رثاء الاطهار للشاعرة والملا رغد البهادلي

25 December 2025 14:35

اللهم صَل على محمد وال محمد وعجل فرجهم الشريف ياالله🤲

🌺هوسات جنوبيه للسيده زينب ع🌺
————————————————-

هنيال اللي عدها اخوان و يوميه يمروها
احنان الاخوه يا هالناس و عن الحال نشدوها
و تدرون المره اللي اتموت تريد احباب يلفوها
جا ليش الحنينه ام عون اهلها ما يحضروها
و يشيلون النعش همه و للمكبره ايزتوها

كون الليله اخوتها .. اتون و تثغب عالتابوت




الليله يا حسافه ام عون ما واحد اتعناها
غريبه و تصفك الجفين وهيه ادير عيناها
و ادروب النشامه ابعاد و هذا الشام اذاها
ياهو ايخبّر الخوان تجي ابهل مسه و تنعاها
هاليوم المناحه اتلوگ للمذبوحه ولياها

شمحله النوح الليله .. اعله اخت الجيدومه



غربه الناس هايه و صعبه يخوتها
يشيلون النعش و اتميل شيلتها
الليله ام عون محد حضر ونتها
و هنيال التموت و يمها اهيلتها
و بت امها تدگ و شمحله لطمتها

اللطمه اعله اخت الضامي .. كلنه اندك بيها



كلنه احبابها و انهل الاعيون
هاي اروحنه تفداج يم عون
الشيعه اليوم طلعتلج يشيعون
مثل يوم الذبيح اعلينه ميهون
و بيارغ عالنعش و الكل يهوسون

الهوسه اعله اخت الكافل .. گومي وهوسيها

————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

25 December 2025 14:27

اللهم صَل على محمد وال محمد وعجل فرجهم الشريف ياالله🤲

🌺قصيدة عراضة فزاعية جنوبية لوفاة السيدة زينب ع🌺
————————————————-
نعش الطاهرة مابيه دفانة
جا وين البطل عباس واخوانة
يشيلونة بحزن وبدمعة جريانة
وابو فاظل يهوس روحة خلصانة



*شد الثام لخته و هوس اعليها*
*زينب شايله و الدمعه يجريها*


شد الثام اخوهة وهوس الليله
زينب هاي وسفة راحت انحيله
وني وياالبطل عَل نعش هوسيله
كون اليوم اخوها ايشوفها شبيها


ابو فاظل عليها روحه محزونه
ما يگدر يون و السهم بعيونه
هوس عالنعش بس ماكو امتونه
بالغربه گظت و الدمعة تجريها


ابو فاظل لخيته ينحب اويانه
و الزهره تون و اتريد عوانه
يله وياالگمر وسعوله ميدانه
براضة عالنعش لمن تشيليها


براضه وياام طهر هالمشت مهمومه
يوجعها المتن ماطاب مالومه
شلون اهل الحقد قهرو المهضومه
ماعدها حبايب تنشد شبيها


مايمها حبايب والطرق صعبه
حزينه اخت النشامه وماتت ابغربه
وعيناها تهل لدروبهم تربه
بعيده ادروبهم ماسيرو ليها


اون لبت علي وانحب وممنونه
يغاتي بالحشر انتم تحضرونه
بجاه المنذبح والمرمي ابكونه
وهالشيعة يزينب انتي وجبيها


————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 07:04

اللهم صل على محمد وال بيت محمد وعجل فرجهم الشريف ياالله 🤲

🌺 قصيدة فزاعية رجالية للسيدة زينب ع 🌺
————————————————-
زينب نـادت الخوان
حظرو جتني الامنية

حظروني يخواني
واني بين عدواني
الحكولي يولياني
محد سير اعلية

محد گصد لارض الشام
اختكم بين هلضلام
غريبة والدمع سجام
جنت بيهة مسبية

بهل غربة الي ذكرة
شفتهة وخنكت العبرة
والله كسرتي كسرة
محد ما يحس بية

وين اخواني الشجعان
حسين وگمر عدنان
وي اخوانه والشبان
تعالو شوفو شبية

محتام الكلب ليكم
يلحلوة طورايكم
وين اني الاكيكم
الوكت طشرنة تالية

غريبة بلهضم ضليت
لا لمني سكف لابيت
يم الشجرة تالي جيت
اون بروح مكضية

اذكر صلبو ابن امي
راسة اتخيلة يمي
علي اني كثر همي
انوح بدمعة مجرية

جسمي منهدم حيلة
صرت بجفاكم اعليلة
نعشي ياهو اليشيلة
ويهيل اترابي اعلية


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:58

اللهم صل على محمد وال بيت محمد وعجل فرجهم الشريف ياالله 🤲

🌺 حديث ونعي وقصيدة مربعة لعزاء السيدة زينب ع 🌺
————————————————-
تقول الروايات بعد مقتل الحسين واخوته ع وواقعة الطف عاشت مولاتنا زينب عاماً واحداً .... لكن كيف عاشته ياترى !!!! عاشته بلحزن والنحيب والأنين ليلاً مع نهاراً حتى امروا بإخراجها من المدينة وروايات أخرى تقول اخذت دور الامام الحسين ع باسقاط الحكم الأموي فجاءت مولاتنا زينب ع الى ابن اخيها الامام السجاد ع كونه الامام المعصوم في زمانها وأخبرته بانهم يريدون ان يخرجوها من المدينةِ الى الشام قالت يبن اخي لي فيها ذكرى اليمة فقال لها عمة اذهبي ....
ذهبت مولاتنا زينب ع الى الشام عند وصولها الى حدود الشام التفت الى شجرة ودققت النظر واذا بها الشجرة التي صُلب عليها رأس مولانا ابي عبد الله الحسين هنا مولاتنا حنت وانت كاني بلسان حالها تقول ....

