام
--------------------
من شفتك يهلال الألم زادت احزاني
گلبي رجف وتذكرت ذبحة اخواني
•┈┈•⊰✿⚫✿⊱•┈┈
ابچي عليهم وانتحب واذكر الحومه
منسه الغريب ابوحدته ولا انسه يومه
وشلون يدنه لمنحره ويسلب اهدومه
شمر اللعين الي ذبح نحره سباني
*الــ✍ــحاجه ام احمد الحچامي*
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من هل علينه هل الشهر كدرنه يحسين
اشوفه يخويه مضلم ودم وتدمع العين
معصور كلبي يالولي ومجسوم نصين
ماريد يحسين الشهر شوفه عماني
*✍🏻ام حســــــــين الخـــــــفاجي*
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياريت لاهل واجه واكبل علينه
ارض وسمه بيه اكدرت خويه وحزينه
خافن بني هاشم تضل بيها رهينه
واني ارد ميسره اه يازماني
*✍🏻أم عبــــــــــد اللـــــــــه العـــــــــابدي*
•┈┈•⊰✿⚫✿⊱•┈┈
يهلال كونك لا اجيت كبال عيني
بيك انسبي واهل تضل وافكد بنيني
وما بين عدوان وغرب يكثر ونيني
من شفتك ارتاب الكلب والهم لفاني
✍🏻الشاعرة نبأ
•┈┈•⊰✿⚫✿⊱•┈┈
ياريت لا شفت الهلال ولا نظرته
هيج احزاني ساعة الي بيها شفته
مر بخيالي شلون ابن الزهره عفته
وذاك المصاب الي جره وهدم أركاني
✍🏻ام كرار شكر
•┈┈•⊰✿⚫✿⊱•┈┈
لمن وصلنه كربله حاطتنه الجموع
انظر لخوي بحسرتي وتصب الدموع
والحر يباري للضعن وايتامك تلوع
يگلهه الجموع تسلحت لذبحتي اني
زهره الكناني✍🏼
•┈┈•⊰✿⚫✿⊱•┈┈
تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم
Читать полностью…
قناة دموع الفواطم الحاجة ام احمد "الحچامي"
21 April 2026 01:24
﷽ هوســــــ يهلال الحزن ـــــــات. ﷽
★-----------------★-----------------★
يهـلال بيـك شكد نوايـب شاهـدت عينـي
قميـص حســين بالمحشر الزهــره تراويني
اشوفن عل نهــر عباس طااايح ويبجيـــني
(اخيَّ حسين... مصابه يهدم الحـــــيل)
★-----------------★-----------------★
يهـلال الحـزن لاتهـل اعليـــه يهــــــلال
انـه افـگـدت بـيك حســــين و الكفـــال
وبگيــت محيـــره بنســـــوان واطــفال
( نامو بالهيمه... و عافــــــــــــــــونـي)
★-----------------★-----------------★
يـــــاشهر لا تهـل تـرى بيـك المصايــــب
وعلة فگــد اخـوتـي و الله الگلـب ذايـب
كل البجي و النوح و الون عالحبــــايــــب
(راحو خواني... و ماجونــــــــــــــــــــي)
★-----------------★-----------------★
يهلال الكــــدر يهلال ريتك لاتهل اليــــــوم
گلب ام الخدر ينصاب تذكر وگعة الچيدوم
تذكر بيك درب الشام تذكر لوعة ام كلثوم
( مسبيات عد ايزيد...والكافل غفت عينه)
★-----------------★-----------------★
يهـلال النـوايـب لا تـهل على النـــــــــــاس
بيك حسين اخي يشيل اوياه الكمر عبــــاس
انـه ضليت حرمه ومـالـي حـــــــــــــــراس
(والله يفجعونه... عداك بيـــوم العاشــــــر)
★-----------------★-----------------★
تــــمت بقــــ✍️لم خادمات أهل البيت عليهم السلام
✍#زهراء _ام_حسين_الزيداويه
✍🏻 الحاجه ام احمد الحچامي
✍🏻ام سيف الزبيديه
✍🏻الحاجه ام حمدالحچامي
✍🏻ساره المحمداويه
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
________________
للانضمام 👇👇👇👇👇
_______________
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
21 April 2026 01:21
لطميه للهلال
لسان حال مولاتنا زينب العقيله عليها السلام
عند رؤية الهلال
❥ــــــــ☆ــــــــ❥
المستهل
يهلال الحزن يهلال مظلم بين اعلينه
شفته ونخمش گلبي بي يرحون اهالينه
❥ــــــــ☆ــــــــ❥❥ــــــــ☆ــــــــ❥
يهلال الحزن يهلال ريتك لاتهل اليوم
يشوفنك المسبييات وتهظم زينب كلثوم
گلب ام الحزن يسعر وتذكر ذبحة المظلوم
بيك اذبحت الاخوان وبيك العدو يسبينه
يهلال الحزن يهلال مظلم بين اعلينه
❥ــــــــ☆ــــــــ❥❥ــــــــ☆ــــــــ❥
يهلال الحزن يهلال بيك افگدت خواني
گلبي ايغيم من تهل وبيك ازدادت احزاني
نعوف اديارنه ونمشي وبيك الوكت خاناني
افگدت كل هلي يهلال إلكربله من جينه
يهلال الحزن يهلال مظلم بين اعلينه
❥ــــــــ☆ــــــــ❥❥ــــــــ☆ــــــــ❥
ببك حسين يبقه اوحيد وعدوانه يذبحونه
تروح ميسره العيال العليل مگيده امتونه
ابو فاضل يظل مطروح نابت سهم بعيونه
عالعباس صحنه بصوت فوگ الهزل نادينه
يهلال الحزن يهلال مظلم ببن اعلينه
❥ــــــــ☆ــــــــ❥❥ــــــــ☆ــــــــ❥
وبخيامي تشب النار ولا والي يظل عندي
وبالخيل الحسين انداس وانادي بحرگه ياجدي
وظلت بس حرم واطفال وآنه محيره لوحدي
ايتام وحرم نبچي عگب الوالي ظلينه
يهلال الحزن يهلال مظلم ببن اعلينه
❥ــــــــ☆ــــــــ❥❥ــــــــ☆ــــــــ❥
عله الهزل يركبونه سبايا نروح للكوفه
عالغبره يظل مطروح حسين ونمشي ونعوفه
واخذونه سبايا انروح والاجساد مكشوفه
ياوسفه البطل نايم وال چتال يسبينه
يهلال الحزن يهلال مظلم بين اعلينه
❥ــــــــ☆ــــــــ❥❥ــــــــ☆ــــــــ❥
حرگوها الخيم يحسين اليله نبات بالهيمه
عمه عيوني رماد النار وماظلت ولا خيمه
بعالي الصوت گُمت اصيح وينك ياابو الشيمه
فرت بالبراري اطفال اصيح بصوت يالعينه
يهلال الحزن يهلال مظلم بين اعلينه
