رثاء الاطهار للشاعرة والملا رغد البهادلي

06 Jun 2024 09:01

قصيده مربعه و فزاعيه ( للسبي )
.....................

مأتم عالهزل سويت لخواني
اصد لروسهم و الحبل اذاني


مأتم عالهزل نصبيته للخوه
ما عندي مكان و بلوتي بلوه
خشنه احبالهم من عدها اتلوه
مااگدر ادگ و اتصدلي عدواني

مجتوفه ابحبال و حالتي حاله
اون اعله الهزيله و عيني هماله
شلون الشال اخوها لمن تنعاله
و ما عندي ثواب لروح ولياني

ما عندي ثواب و عيني اجريها
و الراحو اخوتها شلون جا بيها
تبقه امصوبه و الدهر ياذيها
بخواني الدهر يا حيف صاباني

صوبني زماني و غرب ادلالي
وابجي اعله الهزل محد التنعالي
ولا مثل الخلگ الطم على الوالي
و ذباح اخوّتي للشام وداني

ودوني يسيره و احبي عالناگه
ابلا هودج مشيت وناري حراگه
و لو حنيت اصد للراس مشتاگه
يهز بيه الضبابي و حيل هضماني

ندري بالتفارگ تبقه مهضومه
جمرتها جبيره و حيل ملجومه
اه يا روحي عالوليان مندومه
وين انصب عزاكم وين يحناني

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

06 Jun 2024 08:58

قصيده ثقيله ( للسبي )
.....................

اليوم زينب يا وضع
عالنوك بس تجري الدمع
و الكلب منها منفجع
فاكده احباب - ٢


اليوم زينب بالسبي و اتهل الاعيون
فاگده احباب الگلب و الفگد ميهون
ااه يالراحو اهلها تصبر شلون
كون تنصب فاتحه و ادگ الامتون
المتن منها منوجع
اليوم زينب يا وضع
فاكده احباب - ٢

امورمه امتون العقيله من الاسياط
ادليلها من الضيم بيه متگطعه الانياط
و العده ما بيها رحمه و شرطو اشراط
اليوگع ايلوعونه ويلي ابذيج الاسياط
ميهمهم الطاح و وگع
اليوم زينب يا وضع
فاكده احباب - ٢

اليتامه اتطيح ويلي مثل الاوراگ
الحادي ما همه اليطيح و بالضعن ساگ
و الفرح منهم حسافه راح و انباگ
و الهضم مثل الجمر شيحمله حراگ
الضيم لا ما ينجرع
اليوم زينب يا وضع
فاكده احباب - ٢

الضيم مر ما ينجرع يا ناس تدرون
اليوم مجتوفه العيله و تجري الاعيون
الفاگده تشبع مناحه و زينب شلون
اويا العده راحت و بيها ما يرحمون
هواي الشتايم تنسمع
اليوم  زينب  يا وضع
فاكده احباب - ٢

شتم و اهموم و بلاوي و شابحه العين
من يضربوها تهل ادموع الحسين
ابحيره زينب ضاله و ماعدها امعين
مدري وين اتروح هيه اويا المعلاعين
ادليلها اهواي انصدع
اليوم  زينب  يا وضع
فاكده احباب - ٢

امجتفه و اعداها يمها ضاله اتحوس
و عينها صوب اليتامه الخايفه انفوس
ابد ما بيهم رحم و بلايه ناموس
ايروعوهم بالسياط و هزت الروس
طشرو ذاك الجمع
اليوم زينب  يا وضع
فاكده احباب - ٢

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

06 Jun 2024 08:55

حديث و نعي ( ليوم الحادي عشر )
.....................

في يوم الحادي عشر عندما سارت الضعون مروهم بمصارع القتلى فأردن النسوه ان ينزلنَ من النياق و يودعن قتلاهن كأني بليلى ام الاكبر تخاطب الحادي ....


جمال الضعن تاني شويه
اردن احظن الاكبر خطيه
و اگلله راح امشي سبيه

اني امه واريد احظن اوليدي
يجمال ترا هذا وحيدي
اريد انزل و اودعنه ابأيدي

نزلت ام الاكبر عند جثة ابنها اخذت تنعاه و تقول ...

يالولد يا بعد اليشوفن
اعذرني ييمه راح اروحن
مغصوبه و اتمنيت اموتن

يالولد ماريد عمري
يالنايم بيه متدري
انه الردتك لعد اياك كبري

هذا افراگنه يالولد يبني
ما حسبت هيجي تذبني
اتنام يمه و تفارگني

جيتك يبعد اهروش گلبي
اودعك و اگل للعين صبي
و هالرايحه و ابعيد دربي


💔💔💔💔💔💔💔

و صوت انين من احدى النسوه نايحه و مكسورة الخاطر گاني بها تقول ....


يجمال نزلني على ابني
ما عرستله و هالفجعني
و اهدوم الامعرس عمني

نزلني اودعنه و اشمه
و يم جثته اصرخ ييمه
و راسي احني بفيض دمه

عندما نزلت رمله ام القاسم اخذت تركض مسرعه نحو جثت ابنها نايحةً ولاطمه كأني بها .....