😭😭😭😭😭😭😭
لجمتي الكلب والله يشجرة
شفتج انة وعدتي الذكرة
حسين صلبو بيج نحرة

😭😭😭😭😭
زينب وصلت الشام ومحاريها
ونت واذكرت اللي سدة اعليها
وانعاد الهضم تصفك بديها

بعيني شفت نحرة عليها
وبتة من تون زايد بجيها
اه يانارهة وغربة سبيها

😭😭😭😭😭
خلو عليها حلوين اللحاية
لسة بعد بيج الدماية
واذكر هضمتي وياالسباية

😭😭😭😭😭
ثاري الوكت لجمات لجمات
غابت شمسنة وعدمن انبات
راحو ترا البيهم امروات

😭😭😭😭😭
صديت للشجرة وبجيت
وهاضمني زماني وحيل ونيت
انة شجابني وشلون رديت

😭😭😭😭😭
تعبني زماني هواي اذاني
ومشيت شكد مشيت وتعبت ابداني
من صغري الحزن رافگني واعماني
حزينة وبلهضم مايوم هداني
بجيت شكد يدهري بكسرة أزماني
تالي بكربلة بحبابي كسراني
شعتب عَل زمن بليسر مشاني
ومن رديت صارت تزعج احزاني
تالي للغرب ياحيف رداني
كاضيني التعب والغرب سلاني
اون وانطر عسن يلفون ولياني
صحت شكد ردت بس شوفة اخواني
تالي ياحريمة اكظيت مسمومة

😭😭😭😭😭
وكتلني ...
شكثر دهري غدر بية وكتلني
وأخذ احباب من عندي وكتلني
ريت بكربلة هناكة وكتلني
ولا رديت اون واصفك بدية

😭😭😭😭😭😭😭😭😭😭

🌺القصيدة🌺
———————-

بهيدة يادهر وياي وارحمني
تعبنـي الوكت ياناس تعبني


تـعبنـي الزمــان وورم اعيوني
ابد ماحسبت احبابي يجفوني
انـة بعازة هلي الـجانو يباروني
حاربني الدهر بعزازي واهضمني

هم يرجع زماني ونرجع اردود
والـگة دار اهلـنة لا ممـسدود
لا ميعـود لا ميعـود لا ميعـود
تـالـي بلـغرب يـاوسفة شامرني

كـاسرني الـوكت مهضـوم دلالـي
غـريبة وبلـغـرب وبـعـازة الـوالـي
اريد اللي يجي وينشد انة شحالي
احبيباتي ابعدن والضيم كاتلني

شحـال الـونت ومـاكو الـتجي ليهة
ابد ماتنوصف لو ردت انة احجيهة
زيـنـب بت علي محد يــمـر بـيـهـة
دهري تكول بيهم حيف صوبني

الــوم اعلة الـدهر خان بغوالية
أخذهم حيف مني وانكطع بية
محتـاجـة الـيـجي ويفيي اعلية
البين اهلي خذاهم منهم احرمني

ارثي لبت علي وبدمعة مهدورة
خادمتج واون واطلب ومجبورة
بــالـمظلم ابوج الــخادم ايزورة
وبــيـوم الــحـشـر ويـاه تحظرني


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:50

اللهم صل على محمد وال بيت محمد وعجل فرجهم الشريف ياالله 🤲

🌺قصيدة فزاعية جنوبية لوفاة السيدة زينب ع 🌺
————————————————-
شاهيـنة وعليها ايـلـوك الاونـيـن
هاي اخت البطل عباس وحسين

هاي اخت النشامة واخت الاحيودة
الـلـطمة لم طهر هـاليوم مـريـودة
ونـي لـلـعـقـيـلـة بـروح مـمـرودة
لعمت السادة خلي تهمل العين

دكي اعلة الصدر والعين مجرية
زيـنـب هـاي تـستاهل اللطمية
بـت حيدر علي وامها الحورية
هاي الطاهرة وبت الميامين

هاي معدلة والكل يعرفوها
ماخاب اليون واللي يندبوها
هاي ام الصبر هلساع جربوهة
عون الي يدك صدرة والايدين

مكابل لطمة الحرة بعدالية
عليها تلوك لطمات بحماسية
وني وياالزجية بعين مجرية
على الراحت ومنها الكلب نصين

اون اعليج يازينب وممنونة
لطمنة والعزة لجلج يخاتونة
يوم الضيج يخت حسين حظرونة
وبليل الوحش النة تحظرين


————————————————-

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:40

اللهم صل على محمد وال بيت محمد وعجل فرجهم الشريف ياالله 🤲

🌺قصيدة فلة وفزاعية لوفاة السيدة زينب ع 🌺
————————————————-

أخت المنذبح عطشان
ونو ودكو اعليهة

الليلة ماتت ام طاهر
نحيلة تكسر الخاطر
كلبها عَل هضم صابر
من راحو اهاليهة

دكن حيل للحرة
تعينج فاطمة الزهرة
كل خادم هي تنظرة
خيعونة اليون ليهة

زينب العقيلة هاي
اخت الكافل الرواي
عينيني والطمي وياي
وحيدة بغربة تاليهة

مهضومة تون بسكوت
ام طاهر اجاها الموت
الغربة شالو التابوت
ماكو التصرخ اعليهة

الطمي وعلي الصرخات
نعزيهن العلويات
لزينب خل نهل دمعات
والزهرة نعزيهة

نرثي اعليج يازينب
دمعاتي دموم اتصب
دخيلة القبر يوم انطب
كل خادمة تحظريهة


————————————————-

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:31

اللهم صل على محمد وال بيت محمد وعجل فرجهم الشريف ياالله 🤲

🌺 قصيدة مربعة وفزاعية لوفاة السيدة زينب ع 🌺
————————————————-
هـاي اخت الـگمر واخت اليـثنـون
السـادة عَل نعش واجب يهوسـون

تستــاهل الـيوم الـعين نـجريــهة
لخت عباس حيل اللطمة شديهة
فـرگـة احـيودهـة يــاناس تاذيـهة
حـد الموت ضلت تجري الاعيون

تون للـموت ضلت للــجـفو بيهة
تـون وفــراگـهم بلـگـلـب ياذيـهة
گظت زينب وحيدة بغرب تاليهة
لــيهة اخــوانــهـة ماجو يشيعون

رادتهم اهـلـهـة اللـي يشيعوهة
تـون وتنوح والــخـوان مـاجوهة
بت حيـدر علـي وانتم تعرفوهة
لـيـهـة الـــيـوم ونـــو يـل تونـون

چـن حظرت الزهرة تريد تـعـزية
وام عباس اجت والـعين مجـرية
تـسـتـاهـل عـزة اخـت الافـاعـية
مكابل لطمتج دكي اعلة الامتون

ارثي الـــطـــاهـرة هلـيوم واتعذر
دخيلج يـم طهـر مـن ليلة المنكر
وحـظرينة يغـاتي بوگـفة المحشر
بـجاه المـنذبح ضَـل عاري بلكون

