رثاء الاطهار للشاعرة والملا رغد البهادلي

16 Aug 2024 00:28

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺حديث و نعي للسيده رقيه ع 🌺
-------------------------------------------------------

بويه
صار اغروب و اعيوني درتها
و اسوالفك كلها اذكرتها
يحسين احوالي ما شفتها

بنص الخرابه و حنت الروح
و كلساع اصين اه يمذبوح
يومك هضمني و خله اجروح

اجروح دلالي جثيره
وين الابو شيخ العشيره
اخلافه وجهي وين اديره

ما بيهم محنه ولا مروه
صغيرونه و اگومن بويه گوه
بعدك بلاني الوكت بلوه

صار بويه اهواي اتاني
و الوكت من بعدك عماني
يمته تجي اتخفف احزاني

يا سباح دلالي يوالي
عگبك انه بالضيم حالي
وياك غرب كل دلالي

يا ناس تدرون الابنيه
اخلاف الابو بالضيم هيه
صار هواي بويه شلون بيه

يمته ييابه اتعودلي ابساع
و اتشوفني و تخف الاوجاع
بعدك ترا نمنه على الگاع

بعدك ترا تبجي العلاوي
شبعن ضرب شبعن بلاوي
و عمتي گلبها شكثر حاوي




عندما نامت بحظن عمتها اتى اليها الحسين ع في المنام و رأته مخضب بالدماء ...


ويلاه بويه اتصيح ويلاه
ليش النحر تتگاطر ادماه
عگبك يبويه منهو انخاه

هلا بيك يالكلك محنه
يا عزوتي بويه و سندنه
والله العدو بعدك هضمنه

عيوني راحت بالبواجي
و من اذني باگوها التراجي
يابويه ياحلو المحاجي




كأني بالحسين ع قال لها ....

بويه اجيتج لا تخافين
وياي اريدن بويه تمشين
كافي مناحه ولا لتبجين

اجيتج انه ياروح بابه
اريد اخلصج من هالخرابه
و گلبج اكف بويه عتابه

كفي العتب لا تأذيني
يرقيه بويه و بعد عيني
مذبوح انه بويه اعذريني



عندما افاقت من نومها صارخه مرعوبه تريد اباها سمعو بها و اتو براس ابيها حظنته و اخذت تبكي .....



هلا بيك يابويه هلا بيك
شصاير ابحالك ويلي اعليك
مشتاگه الحضنك و اباريك

گلي يبويه شلون احظنك
خلني اجر عالراس ونك
لتعوفني بويه اريدنك

بويه ترا حيل اهضموني
و اخلاف عينك مرمروني
و بالسوط بويه ورموني

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

16 Aug 2024 00:22

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 نعي لسفرة السيده رقيه ع 🌺
-------------------------------------------------------

ردته
امرادي منج يارقيه اليوم ردته
اجيت السفرتج و انخاج ردته
من جفج عليج حسين ردته
تگضينه الي ابهاي المسيه


منج اريد امرادي فدوه
ادري عطيتج حيل حلوه
حني عليه يم المروه

انخاج يا بنت الميامين
يمج اسولف واهمل العين
ادريج و الله ما تقصرين

حاشه يبنت حسين اضلن
جيت لسفرتج و ادموعي يجرن
و لمصيبتج مولاتي اونن

بعيني اشوفن تبجي الناس
و اتصيح هيه ترفع الراس
صغيروه و عطاياها متنقاس

بردي دليلي ارجوج هاليوم
و الله الجسد نحلان مالوم
هدتني يامولاتي الاهموم

يم الكرم يم العطيه
انخاج وعيوني جريه
نضره اريدن هالمسيه

يا گاضيه الكلفات ننخاج
و بالمنذبح هالحلفيناج
مدينه سفره و اندبيناج

مدينه سفرتنه و اجينه
ها يا رقيه يالحنينه
عليج الزجيه لا تردينه

شلنه ادينه الليله نطلب
و انصيح كلنه وليج ننحب
انمشي الحنينه ذيج زينب

اعليج زينب يا رقيه
نضره من عندج اليه
ابجاهج اريدن يعلويه

امشي العليله البقت بالدار
احسبيني جايه ليج خطار
والله بدليلي جن احسن نار

نار الدليل اموجره اهواي
المرض هد الحيل و اعضاي
نضره ردت منج يرجواي

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

12 Aug 2024 13:09

نرجو من الجميع ان يستمع لهذه البصمه لايوجد لدينا بالفقهه والشرع والدين يوم المحجوبات لذالك انتبهو

👆🏻👆🏻👆🏻👆🏻👆🏻👆🏻👆🏻

رثاء الاطهار للشاعرة والملا رغد البهادلي

31 Jul 2024 15:52

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 هوسات فزاعيه للسجاد ع 🌺
-------------------------------------------------------

هالليله اريدنها     نضرتك سيدي


حيل ما بيه     يالسجاد اندبك


امرادي الليله     يبن حسين اريده


لاخر انفاسي    ماانسه مصابك


ننخاك مولانه     شافي امراضنه


الليله مولايه     مد جفك عليه


والله تعبانه      خل عينك عليه


للعباد الليله     خلونه نون


امكابل اوياها    زينب تدك لجله


انعازي ابو اليمه      بالسجاد ابنه

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

29 Jul 2024 13:19

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة ندبه للسجاد ع 🌺
-------------------------------------------------------

