3962
قناه خاصه لنشر قصائد المجالس الحُسينيه _ _ _ التواصل مع ادارة القناة على المعرف @aliiisd .
طفله بعد ابوهه
للسبي خذوهه
عافت امان احضانه
ركبت هزل عدوانه
رقيه
***
ويلاه على ال المصطفى شلون ايام
وطفلتهم بظهر الهزل تعب اتنام
الـ من حضن زينب طلعت لنار اخيام
لو خارجيه صدگ .. وين الاسلام؟؟!!
الجمر تسحگه
والنَفَس تشهگه
من البچي تعبانه
ركبت هزل عدوانه
رقيه
***
ذبلانه روح وگلب واشفاف وعين
احنيّن وعالحنيه علمهه حسين
السوط وابچفهه الحبل تشكي اثنين
حزن الدهر شايلته ام ثلث اسنين
يا صُغر عمرهه
ويا كُبُر جمرهه
موت الورد ذبلانه
ركبت هزل عدوانه
رقيه
***
رقيه بمسير النوگ درب التمشيه
البيه ما يندل السوط ايدليه
اگبال الضعن يمشي رمح واتباريه
بيه نحر دامي واثنعش طبره البيه
شما اله اتّدنه
وجه ابوهه چنه
بايگ السيف الوانه
ركبت هزل عدوانه
رقيه
***
بدرب السبي اتحاچي رمح فوگاه راس
ترضاهه طفله بالحوافر تنداس
اترد وتسأله ما شفت بين الناس
فارس وبيده الجود واسمه العباس
ننطره يجينه
ما سمع بچينه
گله البقت عطشانه
ركبت هزل عدوانه
رقيه
***
اترد اعله زينب تصد تسألهه ابآااه
هم والدي يرد عمه اريد اتلگاه
ومن اتشوف دمعه بجفن زينب تنخاه
"مَن لليتامى يا أبا عبد الله "
طِفلِتَك غرييه
تشتكي المصيبه
بدرب السبي حيرانه
ركبت هزل عدوانه
رقيه
***
ارقيه وگلبهه اشكثر شايل آهات
ووسط الخرايب گعده يا وسفه اتبات
اعيون البراءة اتشوف عين الشمات
اتصد راس ابو اليمه اعله باب الساعات
نظرة الشماته
موتت بناته
الشام اعتنت فرحانه
ركبت هزل عدوانه
رقيه
***
فوگ الهزل وابلا غطه ممشه النوگ
اتصد الحجار ابأيدهه بطبة السوگ
ومن السهر لحظه الجفن ما مطبوگ
ورقيه ثوب وجدم دامي ومحروگ
من بعد أهلهه
ما طول اجلهه
مات الگلب باحزانه
ركبت هزل عدوانه
رقيه
***
الشاعر سعد هادي الشمري
ميمر كربلائي للإمام السجاد عليه السلام
.
.
داس الجمر عاش اليسر
وبـدمـعِـتــه گضّه العُمُر
ليلة امصاب السجاد ليلة حزن هالليلة
***
عاش العمر آه ومصاب وونه
وذبلن ايامه بنار صبره وحزنه
عاين ذبح سيد شباب الجنه
الليلة الجفن جاري ونوّن
ليلة علي ليلة حزن
حزن السبي الليلة انعاد دمعة ألم تجريله
***
ما ندري يا ليله الاشد والتقهر
ليل السبي لو ليلة السَم اكثر
من يا حزن چبد الامام اتفطر
ياهي الأهم واكثر ألم
سم الچبد؟ شتم الحرم؟
لو للبديهه الاصفاد واعله الهزل تشكيله
***
معذور للسجاد دمعي لو هَل
لو عطش لو سم چبدته اشتتحمل
وما ندري ياهو البلألم چان اول.. ؟
حبل السبي اعله ابن النبي
لو سوط بمتون العبي
همه اعله يا موقف زاد وانهتك بيمن حيله
***
وعن العليل الزمن لتنشدونه
العاين علي الاكبر برمحه شلونه؟
والشايف العباس ماكو اعيونه
واليضهده خيل العده
وذرت جثة والده
ويلاه الگلبه الما هاد عين الحجر تبچيله
***
ليلة استشهاد الامام الصابر
مو هاي نتعذّرك يابو الباقر
مليون موته متت يوم العاشر
ماظن عشت لمن شفت
سبي الحرم رأسن متت
انرض جسم الحسين وباد واتصد اله ابلا حيله
***
سعد هادي الشمري
#وا_حسيناه
#يا_ابا_عبدالله
.
.
الـحـزن بـيّـه مـصـاب حسين .. فجره
كِـسَـر عَـبـرِتـي وعالخـد دمـع .. فجره
مُـحـَــــرّم عـاشـــره لا طــلــع .. فجره
بـــي يــنــمـــرد گــلـــب الــفــاطــمــيــه
ـــــــــــــــــــــــــــــــــــــــــــــــــــــــــــــ
(١)فجّره (٢)نزّله (٣)الفجر
سعد هادي الشمري
#ليلة_الوداع_
#الحسين_ع_
.
.
يـروحـي للـمــوادع نــــــار .. شيبي
وگلبـي الحـزن ماظن عاف .. شي بي
يمشطه چـف رقـيـه اليـوم .. شيبي
بـثـَـرى بـاچـــر تـجَــعــده الاعــوجــيــه
..
سعد هادي الشمري
مجلس الحسين
. اذا اردتَ الـخــيــرَ دومـــــــاً
فاعتني الىٰ مجلِسِ الحُسين
*---------------*---------------*
مـن تـثـگـل مـحـنـتـك امـشـيـلــه بـدمـعـتـك
و خـل تسبيحِتَك دوم يـحـسـيـن بـكـلـمـتـك
حـبــه وذكـره رحـمــه و حل كل شـده باسمه
الخير بذكر الـحـسـيـن حـــزن الــزهــره امــه
وحـب ابــن الــزچـيــه الــراحـــة الابــــديـــه
تـاريـخ الـشـجـن صـار يـــوم الــغــاضـــريـــه
اذا قــســىٰ دهـــــرُكَ يــومــاً
فاعتني الىٰ مجلِسِ الحُسين
*---------------*---------------*
وضّـي بدمعـه عـيـنـك واحـچـيـلـه بـونـيـنـك
اشما كـثـرن هـمـومـك يسـمـعـهـن حُـسـيـنـك
بـاب الـجــنـــه بــابـــه وطـاب الـشـم تُــرابــه
حــزنــانـــه الـمــلائـك واتــنــوح لْـ مُـصــابـــه
وحـي رب الــجــلالـــة بـالـمـجـلـس بـچــالـــه
ينعى مصابـه جـبـريـل والـمــقــتــل قــــرالـــه
إن ردت أجر الوحي فاسعىٰ
فاعتني الىٰ مجلِسِ الحُسين
*---------------*---------------*
لـچـمـتـنــه الـچـبـيــره الاولــــى و الاخـــيـــره
سِــر دمــعــتــنــه والآه حـسـيـن وماكو غـيـره
ومــن يـتـكــاثــر الـهـم ولـ عـــيـــالـــه اتّـــألــم
اعـيـالـك لِـمْـهُــم بــ آه ابـيـتـك ســوي مــأتــم
وطبـع الـحَـب حـبـيـبـه مـن زغــره لْـ مـشـيـبـه
شـمـا مَر ذكـره بـالـروح عـرّج عـالــمــصــيــبــه
إن ضـاقـت الــدُنـيـا عـلـيـكَ
فاعتني الىٰ مجلِسِ الحُسين
*---------------*---------------*
لـلـمـجــلــس تــعــنـــه وعـيـش الـدنـيـه ونّــه
اهـنــا لـلانـبـيـا عــيــن طـلـبـت دمــعــه مـنّــه
وعـرش الله بـنـحـيـبـه يـشـارك هالـمـصـيـبـه
تـتــلاگـــه الــعـــوالـــم بهالـبـقـعـة الـعـجـيـبـه
قـطـعـه ومـن جـنــانــه الـهــه الـلــه هـــدانـــه
و عِد خـدام الـحـسـيـن خــــلاهــــه أمــــانـــه
إن هــزكَ شــــوقُ الـحـبـيـبِ
فاعتني الىٰ مجلِسِ الحُسين
*---------------*---------------*
فـي مـجـلـس إمـامـك خَـل دمــعــك سـلامـك
