3962
قناه خاصه لنشر قصائد المجالس الحُسينيه _ _ _ التواصل مع ادارة القناة على المعرف @aliiisd .
🚩 ما تظل خيمة 🚩
الرادود عمار السماوي
الشاعر سعد هادي الشمري
انتاج قناتي العقيلة وأم البنين
https://youtu.be/tP2NqcdKof4
#زينب_ع
.
ضميت وذبل گـلـبـي.. والمي وده
يــجــي بــيــد الاوده.. والــمــوده
شـفـت آيــة الـقـربـىٰ.. والــمــودة
بصدرهن صار دوس الاعــوجـيــه
*---------------*---------------*
المثل حـسـيـن اخـو ما يوم.. يلام
يجِل اخـتـه الـعـقـيـلـه مثل.. يلام
الـ اتطشره الـسـنـابـك بيش.. يلام
و حِـجِـل دمّـه لحوافر خيل امـيـه
*---------------*---------------*
✍️خادم الحسين ع
الشاعر سعد هادي الشمري
#زينب_تخاطب_العباس_ع
.
.
يـعـبـاس الـشـريـعـــه .. ولمتنه
النظر من شاف چفـك .. ولّه متنه
الخــيــل الطـشـرتـنـه .. واللمتنه
الروس المجبله اعله السمهريه
***
همّـك طغـه ويا عبـاس .. ير هم
يمن فكدك نياط الگلب .. يرهم
يخـويـه يا دوه للذبــح .. يرهم
عجب يدواي صرت الموت اليه
**
✍️سعد هادي الشمري ✍️
@saadhadi83
#ليلة_الوداع
لـيـلـة اوداع ورزيــــه
وظلمه خيمات الزچيه
حسين طفّه انوار خيماته الحزينه
حتى لا زينب تشوف ادموع عينه
ظلمه خيمات الزچيـه
***
ودع ابنياته كلهن واجه لخيمة زينب اخته
اباب خيمتهه تلاگوا بس دموع وبچوا سكته
گلهه ها ياروح اخوهه واخته گالت روحي انته
الصفنته اتبچيني صاحت صعبه اسكت يم كلمته
هايه اخر ليله اشوفك
بس نحر باچر اعوفك
واگبال دمعة اخته ظل بگلبه ينعه
حتى لا زينب تشوف ابعينه دمعه
ليلته ليلة منيه
***
لو صُبح صبّح يگلهه من النهر توصل رساله
المدللچن يزينب ينذبح باچر دلاله
واخيامچ البلطف عطرهه من عطر چف الكفاله
بس رماد اتصير بعده وبيهه دخان ايتعاله
عينچ اعله اطفالي عينچ
حتى لو مچتوفه ادينچ
الخيل لو بالنار اجت تگصد خيمنه
للبراري يختي خل تطلع حرمنه
تركض اسكينه ورقيه
***
اي يبو السجاد وادري موت باچر بس شسوي
غداً يظلَم ليل طفّي وعالرمح راسك يضوّي
جمرة الدمعه اعله جفني اكثر من السوط تچوي
شلون اقدملك جوادك وادري سرجه ايردلي ملوي
باچر ايفر خيمه خيمه
اينادي بدموعه الظليمه
كون يبن امي الظلام يضيع فجره
ولا جبينك بالحجر مصيوب انظره
يا عذاب الغاضريه
***
اثنعش طبره ايگلهه باچر عالرمال اتدمي نحري
واعوجيه الخيل عشره تطحن اعله الغبره صدري
اموذر من اجروحه جسمي وبالسهام انباگ عمري
وراسي فوگ الرمح لاچن يبقه يم الخيم فكري
عالرمح مذبوح واني
بالكهف ردد لساني
وراسي يابت فاطمه ابوسط السبايه
وانه فوگ الرمح راسي اعله العبايه
حارِسچ وانتي سبيه
***
يا امان اخته تگله والامان شلون اودعه
والدرب مو خطوه خطوه دربي باچر دمعه دمعه
وعلى الناگه امدنگه حقي الدرب كله وصوتي ينعه
عالرمح مرفوع راسك؟ گلي راسي شلون ارفعه
ابلا حمه بنت الوديعه
وكافلي بصوب الشريعه
باچر اعله اجروحنه اتنوح الصماير
حتى عين الحجر دم تبچينه باچر
باچر ايفرح آل اميّه
***
سعد هادي الشمري
@saadhadi83
زينب سبوها بعدك يخوها
أداء الرادود البحريني: حسين السيسي
كلمات: سعد هادي الشمري
الهندسة الصوتية: أستوديو اثير
https://youtu.be/7uC2mrQLVfg
زينب والقاسم ع 👇
.
.
