-
قالها السجاد في يوم السبي كذب الموت فما مات ابي
فزاعيه للأمام العباس عليه السلام( عالهامه يشيعيه )
دگي اليوم للعباس
عالهامه يشيعيه
❥━──➸➽❥💔❥━──➸➽❥💔
للجيدوم هالليله
دگي اليوم وأبچيله
ويا عباس گوليله
نضره منك أعليه
❥━──➸➽❥💔❥━──➸➽❥💔
يالضحيت بالچفين
نضره أبجاه نحر حسين
أمسح دمعتي البالعين
ها يبن الأكباريه
❥━──➸➽❥💔❥━──➸➽❥💔
ميردچ كفيل أخته
كل هالناس گصدته
وأبزينب أمحلفته
بچفه الحاجه مگضيه
❥━──➸➽❥💔❥━──➸➽❥💔
مگضيه حوائجنه
بچف عباس الأمچنه
ولا ما نگطع الضنه
من صنگر الحربيه
❥━──➸➽❥💔❥━──➸➽❥💔
هذا الجابته حره
صنگر هد على الكفره
وخله الروس مطشره
تربيتچ يبدويه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لأولاد مسلم عليهم السلام( جمرت مداليلي )
تسعر حيل يا جمرت مداليلي
مشو عني اليتامه وأنهدم حيلي
❥━──➸➽❥💔❥━──➸➽❥💔
تسعر ما طفرت بالگلب جمرتهم
وأتهدم عليهم حيل عمتهم
حلوين المعاني وهاي فرگتهم
خلتني نحيله وصحت يا ويلي
❥━──➸➽❥💔❥━──➸➽❥💔
خلتني نحيله فرگة أولادي
مشو من المخيم عني بالوادي
جمرتهم سعيره أو تحرگ أفادي
بعد ماضن عليه طاهر أيجيلي
❥━──➸➽❥💔❥━──➸➽❥💔
شيرد اليتامه وعمهم أبدمه
عالتربان نايم والعده لمه
أدورهم وأصيحن وين يا يمه
گضيته بس أدور بالدمع ليلي
❥━──➸➽❥💔❥━──➸➽❥💔
أمضيعين الدرب والليل هلجاني
زماني أعليهم أبهاليوم بچاني
والعباس أخوي أشلون خلاني
گوم أنهض لخيتك صحت يكفيلي
❥━──➸➽❥💔❥━──➸➽❥💔
گوم أنهض لخيتك شوف حالتهه
مصايب عاشر أبعاشور هدتهه
بالحومه حميده أمضيّعه أخوتهه
ومن سوط الرجس عباس تشكيلي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
موشح لمسلم أبن عقيل عليهم السلام( لا تضل بالكوفه )
رد يمسلم لا تضل بالكوفه
بيهه توگع هامتك مكشوفه
❥━──➸➽❥💔❥━──➸➽❥💔
جاي وحده اليوم وين أخوانه
نقضو البيعه العده الخوانه
كلهه تطلب چتلته مولانه
يا غريب أعداه عليه مصفوفه
❥━──➸➽❥💔❥━──➸➽❥💔
رد يمسلم طوعه گالت لا تضل
سيدي بالكوفه أخافن تنچتل
يا وحيد ويا غريب أبلا أهل
حسين حالك ما يجي ويشوفه
❥━──➸➽❥💔❥━──➸➽❥💔
رد يمسلم هالوطن ما بي أمان
وأدم أبدمهه سره وسفه الخيان
بنتك أزغيره ولا شبعت حنان
يمكن أعلى شوفتك ملهوفه
❥━──➸➽❥💔❥━──➸➽❥💔
يبو طاهر گوم وأدخل داري
سيدي الليله صرت خطاري
شتت قصتك يهيبه أفكاري
گلبي زاد أعليك همه وخوفه
❥━──➸➽❥💔❥━──➸➽❥💔
خوفي لا يدرون بيك الضالمين
يبو طاهر يا أبن عم الحسين
راسك أيريدونه يبن الطاهرين
كون بيهم هالأرض مخسوفه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇
/channel/Abas747
تجدونها مع التكمله في ديوان رحلة الأحزان الجزء الثاني للشاعرة أم محمد الكناني والشاعرة نشوان الكناني
Читать полностью…
لطميه للسبي( توجع حيل )
توجع حيل حا يا رچبت الناگه
وصعبه وي يزيد أبجلسته أتلاگه