—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

22 December 2025 05:54

💐💐💐🌹🌹 اسعد الله ايامكم بولادة باقر علوم الاولين و الآخرين عليه السلام 🌹🌹🌹

قال سيدي و مولاي الإمام محمد ابن علي الباقر💐🌹🌹 عليهم السلام 💐🌹 :
اذا أردت ان تعلم ان فيك خيرًا ،فأنظر الى قلبك فان كان يحب اهل طاعة الله ويبغض اهل معصيته ففيك خير ؛والله يحبك ، وإذا كان يبغض أهل طاعة الله ويحب أهل معصيته فليس فيك خير ؛ والله يبغضك ،والمرء مع من احب 💐🌹🌹
أصول الكافي ج 2 ص 103 ح 11 وسائل الشيعة ج 16 ص 183 ح1💐 🌹🌹طيب الله أوقاتكم بحب محمد وال محمد الطيبين الطاهرين
🌹🌹💐🌹🌹
🌹. اللهُمَّ صَلِّ عَلى مُحَمَّدٍ بنِ عَلِيٍّ باقِرِ العِلمِ وَإمامِ الهُدى وَقائِدِ أهلِ التَّقوى وَالمُنتَجَبِ مِن عِبادِكَ، اللهُمَّ وَكَما جَعَلتَهُ عَلَماً لِعِبادِكَ وَمَناراً لِبِلادِكَ وَمُستَودَعاً لِحِكمَتِكَ وَمُتَرجِماً لِوَحيِكَ وَأمَرتَ بِطاعَتِهِ وَحَذَّرتَ مِن مَعصِيَتِهِ، فَصَلِّ عَلَيهِ يا رَبِّ أفضَلَ ما صَلَّيتَ عَلى أحَدٍ مِن ذُرِّيَّةِ أنبيائِكَ وأصفيائِكَ وَرُسُلِكَ وَأُمَنائِكَ يا رَبَّ العالَمِينَ.
💐💐💐🌹🌹

رثاء الاطهار للشاعرة والملا رغد البهادلي

21 December 2025 20:48

قصيده حماسيه لوفاة السيده زينب ع
-------------------------------------------

اليوم يوم ام الخدر يخوانها
و النعش مطروح ضل بمجانها
اه واويلاه زينب بت علي - ٢


اليوم يوم الحره بديار الغرب
ضاله اوحيده و دمعها بس يصب
يامن ايوديها لعزاز الگلب
رادت اخوتها تجي بدفانها
اه واويلاه زينب بت علي - ٢


رادت ابن امها يجيها بالدفن
ماتت ابحسرتها كاتلها الحزن
من مصايب كربله ضلت تون
املوعه بت حيدر بأحزانها
اه واويلاه زينب بت علي - ٢


لوعة الفگدت اخو لا ما تهيد
شحال زينب تالي راحت للبعيد
اوحيده ضلت و الاهل ليهم تريد
و التموت اتريد يمها احنانها
اه واويلاه زينب بت علي - ٢


اتعالج الوحدها و اتشمر الادين
و يمها يبجي ضال زين العابدين
حتى بأخر نفس صاحت ياحسين
اااخ يا حسرتها الوليانها
اه واويلاه زينب بت علي - ٢


اليوم ماتت بت علي متلوّعه
اليوم خلو الصوت هيه تسمّعه
يومج اعله الشيعه اكبر فاجعه
مثل يوم ابن امها هاي احزانها
اه واويلاه زينب بت علي - ٢


اليوم يوم ام عون يا لطامه
حيل نلطم عالصدر و الهامه
و كل محب هاليوم شد الثامه
بالغرب ماتت هايه موش اوطانها
اه واويلاه زينب بت علي - ٢

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

20 December 2025 20:05

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه للسيده زينب ع 🌺
--------------------------------------------------

نعي قبل القصيده 😭

الحزينه بالغرب يا ناس ماتت
ماحضروها اهلها وما ارتاحت
ما جاها اخو ولا خيه صاحت
حسافه اليوم زينب هاي شالت



نزلة القصيده 🙅🏻‍♀️

جا وين اتريد بت حماي الادخيل
لا بيرغ طلع لا صرخه و اعويل


وين اتريد يا بنت السلاطين
زينب هاي اهلها عروة الدين
لا عباس شيعها و لا حسين
اللطمه اتلوگ لبت ركابة الخيل
( شديها .. اللطمه لزينب )


عليج اليوم زينب حار ملطمنه
كون اهلج تجي و تحضر مئأتمنه
و فاتحتج تريد امگابل الونه
و امج حاضره و ما عدها كل حيل
( عزيها .. الزهره ابزينب )


حسافه امغربه هاي اخت الاكباريه
اليوم ايلوگ ليها النوح جمعيه
للميته ابغرب وني يشيعيه
و دگي اعله الگلب و مردي الادليل
( ابدلالي .. يومج يلجمني )


محد سدر التابوت يخوتها
هاي العالجت و اتريد اخيوتها
وكت الموت محد حضر ونتها
و على ابن امها دمعها من دمه ايسيل
( ماذيها .. يا يوم الخوه )


شالت بت علي خل نلطم اعليها
زينب هاي كلها اشيوخ اهاليها
عمت عيني گضاها امصاب واليها
و بالشام الحزينه اتموت ياويل
( اماذينه .. يمصاب ام عون )

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

18 December 2025 01:14

قصيده فزاعيات حماسيه لوفاة السيده زينب ع
-------------------------------------------

هدت حيلي
الغربه خويه حسين .. هدت حيلي


بين الغرب ياخويه وحدي
و اجروح گلبي اعليك تدي
محد اجاني  و گلي  اهدي
من يومكم دمعي اعله خدي

ومن القهر موتوني
يحسين خويه اتلوعت .. ومن القهر موتوني


من ديرتي هل طلعوني
و للشام ردوني اقهروني
و اگبالها الشجره اگعدوني
و عيوني عميت عالجفوني

سليت يهلي اعليكم
من المناحه و القهر .. سليت يهلي اعليكم


سليت خويه و الله سليت
ما يوم لا لحظه استراحيت
ياكون ميته و عيب ضليت
و يمكم اصير اني تمنيت

كلكم هلي اتونولي
ياكون وكت امنازعي .. كلكم هلي اتونولي


اتمنيتكم يمي المسيه
تبجون يخواني  عليه
و الكافل اينگط الاميه
و ايگلي يا سوده عليه