هنا تلگـه ام الحـسـيـن بــالــمــأتـــم أمـــامــك
اليبـچـيـلـه الحـجـر دم لأحــــزانــــه تـــحـــزّم
وعيش مْصابه كل يوم چـن عــشــرة مــحــرم
حــزن الدنـيـه والـديـن لـچـمـه بگلب السـنـيـن
تـتـعـنــه الــرسـل لـيــه لمن مجـلـسـه ايـحـيـن
لو رُمتَ قصـراً فـي الـجـنـانِ
فاعتني الىٰ مجلِسِ الحُسين
*---------------*---------------*
✍️خادم الحسين ع
الشاعر سعد هادي الشمري
نعي
لسان حال السيدة زينب ع
. لاگـيـت بـالـطـف كـل الإرمــــــاح
بلكي اشم عطـرك بـيـهـه وارتـاح
ما طلع صوتي اشـگـد هـظـم لاح
صـــــارن مـدامـع كـل الٱصــيـاح
*---------------*---------------*
خويـه وجمالك ويـنـه شـو ضـاع
اعيونك وموش اجروحك اوساع
حـطـيـت چـفـي بـچــفــك اوداع
شو منهه ظل اصبع عـلـى الـگـاع
*---------------*---------------*
والـصـار بـاخـتـك والله مــا صـار
مـن شـفـت راسـك بـالــرمــح دار
من النـار شـردت خـويـه الٱزغــار
ظـهـريـه ســوده والـشـمـس نـــار
*---------------*---------------*
كـل الــرمــل نــحــرك امــدمــيــه
هلگـد تـعـافـه الـخـنـجـر إشـبـيـه
حـتـى السِلم من جـسـمـك ادريـه
الما لاحـه سيف الشمس تـچـويـه
*---------------*---------------*
هيه الخيام اشبيهـه.؟ خَ اتطـيـح
لــو فـاگـده لـو ثـكـلـه واتـصـيـح
بـرمـاحـهـا ( انـحـور الـمــذابـيـح )
تـهـتـز شـجـر مـتــوسـط الــريـح
*---------------*---------------*
ولو تدري وجهك عنهه مـن غـاب
إشودّه بـ رقيه افراگـه واشـجـاب
خويه الـشَـعَـر لازگ عـالـحـجـاب
جرح التـراچـي لـهـسـه مـا طـاب
*---------------*---------------*
الـلـــهُ اكــبــر ويــــن الاســــــلام
يــغــفــه بـمـنـيـه الــرايــد يــنـام
السهـم اشـلِـگـه بالـمـا كِـمَـل عـام
صــــوت الـدلـلـو هـــد الٱخــيــام
*---------------*---------------*
✍️خادم الحسين ع
الشاعر سعد هادي الشمري
البيت الشيعي
. ابيوت شيعتكم علت راياتهـه
و سنه العين اتجمّع بدمعاتهه
*---------------*---------------*
يا ابيوت الله اعله ثـار الله الـحـزن
الشيعه دمعه والارض صارت جفـن
الضحكه عيب وللسبط مكسور سن
بـخـيـزران ابـن الــرجـس واهـاتـهـه
*---------------*---------------*
يـا بـنـي الــزهـره بــده تــوّه الألـــم
اگلوبنه طـاحـت لـمـن طـاح الـعـلـم
هـاي نـار الـشـيـعـه مـو نـار الـخـيـم
حــومــرت بـصـدورنــه جـمــراتـهــه
*---------------*---------------*
شلون نهـنـه بـعـيـش يـا آل الـنـبـي
امكدّرين . اصغارنه وعـگـل وعـبـي
ابـيــوتـنـه مـگـلـوبــه تـل الـزيـنـبـي
بـيـا حُــســيــن اتـردد احـچـايـاتـهـه
*---------------*---------------*
الخيم ، لون ارمادهه انلبسه ابـقـهـر
وننسـبـي كل مـا يـمـر حـادي عَـشـر
الهظم نبله واحنه چـن جود الـگـمـر
تــبــدّيِــنــه بـالـحــــزن رمـيــاتــهــه
*---------------*---------------*
مـن سَـنـه لأخـره نـجـمّـعـلـه بـچـي
حسينكم حزنه اشيوصفه يـا حچي
الطاح واعله اسهام صـدره ينتـچـي
الــروح مــا تـگـطـع عـلـيـه ونّـاتـهـه
*---------------*---------------*
عدنه غيض اعله النهر عمره طـويـل
وموش ماي الدمـع وزّعـنـاه سـبـيـل
يشب جيل ويلگه ذمّه اموّصي جيل
ويـه الــزمـن يـبـقـه ألـم حـسـراتـهـه
*---------------*---------------*
الشيعه لـو بـالـعـاشـر ونـاعـي نـعـه
اگلوبهه وچـف الكـفـيـل امـگـطّـعـه
اجفونهه من الدمع چنهه المشـرعـه
امـذبّـحـات احـلامـهـه وعـبــراتـهـه
*---------------*---------------*
✍️خادم الحسين ع
الشاعر سعد هادي الشمري
الليلة الأخيرة
. گضت ويـاك بـس هالليلة يـحـسـيـن
انتلاگـه بـالـسـبـي بـعـد الـصـواويـن
بـرمـح راســك تـعـلّـه وانــــه بـنـاگـه هـزلـه
*---------------*---------------*
الـ يزينب لو گلتهـه يـروح هـمـي
انه بصوتك اريد اشبع من اسمي
مِـد چـفـك ابـچـفـك ريـحـة امي
عَمدهه، ولو رحت توگع اخيمّـي
باچر ثار تاخذ من علي اعداك
وحوافر خيلهه ايبللهن ادمـاك
اذا داســك الـحـافـــر تطـيـح اخـيـام بـاچـر
بـاچـر مـن عـسـا لا شـافـتـه الـعـيـن
*---------------*---------------*
عسـاه هالليل مـا خـلّـص ظـلامـه
شنسـوي بـصـبـح ذبـح الامـامـه؟
تـــروح وادري مـتـرد بـالـسـلامـه
و الـمـدلـلـهـن ايـصـيـرن يـتـامــه
يبو گلب الحنين اشحال گلبك
باچر عالرمل لو بيـدي اگـلـبـك
امــوذريــنــك امــيــه اعله رمل الـغـاضـريـه
يـبـن امــي ادور خــنــصــرك ويــــن
*---------------*---------------*
النهيبه الما تصح مـنـهـه نـهـيـبـه
مهر الـمـوت الـك بـاچــر اجـيـبـه
البسمهه اتلوذ مكه وأرض طيـبـه
بـس الـيـوم . مـن بـاچـر غـريـبـه
الكوفة تعرف اسمي اشبي مهابه
اطبهه اشلون واگعـد بـالـخـرابـه
انه اهل البيت اهلـهـه الـمـا مـشـيـوف ظلهه
ويبو اليمه صعـب طـبـت الـدواويـن
*---------------*---------------*
اذا صَـبّـح صُـبـح عــاشـر مـحـرم
بس صوت البچي يظل بالمخـيـم
يرد ملوي سـرج مـيـمـونـك ابـهـم
و بناتك يالـغـريـب اعـلـيـه تـلـتـم
وانه الذابحـتـنـي يـبـو الاكـبـر
وصية امي اشمك على المنحر
ابمكان السيف اشمك انه الـوصـتـنـي امـك
تــــدري يـفـيـض دمـك بـالـمـيـاديـن
*---------------*---------------*
وداعك لو خلص يحـسـيـن لـيـلـه
تـباعـدنـه الـجـراحـات الـثـگـيـلـه
وبدروب السـبـي ذيـچ الـطـويـلـه
ألاگـيـك بــرمــح وآنــه بـهـزيــلــه
گضت وياك عشرتنه الحنينه
واحد خله الاخر وسط عينه
اذا اتـفـارگ خــواتـك تظل بــس ذكـريـاتـك
السبي وذبحك بروحي عايشه اثنين
*---------------*---------------*
گضت وياك عِشره شلون عِـشـره
الجفن شينشّفه وگلبي اشيصبره
