قناة دموع الفواطم الحاجة ام احمد "الحچامي"
04 October 2026 16:59
قصيده لاستشهاد الزهراء ع
((وزن الوسيله))
____
شگال گلبك يا علي من غسلتها
مكسرات ضلوعها بعينك شفتها
ــــــــــــــــــ • ❃ • ـــــــــــــــــــ
مكسرات ضلوعها الزهره الزچيه
بهيده غســـلها يحـــماي الحميه
ونت ام حسين بــس ونـــه خفيه
طگت البسمار اظن حيل اوجعتها
✍️ام ليان البهادلي
ــــــــــــــــــ • ❃ • ـــــــــــــــــــ
بضربة البسمار ويلي ضلت تلوع
ليلها الوجعانة مكسورة الضـلوع
بقت زينب على امها اتهل الدموع
ماتت امها أگبالها وحيل ألمتها
✍️هيام يازع عناد
أحزان فاطمة
ــــــــــــــــــ • ❃ • ـــــــــــــــــــ
شگال گلبك من شفتها العين حمره نــــار وجت بالگلب تشتعل جمره
اوخدها احمر منگلب من اثر سطره
ايعينك الله ياعلي من چفنتها
ب~✍️~الحاجه ام احمد الحچامي
ــــــــــــــــــ • ❃ • ـــــــــــــــــــ
علي يبجي على الزهرة بگلب مفتوت
يگلها زهره موش الج نومة التابوت
اطفالج تريدج دكومي عوفي الموت
وسفه يم حسين هالكاع أحضنتها
✍️هيام يازع عناد
احزان فاطمة
ــــــــــــــــــ • ❃ • ـــــــــــــــــــ
هلت ادموعك على الزهره وضلعها
ومن شفت بسمارها النابت وجعها
فاطمه الظالم عمد بيده دفعها
وسقط منها المحسن وفضه نختها
✍️أم ليان البهادلي
ــــــــــــــــــ • ❃ • ـــــــــــــــــــ
اشگال گلبک سیدی من شفت ضلعین
امکسرات او سود بیهن هل نیاشین
انشعب گلبک ونهدم حیلک یبو حسین
صبت ادموعک عليها من جستها
✍️خادمة اهل البيت عليهم السلام العلويه ام سيد مهدي الموسوي
ــــــــــــــــــ • ❃ • ـــــــــــــــــــ
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
Читать полностью…
قناة دموع الفواطم الحاجة ام احمد "الحچامي"
02 October 2026 22:13
فزاعيه لاستشهاد الزهراء (ع)
((الوزن تجليبه))
ــــــــــــــــــ • ❃ • ـــــــــــــــــــ
اليوم ام الحسن وحشة ثنيتها
شالت من وكت عافت ابنيتها
ــــــــــــــــــ • ❃ • ـــــــــــــــــــ
وزينب صارخة وتصيح يايمة
عفتيني يتيمة وبالگلب هضمة
تعالي وشوفي حالي دنيتي ظلمه
حسينج بالطفوف وحيد ساعتها
✍️هيام يازع عناد
أحزان فاطمة
ــــــــــــــــــ • ❃ • ـــــــــــــــــــ
شالت من وكت يا حيف بت طه
وظلت دارها توحش بلياهه
زينب حايره وحسين ينعاهه
يوم الشال بيده علي اجنازتها
✍️ام ليان البهادلي
ــــــــــــــــــ • ❃ • ـــــــــــــــــــ
شال ابليل نعش امي علي الكرار
الحسن وحسين مدمعهم يصب مدرار
نور الزاچيه الليله طفه بالدار
اوزينب چلبت ابنعش اميمتها
ب~✍️~الحاجه ام احمد الحچامي
ــــــــــــــــــ • ❃ • ـــــــــــــــــــ
وحشة خلافها ماتحلا لمتهم
أم گلب الحنين بنوح خلتهم
مر افراگها البطيب غذتهم
موبس دارها تبچي يديرتها
العلوية الموسويه ✍️
ــــــــــــــــــ • ❃ • ـــــــــــــــــــ
تبچي ديارها والنسوة حزنانه
هدوم السود لبست على الوجعانه
مالومة ضلع محنيه تعبانه
من سطرة العين وحيل اذتها
العلوية الموسويه ✍️
ــــــــــــــــــ • ❃ • ـــــــــــــــــــ
عـمت عيـني عليها ماتت بحسره
تصيح بصوت زينب يمه يازهــره
مكسوره وتون والگلب شيجبره
تــريد اللي يواســـيها بمــصيبتها
أم صـــ✍️ــادق المنصوري
ــــــــــــــــــ • ❃ • ـــــــــــــــــــ
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
Читать полностью…
قناة دموع الفواطم الحاجة ام احمد "الحچامي"
02 October 2026 18:33
قصيدة فزاعيةللزهراء (ع)
بهيده وياي يا كرار
ضلعي هواي ماذيني
_
نابت بالضلع بسمار
منه الكلب صاير نار
بهيده اعلي يحامي الجار
شلون تغسله حاجيني
__
يا أبو حسين ضلموني
بين الباب عصروني
من الطفل حرموني
بلحضه ضاعت اسنيني
___
فوك الضلع والعصره
حركو دارها الزهره
وإني الطاهره الحره
للسبط اشكي خليني
___
بله اسمع هل اوصيه
من تلفيني المنيه
لا تضهر كبر ليه
عنهم حيدر اخفيني
____
غسلها ويهل العين
الله يعين ابو الحسنين
عكبج كلها اروحن وين
تغير لوني شوفيني
___
تمـت بـعـون الله تعالـى
بـ✍️خادمـة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 18:30
قصيدة ندبة للزهراء(ع) للشفاء من المرض
الج مجلس نصبت اليوم
اريدنج تشافيني
____
مريضه وحيل ما بيه
اريدن نظرتج ليه
احلفج ها يعلويه
فدوه لا ترديني
_
يمولاتي تعب حالي
بس المرض يبرالي
بيج امعلكه امالي
اعرفج ما تخليني
_
وحكج ما انام الليل
المرض ما خله بيه حيل
طلبتج واني دمعي يسيل
يمولاتي تنظريني
__
تعبها المرض روحي
وعليه زيد اجروحي
ما يبطل بعد نوحي
هلي دموم يا عيني
___
ما فاد العلاج وياي
اجيتج يا ام حسن عناي
ترى فضلج عليه هواي
ادري ما تفشليني
___
هوسه
تشافيني__بيدج يالزهره
&&&&&&&&&
كل عله ومرض
ب اسم ام حسن
تشفه
&&&&&&&&&&
طالبه امرادي
منج يالزجيه
&&&&&&&&&
🖊️ تمت بعون الله تعالى
✍️ خادمة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 18:20
.نعي للزهراء سلام الله عليها
=================
طور الفائزي السريع على طريقة جاسم الطويرجاوي
................