❥ــــــــ☆ــــــــ❥❥ــــــــ☆ــــــــ❥
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
17 April 2026 22:35
لطميه لليوم الأول من محرم
★ـ━━━━━━━━━━━━━
ياشهر عاشور ياشهر الألم
بيك طاح البطل شيال العلم
◆━━━━◆❃◆━━━━◆
بيك زينب شافت اشكال القهر
تشوف بيك حسين محزوز النحر
والكفيل اتشوفه نام اعله النهر ٢
بيك نيران العدو تحرگ خيم
◆━━━━◆❃◆━━━━◆
بيك زينب حملت انواع المحن
ويلي دمع اعيونه من دم جرن
تشكي همه وحاله لام الحسن ٢
العدو مايرحم يايمه اوشتم
◆━━━━◆❃◆━━━━◆
من عگب عينك يامولاي الحنين
الخيل هجمت على نسوان الحسين
حرگوا الصيوان اوماعدهن معين
الوحده تركض يحترگ منها الچدم
◆━━━━◆❃◆━━━━◆
تروح مسبيه الغريبه بلا ولي
محتاره بعيال الغريب وتنسبي
تگول عالغبره بقوا كلهم هلي
عگب اخوي الجابني آنه انهظم
◆━━━━◆❃◆━━━━◆
مشت مهظومه اودمعته تصب
تبچي عالخوان موقفها صعب
تعاين الايتام اوما تحمل تعب
مارحمها الشمر اوجدها الخصم
◆━━━━◆❃◆━━━━◆★
تمت القصيده بحمد الله وتوفيقه
ب✍ الحاجه ام احمد الحچامي____
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
Читать полностью…
قناة دموع الفواطم الحاجة ام احمد "الحچامي"
15 April 2026 15:11
ندبه للامام المنتضر عجل الله فرجه الشريف
┈┉┅━━❀❀━━┉┉┈
اليوم يا مولاي يمك مطلبي
عالو اعلينه وكتلو كل أبي
┈┉┅━━❀❀━━┉┉┈
من عدو الله نشجي والكفر
عادو الاسلام وبثوب الغدر
تحالفو عالشيعه بالسر والجهر
ماتعجل طلعتك يبن النبي
✍ام رافد العسكري
┈┉┅━━❀❀━━┉┉┈
ننتظر كلنه الفرج وي طلعتك
بيدك الرايه وتحامي شيعتك
وتاخذ بثارات جدك واخوتك
وما يضل لا حاقد ولا اجنبي
✍ام زهراء ناصريه
┈┉┅━━❀❀━━┉┉┈
نشتكي من اعدانه هضمونه ونصيح
چم شهيد من الاحبه وشچم جريح
راية حسينك قسم لا ما تطيح
ولا يدنسها النذل والناصبي
✍ام رافد العسكري
┈┉┅━━❀❀━━┉┉┈
نشكي من البعض والمطبعين
اتآمرو عالشيعه وي ابن اللعين
صاروا ويه الكفر ضد راية حسين
ها عالخاين يبيع المذهب
✍ام رافد العسكري
┈┉┅━━❀❀━━┉┉┈
نريد هذا اليوم فدوه نضرتك
يمته لينه اتصير گلنه طلعتك
كلها حزنانه وتحلفك شيعتك
بداعت الكرار سيد العرب
✍ايات سلطاني
┈┉┅━━❀❀━━┉
Читать полностью…
قناة دموع الفواطم الحاجة ام احمد "الحچامي"
15 April 2026 02:09
لطميه لليوم الأول من محرم
★ـ━━━━━━━━━━━━━
تقرأ ثگيله
دگه ونص
ـــــــــــــــ❃ ـــــــــــــــ
أرفعنه رايات الحزن
نعزي الليله ام الحسن
★-----------------★-----------------★
نرفع اعلام السواد الليله
نواسي حيدر بالدمع نبچيله
نقيم المجالس بالحزن ننعيله
والدمع يمطر مزن
أرفعنه رايات الحزن
★-----------------★-----------------★
ننصب مآتم والعزا بگلوبنه
نلبس سواد ونحزن لمحبوبنه
تعم المجالس نلبس اسود ثوبنه
للسبايا الي مشن
ارفعنه رايات الحزن
★-----------------★-----------------★
نسچب العبرات ال ام الخدر
تمشي مسبيه وعالغبره الگمر
تفوت للديوان يابنت الطهر
الاجساد مرميه وجزن
أرفعنه رايات الحزن
★-----------------★-----------------★
جزن مسبيات عالنوگ الهزل
چثه عالغبره مرمي يالبطل
حمل اختك ياابو الغيره ثگل
الشيعه كله ألكم تحن
ارفعنه رايات الحزن
★-----------------★-----------------★
حمل زينب يثگل وينام لكفيل
تعوف حسين عالغبره اوتشيل
تروح مسبيه على النوگ الهزيل
تسمع الكافل يون
ارفعنه رايات الحزن
★-----------------★-----------------★
نهمل الدمعه ونعازي الرسول
نبچي بحرگه وي فحل الفحول
كلنه نلطم عالصدر ويه البتول
نبچي العيون انعمن
ارفعنه رايات الحزن
★ـ━━━━━━━━━━━━━
الــ✍ــحاجه ام احمد الحچامي
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
Читать полностью…
قناة دموع الفواطم الحاجة ام احمد "الحچامي"
15 April 2026 02:06
لطميه لليوم الأول من محرم
★ـ━━━━━━━━━━━━━
ياشهر عاشور ياشهر الألم
بيك طاح البطل شيال العلم
◆━━━━◆❃◆━━━━◆
بيك زينب شافت اشكال القهر
تشوف بيك حسين محزوز النحر
والكفيل اتشوفه نام اعله النهر ٢
بيك نيران العدو حرگت خيم
◆━━━━◆❃◆━━━━◆
بيك زينب حملت انواع المحن
ويلي دمع اعيونه من دم جرن
تشكي همه وحاله لام الحسن ٢
العدو يايمه ضربني اوشتم
◆━━━━◆❃◆━━━━◆
من عگب عينك يامولاي الحنين
الخيل هجمت على عيالك ياحسين
حرگوا الصيوان اوماعدهن معين
بقت تركض واحترگ منها الچدم
◆━━━━◆❃◆━━━━◆
تروح مسبيه الغريبه بلا ولي
محتاره بعيال الغريب وتنسبي
تگول عالغبره بقوا كلهم هلي
عگب اخوي الجابني آنه بهظم
◆━━━━◆❃◆━━━━◆
مشت مهظومه اومدمعه يصب
تبچي عالخوان موقفها صعب
تعاين الايتام اوما تحمل تعب
مارحمها الشمر اوجدها الخصم
◆━━━━◆❃◆━━━━◆★
تمت القصيده بحمد الله وتوفيقه
ب✍ الحاجه ام احمد الحچامي____
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
Читать полностью…
قناة دموع الفواطم الحاجة ام احمد "الحچامي"
15 April 2026 02:02
قصيده لاستقبال شهر محرم.
هل عاشور يازينب الحزنانه.
راح يروح ابو السجاد واخوانه.
//////////////😭///////////////
هل شهر السبي والذبح واللوعه.
زينب صبحت بأخوان مفجوعه.