العمه اتمناه الشوفي ومـا انـظـره
صدرك من تدوسه اخيول عشـره
والرزيه الما تصح منهـه رزيـه
وساده امسوي رمل الغاضريه
قصدهـم يـذبحـونـك اذا يـسـتـوحــدونــك
وساعـتـهـه اجـيـب الـكـافـل مـنـيـن
*---------------*---------------*
✍️خادم الحسين ع
الشاعر سعد هادي الشمري
يا باب نجاة الأمة
. ما غاب دمعك وانتـه بـالـعيـن
يا بــاب نجاة الامة يـحـسـيـن
*---------------*---------------*
عــذراً يـا سـفــيـنـة نـــــــوح الـف عـذراً
وطـوفـان الــرزايـه امـواجـه خـل يـعـلـن
سفينـتـنـه الـحـسـيـن وگـلـبـي بـيـه أمّـن
يـا سـيـد شـــبـــاب الـجــنــة الـك شـكـراً
اسبـاب حبك يـالـسـبـط دِيــن
يا بــاب نجاة الامة يـحـسـيـن
*---------------*---------------*
مـا ابـچـيـلـك شـلـون ودمـعـتـي احـبِـس
وعلى وسط العرش منصوب الك مجلس
يـالـمـعـلـمـنـه نُـصـلَـب والــوفـه انـأسِـس
ردتـنـه انـصـيـر مـيـثـم مــو ابـو مُـفـلـس
بـتـراب خطاك انحني اليديـن
يا بــاب نجاة الامة يـحـسـيـن
*---------------*---------------*
فـتـحـنـه اعـيـونّــه بـحـبـك لـمـن صـرنـه
وتـغـذيـنـه غــرامــك وي حـلـيـب امــنــه
بضمايرنه الرفـض ويـصـيـح ذولـه احـنـه
لأنــك عـشـت يـحـسـيـن بــضــمــايــرنــه
محراب اسـمــك لـلـمـصـلـيــن
يا بــاب نجاة الامة يـحـسـيـن
*---------------*---------------*
اختـصـر رب الـجـلالـه بـوجـهـك الـرحـمـه
ونِــزَف فـــوگ الـسـمـه مـو عـالارض دمـه
تــزيــدك عـلـو اجـروحـك يـا أبــــو الـيـمـه
وطحت مـو عـالـتـرب لا طـحـت عـالـقـمـه
لــهّــاب جمر الحزن كل حـيـن
يا بــاب نجاة الامة يـحـسـيـن
*---------------*---------------*
بَـوصـلْـة الـضـمـيــر اسـمـك يـبـو الاكـبـر
ونـهـر الـعـسـل بـالـجـنــه ابــدونــك مَـــر
شـمـا يـبـعـد الـشــي عـن الـنـظـر يــزغــر
بـس انـتـه الـوحـيـد ٱويــه الـبُـعـد تـكـبـر
ماطاب جرح بُـعـد الـمـوالـيـن
يا بــاب نجاة الامة يـحـسـيـن
*---------------*---------------*
العشره اخـيـول صـدره واثـنـعـش طـبـره
بـگـفـاه، ومــــا غـفـل عـن زيـنـب بـنـظـره
هذاك انـتـه الـچـبـيـر الـمـا أدري اشـكـبـره
حـشـاك اتـعـوف خــادم بــاع الـك عـمـره
بخضاب الدمع خضب الجفنين
يا بـــاب نجاة الامة يـحـسـيـن
*---------------*---------------*
✍️خادم الحسين ع
الشاعر سعد هادي الشمري
هلال الحزن
. هَل شهر ابـو الـيـمـه و هـلـت احـزانـه
لدمع ساقي العطاشه عيني عطـشـانـه
*---------------*---------------*
إلـطـمـوا اصـدور وابـچـولـه يـخـدامـه
سليب حسين عـالـغـبـره بـلا اعـمـامـه
طاح احـزام ظـهـره امـصـوب الـهـامـه
وعلى ابنياته حرگـوهـن تـره اخـيـامـه
تـتـشـمـت بـ زيـنـب صـفـت عـدوانـــه
*---------------*---------------*
سحگوا جسم ابو اليمه عـلـى الـغـبـره
وگـلـب ابـن الـزچـيـه طلع مـن ظـهـره
الصـدره انطحن بيمن يـنـجـبـر كـسـره
و رد للخـيـم دامــي ويـنـتـحـب مـهـره
المهر ملوي السرج رد فــــارغ امـچـانـه
*---------------*---------------*
اوصـيـكـم يـظـل جـفـن الـنـظـر دامـع
ويظل مجلس حسيني البيت والجامع
وگْعُوا الحيل لحسيـن وشـنـو الـمـانـع
گلـب فـاطـمـه امـه مـن الـحـزن واگـع
امـــــلاك الـسـمـه لـ حـسـيـن حـزنـانـه
*---------------*---------------*
لا يستحي الشـيـعـي مـن دمـع عـيـنـه
انذبح من الگفه بالـخـنـجـر احـسـيـنـه
الـمـجـالـس أُمـنـه والـونّــه الـتـربـيـنـه
حـسـيـن بـعـالـم الـذر دمــــع شـاريـنـه
حـسـيـن اعـظـم واكـبـر كـل رزايـانـــه
*---------------*---------------*
بفاضـل طـيـنـة حـسـيـن الله سـواكـم
ومدام ٱويه الحسين يظل علي وياكـم
ظمه الدنـيـه يـرويـه بـس سـجـايـاكـم
جــــــربـــه بـيـسـرة الـعـبـاس خـلاكـم
عهد والشيعي تـبـقـه الـغـيـره عـنـوانـه
*---------------*---------------*
خل يچوي الجـفـون الـمـدمـع الـمـالـح
جفن عباس دمـه اعله الـسـهـم سـايـح
الـسـواد الـلابـسـيـنـه لـلـحـزن شـــارح
و من ابعيد بيت الـشيـعـي ظل واضح
رايـة عـزا مـنـصـوبـه اعـلـه حـيـطـانـه
*---------------*---------------*
✍️خادم الحسين ع
الشاعر سعد هادي الشمري
#ابوذيات_غديريه
...
وجــه مـا انـطــي لازم
والغي اديره
لشكو ناس اهل باطــل
والغديره *
اروح لـعـلــي فــــــدوه
والغديره
ابغديره اتمام دين الله ونبيه
*(اهل الغدر)
꧁꧂꧂꧂꧂
النَعَــم بس العَـلي تنگــال
مو لاه
و إله وصّه النبي وحاشاه
مو لاه *
الچنت مـولاه گال اليــوم
مولاه
علي وتمت النعمه بهالقضيه
*( اللهو)
꧁꧁꧁꧂꧂꧂
ارفعت مثل النبـي لهالعــيـد
ديني
ووفيت ويه الوصي بهاليوم
ديني
تمــام النعـمـه بـي واكمــــال
ديني
علي وحُبه مثل حُب الزچيه
꧁꧁꧁꧂꧂꧂
الشاعر سعد هادي الشمري
#استشهاد_الامام_الصادق_ع_
.
.
. أرض وسـمـه تصيح ويــلاه
بـدمـعــة دمه اليــوم تنـعـاه
يــا فــاطـمــه عـظـم الـلــــه
أجــرچ يـبـت خـيــر الـنــاس
*---------------*---------------*
آنه المـوالـي الـزچـيـه وحب علي عـنـوانـي
مـن الـحـسـن اسـتـمـد صبري لو دهر أذاني
عمري لحسين انه اعيشه بفرحتي واحزاني
امـي ولدتني اعله حـبـه ومـجـلـسـه الربّاني
وبـعـده ألـي لــو زمـن جــار
من ضـنـوتـه تـسـعـة اقـمـار
وفاز الذي اهل الـبـيـت وياه
لـلأمــه صـــــاروا نـــبـــراس
*---------------*---------------*
الليله بيت الـبـيـه تـنـزّل الـذكـر واحـكـامـه
بيه مجلس حــزن يُـعـقـد والينوح اسلامه
مـوسـى بن جـعـفـر يغسّل بين اديه أيمامه
الصادق المسموم چبده ويـنـتـحـب لايـامـه
ويا شـيـعـتـه بـدمـعـة العيـن
واســوا دمــع ام الـحــســيـن
صيحوا الحزن ما يوم ننساه
ودمـعـتـنـه دمـعــة أحـسـاس