❥━──➸➽❥💔❥━──➸➽❥💔
صعدوني أو مشيت أعليهه مسبيه
والخوان نومه أو ما درو بيه
بس الروس عندي وعيني معميه
《 تبرالي والروس أمعلگه 》
❥━──➸➽❥💔❥━──➸➽❥💔
يا روحي بعد ما تحمل الهضمه
عالناگه مشيت الوحدي حرمه
وأعليه الكفر بالسوط ملتمه
《 أيضربوني لو صحت حسين 》
❥━──➸➽❥💔❥━──➸➽❥💔
شحچي والحچي ما يخلص أهوايه
والأيتام تندب صاحب الرايه
خليته جسد والراس ويايه
《 الحگ لينه وينك عباس 》
❥━──➸➽❥💔❥━──➸➽❥💔
ما يلحگ عليه أشوفني أشلوني
چنت أمدلله واليوم يسروني
أدير العين أشوف السوط بمتوني
《 أعلى أمتوني مطبوع السوط 》
❥━──➸➽❥💔❥━──➸➽❥💔
أنه بت علي والمصطفى جدي
بيه أشلون ذباح الولي يحدي
أجيت أويه أخوتي وتالي صرت وحدي
《 عافوني خواني ونامو 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٢٥ من شهر ذي الحجة
الموافق / ٢٠٢٥/٦/٢٢
/channel/Nshwan_1999
لطميه للأمام الحسين عليه السلام( حسين أمن المهر )
حسين أمن المهر طايح على أترابه
وأبگلبه السهم يم الخدر صابه
❥━──➸➽❥💔❥━──➸➽❥💔
حسين بيوم عاشر طاح من مهره
وأگبالچ يجر ونات يالحره
شوفيه أبرمح ويلي أنطعن خصره
لحيته من دماه يا زينب أخضابه
❥━──➸➽❥💔❥━──➸➽❥💔
شوفي لحيته يا زينب أمخضبه
ورشگ أسهام عدوانه أبوسط گلبه
ومن حر الرمل لجروح ملتهبه
وأسكينه تون وأتصيح يا يابه
❥━──➸➽❥💔❥━──➸➽❥💔
أبعيد الماي عنه أو ما شرب منه
وخيل الأعوجيه عشره داسنه
أشحالچ يوم شفتي صدره كسرنه
على التله صعدتي أبدمعه سچابه
❥━──➸➽❥💔❥━──➸➽❥💔
سند گلبچ وگع بالمعركه أبدمه
وعدوانه أعلى ذبحه اليوم متحزمه
والسجاد يبچي أو منكسر عزمه
عينه غمضت وأحترگت أطنابه
❥━──➸➽❥💔❥━──➸➽❥💔
عينه غمضت يم عون شيگعده
ولخوله ورقيه الوالي شيرده
وسفه أتخضب أبدمه الحلو خده
أحاه يا جمرته بالگلب لهابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٤ من شهر ذي الحجة
الموافق / ٢٠٢٥/٦/٢١
/channel/Nshwan_1999
تجدونها مع التكمله في ديوان رحلة الأحزان الجزء الثاني عاشوري
للشاعرة أم محمد الكناني _ والشاعرة نشوان الكناني
حبايب مابقى شي لمحرم الما عدهه دواويني خل تلحك تاخذهم قبل النفاذ
ديوان تناهيد الجروح الجزء ( ٢ و ٣ )
وديوان قافلة النور
وديوان رحلة الأحزان الجزء ( ٢ و ٣ )
متوفره بهاي المكاتب 👆👆
بمناسبة قرب موعد شهر محرم الحرام
يتوفر ديوان قافلة النور في مكتبة دار الدعاء العنوان البصرة العشار شارع المطاعم قرب شارع الكويت
التواصل 07738134009
رجوع السبايا إلى كربلاء( لو ناشد على أرقيه )
مستحيه شگل لحسين لو ناشد على أرقيه
أگله بالخرابه أشلون صاير دفن البنيه
❥━──➸➽❥💔❥━──➸➽❥💔
مستحيه شگله وخاف ينشدني على أبنيته
أگله بالخرابه أشلون ضلت عالنحر ميته
وأهو من طاح وصاني وأنه أحفظت لوصيته
لچن يا ناس ما بيدي كلشي أعلى أمر الأمنيه
❥━──➸➽❥💔❥━──➸➽❥💔