وحته من البجي والنوح ممنوعه
راحت لليسر وحسين بمجانه
✍🏻آلاء الطائي
//////////////😭////////////
هل عاشور يم الخدر ماجوره
بيه كل الاخوان بسيف منحوره
ويميل الزمان او تبگی میسوره
ومن جور الزمان هواي نحلانه
خادمة اهل البيت عليهم السلام العلويه ام سيد مهدي الموسوي
//////////////😭////////////
هل شهر الحزن والحره مهظومه
ماتنسه مصاب احسين يايومه
يذبحه من القفا الملعون مالومه
تظل طول العمر لحسين حزنانه
الــ✍ــحاجه ام احمد الحچامي
//////////////😭////////////
زينب والنوايب اثرن بيها
حگها ام عون لو ونت لهاليها
اهلال الكدر هذا بين اعليها
ناحل عودها والعين ذبلانه
خادمة ال البيت ع
//////////////😭////////////
ناحل عــــــــودها والعــين معميه
تون يحسيــــــــن يا محروم الميه
غصب عني رحت وضلوعي محنيه
ولوني الگوم من بعدك يريحانه
ام عــــــــــــلي البابلي
ــــــــــــــــــــــــــــــــــــــــــ
ماعدها ولي مهظومه بالغربه
ظلت عيـــــنها لحسينها تربه
تذكر جم سهم مصيوب وبگلبه
واخوه اعله النهر مگطوعه ذرعانه
ام زهراءالفاطميه
ــــــــــــــــــــــــــــــــــــ
ـ((( رابط راثيات العتره )))
____
Читать полностью…
قناة دموع الفواطم الحاجة ام احمد "الحچامي"
15 April 2026 02:01
لطميه وزن فائزي لأول ايام محرم
┈┉┅━━❀❀━━┉┉┈
هليت ياشهر الكدر ودموعي تجري
كلبي يخاف اعله اخوتي ومضيعه بصري
┈┉┅━━❀❀━━┉┉┈
كلبي يخاف اعله اخوتي منك يالهلال
موعوده كل سنة اليهل بس دمعي همال
خافن تضل صرعه اخوتي نومه اعله الرمال
والنوب اظلن حايره ومسلوب خدري
*✍🏻أم عبــــــــــد اللــــــــه العـــــــابـــــــدي*
┈┉┅━━❀❀━━┉┉┈
يسلبون خدري بكربله ماعندي والي
وابگه احشم بالزلم وين الغوالي
والله المصايب دوهنت ياخويه حالي
ما ادري شنهي الضاملي يا ناس دهري
✍️ ام مهدي المياحي
┈┉┅━━❀❀━━┉┉┈
ماأدري شنهي الضاملي دهري يهل الناس
يمشون عني اخوتي وابقه وي الارجاس
ويطيح ياويلي الكمر ومطبر الراس
وأحتار بأمري وبالحرم مااريده عمري
*✍🏻ام حســــــــين الخـــــــفاجي*
┈┉┅━━❀❀━━┉┉┈
مااريده عمري البلهضم يهل المحنه
الهلال مكسف وانكسر ظلنه وكمرنه
بهاي المصيبه من گبل جدنه خبرنه
وحسين اخينه كالها يكطعونه نحري
*✍🏻 أم عبــــــــــد اللـــــــــه العـــــــــابدي*
•┈┈•⊰✿⚫✿⊱•┈┈
وحسين مذبوح وبيا ذنب ياناس
هذا ابن المصيدة المايدنك الراس
والشمر كاعد علئ صدره كوم ياعباس
يبو الحسنين تعال وشوف خلص صبري
الشاعره العلويه بتول الهاشمي
•┈┈•⊰✿⚫✿⊱•┈┈
اتروح من عندي اخوتي وابقه غريبه
ادري علئ اخواني تظل دموعي سجيبه
حسين اخوي اعلئ الثرئ جثته سليبه
ابجي عليهم وانتحب والدمع يجري
ام مصطفئ ناصريه
Читать полностью…
قناة دموع الفواطم الحاجة ام احمد "الحچامي"
15 April 2026 01:59
♻️# مجلس اول يوم من شهر محرم الحرام♻️
🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️
اعوذ بالله من الشيطان الرجيم
بسم الله الرحمن الرحيم
صلى الله عليك ياسدي ويامولاي
يارسوول الله
صلى الله عليك ياسيدي ويامولاي يااباعبدالله
ياصاحب المصيبة الراتبه وياصريع الدعمة الساكبه
ماخاب من تمسك بكم سيدي
وامن من لجأ اليكم ياليتنا ياليتنا كنا معكم. سادتي سنفوز والله فوزا عضييييماااا
♻️القريض طور الدرج ♻️
للهِ أشكو لوعتي وشُجوني
أدميتَ يا شهرَ الحرامِ جفوني
يأبى هلالُكَ أن يلوحَ لنااظري
إلَّا ويُجري بالدموعِ عيوني
شهرٌ به نزلت أجلُّ رزيةٍ....
لله خطبٌ هدَّ ركنَ الدينِ
أيُحزُّ رأسٌ للحسينِ بكربلا
ويظلُّ منجدلاً بلا, تكفينِ
أترضُّ خيلُ بني أميةَ صدرَه
ثأراً لحقدٍ في الصدورِ ,دفينِ
أيشال فوق السمهريةِ رأسُه
ونداءُ زينبَ يا أخي ومعيني
والشمر يجلد بالسياط متونها
فيسيل مدمعُها دماً بأنينِ
♻️طور المثكل ♻️
حرَّمتَ يا شهر المحرم فرحتي
مذ كنت شهر عزا بني ياسينِ
وسقيتني منذ الطفولة حُرقَةً
ستظل تشجيني ليوم الدينِ
♻️أبوذية : ♻️
قميصك بالسمه شفته علامه
على اهلال الحزن رفرف علامه
اويــــلاه على الطالــــع علامه
ومثلها اضلوعه هم مكسوره هيه
♻️ندخل للنعي ♻️
*واحسيناااه ، مما ورد عن الصادق: اذا هلّ هلال محرم نشرت الملائكة قميص جدي الحسين ما بين السماء والأرض :*
♻️نعي شعبي طور الموال ♻️
يهلال المحرم ليت نورك في السما لا بان
چنه بمولدك مكتوب ذبحي وذبحة الشبان
لو تنظر اليه تشوف حاير ما إليه رجال
*جواب الهـــــــــلال*💔
# لفى عاشور لفى عاشور
يبو السجاد سامحني وانه المخضوب من دمك
خجالة بمـولدي يِذبحوك ظامي وتنفجع امك
يهلال الحزن لا تزيد همي بطاري الزهرا
ولاتخبرها عن حالي تراها ماتت بحسره
متتحمل هضم وهموم ومنها ضلوع متكسره
يكفيها اللطم والنوح ومن عدها القلب وجعان
# *أعظم الله أجوركم ..اليوم يوم عزاء بني ياسين ، اليوم عزاء الآل الاطهار نشارك مولانا الرضاع حزنه وونينه حين قال للريان ابن شبيب في مثل هذه الليله :*
*يا ابن شبيب، إن كنت باكياً لشيء فابك للحسين (ع)،*
*فانه ذبح كما يذبح الكبش... الله أكبر...*
*ثم كان يقول , إن يومَ الحُسين أقرَحَ جفوننا..*
*وأسبَلَ دموعَنا ... وأورثنا الكربَ الى يومِ القيامه*
♻️# طور الفايزي♻️
يا بن شبيب هذا الشهر للحسره والآه
وهذا هلاله المنخسف يبچي اعلى مولآه
و كل العوالم تنتحب وتصيح ويلآه
آه يا مصيبة كربلا يا أقسى مأساه
يا بن شبيب اللي جرى بچّى الأرآضين
و خلا السما تمطر دما وتصيح يحسين
هذا الشهر لهل السما يزداد لونين
و ترفع گميص المنذبح مگطوع الوتين
*لا حول ولا قوة الا بالله العلي العظيم*
▪️المحاضرة:
▪️المصيبة
*روي أنه لما أخبر النبي ابنته فاطمة بقتل ولدها الحسين (ع) و ما يجري عليه من المحن بكت فاطمة بكاء شديداً وقالت :*
*يا أبت متى يكون ذلك :*
*قال في زمان خال مني ومنك ومن علي . فاشتد بكاؤها وقالت :*
*يا أبت فمن يبكي عليه ؟ ومن يلتزم بإقامة العزاء له ؟*
*فقال النبي يا فاطمة ، إن نساء أمتي يبكون على نساء أهل بيتي ، ورجالهم يبكون على رجال أهل بيتي ويجددون العزاء جيلاً بعد جيل في كل سنة ، فإذا كان القيامة تشفعين أنت للنساء ، وأنا أشفع للرجال ، وكل من بكى منهم على مصاب الحسين أخذنا بيده وأدخلناه الجنة . يا فاطمة ، كل عين باكية يوم القيامة إلا عين بكت على مُصاب الحسين فانها ضاحكة مستبشرة بنعيم الجنة .*
*لذلك كأني بفاطمة ع تدور في مجالسنا تسجل الدمعه على مصاب ولدها ولكن بأي حالة تكونين مولاتي*
♻️نعي الصبا طور الموال♻️😔حزييين
هلال الحزن من شافته
تدوّر عزاه ومصيبته
آنه ابني حزّوا رگبته
ظامي ولا ذاقِ الشراب
آنه ابني يا شيعه ذبيح
وعلى الترب دمه يسيح