الحسن جرحه يجاســم .. هايجاسم
وزماني الطغه، لگلبي بـ .. هايجاسم
مِـثـل الـحَـسَــن چـنّــك .. ها يجاسم
متت واتعاني من اسهام اميه
***
مثـلك مـنـو بيـوم المـوت .. ينزف
يا من جرحه وسط الگلب .. ينزف
نحـرك بعده فـوگ السـيف .. ينزف
وانزف خبر موت حسين اليه
***
سعد هادي الشمري
@saadhadi83
احزان الخدام
اداء الرادود عمار السماوي
كلمات سعد هادي الشمري
العتبة العسكرية المطهرة
.
.
https://youtu.be/k9fodlqdFtE
دمعي اذا ما تعّب اجفوني
شلون الك خادم يسموني
الله خالق لجلك اعيوني .. حُسيناً يا حُسين
***
شنو سر اسمك يبو اليمه وعبرتي
وين ما گالوه تفزعلك دمعتي
امّوَصّي عيني لهالحزن تسمع كلمتي
ما اريدچ كون للطف ما ذبلتي
من قَصّر العلگمي ويه ايتامك
ياريت أعصر عيني لخيامك
العطش طفلك گطره تلگوني .. حسيناً يا حُسين
***
من احس بعطش آنه يضيع صبري
اسمك اعله الماي اگوله ودمعي يجري
و عمري مو چم سنه من ينحسب تدري
اشكم زيارة ومجلس ودمعة انه عمري
كوُن العمر ينحسب بمصابك
وچم وگفه واگف سيدي ابابك
هنيالي اذا خادم يسموني .. حُسيناً يا حُسين
***
شلون اطيّح چادر ادموعي اعله جفني
وفاطمه لهسه تون يحسين يبني
اليوجعَنّي اجروح الحسين وخوّني
والشمر حَط ايده فوگ اليوجَعنّي
مو موسم ولابس الك اسود
يحسين گلبي لگلبك اتمرّد
جوّه الحوافر ريت خلوني .. حسيناً يا حُسين
***
حسين يامن سلمه سلمي وحربه حربي
ينذكر عاشور و وياه يبدي تعبي
ايمر اسم زينب واحس بشوفي مسبي
وركضة التل للنهر يركضهه گلبي
لوجرح جرحين اصبر وبيّه
يحسين هنّه الف وتسعميه
لدمعاتي ماريد اليسكتوني .. حُسيناً يا حُسين
***
گلبي منبر والنبض كل نبضه ونه
ودمي مديوف لعرس جسّام حنّه
انه اتراب الطف وفه مخلوق منّه
وظهري من ينحني يصير الجربه چنه
ربي زرع حبك بوجداني
ابلا دمعك اذبل هيچ سوّاني
مِن اعطش ابأسمك يروّوني .. حُسيناً يا حُسين
***
سعد هادي الشمري
@saadhadi83
بوگفة عزائك ريتك اتكلّفني
هنيالي بدموعك اذا اتشرفني
يمخدوم الملك
احب تعبي الك
***
أنه الروحه إلك يحسين مفجوعه
أنه الوسط العَزه ونّاته مسموعه
ادوّر عالمحضّرلك سنه ادموعه
واصير ابگلبه عَبره واحچي موضوعه
والينكتب ميلاده آنه امنيتي
تاريخ طبتي المجلس بجنسيتي
اويدمعاتي انولِد
عشت لاسمك عبد
آنه المعاني احزانك اتوصفني
هنيالي بدموعك اذا اتشرفني
***
دوه انگل دمعي بس احتار يوميه
اشد يا جرح بالألف وتسعميه
اخلي النجم يبچيلك اذا بيّه
هيچ افهمهه يحسين النجوميه
آنه النذر عمره لدموع احبابك
يلمع ذهب بعيوني لون اترابك
سنه اتشهِّد سنه
النِذَر دمعه انه
ليا جرح عندك ما تبلل جفني
هنيالي بدموعك اذا اتشرفني
***
وحگ نحرك ونحرك اكبر جروحي
العليهن داسن العشره سبب نوحي
يگضي العاشر ودمع النظر يوحي
هاي العلى الهزله امچتّفه روحي
وطاري النهر والسهم من يلفيني
ابلا وعي اتلمّس يبو الاكبر عيني
اقترَن اسم الگمر
وي شوف النظر
اسكت وحزنك سيدي ايسولفني
هنيالي بدموعك اذا اتشرفني
***
على كل جرح بيك اعله الصدر لاطم
هيج وبخت بيه وانحسب خادم
الجفن يتبلل اشما تنذكر لازم
آنه ودمع عيني هواي متفاهم
مخلوقه لاجلك دمعتي البجفوني
وبس بمصابك تستراح اعيوني
اذا غيرك احب
بلا احساس انحسب
الما خِلَف موعد مجلسك تعرفني
هنيالي بدموعك اذا اتشرفني
***
من ترتفع رايه الكم واصد ليهه
ويه النسمات ادز گلبي ويعليهه
صلاة الحزن ونّه ابگلبي اصليهه
وعيني بدمعتك يحسين اوضيهه
خُذ حتى ترضى احچايتك للباري
رايد رضاك واخذ دمعي الجاري
بخدمتي لمنبرك
عشت واتنطّرك
بهالدمعه يابو الاكبر اتثقفني
هنيالي بدموعك اذا اتشرفني
***
سعد هادي الشمري
@saadhadi83
#السلام_على_قمر_العشيره
.
