16589
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Галоўнае за 7 верасьня на Радыё Свабода ❤️
🔖 Расейскія войскі ўдарылі па Ўкраіне, загарэўся будынак ураду ў Кіеве
🔖 Праваабаронцы пацьвердзілі зьвесткі 61 затрыманага ў «справе Гаюна», зьмешчаных пад варту. Большасьць затрыманых — мужчыны
🔖 Памёр Алег Тумашоў, былы вакаліст гурта Ulis
🔖 5 гадоў таму затрымалі Марыю Калесьнікаву. Апошнія паўгода яна зноў у рэжыме інкамунікада
🔖 Арына Сабаленка другі год запар перамагла на US Open
🔖 Беларус, якога шукалі на Эльбрусе, загінуў
🔖 Ці можа Літва стаць вялікай ізноў? Дубавец — пра ВКЛ як дзяржаву будучыні
🔖 Ці добра вы ведаеце эпоху бітвы пад Воршай? ТЭСТ
У Лёндане затрымалі каля 900 прапалестынскіх актывістаў
https://smarturl.click/Re5d9
Брытанская паліцыя паведаміла, што на пратэсьце ў Лёндане ў падтрымку групоўкі «Палестынскае дзеяньне» правяла масавыя затрыманьні.
Урад заклікаў людзей спыніць дэманстрацыі ў падтрымку забароненай законам групоўкі. У ліпені Вялікая Брытанія забараніла «Палестынскае дзеяньне» ў адпаведнасьці з антытэрарыстычным заканадаўствам пасьля таго, як некаторыя з удзельнікаў ініцыятывы ўварваліся на базу Каралеўскіх ВПС і пашкодзілі вайсковыя самалёты.
Ці можа Літва стаць вялікай ізноў? Дубавец — пра ВКЛ як дзяржаву будучыні
https://smarturl.click/MGXYo
❔Калі беларусы зь літоўцамі так ладна існавалі большасьць сваёй гісторыі, чаму ня можам у будучыні? Ці можа ў цяперашнім сьвеце камфортна і дэмакратычна існаваць маленькая дзяржава і нацыя? І што замінае інтэлектуалам вярнуцца да ідэі адраджэньня Вялікага княства Літоўскага?
📠 Разважае Сяргей Дубавец.
Вакаліст гурта «Пятля прыхільнасьці» застанецца ў калектыве дзеля восеньскага туру
https://smarturl.click/qB1g0
Ільля Чарапко-Самахвалаў паведаміў пра тое, што цэлы дзень прайшоў у перамовах, і ў выніку музыкі прыйшлі да рашэньня, што Ільля выступіць з гуртом цягам восеньскага туру, іначай на яго маглі бы «павесіць» штраф за зрыў канцэртаў, дамоўленасьцяў.
«Вельмі спадзяюся, што ў гэтым туры маёй бясьпецы ўсё ж нададуць належную ўвагу», — напісаў вакаліст.
Расейскія войскі ўдарылі па Ўкраіне, загарэўся будынак ураду ў Кіеве
https://smarturl.click/oVbgn
Згодна з падлікамі Паветраных сілаў Украіны, расейскія войскі нанесьлі рэкордны ўдар па Ўкраіне — дзяржаву атакавалі 805 «Шахедаў» і дронаў-імітатараў. Загінулі два чалавекі, яшчэ адна жанчына памерла ў сховішчы ў час паветранай атакі.
Пасьля падзеньня абломкаў бесьпілётнікаў загарэўся будынак Кабінэту міністраў Украіны, яго верхнія паверхі.
У выніку атакі зьмяняецца й расклад чыгункі.
🎾 Арына Сабаленка другі год запар перамагла на US Open
https://smarturl.click/8pnRV
Беларуская тэнісістка зноў ня зьведала роўных на адкрытым чэмпіянаце ЗША ў тэнісе.
У фінальным паядынку супраць Аманды Анісімавай з ЗША першая ракетка сьвету была мацнейшай у дзьвюх партыях зь лікам 6:3, 7:6 (7:3).
5 гадоў таму затрымалі Марыю Калесьнікаву. Апошнія паўгода яна зноў у рэжыме інкамунікада
ТЭКСТ: https://smarturl.click/XDp4z
ПОЎНАЕ ВІДЭА: https://www.youtube.com/watch?v=lnad5o7r2W4
5 гадоў таму ў цэнтры Менску затрымалі Марыю Калесьнікаву, кіраўніцу перадвыбарчага штабу Віктара Бабарыкі, сябру Каардынацыйнай рады.