وبلا كفن جسمه طريح
آنه ابني مسلوب الثياب
عندي غريب بكربله
ظل جسمه عاري بالفله
والجثّة ويلي مرمّله
ودم النحر صاير خضاب
# *بعد لنتوجه الى مولاتنا فاطمة لآخر اللحظات من حياتها وهي تودع زينب عليها السلام, كأني بها احتضنتها صارت تشمُّها تُقبلها,أرادت أن توصي زينبَ بوصية ؟*
*ولكن أي وصية؟*
*كأني بها لما دنَت أيام شَهادتَها نادت إبنتها زينب،هلمي الي قليلاً ,حتى أودعَكِ وتودعيني ولسان حالها*
♻️نعي طور الفراق♻️
*يالحبيبة.... أقتربي يمه واسمعي مني الوصية*
*يالحبيبة.....أظنها هاي الليلة تلفيني المنية*
*ساعد الله قلب زينب.. أصعب وصية على قلبها.. قالت لها مولاتنا الزهراء (ع) , زينب إذا رأيتِ أخاكِ الحسين وحيداً في كربلاء ,قبليه في نحره ,شُميهِ في صدره.*
♻️💔طور العاشوري 💔♻️
يَزينَبْ گَبِّلي احْسينْ بصَدرَه آه آه
باللّٰه اعْليچْ تِشِمّينَه ابْنَحره
يا يُمَّه ما يسلَملِچْ عُمْرَه آه آه
وثَلَثْةَ ايّامْ عاري اعْلَه الوِطِيّه
(نۨــڠــمۘ جمّول)
Читать полностью…
قناة دموع الفواطم الحاجة ام احمد "الحچامي"
15 April 2026 01:56
حديث ونعي عن قميص الحسين عليه السلام في اول الايام محرم
صلى الله عليك يامولاي وابن مولاي يااباعبدالله يارحمة الله الواسعه وياباب نجاة الأمة. ماخاب من تمسك بكم وامن من لجا اليكم سادتي
ياليتنا كنا معكم فنفوز ولله فوزا عظيما
ان شاء الله انتم من الفائزين والراكبين في سفينة الحسين عظم الله اجورنا واجوركم بهذا المصاب الاليم وهذه الفاجعه الاليمه
يقال انه عندما يحل شهر محرم الحرام تقوم الملاءكه او السيده الزهراء بنشر قميص الحسين الملطخ بدماء في السماء فيحل الحزن والاسى على قلوب شيعته ومحبيه
وتتلون السماء بالون الاحمر حيث يقال ان السماء لم تكن فيها لون احمر بل كانت زرقاء صافيه لاكن بعد مقتل الحسين بكت دم حزنا على مقتل ابا عبدالله وصبحت تضهر حمراء بوقات معينه
اما حال الزهراء في مثل هذه الايام الاليمه
فنها تقوم بالبحث عن مجالس ابا عبد ولاتترك
مجلسا الا ودخله نور فاطمه وروحها
ولسان حالهه
يكول ،،
انا الوالده والگلب لهفان
ادور عزه ابنی وین ماچان
جسمه طریح ولاله اچفان
وسحگت علی الخیل میدان
🌷¶¶¶¶¶¶¶¶¶¶¶¶¶
انا ام الغريب المات ظامي
ابجي وكلبي عليه دامي
ولتتعي والتصرخ امامي
اسمعهه ودلال حامي
وخدي على الوجنات هامي
🌷¶¶¶¶¶¶¶¶¶¶¶¶¶
التنعه لحسين وخوته
والتبجي المصابه وموته
والقارى اليقره بصوته
انا الي بكبره سلوته
ونجيبه يمنه ومانفوته
🌷¶¶¶¶¶¶¶¶¶¶¶¶¶
انعي يمن تنعين الحسين
وبجي عليه الكلب والعين
ذبحو وحركوله الصواوين
وليدي يلي عياله ماشين
وطبو حريمه بدواوين
🌷¶¶¶¶¶¶¶¶¶¶¶¶¶
جسمه انترس طبرات طبرات
ويمه تنوح اهل الكرامات
وظلن بنياته يتيمات
وتيتمو ولده حرامات
وخواته هالراحن سبيات
وياهن تنوح السموات
🌷¶¶¶¶¶¶¶¶¶¶¶¶¶
ناعيه الحسين ام فاطمة الزهراء
Читать полностью…
قناة دموع الفواطم الحاجة ام احمد "الحچامي"
15 April 2026 01:51
▪️وهكذا بقي المنصور يرسل خلف الإمام جعفر بن محمد (ع) وفي كل مرة يريد قتله ولكن لم يتمكن من قتله بنفسه لذا بعث سما قاتلا إلى والي المدينة محمد بن سليمان وأمره أن يعطيه السم بواسطة العنب فأخذ عنبا ووضعه في السم حتى صار مسموما فقدمه للإمام. وفعلا سم (ع) بذلك العنب المسموم ومرض مرضا شديدا ووقع في فراشه.
قيل: فدخل عليه أحد أصحابه فلما رأى الإمام مسجى على فراش الموت وقد ذبل فبكى فقال (ع): لأي شيء تبكي؟ فقال: ألا أبكي وأنا أراك على هذه الحالة؟ فقال: لا تفعل فإن المؤمن يعرض عليه كل خير إن قطعت أعضاؤه كان خيرا له وإن ملك ما بين المشرق والمغرب كان خيرا له.
▪️ نعم تذكر بعض الروايات ان الأمام سقي السم مرارا عديدة وفي آخر مرة سقي سما نقيعا في عنب ورمان فمرض مرضا شديدا وعارضه وجع شديد في بطنه وأحشائه وأمعائه.
قال عمرو بن زيد: دخلت عليه أعوده فرأيته متكئا وقد أدار وجهه إلى الحائط والباب وراء ظهره فلما دخلت عليه قال: وجهني إلى القبلة، فوجهته وأردت أن أسأله عن الإمام بعده وعن الحجة فقال: لا أجيب الآن وستعلمن نبأه بعد حين ثم عرق جبينه وسكن أنينه وقضى نحبه ولقي ربه مسموما شهيدا صابرا محتسبا، أي وا إمامااااه، وا سيداااه، وا صادقااا.
عـلى الـمسموم يـا گلبي تفطّر
او ذوب امن الهظم لاجله او تحسر
تفطّر يا گلب لمصاب جعفر
وانته يا جفن هل دمعتك دم
ابـد ما عفه المنصور عنّه
لمن بالسم تگاضه النذل منه
گعد عنده اوليده او جذب ونّه
او سالت دمعته والدمع عندم
*ابوذيه:*
الـما يـعترف بسم الله وسمه
ابسقر طاح السعه ابكتله وسمه
اشـلون اتجرع الصادق وسمه
او عليه تنعى او تون الجعفريه
يـالصادق يـسمونك وتنصاب
او مـآتم شيعتك تبني وتنصاب
او عليك ادموع تتجاره وتنصاب
او بسمك كل بلد نصبوا عزيه
*نصاري:*
گام او غسله الكاظم او شگ لحده
او بيده نزله او ظل ينتحب عنده
بـس احـسين محد غسله وحده
ثلث تيام مطروح زينب گعدت بسده
*مجردات:*
إليك جيت خويه ابهودة الليل
اشـرب دمع واگبع بالعويل
واتـعـثر ابـين الـمچاتيل
او تميل الرزايا امنين ما ميل
يـحسين يـا حـد الزياجيل
صفينه حرم ما مش لنا اكفيل
كـفيل الحرم وجعان واعليل
*أبوذية:*
الچتـل احسين دوم الدمع ينسل
او كل شيعي يحگله اعليه ينسل
مـتى سيفك يشبل الحسن ينسل
او تاخذ ثارك امن آل اميه
*تخميس:*
ماذا يهيجك إن صبرت لوقعةٍ
ملأت قلوب المسلمين ضراما
------ *يا الله* -------
*تمت بحمد الله تعالى*
Читать полностью…
قناة دموع الفواطم الحاجة ام احمد "الحچامي"
13 April 2026 20:29
#ختم المجلس
الزهرا. اترید لطمه جعفریه
علی الصادق تنوح بهلمسیه
▂ ▂ ▂ ▂ ▂ ▂ ▂
شدی لطمتچ یاحره شدیها
وبهذه المصاب الزهرا لاگیها
ماجورین والدمعات تجریها
*(عوانه لزهرا الیله)*
▂ ▂ ▂ ▂ ▂ ▂ ▂
صادق العتره کل تعرفونه
مسموم الامام و یجر الونه
گطعو چبدته والساده مرجونه
*(ایسمونه ایمامی لیش)*
▂ ▂ ▂ ▂ ▂ ▂ ▂
وسعی المیدان ولطمی عالصدر
یحظرولچ باچر بیوم الحشر
لا تقصرین عازی ویاچام الخدر
*(اعازیها وانه الممنونه)*
▂ ▂ ▂ ▂ ▂ ▂ ▂
عازیها و الزهرا ویلی مالومه
یالصادق یمه صعب یا یومه
گطعو چبدته و تنزف ادمومه
*(مالومه علی والی اتنوح)*
▂ ▂ ▂ ▂ ▂ ▂ ▂
تــمت بعــون اللــہ
✍ #عـلــویــه_ام_فــاضل
🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
13 April 2026 20:26
نعي للامام الصادق ع
لسان حال مولاتي فاطمه الزهراء ع
┄┉❈❥❀❥❈┉┄
تعنت للبقيع ام ضلع مكسور
وكعدت يويلي بين الكبور
عالصادق تون وانات عاشور
تهد الحيل وانتها الشجيه
┄┉❈❥❀❥❈┉┄
يويلي كعدت فوك الترابه
ونواظرها دمه هلت سجابه
تصيح ابني عليه طول غيابه