.
ابفعله وابكلمته الموت يدرونه
وما يخطي بنظرته الـ حيدره اعيونه
***
خريف الزلم وبغصن المناحر مَر
ابيض وجهه بس ينشاف موت احمر
برز يشبه علي وسيفه شَبَه قمبر
علىٰ الحُب والوفه ايعلم اليخدمونه
***
صلب يابو الفضل واتربه للخوه
قائد جيش الحسين، الگمر يگوه
تتعافه المساحي الگاع اذا رخوه
والمثَلمه السيوف اجروح اله اشلونه
***
دخلهه وحب الحسين الگمر شايل
چلمه وبالشدد ينگال ابو فاضل
هز سيفه واجه ويالدنيه متزاعل
يصاحبهه الاجل روس اليزعلونه
***
مثل دمعة الزهره سيف اله يچوي
ثار ايدوّر الثلثينه للبدوي
اجاهم ضامي بس بحسين متروي
الشُرَب ماي الوفه اشحدهم يعطشونه
***
مثل الحره هيچ امدللـه سيفه
الحرب كيفه وسحگ روس العده بكيفه
و ضيفه الاجل چان وعزّب الضيفه
الـ أخوه الحَسَن ما رد اليگصدونه
***
لا ما يعطش العباس ابو الرايه
وهوه الدين داخل بالله وبمايه
اختار ام البنين المرتضى لهايه
اليوم ايكحل اعيون اليخلفونه
***
گول وفعل ما ثنّاهن بطفه
ختم قصة الخوّه ووقع ابچفه
كلمن اله حرفه والحرب حرفه
مِن الگنطره للگمر مرهونه
***
سعد هادي الشمري
@saadhadi83
چَـف للشـدايد وطـن
جسّام شبل الحســن
خـلّه الجَمَـل يا زمــن
تنعاد يوم العاشر
***
الخَط شاربه خَط سوّه
ابحَـد الخيّـم واتـگـوّه
وابـليـل زينـب ضـــوّه .. والسيف چان الشاهد
جـسّـام ما يتـوصّـــــه
من عمه يطلب رخصه
الطف شافه اجمل فرصه .. يشرح اشسوه الوالد
جاسم بطف كربله الفرصه استغلهه
بسيفه راد ايعيد قصة الجَمَل كلهه
وكربلاء بكل فخر جسّام گلهه
مشكله ارگاب الكفر وبسيفي حلهه
سيف الحسن ما نزل
من بَطَل صار لبَطَل
وبچفه حرب الجمل
ينقل هناك شصاير
***
جـابـتـلـه أُمـه اعمـامــه
ودرع الزكي وصمصامه
وگفـَت ابوسـط اخيامـه ... گالتله حَل ميعادك
يُـمّـه الحسن وصاني
ودرعه امانه انطـاني
ما رادك لشـي ثانـــي ... والدك للطف رادك
وگف جاسم بالخيم وايحاچي امه
ايگلهه نحري للسبط منذور دمه
يطمأن خلي الحسن ليزيد همّه
آنه كل اسنيني فدوه لأبو اليمه
تشهَـد عَلـَيْ كـربلـه
منـذور نـحـري الـه
موقـف ولا ابـدَّلَــه
لو سحگ صدري الحافر
***
جاسـم اربـاة الكافـل
من تشتد الظلمه يهِل
لو گـال يابـو فـاضـل .. جرف النهر يتفطر
الفرسان من يگصدهه
وي شسع نعله يشدهه
يتعب الراد ايعدهه .. روس العده التتگنطر
طُفَت لمعة سيفه لن بالدم تحنه
وما يِرد بگرابه گد ما دم يثخنه
الشِمر جيشه اتراجع وگال انكسرنه
برز جاسم كلّه بس احنه ابوحدنه
واليـشبـه المُجتبـى
يعني الذكر صاحِبه
والرايـــد ايـجـرّبــه
للأجل يعني ايسافر
***
جــسّــام كـُــل احـلامـــه
يظل عالي صوت اسلامه
ابنـصـرة حسيــن ايمامـه .. شد رايته ويه الاكبر
غيـرة ابـوه سولفــهه
وكـربـله بـدم شرفّـهه
حنّـه اخـذ من طفـهه .. وقصد العرس يتوذر
العرس فكرة اتحققت لا مو خرافه
والرماح امفصّله اثياب لزفافه
الحنه، چف الاجل دم واتراب دافه
واگباله زفوه للجنان حسين شافه
والنحره مثل الشمس
ينذبح يوم العرس
جسّام يومه درِس
عاش بگلب كل ثائر
***
العاگِـر جَـمـل كُـل فتـنـه
زوده انحچه بسيف ابنه
سيّــد شــبــاب الـجـنّــه .. عايش بغيرة جاسم
وابن الحسن چان الهه
غِــيـرة ابـــوه مَـثّـلـهه
والـمـعـركـــه گـاللـــهه .. ما ينثني الـ مِن هاشم
العلى احضان الغيره يربه ايموت غيره
العِطَش، واعله المي وجه لا ما يديره
الگال كل اجروحي تزغر، والچبيره
اشلون اظل سالم والحسين ابحصيره
رمله امي وبهالدمه
تفتخر يم فاطمه
وينكسر گلب السمه
اتشوف الجسد متناثر
***
سعد هادي الشمري
@saadhadi83
#السلام_على_علي_الاكبر
.