*---------------*---------------*
والله مـا يسهل عليه احچي واتـسـمـعـونـي
الكلمه چن دمعه عزيزه وطلعت من اعيوني
حيره . اواسـيـكـم يشيعه .. انتم اتواسوني
كـون احط نعشـي بمكانه الليله واتشيعوني
بالسم گـضـه مـسـطـع الـنـور
ونار الغـضـه ابچبدته اتـفـور
يـا رافـضـه بـروحـه چـم آآه
بـروحـه الألــم مـــا يـنـقـاس
*---------------*---------------*
بـالـبـقـيـع اتـمـنـه احضر على الصادق اقره
وانعه عاشوري بمصابه و خَل تنوح الزهـره
ادموعنه من اتسيل حرگه فـوگ تـربـة گبره
من الدمع تطلع مناره .. بدمع نبني الحضره
دمـعـة محـب لـمـن اتـسـيـل
وياهه تصب اعيـون جبريل
وهــذا الـعـشـگ آنــــه لـولاه
مــا تــســوه حـتـه الأنـفـاس
*---------------*---------------*
آنـــــه لٱهـل الـبـيـت ونّـي لا بــرد لا يـفـتـر
انـعـه للمذبـوح مـنـهـم وعلى الچبده اتـوذر
ومدري ليش اشما قريت ولو صعدت المنبر
تروح يم حـسـيـن روحـي ويم خيام الخدّر
هـوّه الـحـزن والدمع والنوح
خـالـقـهـن الباري لـلـمـذبــوح
صـوت الـمـدامـع وا حُـسيناه
صـــدره بـحــوافـــر يـنـداس
*---------------*---------------*
✍️خادم الحسين ع
الشاعر سعد هادي الشمري
حيدر .. صرخة شيعته
حيدر .. ليـلــة طـبرتـه
**
ينزف حزن جرح الفجر
ودمعه على خد الصبر
وبالسيف مو بالبسمله
من ينفتح ليش الذِكر
وللكوفه محراب ينوح لمصابه
دم علي لو دم قرآن بترابه
نادت يتامه الكرار واحبابه
يا وسفه نام الفقّار بگرابه
حيدر .. خضبوا شيبته
***
النتنفَّسه وننسه الهوى
هامه شمس تنزف ضوه
جرح الذكر وي طبرِته
الكوثر نزف والقُل هوَ
والما قِبَل طير يجوع بايامه
شبعت حزن هذا اليوم ايتامه
هامت الدين اتصوب اعله الهامه
وبس الله يدري شمهدوم لاسلامه
حيدر .. صِدقَت كِلمِتَه
***
وي كل فرض وكت الصبح
اگبال النظر يعرض جرح
ولو ننسأل عن العُمر
گلنه "علي" ويكفي الشرح
حبنه وعملنه الكرار عنوانه
وابلا علي شلون انعيش دنيانه
رايد نعبده بهالشوگ مولانه
هوَ الله لجل اهل البيت سوانه
حيدر .. الشيعه بخدمِتَه
***
العالي علي بصبره اعتله
الحگ ما ترك صاحب اله
و لوما الغدر لولا الحقد
سيف الجهل ما جندله
سيف الجهل چان ابأيد طمّاعه
وچانت لحب اهل البيت بيّاعه
يبحر ابيش اللي يبيع بشراعه
جرح الوصي براس الدين اوجاعه
حيدر .. حانت ليلِتَه
***
الف وبعد فوك الألف
واشما طول عُمر النزف
يبقه العهد شيعه لعلي
بهذا العشگ بس نعترف
رادوا نحب غيره وعين منطينه
حُب وي حليب امنه اعليه اتربينه
ضاع اسم اهلنه وابعلي اتسمينه
شيعته وخدامه ويظل والينه
حيدر .. ديِن امحبِتَه
***
الشاعر سعد هادي الشمري
إنـه زيـنـب يـبـو زينـب ،، يمـاي العـيـن
الكلب لو هامك اتصوب ،، يبو الحسنين
يماي العين حاجيني .. يبو الحسنين
،،،،،،
انه ودمعة حزن امي عَـلَـي جلباب
اجيت اسأل على امصابك يداحي الباب
الجرح وسط الگلب عايش بعد ما طاب
وجرح ثاني نِـدَهْ روحي يبو الاطياب
الحسن وحسين يا حيدر إلي جابوك
يغالي وراسك امطبر لَـمَـن خلّوك
كلتلك يا نظر عيني المصاب امنين
،،،،،
رحت للمسجد اتأدي الفرض لله
واجيت وشيبك بدمّه خضيب الگاه
اثاري بسيف ابن ملجم اقاسي الآه
وسط گلبي جرح ثاني الظلم خلّاه
كَسِر ضلع امي من بالي بعد ما راوح
وتخضب كالوا الوالي وعلي اللي طاح
صحت يا دمعه عينيني الصبر ميعين
.....
يبويه انظُر جرح هامك وازيد اهموم
يتيمة فاطمه اتجَـدّد يتمهه اليوم
شصبّر روحي وغيابك أمر محتوم
الگلب ويه الجفن بعدك صُبَح ملچوم
اودعك يا علي ونوحي يفيض جروح
وريت اموَدعه روحي قبل لتروح
الدهر ياريته راميني بمرامي البين
،،،،،،
اجت الفقره وايتامك يبو الايتام
اعله بابك وگفت اتنادي الدهر بالام
نسألك يا دهر النه دگول شضام
اذا تاخذ علي منّه صدگ ننضام
منو بكل ليله يفگدنه لوّنه ايغيب
ويشبعنه اذا جعنه وجرحنه يطيب
علي لو راح دلينه نروح لوين
.....
تنفَّسني الالم بعدك يحامي الجار
واذا براسك ،، انه بروحي الجرح والنار
فتح باب لعذاباتي يبويه الصار
واذا. جن ليلي .. بدموعي وونيني احتار
مثل حزن امي للهادي الالم بركان
بيوت اولادك بفگدك بيوت احزان
اجود بدمعي وبنوحي للمعَــزين
.........
الشاعر سعد هادي الشمري
السلام على يعسوب الدين ومولى الموحدين
الإمام علي بن ابي طالب
#دخول_السبايا_الى_الشام
.
.
الأول من صَفر تاريخ القهر
بلا رايه وگمر .. طبينه الشام
**
بنت المستحه وأمي الزچيه
الشماته اسهام نظرتهم عليه
القرآن ابوي وهاشميه
الشام اتصيحلي يالخارجيه
ومن بعد الذبح عشت اكبر جرح
مسبيه رحت لأرض الآلام
**
برض الشام منّي الشوف وچّد
الضحكه الصفره بس والگلب الاسود
عكس دار الزمان وياي واشتَد
بنت القُل هوَ الله، مالهه أحد
وي ممشه الهِزِل بكل خطوه انكِتِل
بروحي وما طفت نيران اخيام
**
الاول من صفر تاريخ موتي
دخلت الشام وحدي بلايه اخوتي
صوت السوط مني باگ صوتي
وبانت حالتي بصبري وسكوتي
مدمع هامله وبيدي السلسله
وللساقي ضعن تحديه ظلّام
**
الاول من صفر تاريخ قهري
احترَگت ونظرة الشمّات جمري
على العجفه بمصابي الله يدري
ومثل ضلع امي خلف الباب، ظهري
بدموعي الحچي وممنوع البچي
ومن بيتي طلع صوت الاسلام
**
المتعجبه علي يصلي بحياته
وغريبه ايصير بالمسجد مماته
الشام بطبل تستقبل بناته
وعيد وفرحه تحسب نايباته
حقد ويعتلي بغضاً في علي
الحق مارادته وتتبع أوهام
**
امويه الهوى الشام بطبعهه
وتفرح لَوَن عيني ايصب دمعهه
شافت روس أهلي، وبجمعهه
اجت اتقبل اچفوف الرفعهه
الروس اللي عِلَت بيهه اتشمِتَت
ما يهوى العدل طبع الاجرام
**
سعد هادي الشمري
حــزن عاشـور آه يـا نــار .. ظُهره
واثار الضمه اعله حسين .. ظهره
بصدره الدوس لاچن وصل .. ظهره
انـمـرد گـلـبــه بـحـديــد الاعوجـيـه
......
