2710
قالها السجاد في يوم السبي كذب الموت فما مات ابي الشاعرة نشوان الكناني صاحبة ديوان ( تناهيد الجروح & زلزلة المصائب & أمير الجنان & زلزلة كربلاء & نداء الحجة & قافلة النور )
متوفر في مكتبة العليلة بادارة العلويه أم علي
للحجز.. مراسلة واتساب
07705677443
تم والحمد الله تعالى
قصائد الخاصة بعشرة محرم الأولى
لا تنسونا بالدعاء في مجالسكم .. 🌹
لطميه للأمام الحسين ؏ ( أجه الملعون )
أجه الملعون ••• بيده شايل السيف
أيريد أيحز نحر والينه يا حيف
❥━──➸➽❥💔❥━──➸➽❥💔
أجه صوب الولي والسيف بيده
وشنهي أشماله من عنده أشيريده
أسمعه أيصيح أحز رايد وريده
《 حط سيفه أبنحر الوالي 》
❥━──➸➽❥💔❥━──➸➽❥💔
حط سيفه أعلى نحره وصاح صوتين
أذبحك جيت بيدي اليوم يحسين
أدگ وأصرخ أو دمعي تارس العين
《 يا والينه عالتل أصرخ 》
❥━──➸➽❥💔❥━──➸➽❥💔
حزو راس أخوي أو صبن أدماه
وگدامي أبرمح هاليوم شالاه
وضل جسمه رميه وسحگته أعداه
《 أيسحگونه بالخيل اليوم 》
❥━──➸➽❥💔❥━──➸➽❥💔
بالطف مات أخوي حسين مظلوم
وسوده أعليه من الماي محروم
أبجسمه أسهام كومه أموزعه اليوم
《 صاير شاطي عالگاع الدم 》
❥━──➸➽❥💔❥━──➸➽❥💔
أبن مرجانه ما خلاني أغطيه
ولا خلاني بالتربان أواريه
بقى عريان والشمس أحرگ بيه
《 منعوني من عنده أتگرّب 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ٢٥ من شهر ذي الحجة
الموافق / ٢٠٢٦/٦/١١
/channel/Nshwan_1999
لطميه للأمام الحسين ؏ ( يگاع الطف )
يگاع الطف حسافه ماخذه الوالي
غريبه أخلاف عينه والدمع هالي
❥━──➸➽❥💔❥━──➸➽❥💔
حسافه ماخذه المهيوب والنشمي
مشه أو خله الحزن متربع أبرسمي
بعد شال الحنين أو ما بقى يمي
بصوابه الكلف مصيوب دلالي
❥━──➸➽❥💔❥━──➸➽❥💔
يگاع الطف خذيتي حسين من عدنه
وعشره أخيول صدره بيچ داسنه
على أفراگه الحزن والنوح رافجنه
خسارتنه الچبيره أبن أمي الغالي
❥━──➸➽❥💔❥━──➸➽❥💔
بيچ حسين طاح أمطشره أوصاله
وراسه أبسن رمح عالي الشمر شاله
أخونه موش هينه تفجع أحواله
بقت سكنه تون وأتنوح للتالي
❥━──➸➽❥💔❥━──➸➽❥💔
سلبو ثوبه ليش أو حزو أوريده
وبالخنجر شمر گاطعله صبع أيده
وين الگه الحنين العافني أوحيده
وباچر بالسبي يا راسه يبرالي
❥━──➸➽❥💔❥━──➸➽❥💔
وسفه أحزام ضهري أمغسل أبدمه
أجيت أبچي وأنوح أمن الخيم يمه
ولن شفت العده صوبه أجو لمه
وشالو راسه بسنان الرمح عالي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٢ من شهر ذي الحجة
الموافق / ٢٠٢٦/٦/٨
/channel/Nshwan_1999
لطميه للأمام الحسين ؏ ( راس حسين )
راس حسين عن جسمه يعزلونه
وأبسن الرمح شفته يعلگونه
❥━──➸➽❥💔❥━──➸➽❥💔
شفت حسين أخوي ومنحره الدامي
وشفت الشمر لمن حزه گدامي
وبراس الرمح راس الولي الضامي
مرفوع وحسافه أنضر يهزونه
《 مصيوبه جبهة راسه 》
❥━──➸➽❥💔❥━──➸➽❥💔
بيا تهمه أگطعو أصل أمن أصول الدين
وبسن الرمح يتعله راس حسين
على هالمنظر الصبر الجميل أمنين
وراس أبن أمي گدامي يرفعونه
《 دلالي أنهد بفراگه 》
❥━──➸➽❥💔❥━──➸➽❥💔
أخوي الچان گدامي أشحلو أوصافه
مرمي أعلى الأرض وبلا دفن عافه
وراسه أعلى الرمح وأمفطره أشفافه
ومحد حن عليه گطره يشربونه
《 مفطوره أشفاف أبن أمي 》
❥━──➸➽❥💔❥━──➸➽❥💔
راسه عالرمح وأدموع عينه أتهل
على حالي يون وبالحزن يحمل
