-
إحنه غير حسين ما عدنه وسيله والذنوب اهـــواي چـفّـتـها ثجيله قناة النصوص الحسينية إلى خدام الحسين من الرواديد
اكتب عليها رايتك
ثار الزجيه بطلعتك
______
يالمهدي وشعندك دمع
لازم تهله وتنفجع
اكتب يثارات الضلع
عالرايه تبقه حجايتك
______
من تبجي ودموعك دمه
ارسم على وجه السمه
قد حان ثارج فاطمه
والزهره رادت نخوتك
___
رادو يطفون الشمس
اهل الفتن واهل الرجس
يالحجه وانطيهم درس
من تعله راية ثورتك
___
بكسر الضلع من شيبت
بضيم الصحابه اتعذبت
يمك واكيد الهم وكت
تتعله بيهم صرختك
___
صفيها بيدك واعتلي
ومحزم بقوة علي
فاطم تصيحك يالولي
لا تنسه ثارك رادتك
______
مؤمل هاني القريشي
جف الحرك بابي وقع على مصابي
______
باب الخير كله يحترك كله
جنود ابليس اجوني بمدري يامله
وسفه فلان ينكر حقي ويجهله
باب البي خدم جبريل يوصله
من طول اعتابي وقع على مصابي
_______
مو من زلم للحلل بقتلي
ما بيكم الشريف وجاي عالمثلي
معترضين حيدر ليش متعلي
جا شيخلي رب الكون شيخلي
واحدكم ارهابي وقع على مصابي
____
بالبيت الزجيه وجاوب الظالم
يحجيها بحقد كايل وان فاطم
يحلم جنه بأجر مايطب واهم
ثارات الزجيه تنوخذ لازم
من أحد اسبابي وقع على مصابي
____
اجاني المايعرف الدين شحكامه
غطاء اسلامنه من لبسو عمامه
رجعتو هبل واللات واصنامه
بس حيدر بقه واليرفع الهامه
والحارك اكتابي وقع على مصابي
____
اشكل ذمه للماعنده كل رحمه
خله حسين ما شابع حنان امه
بعد اقره السلامه وماتمر بسمه
البيت ابلا أم بي تكثر الضلمه
ما شوفن احبابي وقع على مصابي
_______
كل الصار وأنه ابالي بس حيدر
مثل كسرة ضلوعي كلبه يتكسر
من يدفني شفت بعيني هالمنظر
علي دافن علي ومن دوني ما يكدر
والسبب غيابي وقع على مصابي
_______
ما اقبل عذر للرايد يصالح
وحق رب السمه شصير ما سامح
لحد يوم القيامه ثاري ما طايح
ثاري ينوخذ من جف ابو صالح
من يشهد حجابي وقع على مصابي
_______
مؤمل هاني القريشي
https://youtu.be/oTZ_xfROv5E?si=0AnEWfkh_4_LDHlH
Читать полностью…
https://youtu.be/_BB8cWfUo_g?si=zBs2zpyqxNCwJoj9
Читать полностью…
#جديد_المشايه
يله يازوار شيلو الرايه
يا الف هنيالها المشايه
__
حان الاستعداد ب اول خطوه
بسمك الخدام جايه ابقوه
والتعب يحسين لجلك يسوه
كلشي الك مولاي فدوه بفدوه
كل شبر بالكاع صار قرايه
ياالف هنيالها المشايه
__
يله ياخدام شدو حزامكم
حسين والعباس يتلكاكم
يالمشيتو والله الف هنيالكم
تلكه حته المهدي يمشي وياكم
عفنه كلشي والحسين الغايه
يا الف هنيالها المشايه
____
شكد بخيت اليوصلك والزارك
احنه هم خدامك وخطارك
هل زياره وحده من اسرارك
سيدي وحسبنه من أنصارك
مانعوفك واحنه الك وفايه
يا الف هنيالها المشايه
____
الدنيا وأهل الدنيا يمك راجعه
وهاي اديه من اللطم ما شابعه
صيتك اعله من السماء السابعه
واحنه ناس بلا خدمتك ضايعه
هاي نعمه والخدم شرايه
يا الف هنيالها المشايه
____
مجلسك يحسين صاير داري
بس الك يحسين اشعل ناري
كلمن يزورك يزور الباري
وانت تصرخ ياهلا بخطاري
كلها تتزاحم عليك بهايه
يا الف هنيالها المشايه
____
من درو يحسين انت القائد
راسك القران شاله الحاقد
ليش مذبوح ويكول الناقد
والسبب شافوك اجمل واحد
لليخدمك صارو الرمايه
يا الف هنيالها المشايه
____
بالزياره المهدي حاضر بيها
يمشي وياكم وعينه اعليها
الدنيا لومه حسين كلي شبيها
جنة الله للخدم يهديها
ربنه للخدام ينطي هوايه
يا الف هنيالها المشايه
____
مؤمل هاني القريشي
قصائد استشهاد الامام الحسن عليه السلام
يالحسن يالحسن
******
بالكرم معروف صيتك يا ابو دلالك
خير من اربع جهات حته من خيالك
زادك البي رحمت الله ياكريم
وانت لا ماتنجمع ياسيدي افعالك
كلشي بيدك يضل يا اول وتالي
ضلمه كل الخلك بس وجهك يلالي
انت اسمك يضل بالهوه العالي
يالحسن يالحسن
******
سفرتك جانت حياة وخيرك الفايض
انت الاول بالشجاعه شحده الي يعارض
ياهو يكدر يوصل الكم بالقتال
فارض الخير بسفرتك للكرم فارض
انت كاع النجف من تحلف بزودك
انت باب الكريم وشاهده حدودك
خير هاي الخلك ياسيدي بجودك
يالحسن يالحسن
******
انته ابو ذاك لمضيف. العامره دلاله
ونته ابو لجلمه. الأصيله الرجفت لخياله
سفره ممدوده.عله ناسك. يا كريم
وجهك يضوي اليالي اضوه من الاله
بلكرم منعرف ماينوصف كلشي
سفره ممدوده وشجاعه شيبت رمشي
انه من اسمع. كرمكم اعثر وامشي
يالحسن يالحسن
***
ياكلام الينحجي لو وصفك أشعاري
نار بدلالك تضل ياسيدي بناري
ماتثني الركاب شما يصير
بس مضيفك يضل يابو الكرم داري
ينترس كل مضيفك بالفعل ندري
انت بسمك ضوه لو اختصر عمري
انت شمعة مماتي لو ضوت كبري
يالحسن يالحسن
****
بالشجاعةمن تضل عنوان والغايه
يله ياخدام بسمه ونرفع الرايه
ياخطر ينكال بسمك لو نزال
احنه يم حسين باجر تطلع المشايه
يابعد كل تعبنه وذيج خدمتنه
شمحله يم الكمر كل هاي جمعتنه
يم ضريحك تضوي الليالي يشمعتنه
يالحسن يالحسن
******
وينك بكل زمن من تحجي بالدمعه
سيدي وكل مضيفك بيدك ترجعه
ياسوالف عليك بكل زمان
ياتبو الخير عليك بكل وكت سمعه
ماتخلص الكرامات على جفوفك
زادك بصحنك وهذا معروفك
ياجرح يالحسن مانكدر نروفك
يالحسن يالحسن