Амаль два гады Марыю Калесьнікаву трымалі ў рэжыме інкамунікада, часова прыпыненым у лістападзе 2024 году, пасьля міжнародных пратэстаў. Тады палітзьняволенай дазволілі кароткую сустрэчу з бацькам. Між тым зь лютага 2025 году Марыя Калесьнікава зноў знаходзіцца ў стане інкамунікада, расказала Свабодзе сястра палітзьняволенай Тацяна Хоміч.
Ужо сёньня: 140 гадоў ад нараджэньня Палуты Бадуновай; пяць гадоў як Калесьнікава за кратамі
7 верасьня 1885 нарадзілася Палута Бадунова, беларускі палітык, адна зь лідэрак Беларускай партыі сацыялістаў-рэвалюцыянэраў, сябра Рады і Народнага сакратарыяту Беларускай Народнай Рэспублікі.
А 7 верасьня 2020 году Марыю Калесьнікаву, кіраўніцу штабу Віктара Бабарыкі на прэзыдэнцкіх выбарах, схапілі сілавікі, спрабавалі прымусова яе вывезьці ва Ўкраіну. Аднак Калесьнікава на мяжы парвала свой пашпарт, вылезла праз вакно з аўтамабіля і вярнулася на тэрыторыю Беларусі. Там яе адразу затрымалі. Калесьнікаву судзілі ў закрытым рэжыме разам зь юрыстам Максімам Знакам. Яе прызналі вінаватай паводле трох артыкулаў Крымінальнага кодэксу і 6 верасьня 2021 году асудзілі на 11 гадоў калёніі.
Больш пра падзеі 7 верасьня ў беларускай і сусьветнай гіторыі чытайце тут: https://smarturl.click/L3nDW
У Расеі арыштавалі францускага раварыста, які хацеў пабіць сусьветны рэкорд
https://smarturl.click/dwX4l
Грамадзяніна Францыі Сафіяна Сэхілі, які спрабаваў даехаць на ровары з Лісабона ва Ўладзівасток за рэкордны час, затрымалі ў Расеі, паведаміла францускае выданьне Le Monde.
Сэхілі двойчы спрабаваў уехаць у Расею з Кітая праз два пагранічныя пункты, разьмешчаныя прыкладна за 200 кілямэтраў адзін ад аднаго. Пасьля другой спробы Сэхілі затрымалі.
Француз выехаў з Лісабона 1 ліпеня і плянаваў праехаць усю Эўразію, завяршыўшы сваё падарожжа ва Ўладзівастоку.
У раёне Эльбруса зьнік беларускі турыст
https://smarturl.click/Jng8m
Паведамляецца, што 26-гадовы мужчына плянаваў падняцца на гару Тэрскалак вышынёй 3800 мэтраў, якая месьціцца каля Эльбруса.
Цяпер яго шукаюць ратавальнікі. Тэлеграм-канал Mash паведаміў, што сувязі са зьніклым няма ўжо 4 дні.
Ільля Чарапко-Самахвалаў паведаміў пра сыход з гурту «Пятля прыхільнасьці»
https://smarturl.click/w4q3A
«Асноўнай прычынай зьявілася жаданьне рухацца далей і перайсьці на наступны ўзровень. Ужо некалькі месяцаў я працую над уласным праектам і зьбіраюся прысьвяціць яму ўвесь свой час».
Да адносна нядаўняга часу рэпэртуар гурту быў расейскамоўным. У 2023 годзе гурт упершыню выпусьціў трэк па-беларуску, «Жыцьцё як жах». У 2024 годзе ў гурту выйшаў цалкам беларускамоўны альбом «Супэрпазыцыя».
Да стагодзьдзя Другой Усебеларускай канфэрэнцыі: Як «перагортваць старонку» 2020 году?
Ці ёсьць для дэмакратычнай супольнасьці Беларусі нейкі варыянт паміж капітуляцыяй і бескампрамісным змаганьнем, спробамі «застацца на старонцы 2020 году»? Над гэтым пытаньнем разважае палітычны аглядальнік Свабоды Юры Дракахруст.
https://smarturl.click/6WnYg
📌 Паразуменьне з прыхільнікамі Лукашэнкі для дэмакратычнай супольнасьці можа вырашыць дылему паміж капітуляцыяй і бескампрамісным змаганьнем.
📌 У красавіку 2020 году грамадзтва не пачула папярэджаньня Яўгена Прэйгермана аб палітычнай катастрофе, да якой набліжаецца Беларусь.
📌Прапанова «перагарнуць старонку» — гэта прапанова адмовіцца ад крэда, паводле якога ўлада ня мае ніякай рацыі, зьмены могуць адбыцца толькі празь яе зрынаньне.
З пачатку верасьня на беларускіх мэтэастанцыях зафіксавалі 17 рэкордаў цяпла
https://smarturl.click/9oGYj
Чацьвёрты дзень запар на беларускіх мэтэастанцыях абнаўляюцца рэкорды цяпла, сьведчыць праведзены «Позіркам» параўнальны аналіз апэратыўных і архіўных зьвестак Белгідрамэта.
5 верасьня было адноўлена сем лякальных рэкордаў, самы стары зь іх трымаўся 57 гадоў.
6 верасьня Белгідрамэт прагназуе да 30 градусаў на паўднёвым захадзе Беларусі.
Трамп трэці раз згадаў пра вызваленьне беларускіх вязьняў і ўпершыню ўжыў фармулёўку «палітычныя»
https://smarturl.click/139gO
5 верасьня на прэс-канфэрэнцыі ў Белым доме прэзыдэнт ЗША Дональд Трамп заявіў, што Вашынгтон і Менск вядуць перамовы пра вызваленьне часткі з 1400-1500 затрыманых у Беларусі, большасьць зь якіх — палітвязьні.
Раней Трамп называў лічбу 1300 зьняволеных і не ўжываў слова «палітычныя».
Трамп падзякаваў Аляксандру Лукашэнку, назваўшы яго «паважаным чалавекам», «моцным лідэрам» і «моцнай асобай», і нагадаў, што нядаўна былі вызваленыя 16 чалавек. (Грамадзкасьці вядома пра 14 вызваленых палітвязьняў)
«Веру, што многія з гэтых 1400 таксама будуць вызваленыя неўзабаве. Гэта будзе вялікая падзея», — сказаў Трамп.
Галоўнае за 5 верасьня
• «Час вызваленьня насьпеў», — сваякі палітвязьняў і праваабаронцы выступілі з маніфэстам
• Актывісты беларускай ініцыятывы «Кібэрпартызаны» заявілі пра атаку на сайт БМЗ
• Белстат прыйшоў да высновы, што ў Беларусі зьніжаецца доля жанчын, якія пацярпелі ад хатняга гвалту
• АПК падтрымаў Паўла Латушку, ён падаў у суд на Вольгу Карпушонак
• Беларусь паміж Кітаем, Расеяй і Захадам: новы геапалітычны вузел. Аналіз Валера Карбалевіча
• Як беларусам «гвалтам» навязвалі беларускую мову. Тлумачым з Гурневічам
• Менск выказаў Варшаве пратэст з нагоды «акту шпіянажу», прэм’ер Польшчы абвінаваціў Беларусь у правакацыі
• Чаму зьменшылі маштаб вучэньняў «Захад-2025»? Адказвае палітоляг Казакевіч
• На тэрыторыі Польшчы і краін Балтыі пачаліся манэўры «Жалезны кулак», якія праводзіць армія ЗША
• У Вільні пачаў працу «Мысьлярскі клюб». Што яшчэ адбываецца на Тыдні беларускай культуры ў Літве. ФОТА
• Уваскрашаць памерлых. Гісторыя беларускага зумэра «Нэкраманта», які ваюе за Ўкраіну
Праваабаронцы пацьвердзілі зьвесткі 61 затрыманага ў «справе Гаюна», зьмешчаных пад варту
https://smarturl.click/kZLE2
Як паведамлялі былыя вязьні Акрэсьціна, затрыманьні адбываюцца ў межах арт. 361-4 Крымінальнага кодэксу (садзейнічаньне экстрэмісцкай дзейнасьці).
Большасьць затрыманых — мужчыны.
Праваабаронцам вядома пра шэраг судовых працэсаў у гэтай справе — фігурантам прызначаюць пакараньні ад «хіміі» да калёніі. Некаторым затрыманым падаўжаюць меру стрыманьня пад вартай на некалькі месяцаў.
Прэм’ер-міністарка Ўкраіны зьняла відэа знутры будынку ўраду, які зазнаў расейскай атакі
Юлія Сьвірыдзенка паказала, як цяпер выглядае будынак кабінэту міністраў пасьля начной расейскай атакі бесьпілётнікамі. Яна яшчэ раз заклікала заходніх партнэраў дапамагчы Ўкраіне закрыць неба, накласьці на Расею дадатковыя санкцыі, а таксама дапамагчы ўкраінскім вайскоўцам зброяй.