جسام يالنايم ابهل حر
متعينها امك كون تگدر
تصبر على افراگ الامحسر

ما عرستلك يبني جسام
و شلون بعدك جفني اينام
بعدك اضلن للون و الآلام

جيتك يلب احشاي اودعك
و كونك تسمعني و اسمعك
انه رايحه بالغصب عنك

جسام يبني محمل اوداع
غصبن عليه جيتك ابساع
و عمك بقه مرضوض الاضلاع

يا كون ادفننك بديه
بعدك ييمه شلون بيه
ضليت للهم و الاذيه

❤️❤️❤️❤️❤️

و صوت امرأه متأذيه واضحٌ عليها من شدة بكائها

جمال تاني خلي انزل
لوليدي عبدالله الامدلل
صغيرون بعده شلون احمل

جمال اخلي انزل و افطمه
ست اشهر و عاف احضينها امه
بگماطه راح ابفيض دمه

نزلت ام الرضيع مسرعةً مناديه واولداه وارضيعاه ياحبيب قلبي كأني بها .....

يالولد يبني و لبة احشاي
عبدالله يمه گوم وياي
شنهو العاجبك من نومتك هاي

يالولد اگعد خلي اشيلك
و بالسبي يمه اناغيلك
و على ابوك يبني انعيلك

تاه الفكر و العگل مني
اگعد و احطنك ابحظني
ما بيه اعوفك يالولد يبني

يالولد يمه اوداعة الله
رايحه و دمعي اهله
ويلي ييمه يعبدالله

💔💔💔💔💔💔

وصوت امراه بان عليها الانكسار و الفقد و بان عليها الم الضياع مناديه ....


يحادي الضعن نزلني يمهم
اعزاز اخوتي خل اشمهم
بلكي يگعدون لأختهم

يحادي النوگ بله ارحم دليلي
مهضوم گلبي و صحت ويلي
عالنهر ضل نايم كفيلي

يجمال مر بيه اعله اخوتي
بلكي من اصيح بعالي صوتي
ايسمعونها بلكي نخوتي

شالو ترا كلهم سويه
و ضليت حرمه شلون بيه
و عالهزل مجتوفات اديه

النامو اهلها شلون بيها
اتحشم منو و يفزع يجيها
ماكو حنين ايحن عليها

ضلت بگلبي ما شلتهم
لا غسلتهم و ادفنتهم
عالگاع ياوسفه عفتهم

گاني بمولاي السجاد ع مخاطبها عمه لا تنزلي فأذا نزلتي من يركبكِ ارحمي ضعفي فتجيبه كأني بها ...

عمه دليلي اهلك يحبهم
تدري ما احمل بعدهم
عمت عين روحي الفارگتهم

غصبن عليه رايحه اليوم
و الگلب يهل الگلب ملجوم
و هواي عندي ضاله اهموم

انسلم عليكم ها يالاحنان
نمشي بدرب و الحيل ركدان
ضلينه ثكاله و كلنه نسوان

اوداعة الله گوه ماشين
هم الي رده خويه يحسين
اعذرني يابو گلب الاحنين

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 10:56

قصيده ثقيله للوداع ( ليلة الوحشه )
.....................


اوداع الاحباب  ..   صعب ما بين الحبايب
رفگ  الاجناب  ..   كله لوعات و مصايب
باجر اني لو رحت
و اليتامه اتجتفت
گلبي يمكم يبقه ذايب _ ٢


اوداعكم لا ما احمله و باجر انروح
و روسكم عالرمح انظر وسفه اتلوح
و عالهزل امشي يسيره ويمكم الروح
آاه يا همي و عذابي و گلبي مجروح
گلبي هاليوم انجرح
دوه ليه لا ما يصح
گلبي يمكم يبقه ذايب _ ٢


آاه يا باجر ابصفكم نجزي كلنه
ابلا هوادج عالهزل نجذب الونه
و بلا وداع انروح من يمكم يهلنه
انصيح نزلونه لجن محد سمعنه
انصيح محد يستمع
احنه بس نجري الدمع
گلبي يمكم يبقه ذايب  _ ٢


بالدمع نتوادع احنه فوگ عالنوگ
نبجي و امجتفينه كلنا الفرح مبيوگ
و باجر اليبجي عليكم گلبه محروگ
بالسوط ويلي ايلوعونه ابهمه مشبوگ
لا عزه و لا نايحه
و اليتامه امفرفحه
گلبي يمكم يبقه ذايب  _ ٢


لا عزيه انصب عليكم باجر امشي
فاتحتكم وسط گلبي و سكته ابجي
و الدمع ليكم اثوبه و مدري شحجي
فاگده و متلوعه اني امضيعه كلشي
فاگده و بلايه حيل
كافله و مالي كفيل
گلبي يمكم يبقه ذايب  _ ٢


النوگ عرجه وباجر احنه ابلايه اكفيل
امشي و امضيعه دلالي و راكد الحيل
الليله ابنفسي اودع طول هالليل
بس جسد باجر اروحن اآه يا ويل
بس جسد امشي تره
و باليتامه امحيره
گلبي يمكم يبقه ذايب  _ ٢

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 07:00

حديث و نعي ( ليلة الوحشه )
.....................


