1644
قناة مختصه بالحان (ملا مهدي الزينبي) يشرفني تواجدكم نسال الله القبول
نزلة عزاء ليلة مولاتي ام البنين عليها السلام
يعباس اسمع الوصيه
يعباس من امك الوفية
==========
اسمع الراي. يوفاي يميزان الشيم
ها يعباس. ينوماس. تفيي اعل الخيم
تگطع ادروب. بالحروب اذا رف العلم
طب على الماي. يالهواي. يالتنگط قيم
يعباس. عالي كالثريه
يعباس من امك الوفية
==========
يبني والجود. والازنود. اريدن هايه
بين الاسيوف. بالاطفوف. ترف الراية
سيفك انشال. بالاثگال. واعرف الغايه
تفدي جفين. للحسين. تدگ الثايه
يعباس. صاحب الحمية
يعباس. من امك الوفية
=========
طيح الخيل. على الخيل. يتربات الفحل
ذب الازلام. عالازلام. اذا جدمك نزل
طيح الروس. والانفوس. تراويها الاجل
ادري عباس. نزل داس. عساكر من زعل
يعباس بيدك المنيه
يعباس. من امك الوفية
==========
طلع الحيف. على السيف. تگض اجفوفك
بمتنك الواك. والوياك تريد تشوفك
كعبة والماي. يوفاي. يضامي يطوفك
دينك حسين يظل دين. ثبت معروفك
يعباس. موقفك هويه
يعباس من امك الوفية
=========
سور الاخيام. والايتام. يكافل زينب
التلاگيه. تخليه. يتيه المهرب
يسمع الصوت. إجه الموت. يشوف اليگرب
يمه الاطفال. والعيال. عذب خل تشرب
يعباس. لخاطر الزجيه
يعباس. من امك الوفيه
==========
مدرع ونار. شنو الصار. تكول الوادم
منهو اليصول. واليجول علي جن قادم
القادة تحتار يمغوار. تشوف الصارم
لگطع الانفاس. يعباس. تشوفك عازم
يعباس. حير ال اميه
يعباس. من امك الوفية
==========
الشاعر علي النائلي /channel/ML_mahhde
قصيدة بحق ابا الفضل العباس عليه السلام محرم ١٤٤٤ هـ
اعرفك صاحب حچاية كفيلي وحامل الراية
يا عباس يا ابا الفضل
===================
فلا تحتاج احشمنك شهم ياصاحب النخوة
بعت روحك يبو الغيرة اشتريت بدمك الخوة
فلا يدنة الخيم فارس وجودك بالخيم تچوة
يمن للخوة تچاية كفيلي وحامل الراية
يا عباس يا ابا الفضل
========================
يخوية الراية البچفك امان وانت شايلها
مدام اترف على راسي اختكم ياهو يوصلها
رمز قوتنة ابو فاضل يمينك نگعد ابضلها
يخوية وانت الحماية كفيلي وحامل الراية
يا عباس يا ابا الفضل
===========================
شبه بركان اذا تغضب تطكَ المرجلة وتظهر
ونعم من الكفل خدري كفو عباس المشكر
اخوي وتربيت ايدي ترد هذا الفزع تگدر
شوية وانت الهواية كفيلي وحامل الراية
يا عباس يا ابا الفضل
===========================
يوارث من علي زودة شبل من الاسد طبعة
ثگيلة اعله العدو يمناه صطرتة اتزلزل السبعة
يطب للمعركة ابلا خوف يكر ما يعرف الرجعة
تدكَ بالمشرعة الثاية كفيلي وحامل الراية
يا عباس يا ابا الفضل
=========================
امجرب يا ابو الكلفات الك سوح الحرب تشهد
تدخن من يجيك الغيض على العال الهوة ينسد
تنشف بالقتال الريج تضل حار وفلا تبرد
تحط للعالوا نهاية كفيلي وحامل الراية
===========================
أسالكم الدعاء رائد الاسدي /channel/ML_mahhde