رايح وين ضعن امي
وصرخ يم حسن ردي
هان عليچ يازهراء
تيتميني بزغر سني
محتاجه الحنان البيچ
زغيره على المنيه انتي
ردي بساع يم حسين
ظلمه البيت لو رحتي
گضيتيها ألم وحزان
بحياتچ شنهي الشفتي
تالي بگبرچ تنامين
يمه من وگت شلتي
..........
يازهره هضمتيني
خلافچ حالتي حاله
حيدر بلقهر عفتيه
الدار اظلم على اعياله
على چتافه الحمل ثگيل
وحمله يريد شياله
شو دارت عكس دنياي
الدنيه ليش مياله
========
نعي جنوبي
يلماشيه لاوين تردين
للمگبره جنچ تروحين
ادري من ظلوعچ تلوجين
والدوه مافاد وتطيبين
وعفتي اليتامه حسن وحسين
.........😭
البسمار يمه وين حده
صاب الظلع ليش وتعده
بيوم النذل للباب رده
بحيله على ظلوعچ وسده
جرحچ كلف وشلون اشده
.........😭
جينه ييمه ومالگيناچ
والبيت ظلمه خلاف عيناچ
وذكرنه الزمان الچنه وياچ
طول الزمان اضلن انعاچ
بلظيم يايمه يتاماچ
اشبع هظم خايب يگلبي
========
خادمة ال البيت الحجيه ام علي البصره
Читать полностью…
قناة دموع الفواطم الحاجة ام احمد "الحچامي"
02 October 2026 18:16
📜قصيدة لمولاتنا الزهراء "عليها السلام"
طولچ ياالزچية اشلون ادفننه
حيدر هالمسية اينادي ابوونّه
ــــــــــــــــــــــــــــــــــــــــــ
حــيدر هالمسية اينادي ابـعبرة
اشلون ابگبر ايدي تدفن الزهرة
الله ايعين گلبي يا عظم صبره
بعد هيهات وجهچ وين اشوفنه
ــــــــــــــــــــــــــــــــــــــــــ
بعد هيهات وايضل الگلب مفجوع
يحفر بالگبر وايهل عليها ادمووع
اشلون ايشيلهه وامكسرة لِضلووع
يكون اوياچ طولي ايگلهه اچفننه
ــــــــــــــــــــــــــــــــــــــــــ
يكون اوياچ اروحن يالخذيتي الحيل
گاعد يم گبرها والدموع اتسيل
امگبع بالحزن يبچي ابظلام الليل
اضلوع ام الحسين اهواي اذنه
ــــــــــــــــــــــــــــــــــــــــــ
اضلوع ام الحسين الاذته اهواية
ياحيف الدهر سواها السووايه
اريد اسمع يزهرة منچ احچاية
وجهچ صاح حيدر مشبعت منه
ــــــــــــــــــــــــــــــــــــــــــ
وجهچ حيف ضمه فاطمة التربان
شالت للمگابر والصـــدر وجعان
نبچي اعله الزچية لو على العطشان
اضلوعه امكسرة والخيل داسنه
ــــــــــــــــــــــــــــــــــــــــــ
اضلوع امكسره امن الزهرة والمظلوم
خل نهمل دمعنه اعله المصاب اليوم
صيحي احسين ضل من العذب محروم
يسجل الصاح بالكلفات يحضرنه
ــــــــــــــــــــــــــــــــــــــــــ
✍🏻 العلوية ام وليد الموسوي
Читать полностью…
قناة دموع الفواطم الحاجة ام احمد "الحچامي"
02 October 2026 18:16
سلاماً یامهدي🥀
یازهراء ع
شما باوع البسمار دمعاتي تجري
مو صدرچ المكسور يايمة صدري
ـــــــــــــــــــــــــــــــــــــــ
اسود نهاري وليل يايمة بعداچ،
فتحي اللحد بس يوم خليني وياچ
يمة الدليل يذوب لو مره طرواچ
ونار الهجر بركان بضلوعي تسري
ـــــــــــــــــــــــــــــــــــــــ
نــار الهجــر بالروح بعدچ چوتني
یایمه اشیل الثوب گوه اعله متني
عافیتی یمه ویــاچ هم فارگتنـي
واعلن حرابه ویاي یالزهرة دهري
ـــــــــــــــــــــــــــــــــــــــ
گمت اعثر بممشاي من کثـرة همـي
یــایمه لــو بالطيف بــس مري یمـي
وعیوني من فرگاج یالزهره تــعمي
نور وطفی من البیت ظل محني ظهري
ــــــــــــــــــــــــــــــــــــــ
راح النظر وعمیت من کثرة مبچاي
لاظل دمع بالعین لاظل بعد راي
یاظیمي بالدلال صایر تری هواي
حتی امتحن ویاي یایمه صبري
ـــــــــــــــــــــــــــــــــــــــ
لوعـاتي بالدلال بسکوت اونهــن
بعــدچ یبعدالروح عدمــن افلهن
یــم الگبــر ویـــاچ وتقاسمتهــن
مکتوب الية يصير هيچ أنا قدری
ــــــــــــــــــــــــــــــــــــــ
الفاطمیه الرافضیه
Читать полностью…
قناة دموع الفواطم الحاجة ام احمد "الحچامي"
02 October 2026 15:07
اليوم ام الحسن وحشة ثنيتها
شالت من وكت عافت ابنيتها
,,,_____
وزينب صارخة وتصيح يايمة
عفتيني يتيمة وبالكلب هضمة
ووصيتي اشمن نحر ابو اليمة
لوظل بالطفوف وحيد ساعتها
هيام يازع عناد
أحزان فاطمة
........_____
شالت من وكت يا حيف بت طه
وظلت دارها توحش بلياهه
زينب حايره وحسين ينعاهه
يوم الشال بيده علي اجنازتها
ام ليان البهادلي
_____
شال ابليل جنازتها علي الكرار
الحسن وحسين مدمعهم يهل مدرار
نور الزاچيه الليله طفه بالدار
اوزينب چلبت ابنعش اميمتها
ب~✍️~الحاجه ام احمد الحچامي
_____
وحشة خلافها ماتحلا لمتهم
أم قلب الحنين بنوح خلتهم
مر افراگها البطيب غذتهم