اتغمضون ريت اعيوني
بيديكم الحلوه ردت .. اتغمضون ريت اعيوني


اتغمضوني لو موتن ردتكم
و انتم   تهمون   بأختكم
اني  العزيزه  امدللتكم
هالليله اختكم طالبتكم

موش الغرب دفانه
ياكون ساعات الدفن .. موش الغرب دفانه


شمحله التموت بين الاحنان
و يبجون ليها بدمع غدران
بين الغرب هسه الاجل حان
حرمه و غريبه ابعوز دفان

الفاگده خوانها
اتموت احسنلها وما تضل .. الفاگده خوانها

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

قصيده شده لوفاة السيده زينب ع
*( محاوره بين الحسين ع والعباس ع )* -------------------------------------------

خل نگصدلها .. خل نگصدلها
عباس اختنه ام الخدر خل نگصدلها
نمشي و نگلها .. نمشي و نگلها
جيناج ياروح اخوّتج نمشي و نگلها


خل نعتني صوب الحنينه اليوم عنوه
و انشوفها بيا حال من فگدت الخوه
كلش عزيزه ام عون يالعشرتها حلوه
بلكي يهيد اگليبها اعلينه ايتلوه
يمكن كتلها .. يمكن كتلها
عباس خويه افراگنه يمكن كتلها


يحسين خويه بالغرب و الهم گضاها
كلش اخيتنه انتهت و الون عماها
بالشام هاي الگاعده و يكتل نعاها
يا لوعتج خويه علينه ويا بلاها
و اتريد اهلها .. و اتريد اهلها
من ابعيد اسمعها تون و اتريد اهلها


جيناج يا خويه دگلها و اعتنيته
بس خاف زينب من تعاتب تأذينه
تلچم اخاف اصواب گلبي اختي الحنينه
شيعوده يا وكت المضه و ترجع سنينه
مايل حملها .. مايل حملها
متعيني بت امي بقت مايل حملها


يحسين اخيتنه تعالج بالمنيه
و اتصيح يخواني تعالو ابساع ليه
يمكن لفاها الموت زينب هالمسيه
شلون اسبّل ايدها و مگطوعه اديه
اتريد اعدّلها .. اتريد اعدّلها
العصابه منها مايله اتريد اعدّلها


عطشانه احس بيها العقيله و رايده الماي
عباس خويه من اسمعتها اتگول ولياي
لجمتني ام عون الجنت دوم الها افياي
شلون اروي اختي العزيزه و يابسه اشفاي
خويه اسئلها .. خويه اسئلها
جندوب تتحمل صبر خويه اسئلها


جنها تگلي يا هلا بيكم يخوتي
يا تاج راسي و هيبتي و انتم عزوتي
اسمعها خويه حسين صاحت يا بلوتي
اتصيح وحدي اني ردتكم حان موتي
احنه بدفنها .. احنه بدفنها
اتريدنه ياخويه بس احنه بدفنها

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

قصيده فزاعيه جنوبيه لوفاة السيده زينب ع
-------------------------------------------

نعي قبل القصيده 😭

وين اهل المحنه تحضر الحره
تون يم راسها و اخوتها متكدره
ماتت بالغرب بت فاطمه الزهره



نزلة القصيده 🙅🏻‍♀️

زينب بالغرب ماتت الوحدها
لا جاها اخوها و ابن والدها


زينب بالغرب من القهر ماتت
لا يمها اخوتها و ليهم احتامت
وكت الموت عتبت مدري شگالت
گضت متعيني محد اجه و يگصدها


محد ليها اجه و يشوفها شبيها
وكت الموت رادتكم يهاليها
هيه امدلله و محد يداريها
و ااخ من الوكت هالدهر ضاهدها


گضت بالغربه محد اجه و شيعها
ولا يمها احبيبه التهل مدمعها
و لا يمها احباب اللي تودعها
ماتت ما اجاها الجان يسعدها


ماتت محد اتعناها للغربه
ينصب فاتحه و المدمع ايصبه
على ام گلب الحنين و راسه اينگبه
و يصيح اليوم يا زينب و غربتها


لا صايح طلع ويا النعش تالي
وحيده ام عون هاي اهضمت دلالي
اليوم النوح لخت حسين يحلالي
و حد الموت ما تنسي امصيبتها

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

قصيده ثگيله لوفاة السيده زينب ع
-------------------------------------------

ما اجه منك خبر .. يلي نمت اعله النهر
ماتت اختك يالگمر .. تحضرها يمته - ٢


لا خبر منك لفه و ماجت وصيه
الليله بالغربه تراها گضت هيه
ماكو احبيبه التون يمها خطيه
و زينب الوحدها كتلتها الاذيه
شبعت اهموم و قهر .. ماتت اختك يالگمر
تحضرها يمته - ٢


ماتت ابدلالها حسره شكبرها
و محد الليله يجي ايزتها الگبرها
هاي زينب و الدهر كلش كسرها
تالي ما تالي بغرب محد حضرها
انهضمت ابشوف الشجر .. ماتت اختك يالگمر
تحضرها يمته - ٢


شافت الشجره الحنينه و هلت العين
هاجت الحسرات بيها و زاد الاونين
صاحت ابحرگه يخويه اه يحسين
اااخ يا گلبي انكتبلك تبقه احزين
بعد تحمل يا صبر .. ماتت اختك يالگمر
تحضرها يمته - ٢


بعد جندوب الصبر و اتحمل شلون
الفاگده اعزازه يضل ايهل الاعيون
خلصت ادموعي على احبابي تعرفون
و بالغرب تالي اموتن هاي متهون
ميطيب گلب المنكسر .. ماتت اختك يالگمر
تحضرها يمته - ٢


كون هالليله ابو فاظل يعتنيها
ايشوف حالتها العقيله و ينعه ليها
و بيده كون الكافل ايسبّل اديها
الخوه وياها المسيه يوافيها
ايشيع اخته للگبر .. ماتت اختك يالگمر
تحضرها يمته - ٢


ندري بالخوان من اتموت اختهم
فزعه عالتشييع و يحضرون كلهم
اليوم ابوالباقر يصيح اني ردتهم
غربه هاي الناس كلشي ما يهمهم
ادفنها لو ابقه انتظر .. ماتت اختك يالگمر
تحضرها يمته - ٢

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

17 December 2025 19:41

قصيده فزاعيه جنوبيه لوفاة السيده زينب ع
-------------------------------------------

