14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
СМІ пра атакі на нафтавыя танкеры «ценевага флёту» Расеі: гэта апэрацыя ўкраінскіх спэцслужбаў
https://smarturl.click/e0Ax5
Украінскія СМІ ў суботу апублікавалі відэа, на якім, як сьцьвярджаецца, марскія беспілётнікі Sea Baby узрываюць у Чорным моры танкеры так званага расейскага ценявога флёту.
Украіна ня раз рабіла гучныя апэрацыі перад чарговымі спробамі перамоваў аб завяршэньні вайны. Найбольш вядомая — апэрацыя «Павуціньне» («Spiderweb»), калі беспілётнікі, запушчаныя з грузавікоў на тэрыторыі Расеі, атакавалі адразу некалькі расейскіх авіябазаў і пашкодзілі дзясяткі баявых самалётаў, у тым ліку стратэгічнай авіяцыі.
Ціханоўскі прапанаваў «тры пункты для ЗША і апазыцыі»
Сяргей Ціханоўскі, выступаючы ў Ейльскім унівэрсытэце (Канкэктыкут, ЗША), працягнуў сваю думку, якую нядаўна агучваў у артыкуле ў The Washington Post і прамове ў Эўрапарлямэнце пра «нэўтральную, але самастойную Беларусь, якая патрэбная і Ўсходу і Захаду на ўзор колішняй Фінляндыі».
Акрамя гэтага, Ціханоўскі агучыў тры пункты пляну дзеяньняў для ЗША і беларускіх дэмакратычных сілаў.
Дэталі: https://smarturl.click/JnZlw
Былы кіраўнік офісу прэзыдэнта Украіны заявіў пасьля ператрусу і адстаўкі, што паедзе на фронт
https://smarturl.click/6W9jB
«Мяне зганьбілі і маю годнасьць не абаранілі, нягледзячы на тое, што я знаходжуся ў Кіеве з 24 лютага 2022 году. Таму я не хачу ствараць праблем для Зяленскага: я еду на фронт. Я адпраўляюся на фронт і гатовы да любых рэпрэсій. Я сумленны і прыстойны чалавек.
Мяне абурае бруд, які на мяне выліваюць, і яшчэ больш мяне абурае адсутнасьць падтрымкі з боку тых, хто ведае праўду», — сказаў Андрэй Ярмак выданьню The New York Post.
🎄 Зь Дзедам Марозам на танку, у Зюзі на Паазер’і. Як і за колькі беларусам сёлета прапануюць адсьвяткаваць Новы год
https://smarturl.click/vd69G
Новы год у Хогвартсе, Дзед Мароз на гелікоптэры і сьвята Зюзі, а таксама традыцыйныя Калядныя Цары.
Сабралі прапановы, як і дзе беларусы могуць адзначыць навагоднія сьвяты.
Ужо сёньня. Дзень памяці Палуты Бадуновай, Браніслава Тарашкевіча і Адама Станкевіча
https://smarturl.click/4Oo1w
📅 29 лістапада
1812 — скончылася бітва на Бярэзіне падчас расейска-францускай вайны. Слова Bérézina ўвайшло ў францускую мову як сынонім катастрофы.
1830 — пачалося нацыянальна-вызвольнае Лістападаўскае паўстаньне ў Польшчы.
1914 — у Менску на Пярэсьпе заснаваныя Брацкія вайсковыя могілкі.
1920 — пачала працу горадзенская Беларуская гімназія.
1943 — югаслаўскія камуністы абвясьцілі канец манархіі і заснаваньне Дэмакратычнай Фэдэратыўнай Рэспублікі Югаславіі.
1961 — улады ўзарвалі горадзенскі фарны касьцёл, вядомы з 1389 году. Гэта быў першы каталіцкі храм у Горадні і найбольшы каталіцкі касьцёл у Беларусі.
2020 — у Менску адбыўся «Марш суседзяў» супраць фальсыфікацыі выбараў і гвалту сілавікоў.
🌱 Нарадзіліся: Мікола Янчук, Валеры Дайнэка.
🕯 У памяці: Філон Кміта-Чарнобыльскі, Вінцэнт Корвін-Гасеўскі, Палута Бадунова, Браніслаў Тарашкевіч, Адам Станкевіч, Анатоль Дзялендзік.