موبس دارها تبچي يديرتها
العلوية الموسويه ✍️
_____
تبچي ديارها والنسوة حزنانه
هدوم السود لبست على الوجعانه
مالومة ضلع والعين حمرانه
من سطرة لعين ونار اذتها
العلوية الموسويه ✍️
_____
عـمت عيـني عليها ماتت بحسره
تصيح بصوت زينب يمه يازهــره
مكسوره وتون والگلب شيجبره
تــريد اللي يواســـيها بمــصيبتها
أم صـــ✍️ــادق المنصوري
Читать полностью…
قناة دموع الفواطم الحاجة ام احمد "الحچامي"
02 October 2026 15:01
قصيده للسيده فاطمه الزهراء ع
انهضمت اودمعاتهه مثل المطر
البلسمه منصوره كاتلهه القهر
،،،،،،،،،،،،،،
انهضمت ودمعاتهه بالدم تصب
والصدر مكسور وانصاب الگلب
تربي عيناها الهلموقف صعب
اعليهه شد احزام ياوسفه الدهر
،،،،،،،،،،،،،،،
اعليهه شد احزام بت المصطفى
والدمع والنوح بس الهه صفى
بعد ماشال النبي بلحد وغفه
اشلونه لو شاف الصدر منهه انكسر
،،،،،،،،،،،،،،
يجري دمع العين ومجرح الخدود
الاجلهه الباري خلق هذه الوجود
راحت الليالي الفرح واجتهه سود
انهضمت ام السبط عثرها الدهر
،،،،،،،،،،،،،،
شد عليهه احزام ياذاك الزمن
اتحملت ظلم وهضم فوك المحن
بعد ماابوها تغسل واندفن
ومايرد ليهه ويطول السفر
،،،،،،،،،،،،،
ابسرعه دكات الگلب صارت تدك
من اصواب الضلع خلوه محترك
اشكثر اذوها الصحابه المو صدك
الزهره قصتهه تفت حتى الصخر
،،،،،،،،،،،،،
اگليبهه مهموم بت طه الامين
لوعه الضلع والآلآم الجنين
هاالفعل نستنكره احنه وندين
حزن لايمه وكاسر ياظهر
،،،،،،،،،،،،
بقلم ام مرتضى الخزرجي
Читать полностью…
قناة دموع الفواطم الحاجة ام احمد "الحچامي"
02 October 2026 14:56
📜نعي لمولاتنا الزهراء "عليها السلام"
زينب شاهدت بـسمار
ابصدر الزاچية البضعة
شافت امهه خلف الباب
هدت حيلهه الـــــوگعه
صاحت ياخــــلگ امي
انعصرت رادت الفزعه
ضلت تهمل الدمعات
دمعه اتسابگ ابدمعه
ابعبره الحره مخنوگه
وعليها ضاگت الوسعه
خطره الزهره حالتها
بقت يم راسها تنعه
محسنها تنـوح اعليه
ابهجوم الدار منفجعه
تگول امي تريد اتروح
بعد ما تحچي بالرجعه
يوم ام حسن هز اكوان
واهتزت ســـما السبعه
تــــــناديها يبعد الروح
اشلون بشخصچ انودعه
تون فاطم توالي الليل
زينب صوتها اتســمعه
تبچي وجرّت الحسرات
عينــــــيها يل امضيعه
كلمن ينعى لم حسين
اسمه بچفها اتــوقعه
ادخيل انصيح يالزهراء
نروح ابطرگ هالقطعه
بطرگ الچفن ماكو اعمال
الموالي حبـــــچ اينفعه
وانه الناعيه اعله احسين
انعه الضلعچ وضــــــلعه
امشّي اعليچ داحي الباب
احضري ابمــوتي ابسرعه
الگبر بس انتي التضويه
حضورچ بالگبـــر شمعه
ـــــــــــــــــــــــــــــ
✍🏻تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي
Читать полностью…
قناة دموع الفواطم الحاجة ام احمد "الحچامي"
02 October 2026 14:49
قصيدة للزهراء عليها السلام
دار ابو الحسنين ضلمه الليله
أفراك فاطم والله هدم حيله
_
الليله دارك يا علي منكوبه
وروحك اعله ام الحسن متعوبه
من شفتها اعله الوجه مضروبه
كلبك اتكطع يحامي ادخيله
_
كلبك اتكطع على مصاب البتول
ما رعوها وهيه بنت طه الرسول
بدونها صعبه العمر لمن يطول
ياهو عكب الزاچيه تشكيله
_
ياهو تشكيله بعد بفراكهه
يكطع الدلال خالي امچانهه
اليوم موحش حيل والله اعتابهه
وزينب اعليها دمعها تسيله
_
تبچي زينب والحسن وياها
وحتى حيطان النزل تنعاها
شالت الطيبه وحلو ملكاها
الچانت اليكصد هلا تحييله
_
حسين ضل ايلوج والله اعليها
يصيح امي بعد وين الكيها
يمي بويه الليله بس خليها
افراكها كطع يويلي ادليله
_
تمـت بـعـون الله تعالـى
بـ✍️خادمـة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 13:45
هوسات جنوبيه
للزهراء ع
لطلب الحاجه.
اريد امراد من جف فاطمه الزهره.. ٢
«««««««««««»»» ~~
ندبت ام الحسن وهمومي هوايه
اجيت البابها متعنيه شجايه
ومديت الأيدين الليله عنايه
ومتردلي طلب وأدريها وفايه
(وفايه / تنطيني مرادي)
اريد امراد من جف فاطمه الزهره.....
✍🏻 ام سجاد الشهيد
▫️▫️▫️▫️◽▫️▫️▫️▫️
حشمت الزجيه وكلبي بيه حسره
اريد ابساع منج يم حسن نظره
جزعان الكلب والله ونفذ صبره
بجاه الضلع ذاك وعصرته وكسره
( حمول// الثكلت شيليها)
اريد امراد من جف فاطمه الزهره...
✍🏻 خادمة الموعود
▫️▫️▫️▫️◽▫️▫️▫️▫️
ادري انتي الوجيها والله يرضاها
الـچ كـل الـكرامه ربــچ انــطاهـا
گــالاها النبي هــل چلمه گــالها
يرضى الرضاها ويغضب ويـاهـا
(جيتچ متعنيه ،،،،وطلابه)
اريد امراد من جف فاطمه الزهره...