سعد هادي الشمري
ماذا يهيجك إن صبرت .. لوقعة الطف الفضيعة
أترى تجىء فجيعة .. بأمض من تلك الفجيعة
حيث الحسين على الثرى .. خيل العدا طحنت ضلوعه
عظم الله اجرك سيدي ومولاي يا صاحب الزمان
ساعد الله قلبك على مصابك بالحسين العطشان الغريب
لك العزاء حيث كُنت
يا أبا الفضل
. الما فارگ يسرته العـلـم
منتظره رجعتـه الـحـرم
*---------------*---------------*
الحــرم حـيـرانــه وإلـه عـطـشـانـــه
النهر ميـهـمـهـه الـمـهـم والـيـهـه
تـنـاديـه ويــنـــك يظـهـر حـسـيـنـك
بـگـلـبـهـن نـاره مـنـو يـطـفـيـهـه
يـــرد لِـحـمــاهــه وتــرف فـوگــاهـه
تتاني الــرايـه الـخـيـم والـبـيـهـه
الأمـــان اعـيـونـه يـجـي يـــردونـــه
يجي لظعـونـه الـگـمـر يـحـديـهـه
وما تلگه بنظرته السهم
منتظره رجعتـه الـحـرم
*---------------*---------------*
كـفــيــل الـحـــره وأمـــان الـعــتــره
اعله غيرة سيفه علي يـسـمـونـه
على ٱسمه اتنادي يــتــامـه الـهــادي
الطلع للشـاطـي وزعـل بـعـيـونـه
عـلـي بـصــولاتــه وعلي بـحـمـلاتــه
الأجـــل لاگـــاهــم الـيــلاگــونــه
تـتـانـي اخـيـامــه يـــــرد لايــتــامـه
بقت منـتـظـره وفـي ايـعـرفـونـه
الما يـكـسـر كلمته الألم
منتظره رجعتـه الـحـرم
*---------------*---------------*
اعله شاطي آلامه ثـنـاهـه اجـدامـه
ونظر بالشاطي خـيـال حـسـيـنـه
الـعــذب مــا راده رمــــاه ونــــــاده
ينفسي هـونـي ودمعتـه بـعـيـنـه
اعله حيل ازنـوده تــعــنــه بــجــوده
بذل مـجـهـوده ونـطــه چـفـيـنـه
وعــالـمـسـنــايــه تـطـيـح الــرايـــه
عــهــد لـلـخـوّه ووفــاء لــديــنــه
البانيهه بيمنته الـخـيـم
منتظره رجعتـه الـحـرم
*---------------*---------------*
الـوفــاء الكـامـل وفــــاء الـكــافــل
تطيح اچفوفه وجربته بـصـدره
يـگـلـب الـخــــوّه يـــــدگ امـــــروّه
يضربه امثلث يوصـلـه لـ ظـهـره
صـلـب بايــمــانـه وفــي لْـ قـــرآنـــه
استحه ٱمْن احسينه ينام بحجره
بـأخـيــر انـفـاسـه ويــبـــاعــد راسـه
دره ابـلا نـاصــر يـظـل عـالـغـبـره
ومـا تطلع دمعته انهظم
منتظره رجعتـه الـحـرم
*---------------*---------------*
اخــو الـعــلــويــه و رِبـه الـبــدويــه
وعلي المخـتـاره كـفـيـل لـ زينب
الـفـــداه ايـمـامـه ويـسـاقي اخيامه
ودماه للعـتـره جـمـر ظل يـلـهـب
يَــسِــر الــغــيــره وصـعـب تفسيـره
الـيـفـسـر زوده بـلا شـك يـتـعـب
الـوصـف يـتـعـذّر و أبـد مـــا يـگـدر
عـلـى اسـم الـكـافـل اذا يـتـقـرّب
ضاعت يم طلعته القمم
منتظره رجعتـه الـحـرم
*---------------*---------------*
✍️خادم الحسين ع
الشاعر سعد هادي الشمري
أبوذيات متسلسلة لـ ليالي محرم
. هلاليه
بحزن والفرحه مـن همهم.. ميتلـي
وعليهـم بـالـجـفـن دمـعـه.. مايتلي
هَــل الــبــيْـــه يـا عــالـــم.. ميّتلـي
بـذبـح خـنـجـر ودوس الاعـوجـيـه
العليلة ع
تـره الـعـفـتـوهـه تـتـنـطّـر .. بعدها
وجـروح الـهـجـر مـحـتـاره.. بعدها
ذبّــل عـــودهـــه عــنــكــم.. بُعدها
وجفنهه الكم مثل جـفـن الـزچـيـه
أم البنين ع
الچتل علتي ومنو اليعرف.. بدوها
ونـحـت للي بـگـاع الـطـف.. بدوها
انــه الـبـولادهـا اتـشـرفَـت.. بدوها
ولــد بـتـهـم خَـدم ولــد الـــزچـيـه
مسلم بن عقيل ع
گلت مـثـل الگـمـر يا نـفـس.. هاني
وبدون حسين شلّي بعيـش.. هاني
الگلب لحسين يشبه جـسـم.. هاني
ابنَ عروه امگطّـعـتـه افـعـال أمـيـه
الأنصار ع
على انصـار الحسين بخير .. قُل ما
شئت . مثل البحـر مـا يـوم.. قَل ما
تَعَب مَلِك اليمـيـن وعِـجـز .. قـلـمـا
ابـچـتـفـهـم كـثـر حـبـهـم لـلـزچـيـه
العباس ع
يـردنـي اشـگـد دمـع يَـمـه.. مشيتي
العـگـب ممشاه مـتـيـسـره.. مشيتي
كون يـشـوف عـالـشـاطـي.. مشيتي
ابحذر وامدنگه چف امضيـعـه الـيـه
القاسم ع
شَبيهْ الحسن بيده الجـيـش.. جسام
الگبُل لاجاس نـحـره السيف.. جسام
بـنـهـار الـعـشـره لـمـن صـال.. جسام
الـجَـمَــل ردت و رد الحـسـن ضـيّـــه
الأكبر ع
زِغـيـر اجـروحـي هــوَّد.. هـاج الاكبر
إلـك . والـوفـه لــعـودَك.. هاي الك بِر
على الـنـاگــه وصحتلك.. ها يـالاكـبـر
يـگـلـب امـك خــذوهـه امـك سـبـيــه
الرضيع ع
الگلب يبني بـهـواك انــدار .. وانحـاط
و گـد حسنك زمـانـي بـيـه.. ون حاط
بدل نحرك تـخـلّـه الـگـلـب.. و انـحـط
عــســا وگـطـعـوا نـــزاع الـگــوم بـيـه
المجتبى ع
الحسن بـالـحـرب مـا ذَل.. لا تبي ايده
مــو تـكـســر الـعـسـكــر .. لا تـبــيـــده
المنع دفنه ٱويـه سـهـمـه.. لاتــه بـيـده
رمـــه نـعــشــه و رجــــع لـلـجـاهـلـيـه
*---------------*---------------*
✍️خادم الحسين ع
الشاعر سعد هادي الشمري
إني أنا العباس أغدو بالسقا
. إنـي أنـا الـعـبـاس أغـدو بـالـسـقــا
ولا أخـــاف الـشـر يـوم الـمُـلـتـقـىٰ
إنـي أنـا الـسـقّــاء
نـهـرٌ مِـن الـوفــاء
ومـنـحـري فـــداء .. جَــبَــل الــصــبــر
*---------------*---------------*
المعتني العلگمي بسـيـفـه وجِـربـتـه
انه اليشبـه عـلـي بـزعـلـه وضـربِـتـه
أنــه ابــن الـلّا فـتـىٰ وآنـــه الـفـتــى
بصغري فــوگ الگنطره الكل هـابـتـه
لا ارهــبُ الـمـوتَ إذا الـمـوتُ زَقــا
حتـى أوارى في الـمـصـالـيـتِ لُقى
في يسرتي اللواء
نـهـرٌ مِـن الـوفــاء
ومـنـحـري فـــداء .. جَــبَــل الــصــبــر
*---------------*---------------*
الـحُـسـيـنـي الـعـلـوي و الـهـاشـمـي
أول وآخـــــر بـطـل "سـاقـي ظـمـي"
بت علي وفـاطمه بسيفي تـحـتـمـي
نعش لـلـعـسـكـر لَـسـوّي الـعـلـگـمـي
قلبي لـ بـنـت الـمـرتـضـى تـحـرّقـا
نفسي لسبط المصطفى الطهر وقى
من ناظري الدماء
نـهـرٌ مِـن الـوفــاء
ومـنـحـري فـــداء .. جَــبَــل الــصــبــر
*---------------*---------------*
حـــار گـلـب حـسـيـن وبـزودي بـرد
وكاسر اجيوش الشمـر وابـنَ سـعـد
أنـه الـفـوگ الـنـهـر تـاريـخـي شـهـد
بـدمـي كــاتــب قُــل هــوَ اللهُ أحــد
قلبي وعيـنـي في الـوفـا تـسـابـقـا
وهما لِـ نَصـر الـسـبـط حـقـاً خُلِـقـا
في طـفِ كـربـلاء
نـهـرٌ مِـن الـوفــاء
ومـنـحـري فـــداء .. جَــبَــل الــصــبــر
*---------------*---------------*
بعمري شلي لو عدو لـ ٱخيامي مَس
وابــو الاكـبـر الـهـه خـلّاني حـــرس
آنه ظـهـره نـعـم بـس هـوه الـنـفَـس
بنفسه يفديـنـي ويـركّـبـنـي الـفـرس
وجهُ الحسينِ في خـيـالـي أشـرقـا
لا مــــا تــركْــتُــهْ إذْ بــنــارٍ أُحْـرَقـا
وشــاهــد الــولاء
نـهـرٌ مِـن الـوفــاء
ومـنـحـري فـــداء .. جَــبَــل الــصــبــر
*---------------*---------------*
✍️خادم الحسين ع
الشاعر سعد هادي الشمري
الغرب يحدوني
. شلون الغرب يحدوني يحـدونـي
وعالهـزّل ايصعـدونـي يصعدوني
*---------------*---------------*
آنه الابـوهـه اسـمـه عـلـي الـرد الـشـمـس بـچـفـوفـه
آنـه الاميره شـلـون اطـب مـسـبـيــه قـصـر الـكـوفـه
البچفوفـهـه عـطـر الـنـبـي اتـأدي الـفـرض مچـتـوفـه؟!
الـسـولـف فضائلهه الوحي بـحـلـگ الـشـمـر سـالـوفـه؟!
