921
قصائد حسينيه مكتوبه
(الحلوه بلخدمه)
لا يبعدك ذنبك وتنسى العزاء
بلهفه ضل اتعنه كل مجلس يصير
لاتفاوض ها اروح ومااروح
لاتخلي حسينك ابفعلك يحير
انصر انته الحسين واركض لكل مكان
ينذكر بي حسين يعني تلكه الامان
اشكر ابقه العطاء ولاتمل وتلين
لذت الحب ضياع والحزن بي ضمان
انتصار دمعة الحب الصدك
انتصار خدمة متروسه خلك
انتصار دمعه مصحوبه بعشك
غريب الغرباء مولاي ... حسين الزهراء مولاي
ضيع الدنيه وتعال إبلا نداء.
اهنا محط ركب الحياره التائهين
انسى كل هاي البشر ضلك وحيد
تيها ابكلشي بغربتك ضل رهين
انسى كلشي وتعال خلك وي الحسين
تالي محد يفيد الدنيه شمرة سنين
فجئه لنك تموت وانته لسه بضياع
تسابك ع العزاء لحك وابجي زين
ضياع لو خلص عمرك وهم
ضياع دمعه ماتحمل الم
ضياع محبتك تصبح سهم
غريب الغرباء مولاي.... حسين الزهراء مولاي
سلم امرك وارضه بلنعمه التجيك
لا تناقش خافن اتزل اوتضيع
والتهي بس بخدمتك والدموع
وابجي للبصحره جسمه ضل صريع
اهجر أهل الذنوب وابقه وحدك غريب
رافك أهل الدموع وانحب ع السليب
اعلن الانكسار موشرط بلعزاء
دمعة الانكسار هذي اجمل نصيب
انكسار واجب ع أهل الخيم
انكسار دمعه وسوالف ندم
انكسار لازم تعيش الخدم
غريب الغرباء مولاي ... حسين الزهراء مولاي
الحلوه بلخدمه كلب واحد نصير
واحد يشد حيله الآخر بلعزاء
واليشوف اصويحبه دمعه قليل
ايلجمه بحجايه تكسره الكربلاء
خلها خلكك طويل لاتمل البكاء
صاحب الجمه بي الينوح ابخلاء
لاتمل الدموع واكب أعلى النحيب
تفرح ام الحسين من تنوح ابعزاء
الوفاء أصله دمعات الجفن
الوفاء من تداوم بلحزن
الوفاء لغير التحب ماتحن
غريب الغرباء مولاي ... حسين الزهراء مولاي
محمدتقي الزاملي
ماعــــندي غيرك ياعشگ مالك مشاعر گلبي
هوه الدرب مابي ضوىٰ بس انتَ تضوي بدربي
شكد حاولت غيرك احب بس روحي ماتتقبل
واهبني رحمة بكــل وكــت وانه وهبتك حبي
ماتسوى العيشه بدونك
متيم عيونك
ياليمك اسراري
مجروح وگلبك يحبني
رحمة وهبني
وغيرلي افكاري
انه عــد يقيني
الملك حسيني
انت تبقه ديني … كربلا
جرحي او طبيبي
عشگي حد مشيبي
انتَ بس حبيبي … كربلا
~~~~**
كاعدلي كعده بالكلب وان شالله تظل كاعد
ماعندي حب غيرك ابد وجروحي هنه الشاهد
گعدني يــــــم بابك عبد ومن ابتعد اطردني
للماله وطــن انتَ وطن و بابك نجاة الشارد
ماريدن كلشي اريدك
إصلحني بيدك
وخليني احب روحك
تتراكم فوكي المواجع
بجروحي انازع
من توصل جروحك
يا حزن جرحني
بالالم ذبحني
هيج علمتني … كربلا
جرحي انت شفته
مــــو وجع عرفته
ماكو لحضه عفته … كربلا
~~~~**
دليني بيدك عالدرب خــاف ازلــف وما اندل