متى المهدي يرد الثار اليه
┄┉❈❥❀❥❈┉┄
ثار حسين وثار الكبر ه مهدوم
وثار البل سهم من امه مفطوم
وثار السكنوها بشام ميشوم
وبعدها بت علي لسه سبيه
┄┉❈❥❀❥❈┉┄
الوان الرزايه ام حسن شافت
من اهل السقيفه شكثر عانت
بالسم والذبح العتره خلصت
عليها شكد جارت بني ميه
┄┉❈❥❀❥❈┉┄
عالصادق الليله فاطمه تنوح
يويلي تركمت عليها الجروح
عله المسموم تون لو عله المذبوح
تهون يامصيبه اويارزيه
┄┉❈❥❀❥❈┉┄
الشاعره ام رائد زوين🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
13 April 2026 20:24
ابو ذيات للامام الصادق ع
🕊.•°˚˚°➰❀➰❀➰.•°˚˚°🕊
الك مآتم وصط الكلب ينصاب
الدمع عليك دم اليوم ينصاب
غضب الباري عالسماك ينصاب
فجع بمصيبتك كلب الزجيه
🕊.•°˚˚°➰❀➰❀➰.•°˚˚°🕊
حزن وهموم بمصابك علينه
نواسي اليوم بالصادق علينه
شلها اهل الرده كلي علينه
كل يوم وتعيد الغاضريه
🕊.•°˚˚°➰❀➰❀➰.•°˚˚°🕊
ينبع الوفه يلي تفيض طيبه
جرح فكدك ابد ما اله طيبه
تنعه عليك ضلت ارض طيبه
وحزنها يشبه لحزن الزجيه
🕊.•°˚˚°➰❀➰❀➰.•°˚˚°🕊
الشاعره ام رائد زوين
🕊.•°˚˚°➰❀➰❀➰.•°˚˚°🕊ابو ذيه للامام جعفر الصادق ع
⇢⇢❥ 🎼 🕊 🎼 ❥⇢⇢✮✮
عالصادق مادريت اصار واجره
بدليله من السموم النار واجره
عليه دمع الزجيه سال واجره
ام ضلع مكسور نصبتله عزيه
⇢⇢❥ 🎼 🕊 🎼 ❥⇢⇢✮✮
الصادق بسم يا حيف هامات
اوبني هاشم بهل فاجعه هامات
او طلاب العلم ادك هامات
شيهونها عليهم هل رزيه
⇢⇢❥ 🎼 🕊 🎼 ❥⇢⇢✮✮
الشاعره ام رائد زوين
⇢⇢❥ 🎼 🕊 🎼 ❥⇢⇢✮✮✍️🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
21 April 2026 01:26
وزن الفائزي
مستفعلن.مستفعلن. مستفعلاتان
لطميه للهلال
عن حال السيده زينب عليها السلام
من شفت الهلال ... هل دمعي همال
وتذكرت سبي الحرم من ركبن اجمال
★ـ━━━━━━━━━━━━━
يهلال بلَّله لاتهل وتهل العيون
تلچم اگليبي المنفچع وزید الشجون
واذكر مصايب كل هلَّي ويتغير اللون
همّ ال عليه ياشهر ابثگل الجبال
من شفت الهلال ... هل دمعي همال
وتذكرت سبي الحرم من ركبن اجمال
ــــــــــــــــــــــــــــــــــــــــــ
وذكر مصايب كربله اونحر الحسين
عالنهر من طاح البطل واذكر الچفين
بعامود راسه منضرب ونصابت العين
فوگ الفرس آآيا علي امگطع اوصال
من شفت الهلال ... هل دمعي همال
وتذكرت سبي الحرم من ركبن اجمال
ــــــــــــــــــــــــــــــــــــــــــ
يهلال بيك وينفطم عبدالله بسهام
بصدر لغريب وينذبح عدوان ظلام
مايدري عباس البطل وينك يضرغام
ماانسه مهرك يلولي والسرج من مال
من شفت الهلال ... هل دمعي همال
وتذكرت سبي الحرم من ركبن اجمال
ــــــــــــــــــــــــــــــــــــــــــ
ماانسه نيران الخيم من هجمت اعداي
وعطشانه اگلوب الحرم وتنادي عالماي
ومحروگه اذيال العبي او یابس اچلاي
راس الغريب اعالرمح ياوسفه ينشال
من شفت الهلال ... هل دمعي همال
وتذكرت سبي الحرم من ركبن اجمال
ــــــــــــــــــــــــــــــــــــــــــ
واذكر رقيه من بچت ابتالي الليل
فزت الطفله من الحلم اوزاد العويل
جابولها راس الولي امغطه ابمنديل
ماتت على راس الولي ارقيه بالحال
من شفت الهلال ... هل دمعي همال
وتذكرت سبي الحرم من ركبن اجمال
ــــــــــــــــــــــــــــــــــــــــــ
من ردت اضعون الولي يم اهل الگبور
الروس رجعت والحرم تصرخ يمنحور
وبس العليل اويانه وعيونه عالخدوور
انهض يروح ام الخدر اگعد للعيال
من شفت الهلال ... هل دمعي همال
وتذكرت سبي الحرم من ركبن اجمال
★ـ━━━━━━━━━━━━━
تمت القصيده بحمد الله وتوفيقه
الــ✍ــحاجه ام احمد الحچامي
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
21 April 2026 01:23
لطميه لليوم الأول من محرم
للهلال
تقرأ فزاعيه
★ـ━━━━━━━━━━━━━
لاتهل يهلال...........تفجع هللتك
✿┈┈•• •✦♡✦• ••┈┈✿
لاتهل هاليوم
تخمش گلب كلثوم
تِذَكّر المظلوم
خيول العدا يحسين داسوا جثتك
لاتهل يهلال
✿┈┈•• •✦♡✦• ••┈┈✿
گلب ام طهر مفجوع
تِذكر يتامه تلوع
حر وعطش اوجوع
بالنار خويه اعداك حرگوا خيمتك
لاتهل يهلال
✿┈┈•• •✦♡✦• ••┈┈✿
تِذَكّر العطشان
الظل غريب اوطان
راسه نرفع بسنان
تهظمني خويه هواي منسمع ونتك
لاتهل يهلال
✿┈┈•• •✦♡✦• ••┈┈✿
اعتب على العباس
عافاني بين ارجاس
ماأنسه لَخرَ انفاس
گوم الكفر ياخوي وسفه كتلتك
لاتهل يهلال
✿┈┈•• •✦♡✦• ••┈┈✿
انته الكفلت اختك
وطلعت تره ابختك
ترضه العدو يشتمك
واختك تطب ديوان ترضه شيمتك
لاتهل يهلال
✿┈┈•• •✦♡✦• ••┈┈✿
كل محب گلبه انصاب
والدمع ظل سچاب
ينعى بگلب عطاب
لم الخدر وحسين تنحب شيعتك
لاتهل يهلال.........تفجع هللتك
★ـ━━━━━━━━━━━━━✍الحاجه أم احمد الحچامي
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
21 April 2026 01:17
لطميه لرؤية الهلال
وزن بحر الطويل
مفاعلين مفاعلين مفاعلين مفاعلين
-----------------------------------------
يهلال الكدر يهلال ريتك لاتهل اليوم
گلب ام الخدر ينصاب وتذكر وگعة الچيدوم
*•──≪᯽≫──•*
تذكر بيك ذبح حسين وتذكر لوعة الايتام
مهظومه العقيله بيك وتذكر ذاك درب الشام
شگدظيم وقهر شافت وشگد حملت منآآلام
ماتنسى سبي النسوان ولاتنسا سبي المهظوم
يهلال الكدر يهلال ريتك لاتهل اليوم
*•──≪᯽≫──•*
مصيبة كربله اشخلت بالحره وعلي السجاد
تمشي مچتفه للشام بحبال وعلي ينگاد
شبعت قهر شبعت آه حزنها يحرگ الفاد
الله يساعد السجاد ينظر ذبحة المعصوم
يهلال الكدر يهلال ريتك لاتهل اليوم
*•──≪᯽≫──•*
الله يساعدچ يم عون من شفتي لبطل طايح
فوگ العلگمي العباس نايم والدمه سايح
وگلبچ يلحزينه اشگال عالكافل غفه ورايح
عينچ تربي للعباس لو لابن امچ المظلوم
يهلال الكدر يهلال ريتك لاتهل اليوم
*•──≪᯽≫──•*
ومن رحتي سبيه اشلون محتاره بحرم واطفال
لاوالي البقى عندچ وعالغبره بقى الكفال
حملتي الحزن ولآهات ويلي مرافگه الچتال
عفى گلبچ يبت حيدر شايل ياهظم وهموم
يهلال الكدر يهلال ريتك لاتهل اليوم
*•──≪᯽≫──•*
وفوگ الترب گعديتي بخرابه انتي والنسوان
لاحارس يظل يمچن عالغبره بني عدنان
ورقيه تريد والدها حزينه والگلب خلصان
تبچي من لسبي وتريد ابوها فزت من النوم
يهلال الكدر يهلال ريتك لاتهل اليوم
•*ب✍الحاجه ام احمد الحچامي___
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما
_
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
15 April 2026 23:01
📁مجلس نعي للهلال
المقدمة
صلى الله عليك يا رسول الله صلى الله عليك وعلى أهل بيتك الطيبين الطاهرين صلى الله عليك يا سيدي ويا مولاي يا أبا عبد الله يا مسلوب العمامة والرداء، ما خاب من تمسك بكم وأمِن من لجأ إليكم يا ليتنا كنا معكم سادتني فنفوز والله فوزا عظيما.
