#سؤال / كم خطوة أحتاج كي أصل لذلك النور
الحقيقي من صاحب الزمان .. !! ؟ 🤔
{ جواب / --------------- }
#سؤال / كم خطوة أحتاج كي أصل لذلك النور
الحقيقي من صاحب الزمان .. !! ؟
#الجواب هنا 👇
/channel/almahdy_12/28
مربعه للزهراء
يا بنت النبي ويا خَيرة النسوان
عليچ اليوم اونن والگلب خلصان
عليهه ابچي وتهل عيوني للزهره
للماتت غدر من شدة العصره
اهنا يلجايه للمجلس بعبره
نادي بصوت دمعچ خليصب غدران
طاحت عالأرض والضلع منهه انعاب
ثگيل وضكهه حيل أحاه ذاك الباب
عصروهه يشيعه شنهو الاسباب
طاحت فاطمه والهه بچه القرآن
زينب شافت امهه ونادت بحرگه
طيحة موت چنهه ومابعد ملگه
شبگت فاطمه زينب واهي مدنگه
اوداع اتگلهه يمه وما إلچ عنوان
خلص عمر الزچيه بالقهر واهموم
راحت واجده تشچي هظم هالگوم
لرسول الله تسولف والگلب مالوم
حرگوا باب بيتي وشبوا النيران
اتگبع بالحزن بيت الوصي وينعه
بعد صوت الحنينه شلون منسمعه
على حيدر يويلي ضاگت الوسعه
فارگهه الحبيبه والموادع حان
،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
يمه الي كسر ضلعچ
ريت انشلت ايمينه
—————
ريت الي هجم عالدار
دفع بنت النبي المختار
وخله بالصدر بسمار
عنه وين مهدينه
—————
شب الحطب على الزهره
وهو السبب بالعصره
بيده صارت السطره
ابمصابچ يمه ماذينه
—————
خله البيت وصحت وينچ
تون لمصابچ ابنينچ
آه يصواب البعينچ
وسف وجهچ امضيعينه
—————
دريتي بالحسن مسموم
حسين امغسلينه ادموم
وطفله بالسهم مفطوم
يزهره ابنچ اموذرينه
—————
نفسه الي حرگ بابچ
بحقده وصل لاولادچ
ما هاب النبي وهابچ
ضرب واسياط يحدينه
—————
اخلافچ يم حسن ضعنه
بعدچ منهو الي يلمنه
كل واحد بلد صرنه
وللشامات سابينه
—————
،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
لليريد قصائد #الليالي_الفاطمية يدخل هنا ويطلب 👇👇
/channel/+ehjzaRTaw0M1Mzk6
((زنجيل))
((مصيبة كربلاء))
لا تقصر باللطم …طفله مذبوح انفطم
واحسيناه…….واحسيناه
،،،،،،،،،،،،،،،،،،،،،،،،،،،،،،،،،،،،،،،،،
انذبح مولانه وتخضب..بالدمه يامسلمين
صيح واندب ياموالي...يا حبيبي يا حسين
ليش من دمه تِغَسل..ليش مگطوع الوتين
ليش ما تحضر يحيدر ..وين سيد المرسلين
يحضر يجر السهم…..باله صدره ينجسم
،،،،،،،،،،،،،،،،،،،،،،،،،،،،،،،،،،،،،،،
تبچي اله سبع العوالم..والضلع منه انطحن
فوگ صدره الخيل داست.زينب تنادي وتون
وينهه عنه الزچيه…..وين حيدر والحسن
وينه مهدينه يشوف..شلون تولينه المحن
احترگت اعلينه الخيم…والگمر راسه انهشم
،،،،،،،،،،،،،،،،،،،،،،،،،،،،،،،،،،،،،،،،
لطمه عالراس لحسينك ..للي گطعوا منحره
خلي تسمعهه النواصب.صيحه منه اموجره
لو يگطعون الرگاب………ودمنه عالغبره جره
إسمه مكتوب بوريدي………واقع وما انكره
ريت إسمي بالخدم..الما خدم حتماً ندم
،،،،،،،،،،،،،،،،،،،،،،،،،،،،،،،،،،،،،،،،
ريت اظلن خادم آنه….بمجلسه حتى الظهور
ويه مهدينه أطالب ………… يالثارات النحور
من ينادي المهدي.إحنه وياك كلنه من تثور
جنود تلگانه ونضحي…..مو دهر كل الدهور
امحزمه اوياك الزلم…والنِسه هم تلتزم
،،،،،،،،،،،،،،،،،،،،،،،،،،،،،،،،،،،،،،،،،
نطلب بثار العقيلة…من مشت ويه الشمر
بسوطه يضربهه وتنادي..ريت حيدرنه حضر
نمشي للشامات غربه…..جوه رجلينه جمر
والمصايب تحدي بينه.. أگبالنه راس الگمر
راس اخونه عالسهم… طفله مذبوح انفطم
،،،،،،،،،،،،،،،،،،،،،،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
خدمة حسين العظيمه لله خليهه وتفوز
ابد ماتحتاج دنيا وعالسراط انت تجوز
إجرتك خلهه الشفاعه ورضا من رب العباد
تاخذ من الله الجزاء وخيرك امن الزهره زاد
شرطك بعُملة وهديه هاي مو خدمه أبد
تاجر انتَ مو مُضحِّي بمالك اوياه الولد!!
