54
نكتب ليقرأ المقصود . T : @huuuh . t.me/Mhhamad . T.: @Xebbot .
من ركزت على معظم المواقف الزعلتني لكيت إني مازعلت من الموقف ولا حتى زعلت من الشخص اللي سوه وياي الموقف ، أنما اني زعلت على نفسي ، زعلت لان لو انحطيت بمواقف وانعكست الصوره عمري ما جنت راح اتصرف مثلهم ولا ازعل عليهم وما اقبل ابد اعوف احد متضايق مني او زعلان او مقهور بسببي وراح أرضي لو مهما كان الموقف مهما كان نوع هذا الموقف ومهما كان الصار ، لان اني مستحيل ازعل او احقد على شخص دائما كنت اني طرف المضحي والحنون والي يخاف عليهم دائماً جنت اني السند واذ انعکست مراح يصير ويسوي مثل الي اني اسوي بس اكول اني اعمل بأصلي ويغزر بيه زاد والعشره الي بينه نفسي متتقبل ازعل احد او اسمع احد كلام جارح هذا اني حنون وكلبي طيب دائماً .👍
Читать полностью…
ماكو بشر بھالكوكب عنده وجه واحد ..!
مو ضروري وجهه الثاني يكون منافق او حقير يجوز وجه بشوش يضحك للناس الميعرفها يطبطب ع اصحابه ويهون وجعهم يزرع طيب بدون مينتظر حصاده ملگاه حلو وكعدته احلى بسمته على شفايفه قبل مينطق باسمه وجه کامل مکمل مليان معالم ایجابيه بعين الناس هالوجه لابد ان ينزع ويطلع الوجه الحقيقي بلحظة الانفراد ويا ذاته الوجه الي مليان اثار تعب من تجاعيد وهالات ودموع واصله لنهايه الخد وتنمسح قبل متنزل اكثر وتحرك كميه من احساس داخلي أكبر وجه يهون عليه جرحه بس میهون علي جرح غيره يهون عليه التعب الي مالي جسمه بس ميهون علي ولو كلمة الآه بصوت شخص يحبه تهون علي دموعه الي شرط اساسي محد يشوفها غير نفسه وربه بس متهون دمعة غيره حتى وان كان غريب ميجمعه بي غير انسانيته
الدنيا تمشي وما توكف على احد ، وراح تتفاجئ انو إلي جنت مفكر انك مراح تكدر تعیش بدونه ، راح تعيش أحسن من بعده
وراح تعرف لا اكو ناس غالية ولا اي شي ، إنت بس الي تبالغ بتقديرك إلهم ، وراح تعرف ان بعض الناس خسارتهم مكسب الك مو خسارة أبداً
إعرف قيمة نفسك وحب روحك وارسم طريقك وهدفك وخلي كدامك ، ولا تضغط على نفسك ولتنتضر خير من احد ولتتامل
إحنه منغلط تصرفات المقابل، بالعكس إحنه نشكركم لأن الناس إللي مثلكم تنطينه دروس وعبر بالحياة ، كأنوا ربنا كاعد ينور بصيرتنه بيكم وهيج هيج وجودكم مثل عدمه 👍
هو صحيح اکو شخص يلفت نظره للشكل ، وشخص يلفت نظره للبس ، وشخص ثاني للثقافه ، بس الشغلة الوحيدة الي تلفت نظر أي احد وتخلي يسكت وميعرف يحجي هي الذوق
الناس الذواقه الي يكولون شكراً ، يحسسوك بقيمة أبسط شغلة سويتها الهم يعتذرولك لو جانوا مضايقيك ، ولو شافوك تعبان راح يحسون بدون متحجي
الي لو شافوك ضايج ومتريد تحجي يحاولون يخففون عنك من غير ميجبروك تحجي بشغلة مو حاب تحجيها النا الي يضحكون بوجهك الصبح ويدعولك دعوة حلوة بعد يوم طويل ومتعب
الي تشوفهم دقيقتين بالضبط باليوم ، بس يغيرولك مودك كله ويخلوك فرحان الي يتجاهلون كلام الناس و سخافه العالم إلي حوالينه ويصممون يحافظون على هالتربية الباقية داخلهم .