بديت ارسم صورك عل حياطين
يشع النور بيهه وهيه بس طين
امن احط صوره عليهه
يخضر ورد بيهه // الحياطين
**
كمت اسولف ويه روحي واصفن وماتت دمعتي
اغفه واصحه وارد اسأل ها يروحي ياهي انتي
الوحدج المن بقيتي اويالظعن جا ما صعدتي
ليش من طلعو اگبالج ماتبعتيهم ركظتي
شجاهه وعيني غمضت وكت الوداع
بس اثار اشوفن ترست الكاع
بدت عيني ابجيهه
يخضر ورد بيهه // الحياطين
**
بالغرف افتر وادور بلكت الله بيهه ذكرك
صدى صوتي ايرد عليه تعبت الوينك وادورك
ماعفتلي من ثيابك وصله اشتم بيهه عطرك
ردلي لوبس مره وحده خل اشبگك مااخرك
امد للصوره ايدي واحجي وياك
برمشة عين مني رايح الكاك
بنيتك كض اديهه
يخضر ورد بيهه // الحياطين
**
ياصباح الخير منك تسوه ابو الدينه واهلهه
هسه شيقنعهه روحي لوتحنلك جا شگلهه
هلبت الله تردلي ادعي واعگد الشيله وافلهه
كمت اسمع حجي الوادم هاي ابوهه ماوصلهه
كل طفله شفتهه وي ابوهه
يأشرلي ويگولن ماخذوهه
الشماته يبز حجيهه
يخضر ورد بيهه // الحياطين
**
موثگيله اعله الهوادج امجاني فارغ انه شفته
زغيره كلت وخاف تتعب ليش عبدالله اخذته
شكد سألتك بويه اروحآ ماحجيت وتبجي سكته
لو اموت اعليه خايف اعتبرني هسه ميته
ليش اتصدلي اشوفك وانت محتار
متروس الظعن نسوان وازغار
كل وحده اوليهه
يخضر ورد بيهه // الحياطين
**
ماي للصوره جبتلك ارد اشربك من اديه
ورسم وجهك ماتحرك عينك تباوع اليه
حرك اشفافك وگلي فدوه لاتخفي عليه
ياهو الكثر عطش بيكم انته عبدالله رقيه
ويه الصوره اسولف وانته سكته
ياهو العطش بيكم ماعرفته
يكون اسمع حجيهه
يخضر ورد بيهه // الحياطين
**
بعد ماسولف واعاتب امري لله يل عفتني
راح اعيش بذكرياتك شكد تحبني ودللتني
شلون اعود روحي تنسه وانت احبك عودتني
ماردتني وياك اروحن تموت اشوفك ماردتني
مارايدني اشوفك وانته مذبوح
يمك خاف اطيح وتطلع الروح
صعب مثلي سبيهه
يخضر ورد بيهه // الحياطين
**
محمد خضير الزيدي /channel/ML_mahhde
#تراث
(للقاسم عليه السلام)
آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني
المرحوم
عبد الامير الفتلاوي /channel/ML_mahhde
السيده زينب ع :عندما خرجت الى التل بعد مقتل الحُسين ع
هلله هلله حسين وينه هلله هلله ياذبــيــح
هلله هلله حسين وينه زينبك تنعى وتصيح
////////////////////////////////////////////////////
نادت وصاحت يخويه هجمت الخــيّالــه
وين المنجدل عساكر خليشوف اعـيالـــه
وين البسوح الحروب الما يحل إشكــالـه
ترجف اسباع المعارك من تشوف اخيالـه
هلله هلله حسين وينه هلله هلله نــادتـــه
هلله هلله حسين وينه من المخيم صاحته
////////////////////////////////////////////////////
وچفت اعله التل تباوع وينه طايح ياكــتر
تنادي يحسين انهظمنه وانعصر گلبي عصر
من بعد شافت صريع ويذبح براسه الشـمر
عرفت الطايح اخوها وضل گلبها يـسـتـعر
هلله هلله حسين وينه هلله هلله شـافـتــه
هلله هلله حسين وينه هذا اخوها وعرفته
////////////////////////////////////////////////////