📁القريض
هلّ المحرَّمُ والشجا بهلاله
قد أرّق الهادي بغصة آلِه
🌷¶¶¶¶¶¶¶¶¶¶¶¶¶
كم من دمٍ للمصطفى بمحرم
نهضت بنُو سفيان لاستحلالِه
🌷¶¶¶¶¶¶¶¶¶¶¶¶¶
كم فيه من وجهٍ ترمَّل بالدما
حجب الثرى منه ضياءَ جمالِه
🌷¶¶¶¶¶¶¶¶¶¶¶¶¶
كم فيه من قمرٍ لآل محمدٍ
بالطفِ سيمَ الخسفَ قبل كمالِه
🌷¶¶¶¶¶¶¶¶¶¶¶¶¶
من مبلغٌ عني النبيَّ وحاملٌ
مِني إليه رسالةً من وَالِه
🌷¶¶¶¶¶¶¶¶¶¶¶¶¶
أن الحسينَ حبيبَه في كربلاء
ريحُ الردى عصفت على أطلالهِ
📁نعي مجرد
هل الشهر بالحزن والاه
وكلنه ننادي وآحسيناه
مصابك ابد ما يوم ننساه
🌷¶¶¶¶¶¶¶¶¶¶¶¶¶
صرختنه من عمق المشاعر
كل عام ننحيها الشعائر
يحسين اسمك بالضماير
🌷¶¶¶¶¶¶¶¶¶¶¶¶¶
ننصب ماتمك والدمع جاري
بهذا الشهر تنذبح عاري
وعيلتك تبقه بالبراري
🌷¶¶¶¶¶¶¶¶¶¶¶¶¶
بهذا الشهر جم لوعة وأحزان
زينب تظل بلايه خوان
وتصيح ردولي يالاحنان
🌷¶¶¶¶¶¶¶¶¶¶¶¶¶
اتظل وحديده وما الها معين
وتناشد العباس وحسين
وياها نون ونهمل العين
🌷¶¶¶¶¶¶¶¶¶¶¶¶¶
انا لله وانا اليه راجعون وسيعلم الذين ظلموا ال بيت محمد اي منقلب ينقلبون والعاقبة للمتقين اجركم الله يا شيعة أمير المؤمنين بقدوم هذا الشهر والمصائب التي تجري به على الحسين والهِ.
وورد عن الامام الصادق (عليه السلام): أحيوا أمرنا رحم اللهُ من أحيا أمرنا».
أقول: لو لم يكن في البكاء على الحسين فائدة لما دعانا الحسينُ للبكاء عليه، متى دعانا؟ يوم الحادي عشر من المحرم في الرسالة التي وجهها عَبر ابنتهِ
سكينة، لأنها الوحيدة التي تمكنت من الوصول إلى مصرع أبي عبد الله .
تقول: بينا أنا محتضنة لجسد والدي وإذا بالصوت من المنحر
الشريف : بُنية سُكينة إقرئي شيعتي عني السلام وقولي لهم إن أبي قد قُتل عطشانا فاذكروه ومات غريبا فاندبوه.
ولذا لما رجعت سكينة إلى المدينة أمرت الشيعة بإقامة المأتم على الحسين عليه السلام .
يقول التاريخ : فأقيمت المآتم على الحسين في دور بني هاشم لما عادرا إلى المدينة، لما كنت تدخل إلى حي بني هاشم في المدينة في ذلك اليرم فلا يطرق سمعك الا النوح والبكاء على الحسين مآتم عديدة منها مأتم الامام زين العبادين عليه السلام وهو جالس في بيته جلسة الحزين الكئيب، إذا نظر إلى الماء أو الطعام بكى وقال: كيف اشرب وقتل أبي عطشانا؟! وكيف آكل وقد قُتل أبي جائعا وآه حسيناه وآه اماماه ...
وها نحنُ اليوم نجدد العزاء ونقيم المآتم على مولانا ابا عبد الله الحسين ونقدم تعازينا إلى مولانا صاحب الزمان بمصاب جده فهو اصعب شهر يمر عليه
📁نعي مجرد
🌷¶¶¶¶¶¶¶¶¶¶¶¶¶
يالمهدي اجينه انوح وياك
هلال الحزن ندريه بجاك
وعذبك حيل ومرد حشاك
🌷¶¶¶¶¶¶¶¶¶¶¶¶¶
نعازيك بمصاب اهلك اليوم
جدك يوسفه سحكته الكوم
عطشان مات اويلي مظلوم
🌷¶¶¶¶¶¶¶¶¶¶¶¶¶
محروم الجفن والغسل والماي
وجروح البصدره تره هواي
وعالعلكمي مرمي الراوي
🌷¶¶¶¶¶¶¶¶¶¶¶¶¶
عباس كطعو منه جفين
ومصابه بجاها ام البنين
وزينب حزينه وتهمل العين
🌷¶¶¶¶¶¶¶¶¶¶¶¶¶
حزنج بعد ما افلنه
وياج اجر ونه اعله ونه
وسفه الدهر محنج محنه
🌷¶¶¶¶¶¶¶¶¶¶¶¶¶
📁نعي الفراق:"طور الشيخ زمان الحسناوي"
شهر الاحزان ... بالسمه بين هلاله
شهر الاحزان ... بيه دمع زينب تلاله
شهر الاحزان ... تبجي لحسين وعياله
شهر الاحزان ... وعالهظم والجره بحاله
🌷¶¶¶¶¶¶¶¶¶¶¶¶¶
Читать полностью…
قناة دموع الفواطم الحاجة ام احمد "الحچامي"
15 April 2026 02:11
لطميه وزن فائزي لاول ايام محرم
لسان حال السيده زينب عليها السلام
--------------------
من شفتك يهلال الحزن زادت احزاني
گلبي رجف وتذكرت ذبحة اخواني
•┈┈•⊰✿⚫✿⊱•┈┈
ابچي عليهم وانتحب واذكر الحومه
منسه الغريب ابوحدته ولا انسه يومه
وشلون يدنه لمنحره ويسلب اهدومه
شمر اللعين الي ذبح نحره سباني
*الــ✍ــحاجه ام احمد الحچامي*
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من هل علينه هل الشهر كدرنه يحسين
اشوفه يخويه مضلم ودم وتدمع العين
معصور كلبي يالولي ومجسوم نصين
ماريد يحسين الشهر شوفه عماني
*✍🏻ام حســــــــين الخـــــــفاجي*
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياريت لاهل واجه واكبل علينه
ارض وسمه بيه اكدرت خويه وحزينه
خافن بني هاشم تضل بيها رهينه
واني ارد ميسره اه يازماني
*✍🏻أم عبــــــــــد اللـــــــــه العـــــــــابدي*
•┈┈•⊰✿⚫✿⊱•┈┈
يهلال كونك لا اجيت كبال عيني
بيك انسبي واهل تضل وافكد بنيني
وما بين عدوان وغرب يكثر ونيني
من شفتك ارتاب الكلب والهم لفاني
✍🏻الشاعرة نبأ
•┈┈•⊰✿⚫✿⊱•┈┈
ياريت لا شفت الهلال ولا نظرته
هيج احزاني ساعة الي بيها شفته
مر بخيالي شلون ابن الزهره عفته
وذاك المصاب الي جره وهدم أركاني
✍🏻ام كرار شكر
•┈┈•⊰✿⚫✿⊱•┈┈
لمن وصلنه كربله حاطتنه الجموع
انظر لخوي بحسرتي وتصب الدموع
والحر يباري للضعن وايتامك تلوع
يگلهه الجموع تسلحت لذبحتي اني
زهره الكناني✍🏼
•┈┈•⊰✿⚫✿⊱•┈┈
Читать полностью…
قناة دموع الفواطم الحاجة ام احمد "الحچامي"
15 April 2026 02:07
الملا علاء الدفاعي
ياشهر عاشور ياشهر الالم
*الــ✍ــحاجه ام احمد الحچامي*
Читать полностью…
قناة دموع الفواطم الحاجة ام احمد "الحچامي"
15 April 2026 02:03
لليوم الاول من شهر محرم
................................
