ኦርቶዶክስ ተዋህዶን እንወቅ
12 Dec 2024 12:13
የአእላፋት ዝማሬ መዝሙር ጥናት ተጀምሯል።
እንዳልዘምር የሚከለክለኝ ምንድን ነው?
መዝሙሮቹን በቴለግራም ለማጥናት ይቀላቀሉን!
👇👇
📎 /channel/+TmIvFjW58AliNmE0
📎 /channel/+TmIvFjW58AliNmE0
Читать полностью…
ኦርቶዶክስ ተዋህዶን እንወቅ
12 Dec 2024 02:24
☞ታህሳስ 3 በዚች ቀን የአምላክ እናት ድንግል ማርያም ወደ ቤተ መቅደስ
የገባችበት ቀን ነው፡
☞ድንግል ሆይ አንገታቸውን እንደሚያገዝፋ እንደ ዕብራውያን ሴቶች ልጆች በዋዛ ያደግሽ አይደለም፡፡ በንጽሕና በቅድስና በቤተ መቅደስ ኖርሽ እንጂ፡፡
☞ድንግል ሆይ ምድራዊ ኅብስትን የተመገብሽ አይደለሽም፡፡ ከሰማየ ሰማያት የበሰለ ሰማያዊ ኅብስት ነው እንጂ፡፡
☞ድንግል ሆይ ምድራዊ መጠጥን የጠጣሽ አይደለም፡፡ ከሰማያት የተቀዳ ሰማያዊ መጠጥን ነው እንጂ፡፡
☞ድንግል ሆይ ከአንቺ አስቀድሞ ከአንቺም በኃላ እንዳሉ ሴቶች እድፍ የምታዉቂ አይደለሽም፡፡ በንጽሕና በቅድስና ያጌጥሽ ነሽ እንጂ፡፡
☞ድንግል ሆይ የሚታልሉ ጉልማሶች ያረጋግሹ አይደለሽም፡፡ የሰማይ መላክእት ጉበኙሽ እንጂ፡፡ ካህናትና የካህናት አለቆች አመሰገኑሽ እንጂ፡፡( ቅዳሴ ማርያም)
☞በዚህ ወደ ቤተ መቅደስ የገባችበትን ምክንያት ያደረገችው ተአምር እናያለን፡፡
☞ከዕለታት በአንድ ቀን ሐና ክቅፍ አውርዳት ጎረቤት ብትኼድ ቅዱስ ገብርኤል
ደብቆባት ጥራ ግራ አግኝታታለች፡፡
☞ስለዚህ ሐና ኢያቄምን ይህች ብላቴና ሆዳ ዘመድ ሳየወድ አፏ እኽል
ሳይለምድ ወሰደን እንስጠምን የሰጠን ቢነሣ የለበት ወቀሳ እንዲሉ አንዳች
ብትኾንብን ከልጃችንም ከእግዚአብሔር ሳንኾን እንቀራለን አለችው፡፡
☞ኢያቄምም ፍቅርሽ ይልቅልሽ ብዩ ነው እንጂ እኔማ ፈቃዴ ነው አላትና
ወዲያው ወደ ቤተ መቅደስ ወሰደት፡፡
☞ሊቀ ካህናቱ ዘካርያስ የምግቧ ነገር ይያዝልኝ ብሎ መቶ ሕዝቡን ሰብስቦ
የምግቧን ነገር እንዴት እናድግ እያሉ ሲጨነቁ መልአኩ ቅዱስ ሩፋኤል ኅብስት
ሰማያዊ ጽዋዕ ሰማያዊ ይዞ ረቦ ታየ፡፡
☞ካህኑ ዘካርያስ ከዚህ በፊት በስውር ይቀበል ነበርና ለእሱ የመጣ ሀብት
መስሎት ዛሬስ ክብሬን በሰው ፊት ሊገልጸው ነው ብሎ ታጥቆ ሊቀበል ተነሣ፡፡
መልአኩም ወደ ላይ ራቀበት፡፡ የሊቀ ካህናቱ ተወራጅ ስምዖን ይባላል፡፡ እሱም
ለመቀበል ቢነሣ ወደ ላይ ራቀበት፡፡
☞ከዚህ በኃላ የእግዚአብሔር ጥበቡ አይመረመርምና ምን አልባት ለዚች
ብላቴና የመጣ ሀብት እንደ ኾነ እስኪ እንየው ብለው ለብቻዋ አድገዋት ፈቀቅ
ሲሉ ድንኩል ድንኩል እያለች ሐና ስትከተል መልአኩ ፈጥኖ ወርዶ፡፡
☞አንድ ክንፍን ጋርዶ አንጥፍ አንዱን ክንድ በሰው ቁመት ልክ ከምድር አስለቅቆ