✍️ام محمد التميميه
▫️▫️▫️▫️◽▫️▫️▫️▫️
طلابه اجیت وکــــــاضه بابچ،،
من بیت الکرم مــعروف عنوانچ،،
یل تمطر سحاب اچفوف احسانچ،،
وجود الکون کله من عظم شانچ،،
((محتامه/ وانخاچ الیله))
✍🏻 ام مهدی مجدم
▫️▫️▫️▫️◽▫️▫️▫️▫️
اريد اتشوف حالي ضاكت اعليه
وطكات الدهر حيل اوجرت بيه
تكضي الحاجه وتهيد الگلب ليه
احلفها أبأبنها الماشرب ميه
((وتشيله /همي الباهضني ))
✍🏻 ام محمد الحسناوي
▫️▫️▫️▫️◽▫️▫️
Читать полностью…
قناة دموع الفواطم الحاجة ام احمد "الحچامي"
01 October 2026 01:28
لطميه....
الى مولاتي الزهراء عليها السلام
وزن نصاري
★-----------------★-----------------★
ملعون الكسر ظلعج ...يزهراء
تبچي وتلطم ابنيتچ...يزهراء
┄┅═✧❁★★-❁✧═┅┄
ملعون الكسر ظلعج يزهره احا احا
امصاب امچيد ومنهو اليجبره احا
..
المحسن طاح ياويلي عله الغبره..
ملعون السطر عينچ..يزهراء
تبچي وتلطم ابنينچ..يزهراء
┄┅═✧❁★★-❁✧═┅┄
ماهابوا علي وحرگوها الدار...احا احا
گوم الصطرتچ ظلام كفار...احا احا
يهظمونچ يزهره وشبوا النار..احا احا
الظالم من حرگ بیتچ...یزهراء
تبچی وتلطم ابنیتچ ..يزهراء
┄┅═✧❁★★-❁✧═┅┄
بين الباب والحايط يعصروچ..احا احا
بت طاهه النبي ياحيف أذوچ
حمره العين ويلي شلون ضربوچ
ويلي سگطو اجنينچ...يزهراء
تبچي وتلطم ابنيتچ.يزهراء
┄┅═✧❁★★-❁✧═┅┄
اتونين الظلع ماذيچ يايمّه
وخلاف العزيزه اشبع مهظمه
اختفه طولچ یيمه البيت ظلمه
یایمه طفه نورچ...یزهرا ء
علغبره صبح طولچ يزهراء
┄┅═✧❁★★-❁✧═┅┄
يازهرة زماني وضي السنين
شلون ایهون الچ بیتچ تعوفین
واطفالچ وسف یمه تيتمين
عمت عينه الحرگ گلبچ....يزهراء
یازهره وخلص عمرچ..يزهراء
┄┅═✧❁★★-❁✧═┅┄
مقيد بالوصيه حيدر یکرار
لولاه العهد يفنيهم الكفار
عجل بالفرج مولاي اخذ الثار
المهدي الياخذ بثارچ..يزهراء
من العصره وحرگ دارچ.. يزهراء
┄┅═✧❁★★-❁✧═┅┄★ـ
الــ✍ــحاجه ام احمد الحچاميـــــــــــــــــــــ*
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
01 October 2026 01:25
دار فاطم صبّحت حزنانه
وزینب الحره تون ولهانه
امی راحت ماتجی
علیها مابطل البچی
➖➖〰️〰️➖➖
امی راحت والحزن خیم علینه
من بعد امی نظل نصفگ بدینه
دارهه ظلمه بگت زاید بچینه
الفرح ویاهه مشه
الدارظلت موحشه
البیت ظلمه ضل یون ویانه
✍ #عـلــویــه_ام_فــاضل
➖➖〰️〰️➖➖
اشلون اطبن دارهه اتبچینی
من بعدهه ضاعت انه اسنینی
اشلون هان علیچ واتضیعینی
امی هیه العافیه
یاحسافه غافیه
وعيني من البجي هل عميانه
✍️ #ام نوراالزهرا نصاری
➖➖〰️〰️➖➖
دارهه ظلمه بگت ام الحسن
وگلب زينب يشتعل من الحزن
على افراگ الوالده تبجي وتون
شمعة البيت انطفت
الزهره ويلي ارحلت
شالت امي والفرح ماجانه
✍ #الحاجه أم احمد الحچامي
➖➖〰️〰️➖➖
الداروحشه وباي تنعه بلعويل
وسفه ابعمر الورد شالت ابليل
دمعتي عل وجنه ظلت تسيل
امي يانبع الحنان
ليش غدار الزمان
الدار من بعدچ بگت خلوانه
✍️ #سلمى أم جعفر
➖➖〰️〰️➖➖
امي راحت للكبروسفه ومشت
ومن بعد عينج ييمه تعذبت
زغيره تدرين بحياتي تيتمت
شلون عفتيني تره
ورحتي صوب المكبره
يمه حيل والله بغيبتج دوهانه
✍️ #ام زهراءالفاطميه
➖➖〰️〰️➖➖
شلون حالي من تروح امي بعد
يمه عمري وياج راح و ابتعد
يانجم ليلي امي و السعد
امي دنيا وعافيه
وياسماي الصافيه
روحي اخلافچ بقت نحلانه
✍️ #ام نور الزهراء العبوديه
Читать полностью…
قناة دموع الفواطم الحاجة ام احمد "الحچامي"
01 October 2026 01:22
وزن بحر الطويل
مفاعيلن مفاعيلن مفاعيلن مفاعيلن
لسان حال مولاتي العقيله زينب عليها السلام
🌀🌀🌀((((((💠))))) 🌀🌀🌀
مصيبة فاطمه الزهره من عدها يشيب الراس
من هجموا عليها الگوم ماكو اسلام عدها الناس
🌀🌀🌀((((((💠))))) 🌀🌀🌀
زينب تنظر اعله الباب وتهل ادموع سجابه
تكله ياعلي بويه الظلع يهظمني ومصابه
مالومه الزجيه تون النذل يضربها واصحابه
صاحت فضه سنديني وحشملي علي النبراس
🌀🌀🌀((((((💠))))) 🌀🌀🌀
زينب تعتب اعله امها عفتيني غريبه شلون
يتامه نظل عگب عيناج وحسين وحسن يبجون
سگط محسن ينور العين لَهيلنه دمع العيون
ياخيرت نسه العالم وسفه عتبتج تنداس
🌀🌀🌀((((((💠))))) 🌀🌀🌀
لَهيلنه دمع العيون يحوريه على مصابچ
مكسور الظلع دامي وخالي يمَّه محرابچ
يشمعت بيتنا وهفتت وتالي خمدت انفاسچ
طولچ راح ماشوفه وحزني اعليچ ماينقاس
🌀🌀🌀((((((💠))))) 🌀🌀🌀
بين الباب والحايط يعصرونچ يضي عيني
نابت بالصدر بسمار من شوفنه يأذيني
ودمچ سال عالعتبه انظرله ويبچيني
يابنت النبي المختار يحرگ بابچ الخناس
🌀🌀🌀((((((💠))))) 🌀🌀🌀
ماهابوج يايمَّه ولاهابو علي الكرار
يسطرونچ على عينچ وانتي بضعة المختار
ماراعوا رسول الله الحقد عاميهم وكفار