وما اكشخ بغيرك بعد من غيرك ابقه مبهذل
يحسين يا اول بشــر ادبنـــي وانطاني اخلاق
بيناتنه الخـــدمه ملــح تغـــزر وبيك اتوسل
مثل الحر ارد اعتنيلك
تايب اجيلك
يالما ترجعني
ما اتعب ابقه اعله بابك
ابجي لمصابك
من ذنبي خلصني
انه عد كلامي
خادم لأمامي
هوه بس غرامي … كربلا
ماكو غيرك انته
افـــرح بخدمته
عقلي كله اخذته … كربلا
~~~~**
يالتارس عيوني عشك كلش جبير اعليه
صح منذبح بس منتصر والذبحتك ماهيه
مو فطرة بس لاعن وعي لمن انه حبيتك
مايخفى عن عينك ابد وتعرف شنو وشبيه
يالعايش انه بغرامك
وذيچه خيامك
لله شفتهن باب
يمدليني انت اعله دربك
واجب احبك
وبحبك انه استثاب
عن بصيره اريدك
وايدي اخذها بيدك
املكني بلكي افيدك ..... كربلا
انه وانت عشره
اليخدمك تكبره
برحمه يگضي عمره..... كربلا
------------**
""""""""""""""""
خادم القصيدة
عزيز المياحي
#اللهم_عجل_لوليك_الفرج
*دخلت امرأة على زوجها بالطعام قبل غروب الشمس بدقائق في رمضان، فرفع يدَه بالدعاء، وكان من جملة ما دعا به لأحد أصدقاءه♡:*
" *اللهم ارزق فلانًا زوجة صالحة♡."*
*فأسرعت بضربه على كتفه، فتعجب وسألها:"لماذا؟"*
*فأجابته: "ادعُ لأخيك بما تشاء من الخير، إلا الزوجة، فإن الملك يؤمن على دعائك ويقول: ولك بمثل ما دعوت🌚🩵🦋."*
#يدربالك_من_تدعي😅
دعاء اليوم الخامس عشر :
اَللّهُمَّ ارْزُقْني فيهِ طاعَةَ الْخاشِعينَ، وَاشْرَحْ فيهِ صَدْري بِإِنابَةِ الْمُخْبِتينَ، بِأَمانِكَ يا أَمانَ الْخائِفينَ .
لُذ بالكريم من آل مُحمدٍ وَتوسل
بالحسنِ بالحسنِ بالحسنْ 💜✨
لقد مات لكن ميته هاشميه❤️🩹🫡
Читать полностью…
🛑 وفاة الحاجة أم منار عقيلة الشهيد أبو مهدي المهندس، بعد تدهور حالتها الصحية قبل أيام
/channel/newss_iq
"للهِ نمضي والحياةُ مخيفةٌ
واللهُ يحفظ من إليهِ يسيرُ."
هٰذِهِ اللَّيَالِي عَظِيمَةٌ، إِنَّهَا لَيَالِي الأَيَّامِ البِيضِ،
لَيْلَةُ الثَّالِثَ عَشَرَ، وَالرَّابِعَ عَشَرَ، وَالخَامِسَ عَشَرَ مِنْ شَهْرِ رَمَضَانَ.
لَيَالٍ مَلِيئَةٌ بِالِاسْتِجَابَةِ، فَلَا تَبْخَلُوا عَلَى أَنْفُسِكُمْ وَلَا تُقَصِّرُوا فِيهَا.
انْهَضُوا مُبَكِّرًا عِنْدَ السَّحَرِ،
صَلُّوا صَلَاةَ اللَّيْلِ، وَاقْرَؤُوا دُعَاءَ الأَسْحَارِ، دُعَاءَ الحَزِينِ أَوْ دُعَاءَ البَهَاءِ،
رَتِّلُوا القُرْآنَ حَتَّى سَاعَاتِ الفَجْرِ.
الْزَمُوا المِسْبَحَةَ، وَسَبِّحُوا تَسْبِيحَ الزَّهْرَاءِ،
اسْتَغْفِرُوا لِأَنْفُسِكُمْ وَلِلْمَوْتَى،
وَأَكْثِرُوا مِنَ الصَّلَاةِ عَلَى مُحَمَّدٍ وَآلِ مُحَمَّدٍ،
وَاعْمَلُوا صَالِحًا، وَأَفْطِرُوا صَائِمًا.