عندما جل الليل و هدئت المعركة اخذت مولاتنا زينب ع تتفقد الحرم و الاطفال و تسئل عن فلان و فلانه تفقدت بنات الحسين ع و لم تجد احداهن فأخذت تسئل عنها الى ان رأت رجل ببام الخيمه فسئلته ما لوقوفك هنا .. قال لها ارسلني عمر ابن سعد لحراستكم فسئلته بالله عليك اما رأئيت طفلةً صغيره .. فقال لها عند مجيئي اليكم سمعت صوت طفله تعاتب اباها عند مصرع الحسين ع ... فركضت مولاتنا زينب بلا وعي ولا شعور نحو مصرع الحسين ...


طلعت بت علي بالليل تعبانه
تدور حايره جا وين الابنيه
لن سمعت اعتاب و جلمة اليابه
اتگله حسين بويه گوم رد بيه
بويه الليل صار و كفت العدوان
و اني خايفه ما تگعد شويه
هاي النار خمدت و الاهل جا وين
وصلني تگوم و عاين اعليك
بويه اوداعتك تعبني ضرب السوط
اجيتك يالحنين و عيني مجريه

💔💔💔

عندما سمعت مولاتنا زينب ع صوت الطفلة ركضت و احتظنتها و تقول لها ...

لتخافين عمه و گومي وياي
عوفي حسين نايم عالترابه
ادورج وين جنتي ثاري اهنا
و من الخوف ليج العين سجابه
يعمه اوداعتج كل حيلي راح اويا
خلي اينام ابوج بدمه و اخضابه
تعب من السحگ و الدوس ياحيف
خلي ايهيد بلكي الليله اصوابه

😭😭😭

التفتت الى اخيها الحسين و تقول ...


اعذرني يخويه و يبعد اهلي
شويه و اردلك دمعي يهلي
بس الابنيه خليني اودي

يحسين بتك حيرتني
ادور عليها و خوفتني
تدري المصايب تلوهتني

يحسين لا تعتب عليه
والله حرت و شلون بيه
تنشد بقت عنك رقيه

يحسين كلش مرمروها
و بناتك ابراسك يفجعوها
والتبجي بالسوط ايلوعوها

بيهن انه ضليت احامي
اعذرني عفتك خويه دامي
محد رحم حالي يمامي

بناتك كسر گلبي بجيهن
و كلساع يردنك تجيهن
باجر يخويه شلون بيهن

يحسين خويه خلي اروحن
اودي الابنيه و ليك اردن
اضلوعك اريد اني المهن

💔💔💔

بقيت مولاتنا حارسةً في تلك الليله و اختها ام كلثوم بجانبها كأني بها التفتت الى درب الغري في تلك الليله مخاطبةً ابها ( ابي علي بقينا حريمٌ بلا محامي .. ابي علي بقينا ايتام بلا والي .. ابي علي بقينا ثكالى بلا معين ) بقيت تندب ابها الى ان اقبلت سواده گاني بها ...


حيدر يحامي دخيله
الحگ اريد الهم تزيله
معيول ما تقبل العيله

بويه اريدك يمي الساع
اتشوف حالي ابين الاضباع
و اتشوف ولدك كلها عالگاع

ويلي السواده خفت منها
ما تدري بروحي و حزنها
و الله النوايب لوعنها

صوت السواده ايصيح زينب
جيتج يبويه و گلبي يلهب
يا حالتج يحبيبه تصعب

ويلي عليك الليله ويلاه
محد يعينج بالعزه اهناه
و محد اخيج اجه الينعاه

بويه سبيه باجر امشي
ويا الغرب و امضيعه كلشي
يا علي گلي وين اوچي

بويه بقو كلهم مطاعين
و اللي كفلني ابلايه جفين
صعبه اضل ابلايه امعين

يا علي بويه شلون بيه
باجر يجتفوهن اديه
و ما بعد عندي قابليه

اجيتج يبنتي الليله احرسج
عينج على ابنيات اخيج
وياج بالشدات ربج

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 05:00

اللهم صل على محمد وال محمد

رثاء الاطهار للشاعرة والملا رغد البهادلي

05 Jun 2024 04:57

اللهم صل على محمد وال محمد

رثاء الاطهار للشاعرة والملا رغد البهادلي

05 Jun 2024 04:51

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده ثقيله ( ليلة الوحشه) 🌺
---------------------------------------------------

قصيده وداع زينب للحسين ليلة الوحشه


جيت اودعك .. خويه عنك باجر امشي
جيت اودعك .. فاگده و امضيعه كلشي
ياللي نمت اعله الثره
باجر امشي اميسره
💔💔

خويه لتگول الحنينه من مشت ماكو امروه
بالغصب و عيونك اني رايحه يحسين گوه
بس بقت يمك عفتها و عالنهر جلمة الخوه
ااه يمصابك عماني و بلوّتي من نمت بلوه
باجر امشي ابلا ولي
حيل ما عندي وعلي
جيت اودعك _ ٢
💔