خصمهم بالحشر جدي الويل الويل للوسواس
🌀🌀🌀((((((💠))))) 🌀🌀🌀
شيگل لرسول الله خصمه بالحشر باچر
الظالم من حرگ بيتچ ملعون وأصل كافر
جنينج سگط عالعتبه اوضعه للگلب قاهر
مالومه اظل اعليچ وابچي لآخر الانفاس
🌀🌀🌀((((((💠))))) 🌀🌀 🌀
Читать полностью…
قناة دموع الفواطم الحاجة ام احمد "الحچامي"
03 October 2026 00:10
قصيدة للزهراء عليها السلام🏴
((الوزن تجليبة ))
ــــــــــــــــــ • ❃ • ـــــــــــــــــــ
يم الباب طاحت فاطمه الزهره
والبسمار سوه بالضــلع حــفره
ــــــــــــــــــ • ❃ • ـــــــــــــــــــ
خلف الباب طاحت حيل مابيها
من گد العصر والباب ماذيها
حـــتى جنينها فــگدته تاليها
ماتحمل أذيه روحها خضره
العلوية الموسويه ✍️
ــــــــــــــــــ • ❃ • ـــــــــــــــــــ
بين الباب والحايط يعصروها
بعد اغياب ابو ابراهيم أذوها
وباب الدار بالنيران حرگوها
ياذيها الضلع اوتسجب العبره
ب~✍️~الحاجه ام احمد الحچامي
ــــــــــــــــــ • ❃ • ـــــــــــــــــــ
تصب عيونها بدموع سجابه
عصروها وتصيح احاه يا يابه
ماصانوا العشرة بعده اصحابه
وحرگوا بابها والروح مستعره
هيام يازع عناد ✍️
أحزان فاطمة
ــــــــــــــــــ • ❃ • ـــــــــــــــــــ
واويلي على ام حسين مظلومه
من كسر الضلع تندب المحرومه
تصيح ام الحسن حيدر يجيدومه
حركو باب داري وانا متحسره
ام ✍️ ياسر يافاطمة الزهراء
ــــــــــــــــــ • ❃ • ـــــــــــــــــــ
يم الباب فاطم ونت بهيده
يوم الي دفعها الظالم بأايده
جرح ام الحسن جا بعد شيهيده
وضلعها المنكسر چا ياهو اليجبره
✍️ام ليان البهادلي
ــــــــــــــــــ • ❃ • ـــــــــــــــــــ
متعمداللعين بهذا مفعوله
لأن نور النبوه بيها واصوله
وبدين الوحي الزهراء مصقوله
جدح نيران شاف بروحها الثوره
العلوية الموسويه ✍️
ــــــــــــــــــ • ❃ • ـــــــــــــــــــ
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
Читать полностью…
قناة دموع الفواطم الحاجة ام احمد "الحچامي"
02 October 2026 18:34
قصيدة للزهراء عليها السلام
دار ابو الحسنين ضلمه الليله
أفراك فاطم والله هدم حيله
_
الليله دارك يا علي منكوبه
وروحك اعله ام الحسن متعوبه
من شفتها اعله الوجه مضروبه
كلبك اتكطع يحامي ادخيله
_
كلبك اتكطع على مصاب البتول
ما رعوها وهيه بنت طه الرسول
بدونها صعبه العمر لمن يطول
ياهو عكب الزاچيه تشكيله
_
ياهو تشكيله بعد بفراكهه
يكطع الدلال خالي امچانهه
اليوم موحش حيل والله اعتابهه
وزينب اعليها دمعها تسيله
_
تبچي زينب والحسن وياها
وحتى حيطان النزل تنعاها
شالت الطيبه وحلو ملكاها
الچانت اليكصد هلا تحييله
_
حسين ضل ايلوج والله اعليها
يصيح امي بعد وين الكيها
يمي بويه الليله بس خليها
افراكها كطع يويلي ادليله
_
تمـت بـعـون الله تعالـى
بـ✍️خادمـة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 18:31
رباطات هوسات للزهراء (ع)
اليوم أم الحسن شالو جنازتها
وبالديران زينب تون خلتها
__
تكول زينب شايله امي الليله
فراك الزجيه والله مالي حيله
___
صابها البسمار حيل اذاها
ضلوع بنت المصطفى كسراها
____
هواي ماذيني_هواي ماذيني
بسمارك يباب
____
وكسرو اضلوعي_وكسرو اضلوعي
حركوا باب بيتي
____
🖊️ تمت بعون الله تعالى
✍️ خادمة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 18:30
قصيدة للزهراء (ع)
اويلاه يا فاطمة_اويلاه يا فاطمة
_
ما ابطل اعليج الحزن_اويلاه يا فاطمة
من اذكر امصابج اون_اويلاه يا فاطمة
من البجي اعيوني عمن_اويلاه يا فاطمة
____
لبنت النبي كسرو ضلع
اويلاه يا فاطمة
عصروها والمحسن وكع_اويلاه يا فاطمة
كلب الزجيه منشلع_اويلاه يا فاطمة
____
لاذت وره الباب ام حسن_اويلاه يا فاطمة
التمو عليها أهل الفتن_اويلاه يا فاطمة
شكد حملت اهموم ومحن_اويلاه يا فاطمة
___
الله يعينك يا علي_اويلاه يا فاطمة
همك بعد ما ينجلي_اويلاه يا فاطمة
ينده ي فاطم منهو الي_اويلاه يا فاطمة
____
فكد الزجيه شكد صعب_اويلاه يا فاطمة
مدمع علي اعليها يصب_اويلاه يا فاطمة
يم الجنازه شكد نحب_اويلاه يا فاطمة
____
✍️ خادمة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
02 October 2026 18:17
رباط هوسات فزاعيه
للزهراء عليها السلام
=======
بتك تولوها
بتك تولوها
ياطه النبي
النار شعلوها
الحگ للزچيه
ظلوع كسروها
بين الباب ليش
العين لطموها
ماهابو الزهره
.........💔
طاحت ونادت
نزفت على العتبه
ونت وصاحت
يافضه لحگيني
وفرحتي راحت
محسن طاح مني
.........💔
لحگي سنديني
گوميلي يفضه
طايح اجنيني
شنهو ياذنبنه
ضاعن
بين الباب راحن