መግቧት እመቤቴ ሆይ ረኅብ በአስመታኹሽ ይቅር በይኝ ብሏት ወደ ሰማይ
ዐረገ፡፡(በዚህ ቀንም የቅዱስ ፋኑኤል ታህሳስ 3 ቀን ይታሰባል፡፡
☞የምግቧ ነገርማ ከተያዘልንማ ከሰው ጋር ምን ያገፋታል ብሎው ከቤተ
መቅደስ አግብተዋታል ፡፡
☞12 አመት መላእክት እያረጋጓት ምግቧን እየመጡላት ሐርና ወርቁን
እየፈተለች ኑራለች፡፡
☞በቤተ መቅደስ ሳለች አይሁድ እንጣላታለን ብለው ጦር ሠርተው ኼዱ የቤተ
መቅደሱ ዐጥሩ ቅጥሩ እሳት ኹኖ ይመልሳቸዋል፡፡
+(ድርሳነ ሐና ወ እያቄብ)
።+የድንግል ማርያም አማላጅነቷ አይለየን
+ሲራክ ተክለጻዲቅ የተዋህዶ ልጅ
+2-4-2017
#ባለ ማዕተቦችን ወደዚህ
ግሩፕ ይጋብዙ
ለመቀላቀል 👉
@
📖📖📖📖📖📖📖📖📖
Читать полностью…
ኦርቶዶክስ ተዋህዶን እንወቅ
12 Dec 2024 02:23
#ባለ ማዕተቦችን ወደዚህ
ግሩፕ ይጋብዙ
ለመቀላቀል 👉
@
📖📖📖📖📖📖📖📖📖
Читать полностью…
ኦርቶዶክስ ተዋህዶን እንወቅ
11 Dec 2024 17:06
†
🕊 💖 በዓታ ለማርያም 💖 🕊
እንኳን ለእመቤታችን ቅድስት ድንግል ማርያም ዓመታዊ በዓል አደሰን ፣ አደረሳችሁ !
🕊
❝ በዐረብና በተርሴስ ወርቅ እንዳጌጠች ታቦት በድንጋሌ ሥጋ በድንጋሌ ነፍስ ያጌጥሽ ማርያም ፤ ቀንሞስ ቀናንሞስ የሚባሉ ሽቱዎች ኢያቄምና ሐና ለጳጦስ ምሳሌ የኾንሽ አንቺን ከአስገኙሽ ዘንድ በሦስት ዓመት በቤተ መቅደስ የመኖር ተአምርን አሳየሽ። ❞
[ አባ ጽጌ ድንግል ]
▬▬▬▬▬▬ ♱ ▬▬▬▬▬▬
❝ አንቺ ንጽሕት የእግዚአብሔር መለኮታዊ ዙፋን ደስ ይበልሽ [ ኢሳ ፮፥፩ ] ፣ ነፍስሽ ያጌጠ የእግዚአብሔር እናቱ ደስ ይበልሽ ፤ በእጅጉ ቅድስት የኾንሽ የሰሎሞን አልጋ የተባልሽ ደስ ይበልሽ … ለአዳም ነገድ ንግሥታቸው ደስ ይበልሽ [ ኢሳ ፵፱፥፳፫ ] ፤
የርኵስ መንፈስ ማጥፊያ ሰይፍ ደስ ይበልሽ … ከውድ ጌጦች እና ፈርጦች በዓለም ላይ ከሚገኙ ማናቸውም ነገሮች እጅግ የበለጠች ስጦታ ናት [ዮሐ.፲፱፥፳፮-፳፯] ፤
የእግዚአብሔር እናት እመቤታችን አንቺ ብቻ በምድር ላይ ካሉ ነገሮች በላይ ከፍ ከፍ ያልሽ ነሽ ፤ በእውነተኛ ታማኝነት እናመሰግንሻለን ፤ በእግዚአብሔር የታጨሽ [የተመረጥሽ] ሆይ በፍቅር እናከብርሻለን በክብር እናገንንሻለን። [ሉቃ ፩፥፴፤ ፵፰] ❞
[ S. Ephrem, ቅዱስ ኤፍሬም ]
🕊
የእመቤታችን እናትነቷ ፥ ምልጃና ጸሎቷ ከዘለዓለም እሳት ያድነን::
#ባለ ማዕተቦችን ወደዚህ
ግሩፕ ይጋብዙ
ለመቀላቀል 👉
@
Читать полностью…
ኦርቶዶክስ ተዋህዶን እንወቅ
11 Dec 2024 12:08
የአእላፋት ዝማሬ መዝሙር ጥናት ተጀምሯል።
እንዳልዘምር የሚከለክለኝ ምንድን ነው?