ما بيدي على اللي صار ويانه أو خطف لوني
ويا ضيم الخرابه أهناك هداني وعمه أعيوني
خوال أبني شگللهم أذا عن حالي سئلوني
محدوبت ضهر رديت من الضيم موليه
❥━──➸➽❥💔❥━──➸➽❥💔
أخاف حسين أبو السجاد يزعل لو مجبناهه
وبرض الشام ميته أهناك الأبنيه ودفناهه
مستحيه يناس أهواي من حسين رجواهه
سطرني البين عالهامه وسطراته أهدمت بيه
❥━──➸➽❥💔❥━──➸➽❥💔
أمدللتك يخويه الگوم برض الشام رعبوهه
وراسك بالطشت جابوه بدمه أتشوفه خلوهه
بنص الليل آه يالليل الأزغيره يفجعوهه
ماتت والحزن يحسين زايد يالولي أعليه
❥━──➸➽❥💔❥━──➸➽❥💔
يعرفون النبي جدنه وما رحمونه يالوالي
بناتك يا ضوه أعيوني ماتن كلهن أگبالي
شسوي أبيومهه يحسين وأنه حايره الحالي
يخويه بالگلب ونات من أحزاني مخفيه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ٢٢ من شهر ذي الحجة
الموافق / ٢٠٢٥/٦/١٩
/channel/Nshwan_1999
نعي لدفن الأجساد الطاهره
شفت الجسد علترب شفته
مخضب أبدمه ولا عرفته
وأسهام متروس أو شبگته
❥━──➸➽❥💔❥━──➸➽❥💔
شفت الجسد علرمل عاري
وبگلبي تلهب حيل ناري
نايم أشلون أو بالصحاري
❥━──➸➽❥💔❥━──➸➽❥💔
رديت أدفنه اليوم وحدي
لا سدره لا كافور عندي
والدمعه متسطره أعلى خدي
❥━──➸➽❥💔❥━──➸➽❥💔
بالخيل صدره طاحنينه
والراس عنه عازلينه
أهناكه أبرمح وأمعلگينه
❥━──➸➽❥💔❥━──➸➽❥💔
عريان بشموس الضهيره
وأجروحه البجسمه چثيره
وللحفره أشيلنه أبحصيره
❥━──➸➽❥💔❥━──➸➽❥💔
اليوم الگبر بيدي حفرته
وباللحد نزلته أو دفنته
والطفل فوگ الصدر جبته
❥━──➸➽❥💔❥━──➸➽❥💔
أبهاي المسيه وسدتهم
كلهم أهل گلبي أبلحدهم
وأعلى الأگبور أكتب أسمهم
❥━──➸➽❥💔❥━──➸➽❥💔
بفراگهم مكسور ضهري
أوياهم أنه أتمنيت گبري
ياربي أخذ ناديت عمري
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر ذي الحجة
الموافق / ٢٠٢٥/٦/١٨
/channel/Nshwan_1999
مربعه لبداية محرم الحرام( آه يحسين )
كل أحنه لبو السجاد ممنونين
ننصب ماتمه ونصيح آه يحسين
❥━──➸➽❥💔❥━──➸➽❥💔
ممنونين للمظلوم كل أحنه
شيعه وجعفريه وهوه سيدنه
ننصب ماتمه ونهل مدامعنه
يستاهل بچينه وجرت الونه
كل عاشور نبچي أعليه حزنانين
❥━──➸➽❥💔❥━──➸➽❥💔
حزنانين كل عاشور نبچيله
ما جوره أعلى لطمج يالتلطميله
أذكري ذبحته وهضمة مداليله
الله يساعدك يحسين گليله
مصيبه مصيبتك منهه بچت كل عين
❥━──➸➽❥💔❥━──➸➽❥💔
مصيب مصيبتك كل عين بچتهه
والشيعه المأتم شوف نصبتهه
تعزي أم الحزن وتون لونتهه
كل عاشور ما عافوهه شيعتهه
هنا يا بت علي عينچ للمحبين
❥━──➸➽❥💔❥━──➸➽❥💔
عينچ عالمحب يا زينب الحره
نترجاچ يا مولاتي فد نظره
للتبچي وللتلطم وللتقره
وللطلبت أمراد ومدت السفره
كلنه أهموم عدنه وكلنه مهضومين
❥━──➸➽❥💔❥━──➸➽❥💔
كلنه أهموم عدنه ونطلب أمرادات
وأنتم باب رحمه ومسأل الحاجات
الشيعه هلو الدمعه ونخو نخوات