.
.
صـوت الجـرح كبّـر
خَـل ينــزل الكـوثـر
هالليله عطشان انذبَح
بالطـف علي الأكبـر
***
تتعالى صرخات الجرح
ليلة علي ليلة ذبح
ليش العذب صاير ملح .. وامجرّح اشفافه
والبِسمه متمدد نهر
ليش الضمه بگلبه كُبر
قرآن شاف اعله النحر .. والخنجر اتعافه
الچان الذِكر ذاته
ذبحوهن آياته
نحر ابن الحسين انفتح
والتَم جرح خيبر
***
ليلة علي وحّدهه طف
جرحه اول اجروح الشرف
واول نحر للحق نزف .. واول ضوه يسافر
ومن بده المنحر يرتفع
فوگ الرمح ناح الشرع
ومو ماي "زمزم" طگ دمع .. للبچّه ابن هاجر
البلخيّم تدعيله
غرگت دمع ليله
ردلهه منحور الفرح
والمنحر اتطبّر
***
مكسور گلب ابن النبي
ولون السمه بلون العبي
انفتح باب اعله السبي .. من گطعوا جثته
ويا موقف احسين الصعُب
لخيمة علي ايصد، ما يطـُب
ايحط ايده وين اعله الکلب .. لو فوگ خاصرته
واتعنه اله بدمعه
ايشم بي وايودعه
وابطوله مَد طوله، وجِرَح
گلب النبي وحيدر
***
مخنوگه نسمات الهوه
الليله مذبوح الضوه
الاكبر بالسيوف ارتوه .. واعله الفله اتوزع
متغيّره اوصاف السمه
ابلا غيم بس امغيّمه
حتى الشمس من فاطمه .. مستحيه ما تطلع
وما ضوّت اي نجمه
خجلانه من امه
دم علي الليله من انسفح
الكون اله اتكدّر
***
والما شرب گطره، وفه
بعده على الدنيه العفه
اينزّلّه جده المصطفى .. الكوثر من الجنه
الفوگ الرمح منحر يظُل
والگلبه أحر من الرمُل
العالدنيه ظَل صاحب فضُل .. واتعلِمَت منّه
لازم نضحيله
ليلة علي الليله
يبقه علي الصح والاصح
ما مثله يتكرر
***
سعد هادي الشمري
@saadhadi83
#كل_عين_باكية_يوم_القيامة_
#إلا_عين_بكت_على_مصاب_الحسين
.
.
على امصاب اغفن ويندهچن امصاب
اشيسكّـتچـن وطاري حسين ينجــاب
**
هــا يعيـون ذوبــن نــار واشمـوع
وغيــر حـسين لتفتحـلّي موضوع
اذا مـا يطمـع النـورس بالــدمــوع
ادگ عالشـوف الچَـن لـون الغراب
**
اريد بدمعـي عالخـد ما يظـل راي
مثـل ركضـة ارقيـة موش بهــداي
اتراب وماي اصلچن وابچن الماي
اريدن عالحسيــن اتردن اتــراب
**
أحِــب كلماتچـن موقـف وعنـــــوان
حچيچن صدگ، معليچن بالـ اللسان
گالـوا ماكــو نـــــار بغيــر دخــــــان
وانه التَــل الشِـعَــل بالگـلب عطّاب
**
الفَله ابوجناتي ويطش دمعي ياريت
يـبـيــوت الدمــع زينــب ابلا بيــــت
انه شما صـــار اذان واله اتـوضيــت
نِـحِــت للي جمـر خيمتـهه محـراب
**
ما خـلّـص الطـف لليـوم، مـن قام
وبدمعچــن خَـل يِـرد لرمله جسام
بيچن لسـّـه ماي وضاميه اخيام؟!
ابدمعچن تطفه كل خيمات ابو تراب
**
عـاشــــــــور النـوايب ما تـرك حيـــل
من اذان الظُـهُــر بيه ابتــده الليــــــل
الحرم بالخيم بس اتشوف اجت خيل
تِـســـد اعيونـــهه لن ما يصــــح باب
**
كــــل ايــامچــن خـلّـنــــهـه للآل
الحزن مو موسم، اعله العُمُر تفصال
اريــدن عالهــلال اتطلعــن اهـــلال
ومحــرم من تهلّن يبــدي لو غــاب
**
سعد هادي الشمري
@saadhadi83
السلام عليك يا سيد الشهداء
السلام عليك يا ابا عبد الله الحسين
#عيد_الغدير
.
ذكرياتي
اداء الرادود حسام الموسوي
كلمات سعد هادي الشمري
.
https://youtu.be/QVQ5mIcErEo
#زينب_ع
.
اخوي البچّه عرش الله .. بناته
انذبح من الگفه والطف .. بناته
حيره وين اضمنهن .. بناته
الحوافر والسياط ابلشت بيه
#ليلة_الوحشه
#بعد_الذبح_وحرق_الخيام
..
..
البــارحــــه .. على اچـتـاف الخـيـمه تغـفـه الرايــه
شو طايحه .. اچفوف اللي تمسح دمعتي اموصايه
ليش الوجوه المثل البدور
ماليهه دم واتراب عاشور
....
يَــم النـهـر دمـــعـي تبـــدّه
واشكي المصايب وحده وحده
آنه اللي ما ينشافلي اخيال
اشجابني اعله التل اصِعده
اتمُر خيلكم بسروج مگلوبه ودمه تگطر
ولخيامكم بدموعي أهِم وامكلّفه اصبـر
الضايع نظرهه وين تنـدار
وامطشريـن ازغـار واكبـار
انخاكم ويا صوت مسموع
واتسولف بخيماتـكـم نـــار
والجارحه .. شلون امشي غربه وانتو مو ويايه
***
ها ياسيوف المالهه اگـراب
ما تحله نومتكم عالتــراب
احچي ويه الاجساد وجزه الصوت
تلتفت صعبه الضاله ارگاب
اتعنيتكم اركض ركض وي طرة الغبشه
حاچيتكم عالجمر زينب صلة الوحـشـه
لنحـوركـم حيلي يخـــوّان
ما مستقر، چفين ميـــزان
ردت اشكي حرگ الخيم والروح
صعدت مثل صعدة الدخان
لو شارحه .. اشسوت النار، اتعدّل الوفايه
***
يم جربة الغيره وگلت هاي
تطفه بشنو المحترگه بالماي
ولا بيرغ الكم ينخه الچفوف
ايمُــر الهـوى وصّـيته بهـداي
والجان يمسح اثر خطوات المشي من امشي
شيبي اله گـد ما كُـبَـــر حزني وصـل رمشـي
نگّـاط دمكـم كِتب كلـمـات
مـو زينب اللي بالفله اتبات
راس اعله راس ايميل واِنشاف
برماحـكم سويتـوا خيمـات
مارايحه .. ابيبان عيني اصوركم امحنايه
***
مــن عـاينـتكـم روس بــــرمــــاح
ويه المدامـع گلبي احس طـــــاح
مكسور ظهري الكم واجه السوط
وشلون احـط ايـدي اعله الصفاح
وسط الحوافر باقي اثــركم صعبه شيلمكم
وانه الرمل مستحيه ادوسه وحاضنه دمكم
دمـكـم دليــل لدربــي يُبـــــره
لصـوب النهــر گايدنـي عطـره
لحد ما وصلت العلگمي وچان
نهــر الفــرات اجـروفه حمــره
الذابحه .. صبر الگمر لن ما شرب من مايه
***
ولو حيل ظَل چا سولف الحيل
بظـلمـة الليـل اشسـوت الخيـل
بعـده بعِـبـيـنـه الجـمـر يـنشاف
وشلـون تنـظَـم جـمـره بالليـــل
والمشكله بأعمه الگلب والصح خطه ايحسبه
وانذالهم شافــوا سبيـنـه عـمـل بـي قُـربــــــه
صـوت الفــرح بلسانـهـم دام
ايكبرون چي مذبوح الاسلام
وبـغيـابكــــم ذرّاهن ارمـــــاد
حتى الهوى اتعافه اعله الخيام