بت فاطمه اتعرفـونـي اتعرفونـي
شلون الغرب يحدوني يحـدونـي
*---------------*---------------*
گد ما مـسـح مـنـهـه دمـع جــرّح اعــيــونـي اردانـي
ايتيهني راد الـطـف لـچـن گـلـب الـســبــط دلّانــــــي
خيمتي احترگت بس بقـه لـهـالـسـاعـه اثـر عـنـوانـي
عـطّـايـة امــــراد الــعــرب يـتـوصــفــون اخـــــوانـي
اخت الوفـه يسمّـونـي يسمـونـي
شلون الغرب يحدوني يحـدونـي
*---------------*---------------*
آنه اخـت الـ إنطيته العُمُر وافــــــراگ دنـيـه افـراگـه
إلـ لو يمي ويـديـر الـوجـه رأســاً گـلـت مــشــتــاگــه
عــبـاس الـبـدرب الـسـبـي كـسّـرت گـلـبـي اشـــواگـه
ومن كثـر مـا حـنّـت عَـلَـي حــومــرت عــيـن الـنـاگــه
مذبـوحـه شيطيبوني ايطيبوني
شلون الغرب يحدوني يحـدونـي
*---------------*---------------*
آنـه العلى ادروب الـسـبـي دمــعــي جــوامــع خـضّـر
وآنـه الـبـعـمـري مـو سـنـه كــل آه يـحـسـيــن اكــبــر
عجفه الـنـيـاگ وبـالـسـبـي ايـمـر مـوتـي كـلـمـا تعـثـر
وراس الحسين اعله الرمح ســوالــي فَـيّ مــن الـحــر
مبيوگ شوف اعيوني اعـيـونـي
شلون الغرب يحدوني يحـدونـي
*---------------*---------------*
لَـيْـدور وصّـــوه الـــزمـن خَــل يـــوگـــف بــ أيـامــه
راس الحسين اعله الرمح بـس مـــا عـلـيـه اعـمـامـه
الاســلام هــذا وخـارجـي گـالــوا عــلــيــه اسـلامــه
وخـيـمـة الـديـن ليا سبب مـحـروگـه كـل اخـيــامــه
بت نبي ويشـتـمـونـي يشتموني
شلون الغرب يحدوني يحـدونـي
*---------------*---------------*
✍️خادم الحسين ع
الشاعر سعد هادي الشمري
ساقي عطاشى كربلاء
. ساقي عطاشى كربـلـه عباس
حامل لـواء الـمـرجـلـه عباس
*---------------*---------------*
صلب الايمان الهـاشـمـي تــشــهــد أئـمــة عـصـره
عـالـم تـقـي زاهـــد ورع نــافــذ بـصـيـره بـأمـــره
عالگنطره وعالـعـلـگـمـي صـعـبـه السيوف اتعـبـره
العـبـاس سقّـاي وظـمـي الـلـــه يــعــظّــم اجـــــره
حَـذَر صاحـوا حَـذَر
خَلَص، عوفوا النهـر
بْجربته وعـالـجـرف
ثِنه اجدامـه الـگـمـر
بيرغ علي بـيـده حِـلـه عباس
*---------------*---------------*
عِد علي طالب مجـتـهـد مـا نـسـه بـدرسـه كـلـمـه
ومن منبع العـتـره شَـرب ساقي العطاشه العصـمـه
چـفــه عـلـي مـن الـمـهـد قـبّـلـه بـحـرگــه وشـمّــه
وگد ما خِدم اخته، الگمر صــارت الــــــزهـراء أمـه
أخــذ هـيـچـي ولـد
مــن زغـره اسـتَـعـد
لـجـل زيـنـب گـطـع
اگـمـاطـه بـالـمــهــد
راد الـخــدر يـتـكـفَّـلـه عباس
*---------------*---------------*
ابن الـهـواشـم ولـ عـلـي صـــار الـنـفـس والــريّــه
ومن بعد كل هـذا الفخر راضــــــع مــن الـبـدويـه
عباس الـمـخـلّـي الـوفـه بـذن الـــــدهــر تـرچـيـه
و هــواي بـيّـن عـالـنـهـر والـجيـش حـيـل شـويـه
دخيل الله ٱشحـلـو
ابــن بــت الــبــــدو
ابـــوه اسـمـه عـلـي
بـعـد شـكـثـر عـلــو
عالي بـأمـر رب الـعـلـه عباس
*---------------*---------------*
صح سيد الـخـوّه لـچـن الـ "خويه" مـا حـاچـيـهـه
كـلـمـة إِمـامـي وسـيـدي لـ حسينـه يـنـطـق بـيـهـه
لإيـمـام عـصـره وقـائـده روحه بـفـخـر مـنـطـيـهـه
بايع انفـاسـه ابـن الـولـي وكـلـمـة عـهـد شــاريـهـه
مــدام ٱيـرف عـلـم
بقت هيبـه الـخـيـم
سـهـم صـاب الگلب
وصل ظـهـره السهم
طـاح وعـهـد مـا بـدِّلـه عباس
*---------------*---------------*
عـبـاس قـــــرآن الــوفـه واعـلـه الـنـهـر تـفـسـيـره
ذاك اللي من امـره بفخر "مـضـىٰ عـلــى بـصــيــره"
ينجاب اسمـه شمـا يـمـر طـاري الــوفـه والـغـيــره
عالرمح راسه ولـو سـمـع صوت اختـه راسه يديره
اذا رفــلــه لــــــــوه
يشـگ صـدر الـهـوه
صُفه بليل الـظـعـن
ابـــو فـاضـل ضـوه
حي الله حادي القافله عباس
*---------------*---------------*
عبـاس لـ چـفـوفـه بـقـه دمــع الـمُـخـيّـم جـــــاري
ظهر الحسين وعون الـه "فـنـعـم عـقـبــى الــــدارِ"
بي وفه وغِيره اتجمّـعـن والـمـرجـلــه مـن الـبـاري
عالرمح بس لسكينه ظل حامي الظـعـيـنـه ايـداري
بـدر نــوره اكـتـمَـل
جمر غِيره اشـتـعَـل
خَذه اطباع الحَسَن
إلـه يـلــوگ الــزعَـل
يصاحب الموت الزعِّله عباس
*---------------*---------------*
✍️خادم الحسين ع
الشاعر سعد هادي الشمري
موسم الدمع
. مجالس شيعتك مواسم دمعِـتَـك
يبن الزچيه
*---------------*---------------*
چـــــادرك مـنـصـوب ، عُـمـره ألـف واربـعـمـيـه
اعـيـون صـغـنـاهـه لـ رقـيـه ســيــدي تـرچـيـه
وي خـيـمـكـم يـبـو الاكــبــر نـحـتـرگ لـيـلـيــه
الـخـادم بـ دگــــــات گـلـبـه تـنـسـمـع لـطـمـيــه
انحَط عالخيم باب جـفـن الـنـواظـر
واتدگهه الـخـيـول بـس بـالـحـوافـر
مو عَـشـره يحسين عِـدنـه الـلـيـالـي
بكل مجلس انشاف للشيـعـه عـاشـر
الجفن تـل زيـنـبـي ومشه المدمع سبي
مثل السَبيه
*---------------*---------------*
هذا حال الشيـعـه وادره بـشـيـعـتـك يـالـوالـي
لأن غـالـي عـدنـه حـبـك بـقــه دمـعـك غــالــي
عشگك اول عشگ يبقه وعـشـگ غـيـرك تـالـي
عالي راس الشـيـعـه لـنّـه بـرمـح راسـك عـالـي
مثلك مـنـو حـسـيـن ولـهـايـه سـوّه
ضـامـي ولـچـن بـيـه ديـنـه ايـتـروّه
وكل مـا يـمـر عـام حـزنـه ايـتـجـدد
چـن هـسـه مـذبـوح عـالـغـبـره تـوّه
وحگ حزن الـگـمـر ولَــزِمـتَـك لـلـظَـهَـر
العهد للمنيه
*---------------*---------------*
يـابــو عـبـد الله حـزنـك نَـفَـس عـايـش بـيـنـه
غير نسمات المجالس والله مــــــــــــــا شمّينـه
ضامـي گـالـوا وابـمـصـابـك مــدمــع الـتـمّـيـنـه
وبـثـوابـك نـهـر حــرگــه ســيــدي اتــبــدّيــنــه
مثلـك مـنـو اضـمـاه بانـفـاسـه بـيّـن
ومو بالحچي، امصاب يتسولف بون
عـنـدك گـلـب صـــار گـاع الـحـوافـر
وما لـحّـگ انـگـول بـجـروحـه خـزّن
الگلب مِـن هـشّـمـه حـوافـر لــــو ضِـمـه
من يا رزيه
*---------------*---------------*
حگنه من نلـبـسـلـك اسـود وابـحـزنّـه انـكـابـر
كل بياض الدنـيـه نـحـرك وانـگـطـع بـالـعـاشـر
الطف صُبح ماضي وتعدّه وگالوا انسوا الصاير
ماضي حزنك صح ولكن بي انشـاف الـحـاضـر
شـمـا گـالـوا الـمـاي ضـعـنـك ننـدبـه
ونرسم بـالـدمـوع لـلـسـاقـي جـربـه
انـتـه اول انـســان حـاكـم نـشـوفـه
اهـل الـسـمــاوات الـسـبـعـه شـعـبـه
النطه الروح ونَـزِف تـسـعـمـيـه و ألـــف
لـ رب البريه
*---------------*---------------*
وي صلاة الظهر نـحـرك صـــار ذبـحـه لـ غـايـه
الله راد الـجــنـــه لـجـلـك تــمــتــد امـصـلّايــه
حسين يا حزن الطبيعه الما توصـفـه احـچـايـه
الهوى يدگلك صـدره يـعـنـي مـن تـرفـلـك رايـه
وانته اللي گـلـبـه مـو ثـوبـه مِـتـرِب
عـنـدك جرح بـيـه مـــا فـكّـر الـطِـب
وبعد الگلب چـان خـنـصـر يـمـيـنـك
"وقف" اعله العيون لمصابه نـكـتـب
وفـــــاء لـهـالـجـرح ونحر شالـه الـرمـح
نقيم العزيه
*---------------*---------------*
✍️خادم الحسين ع
الشاعر سعد هادي الشمري
السَّلام عَلَى الحُسَيْن،وَعَلَى عَليِّ بْنِ الحُسَيْنِ،
وَعَلَى أوْلادِ الحُسَيْنِ،وَعَلَى أصْحابِ الحُسَين
#استشهاد_الامام_الصادق_ع_
.