يبن حسين اريدنك تشافيني
خادمتك و اندبك لا تخليني


يالسجاد يا مهجة ابوك حسين
حط عينك عليه يابو گلب احنين
من ايدك اريدن سيدي هالحين
نضره لحالتي و ادواي تنطيني

غريبه و انت تعرف شنهو الغربه
انته اللي ضگت مولاي جم الصعبه
تعبانه و ندبتك رايده طلبه
الليله انخاك اريد امراد تنطيني

تعبانه و ندبتك حيل ما بيه
امشي اعليك ذيج المشت مسبيه
يبن حسين و الله ضاگت اعليه
حيلي راح جا منهو اليشكيني

ندبتك شاكيه و الدمعه اجريها
زماني ما رحمني و روحي ما بيها
ضگت لوعات عدمن سيدي احجيها
يبن حسين والله الضيم غاطيني

مهمومه و نخيتك رايده الليله
اتشافي علتي و اضيمي اتزيله
يبعد اعيوني يمك حالي اشكيله
بجاه حسين يامولاي نجيني

عليل و تعرف العله يمولايه
من ايدك اريد الليله ادوايه
وگفتك رايده ياسيدي بهايه
تگومني اعله حيلي يابعد عيني

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

26 Jul 2024 07:24

قصيده فزاعيه و مربعه ( للسيده شريفه ع )
...............

اتصيح و تنتحب زينب للبنيه
يعمه يا شريفه ردي اعليه


تبجي و تنتحب زينب المهضومه
راحت من اديها ابنيه مالومه
صاحت يا شريفه ابروح مهدومه
حاجيني تراني حيل ما بيه

حاجيني يبعد اهروش دلالي
اعذريني يعمه ما الي والي
شلون احميج اني بالهضم حالي
شبعت اهموم يا عمه و مهضميه

يابت الحسن گعدي و حاجيني
لتلچمين گلبي جروحه تاذيني
گومي اوياي ياعمه و بعد عيني
اويلي اعليج يلي متي مسبيه

مسبيه گضيتي ابديرة الغربه
و عيني لراس عمج ذاك تتربه
صعبه دفنتج عمه شكثر صعبه
مريود الولي ابدفنج يعلويه

علويه و عليج الولي عاتبته
غسلتج بديه و وجهي لاطمته
و مثل اهلج عزاج ابگلبي ناصبته
و اون اعليج و الدمعات مجريه

يالرحتي عليج النوح اجيمنه
و گلبي من الحزن ما بطل الونه
هاضمنه الوكت ياعمه هاضمنه
عسن نوم العوافي اعليج الامسيه

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

26 Jul 2024 07:16

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة ثقيله حال زينب ع في الخرابه 🌺
-------------------------------------------------------

غصيت و درتها الكربله العين
منو يوديلي ريحة ثوب الحسين
اثيابه البل حوافر مزگوها
مامش وصله للحنت لخوها


بنص ذيج الخرابه و حنت الروح
لجل ذاك الغريب العفته مذبوح
ردت عطره اشمه و تهده الاجروح
روحي اخلاف عينه روعوها
مامش وصله للحنت لخوها
شلون الليل اخلصه بنوح و ونين


اون بهداي حسراتي شكبرها
و الفگدت اخو شنهو عمرها
عباتي امتربه ضايع عطرها
دم  و اتراب ويلي سينوها
مامش وصله للحنت لخوها
بنفسي اثيابه اشمهن و اهده هالحين


ما جانت  ابالي  اخذلي  وصله
هسه شلون واني ابن امي احنله
بوكتها  حايره  اركض  و اگله
بناتك هالعده خويه اهضموها
مامش  وصله  للحنت  لخوها
و گعدت ابليل يمه بالميادين


گعدت بليلة الوحشه و رعبها
الم بضلوعه و هاي اشصعبها
ما رحمو ابد  روحي  و گلبها
عنك خويه روحي باعدوها
مامش وصله للحنت لخوها
يابعد النظر و يابهجة العين


المثل گلبي تحن و اتريد شمه
هم  مثلي  تصيح  احا  ييمه
عفته اعله الثره سابح بدمه
و عباته اگبال عيني سلبوها
مامش وصله للحنت لخوها
عاري اهناك عفته يا موالين


عفته اعله الثره و امشيت عنه
طگ گلبي شكثر ردت اشمنه
ما فد  يوم  احنه  تفارگنه
و المشتاگه بيش ايصبروها
مامش وصله للحنت لخوها
لوعني الوكت بعدك يالاحنين

-------------------------------------------------------
(ملاحضه المستهل ليس لي)
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

23 Jul 2024 18:29

*﷽*        
اللهم صل على محمد وال بيت محمد وعجل فرجهم الشريف ياالله 🤲
🌺 قصيدة موشح لعزاء الحسين ع 🌺
——————————————-———

ارد اسوي  فاتحه و لطامه
للذبيح و ابجي ويا ايتامه


ارد اسوي فاتحه و انصب عزه
للحسين   و رگبته   المتحززه
ااه ياضيم السده بگلبي و غزه
اگبالي شفته كسروها اعضامه

ضل على التربان يا ويلي طريح
ردت  اداوي  بيدي  دلاله  الجريح
وسفه گدامي بقه  ابن امي  ذبيح
و ابد  ما  رحموه  ابد  ضلامه

ابد ما رحموه ضل عاري و سليب
بس رمل و ادموم عالغبره تريب
ردت ساعه انعاه بدموع و نحيب
و حايره بيمن اطلع اسهامه

ااخ  يسهام  الولي  صعبه  شكثر
ردت اطيب خاطري اللي منكسر
اگعد انعه  اعليه  و الطم  يا قهر
و ارد اون للسلبوله اعمامه

الراح  منها  اعزيز  حگها  لو تدگ
و جمرة الخوان بس تحرگ حرگ
شوغتي اعله اخواني يبستلي الحلگ
حيل يسوون اللطم وهامه

—————————————————
*تمت بقلم خادمة اهل البيت ع ✍️الشاعره و الملا رغـد الـبـهـادلـي*
ذمة عدم حذف الاسم
/channel/Ragadalbhadley

رثاء الاطهار للشاعرة والملا رغد البهادلي

23 Jul 2024 06:38

قصيده فزاعيه ( لسابع الحسين )
.....................

صارن سبع تيام يحسين
و احنا يساره و تدمع العين
ووجوهكم ضلت على الطين


اليوم سابع فاگده خواني
و اليسر هد حيلي و اذاني


اليوم سابع فاگده الوهامه
و لا عزه سويت لا لطامه
اسبوع صار امرافگه ضلامه
الشال راس حسين بي هضماني

الشال راس حسين يتعمد يجي
اگبال عيني ايهزه واني اشبع بجي
و اني يدري بحالي ماعندي نخي
و اليسر دربه بعيد اذاني

فوگ عالهزلات و ابلايه حمه
ابلا هوادج نمشي واني امألمه
و راس اخوي حسين يتگاطر دمه
و الحبل يوجعني و لچماني

احبالهم خشنات ادينه اتجرحت
و شفت سكنه اگبال عيني فرفحت
من يجر بالحبل حيل اتألمت
و اسمع ارقيه تصيح اذاني

من سطرها لجم ياويلي الاذن
و الدرب بسكوت ضلت بس تون
خايفه ايسمعوها كاتلها الحزن
اتصيح وينه بابا شو ماجاني

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

22 Jul 2024 16:00

هوسات ( للسبي )
.....................

مشو بضعونه العدوان عالهزلات
و احنه بس حرم بهمومنه امحملات
صعبه اعله الحرم من غير والي اتبات
*( اتباريها .. يا محله اخوتها )*


فارگت الاخو الكله محنيه
بعد منهو اليجي والينشد اعليه
ما بيه صحت يحسين ما بيه
*( محتامه .. و الشخصك خويه )*


محتامه عليك شكثر يبن امي
تعال اسمع نخوتي و اشرك ابهمي
گوه اوداعتك هالشايله هدمي
*( تعبانه .. ياخويه اخلافك )*


تعبني الدرب و السوط و الحادي
بس هاي البقت تلجم ترا افادي
ما خلوني ليكم انصب احدادي
*( بگليبي .. نصبيت الجادر )*


بنص گلبي عزاكم يهلي نصبيته
و بهداي الدمع يخواني هليته
و بالمحمل تراني الراس ضربيته
*( و بدماته .. ضل ينزف راسي )*


محد گابلاني و لا يعزيني
ولا وحده الاجتي و تسمع اونيني
وين اللي تجي و تنعه و تبجيني
*( مهضومه .. و ارد اعمي اعيوني )*


اريد الطم لطم ما لطمته امتون
واريد اعله الجفوني اعمي الاعيون
جا ليش الاحبهم عني يمشون
*( عافوني .. للهم و الونه )*


الليله اوياي الطمن حيل لحبابي
تعبني اليسر و امخزن اصوابي
اون و لايگ اعله احبابي اعتابي
*( ابدلالي .. ما تبرد ناري )*

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

22 Jul 2024 15:58

قصيده فزاعيه ( للسبي )
.....................

من عادت التفگد غوالي
تنصب مناحه وصوت عالي
و تنصب اقرايه و دمع هالي
جا ليش زينب هيج تالي
اوحيده و اوجرت بيها الليالي



اونن وحدي لخواني على النوگ
و گلبي من الهضايم حيل محروگ


اونن عالهزايل حيل تعبانه
وعيني ما هدت كلساع جريانه
الشايل راس اخوي شلون هضمانه
هز الرمح شفته و عالي ليفوگ

شيال الرمح لا مارحم حالي
يتعمد يجي و ايجيبه اگبالي
و اني من اصد مصيوب دلالي
و هوه ابلا رحم بضعونه ايسوگ

ما رحمو يتيم و رحمو ابنيه
و اني من الهضايم حيل ما بيه
كلها اتنوح ايمي و تبجي يوميه
و من عدنه الفرح ياناس مبيوگ

تبجي ايتام اخوي اتصيح يا عمه
العدو كلساع جرح ايديهم ايلچمه
و اشگف بالسياط المالهم رحمه
و رقيه اتصيح عمه يكتل الشوگ

مشتاگات صاحن وين اهالينه
خليهم يجونه ابسرعه اعلينه
ما يدرون بالهم و الله ضلينه
و باجر هالعده ايدخلونه للسوگ

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

22 Jul 2024 10:56

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده ندبه للامام علي ع 🌺
------------------------------------------------------

دگيت بابك ها يحامي ادخيله
اتبرد اگليبي و تفرح ادليله


دگيت بابك يا علي تعبانه
حيل جارت عاكسه دنيانه
الروح ملت ياهو ادگ بيبانه
احسبني بنتك جايه اني انحيله

جيت نحلانه و دمعتي ابعيني
والله وكتي يا علي امأذيني
محد اليسمعني و ايشكيني
و طاح حملي منهو ليه ايشيله

حملي طايح و الهضم عاليني
و حتى ما بيه اجر اونيني
الضيم يابوحسين انه امغطيني
و منك الفزعه اريد الليله

حلوه وگفاتك علي حامي الدخيل
جسمي من المرض يا حيدر عليل
الليله ناخيتك على كلمن يعيل
و ابد ما تقبل على كل عيله

انته ويا الحق يحيدر يا غيور
ضاع حقي و نار بدليلي تفور
الليله افزعك بعد ما عندي صبور
الليله يابوحسين اريد الليله

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

21 Jul 2024 23:38

منو يدور اطوار مختلفه بالمجلس
منو تحب اتنوع بأطوارها بالمجلس
يله حظري دفترج و القلم ....
هاي السنه الشاعره رغد البهادلي امحضره قصايد جديده و تجنن بسرعه اشتركي بقناتها و شوفي ابداعاتها


اشتركي من هنا 👇🏻👇🏻👇🏻


/channel/Ragadalbhadley

/channel/Ragadalbhadley

رثاء الاطهار للشاعرة والملا رغد البهادلي

21 Jul 2024 08:12

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده ندبه للعباس ع 🌺
-------------------------------------------------------

يخو زينب ندبتك رايده ابشاره
يا عباس و الله الروح محتاره


يخو زينب الدنيه ضاگت اعليه
تفزعلي عليك امك البدويه
وين انطي الوجه والروح مگضيه
و ناري بالگلب تلتهب وجاره

تلهب نار گلبي والله يمعدل
اريدن نضره ليه اليوم اتوسل
ما ترضه اليخدمك ابد من ينذل
تكتل هضمتي ياصاحب الشاره

مهضومه و دمعتي لاجت بعيني
اذبن شيلتي و انخاك خليني
يعباس الوكت كلش امأذيني
موجوعه و دموعي اليوم تتجاره

مريضه و منك امرادي اريدنه
افزع ليه هذا اليوم يمجنه
ابروح حسين طيبهن خواطرنه
الليله فزعتك انطرها انطاره

تجازي الليله كلمن ما رحم حالي
انه المعيول بيه و الدمع هالي
ردتك ياكفيل ام عون الي والي
بمضيفك جايه احسبني خطاره
  -------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

17 Jul 2024 23:46

*﷽*        
اللهم صل على محمد وال بيت محمد وعجل فرجهم الشريف ياالله 🤲
🌺 قصيده حماسيه ( للوحشه ) 🌺
——————————————-———

جيتك خويه ملهوفه
وباجر امشي مجتوفه
واويلاه


ملهوفه اجيتك و اسحل اجدامي
طگ گلبي عليك و انته گدامي
اويلي اعليك خويه يالمتت ضامي
اگعد شوف حالي و سكن آلامي
واويلاه واويلاه

.

ويايه  اجن  كلهن  ابنياتك
و رقيه بيدها جابت امصلاتك
يريدن فاتحه اينصبن عزيزاتك
و نلطم حيل هالليله لجراحاتك
واويلاه      واويلاه

.

اريد اگعد احذاك و صدري اخسفنه
و اريد انعه عليك و اجهر الونه
الراحلها اخو خلها تگابلنه
حگها اتصيح اخويه بيش اعوضنه
واويلاه      واويلاه

.

اجيتك ناحله يحسين تعبانه
وحشه الليله خويه و ضلمه دنيانه
يخويه ابداعة امي كوم ويانه
اديه امورمه من السوط وجعانه
واويلاه    واويلاه

.

اعذروني يخوتي ما ادگ الكم
امتوني امورمه جيت اني اخبركم
و ما خلوني انصبها فواتحكم
و محد گابلاني و ساعد ابونكم
واويلاه واويلاه

—————————————————
*تمت بقلم خادمة اهل البيت ع✍️الشاعره 🎤و الملا رغـد الـبـهـادلـي*
ذمة عدم حذف الاسم
/channel/Ragadalbhadley

رثاء الاطهار للشاعرة والملا رغد البهادلي

16 Aug 2024 00:23

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيات حماسيه للسيده رقيه ع 🌺
-------------------------------------------------------

شايله الليله
صغيره من الفواطم شايله الليله



نلطم و اللطم لايگ للاصغيره
و عمتها بقت تنتحب متحيره
العزيزه عد ابوها گضت بالديره
ما بين الغرب و گليبي شيصبره
انريد دفانه
من اهلج يعمه انريد دفانه


لا عندي جفن ياعمه لا تابوت
يالبعدج اصغيره جا شلج بالموت
مو تدرين بگليبي شكثر مفتوت
اريد ابجي عليج و انحب اني بصوت
كون عوانه
ويايه تونلج كون عوانه


عوانه الحبايب كون يا عمه
تدك اعليج ساعه و تلطم ابهمه
و ساعه انون عليج بعين منسچمه
عذرينه يعمه امتونه امورمه
حيل خلوني
اريد الطم عليها حيل خلوني


اريد الطم يعمه بروح مرتابه
شلج بالذواري و نوم الاترابه
هضمتيني يعمه بچلمة البابه
حتى اعداج ضلت عينه سجابه
رحتي مهضومه
ويلي يا رقيه. رحتي مهضومه


كلها اتخاف عمه محد اتغسلج
يمغسله تعالي شويه خنگلج
من كثر الضرب يزرگ ترا متنج
اشحال الطفله هيجي و صعبه انگلج
حيل اذوها
بالسوط الصغيره حيل اذوها


ابمدمعنه رقيه احنه نغسلها
وي زينب نون و ننتحب الها
وننصب فاتحه و كلنه نساعدها
هاي ام الخدر و البين ضاهدها
حيل تعبانه
اتريد العونه زينب حيل تعبانه

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

16 Aug 2024 00:03

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده لسفرة السيده رقيه ع 🌺
-------------------------------------------------------

يبنت اهل العطيه اجينه بهل مسيه
فرشنه سفرتج هاي و نندب يا رقيه


كلنه اجينه الليله نندب بت الحسين
انصيح يا مضلومه ندري ما تقصرين
انريد فزعه من عطاءج ياضوه العين
الليله كلنه اضيوف عندج يالتكرمين
من كرم اديها جيت اني ارتجيها
وكلنه نطلب امراد و نندب رقيه


اهواي مشهودات الها تكرم الضيف
مثل ابوها و عمها ذاك صاحب امضيف
و مثل جدتها الزجيه اتطيب الكيف
الليله اجينه و ضايگه دنيانه يا حيف
ها يم الكرامه اجيت اطلب علامه
و كلنه نمد ادينه و نندب يا رقيه


يله فزعوها الحنينه بنت الاحنان
و صيحو منج يا رقيه انريد برهان
بينه المهوم گلبه و بينه وجعان
والله يامولاتي حتى الحيل خلصان
يابنت الاجاويد اجينه امرادنه انريد
و كلمن يطلب اليوم. و نندب يا رقيه


اهواي يا بت الحسين هموم عدنه
الليله هالسفره نمدها و ننخه كلنه
انتو رحمة الله و انتو كل ضمدنه
غيركم ماكو وسيله ابد النه
بس انتم وسيله منهو النشتكيله
والحاير يجي اليوم و نندب يا رقيه


جيت بالجفجاف اسمي اليوم اكتبه
و ليها اشكي اهموم گلب ودمعي اصبه
و الامراد من ايدها هاليوم اطلبه
و لحد اتگول اللي عندي حاجه صعبه
يم ارقيه سهله و كل همج تحله
و الموجوع يصرخ و نندب يا رقيه

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

06 Aug 2024 14:24

قصيده ندبه ( للسيده رقيه ع )
...............

اريد اكتب رساله    و دمعتي بيها
لبت حسين عن حالي اشتكي ليها


اريد اكتب رساله ابدمعي اخطنها
لبت  حسين  هالطفله  احشمنها
مريضه و رايده اني طيبتي منها
و عن ضيمي اگللها و احاجيها


اريد احجيلها ضيمي و معاناتي
تعبانه   تعبانه   تعبانه 😭
تعبانه  و اجر  بالگوه  وناتي
تره العله خفيه و تجوي جمراتي
رقيه ارجوج علتي ابساع شافيها


شافيني عليج اختج المعلوله
كلفه طلبتي و ادموعي مهموله
ادري اللي يطلبج كلشي اينوله
طلبتي اليوم منج اني ارجيها


راجيتج يبت حسين مهمومه
وداعة ذاك ابوج اهواي مالومه
اريدن نضره منج ها يمضلومه
منج حاجتي لالا تأخريها


يبت حسين خلي عينج اعليه
ناخيتج و اريدنج هالامسيه
ابجاهج يارقيه شافي البيه
ادموعي اليوم يمج ارد اوديها


اوديلج دمع مولاتي تعبانه
و روح حسين من المرض نحلانه
امشي اعليج ذيج المشت حزنانه
عليج ام عون يامولاتي حليها

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

31 Jul 2024 14:49

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده مربعه للسجاد ع 🌺
-------------------------------------------------------

يالسجاد عمه جيتك الليله
يمشارك حزن گلبي بتفاصيله


جيت  هالمسيه  يا علي  عمه
اريد اشبع اموادع عطرك اشتمه
عليك النوح اجيمه و النضر يعمه
و تدريني يعمه ارويحتي انحيله

نحلانه اجيت الليله انعالك
يبن حسين عمه شنهو اقرالك
صوابي نفسه ذاك الصاب دلالك
الليله اوياي اريدن تلطم العيله

يمشارك   حزن   دلالي   يالمعلول
اجيت انحب عليك و اذكر المجتول
واذكر صدره من داسوه عشر اخيول
و شفنه شلون من رضو مفاصيله

اجيتك ياعلي لتضني عمه انساك
تمنينه المنيه شكثر اني اوياك
الليله الفاجعه و ادري الدهر اذاك
ما منه رحم من دار كل حيله

تعبنه  الدهر  يا عمه  ادريبه
من ذاك الوكت راوانه الامصيبه
وشفنه حسين جثته اگبالنه اسليبه
و الذباح راسه برمحه ايشيله

الليله   يا علي   انخاك   للمرضه
وكل حاجات خدامك عسن تگضه
و المهموم باله ابهل مسه يفضه
و الوجعان بيدك كلشي اتزيله

الليله النوح الك و ارجاك يامولاي
خل عينك عليه و شافي كل اعضاي
خادمتك و اريدن توگف انته اوياي
امشي حسين ابوك و كل مداليله

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

26 Jul 2024 07:24

نعي ( للسيده شريفه ع )
...............

شريفه گضت ونن عليها
و صيحن الحره شلون بيها
اتغسلها ابدمعها خل تجيها

بدموعها اتغسل شريفه
بت الحسن هاي العفيفه
و يا لوعة امصابج مخيفه

امصابج يزينب يهدم اجبال
رحت بيسر بيديج الاحبال
و ذباح اهلج صار جمال

كون اخوتج تحضر الليله
ايشيعونها كون الجليله
و عمامها المدمع تهيله

بت الحسن شالت هضيمه
و ادموعنه اعليها سجيمه
و جفني جا بيش انيمه

فوگ الهضايم جملتني
ويلي شريفه نشت عني
و افراگها كلش لجمني

بت الحنين الليله شالت
و ادموع عيني ليها سالت
ياروحي عالفرگه اشگالت

بالسوط ياما لوعوها
وبالحبل ويلي جرجروها
ضلام ابد ما يرحموها

الدرب كله اهواي تبچي
مالومه ثاري ووين تشكي
و احنه حرم عدمن انوچي

ياحسرة الما يمها وليان
تشبع هضم والگلب خلصان
راحو وسافه عنه الاحنان


اتگول زينب ....
كلجن حبايب ساعدني 💔😭


خلي انصب اعليها عزيه
و دموعنه الليله جريه
محتاره و اني اصفگ بديه

علويه راحت من الايتام
شبعت هضم من ايد ضلام
و الليل كله اتلوع متنام

محد اوياي و تساعدني
و كل العلاوي اتصيح متني
امصيبة شريفه ألمتني


..... لطلب الحوائج و شفاء المرضى .....


وين التريد امراد تحضر
تبجي لشريفه ابگلب منطر
ماتت مريضه الله اكبر

فوگ المرض هم لوعوها
و بالسوط ياويلي اضربوها
ما تدري اهلها ولا اجوها

يالطالبه الحاجه تعالي
خلي الدمع ليها يهالي
علويه و اوجرت بيها الليالي

وين المريضه خلها تندب
و ادموعها هالليله اتصب
تنخه شريفه و منها تطلب

تنخه شريفه تشافيها
ابجاها ما تخليها
كل عله بس تمسح عليها

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

26 Jul 2024 07:24

قصيده ندبه ( للسيده شريفه ع )
.....................

دگيت بابج يا شريفه الليله
جايتج و اهموم گلبي اثگيله


دگيت بابج يا شريفه احزينه
حالي بالهم و اصرخ اتحضرينه
يا شريفه انخاج لتخلينه
حملي طايح و اني والله انحيله

حاشه اضلن و اني بابج جيته
يا شريفه جيته انه و دگيته
و الدمع يمج ابحرگه ابجيته
و الله روحي الليله احس اذليله

ذله يا مولاتي تدرينه المرض
بالله كل امالي و يمج تفض
المرض يهمش احس بيه و يعض
حيل نحلانه تراني اعليله

ابجاه ابوج المجتبى شافيني
و خادمة الكم انه اتعرفيني
يا شريفه مالي حل صدگيني
ابجاه ابواليمه و سبي امداليله

اليوم امشي حسين عمج و ارتجي
يا شريفه ضاگت و عندي حچي
حيل مهضومه اجيتچ اشتكي
و عيني يم بابج دمعها اتسيله

وين اودي اهموم گلبي هالمسه
انتو باب الله و هوى الاتنفسه
و الهضم بگليبي مولاتي جزه
بدمع عيني بلليت الشيله

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

23 Jul 2024 18:32

*﷽*        
اللهم صل على محمد وال بيت محمد وعجل فرجهم الشريف ياالله 🤲
🌺قصيدة فزاعيه لأيتام الحسين ع 🌺
——————————————-———

تگول زينب    لطمن اعله ايتامي
و ابد  لا  تنسن  حسين  الضامي

🥺🥺🥺🥺🥺🥺🥺

تگول زينب ابد لا تنسيهم
اصغار واني عالهزل احميهم
متني ورم و السياط اعليهم
و يبجي راس حسين ضل گدامي
🥺🥺🥺🥺🥺🥺🥺🥺

تكول لا تنسن حسين بكربله
و ابد لا تنسن ايتامه اموجله
عالهزايل تبجي كل العايله
و ابد ما بيهم رحم ضلامي
🥺🥺🥺🥺🥺🥺🥺

شوغتني اسياط خولي و الشمر
و اليتامه مثل اوراق الشجر
اتطيح كلساعه يتيمه و انقهر
و اني ما عندي ولي ولا حامي
🥹🥹🥹🥹🥹🥹🥹🥹

ضاله اعله الناگه دمعاتي تهل
شابعه اهموم و بچي عگب الكفل
و سكنه رادت ماي جروها ابحبل
و جفها من الحبل ينزف دامي
🥺🥺🥺🥺🥺🥺🥺🥺

تنزف اجفوف اليتامه امجتفه
و ااخ يا ذاك الهضم شيوصفّه
تبجي بت حسين يمي خايفّه
و اني اگلها عمه فدوه نامي
🥹🥹🥹🥹🥹🥹🥹🥹

تبجي بت حسين مردتلي الگلب
و اني بالگوه اكض دمعي اليصب
خاف لو يدرون و بسوط انضرب
و متني من السوط ينزف دامي