والنايحه .. ينشف دمعهه وتفرح من احچايه
***
سعد هادي الشمري
@saadhadi83
آذان الجرح
اداء الرادود حسين الشمري
كلمات سعد هادي الشمري
https://youtu.be/P9F6UhCWhOM
يبن الحسن | يا صاحب الزمان |
آداء 🎤 .. الرادود اثير النجادي
كلمات ✍️ سعد هادي الشمري
https://youtu.be/Jam-iYHp1UM
يوم الطفوف حي الله غيرته
دم الچـفـوف حنّـتـلـه رايتــه
**
ابو فاضل كفو اخو ونعم الاخو
ابوكت الموزمه رِزق سيفه العدو
ابو فاضـــل انــا الكافـل حچاهه اعله النهر
على العايل غضب نازل هلا بـزود الگـمـــر
لاگـت بديــه يا محلى جِربته
**
وَتد كل الخيّم يشيّال العلم
كثر ما بي وفه يعزّب للسهم
اخو زينب جمر يلهب يسبع الگنطره
والمذهّب بديه يلعب شَملهُم طشّره
ظَهر الحُسين سطّاره يمنته
**
يـشــيّـال اللـوه و هـوه لريـة الهوه
طلع من خيمته لظلام الطف ضوه
علي ابحيله والكحيله عليهه ايخط جِدم
الگمـر ليـلـه يضويله هـلا بمـوت الزلــم
بيمينه سيف ما ثنّه ابضربته
**
يصنديد الحرب يـسـگّـاي العــذب
لجل زينب حِمَل سهم وسط الگلب
نِــذِر أُمــــه لابــو اليمـه چبـيـر الاربـعـه
رخَص دمه وحچه كلمه الگمر عالمشرعه
نفسي تهون ردّدهه كِلمته
**
وفه ابچفه اشكثر كـفيـل ام الـخــدر
ابو الغيـره الشـهم حِده ابضعن النصر
هلا ابزوده العلى ازنوده بچت عين السمه
حِمل جوده ووفه اعهوده لـعـلي ولفـاطـمـه
وام البنين لهالموقف رادته
**
سعد هادي الشمري
@saadhadi83
أم الأكبر .. ليلى ع 👇
.
.
زِغيـر اجـروحي هـوّد .. هايالاكبر
الك، والـوفـه لعـــودَك .. هاي الك بِر
على الناگه وصحتـلك .. ها يالاكبر
يگلب امك خذوهه امك سبيه
***
سعد هادي الشمري
@saadhadi83
بالطف يسقاي معجزتك بهاي
بچفوفك اشلون تكتب على الماي
***
شيب التاريخ، واهله كلهه غيّاب
و الف واربعميت عام وموقفك شاب
كل سنه اتثنّي على المَي تترِس الجود
وتنفض ايدك منّه زُهداً يبن ابو تراب
بچفوفك اشضام يا وجه الاسلام
لهسه اعله الجروف عطرك يوفاي
***
على وجه النهر كلمه تثبَت شلون؟
وكلمة "حسين" اكتبتهه وغِيرتك لون
بهت وجه الدنيه من يومك، واثاريه
الگمر من يعطش ضوه يتغير الكون
سرك شنو ووين يا كاسر حسين
شما گلنه الخيام نشوفك نهر جاي
***
چفك انطَش للعَطش عباس دمّه
لهسه الك شاطي النهر مشكول ذمه
الماي ما يدري بشنو ايكفّر اذنوبه
و بقه يفتر عالگبر رادك ترحمه
معجزتك اتكون بالنهر مدفون
ايگـلّـك بَـلّـيّــاك شنهو انه معناي
***
الماي من يا باب اله طبيت گلبه
الما نگول اسمك عليه ما يسوه شربه
من يصلي النهر يتوضه بمحبتك
وچفك الفوگ الجرف، محطوط تربه
للـ مَي عبادات واجروحك ايات
يا كلمة الشوگ الگالتهه دنياي
***
اقترن يا بدر العشيره الماي واسمك
الراد يرسم نهر يالكافل يرسمك
"الكُلُ شيءٍ حي" جروحك يابو فاضل
حمره راية ثارنه وفكرتهه دمك
اجروحك يعباس للمبدأ انفاس
بيهه الزمن عاش وللحق صُفن راي
***
سعد هادي الشمري
@saadhadi83
#ابوذيات_لشريكة_المصاب
#السلام_على_ام_البنين_الاربعه
.
.