.........💔
عدوان غدروها
بس مات النبي
منها غصبوها
حتى الفدك ورثه
تنوح خلوها
ابيت احزان تبچي
.........💔
من علي الغالي
خذو حتى الولايه
موجر الوالي
من ظيم الصحابه
والدمع هالي
من سلهمت عينك
........💔
چان طشاها
علي لو ماالوصيه
طشار خلاها
لعب بيهن لعب
الطاغي غصباها
غصب منهم خلافه
........💔
اليوم عازنها
زينب علزچيه
سافرت عنها
للمظلم الزهره
مابطلت ونها
دوم اعلى المشت
........💔
گوم يابوها
تلگاها الزچيه
علظلع نشدوها
وشنهي الي جره
والگوم اذوها
بس ماغمضت
.........💔
بليل مسراها
سارت للگبر
بس علي وياها
محد شالها
بسكوت شيعاها
راحت غاضبه
.........💔
نعازي العتره
بيوم ام الحسن
ماتت الزهره
مهظومه الوديعه
العين والسطره
ضل نيشان بيها
=======
خادمة ال البيت الحجيه ام علي البصره
Читать полностью…
قناة دموع الفواطم الحاجة ام احمد "الحچامي"
02 October 2026 18:16
📜أبوذية ونعي لمولاتنا الزهراء عليها السلام
الظالم نيشن اضلوعچ وشلهن
اعيوني امن الدمع يومچ وشلهن
ابغرفتچ ضلت اهدوومچ وشلهن
اصفطهن وأگوول أتعوود اليه
اهدومچ يزهرة صفطتها
وسجادتج بيدي افرشتها
ابليل المشت عيني عمتها
بلكي ترد ياذيچ الضــعون
مدفون طولچ يمه مدفون
ماودعت مثل اليودعـــون
حيدر خذاها وما خذاني
ضليت طول الليل اتاني
ياريت ضل خالي مچاني
صار المسة والوحشة تكتل
ضلت دمعتي اعليــچ تهمل
روحي الفراگ اشلون تحمل
ياروحي موتي ولا تضلين
اشسويتي بيه يم الحسين
ياريت كلنه اوياچ ميتين
يا يمة فرغت عگبچ الدار
من امي ماكو نسمع اخبار
نيشان باقي الحرگ والنار
نيشــــــان والدخان اشمه
وشنهي حياته اليفگد امه
طافي النزل وأركانه ظلمه
ــــــــــــــــــــــــــــــــــــــــــ
✍ العلوية ام وليد الموسوي
Читать полностью…
قناة دموع الفواطم الحاجة ام احمد "الحچامي"
02 October 2026 15:12
قصيده لسيدتي ومولاتي فاطمه الزهراء ع
انريد تشييع اليليق بفاطمه
بلليل مظلم شالهه حامي الحمه
،،،،،،،،،،،،،،،،،
نرفع الرايات بمصاب الجلل
والنعش انشيعه العز والامل
انواسي طه وحيدره خير العمل
وتسمع الوادم بذيج المظلمه
،،،،،،،،،،،،،،،
نلطم على الراس ويهل الدمع
وتحضر احباب الزچيه تجتمع
والمحب بمصاب فاطم منفجع
الله يحبهه وملائكه السمه
،،،،،،،،،،،،،
انعين بت حيدر علمصاب البتول
ونبجي للزهراء والمدمع سيول
صبو مصايب على بت الرسول
شالت لبوها بضلوع امهشمه
،،،،،،،،،،،،،،
ضايع اعلينه ترى ذاك الگبر
من وكت شالت وزغيره عمر
والصدر ماطاب مايبرى الكسر
وضلع ام حسين حيدر يلجمه
،،،،،،،،،،،
ابسواد الليل دافن سبحته
ونامت اعلى تراب فاطم وردته
حمره اعيونه وتصب يادمعته
گبرها مخفي وسرها يعلمه
،،،،،،،،،،،،،
الوصي امكيد والحكوك امسلبه
وصدر فاطم حيل كلش تعبه
عالي الهه شان والهه مرتبه
والملك جبريل دوم اتكلمه
،،،،،،،،،،،،،،،،،
بقلم ام مرتضى الخزرجي
Читать полностью…
قناة دموع الفواطم الحاجة ام احمد "الحچامي"
02 October 2026 15:03
قصيده لسيدتي ومولاتي فاطمه الزهراء ع
عصرو الباب بصدرها وشنو اعليها حرب
من البجي حتى امنعوها وسلبو حقها غصب
،،،،،،،،،
احترك گلبي على امي
ونت و حيلي انهدم
بقت اثار ابضلعها
ودمها بالباب انرسم
اليعلم الله ابقدرها عاشت ايام باالم
ايعينهه الباري تعالى حالهه كلش صعب
،،،،،،،،،،،،،،،،،
سلبو حقهه الصحابه وحق علي حامي الحمه
حركو الباب ابحقدهم عينهم ريت بعمه
كتلو المحسن ضناها وعلترب سال الدمه
الضلع كسرو اعظامه ادمومه صبت علترب
،،،،،،،،،،،،،،،،
حركو الباب بحطبهم حزنو گلب ام حسن
سكطو محسن طفلهه وشافت انواع المحن
بالصدر عدهم ضغينه ذوله اصحاب الفتن
وخدهه احمر من الصطره وعينهه بالدم تصب
،،،،،،،،
سوه خل نكعد ييمه انسولف ابكسر الضلع
انه ليليه افزن على ونتج تنسمع
امذبله اعيونج ييمه من كثر سيل الدمع
امصاب امي شسوه بيه يكطع انياط الگلب
،،،،،،،،،،،
اموجعه اشوفج ييمه والج ماصح الدوه
صعب حتى الماي شربه وكوه تجرين الهوه
نزلت اعليج المصايب واخذت اوياها القوه
انتي خيمه التفيلي ونور يضويلي الدرب
،،،،،،،،،،،،،،،
✍ام مرتضى الخزرجي
Читать полностью…
قناة دموع الفواطم الحاجة ام احمد "الحچامي"
02 October 2026 14:59
نعي لسان حال السيده زينب ع
اون اوعلضلع اربيه عيناي
وامي بلمرض ماتت ولداي
يلجمهه الضلع من تشرب الماي
شافت ياظلم ونهضمت اهواي
،،،،،،،،،،،،،،،،،
ودموعي تصب للكاع تربي
ياعيني بالدمه اعليهه صبي
على عدوانهه اكول حسبي
بعد امي الحنينه اطويل دربي
،،،،،،،،،،،،،،،
اطويل الدرب وبالي حسبات
ونوحي جثير ايريد دمعات
وامي تنحسب باعداد الاموات
ازغار بيتم عافات ابنيات
،،،،،،،،،،،،،،،،،،
والحسن يبجي ويه لحسين
وحيدر اعيونه تربي لاثنين
حزنه مايفل ويطول اسنين
عنه الشمس غابت اوياعين
،،،،،،،،،،،،،،،،،
شالت ام حسن عافت بزرها
لب احشاها وثمرت عمرها
وعلى عينهه الظالم سطرها
ياهو ايوصل الطاه خبرها
،،،،،،،،،،،،،،،،
تمشي وتعوف ابعوزهه احباب
وحيدر منقهر وگلبه انصاب
تتجاره اعيونه ويبجي بعتاب
السيده النسه ومن اطهر انساب
،،،،،،،،،،،،،،،،
بقلم ام مرتضى الخزرجي
Читать полностью…
قناة دموع الفواطم الحاجة ام احمد "الحچامي"
02 October 2026 14:55
#جديد_2026#للايام_الفاطميه
#قلم_مشترك
فزاعيه لوفاة مولاتنا الزهراء
((صاح حسين يا يمّه ))
عفتينه وبعدنه ازغار
صاح حسين يا يمّه
—————————
ليش بساع حملتي
عندي اطفال ما گلتي
لو بالنوم طولتي
تترس روحي الهظمه
—————————
مهظوم و ترجاها
ما يگدر بلياها
لا تبطين ناداها
موحش بيتج وظلمه
بقلم ✍🏻 #الشاعرة_والملة #رِضاب_الاسدي
—————————
وحشه والدموع اتسيل
ثگيله الونه تالي الليل
اندفن وجهج يبعد الحيل
روحي عليج متعلمه
---------------------
اصبر روحي بالگوه
طولچ غاب ما هوه
الدنيا بدونج اشتسوه
طشت حلوت اللمة
--------------------
طشت يابعد عيني
شلتي وما خذيتيني
وبموتج كسرتيني
يكون حسين طش علمه
عفتينه وبعدنه ازغار
صاح حسين يا يمّه
------------------
بقلم ✍🏻 #الشاعرة_والملة #أم_وليد_الموسوي
Читать полностью…
قناة دموع الفواطم الحاجة ام احمد "الحچامي"
02 October 2026 14:49
قصيدة فزاعيةللزهراء (ع)
بهيده وياي يا كرار
ضلعي هواي ماذيني
_
نابت بالضلع بسمار
منه الكلب صاير نار
بهيده اعلي يحامي الجار
شلون تغسله حاجيني
__
يا أبو حسين ضلموني
بين الباب عصروني
من الطفل حرموني
بلحضه ضاعت اسنيني
___
فوك الضلع والعصره
حركو دارها الزهره
وإني الطاهره الحره
للسبط اشكي خليني
___
بله اسمع هل اوصيه
من تلفيني المنيه
لا تضهر كبر ليه
عنهم حيدر اخفيني
____
غسلها ويهل العين
الله يعين ابو الحسنين
عكبج كلها اروحن وين
تغير لوني شوفيني
___
تمـت بـعـون الله تعالـى
بـ✍️خادمـة الحسين "عليه السلام"
أم ليان البهادلي
Читать полностью…
قناة دموع الفواطم الحاجة ام احمد "الحچامي"
01 October 2026 01:29
قصیده الی الزهراء علیه السلام
وزن دارمي
▪️▪️▪️▪️▪️▪️▪️
یالشایلین ابلیل نعش الزچیـه
تبچی و تون یاناس بتها خطیه
➖➖➖➖➖➖➖
اشلون اصبر الروح وحشه المنازل
من وني احس الموت بعظامي نازل
يالشايل ام حسين عنها انه سايل
وشلون اگضي اليوم الحد المسيه
✍ #عـلــویــه_ام_فــاضل
➖➖➖➖➖➖➖
يالشايل امي بهون مكسوره تدري
جوه الظلع بسمار ونیرانه تسري
راح العمر وياچ يابعد عمري
رحتي ييمه بساع من بين اديه
✍️ام كرار الأمي
✿▬▬▬😭▬▬▬▬✿
اشلون اشوف الدار ظلمه و خليه
طاح الحمل بعدچ كله اعليه
خوانی یتباچون ومحمل اذيه
رديلی حتی اتصیر الگعده هنيه
✍🏻ناعيه كربلاء عاشقة الطف ام محمد آل درويش
✿▬▬▬😭▬▬▬▬✿
کسر الضلع ماذیچ یا زهرا یمه
ابچی واحن علیچ والدار ظلمه
گلبی یون وینوح وبایت ابهمه
اترد الی ام حسین لوهای هیه
✍️ام محمد الیامعیه
✿▬▬▬😭▬▬▬▬✿
فريت أصيح بصوت وينه جنيني
يافضة محسن طاح زايد ونيني
وحيدر علي گادو گدام عيني
ولشکوه ياهناس الرب البريه
رمـ✍ـآد آلَخــيــآم
✿▬▬▬😭▬▬▬▬✿
نعش الزجيه بليل من حمل وشال
لام الحسن هليوم دم الدمع سال
همي العليه زاد وتغير الحال
واليفگد امه ينوح صبح ومسيه
آم مـ✍ـحـمـد آلَبــديــري
✿▬▬▬😭▬▬▬▬✿
كون الصبر ادريه يايمه ينفع
اصبر وموت الروح كون امي ترجع
وتنورين البيت ومن نورچ اشبع
هواي الهظم عفتيه يمه عليه
✍️الحاجه أم احمد الحچامي
✿▬▬▬😭▬▬▬▬✿
Читать полностью…
قناة دموع الفواطم الحاجة ام احمد "الحچامي"
01 October 2026 01:27
قصيده لمولاتنا الزهراء عليه افضل الصلاة والسلام 🌿🌿
بالبسمار ضلع الطاهره انصاب
ولمحسن سگط ابعتبة الباب
.....................💫...................
من عدها وكع محسن حسافه
تجري عيونهه ظلت وسافه
ذوله من الله ماعدهم مخافه
مارحموها ابد ياوسفه الاصحاب
بالبسمار ضلع. الطاهره انصاب
. ✍🏻الشاعره حوراء الكناني
................ ....💫.....................
طاح المحسن او وياه طاحت
نادت يا رسول الله وناحت
سنديني يفضه بهظم صاحت
هجموا على داري الابو من غاب
بالبسمار ضلع. الطاهره انصاب
✍أزهار جبار الجياشي
.....................💫.....................
هجموا على. الدار وروعوني
انه الطاهره بس. مارعوني
وبلايا رحم ويلي. اعصروني
وبعتبة الباب. الجمر لهاب
بالبسمار ضلع. الطاهره انصاب
✍الشاعرة ام زهراء الزيداويه البصراويه
..................💫.................
دفعوا باب داري اهل السقيفه
انادي والضلع يشخب نزيـــــفـه
ولجمات الدهر كلش مخيفه
صفه دمي وجنيني فوگ الاعتاب
بالبسمار ضلع. الطاهره انصاب
✍🏻الشاعره وعد الڪفيل
......................💫..................
هظموني يبويه گوم الاشرار
من هجمو عليه وحرگو الدار
سگطولي الجنين وشبو النار
دمي سال مني وظلعي انعاب
بالبسمار ضلع. الطاهره انصاب
✍الحاجه أم احمد الحچامي
.......................💫................
Читать полностью…
قناة دموع الفواطم الحاجة ام احمد "الحچامي"
01 October 2026 01:23
وزن بحر الطويل
مفاعيلن مفاعيلن مفاعيلن مفاعيلن
لسان حال مولاتي العقيله زينب عليها السلام
🌀🌀🌀((((((💠))))) 🌀🌀🌀
مصيبة فاطمه الزهره من عدها يشيب الراس
من هجموا عليها الگوم ماكو اسلام عدها الناس
🌀🌀🌀((((((💠))))) 🌀🌀🌀
زينب تنظر اعله الباب وتهل ادموع سجابه
تكله ياعلي بويه الظلع يهظمني ومصابه
مالومه الزجيه تون النذل يضربها واصحابه
صاحت فضه سنديني وحشملي علي النبراس
🌀🌀🌀((((((💠))))) 🌀🌀🌀
زينب تعتب اعله امها عفتيني غريبه شلون
يتامه نظل عگب عيناج وحسين وحسن يبجون
سگط محسن ينور العين لَهيلنه دمع العيون
ياخيرت نسه العالم وسفه عتبتج تنداس
🌀🌀🌀((((((💠))))) 🌀🌀🌀
لَهيلنه دمع العيون يحوريه على مصابچ
مكسور الظلع دامي وخالي يمَّه محرابچ
يشمعت بيتنا وهفتت وتالي خمدت انفاسچ
طولچ راح ماشوفه وحزني اعليچ ماينقاس
🌀🌀🌀((((((💠))))) 🌀🌀🌀
بين الباب والحايط يعصرونچ يضي عيني
نابت بالصدر بسمار من شوفنه يأذيني
ودمچ سال عالعتبه انظرله ويبچيني
يابنت النبي المختار يحرگ بابچ الخناس
🌀🌀🌀((((((💠))))) 🌀🌀🌀
ماهابوج يايمَّه ولاهابو علي الكرار
يسطرونچ على عينچ وانتي بضعة المختار
ماراعوا رسول الله الحقد عاميهم وكفار
خصمهم بالحشر جدي الويل الويل للوسواس
🌀🌀🌀((((((💠))))) 🌀🌀🌀
شيگل لرسول الله خصمه بالحشر باچر
الظالم من حرگ بيتچ ملعون وأصل كافر
جنينج سگط عالعتبه اوضعه للگلب قاهر
مالومه اظل اعليچ وابچي لآخر الانفاس
🌀🌀🌀((((((💠))))) 🌀🌀 🌀
الــ✍ــحاجه ام احمد الحچاميـــــــــــــــــــــ*
اهدي ثوابها الى
اخي الدكتور الحاج علي حسين الحچامي
والى المرحومه ريهام قصي
رحم الله والديه من يقرء الفاتحه على روحهما____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
Читать полностью…
قناة دموع الفواطم الحاجة ام احمد "الحچامي"
01 October 2026 01:21
وزن المترادف
مستفعلن مستفعلن مستفعلن مفعولات
(روحين انه وفاطمه)
مولانه الامام علي يخاطب الحوراء الانسيه فاطمه عليها السلام))
ـــــــــــــــــــــــــــــــــــــــــــــــــــــــــــــــــ
روحین آنه وفاطمه جامعنه رب التکوین
چن روح وحده اتوزعت ترعه بخلایه الجسمین
✍️ام ضیغم
►✺┅●✥⚫✥●┅✺◄
روحين انه اوفاطمه ماحسبت تطلع روح
بعدج ازغيرة اعله اللحد كون انه لحدي المفتوح
يازهرة من جنة عدن يلعطرج بگلبي يفوح
ظالم سطر خدج وآنه مني الگلب ظل مجروح
انتي النفس وانتي الهـوی بشریان گلبي تسرین
✍🏻 ام زين العابدين
►✺┅●✥⚫✥●┅✺◄
خانگني بعدج والجفا وبريتي كومه دخان
نوح المفارگله ولد عريس لابسله اچفان
هيچ الحنين بداخلي وتعثر بنص حرمان
موگد ويدوي بص لهب ياهوه اليطفي النيران
ظليت طير بلايه عش ياعشتي لا ترحين
✍🏻__ام حسين المحمداويه
►✺┅●✥⚫✥●┅✺◄
۷
ياگمره حاجبها الخسف ظلمه حياتي بلياج
وسنيني عجفه بالقحط هيج صفيت بدنياچ
يردلي البصر بعبايتج وذاك البياض التاناچ
يسولف بروحي چن وطن متعطش المي ملكاچ
تعفین حيــدر وحـده يمته عليه تـــردين
✍🏻ام حسين المحمداويه
►✺┅●✥⚫✥●┅✺◄
عفتيني زهره الوحدي وظلمه اصبحت كل دنياي
يالجنتي بسمة بدنيتي وانتي الفرح ياسلواي
ياخيمه لي ولظنوتي وهسه اصبحت دون افياي
نبع المحنه والـــدفه ياعالمه وضـــي عيناي
يام الحسن ياطاهره چم جرح بيه تعوفيين
✍️الحاجه ام احمد الحچامي
►✺┅●✥⚫✥●┅✺◄
ياحالتي بعدج تظل مرتبطه بهواي اجروح
خليتي گلبي ابغيبتج يبجي مثل غربة نوح
نبقه سفينه بلاجرف روج البعد بيه يلوح
كلمن ابيتج ينتظر ياحره طلعان الروح
موتچ شعب مني الگلب مو وكت موتچ تدرين
✍️ام كرار الأمي
►✺┅●✥⚫✥●┅✺
مو وگت موتج يأم حسن المن بعد عفتيني
بالعمر بس انتي الي وانطفت هسه اسنيني
يانور عيني بشوفتج عميانه بعدچ عيني
راح ابقه مكسور الضهر يافاطمه تدريني
یا بلـسم الجرحي الكلف تشفیني من اتگعدین
✍ #عـلــویــه_ام_فــاضل
►✺┅●✥⚫✥●┅✺◄
Читать полностью…
2037