.
.
. عـلـى الـصـادق مـصـابـي
الــدمــع يـشـرح عــذابـي
*---------------*---------------*
بــــلال اجــروحــي كـبّــر
اعـلـه حـزنـي الـلــهُ أكـبـر
الــدمـع لـلـصـادق الـيــوم
نـصـب بـعـيــونــي مـنـبـر
وعـلـى المسموم
الألــم مـرســـوم
مـثـل لـوحـه اعلـه بـابـي
الــدمــع يـشـرح عــذابـي
*---------------*---------------*
بـچـت عـيـن الـطـبـيـعــه
عـلـى اجـروح الـشـريـعـه
و لـبـسـت ثـوب الاحـزان
الـكـعـبــه ويـه الـوديـعــه
الـبـقـيـع اتـنـوح
وثـراهه اجـروح
عـلـى احــزانــي جـوابـي
الــدمــع يـشـرح عــذابـي
*---------------*---------------*
الـشـرع بـعـيـونــه دمـعـه
و أصـلـه يــعــزّي فــرعــه
و نـصـفـه الثاني مـفـگـود
الـكـتــاب بـگـلـبــه لــوّعـه
و معاني احـزان
عـلـى الاكــــوان
انـعـكـس بيهه اكـتـئـابـي
الــدمــع يـشـرح عــذابـي
*---------------*---------------*
الـحــزن خــيّــم ظـلامــه
وطـفـت شمس الـيـتـامـه
انـفـطـر گـلـب الــرسـالــه
عـلـى امـصــاب الأمــامـه
مـصـاب آيــــات
و ألـــم كـل ذات
بــيــهــه الــعــدل رابـــي
الــدمــع يـشـرح عــذابـي
*---------------*---------------*
عـلـى الــصـــادق دلـيـلـي
تــهــاوه وغــاب حـيـلـــي
الـســم فــطّـــر چـبــدتـــه
وصـحـت يا دمـعـه سيلي
بـحـزن نــاديـت
و يـَـ آل البـيــت
حـــزن تـجـري الـبـيـابـي
الــدمــع يـشـرح عــذابـي
*---------------*---------------*
حِـــزن كــل الــمــذاهــب
عـلـى امـصـاب الاطايـب
شـــرايــع ديــن الاســلام
لـفَــت لـيـهـه الـمـصـايـب
بـچبد مـجـمـور
يـغـيـب الـنـــور
بـدمـع صـار اخـتـضـابـي
الــدمــع يـشـرح عــذابـي
*---------------*---------------*
✍️خادم آل محمد ص
الشاعر سعد هادي الشمري
#ليلة_الجمعة
.
.
تحن لـجـروحـك اجروحي حُـسـيـن وليـلـة الـجـمـعـة
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
قـبـل لا اوصـل الـحـضــره وأجي وأوگف على اعتابك
اروح اتــعــنــه لـلــغــيـــرة عـطـر مـرشـوشـه بـتـرابـك
لـكـل شـي بـاب مـعـروفــه وصـار انـتـه الـگـمـر بـابـك
هـــوى الاخــلاص اشـتـمـه واتـوضـه وفـه مـن اسـمـه
الـعـشـگ كلمه وانـه كـلـمـة اجـيـت انطيهـه لـمـصـابـك
الـتـبــده آهـــات لاحـزانـك غـيـر اسمك فلا ايـجـمـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
ارفــــع ايــدي بـالـحـضـرة اسـلـم والـحـــــــزن يـبــده
السلامُ عَـلـيـكَ يـامـذبـوح اگــــــول ودمــعــي يـتـبـده
اثنعش طبره ابگفاك انحط حُـسـيـن الخنجر اشـعـنــده
الــخـنـجـر بيمن ايـطـلـبـك ولـهـسـا تـشـكـي مـن تعبك
لأن فـاطـمـه ابـنـص گلـبـك الـخـيـل ابـحــافــر اتـمـرده
اجي ارد اشكيلك اهمومي واصـــد لـهـمـومـك وانـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
احط راسي اعله شباچك واريـد اشـكـيـلـك الـبـيـه
وانسـه اهمومي من اذكر اهـمـومـك يـا أبــو رقـيـه
العطش والذبح بيك انته وانـه الـكـلـشـي مــا بـيـه
الـگـلـب يمك نساه ضيمه وانـتـه امـــــوذر بـهـيـمـه
الـسـبـي ما عـافلك خيمه اخـذ خـنـصـر وتـــرچـيـه
احرگـوا اخـيـامـهـم كـلـهـه يـصـيـح الشـمـر، واتسمعه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
تحن لجروحك اجروحي وازورك يـابــو عـبـد الـلـه
واذكـرك وانته بـالـعـاشـر وسـاده اتسـوي بـالـرمـلـه
طحت مـن مـهـرك اتخَيَّل ودمعي صاح الـ اسـم الله
زيــــارة وارث افـتـحـهــه وروحي الـهـظـم يجرحهه
يالـجـروحـك يـوضـحـهـه العلـيـه رب الـعـرش صلّـه
حـسـيـنـاً مـنـي وانـه المن حـسـيـن وزادتــك رفــعــه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
اجـي بـحـال وأرد بحال مـحـد عرف مـوضـوعـي
اجـي واللهفه تـشـغـلنـي وامـغـيـر الــدمـع نـوعـي
ارد وحــاجـتـي ابـأيـدي وبيدي الثانيـه ادمـوعـي
اجي وارجع دمعتي اتدر واعيش ايـامي مـتـصـبّـر
من سبتي لخميسي انطر ويگضي بلهفتي اسبوعي
ازورك وارجــــع وگــلــبــي عـلـيـك يـريـد الـيــرجـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
بخدمتك قيـمـتـي وآنــه بدونك كـلـشـي ما اسـوه
طـبـع الـدنـيــه مـر لـكـن اذا تـــرضـه عـلـي حـلـوه
يأول ظـامـي بـالـتـاريـخ بـيــه الــــــزمــن يــتــروّه
يـبـوصـلـة الـــزمـن كـلـه الـقـبـلـه شــافـتـك قـبـلـه
عـلـيـك الـمـقـتـدر صـلــه بـعـظـمـتـه بـقـدرته بعلوه
وعلى سـاق الـعـرش بأمره انـكـتـب اسمك بكل رفعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
✍️ خادم الحسين ع
الشاعر سعد هادي الشمري
#مولد_الامام_الحسن_المجتبى_ع_
.
.