النظر وسط المدينه .. واربه عالطف
وكُبر شوفي ابصوّره .. واربه عالطيف
الفِكِـر بحسـين هايم .. واربعه الطف
نطيته ويرد سالم ردته اليه
***
الگلب ما ربه بفرحه .. رابي عالهم
وفصول النوح ولدي .. رابع الهم
اتلاثه انطيـت للطف .. رابع الهم
الگمر، وحسين سمّاه ظَهر اخيه
***
طيــف حـسيـن بالدمـعـات .. صحته
كـل ظنّــي عـدل وبـخـيــر .. صحته
بِشِر من جاب موت حسين .. صحت آه
مثل صيحته بطيحة چف اخيه
***
سعد هادي الشمري
@saadhadi83
اعيون زينب يبو اليمه اشحالهه
وشـافـت النبـلـه بنـظـر كفّـالـهه
***
اعـيـون زيـنـب بالمـدامـع غـارگـه
حگهه غير اعيون اخوهه امفارگه
كـثـر مـا بالعـبـره زيـنـب شاهـگـه
ابـلا زفـيـر الهــوه يتـعـنـالـهه
***
ابنـيّـة الزهــره الزچــيـه اجفونـهه
امجـرّحـه وتــشـبه زراگ امتــونهه
ابچفهه من تمسح الحــره اعيونهه
الجِفن يتجرح وخشنه احبالهه
***
مـن البـواچـي اعـيـون زينـب رايـحه
شـمـس چـنهه وعلى المـغرب طايحه
ضـاع صـوت الحـره گـد ما صايـحـه
على اللي من تمشي چان اخيالهه
***
مـن البواچـي اعيـون زينب غايره
كثـر مـا صـوب الشريـعـه ناظــره
اعيـونـهـه جربـة الكافـل صايــره
دمه وماي اتنگط اعله ارمالهه
***
اعيـونـهه العبـاس كل موضـوعهه
وجرّحـت خـديــن مـن ادموعــهه
ابغـيـر چـفّـه ما توِج اشـمـوعـهـه
الـ خيمه من سيف ورمح سوّالهه
***
اعيون زينـب بچي ومدمع ذابـله
صــوره للـعـبـاس بـيـهـن شـايـله
حتــىٰ مـن اتنـام مـنـهـن نــازلـه
ادموعهه وينبض حزن دلالهه
***
اعيون زينب بالبواچي امغورگات
اگبالهه ذبحـوا ضـواهن عالفــرات
بالخـرابه تگضـي ليلـتـهه وتـبــات
وعين اخوهه اعله الرمح تبرالهه
***
سعد هادي الشمري
@saadhadi83
شيعي وبطل قصتي گمر
ضامي واخذ عقل النهر
تبدي بمحرم قصتي
وتنتهي بعشرين بصفر
***
الطف صار مسرح عاطفه
وعباس اخذ دور الوفه
نار اشتعل بس ما طفه .. اعله العلگمي
ومن شاف دينه احتاجه دم
شفناه بطَل دوره الكرم
وانكتب برماد الخيم .. ساقي ضمي
شيعي ومنو مثلي افتخَر
عنده بطل هالگد صُبَر
و گد ما الماي احتاج اله
جوّه الگبُر يجري نهر
***
بعباس هنيال العزم
اهلال ابسِمه عيد الزلم
ايوضي السوالف هالاسم .. من ينحچي
عباس معنى الزلزله
ونقطة الباء بكربله
يم سيفه واجب عيني اله .. يصير البچي
يشبه علي فارس مضر
كرار ما يعرف مَفَر
سيفه ويه ذو الفقار اله
عالگنطره هوايه صور
***
عباس يا حزن الگلب
و اول ضمه انحِس بي عَذِب
للجنّه اسمه اول درب .. من كربله
يا اخو و يا نِعمَ الاخو
خدر الحرم مثله منو
جندي الحُسين وبس كفو .. تنگال اله
يا درس ما يخلص عِبَر
التاريخ بيه اشگد سَهَر
للغيره لو خلوا اسم
چان اسمه بس اللي انذِكَر
***
كلشي اله بالحق صِله
اتجسّد بعاشر كربله
مكتوبه قصة عايله .. اتعيش الجرح
والغيره والحب والصبر
والوفه المُطلَق والعِذِر
كلهن هذن رسمن فجر .. يوم الذبح
قصتي بحزن قصة نحر
ونار وسبي و جور القدر
قصة اميره امدللـه
وكافلهه بالموت اعتِذَر
***
هاي انه قصتي ويه الحزن
طيني بمحرم منعجن
گلبي بصَفَر چن ابسجن .. لو منسبي
قصتي بگمر هاشم بدت
وبزينب الحره انتهت
بسم الحسين اتوجت .. سبط النبي
راية اعله گلبي اترف قهر
للعالرمح يقرة السوَّر
للثار رافع رايتي
وانطر ظهور المنتظر
***
سعد هادي الشمري
@saadhadi83
بعينك سهم من شفتك
يا ثالث اعيون اختك
اغلَه من الاثنين
عند اخت الحسين
يابو فاضل
***
ها يجرح اخته ودواهه
وثالث اعيوني وضواهه .. ومايهه انته
صوره الك سكنت عيوني
تطلع من اطبگ جفوني .. وابچي سكته
بعد ما طاحت خيمنه بنار اميه
شارده من السوط اجيت و زرگه اديه
جيت وارماد الخيم طاغي عليه
وگلبي احر من رمل طف الغاضريه
غافي السهم بالچانت
وين انه ادوُر اندارت
طفّه السهم عين
***
جيتك امشي ودربي ونه
تنگل اجدامي المحنه .. واعتنيتك
زينب العندك وديعه
عطر خوّه اعله الشريعه .. دوريتك
شفتك امحني الجروف ابفيض دمك
ومثل طيحة بيرغك طحت انه يمك
بصوت حرّك روجة المي صحت بسمك
ماكو چفينك يخوي امنين اشمك
زينب يخوهه اتگلك
من يا مچان اتقبلك
واتقبلك منين
***
حيرتني يابو فاضل
نهر غيره وطيبه شايل .. وانته ضامي
ماشربت الماي، خوّه
وگلت روحي اتروح فدوه .. لروح امامي
اثر فوگ الماي ميظل لليغَرفه
وانته بس العالنهر ظل اثر چفه
الگمر تهتز صورته اعله المي اعرفه
وانته هزيت الفرات ابيوم طفه
فگدك سَبينه اثاره
ودمع المخيم ناره
مشتعله نارين
***
يلي ما مر بيك خوفك
شوفي اذا مابيه اشوفك .. شنهو نفعه
الچنت شايلهه انته بيهن
بلا ضواهن تصد ليهن .. حگهه تنعه
يل حلاة الدنيه مرسومه بجفونك
انته اول ضامي والجود ابمتونك
بكثر ما شايل محبه ويعرفونك
سهم جابولك وخليته ابعيونك
ليش اعله جفنك غافي
حيل السهم متعافي
يبقه الدمع دين
***
ها يخو الما ظل اخو الهه
التمشي چانت وانته ظلهه .. استوحدوهه
الدرب تمشيه عثره عثره
وشابچه اعله الراس عشره .. الانته اخوهه
چنت وانته وياي دنيه، وهسه وحدي
چان چفك يحدي هسه السوط يحدي
اجروحك اتحاچيني وانه الدمع رَدّي
اتگلي يابت علي للشام استعدي
باچر حزن يتلاگه
دمعي ويه دمع الناگه
نبچي اعله چفين
***
سعد هادي الشمري
@saadhadi83
#السلام_على_زينب_الحوراء
#سيدة_العفة_وجبل_الصبر
.
.
الغُـفـه بالنظـر سـهمـه شلـون ..
يمعون
النظر ، واجروحه بس الموت ..
يمعون
مشـيـت وصـوت مـن النـهــر ..
يم عون
صاح العذر عَ الما صح بديه
.
.
سعد هادي الشمري
@saadhadi83
#السلام_على_فاطمه_العليله
.
.
كل ما جفن نام تاخذني الاحلام
ولكربله انروح وادخل للخيام
***
انه يا ليل العليله العشت الجروح
شما يمر النوم اعيش ابحلم مذبوح
ويه النجم والنسمه طيف اتسافر الروح
روحي للعافوني وحدي امتيمه اتروح
واشتَّم التراب بخيام الاحباب
وروحي ويه الدموع تتزايد آلام
***
يم مهد عبدالله اگعد وانه اخته
اشفه من كل مرض من اسمعهه هزته
ولا يفز عطشان كل ليلي سهرته
ما اريد انظر على اجفونه دمعته
وابروحي اباريه وبالضحكه اناغيه
ابقه انه الوليه نام الطفل نام
***
غافيه ارقيه وشفت مبتسمه چنهه
على وجه احسين اظنّه انسد جفنهه
و يم وسادتهه بقيت اقترب منهه
افتح الترچيه خاف اتحز اذنهه
وبهدوة الليل من تصهل الخيل
اتفز روحي واتروح يم صدر الايمام
***
من اكول الخيم ليش النار تلهب
وشما صحت يا گمر هاشم تبچي زينب
ليش يمهه الماي بس ما ترضه تشرب
ومثل تَل اليم خيمهه الظهر حدّب
ولو گلت يحسين اتصير الخيم عين
والفاتحه الريح تقره اعله الاسلام
***
الطيف اسأله امن امشي لجروحي البعيده
ليش ليليه الدموع ابخد حميده
وليش زين العابدين انجرح جِيده
سكينه مو حنه بديهه وشو وحيده
و رمله تون ليش و وسط الخيم جيش
يمهه الحسن جاي شصار اعله جسام
***
سعد هادي الشمري
@saadhadi83
#عيد_الغدير
#من_جنة_الله_في_ارضه_كربلاء
#بين_الحرمين ..
الرادود الموفق / مرتضى العطواني
كلمات / سعد هادي الشمري
إن شاء الله عند حِسن ظن جميع خدّام آل محمد "ع"
Читать полностью…