فَكُلُّ ذٰلِكَ يُكْتَبُ فِي مِيزَانِ أَعْمَالِكُمْ فِي هٰذَا الشَّهْرِ الفَضِيلِ، وَفِي هٰذِهِ اللَّيَالِي العَظِيمَةِ.
اسْتَغِلُّوا هٰذِهِ اللَّحَظَاتِ وَالأَيَّامَ بِالدُّعَاءِ،
وَلَا تَنْسَوْا دُعَاءَ المُجِيرِ خِلَالَ نَهَارِ هٰذِهِ الأَيَّامِ البِيضِ،
-مَنقول.
خوفنا عليكم يااهل الشيبه الكريمه 🥹🥺🥺
Читать полностью…
يا قوة الله اضربي
يا ابناء الخامنئي هذا يومكم
يا لثارات امامنا الشهيد
العجل يا صاحب الزمان
الوضع طلب يمينك
يمتى يبن حيدر تحل
غيرك بعد ما ضل امل
كلها تناطر جيتك
للعگده غيرك ما يحل
غيرك يبن حيدر منو
خيبر يعيده عله العدو
هاي المعارك والفتن
الها انت يل مهدي كفو
جي طولت يل مهدي سنينك
ناسي العدو سطرت يمينك
والشيعة تندب مولانا وينك
اعمي اليهود وافتحها عينك
بيا مهدي مدد كل شيعي ستعد
ينتظرك ترى حتى. البالمهد. العجل يا مولاي
الوادم تنتظر. من عندك امر
كلشي أظلم صبح. ابزغ يا فجر العجل يا مولاي
يرونكَ بعيد ونراكَ قريب
............................
صوت الكفر رد ينسمع
وخيبر رجع رايد قلع
وكلها يطفه وما يضل
لو نورك علينا يشع
حمل الخلگ بيك انتجى
وما باقي بس انت الرجى
شيب وشباب بكل وكت
ها وينه ها شو ما اچه
والكل يـصـيح مــهـدينا وينـه
من الـدعـاء مـا نـزلــت أدينه
مهدينا طالت يا رب سنينه
نوره يــحـل جــا يمـتى علينه
ننطر يل ولي. تصرخ يا علي
وتصرخ للحرب جيت تدللي العجل يا مولاي
يا شيخ الزمن. حل هاي الفتن
ما الها بعد. بس ابن الحسن العجل يا مولاي
يرونكَ بعيد ونراكَ قريب
انهض عليهم هب هوى
ويا فاطـمه خـط بـاللوى
راويهم يميـن الـگـمر
وصولات ذيج بنينوى
عجل ظـهورك والأمـر
رادونا دونك ننـكـسر
رفرف يمهدي برايتك
حتما الك بس النصر
كلش قريب الفتح عله ايدك
طش عن محرم يل مهدي عيدك
امحي القديم وثبت جديدك
بس انت نصر الباري يريدك
يا اخير الحُجج بيدك انت الفرج
لو تطب للعده. بيهم تخلي فج العجل يا مولاي
ما تضل الرگب. لو ظهورك گرب
بالرهاوى تطگ سيدي مو غضب العجل يا مولاي
يرونكَ بعيد ونراكَ قريب
.......................
افرض كلامك يا شهم
وترسها كاع الله بعلم
لوحه الحرب يا سيدي
وبس انت عالم بالرسم
يا سيدي يبن الحسن
وانثرها جن نثر العهن
بديها مَـاي بنـص رمـل
وملي الحرب خوف وشجن
نزل عليها العركه عذابك
وعميها من يتصاعد ترابك
سيفك بعد ما رايد گرابك
مهرك عله الحق عن ظهره جابك
لو تعلى المهر تكسر جم ظهر
تصلب جم رذل تذبح جم نحر العجل يا مولاي
من توج الحرب. يرجع المنسلب
كلشي يرجع عدل. انت لمن تطب العجل يا مولاي
يرونكَ بعيد ونراكَ قريب
حسن يونس التميمي
#اللهم_عجل_لوليك_الفرج
لأندبنّكَ صباحاً ومساءً ولأبكينّ عليكَ بدَلَ الدموع دمًا)
شور ختام
لاندبنــك صبـح ومــسـيه
وما انسى يومك يبن الزجيه
بحر الصحاري نايم يجدي
وصدرك ترض بي خيل اعوجيه
ما انسى جرحك يا جد يوم
وابجي بمكان الدمعه دموم
حتى أمــوتن بــل اكــتائب
عن جسمك الضل ماله هدوم.