الخدمة من الله هديه شُكر تحتاج ووفه
اليوصل الهاي المكانه عنده حتماً معرفه
يريد بالمحشر إمامه يشفع ويوگف سند
لإن مخلص بالخدامه وكتب وياه العهد
ماتساوم على المنابر تحسب شگد حصلت
بدم أبو اليمه تتاجر مو شفاعه انتَ ردت
صفي نيتك ياموالي بخدمتك تصبح ملك
اتواضع ولتشوف نفسك للفده دمه الك
حسين مارايد خدمتك بالتكبر والطمع
يريد خادمهم حنين ويجري بعيونه الدمع
مو حفظ چم چلمه رايد بيهه جاه ومنزله
حاله حال الناس راده ابخدمته راسه عله
……………
::::::::::::::::::::
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
لطمية ثگيلة
طب للحرب إبن الحسن بحزام أبوه امحزم
من زود حيدر طلعته بجده النبي متوزم
—————
رَجَّف شواربهه الزلم طشرهه وسط الحومه
بالمعركه صوته اعتله معروفه كل اعلومه
گله يعمي فدوه الك جاسم رخيصه ادمومه
افنيهه الك گوم العده وارگابهه ما تسلم
—————
طب للحرب وامه بوجل بعيونهه تربيله
خافنه مايرجع بعد لربهه غدت تدعيله
ربي يرد سالم الي وياهه تندب ليله
شبان حلوه وتنذبح بيه العده ماترحم
—————
ردتك إلي خيمه وسند تكبر تعاون امك
بيك انتخي وكت الشدد وحزام ظهر لعمك
طولك اعاينله بأمل مثل العطور اشتمك
تاليهه يوليدي صرت فوگ الترب متخذم
—————
مالومه وانعه يالولد يبني وينور عيوني
بعدك شباب وبالعجل من وجهك يحرموني
وياك ريت آنه متت وياليتهم ذبحوني
شلي بحياتي لو متت بالحزن اگضيهه وهم
—————
ياريت يحضرنه الحسن وامه الزچيه الزهره
ظلينه أطفال وحرم والخيم شبت جمره
تنظر الوالي وغربته محتار ويلي بأمره
فوگ الصدر گاعد شمر خضب حسينك بالدم
……………..
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((فزاعية))
الليله ينازع السجاد
والسم مرد دلاله
،،،،،،،،،،،
أنفاسه غدت جمره
بالهم خلص كل عمره
شاف المنگطع نحره
وزينب يمه تنعاله
،،،،،،،،،،،،
أحاه يحسين ومصابه
بگلبه النار لهابه
شبت باهله واطنابه
فرت بالخله اطفاله
،،،،،،،،،،،،
يذكر وشجره اعليهم
بسوطه الشمر يوليهم
بلا چفين واليهم
ما واحد حضر شاله
،،،،،،،،،،،،،
ما بي حيل ابو الباقر
وحده بكربلا حاير
ريته حيدره حاضر
وبيده اليوم تچاله
،،،،،،،،،،،،،،
تاليهه گضه بالسم
مات امن القهر والهم
بيد اعداه الما ترحم
لسه الفاجعه اباله
،،،،،،،،،،،،،،
من شاف الولي مذبوح
والفوگ النهر مطروح
دمهم عالثره مسفوح
المصيبه الروس تبراله
…………..
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
فزاعية
يحسين گوم لعيلتك
للديوان طبوهه
……………
ترضاهه بيدين الشمر
بحبال تمشي لليسر
گلب العقيله منكسر
عالوالي من نشدوهه
……………
نشدوهه وين الي كفل
ما گام من طاح الحمل
ما رجعاچن للنزل
ازنوده وسف گطعوهه
…………….
زينب تنادي ياعلي
احضرنه صرنه بلا ولي
بالشام وليه ننولي
ترضه حرم يسبوهه
…………….
احنه بناتچ فاطمه
بالشام ويلي بلا حمه
صب الدمع منه دمه
وليانه ذبحوهه
…………….