خاف باجر ما ينزلوني من اريد اوداع منك
وعالهزل اجزي واروح وتبقه بگليبي احظنك
يحسين مغصوبه تراني لو رحت يبن امي عنك
جيتك الليله و ادورك خويه گوه من اجمعنك
كل كتر وحد اشوف
الليل ضلمه وعندي خوف
جيت اودعك _ ٢
💔

ندري بالتوديع خويه ايصير الامشابگ جثير
گلي هسه شلون اشبگك وانته عالغبره طشير
لملميتك وصله - وصله و خاف الچمنك و احير
الفاگده اعيونك جفنها يبقه ما يغمض سهير
شلون انام الليله گلي
و اني عالتربان اهلي
جيت اودعك  _ ٢
💔

هم تنام الفاگده اخوه و هم جفنها يستراح ؟
و اني الامضيعه نشامه ابلا عزيه و لا نياح
خويه هاي الليله وحشه و بيها جم اااه وجراح
شلون ادفننكم يهلنه و ناطره ايحل الصباح
خايفه تبقون كلكم
محد ايهم ابدفنكم
جيت اودعك  _ ٢

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

05 Jun 2024 03:56

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده موشح حال السيده زينب ع ( ليلة الوحشه) 🌺
---------------------------------------------------

الليله وحشه ياعلي و مالي حرس
وحدي يم الخيمه مخنوگة نفس


الليله وحشه و الهضم كلش ثكيل
و اني احامي العيله وياي العليل
يا علي  بويه  يا حامي  الدخيل
خايفه يهجم علينه شكم رجس

خايفه و الليل ضلمه و بس حرم
و احنه ماعدنه ولي و الحومه دم
ياعلي ضليت وحدي اويالهضم
و ابنك الذبحوه بحر الشمس

بويه كون اتشوفه ساعات الذبح
شلون فوگه الشمر صاعد بي جرح
و هسة بس نسوان ننطر للصبح
بلكي تفرج بالفرج احنه نحس

ااخ ياليلة الوحشه الوحدّي
ضلمه الم بالعايله ااه ياعلي
تدري صعبه عالمره ابلايه ولي
بين غربه بويه تدري تنخلس

صعبه عالحرمه تضل ابلا اخو
المن اتحشم لوٓن ناس اهضمو
ااه اشوف الليل اخوتي اتذبحو
و الهضم و الضيم بگليبي انحبس

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

05 Jun 2024 03:51

قصيده فزاعيه جنوبيه ( ليلة الوحشه )
.....................

ونت بت علي و شلون ونتها
مطروحه على التربان اخيوتها


ونت بت علي هاليوم مهضومه
وابن امها ذبيح وسلبو اهدومه
هيه من الهضايم حيل مهدومه
راحت يم اخوها وجرت دمعتها

راحت يم اخوها وحيل مفجوعه
گعدت لملمتهن زينب اضلوعه
ونتها ابهداوه و ماهي مسموعه
شلون الراح اخوها اضلوعه لمتها

شلون الراح اخوها وشافت اجراحه
هم ترتاح ساعه من الانياحهت
و هم اتعيش يوم اخلافه مرتاحه
يخويه ويا بعد زينب و اهليتها

مهضومه و تحاجي راعي الامروه
تگله اوداعتك جيت احبي بالگوه
يا بعد النواظر بلوتي بلوه
كون اتشوف اخيتك شنهو حالتها

كون اتشوف حال اختك يملفاها
محد گعد من اخوتها شكاها
و محد گعد منهم ويلي ولياها
هالليله ثگيله و صعبه كسرتها

يا گسرة دليل اختك يواليها
الدنيا اخلافكم يهلي شلي بيها
بس ضلت ابنيتك جا منو ليها
خلي امشيلها خويه و اسكتها

حس بتك تون يحسين يبن امي
من اسمعها خويه اتزيد كل همي
حگها اتشوف ابوها عالثره مرمي
و حگها اتون عليك و حيل لطمتها

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 03:46

قصيده مربعه للحسين ع ( ليلة الوحشه )
.....................

صار اغروب ما تگعد تصلي
وشنو الماذيك گلي يبعد اهلي


صار اغروب اگعد گوم وياي
نايم ليش شنهي نومتك هاي
اگعد جبته الك يبن امي الماي
گوم اشرب اگله و دمعي يهلي

اهمل دمعتي جيتك ابهل ليل
و اتعثر اجيت اعلة المجاتيل
ضربني الشمر خويه وضربته حيل
على امتوني ضربني و گلي ولي

ما خلوني يمك اگعد انعيك
اشوف اشبيك ياخويه و اداويك
باجر رايحة عنك و اخليك
گلي اوياي اريدنج تضلي

يمي ابقي تگلي خويه يحسين
و بيدك تمسع الدمعات بالعين
اويلي اعليك يالخليت جرحين
اون اعليك ابد ما بطل وني

راح الحيل من شفتك ابدمك
گعده جيت اصلي خويه يمك
يا بعد النواظر بيش اضمك
اعوفك عالثرة يا وسفة مرمي

اعوفك عالثره يالجنت وياي
يالمحروم ويلي لذة الماي
جيت الليله اشكيلك يرجواي
عن ضيمي ترا محد سمعلي