Хроніка перасьледу 28 лістапада
https://smarturl.click/VRgmb
1️⃣ Палітвязьню Віталю Каваленку Гомельскі абласны суд прызначыў 3 гады калёніі узмоцненага рэжыму.
2️⃣ Інтэрнэт-радыё Radio Plato прызналі «экстрэмісцкім фармаваньнем».
3️⃣ У Гомлі за «садзейнічаньне экстрэмізму» асудзілі хрысьціянскага прапаведніка Аляксея Ягелу. Там жа і за тое ж, а таксама за «абразу Лукашэнкі» асудзілі кандыдата эканамічных навук Аляксандра Русаковіча.
4️⃣ Над памілаваным ксяндзом Генрыхам Акалатовічам прызначылі суд пра забарону выезду за мяжу.
5️⃣ Былога сілавіка Алега Гурына асудзілі на 3 гады «хіміі».
6️⃣ У Берасьці з аўкцыёну прадалі кватэру палітвязьня Віталя Чопіка ў кошт пагашэньня штрафу.
7️⃣ Камітэт па правах чалавека ААН запатрабаваў ад Беларусі кампэнсаваць 16 заяўнікам штрафы за бел-чырвона-белыя сьцягі ў вокнах.
8️⃣ МУС дадало ў «Сьпіс экстрэмістаў» больш за два дзясяткі чалавек. Агульная колькасьць дасягнула 6042.
9️⃣ КДБ абнавіў «сьпіс тэрарыстаў», дадаўшы туды трох чалавек.
«Белавія» пасьля скасаваньня амэрыканскіх санкцыяў зьбіраецца купіць новыя самалёты
https://smarturl.click/AxXm4
На «сурʼёзнай стадыі абдумваньня» ў кампаніі «Белавія» знаходзіцца пытаньне куплі новых самалётаў, заявіў у інтэрвію дзяржаўнаму тэлеканалу «Першы інфармацыйны» міністар транспарту і камунікацыяў Аляксей Ляхновіч, перадае «Позірк».
Паводле яго, у плянах — «набыць ад трох да пяці самалётаў да летняга сэзону, каб максымальна задаволіць попыт насельніцтва на пералёты ў курортныя гарады», — сказаў чыноўнік.
Сёлета парк перавозьніка папоўнілі два Airbus A330-200, да лютага дадасца яшчэ адзін, дадаў Ляхновіч.
Міністар заявіў таксама, што распрацоўваецца каля 20 новых кірункаў далёкіх пералётаў, перш за ўсё ў Кітай.
Фота — belavia_official
🇵🇱 У Польшчы затрымалі трох беларусаў, якіх вінавацяць у працы на замежныя спэцслужбы
https://smarturl.click/dwmYE
25–26 лістапада ў Варшаве і Беластоку затрымалі беларусаў Вікторыю М., Антона М. і Ўладзімера У., а таксама дваіх украінцаў.
Усіх узялі пад варту, акрамя Ўладзімера У. — ён у шпіталі, яму забаранілі пакідаць Польшчу.
Паводле агенцтва ўнутранай бясьпекі, падазраваных завэрбавалі праз Telegram. Яны фатаграфавалі і зьбіралі інфармацыю пра крытычна важную інфраструктуру, сыстэмы і аб’екты, «якія маюць вырашальнае значэньне для бясьпекі Рэспублікі Польшча і яе грамадзян». Таксама яны вывешвалі плякаты і стваралі графіці.
🇺🇦 Кіраўнік адміністрацыі Зяленскага падаў у адстаўку
https://smarturl.click/WR5pW
Прэзыдэнт Украіны Ўладзімір Зяленскі абвясьціў, што кіраўнік ягонага Офісу Андрэй Ярмак напісаў заяву аб адстаўцы.
Раней сёньня сьледчыя Нацыянальнага антыкарупцыйнага бюро і Спэцыялізаванай антыкарупцыйнай пракуратуры правялі вобшук у Ермака.
Вобшуку папярэднічаў вялікі карупцыйны скандал, які закрануў пэўных міністраў ягонага кабінэту і даўніх бізнэс-партнэраў.
Расьсьледаваньне карупцыі зьвязанае з абвінавачаньнямі ў тым, што сродкі для будаўніцтва абароны ўразьлівай энэргетычнай інфраструктуры Ўкраіны ад расейскіх авіянападаў былі перанакіраваныя на хабар палітыкам.
Ярмак, магчыма, самы давераны палітычны хаўрусьнік прэзыдэнта Ўкраіны. Іх знаёмства пачалося прыкладна ў 2010 годзе і было замацавана шчыльнымі дзелавымі адносінамі яшчэ да прыходу Зяленскага ў палітыку.
Нямецкі суд узяў пад варту ўкраінца, падазраванага ў падрыве «Паўночных патокаў»
https://smarturl.click/p27Yj
Украінец Сяргей Кузьняцоў быў арыштаваны ў жніўні ў італьянскім горадзе Рыміні празь некалькі дзён пасьля таго, як нямецкая фэдэральная пракуратура выдала эўрапейскі ордэр на яго арышт.
Кузьняцоў стаў першым арыштаваным па справе аб сабатажы газаправодаў «Паўночны паток». У Нямеччыне яму прад’явілі некалькі абвінавачваньняў, у тым ліку ў тэрарызьме.
У судзе ён не прызнаў сябе вінаватым.
19 лістапада суд у Італіі канчаткова пастанавіў яго экстрадаваць у Нямеччыну.
ℹ️ Другога арыштаванага ўкраінца польскі суд 17 кастрычніка адмовіўся выдаваць Нямеччыне і выпусьціў яго з-пад варты.
🇲🇲 Лукашэнка і М’янма: захапленьне хунтай як люстэрка беларускай улады
https://smarturl.click/ZXgYW
Падчас візыту ў М’янму Лукашэнка выказаў захапленьне гэтай краінай і рэжымам, які там кіруе. А між тым М’янма — адна з самых праблемных, бедных і ізаляваных краінаў сьвету. Там кіруе вайсковая хунта. У краіне ідзе грамадзянская вайна, піша Валер Карбалевіч.
💬 Захапленьне Лукашэнкі кіроўным рэжымам М’янмы шмат кажа пра тое, што зьяўляецца для Лукашэнкі ўзорам дзяржаўнага ладу.
💬 Рэжымы і палітычная рэчаіснасьць у Беларусі і М’янме вельмі падобныя: незаконны захоп улады, жорсткі тэрор супраць незадаволеных, наяўнасьць палітвязьняў, масавая эміграцыя грамадзян, міжнародныя санкцыі
💬 Агульны аб’ём гандлю паміж Беларусьсю і М’янмай у 2024 годзе — менш за 1 млн даляраў. То бок з эканамічнага гледзішча цікавасьць краін адна да адной блізкая да нуля.
Супраць журналісткі Ірыны Халіп завялі завочную крымінальную справу, у яе бацькоў у Менску правялі ператрус
https://smarturl.click/9oXb4
Супраць спэцыяльнай карэспандэнткі онлайн-выданьня «Новая газета Европа», беларускай журналісткі Ірыны Халіп у Беларусі пачалі новую крымінальную справу. Яе завялі паводле «экстрэмісцкага» артыкулу.
У Беларусі онлайн-апытаньні ў СМІ змогуць праводзіць толькі акрэдытаваныя кампаніі
https://smarturl.click/vd6VQ
Урад Беларусі ўдакладніў патрабаваньні да кампаніяў, якія праводзяць апытаньні грамадзкай думкі на тэмы рэфэрэндумаў, выбараў і грамадзка-палітычнай сытуацыі.
Сямёра за кратамі, 140 безь ліцэнзіяў. Чаму сярод памілаваных Лукашэнкам палітвязняў няма ніводнага адваката
https://smarturl.click/5ZXbD
«Аспрэчыць адвакатаў у працэсуальным пляне вельмі складана. Бо адвакаты вядуць прафэсійную дыскусію. Трэба прымусіць замоўкнуць увесь адвакацкі корпус, каб яны не казалі ў судах пра дэфэкты ў заканадаўстве і ў практыцы, каб не прыводзілі праўных аргумэнтаў».
«Я прысьвячаю гэтую прэмію беларусам», — Сьвятлана Ціханоўская ўзнагароджаная прэміяй Menschen in Europa
27 лістапада, у час візыту ў Нямеччыну, Ціханоўскую ўзнагародзілі прэміяй Menschen in Europa «Сьмелыя жанчыны за свабоду і дэмакратыю». Цырымонія адбылася ў нямецкім Пасаў у межах штогадовай праграмы, якая адзначае асобаў, што зрабілі значны ўнёсак у абарону правоў чалавека і дэмакратычных каштоўнасьцяў. Разам зь беларускай прэмію атрымала расейская дзяячка Юлія Навальная, удава памерлага ў турме Аляксея Навальнага.
Ціханоўская заявіла, што прысьвячае ўзнагароду ўсім беларусам і падкрэсьліла, што менавіта людзі вызначаюць Беларусь і будучыню краіны, а не «злачынны рэжым Лукашэнкі».
«Людзі, якія адчайна змагаюцца кожны дзень, каб зрабіць Беларусь свабоднай, незалежнай і эўрапейскай. І сёньня прысьвячаю гэтую прэмію маім суайчыньнікам».
Да таго адбылася дыскусія, на якой Ціханоўская адказала на пытаньні пра сытуацыю ва Ўкраіне, асабісты досьвед, працу і стратэгію дэмакратычных сілаў і ролю Эўропы.
Ларыса Шчыракова патрабуе дакумэнтальных доказаў свайго памілаваньня і прычын выправаджэньня зь Беларусі
https://smarturl.click/ggQzD
Журналістка, якую датэрмінова вызвалілі з калёніі і прымусова вывезьлі ў Літву разам зь іншымі палітвязьнямі, зьвярнулася да генэральнага пракурора Беларусі і ў дэпартамэнт выкананьня пакараньняў, паведамляе БАЖ. Яна патрабуе, каб яе азнаёмілі з дакумэнтамі пра падставы вызваленьня і выгнаньня.
«Калі я яшчэ была ў калёніі, то бачыла ў тэлевізіі, як раней вызвалялі іншых. Дзяўчатам зачытвалі, што яны памілаваныя, нейкая працэдура вытрымлівалася. А тут ніякай працэдуры не было, і я да канца ня ведаю, ці я памілаваная, ці не. У мяне няма пра гэта аніякіх дакумэнтаў, ніякай даведкі — хто я цяпер, ці магу вярнуцца ў Беларусь», — кажа Ларыса Шчыракова, якая цяпер у Вільні.Читать полностью…
Практыка, ад якой адмовіліся і зноў вярнулі: беларусам будуць пазначаць групу крыві ў пашпартах
https://smarturl.click/j7DAd
Такую пастанову зацьвердзіла Міністэрства аховы здароўя. Паводле Міністэрства, такія адзнакі могуць паскорыць аказаньне дапамогі пры экстраных сытуацыях — калі лік ідзе на хвіліны.
Тым ня менш, мэдыкі падкрэсьліваюць: нават пры наяўнасьці адзнакі ў дакумэнце перад пераліваньнем крыві ўсё роўна праводзіцца паўторнае лябараторнае вызначэньне групы крыві пацыента — гэта абавязковы сусьветны стандарт бясьпекі. У пашпартах СССР раней ставілі такія адзнакі, але з часам ад іх адмовіліся — акурат з прычыны стандарту абавязковай праверкі крыві ў лябараторыі.
ЗША прыпынілі разгляд палітычнага прытулку для грамадзянаў усіх краін
Служба грамадзянства і іміграцыі ЗША (USCIS) цалкам прыпыніла наданьне прытулку. Дырэктар ведамства Джозэф Эдлоў заявіў, што працэс адновіцца толькі пасьля таго, як будзе забясьпечаная «максымальна магчымая праверка кожнага заяўніка».
Рашэньне прынятае пасьля здарэньня ў Вашынгтоне, дзе афганскі грамадзянін Рахманула Лаканвал, які прыехаў у 2021 годзе ў ЗША ў праграме Operation Allies Welcome, у сераду ля Белага дому ўсчаў страляніну, у якой пацярпелі двое вайскоўцаў Нацыянальнай гвардыі ЗША: адна загінула, другі паранены.
Паводле ініцыятывы byaction.org, якая ў ЗША падтрымлівае беларусаў, пацярпелых на радзіме ад палітычных рэпрэсіяў, на пачатак 2025 году ў Праекце абароны шукальнікаў прытулку (некамэрцыйная арганізацыя Asylum Seeker Advocacy Project) зарэгістраваныя 1662 беларусы.