حجبت الشوف العساكر ماتشوف ابن أمها عين
حيره ترجع للمخيم حـيــره لو صـوب الحسين
وينها ازلام الهــواشــم وين حــيدر حمزه وين
طايح اسهام وحــوافـر والـعـمـد صاب الجبين
هلله هلله حسين وينه هلله هلله ياوحـيــد
هلله هلله حسين وينه سلبت هدومه العبيد
////////////////////////////////////////////////////
توجهت صوب ابن ابوها وشافت بجسمه السهام
ونّت بـحـسره وتـگـلـه وســفـه علــغـبره تــنــــام
اتحـــرك بغـيره وحـمـيه وگـلها يازيـنـب ســـلام
رجعي ياخويه الحريمج رجعي ياخويه الخيام
هلله هلله حسين وينه هلله هلله يألـــمـه
هلله هلله حسين وينه أبلا محامي مخيمه
////////////////////////////////////////////////////
✍️عباس مالك العفريت
#محرم_١٤٤٥هـ /channel/ML_mahhde
نزله 4.
محرم الحرام
عنوانها ﴿أدري بيك اكفايه﴾
نزله حماسيه زنيجل
يعباس. يعباس. يبني شيل الرايه
يعباس. يعباس. ادري بــيك أكفايه
_
يابوفاضل ارد أوصي من تسير القافله
برايــتك ظلل عـليـها زينب أدري مدالله
بزودك تباري المحامل من تحطها بكربله
عـينك عليـها الـعقيله وانته راعي المرجله
بالإحساس بالإحساس تسمع أنته حجايه
يعـباس يعـباس ادري بــيك أكفايه
____
بعيني اخليها العقيله شعندي غير أم الخدر
والله افيديها بجفوفي فدوه يفديها العمر
يمه سـمعاً عل وصيه عليه واجب هل أمـر
ياهـو يوصـل يم خيـمها والله أفـنيها الكفر
والارجاس والارجاس تحير بيه هوايه
يعـباس يعــباس ادري بــيك أكفايه
____
بابو فاظـل أرد أوصي وأنته تسمع هل كـلام
أنصب بجفك خيمها أحرس انته ع الخيام
حسين خـويه لا تـكله كله سمـعاً يل الامـام
أتواضـع ودنك ييمه من تجي وكـت السلام
ينوماس ينوماس حسين هوه الغايه
يعــباس يعــباس أدري بــيك أكفايه
____
ماتقصر يمه أدري ياابو فاظل ياشهم
من تصول ع العساكر اسحك ودوس الخشم
من تحـشم زينـب أختك كطع أنـفاس الزلم
بزودك أنته بابو فاظل يمـه وعـدمـهم عـدم
والانفاس والانفاس خرسه.ماكو حجايه
يعـباس يعـباس ادري بــيك أكفايه
_
أكطع أنفاس الاعادي وضـيك أعليها الـدرب
طبها يمنه وطبها يسره هذه عندك مو صعب
فحط الخيل وزلمها وأنته شيخ اعله الحرب
كلهاصار الكصه عركت غيرته كامت تصب
ع الراس ع الراس تبقى زينب هايه
يعــباس يعباس ادري بيك أكفايه
____
كلمات الشاعر الحسيني
مرتضى مكطوف الموالي
/channel/ML_mahhde
(((شوط كربلائي عبدالله الرضع)))
--------------------------------
يبني وثمر دلالي
...............اهزن والمهد خالي
يعبدالله العمر شيفيد.
..............اذا نحرك صفه اكبالي
***
يادهري اشعملت وياي
...........ضاعت شمعة اسنيني
ما چانت ابد عالبال
..............تمشي انت وتخليني
ترفرف عالعطش ملهوف
..........تروح اشلون من عيني
قسمه وادري بالمكتوب
وحسابي طلع مكلوب
يوليدي واعز محبوب
اناديك واصيح بصوت
..............يمه خابت امالي
***
مگطوع الامل ظليت
...........انت بخطة الحومه
ترجع للخيم مصيوب...
.........بالدم سابحه اهدومه
يبني منحني ظهري
............امك تدري ملچومه
ما چانت ابد عالبال
يوليدي السهم چتال
حسره تذبح الدلال
اكعد يمه حاچيني
.............هجرك چنه يصفالي
***
افز من نومي ماألكاك
...........يبني وللصدر تهوه
ظلمه اصبحت دنياي
..........من دونك فلا تسوه
چنت انت نفس بالروح
............وبسمك يمه اتگوه
صرت يمه مثل يعگوب
وصبري ما وصل ايوب
يعبدالله الكلب مصيوب
امك ما بطل ونهه ...
............ذبيح عالرمح تالي
***
حاچيني يبعد الروح...
............عجيبه اشفافه متفطره
تغير لونك بسرعه...
................مشتاك السهم نحره
راجع للخيم حسيت
................بالنبله انختم عمره
اجيتك يبني حاچيني
دمعاتي بطرف عيني
وحدي بحيره تدريني
عذبني زماني وراح....
...........خلاني افگد الغالي
***
اشوفن ذابله ارسومك
.............يبني ولونك اتغير
لخيامك تعود اشلون..
......وابوك احسين يتحير
عجيبه صبر ابو سجاد
........يشوفك يمه تتحسر
ييمه خابت اظنوني
بيك اسمع يفجعوني
دمع ماظلت اعيوني
عجيبه اتغمض اعيونك
..........وحيده ولا ألي والي
***
يوسف الفتلاوي/channel/ML_mahhde
علي الأكبر عليه السلام 2024
يا علي ....... ودّعتك للمنية
يا علي ٠٠٠٠٠٠٠ ميته ولا هالمسية
ما اكدر لحظه اعوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا علي الأكبر حبيبي. آنه امك يا غلاتي
بلا ضواك الدنيا ظلمه يبني يا شمعة حياتي
شلون اودعك للمنية. وانت روحي وذكرياتي
منين اجتني الغاضريه. هدّمت كل ذكرياتي
طحت ٠٠ نحت ٠٠ صحت ٠٠ رحت ٠٠٠ يغالي رد علية
ذبح ٠٠ جرح ٠٠ رمح ٠٠ يسح ٠٠ نزف دمك بدية
لا تظن ٠٠٠٠ اتصبّر عالمصيبه
لا تظن ٠٠٠٠ تتحمّلهه الغريبه
كعبة وكل يوم اطوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا شبه جدك محمد. ماكو مثلك بالبريه
وارث اخلاقه وجماله. وكل صفاته الاحمديه
شلون اصبّر روحي گلي. من تطيح عله الوطيه
بغضاً بجدك يغالي. ما ترحمك آل اميه
حرب ٠٠ غرب ٠٠ صعب ٠٠ گلب ٠٠ يلچمونه بمصابك
العذر ٠٠ جمر ٠٠ يضر ٠٠ صبر ٠٠ بعد ماكو بغيابك
يا صبر ٠٠٠٠ ينفعني بهالرزيه
يا صبر ٠٠٠٠ ينسّيني اليجري بيه
بالواقع وبطيوفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني ربّيتك بديه. ودمعتي وسهر الليالي
تالي بالطف تمشي عني ياعلي الأكبر يغالي
شلون اعيش بلا وجودك. اسمع وجاوب سؤالي
كربله وسيف المنية. ما أجن يبني عله بالي
قتل ٠٠ يحل ٠٠ شمل ٠٠ يفل ٠٠ ولا يرجعلي خيرك
حزن ٠٠ احن ٠٠ اون ٠٠ ابن ٠٠ بعد ما عندي غيرك
حيرتي ٠٠٠٠ بمصابك ياحبيبي
حيرتي ٠٠٠٠ ياجرحي وياطبيبي
قدّر ظرفي وظروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابني راح وگلبي يرجف. وندعيله بدمعي يرجع
بوجه ابواليمه اباوع ودعي ربي وعيني تدمع
لحظه لن شفته تغيّر. وجه ابواليمه وتصدع
گلي يا ليله المصيبه. ابنج الأكبر تگطع
وذر ٠٠ نذر ٠٠ نحر ٠٠ كبر ٠٠ علي بأسمه ومقامه
رسم ٠٠ قيم ٠٠ ألم ٠٠ سهم ٠٠ بقى بگلبي علامه
من طحت ٠٠٠٠ يالأكبر شيّبتني
من طحت ٠٠٠٠ بصوابك صوبتني
بدم شرياني حروفك
مذبوح شلون اشوفك
يا علي. يا علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جابو ابني للمخيّم. مگطع ومذبوح نحره
ما عرفته اوليدي هذا. إلا من شمّيت عطره
ماكو شي من جسمه سالم مگطع وطبره عله طبره
شخلّت سهام آل اميه. كسّرت يا ويلي صدره
ضوه ٠٠ حوه ٠٠ دوه ٠٠ روه ٠٠ علي بچف الزجيه
علي ٠٠ ولي ٠٠ الي ٠٠ هلي ٠٠ شفتهم بي ضحيه
للسبي ٠٠٠٠ امك من فارگتها
للسبي ٠٠٠٠ وي عدوانك عفتها
متعوده الزم چفوفك
مذبوح شلون اشوفك
يا علي. يا علي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠/channel/ML_mahhde
نزلة/ علي الأكبر عليه السلام 2024
ياعلي الأكبر. حارب المنكر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
آنه ابوك حسين حط ايدك بديه
ما نبــايـع لا يزيــد ولا اميه
ياشبيه المصطفى وحامي الحميه
گوم سل سيفك وهزّ الغاضريه
لوالدك أثأر وهزم العسكر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
يبني راويهم علي وضرباته بالسيف
خل يشوفونك وراهم حتى بالطيف
ياعلي غدروني اخذ من عدهم الحيف
ناصبي وسفياني منهم بالك تعيف
خلهه تتكرر. معركة خيبر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
ياعلي الأكبر اودعك حان الوداع
آنه ربّيتك بدية ارباي ما ضاع
رتّك لهاليوم يبني والخبر شاع
كون من روس آل اميه تترس الگاع
والجثث بالبر. خلهه تتنثّر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
سمعاً وطاعه يبويه وصاح عيناك
درعك الأكبر يبويه وسيف يمناك
ملحمه بالطف اسوي وهزم عداك
دم وريدي وراسي بويه فدوه لدماك
ادري تتصدّر. حاشه تتعذر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
نزل للميدان بيده السيف مشهور
علي الأكبر كام يذبح روس ونحور
هذا من جده علي الكرار مذخور
الجيش من سيفه رجع للشام مكسور
امن الغدر احذر. يبني لا تعثر
خل يشوفونك. بالحرب حيدر
٠٠٠٠٠٠٠٠٠٠٠٠٠٠٠٠٠٠٠
بكر ابن غانم تحدّه وصاح وينه
وعلي الأكبر راحله بصولة علِينه
گطع راسه بضربه وحده وفگس عينه
جاب راسه لوالده وحامي الظعينه
حگي بيك افخر. يعجب المنظر
خل يشوفونك. بالحرب حيدر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠/channel/ML_mahhde
رئيسية/ علي الأكبر عليه السلام 2024
يالأكبر. ما اكدر. ساعة بليّاك
تجرحني. وتذبحني. كلمة فرگاك
يا تعب سنيني نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو تدري يبني يا علي. اتنفّس بانفاسك
انت السعاده بدنيتي. معيّشني دوم احساسك
غالي واخاف من الهوى. لو هب عليك وجاسك
شلون اصبر ورمح الغدر. يوليدي يطلب راسك
ربّيتك غذّيتك من طيب الروح
دلّلتك كبّرتك. تاليهه تروح
وين تخليني. نار وتچويني
كلمة فرگاك كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو ادري بالطف تنذبخ. ما اوصل لواديها
ما عندي غيرك يا علي. هالكلمه فكّر بيها
كل أم تريد امن الإبن. من تكبر يباريها
بس آني حاربني الزمن بيك انفجع تاليها
حاربني. وعذّبني. دهري الغدّار
بدموعي وبظلوعي. تسعر چم نار
ليش تبچّيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا ما تعبت وساهرت. وعيوني ما شافت نوم
تكبر وبيك اكضي العمر. اتنطّرك يوم بيوم
ما حسبت طف كربله وغدر آل اميه المشؤوم
عطشان رايح للحرب ياعلي الأكبر مظلوم
ما ترجع. تتگطع. بسيوف اعداك
تفجعني. وتهضمني. شلون اتلگاك
والدمعه بعيني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تشبه مُحمّد بالوصف نفس الشكل والصوره
وگفت نبي وهيبة نبي. ونورك يشع من نوره
امك وخاف أمن الهوى لو جاسك ومعذوره
يالأكبر وفگدك صعب. ابقة بحزن مكسوره
ما اقبَل وتحمل فكدك هيهات
مجبوره. ومقهوره. وجري الدمعات
فكدك يبليني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خليني اودعك يا علي. املي النظر وشتمّك
لو رحت ما ترجع بعد. اشبكني يابعد امك
سيوف آل اميه تحضرت. منتظره تسفك دمك
ياعلي الأكبر چم عدو. يتشفّه يبني بجسمك
يوليدي وشبيدي. غير الله وياك
ادعيلك شد حيلك. امك وتناك
جرحك يعميني. نار وتچويني
كلمة فرگاك. كلمة فرگاك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بالخيمه اتنطّر تجي ما ظل صبر يالأكبر
جابك حسين بياوضع. دامي النحر وموذّر
حيلي انهدم گلبي انمرد. شفتك ذبيح المنحر
بدموعي اصيحن ياعلي. حاچيني گلبي تفطّر
حاچيني. وراويني. چم طعنه البيك
آ يبني. جاوبني. بيش انداويك
امك حاچيني. نار وتچويني
كلمة فرگاك. كلمة فرگاك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ /channel/ML_mahhde
تعالوو جبتلكم الرادود والملحن مهدي الزينبي قصائد محرم الحرام 1446ه هيه ولحنهه تعالوو اشتركوو تستفادون على الرابط التالي
/channel/ML_mahhde/11493
نزله 7محرم الحرام
ماي بجودك من تحمل
يخو زينب عجل عجل
___
جودك جيبه وجيب الماي فرح أطفالك يالكافل
يوسف طال غيابه وطال يعكوب يناطر سائل
صبر البينه وصوت أيوب يارب شو مارد حامل
بكل عيالك هيجي الصار دمع العين يظل هامل
دمع سكينه يظل يهمل.
يخو زينب عجل عجل
__
سكنه باب الخيمه تصيح فدوة الصوتك عبدالله
أدري بكـلبك هـم عطشان فز وكالتــله صمله
عمك جاي وبيده الجود ومهـدك ماي اليوصله
تشرب ماي وهم ترتاح وجلمـــت ياكـواه الله
يبرد كلبـــي ومايشعل
يخو زينب عجل عجل
__
أرجع خويه وجيب الجودتدري بزينب عطشانه
بجفك شايل رأيت زود بجفك جودالتعبانه
فزعه وحيهم ياعياس سكينه الجيتك الهفانه
تريدك.ترجع يانوماس زينب باجر حيرانه
المحمل زينب من يعدل
يخو زينب عجل عجل
___
سيفك عثر جم خيال بنخوت زينب ماتكفي
طبك الجيش بذاك الجيش طيح الفارس من يلفي
صار وتامر صاح بصوت زينب تامر وبجفي
أصطر حيل وبالميدان عاذر ذاك من يجفي
خزره من عيونك يجفل.