ليلي ونهاري انعى العاشر
كل وكتي اذكر ذاك الحافر
ما انسى ضيم الطف يا جدي
وانت صريع بعازة ناصر
يا جد يا جد انسى شلون
طايح بس تنظر لام عون
ما همك من يذبحون
همك عالخيمه يهجمون
واه جداه يحسين
..................
وي ذاتي عاشت ذبحت وريدك
ولمن صريع وتندب عضيدك
يوميه بالطف امشي وادور
بلكي الگه يا جد خنصرها ايدك
ما انسى جرحك لا هيهات
عيشته يا جد ويه الذات
كل لحظه أموتن مو كل عام
بحضنك رضيعك يا جد مات.
رد للخيمه وتنظر امه
ويلي رضيعك فايح دمه
وتبجي العقيله تصدله بلوعه
وينزف بيدك ينظر عمه
يا جد يا جد حيلك باد
تشبه صرت حال السجاد
يمر الريح يشمرك غاد
وعن هاي تكضي سنيني حداد
واه جداه يحسين
.............
لو أخّــرتني عــنكَ اللــيالي
عن مهرك ابجي الرد سرجه خالي
رد للحرايم عن ظهره دمك
يصيح الظليمه وصهيله عالي
وستقبلنه بدمع العين
تصيح الحرايم وينه حسين
وگال المهر ضل جوه الخيل
ودارو عليمن من الصوبين
عفت الحافر يسحگ صدره
ضامي وينطر گوم تنصره
بس السيف يرد من يصرخ
انه حسين وابن الزهره
يا جد يا جد عشت الويل
عن ضلوع بنص الخيل
الطم حد ما يكضي الحيل
مو دمعه دم دموعي تسيل
واه جداه يحسين
.....................
ما مره نايم يا جدي ليله
صعبه ينام العنده عقيله
ماخوذه گوه بجف الشامت
وتطوي دروب بناگه هزيله
وتمشي غريبه بنص عدوان
الجانت أميرة بنص خوان
المحد لمح من عدها خيال
ضلها الشريف بهزله يبان
فوگ الناگه تمشي اسيرة
لا جنها حره ولا جنها أميرة
ويلي العقيله طر الهيمه
ومن ديره تعبر زينب ديره
يا جد يا جد فوگ النوگ
تمشي العقيله وتدخل سوگ
تمشي وتباوع جن ملحوگ
وانت بذاك الحر مسحوگ
واه جداه يحسين
............................