መዝሙሮቹን በቴለግራም ለማጥናት ይቀላቀሉን!
👇👇
📎 /channel/+TmIvFjW58AliNmE0
📎 /channel/+TmIvFjW58AliNmE0
Читать полностью…
ኦርቶዶክስ ተዋህዶን እንወቅ
11 Dec 2024 06:19
የመዳን ትምህርት
(ነገረ ድኅነት) ክፍል ~ 3
ክርስቶስ ሞቶ ከተነሣ በኋላ ሞት ኃይሉን አጥቷል፤ ከዚያ በፊት ሞት ሰውን ዂሉ ወደ ሲኦል ወደ ሁለተኛ ሞት የሚያጓጉዝ ነበር፤ አሁን ግን ሰውን ወደ ሕይወት የሚያደርስ ነው፡፡ ሞት ወደ ገነት ወደ መንግሥተ ሰማያት የምንጓዝበት መንገድ ኾኗል፡፡ ሰዎች የሚፈሩት ሳይኾን የሚፈልጉት ኾኗል፤ ወደ እግዚአብሔር የምንሔድበት ስለ ኾነ፡፡ ከአዳም ጀምሮ እስከ ጌታችን ኢየሱስ ክርስቶስ መምጣት ድረስ የበደሉትም ያልበደሉትም በመስቀል ላይ በተከፈለው ዋጋ ድነዋል፡፡ ጌታችን ይህን ድኅነት የሚናገሩ፣ የምሥራቹን የሚያወሩ፣ ላለፈው ይቅርታ መደረጉን፣ ለሚመጣው ሕግ መሠራቱን የሚመሰክሩ ሐዋርያትን መርጦ ሾመ፡፡ ለወደፊቱ ለሚመጣው ትውልድ ድኅነት እንደሚገኝ ለማስተማር በዓለም ዂሉ ላካቸው፤ በቃላቸውም የሚድኑትን ዕለት ዕለት በእነርሱ ላይ ይጨምር ነበር (ሐዋ. ፪፥፵፯)፡፡
አሁን እንዴት እንድናለን?
የታመሙት ድነዋል፤ ሲኦል የነበሩት ወጥተዋል፡፡ እኛስ ድነናል ወይስ እንድናለን? እኛማ እንድናለን፡፡ ካሣው ለዂሉም ተከፍሏል፤ አምላካችን የሞቱትን አድኗልና፡፡ በሕይወተ ሥጋ ያለን እኛ ግን ድኅነቱን ተቀብለን በሃይማኖት (በእምነት)፣ በጥምቀት፣ ቅዱስ ሥጋውን በመብላት፣ ክቡር ደሙን በመጠጣት የተሠራውን ሕግ በመጠበቅ ድኅነትን እናገኛለን፡፡ ድነናል ብለን የምናወራ ከኾነ ሕግ ለምን አስፈለገን? በገነት ለሚኖሩት ከሲኦል ለወጡት ሕግ አያስፈልጋቸውም፡፡ በተጻፈ ሕግ አይመሩም፤ እኛ ግን በተጻፈ ሕግ ከኦሪት ወደ ወንጌል የተሸጋገርነው የምንጠብቀው እና የሚጠብቀን የሚያድነን ሕግ ተሠርቶልናል፡፡
በዚህ እንድናለን፤ በሕጉ ካልኖርን ደግሞ እንቀጣለን፡፡ ከዚህ ላይ ‹‹የሚድኑትን›› የሚለውን ቃል ልብ ማለት ያሻል፡፡ ‹‹የዳኑትን›› አይደለም ያለው፤ ‹‹የሚድኑትን›› አለ እንጂ፡፡ ስለዚህ ክርስትና ወይም ሕገ ወንጌል የዳኑትን ለማዳን የተሰጠ ሕግ ሳይኾን ያልዳኑት እንዲድኑ የተሰጠ ሕግ ነው፡፡ የኦሪት ሕግ (የኦሪት መሥዋዕት) ማዳን የሚችል አልነበረም፤ ወንጌል ግን ለዓለም ድኅነት የተሰጠ ሕግ ነው፡፡ ሐዋርያት ዓለም እንዲድን የሕይወትን ወንጌል ይዘው ዞሩ፤ አስተማሩ፡፡ ወንጌል የተሰበከው ለዳኑት ሳይኾን ለሚድኑት ነው፡፡ ስለዚህ ለመዳን ምን ያስፈልጋል? የሰው ልጅ ለመዳን የሚስፈልጉት ነገሮች የሚከተሉት ናቸው፤
፩ኛ ማመን
የሰው ልጅ፣ ከዂሉ አስቀድሞ የዓለም መደኀኒት ክርስቶስ ሕግን እንደ ሠራለት አምኖ መመለስ ያስፈልገዋል፡፡ “ለሰው ዂሉ የሚያበራው እውነተኛው ብርሃን ወደ ዓለም (ወደ ሰው) የመጣው ነው፡፡ በዓለም ነበረ፤ ዓለሙም በእርሱ ኾነ፤ ዓለሙ ግን አላወቀውም፡፡ ወደ ወገኖቹ መጣ፤ ወገኖቹ ግን አልተቀበሉትም፡፡ ለተቀበሉት ዂሉ ግን በስሙ ለሚያምኑ የእግዚአብሔር ልጆች እንዲኾኑ ሥልጣንን ሰጣቸው፡፡ እነርሱም ከእግዚእሔር ተወለዱ …፤” ተብሎ እንደ ተጻፈ (ዮሐ. ፩፥፱)፡፡ ቀደም ሲል የነበረው ድኅነት ለተቀበሉትም ላልተቀበሉትም የተደረገ፤ ላመኑትም ላላመኑት የተፈጸመ ድኅነት ነው፡፡ አሁን ግን ላመኑ እንጂ ላላመኑ የሚሰጥ ድኅነት የለም፡፡
፪. መጠመቅ
“ያመነ የተጠመቀ ይድናል” (ማር. ፲፮፥፲፮) ተብሎ በቅዱስ ወንጌል እንደ ተነገረው ለመዳን እምነት ያስፈልጋል፤ ከእምነት ቀጥሎ መጠመቅ ያሻል፤ ይህን ካሣ ተፈጽሞ የተሠራውን ሕግ መፈጸም ግዴታ ነው፡፡ ለመዳን ማመን ብቻ አይበቃም፡፡ እምነትማ አጋንንትም አላቸው፡፡ ዕለት ዕለት የሚድኑበት፣ የሚጨመሩበት መንገዱ እምነትና ጥምቀት ነው፡፡ የቅዱሳን ሐዋርያት ተግባርም ይህ ነበር፡፡ ሕይወትን ድኅነትን መስበክ፤ ያመነውን ማጥመቅ፤ የድኅነቱ ተሳታፊ ማድረግ ወደ ድኅነቱ ማስገባት፤ የሕይወትን ቃል ለዂሉ መመስከር ነው፡፡ ዓላማው ለማሳመን፣ ለማጥመቅ፣ ለማዳን ነው፡፡ ለመዳን አምኖ መጠመቅ የግድ አስፈላጊ መኾኑን በሐዋርያት ሥራ የተመዘገበው የጃንደረባው ታሪክ ያስረዳናል (ሐዋ. ፰፥፴፭-፴፯)፡፡