نعي قبل القصيده 😭

يا عباس گوم اليوم لم عون
غريبه ومالها احباب اليشيعون
گضت بالشام بين الغربه شلون


نزلة القصيده 🙅🏻‍♀️

عمت ابنك يكافل گوم امش بيها
ماتت من حزنها و قهر گاضيها


ياعباس گوم و انته شيعها
و غسلها بدمع عينك و ودعها
هاي ام عون هاي الدهر لوعها
و فرگاكم گضاها و حيل ماذيها


گوم و اعتني لختك هالامسيه
و هوس عالنعش و العين مجريه
تسوه النوح اخيتك ياگمر هيه
نعشها منطرح محد بجه اعليها


ندري بالتموت اتريد اخيوتها
يشيعوها ابحزنهم كل اهيلتها
و يسدرون ابضعنها وهمه هيبتها
اليوم ام عون محد معتني ليها


محد شيعاها اختك المهيوبه
بديار الغرب بالنعش منكوبه
كون اليوم ليها الدنيا مگلوبه
و كون احبابها همه الامشيعيها


وينك ياسبع عن اختك الليله
و بجفوفك نعشها انته الاتشيله
و تنعه عمت ابنك و الدمع سيله
و دمعتك ما تكف للحره تجريها

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

25 December 2025 14:27

اللهم صَل على محمد وال محمد وعجل فرجهم الشريف ياالله🤲

🌺قصيدة ختامية مجلس لبو صالح المهدي ع🌺
————————————————-
اضهر يلمهدي وصفيهة
الشيعة اتون ياواليهة
...........

جور الضلام اماذيهة
اضهر يلمهدي وصفيهة

تندب بسمك بس تحميهة
اضهر يلمهدي وصفيهة

جا وين توجي تدريهة
اضهر يلمهدي وصفيهة

كلساع البين يبجيهة
اضهر يلمهدي وصفيهة

عندك حاجاتي انخليهة
اضهر يلمهدي وصفيهة

والتكلف انتة التكظيهة
اضهر يلمهدي وصفيهة

بجاه الونت يم واليهة
اضهر يلمهدي وصفيهة

والعلة البينة اتشافيهة
اضهر يلمهدي وصفيهة

اعليك الرايح حاديهة
اضهر يلمهدي وصفيهة

وهموم العدنة تجليهة
اضهر يلمهدي وصفيهة

بلزهرة انحلفك والبيهة
اضهر يلمهدي وصفيهة

والدنية انتة تحليهة
اضهر يلمهدي وصفيهة

وبيوم المحشر نجيهة
اضهر يلمهدي وصفيهة


————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 07:04

اللهم صل على محمد وال بيت محمد وعجل فرجهم الشريف ياالله 🤲

🌺 قصيدة شدة طور فائزي للسيدة زينب ع 🌺
————————————————-
احا يـازيـنـب ونـتـج مـردت دليلج
لااخو عندج يم طهر وانهدم حيلج

نامو احبابج يم طهر حدر الترايب
من الهضم يلصابره الكلب ذايب
ماالج والي ولااخت بين الغرايب
للشام رديتي بهضم مارد خليلج

حيلج تهدم من ذكرتي سبي الاعيال
رديتي للغربة وذكرتي نوح الأطفال
من جرجروكم عَل هزل وبذيج الأحبال
لاوالي عندج يستمع ينحب عليلج

للشجرة ونيتي بهضم ونة شديدة
وذكرتي محزوز النحر وية عضيدة
كل حرمة تعتاز الولي بشدة تريدة
وحسين واخوانة كضو محد يجيلج

اه يمهضومة الصبر عذب افادج
ايعينج الله يم طهر شفتي اولادج
واخوانج اللي اتذبحو والعدو كادج
يفجع يمنظرهم صدك وانهدم حيلج

ارثي يزينب وانتحب واني اطلب مراد
يابنت حيدر يلعقيلة وبنت الاجواد
عليج اخوج المنذبح وابنه السجاد
لو نام بلمظلم علي عودج يجيلي


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 07:03

اللهم صل على محمد وال بيت محمد وعجل فرجهم الشريف ياالله 🤲

🌺 قصيدة شور وحماسية للسيدة زينب ع 🌺
————————————————-
يالاحباب :: جنة الموت كربلـي
يالاحباب :: اريد اعزيز يحظرلي
جاني الموت جنة هاي الامسية
ويـن اللـي ينوح ويبجـي اعلية
يـــــازيـــنــب ... يـــــازيـــنــب -٢


وين حسين يحظرلي ويه خوانه
مااني اختة العزيزة اليوم تعبانة
اعــالـج بلــمنية المسة سهرانة
مــاتـدرون بــيـة الــيـوم نحلانة
يـــــازيـــنــب ... يـــــازيـــنــب -٢

الوم اعلة الزمان اللي لعب بية
بـاعدكم يهلنة وروحي مگضیة
انــة بـعـازة حـنـين واگعد بفيه
غريبة وبلغرب هلجتني الامنية
يـــــازيـــنــب ... يـــــازيـــنــب -٢

اريــد الــيوم يحظرلي التكفلني
بيدينـة الـحنينة خـلـي يعدلني
جـنـت مدلله ابجـالة ويناشدني
عمت عين الزمان العنه بعادني
يـــــازيـــنــب ... يـــــازيـــنــب -٢

كظيت بحسرتي محتامة الاكيهم
بعيدة دروبهم ارد انـي احاجيهم
وين اللـي يدلينـي وامــش ليهم
بعجالة نـرتـحل وعيونـي انطيهم
يـــــازيـــنــب ... يـــــازيـــنــب -٢

ارد انحب على اهلي وارد اجر وني
بـعـيـدة ادروبـهم ويـن التساعدني
حبايب گـلـبـي شـو جنهن تناسني
اعاتب لـيـش مــاهـنـة ويـذكـرنـي
يـــــازيـــنــب ... يـــــازيـــنــب -٢

يــلـة ويـاي خلـي نجذب الونة
لـجـل ذيج الغريبة الدمع اهلنة
وصدري للعقيلة اليوم اخسفنة
بيهة الـبين هذا الــيـوم كاسرنة
يـــــازيـــنــب ... يـــــازيـــنــب -٢


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:53

اللهم صل على محمد وال بيت محمد وعجل فرجهم الشريف ياالله 🤲

🌺قصيدة مربعة لوفاة السيدة زينب ع 🌺
————————————————-

اليوم اخت الحسين بدون دفانه
مـاجـاها الـبطل عبـاس واخوانه

متعطلة الجنازة تريد واليها
نعشها بالغرب محد يصد ليها
وين احبابها تتلاطم اعليها
بقت بارض الغرب وتريد عوانه