لديوانهم طبينه
ماواحد يحامينه
فرجه وسف ظلينه
اگبالي الروس خلوهه
……………
زينب وتدري بحالي
راسك يخويه اگبالي
لو چنت ميته اشوالي
ولا إختك يهضموهه
……………
آنه عزيزة حيدره
للشام رحت اميسره
بعيال اخوتي امحيره
مذبوح اخوهه وسورهه
………………..
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
شده
ياطبت الشامات يبن امي گضتني
چن عيد عدهم والشماته مرمرتني
بلايا ولي بس العليل اويانه يحسين
الحرم كلهه امحيره وتصفج باليدين
والگوم ملتمه علينه وماكو امعين
واطفالكم ياخويه تعبانه وعمتني
هم تدري خويه ابغير عباس انولينه
والسوط فوگ امتونه وامورمه ادينه
شگد صعبه ياخويه شماتتهم علينه
والنظره النه اسهام مسمومه ورمتني
عفناكم بحر الرمل والدمع جاري
ظليت اون لمصابكم ليلي ونهاري
عفتك ذبيح امسلب وملتهبه ناري
عنكم مشيت اسياطهم وليه ولتني
مرمرت حالي وتعبتني طبت الشام
روس الغوالي امعلگه ياويلي بسهام
سوده الليالي ومظلمه ياخويه الايام
عباس رد راسك ابساع وگوم ردني
ترضاهه بين اجناب زينبيكم سبيه
بقصر اللعين بلا ولي يزمخ عليه
مهضومه سكنه اتگابلت هيه ورقيه
ودموعهن فوگ الوجن جمره وچوتني
يحدينه حاديهم ضرب ما عدنه والي
ما دنگت رغم الجره والراس عالي
بسكوت اون ياريت امي تشوف حالي
وياريت وياهه الحسن للشام اجتني
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((لطمية ليوم الحادي عشر))
يبويه حسين وياكم اخذوني
بيدين الشمر لا تخلوني
———-
خذونه وروسكم تبره لضعنه
من بعدك يبو السجاد ضعنه
حچينه هواي حالتنه ووضعنه
بچيت وراحت امن البچي عيوني
———-
فرگتك هدت الحيل وعمتني
لو شفت العدو سوطه اعله متني
عليك اتعلمت يالدللتني
اعتب وين أهلي الضيعوني
———-
بموتتكم أبد ماشفت راحه
گلبي ما هده وطابت اجراحه
لگضي العمر بالون والنياحه
يحله النوح لاهلي الفارگوني
———-
زينبكم وحيده بلايه امعين
والعباس يبقه بلايه چفين
واحنه بلا ولي نشگف بالايدين
نشدنه هم بعد جيه وتجوني
———-
بعد هيهات طبتهم علينه
الحسره بالگلب وشصار بينه
للغياب ربنه شگد دعينه
سدوا بابهم ما يسمعوني
———-
:::::::::::::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
30-7-2023
/channel/Umahmed_alsaedy
مربعة او رجالية
مشتاگ الك يحسين دمعي اسيله
كل محب شابح ليك ذايب دليله
يحسين الك خدام تبچي الدمع دم
اتعودنه كل عاشور بالخدمه نلتم
واحبابك تشد حيل وبحرگه تلطم
ومجلس عزاك بشوگ امك تجيله
لزيارتك مولاي شوگي أخذني
يحسين الك حنيت لا لا تردني
مهضوم وانت الغوث يحسين اغثني
حلفتك بعباس ويه العليله
خادم واجيت اليوم اسمعني مولاي
الطم الك وانعيك دوم انه وفاي
تحرمني بالله شلون من خدمتك هاي
گالو حضر يحسين هالحضر شيله
انه الگضيت سنين الطم على الهام
ولأمك الزهراء نعزيهه كل عام
شلون وعجيبه تصير تصبر الخدام
بلايه عزه ودموع روحي نحيله
حاير يبو السجاد بالگلب جمره
ويه دمع وعتاب شمحضر اقره
لبيك آه يحسين الخادم تحضره
وتبقه خدمتك دوم تاج ونشيله
لخادمة الرسول واهل بيته عليهم السلام
ام احمد الساعدي
لتعجيل الفرج
نسألكم الدعاء
الأمام الحسين في يوم العاشر عندما هوى على أرض كربلاء جاء جبرائيل ليضلل له فقال له الحسين عليه السلام دع الشمس تحرقني ليخفف الله العذاب عن شيعتنا 😭😭 🥺🥺😢😢
هذه محبة الحسين لكم ❤️ لا تعوفون أبو علي هوه فوز الدنيا والأخره وعضم الله اجوركم واحسن عزائكم
ماذا رأت عينك يازينب
؟؟؟؟؟؟؟؟؟
حافيه وتركض على حر الجمر
شافته امن بعيد گاعد عالصدر
شافته وگامت تحوم اعله الجسم
عاينت صوب النجف رادت زلم
وينك احضر ياعلي بصرخة ألم
احضر حسينك يگص نحره الشمر
وصلت الميدان والمدمع همل
شافت اجسام الاهل صارت وصل
امگطعين وبالبراري بلا غُسل
لطمت اعله الراس والمدمع جمر
ساعه يم حسين تبچي وتنتحب
تمسح ادمومه العلى نحره تصب
وساعه يم عباس مدمعهه سچب
شافت الچفين طاحن عالنهر
احااه من شافت الخيل اعله الولي
ركضت اعله التل تنادي ياهلي
صاحت الحگ گوم لينه ياعلي
اضلوع ابنك طحنوا وما ظل صبر
طحنوا ضلوع الولي بوويه طحن
واني محتاره بخيم شفت المحن
نار تلهب سووطهم فوگ المتن
بساع بويه ودي لبنيتك خبر
جابوا النوگ العجف واتحيرت
شلون اعوف حسين والله اتمرمرت
ولموا اطفالي العده بيهم سرت
بساع ياحيدر تره رحنه بيسر
لخادمة الرسول واهل بيته
ام احمد الساعدي
ونسألكم الدعاء
30-7-2021
/channel/Umahmed_alsaedy
💮 انته شاعر او شاعره حسينيه وتريد تصعد قناتك ؟؟
💮 انته ناشر قصائد حسينيه وتريد مشتركين لقناتك 🤔
⭐ صاحب قناة دينيه وتريد تصعد لقناتك 🤔؟؟
كل الي عليك تراسلني اضيفك لدعم من اكبر الدعومات على التلكرام
@Daem500k
✅ ملاحضه : لازم قناتك بيها اقل شي 100 مشترك فما فوق
اقوى دعم 🔥🔥 للقنوات الدينيه والحسينيه 😍😍 على التلكرام مجانا ✅ اذا تريد مشتركين حسينين متفاعلين راسلني واضيفك للدعم 👇👇
@llooooloooooll
مربعه
ويل گلبي شلون عصروا فاطمه
والضلوع شلون منهه امهشمه
ويل گلبي اعليچ يابنت الرسول
من يضك الباب حيل اعله البتول
تريد تدفع صابهه بساع النحول
طاح محسنهه وبچت حتى السمه
بويه صاحت گوم شوف الي جره
هجمت الگوم وتحير حيدره
اعلينه شاف النار بويه اموجره
وبوصيتك ملتزم حامي الحمه
حمره عيني بسوطهم بعدك غدت
والحسن وحسين بس مدمع يكت
زينب ازغيره يبويه اتحيرت
تشوف امهه عينهه تنزف دمه
شبوا باحقادهم داري بحطب
ياأبو ابراهيم معلوم السبب
ثار عدهم من بدر هذا الذنب
باچر يسكنون نار الحاطمه
صحت وينك گوم شوف ابنيتك
چانوا متانين بويه موتتك
هجموا اعليه وولوني بغيبتك
الله ما خافوا الزمره الغاشمه
فاطمه الچانت عزيزه امدللله
من رحت لا زاد من بعدك حله
والحزن خيم عليهه والبله
ناس لا ذمه عليهه امحزمه
،،،،،،،،،،،،،،،،،،،،،،،،،
لخادمة الرسول وأهل البيت
ام احمد الساعدي
لتعجيل الفرج نسألكم الدعاء
/channel/Umahmed_alsaedy
✅ مؤسسة بني هاشم عليهم السلام {1} ✅
لدعم القنوات الحسينيه 🌸 مجاناََ 🌸
♦️ ملاحضة :
مدة نشر اللسته 3 ساعات وتحذف تلقائيا النشر مرتين باليوم ومن يحذف اللسته تحذف قناته من قبل بوت الدعم وغير مبرئ الذمه من يتلاعب بصلاحيات البوت المقرره
✍️ : قناة شاعر حسيني
🖌️ : قناة شاعره حسينيه
🗒️ : قصائد لمختلف الشعراء أو الشاعرات
🖼️ : قناة نشر ديني
🔶 قبول القنوات من 100 مشترك فما فوق للاشتراك بالدعم المراسله هنا 👇👇
/channel/sajad2w ......................................
==============================
💎 قنوات الدعم الحسيني ⬇️ ⬇️ ⬇️
.
│04k ⚡ الشاعر عزیز الفیصلي ✍️
│02k ⚡ الشاعره ام حيدر الطائي 🖌️
│02k ⚡ أحزان الغريبة الهاشمية 🗒️
│02k ⚡ نشر القصائد لجميع الشعراء 🗒️
══════⊹⊱≼≽⊰⊹══════
│02k ⚡ الشاعره ام احمد الساعدي 🖌️
│02k ⚡ الشاعرة ام محمد الكناني 🖌️
│01k ⚡ تنزيل وتلحين القصائد 🗒️
│01k ⚡.الشاعر فالح العامري ✍️
══════⊹⊱≼≽⊰⊹══════
│01k ⚡ الشاعره نور الظهور المقدس🖌️
│01k ⚡ عشاق القصائد الحسينية 🗒️
│01k ⚡ فقه ومعارف آل البيت 🖼️
│01k ⚡الشاعره أم محمد الساري🖌️
══════⊹⊱≼≽⊰⊹══════
│09h ⚡ نشر القصائد مع الالحان 🗒️
│08h ⚡ الشاعره كلثوم الساعدي 🗒️
│07h ⚡ الشاعره أم عـَباس ألسـكيـني 🖌️
│07h ⚡ الشاعره ام يحيى العبودي 🖌️
══════⊹⊱≼≽⊰⊹══════
│06h ⚡ رابطة مسلم ابن عقيل 🗒️
│06h ⚡ الشاعرة فآطمة آلَبصرآوٌيهّ 🖌️
│06h ⚡ الشاعر حيدر آل خفاج 🖼️
│05h ⚡ ولاية علي حصني 🖼️
══════⊹⊱≼≽⊰⊹══════
│05h ⚡ الشاعر مهند المياحي ✍️
│05h ⚡ الشاعر احسان الحميداوي ✍️
│05h ⚡ الشاعره ام زهراء الزيداويه 🖌️
│05h ⚡قناة الشاعره ام صادق 🖌️
══════⊹⊱≼≽⊰⊹══════
│05h ⚡ قناة الناشر ابو الاكبر 🗒️
│04h ⚡ أنوار الزهراء عليها السلام 🗒️
│04h ⚡ الشاعره بتول الهاشمي 🖌️
│04h ⚡الشاعر ضياء الكناني ✍
══════⊹⊱≼≽⊰⊹══════
│04h ⚡ قناة هلاهل الأشعار 🗒️
│04h ⚡ قناة سبع الگنطره 🗒️
│04h ⚡ قناة سيد علي الموسوي 🗒️
│04h ⚡الشاعرة بتـول الكربلائـية 🖌️
══════⊹⊱≼≽⊰⊹══════
│03h ⚡الشاعره شاعره ام اسعد 🖌️
│03h ⚡ الشاعر زيد الحدراوي ✍️
│03h ⚡ تعليم الأوزان فالح العامري
│02h ⚡ قصائد محرم الحرام 🗒️
══════⊹⊱≼≽⊰⊹══════
│02h ⚡الشاعره ام احمد البصراويه 🖌️
│02h ⚡ قناة حقيبة المؤمن 🖼️
│02h ⚡ قناة الرافضيه الحسينيه 🗒️
│02h ⚡ الشاعر باقر علاء ✍️
══════⊹⊱≼≽⊰⊹══════
│02h ⚡ قناة المأتم الخالده 🗒️
│02h ⚡ رحلة العشق الإلهي
│02h ⚡ الشاعر عباس الشويلي ✍️
│01h ⚡ نعشګ خيام الطف 🗒️
══════⊹⊱≼≽⊰⊹══════
│01h ⚡ قناة لوعة رقيه 🗒️
│01h ⚡ الرادود حيدر الخفاجي 🗒️
│01h ⚡قناة الأقلام الفاطمية 🗒️
│01h ⚡ النعي والرثاء للمجالس 🗒️
══════⊹⊱≼≽⊰⊹══════
│01h ⚡ نور الحسين عليه السلام 🗒️
│01h ⚡ قصائد حسينيه مكتوبه 🗒️
│01h ⚡الشاعر حسين محمد الزهيري ✍️
│01h ⚡ قناة قُدٍوٌتٌيَ زٍيَنِبً 🖼️
══════⊹⊱≼≽⊰⊹══════
│01h ⚡ الرادود حسين القريشي 🖼️
│01h ⚡ قصائد الزنجيل الثلاثي 🗒️
│01h ⚡ قصائد مرتضى حرب 🗒️
│01h ⚡قناة آلَعۣۗہشۣۗہكۣۗہ مۣۗہذۣبۣۗہوۣح 🖼️
══════⊹⊱≼≽⊰⊹══════
│01h ⚡ قنات خادمة أهل البيت 🗒️
│01h ⚡ تلحين القصائد الحسينية 🗒️
│01h ⚡ الشاعر ابو سجاد الجنابي ✍️
│01h ⚡ بركات أم البنين ع 🗒️
══════⊹⊱≼≽⊰⊹══════
│01h ⚡ مؤسسة خدام الحسين 🖼️
│01h نـعـي + قـصــائـد حسينيه 🗒️
│01h ⚡ قمر بني هاشم 🗒️
السلام عليكم أن شاء الله راح يستمر دعم مؤسسة بني هاشم بعد ما وقفنا بالمره السابقه لان حصلنا مشرف يدير الدعم
Читать полностью…
طور
زينب تنادي وين والينه
طور عبد الرضا النجفي
((السلام على اليتيمة رقية))
اذكروا بت حسين والجره اعليهه
گعدت امن النوم تريد واليهه
……………
امصابهه ياناس ما جره ولا صار
شافت الوليان عالثره طِشَّار
الخيم محروگه بيهه شبت نار
هضم ما تحمل ازغيره تدريهه
……………
تركض من النار والگلب جمره
عالثره الوالي منگطع نحره
الشمر شال الراس وينهه الزهره
تالي لرض الشام الگوم سابيهه
…………..
جينه بالدمعات نبچي بت حسين
ونت الطفله وتهل دمع العين
رادت الوالي يگعدلهه الحين
مايرد هيهات ولا يحاچيهه
………….
ماإجه ليهه وابعد الوالي
زينب تنادي وشجره بحالي
ماتت بحسره والدمع هالي
بغرب مدفونه ابعيده اهاليهه
…………..
وينهه الزهره بعجل تحضرهه
بهيده بت حسين من تغسلهه
براضه اعليهه من تچفنهه
هواي متألمه السوط ماذيهه
……………
::::::::::::::::::::
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
((مولاي يبن الحسين))
الوزن تجليبة
الطور ((مربعة))
او ثگيلة رجالية
شحچي عن زين العباد ومحنته
امن الزغر نكبه اعله نكبه اتولته
مرد دلالي علي
راح وي راس الولي
امن الزغر نكبه اعله نكبه اتولته
،،،،،،،،،،،،،
شلون من شفت الولي فوگ الثره
امطبر ومذبوح گطعوا منحره
اگبال عينك شفت عيله ميسره
جسم ابو السجاد يفجع منظره
امگطع وصاير وصل
بغيره ماصار وحصل
بالحوافر خيل اميه داسته
،،،،،،،،،،،،،
ياصبر يحمل الشفته امن العده
سيوف واسياط وذبح بيك شسده
تمشي وايدك بالحبال امگيده
ابدال أبو فاضل شمر بيكم حده
تشوف عمتك تنسبي
احترگت اذيال العبي
بكربله حسين ابو اليمه عافته
،،،،،،،،،،،،،
شحچي عنكم يا إمامي وشرد اگول
حيل يوجع گيدك إيدين البتول
چنهه هيه امگيده اوياهه الرسول
ضلوعهه المكسوره رضتهه الخيول
آه صاحت ياحسين
عاري عالغبره طعين
امن المدينه بالنواعي اتعنته
،،،،،،،،،،،،،
احچيلنه بيوم الشفت راس الرضيع
انرفع فوگ اسنان والمنظر فظيع
ومن بگه فوگ النهر عمك صريع
چني اسمعك من صحت وين الشفيع
يجي ابساع من السمه
اوياه تحضر فاطمه
ينصب المجلس ويقره لشيعته
::::::::::::::::::::
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
((شدة))
للإمام السجاد (ع)
بزين العباد اليوم عزوهه يشيعه
وبلطمه توجع عينو الزهره الشفيعه
———
بحرگه الزچيه الطاهره تلطم عالعيون
وتصيح بالسم والذبح يوليدي تگضون
شنهو الذنب آنه العملته ومني يردون
ثاراتهم ما خلصت بذيچ الفجيعه
———
كسروا الباب واسقطوا من جنيني
والضلع والبسمار سطرتهم بعيني
بسيوف وبسم الچبد خلصوا بنيني
مصيبة علي السجاد وحسين ورضيعه
———
مسموم من بعد اليسر ذيچ المصايب
وبكربلا شاف العجب شاف النوايب
مذبوحه أهله امطرحه فوگ الترايب
عباس ظل عالمشرعه اچفوفه گطيعه
———
گضَّه العمر بعد اليسر والدمع بالعين
كلما ذكر ذيچ المصايب ذبحة حسين
والماي لو شافه الگلب ينجسم نصين
وشبان حلوه امخضبه بالدم صريعه
———
مات وأثر گيده يظل يحچي ظلمهم
حتى العليل بمحنته ما سِلم منهم
والسوط بيدين الشمر يضرب حرمهم
ماظنه بالسم موتته بجنب الشريعه
::::::::::::::::::::
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
((السلام عليك مولاي يبن الحسين (ع)))
على السجاد هل يادمع العيون
شاف شگد مصايب ضرب المتون
———-
الله يساعده عاش العمر حسره
حضر مصرع الوالي امحير بأمره
شاف الشمر گاعدله ويحز نحره
وين اهله بعجل خلهم يفزعون
———-
عليل وماله حيل يعاين العيله
وزينب حايره تريد اليتچيله
حايطهه العدو مولاتي انحيله
أهلهه امطرحه وما ظن يسمعون
———-
شاف النار تلهب والخيم شبت
واطفال وحرم تركض وتتلفت
بزينب شاف گوم ايزيد تتشمت
حَشَّم ياعلي رد اليعيلون
———-
إحضر شوف زينب لليسر راحت
شالوا راس أخوهه اگبالهه وصاحت
ولياني يحيدر عالثره طاحت
وروس امگطعه اعدانه يشيلون
———-
وآنه امگيد وكل حيل مابيه
بيدي الجامعه وماشي لبني اميه
ماخذ عيلتي للشام مسبيه
تفجع حالتي والحيل مرهون
———-
…………..
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
((السلام على فخر المخدرات))
زينب وإسمچ يهز عرش الطغاة
بت علي معروفه يازين الصفات
••••••••••••
زينب انتِ والنعم بت فاطمه
آيه من الله جليله وعالمه
امخدره وخدرچ عبايه امن السمه
بت علي چانت درس بالموزمات
••••••••••••
باليسر كتبت درس هزمت محن
لمت العيله رغم دمع الجفن
راسهه عالي ومشت زينب تون
امحدبه بس الراس عالي للمات
••••••••••••
امحدبه مكسورة ظهر من كربلا
بيهه صدر حسين ذباحه اعتله
برمحه يدفعهه لَمن وصلت إله
وثبتت برغم الجره والنايبات
•••••••••••••
شوف زينب وانت تعرف مقصدي
واقره تاريخ الحچي اويه المعتدي
سجدت احروف القلم من تبتدي
خطبه بيهه دكت اقصور الجُناة
•••••••••••••
ياقلم اكتب وإنصف بالوصف
انطي حقهه وخلي يوفيهه الحرف
هاي زينب منهه خجلان الشرف
تنحني لخيالهه حتى الصلاة
••••••••••••••
هيبه من تمشي رغم هضم اليسر
ماكسرهه الشمر بس رض الصدر
ابعيد عنهه الذله هاي ام الصبر
مدرسه ومنهه اتعلمنه الثبات
••••••••••••••••••••••
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
طور
((شلون بيه لو گرب مني الأجل))
((مربعه))
((نزله))
شلون بيه من مشيت اميسره
عفت ابو السجاد مرمي اعله الثره
شحچي ياعباس والمنظر فظيع
ذبحوا الشبان عبد الله الرضيع
امن الخيم اطفالنه بالبر تضيع
احسينكم بالسيف گطعوا منحره
شلون بيه والشمر يحدي الظعن
ريت سهم الصوبك گلبي طعن
حتى نوگ الهِزل لمصابي نعن
بسوط نمشي والضعن بينه سره
بلا كفيل امشيت ياخويه وشفت
اطبولهم بالشام والناس اوگفت
فرجه يا عباس زينبكم صفت
صرت بعيال وحريم امحيره
شفت ابن هنده الشماته بعينه
يعاين لراسك وينشد وينه
وين عنچن زينب التنخينه
ظل على التربان يفجع منظره
خويه كتلتني رقيه من تصيح
تريد ابوهه والدمع منهه يسيح
خايفه اعليهه لون تدري ذبيح
تموت ماتحمل يخويه الي جره
جابوا الراس بطشت بامر اللعين
فجعه صارت للحرم آه ياحسين
طاحت الطفله وسكن منهه الأنين
شالهه السجاد ريتك تحضره
ويل گلبي شلون مكسور العليل
بالمصايب والمرض جسمه نحيل
اجبال ماتحمل ولا تگدر تشيل
الشافه ابو الباقر ابصبره سطره
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
كل جديد لشهر محرم الحرام وصفر على قناتي
ونتمنى من الله القبول
ماذا رأت عينك يازينب
؟؟؟؟؟؟؟؟؟
حافيه وتركض على حر الجمر
شافته امن بعيد گاعد عالصدر
شافته وگامت تحوم اعله الجسم
عاينت صوب النجف رادت زلم
وينك احضر ياعلي بصرخة ألم
احضر حسينك يگص نحره الشمر
وصلت الميدان والمدمع همل
شافت اجسام الاهل صارت وصل
امگطعين وبالبراري بلا غُسل
لطمت اعله الراس والمدمع جمر
ساعه يم حسين تبچي وتنتحب
تمسح ادمومه العلى نحره تصب
وساعه يم عباس مدمعهه سچب
شافت الچفين طاحن عالنهر
احااه من شافت الخيل اعله الولي
ركضت اعله التل تنادي ياهلي
صاحت الحگ گوم لينه ياعلي
اضلوع ابنك طحنوا وما ظل صبر
طحنوا ضلوع الولي بوويه طحن
واني محتاره بخيم شفت المحن
نار تلهب سووطهم فوگ المتن
بساع بويه ودي لبنيتك خبر
جابوا النوگ العجف واتحيرت
شلون اعوف حسين والله اتمرمرت
ولموا اطفالي العده بيهم سرت
بساع ياحيدر تره رحنه بيسر
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
ساعد الله قلبكِ مولاتي يازينب
حاچيني ياحره واحاچيچ
يخت ابو اليمه شلون بيچ
من زمخ شِمر وصيَّح اعليچ
مذبوح اخيچ ما يحاميچ
اليوم المصيبه والفجيعه
رگبة أبو اليمه گطيعه
فوگ الثره الحاله فظيعه
عباسنه فوگ الشريعه
اتعنه الشمر يم ابو اليمه
سيفه نگع ويلي بدمه
والخيل داست على جسمه
ريت احضرت هالساعه أُمه
لسان حال مولاتي زينب (س)
تعالي ييمه نگعد احذاه
نمسح ادمومه ونگعد وياه
نجر السهم طالع امن اگفاه
ضهد حيلي الولي راح وفگدناه
يحسين گوملنه سبونه
وبسوطهم گام يضربونه
وامن البچي خويه امنعونه
ولو صحنه باسمك يشتمونه
ترضاهه زينبكم سبيه
وسكنه تون خويه ورقيه
تولينه وسفه اعلوج اميه
وظليت بس اشگف بديه
اشگف بديه وضيعيتك
تنهض تحامي اليوم ريتك
واعله الهزل شوف اهل بيتك
متگوم يبن امي نخيتك
:::::::::::::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
29-7-2023
/channel/Umahmed_alsaedy
الموشح المنقوص
مربعه
طور
((شلون بيه لو گرب مني الاجل))
لسان حال مولاتي زينب (س)
يلخيم للحرم ردناچن ستر
بالچن تحترگن بنار الشمر
زينب وتدرن عزيزة حيدره
رايحه ويه العده متيسره
شوفن شصاير علينه وشجره
حسينه عفناه مگطوع النحر
طايح المظلوم عالغبره صريع
حرمله ياخذ غفل منه الرضيع
اصوابنه والله يهل الوادم فظيع
عالترابه حسين وياه الگمر
باچر يأذن مؤذن بالحرم
لليسر گومن وشدنهه الهمم
طاح واليچن ومضروب بسهم
جابوا الهِزَّل يبن خير البشر
جابوا الهِزَّل ونادوا للرحيل
عاينت بلچي يفز لينه الكفيل
مايفز هيهات أيسي ومستحيل
امگطعه اوصاله أخيچ عالنهر
احترگن اخيمنه وتولانه اللعين
بالحوافر داسوا اطفال الحسين
زينب آنه بلا محامي ولا معين
أركض امضيعه على حر الجمر
ساعه اگومن للحرم ساعه اطيح
للنجف وجهت وجهي وگمت اصيح
ريت تحضر ياعلي اتشيل الذبيح
رجع خالي وينعه يابويه المُهر
صاح صوت ارتجت اركان السمه
حسين مگطوع النحر يافاطمه
شال راسه الشمر ياحامي الحمه
فوگ راس اسنان ولزينب نظر
لخادمة الرسول واهل بيته (ع)
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
طايح ولينه بكربلا
بالمعركه اموذرينه
گاعد على صدره الشمر
ياوسفه حز منه النحر
امن العطش گلبه جمر
ياعلي احضر لينه
ماخاف الله ولَرتهب
سهمه يحطه بالگلب
ريته بجهنم يلتهب
شلهه يربي ايمينه
ياشمر لا لا تنحره
يكفينه الصار وجره
كلهه ذبيحه اعله الثره
خليلنه والينه
خليه يحديه الظعن
يردنه سويه للوطن
بفراگه والله نمتحن
يسره العدو يحدينه
گعدت اگباله وشافته
دمه يخر من هامته
لطمت الراس ونشدته
هم بعد ترجع لينه
لخادمة الرسول واهل بيته
ام احمد الساعدي
ونسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
/channel/Umahmed_alsaedy