من هل يوم تبدي اويانه لاحزان
للـضـلـت غـريـبـه ابـغـيـر وليان
نـون ابگـلـب محروگ
الاهلها المدمع ايلـوگ
للـضـلـت غـريـبـه ابـغـيـر وليان
................................
بـده شـهر الـحزن شهر الـمصيبه
الــبـيـه ام الـحـزن ضـلـت غريبه
جـرحها بالـگلب ماصـحـله طيبه
على اجساد الفخر ضلت خضيبه
نحضر مجلس ام عون
وياها انـبچـي الـعـيون
للـضـلـت غـريـبـه ابـغـيـر وليان
بقلم خادمة آل البيت ع
................................
للضلت غريبه ومالها احد
عزهه والخدر ذاك تفرهد
كل عاشور عزيات إتجدد
نعزي المصطفى.وال محمد
نصيح ويعله الصوت
وتحـزن كـل البيوت
للضلت غريبه بغير وليان
*✍🏻أم عبــــــد اللــــــــــه العابـــــــــــدي*
................................
امن اول يوم بان الحزن چنه
خوات احسين مدمعهن جرنه
اتروح اهل الفخر واهل المحنه
ذاك اليوم الاسود ما نسنه
نساعده علی اهلها
او دمـعـتـنـه نهلها
للـضـلـت غـريـبـه ابـغـيـر وليان
خادمة اهل البيت عليهم السلام العلويه ام سيد مهدي الموسوي
................................
تهل ادموعنه لاجلچ يحره
مثل مصيبتچ ما ظنه تجره
اخيّچ عالثره جثته اموذره
اعياله امصفده واخوذهه اسره
نعزي الصاحب بهاي
ونطلب ثاره مولاي
للضلت غريبه ابغير وليان
✍🏻العلوية أم منتظر جمال الدين
................................
زينــب هالشهر حـزنانه للراح
يوم اتذكرت تمشي ويه ذباح
روس اخوانها شالتها الارماح
ماتنسه الســده عليها والنياح
جينه نواسي هليوم
ونلطم على المظلوم
للضــلت غريبــه ابغــير والي
أم صـــ✍️ــــادق المنصوري
................................
نواسي ام الخدر وندك على الراس
عللضل بالشمس مگطوع النفاس
ومشت اخته العقيله ابغير حراس
وضل اعله النهر نايم العباس
ضل صاحب الغيره
ومـشت انتي يسيره
للضلت غريبه ابغير وليان
ام✍🏻 زين العابدين لمحمداويه
................................
................................
الله يساعدچ وشلون ظليتي
غريبه اوي العدو ياويل ونيتي
فوگ التل صعدتي حسين ناديتي
ظل حسين عالغبره
وصحت بصوت يازهره
للضلت غريبه بغير وليان
ب✍ الحاجه ام احمد الحچامي
____
Читать полностью…
قناة دموع الفواطم الحاجة ام احمد "الحچامي"
15 April 2026 02:02
فزاعيه لمحرم الحرام
................................
على الوليان عازوها العقيله
ونـتـهـا على اخـوتها ثـگـيله
لا تخلوها ..//.
وحيده ام المآسي لاتخلوها
................................
ثگيل افراگ اهلها گومو وياها
ذابـل عـودها وانگطع رجواها
الله يـعـيـنها المفگوده ولياها
حيل نحلانه .//..
على اغياب الكفلها حيل نحلانه
بقلم خادمة آل البيت ع
................................
على اغياب الكفلها الروح ممروده
الآم الــــفــگـد كـل عـام مـعـيـوده
تبچي أعله الجره ابعباس وابعوده
روس ولياها...//
على ارماح الاعادي روس ولياها
زينب الواسطي
................................
تبچي ام الخدر محتاره بعياله
عالغبره الغريب امگطع اوصاله
مشت للمشرعه اتطالب بِالكفَاله
اجفوفه مگطوعه..//..على جرف الشريعه اجفوفه مگطوعه
الــ✍ــحاجه ام احمد الحچامي
................................
عمت عيني العقيله حالها اشلونه
حملها اثگیل وين الي يشيلونه
مدمعها خلص والوجه يا لونه
اتغيرت اللوانه ....
وجها ام المصيبه اتغيرت اللوانه
خادمة اهل البيت عليهم السلام العلويه ام سيد مهدي الموسوي
................................
امگابل خل ندك وي عمة الساده
نار افراگ اخــــوتي تگول وگاده.
وين الي بچـت لحسين واولاده
گومي عينيها //ماعدها حبايب
گومي عينيها
ام علي البابلي
...............................