أنريد أبجاهكم تتسهل الصعبات
وشيعتكم تضل يحسين منتصرين
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر ذي الحجة
الموافق / ٢٠٢٥/٦/١٨
/channel/Nshwan_1999
لطميه أعتاب السيده زينب عليها السلام لدنيا( شلچ ما تگليلي )
يدنيه أوياي شلچ ما تگليلي
دوم أمحاربتني وشالعه أدليلي
❥━──➸➽❥💔❥━──➸➽❥💔
دوم أمحاربتني وشالعه گلبي
يدنيه وياچ ما ينفع بعد عتبي
ضربتيني وگلتي لدمعتي صبي
صبت دم دمعتي وصحت يا ويلي
❥━──➸➽❥💔❥━──➸➽❥💔
يا ويلي صحت والدمع ضل يجري
ضربتيني وضربتچ تيهت فكري
شلچ وياي ي ادنياي ما أدري
بس أهموم ومصايب تجيبيلي
❥━──➸➽❥💔❥━──➸➽❥💔
بس أهوم جبتيلي ومصايب سود
أخذتي البي محنه وما يرد أردود
خله الدار وحشه وبابهه مسدود
شفتهه أمغلگه ومنهه أنهدم حيلي
❥━──➸➽❥💔❥━──➸➽❥💔
شفتهه أمغلگه وحيلي أنهدم منهه
عگب الشال عنهه أشلون أطبنهه
ضلمه ونورهه طافي أشوفنهه
بالتربان خليته بدر ليلي
❥━──➸➽❥💔❥━──➸➽❥💔
بدر ليلي ونجم سعدي برمل غافي
وأنه أمدولبه وأهمومي لچتافي
بعد عندچ يدنيه أحراب لو كافي
أجبال أمن الصبر أبني وتهدميلي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٠ من شهر ذي الحجة
الموافق / ٢٠٢٥/٦/١٧
/channel/Nshwan_1999
لطميه لعبد الله الرضيع عليه السلام( مهضومه الرباب )
مهضومه الرباب أتصيح يوليدي
من ذبحوك ذبحو فرحتي وعيدي
❥━──➸➽❥💔❥━──➸➽❥💔
مهضومه الرباب أتصيح يا يمه
من ذبحوك صارت دنيتي ضلمه
گلبي أعليك مالوم وكثر همه
سهم الگوم گبلك كون حز جيدي
❥━──➸➽❥💔❥━──➸➽❥💔
كون أصوابهم صوبني ما صابك
يبني أشلون حالي حسين من جابك
مذبوح ودماك أمصبغه أثيابك
شفتك والمناحه صبحت فيدي
❥━──➸➽❥💔❥━──➸➽❥💔
فيدي النوح والونه ودمعتي أتسيل
من شفتك ذبيح أنهدم مني الحيل
كون الموت يقبل يالولد تبديل
يريض بيك ويگرّب مواعيدي
❥━──➸➽❥💔❥━──➸➽❥💔
كون الموت يوليدي الفده أيقبله
لفدي روحي لروحك يعبد الله
ولا أبقى بغربتي وأجرع الذله
شگول أعليك يالضيعتك أمن أيدي
❥━──➸➽❥💔❥━──➸➽❥💔
شگول أعليك يالمنك فرغ حضني
يا ماي الأعيون وسلوتي يبني
يومك يالمدلل حيل هدمني
بيك البين طگني وگالي بيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١٩ من شهر ذي الحجة
الموافق / ٢٠٢٥/٦/١٦
/channel/Nshwan_1999
لطميه لأولاد مسلم عليهم السلام( يهل الخيل )
يهل الخيل دلوني أعلى الأولاد
وفرو من أديه أبذني الأوهاد
❥━──➸➽❥💔❥━──➸➽❥💔
دلوني على أولادي
فرو مني بالوادي
مدري بيهم أشسادي
وأنشد بالعده والنشد ما فاد
❥━──➸➽❥💔❥━──➸➽❥💔
وأنشد ما يحاچوني
على أبني ما يدلوني
أجو بالسوط ضربوني
صحت وينك يبعد أختك يوراد
❥━──➸➽❥💔❥━──➸➽❥💔
أجه الظالم وضرباني
بسياطه أو شتماني
يا عباس هضماني
يگلي ناخذچ بدروب الأبعاد
❥━──➸➽❥💔❥━──➸➽❥💔
أمشي للسبي يردون
وأخليكم جثث بالكون