يخو زينب عجل عجل
___
خزره من عيون العباس روحه بخوفه ومرتابه
يدري الحك لامو العال والحق جايب طلابه
راعي الحشمه وبيدة السف شيخ انه وبيدي طلابه
فصلي مربع ياكوفان وأهل الشام أهل أصلابه
بهل الشام اليوم أجتل
يخو زينب عجل عجل
___
✍️
مرتضى مكطوف الموالي /channel/ML_mahhde
تعبني شيّال الرمح تعّبنّـــــــــي
گبال الضعن يعثر چذب ويذبني
كلما درت وجهي البناتي
يشتِمهّن ويِشتِم خـواتي
تعبني تعبني
،،،،،،،،
كلما طحت من الرمح زينب يهل مدمعها
شبعت الم طول الدرب وانه الجنت اوجعها
كل طيحه اشد من المنيـه
وزينب تضل تبچي عليـــه
وتصيح يامن عمت عيــناي
لوله الحبل شلتك بديـــــــه
كلساعه ويهد الرمح من چفــه
كلما طحت زينب تروح اتحلفــه
چم مره طگ امــدللاتي
يشتِمهِّن ويِشتِم خـواتي
تعبني تعبني
،،،،،،،
فوگ الحجر مو عالترب يتقصد ايهد رمحه
درب السبي اه يالسبي كل طيحه تنعد ذبحه
كل سوگ رمحي ايبدلونّـه
ينطونه غيره وياخذونـــه
هذا چبير الخارجيّـــــــــن
إيگلهم وبوي ايشتمـــــونه
من ينكسر رمحي يبدلّه بثانـــي
عباس يبچي وجاسم وخــــوّاني
هذا الشلع گلبي ابمماتي
يشتِمهِّن ويِشتِم خـواتي
تعبني تعبني
،،،،،،،
گلبي انشلع وتعذبت وعيالي موش گبالي
ايفر الرمح من التفت كلما اصد لطفالي
يلچمني لو هز رمحه بيـده
وينزف يضل نحري اوريـده
وختي اعله ناگتها وتحاجيه
من احسينّه شنهي التريـــده
شماحاچته منّ الرمح يشمرنــــي
تراب انترس نحري وبقه يحرگني
صبراً صحت ياغاليــاتي
يشتِمهّن ويِشتِم خـواتي
تعبني تعبني
،،،،،،،
جرحي نزف دم ونزل وتخضبت لحيتي
كلما ضرب طفله الشمر يرجع الم منيتي
اه الشمر حيرني حيــــــــــره
شما ادير وجهي ايگله ديـــره
يروح البناتي ويلزم الســــوط
ويضرب يضل وين الزغيـــــره
ماعنده رحمه وغيره لاحنيّــــــه
شماله الشمر ماعنده مثلي بنيــه
وين الگبل چانت حياتي
يشتِمهّن ويِشتِم خـواتي
تعبني تعبني
،،،،،،،،
چان الألم شتم الحرم واليشتم ايسمعني
دمعة طفل مثل الذبح وٱزيد بعد توجعني
شما سكنه تتنخه بخوهـــــــا
يضحگون يمها ويشتموهـــــا
يم بنتي شيال الرمح صــــاح
ممنوع طفله تنادي ابوهـــــــا
كل طيحه موته بالدرب كل طيحه
عباس تعبته بكثر ماصيحــــــــــــه
شبعن مرار امخـــدراتي
يشتِمهّن ويِشتِم خـواتي
تعبني تعبني
،،،،،،،،
لخادم الحسين ع
محمد الفهداوي /channel/ML_mahhde
نعي
(جيّت حزن)
اجانه العيد واحنه بنص الاحزان
ما نفرح بعد مثل اليعيدون
بدلنه الفرح بالحسره والنوح
وسوود اهدومنه ودمعات العيون
اليفارك عزيز ايعاشر اكبور
ومبارك تكله بعيدك شلون
خلونه بدمعنه انريد نرتاح
ونعايد صور للما يرجعون
شكرا يالتريد انعيّد وياك
وفّيا ونكلك حيل ممنون
بس وداعتك زاعلنه الأعياد
تواسينه بدمع موبالفرح كون
جبيره اجروحنه وفاركنه طيبين
وفراك المشو ماضنن ايهون
شيحمله يوادم جرح الغياب
يوجع صاحبه ويغير اللون
المبارك تلجمه اليفكد اعزاز
عوفوه بدمعته ولا تلجمون
*---------------*--------------*
✍بقلم الشاعر
رعد الجريخي /channel/ML_mahhde
يجي العيد ونعايد بس صوركم
يعطر ثيابكم يا ضيم اهلكم
يغالين ،، حچي العين
نحبكم والنجف يشهد نحبكم
***
يجي العيد ،، نغبش للمگابر من يجي العيد
شنو يريد ،، الروحه بنص گبر لتگله شيريد
صباح الخير تحلى بوجه الاحباب
وصلنه وي الفجر وصوركم الباب
نمد چفوفنه وما يرضى التراب
ها يهل المگابر صرنه شياب
انحنينه من البعد بالاسم عدلين
چنهه ايام تتلگونه ميتين
علگبور ،، هلندور
ولا صوت اليرحب بالمجبلين
چنهه ايام تتلگونه ميتين
**
بعد وين ،، ما نسمع هلا ماتو بعد وين
دواوين ،، ظلت محد أيمر بالدواوين
تلگو احبابكم حسبونه خطار
ونشدونه اعله وحشة طبت الدار
بعدنه اعله الصور كلساعه نندار
بلكت چلمه وحده اتبرد النار
تسمعونه يهلنه ما تسمعون
گضتنه المگبره ودرب اليشيعون
ولا صوت ،، صدگ موت
ياخذ كل عزيز تريده العيون
گضتنه المگبره ودرب اليشيعون
**
شنو يصير ،، اذا نتلاگه بس مره شنو يصير
جنح طير ،، عليكم هيچ فرفحنه جنح طير
نطب وادي السلام ونحسب گبور
وينه أوينه نايم عطر البخور
علي يابو الحسن يا سيد النور
يمك كل اهلنه وانته ناطور
اليندب يا علي تحضر مماته
تأمن وحشته وشدة وفاته
أله تكون ،، ضوه عيون
واحن من ولده واقرب من بناته
تأمن وحشته وشدة وفاته
***
نفس حار ،، يچوي تراب النحبهم نفس حار
گلب نار ،، يطفى بشبگة الراحو گلب نار
الشالونه بزغرنه التعبو اسنين
التغطينه بحظنهم وين ماشين
البارونه وكبرنه هناك ميتين
بعد منشوفهم صارو بعيدين
نريد نوافي تونه وراحو بساع
المحنه الاوليه بذمة الگاع
الدفو مات ،، حرامات
مشو والبقن موتت عين وذراع
المحنه الاوليه بذمة الگاع
*
يلحنان ،، نعيش بواهس الذكرى يلحنان
يبيبان ،، تردن چم عزيز النه يبيبان
نتاني اعله الدرب ما يرحم الشوگ
يريد (انفاس)( نظره ) الصدره مخنوگ
يعيش شلون بله الحيله مبيوگ ؟
المحد رد اله بس عينه ليفوگ
يلاهي افراگهم چمره بگلبنه
نشوف عيونهم هذا طلبنه
صعب لا ،، واويلاه
تعبنه وداعت العشره تعبنه
نشوف عيونهم هذا طلبنه
كلمات الخادم / رعد الفريجي /channel/ML_mahhde
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…
أللهم صل على محمد وآل محمد وعجل فرجهم ياكريم
Читать полностью…