اليوم ام الخدر خوان ماعدها
منـيتـهـا اجتهة وهية وحدها
مالومة ودمعها يجرح ابخدها
تلوج من الهضايم حيل وجعانه


الــيـوم الـطاهرة زينب بغربتها
ماعدها اليجي ويسمح بدمعتها
نحيله ام الطهر والعدة اذتها
بين اجناب وسفة تنوح حيرانه


تون واتنوح والدمعات مسفوحه
من ضيم الغرب صبحت مجروحه
عفة صبر الـگـلب ها ياكثر نوحه
وعيني من البجي ماتمل سهرانه


تون اخت الحسين اخوانها ابعيده
مـا يمهـا اخـو و وناتها اشديده
كافل خدر اخيتة هالمسة اتريده
يحظر للحنينه ايجيب الاجفانه


جا وين الحيادة تشيلها من الكاع
زينب هاي وين اخوانها الاسباع
اخوتها تجي و يصير يمها اوداع
گظت مهضمومه من الوجع خلصانه


————————————————-

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:41

اللهم صل على محمد وال بيت محمد وعجل فرجهم الشريف ياالله 🤲

🌺قصيدة فزاعية سريعة لوفاة السيدة زينب ع 🌺
————————————————-
*لسان حال السيدة سكينة ع من سمعت بوفاة عمتها زينب ع*



اويــلاه يــاعمّتـي .. اويــلاه يــاعمّتـي
بــفـــرگـــاچ صـــــارت كـــســـرتــي


ياريحة من الوالـي
فركاج هاضم حالي
ياعمتـي ويا ادلالـي
ويـاج اريدن موتـتـي

متـي ينور اعيوني
وين الذي يودوني
وياج ويدفنونـي
وياج اريدن غربتـي

يـاعمتـي يالحزنانة
ردي وارجعي وايانة
كلبي انگطع شريانة
ياروحي انتي ومهجتي

يـاعمة يلـمهضـومة
ليج انتحب مالومـة
گلبچ هواي اهمومة
شلون بعدج حالتـي

مالچ احبيبة بلغرب
فراكهة ام طاهر صعب
نار وتجـوي بلـگـلب
اعليج اون بنحبتي

ارثي وانة الممنونة
لزينب الخاتونة
ليل الوحش حظرونة
لمن أطب بحفرتي

————————————————-

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:32

اللهم صل على محمد وال بيت محمد وعجل فرجهم الشريف ياالله 🤲

🌺 قصيدة لوفاة السيدة زينب ع 🌺
*لسان حال ابو الفظل العباس ع*
————————————————-

نـــحلانة نحلانة اختـي گـظت نحلانـــة
للشام شيوديني .. والسهم صايب عيني
اخـــــتــــي گــــظــــت نـــــحــــلانـــة


زينب يخوية بلغرب صارت اليوم اوفاتـج
لا اخـو عـندج يم طهر لا جنـج احبيباتـج
تلوجين وحدج بت علي تريدين لمحباتج
حزنانة حزنانة ادري مشت حزنانة
نحلانة نحلانة اختي كظت نحلانة

خوية يـبعد اعيونـي ادريج انـة تعتبيني
يابعد كلبـي والعمر مكدر اجـي تدريني
افدي الروح لهيبتج خوية وحك حسيني
ضهدانة ضهدانة ادريج انة ضهدانة
نحلانة نحلانة اختـي گـظت نحلانة

يـازينب ويعزيزتـي عنـة الدروب بعيدة
بلغربة محتامة لهلج ونت وونة اشديدة
غاليتي زينب ياخلك كافلها ادري تريدة
فركانة فركانة مــاذيـــهــا يافركانة
نحلانة نحلانة اختي كظت نحلانة

شوداج يختـي للغرب يازينب المهضومة
تعتبين لينة وَيَا عتب كلبي انشلع بهمومة
تدرين بخوانج بقو امنومين بارض الحومة
كسرانة كسرانة امصابج ترا كسرانة
نحلانة نحلانة اختـي كظت نحلانة

ارثي لزينب وانتحب وابجي واون ممنونة
هذا لطمنة يم طهر ابـــجاهج اتــقبلونـــة
اعليج ابو اليمة السبط واخوتج يلمحزونة
شفعانة شفعانة بيكم انـة شفعانة
نحلانة نحلانة اختي كظت نحلانة


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

24 December 2025 06:19

اللهم صَل على محمد وال محمد وعجل فرجهم الشريف ياالله🤲

🌺قصيدة للسيدة زينب ع🌺
————————————————-

وين حيدر خل يغمض اعيونها
بـنـيـتـة زيـنـب شو تغير لونها
يـــازيـــنــــب ... يـــازيـــنـــب - ٢


ويـن حيدر علـي حمـاي الحمه
زيــنــب بـنـيـتـة تـون ومـألـمـه
خل يـجـي الـكـرار ويـة فـاطمـه
يشوف بنتة اهل الردة ايأذونها


ليها الحگ ياعلي لرض الغرب
زينب المهيوبه موقفها صعب
لا ولـي يمها وگاضيها الـتـعب
والجنازة اتريد الـيـشـيـلـونـها


كل بـنـت تـنهاب لو يمها ابـو
لو تزامط حگها يحميها الاخو
ليش زينب الاهل عنها مشو
بالـغرب حـزنانة ويـهضـمونها

بالغرب وحدها زينب تنتحب
والونين هـنـاك خزن بالـگلب
افراگ الانحبهم ترا کلش صعب
وين اهلها الليلة خيشوفونها


هاي زينبكم الي شبعت هضم
الـف يـاحـيف الحـنـينه تنظلم
عـيـنـها تجري عليكم و ابـسجم
تريد وليان التجي ايـحـظرونها


صـاحت الحرا ابحزنها ياعلـي
بالـشدايد للـيصيح انت ولـي
الـحك بسـرعه تره محد الـي
ترضة بنتك ياعلـي ايـتعـبونها


ارثـي مولاتي عليج اهمل دمع
بجـاه حيدر وامج وكسر الضلع
ضغطة المـظلم ترا ما تـنـجرع
الشيـعة تطلب نظرة وتنجونها


————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

/channel/Ragadalbhadley

رثاء الاطهار للشاعرة والملا رغد البهادلي

21 December 2025 20:48

قصيده فزاعيه مع هوسه لوفاة السيده زينب ع
...................

ميته اليوم     وسفه بت الاشراف
عقيلة  حيدره  يل بيها  الاوصاف


ميته اليوم زينب يا حرامات
بديار  الغرب  ما بين  شمات
هاي الشبعت من الدهر لجمات
( المالومه .. ماتت من همها )


ماتت من حزنها و ضيم الايام
گضت ياحيف هيه بديرة الشام
و محد ون عليها و شد الالثام
( مطروحه .. و جنازة زينب )


مطروحه الجنازه ابعوز دفان
علي السجاد صاح الليله يحنان
الحگو العمتي مني الحيل خلصان
( اتزتوها .. هاي المهيوبه )


هاي الناس ماهمهم امرها
وين اليوم عنها  يا گمرها
تعال اوياي و انزتها لگبرها
( لوحيدي .. و شلون ادفنها )


تدري بالاخت تعتاز اخوها
الجنازه اتريد اخوه ايشيعوها
عليها النايحه و ايودعوها
( ماجوها .. اخوتها الحره )

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

21 December 2025 20:36

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه مع هوسه للسيده زينب ع 🌺
--------------------------------------------------

امغربه اليوم    هاي اخت اليشورون
و نعشها    مايل     ابأيد    اليشيلون


امغربه  يا حسافه  زينب اليوم
ماتت بالغرب  و الگلب  ملچوم
محد دگ عليها و شگ الاهدوم
( و ينعاها .. و ايون اعليها )


محد ون عليها و يلطم الراس
بس   العابد   و ناده   يعباس
و مطروح النعش ضل فرجه للناس
( ايشيعوها .. جا كون اخوتها )


لا خوان  شالوها  و مشو  بيها
و لا يمها احبيبه التلطم اعليها
و لا جادر عزه و نصبو تعازيها
( اينصبونه .. چادرها الليله )


لزينب كون اخوها ينصب الجادر
و يشد انگاب  ليها  و الدمع  ناثر
هاي    الماتت    و دلالها    واجر
( المهضومه .. ماتت من همها )


تدرون   الحزن   للروح   يكتلها
عمت عيني الغريبه شكثر نحلها
كون  اليوم  حاضر  ذاك  كافلها
( ايوافيها .. يحتار شلون )

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

18 December 2025 01:17

قصيده ثگيله لوفاة السيده زينب ع
على طور ( شو متغير حيل ) للملا عمار الكناني -------------------------------------------

ميته بأرض الشام  ..  من كثر الالام
من كثر الالام  ..  ميته بأرض الشام
بالغربه  وسفه ميته انه 
وما يمي اخواني دفانه
💔💔💔

معقوله - انه عزيزة اخوتي
معقوله - وحدي اجر ابلوعتي
معقوله - بالغرب تصبح موتتي
معقوله - ما واحد يوصل دفنتي
و روحي يحبابي ولهانه
وما يمي اخواني دفانه
💔
جا وينه - ذاك اللي گلي ادللي
جا وينه - ما يدري عيناي اتهلي
جا وينه - عباس هوه كافلي
جا وينه - گربت منيتي يا علي
عمه بلكت ترد ذرعانه
و ما يمي اخواني دفانه
💔
ما بيه - ضليت اصيحن بالدمع
ما بيه - اصرخ و گلبي منفجع
ما بيه - والله انحنه مني الضلع
ما بيه - الموت اجاني بيا وضع
منهو اليحطني بتربانه
وما يمي اخواني دفانه
💔
يا خويه - انه وحيده ابغربتي
يا خويه - صعبه غريبه ابموتتي
يا خويه - من الله اطلب حاجتي
يا خويه - تمنيت تحظر دفنتي
لا يمي التصرخ حزنانه
و ما يمي اخواني دفانه
💔
مو تدري - الحرمة لو ماتت تالي
مو تدري - يحضر يدفنها الغالي
مو تدري - بالغربه بس دمعي هالي
مو تدري - ضليت محد حضرالي
بس علي و عينه غدرانه
و ما يمي اخواني دفانه
💔
يا لوعه - محد اجه و حالي ايشوفه
يا لوعه - ابعباتي اني ملفوفه
يا لوعه - العابد دمعاته مذروفه
يا لوعه - ردت النعش فوك اجتوفه
منهو اليگله اني اهنانه
وما يمي اخواني دفانه

-------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة 🎤 والملا ام حيدر ساره
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

18 December 2025 01:14

قصيده فزاعيه جنوبيه مع هوسه لوفاة السيده زينب ع
-------------------------------------------

نعي قبل القصيده 😭

وكت الموت ابنها الوالده اتريده
يشيعها و يشيل النعش هم بيده
يعون امك وحيده عوفها البيده



نزلة القصيده 🙅🏻‍♀️

يعون الحگ على امك گوم جازيها
الجنازه اتشيلها و انته التباريها


گوم الحگها عون الوالده اتريدك
تشيل اجنازة امك هالمسه بيدك
هاي الغاليه و ماكو الذي ايهيدك
( تنعاها .. واجب هاي امك )


انعاها ابحزن و اللطم على الهامه
هاي اخت السباع اخوتها وهامه
و هاليوم الحزن خل يدگ دمامه
( المهيوبه .. زتها ابهوسات )


زت نعش الجليله امك يضنواها
هاي ام الحزن و الوكت اذاها
تالي بالغرب محد ترا اوياها
( مهضومه .. احا يالماتت )


كون انته التزتها و تحضر اخوالك
و خالاتك يجن و الزهره تنعالك
و تنصب فاتحه و النوح يحلالك
( محلاته .. النوح اعله امك )


ون لمك يعون و صيح يايمه
هاي الغاليه شالت ايا هضمه
شبعت ضيم تالي مشت متألمه
( ماننساه .. امصابج زينب )

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

قصيده حماسيه لوفاة السيده زينب ع
-------------------------------------------

عظم الله اجرك حسين
ماتت ام گلب الحزين


اليوم يا مولاي تسمع
ماتت اختك يالمگطع
و الگلب منها تلوع
شبعت اهموم وونين


شبعت اهموم و مناحه
وما يوم زينب مستراحه
و الگلب كلفه جراحه
من فگدكم يالحنين


تالي ما تالي الحنينه
ماتت ابغربه حزينه
و النعش ممشيعينه
و احتار زين العابدين


حاير اوليدك ابعمته
و غسل الحره بدمعته
ون عليها و ابحسرته
و من دمه تبجي العين


ااه عالماتت غريبه
والاخو ليها شيجيبه
يومها اكبر مصيبه
مالها والي و معين


عالمغيسل مددنها
و الجسد ازرگ لگنها
و الغريبات اتركنها
مريضه گالنها و مشين


اليوم كون احباب يمها
ايشدن اعليها ابلطمها
و ايغسلن و ايجفننها
و يزتها واليها الحنين

