Mubaşşir Ahmad

23 Aug 2025 15:27

Қабримга тупроқ тортганларида, устидан нон ушоқларини сочгин. Шунда қабрим узра чумчуқлар чирқиллайди. Уларнинг овозларини эшитиб, ёлғиз қолмаганимни ҳис қилайин.

@MubashshirAhmad

Mubaşşir Ahmad

22 Aug 2025 10:15

Айни дамда исломни рад этиш ўзига ўзи суиқасд ва барбод бўлиш йўлидир. Балки бу мустамлакачиликнинг кўз қувончидир.

Шайх Муҳаммад Ғаззолий

@MubashshirAhmad

Mubaşşir Ahmad

20 Aug 2025 15:28

Oilalar mustahkam, farzandlar tarbiyali bo’lishi hamda dinimizning go’zal ahkomlarini joriy qilinishi uchun ham ayollar ilm olishi zarur.

©️Mubashshir Ahmad


#unutmaymiz_unuttirmaymiz #mubashshirahmad #Ayol #madrasa #Islom #ilm #WomenOfKnowledge #Islam #LightOfKnowledge
#KadınVeİlim #İslamiBilgi #İlimIşığı #MarifetYolunda #toshkent #istanbul


@mezanauz_academy

Mubaşşir Ahmad

20 Aug 2025 10:21

Магар сабр қилганлар ва яхши амаллар қилганлар, ана ўшаларга мағфират ва катта ажр бор

Ҳуд сураси, 11-оят

©️Azon Global

Mubaşşir Ahmad

19 Aug 2025 16:47

Мубашшир Аҳмад – олимнинг машаққатли йўли

©️Azon Global

Mubaşşir Ahmad

19 Aug 2025 15:04

Устоз Мубашшир Аҳмаднинг адвокати Абдуллоҳ Содиқ билан биринчи суд мажлиси ҳақида интервью

©️Azon Global

Mubaşşir Ahmad

19 Aug 2025 13:52

Устоз Мубашшир Аҳмад суди очиқ, аммо ёпиқ тарзда ўтди

Айрим гувоҳлар келмагани учун суд иши шу йилнинг 8 сентябрь санасига қолдирилди.

Устоз Мубашшир Аҳмад судига журналистлар киритилган, аммо камера, телефон воситалари чекланган. Шунингдек, судда иштирок этган журналистлардан ташқарига чиқиб фикр билдиришга тақиқ қўйилган. Олий суд матбуот котиби Азиз Обидовнинг суд жараёни тўғрисида маълумот бериши кутилмоқда.

©️Azon Global

Mubaşşir Ahmad

19 Aug 2025 11:58

14:50 – Суд биноси олдига журналистлар, блогерлар ва фаоллар йиғила бошлашди. Маълумотларга кўра, Устознинг судини ёритиб бориш учун 20 га яқин журналист ташриф буюрган. Жумладан, эл суйган адиб Нуруллоҳ Муҳаммад Рауфхон ҳам шу ерда. Суд очиқ бўлган тақдирда ҳам журналистлар суд залига киритилмаслиги мумкинлиги айтилмоқда.

©️Azon Global

Mubaşşir Ahmad

19 Aug 2025 08:06

Бугун Устоз Мубашшир Аҳмаднинг суди бўлади

Бугун, 19 август куни соат 15:00да Жиноят ишлари бўйича Тошкент шаҳар Учтепа тумани судида Устоз Мубашшир Аҳмад (Алишер Турсунов)нинг суди бошланади. Суднинг очиқ ёки ёпиқ ўтиши ҳозирча номаълум. Кенг жамоатчиликдан шу халқ, шу миллатнинг икки дунё саодатига эришишини исташдан бошқа дарди бўлмаган уламо Мубашшир Аҳмад домланинг суд ишида адолат тантана қилиши йўлида бефарқ бўлмасликларини илтимос қиламиз. Ва айни пайтда, мавжуд воқеликка нисбатан вазминлик билан оқилона ёндошишларини, ортиқча ҳиссиётларга берилмасликларини сўраб қоламиз.

©️Azon Global

Mubaşşir Ahmad

18 Aug 2025 13:59

🎉 Mezana 5 yillik akademiya bosqichi uchun qabulini boshladi!

Mezana Xalqaro Ilmlar Akademiyasi ikki bosqichdan iborat: 1 yil madrasa + 5 yil akademiya bosqichlari.

Mezana'ga asos solinishidan ko'zlangan maqsad – ilm talabidagi har bir inson uchun musulmon diyorlarida uzoq yillar davomida dars berib, kuchli ilmiy tajribaga ega bo'lgan ustozlardan Islomiy ilmlar bo'yicha yuksak ta'lim olish sharoitini yaratish edi. Bugunga kelib Mezana Xalqaro Ilmlar Akademiyasi xuddi shu muhitni ta'sis qilishga muvaffaq bo'ldi.

Mezana'ning 5 yillik akademiya bosqichida ta'lim olgan talabalar Islomiy ilmlar bo'yicha dastlabki mutaxassislik unvonini qo'lga kiritishga, ko'plab ilmlarni ijoza asosida tahsil qilishga va o'zbek madaniyatiga yaqin madaniyatlarning ilmiy me'rosidan nasibador bo'lishga muvaffaq bo'ladilar.

Akademiya ta'limi aqida, fiqh, tafsir, hadis, usul, mantiq, siyrat, tarix, arab tili va balog'ati hamda kunimizning dolzarb masalalarini muhokama qilish imkoniyatini beruvchi bir qancha dars va fanlarni o'z ichiga oladi.

Ushbu videotasvirda o'nlab katta ustozlar va yuzlab talabalar nomidan shayx Ahmad Al-Ahmad, shayx Foiz Evaz, shayx G'asson Horun, shayx Dr.Ayman Jammol, shayx Mustafo Ismoil va Dr.Suhayb ustozlarimizning sizlarga qaratilgan taklif va tavsiyalari o'rin olgan.

Ariza topshirgan talabalar Mezana Akademiyasi qabuli yakunlangach suhbat asosida qabul qilinadilar. Mezana Akademiyasi'ga kirish uchun talablar: arab tilini yetarli darajada bilish va boshlang'ich saviyada diniy savodga ega bo'lish. Ushbu bilimga ega bo'lmaganlar 1 yillik madrasa bosqichida o'qishlari mumkin.

Akademiyada darslar mutlaqo bepul. Faqat yotoqxona, taomlanish va boshqa ehtiyojlarni o'z ichiga olgan yillik to'lov mavjud bo'lib, bo'lib to'lash imkoniyati beriladi.

⌛️Qabul muddati: 1-avgustdan - 31-avgustgacha

🎓 Mezana – millat manfaati va o‘z qadriyatiga ega avlod uchun!

📲 Batafsil ma’lumot:
O'qish haqida ma'lumotlar linki 👈

✍️ Ariza topshirish:
Ro'yxatdan o'tish 👈

Telefon: +90 538 895 9757
Telegram: @mezana_qabul

Telegram | Instagram | Facebook | Twitter

Mubaşşir Ahmad

18 Aug 2025 11:02

Абу Бакр розияллоҳу анҳуга: "Эй Расулуллоҳнинг халифалари, Бадр аҳлидан амалдор тайинламайсизми?" дейишди.
У зот шундай жавоб қилдилар: "Мен уларнинг даражаларини биламан. Лекин уларнинг дунё билан кирланишларини хоҳламайман".

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

17 Aug 2025 15:38

"Ўзбекистон мустақил бўлганидан бери диний фаолият юритаётган бўлсам, бир кун (ҳам) яширинча нималардир қилганим йўқ"

@MubashshirAhmad

Mubaşşir Ahmad

16 Aug 2025 12:00

Расмий ахборот: Устоз Мубашшир Аҳмад иши бўйича суд куни аниқ бўлди

Ўрта Осиё халқлари “Азон” вақфи васийлар кенгаши раиси, “Azon” лойиҳалари асосчиси, устоз Мубашшир Аҳмад (Алишер Турсунов) иши бўйича суд куни аниқ бўлди. Суд 2025 йил, 19 август, сешанба куни соат 15:00да Жиноят ишлари бўйича Тошкент шаҳар Учтепа тумани судида, судя Бобур Раҳимов раислигида бошланади. Суднинг очиқ ёки ёпиқ ўтиши ҳозирча номаълум. Кенг жамоатчиликдан шу халқ, шу миллатнинг икки дунё саодатига эришишини исташдан бошқа дарди бўлмаган уламо Мубашшир Аҳмад домланинг суд ишида адолат тантана қилиши йўлида бефарқ бўлмасликларини илтимос қиламиз. Ва айни пайтда, мавжуд воқеликка нисбатан вазминлик билан оқилона ёндошишларини, ортиқча ҳиссиётларга берилмасликларини сўраб қоламиз.

Батафсил: https://azon.global/4484

©️Azon Global

Mubaşşir Ahmad

15 Aug 2025 13:39

📢 Qalbingizdagi nurli sayohatni boshlashga tayyormisiz?

Har bir ayol qalbida cheksiz mehr, ulkan kuch va nodir hikmatlarga limmo-lim beqiyos olam bor. Ammo ba’zan shu olamni boyitishga vaqt topolmay, o'zimizga e’tibor bermay qo'yamiz.

Unutmang! Baxtingiz, farzandlaringiz kelajagi va oilangiz osoyishtaligi — ilmga muhabbatdan boshlanadi. Ilmli ayol faqatgina o'zini emas, balki butun olamni yoritadi.

🇹🇷 Istanbuldagi “Mezana” xalqaro ilmlar akademiyasining ayollar bo'limi siz uchun ana shu nurli yo'l eshigini ochadi. Siz shunchaki talaba bo'lmaysiz, balki:

🔺 Qur’onning har bir harfida yashiringan ilohiy hikmatlarni anglay boshlaysiz
🔺 Payg'ambarimiz sollallohu alayhi vasallamning hayotlaridan o'zingiz uchun eng go'zal namunalarni kashf qilasiz
🔺 Aqida va Fiqh bilan iymon ildizlarini yanada mustahkamlaysiz.

🌟 Bu ilm dunyoga yangicha nigoh bilan qarashingizga, onalik va ayollik vazifalarini yanada teran anglashga yordam beradi. Bilim – bu sizning eng ishonchli himoyangiz va qurolingizdir.

🌟 Har bir buyuk safar bir qadamdan boshlanadi. Shu qadamni qo'yish vaqti keldi.

🎓 To'rt yillik mukammal ta'lim dasturi uchun qabul jarayoni boshlandi! Joylar soni cheklangan, shoshiling!

✍️Ro'yxatdan o'tish

Batafsil maʼlumot uchun:
📞 +90 539 481 8534

📍 Manzil: Istanbul
📅 Qabul: 11-avgustdan
🔗 @mezanamurojaat

📜 "Ayollik sharafini ilm va axloq bilan bezaymiz!"

Mubaşşir Ahmad

14 Aug 2025 13:29

Мен халқимга таъзим қиламан. Юз йиллик исломга қарши тарғибот ва қатағондан кейин ҳам ўзлигини йўқотмади, динини ташламади. Ўзи ва фарзандларига Аллоҳни танитишни, Унинг бандаси бўлишни бир лаҳза ҳам унутмади.

Диний таълим учун қўлидан келадиган ҳамма ишни қилди. Бугунда, диний таълим муаммосига муносабатда бундай якдиллик кўрсатилиши ҳам, гапларимга ёрқин мисол бўлади.

Бир ҳолатни айтмоқчиман. Танишларимдан бири айтиб берди:

Бир оиланинг устуни-хўжаси хотини ва фарзандларини олиб, Туркияга Қуръон ва дин таълими учун ташлаб келибди. Икки ойга.

Болаларнинг таътилидан фойдаланиб, шу қисқа муддат ичида катта харажатлар қилиб, фарзандларини таълимга бериб келибди. Бундай қисқа муддат учун у ерда уй ижарасини топиш қийин, топганда ҳам қиммат тушади.

Ватандошларимизда Аллоҳни таниш ва танитишга интилиш шу даражадаки, кичиккина бир имкон бўлса ҳам, шундан фойдаланяпти.

Биз бўлса диний таълимга бўлган шундай катта имкониятларимизни ўз қўлимиз билан йўққа чиқаряпмиз.

Унга қўйган тақиқимиз нафақат руҳий-ахлоқий таназзулимизга сабаб бўлмоқда, балки иқтисодий-молиявий аҳволимизга ҳам ўз таъсирини ўтказяпти.

Руҳий-ахлоқий таназзулимизни агар моддиятга чақиб кўрсак, бу талофатимиз янада даҳшатли миқёсга чиққанини кўришимиз мумкин бўлади. Балки кейинги мақолаларимизда бунга тўхталармиз.

04.07.2021

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

22 Aug 2025 13:45

📢 Mezana Xalqaro Ilmlar Akademiyasida BEPUL o'qish uchun qabul davom etmoqda!

Mezana xalqaro ilmlar akademiyasi sizga bepul, tizimli va eng asosiysi ishonchli ta'limni taqdim etadi

Akademiyada o'qish mobaynida:

🔘 Har kuni dunyo miqyosidagi nufuzli ulamolardan ilm olish imkoniyati;

🔘 Mutlaqo BEPUL ta’lim - barcha darslar, kutubxona va ulamolar bilan qiziqarli suhbatlar tekin. (yashash ruxsatnomasi va yotoqxona mustasno albatta);

🔘 Turkiyaning nufuzli universiteti diplomi va yashash uchun ruxsatnoma - bitiruvchilarimiz uchun Fatih Sultan Mehmet Vakıf Universiteti diplomini qo‘lga kiritish imkoniyati.

⏳ Talabalar imtihon asosida qabul qilinadi. Darslar arab tilida bo'ladi. Joylar soni esa cheklangan, shunday ekan, shoshiling!

🖇 Qo‘shimcha ma’lumot:
☎️ Telefon: +90 554 685 75 77
Telegram: @mezana_qabul

Unutmang, sifatli ta'lim ishonchli kelajak kalitidir!

Mubaşşir Ahmad

21 Aug 2025 05:08

Қуръон тирик Китобдир. Хоҳлаган оятингизни ўқиб, маъносини мулоҳаза қилинг! Унинг тирик эканини, татбиққа қобил эканини ва ҳаётдан мосуво эмаслигини кўрасиз. Ҳатто ўтган халқлар тарихи ҳақидаги қиссалардан ҳам ҳозир яшаётган ҳаётингиз учун ибрат, фойда ва башоратлар оласиз.

Тирик билан ўликнинг ҳеч бир алоқаси бўлмайди. Шундан тирик Қуръон билан ўлик қалбнинг муносабатлари беҳудадир. Қуръонни англаш ва фойдасини кўриш учун қалбни тирилтирмоқ даркор.

@MubashshirAhmad

Mubaşşir Ahmad

20 Aug 2025 13:32

Мубашшир Аҳмаднинг судида қатнашдим.
Оиласи, болалари, яқин қариндошлари, мухлислари, уч-тўрт ОАВ журналистлари келишди.
Суд бўлмади ҳисоб.
Битта қораловчи (пуркурор) гапирди. Тамом. Маҳкама раиси: "Гувоҳлар келганми?" деб сўраган эди, котиби: "Йўқ, келишмади", дейиши билан раис: "Гувоҳлар келмаган бўлса, 8 сентабиргача танаффус эълон қиламан", дедию зинадан тушиб, орқа эшикдан чиқиб кетди. Тарқалдик.

Судга келганлар нималарга гувоҳ бўлдик?

Қораловчи (пуркурор) савод масаласида жичча қийналди. Худди бировлар ёзиб берган матнни ўқиб бераётгандай, тутилиб-тутилиб, тили келишмай, кўп хатолар билан зўрғалатдан ўқиди. Балки шу камчилигини яшириш учундир, жуда паст товушда ўқиди. Шу ёзганларига ўзи ишонса, дадил-дадил ўқимайдими, деб мен бу ёқда жоним ҳалак.

Судя Мубашшир Аҳмаддан айбнома билан танишиб чиққан-чиқмаганини сўраганидан кейин: "Бу ерда сизга қўйилган айбларни тан оласизми?" деб сўраган эди, Мубашшир домла: "ДИҚ дан рухсат олинмасдан чиқарилган материаллар бўйича қисмини тан оламан, қолганларини (яъни, жуда кўпини) тан олмайман!" деди.

Гувоҳ бўлганим иккинчи ҳодиса шуки, агар қораловчининг оғзидан чиқса, "Ота-онани ҳурмат қилишга чақиради", деган гап ҳам террорчининг бир белгиси бўлиб туюлаверар экан. Даҳшат! Ярим соатча айбловномани ўқиди, санаган "далил"ларини эшитиб қўрқиб кетдим: тескари ёққа бурса, кундалик ҳаётда гапириб юрган оддий гапларимиз ҳам 50-60 фоизи... Оллоҳ сақласин.

Мени яна ажаблантирган нарса:
Мубашшир Аҳмад 20 йил таълим берган Олий маъҳаддан бир кимса келмади!
Охирги тўрт-беш йилдан бошқа бутун умрини бағишлаган Ўзбекистон мусулмонлари идорасидан бир кимса келмади!
Жонажон ўртоқларидан бир кимсага кўзим тушмади!
Лоақал устозларининг кўнглини кўтариш учун бўлса ҳам, маъҳадда таълимини олган шогирдлари (ҳозир улардан кўпи имом, "аҳли илм"дир) судга келмади!
Балки 8 сентабир куни келишар, билмадим.

Mubaşşir Ahmad

20 Aug 2025 09:31

Судя: Ўзингизни таништиринг.

Айбланувчи: Мен Алишер Турсунов, 1974 йилда туғилганман, маълумотим олий, оилалиман (қолипдаги таништирув)…

Адвокат: Ҳимоямдаги шахсга ўзини кенгроқ танитишга рухсат беринг.

Судя: Эшитамиз.

Айбланувчи: Мен Мубашшир Аҳмад – Тошкент Ислом Университети, Мисрдаги “Ал-Азҳар” университетида таҳсил олганман. Тошкент ислом институтида ҳанафий мазҳабининг фиқҳи ва Усул ал-Фиқҳ, Фароиз (мерос илми), “Нақшбандия” тасаввуфидан дарс берганман. Ўзбекистон мусулмонлари идорасининг расмий нашри бўлган “Ўзбекистон мусулмонлари” (ҳозирги "Ҳидоят" журнали) ва "Ислом нури" газеталарида муҳаррирлик қилганман.
"Олим, олам ва одам" , "Ислом ҳазораси", "Моида", "Замонавий масалаларнинг шаръий ҳукмлари" каби китоблар муаллифиман.
Абу Ҳомид Ғаззолийнинг 8 жилдли “Иҳёу улумид-дин”, 1 жилдли “Енгил фиқҳ“, 8 жилдли “Муфассал фиқҳ“, тасаввуфга оид “Рисалатул қушайрийя” китобларини таржима қилганман. “Исломда оила”, Доктор Оиз Қарнийнинг “Ўкинма” ва бундан ташқари замонавий даврдаги энг йирик фиқҳий энциклопедия бўлган “Катта фиқҳ энциклопедияси” китобининг таржима қилиниб нашр этилишида раҳбарлик қилганман…

Судя: Бўлди, тўхтанг...

Мен: Кимни жиноятда айблаб, кимни суд қилаяпсан, Ўзбекистон?!

© Sohiba Hayot

@MubashshirAhmad

Mubaşşir Ahmad

19 Aug 2025 15:07

Тошкентда Мубашшир Аҳмад иши бўйича суд жараёни бошланди

У дастлабки суд мажлисидаги нутқида жамоат тартибига таҳдид соладиган ва адоват қўзғатадиган материалларни тарқатганликка оид айбловларни рад этди. Тегишли рухсатсиз диний материаллар тарқатганини эса Ўзбекистон Республикаси ҳудудида бўлмагани билан изоҳлади.

👉 https://kun.uz/kr/02739759

Kun.uz расмий канали

Mubaşşir Ahmad

19 Aug 2025 14:33

Олий суд Устоз Мубашшир Аҳмад суди бўйича расмий ахборот берди

Ушбу жиноят иши жиноят ишлари бўйича Учтепа туман судининг судьяси Б. Раҳимов раислигида кўриб чиқилмоқда.

"Албатта, судланувчи айбсизлик презумпциясига асосан суднинг қонуний кучга кирган ҳукми билан айблари аниқланмагунча айбсиз ҳисобланади. Шу боис ижтимоий тармоқлар фойдаланувчиларидан Алишер Турсуновнинг айбли ёки айбсизлиги юзасидан турли тахмин ва шубҳа-гумонларга берилмасликлари, шошма-шошарлик билан хулоса чиқармасликлари сўралади. Чунки судланувчининг айблилик масаласига фақатгина суд томонидан ҳуқуқий баҳо берилади", дейилади Олий суднинг бу ҳақдаги баёнотида.

Бундан ташқари, Олий суд оммавий ахборот воситалари ходимлари ва блогерлардан суднинг одил судловни таъминлаш борасидаги беғаразлиги ва холислигини гумон остида қолдирувчи чиқишлар қилиб, судга нисбатан ижтимоий босим эҳтимолини юзага келтиришдан тийилишларини сўраган.

©️Azon Global

Mubaşşir Ahmad

19 Aug 2025 12:06

15:03 – Суд бошланди. Афсуски, Azon Global мухбиридан қўл телефонларини топшириш сўралган. Бу эса суд жараёнининг очиқ ва шаффоф бўлиши ҳақидаги турли фикрларни юзага келтиради.

©️Azon Global

Mubaşşir Ahmad

19 Aug 2025 11:11

Мубашшир Аҳмад устоз кабисини кўрмадим.

Устозни яқиндан таниганимга 8-9 йил бўлди. Устоз ҳақида қанча айтсам оз. Фақат мен устознинг бир жиҳатига эътиборингизни қаратмоқчиман.

Устоззодалар хонадонида етишгани, уламолар авлодидан бўлгани туфайли, шайх ҳазратларидек зотнинг тарбиясини олгани, маҳаддан сўнгра Азҳардек масканда илгани туфайли, тасаввуф аҳлидан бўлгани туфайли, балки мен билмаган яна бошқа сабаблар туфайли устозда бир хислат камолга етган эди - мўътадиллик. Устознинг мўътадиллик сифати қон-қонгига сингиб кетган, ҳеч бир ҳолат ёки воқеа устозни мўътадилликдан чиқишига кучи етмас эди. Ҳатто устозга нисбатан ҳақсизлик авжига чиққанда ҳам сабр билан, ҳилм билан муносабатда бўлар, мўътадилликни қўлдан бой бермас эдилар.

Келинг, энг охирги воқеаларни кўрайлик. Устоз адвокати устознинг сўзларини ҳаммага етказди. Устоз шундай ҳолатда ҳам норозилик, ҳар хил чиқишлар, қаттиқ муносабатлардан узоқ туришимизни истамоқда, қамоқдан туриб бизни мўътадилликда қолишимизга чақирмоқдалар. Ўзларининг ҳолат ва кайфиятлари эса ижобий эканини ҳам адвокат оммага эълон қилиб ўтди.

Азизлар! Бундай сифат эгаси бўлган олимларимиз шундоқ ҳам кам. Бу менинг ожизона фикрим. Дуо қилайлик, Аллоҳ таоло устозни Ўз паноҳида асрасин.

Давлатимиз қонунлари устозга нисбатан энг адолатли ҳукм чиқаришига аминман. Чунки биз ортиқ Янги Ўзбекистонмиз. Сталбани ҳам ушлаб келиб қамайдиган замонлар ортда қолганини давлат раҳбаримиз минбардан туриб бир неча марта такрорлади. Янги Ўзбекистонмиз судьялари энг адолатли ҳукм билан барчамизни суюнтиришига ишонаман.

Устоз суди оддий суд эмас.
Ўтган ҳафта 45 мамлакатдан келган 200дан ошиқ доктор ва пфофессорлардан иборат халқаро конференцияга таклиф қилиндим. Мен ҳам савол ва мулоҳазамни билдириш мақсадида ўзимни таништириб, сўз олдим. Ўтирим тугагач 10га яқин мамлакат вакиллари шахсан мендан Мубашшир устоз ҳақларида сўради. Бири шайх Мубашшир деб сўраса, бошқаси Алишер деб сўради. Европалик олимнинг саволи мени бироз ранжитди-шайх Мубашшир тирикми, сен нима деб ўйлайсан, деб сўради.
Тасаввур қилинг, устоз суди биргина бизнинг мамлакатда, Ўрта Осиёда эмас, Туркияда эмас, балки Ислом оламида яқиндан кузатилмоқда экан. Ичимиздан чиққан душманлар эса ватанимиз номига доғ тушириш, қоралаш мақсадида устозни вафот этган деб ишонтиришга ҳаракат қилиб келмоқда экан. «Биз айтган эдикку, ҳеч қанақа ислоҳот йўқ. Дин ва диндорларга нисбатан зулм ўша-ўша», деб қоралаётганларга қарши энг гўзал раддия устоз Мубашшир Аҳмадга адолатли ҳукмдир. Ва албатта судьяларимиз буни беришади, деб ишонаман.

Аллоҳ таоло бизнинг халқимизни илм ва ирфонни дунёга таратиш истеъдодини берган. Шунинг учун ҳам илм аҳлига муҳаббати чексиз, олимларини бошида кўтаради. Илм ва илм аҳлига муҳаббати чексизлиги туфайли энг оғир замонларда ҳам олимлар етиштириб чиқаришда тўхтамади, тўхтамайди ҳам.

Бугун устознинг суди якунида илм аҳлига бўлган ҳурмат ва муҳаббатнинг исботини бир бор кўрамиз, деб умид қиламан.

Muhammad Odil Hamid.

🕊Telegram |📱Instagram
📺 muhammadodiluz/">YouTube |📱Facebook

Mubaşşir Ahmad

18 Aug 2025 21:04

Эртага домланинг судлари экан, мен мужда умидидаман. Домла энг озида энг енгил жазо билан озод қилинадилар.

Кимга хуш келади, кимга йўқ, билмадиму лекин домланинг озод қилиниши юртимизга ўйлаганимиздан кўп манфаатли бўлади:

Диндор қатламда тизимга ишонч ва умид сўнмайди, аксинча, кўпаяди. Бу очиқ-ойдин кутиладиган нарса. Мазҳабу манҳажда домладан фарқли бўлганларнинг кўплари ҳам домлага ҳурмат сақларди, демак, домланинг гап-сўзларини қисман қабул ҳам қилишади.

Диндор бўлмаган, ҳатто даҳрий ёки исламафоблар учун ҳам домланинг чиқишлари фойда бўлади.

Чунки уларга нисбатан домланинг ўзлари ҳам кескин гапириб сўкмасдилар, доим юксак ахлоқ кўрсатиб, илм-маърифат билан хитоб қилардилар. Бошқаларни ҳам уларни сўкишларини олқишламас эдилар, уларга қарши қўзғамас эдилар.

Умуман, қадриятларимизга зид мафкураларга ўзлари қанчалик қарши бўлсалар, у ким томонидан бўлса ҳам унга шунчалик муроса йўли билан фикр берар эдилар. Бошқаларни ҳам доим босиқликка чақирар эдилар. Доим ва доим!
Ичда қон йиғлашларини ўқиган одам тушунарди аммо ташқарида фақат табассум кўрарди домладан.

Тергов хулосасини ҳаммамиз эшитдик, қарсак, домланинг қарийб 35 йиллик диний фаолияти давомида бирор ноқонуний ёки фитна-фасодли иши йўқ экан. Қўйилган айбловлардан билдик шуни. Шунча йил давомида диний фаолият юритган одам шунчалик “тоза” ишлаши учун қанчалик олим, доно ва яхшиликка хайрихоҳ эканини таҳмин қилиш умуман қийин эмас-ку!

Қолаверса, бошқа давлатлар бор бу воқеа ривожини кузатиб турган. Ватанимиз ва давлатимиз шаъни бор!

Роббим, ўзинг осон қил, тез фурсатда домлага нажот бер! Оналари ва аҳллари билан офиятда, хуш-хурсандчиликда жамла! Омин!

Иншааллоҳ, эртага мужда бўлади!

© Ikrom Sharif

@MubashshirAhmad

Mubaşşir Ahmad

18 Aug 2025 13:55

Исломий билимларимиз сулук - турмуш тарзимизга айланса, шунда диннинг моҳиятини англаймиз, унинг илоҳий дастур эканини биламиз ва ҳаётимизни унга мувофиқлаштиришга қалбан интиламиз ҳамда икки дунё саодатида яшаймиз.

Аммо у билимлар фақат ақлий юксалиш учунгина ўрганилса, билимимиз бир водийда ва ўзимиз бошқа водийда бўлсак, бу ҳолда ибодатларимиз қуруқ шаклда қолади, йўлларимиз эгри-тўғри мавҳумликка айланади ва ҳаётимиз аросатда ўтади.

@MubashshirAhmad

Mubaşşir Ahmad

17 Aug 2025 16:58

Аллоҳ кимни жаннат учун халқ қилган бўлса ундан кўнгилсизликлар кети узилмайди. Қатъиятли мўмин буюк ишларда собит бўлади. Унинг фикри ўзгармайди, тили шикоят-ла сўз демайди. Шундай экан, ўзингга етган кўнгилхираликни ажр ваъдаси ила ва енгил санаш билан осонлаштир. Шунда машаққатлар шикоятсиз арийди.

Шуни доим ёдингда тутгилки, берилиш учун маҳрум бўлгансан! Офиятли бўлиш учун синалгансан! Покланиш учун балолангансан!

Имом Ибн Қаййим раҳимаҳуллоҳ

@MubashshirAhmad

Mubaşşir Ahmad

16 Aug 2025 16:20

Расмий ахборот: Устоз Мубашшир Аҳмад иши бўйича суд куни аниқ бўлди

©️Azon Global

Mubaşşir Ahmad

16 Aug 2025 08:07

Атига юз йил олдин мадрасаларимизда диний таълим берилган. Бу борада ҳеч қандай чеклов бўлмаган. Буваларимизда "мадраса кўрган" деган ибора бўлган. У тақводор ва зиёли кишиларга нисбатан ишлатилган. Минглаб мадрасалар нур таратиб турган диёримизда, ХIII аср мобайнда бирор бир радикал ё террорист чиққанини билмаймиз, тарихларда ўқимаганмиз. Балки мадрасалар кучайган пайтда, биз дунёвий деб ноҳақ атайдиган илмларда Мирзо Улуғбек, Ибн Сино, Беруний ва Фарғоний каби алломалар етишиб чиққан.

Ўйлаб кўряпсизми, биз атига бир аср олдинги ўзлигимиздан, қадриятларимиздан воз кечяпмиз. Уларни бегона ҳисоблаяпмиз ва таъқиқлаяпмиз. Ўзимизни ёт қадриятларга мансуб кўряпмиз.

Миллатлар ўзлиги ва қадриятига қайтиб, уларни замон билимларига қориштириб юксалган. Улардан воз кечганлар, бошқаларни хўжа дея тан олган ва уларга ақлан-руҳан тобе бўлган. Японларга ё корейслар ё туркларга қаранг, миллий қадриятларини қандай асраб қолганлар. Ва ўзлари замон билан ҳамнафас ривожланганлар. Ғарбга маънан-руҳан қарам аксар арабларга боқинг, улар улкан бойликларини совуриб, қанчалик қолоқликда қоляптилар.

Мен бобом ва отам қадрлаган нарсаларни қадрлайман. Уларнинг тафаккур ва турмуш тарзини ўзимга ўрнак биламан. Улардаги фазилат мен учун намуна. Айтганларимнинг ҳаммаси улардаги диний таълим-тарбиянинг маҳсули. Фарзандларим, невараларим ва Қиёматга қадар келадиган зурриётим ҳам ана шу тушунча ва қадриятлар ила яшашини хоҳлайман. Ва Аллоҳдан шуни сўрайман.

27.06.2021

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

15 Aug 2025 10:20

Шайх Муҳаммад Мутаваллий Шаъровийнинг машҳур сўзларидан:

- Агар ҳақни айтишга қодир бўлмасанг, ботилга қарсак чалмай тургин.

- Агар сени ёмон кўрувчи инсон бўлмаса, билгилки сен муваффақиятсиз инсонсан.

- Аллоҳнинг мулкида биров фақат Аллоҳ ирода этган нарсанигина қила олади.

- Аллоҳ таолога бериши учун эмас, балки рози бўлиши учун ибодат қилинг. Агар рози бўлса, берганлари билан сизни ҳайратга солади.

- Мусулмонлар юртида камбағални кўрсангиз билингки, демак у ерда унинг молини ўғирлаётган бой бор.

- Отаси йўқ ташвишга тушмасин. Парвардигори бор одам нимадан ташвиш чекади?

- Башарнинг чора кўришидан безовталанманг. Уларнинг энг қодир бўлгани Аллоҳнинг амрини ижро қилиш бўлади.

#unutmaymiz_unuttirmaymiz #MubashshirAhmadga_ozodlik

@MubashshirAhmad

Mubaşşir Ahmad

13 Aug 2025 10:06

Жон талашиб, қийинчилик билан, кўкариб-қизариб-бўғриқиб, томирларимиз ёрилгудай бўлиб, уни Эгасига топширсак, олдимизда бизни буюк мавҳумлик кутади. Жуда ҳам буюк мавҳумлик.

Яратганни танимаганимиз, ўзининг эътиқодича мавҳум келажак томон юради.

Уни таниб, Унга исён билан ҳаёт кечирганимиз, мағфират ё ҳалокат ўртасидаги мавҳумлик сари қадам ташлайди.

Иймонини амали билан мустаҳкамлаб тўғри йўлда яшаганимиз, уларнинг мақбул ё мардудлигидан ваҳимага тушиб одимлайди.

Ҳаммамиз буюк мавҳумлик сари кетмоқдамиз. Бор умидимиз Ўзидан. Умид учун эса, унга лойиқ бўлиш лозим.

Мубашшир Аҳмад

#unutmaymiz_unuttirmaymiz #MubashshirAhmadga_ozodlik

@MubashshirAhmad