З-за санкцый звузяцца банкаўскія сэрвісы, падаражэюць цыгарэты. Што яшчэ зьменіцца ў Беларусі з 1 сьнежня
https://smarturl.click/7vXJl
З пачаткам каляндарнай зімы беларусаў чакаюць ня толькі сьнегапады і маразы, але і зьмены ў пэўных правілах жыцьця і цэнах на тавары.
🎄 Калядныя сьвяты на 4 дні.
💸 Новы пакет санкцыяў ускладніць банкаўскія плацяжы.
🏦 Зьмены, якія ўводзяць самі банкі.
🚆 БЧ пускае дадатковыя цягнікі.
✈️ «Белавія» адкрывае рэйсы ў Шарм-аш-Шэйх і Алматы.
❄️ Аўтамабілістам трэба перайсьці на зімовыя шыны.
🎒 Двухтыднёвыя школьныя вакацыі.
🚬 Зноў падаражэюць цыгарэты.
⚰️ Вырасьце дапамога на пахаваньне.
Асноўнае за 28 лістапада
• Эўразьвяз падрыхтаваў новы пакет санкцыяў супраць Беларусі
• Васіля Верамейчыка, былога байца палку імя Каліноўскага, асудзілі на 13 гадоў
• Беларускія райвыканкамы закупляюць дэтэктары і глушылкі дронаў. Хто і колькі?
• «ПіК Свабоды». Мір, палітвязьні, мяжа, Ціханоўскі — размова з Вадзімам Пракоп’евым
• Сямёра за кратамі, 140 безь ліцэнзіяў. Чаму сярод памілаваных Лукашэнкам палітвязьняў няма ніводнага адваката
• У Польшчы затрымалі трох беларусаў, якіх вінавацяць у працы на замежныя спэцслужбы
• Беларуса асудзілі за выяву Ілана Маска з рымскім салютам, зробленую на графіці ў Варшаве
• Шантаж у дыпляматыі і дзіўныя саюзьнікі. Вынікі тыдня з Валерам Карбалевічам
• Міжнародны алімпійскі камітэт дапусьціў адзіную беларускую спартоўку на зімовую Алімпіяду 2026 году
У Расеі прызналі блякаваньне WhatsApp
https://smarturl.click/VRg4b
«Мэсэнджар выкарыстоўваецца для арганізацыі і правядзеньня тэрарыстычных дзеяньняў на тэрыторыі краіны, для вэрбоўкі іх выканаўцаў, для ашуканскіх і іншых злачынстваў супраць нашых грамадзян», — гаворыцца ў паведамленьні «Роскомнадзора», перадае «Интерфакс».
Васіля Верамейчыка, былога байца палку імя Каліноўскага, асудзілі на 13 гадоў
https://smarturl.click/aRx9J
Васіль Верамейчык быў затрыманы ў лістападзе 2024 году ў Віетнаме і перададзены ўладам Беларусі.
Пасьля заканчэньня службы ва Ўкраіне ў Палку Каліноўскага Верамейчык спрабаваў легалізавацца ў Літве, але быў аб’яўлены «пагрозаю нацыянальнай бясьпецы» і атрымаў забарону на ўезд у краіну.
❗️ Беларускія райвыканкамы закупляюць дэтэктары і глушылкі дронаў. Хто і колькі? МАПА
https://smarturl.click/lAbYm
Пачынаючы з жніўня раённыя выканаўчыя камітэты Пінску, Лунінца і Менску, а таксама вайсковы камісарыят Горадні пачалі набываць партатыўныя прылады для выяўленьня дронаў.
Такія ж самыя дэтэктары выкарыстоўваюць расейскія вайскоўцы на вайне ва Ўкраіне.
Як падлічыла Свабода, зь ліпеня 2024 году ў паветранай прасторы Беларусі было зафіксавана каля 700 дронаў. Часьцей за ўсё іх прылёты супадалі ў часе з масавымі расейскімі паветранымі атакамі Ўкраіны.
У большасьці выпадкаў улады хаваюць інфармацыю пра гэтыя здарэньні, не інфармуюць людзей пра небясьпеку падчас такіх пралётаў, часам нягледзячы на факты выбухаў і разбурэньняў.
📹 Шантаж у дыпляматыі і дзіўныя саюзьнікі. Вынікі тыдня з Карбалевічам
https://www.youtube.com/watch?v=K12K-qc3CeA
Вонкавая палітыка Беларусі ўсё больш нагадвае дэтэктыў зь нечаканымі паваротамі. Крызіс у адносінах зь Літвой, затрыманьне 1800 літоўскіх фур і патрабаваньні сустрэчы міністраў замежных спраў — гэта ўжо выглядае як дыпляматычны шантаж.
Паралельна Лукашэнка імкнецца зноў апынуцца ў цэнтры тэмы пра Ўкраіну. Едзе ў М’янму да вайсковай хунты і расстаўляе акцэнты, якія могуць шмат сказаць пра сёньняшні курс беларускай замежнай палітыкі.
Што ўсё гэта значыць і куды рухаецца афіцыйны Менск камэнтуе палітычны аглядальнік Свабоды Валер Карбалевіч.
🎥 Ці пераможа Ціханоўскі Ціханоўскую? «ПіК Свабоды» з Вадзімам Пракоп’евым
❓Што прынясе Беларусі мір ва Ўкраіне?
❓Чым Трамп падабаецца Ціханоўскаму?
❓Ці памяняецца лідэр у дэмакратычных сілах Беларусі?
Пра гэта ў жывым эфіры «ПіКа Свабоды» Юры Дракахруст гутарыць з адным зь лідэраў фракцыі «Беларусы» у Каардынацыйнай Радзе, бізнэсоўцам Вадзімам Пракоп’евым.
https://youtube.com/live/B9qwquke9zc
Беларуса асудзілі за выяву Ілана Маска з рымскім салютам, зробленую на графіці ў Варшаве
https://smarturl.click/XDgYA
Два гады ўмоўнага пазбаўленьня волi і штраф у 160 злотых. Такое пакараньне прысудзілі беларусу за малюнак мільярдэра Ілана Маска на сьцяне ў Варшаве.
Калі мастака яшчэ раз зловяць за стварэньнем муралаў — умоўны тэрмін могуць замяніць на рэальны, паведаміла Эўрарадыё.
Фота — street_wind_
⛸ Міжнародны алімпійскі камітэт дапусьціў адзіную беларускую спартоўку на зімовую Алімпіяду 2026 году
https://smarturl.click/L3dbj
Ураджэнка Масквы зь беларускім пашпартам на самой Алімпіядзе, як і ў адборы, будзе выступаць у нэўтральным статусе. Пасьля кваліфікацыі ў Пэкіне яна чакала рашэньня адмысловай камісіі МАК.
Лукашэнка ў М’янме падзяліўся сакрэтамі «стабільнасьці» і «перамогі» на выбарах
🇲🇲🇧🇾 Што яшчэ вядома пра супрацу рэжымаў: https://smarturl.click/MGBb2
Аляксандар Лукашэнка ўпершыню наведвае М’янму, якой пяць гадоў пасьля дзяржаўнага перавароту кіруе вайсковая хунта.
У Беларусі не зарэгістравалі перавышэньня радыяцыйнага фону пасьля пажару на Ігналінскай АЭС
https://smarturl.click/8pwb8
Пасьля здарэньня на Ігналінскай атамнай электрастанцыі не адбылося перавышэньня кантрольных узроўняў радыяцыйнага фону на тэрыторыі Беларусі, паведаміла 27 лістапада Міністэрства надзвычайных сытуацый.
Раней Дзяржаўная інспекцыя бясьпекі атамнай энэргетыкі Літвы (VATESI) пацьвердзіла атрыманьне ад кампаніі, што кіруе АЭС, інфармацыі пра пажар. Як высьветлілася, ён здарыўся «ў комплексе па абыходжаньні з радыеактыўнымі адходамі».
У Кіеве антыкарупцыйныя органы праводзяць вобшук у кіраўніка адміністрацыі Зяленскага
https://smarturl.click/E1ZDL
Сьледчыя Нацыянальнага антыкарупцыйнага бюро і Спэцыялізаванай антыкарупцыйнай пракуратуры праводзяць вобшук у кіраўніка Офісу прэзыдэнта Ўкраіны Андрэя Ярмака.
на здымку Андрэй Ярмак у цэнтры, побач з прэзыдэнтам Украіны Ўладзімірам Зяленскім