Тым часам стала вядома, што пад заваламі будынку ў Кіеве знайшлі фрагмэнты цела чалавека. Раней паведамлялася пра 20 параненых, у тым ліку цяжарную жанчыну. Жыцьцё траіх чалавек пад пагрозай. Акрамя таго, чацьвёра чалавек параненыя ў Сумах, дзе расейцы нанесьлі ўдар па цэнтры гораду.
🥊 Алімпійскі чэмпіён Сэулу-88 вырашыў аддаць свой залаты мэдаль суперніку праз 37 гадоў пасьля фіналу
Драматычная гісторыя фіналу Алімпійскіх гульняў у Сэуле 1988 году атрымала свой працяг у 2025-м. Пак Сі Юн з Паўднёвай Карэі, які рашэньнем судзьдзяў перамог у фінале катэгорыі 70 кг баксэра з ЗША Роя Джонса. Судзьдзя з Уругваю, Уганды і Марока прызналі пераможцам карэйца, амэрыканцу аддалі перавагу судзьдзі з СССР і Вугоршчыны. 3-2 у галасах, і перамога карэйца пацягнула скандал — многія экспэрты прызнавалі, што акурат амэрыканец меў перавагу і павінен быў стаць алімпійскім чэмпіёнам.
Пасьля абвяшчэньня рашэньня Пак Сі Юн падняў Роя Джонса на рынгу на знак павагі. Праз 37 гадоў карэец, якому сёньня ўжо 59, вырашыў прыехаць і аддаць той залаты мэдаль Джонсу, які «яго больш заслужыў», піша «Эўраспорт».
Пасьля таго скандальнага фіналу карэец больш не працягваў спартовай кар’еры, ён заняўся выкладаньнем. Сустрэча карэйца з амэрыканцам праз гады выклікала ў абодвух шмат цеплыні, а Рой Джонс нават заплакаў.
Відэа BoxingEnthusiast
Беларускі футбаліст Ільля Шкурын пакінуў варшаўскую «Легію»
Нападнік застаўся ў першынстве Польшчы, ён стаў гульцом ГКС «Катавіцы». Варшаўская «Легія», за якую віцяблянін выступаў зь лютага, прадала гульца за 400 тысяч эўра, хаця купляла за 1,5 млн. Беларус сваімі галамі прынёс клюбу Кубак і Супэркубак Польшчы, але пасьля прыходу ў каманду новага галоўнага трэнэра, румына Эдварда Ёрданэску, перастаў праходзіць у асноўны склад.
Агулам за «Легію» Шкурын загнаў 5 галоў і зрабіў 2 галявыя перадачы ў 25 сустрэчах, многія зь якіх ён правёў ня цалкам. У жніўні беларус вымушана прапусьціў дзьве гасьцявыя гульні каманды — у Казахстан не паляцеў з прычыны рызыкі быць затрыманым, а ў Вялікую Брытанію яму, як грамадзяніну Беларусі, не пасьпелі зрабіць візу.
📌Раней Ільля Шкурын выступіў супраць палітычных рэпрэсій у краіне і дэманстратыўна адмовіўся выступаць у зборнай Беларусі, пакуль дзяржавай кіруе рэжым Лукашэнкі. Дзяржаўныя СМІ амаль нічога не паведамляюць пра посьпехі гульца.
Пагадненьне ГКС «Катавіцаў» зь беларускім нападнікам падпісанае на 3 гады. У кантракце прадугледзелі й магчымасьць яго падаўжэньня.
Здымак GKS Katowice
❗️ Беларускі альпініст, якога шукалі на Эльбрусе, загінуў
https://smarturl.click/4OnAD
Зьніклага ў гарах Кабардына-Балкарыі 26-гадовага грамадзяніна Беларусі Івана Сукача знайшлі мёртвым. Пошукавыя работы завершаныя. Такую інфармацыю апублікавала кіраўніцтва МНС Расеі ў Кабардына-Балкарскай рэспубліцы.
Гэта здарылася амаль роўна праз два гады пасьля таго, як пры ўзыходжаньні на Эльбрус загінуў іншы беларус — Мікалай Ермашоў.
Памёр Алег Тумашоў, былы вакаліст гурта Ulis
Алег Тумашоў памёр у Менску. Пра ягоную сьмерць паведаміў Фэлікс Аксёнцаў, аўтар песень гурта.
Голас Тумашова гучыць у альбоме «Танцы на даху» 1993 году, запісаным у польскім Ольштыне. Перад Ulis-ам вакаліст супрацоўнічаў з гуртамі «Фарпост» і «Квінта».
🎼🎧 Паслухаць некалькі кампазыцый у выкананьні Ulis і з голасам Алега Тумашова: https://smarturl.click/kZLb2
▪️ Разьвітаньне пачнецца ў панядзелак, 8 верасьня, а 14:00 у будынку крэматорыя на Паўночных могілках Менску.
Ці добра вы ведаеце эпоху бітвы пад Воршай? ТЭСТ
Слава пра перамогу войскаў Вялікага княства Літоўскага і Каралеўства Польскага над Маскоўскай дзяржавай пад Воршай 8 верасьня 1514 году разьнеслася далёка за межы нашых земляў. Гэта адна з найбольш важных і запамінальных перамог у гісторыі Беларусі. Але якая гэта была эпоха, што ў ёй яшчэ адбывалася?
https://smarturl.click/dylz
Ці добра вы ведаеце гісторыю і эпоху бітвы пад Воршай 1514 году? Праверце сябе. Прайдзіце тэст.
Асноўнае за 6 верасьня
🇺🇸 Дональд Трамп трэці раз згадаў пра вызваленьне беларускіх вязьняў і ўпершыню ўжыў фармулёўку «палітычныя»
🇵🇱 МЗС Польшчы заклікала сваіх грамадзян тэрмінова пакінуць Беларусь
📵 «Пачаў пляншэт з сабой насіць». Што адбываецца ў школах праз тыдзень пасьля забароны мабільнікаў
📖 Да стагодзьдзя Другой Усебеларускай канфэрэнцыі: Як «перагортваць старонку» 2020 году?
🧬🔬 Жыць да 150? Неўміручасьць? Навукоўцы камэнтуюць размову Сі і Пуціна
♨️ З пачатку верасьня на беларускіх мэтэастанцыях зафіксавалі 17 рэкордаў цяпла
🏔 🧭 У раёне Эльбруса зьнік беларускі турыст
🎤 Ільля Чарапко-Самахвалаў паведаміў пра сыход з гурту «Пятля прыхільнасьці»
https://smarturl.click/w4q3A
Reuters выдаліла відэа з размовай Пуціна і Сі пра жыцьцё да 150 гадоў і неўміручасьць
https://smarturl.click/p2102
У пятніцу агенцтва Reuters News адклікала чатыроххвілінны відэаролік на якім была размова паміж кіраўнікамі Расеі і Кітаю Ўладзімірам Пуціным і Сі Дзіньпінам. Тыя, сярод іншага, абмяркоўвалі магчымасьць таго, што людзі могуць жыць да 150 гадоў.
Дзяржаўнае тэлебачаньне Кітая запатрабавала выдаліць відэа і адклікала законны дазвол на яго выкарыстаньне.
Жыць да 150? Неўміручасьць? Навукоўцы камэнтуюць размову Сі і Пуціна
https://smarturl.click/QbB4Y
Аўтарытарныя кіраўнікі Кітаю і Расеі маюць агромністыя рэсурсы і найлепшыя навуковыя розумы ў сваіх краінах, каб паспрыяць тэхналёгіям, якія падаўжаюць жыцьцё чалавека. Але ці сапраўды можна казаць пра істотныя навуковыя прарывы ў гэтым кірунку?
Заходнія выданьні задаюцца пытаньнем, наколькі сучасная навука прасунулся, каб перамагчы старэньне і наблізіцца да неўміручасьці.
МЗС Польшчы заклікала сваіх грамадзян тэрмінова пакінуць Беларусь
https://smarturl.click/j7ZWj
Міністэрства замежных спраў Польшчы рэкамэндуе грамадзянам краіны пакінуць Беларусь, «выкарыстоўваючы даступныя камэрцыйныя і прыватныя сродкі», і настойліва раіць устрымацца ад паездак у Беларусь, паведаміла радыёстанцыя RMF24.
«Гэта не дэмакратычная краіна і не дружалюбная да Польшчы. Я хацеў бы, каб да гэтых папярэджаньняў ставіліся як мага сур’ёзьней», — цытуе RMF24 прэс-сакратара міністэрства Паўла Ўроньскага.
Раней міністар замежных справаў Польшчы Радослаў Сікорскі адрэагаваў на затрыманьне польскага грамадзяніна, якога прапагандысцкі канал у Беларусі назваў «польскім шпіёнам».
Зяленскі адказаў Пуціну, запрасіўшы таго ў Кіеў
https://smarturl.click/lALEq
Прэзыдэнт Украіны Ўладзімір Зяленскі запрасіў кіраўніка Расеі Ўладзіміра Пуціна на перамовы ў Кіеў, падкрэсьліўшы, што сам ён у Маскву паехаць ня можа.
«Ён можа прыехаць у Кіеў. Я не магу паехаць у Маскву, калі мая краіна пад ракетамі, пад атакай кожны дзень. Я не магу паехаць у сталіцу гэтага тэрарыста», — заявіў прэзыдэнт Украіны ў інтэрвію амэрыканскаму каналу ABC News. Зяленскі дадаў, што прапанова Пуціна сустрэцца ў Маскве накіравана на зацягваньне перамоўнага працэсу, бо расейскі кіраўнік разумее немагчымасьць такой сустрэчы.
Пуцін двойчы на гэтым тыдні заяўляў пра гатоўнасьць сустрэцца зь Зяленскім у расейскай сталіцы.
📵 «Пачаў пляншэт з сабой насіць». Што адбываецца ў школах праз тыдзень пасьля забароны мабільнікаў
https://smarturl.click/zdqQZ
Паразмаўлялі з бацькамі беларускіх школьнікаў і настаўніцай пра тое, як забарона на мабільнікі адаб’ецца на вучнях і іхным жаданьні вучыцца.
👩👦 Частка бацькоў задаволеная: «Хоць крыху пабудуць без тэлефонаў». Але многія дзеці шукаюць абыходныя шляхі — напрыклад, пачалі насіць у школу пляншэты. Бацькам стала складаней кантактаваць зь дзецьмі па побытавых пытаньнях.
👩🏫 Настаўнікі адзначаюць: пакуль вялікай розьніцы ў актыўнасьці вучняў няма. Яны самі ня надта ў захапленьні ад забароны — тэлефон патрэбны хаця б на перапынках.
⚠️ Агульная праблема, падкрэсьліваюць пэдагогі, у іншым: бракуе кваліфікаваных настаўнікаў. Забарона на тэлефоны сама па сабе якасьць адукацыі ня палепшыць.
Ужо сёньня. Чатыры гады таму асудзілі Марыю Калесьнікаву і Максіма Знака
https://smarturl.click/kZLWX
📅 6 верасьня
1492 — Калюмб пачаў сваю першую экспэдыцыю.
1790 — Чатырохгадовы Сойм ухваліў непадзельнасьць земляў Рэчы Паспалітай.
1933 — абмен вязьнямі ў Коласаве: Францішак Аляхновіч вярнуўся ў Польшчу, Браніслава Тарашкевіча перадалі СССР.
1941 — габрэяў у Нямеччыне абавязалі насіць зорку Давіда.
1952 — у Жэнэве падпісалі Ўсясьветную канвэнцыю аб аўтарскім праве.
1991 — СССР прызнаў незалежнасьць Літвы, Латвіі і Эстоніі. Чачэнія абвясьціла незалежнасьць.
1997 — у Менску адбыўся ўстаноўчы сойм «Маладога Фронту».
2020 — у Беларусі прайшоў «Марш адзінства» — больш за 170 тысяч удзельнікаў.
🍃 Нарадзіліся: Салямон Майман, Іван Грыгаровіч, Мікола Дварэцкі, Леанід Рахленка, Мікалай Пінігін, Валянцін Мазец.
🕯 Памерлі: Піліп Казімір Абуховіч, Сюлі-Прудом, Кандрат Лейка, Уладзімер Марзон, Акіра Курасава, Лючана Павароці.
У Пакістане абвясьцілі пра 261 вакансію на працу ў Беларусі
https://smarturl.click/vdGa2
У Пакістане ўпершыню афіцыйна абвясьцілі пра набор на працу ў Беларусі. На сайце Бюро эміграцыі з’явіліся 261 вакансія: у будаўніцтве, на перапрацоўцы рыбы і морапрадуктаў, а таксама іншыя. Заробкі прапануюць ад 500 $ да 1800 BYN, паведаміў «Позірк».
📌 Раней Лукашэнка казаў, што Беларусь гатовая прыняць да 150 тысяч пакістанскіх работнікаў.