411
قناة تعنى بنشر القصائد الحسينية والابوذيات والوان الشعر المختلفه والتي تصب في مصلحة القضية الحسينية المباركه. تاريخ الإنشاء ٦ربيع الأول ١٤٤٣ هجريه
❉❉❉❉❉❉❉﷽❉❉❉❉❉❉❉
لسـتة دعم #باسم_الكربلائي_Bk 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @AnwarAlZahra_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
❉❉❉❉❉❉❉﷽❉❉❉❉❉❉❉
لسـتة دعم #باسم_الكربلائي_Bk 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @AnwarAlZahra_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#ابوذيات
لمولاي العسكري روحي فداه
عاشرت الحزن من يوم ولداي
بگلبي ما يطيب الجرح والداي
گضو ما بين سم وذبح ولداي
الهدم حيلي ذبيح الغاضريه
...
ونهم
هام الفكر مالي اعلوم ونهام
صحت شيعة علي هاليوم ونهم
اون و ردت اسمع صوت ونهم
وعله ابني العسكري نبچي سويه
...
وانه
يون گلبي تعال استمع وانه
زماني بالحزن مايوم وانه
اليتيم ايصبرونه هله وانه
بذبح وبسم گضو اهلي من اديه
...
بالطفوله
وحگ الذبحوهم بالطفوله (بالطف آله)
الحزن والنوح والهم بالطفوله (بالطف اولى)
شفت اليتم وانه بالطفوله
وگمت ابچي مثل عمتي رقيه
كرار حسين الكربلائي
/channel/Kasied061ditcom
شلون لميت الجســـــــــــــــــــــد مولانه
أحجيلي بالتفصيل يـــــــــــــــــــــا دفّانه
*
أرد أسألك يـــــــــــــــــــا لدفنت حسيني
وحايره أرجــــــــــــــــــــــــوك لتخليني
شلون لميت الجســــــــــــــــــد يا عيني
وأدري بيه أمـــــــــــــــــــــوذر بميدانه
****
بيا كتر كلّــــــــــــــــــي لكيت الخنصره
لنكطع بيـــــــــــــــــــد الأعادي الفاجره
وعالترب راســـــــــه وضعت لو منحره
وراسه هـــــــــــــــــــــذا عالرمح ويّانه
**
غسلت جسمــــــــــــه أسألك كبل الدفن
وفصلتله مثل كـــــــــــــــــل ميّت جفن
لــــــــــــــــــو بدمّه أمعفّر حسين أندفن
ومهجته مـــــــــــــــــن العطش ذبلانه
*
جـــــــــــــــان رشّيت الكبر بشويّه ماي
كبل مـــــــــــــــا نزّلت محبوبي وهواي
حتى يتنـــــــــــــدّه جسد عيني وضواي
لأن مـــــــــــــــــــــات أرويحته لهفانه
*
أرد أسألك عـــــــــن رضيعه بأي مكان
دفنته لوليده ورسه أبّـــــــــــــــر الأمان
جان موش أبعيد مـــــــــــن أدفنته جان
لأن روحه بوالــــــــــــــــــــــده ولهانه
**
عـــــــــــــن علي ألأكبر ردت منّك خبر
شلون شلتـــــــــــه وجسمه عالغبره وذر
بكل جزء مـــــــــــــن جسمه للطبره أثر
والسمــــــــــــــــــــــه لمصيبته حزنانه
**
أسألك عـــــــــــــن كافلي عضيد الحسين
شلعت سهم العين مـــــــــــن عين الحنين
لو دفنتـــــــــــــه بسهمه مصيوب الجبين
وأنفلق هامه بغـــــــــــــــــــــدر عدوانه
***
جفوفه هم لميتهن ويّــــــــــــــــه الجسد
الجان بالدنيــــــــــــــــه إلي سور وسند
وسفه عنّي أيـــــــــــــروح وبقيت بشدد
مــــــــــــــن رحل عنّي وجميع أخوانه
****
وين أخوانــــــــــــــــه أدفنت وأنصاره
أهـــــــــــــــل شيمه ذول وأهل أسراره
وأهل للكلفـــــــــــــــــــات وكت الغاره
بعيني شفـــــــــــــــت الكل فرد برهانه
****
بجاه أبــــــــــو اليمّه وعضيده وصحبته
نســــــــــــــــــــأل الحي الودود برحمته
ينهي للغايـــــــــــــــــــب مغيبه وغربته
ويجـــــــــــــــــــعل الهذا الجمع أعوانه
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
منهاج شهر محرم الحرام ١٤٤٥
نعي بحق العليله
راحو هلي وخلوني وحدي
وحدايهم للموت يحدي
والهجر هوه المرد جبدي
بلحظة وداع اللي يرحلون
ليش الاعزاز بساع يرحون
واعله الفراك بلهفه ينوون
كلما اصدهم تجري العيون
يخلون أهلهم وسط الظنون
بظنونكم ضلت بحيره
يالرحتو عنها لغير ديره
لطيوفكم ضلت اسيره
هلبت على روحي تحنون
ياهلي بين اظنون واظنون
عفتوني مدري بحالي شلون
للباب اصد بلكي ترجعون
عنكم ادور مثل مجنون
صديتله وكلي تضلين
بويه عليله وماتكدرين
ابجي واصد العين بالعين
هلبت على حالي يعطفون
كلما اعاين واصد عالباب
اتنطر امشي ويه الأحباب
خافن اضل ويطول الغياب
والمشو عني مايرجعون
محمد دعبل النوري
السبت
١٥ /٧ ٢٠٢٣ م
٢٧ ذو الحجة ١٤٤٤ هـ
/channel/Kasied061ditcom
(ابوذيات)
المشي من ثگل خطوتنا مشي تاه
تعبنا والجدم صارت مشيته آه
درب بي تعثر الناگة مشيته
وي ناس التشتم والديه
الگلب لمصاب خوّاني بريته
اخوي الجابني محالل بريته
مشه دخان خيمتنا بريته
وذكر گعدتنا بالخيمة سويه
الخيمة الجمّعتنا واللمتنا
احرگوها ونار كبرة ولّمتنا
يوادم من حچيهم والله متنا
اليمشّي النوگ ماعاف الزچية
الصخر يعرف گدرنا مايهلنا
ولون صرنا بعيونه مايهلنا
شعجب منّه انحرمنا ماي اهلنا
ونشرب ماي من ايد آل اميه
چثيرة گلوب وكتي ماردنّه
شعجب فَي الكفلنا ماردنّه
الماي من ايد شامت ماردنّه
اخاف اشرب ويتشمتون بيه
امس عباس بالطف راح منه
عگب ماراح فيّه راح امنّه
الحدانا مااجتنا راحة منّه
يعت بالنوگ حته اتميل بيه
اخذنا من فضلها منزلة امنا
شكثر گعداته حلوة منزل امنا
افترگنا ولاظل احد من زلمنا
وصبح خالي بعد بيت الزچية
يـربـي لا اتـودّي مـاي للـشـام
على امتون الحراير مايله الشام
يريت السار بينه مايه للشام
خذت هيبتنا من عدنا ورقيّة
@@@@@@@@@@@@
محمد جبر الدراجي
/channel/Kasied061ditcom
السلام على كريم اهل البيت
ابوذيه
بگلبنه يالحسن مرقد ،، علينه
سألنه الله برسوله وهم ،، علينه
يعجل بالظهور يحن ،، علينه
نريد انشيد الگبه سويه
كريم الحسن لأهل العلل،، وصفه
شرد احچي يهالوادم و ،، وصفه
مثل ماي العذب ياناس،، وصفه
تحلاله الصفات الحيدريه
هلاهل بالحفل صفگه،، وردنه
شموع وزينه بالمحفل،، وردنه
الحسن صوم وصلاة النه،وردنه
وما ننساه لحد يوم المنيه
يشبه للنبي بالحِسِن،،،،،،،،وجهه
اريد اكتب اله كل يوم،،،،،،،وجهه
لكريم البيت وجهي الليله،،وجهه
بكل شده اريده يحن عليه
هلا بابن الذي ما هاب،،، مرحب
ازغير اچبير بالمولد ،،،،،، مرحب
حبك حب حلو لا مو ،،مر حب
نأديلك الليله اجمل تحيه
ليله وبشهر رمضان ،، نصفه
ولو بلوصف هذا اليوم،، نصفه
نتصالح وبيه ننسه و،،،، نصفه
كرامه للحسن هاي المسيه
لخادمة الرسول واهل بيته عليهم السلام
ام احمد الساعدي
لتعجيل الفرج
نسألكم الدعاء
الهي لاتحرمنا شرف خدمة الحسين واقامة مجالس اهل البيت بحق محمد وال محمد
/channel/Kasied061ditcom
يبو فاضل دليلي الهضم ،،،حاشه
ترد كلمن نخاك بضيج ،،،،، حاشه
جبير الكوم لو حشمت ،،،،،حاشه
تحلها بس ردت عطفك عليه
✍نور الولايه الفاطميه
/channel/Kasied061ditcom
مولد بحق الامام الحسين عليه السلام
ينور عيوني اهواك حبيبي ومكَدر انساك
يساكن العــــــين محبوبي يحسين
------------------------------------------------
يا غالي عندي واغلى من انفاســي
تهواك روحي وانتــه كل احساسي
حبك شغلني عن هلي وعن ناسي
مجنون بيك من الجــــدام لراســــي
الك كل لحظة اشتاكَ شيطفي نار الفراكَ
بين المحبــــــين محبوبي يحسين
------------------------------------------------
انته حياتي وانته شوف عيوني
مجنون بيك وخلهم ايلومــــــوني
هام الكلب بـيك وشغلت ظنوني
عنك يمحبوبي فــــلا ايبعــــدوني
سكنت ابكَلبي والروح طبيب اداوي الجروح
ابطول السنين محبوبي يحسين
------------------------------------------------
سهران ليــــــــلي وانته شاغــــل بالي
وياك السهر صار شكــــثر يحــــــلالي
يا ســــر وجــــــودي ويا نــــبض دلالي
ياغالي عندي واغلى من كل غالي
الك بيت الكَلب صار احس بفركَتك نار
ما منك اثنين محبوبي يحسين
------------------------------------------------
كل لحظة وياك التمر محــــلاها
شكَد ذكريات وياك ما انساها
خل وخليله الدنيا من عشناها
يساكن الروح وعــــــشكَ غذاها
جميلة وياك الايام اعيش بعالم احلام
مثلك يصح وين محبوبي يحسين
------------------------------------------------
شوكَي وحنيني البالكَلب لحسيني
حــبة ادري بيــــــه لــخالقي يدنيــــــني
عايــــش حيــــاتي بحبة كل سنــــيني
خــــــادم حبــــيبي هالفــــخر يكــــفيني
اموت واحيا وياه يسر الروح ملكَاه
مطلوب الك دين محبوبي يحسين
------------------------------------------------
أسالكم الدعاء رائد الاسدي
ــــــــــــــــــــــــــــــــــــــــــــ
/channel/Kasied061ditcom
مولد للامام المهدي عجل الله فرجه
مهدينا انولد مهدينا
مهدينا انولد مهدينا
=================
كل السما بي فرحانة –مهدينا انولد
والكون ابتهج ويانة – مهدينا انولد
صاحب للامر وزمانه مهدينا انولد
وللمولد نعلك الزينة مهدينا انولد
___
كلها ابمولدك تتبارك مهدينا انولد
الشيعة ابفرح تتشارك مهدينا انولد
انتاني يمهدي اخبارك مهدينا انولد
عجل طلعتك والينه مهدينا انولد
_
فرحان النبي بالبشرة مهدينا انولد
نهني فاطمة بالذكرة مهدينا انولد
سر حيدر علي هذا امرة مهدينا انولد
طالب ثارنة مسمينه مهدينا انولد
_
فرحان الكرم هاليلة مهدينا انولد
بالخيرالحسن يدعيلة مهدينا انولد
مصباح الهدى يظويلة مهدينا انولد
ضمد كل جروح البينه مهدينا انولد
__
السجاد الفرح مر دارة مهدينا انولد
من هلت المهدي انوارة مهدينا انولد
الباقر من اجتة اخبارة مهدينا انولد
لشخصك كل علمنا انطينه مهدينا انولد
__
الصادق اطاه خصلاتة مهدينا نولد
فرحان ومسح دمعاتة مهدينا انولد
والكاظم نسة وناتة مهدينا انولد
ينسى كل عذاب اسنينه مهدينا انولد
_
بميلادة الرضا صاراسعد مهدينا انولد
ماهم ابغربتة وعيد مهدينا انولد
مسرور الجواد وانشد مهدينا انولد
ويكَله يمهدي ارضينه مهدينا انولد
____
الهادي نسة تفجيرة مهدينا انولد
ابزودة يعمر الديرة مهدينا انولد
نادة العسكري وتعبيرة مهدينا انولد
كل شيعي ابفرح هنينه مهدينا انولد
======================
أسالكم الدعاء رائد الاسدي
ــــــــــــــــــــــــــــــــــــــــــــ
/channel/Kasied061ditcom
قصائد الأمام الكاظم ع جديد
على السجين وا ويلاه
على السجين وا ويلاه
_
ايساعد الله فاطمة بهالليله
ويلي ابنها بالسجن هد حيله
جانت الزهرة بفرج تدعيله
والي سمم جبدته يا ويله
على السجين وا ويلاه
على الغريب وا ويلاه
_
موسى بن جعفر لفانه مصابه
البسو ثياب الحزن يحبابه
والله يكسر خاطر الله غيابه
ريت كلنه نموت جوة ترابة
على السجين وا ويلاه
على الغريب واويلاه
_
مات ابو طلبه وتركنة بحيرة
ويلي ودعنة الكرم والغيرة
دومه ينطي للخدم من خيرة
ابن جعفر موس طيب السيرة
على السجين واويلاه
على الغريب واويلاه
_
انواسي بنت الكاظم المعصومه
والرضا بهالليلة هل ادمومه
الشيعه كلها بالحزن مهضومه
عللي طول عالجسر بالنومة
على السجين واويلاه
على الغريب واويلاه
_
اه يافكد الولي شكد يسعر
اه وا ويلي على بن جعفر
كل موالي الغيبتة يتحسر
بينة لوعه بكبر لوعة الأكبر
على السجين واويلاه
على الغريب واويلاه
_
الشاعر _ابو منتظر الموالي
/channel/Kasied061ditcom
نعي بحق الوالده
الـطـيـب لـبَـنـهـه راحـت تــره الـطـيـب لبَنهه
يـكـتـل حـزنـهـه مـا يـنـحـمـل يـكـتـل حزنهه
ضل خالي منهه البيت بعجل ضل خالي منهه
خيمه اعله ابنهه ثاري الوالده خيمه اعله بنهه
*---------------------*-----------------*
( أ ) يالحنينه فـگـدچ كـلـف ( أ ) يالحنينه
الـلـه يـعـيـنــه الأمـه مـشـت الـلـه يـعـيـنــه
يـكـثر ونـيـنـه حـگـه الـولـد يـكـثـر ونـيـنـه
مـن يعمي عينه هـم ينعذر مـن يعمي عينه
*---------------------*------------------*
مـامـنـهــه ردّه الــغــرّبـت مـا مـنـهــه ردّه
مــاي وتـبـدّه ذاك الــعــمــر مــاي وتـبـدّه
يـاهـو الننشده عـن المشت يـاهـو الننشده
مـَر وتــعــده ويـاهـه الـوگـت مَـر وتــعــده
*--------------------------*--------------------*
✍الشاعر
رعد الجريخي
/channel/Kasied061ditcom
ابوذيات
💫💫💫
استشهاد نبي الرحمه
ورسول الانسانية
💫💫💫
فاتحته اصيحن آه ويه آه
ونار بمهجتي فرگاه وياه
ابوي وريت كون اندفن وياه
يحيدر راحتي بهاي المنيه
✳✳
الزهره ياابو الزهره وجنها
يهل جمره ولياليها وجنها
عليها التمن امصايب واجنها
رحيلك والضلع والغاضريه
✳✳✳
انجرح گلبي بغيابك وابد منشال
والأنكر وصيتك ريت منشل
لنعشك يارسول الله من شال
بس حيدر حضر وكت المنيه
❇✳❇
سور وايات لمصابك هم الهن
وعليك الوحي دمعاته هملهن
زمزم والصفا لطمن هام الهن
عنهن من غبت يابو الزجيه
✳✳✳
علي حسين المنصوري
/channel/Kasied061ditcom
جديد ابوذيات زينب ع
روحي من الهضم بالشام لابــت
ولاخيمه الـتلمني صفـت لا بيت
رديــــت ولا خــــــوان لابـــت
تسليـني عگب موتـت رقيه ..
اخـوتـي الفـارگـونـي واجفوني
الدمـع نـار بفـگـدهم وج جفوني . حرگ الجفون
انــه ابـديـون تـــالي وجفـوني
وكل الناس تـتـفـرج عليه ..
بنات حسين نار الطف عمـتهن
ركـضـن واليـسـلبـهـن عمـتهن
مـرعـوبـات ويــدورن عمـتهن
بيها ايلوذن من اسياط اميه ..
چلـت كربله بوحـشه وخـيمات
وخدر ماضل بعد النه وخـيمات
شبيدي والزلم تفـتر واخي مات
احشمـن بعــد ينـغـر عليه ..
كـعـبـه والـحـزن بالـهـم يطفنه
احترگنه وما فزع واحد يطفنه
شنو شتاخـذ بـعـد اكـثر يطفنه
اخوتي اتذبحت واني سبيه ..
وكـتنه الضيم بالطف عمه بينه
وسياط الجيش كلـها عمه بينه
ركضنه وشفنه طايح عمه ابينه
بالحومه وترض بيه اعوجيه ..
يخويه مصابك اشعـظمه هز النه
ومن تعب السبي وضيمه هـزلنه
ركــبـنـه بـــلا هـودجــنـه هـزلنه
ودخلنه السوگ گبل المغربيه ..
الشاعر عقيل الحسناوي..
مشهد ـ حرم السلطان ع
...
مجموعة أبو ذيات الى السيدة زينب ((ع))
الحزن بالطف عليچ الدهر .. عماه
وبقت بس اليتامه اتصيح.... عماه
تأخر ما رجع بالماي ..... عماه
وشرح دمعچ رزايه الغاضريه
***
احن وانحب يبويه اسمع.. لحناي
و تحن النوگ بغيابك ... لحناي
لون تحضر و اشوفنك..... لحناي
اچفوفي امن الدمه السايل عليه
****
ضَمي گلبي واگولن.. ها يجي الماي
اعله اخوي الراح مارد.. هايج الماي
يجل شمتاني اخذني.. ها يجل ماي
الدمع بالعين والكافل رميه
****
عليك عيوني يا عباس... دارين
وصهيل الخيل يم الخيم... دارين
شفت بالنار خويه احرگوا.. دارين
داري بكربله ودار الزچيه
**
تباً يا دهر شتريد .... يخوان
حگهن لو اضلوعي بيوم.. يِخْوَن
مشيت اميسره ترضون.. يخوان
عگبكم والشمر كفّال اليه
**
✍ بقلم خادم الحسين ع
الشاعر رعد الچريخي
/channel/Kasied061ditcom
..
هذا ما اوصت به فاطمة
تلــوج وظـل دليــلي لايج وياك
وصبرك يبو الحمـلــه لايج وياك
شكو واحد ظلمني لايجي وياك
من اتشيل نعـــشي وتمشي بيه
عفه دهري اليساوي الفحم بالليل
فجعني ودمعـي بالوجنات بالليل
اشيل اجنازتچ مجـــــــبور بالليل
واضيّع گـــــبرچ الطاهــــــر بديه
✍ فراس المحمداوي
.
بوذیه حق الاخووو
برمشت عین راح الاخو عنای
نعمت من یوم عنه رحل عنای
ارید الگبره اروح الیوم عنای
وگله گطعت لیش الوصل بیه
✍انتظار الریاحي
/channel/Kasied061ditcom
فوك الهزل فوك الهزل
مجتوفه ياخويه بحبل
»»»»»»»»»»»»»»»»»»»»»»»»»»»»»»»
1️⃣
مكسور گلبي وشيبت حركوها ياخويه الخيم
الـحيل طـاح ابـفرگتـك من طـاح ويـاك العـلم
والديره غـربه وسافرت و غيابك ابگلبي سهم
وين التـفت والله حـرت وكـلـها تناديني بـألـم
~~~
احتار الگلب يا بو الوفه
وهـجرك ابد ما ينـحـمل
»»»›»»»»»»»»»»»»»»»»»»»»»»»»»
2️⃣
عالنوگ ياخويه اركبن والـحادي مايرحم تره
وبكيفه يتصرف بـقه احجيلك شـصار وجره
مـوكب سـبايا ابلا زلـم والـقائده صـارت مره
انه الامـيره وبـت عـلي هـم كـافله ومـيسـره
~~~
ما ينوصف هذا الجرح
وبالحرگه گلبي يشتعل
»»»»»»»»»»»»»»»»»»»»»»»»»»»»»»»
3️⃣
يوم اهدعش يا بو الوفه مـرينه من يم النهر
شفتك يـعباس وطـحت امگطع وصـاير وذر
معقوله ياحامي الظعن ماتنهض وعدنه سفر
وعـيالك اتصيح ابدمع والناگه يا خويه تعثر
~~~
وگليبي مكسور ويحن
تدري بغيابك مو سهل
»»»»»»»»»»»»»»»»»»»»»»»»»»»»»»»
4️⃣
الاجـساد كـلها ع الـثره واعـله الـظهر نومتها
بس جـثه منهن تختلف اعله الوجه طيحتها
تكسر گلب حته الحجر تدمي النظر شوفتها
ومن اقترب يمها ارد خـيل الـعده مـطشرتها
~~~
وحسين شفته عالثره
اسـهام مـتروس ونبل
»»»»»»»»»»»»»»»»»»»»»»»»»»»»»»»
5️⃣
فـوگ الـرمح راسك شفت يلما عفتها عيوني
ونظراتك اتوزع الامـل وبنـظرتك خي عوني
يا خويه بيك اتحيرت واختلف حالي ولوني
يا هيبتي خـافن تصد وتشوف سوط متوني
~~~
اتحسر ابحسرة كلب
ادمـوعك ودمك يهل
»»»»»»»»»»»»»»»»»»»»»»»»»»»»»»»
6️⃣
اسياطهم طـول الـدرب بالحال والله تحيرت
اطفال مـتروسه تعب والها التفت وتحـسرت
گـادونه بديار الـغرب وذاكه الـحنان اتذكـرت
ياخويه من بعد الخدر هسه ابخرابه تيسرت
~~~
و لمن رحت يا كافلي
ادري الحلم ما يكتمل
»»»»»»»»»»»»»»»»»»»»»»»»»»»»»»»
7️⃣
كل ديره مـتروسه حقد ضـربوا حجر علينه
والكوفه مـليانه فـرح وتضحك عـله ابجينه
والعيد بالشام اشعجب فرحه وطبل سبينه
ماكو خـجل يا حسرتي وزرگه صفت ادينه
~~~
او مانرجع أو لاننجمع
او لا نكدر انرد الشمل
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
#نعي
كـون الــگـبـر عـبـاس بـي بـاب
ويــمـك يلـمـنـي لــمـت احـبـاب
هسه اعرفتهه بطـول الاغـيـاب
الـيبـعـد اخـوهـه عـيـب تـنـهـاب
عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه
مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي
حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل
*----------------------*-------------------*
✍خـادم الـحسيـن
الشاعر رعد الجريخي
فتحة عزاء ليلة العليله ع
اه يحسين ومصابه
*1*
بعد شلي بحياتي اخلافك شتسوه
اموتن لو رحت ياصاحب النخوه
ايتبده الماي اذا يمشي على العلوه
عليله إنه يبويه وروحي تتلوه
اه يحسين ومصابه
*2
شعجب كلي عفتني وما اخذتوني
بمحاملكم اعاين تهمل عيوني
ليش إنه الوحيده الما ذكرتوني
بعد فتره هلي وجنكم نسيتوني
اه يحسين ومصابه
*3
يلجمني الحنين وروحي لهفانه
حشمته الضعن خلاني ما تانه
دزيت الكتاب الهسه ما جانه
احس كلي عليله وروحي ذبلانه
اه يحسين ومصابه
4**
الهجر يكتل يبويه وتكتل الفركه
وأنه روحي احس من هسه محتركه
يمر بيه الهوى بس ما الي خلكه
مثل شجره وتطيح من الغصن وركه
اه يحسين ومصابه
*/*5***
ما ترجع اعرفك بويه ما ترجع
لو كتلي سفر هيج إنه ما اقنع
يفسر روحتك بخدودك المدمع
وداع الليله أريدن منك إنه اشبع
اه يحسين ومصابه
**
خادم الحسين عليه السلام
كرار عبد الحسن المحمداوي
/channel/Kasied061ditcom
نعي يوم السابع يوم العباس عليه السلام
****
وقف الحسين ع فوك جسد العباس وهوه يقول
انته احزام ضهري وكمر دنياي
ولو بيدي فلا وديك للماي
خليني اطلع السهم بهداي
يا عباس خويه وكوم وياي
رجع الحسين ع مكسور الضهر نحو خيمة العباس ع
رجع مكسور والخيمه اعتناها
ولزم بيد العمود وطيحها
زينب ركضت وركضن وراها
فكد عباس موتها وعماها
صاحت خويه يا عباس وينك
كل احنه يخويه رايدينك
طايح عالشريعه وذابحينك
امكطع والسهم نابت بعينك
بدموعي نخيتك يابو الحساس
وحشه الخيم من دونك يعباس
بزينب راح عكبك تشمت الناس
تره حال اليتامه يشيب الراس
انه يبن امي بت احساب ونساب
ونزل بجفاك دمعي حيف. ونساب
ترضاها انضرب بالصوط ونساب
وتتشمت تكوم اعداك بيه
حليب امي الرضعته اعليك درباي
ويروحي ادربي بالشوغات درباي
كمت ما شوف بالعباس دربي
عميت وكامو ايكودون بيه
الفرح يوم الصرت للحزن هدني
وانه حيلي احس للكاع. هدني
ولك لتشد اديه بحبل. هدني
تراني بت علي وامي الزجيه
***
الشاعر
تحسين الخفاجي
/channel/Kasied061ditcom
ولادة كريم ال الكرام
مسروره مسروره
الدنيا كلهه ابمولدك مسروره
----------------------------------------
هاليله وجهك يابدر بان وتشعشع نوره
هاليله دين المصطفى قام وتشييد سوره
ياهلا يا بير الكرم فرحانه هالمعموره
يابسملة حيدر هلا يارايته المنشوره
من نوره من نوره
ربك اخذ صوره الك من نوره
----------------------------------------
رب العلى اسم الحسن من عنده هوه اختاره
غيره وحسن خلق ووخلق وستودعك اسراره
يافرحت الزهره وعلي وستبشروك ابشاره
رب العرش بيك ابتده وتصدرك لنواره
معموره معموره
بسمك يمن هاي الارض معموره
----------------------------------------
هاليله عنوان الكرم حسن الضيافه اتمهد
معنى الكريم ابقدرته فسره بيك الاوحد
بيك الخصال اتجمعت لاكن ابد ماتنعد
يارحمت الله ونعمته وستوجبت ان تحمد
جم صوره جم صوره
الله بثق بيك الكرم جم صوره
----------------------------------------
اتربيت في كهف النبي وترعرعت بسواره
وشبيت في حضرت ولي وشاع الضوه من داره
امنين تطلب منقبه حگهه الخلگ محتاره
وضهرت للكوكب شمس نورك سطع بكتاره
بزهوره بزهوره
بيك احتفى نور العرش بزهوره
----------------------------------------
امنين ماوصفك عجب حار الوصف بحسانك
منك بدت جلمت هلا وصار الكرم عنوانك
مو بس هلا الگاصد الك اتعزبه حتى امجانك
صيتك جزه حتى الجزه يانفل كل ازمانك
مذكروه مذكوره
بكل وقت تبقى شيمتك مذكوره
----------------------------------------
علي سليم الحسناوي
/channel/Kasied061ditcom
الحزن وال اه وي روحي ٠٠تراهم
على الي مابعد عيني ٠٠٠٠٠٠تراهم
الكَلب مو جدمي لولادي ٠٠٠تراهام
وملكَاهم ردت كبل المنيه
ويجروحي انه المافاد ٠٠٠٠٠مرهم
ومثلي مااضن علخلك ٠٠٠٠مر هم
يشال النعش ارجوك ٠٠٠٠٠٠٠مرهم
اريد اشكي العذاب المر عليه
✍نور الولايه الفاطميه
/channel/Kasied061ditcom
جديد مولد لكل مواليد شعبان تم
٤ شعبان
مسرورة مسرورة دنيانة مسرورة
شعبان هل وبالفرح شع وسطع نورة
=====================
ثالث ايامة من يجي تتكحل العين
بعيونة ايلالي الفرح لجل الميامين
طير السعد جاب الخبر ها يالمحبين
شعلوا الشمع طشوا الورد ابمولد حسين
يالغالي يالغالي نهواك يالغالي
شعبان هل وبالفرح شع وسطع نورة
======================
رابع ليالية ابفرح تستقبل الناس
من رابع ايامة يجي يتفتح الياس
فرحتنا ابد ما تنوصف ما الها مقياس
ورابع من ايام الشهر هل بيها عباس
بهلالة بهلالة سرانة بهلالة
شعبان هل وبالفرح شع وسطع نورة
=====================
فرحتنا ابد ما تنوصف عدنا اجمل اعياد
برابع أئمتنا الفرح هالليلة ميلاد
كل شيعي هالليلة ابتشر وبكل البلاد
فرحانة بي ارض وسما يا علي السجاد
ويانة ويانة فرحانة ويانة
شعبان هل وبالفرح شع وسطع نورة
========================
مولد شبيه المصطفى يا محلى هالنور
بميلادة الحسين ابتشر والگلب مسرور
نشعلك اشموع الفرح نشعلك ابخور
يا علي الاكبر مولدة بدلالي محفور
ميلادة ميلادة مبروك ميلادة
شعبان هل وبالفرح شع وسطع نورة
========================
تتوسط ايام الشهر فرحة وصدكَ عيد
ابميلاد ابو صالح نجدد بيعة ونعيد
طالت علينا سيدي هواي المواعيد
عجل علينا بطلعتك بس شوفك انريد
مهدينا مهدينا عجل يمهدينا
شعبان هل وبالفرح شع وسطع نورة
=====================
أسألكم الدعاء رائد الاسدي
ــــــــــــــــــــــــــــــــــــــــــــ
/channel/Kasied061ditcom
عليك أنعــى العمــــر كلـــــــه ولا مال
ودربكـــــــم جدمي ماعافـــــه ولا مال
بحبكــــم ما ردت سلطـــــــه ولا مال
بس ردتك شـــــــفيع أتصيــــــــــر أليه
**
منـــو مثلك لعنــــــد الموت بســــــم
صبر والجبـــد وسفه أنمـــــردبســـــــم
نعى الناعي مصــــــابك فوك بســــــم
يأبن المصطفــــى وخير البريــــــــــــة
**
جرحني الزمـــن بيك وغرس موســــى
بدليلي وطور حزن الجـــرح موســــى
نعشك عالرؤس أنشــــــــال موســـــى
يا أبن جعفر أمـــــــام الرافضيـــــه
**
شاعر أهل البيت
الشيخ عبد الحسين المنصوري
/channel/Kasied061ditcom
نعي استشهاد الزهراء ( ع )
****
ارجع ياعلي الدارك يتانيك
زينب گعدت ووحدها بالدار
لاامها وابوها اتشوف بالبيت
راح تخاف زينب حيره تحتار
نسيها غيابي وكل الآلام
لتخليها تدري بحالتي اشصار
باب البيت غيره وغير الرسوم
يلچم زينب من تشوف بسمار
ماتدري العقيله شرايحه اتشوف
اهوال اشكثر نيران واخطار
لذت بالباب من هجمو يبو حسين
بيش تلوذ زينب من تجي اشرار
لا والي التحشمه ويفزع اهناك
ولا خيمه البقت عدها يكرار
آنه بطرگ روحي ومحسن وياي
وثمانين واحد عدها الزغار
بس بالباب شبت نار الاصحاب
وزينب كل كتر من تلتف نار
امسح راسها وصبرها عالموت
الف موته تموت بفگد الاطهار
****
اعرفك بعدي انت زينب الها
نبيل وخذت منك زينب الها
عندي الباب آنه زينب الها
خيام وتحترگ بالغاضريه
***
لسان حال الامام علي ع على قبر الزهراء ع
تون زهرة حياتي يوجعنها (يوجع انها)
وانه ادري اليوجعني يوجعنها
اضلن يم گبرها يوجعنها( يو اجي عنها)
وزينب من اجي تريد الزجيه
***
#هشام #الشيباني
/channel/Kasied061ditcom
ابوذيات
زينب ع وامها فاطمة الزهراء ع
****
امي خيمتي چـانت ظـل اعـلاي
راحت والحزن حايم ظل اعـلاي
يـريت ابــابـي يـتهشم ضـلع لاي
ويـِدفنونـي ابمكان امـي الزچيه
****
الـف وسفه النذل بابچ ويرهـا
دفـعها وعـالضلع ردهـا ويـرهـا
حسافـه وچـفه يتسلط ويـرها
عـليچ وانـتي بت سيد الـبريـه
*
الـوگت مـاانصف اويـانـه ظلمنه
بـعدنه اصغار واتلاشه ظل امنه
يتراب الجسد . عندك ظـل امنـه
لـيوم الـمـهدي ويـعيد الـقضيـه
*
حنينه أنتي شكثر شلتي محنه
وليـالي الـفرح من بـعدچ محنه
محن وشـلون نـگضيهـه محنـه
بـعدنه صـغـار مـانـحمـل اذيــه
***
المصايب ليه من زغري ونه لهه
الـدهــر للـروح صـوبــهـا ونـلهه
الـصخر لـمي اسمعـنه ون الـهه
وصـده ونته تِشَيْب الرأس ليـه
**
الـدنيه اتـدور بـيه چـن رحلهه
ثـجيله هـمومـي وتنوّخ رحلهه
عـن عيني الـوكت امـي رحلهه
ويريت وياها رحت آنـه سويـه
**
چفنه امن اللطم بالـدم حنينا
وظـهرنه اعليچ يـايمـه حنينا
يم گلب الحنين الـضل حنينا
علينه يدور كل صبح ومسيه
**
خادم اهل البيت ع
سيد حسين الشلاه
../channel/Kasied061ditcom
راية تتبع راية ....كلنه إلك مشاية
****
عالعهد يحسين نحضر كل جموع العاشگين
نواسي أم الحسن مرة ومرة أمير المؤمنين
الله لا يحرمنا منهه إزيارتك بالأربعين
مو دمع بالدم كتبنا إحنه زوار الحسين
إنته أعظم آية ....كلنه إلك مشاية
****
والله لو بالگمر قبرك هم نجيك ونعتنيك
موسنة وسنتين حبك من صغرنه معاهديك
راية تتبع راية إجينه مقصرين شما نجيك
نزحف اعله الروس لازم يلي فطرة عاشگيك
إنته كل الغاية ....كلنه إلك مشاية
****
من مواسات السبايا بهالـمشي ناخذ درس
إي وحق نحرك يغالي إمحبتك عزت نفس
والتعب فدوة وحياتك باچر وهسه وأمس
الدنيا ظلمة بلا وجودك يلي للدنيه شمس
شيعتك وفاية ....كلنه إلك مشاية
****
نعقد النيه يغالي بأربعينك ننفجع
ريت لو يومية يصبح منك ولا ينشبع
إزغار وإكبار اعله دربك تمشي قافلة الدمع
والدموع التجري لجلك بالقبر تصبح شمع
لناسك العنّاية ....كلنه إلك مشاية
****
هالله هالله شهالزيارة الرجّفت كل العده
الكرة الأرضية داخت بالجموع الحاشده
بالملايين إعتنينه والشعار إنردده
والله ما ننسه حسين زحوف جينه المرقده
كل محب براية ....كلنه إلك مشاية
****
ندري يستقبلنه شخصك كفو منك والنعم
ويحضر العباس أخوك يرد يرفرف بالعلم
يا هلا بأحبابي صوتك يرتفع علو النجم
هذا واقع يا أملنه وأبد ما گلنا حلم
للجموع إحماية ....كلنه إلك مشاية
****
خادم المشاية
عمار هليل الواسطي
/channel/Kasied061ditcom
ايلومونه الضدونه كلنه مشايه
**
اليله كل ناسك تجيلك الخطوه تنعد بسنه
شگد نتاني يبـو اليمه زينـب تــرد محزنه
حتى شايبنه يجيلك يمشي بس ابرهدنه
صفنت كـل الخليقه ودنيه ظلت صافنه
يهابونه الضدونه كلنه مشايه
**
كلمن الكض بيده رايه حسين صاحت دمعته
ومر على كل المواكب عــاف يـمهـم بصمــته
دربك الجنه نحسه بيــك شفنـه امعزته
زاير اتعنه واجالك عــاف ناسه اوخلته
يعرفونه الضدونه كلنه مشايه
***
حسين اذكر كل مسيره وجاب بيده القافله
انطه كــل نــاسه وبنينه صدور ذيچه مهدله
تلـگــه طعنـات المنيــه الموت يمه رتله
والحضه مشي اربعينك ملك دنـگ قبله
يسمونه الضدونه كلنه مشايه
***
جينه ننطر كلنه زينب احــنه كلنـه انصاره
بينه ظـل الـدمع يهمل عــاف حتــى اثــاره
زينب اوهودج يتامه زغار كــل محتاره
مشونه نتلگه العقيله بدمع ظل يتجاره
يعادونه الضدونه كلنه مشايه
***
ابوحيدر
الصبيحاوي
/channel/Kasied061ditcom
السیده زینب تخاطب الأمام الحسین علیه السلام یوم الأربعین
اجیتك فاجده الراي جبت بس حزني ویاي
رجعنه من یسرنه یم گبرك حظرنه
خویه یحسین
***
انه زینب و ظهري من الألم مکسور
عفتك عالثره و یمك صریعه ابدور
رحت عنك ابیوم الحادي من عاشور
الهظمني خویه شفته خنصرك مبتور
شفت ظیم ابغیابك کسر گلبي مصابك
اشعمل بینه دهرنه یم گبرك حظرنه
خویه یحسین
****
عله ظهر الهزل اخذوني جدامك
ابخیل الأعوجیه طحنو اعظامك
فوگ الکلشي گامو حرگو اخیامك
حُرمه و مالي احد حرت بیتامك
اگبالي رفعو الراس صحت وینك یعباس
انذهل عگبك فکرنه یم گبرك حظرنه
خویه یحسین
**
یخویه عگب عینك شیبولي الراس
ذبحنه کافلچ ظلت تگول الناس
و انه ابهل حاله گوه تصعد الأنفاس
اصیح امنین اجیبنه الگمر عباس
خذوني الکوفه و الشام راسك یمشي جدام
بقه یسعر جمرنه یم گبرك. حظرنه
خویه یحسین
**
یحسین و دگلي شنسه شتذکر
الگمر عباس لو جثتة علي الأکبر
لو مصرع القاسم عالثره اموذر
لو عبدالله سهمه بالگلب أثر
الحرایر صعدن النوگ چبیره طبت السوگ
الشمر هوه الأُمرنه یم گبرك حظرنه
خویه یحسین
*
یخویه و اربعینك صادف ابهل الیوم
جبت عیله ابجرحها امحملات اهموم
لچن بنتك رقیه النالها المحتوم
ماتت عله راسك خویه یامظلوم
عمت عین المنیه خذت مني رقیه
علیها ظل کسرنه یم گبرك حظرنه
خویه یحسین
*
اذا لرض المدینه ارجع ابحسره
شگولن للعلیله اهناك منتظره
اگلها والدچ متوسد ابگبره؟
من مات الأعادي هشمت صدره
شجاوب طفلتك گول اگلها الغالي مچتول؟
و اگلها من قهرنه یم گبرك حظرنه
خویه یحسین
***
لخادم الحسین علي فلاح الواسطي
14صفر
1444
/channel/Kasied061ditcom