ضاع الولد ما تدرون
وأختكم حايره ومحنية أفاد
❥━──➸➽❥💔❥━──➸➽❥💔
يهل الزود محتاره
وأبني مدري بخباره
وگلبي ولا هدت ناره
چانون أبدليلي يفور وگاد
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لأولاد مسلم عليهم السلام( صاحو أعليه )
حس أولاد مسلم صاحو أعليه
وفرو وين من هجمت بني ميه
❥━──➸➽❥💔❥━──➸➽❥💔
چنهم صاحو أعليه دلحگينه
ويا عمه يزينب ليچ ردينه
صار الليل وأحنه أنوح ضلينه
ونرجف خايفين أبدمعه مجريه
❥━──➸➽❥💔❥━──➸➽❥💔
مني فرو أبحرگ الخيم بزري
وخال أبني على التربان ما يدري
راسه منگطع والدم صبح يجري
وباچر رايحه أعلى الجمل مسبيه
❥━──➸➽❥💔❥━──➸➽❥💔
للخوان أجيت أبحسره أگعدهم
دورولي اليتامه اليوم أگللهم
بالوادي مشو وأعليه شيردهم
محنيه صرت من حزني محنيه
❥━──➸➽❥💔❥━──➸➽❥💔
محزونه وغريبه وحانيه الرگبه
وضاع أبني الزغير وما أندل دربه
أحشّم من يدوره وأنه بالغربه
والعدوان ما بيهم محنيه
❥━──➸➽❥💔❥━──➸➽❥💔
ما بيهم محنيه ولا شيمه
گمت أركض وأدور وحدي بالهيمه
على ابني والگلب زاد وكثر ضيمه
زماني أبيوم عاشر ما رحم بيه
❥━──➸➽❥💔❥━──➸➽❥💔
محتاره بهل گلبي البگو نومه
والويلاد فرو عني بالحومه
وينه الگه الولد شو ضاعت أرسومه
وما أدري زماني وين تاليّه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لمسلم أبن عقيل عليهم السلام( بو طاهر الليله )
بالكوفه وگع بو طاهر الليله
چا وين الهواشم خل تجي أتشيله
❥━──➸➽❥💔❥━──➸➽❥💔
بالكوفه وگع من قصر الأيماره
وحده يا حسافه أو قلت أنصاره
صوب حسين راحت مسلم أخباره
《 شيل الهيبه يحسين أحضر 》
❥━──➸➽❥💔❥━──➸➽❥💔
هاي أول مصيبه من بي هاشم
مسلم طايح أو ما بي عضم سالم
ولا خيّر فزع للهيبه يا وادم
《 أيدوسونه مسلم بالخيل 》
❥━──➸➽❥💔❥━──➸➽❥💔
طگ أعضام صدره وطوعه تسمعهه
على الهامه تدگ وأيسيل مدمعهه
يا ضنوة عقيل ويومه يفجعهه
《 مفجوعه بمصاب الوالي 》
❥━──➸➽❥💔❥━──➸➽❥💔
جابو جثته أو بالسوگ خلوهه
من الحر حسافه ما يغطوهه
تون طوعه الشريفه وحيل فجعوهه
《 أمصوبينه مسلم عدوانه 》
❥━──➸➽❥💔❥━──➸➽❥💔
وينك يا علي يا حاضر الشده
شوف الحيد مسلم بالغرب وحده
بس طوعه التنصره أو ضلت أبسده
《 أتون اليوم الحزنانه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه للأمام الحسين عليه السلام( نوم المگبره )
موش ألك يحسين نوم المگبره
ما ترد وحدهه تدريهه المره
❥━──➸➽❥💔❥━──➸➽❥💔
موش ألك يابو علي هالنومه
والعقيله أمحيره ومهضومه
من مصابك تنحب أو مالومه
ما دريت أشصار بيهه الطاهره
❥━──➸➽❥💔❥━──➸➽❥💔
ما دريت أبزينب أشصار وسده
مشت عنك وأنته جثه أمدده
لأرض كوفه وشام حاديهه حده
يا حسين أختك خذوهه أميسره
❥━──➸➽❥💔❥━──➸➽❥💔
راحت أختك والحبل بيديهه
يا حسين السوط أثر بيهه
أتريد عباسك يجي أيحاميهه
وسفه صگار الأعادي ما دره
❥━──➸➽❥💔❥━──➸➽❥💔
گوم من نومك يشيخ الساده
هالشمر عگبك عليهه أتماده
من عگب عباس وأستشهاده
صارت أختك بالحريم أمحيره
❥━──➸➽❥💔❥━──➸➽❥💔
موش ألك نوم الترب يا هيبه
أنته أصل الجود وأصل الطيبه
عن أخيتك طوّليت الغيبه
مشت مسبيه أبحبل متجرجره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
تجدونها مع التكمله في ديوان رحلة الأحزان الجزء الثالث للشاعرة أم محمد الكناني والشاعرة نشوان الكناني
Читать полностью…
لطميه للرجوع إلى كربلاء( من الشام محنيه )
أجيتك يا بعد روحي من الشام محنيه
أجر الجدم بالگوه ما ضل كل عزم بيه
❥━──➸➽❥💔❥━──➸➽❥💔
أجيتك من مرار الشام مهضومه ودمعتي تسيل
أجر الجدم بالگوه بيه ما بعد كل حيل
أجيتك ناحله وأنده بسمك گوم ليه أدخيل
أجيت اليوم دگعدلي وشوف شبيه ما بيه
❥━──➸➽❥💔❥━──➸➽❥💔
أگعد شوفني أبيا حال رديت وچنت عدمن
أنشدني أشلون مشوني ميسوره أبوليتمن
شدو حبل بچفوفي ما يدرون أخيتمن
ما چني أخيت حسين وبت أزلام حربيه
❥━──➸➽❥💔❥━──➸➽❥💔
ما چني أخيت حسين مشوني على أجدامي
غريبه ودمعتي بعيني وراسك خويه جدامي
أجيتك والگلب مهضوم أريد أشكيلك الآمي
أگلك طبت الديوان الچانت گبل مخفيه
❥━──➸➽❥💔❥━──➸➽❥💔
أجيت اليوم أسولفلك ضيمي بطبت الديوان
شفت الناس متجمعين للفرجه من كل أمچان
وأيزيد أيتنشد گام ويحسب گام بالنسوان
نشدني وگال ياهي أنتي أبنشده من وصل ليه
❥━──➸➽❥💔❥━──➸➽❥💔
نشدني وگال ياهي أنتي يالچنچ علي الكرار
أضنچ زينب أخت حسين بس عجبه بلايه أخمار
وين الگبل يتلگاچ لو سيرتي أعلى الدار
شو نام وغفت عينه وأضن ما يدري مسبيه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٤ من شهر ذي الحجة
الموافق / ٢٠٢٥/٦/٢١
/channel/Nshwan_1999
مربعه للسبي( كفال العقيله )
كفال العقيله ما دره بيهه
راحت بالسبي والشمر حاديهه
❥━──➸➽❥💔❥━──➸➽❥💔
كفال العقيله ما دره باخته
راحت بالسبي والشمر تابعته
وتنطگ لو بچت ضلت تون سكته
شتمهه وما قبل تبچي أعلى أهاليهه
❥━──➸➽❥💔❥━──➸➽❥💔
شتمهه وما قبل تبچي أعلى ولياهه
عمت عينه التجره وبيده ضرباهه
عنهه وين أبو فاضل الكفلاهه
أتحشم وين أخوي وما گعد ليهه
❥━──➸➽❥💔❥━──➸➽❥💔
أتحشم وين أخوي وما گعد عباس
ولا شاف الكفلهه أميسريهه أرجاس
أويلاه أعلى حاله لا زند لا راس
وعينه عمت عيني بسهم طافيهه
❥━──➸➽❥💔❥━──➸➽❥💔
طفاهه السهم عينه عمت عيني
وچنه يگول يا زينب أعذريني
أدافع بيش عنچ گطعوا أيميني
وجودي أتمزگ ورايتي أمطيحيهه
❥━──➸➽❥💔❥━──➸➽❥💔
الرايه طيحوهه وأنمزگ جودي
أدافع بيش عنچ گطعوا أزنودي
لو ما الموت ما فل يختي أعهودي
وأعذاري يبت حيدر أقبليهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٢٤ من شهر ذي الحجة
الموافق / ٢٠٢٥/٦/٢١
/channel/Nshwan_1999
حبايب البعض بيكم ما تعرف لبرنامج التلكرام اشلون تطلع ارقام المكتبة خلال هذا المنشور شوفي حبيبتي تضغطين على هذا اللون الوردي يلي مئشره عليه بالأسود راح تطلعلج ارقام المكاتب كلها ومن عدها تحجزين الكتب تحياتي 💐
Читать полностью…
بمناسبة قرب موعد شهر محرم الحرام
يتوفر ديوان رحلة الأحزان في مكتبة دار الدعاء العنوان البصرة العشار شارع المطاعم قرب شارع الكويت
التواصل 07738134009
بمناسبة قرب موعد شهر محرم الحرام
يتوفر ديوان تناهيد الجروح في مكتبة دار الدعاء العنوان البصرة العشار شارع المطاعم قرب شارع الكويت
التواصل 07738134009
لطميه للأمام العباس عليه السلام( هله أبعباس )
هله أبعباس طب للكون خيال
گصده ايجيب ماي ويروي العيال
❥━──➸➽❥💔❥━──➸➽❥💔
طب خيال للكون أعلى الگحيله
گصده أيجيب الميه المداليله
مهيوب وشجاع وغيرته أتشيله
وزلزل كونهه أو حير الأنذال
❥━──➸➽❥💔❥━──➸➽❥💔
زلزل كونهه العباس الأمچنه
حيد ومرجلاني شگد حچو عنه
وسيفه بالحرب يا ناس اله رنه
وخلاهم جثث نومه أعلى الأرمال
❥━──➸➽❥💔❥━──➸➽❥💔
خلاهم جثث وأتلول سواهم
وغرگهم كفيل أم عون بدماهم
وهالسبعين أبو النوماس بچاهم
كفو ونعمين منه سبع الأرجال
❥━──➸➽❥💔❥━──➸➽❥💔
أبروحه أيريد يفدي مهجة الزهره
هله أبعباس حره الجابته حره
وكلمن گابله بسيفه گطع نحره
مثل حيدر علي لو ضهضب وصال
❥━──➸➽❥💔❥━──➸➽❥💔
هله أبعباس من طب الميادينه
أينادي أبصوت عالي أبن سعد وينه
المنهم فنه يوصل حد أبو سكينه
بسبع العلگمي أيضربون الأمثال
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر ذي الحجة
الموافق / ٢٠٢٥/٦/١٨
/channel/Nshwan_1999
لطميه لدفن الأجساد الطاهره( وأصل الدفن أحبابه )
زين العباد أبهالليل وأصل الدفن أحبابه
ويصيح أبوي العطشان يصعب عليه أغيابه
❥━──➸➽❥💔❥━──➸➽❥💔
من السبي بذاك الليل طب العليل بلوعه
يدفن أبوه العطشان ويلم بقايه ضلوعه
يدفنهم وچن نهران بخدوده تجري دموعه
يبچي ويصيح أمن الضيم يا بويه هدني مصابه
❥━──➸➽❥💔❥━──➸➽❥💔
لم والده بذاك اليوم والعمه دارت عينه
صاح بهضم يالكفال يا عمي چفك وينه
مابيه حيل أعله الضيم دفنتكم أتاذينه
مهضوم أجيت أمن الشام نار الگلب لهابه
❥━──➸➽❥💔❥━──➸➽❥💔
وأتعنه لم الأنصار الله اليساعد روحه
شاف الضحايا أعله الگاع زادت عليه أجروحه
الله يعينه أمن الضيم روحه بهضم مذبوحه
يدفن أعز ناس أعليه ويهيل بيده أترابه
❥━──➸➽❥💔❥━──➸➽❥💔
شال الرضيع أمن الگاع واتعنه يم حسينه
يمسح دمه المنحر ذاك ويعدل بچفينه
فوگ الصدر مال حسين خله الطفل خدينه
ويگله يا بويه أعليك نام الطفل وأخضابه
❥━──➸➽❥💔❥━──➸➽❥💔
رد ورجع يم أم عون وترابه فوگ هدومه
توني أرجعت من حسين دفنيته هوه وگومه
ماضل يزينب كل حيل من شفته وسط الحومه
شيبه التراب أمغطيه هو أو جميع أصحابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر ذي الحجة
الموافق / ٢٠٢٥/٦/١٨
/channel/Nshwan_1999
لطميه للوحشه( زينب يا غريبه )
زينب يا غريبه أشحالچ الليله
ما عندچ زلم تحرسلچ العيله
❥━──➸➽❥💔❥━──➸➽❥💔
الليله أبكربله يا زينب أشحالچ
غريبه وعالتراب أموسده أرجالچ
تنخيمن بعد مذبوح كفالچ
وأصواب العمد كلش هدم حيله
❥━──➸➽❥💔❥━──➸➽❥💔
هدم حيله الصواب وبيچ ما يدري
غريبه ونارچ أمن الفاجعه تسري
صحتي يا كفيلي هدموا خدري
وي ريح الهوه گمتي توصيله
❥━──➸➽❥💔❥━──➸➽❥💔
للعباس وي ريح الهوه أتوصين
تحشمينه وچنچ بيه ما تدرين
لا ضل راس عد الحيد لا چفين
طايح عالشريعه وعالت العيله
❥━──➸➽❥💔❥━──➸➽❥💔
لو ما طيحت العباس يا زينب
ما واحد تجره وللخيم گرّب
لو بي روح أبو النوماس چا ضهضب
تضل بالضيم ما يقبل مداليله
❥━──➸➽❥💔❥━──➸➽❥💔
تضل بالضيم ما يقبل عزيزاته
أبو فاضل سبع تشهدله حملاته
لو عنده زند چا عاد صولاته
لو حي العدو ما توصلچ خيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر ذي الحجة
الموافق / ٢٠٢٥/٦/١٨
/channel/Nshwan_1999
لطميه للأمام العباس عليه السلام( خلسهه الگوم )
خلسهه الگوم يوم الصال عباس
وزينب والحرم بي رفعن الراس
❥━──➸➽❥💔❥━──➸➽❥💔
أبيوم الصال كلهم دخلو أنذار
وج بالغاضريه الكافل النار
أو وين أيروح أبن مرجانه محتار
《 ضم راسه من طب الكافل 》
❥━──➸➽❥💔❥━──➸➽❥💔
ضم راسه ويخاف أيطيّر الراس
ويرجف من سمع هدت العباس
أبو الغيره كلف وأتهابه الناس
《 ما گدروله عباس الهد 》
❥━──➸➽❥💔❥━──➸➽❥💔
حجب نور الشمس عباس عنهم
أبسيفه اليوم تتطاير رگبهم
أنه العباس أبن حيدر يگلهم
《 بچفينه رادمهه الگوم 》
❥━──➸➽❥💔❥━──➸➽❥💔
بيده السيف يلمع كافل أم عون
وبالهدات حاربهه اليعيلون
أحتارو وين من سيفه يشردون
《 رجاهه عباس الهيبه 》
❥━──➸➽❥💔❥━──➸➽❥💔
زرع بگلوبهم برض الحرب خوف
ولا ميجامل العباس معروف
ويم المشرعه وأيدوفهم دوف
《 ساگيهه والطف أبدمهم 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٠ من شهر ذي الحجة
الموافق / ٢٠٢٥/٦/١٧
/channel/Nshwan_1999
فزاعيه للوحشه( بالميدان هالليله )
ضلن بناتك يا علي ... بالميدان هالليله
❥━──➸➽❥💔❥━──➸➽❥💔
ما عدهن أخيام أو ولي
ضلن بناتك بالخلي
وأم عون صاحت يا هلي
گلبي تهدم حيله
❥━──➸➽❥💔❥━──➸➽❥💔
يبچن الليله أشحالهن
وأعلى التراب أرجالهن
والروس كلهه أگبالهن
سكنه دمعهه أتسيله
❥━──➸➽❥💔❥━──➸➽❥💔
گوملهن أو شوف أشسده
نسوان ما بين العده
وكل النشامه أموسده
وتاهت جميع العيله
❥━──➸➽❥💔❥━──➸➽❥💔
وأبليلة الحادي عشر
رادنك أعليهن تمر
وأتشوف يضربهن شمر
وحسين داسه أبخيله
❥━──➸➽❥💔❥━──➸➽❥💔
وحسين كسروله الضلع
وگلب العزيزه منفجع
هالليله بس تجري الدمع
ماكو ولي أو تشكيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١٩ من شهر ذي الحجة
الموافق / ٢٠٢٥/٦/١٦
/channel/Nshwan_1999