خل نلطم عليهم حيل وبحسره
نكابل فاطمه ونكابل الحره
على الظلو عرايا وفوك عالغبره
الليله واسيها //وهاي ام الخدر الليله واسيها
ام زهراءالفاطميه
ــــــــــــــــــــــــــــــــــــــــــ
Читать полностью…
قناة دموع الفواطم الحاجة ام احمد "الحچامي"
15 April 2026 02:00
فزاعيه للهلال
~~~
نشرت قميص المنذبح
ام الـحـسـن مـولاتـنـه
~~~
نشرت قمیصه ورددت
عالغدر ولـدي اتعودت
من جمـر دمعتها غدت
وتـتـنـوع الـدمـعـاتـنه
بقلم خادمة آل البيت ع
~~~
نشرت قمیصه او نادته
آیـل غـريب او ذبـحته
ویـلا یـحرگـت خیمته
ما تـنـتـهي حسراتنه
خادمة اهل البيت عليهم السلام العلويه ام سيد مهدي الموسوي
~~~
اتريـد لطمه فاطمه
ابنها فايـض بالدمه
انعزي حماي الحمه
لحسين كـل وناتنه
ـ ✍🏻ـ آلاء الـطـائـي
~~~
وناتنه ماتنگطع
للطاح مهشوم الضلع
والگلب لجله منشلع
يالطمته بيناتنه
✍️ام احمد الساعدي
~~~
نشرته فاطم بالحشر
اطالب ابدمه والنحر
مگلوب ذبحوه الكفر
بحسره نجر آهاتنه
*الــ✍ــحاجه ام احمد الحچامي*
~~~
تشكي مصايب مقتله
مذبوح ابنها بكربله
تنشر قميصه للمله
وماخلصت لوعاتنه
ام✍️ حسين الحسني
~~~
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
Читать полностью…
قناة دموع الفواطم الحاجة ام احمد "الحچامي"
15 April 2026 01:57
قصيده ثكيله اول من محرم وزن العگيلي
هاي الليله ،،،، هاي الليله
اول ليله من عاشور
هاي الليله البيها الزهره ،،، تحظر كل مجلس هاليوم
واعلى الراس ادك وتلطم ،،، وتنادي اه يا مظلوم
امك هاي الليله بحسره ،،، ويم كل مجلس هيه تحوم
ويه الشيعه ،،،، ويه الشعيه
تدميلك هليوم أصدور
✍العلويه ام نور الميسانيه
🖤🖤🖤🖤🖤🖤🖤
هاي اليله تبجي الزهره ،،، تلطم ياويلي اعله الراس
وتهل دمعتهه ابكل حسره ،،، تنادي ومكطوعه الانفاس
تلطم لحسين وملجومه ،،، وصيح الكافل عباس
تبجي وتنعه ،،،،، تبجي وتنعه
هاي جروحي اليوم تفور
الشاعره / زهره
🖤🖤🖤🖤🖤🖤🖤
هاي الليله كلش صعبه ،،، عليكم يحباب الجيدوم
من شال وعايف ديرانه ،،، ولبنيته ماجتها علوم
تدري يروح الوالد منها ،،،
مكدر كلشي ومرسوم
ماجيتوني ،،،، ماجيتوني
من يجبر كلبي المكسور
✍️المله والشاعره ام حمودي
🖤🖤🖤🖤🖤🖤🖤
هاي الليله زينب تصرخ ،،، وين التلطم ع الخوان
ناموا بالرمله وعافوني ،،، كلبي عليهم ضل حيران
وامشي واتعثر بهدومي ،،، وابجي دموم اعله العطشان
وكل العيله ،،، كل العيله
تبجي ع النحر المنحور
الشاعره / ام علي البابلي
🖤🖤🖤🖤🖤🖤🖤
هاي الليله تون الزهره ،،، اعله احسين الرايح منحور
تنعاه بدمعه سجابه ،،، ظل بالطف والدنيه حرور
ما انسه يايمه مصابك ،،، بس الطير اعليك يدور
دوم انعالك ،،،، دوم انعالك
راحت مني احلى بدور
✍️ام محمد الشاهين
🖤🖤🖤🖤🖤🖤🖤
تحضر ام حسين اويانه ،،، وتهل المدمع بدموم
واتنادي يبني ويمصابه ،،، گلبي لمصابك ملجوم
اصرخ من حرگت دلالي ،،، والحيل الاجلك مهدوم
انعه امصابك ،،،، انعه امصابك
ودمع اعيوني هل منثور
ام سجاد العسكري
🖤🖤🖤🖤🖤🖤🖤
بهاي الليله الزهره تنشر ،،، ثوب حسين الضل مذبوح
وتنصب له الأملاك وياها ،،، للضامي مجلس وتنوح
والدنيا تتوشح بأسود،،،،، وترجع لينه جروح جروح
تهل الدمعه ،،،، تهل الدمعه
الأملاك الليله وي الحور
ام حسين الاسدي
Читать полностью…
قناة دموع الفواطم الحاجة ام احمد "الحچامي"
15 April 2026 01:52
قصايد للهلال
هلال شهر محرم
,,,
👇👇👇👇👇👇👇👇👇
Читать полностью…
قناة دموع الفواطم الحاجة ام احمد "الحچامي"
13 April 2026 20:32
#أبوذيات ونعي لشهادة الأمام الصادق
صفاتك ظلت ويانه وثارك
مصاب حسين هد حالك وثارك
ابحقك يطلب المهدي وثارك
وثار من الكسر ظلع الزجيه
❀❀❀🕊❀❀❀
البقيع اليوم حزنانه يشيعه
منو بيكم نعش جعفر يشيعه
واجب على كل شيعي يشيعه
نواسي بغيبته الهادي ووصيه
❀❀❀🕊❀❀❀
اون والشيعه كلها تون لوني
انه امه فاطمة الزهره لوني
حضرت لدفتنه وبسمه لوني
اظل انحب لأمام الجعفريه
❀❀❀🕊❀❀❀
🔹نعي بطور الفائزي 🔹
جبريل ناده بالسمه يالهادي مأجور
سمو حفيدك وبحزن هالدمع منثور
وبطيحته الليله العدو ياناس مسرور
سمو الارجاس الفخر للجعفريه
❀❀❀🕊❀❀❀
للصادق املاك السمه نصبت عزيه
وتواسي ابهذا الجرح اهل الرزيه
ينحب ابو حسين وحسن هاي المسيه
وناصب مأآتم على احفاد الهاشميه
❀❀❀🕊❀❀❀
للصادق املاك السمه نزلت يشيعه
تعازي الهادي المصطفى بهاي الفجيعه
بس يختلف عن لوعة حسين ورضيعه
عاري ثلاث ايام ظل اعله الوطيه
❀❀❀🕊❀❀❀
تمت بحمد الله
✍🏻آلــــّ؏ــلّويِـــــه آلّمٌوسويِــــۿ
❌
🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
13 April 2026 20:28
نعي للإمام جعفر الصادق عليه السلام عن امه الزهراء عليها السلام
مهمومة وحزينة لجل الاولاد
لو سم لو چتل كل واحد بلاد
مظلومين عاشوا دون العباد
انوحن والدليل ابيوم ما هاد
=================
على الصادق اون ونة شجية
واظل انعاه كل صبح ومسية
احا يالــــولد نارك ســــــرية
حلالي النوح والدمعة الجرية
===================
حزينة ام الولد لاخر نفسها
تصب ادموعها واسود لبسها
ميتة وبس جسد تمشي تحسها
بجفاك الروح يمة الضيم مسها
=================
يبو الكاظم ييمة عليك ثكله
واون عليك ليل انهار كله
مصابك خلة بالدلال عله
يا يمة عليك النوح يحله
==================
أسألكم الدعاء رائد الاسدي
🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
13 April 2026 20:25
🎙نعي جديد للامام الصادق عليه السلام
حال الامام الكاظم عليه السلام في وداع ابيه
يكله
يبويه تلوج ماكدر اصد ليك
السم ضاهدك وحيل ماذيك
كلي يبويه بيش اداويك
لون تنشره بالروح اشريك
اشوف تودع بدمعه جريه
جنها كربت بويه المنيه
كضاك السم يالكلك حميه
ماخله مصابك حيل بيه
اشوفك تودع بدمع جاري
وداعك تدري اذهل أفكاري
بغيابك يصير اسود نهاري
بعدك تضل ماتطفه ناري
هضيمه يبو الكاظم مسموم
نهضه بعد مابيك وتكوم
أملاك السمه حزنانه هاليوم
عله مصيبتك ياكنز العلوم
الصادق يون ونه ثجيله
عرك جبينه وباد حيله
بحسره والم ودع العيله
الكاظم ينحب ودمعه يسيله
✍✨بقلم العلويه ام رائد زوين ✍️🏴أنت المعزى سيدي يا صاحب الزمان ... عظم الله اجوركم💔
Читать полностью…
قناة دموع الفواطم الحاجة ام احمد "الحچامي"
13 April 2026 20:22
نعي لاستشهاد الامام الصادق عليه السلام
فايزي
🏴🏴
الليلة الهواشم ناشرين ابيارغن سود
شيخ العشيره مات بالسم چبده ممرود
.....
.....
جعفر الصادق گضه نحبه بسم الاوغاد
لمصابه تنعى الليله حته السبعة لشداد
يعالج بروحة ونار تسعر وسط الافاد
وسفه امام الجعفرية الليلة مفگود
.....
.....
ركن الاسلام انهدم تنعى السماوات
ومكدّره لكوان للصادق ابسم مات
وعيال بيته مجابلينه بونه واهات
ووليده عد راسه ساعة موته موجود
.....
.....
حضرت الزهرة تودعه والدمع مسفوح
تنعى لمصاب وليدهه والكاظم ينوح
وتصيح واويلاه يبني المات مذبوح
الماحضرته خوان وتواريه بالالحود
.....
.....
كل ميت اهله اتحضر وتغمض العين
شي عد شماله اخوته وشي عد اليمين
ويلاه يوم انذبح محد حاضره حسين
بس اخته بين الغرب دمعتهه اعله الخدود
.....
.....
ليعلو النداء هذه الليله واجعفراه واسيداه
وامسموماه
عظم الله اجورنا واجوركم
ام محمد الحجاج
🏴أنت المعزى سيدي يا صاحب الزمان ... عظم الله اجوركم💔
Читать полностью…
2037