حسن يونس التميمي
#اللهم_عجل_لوليك_الفرج
(( صاحب نعمتي ))
حسين ... ربــي گلبــي بس الدمــعتك
حسين ... اشنفعه عمري لومآ خِدِمتك
حسين ... ضـــايع انه ابــلايه رحمتك … حسين
من عــالم الـــذِل والـوهم
جيت أثبــتِ أبــحبك قدم
من رحـمة أچــفوفك ردت
ترزقني دمعه اعلى الخيم
شفتك وطن ...... ساجـيتي
وبس مأتمك ...... تعزيتـــي
أذبـــــل وأرد ...... تِحـــيني
يــمك شـفت ...... مـآهيتي
صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
ضياع ... يابــو الأكـــبر انــه دونــك
ضياع ... أشـملني من رحمة عيونك
ضياع ... حب وهب ورزقني جونك ... ضياع
صاحب نعمـتي وخير أدَي
يالـــرحمــتك مــنَت علَــيّ
عايش علـى الله ورحمتك
كلهه شـمس بس أنت فـَي
عــنــــك فــلا ...... تبــعدنـي
ومن مجلسك ...... تحـرمني
ماريد أحـــس ...... بالــراحه
ابجرح الخيام ...... أضهدني
صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
أعيش ... روحي دمعه ابكل عزِيه
أعيش ... من أبچي للـجـثته رِمِيه
أعيش ... ويه أمـك ابذيچ المِسيه ... أعيش
يالضـامي مــن ماي العـــذب
كل عــمــري انوح وانتـــحب
الموتي أنكسر لإسمك حسين
أوي كلــمة الـناعــــي أشــب
للــماله أخـــــو ...... بالغـــربه
وحافر يدوس ...... ابگـــــلبه
المــــن بعـــــد ...... ياروحي
عايــش أضـــل ...... ياصعبه
صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
حنين ... من زغــر گــالتــلي أمــــي
حنين ... مـــن اندبه الگـــــه يمـــي
حنين ... ابكبره همه ويگضي همي ... حنين
فاگد اخــو وفــاگـــد زلــم
أبچي الك يقــــضه وحـلم
ساترني وأنت اعلى الرمل
أبحر الهــجــير ابلا هـــدم
أبچي علـيك ...... أمــربـــــع
لجلي فديت ...... الــــيرضع
قاصر شـــكر ...... يحسيني
بمصابي الك ...... والمـــدمع
صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
لگيت ... أكـــثـــر مــن امـــي تـــحـبني
لگيت ... مــن الــذنب چـفك يگـضـــني
لگيت ... عاصي أجي وحضنك يضمني ... لگيت
أرحــم عليـــه مــن هـلـي
گلبك شفت يابــو عـلـــي
گبـل الربــع گبل الأهــــل
لمن أطيـح تركــض الــي
مديون أضــل ..... لچــفوفك
لآيــذ عـــشت ...... بحروفك
ميــت عطـش ...... ياضامي
وترؤي اليحب ...... إيشوفك
صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي
> مشِتاگة اگِلك يَاهِلا 😞.
Читать полностью…
وإعلموا انكُم في زمان كثرة فيهِ المزالِق وتنوعت فيهِ مغريات الدُنيا وفتنها ولا ينجوا فيهِ الا الثابتون على الدين المُخلصون في العقيدة الصادقون في العمل فأثبتوا واصبروا واذكروا الله كثيرًا لعلكُم تفلحون .
- سَماحة السيَّد علي السيستاني دامَ ظلهُ الوارف
محتاجين قصايدد كتبوليي ادزلكم ماعرف شتحبون حتى ادز اذا بالنسبه الي ادزلك لمحمد باقر✨🤏🏻
Читать полностью…
اي قصيده تردوها كتبو اسمها جوه👇🏻.
Читать полностью…
كَيف يَصِف باسِم الكَربلائي الوَداع :❤️🩹
Читать полностью…
أنت الأمل الوحيد يا بقية الله ..
Читать полностью…
دُعَاءُ اليَومُ الـ ١٢ :
اَللّهُمَّ زَيِّنّي فيهِ بِالسِّتْرِ وَالْعَفافِ، وَاسْتُرْني فيهِ بِلِباسِ الْقُنُوعِ وَالْكَفافِ، وَاحْمِلْني فيهِ عَلَى الْعَدْلِ وَالإِنْصافِ، وَآمِنّي فيهِ مِنْ كُلِّ ما أَخافُ، بِعِصْمَتِكَ يا عِصْمَةَ الْخائِفينَ .
قبلَ أَنْ تَموتَ،
اِحرِصْ أَنْ تُخبِرَ أَبناءَكَ وَالأَجيالَ مِن بَعدِكَ
أَنَّكَ عِشتَ زَمَنًا
وَقَفَ فيهِ رَجُلٌ في السَّادِسَةِ وَالثَّمانينَ مِن عُمرِهِ
وَحيدًا يُدافِعُ عَنِ الإِسلامِ،
بَينَما كانَتْ ما تُسَمّى بِالدُّوَلِ الإِسلامِيَّةِ
غارِقَةً في التَّرَفِ وَالخَوفِ وَالصَّمتِ.