الليله الگمر لمن سمع جيت
طَش النجم عالدنيه چكليت
علي بيك اتعنّه
جنّه شايل جنّه
يلحسن ضوّيت
***
انته ذاك المنطي عُمره للهلا احچايه
الغيم من يصلي ينزل اله امصلايه
بكثر ما چنت بجمالك للحِسِن آيه
علي من يكشخ اگباله ايحطك امرايه
يا جمال احساسك .. والمَلَك حراسك
اشمحله عطرك وانته .. علي عالخد باسك
***
عنك ايسألون جدك گالوا اتحبه ؟
وگَبل لا يحچي النبي حط ايده يم گلبه
وحيدره لن چنت أنته بظهره وبصُلبه
انفطر من الشوگ الكم حايط الكعبه
الابو والجَد والعَم .. يهوه اسمهم زمزم
والوحي اشگد حَبّك .. چي خذاك اعله الدم
***
الليله بسمك يا حبيبي الدنيه مبتشره
مولدك فرحة الشيعة وفرحة الزهره
المثل وجهك يشع خير وبالجمال ادره
اشكم فرح مو كم سنه من ينحسب عمره
صورة من رسمولك .. چم شمس خلّولك
وظلمة چنهه الصورة .. شگد ضوه احتاجولك
***
انته اول طفل جنحان الوحي مهده
اينام وامه من حلاته غطِته ابورده
توّه يگعد چان والله اميّزه بوحده
ما رضه الا بوسط قرآنه هُدى ايگعده
بخصله من خصلاتك .. منو يشبه ذاتك
ويّه قرآن الله .. نعدل احچاياتك
***
هلا يل الگمر يمّه انشاف چن شامه
وبكل معارك علي نلگه بصمة ابهامه
يابو وجه اللي يشوفه يوصفه باحلامه
جنّة الله يگول هاي ولابسه اعمامه
يا كريم الساده .. گلبي حبك راده
انته عيد الشيعه .. النفرح بميلاده
***
الشاعر سعد هادي الشمري
سيف الاله اسمـه علي
والـ لا فتىٰ اسمه علي
الـقـرآن آيــاتــه عـلـي
يا حيدر يكرار يا حيدر
***
بدر واحد والاحزاب
والقالع لخيبر باب
موت وولاده بمحراب .. حامي الحميه
الـ قَط ما سجد للأصنام
وابسيفه صار الاسلام
بنفسه نبي بوجه ايمام .. فخر الزچيه
الحُبه جنه وبغضه نار اتفسر
وصك الشفاعه بأيده فوگ المعبر
حامل لواء الحمد يوم المحشر
حيدر ويخرس كل اسم يم حيدر
خادم محمد نُعرُفه
القرآن من ايوصُّفه
وصُّفه بنَفس المصطفى
يا حيدر يكرار يا حيدر
***
اسمه شريك القرآن
حبه اليثگّل الميزان
ينقاس بي الايمان .. حُب الصميده
يا والد الميامين
بي تهتدي الموالين
معنى علي معنى الدين .. شافع نريده
عشگ الإله و سِر صعب تفسيره
واحنه وفاءً أله لهاي السيره
قبل الفرض والنيّه والتكبيره
نشهدُ أنَّ علي الحُب لا غيره
هالليله حزنه انجدده
متهدّمه اركان الهُده
وعالورد مذبوح النده
يا حيدر يكرار يا حيدر
***
بكل الشدد نلگاه جاي
والوفه ايسميه وفاي
لو رايد يصلّي الماي .. يتوضه بسمه
يتفايض من اسمه الخير
حيدره الحق ولا غير
عالنسمه يمدلّي الطير .. لجناحه رحمه
يبدي التسلسل باسمه ما يتبدل
اي وين ما خلّوا علي يصير اول
معظلة خصمه المرتضى، وألنه الحَل
تعطش الصحره وتذكره وتتبلل
يا رحمة الله الواسعه
وبيبان رحمه امشرّعه
عبرة اجفوني الدامعه
يا حيدر يكرار يا حيدر
***
بنص الگلب حُبه انشال
لكل الضماير خيّال
واشگد فخر لو ننگال .. لاسمه احنه شيعه
سيره وگلب نفس اللون
باللون الابيض يزهون
لحيدره الناس ايوصفون .. درع الشريعه
والعاش كل عمره سبب فرحتنه
بدم هامته تالي كسر عبرتنه
لو هيچ ندري اتظل تصب دمعتنه
بذاك الفجر وي طبرِته چا متنه
صامت وعالدمعه افطرَت
الفُقره ابد ما عيّدت
بگد حُبك ايتامك بچت
يا حيدر يكرار يا حيدر
***
بگد حزنه لجل البسمار
بالشيعه تتلاهب نار
ليلة مصاب الكرار .. حزن الديانه
للبير حيدر شكواه
وتشكي المن الشيعه الآه
الليله الفرح ودّعناه .. من ودّعانه
نفس الوجع ليلته وليل العشره
ومو هامِته چنهه بگلبنه الطبره
وهذا اللي وسط اصدورنه شيفسره
الشيعه عدهه اگلوب تچوي الجمره
يا حُب علي الما حدّه حَد
ولو گالوا اشگد ، ماله گد
گلب النبي بأسمه برد
يا حيدر يكرار يا حيدر
***
الشاعر سعد هادي الشمري
#السلام_على_الطفل_الرضيع
بـالـخـيـمـه نـار وظـلت .. يــم مـهـدك اعــيــونــي
والـنـار الـه لـو وصـلـت .. يــولـيـدي يــعــمــونــي
مدري اشفه لو يجرحني
من اشتَم اگماطك يبني
عبد الله
*---------------*---------------*
يـمـعـلّـگ بـصـدري نـفـس لا تجفي يـولـيـدي اختنگ
بـالــســهــم ذابـلّـك گـلـب واعـلـه المـهـد أذبل حـرگ
يالطابگ اجـفـونـه الظـمـه جـفـنـي بعد مـا يـنـطـبـگ
مشتاگه بس حضني فـرغ والـمـنـذبـح مــا يـنـشـبـگ
صارت وسـاده الـرمـلـه .. و تــچــويــك ادريــهــه
انـه ادري يـا عـبـد اللـه .. نــامــت شـمـس بـيـهـه
يـا تــرف يـثـگـل ونــي
من اشتَم اگماطك يبني
عبد الله
*---------------*---------------*
يالـكـاشـخ بـعـطـر الـنـبـي واسمك عالگماط انـكـتـب
ألـمـثَـل صح ابـطـيـحِـتـك يحوي التراب اشكد ذهـب )
اتـلاگـيتـوا ، نبله ودم نحر واحد من الـثـانـي اقـتـرب
وامـحـيّـره الـظـامـي مـنـو شفت الـسـهـم مـنك شرب
امـثـلـث و نـاگـع بالسم .. سـهـم الـحـقـد سـهـمـك
عـطـشـان ماي ومو دم .. و الــمــوت الـيـفـطـمـك
لـشـيـبـات ابـوك امحنّي
من اشتَم اگماطك يبني
عبد الله
*---------------*---------------*
عمر ابـنَ سـعـد لـهـيـبـتـك مـذهـول ظل صابـه الفزع
گـطـعـوا نــزاع الـقـوم الـه يـالازغـر وگـلـبـي انـگـطـع
يا گـلـب الحسين اشـجـره و حسين الــه ون انـسـمـع
ظلت اعيونه اعـلـه الارض من صدره ما ادري اشوگع
عبدالله ظل بس مهدك .. مــن عِــشــرِتــك ذكــره
ومن نـار خـيـمـة زينب .. وصـلـتـلـه چـــم جـمـره
وهـالـمـنـظـر الـعـذبـنـي
من اشتَم اگماطك يبني
عبد الله
*---------------*---------------*
الخيمات صــارلـهـه حطب مــهــدك لــمــن نـاره دوت
اتـعـنـيـت بالشبـعـن ضرب بچفوفي اطفي ومـا طفت
والـعـشـره المكسره الصدر بثكل الـسـنـابـك مـن اجت
اشّــافــت بـنـص الــمــهــد خـيـل العده وبيه اسحگت
لـحـسـيـن شـافن دمعه .. و بــالــمــهــد شـمـنّـهـه
والدمعه مـثـل اضلوعه .. هـالـخـيـل سـحـگـنـهـه
عـالـحـال لا تــسـألــنــي
من اشتَم اگماطك يبني
عبد الله
*---------------*---------------*
كـل ذكــريــاتــك يـالـولـد صـارت ارمـاد ويـه الخيم
وابـالـي صــوره مـــا الـك بـالـبـال ظل بس الـسـهـم
كل الظعن يـشـكـي الظمه وعطشانـه الك دمعه والم
ومـن كـثـر ما بـيّـه بـچـي اطلب اعيون مـن الـحـرم
المكسور گلبه ، الدمعه .. يـالــغــالــي مـتـجـبـره
ويصبح رماد احساسه .. الـتـحـتـرگ بــي ذكـره
انـكـسـر واشـيـجـبـرنـي
من اشتَم اگماطك يبني
عبد الله
*---------------*---------------*
. محرم¹⁴⁴⁶
✍️خادم الحسين ع
الشاعر سعد هادي الشمري