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

12 May 2024 23:32

من اجمل ماخط القلم وجسد ما في مشاعر المحبين من اآلآم الحسين وآلِ الحسين عليهم السلام حروف كتبت بشجن ودموع تاره... وبحسچه جنوبيه وحماس يجمع مابين سحر الوسط وحرارة الجنوب فخرجت تلك الاحرف الهادئة المبكيه والأحرف الصاخبه الضاجه بحب الحسين عليه السلام .....تعالو ويانه خل ندخل على قناة الشاعره الحاجه ام حسين العسكري ناصريه ونرى ما أبدعت في المجال الحسيني....ولايفوتكم دائما جديدها المستمر ومتاكده راح تدعولي وتدعولها يالله خل نشوف

/channel/Vvb313

/channel/Vvb313

رثاء الاطهار للشاعرة والملا رغد البهادلي

16 Apr 2024 06:51

محتاره وماعندچ جنطة تشيل الكتب واللاقط والطبابه
جبتلچ جنطه تفيدچ وبنفس الوقت سعرها مناسب تشيل كل كتبچ واللاقطه ومريحه

يوجد توصيل لكافة المحافظات
لطلب والحجز المراسله على الخاص
@ABRAR5325


قناة مكتبة عاشوراء 👇👇👇
/channel/AiDoiwwn19878

رثاء الاطهار للشاعرة والملا رغد البهادلي

01 Apr 2024 17:37

قصيدة فزاعيه ( لاستشهاد الامام علي ع )
.....................

اليوم العقيله شال ابوها
سوو مناحه و ساعدوها
و ميدان لجله و عاونوها



الك   ميدان     ياحيدر يمهيوب
يصگار الزلم     يمرجف الاگلوب


الك  ميدان  نرفع  بيه  الاعلام
يبو الحسنين حيدر وانته ضرغام
اجينه لمجلسك نلطم على الهام

لطميله  ..  يستاهل حيدر


نلطم جينه الك و انعاون ام عون
تلطم عالوجه ساعه اعله الامتون
يمخوف  الزلم  ويا  اليعيلون

فلاها  ..  العشره الليله


فلت عشرتك ياسبع ياحيد
يصگار الزلم بويه يصنديد
اليوم احزانه ياحيدر اتزيد

ونيله  ..  غرب ياوسفه


اليوم انون عليك و لايگ النوح
يالرحت ابعجاله وگلبي مجروح
بعده اصوابك بگلبي ترا ايلوح

ياذيني  ..  من اذكر جرحك


اليوم اعليك اسوي النوح جازات
الف  يا حيف  رايح  يبو الكلفات
عليك النوح يحله و تحله صرخات

فارگناه  ..  الما صح مثله


فارگنه الحنين اليسوه الادموع
هاليوم الگلب من رحت مفجوع
هاليوم اليتامه اتصيح و اتلوع

اتجيبونه  .. خل نشبع منه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

29 Mar 2024 19:42

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعية ( لاستشهاد الامام علي ع ) 🌺
-------------------------------------------------------

شال الحنين من النزل
و اتنوح كل ايتامه


شال الحنين و ما يرد
و اتنوح بنته و الولد
ياحيف ابوهم ينفگد
و ليل الهجر شينامه

شينام ليل الفارگو
ايتامه كلها اتناحبو
و احبابه هالليله بجو
و لطمو عليه الهامه

ايلطمون ضلو عالولي
راعي المحنه يا علي
و ادموعهم دم اتهلي
و ارواحهم محتامه

الدار  ضلت  موحشه
ضلمه وحزينه من مشه
و الروح بالهم عايشه
شيعود ذيج ايامه

شيعودها  ايام  الفرح
الگلب من فگده انجرح
مثله بعد لا ما يصح
يا حيدره الضرغامه

-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

06 Jun 2024 09:00

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه ( للسبي ) 🌺
---------------------------------------------------

جادر عالهزل لهلج اتنصبينه
وحتى النوگ تبجي لجل ابو سكينه


جادر بالحزن عالهزل سويتي
تبجي النوگ من سمعتج ونيتي
الله ايساعدج گلتي انهجم بيتي
حتى الگلبه مرمر هم تبچينه

الله ايعين گلبج رايحه ابعيده
بس الروس واخوانج على البيده
وراس حسين شفتي ينزف اوريده
و هوه ايصد عليج و دمعته ابعينه

يصدلج راس اخوج و حيل متأذي
و انتي اجروح گلبج ضاله تدي
و گلتيله يخويه ويا بعد ولدي
و متگدرين متنج من تلطمينه

ندري باليفارگ ينصب اعزيه
و انتي اعله الهزل ودوج مسبيه
اديج امجتفه و العين مجريه
جا عدمن ثواب اهلج تسوينه

ثواب اهلج يزينب شنهو حاجيني
شوزعتي عليهم يا بعد عيني
كون اوياج ابجيج و تبجيني
انعه امصيبتج و حسين تنعينه

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

06 Jun 2024 08:58

قصيده فزاعيه ( ليوم الحادي عشى )
.....................


بالغصب راح امشي عنك
و انته عاري يالحنين


بالغصب امشي يسيره    .. وانتة عاري يالحنين
ردت يمي بس حصيره   .. وانتة عاري يالحنين
و بيها المنك يحيره      .. وانتة عاري يالحنين
يلي گطعت الوتين .. احاه خويه ياحسين
                          ..  يا ذبيح يا حسين
                          .. يا شهيد يا حسين
💔💔💔💔💔

بالغصب امشي يخيي    .. وانتة عاري يالحنين
ما رضو ابقة و افيي      .. وانتة عاري يالحنين
عني يا خويه متدري .. وانتة عاري يالحنين
گوه اجر خويه الونين .. يا سليب ياحسين
.. يا خضيب يا حسين
.. يا تريب يا حسين
💔💔💔💔

رايحه و عالترب عفتك .. وانتة عاري يالحنين
اموذر انته و ما دفنتك .. وانتة عاري يالحنين
ميته كون اليوم اخيتك .. وانتة عاري يالحنين
و تبقه عايش يا حسين .. ياحبيبي ياحسين
.. يبن امي ياحسين
                               .. نور عيني ياحسين
💔💔💔💔

خويه هالمصباح الاگشر .. وانتة عاري يالحنين
خله دلالي تفطر .. وانتة عاري يالحنين
ما شبعت اوداع مگدر .. وانتة عاري يالحنين
ما رضو هل حاقدين .. واامامي ياحسين
                               .. وانته ضامي ياحسين
                               ..روحي و هيامي ياحسين
💔💔💔💔

رايحه و شلون بيه .. وانتة عاري يالحنين
ردت اودعنك شويه .. وانتة عاري يالحنين
و الشمر يزمخ عليه .. وانتة عاري يالحنين
گلي لا ما تنزلين .. ويلي ويلي ياحسين
                               .. اعذرني خويه ياحسين
                               .. يا عزيزي ياحسين
💔💔💔💔

رايحه و مدري شگله .. وانتة عاري يالحنين
يالعزيز اوداعة الله .. وانتة عاري يالحنين
حالي بس راسك يصدله .. وانتة عاري يالحنين
و راسك يصدلي حزين .. عمت عيني ياحسين
                               .. يا شفيع ياحسين
                               .. يا مظلوم ياحسين

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

06 Jun 2024 08:53

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيات حماسيه ( يوم الحادي عشر ) 🌺
---------------------------------------------------

مصباحها اشلونه
اليوم ام الخدر مصباحها اشلونه


اليوم ام الخدر مصباحها اشصعبه
حيرانه و دمعها ابحرگه اتصبه
جابو نوگ هزله و صعبه هالرچبه
الما يصعد يحصل ويلي جم ضربه
اتريد عوانه
يا صعدت الهزله اتريد عوانه


صعدات الهزل صعبات تدروها
ويلي من الصبح زينب يضربوها
وسفه اخلاف اهلها بسوط لوعوها
تحشم وين الاخوه و ما يسمعوها
عوفو هالنومه
اگعدولي يخوتي عوفو هالنومه


اگعدو ابساع يهلي عوفو نومتكم
شوفو شلون حالي اني اخيتكم
بقيت امحيره و الروح رادتكم
صحت شگد عليكم واني احشمكم
اتريد واليها
ترا العالو عليها اتريد واليها


العدها اخوان و اتزامط بهاليها
يردون الغرب لو عالت اعليها
الما همت گبل محد يحاجيها
بوكت الضيج ما واحد گطع بيها
اليوم حيرانه
منهو ايرد عليه اليوم حيرانه

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

05 Jun 2024 07:00

اللهم صل على محمد وال محمد

رثاء الاطهار للشاعرة والملا رغد البهادلي

05 Jun 2024 07:00

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺  نعي حول ليلة الوحشه 🌺
-------------------------------------------------------

من عادت اليرحون اهلها
تبجي  و ونتها  اشثگلها
تبقه امكدره و مايل حملها

الليلة  زينب  بالهضيمه
راح الحنين البيه شيمه
و تدور على ابنيته اليتيمه

ليل ورعب والناس تفتر
و نار العقيله حيل تسعر
يا  حالها   هاليوم  يقهر

الليله العقيله ابدون والي
و دمعاتها  ابحرگه  تهالي
بعد  الاهل  ضايع  دلالي

ضاع الدلال و ضاع رجواي
الليله حزينه ابدون ولياي
راحت اخوتي التگعد اوياي

شلون  انام  الليل و اغفه
راحت ازلامي مني وسفه
و دمعي عليهم ما انشفه

بليل  زينب  ليش  طلعت
و بالجثث يا ويلاه عثرت
ادور  عليمن  هيج  ونت

ادور اضنها اعله وليها
بلكي  يگوم و يشكيها
اشحالها  ويلي  عليها

يم  النهر راحت  شعدها
الوكت حانيها و ضهدها
ادور  الكفلها  لو  ولدها

لا ضل ولد لا ضلت اخوان
كلهم ضحايه على التربان
احاه  يا  لجمت  الوليان

اتكول ويلاه هاضمني زماني
على   الگاع   نام   الدللاني
الزامطت بسمه تلوهاني

-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

05 Jun 2024 04:58

قصيده مربعه ( ليلة الوحشه )
.....................

ظلمه و حايره و اجمع بالاعيال
و اهموم البگلبـي اتهـدم اجبال


اجاني الليل و اني حايره شلون
و اخوتي اعله الثره نامو ميدرون
ضليت اني اصيح و ما يگعدون
ضاعو مني خويه اهواي الاطفال

ضاعو جم طفل جا وين ادور
حالي  بالهضم  ضليت و اقهر
و خدي من البواجي  هالتعفر
ألمن  بالحريم  و همي  جتال

الملم و الحزن يدمي ابدليلي
سهرانه و ضعيفة حال ويلي
كون المرتضى  الليله يجيلي
اشكيله اعله حالي ودمعي همال

شيال   الاهموم   الليله  وينه
خل يحظر ابوي اتشوف عينه
ابنه  اعله  الثره و امگطعينه
و يردوني يسيره شلون بحبال

امشي    اميسره  و  النار   بيه
مجتوفه واخوتي اعله الوطيه
هزلة   ناگتي  و  اصفگ  بديه
واشكال الحجي ايسمعوني اشكال

اشكال الحجي ايسمعوني باجر
و محد  يگعد و اكسر الخاطر
دولاب  الزمن  و اگليبي صابر
و ابقه امرمره و يا مصعب الحال

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 04:53

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه سريعه ( ليلة الوحشه) 🌺
---------------------------------------------------

الليله وحشه يا علي
و الإخوان مذبوحه


وحشه و بقيت الوحدّي
مهضومه و اندب والدي
جا يمته هالشده اتعدِي
واحدنه طلعت روحه

من التعب من الركض
من الضيم ماضنها تفض
حسين رضو صدره رض
و اعيونه مشبوحه

هالليله كتلتنه كتل
و ارواحنا كلها وجل
يابويه يا خير العمل
بتك بقت مجروحه

وحدي بقيت ابهل خلي
و اندب يبويه يا علي
محد بقالي من هلي
دلالي زايد نوحه

يا نوح يشفيلي الگلب
و احبابي كلها عالترب
ليل الوحش بويه صعب
و ادموعنه مسفوحه

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

05 Jun 2024 04:01

قصيده ثقيله ( ليلة الوحشه )
.....................


ابهدوت الليل .. ماضل الي حيل
انعه اعله كيفي .. و المدمع ايسل


چلچل الليل ابضلامه و هدئت الناس
ليل و اخيول و زلم بيه الهضم جاس 
بيش اوصف حالتي ما بين الارجاس
رحت ادور عالحنين الضل بلا راس
وين امشي لاوين ... تعبني الحسين
ضليت المه ... و المدمع ايسيل
💔
اجمع اوصاله بقيت ابليل ضلمه
بالجثث اعثر وادور عظمه عظمه
الليله وحشه وخايفه بس اني حرمه
تالي يم نحره بقيت و ابجي يمه
ابجي ابهدوتي ... لا يعله صوتي
و انعه لخيي ... و المدمع ايسيل
💔
جيت نحلانه و ضعيفه انعة و ابچي
صوتي نصيته خفت ايسمعوني شحچي
الاخت لو هضمه بيها اتروح تشكي
و اني گابت الذبيح امضيعه كلشي
ضيعت الاحنان ... ضل حيلي ركدان
وحشه المسيه ... و المدمع ايسيل
💔
الفاگده هالليله اه شلون بيها
بيهن شگد ركضن و نار ابعبيها
شحجي يالوعه السوط التف عليها
شلون اسكت الفاگده شلون اسليها
و الفگدت احباب ... بگليبها اصواب
تتمنه الموت ... و المدمع ايسيل
💔
فاگده اخواني المسيه و جيت ليهم
اه يا دوس الخيول شسوه بيهم
جيت المن بيهم و ابجي عليهم
باجر اه شلون ويلي من اخليهم
هيج الاحنان ... لا غسل واجفان
ما ودعتهم ... و المدمع ايسيل

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 03:55

قصيده مربعه حال احى بنات الحسين ( ليلة الوحشه )
.....................

ما تكعد تصلي بويه يحسين
صار الليل يالمگسوم نصين


ما تگعد تصلي بويه بس گوم
صار الليل اخافن ياخذك نوم
ترا عالو عليه و بيه اهموم
اگعد نشف ادموعي يالاحنين

نشوف ادموعي اگعد يبعد اهلي
و الامصلايه هايه و گوم صلي
انه اخلافك بعد بالعمر شلي
اركض حافيه ابهاي الميادين

اركض حافيه ضليت بالبر
و نار ادليل گلبي هواي تسعر
دست اعله الجمر الله اكبر
و اصيحنلك يبويه و دمعي بالعين

اصيحن بويه و ادموعي تهالي
اگعد شوفني و شلون حالي
يا راعي المحنه و كل دلالي
ضگت الهضم لمن نمت يا زين

ضگت الهضم بويه اخلاف عينك
شكثر صحتك يبويه الحگلي وينك
گلي شلون اگعدك ساحگينك
و من الدوس متروسه الميادين

عمت عيني المن بويه بعضاك
لا عندك صدر لا خصر يمناك
ااخ شلون حالي اني بلياك
اموت اوياك بويه كون هالحين

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

05 Jun 2024 03:49

قصيده فزاعيه سريعه ( ليلة الوحشه )
.....................