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

مجلس نعي لوفاة السيده زينب ع
-------------------------------------------

ماتهمين
يروحي عاد بسج ما تهمين / ماتهمين
مو متيّ اويا اخوج المات همين / ماتهمين
صحت يجدامي لجله ما تهمن / ماتهمين
اروحن و اندفن يمه سويه
............
ما تعنّه
ثگل جدمي و لخوّتي ما تعنّه
و عزيزي حسين ليه ما تعنه
صبر گلبي لجن هاليوم ما تعنّه
اجاني الموت و افراگه اذيه

.........

حر قلبي حين نادت ياحسين
بنت الوصي و تدمع العينينِ
هاجت بها الاوجاع عندما رجعت
للشام بذلك القلب الحزينِ
قابلت و ااهٍ ثم ااهٍ ما قابلت
تلك الشجرة و تقطع الوتينِ
ثلاث ايامٍ بحسرةٍ و لوعةٍ
بلا طعامٌ و شرابٌ بس انينِ
حتى قضت بدار غربةٍ
مناديةً اهٍ لمصاب الحنينِ

.......

اليوم الگلب رايد حبايب
غريبه و ابديرة غرايب
و كلهم صفو حدر الترايب


ياروحي وين الليله الاخوان
اصرخ و دمع العين جريان
هنيال التموت و عدها وليان


وحدي بقيت بدار الاجناب
و الگلب عالطيبين عطاب
يامن يجيني من الاحباب


وكت المنيه اني ردتهم
ايشلونها ابهيبه اختهم
و اعليه تعله نايحتهم


جا وين عنها الكله غيره
ضلت اخيته بوسط حيره
و النظر عالسچه تديره


ضلت تصد هيه لدربهم
و اتصيح بس ودوني يمهم
اعزاز اخوتي و اني اهمهم


ياروحي كافي المن تضلين
و من النعاوي ما تبطلين
ياكون ميته ويا الاحنين


تمنيت ويا اخواني موتي
شلي بمراري ويا بلوتي
ناديت محد سمع صوتي


يامن يهم بيه و يجيني
و يشوفني و يسمع ونيني
و بيده يغمض كون عيني


الموت اجاني و ما يحضرون
و لا عالنعش اهلي يونون
شلون لو موتن انه شلون

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

18 December 2025 01:14

قصيده نوحيه لوفاة السيده زينب ع
-------------------------------------------

اتصيح زينب ما اجو ولياني
وحدي اعالج رايده خواني
كون بس يلفوني
و همه الايشيعوني
الموت حان و محد اتعناني


اليوم روحي عالاهل شو هايمه
و هاي ثلث ايام ابد ما نايمه
امگابله الشجره و دمعتي ساجمه
امصيبة اهلي بنص دليلي گايمه
بالغرب لوحيدي
ردت اخو ووليدي
الموت حان و محد اتعناني


عيني مشبوحه لدربهم و انتظر
افز كل ساعه حسبت اهلي تمر
اااه يا گلبي بعد ما بي صبر
راح اموت و مالي زاتوت الگبر
والتموت اتريد اهل
الغربه ابد ماتنحمل
الموت حان و محد اتعناني


شلون بيه لو تمتت يا هيلتي
الغربه صعبه اتشيلها اجنازتي
لو نمت عالمغتسل يا حسرتي
تمنيت بيديها تغسّل خيتي
بيدها تلف الجفن
تعرف اشبيه المتن
الموت حان و محد اتعناني


خايفه ايلجمني ابوكت الغسل
لسه اثر للسوط بيه و الحبل
و ااه يا رفگ الغرب ما ينحمل
كون يمي احبيبه اتغسل عدل
تنعه كون امصابي
من تعدل احجابي
الموت حان و محد اتعناني


ليش وحدي يا دهر تالي اصير
وليش مكتوبتلي بالغربه احير
الليله اعالج و النظر يبجي ويدير
رايدتهم اصرخ و عشت بمرير
اااخ يا عازاتهم
و بالگلب لجماتهم
الموت حان و محد اتعناني


شلون بيه لون عيني غمضت
هم تجيني احباب و اعليه اصرخت
عمه يالسجاد لو اني متت
صيح من افراگ اهلها تعذبت
خاف تبقه الوحدّك
وصل سلامي لوالدّك
الموت حان و محد اتعناني

--------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

17 December 2025 02:35

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده شده للسيده زينب ع 🌺
--------------------------------------------------

ايوديني يمهم .. ايوديني يمهم
يامن يهم بيه المسه ايوديني يمهم
محتاجه الهم .. محتاجه الهم
الموت اجاني و كل هلي محتاجه الهم


وينه اليهم بيه و يوديني عليهم
وحدي غريبه ابلوعتي ومحتاجه ليهم
ابساعات الامنازع ردت اهلي الاگيهم
ماكو اغله منهم .. ماكو اغله منهم
يا ناس اهل گلبي ترا ماكو اغله منهم


كون اوصل اني لكربله و اعتني الخوه
كلش نحل جسمي بعد ما بيه قوه
الليله اعالج بالمنيه و مالي تچوه
اهلي ردتهم .. اهلي ردتهم
بيهم محنه احذاي انه اهلي ردتهم


يمي اريد احبابي يا ناس المسيه
اجبلوني عالقبله ردت و اسبل اديه
عطشانه ردت حسين من ايده الاميه
وحدها اختهم .. وحدها اختهم
يامن يگلهم بالغرب وحدها اختهم


وحدي صفيت و بالغرب ضليت اعاني
احبيبات ما عندي و لا ابن امي اجاني
البين فرهدهم سوه و وليه ولاني
اشتم عطرهم .. اشتم عطرهم
بلكي تردلي ارويحتي من اشتم عطرهم


ياهي المثل گلبي تحن و اتريد اخوها
واني اللي شفته عالثره جثته اسحگوها
يا روحي ابذاك الظهر من روعوها
لا ما نستهم .. لا ما نستهم
روحي تحن لخوانها لا ما نستهم

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley