ليوم العاشر
اريد امگابل وعالراس
تفجع لطمة الوالي
———————
اخيته بيه مفجوعه
شافت طحنوا اضلوعه
تون ابونه مسموعه
دمعهه من دمه هالي
———————
صاحت زهره يايمه
وينچ شوفي ابو اليمه
طاح امخضب بدمه
تعاي وشوفي احوالي
———————
اركض والجدم حافي
نار امن الظمه اشفافي
اخيي عالترب غافي
حزوا راسه العالي
———————
اريد الي يعينوني
عليهم هدلن امتوني
بالمذبوح عزوني
ضوه عيوني طفه الغالي
———————
گوموا وياي للميدان
ناخذ ماي للعطشان
نمسح عنه التربان
واگله الحگ اطفالي
———————
واگله اشلون ترضاهه
العيله الشمر يحداهه
بناتك محد وياهه
لا كافل اليبرالي
———————
مشينه السوط يحدينه
ضربنه انشلت ايمينه
شتم حيدر يوالينه
شالوا راسك اگبالي
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((شوط كربلائي))
الوزن بحر طويل
لسان حال مولاتي زينب (س)
ضجه بالخيم صارت وزينب لمت العيله
باچر عالثره يضلون وداع وياهم الليله
————
ناداهم ابو السجاد وگلبه يلتهب جمره
محتار بحرم واطفال ويدري ينگطع نحره
وزينب حايره وتصيح بيه بعدك شيجره
اظل وحدي يبو اليمه اروح لكافلي احچيله
————
أگله گوم ياعباس إختك وين منواهه
تنطي الوجه گلي وين لا واحد بگه وياهه
كلهه امطرحه الشبان مذبوحه وِلِد طه
حسين امغسل بدمه ولا واحد اجه يشيله
————
گلي يبو اليمه شلون لو شب العدو نيران
من هجمت علينه الخيل وفرت بالخله نسوان
اذيال العبي محروگه تلحگ ردنه الوليان
بعدنه بعازة الخوان ومنهو بعد نشكيله
————
ضجه وناده المنادي وداع الليله وين حسين
تعالن گابلنه اليوم باچر ابو اليمه وين
مطبر عالثره ويلي وچبده منجسم نصين
محزوز النحر والگوم يكسر صدره بخيله
————
نصيح ومنهو يسمعنه والوليان مذبوحه
يجمعنه الشمر بالسوط عيني تظل مشبوحه
اعوف الجثث فوگ الگاع بلايا روس مطروحه
دم مو دمع لبن امي عيني بحسره تجريله
————
ماينفع بچي ولا نوح والراح ابد ما يرجع
شوفتكم تهد الحيل والله لفاطمه توجع
اريدن كل موالي اليوم بالمجلس فلا يهجع
بآ يحسين ومصابه كلهه بصوت تنعيله
————
لطم عالروس وبحرگه لاتتعب لبو اليمه
عاون زينب وچلثوم تحله وياهن اللطمه
للظل عالثره امخضب غُسله صار من دمه
لجاسم تعله صرختنه ونعازي نجي ليله
:::::::::::::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
28-7-2023
/channel/Umahmed_alsaedy
فائزي
شده
التموا سويه بالخيم لوداع الحسين
وزينب تنادي امحيره ياخويه لاوين
آخر اوداع حسين باچر عالوطيه
امگطع وصل فوگ الثره ابن الزچيه
ضجه غدت بين الحرم ونه خفيه
مذبوح باچر ياوسف ابن الميامين
اوداع الاهل والمدمع الحره تسيله
اتگله يخويه امحيره بعدك نحيله
ودع ابو اليمه اخيته والكفيله
گلهه يزينب وحدچ وسفه تظلين
اتظلين خويه امحيره باچر بالعيال
شلون البُصر يختي لون بيچ الشمر عال
وحدچ ولا يمچ علي ولا عندچ ارجال
تركضين يختي للكفل انهض تحشمين
انهض تگليله الخيم شبت علينه
الحسين بسيوف الاعادي امگطعينه
عباس گوم بساع رد گوم التجينه
هالجابوا النوگ الهزل شدوهه الايدين
اصبري يخويه وصبَّري اوياچ المداليل
لو شفتي يازينب عليه داست الخيل
صيري سند للعايله وحاميلي العليل
انت الصبر وام الصبر لا ما تطخين
لخادمة الرسول واهل بيته
ام احمد الساعدي
ونسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
/channel/Umahmed_alsaedy
لليلة الوداع
حسين بين الخيم چنه العافيه
وباچر امطبر وعينه غافيه
يحچي ويه ام الحزن
عايفينچ للمحن
وباچر امطبر وعينه غافيه
~~~~~
من يخيم بالمحنه وتشعر اوياه الدفو
وهنه يفترن عليه يعاينن وجهه الحلو
خايفات من الفگد
يروح ما يرجع بعد
وباچر امطبر وعينه غافيه
~~~~~
ونه الهن ماتِهوّد بچت للونه السمه
يدرن الليله الاخيره ويه ابن حامي الحمه
باچر يبين يتم
تحترگ نار بخيم
وباچر امطبر وعينه غافيه
~~~~~
زينب اتنشده يخويه باچر شلون الصبر
من اشوفن شمر بيده سيفه ويحز بالنحر
خويه يفجع منظره
دمك بإيده جره
وباچر امطبر وعينه غافيه
~~~~~~
ساعه أعثر بالشباب اعيوني دم منهه يهل
وساعه أعثر بالمگطع جسمه هالصاير وصل
حرت وين انطي الوجه
ياابن امي واتجه
وباچر امطبر وعينه غافيه
~~~~~~~
ولو شفت راسك يخويه الشمر يگطع منحره
شلون بيه لو مشيت اعله النياگ اميسره
وانه اصيحن ياذبيح
إمتونه بالطگ تطيح
وباچر امطبر وعينه غافيه
~~~~~~~
وانحنه ظهري يخويه امن المحن
الشمر وسفه يحدي ياخويه الظعن
الكفل فوگ المشرعه
والچفوف امگطعه
وباچر امطبر وعينه غافيه
"""""""""""""""""
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((لخدام الحسين سلام الله عليه ))
الوزن ((بحر طويل))
اتحزم واخلص النيه
محرم أعلن الجيه
هنياله لخدم لحسين وبعاشور يقراله
آ يحسين ومصابه ويوگف يخدم الجاله
يروح المجلسه ممنون وبهمه تعناله
من كل گلبه وبإخلاص والخادم يهنياله
اتحزم واخلص النيه
محرم أعلن الجيه
تدري الزهره بالمجلس تعاينلك ومفتخره
تسجل بيدهه وتحسب ماتنسالك العبره
تفتر على الوگافه وكلمن حَّضَّر السفره
مأجورين تسمعهه تگول بأنه وبحسره
اتحزم واخلص النيه
محرم أعلن الجيه
مكسورة گلب تحضر على المذبوح واليرضع
تگلك إبني عالغبره بسيوف العده امبضع
الشمر گاعد على صدره لاخاف الله لايخضع
ششوفن منه گلولي واداوي شلون ياموضع
اتحزم واخلص النيه
محرم أعلن الجيه
صَدِّگ كلهم يحضرون بالمجلس الوفايه
مياتم للعزه ينصبون ويرفعونهه الرايه
رضا من ربهم يريدون ما عدهم أبد غايه
وجاهتهم الخدمه وهاي الهه الروح شرايه
اتحزم واخلص النيه
محرم أعلن الجيه
يخادم گوم واتحزم وشد اوزار للخدمه
زينب جايه تندب بالمجلس ابو اليمه
اتخيل تحضر ام عباس ومنك تسمع الكلمه
يحسين بضمايرنه وثوره تصير هاللمه
اتحزم واخلص النيه
محرم أعلن الجيه
تسمع منك اعله الطاح واتگطعن ذرعانه
يا عباس لمك گوم الليله حضرت اويانه
تنوح وتلطم اعله الراس آيوليدي واخوانه
سوه يتگابلن كلهن واحنه نصير عوانه
اتحزم واخلص النيه
محرم أعلن الجيه
:::::::::::::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
شبيه الرسول
خلقاً وخُلقاً
((شوط كربلائي))
بحر طويل(( طور يحسين بضمايرنا))
طب شبه النبي الهادي چن زلزال للحومه
گلب عاليهه سافلهه هذا الزاچيه اعلومه
علي الاكبر تعرفونه
من اسمه يهابونه
شباب ويزهي بالميدان فدوه رحت لرسومه
~~~~~~
نظر لحسين ويگله سلملي على ليله
امي الثاكله يابوي اخافن تصبح انحيله
طلع وتراقب عيونه
وليله تصيح ياعونه
فدوه لطولك وليدي تشبه للنبي ويومه
~~~~~~
مثل صولة ابوه حسين طوله يشبه الكرار
تتهاوه الزلم يمه كلهه ازغار ويه اكبار
دين وزود مضمونه
وكت الشدد يردونه
امه خايفه وتدعي ومنهه الروح مهمومه
~~~~~~
شالت ايدهه ليله تدعيله الولد يرجع
شباب الاكبر ومحلاه ربي دخيل الي اسمع
وليدي ياعذب طرواه من اسمه فلا اشبع
يبواليمه علي شلونه
گلي ومنخطف لونه
اخافن صار الموادع وعلي متغطي بدمومه
~~~~~~
ردتك يمه الي جناز ولگبري ترافگني
ما حسبت يبني حساب لگبرك يمه تسبگني
تانوا لا تشيعونه
بگبره لا تخلونه
شباب ومايلوگ يموت امه اعليه مالومه
<<<<<<<**>>>>>>
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
اللطمية 👇🏼
جاسم يانظر عيني وفرح دنياي
ربيتك واتاني ياضوه عيناي
بكبر سني تباريني
وبعرسك تهنيني
واهلهل بالعرس كل صحبتك وياي
~~~
شوف امك ييمه صارت بيا حال
فراگ الوالده ويه الولد چتال
يبني ويانظر عيني
يسلوة عمري وسنيني
وداعك شيباني تيهيت الراي
~~~
تراهه الوالده بعد الولد تعمه
لو بيدي الولد بعيوني انه اضمه
بگليبي وشراييني
اضمك يمه خليني
رد وياي يانجمه وضوت بسماي
~~~
هوسات وهلاهل آنه والنسوان
تاليهه الولد مطروح عالتربان
اموذر ويلي اجنيني
اون اعليه امخليني
عطشان الولد محروم من الماي
~~~
واون اعليك عمري يلولد وانحب
على الغبره غديت امطبر امسلب
ابدالك لو اموذريني
وبگلبي امصوبيني
ريت السهم طايح يالولد بچلاي
~~~
كل النوح يبني للذبيح حسين
على الغبره غده ويه اخوته الطيبين
صحت يازهره احضريني
اعزيچ وتعزيني
وزينب ناحبه وتصيح يارواي
~~~~~~~~~~~~~~
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((الوزن فائزي))
شدة
زينب تنادي اعيونهه من دم جريه
عالنهر مخسوف الگمر سوده عليه
عباس خويه گوم وحده حسين حاير
جيش آل اميه التمت وجت العساكر
گلبي رجف عالوالي لا ينذبح باچر
وانتَ على التربان طايح عالوطيه
أحاه من باچر على الغبره تونون
عباس جاسم والطفل ياحسرة ام عون
وحسين عاري بلا غسل وين اليفزعون
يحضر علي وياه يجيب امنه الزچيه
وام البنين انريد تحضر والعزه يصير
امگابل سويه الفاتحه جدنه النبي يدير
والحسن وياهم يجي ويريد تفسير
سبط النبي شلون انذبح بيد ال ميه
ليش الگمر فوگ الشريعه امگطع ازنود
مضروب راسه بالعمد ياويلي ممرود
وزينب تنادي بصوت راحت كل الوعود
مني خذت كل الغوالي الغاضريه
ريتك يخويه تگوم وتشاهد احوالي
تدرون بيه امخدره والراس عالي
ظليت هسه امحيره من غير والي
وانتَ طريح اعله الثره بسهم المنيه
ناديتك آنه بصوت شوف اعيال الحسين
دارت علينه الگوم ياعباس صوبين
حرگت خيمنه ولليسر عالهزل ماشين
وحزام ظهرك يحز نحره ابن الدعيه
ادنيت ردته يگوم عن صدره ويخليه
برمحه دفعني والنحر ياويلي حز بيه
من عمت عيني شلون راسه هوسوا بيه
ولموا العيله لليسر كلهه سويه
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
6-8-2022
/channel/Umahmed_alsaedy
مجلس لمدرسة الوفاء في كربلاء
ابو الفضل العباس(س)
أحق الناس أن يبكى عليه
فــتى أبكى الحسين بكربلاء
أخـــوه وابـــن والــده علي
أبو الفضل المضرج بالدماء
ومـــن واسـاه لا يثنيه شئ
وجـــاد له على عطش بماء
نتحدث عن الوفاء عن الولاء عن من كتب بكفيه القطيعين قصة اذهلت العقول وحارت بها الألباب
تشير الروايات إلى أن العباس وأخوته تلقوا عرضاَ مغرياً من قبل جيش بن سعد قبيل المعركة بيوم يأتي شمر بن ذي الجوشن إلى العباس ومعه الأمان له ولإخوته.
في تلك الأثناء، ينادي شمر "أين بنو أختنا.. (( وكانت تربطه صلة قرابة من بعيد بالطاهرة ام البنين )) أين العباس وإخوته"؟
فما كان من العباس وإخوته، عليهم السلام، إلا الإعراض عنه وعدم الرد، لكن الحسين عليه السلام قال لهم "اجيبوه ولو كان فاسقاً".
عندها أجابوا شمراً بالقول "ما شأنك وما تريد؟".
فرد اللعين "يا بني أختي أنتم آمنون لا تقتلوا أنفسكم مع الحسين و الزموا طاعة أمير المؤمنين يزيد".
كان يأمرهم الشمر أن يظهروا الطاعة ليزيد بن معاوية إزاء إمامهم الحسين بن علي بن أبي طالب، عليهم السلام، مقابل الأمان بمنحهم فرصة العيش في هذه الحياة.
وهنا تجلت بصيرة أبي الفضل العباس، عليه السلام، في أبهى صورها عندما رفض عرض شمر وقرر أن يتمسك بولايته لإمامه الحسين، عليه السلام وآثرها مع إخوته على العيش في الدنيا بأمان.
يخاطب العباس الشمر قائلا: "لعنك الله ولعن أمانك تؤمننا وابن رسول الله لا أمان له وتأمرنا ان نـدخل في طاعـة اللعناء وأولاد اللعناء".
حسين الخشيمي👆🏻
يگله حسين والله ماابيعه
ابن النبي وواجب اطيعه
ولو صارت الرگبه گطيعه
روحي فده لبن الزچيه
هذا بو اليمه ونور عيناي
افديه باليسره ويمناي
لجله رخيصه الروح وادماي
وهايه الي امن امي وصيه
گالت لون شفته ينادي
اگصدله يا لبة افادي
لايظل مابين الاعادي
ينذبح بيد ابن الدعيه
رجع الى المخيم رأى زينب تدور بين الخيم والحرم والاطفال تتصارخ من العطش
وزينب تناديه بلسان الحال
عباس خويه شلون احاچيك
وللمشرعه مرعوبه اوديك
عالنهر خوفي يظلن ايديك
وماترد ياخويه اليه
بس ياكفيلي العين عبره
والطفل مابيه اصبره
گلبه العطش سواه جمره
فرفر يمن سوده عليه
يأخذ الساقي قربته يتوجه الى المشرعه تأتيه السهام من كل جانب ومكان
ينادي حسين اخي ادركني
الحگلي يخويه طايح الواي
لاآني ارجعت لا حصلت ماي
گلي شگول لزينب بهاي
خجلان ياخويه شبديه
وسفه السهم طايح بعيني
ومگطوعه يسراي ويميني
للخيم لا لا توديني
ماجبت للعيله اميه
الله الله عندما سمعت مولاتنا زينب (س) امامنا الحسين (س)وهو يقول
"الآنَ انكسَرَ ظَهري، وقلَّتْ حِيلَتي، وَشمِتَ بي عَدُوِّي"
تگله
ظهري انكسر وياك يحسين
وادري وحيد ومالك امعين
مذبوح مگطوع الوتين
على صدرك تدوس الاعوجيه
وجهت نظرها صوب الشريعة
تگله
شيل الحمل يلي كفلته
والموت خويه موش وكته
محله الاخو لو يحدي بخته
وسفه الشمر يزمخ عليه
ترضاهه امشي ابين الاجناب
لا لي تچيه ولا لي احباب
ظلت جثثهم فوگ الاتراب
وامشيت وياهم سبيه
حشمت چا وين الميامين
عباس والأكبر والحسين
ترضه نروح اويه الملاعين
عذرتك يمن كلك حميه
توجهت الى المدينة بعبرة ساكبة ودمعة لاهبة
تخاطب امها الزهراء (س)
تگلهه
اتمنيتچ ييمه اليوم وياي
نتحزم سوه ونلطم لولياي
عالنهر چف الراح رواي
اويه ام البنين انون سويه
على حسين واولاده واخوته
كلهم غدوا عالارض موته
وعبد الله يمه انفگد صوته
وامه تون صبح ومسيه
انا لله وانا اليه راجعون وسيعلم الذين ظلموا ال بيت المصطفى اي منقلبٍ ينقلبون والعاقبة للمتقين
لخادمة الرسول واهل بيته
ام احمد الساعدي
ونسألكم الدعاء
31-7-2021
/channel/Umahmed_alsaedy
كل جديد لشهر محرم الحرام على قناتي
ونتمنى من الله القبول
فزاعيه
مع هوسات
السلام على ابن الوفية
ام البنين السلام على مولاي
ابا الفضل ع
شدو راية العباس
مشو اعليه البدويه
هذا البلكرم موصوف
بابه امجرب ومعروف
معاجز دوم منه نشوف
الحوايج بيه مگضيه
((لو ضاگت بيك اتعناله))
نحلفه بزينب الحره
وعزيزة گلبه الزهره
دنيانه اصبحت مره
بعد مابيهه حنيه
((انخاه وجرب وگفاته ))
اتعنه وصيح ياعباس
للشدات رفعة راس
شجاع وللوفه مقياس
هذا الشاع طاريِّهَ
(( يندبونه وكت الشدات ))
ابن حيدر تعرفونه
وما گدرو يلاوونه
فدوه انروح لعيونه
وفي ومعروف ماضيِّه
(( اندگ بابه لو ضاگت بينه))
عباس الحلو اسمه
يجليه للگلب همه
لخيه ضحه بدمه
فناهم كل بني ميِّه
(( لحسينه ضحاها چفوفه))
يوم الصال بالميدان
اصبح للوفه عنوان
ما قصِّر گمر عدنان
أخو زينب المسبيه
(( بصولاته عجبهه الناس ))
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
/channel/Umahmed_alsaedy
تقرأ على طور
يحسين حادي ظعونه عزم على الشيل
طور فائزي
شدة
عباس أجيتك حايره والطم باليدين
شفتك على حر الرمل والراس نصين
جيتك يخويه وحشمت من هجمت الخيل
شفت المصايب والبله ياخويه والويل
ماعدنه والي ولا سند بس باقي العليل
وجهت وجهي للنهر يبن الميامين
شحچي وشگول آنه الوصف ما يكفي عباس
شفت الحسين اعله الثره بالحافر انداس
والشمر گاعد عالصدر حز بيده الراس
وآنه بقيت امحيره واصفج باليدين
ياخويه گوم امروتك انهضلي احاچيك
ترضاهه امشي اويه العده مطروح اخليك
مو انت بيه اتكفلت گدهه آنه ادريك
گلي يزينب اعتذر ما عندي چفين
اتگله دشوف احسينه فوگ الوطيه
داست على صدره اخيول الأعوجيه
بلا ناصر بعينه يصد خويه عليه
مطروح علغبره بلا ناصر ولا امعين
هجموا علينه بلا رحم الحگ علينه
واحنه حريم بلا ولي نشگف بدينه
ياخويه گوم امن النهر رد الضعينه
الحگ تره جابوا هزل شدوهه الايدين
حادينه ترضاه الشمر يضرب بالمتون
اسكينه ورقيه امن الهضم عميات العيون
والنار شبت بالخيم ياخويه تدرون
لاحامي عندي يگوملي يطفي الصوواين
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
((لسان حال مولاتي زينب))
اويلاه يكربله
ضاعوا اولادي بالفله
———-
شبت خيمنه ياعلي
ظليت وحدي بلا ولي
چا وينهم ناسي وهلي
طايح ابن عقد الوله
———-
مذبوح عالغبره يون
والتمت اعليه المحن
بالخيل صدره ينطحن
وزينب تنادي معوله
———-
گاعد على صدره الشمر
وبسيفه حز منه النحر
يتخضب بدمه المهر
والصوت من عنده اعتله
———-
ترضاهه اروح ميسره
بالحرم وحدي محيره
چا وين عنه حيدره
شفنه المصايب والبله
———-
فوگ الهِزِّل مشونه
لو نبچي يضربونه
والأعظم يشتمونه
برمحه دفعنه حرمله
———-
:::::::::::::::~~~~~~~~~~~~
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
نعي للذين لم يحضروا
عاشوراء هذا العام
إجه عاشور حضروهه عزيتكم
انفضوا ترابكم گوموا لمآتمكم
مجالسكم بچت وتريد طبتكم
بآه يحسين حلوه تصير لطمتكم
،،،،،،،،،
كل عام اليجي تتحضر الخدام
اوياهم للعزه تتحزمون حزام
تندبون السبايا من مشن للشام
اعاين بالوجوه ووينكم يكرام
،،،،،،،،،
يمه يمه
دورتكم
ظليت اعاين دورتكم
بين الخدم لا ما شفتكم
ووكت العزيه ضيعتكم
صحت صوت بس ردو عليه
،،،،،،،،،
چن بالگبر صاير عزاكم
والزهره هم تسمع بچاكم
هنياله الحضر يلطم وياكم
على حسين وي زينب سويه
،،،،،،،،،،
منصوب العزه لحسين هاليوم
گوموا والبسوا سود الهدوم
زينب إجت والگلب مهموم
اتلگوهه بالونه سويه~~~~~~~~~~~~
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
لما هجمت الخيل على مخيم أبا عبد الله الحسين
تشتت الاطفال في البراري ويذكر ان من بين الاطفال الذين ضاعوا طفلين لمسلم ابن عقيل
هجمت الخيل وفرت اطفال
والنار شبت حرگت اذيال
وداست حوافر فوگ العيال
وفروا ولد مسلم سويه
فروا وما يدرون لاوين
ضاعوا ونادوا يامسلمين
مسلم أبونه وعمنه الحسين
فرينه من ابن الدعيه
يذباح الطفل شلت يمينك
والله الحكَم بيني وبينك
گلبك حجر ما بچت عينك
بيا ذنب راويته المنيه
افتقدت الأم اولادها فأصبحت تركض يميناً وشمالاً وتتعثر بأجساد الشهداء نادت على زينب بلسان الحال
تعاي وگابليني اهنا يخيه
وحشمي ابو فاضل اليه
واثنين راحوا من اديه
بعد وين تلگاهم يگلبي
تعالي وشوفي شصار بينه
من هجمت العسكر علينه
وراح الولد من بين ادينه
شلت راسي وصحت أحاه يربي
يزينب يخيه عاونيني
واعله الولد زايد ونيني
جمره غدت وانطفت عيني
اروح وأرد تيهت دربي
عندما عزم الظالم على ذبح الاطفال كان هناك موقف لأولاد مسلم يدمي القلوب
فكلما يريد الظالم ذبح أحدهم يتقدم الآخر ويقول اذبحني مكان اخي
خليه
يظالم خلي أخيي ارجاك خليه
اذبحني مچانه ولا تأذيه
والوالده بلهفه تتانيه
لبن والدي فدوه رگبتي
إخوي وعليه العين تعمه
اذبحني بداله وهو ارحمه
دعيت ربي اليوم سلمه
وارحم على ابن امي لهفتي
،،،،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
مسلم سفير حسين
عدلوا لطمته
:::::::::::
عازوا المظلومه
ومتانيه اعلومه
يمصيبته ويومه
مسلم غريب الدار
ويلي وحدته
:::::::::::
ويلي عليه شلون
وحده يريد العون
وحسين يحضر كون
عن يرد بالسيف
گوم الخانته
:::::::::::
عازوا حميده بيه
بسكته تون اعليه
ربي الي خليه
ماتدري مسلم طاح
گطعوا رگبته
:::::::::::
فگد الأبو جمره
بالگلب مستعره
جرحه فلا يبره
ويلي على المذبوح
نادت شيعته
:::::::::::
امگابل انعازيهه
ونبچي لبواچيهه
مفگود واليهه
من القصر ياويل
شمروا جثته
:::::::::::
ناده يخويه حسين
ملمومه الصوبين
لكتلك يباب الدين
ارجع تره عهدك
كلهه خانته
:::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
سريعة
الليله وداع وياك
باچر منذبح
الليله الخيم ضجه
والكون مرتجه
لحسين ما نرجه
مايرجع المذبوح ميطيب الجرح
زينب تهل العين
وتنادي آه يحسين
گلي يخويه وين
مسراي يبن امي لو طر الصبح
لو طر صبح باچر
ونشوفك امطبر
گلي شلون اصبر
راسك يعلگونه يبن امي برمح
فوگ الثره مذبوح
دمك يخويه يفوح
ويلي يبعد الروح
تبقى على التربان دمك منسفح
باچر دمع وادموم
تلتم عليك الگوم
ياسيفهم مسموم
اتمنيت بيديني دمك ينمسح
ريت الزچيه وياي
يحضرنه الرواي
يمك نحط الماي
بلكي يبو السجاد عينك تنفتح
:::::::::::::::::::::
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
28-7-2023
/channel/Umahmed_alsaedy
وزن المجرشة
لسان حال مولاتي زينب (س)
قصه يخط بيهه القلم من دم كِتب راويهه
محتاره ومنين ابتدي ياسهم اصعب بيهه
ياسهم اصعب بالحچي
امن احچيه مايكفي البچي
محتاره ومنين ابتدي ياسهم اصعب بيهه
——————
خل نبدي من سهم الولي وشلون من گص نحره
لو نحچي عن سهم الگلب لمن اجاه من ظهره
لو سهم عينه الي طفت طاح بعجل عن مهره
صوب الخيم صار النظر
بهموم زينب يحتظر
هذا السهم يكتب قصص والشمر مايمحيهه
——————
عن يا سهم احچي بعد فاجعني وضع الكافل
من صاب عينه وجربته ومن هامته الدم سايل
اچفوفه يبويه امگطعه رِد عَنه گوم العايل
ناديت وينك ياعلي
تحضر اتگوملنه الولي
طاحت بكتره رايته حيله ركد راعيهه
——————
وسهم الشباب البگلب آ يا علي ويا جاسم
مهدود حيلي عالولد والدمع من دم ساجم
محروم من شم الهوه تحت الترايب نايم
شبان حنتهه دمه
وگلوبهه تلهب ظمه
ابدال العرس صاير عزه شمعتهم امطفيهه
——————
احاه ينبلة حرمله مفطوم بيهه اليرضع
بالطف مهد صاير گبر والغسل دم المصرع
حتى دللول الولد صارت اقرايه وتفجع
خالي المهد واعليه يون
وفراگه جمرات وچون
احاه يعملة كربلا شحچي وشگول اعليهه
——————
شفت الحرم تبچي وتون لمن لفانه الحادي
صحت بهضم وين اليجي وينظر بنات الهادي
نطوي مسافات الدرب ياناس شوفوا شسادي
والشوك يحرگ بالجدم
محتاره وحدي بالحرم
ياقصه احچي امن القصص والسوط الك يرويهه
——————————————-
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
كل جديد لشهر محرم الحرام على قناتي
ونتمنى من الله القبول
وزن الموشح المنقوص
((مربعة))
السهم يم نحرك يعبد الله سجد
إعتذر من حسين من طاح الولد
—————-
طفل تتلولح رگبته بيا سبب
تبت ايدك يلضربته بلا ذنب
راح ضامي انحرم من ماي العذب
خالي ياوسفه صُبح منه المهد
—————-
من رجع بيه الولي صوب الخيم
شاف زينب واگفه ويمهه الحرم
وين عبد الله الگلب منهه عِلم
منذبح وايست منه ما يرد
—————-
منذبح عبد الله وامه امحيره
اتلولي لو تلطم على الصار وجره
بالسهم ذبحوه وگطعوا منحره
أيست منه فلا يرجع بعد
—————-
اتعاين لمهده ودمعهه چالجمر
مو وكت موتك ازغير بالعمر
امن الله وين يروح گلولي الشمر
من فصل راس الطفل من الجسد
—————-
يابسه الشفه انذبح طفلي الرضيع
بلا ذنب عبد الله مذبوح وصريع
شاله ابوه والنحر من عنده گطيع
يرفرف وليدي وسف مني انفگد
—————-
حسين جابه والحرم ناحن سوه
ليش محروم الطفل من الهوه
ريت ينباع وأنه اشريله الدوه
وليدي لا ميعود لحضيني أبد
—————-
آه يبني بصوت مبحوح اندبت
ضيعت دربي لمن عني غبت
من أهد يومك ييمه ما طبت
ريت آنه وياك نمنه بفد لحد
————-
،،،،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
21-7-2022
/channel/Umahmed_alsaedy
المهد المذبوح
ياسهم سولف وگلي من ذبحته
شلون هان اعليك تلمسهه رگبته
وليدي بعده بالمهد
چان الي طير السعد
شلون هان اعليك تلمسهه رگبته
—————-
ازغير ابني ياسهم بعده على الموت
من ذبحته هم بچه لو گاطع الصوت
لا يفز اوليدي من اتذبحه بسكوت
ليش گلي ياسهم
بنبلتك ابني انفطم
من دمه نحره الولد مني فطمته
—————-
واگفه بباب الخيم وعيوني تربي
وادعي لگليبي الولد يرجع يربي
ارد اشوف اوليدي يمي يگوم يحبي
احسب سنين العمر
يصير تچوه بالكُبر
مادريت بساع راح ابني وفگدته
—————-
مصيبة الرضعان تعميهه للعيون
ياسهم گلي الصبر عن ابني شلون
ريتني ميته ورحت ويه اليرضعون
ازغير ابني اعله الگبر
راح مگطوع النحر
آ يعبد الله الزرف گلبي بنظرته
—————-
ريت إيدك حرمله انشلت يميشوم
ليش خليته بسهم عبد الله مفطوم
والله لصبغ دنيتي سوده اويه الهدوم
مصابه شيبني الولد
عگبه ما افرح ابد
شلون گبل امه الولد صارت دفنته
—————-
مهدك الخالي يعبد الله عماني
أيست مني خذك يبني زماني
دللولك يالولد صارت أماني
أگماطك الصاير چفن
ريت يمك اندفن
ياسهم ليش الولد مني اخذته
نسألكم الدعاء
لخادمة الرسول واهل بيته
ام احمد الساعدي
/channel/Umahmed_alsaedy
شدة
للأكبر بهاليوم ننصب عزيه
للفگدن الشبان الطم بديه
للفگدن الشبان هل دمعة العين
امطبر وسف خلوك يا إبن الحسين
اموذر على التربان مگطوع الاوتين
ولمصيبة الذبحوه بالغاضريه
مايكفي دمع العين خل يجري ادموم
لمصيبة الشبان لطموا الصدر دوم
نذكر امصاب الطاح والراس مهشوم
ماننسه گطعة راس ابن الزچيه
امك تون للدوم متبطل النوح
أحاه من جابوك للخيمه مذبوح
يم عمك العباس شافتك مطروح
مستعجلين الموت كلكم سويه
وسفه العزيز يروح عالغبره مطعون
وللمگبره يزفون شبان يزهون
تانوني لاتمشون عنه وترحلون
وحشه وخليه الدار ظلت عليه
وحشه وخليه الدار ظلت عليكم
ريت الگبر بيه باب من نعتنيكم
نشتاگ يالغياب نسمع حچيكم
مسدوده وسفه وحيف ذيچ البنيه
"""""""""""""""""
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
((شدة))
لإبنك يبو السجاد ننصب عزيه
فوگ الترب مطروح إبن الزچيه
————
جينه ودمعنه اعليك يالاكبر ادموم
زينب حزينه تنوح والگلب مهموم
وحسين بالعبرات يندب ومالوم
شافك ذبيح شلون فوگ الوطيه
————
امطبر على التربان ياويلي مذبوح
وامك تون وتصيح والدمع مسفوح
يبني وينور العين افديلك الروح
ريت إگعد آنه وياك صبح ومسيه
————
شگد صعبه ياهالناس ذبحة الشبان
وامگطعه الأوصال متوسده تربان
واحنه حرم واطفال وبلايه وليان
لا غسل لا تچفين كلهه سويه
————
شفنه الشباب اشلون متغسله بدموم
ودوا لعلي الكرار من عدهم اعلوم
تحضر الزهره اوياه ويحضرهم اليوم
زينب وحيده تريد سيد البريه
————
شبت خيمهم نار وتريد اهلهه
تحضر بني عدنان طايح گمرهه
طاحت الرايه حيف وچفوفه يمهه
لحسين گوموا بساع يالهاشميه
—————~~~~~~~~~~~~
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
صوت امن السمه كَبَّر
طايح ياعلي الأكبر
~~
خل تفزع بني عدنان
اتلمه اتجيبله اكفان
شباب اعلثره امطبر
~~
شافه امگطعه اوصاله
احاه يحسين يا حاله
گلبه انكسر واتفطر
~~
مايگدر يصد بالعين
صبر لمه اجيب امنين
وآنه شلون اتصبر
~~~
لتروح وتخليني
يزهرة عمري وسنيني
اشوفك دامي المنحر
~~~
ريت اگضي العمر يمك
الله يعين گلب امك
دمعهه من دمه اتفجر
~~~
جرعت كربلا ومرهه
اهلهه امذبحه كلهه
وللشامات تتيسر
"""""""""""""""""
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
حماسية
عباس طب للحومه
تبچي الزلم خلاهه
بيمناه شايل رايه
مكتوب بيهه الغايه
بدمه يسطر آيه
وبصولته يتباهه
زلزل الگاع بطبته
تتنومس اخته بشوفته
يلويهه كلهه ابيمنته
مثل الغنم سواهه
عزمه عزم حيدر علي
طشر زلمهم بالخلي
رايته بأيده تعتلي
حي غيرته محلاهه
وزينب تعاينله بفخر
يشبه ابوه فارس بدر
بالحومه يضوي چالگمر
روحه فده لبت طٰه
تترادم اگباله الزلم
حياه شيال العلم
وبزوده اكتب ياقلم
وحدوده من يدناهه
محلاهه ياصولاته
يفنيهم بهداته
بركان ياخزراته
واچفوفهم لاواهه
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
السلام على مقطوع اليدين
السلام على الكفيل
السلام عليك مولاي ياأبا الفضل
((طور ياعباس وين الوعد
هاي اطفال عطشانه))
ياعباس عندي عتب
آنه اختك الحزنانه
~~~~~
باطفال خويه اتحيرت
ياصوب عباس اوگعت
انهض وشيل الوانه
~~~~~
شفت الشمر يمي وگف
ناديت ياحيف ووسف
وحدي اصبحت حيرانه
~~~~~
وحسين گطعوا منحره
وعباس سبع الگنطره
امگطعه ذرعانه
~~~~~~
وانده يبويه ياعلي
مذبوح ابنك بالخلي
راسه مشه ويانه
~~~~~~
لمن وصلت لكربله
فوگ الصدر شمر اعتله
يگطع نحر مولانه
~~~~~~~
يدفعني بيديه الشمر
وصلوا لجدنه هالخبر
متذبحه رضعانه
~~~~~~~
وابن الزچيه ينذبح
شالوا الروس اعله الرمح
ويه العده ممشانه
~~~~~~~~~~~~~
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فزاعية
حماسية
عباس طب للحومه
تبچي الزلم خلاهه
بيمناه شايل رايه
مكتوب بيهه الغايه
بدمه يسطر آيه
وبصولته يتباهه
زلزل الگاع بطبته
تتنومس اخته بشوفته
يلويهه كلهه ابيمنته
مثل الغنم سواهه
عزمه عزم حيدر علي
طشر زلمهم بالخلي
رايته بأيده تعتلي
حي غيرته محلاهه
وزينب تعاينله بفخر
يشبه ابوه فارس بدر
بالحومه يضوي چالگمر
روحه فده لبت طٰه
تترادم اگباله الزلم
حياه شيال العلم
وبزوده اكتب ياقلم
وحدوده من يدناهه
محلاهه ياصولاته
يفنيهم بهداته
بركان ياخزراته
واچفوفهم لاواهه
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
كل جديد لشهر محرم الحرام على قناتي
ونتمنى من الله القبول
السلام على الكفين القطيعتين
السلام على ساقي عطاشى كربلاء
الطور ((عگيلي))
من ازنودك طاحت رايه
والهامه بسيف امدمايه
عباس اگعدلي وحاچيني
مهضومه وخوتي امضيعيني
جيت اوياك انتَ اتباريني
منته الوالي وراعي الثايه
عاين عسكرهم والينه
انهض ياخويه وحامينه
مكسوره وتنخاك اسكينه
انهض لختك يالسگايه
شبت نار بطرف اخيمنه
جينه اوياك انت الكافلنه
واطفالك تصرخ ياعمنه
اموذر عالغبره بيا سايه
شيل الرايه وصول اعليهم
تحت اجدامك هم خليهم
حد سيفك يالفارس بيهم
زينب تندب يالوفايه
گلهه
طاحت رايه ازنودي اوياهه
واخيمكم هيهات ادناهه
منچ اخجل يابت طه
طايح جودي وناشف مايه
،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
جنوبية
مربعة
الوزن ((تجليبه))
شبت نار والخيمه غدت جمره
زينب حايره الحگيهه يالزهره
::::::::::::::
زينب حايره وتعاين الحومه
شافت كل زلمهه اعله الثره نومه
مطروح الولي ومسلبه اهدومه
والرضعان خلت بالگلب حسره
:::::::::::::::
فروا بالبراري وحَشَّمِت وينك
مسلم گوم والحگ ضاعو ابنينك
ياعباس إنهض وين چفينك
گلي على الزغار الگلب شيصبره
:::::::::::::::
داستهم الخيل وفروا امن ايدي
وامهم حايره وتصيح يوليدي
ياسلوة حياتي وفرحتي وعيدي
اهلنه امطرحين وغدوا عالغبره
:::::::::::::::
فوگ المشرعه طايح گمر هاشم
حبيب وجون ويه الأكبر وقاسم
ماظنيت ابو اليمه يظل سالم
على صدره الشمر گاعد يحز نحره
:::::::::::::::
يفراگ الولد نار وتشب بالروح
شحال الراح ابنهه ياخلگ مذبوح
ضاع ووين تنطيه الوجه وتروح
بسوط الشمر للشامات متيسره
:::::::::::::::~~~~~~~~~~~~
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
فائزي
شدة
انطي الوجه لاوين يحسين انسبينه
فروا يتامى اثنين من هجموا علينه
انطي الوجه لاوين يبن امي يمذبوح
والنار حرگتهه العبي والدمع مسفوح
ماعدي والي يگوملي عالغبره مطروح
ناديت وسفه الي كفل طاحت يمينه
الحگ علينه بالخله فرت الرضعان
من شافوا اطراف الخيم تلتهب نيران
محتاره وين انطي الوجه گلي يعطشان
صايح سمعته امن الحرم وليه انولينه
لو نشدت امهم يالولي ورادت ولدهه
بيا عين اجاوب خايفه خويه شگلهه
فگد الولد للوالده يشعب گلبهه
لا ميت ولا أدري حي راح امن ادينه
من هجمت اخيول العده فروا الحلوين
برجليهم ادروب الخطر يبن امي ماشين
وانت طريح اعله الثره والراس نصين
ناديت حيدر خل يجي يرد الضعينه
نادوا علينه باليسر جابوهه الاحبال
واتحيرت يحسين عيني تصد للاطفال
گلي شسوي بهالوضع بينه الشمر عال
ظليت احشم گوم شوف شصار بينه
————————-
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
الهي لاتحرمنا شرف خدمة الحسين واقامة مجالس اهل البيت بحق محمد وال محمد
/channel/Umahmed_alsaedy
مجلس لمسلم ابن عقيل (س)
صلى الله عليك سيدي ومولاي يا أبا عبد الله
ياقتيل العبرة الساكبة
يامحروم الغسل والكفن يامن نحره منحور وداست على صدره الخيول
يامظلوم ياغريب ياعطشان
بكتكَ دماً يا ابنَ عمِ الحسيـن
مـدامـعُ شيعـتـك السافـحـة
لأنــك لــم تــرْوَ مــن شـربــةٍ
ثنايـاكَ فيهـا غـدت طائـحـة
رموك من القصر إذ أوثقـوك
فهل سلمت فيك من جارحة
و سـحـبـاً تُـجَــرُّ بـأسـواقـهـم
ألـســتَ أمـيـرهـمُ الـبـارحــة
لشاعرها السيد باقر الهندي👆🏻
وحده حسين ناده وين مسلم
يبن عمي علينه الگوم تلتم
لذبحي الشمر واگف امحزم
بيده السيف ويأشر عليه
حزمهه الزلم ويحد السيوف
لولد طه النبي ناوين الحتوف
مابيهم رحم لا مسلم انشوف
باعوا دينهم لبن الدعيه
مسلم وحيد غريب عطشان يدير وجهه يمينا وشمالاً
يمشي في الكوفة وكل الابواب مغلقة في وجهه
جلس عند باب من الابواب وقد اضناه التعب
ليستريح ساعة من الزمن
تخرج الموالية طوعه للتفقد الواقف ببابها
تخاطب مسلم (س)
تگله
امنين انت يالواگف عله الباب
چنك غريب ومالك احباب
وچنك وحيد ابين اجناب
احچي ولا تخفي عليه
يگلهه
آنه غريب ومالي امعين
ودارت عليه الناس صوبين
وتريد مني تاخذ الدين
لني سفير ابن الزچيه
بكت طوعه ولطمت على وجهها
تگله
لتگول انتَ ابن الميامين!!!!
وانتَ اخو عباس وحسين
ظل عندي ضيف افديك بالعين
وهذا فضل منك عليه
يگلهه يطوعه ما تقصرين
عندي طلب ريتچ تسمعين
لو طبت الكوفه نساوين
وصليلي لبنيتي تحيه
وهلي اوياهن دمعة العين
ووصلي سلامي لراس الحسين
وزينب لون شفتي بتمحين
صبريهه ما تحمل اذيه
نعود الى مخيم الغريب عندما وصل خبر
استشهاد مسلم ابن عقيل للمظلوم الغريب خرج مكسور
مقهور ليواسي اليتيمة حميدة بنت مسلم
رأته وعلائم الحزن على وجهه
تگله
چن وجهك يگلي البس اسود
وابچي اعله ابوي وماأهود
وچنك تگلي راح ميرد
وهيهات ما يرجع اليه
گلي يعمي ابوي وينه
راح وبعد مايرد لينه
بالغرب وسفه دافنينه
اتبعه لون يحصل بديه
تگله يعمي
لو جت منيته شگال ابونه
لايمه ولده يودعونه
لا غسلوه لا يدفنونه
بين الغرب سود عليه
ريت آنه يمه وريت اداريه
وامسح ادمومه بحضني اخليه
بعد الابو گلبي شيسليه
ومن القصر جسمه رميه
تأتي سكينة وتجلس بجانبها تصبرها تسليها
تگلهه يخيه لا تونين
واعله البچي باچر تلحگين
نلطم سوه لعباس وحسين
يروحون من عدنه سويه
يخيه مذابيح اهلنه وروس تبره
بيد الشمر نمشي احنه يسره
واخيامنه تلتهب جمره
واطفال تحت الاعوجيه
انا لله وانا اليه راجعون وسيعلم الذين ظلموا ال بيت محمد أي منقلب ينقلبون والعاقبة للمتقين
لخادمة الرسول واهل بيته
ام احمد الساعدي
ونسألكم الدعاء
/channel/Umahmed_alsaedy
ختامية المجلس
لأبو الفضل العباس
أبد والله يازهراء
ما ننسه حسيناه
ولا ننسه البگه فوگ الشريعه
طريح امعفر اچفوفه گطيعه
وحال ام الحزن زينب فظيعه
تصيح بصوتهه مگطوعه يمناه
—————
مضروب بعمد والسهم بالعين
عين تصد لخيته وعين لحسين
وسكينه تصيح الكفل چا وين
أبو فاضل وگع فوگ المسناه
—————
من شافه الحسين شلون حاله
امگطع عالنهر وشلون شاله
احتار شلون يجمعهه اوصاله
دگ عالراس ابو اليمه يويلاه
—————
خويه وداعتك مابيه اشيلك
انكسر ظهري عليك الله وكيلك
شلون تعوفني وحدي دخيلك
أخيك منذبح والشمر يولاه
—————
على صدري الشمر يسحگ بخيله
ومهري يصهل ويوجع عويله
الظليمه يصيح وينادي بصهيله
امخضب من دماي اليوم خلاه
،،،،،،،،،،،،،،،،،،،،،
،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
/channel/Umahmed_alsaedy