******
مؤمل هاني القريشي
مسبيه زينب
مسبيه زينب
__
مسبيه راحت بت علي يا وسفه من سبوها
ما يدري كافلها شحصل ما سولفت لا خوها
صاحت يخويه ما تجي وخيامي فرهدوها
وين الميسوه من العده بالحره حاوطوها
رادت زينب كفال الضعون
تنشد وينك ياماي العيون
محنيه زينب
مسبيه زينب
__
ماخلص بعيني البجي ودموعي عاشرني
توجعني خويه فركتك ومتوني توجعني
كون أنه وياك برمح بس رمحه ما أخذني
تاليها كدامك يجي وسفه الشمر ضربني
تقبل خويه صاحو عليه
بعدك تدري مجويه اديه
مجويه زينب
مسبيه زينب
__
درب السبي كلش خطر والاخطر الصحاري
مشونه بيها بلا رحم وادري بقدرنه جاري
ما يخلص وياي الحزن من طول اصطباري
لا خيمه لا دار الصفت بس العبي شعاري
أمشي واعثر مابين الايتام
كلشي رايح لوطاحت خيام
علويه زينب
مسبيه زينب
__
ماتت اخيتك بالقهر من طبت السوك
وينه اليعدل محملي لو وكفت النوك
كلشي انسلب من خيمتي بس كلبي محروك
راسك شمس كلي شعجب تحبسها صندوك
تدري بدونك ماتسوه السنين
اصعب موقف ودعت الحسين
هاهيه زينب
مسبيه زينب
__
ما ادري من وين التفت ياحسرت العقيله
بس راس اخوها اعله الرمح بالدمعه تشتكيله
من دارت اعليج الرحه صاحولج العليله
مايوصل الحزنك احد لا ما شفت مثيله
صعبه جروحج تتفسر بيوم
حزنج واضح من سود الهدوم
والبيه زينب
مسبيه زينب
__
ماجان بحسابج ابد بيدج تضل سلاسل
لايمها ابو فاضل ابد ويعدل المحامل
من وين اجيبه كافلج من بعده طرتي كافل
ايدج كصيره اعله الرمح بس دمعتج رسايل
طاري متونج صاير بالطفوف
حره ثوره من دون السيوف
ثوريه زينب
مسبيه زينب
__
مؤمل هاني القريشي
بالدم اريد بطفي حنوني
فوك الرمح ويه اهلي زفوني
______
يوم الزفاف المايصح يومي
مو حنه شاء الباري بدمومي
لازم انصره حسين مضلومي
شبل الحسن بالفزعه يدروني
فوك الرمح ويه اهلي زفوني
_____
من والدي ما خذها الحجايه
والحنه جانت مصدر الغايه
يم عمي صاير جندي عالرايه
بالحومه اقاتل فدوه خلوني
فوك الرمح ويه اهلي زفوني
______
ياعمي كلشي بدونك شيسوه
زغير عمر بس منك القوه
موتي اعله ايدك موتتي حلوه
هاي الحرب ماتخله من دوني
فوك الرمح ويه اهلي زفوني
______
مو بالمهم افرح على الحنه
حسين الأهم ماكو ابد منه
بس يم عمامي الموت اختمنه
بمتونه رايد من يشيعوني
فوك الرمح ويه اهلي زفوني
______
فارت حميتي واشتعل دمي
ياوسفه باقي الوحده عمي
رايد رضاته وهذا كل همي
شكد حلوه يمه تغمض عيوني
فوك الرمح ويه اهلي زفوني
______
لو ردت ابيض وجهي بافعالي
ماتغله روحي الحضرت الغالي
هنيالي اصرخ والله هنيالي
نلت الشهاده من يذبحوني
فوك الرمح ويه اهلي زفوني
______
بالمعركه لو خلصت انفاسي
حسيت ابويه داخل احساسي
عفيه يكلي ورفعت راسي
يافرحتي من غيرت لوني
فوك الرمح ويه اهلي زفوني
____
مؤمل هاني القريشي
لمولاتي حميده
تخاطب ابيها مسلم ابن عقيل (عليهما السلام)
يبويه مو وكتها للسفر
حميده بنتك صارت بخطر
_______
بويه يامسلم حميده بالمصيبه تعاني
ماشفت طولك يغالي ولا شفت خواني
والله ما معقوله منك بالهجر تنساني
راح اضل بذكرياتك ياجبير احزاني
يبويه دمعتي مثل النهر
حميده بنتك صارت بخطر
_______
كلشي اتوقع يجيني وما اضنك قادم
لازم بهاي المصيبه بويه تحضر لازم
خدي لوحه من المدامع بيها حزنك راسم
جرحي مايرهم عليه ودمعي لا ما راهم
يبويه وحدي من صفه القدر
حميده بنتك صارت بخطر
_______
بويه لو تدري بغيابك كثرتها جروحي
ابدي من نوحي بونيني وانتهي من نوحي
حالي من حال اليتامه والله طلعت روحي
ياجبال بالشده اشوفك هسه ميته سفوحي
يبويه من جره حكم الدهر
حميده بنتك صارت بخطر
_______
والله مشتاقه ارد اشوفك ياجبير امالي
كلشي خل يروح فدوه ولايروح الغالي
دنيا صارت كلها ضلمه وبيتي بعدك خالي
أنه بنتك بويه تقبل دمعتي تصفالي
يبويه عيني تعاشر السهر
حميده بنتك صارت بخطر
_______
من كثر ما كول وينك خلصت انفاسي
صح رحت يابويه عني بس بقيت براسي
انت روحي وانت عمري وانت كل إحساسي
يا اعز من كلشي عندي يا اعز كل ناسي
يبويه حزنك بروحي استقر
حميده بنتك صارت بخطر
_______
بويه اريدن بس احضنك واشتريها بعمري
رايح وما ودعتني بويه خنكه بصدري
مو فقط مكسوره خاطر بيه كسره بظهري
بويه كبرك من اشوفه جن اشوفن كبري
يبويه تارك بالكلب اثر
حميده بنتك صارت بخطر
_______
مؤمل هاني القريشي
لمولاي القاسم عليه السلام
شد حزامه لعمه الحسين بالحومه
رمله وصاحت ياجسام حل يومه
عرسك بالجفن يا ابن الحسن
<<<<<<<<<<<<<<<<<<<<<<<<<<<<
صاحت بيك الحومه شكد عمره وينافس
كال المايعرفني خل يسئل جم عابس
شسع النعل اتكطع جيشك معنى لابس
الكاع التشرب دمكم هذا براسي الواهس
بزودك زود الخيال
الحومه بجفك تنشال
شايل اوصاف حسين
رجال ابن الرجال
عندي الرايه من العباس بجفوفي
شد الحرز من حسين بلا خوفي
تبقه بكل زمن يا ابن الحسن
<<<<<<<<<<<<<<<<<<<<<<<<<<<<
معزب و ابن معزب راد ا يوزع دمه
شايف عمه بشده ينزل بيهم رحمه
بس ع جيش بوحده نازل نقمه بنقمه
بس كل همه بهايه رمله بحسره تشمه
هاي الما منها بيوم
يالقاسم يله وكوم
حسين حتاجك للموت
المضلوم يضل مضلوم
صح عرسك ماتم بخير ياوسفه
العنده حسين بشده يصير يازفه !!
عماتك حجن يا ابن الحسن
<<<<<<<<<<<<<<<<<<<<<<<<<<<<
شايل سيفك بيدك من حلت ساعاتك
ابن الزاد بصحنه راوايهم صولاتك
صار حسين اباله من ترسم غاياتك
فوك لسانه حسينه يامحله حجاياته
عمرك تفني لحسين
رمله وتهتف كل حين
اترك عرسك هاليوم
بالجنه ايصير ثنين
شد عصابه وفوك الراس من شافك
غيره وناموس واحساس بوصافك
وهمومك كضن يا ابن الحسن
<<<<<<<<<<<<<<<<<<<<<<<<<<<<
عيش لحظه بطفك وارسم بيدك نصرك
قبل حسين بيومك كون تقدم نحرك
جفك شال الحنه وطفك يكسر ظهرك
رادك هسه حسينك بس ما رادك دهرك
عرسك جان العنوان
بس من تخلص احزان
رحمت ربك وياك
بطفك صرت القران
انت وعمك والعباس عالرايه
دكو ثايه بوسط الموت والغايه
تتخلد وطن يا ابن الحسن
<<<<<<<<<<<<<<<<<<<<<<<<<<<<
مؤمل هاني القريشي
سبب موتي قضية
صعب زينب سبية
اسكت والدمع يحجي النهاية
متت جم مره بدروب السباية
ويلاه ◇◇ ويلاه
◇◇◇◇◇◇◇◇◇◇◇◇◇◇
انه السجاد اسولفها القضيه
مصايب كلبي كلهه الغاضريه
صعب عمتي يمشوها سبيه
والاكثر جسم ابويه عالوطيه
بالدمع ◇ انفجع ◇ كلما يمر طاري اليسر
بالالم ◇ والسهم ◇ كلبي يعالم ينكسر
اسولفها المصايب
تره مفارك حبايب
اٌ ياكربله وكلج رزايه
متت جم مره بدروب السباية
ويلاه ◇◇ ويلاه
◇◇◇◇◇◇◇◇◇◇◇◇◇◇
اسكت والدمع كاتب مصيبة
زينب بت علي صارت غريبة
عجيبه وياخلك والله عجيبة
سبية وكلهه صاحت عالحبيبة
عبرتي ◇ وموتتي ◇ من حركو اخيام النبي
العايله ◇ بكربله ◇ ياوسفه لمن تنسبي
بعد كسر الخواطر
دمع عيني يكابر
لاضلت خيم لا ماكو رايه
متت جم مره بدروب السباية
ويلاه ◇ ويلاه
◇◇◇◇◇◇◇◇◇◇◇◇◇◇◇
بعد ذاك السبي وعيوني حمره
ابويه من الكفه قطعوله نحره
ماينعرف صدره منين ظهره
الله يساعد الزهره وتنضره
جم جرح ◇ بالذبح ◇ حته السمه تبجي دمه
بهالاثر ◇ والنحر ◇ تبجي وتنادي فاطمه
انفجع كلب الزجيه
عله حسين واخيه
قصت كربله تروي منايه
متت جم مره بدروب السباية
ويلاه ◇ ويلاه
◇◇◇◇◇◇◇◇◇◇◇◇◇◇◇
فلا يبرد مصابي وتكثر جروح
لان حسين باقي الهسه مذبوح
منيتي بهالدمع من تطلع الروح
كمر عالمشرعه ضل باقي مطروح
والكمر ◇ عالنهر ◇ انكطعن جفوفه ومن وكع
من الحرم ◇ وانحرم ◇ ضل عالنهر لا مارجع
سمعته وتجري عيناي
لان ماجايب الماي
يكول جفوفي فدوه ومو كفايه
متت جم مره بدروب السباية
ويلاه ◇ ويلاه
◇◇◇◇◇◇◇◇◇◇◇◇◇◇
نهاية كل عمر لو يكضي حسرات
تسولف دمعته مو مره مرات
اكيد ابلايه اشك ابكلبي كلمات
تجرح كلبي لو ينكال خيمات
الحرم ◇ ابلا خيم ◇ حته المدامع شيبت
والصعب ◇ بالغرب ◇ نسوانه وبيها انسبت
الجرح يلجمني كل ساع
حرت من هذا الوداع
اول كلمه وارجع للبدايه
منا جم مره بدروب السباية
ويلاه ◇ ويلاه
◇◇◇◇◇◇◇◇◇◇◇◇◇
خادم الحسين || مؤمل هاني القريشي
شفت النهر يبچيلي من عاتبته
يا ماي وين العاش بعيون اخته
جيتك بكسرة ظهر
امن المخيم للنهر
◇◇◇◇◇◇◇◇◇◇◇◇
اسئلك يانهر بس رد سؤالي
عفت يمك كفيل هواي غالي
اكيد الماله اول ماله تالي
دريت المشرعه تاخذ دلالي
طبع اليسافر مو اكيده الرجعه
خدي ولا فد يوم عاف الدمعه
مختصر كل الدهر امن المخيم للنهر
◇◇◇◇◇◇◇◇◇◇◇
فوك لساني ضلت وين ماوين
عله العباس مره ومره لحسين
شفت يم النهر مكطوعه جفين
سمعته يكلي فدوه جفوفي والعين
ممنونه منك خويه بس خجلانه
ليش الكفلني تنكطع ذرعانه
ما خلص عندي القهر امن المخيم للنهر
◇◇◇◇◇◇◇◇◇◇◇◇
سوالف عالنهر مكتوب بجروح
من كالو كفيلي اليله مذبوح
والتفارك اخيها شلون متنوح
بعيوني خيالك وين ما روح
اكعد يخويه واستمع حسراتي
وانه بغيابك تحترك خيماتي
الطف ترس عيني صور امن المخيم للنهر
◇◇◇◇◇◇◇◇◇◇◇◇
حزن كلبي فلا يصبح مثيله
اصبحت ياخويه بفراكك نحيله
بليل اليسر ياهو الشتكيله
ذبل وجهي وصرت بعدك عليله
ادعي بوجودك الله كون يديمه
بس شو عفتني وما بقتلي خيمه
جرحي من هذا الأثر امن المخيم للنهر
◇◇◇◇◇◇◇◇◇◇◇◇
فلا تخلص مصايبنه العديده
وحيده ابلا اخو ابقه وحيده
عرفت المشرعه وادري بعيده
اخويه وارد اشمه من وريده
بس عالنهر شفت يخويه ابلا راس
تيهت دربي من غياب العباس
مقطع وصاير وذر امن المخيم للنهر
◇◇◇◇◇◇◇◇◇◇◇
نهاية عمري بالحظه الاخيره
من يم النهر واطلع اسيره
يشمتون وعله طول المسيره
وينه كافلج بدر العشيره
شحجي وشجاوب والالم يذبحني
ذاك الضربني وذاك اليسلبني
وانه بجفوف القدر امن المخيم للنهر
◇◇◇◇◇◇◇◇◇◇◇◇
لخادم الحسين || مؤمل هاني القريشي
انتباه انتباه
الخدمه عدكم امانه
◇◇◇◇◇◇◇◇◇◇◇◇◇◇◇◇
اعرف حسينك مثل ما تعرف اسمك
خل ابو اليمه عدل يجري ويه دمك
عوف هذا وذاك بس حسين همك
والشعائر مدرسة تبقه وتعلمك
انتباه انتباه
حسين يامحله حنانه
◇◇◇◇◇◇◇◇◇◇◇◇◇◇◇◇
ما عليك اليحجي من اهل ملامه
بالخدامه راسك المرفوع هامه
بالطم ارسم على صدرك علامه
هالعلامه تتضح يوم القيامه
انتباه انتباه
جنه للخادم مكانه
◇◇◇◇◇◇◇◇◇◇◇◇◇◇◇◇
حافظ اعله الخدمه والخيرات بيها
هاي نعمه من الله وينه اليشتريها
النعمه والنعمه لتتكلب عليها
الزهره كل الرحمه موجوده ابديها
انتباه انتباه
المخلص بهذا الزمانه
◇◇◇◇◇◇◇◇◇◇◇◇◇◇◇◇
لوردت تحفظ خدمتك للنهايه
لاتبالي شما حجو من البدايه
المهم حسين عندك هو غايه
برأيه العباس اسمك تلكه ايه
انتباه انتباه
احنه ميتين وحيانه
◇◇◇◇◇◇◇◇◇◇◇◇◇◇◇◇◇
انه اعشك اربع حروف وأنافس
حاء سين وياء نون بقلبي حابس
صرت مجنونك مثل مجنون عابس
تعلمت من زغري حبك بالمجالس
انتباه انتباه
حسين باقي بكل سكانه
◇◇◇◇◇◇◇◇◇◇◇◇◇◇◇◇◇
عندي كلمه بكل قلب هايم دليله
احنه غير حسين ماعدنه وسيله
قاضي الحاجات يبقه وتشتكيله
غير ابوفاضل يضل محد بديله
انتباه *** انتباه
حسين كل شده اجانه
◇◇◇◇◇◇◇◇◇◇◇◇◇◇◇◇◇
خادم الحسين || مؤمل هاني القريشي
شويه واجيج من كلتي لمن سافرت
شويه واجيج لا يمنه ولا يسره شفت
شويه واجيج صدكني بغيابك متت
شويه واجيج شويه واجيج
__________
ها يخويه ◇كلي وينك ◇ وانترس كلبي قهر لمن صحتلك
الكلمه تعثر ◇ بنص لهاتي ◇ كلت ما ترجع عليمن اشرتلك
يراحة بالي ومنين الكه راحه
نحرك بالرمح كثرت جراحه
يطير اعله النهر كسرو جناحه
شحجي بعد ياناس انه الماعندي اخو
شحجي بعد بس انت غيرك وين اكو
شحجي بعد ياروحي بعدك سافرت
◇◇◇◇◇◇◇◇◇◇◇◇◇◇◇
شويه منك ◇ ردت خويه◇ قدمتلي اجفوفك وصارن عزائي
فوك جفك◇ طفت عينك ◇ريت سالن مو دمائك لا دمائي
تره الخنكتني الكلمه بس جبيره
ترس أذني يصيحولي الاسيره
يوسفه سافرت كلمه اميره
واحد يكول انتي السبيه وابتسم
واحد يكول يالحره ماعندج خيم
واحد يكول انه الاخير اتشمتت
◇◇◇◇◇◇◇◇◇◇◇◇◇◇◇◇◇
كربلائك◇ بيها حزني◇ بيها كل الضيم بس انه الوحيده
مدللاتك ◇بهيمه صارن◇ هاي تاليها بمصايبنه الجديده
انه المتحزمه بضيم المصايب
جنه بخير بس هسه بخرايب
لا ضلت خيم بعد الحبايب
ما تنسبي العدهه زلم مثل الكمر
ماتنسبي بس هي صارت بالقدر
ماتنسبي بهمومي خويه اتحجبت
◇◇◇◇◇◇◇◇◇◇◇◇◇◇◇◇
رحمة الله ◇انت يمي◇ و بغيابك خويه محد مارحمني
ذاك شامت◇ ذاك يضحك◇ خويه جم مره صحتلك من ضربني
تره اليكتلني من ضربو رقيه
تنادي عمتي لحكو عليه
كلما اقترب تدنه المنيه
متني هدل كد ما يضربوني العده
متني هدل حسين و اشوفه الوحده
متني هدل فوك الهزيله اتركبت
◇◇◇◇◇◇◇◇◇◇◇◇◇◇◇◇◇◇
راسي شيب◇ رمشي شيب ◇بلكي اموتن مو شلع كلبي وداعك
شنسه منك ◇وانت روحي◇ إسهام وارماح ومنيه بجتماعك
شسوي بالهوه بدونك حبيبي
يضل دمعي و يضل بعدك نحيبي
بده يطلع جمر نار بمشيبي
اخر كلام خل انهي هاي مساله
اخر كلام راحولي اخو ابكربله
اخر كلام شكد خويه انه تعذبت
◇◇◇◇◇◇◆◇◇◇◇◇◇◇◇◇
مؤمل هاني القريشي
يايمه وكسرج كسري
بعدج ما ينفع عمري
____
أنه حسينج ياروحي
ما يخلص بعدج نوحي
بغيابج شفت جروحي
ياحسره و حيرة امري
_____
رحتي وياثكل ايامي
بعيوني تموت احلامي
مو ماي لوجهج ضامي
نار اشواكج كل جمري
____
كلشي بدونج مايسوه
الدنيا اخلافج مو حلوه
بلوه وعفتيني ابلوه
صعبه وبس ربنه اليدري
____
بسمارج باجر صاير
جم سهم ودوست حافر
ما ادراك ما العاشر
نواسيج بسحت صدري
____
نارج تشبه نيراني
بابج ناره بصيواني
عدوانج هم عدواني
بالطف يتعظم اجري
___
سطرة عينج تتحول
سياط وزينب فوك التل
بنتج لازم تتحمل
لو صاحت سلبو خدري
___
كلشي البارينه نطينه
بالكافل هم ضحينه
ذب جفه وراحت عينه
عباس ويكسر ظهري
____
مؤمل هاني القريشي
https://youtu.be/3LX8CB6aZuc?si=lNTae_KmIMl5ktV6
Читать полностью…
https://youtu.be/UMkZLeF4KCU?si=PZQAzk8vOwl3dZ7V
Читать полностью…
لسان حال مولاتي الزهراء وهي تخاطب ابنها الامام الحسن عليهما السلام
بعيني الدنيا ضلمه الله وياك يمه
***
يمه يالمسموم نعشك بالحزن قادم الي
اكعد اكعد من صحتلك كوم يبرالك علي
دنيا ضلمه وكلها سكته بس ونيني اليعتلي
حيل اذاني غيابك ياولي ونعم الولي
حزنك لو ارسمه الله وياك يمه
***
حسين اخيك يمه صاحك ليش رايح من وكت
وأنه الطم فوك رأسي ويه اخوتك من نحت
بين أدين الباري يمه شي اكيد استشهدت
سافرت روحي لمقرها من اشوفك سافرت
وداعك ما افهمه الله وياك يمه
***
تعمه عيني من البواجي وأنه فاركت الولد
عمري لو طال بغيابك والله ماينفع بعد
هذا حزني وهذا دمعي ما اله يايمه حد
كلي ترجع من سفرتك كلي وانطيني الوعد
ضلت بيه كلمه الله وياك يمه
**
ياتعب كلبي ونحيبه وياتعب ذاك العمر
صعبه من شفت بيديه وصعبه اشوفك بالكبر
وانتظر يمه تجيني وابقه بعدك انتظر
ياذخر للشده اريدك هسه ماعندي ذخر
يالمسموم دمه الله وياك يمه
*
كلمة المسموم صعبه بالولد من تنسمع
كلبي من جذوره يمه كون بعدك ينشلع
كلشي متغير اشوفه مو مثل ذاك الوضع
راح يطشر شملنه لا بعد ماننجمع
دمعي شلون اضمه الله وياك يمه
**
مؤمل هاني القريشي
قصائد المشايه
اجيناك على النوك ورفعتلك رايه
شرط بربعينك اول المشايه
جيت برزيه بالغاضريه
زينب زينب زينب زينب
____
يابعد اختك واجيتك راح اموت بنوحي
تدري من يوم عفتني وأنه طلعت روحي
اربعينك أربعيني ياطبيب جروحي
بعد شيفيد الشموخ وأنه ميته سفوحي
بجي هواي عالنحور بيها تخلص عيني
الى الموت الى الموت ما اعوف حسيني
كالو سبيه بالغاضريه
زينب زينب زينب زينب
____
مابعد كسر الخواطر كسرتي بحساسي
ياهوه ومن ضيعيتك وين اشم انفاسي
يا اعز من روحي صاير وانت اعز من ناسي
كوم و اتلكاني خويه كوم وارفع راسي
بقت حسره بيه شلون اوصفك بيها
شمرهم بالسياط زينب اماذيها
خويه المنيه بالغاضريه
زينب زينب زينب زينب
_
حاوطت بيه المصايب وانت وينك وينك
ماشفت طولك يغالي وما شفتها لعينك
عمت عيني من وصلتك بالدمه مجفنينك
عالرمح ياخويه وسفه خلصتها سنينك
بالرماح والسيوف تختصرها جروحك
بالاسياط يضربون وانت طلعت روحك
ماضل حميه بالغاضريه
زينب زينب زينب زينب
_
عن رقيه شلون اسولف ياجبير احزاني
ضلت اتنادي يبويه وبالمصيبه اتعاني
وين ابويه بحسره تسئل عمه شو ماجاني
جابو الرأس بحضنها وماتت ابحضاني
يغربيها بالشام من تعيش احزانها
بالدموع على حسين ينتهي عنوانها
والهم عليه بالغاضريه
زينب زينب زينب زينب
_
اخر حجايه بدمعتي بيها كسرة خاطر
الصاير بذبحك يخويه بالخلك ما صاير
صدرك البي رحمة الله شلون داسه الحافر
صوت طك اضلوعك اسمع بيها عظمي الكاسر
نخيناك بالضعون كوم وافزع لينه
اويلاه على حسين والعده مكطعينه
جثه رميه بالغاضريه
زينب زينب زينب زينب
_
مؤمل هاني القريشي
ثورتها ثورة زينبيه
لا مو غريبه ولا سبيه
______
يكصر كلامي وتخلص انفاس
شلون ارد اوصفج وانتي الاحساس
اسمج يزينب يرفع الراس
حيدر اشوفج مره عباس
راح اكتفي بالهاشمية
لامو غريبه ولا سبيه
______
عن يا هضيمه الصعبه تنكال
شلتي المصيبه بحمل الجبال
بعد الكفيل وصرتي كفال
ياوسفه صارت بيدج احبال
والدمعه صارتلج هويه
لا مو غريبه ولا سبيه
______
الشافت اخوها فوك الرماح
شلون العقيله كلي ترتاح
ضلمه الدرب لو كل طفل طاح
حسين السفينه وراسه مصباح
صاح بحزن بالغاضريه
لامو غريبه ولا سبيه
______
كلشي ابدونج ماله عنوان
للدمعة جنتي ام الاحزان
للشام اجيتي وصرتي طوفان
بقصر الظلم هدمتي الاركان
انتي البطولة الحيدريه
لامو غريبه ولا سبيه
______
بمجلس يزيد تعجبو بيها
بت حيدره من يكدر اعليها
مثل الكمر كالو محاجيها
كلبتها من سافلها عاليها
لبوة علي بهاي القضيه
لامو غريبه ولا سبيه
______
صدمت يزيد بقصره والغايه
يحجيله كلمه تسكته بحجايه
مو هينه زينب زينب هوايه
انطت وعد ماتوكع الرايه
تبقه الاصيله الفاطميه
لا مو غريبه ولا سبيه
______
مؤمل هاني القريشي
بالغيرة واحدهم يوج نار
يحسين عندك خوش أنصار
_
لو ردنه نوصف صحبتك زين
مانكدر شما مرت سنين
تقيمك انت هواي يحسين
يالعيشتهم جنه مرتين
وانت اليحبك يملك اسرار
_
وكفو جبل كدامك هناك
يحسين صاحو كلنه وياك
انت الهوه المامره ننساك
ماردنه دنيا والله ردناك
متهمهم شما مرت إخطار
_
صارو حزم من صفو الراي
عطشو اكيد وحبك الماي
شراي وكت الشده شراي
كل الينصرك يبقه وفاي
سبعين ثبتو والوكت دار
_
من الكتاب الاصله مضمون
تلكه اليحبك اصله مجنون
امثال عابس سيدي وجون
لحسين هاي ارواح يفدون
والانطه دمه ما نطه اعذار
_
دكو صدرهم سيدي عليك
ارتاح كالو واحنه نفديك
من بعد ربك كلنه نحميك
تدري العدو لمن يحاجيك
نكلبها بيهم مثل الاعصار
_
بتاريخ دخلو أوسع ابواب
والحومه صارت كلها تنهاب
من طب حبيب وطير اركاب
من دمهم وصباغها التراب
يالدمنه يمك كل وكت حار
_
يم ظهرك ومن صرنه الحزام
نام برغد بس احنه منام
منخلي واحد يحرك خيام
نوكف درع كدام الاسهام
بالموزمه شيصير لو صار
_
مؤمل هاني القريشي
وصية ام البنين عليها السلام
إلى ابنها أبا الفضل العباس عليه السلام
مثل لمة حطب لمهم وصيتي بالطفوف
اريد اليسمع ب اسمك تخلي بكلبه خوف
ابابيل الحرب جبتك يالتعادل الوف يابا الفضل
»»»»»»»»»»»»»»»»»»»»»»»»»»»»»
خلي العده بالمعركة مثل الورق بكيفك طبكهم وارجع
كون التسطره بيمنتك يم النهر تخلي الواحد
مايسمع
جيش ال اميه بجفك ومن العرك بيدك لازم يتشلع
مابيهم زلمه وكولوله
صما بكما عميا ذوله
الشافو بس عباس وطوله
خوش الكافل لاعب جوله
اريد الشايف الكافل يبلعم بالنزال
دكلولي اكو واحد يقاتلي جبال
النوه موته نطق سيفه هلا بجيتك تعال يابا الفضل
»»»»»»»»»»»»»»»»»»»»»»»»»»»»»
باب التطوع خل يفتحونه بعد ابني الكافل خلصهم
يمه واريدك بالظهر تنزل شمس تحركهم لو تحركهم
لا رحمه بس صير بوسطهم عاصفه كون بخوفك طيرهم
بيض وجهي كباله حسيني
خاطر للباري اتعليني
لو ترجع لا متوفيني
كال انطيج جفوف وعيني
جبل سؤي جماجمهم اذا سيفك يسل
يبعد امك واريدنك فعل واصل الفعل
إذا حلت منيتهم تولاهم غسل يا أبا الفضل
»»»»»»»»»»»»»»»»»»»»»»»»»»»»»
يايمه اعكد رايتك وسط الحرب ثبت بيدك صولاتك
لاسيف يحتاج ودرع لو قاتلت تكفي بعينك خزراتك
مولاي لحسين بحذر لو صحت اله وهنا زينب مولاتك
هذا صوت يطيب اسامعك
يايمه معدل من كاعك
كون يفرح كلبي وداعك
لو شفتك ذبيت شراعك
شراعك بالقصد جفك على حسينك كطيع
إذا مو عالنهر توكع تره رباتي تضيع
أريدك عالخيم توكف مثل سد المنيع. يا أبا الفضل
»»»»»»»»»»»»»»»»»»»»»»»»»»»»»
يايمه طفك لوحه وارسم غايتك يبن الماثنه بسيفه
اخبطها بيدك وانت بن بحيدر علي ابني الكافل وبكيفه
صدر بيان وشافه عزريل الملك وقع والميت ضيفه
من عيونه مبينه اللمحه
صاح الكافل بيدي الرحه
ياعزريل بطفي اتنحه
اكلب ليلي واكلب صبحه
قسم بالرافع السبعه يسؤي المايصير
يطبكهم يطشىرهم عليهم من يغير
يفنكم لو كدرتوله (صحت هل من نظير) يا أبا الفضل
»»»»»»»»»»»»»»»»»»»»»»»»»»»»»
اكلب عنوانين الحرب عالمشرعه غير تاريخ القاده
وين ابن ود ومرحب وهسه شمر راحو بس تبقه ساده
صيح أنه خادم للحسين ابكربله هاي الخوه المعتاده
يالغذيتك بس امروه
يالكافل يا أصل الخوه
كتلك ما عيد بهل نخوه
دير البال حسينك يسوه
جفوفك يمه وعيونك فده وفدوه نذر
لبو الأكبر بعدك امك اريدنك ذخر
أريدك عاصفه بطفك واريدك تنتصر يا با الفضل
»»»»»»»»»»»»»»»»»»»»»»»»»»»»»
مؤمل هاني القريشي
ياحسين. يا غريب ويه الغريب
ياحسين اقصد المهدي الحبيب
ياحسين بعده لجروحك مجيب
»»»»»»»»»»»»»»»»»»»»»»»»»»»»
المهدي وراث من بعد عينك مصايب
ادعي الله يساعده الفاكد حبايب
هاي ثامنها بعد سبع العجايب
الحجه من طف كربله سؤيته شايب
رمشك وشعرك بالحزن شيب شيب
يصعد نفس ينزل نفس تنحب تنحب
شي اكيد. يبقه حزنك عالمه
شي اكيد. صارن دموعه دمه
شي اكيد. من فرح كلبه سليب
»»»»»»»»»»»»»»»»»»»»»»»»»»»
موقف شكد ماصعب يصعب اشرحه
رمح البراسك اضنه يصير رمحه
طاري زينب ع الهزل يمكن يذبحه
مو بعيده وبالثواني يزيد جرحه
شمعه وحياتك تخلص بدمعك دمعك
جن خيل اميه تسحك بضلعك ضلعك
والعذاب. يشرح النه الماحصل
والعذاب. وحده ماعنده اهل
والعذاب. كلش بروحه قريب
»»»»»»»»»»»»»»»»»»»»»»»»»»
الف عام وحزنه باقي وماتغير
عمره يكبر تعبه يكبر دمعه يكبر
اااخ كلشي يصيح من يذكرله منحر
ينهضم يم طاري جسمك من تطشر
دون البشر متمر علي فرحه فرحه
كل عمره ليل ومايجي صبحه صبحه
عالارض. طشرو كل الصحف
عالارض. انت القران بوصف
عالارض خدك وجسمك تريب
»»»»»»»»»»»»»»»»»»»»»»»»»»»
ياحسين بداعت الراحت سبيه
للفرج عجل على الطلعه البهيه
ياخذ بثأر الضلع والغاضريه
والسبايا والعقيله الهاشميه
سبحانه صبرك جبل لو شاله شاله
جان انهدم ساعتها تبراله تبراله
والدعاء واحد وماله مثيل
والدعاء يأخذ بثأر الكفيل
والدعاء. اندعي ب أمن يجيب
»»»»»»»»»»»»»»»»»»»»»»»»»»»
مؤمل هاني القريشي
السلام عليكم
تم تنزيل برنامج محرم العشره الاولى ☝☝☝
وبخدمة خدام الحسين ع
لا تنسونا من دعائكم
ونسال الله القبول
ونسالكم الدعاء في مجالس الحسين ع
الله خالقني لخدمتك ياحسين
احمد الله اعله لطم واعله الونين
ياحسين * ياحسين
********
كل مسيه الحمد الله عالعزاء
الله لا يحرمني من هذا الولاء
كل محرم ابتدي بون وبكاء
اقره اه يحسين لطميه ودعاء
نوح ودمعه وقرايه اقره ودمعتي هايه علامه
إلهي زيد احزاني وعله لعباس عنواني علامه
لوبديه اقطع جفوف ونحر
ولجل زينب انه اتقطع وذر
ياحسين * ياحسين
**********
يالخدمتك ماي صارت ولهوه
الدنيه ظلمه وانه محتاجك ضوه
يالصرت لجروحي وحزاني دوه
الما يخدمك ايده بنار نجوه
انته الأول وتالي تبقه اغله كل غالي حبيبي
غيرك ما الي غيرك رازقني الله من خيرك حبيبي
لخير كله بخدمتك يابو علي
وانه من دونك تره محد الي
ياحسين * ياحسين
*********
عمري عاشوراء واهات وحزن
ريت صدري بدال صدرك ينسحن
ريت سوط الشمر يضربلي لمتن
بدال زينب ضلت تنوح وتون
يحدي شمر بالعيله زينب ياهو تشكيله المها
مصايب كربله هوايه** الضعن باقي بلا رأيه المها
زينب بدرب اليسر تبجي دمه
مكيده ومسبيه بت حامي لحمه
ياحسين * ياحسين
********
يساعد الله كلب زينب بت علي
من تشوف حسين رأسه يعتلي
من تشوف اعله نهر ميت ولي
هذا عباس الكمر كافل الي
ما عندج تره كافل يحره والدمع سايل بالطفوف
الله يعينج بحاله تشوفي حسين جتاله بالطفوف
ونهاية ماتت بديرت غرب
وبكبر زينب مدامعهه تصب
ياحسين * ياحسين
*********
انته لو مو انته شيفيد العمر
يعني اذا همي كبر المن أمر
خيمه صاير وانه كلبي منكسر
الما يندبك هذا كل عمره كبر
حياتي كلهه وايامي اعطش لسمك الضامي يمولاي
اريدك هوه لنفاسي وشوفك تاج وبراسي يمولاي
الما يخدمك هذا ميت بالحياة
وبالقيامه ماتفيده اي صلاة
ياحسين * ياحسين
*******
عيني ماتقبل تهل الا دمه
وبمصابك تبجي يابن فاطمه
يعينك الباري على هل مظلمه
عليك ناحت هالأرض وأهل السمه
فطرس ينعه باهاته ينوح وتجري دمعاته يمذبوح
الملائك تسجد بابك ترتل حسرة بمصابك يمذبوح
حته جبرائيل ينصبلك عزاء
وليله العاشر نشوفه بكربلاء
ياحسين * ياحسين
*******
لخادم الحسين
مؤمل هاني القريشي
بالروئيه شفت المهدي مجروح
طف كربله عن باله ميروح
واويلي تصرخ عله المذبوح
◇◇◇◇◇◇◇◇◇◇◇◇◇◇
بهموم قلبه الكه حسينه
والكه الكافل بلا جفينه
النفس كوه تجره بكثر الالام
اكيد بكل نفس محروكه الخيام
صدى بروحك اسمعه بصوت الأيتام
جرح قلبك مخيم باقي كل عام
آهات كلبك تندب حسين
دستور عندك صار الونين
للنوح تبقه مصدر النوح
واويلي تصرخ عله المذبوح
◇◇◇◇◇◇◇◇◇◇◇◇◇◇
جرحك يكبر كلما تسمع
اه يحسيني بروحك تصدع
عله طول الزمن كلبك ميبرد
حرارة بروحك وهيهات تخمد
شكبر جرحك يغالي وما اله حد
ولهسه باقي تبجي وي محمد
انته و محمد تلطم الرأس
عن الحسين وخيه عباس
عن العقيله الدمع مسموح
واويلي تصرخ عله المذبوح
◇◇◇◇◇◇◇◇◇◇◇◇◇◇
عن الخيمة ترسم صورة
الدمعه بخدك بس مكسورة
من دموعك انظر خيمة واطفال
وشوف حسين نايم فوك الرمال
شفت منظر أليم يهدم الجبال
شفت زينب سبيه بين الارجال
كل يوم تنصبلك عزية
عن عمتك الراحت سبية
بالجسم ماظلت بعد روح
واويلي تصرخ عله المذبوح
◇◇◇◇◇◇◇◇◇◇◇◇◇◇
كل سنينك خلصت بالهم
وأكبر همك يبقه محرم
اجرحك لو كلت زينب غريبه
الله يعينك بهاي المصيبه
حبيب بهالشهر فارك حبيبه
تعيش بيا الم والله عجيبه
وتكظي يومك كله آهات
عايش يمهدي عله الدمعات
ملجوم لن حسين مطروح
واويلي تصرخ عله المذبوح
◇◇◇◇◇◇◇◇◇◇◇◇◇◇
لابد تظهر وبيدك رايه
من الكافل بيهه الغايه
عله الرايه كتبت ثارات الحسين
وين احفاد اميه والشمر وين
تسهيل امرك اقره لام البنين
اقره الفاتحه والدمعه بالعين
ياحجة الله وصوتي ناداك
الله ومحمدنه وعلي وياك
جبريل ناده وصوته مبحوح
واويلي تصرخ عله المذبوح
◇◇◇◇◇◇◇◇◇◇◇◇◇◇
خادم الحسين || مؤمل هاني القريشي
هذا كمرنه وللحرب قائد
جيش ال أمية شافهم واحد
يفدي النحر والجفين ** بس كله فدوه لحسين
هذا كمرنه
*********
لو راد يمشي عله الكاع بالحومه صاير زلزال
معروفه عنه بالكمر والطول جن طول جبال
من شال بيده البتار يعني ابتده يغير احوال
كله همه بس يرضه حسين معلي بالقيل وقال
كله روحه يفديهه لجل زينب
هل من مزيد وصاح ما اتعب
يخلص عددهم هالحين ** بس كله فدوه لحسين
هذا كمرنه
********
بسورة رعد جان الموت والفلق تقره والناس
بكلوبهم زارع خوف والنعم منك عباس
تغير كفرهم ظليت مسيطر عليهم وسواس
بهالحاله بس يبقه السيف وبراس خل يطخ راس
والموت الحمر اسمك تسمه
مبتسم كاعد ظل ابو اليمه
يحتار يبدي ومن وين ** بس كله فدوه لحسين
هذا كمرنه
********
وسكينه حاجتك وين ياعمي جيبلنه الماي
كتلهه سهله تاومرين والنهر جبته بيمناي
افنيها كله وارتاح والشمس صارتلي فياي
مو جربه اجيبن وياي كل النهر جبته وياي
والنهر لمن باوع الطولي
يسكينه تحت امرج فقط كولي
سيفي وخزرتي بسيفين ** بس كله فدوه لحسين
هذا كمرنه
********
لو راد يفنيها بيوم مثل القيامه والموت
حتما عليهم محتوم وبلا كلام ولا صوت
بالنار خليت الجيش ما يكفي ليهم تابوت
والطف بحر بي عباس بس هو صارلهم حوت
كل خزره منك يرجف العسكر
حيدر الثاني وكلها تتصورر
والمفر صاحو ومنين *** بس كله فدوه لحسين
هذا كمرنه
********** *
والزلمه بيكم يحتار فنه الي يوصل لخيام
ماتبقه روح ولا راس واحدكم يصير اعضام
بس أرفع ايدي لله تمطر اخليها إسهام
حيدر أبويه الكرار وحسين الي صار احزام
حد الله خيمه زينب الكبره
كلمن تجرى ينحفر كبره
احفر كبركم مرتين *** بس كله فدوه لحسين
هذا كمرنه
********
مؤمل هاني القريشي
ضامي ضامي يا امامي يا امامي ضامي ضامي
◇◇◇◇◇◇◇◇◇◇◇◇◇◇◇◇◇◇
خلصن اسنين المحنه وحانت سنين الضياع
واني من عمري احصل بس وداعا في وداع
يا اخو اختك ما تردلي الكاع عطاشنه أعله كاع
شو رحت بويه وعفتني والسفينة ابلا شراع
من ونيني ومن سلامي يا امامي ضامي ضامي
◇◇◇◇◇◇◇◇◇◇◇◇◇◇◇◇◇◇
يا هوه التشتمه ريتي وما خذ وياك الهوه
بويه صدكني بغيابك الدنيا ضلمه ابلا ضوه
تلكه الي يودعله غالي بكلشي مايرهم دوه
ميته من صحراء حزنك وخدي بالدمعه ارتوه
اختصرها بكل كلامي يا امامي ضامي ضامي
◇◇◇◇◇◇◇◇◇◇◇◇◇◇◇◇◇◇
ضايعه بفترة غيابك والحزن بيه جبير
انه بت خير بوجودك والنعم من الامير
هسه مكسوره بدموعي دمعتي مالت فقير
وانه اصرخ كل حياتي (هل هنا هل من مجير)
جرحي يكشف عن ختامي يا امامي ضامي ضامي
◇◇◇◇◇◇◇◇◇◇◇◇◇◇◇◇◇◇
السالفه الما بيها انته ما احس بيها طعم
لو اعد احزاني كلها مايوصفه اي رقم
من معادلة المسافه وجرحي ماضن ينلضم
هي البنيه حنينه بدون ابوها تنهظم
دمعي ينزل وبخيامي يا امامي ضامي ضامي
◇◇◇◇◇◇◇◇◇◇◇◇◇◇◇◇◇◇◇
وينه كل ذاك الحنان الجان مرهم للجرح
بويه ما متعوده اشوفك وانت نايم عالرمح
تدري البنيه بغيابك تبقه مكسورت جنج
مختصر كل هذا وني بجرحي بس تلكه ملح
تبجي عيني بكل هيامي يا امامي ضامي
◇◇◇◇◇◇◇◇◇◇◇◇◇◇◇◇◇◇
مؤمل هاني القريشي