جيناج يا بت حيدره
انساعدج هالليله


وياج  اجينه  ننتحب
لخوانج الفوگ الترب
نلطم و مدمعنه يصب
و للرضو  امفاصيله

للسحگو اضلوعه نون
و انساعدج يم الحزن
يالضايگه لوعه و محن
محد  رضة  اتلطميله

لحسين محد ساعدج
جينه  ندگ و انگابلج
راح الحنين اليفگدج
و ختمه  متسويله

لا ختمه سويتي و عزه
وازاج  دهرج  يا وزه
ارگاب النشامه امحززه
هالليله حيل اثگيله

صعبه عليج ابهالوكت
و الروح منج فرفحت
يم الحزن شنهو شكت
من رحتي و تشكيله

تشكين  همج  للولي
صحتي يبو الحمله علي
ضليت وحدي بالخلي
همي منو اللي ايشيله

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

22 May 2024 23:50

اصدارات الشاعرة هذه السنه
👆🏻👆🏻👆🏻👆🏻

سيتم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

/channel/ahzan2018

/channel/ahzan2018

رثاء الاطهار للشاعرة والملا رغد البهادلي

19 Apr 2024 23:36

أنتي ملايه ؟؟🎤🎤🎤

تعالي وياي لقناة الشاعرة العلويه أم اياد الموسوي

صاحبة ديوان زينب والمحراب وعدة دواووين وفي كل حرف بحر من حزن وشجن ربي يوفقها
قلم حزين ومفردات شجيه حزينه

اشتركو عبر الرابط 👇🏻👇🏻👇🏻


https://t.me/joinchat/-h0l4_B6FIg2ZjYy

رثاء الاطهار للشاعرة والملا رغد البهادلي

16 Apr 2024 06:46

كروب لبيع جميع الاجهزة صوتيه



ويوجد خدمة توصيل لبغداد وجميع المحافظات

للحجز والاستفسار التواصل من خلال هذه 👇المعرف ⭕
@ABRAR5325


الرابط الكروب 🚫🚫🚫 👇👇👇
/channel/+n-BgqsOHygw5OWNh

رثاء الاطهار للشاعرة والملا رغد البهادلي

01 Apr 2024 14:57

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة ( لوحشة الامام علي ع ) 🌺
-------------------------------------------------------

الليله وحشه يا علي هالليله
و روحتك بنتك تصيح اثگيله


الليله وحشه بمنزلك كلها تنوح
كلها تلطم صارخه وسفه يروح
شعلو اشموع الحزن بيهم جروح
و اليتامه واگفه و تبجيله

الليله الايتام اجو يم النزل
كلها تبجي اتصيح ياخير العمل
شال ابونه راح نشبع احنه ذل
و الحمل بعده منو اللي ايشيله

من يشيل الحمل بعدك يا علي
و منهو غيرك يصبح اعلينه ولي
ياابو الحسنين بعدك ننولي
و هذا فگدك ما الي كل حيله

الليله بمجانك ادك و اجري الدمع
و كون من كثر اللطم اكسر ضلع
تدري منك گلبي بويه ما شبع
اخ يا شخصك الليله انعيله

انعه ليك الليله شيهيد الگلب
و بيتك الموحش عليه شكد صعب
باجر العيد اليجي ماضن اطب
ال ( اه ) اجرها و اصرخ بيا ويله

صعبه هالليله عليه يالرحت
والله گلبي اني احسنه ادفنت
شلون تبقه الشال ابوها حسبت
كون ميته و لا دمعها اتسيله

وين الامضيعه الابو خلها تجي
اوياي تتگابل و خل نشبع بجي
ارد اناشدها عليمن تنتجي
لو تصير اخلافه هيه اذليله

-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

28 Mar 2024 23:39

قصيدة فزاعيه ( لاستشهاد الامام علي ع )
.....................

العيد اجانه ياعلي
لا تمشي و تخلينه


العيد  ايام  ويجي
بعدك عليمن ننتجي
لتروح و نضل بالبجي
غيرك منو ايهم بينه

منهو  يهم  لينه  بعد
ياحيدر و انته الضمد
مو تدري ياذينه الفگد
و اغيابك يبجينه

اغيابك انخلصه هضم
و العيد  يا بويه  لطم
شملك منو بعدك يلم
محد  ترا  ايلم  بينه

منهو اللي يجمعنه سوه
يابعد  روحي  و الهوه
لو تمشي گلبي ينجوه
و الجفن تهمل عينه

تهمل ادموع الفاگده
بالعيد منهو اتعايده
ثوبي بعد ما جدده
غاب الحنين اعلينه

منهو يگص ثوب الفرح
لو تمشي گلبي ينجرح
بالمگبره عيدي الصبح
وياك   يا  والينه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam