رِوايات سُودانية🪐🤎!)"
23 October 2025 14:33
الاشعار هنا
@
والمحظور في البوت هنا
@.
Читать полностью…
رِوايات سُودانية🪐🤎!)"
23 October 2025 14:33
ابدو من الشمال فوق اول اسكرين.
Читать полностью…
رِوايات سُودانية🪐🤎!)"
23 October 2025 14:33
شباببب ركزو معاي جاياكم ف موضوع مههههم.
Читать полностью…
رِوايات سُودانية🪐🤎!)"
22 October 2025 05:32
لمن تلقا بوستات تسألك
*"المسيرة دي ضربت وين؟"*
خليك عارف: ديل خلايا بتصحّح الإحداثيات، وبيستغلوا أي معلومة بسيطة منك عشان يسبّبوا دمار في بلدك ويزهقوا أرواح ناس.
❌ما تنشر في المواقع
❌ ما تصوّر
❌وما تقول أي معلومات
بالكلام البسيط بتساهم في مو.ت أهل بلدك.
“ساهم في أمن بلدك وأمانك لا تنشر معلومات قد تأذي الغير.”
والله يحفظ العباد والبلاد.
Читать полностью…
رِوايات سُودانية🪐🤎!)"
22 October 2025 00:45
انا بس داير اوصل مرحله اخلي اهلي م يحتاجوا حاجه طول عمرهم وبأذن الله ح اوصل
Читать полностью…
رِوايات سُودانية🪐🤎!)"
21 October 2025 06:10
ود الصادق اتقي الله ف ناس الكومينات😂!
Читать полностью…
رِوايات سُودانية🪐🤎!)"
20 October 2025 19:15
الاء محمد الصادق ادم
89.8
مبروك رفعتي راس ابوك
Читать полностью…
رِوايات سُودانية🪐🤎!)"
20 October 2025 19:06
مبروك لكل الناس الناجحة
والناس النسبها م عاجباها انتو امتحنتو ف ظروف صعبة حقيقي ف ده انجاز ليكم افتخرو بالنتبجة مهما كانت
حرب وخراب ونزوح
Читать полностью…
رِوايات سُودانية🪐🤎!)"
20 October 2025 19:05
النتيجة بطلعوها بليل مالا؟😂
اهلها صعبين؟
Читать полностью…
رِوايات سُودانية🪐🤎!)"
20 October 2025 10:37
🎯 "أخيراً القراية من المراجع بقت ساهلة شديد!"
..
دي ما دعاية ولا إعلان!!
والكلام ده ما مني
دي رسالة وصلتني من طالبة بعد حضرت جزء بسيط من كورس "يلا نزبط الأوبس"
رأي جاني بمنتهى العفوية
كلام بسيط بس معناه كبير
عكس تماماً الهدف الحقيقي من الكورس
وعبّر بمصداقية عن نتائج التعب المُثمر
ما صدفة الكورس اسمه" ماراثون الأوبس والقاينا "💡
💬لأنه فعلاً رحلة ..بنمشي فيها بخطوات صغيرة بس واثقة ومُتسلّسلة لحدي ما نوصل هدفنا .
▫️القراية من المراجع الكانت بتتشاف صعبة وتقيلة ؟!
حتبقى ممكنة، واضحة، ساهلة و أضمن كمان ✅.
لو انت:
👩⚕️ طالب جامعي pre-graduate
👨⚕️ هاوس مان بتجهز لخطوتك الجاية.
أو حتى GP بتحضر لإمتحانات التخصّص 🎓
يبقى الكورس ده بهمّك !
✦ مميزات الكورس :
🖥 قناة خاصة تضمن ليك الإستفادة من المحاضرات مدى الحياة .
🗂فهارس لتقسيم المنهج وتنظيم المحاضرات.
🗺خريطة رحلة توريك منهجنا ماشي كيف!
⏱تقسيم الدروس لمحاضرات قصيرة لضمان التركيز والفهم.
📚مصادر جاهزة تقرا منها.
🚦وأسئلة نهاية كل شابتر محلولة√.
💡 يعني بالعربي كده:
ما حتشيل هم الأوبس بعد اليوم♥️.
" القراية البتخوّف، ح تبقى أخفّ وأمتع ،والمراجع التقيلة حبقى سهلة الهضم".
📌 الفرصة متاحة ليك
تقدر تبدأ رحلتك معانا وتكون جزء من الجيل الجاي البيدرس بذكاء بدون مجهود كتير لكنه مُثمر في نهاية المطاف.✨
للإستفسار:
واتساب: +249997486454
تلغرام: t.me/Tanzeel99
🔻كل المحتاج تعرفه عن الكورس:
/channel/ThirdyearExams/3209
🔻محاضرات تنويرية مجانية:
/channel/tanzeelmedicine/11
🔻الخطة الدراسية للكورس :
/channel/tanzeelmedicine/26
🔻قناة الكورس على واتساب :
https://whatsapp.com/channel/0029VbAnaRSCHDymC8ETQO3h🔻كتالوج لآراء الطلاب والريفيوهات:
https://wa.me/c/249997486454#ماراثون_النساء_والتوليد.
#يلا_نزبط_الاوبس.
Читать полностью…
رِوايات سُودانية🪐🤎!)"
19 October 2025 20:24
« فاقدُ الشعورِ يُعطيه ،كأنه يخشى
أن يزيد أمثاله في هذا العالم. »💙
" الجملة دي صادفتني مرة، وحسيتها لمستني شديييد..
حسيت وقتها زي الزول لم ياخد ليو خبطة في دماغوا فجأة، ولقيت روحي برجع اتزكر اول مرة لم قررت اعمل قناة ف التلقرام تكون ك مدوّنة شخصية أكتب فيها احاسيسي واعبر فيها عن الحاجات ال كنت دايماً بترجمها بالكتابة من انا صغيرة ، زماان كان عندي دفتر كبير كدا مميز شدييد، وللان أنا ومحتفظة بيهو طبعاً، انتو عارفين انو لدرجة أني مدياهو إسم😂!! ايوة عدييل كده انا مسمياهو( كريم)، لانو دايما كان كريم معاي، كريم لانو دايما كان مستعد يسمعني، ويشيل خوفي ووجعي بين صفحاتو💙 بس دايماً كان نفسي (كريم) ده يكون بنيادم على أرض الواقع..
كنت كلما بضايق وبزعل بجري عليهو، كان زي" الملاذ "، كنت وحيدة بالجد. أنا بعد فترة طويلة شديد يداب فهمت مفهوم الأصحاب ده،
كنت بكتب فيهو الخواطر بتواريخها وأيامها، م فكرت في يوم أتخلص منو، و متأكدة انو ماف زول عارف عنو شي او عن مكانوا اللي مخبياهو فيهو.
أنا كُنت مترددة ومتخوّفة في البداية من فكرة أني أشارك مشاعري مع غيري، انا عمري م كنت بعرف اشكي أو احكي عن نفسي كتير، دايما زعلي كنت بخبيهو، و بتصنع القوة والقسوة بس عشان ضعفي م يظهر لزول، احساس الشفقة عمري ماحبيتو، يمكن لأني اصلا م اتعودت عليهو.
بس لم بقى الحلم واقع، وبقيت "صانعة محتوى " وبديت مشروع الكتابة بالجد وبقى عندي قناة و متابعين ، وأول اسم كان خطر في بالي للقناة حقتي هو (فضفضة)، لانو دي اكتر حاجة كنت محتاجاها بالجد، بس بعداك حسيت انو الفكرة بقت تقيلة..!
حسيت أنو منطقي جداً رفضي لفكرة طرح بوستات كئيبة تحكي عن حالي، لا حتقدم لي شي ولا حتنقص شي، بس كانت حتفرق مع" المتابع " و "القارئ " م كان ح يهون علي أني أكون سبب في أنو كلامي يأثر في انسان بدأ يتجاوز في حاجة كانت صعبة عليهو، وفجأة بسبب بوست _اتكتَب من غير وعي_ يرجع خمسين خطوة ورا..
م كنت حابة أضيف زعل على زعل زول، ولا تكون لي يد في شعور سيء يُخالج "قارئي" في لحظة.
لأنو انا كنت إنسانة فاقدة للاهتمام، للصُحبة وجبر الخاطر وحاجات كتيرة، لقيت أني عندي قدرة أقدم اي حاجة كنت فاقداها بزيادة، وبكل رضا كمان.
حقيقي عمري م بتمنى زول يمر ب تجاربي، ب الناس ال مريت بيهم، بالعلاقات الفاشلة، بأشباه الأصحاب، بالتنمر، الإحباط، الخذلان وعدم التقدير.
ودايماً، دام أني قادرة أقدم كلمة حلوة تجبر بالخاطر، وأقدم مساعدة واهتمام ح أفضل أقدم وأمنح بسخاء، وأنا عارفة الحاجات دي كلها بتزيد لي رصيدي.
وفعلاً المقولة دي كمان بتمثلني 100% :
« كُل نورٍ تتركه داخل أحدهم يُضيئُك. »✨
فابس يعني..
صح أنو لكل زول حريتو الشخصية، وكل صاحب قناة ليهو الحق ف أنو يحدد شكل قناتو ومحتاواهو، انت ك " متابع " مهما حياتك كانت كعبة و مهما كانت الأحزان المحاوطاك، حاول تفتش عن محتوى كويس يكون ليك مُعين عشان تتخلص من سلبياتك ، فتش عن أي حاجة ممكن تديك أمل وطاقة ..
احشر نفسك بين المتفائلين والإيجابيبن، وغذي روحك بنفسك، وفقدك ل حاجة معينة أو شعور معين، دا سبب كافي يخليك " انسان مُعطاء "، وتطبق نظرية :
« فاقد الشئ يعطي بكثرة. »💙
أبقو عافية بالله :)
#سلام_لقلبك.
#تنزيل_صابر.
Читать полностью…
رِوايات سُودانية🪐🤎!)"
17 October 2025 21:40
م بعرفه الا محبين سبيستون🤍🌝
Читать полностью…
رِوايات سُودانية🪐🤎!)"
17 October 2025 21:36
مساء الخير الصاحي منو ♥️🌝
Читать полностью…
رِوايات سُودانية🪐🤎!)"
17 October 2025 08:28
أردفَت وهِي تُشيرُ ناحيَة الفتاة:
« رأيتُ هذهِ الفتاةَ تُوقف سيّارتها أمام المسجدِ وتتّجهُ نحوه وأنا على وشكِ الدخُول إلى البقّالة، كانت تُحاول التقرّب منهُ بطريقةٍ غير لائقـَة، وخصُوصًا أنّها فِي الشارع ولائحاتُ الشروط تُعلّق فِي كُلّ مكان، بالطبعِ لن يتساءلَ شخصٌ عن هذا الموقف فهُو طبيعيٌّ حتَّى الآن ولن يكترثَ شخصٌ للقاءِ فتاةٍ بشاب، كما يبدُو.. لكنّ المُثيرَ فِي الأمرَ حِينما صرخَت باسمِ التـ.حرُّش، هرعَ الجميعُ لنجدتها وأُلقيَ اللومُ على الشاب، هَل فكّر أحدكُم لمَ أوقفَت سيَّارتها أمام مسجدِ الصلاةِ بالتحدِيد؟.. ولمَ لم يأبهِ الجميعُ لنداءاتِ رفاقهِ من خلفه؟ والأمرُ الذِي يجعلنِي أكثرَ حِيرة، كيفَ رآها وهُو لم يرفع نظرهُ عن الأرض؟»
صاحَ أحدُ الرجالِ مُجيبًا:
« يبدُو هذَا منطقيًّا، ابحثُوا فِي سيّارتها رُبَّما كانت ثملَة أو ما شابه.»
كانَ لطلبهِ إستجابةٌ سريعةٌ من قبلِ النساءِ اللائِي وجدنَ زُجاجةَ نبيـ.ذٍ داخلَ السيَّارة، رُغم إقسامها بأنّها فِي كاملِ وعيهَا لكن لم يأبه لهَا أحدٌ، وسطَ اعتذارات الجمِيع لهُ، أخفضَ بصرهُ إلى الأرضِ وقالَ بصوتٍ مُتردّد:
« جزاكِ اللهُ خيرًا.»
قبلَ أن تُجيبهُ جاءهُ نداءٌ من الخلفِ باسمهِ:
« سِنااان، الحمدلله إتفكّيت من المهزَلة دِي.»
خفقَ قلبهَا بقوَّةٍ عندَ سماعِ اسمهِ، غادرت دُونَ أن تردّ على عبارتهِ الأخِيرة، فقط زفَرت أنفاسها بارتياحٍ وكأنّ حملًا كبيرًا سقطَ من عاتقهَا ...
...............♡.................
<< السُودان - العاصِمة>>
<< الساعةُ الثانيَةُ بعدَ مُنتصفِ الليل>>
حيثُ هدأَ الحيُّ إلَّا من أنفاسِ الأشجارِ وصفيرُ الرِيح، ترجَّل من على متنِ سيّارتهِ السودَاء، ينغمسُ جسدهُ كاملًا فِي السوادِ، برفقةِ رِجالٍ مِسخٍ يتوشّحُون السوادَ مثلهُ، توجّهَ بأنظارهِ إلى المنزلِ أمامهُ، حيثُ يشتعلُ الغضبُ فِي عينيهِ كُلّما رأى ذلكَ المنزل، تأكَّدَ من خُلوِّ الطريق ثُمَّ أشهرَ سلاحهُ، قالَ لرجالهِ بصوتٍ خفيض وعميق:
« ابدؤوا»...
طوَت سجَّادتها بعدَ إقامَة الليلِ أخيرًا واتّجهت للغُرفةِ، لكنَّ الخوفَ والتفكيرَ ما زالَا يتملّكانها، لماذا يفعلُ "يزن" ذلكَ؟
لمَ يُحاول مُساعدتها على استعادةِ ذكرياتها؟
أهٕل لأنَّ لهُ شيئًا يخصُّه في الأمَر؟
ولكن...
قبلَ أن تخلعٕ عنهَا إسدالَ الصلاةَ، بدأ دويُّ رصاصٍ كثيفٍ يتناهَى إلى أذنها، ولم تشعُر بعدهَا إلَّا بمطرٍ من الرصاص ينهالُ عليها من كُلِّ صوب، صرخَت، وصرخَت بأعلى صوتهَا، حتَّى أُصيبت بأحدِ الرصاصات، وتهاوَت على الأرضِ ودمهَا يكادُ يُغرق المكانَ من حولها...
...............♡.................
يُتّبع ...
{ اللَّهُ يَبْسُطُ الرِّزْقَ لِمَنْ يَشَاءُ وَيَقْدِرُ وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ }.
Читать полностью…
رِوايات سُودانية🪐🤎!)"
17 October 2025 08:28
عقبَ تأديتها لصلاةِ الفجر، أطفئت شاشة التلفازِ ووضعت جهازَ التحكُّمِ على "الكمُودينة"، امتنعت عن رغبتهَا الشديدةِ بالبُكاءِ ونزعت مقبضَ الشعرِ عن رأسها، مضت نحوَ ساعتينِ على جُلوسها فوقَ طاولةِ العنايةِ بالبشرة، وأخيرًا أشعلت البخُور وجلسَت تقرأ كتابًا اقتنتهُ من مكتبةِ الفندق، تُريد أن تصرفَ عنها وساوسَ نفسها، التفكيرُ المُفرط بشأنِ الخلاف بينها وبين زوجهَا، لم تتوقَّع مرُور يومينِ بهذهِ البساطةِ دُون أدنى مُحاولةٍ منهُ لـ إرضاءها وحلِّ الخلاف بينهمَا، دُون أن يُحاول تفهُّم مشاعرها، كُلّ ما يفعلهُ هُو الاستيقاظُ والخروجُ باكرًا، والعودةُ مُتأخِّرًا إلى الشقّة، انزلقَت دمعتها دُون إرادةٍ منها، ولكن سُرعانما صدّتها وعادت تقرأُ الكتاب، لكن صوتُ البابِ عاد ليشتّت انتباههَا عندمَا فُتح.. كان زوجها الذي بدت عليهِ علاماتُ الإرهاق:
« صباح الخير.»
انتابها القلقُ حولَ تغيُّر ملامحِ وجههِ، لكنّها حاولت أن تظلَّ هادئةً:
« صباح النُور.»
لم ينبس بكلمةٍ أخرى، توجَّهَ إلى الحمّام "أكرمكم الله." ووقفَ تحت الدُشّ، بينَما قامت بالدردشةِ مع صدِيقاتها، تشعرُ أنّها فِي سجنٍ تضيقُ حيطانهُ شيئًا فشيئًا عليها، فجأةً شعرت بيدٍ تتوسَّط ذراعها وتشدّها من مكانهَا:
« كفاية جفا، الليلَة لازم نحسم الموضُوع دا.»
قالهَا وهُو ينظرُ فِي عينيهَا بقوَّة، حاولت الفكاكَ منهُ والمُزاوغةِ عن مُواجهتهِ:
« علي، وجَّعتنِي فكَّني.»
أمسكَ وجهها بينَ يديهِ وقال بضعف:
« أرجُوكِ يا مارَال، الحياة دِي ما حَ تمشي بالطرِيقة دِي.»
أدمعت لواحظها وهي تنظرُ إليهِ وتقُول بعتاب:
« وقت أنت عارِف إنّهُ الحياة ما حَ تمشي بالطرِيقة دِي ليه ما حاولت تتفهّم شعُوري وموقفِي؟»
« أنا آسف.»
« آسف ما بتحلّ القضيَّة يا علِي.»
« طب أنتِ عايزة شنُو عشان ترضِي؟»
أبعدت يديهِ عنها:
« عايزة شنُو؟ وبعد دا كُلّه؟ واصِل حياتك عادِي زي ما كُنت عامِل، لحدِّ ما نرجع السُودان.»
« أواصل حياتِي كييف وأنتِ بقيتِ محور حياتِي وجُزء كبير منها حاليًا، فاكرانا بنلعب أنتِ ولا ناسيَة؟»
أمسكَ يديهَا وأردف:
« مارَال، أنا فاهِم إنِّي غلطت وما واعِي لحجم الغلط يمكن، لكن أنتِ كمان قفلتِ كُل الأبواب قدّامِي واحتار بي الدليل أعمل شنُو؟ شُوفِي واللهِ كُل الموضُوع الكُنت بكلِّم فيهُ دِينا عادِي جدًّا، كانت بتكلِّمني بخصُوص أبوها وأنتِ عارفاهُ مريض.»
« طب وأنت بتضحك معاها ليه؟ عجبًا فِي الموضُوع برضهُ؟»
« وقت أنتِ طلعتِ كُنت بتكلَّم مع أختي وكانت جنبها، وهِي ذكّرتني بموقف كدا من الطفُولة ما كُنت شايف إنّهُ دا وقتهُ.»
« وأبُوها كيف؟»
«الحمدلله، إتحسّن كتير.»
اومأت:
« الحمدلله.»
أردفت بعد وهلةٍ من الصمت:
« علي، أنت غلطت فِي شيء واحد بس، أنا كأيِّ مرأة عاطفتِي مُمكن تجرَّنِي أعمل حاجات ما عقلانيّة أو منطقيَّة أحيانًا، لكن التجاهُل ما حل وأنت تجاهلت موقفي، المرأة مُحتاجة تتفهم، مُحتاجة تحس بإنّهُ شعورها غالي عند زوجها أو شريك حياتها، أنت فاهمنِي حاليًّا صح؟»
« طيِّب ما أنا حاولت أشرح ليك.. لكنِّك كُنتِ قافلة كُلّ السُبل.»
هزَّت رأسها بتفهُّمٍ:
« طبيعِي بعد ما أنا شُفتك تجاهلت موقفِي فِي أوَّل مرَّة.»
« صدِّقيني، أنتِ شعُورك أهمَّ من أيّ شيء تانِي، أنتِ كُل شيء بالنسبة لي يا مارَال.»
ابتسمَت بخفَّة:
« طيِّب.. سامحتَك عشان أنا زولة طيِّبة.»
« وأنا القلبي أسود وشرير فِي الحكاية صح؟ أممممم.»
« لكن شرِّيري المُفضّل.»
رفع حاجبيهِ وأمَال رأسهُ بحركةٍ طريفَة:
« مدح أشبه بالذم.»
ضحكَت:
« طيِّب أنا عايزَة أعمل نيسكافيه.»
« ما نطلب!»
« لأ.. عاوزة أعملهُ بإيدي.»
قبَّل رأسها وأمسكَ وجهها بينَ يديهِ:
« عايز أتعلَّم لو سمحتِ.. مُمكن؟»
وضعَت يدهَا على يدهِ:
« أرح.»
تشابكَت أيدِيهما فِي طريقِ الذهابِ إلى المطبخ، وتعالت ضحكاتهما المنثورةِ بينَ طيَّاتِ الأُنسِ الطوِيل كأنَّ شيئًا لم يكُن ...
...............♡.................
<< السُودان - العاصِمة>>
أطلقت تلك الطفلةُ نظراتها المذعُورةَ فِي جُدرانِ الغُرفة البيضاءِ التِي حولها، وضعت يدهَا على أحدِ تلك الجُدران، وكأنَّها تجسُّ نبضَ المكان، لكن لا صوتَ هُنا إلَّا صوتُ أنفاسها، نظرت إلى جسدها المُرتجُّ مثل قطعةٍ هلاميَّةٍ، جبينها المُتعرّقُ وأسنانهَا المُصطكَّةُ ببعضها، لا تكادُ أوصالها الصغيرةُ تتماسكُ من شدّةِ رُعبها، فجأةً شعرت أنَّ جسدها الصغيرَ اصطدمَ بساقيِّ جسدٍ ضخم البنيَة، رفعَت ناظريهَا لتجدَ رجُلًا قاسيَ الملامح، يحملُ فِي يدهِ كِيسًا وبعضَ الدُمى، تراجعت إلى الخلفِ وهي تُمتم:
« أنت م.. مين؟»
انحنَى عليهَا ومرَّرَ يدهُ برفقٍ على رأسها:
« أنا عمُّو قيس يا حُلوة.»
هزَّت رأسهَا بسُرعةٍ تعبيرًا عن الهلعِ الذِي يُراودها:
« عايزَة ماما، طلّعني عايزَة ماما.»
Читать полностью…
43499