ማመን ብቻውን ስለማያድን ጃንደረባው ‹‹አምናለሁ›› ብሎ ከማመን አልፎ ሃይማኖቱን መስክሯል፤ ፊልጶስም ‹‹ድነሃል፤ ሒድ›› አላለውም፤ አጠመቀው እንጂ፡፡ ስለዚህ ከእምነት ቀጥሎ መጠመቅ ለድኅነት ወሳኝ ጉዳይ ነው፡፡ ስለዚህ ነው ዓለምን ለማዳን የመጣው አምላካችን ሐዋርያትን ወደ ዓለም ዂሉ የላከው (ማቴ. ፳፰፥፲፱)፡፡ ተልዕኮውም በቃ ‹‹አድኛቸዋለሁ›› አይደለም፤ እንዲያምኑ፣ እንዲጠመቁ፣ ትእዛዙን እንዲጠብቁ፣ ደቀ መዛሙርት እንዲኾኑ ነው፡፡ ድኅነት የሚገኘው በዚህ መንገድ ነው፡፡ በማውራት ብቻ ‹‹ድኛለሁ›› ብሎ ተዘልሎ በመቀመጥ አይደለም፡፡ “… እነዚህ ሰዎች የልዑል እግዚአብሔር አገልጋዮች ናቸው፤ የሕይወትንም መንገድ ያስተምሯችኋል …” ተብሎ እንደ ተጻፈ (ሐዋ. ፮፥፲፯)፡፡
ቅዱሳት መጻሕፍት የመዳንን መንገድ የሚነግሩን እንድናየው አይደለም፤ እንድንጓዝበት ነው እንጂ፡፡ “… ‹ጌቶቼ፥ እድን ዘንድ ምን ላድርግ?› አላቸው፡፡ እነርሱም ‹በጌታችን በኢየሱስ ክርስቶስ እመን፤ አንተ እና ቤተሰቦችህ ትድናላችሁ› አሉት፡፡ የእግዚአብሔርንም ቃል ለእርሱና በቤቱ ላሉት ዂሉ ነገሩአቸው … በዚያው ጊዜ ከቤተ ሰቡ ዂሉ ጋር ተጠመቀ፤” (ሐዋ. ፲፮፥፴-፴፬)፡፡ ከዚህ ላይ ‹‹ድናችኋል›› ሳይኾን ‹‹ትድናላችሁ›› የሚለውን ቃል ልብ ይሏል፡፡ “ዳግመኛ ከውኃ እና ከመንፈስ ቅዱስ ያልተወለደ ሰው ወደ እግዚአብሔር መንግሥት ሊገባ አይችልም” እንዳለ (ዮሐ. ፫፥፭)፡፡ ስለዚህ ሰው አምኖ ይጠመቃል፤ ከእግዚአብሔርም ይወለዳል፤ በዚህ ድኅነትን ገንዘብ ያደርጋል፡፡ ከእግዚአብሔር ካልተወለደ በፍጹም ሊድን አይችልም፡፡ መዳን ማለት የእግዚአብሔርን መንግሥት ወርሶ ስሙን ቀድሶ መኖር ነው፡፡ ስለዚህ የሕይወት እና የድኅነት ወንጌል ለዓለሙ ዂሉ ይሰበካል፤ ዂሉም ይድን ዘንድ (ማር. ፲፮፥፰)፡፡
ክፍል 4 ላይ እንመለስበታለን...
#ባለ ማዕተቦችን ወደዚህ
ግሩፕ ይጋብዙ
ለመቀላቀል 👉
@
Читать полностью…
ኦርቶዶክስ ተዋህዶን እንወቅ
09 Dec 2024 15:10
💁♂ስለ ሀይማኖቴ ማወቅ ግዴታዬ ነው የሚል የማንኛውም ኦርቶዶክስ ሊቀላቀለው የሚገባ ቻናል። ጥያቄ ይጠየቃል ምዕመኑም ይሳተፋል
ቻናሉን ለመቀላቀል ከስር ክፍት የሚለውን
መጫን በቂ ነው።
ክፈት ክፈት
ክፈት ክፈት
ክፈት ክፈት ክፈት ክፈት
ክፈት ክፈት ክፈት ክፈት
ክፈት ክፈት
ክፈት ክፈት
Читать полностью…
64069