—————————————————
*تمت باقلام خادمات اهل البيت ع*
*✍️الشاعره و الملا رغـد الـبـهـادلـي*
*🎤الملا ام شاه زنان*
ذمة عدم حذف الاسم
/channel/Ragadalbhadley

رثاء الاطهار للشاعرة والملا رغد البهادلي

23 Jul 2024 09:53

اخواتي الغاليات خادمات الحسين الشاعره رغد البهادلي تمر بضرف صعب ومريضه بالمستشفى لاتقصرون بالدعوات الها انسانه خلوقه ومحترمه وخادمه لأهل البيت

ادعولها بتسهيل امورها والشفاء العاجل لها حاليآ بالمستشفى

خادمتكم الشاعرة ام علي الإماره

رثاء الاطهار للشاعرة والملا رغد البهادلي

22 Jul 2024 16:00

اللهم صل على محمد وال محمد

رثاء الاطهار للشاعرة والملا رغد البهادلي

22 Jul 2024 15:58

نعي ( للسبي )
.....................

عالنوگ رحنه امجتفينه
و فوك الرمح روس اهالينه
واحدنه ما بطلت عينه

رحنه بيسر و الناس ضلام
و اعيونه من الخوف متنام
و اجروحنه جا بيش تلتام

الحادي لا لا ما رحمنه
يمشي ابعجل واحنه وگعنه
و انصيح لحگونه يهلنه

النوگ هزله و حيل تعرج
و مامش على الهزلات هودج
مدري شوكت ياربي تفرج

احبالهم بيدينه خشنات
و امجرحه اجفوف اليتيمات
من الوجع تذرف الدمعات

تبجي اليتامه و حرت بيها
و الروح ضيم شگد عليها
ناديت الاخوه خل تجيها

ناديت بلكي تجي الخوان
لن الضبابي هز الاسنان
كلش هضمني و دمعي جريان

ونيت يهلي شكد عليكم
كلساع اسولف ضيمي ليكم
و عن حالتي ويلي ابجيكم

يا عازة الخوان كلفه
يصعب عليه هضمي اوصفه
ردت الولي دمعي ينشفه

شمحله اخوتي لو تجيني
و بجفوفهم تمسح دمع عيني
وين اليجي واليباريني

وين اليباريني من اهلنه
و انصيح محد يسمع النه
و ذباحكم لا ما رحمنه

حادي الضعن مسرع بممشاه
و كلساع اگله ابهيده و انخاه
توگعت صفيه شگد اويلاه

وگعت حميده بنص الادروب
و انصيح وين احنان الاگلوب
تلحگ علينه نبقه جندوب

لو ردنه ماي ايجر بالاحبال
و طاحت يتيمه من الاجمال
ويلاه يصعب حال الاطفال

يهل المحنه و الامروه
الحادي مامش بيه نخوه
بلوه التودينه اعله بلوه

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Omwiessam

رثاء الاطهار للشاعرة والملا رغد البهادلي

22 Jul 2024 13:31

*﷽*
اللهم صل على محمد وال بيت محمد وعجل فرجهم الشريف ياالله 🤲
🌺قصيدة فزاعيه للسبي 🌺
——————————————-———

تعبانه زينب باليسر
و الناگه مالت بيها


تعبانه والله بت علي
و ينك يحامي محملي
و اتصيح ويلي ياهلي
و افراگهم ماذيها

وحدها ما بين الغرب
شبعت الحره بس ضرب
و اجفوفها بس دم تصب
و الحبل شگ ايديها

ضلت حزينه امألمه
شبعت هضم ممعلمه
و من السياط امورمه
محد اجه و يحميها

احبالهم خشنه تره
و زينب بقت متحيره
و ايتامها متگدره
جا بيمن اتسليها

اتسلي اليتامه بالصبر
الله يعينج يم طهر
و نيران اهلج تستعر
بگلبج شنو ايطفيها

عالناگه و نيتي ابحزن
و النوگ لونينج بجن
وياج مدمعهن جرن
يا غصتج شحجيها

—————————————————
*تمت باقلام خادمات اهل البيت ع*
*✍️الشاعره و الملا رغـد الـبـهـادلـي*
*🎤الملا انين الفاطميات*
ذمة عدم حذف الاسم
/channel/Ragadalbhadley

رثاء الاطهار للشاعرة والملا رغد البهادلي

22 Jul 2024 06:48

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 نعي حال السيده زينب والايتام ع 🌺
------------------------------------------------------

ضيم البنات اشكثر يتعب
محتارة يمهم تون  زينب
و نار الاهل بالگلب تلعب

بالگلب تلهب نار الاخوان
محتارة ضلت ام الاحزان
والحيل بعد اخوتها خلصان

الايتام  اثمانين  يمها
وام الخدر زايد شجنها
حيرانة ضلت من المها

حيرة تداوي جروح الاطفال
و امجرحين  ابشد  الاحبال
تدرون الهضم يا ناس جتال

تبقة  المرة  تعتاز  والي
يبقة سندها و سور عالي
واني اوجرت بية الليالي

بليل  عيني  ابد  متنام
سهرانة اخافن على الايتام
ما بيهم رحم عدواني ظلام

ما  بيهم  محنة  ولا امروة
و باليني زماني شلون بلوة
شالو اهلنة و ضاعت النخوة

ايمردون گلبي من يونون
و كلساع ياويلي يموتون
من الناگة كل ساعة يطيحون

ضيم اليسر كلش گضانة
و الدرب و الله تعبانة
و السوط ويلي ورمانة
-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

21 Jul 2024 22:26

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده ندبه للسيده زينب ع 🌺
-------------------------------------------------------

اليوم اخت حسين اريد انخاها
تنضر الحالي انه اترجاها


اليوم تعبانه و ادگ باب ام طهر
ارد اسولف ضيم كلبي و القهر
هيه تدري الحرمه صعبه تنكسر
و اااخ ياروحي الهضم بجاها

حيل مهضومه و حرت وين اشتكي
و وين ادير الوجه جا وين انتچي
الليله يم زينب اريد احچي حچي
جارت الدنيه و تعبت اوياها

جيت ادك باب العقيله الليله
و ارد اكلها ضاله اني انحيله
لا ولي العندي واروح اشكيله
و روحي محد يم طهر جبراها

رايده جبره يبت حامي الدخيل
و الله يامولاتي احس مكسوره حيل
ماره ابموقف و همي من يشيل
اهمومي يمج هالمسيه اطراها

الليله امشي حسين شريان الكلب
فدوه يالحره اسمعيني انتحب
ادري غالي حسين بس لا مو صعب
ابشاره منج رايده اتلگاها

الحرمه صعبه لو يمر بيها هضم
اتروح لخوتها و تسولفها بألم
اني يا زينب بقيت ابلا رحم
و عيني ساعه ما هده مبجاها

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

19 Jul 2024 04:14

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺قصيده موشح للدفن 🌺
-------------------------------------------------------

اليوم ثالث ما دفنت اخواني
و العليل  الراح  شو  خلاني


اليوم  ثالث  عالترابه  اهلي  بقو
و الاخيول اضلوع اخويه طشرو
و العده  بالروس  ياويلي  مشو
الشال راس حسين انه بجاني

الضبابي الشال راسه و بي مشه
گطع  سباح  الگلب  من  اهرشه
شلون اضلن من بعدهم عايشه
و للدفن  محد  اضل  خلاني

ما  رضو  يمهم  اضل  دفانه
هاي   تلجم  روحي  الوجعانه
صحت يا حادي الضعن بمجانه
كون اموتن المن ابقه اني

المن   اتضلين   يالشالو  هلج
راح كل زين و شهم الي دللج
اليوم يا روحي دوني الكافلج
و ذكري امصاب الجره بحناني

اه يمصاب اخوتي ايهد من صدگ
هاي   ثلث  ايام   گلبي   محترگ
ابد   ما   جانت   ابالي   نفترگ
اليوم بالغربه و بعيده اوطاني
  -------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
/channel/Ragadalbhadley

رثاء الاطهار للشاعرة والملا رغد البهادلي

17 Jul 2024 11:59

*﷽*
اللهم صل على محمد وال بيت محمد وعجل فرجهم الشريف ياالله 🤲
🌺 حديث و نعي ( للوحشه ) 🌺
——————————————-———

عندما جل الليل على مولاتنا زينب ع و جمعت العيال و الاطفال كاني بها .....




كلجن تعالن يمي يعمه
عليجن خايفه و الليله ضلمه
ما بيه بعد والله اعله لجمه

امتونجن عمه امورمات
و بنص البراري هالمسه انبات
صرنه يعمه احنه غريبات

تعبانه بعد مابيه على الگومه
و من السوط حتى امتوني مورومه
و ابوجن ذاك امشن نمسح ادمومه

امشن يعمه نمسح ادماه
و نكعد سويه كلنه احذاه
شبعنه مذله اخلاف عيناه

اجن يم الحسين جابتهن عمتهن زينب 💔😭


تكلهن
خلي نلمه گعدن يعمه خلي نلمه
و نمسح بدينه افياض دمه
ابهيده يعمه لا لا نلجمه

امسلب على التربان ابوجن
و اخلاف عينه اهضموجن
شبعن مناحه من ولوجن

بيمن نغطيه
عاري الولي وبيمن نغطيه
و ياي دورن خنصر ايديه
و لمن اضلوعه و لا ناذيه

بلكي عبايه و بيها نستره
و نلم من التراب اضلوع صدره
المكسور صدره ابيش اجبره


صاحت ونن اوياي😭
ابهيده يعمه ونن اوياي
و نلطم على المذبوح بهداي
ياضيمي و ياعظم بلواي

كلجن تعالن ساعدني
و سكنه يعمه اوياي وني
راح الحنين و مايردلي

لتشوفه وخرنها رقيه
صغيرونه ما تعرف خطيه
لا تنفجع سوده عليه


راحن للعباس اخذتهن زينب كالت خلي نودع العباس عمجن باجر ما ينطونه مجال نودعه 😭💔


امشن يعمه للكفلنه
و يم النهر نجذب الونه
و انعاتبه خل يفزعلنه

تعالن يعمه انروح للزين
عباس يا نسل الميامين
عالت علينه الناس يحنين

عالو علينه و حشميناك
و مسنه الهضم جينه و نخيناك
ويانه كوم ابساع نرجاك

يالكلك محنه و يبو النخوه
ذولنه هالعدوان كوه
و يا بلوة النسوان بلوه

—————————————————
*تمت بقلم خادمة اهل البيت ع✍️الشاعره 🎤و الملا رغـد الـبـهـادلـي*
ذمة عدم حذف الاسم
/channel/Ragadalbhadley