وأسمعه بالكهف يا حسرتي يرتل
بعياله اليرتل ليش أيعذبونه
《 أعلى أعياله أسياط الحادي 》
❥━──➸➽❥💔❥━──➸➽❥💔
عمت عيني أنظره أو ينظر الحالي
وأعرف أباله شنهو ويعرف أبالي
أصيح أخ السبي وأدموعي أتلالي
بكوفه أو شام نتنطر يدخلونه
《 مسبيه وراسه أگبالي 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢١ من شهر ذي الحجة
الموافق / ٢٠٢٦/٦/٧
/channel/Nshwan_1999
لطميه للأمام الحسين ؏ ( أفزع يوالينه )
وينك يا علي أفزع يوالينه
شوف أبنك وحيد أبين أعادينه
❥━──➸➽❥💔❥━──➸➽❥💔
الحگ يا علي أوليدك ولوه الگوم
بسيوف ونبال أعلى الحسين تحوم
ما لاگي الينصره وبالطعن مالوم
حاطو كل كتر ويلي ببو سكينه
❥━──➸➽❥💔❥━──➸➽❥💔
وينك يا علي يلما عفت سلمان
هذا أبنك وحيد أو ما فزعله أنسان
راح يضل على الغبره بلا دفان
أمروتك بويه حيدر لحّگ أعلينه
❥━──➸➽❥💔❥━──➸➽❥💔
أوليدك ضل وحيد أو يندب الناصر
وهاي الوادم أتحضرله بالحافر
خياله أعلى سحگه أمتنايه تناضر
وصابو بالحجر يا والدي أجيبنه
❥━──➸➽❥💔❥━──➸➽❥💔
تكسر وگفته أبين الزلم والخيل
ومن گد النزف ما ضل بعد بيه حيل
وينك يا علي ترميهم بسجيل
ضل وحده الحسين ويشبح أبعينه
❥━──➸➽❥💔❥━──➸➽❥💔
ضل لوحّده وما مش ولا فزاع
من كثر الطعن ضل مرمي فوگ الگاع
وينك يا علي تلحگنه بويه أبساع
راسه أعلى الرمح رايح يبارينه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢١ من شهر ذي الحجة
الموافق / ٢٠٢٦/٦/٧
/channel/Nshwan_1999
فزاعيه للأمام الحسين ؏ ( طايح وين خال أبني )
أنشد والگلب مهضوم
طايح وين خال أبني
❥━──➸➽❥💔❥━──➸➽❥💔
كومه أجساد بالميدان
طاح أبنصهن الريسان
دورته أبگلب خلصان
وما وأحد يساعدني
❥━──➸➽❥💔❥━──➸➽❥💔
للميدان أجيت أبساع
شفت أجساد فوگ الگاع
وأبنصهن عزيزي ضاع
صحت وما يجاوبني
❥━──➸➽❥💔❥━──➸➽❥💔
وينك يا شريچ الروح
گلبي أعليك كله أجروح
خليت البچي والنوح
يبن أمي يرافجني
❥━──➸➽❥💔❥━──➸➽❥💔
شفته أمسلبه أهدومه
أبجسمه أسهام مسمومه
خال أبني كلف يومه
گلبي الفگده يوجعني
❥━──➸➽❥💔❥━──➸➽❥💔
يتنازف جرح نحره
ودلالي أشتعل جمره
متهشم عضم صدره
ويمصابه يهدمني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢١ من شهر ذي الحجة
الموافق / ٢٠٢٦/٦/٧
/channel/Nshwan_1999
نعي لعبد الله الرضيع ؏
صعبه المناغه تگضي بسكوت
يا ريت گبلك جايني الموت
ولا سهم أشوفن بيك منحوت
❥━──➸➽❥💔❥━──➸➽❥💔
يا يمه كون السهم بيه
ولا أشوفك غصن ذابل بديه
وعگبك غريبه أبهالمسيه
❥━──➸➽❥💔❥━──➸➽❥💔
بدماك متروي تجيني
يا عمري يا فرحت أسنيني
وخليتني أصفج بديني
❥━──➸➽❥💔❥━──➸➽❥💔
أنه الوالده والگلب مفطور
وأبسهم أشوفك يمه منحور
بيدلي حيلي ضيم عاشور
❥━──➸➽❥💔❥━──➸➽❥💔
يا ضنوتي أزغيرون بعدك
وأتوسدت بتراب لحدك
بالخيمه ضل خلوان مهدك
❥━──➸➽❥💔❥━──➸➽❥💔
كون السهم صوبني وياك
يا يمه لا ما أگدر أنساك
أمشي بعد يا صوب والگاك
❥━──➸➽❥💔❥━──➸➽❥💔
طفلي وأعز من نور الأعيون
ميت ذبح بالسهم وأشلون
وفجعو گلبنه الما يرحمون
❥━──➸➽❥💔❥━──➸➽❥💔
حتى سنه ما صار عمرك
وأنگطع بيد حسين نحرك
حرمله ما يرحم أبزغرك
❥━──➸➽❥💔❥━──➸➽❥💔
ممفارگه أصوّرك خيالي
والمهد وأهدومك أگبالي
ما يسر بعدك يمه حالي
❥━──➸➽❥💔❥━──➸➽❥💔
عبدالله صحت چا شنهي ذنبه
وبالسهم يا ظالم تصوبه
بيد السبط وأنگضى نحبه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
فزاعيه لعبد الله الرضيع ؏ ( ما يرضون ينطونه )
راد الماي والعدوان
ما يرضون ينطونه
❥━──➸➽❥💔❥━──➸➽❥💔
عبدالله أبدمه يروه
بسهمه الجايله أتچوه
ضل بگماطه يتلوه
بسهم الموت يروونه
❥━──➸➽❥💔❥━──➸➽❥💔
عاتب وشحچه أبنظره
وحسينه أفتهم أمره
فدوه أيموت لبعمره
هيچ أتسولف أعيونه
❥━──➸➽❥💔❥━──➸➽❥💔
بچف حسين هل دمه
ذبه أعلى السمه أبهمه
من نحره الترفه شمه
لبلون الگنطن لونه
❥━──➸➽❥💔❥━──➸➽❥💔
رده أعلى الخيم مذبوح
وأمه اليوم تبقه أتنوح
لطمت وبصدر مجروح
أشذنبه وهيچ ياذونه
❥━──➸➽❥💔❥━──➸➽❥💔
مابسته أبوداعيته
أبصوب أعداي وديته
ورده وبالندى أسگيته
وسفه أسهام يسگونه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( يغصن البان )
يغصن البان يالمگطوع من زغره
عطشان أذبحوك أبكربله الگشره
❥━──➸➽❥💔❥━──➸➽❥💔
عطشان أذبحوك اليوم عدواني
يا نبض الگلب يا سلوة أزماني
جرحك يالطفل بچاني وأعماني
خلص وكتك ييمه وفلت العشره
❥━──➸➽❥💔❥━──➸➽❥💔
أهز مهدك ييمه والدمع يجري
يا ريت السهم گبلك سكن صدري
بيا ذنب أنذبح عبدالله ما أدري
درّ صدري عليك وزادت الحسره
❥━──➸➽❥💔❥━──➸➽❥💔
أدور بالمهد وأبثوبك أشتمه
يا طير الفزع من حضن أبوه وأمه
وأتراب اللحد وجهك صدگ ضمه
يا شمعة حياتي الطفت عالغبره
❥━──➸➽❥💔❥━──➸➽❥💔
يا جرح الرضيع الشيب أبراسي
أضل أنعاك يبني لأخر أنفاسي
بعد ما أسمع أتناغي يعز ناسي
أو مذبوح النحر والدنيا متغبره
❥━──➸➽❥💔❥━──➸➽❥💔
شحچي ويه المهد لو لفت ليليه
ياهو اللي ينام ويغفى بيديه
عيني اليوم أنه أتمنيت معميه
يا ريحة الجنه الضاعت أبصحره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( حسين يبچي )
حسين يبچي مات بيده أوليده
سهم الأمثلث گطعله أوريده
❥━──➸➽❥💔❥━──➸➽❥💔
مات بيد حسين عبدالله الرضيع
بيا ذنب ينصاب هالغصن البديع
وضاع تعب الرّبت أو فگده فجيع
《 هد حيله عبدالله أو يومه 》
❥━──➸➽❥💔❥━──➸➽❥💔
شاله لخيامه أو دمع عينه يهل
صاح يا زينب تعالي بالعجل
مات عبدالله أو بعد ما ضل أمل
《 أتلگيني يا زينب خويه 》
❥━──➸➽❥💔❥━──➸➽❥💔
ساعد الله الوالده أمن أتشوفه
أبلا نفس والدم أمغطي أزلوفه
اليوم سهم أعداه أمغير أوصوفه
《 مهدك خالي يا عبدالله 》
❥━──➸➽❥💔❥━──➸➽❥💔
سهم الأمثلث گطع منه النفس
والمهد خالي بعد ما بي أنس
ليش ماكو رحمه بگلوب الرجس
《 أيذبحونه عطشان أزغير 》
❥━──➸➽❥💔❥━──➸➽❥💔
صاحت أمه أبصوت يبني يالولد
رايح وهيهات لحضاني ترد
وسهم الأمثلث مرد گلبي مرد
《 يا ريته أبگلبي أصوابه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( مذبوح الطفل )
مذبوح الطفل والدم جره منه
ونايم بالمهد ما بعد أشوفنه
❥━──➸➽❥💔❥━──➸➽❥💔
لا ما شربوه الماي عدوانه
چبده أتيبست والشفه ذبلانه
سهم الصوبه گطعله شريانه
وسفه الموت بالمدلول يفجعنه
❥━──➸➽❥💔❥━──➸➽❥💔
مات أو ما شرب من النهر گطره
ست أشهر ولا قبط سنه عمره
وأگماطه نگع ويلاه أبدم نحره
بالدم أرتوه شفته وأجر ونه
❥━──➸➽❥💔❥━──➸➽❥💔
بالدم مرتوي وسفه الزغيروني
وأعلى الراس أدگ والدمعه بعيوني
گوم أعداي ببني اليوم فجعوني
دم نحره اليصب بالشيله أمسحنه
❥━──➸➽❥💔❥━──➸➽❥💔
جبته للمهد عبدالله خليته
والوليله أبدمعتي وبيدي غطيته
يا ريت السهم بضلوعي يا ريته
ولك يا موت عوفه وأبتعد عنه
❥━──➸➽❥💔❥━──➸➽❥💔
يا ريحة هلي أو يالوجهك أيلالي
أصوابك يا عبد هدملي دلالي
حضني صار منك يالطفل خالي
وسهم اللي رماك أبروحي أحسنه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعلي الأكبر ؏ ( أجت ليله تون )
أجت ليله تون وأتصيح آ يبني
رايح وأنگطع من رجعتك ضني
❥━──➸➽❥💔❥━──➸➽❥💔
چا ليش الولد يتفارگ أويه أمه
ويدريهه أبغيابه أمن البچي تعمه
حضنته أو يصب بحضانهه دمه
على أغيابك تگله ما أمعودني
❥━──➸➽❥💔❥━──➸➽❥💔
يمه أو للشباب أحلام مرسومه
وأنته أحلامك أبكربله مهدومه
ليش أعلى الأرض غرگان بالنومه
وعگبك لليسر عدوان تاخذني
❥━──➸➽❥💔❥━──➸➽❥💔
شايل يا علي يا بهجت العيله
وأمصابك ثگيل حسين هد حيله
الخيمه خاليه من عندك الليله
ويا لوعة غيابك حيل تذبحني
❥━──➸➽❥💔❥━──➸➽❥💔
يمه والمهر من رد عليّ خالي
عرفتك طايح أعلى الگاع يالغالي
صرت عگبك غريبه وما الي والي
وماهي أمناسبه يبني وتفارگني
❥━──➸➽❥💔❥━──➸➽❥💔
عطشان أرحلت ما شارب أميّه
ووجهك ذابله الحلوه معانيه
سكينه أختك عفتهه بالمهضميه
الدنيه مايله أو عگبك تعذبني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٩ من شهر ذي الحجة
الموافق / ٢٠٢٦/٦/٥
/channel/Nshwan_1999
لطميه لعلي الأكبر ؏ ( مگطوع من شجره )
يا غصن الورد مگطوع من شجره
أبگلب أمك عليك أمكسره العبره
❥━──➸➽❥💔❥━──➸➽❥💔
يا غصن الورد طايح على التربان
وأمك يا علي ضلت تون بحزان
وأتريدك ذخر گوم الهه يا ريسان
وصاحت للگبر شال أبزغر عمره
❥━──➸➽❥💔❥━──➸➽❥💔
أثاري الموت ياخذ بس المعدل
وأيخلي الگلب من فرگته أمعلعل
شتصيح الحنينه والدمع يهمل
أخذ حيلي زماني وباقيه أبحسره
❥━──➸➽❥💔❥━──➸➽❥💔
يبو طول الحلو فوگ الثره أمطبر
مشيت وضيعتهه يا علي الأكبر
يصيح حسين بعدك بيش أتصبر
عمت عيني عليك أو كسرتي كسره
❥━──➸➽❥💔❥━──➸➽❥💔
على حر الترب نايم يبعد الروح
يا تالي العمر كلك دمه وأجروح
عليك أمك تضل للموت بس أتنوح
وأثاري الموت ياخذ هيبة العتره
❥━──➸➽❥💔❥━──➸➽❥💔
تون أمك عليك أو تلطم الهامه
أتصيح الولد راح وضاعت أحلامه
وأبدمه حسافه أمخضبه هندامه
يبچيله الرسول أو فاطمه الزهره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٩ من شهر ذي الحجة
الموافق / ٢٠٢٦/٦/٥
/channel/Nshwan_1999
لطميه لعلي الأكبر ؏ ( يا شمعت صواويني )
يالأكبر يضي عيني •• يا شمعت صواويني
ردتك يبني للعازه •• ما ردتك تجافيني
❥━──➸➽❥💔❥━──➸➽❥💔
أصيحن والگلب ينزف •• يمن فدوه ألك روحي
عفتني أبيا وضع يمه •• عليه زادن أجروحي
رد يا شمعه الي فدوه •• لتخليني وي نوحي
بفراگك يريحة هيل •• يا هو اللي يسليني
❥━──➸➽❥💔❥━──➸➽❥💔
هاليوم الخيم ضلمه •• من بعدك يماي العين
عفتني بحيرتي وهمي •• أنوحن ويه أبوك حسين
نون ونة غريب الدار •• وتجرح بينه الصوبين
فرگاك الكسر ضهري •• يالأكبر يبچيني
❥━──➸➽❥💔❥━──➸➽❥💔
آ يبني العمر لو طال •• شنهي اليسوه من دونك
عميه وعاثره الخطوات •• صرت أتمنه أعيونك
أتراب الطف حسافه اليوم •• غيّر يالولد لونك
يا سلوة دليلي أتروح •• وأتخليني بونيني
❥━──➸➽❥💔❥━──➸➽❥💔
يالطولك غصن ريحان •• وأبطبعك تسر البال
عفت أمك تون وتنوح •• ودموع الحزن شلال
من حزّوا وريدك ذاك •• حالي أتغير بيا حال
وياك أعلى درب الموت •• يالمزيون وديني
❥━──➸➽❥💔❥━──➸➽❥💔
حسافه الموت يالأكبر •• يغيبك عني يالوالي
طايح عالترب بدماك •• وأنه أنفجع دلالي
أنضر والمچانك ذاك •• ضل وسط الخيم خالي
عگب طولك يبو الغيره •• ياهو اللي يحاميني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٨ من شهر ذي الحجة
الموافق / ٢٠٢٦/٦/٤
/channel/Nshwan_1999
حبايب // منا تبدي قصائد العشرة الأولى من شهر محرم الحرام لسنة 2026
Читать полностью…
لطميه للأمام الحسين ؏ ( أشلون أيطيح )
أشلون أيطيح خال أبني على الغبره
ويا سمهم الأمثلث راكز أبصدره
❥━──➸➽❥💔❥━──➸➽❥💔
أشلون أيطيح عالغبره وأشوفنه
أگبالي والحوافر ما يرحمنه
ولا أگدر أودعه أو لا أله أدنه
والحافر أشوفه تعثر أبنحره
❥━──➸➽❥💔❥━──➸➽❥💔
أبصدره أسهام والينه أشيطلعهه
شرايين الگلب ويلي يگطعهه
أجيت وونته أتهد حيلي أسمعهه
وحر الگاع أشوفنه حرگ ضهره
❥━──➸➽❥💔❥━──➸➽❥💔
تلهب نار گاع الطف أبضهريه
عليهه الوالي طاح أدمومه مجريه
ومنهو سوه اله من الشمس فيه
يا ويلي أو دمعتي أتهل عليه عشره
❥━──➸➽❥💔❥━──➸➽❥💔
يا سهم الركز وسط الگلب هدني
منه أيلوج وأيجر ونه خال أبني
أنادي أو ماكو ناصر ضل يساعدني
على المظلوم أون والروح منكسره
❥━──➸➽❥💔❥━──➸➽❥💔
يحيدر وينكم عن طيحة الغالي
كل هاي الجريمه صارت أگبالي
وأبو فاضل طريح أو ما بقى والي
بجسم حسين ما يدري أثنعش طبره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ٢٥ من شهر ذي الحجة
الموافق / ٢٠٢٦/٦/١١
/channel/Nshwan_1999
لطميه للأمام الحسين ؏ ( طب الرمل )
أسم الله حسين طب الرمل بعيونه
وأمي أتخاف چانت لا يحسدونه
❥━──➸➽❥💔❥━──➸➽❥💔
أسم الله أمن المهر طايح يوالينه
أمصوب والرمل طب أو عمه عينه
وبالخيمه بچت وأدگ نساوينه
《 أمحوطينه من طاح حسين 》
❥━──➸➽❥💔❥━──➸➽❥💔
أتعناه الشمر من طاح من مهره
متربع جلس جاثم على صدره
وحط السيف ويلي اليوم عد نحره
《 أيحز راسه وأيريد اليوم 》
❥━──➸➽❥💔❥━──➸➽❥💔
أسم الله حسين بالميدان عدوانه
صابوه أبسهم طيحوه أمن أحصانه
ونصين أنگطع يا حيف شريانه
《 بالساحه سايل دمه 》
❥━──➸➽❥💔❥━──➸➽❥💔
أخوي البي محنه اليوم بالساحه
نايم عالرمل وأمخزنه أجراحه
ومن جسمه عزل يا راسه ذباحه
《 شالو راسه گدام أخته 》
❥━──➸➽❥💔❥━──➸➽❥💔
أسم الله حسين گدامي يذبحونه
أبعشر أخيول أجو وسفه يسحگونه
أمطشر بالمعاره أوصال أيخلونه
《 مكسوره أضلوع أبن أمي 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢٤ من شهر ذي الحجة
الموافق / ٢٠٢٦/٦/١٠
/channel/Nshwan_1999
نعي للأمام الحسين ؏
عالتل وأشوفن ركضت الخيل
سحگت ولينه ودمه أيسيل
أنكسرت أضلوعه والمفاصيل
❥━──➸➽❥💔❥━──➸➽❥💔
يا خيل ليش حسين صدره
أدوسينه والحافر يكسره
أو شمر الخنا حز بيده نحره
❥━──➸➽❥💔❥━──➸➽❥💔
أبچي وأصيح أبصوت مبحوح
عالجسمه بي الأف الأجروح
وأعلى الثره أبضهريه مطروح
❥━──➸➽❥💔❥━──➸➽❥💔
عالتل أصيحن وأهمل العين
يا خيل كفي من الحسين
وأبجسمه بسچ لا تسحگين
❥━──➸➽❥💔❥━──➸➽❥💔
فوگ الترب والينه عاري
تسفي عليه ريح البراري
وأنه أنوح أو دمعي جاري
❥━──➸➽❥💔❥━──➸➽❥💔
ذبحو أخوي حسين الأشرار
وأخيامه بيهه وجت النار
صحت أبنواعي أتفتت أحجار
❥━──➸➽❥💔❥━──➸➽❥💔
من الحنين حسين هاليوم
سلبو الأعمامه والأهدوم
وعالتل أعاين گلبي مهضوم
❥━──➸➽❥💔❥━──➸➽❥💔
راح العزيز وخله الأعيال
أبحكم الشمر والدمع همال
وعريان نام أبحر الأرمال
❥━──➸➽❥💔❥━──➸➽❥💔
صحت أبحزن والصوت عالي
أشسويتي يا كربله أبحالي
هدمتي كل عزّي أو دلالي
❥━──➸➽❥💔❥━──➸➽❥💔
طاح العلم والوالي غايب
وأحنه حرم بين الأجانب
فوگ الهضم شفنه المصايب
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٢ من شهر ذي الحجة
الموافق / ٢٠٢٦/٦/٨
/channel/Nshwan_1999
لطميه للأمام الحسين ؏ ( راح حسين )
راح حسين والخويه گضيناهه
وأعياله أبحكم عدوان عافاهه
❥━──➸➽❥💔❥━──➸➽❥💔
عافاهه أبحكم عدوان يعياله
وحدهم بقو والدمعه هماله
والخيمه صفت للنار ميّاله
وگعت من لهيب النار شفناهه
❥━──➸➽❥💔❥━──➸➽❥💔
محترگه الخيم وأشلون تالينه
جاسانه الهضم وأخلاف أهالينه
راح حسين والظالم زجر بينه
أتگرب عاليتيمه أبسوط طگاهه
❥━──➸➽❥💔❥━──➸➽❥💔
چا وين الحنين ووين گعداته
عاف أبكربله بالضيم أخياته
وراسه عالرمح متخضبه وجناته
لبته أدير عينه أبيوم ممشاهه
❥━──➸➽❥💔❥━──➸➽❥💔
طيحنه الوكت والضيم مرانه
وين حسين أخوي الچان يرعانه
حلوه من يگول الخويه بلسانه
وزاد أمن المصايب روحي بلواهه
❥━──➸➽❥💔❥━──➸➽❥💔
راح الچان بهمومي يشاركني
وبفراگه الوكت دولاب دولبني
ما ضنه يرد اليوم خال أبني
نام أعلى التراب وعيني بچاهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢١ من شهر ذي الحجة
الموافق / ٢٠٢٦/٦/٧
/channel/Nshwan_1999
فزاعيه للأمام الحسين ؏ ( بالميدان يالوالي )
ضليت جثته أموسده بالميدان يالوالي
❥━──➸➽❥💔❥━──➸➽❥💔
وأمنين أحصلك چفن
يالساحگه أضلوعك حصن
بنتك يبو اليمه تون
خلاني أبوي أتگول وي عذالي
❥━──➸➽❥💔❥━──➸➽❥💔
عريان جسمك عالترب
وأبسهم مصيوب الگلب
فگدك يوالينه صعب
وحدي بقيت وحيره تبره الحالي
❥━──➸➽❥💔❥━──➸➽❥💔
والراس گاعد عالرمح
وأيفيض من عنده الجرح
والجسد دامي منطرح
مسلوب ضل أعلى التراب أگبالي
❥━──➸➽❥💔❥━──➸➽❥💔
أبچي أعلى أخوي وغربته
بالساحه بالدم طيحته
والخيل صدره سحگته
مكسور صار أو دمعي دم همالي
❥━──➸➽❥💔❥━──➸➽❥💔
يا ضيغم الما تنوصف
جسمك أمن الطعن أنخسف
وأعليك دمعي ما يجف
يا لوعتي اللي ما تفارگ بالي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢١ من شهر ذي الحجة
الموافق / ٢٠٢٦/٦/٧
/channel/Nshwan_1999
متوفر في مكتبة العليلة بادارة العلويه أم علي
للحجز.. مراسلة واتساب
07705677443
فزاعيه لعبد الله الرضيع ؏ ( صوبته أبلعومه )
يا حرمله ليش الطفل ••• صوبته أبلعومه
❥━──➸➽❥💔❥━──➸➽❥💔
يا حرمله أشسوه الطفل
سهمك ثجيل وما حمل
عمره بالأشهر وأنچتل
وأعلى أمه رد بدمومه
❥━──➸➽❥💔❥━──➸➽❥💔
يم المهد تجري الدمع
وأگليبهه لجله أنفجع
صوت الحزن منهه أرتفع
منه أصبحت محرومه
❥━──➸➽❥💔❥━──➸➽❥💔
أمن السهم روحه أمألمه
وأتفيض أگماطه دمه
وحسين دمه للسمه
شاله أو ينوح أبيومه
❥━──➸➽❥💔❥━──➸➽❥💔
عطشان ما ضاگ العذب
يبچي ويون گلبه أنشعب
سهمك وسط نحره يطب
والدم ترسله أهدومه
❥━──➸➽❥💔❥━──➸➽❥💔
عبدالله وسفه أبكربله
ذباحه ويلي حرمله
وخله الدمايه سايله
وزينب عليه مهضومه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( محد شربك ماي )
يا عبدالله يبني ••• فگدك هدم ركني
محد شربك ماي ••• خذاك الموت مني
❥━──➸➽❥💔❥━──➸➽❥💔
لو يرجع زماني ••• وأحملنك بديه
وأشربك من دمعتي ••• لو شح ماي أُميه
يا ريحة العِتره ••• يالغالي عَليه
مهدك يمه خالي ••• من عندك يغالي
وأصوابك هدمني ••• يا عبدالله يبني
❥━──➸➽❥💔❥━──➸➽❥💔
سهم الصاب نحرك ••• يمه فطر چبدي
رحت وضل مكانك ••• خالي اليوم عندي
يبعد العمر كله ••• عفتني ليش وحدي
حرموني أشوفك ••• يوليدي وأطوفك
يا لوعتي وحزني ••• يا عبدالله يبني
❥━──➸➽❥💔❥━──➸➽❥💔
يبو أچفوف النواعم ••• يبو أعيون الوسيعه
تبچي أعليك وأتنوح ••• بالخيمه الوديعه
صاحت ليش الحسين ••• فجعونه برضيعه
ضلت بس الآهات ••• حرمونه المناغات
النوايب المني ••• يا عبدالله يبني
❥━──➸➽❥💔❥━──➸➽❥💔
أروحن وين عگبك ••• وأنته الهوى والروح
يبني أو يا حبيبي ••• عفت الگلب مجروح
نايم حدر الأتراب ••• نحرك دمه أيفوح
يا شمعة حياتي ••• يالبيك أمنياتي
يا سهمك ذبحني ••• يا عبدالله يبني
❥━──➸➽❥💔❥━──➸➽❥💔
بيد حسين شفته ••• دمك يمه يجري
وأنه وياك يگضي ••• ردته اليوم عمري
أصيح أبعلو صوتي ••• كسر عبدالله ضهري
تمنيت المنيه ••• تاخذنه سويه
دهري ما رحمني ••• يا عبدالله يبني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( عبدالله صوبته )
أشمالك يا نذل عبدالله صوبته
ومن حضني وحناني أبسهم فرگته
❥━──➸➽❥💔❥━──➸➽❥💔
أشمالك يا نذل صوبت بلعومه
وخليت الدمايه أتفيض أهدومه
عالميت رضيع اليوم مهضومه
《 ويانه البين أشعنده 》
❥━──➸➽❥💔❥━──➸➽❥💔
أشعنده البين يفتر عالزغاريه
أخذ عبدالله ليش أو ما بقى ليه
وأگماطه تلف بدمومه تاليه
《 ساگينه أبسهم اليرضع 》
❥━──➸➽❥💔❥━──➸➽❥💔
أشمالك يا نذل شمسوي الك طفلي
فاجعني بمصابه وهوّه كل أهلي
أصيح أعلى الولد يا عين دم هلي
《 خلوانه الخيمه أخلافه 》
❥━──➸➽❥💔❥━──➸➽❥💔
اليوم أبكربله ضاع الربا وتعبي
سهم الموت أخذ عبدالله من گلبي
حملي أثگيل صار وما شفت دربي
《 ثگلانه أحمولي أعليه 》
❥━──➸➽❥💔❥━──➸➽❥💔
أخذ وياه روحي أو عمري وأيامي
ضل بس المهد وأهدومه گدامي
أناشد كربله عن طفلي الضامي
《 غرگانه أهدومه أبدمه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعبد الله الرضيع ؏ ( صديت المهد )
صديت المهد عبدالله بدموعي
خالي منه أشوفه وما سكن روعي
❥━──➸➽❥💔❥━──➸➽❥💔
خالي يا مهد عبدالله أشوفنه
بعد حسه يناغي ما أسمعنه
خلاني الزمن بفراگه أجر ونه
محنيه أبرحيله صارت أضلوعي
❥━──➸➽❥💔❥━──➸➽❥💔
وينك يا عبد درن ثدايايه
رحت أو ما بقيت اليوم ويايه
أگضي الباقي من العمر نعايه
عليك أمن الحزن مطفيه أشموعي
❥━──➸➽❥💔❥━──➸➽❥💔
يا شمعت حياتي البين طفاهه
وأرسومك حسافه أتراب غطاهه
أمك يالرضيع أدموع عيناهه
تتهامل على الخد أو كثر لوعي
❥━──➸➽❥💔❥━──➸➽❥💔
ست أشهر عمر يا حرمله بعده
بالدم خضبيت أگماطه وي خده
عطشان العطش لا ما رحم چبده
وآنه الوالده وأنهدم مشروعي
❥━──➸➽❥💔❥━──➸➽❥💔
صديت المهد عبدالله حزنانه
خالي اليوم منه وعيني عميانه
وسفه عالزمن ما ينصف أويانه
وضل بس الحزن والنوح موضوعي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
موشح لعبد الله الرضيع ؏ ( يا صبي العين )
يا صبي العين يا بعد الگلب
خالي مهدك والدمع من دم يصب
❥━──➸➽❥💔❥━──➸➽❥💔
خالي مهدك يا عبد يوليدي
للمنيه أتفرهدت من أيدي
يا حبيب الروح ونبض أوريدي
حرمله أيذبحك ييمه أبيا ذنب
❥━──➸➽❥💔❥━──➸➽❥💔
حرمله گطّع وريدك بالسهم
يمه وأگماطك حسافه كله دم
عيشتني من رحت يمه ابألم
موتك أتخطاه يعبدالله صعب
❥━──➸➽❥💔❥━──➸➽❥💔
ويلي بالخيمه المهد جدامي
فارغ أمن أبني الذبيح الضامي
موته فرهد يا جميع أحلامي
ماي ما قدموله عدوانه وشرب
❥━──➸➽❥💔❥━──➸➽❥💔
صوت الأمناغه أنگطع بالخيمه
منذبح جابه يراعي الشيمه
والدليل أبفگده چمّل ضيمه
أصفگت بيدي وگلت راح التعب
❥━──➸➽❥💔❥━──➸➽❥💔
راح تعبي وراح سهري أبليلي
ذاب عالمدلول كلش حيلي
ما گعد ليه ولا أيناغيلي
ضيعيته أو نار بيه تلتهب
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٠ من شهر ذي الحجة
الموافق / ٢٠٢٦/٦/٦
/channel/Nshwan_1999
لطميه لعلي الأكبر ؏ ( دمعاته أبطرف عينه )
اليوم حسين دمعاته أبطرف عينه
طاح الأكبر أو ضلمه صواوينه
❥━──➸➽❥💔❥━──➸➽❥💔
شال أبنه أو رجع للخيمه بالونه
ونسوانه أطلعن كلهن تلگنه
بيده الأكبر أو مذبوح شافنه
《 بصوابه أتفرفح گلبه 》
❥━──➸➽❥💔❥━──➸➽❥💔
ما يگدر بعد يمشي أبو أسكينه
أمن أصواب الولد ميتات رجلينه
شاب أزغير بعده وغمضت عينه
《 لعيونه متلوگ النومه 》
❥━──➸➽❥💔❥━──➸➽❥💔
گلبه أمفرفح ومخنوگ بالعبره
شايل جثته والدم مله صدره
وأعيونه غدت من البچي حمره
《 هد حيله أفراگ الأكبر 》
❥━──➸➽❥💔❥━──➸➽❥💔
اليوم حسين صاح أو دمعته تجري
بعدك يا علي الموت أرحم العمري
أفراگ أعيونك الحلوه كسر ضهري
《 كل حيلي أصوابك هده 》
❥━──➸➽❥💔❥━──➸➽❥💔
جبتك للخيم خليتك أگبالي
وعماتك أجن يبچن على حالي
من نوم التراب أتگوم حسبالي
《 حسبالي أترد يوليدي 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٩ من شهر ذي الحجة
الموافق / ٢٠٢٦/٦/٥
/channel/Nshwan_1999
نعي لعلي الأكبر ؏
أفراگ الولد ما رايدته
يا موت ليش أبعيد أخذته
وعريس لا ما شايفته
❥━──➸➽❥💔❥━──➸➽❥💔
چان العزيز أگبال عيني
راح أو كثر نوحي وونيني
للخيمه وسفه ما يجيني
❥━──➸➽❥💔❥━──➸➽❥💔
ردت الولد خيمه عليه
مو ينذبح بالغاضريه
أشسويتي يا دنياي بيه
❥━──➸➽❥💔❥━──➸➽❥💔
يا لوعتي من فارگاني
طاح الرجا والهم طواني
ردته ذخر التالي زماني
❥━──➸➽❥💔❥━──➸➽❥💔
ضاع الربا أو تعب الليالي
وبعده ولا رحمو أبحالي
خالي مچانه وشده بالي
❥━──➸➽❥💔❥━──➸➽❥💔
مكسور ضهري ومدمعي أيسيل
من بعد عينه ما بقى حيل
أمصيبة علي لا مالهه أمثيل
❥━──➸➽❥💔❥━──➸➽❥💔
سهم الهجر بضلوعي نابت
وأخلاف عينه روحي شابت
كل المحنه أوياه غابت
❥━──➸➽❥💔❥━──➸➽❥💔
يبني السهم غير أرسومك
يا ريت عمري گبل يومك
شفت الدمه أمغرگ أهدومك
❥━──➸➽❥💔❥━──➸➽❥💔
يا كوكب الي غاب ضيه
عگبك الهم چودر عليه
أبچي أبحزن صبح ومسيه
❥━──➸➽❥💔❥━──➸➽❥💔
أبگلبي يمه النار تسعر
فرگاك هداني يالأكبر
دمك على الغبره تطشر
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٨ من شهر ذي الحجة
الموافق / ٢٠٢٦/٦/٤
/channel/Nshwan_1999
"الْحَمْدُ لِلهِ الَّذِي جَعَلَنَا مِنَ الْمُتَمَسِّكِينَ بِوَلَايَةِ أَمِيرِ الْمُؤْمِنِينَ وَالْأَئِمَّةِ عَلَيْهِمُ السَّلام"
كل عام وأنتم بألف خير ❤🌹..