راح تفكرهم انهم ماعدهم مشاكل
وكلش مرتاحين وسعيدين
بس انتَ بعدك متعرف شي
كلشي ماتعرف
من اكثر الاشياء الي مفروض تخليكم مطمئنين وقنوعين بحياتكم هو وجود رب العالمين ومعرفته بكمية التعب والخذلان الي يمر عليكم ومعرفته بالمكان الي تستحقوه والي فعلاً مستقبلاً راح تكونون بيه بفضل رب العالمين وعوضه الكم ولهذا السبب لازم تكون مطمئن وقوي وتتقبل كلشي يمر بيك بالحياة وهي عباره عن اختبار فمستحيل تعيش حياة حلوة وفارغة بدون تعب الاشياء الصعبة تصير سهلة من تكون قوي وتتقبل كلشي يصادفك وتستعد لكلشي
Читать полностью…
الانسان يكدر يتعايش ويا الحياة بوجود ايد حنونة تداري خدوش روحه من كلشي ممكن يمر بي ، احس الحياة صعبة ويا اشخاص يتعاملون بحسابات وحلول منطقية دائماً ، مرات الحل يكون بشوية حنية ، الطاقة ترجع مجرد ما ايد تلزم ايدك واثق ان حنيته تكدر تكون سبب بشفاء روحك ونفسيتك .🤍
Читать полностью…
الحمدلله الذي عافانا مما ابتلاه ولو شاء فعل
دائماً اكرر هاي العبارة من اشوف انسان
تعبان ، مريض ، مهموم ، فقير ، او انسان اغرته الدنيا بجمالها
الحياة هي ان تعيشها بطريق الله عز وجل
وترك المعاصي
لان الدنيا لها نهايه
اما الاخره لها بدايه لا نهايه
طريقان هما لا ثالث بينهما
اما الجنه او النار
فاعمل صالحاً لأننا ذاهبون
ماكو متعلمه وخريجه احسن من ربت البيت الافكر السامه هاي منين انوب جديده 😕
Читать полностью…
هاي السنة مانزلت تحفيز للطلاب
لان اني محتاجه يلا صار دوركم
الثقة واليقين برب العالمين تخلق الأمل و" الأمل" مثل الملح طعمه مالح بس وجوده ضروري صحيح مراح يشبعك لأن ميصير وجبة لوحده بس بدونه ماكو للأكل طعم وبدون ثغره " الأمل" ماكو للدنيا معنى .
رب العالمين يزيح ويهون
من تقترب نهاية السنة تصفن وتفكر شلون مرت هالسنة؟ شنو سویت؟
شنو کسبت وشنو خسرت
كم ضحكة ضحكت
وكم دمعة
ضعفت أكيد بلحظات
بس بسببها قويت
الأيام دروس والأشخاص معادن حاول بختام هالسنة تعمل جرد للأشخاص بحياتك تخلى عن كل شي مسبب عبء وتعب لروحك وعن كل شخص يسببلك الحزن مو السعادة لا تاخد وياك على العام الجديد إلا الي يسعدك رتب أفكارك وضبط أولوياتك تبلش بداية جديدة بأمل جديد للوصول الأحلامك وتكون شخص أفضل وأسعد
والغد بداية جديدة 🤩
أكثر مرحلة متعبة تمر بحياتنا هي المرحلة ألي نصير بيها شي ما مفهوم ، لا للناس ولا لنفسنا لدرجة حتى أحنة نصير ما فاهمین نفسنا يتضارب كل شي بداخلك ويصير عقلك عبارة عن صراعات بين الماضي والحاضر بين الخطأ والصح ، وتبدأ تغرق بمشاعر مثل الندم والأسى و الوحدة وبين الحاجة وبين المكابرة
والأذى الحقيقي من تنطي ثقتك بأنسان بهذه الفترة بالتحديد وكأن أنت تبلغة برسالة " أهتم بية وأنتبه ألي زين بهالفترة بالتحديد " بس هذا الشخص نادراً ما يفهم لغة الرسالة ع الأغلب يترجمها بغير شكل ويبدأ يجرح بيك ويدوس عليك ويزيد الطين بالا ، ويحاول بأي طريقة يوجهلك الضربة القاضية
هو بالأساس صعب ع الواحد يصير شي ما مفهوم ويجي شخص يزيدها عليه بدل ما يحتوي ويسندة يكسر أجنحة خيار الوحدة أفضل دائماً بهالحالة تعيش وحيد وية نفسك عيش وموت أنت لوحدك ولا تقترب من انسان يدمرك وينهش بيك
مرات بالبيت من نريد نعلك صوره او لوحه او ساعه ما نكدر نميز اذا عدله او مايله لان قريبين منها ، فـ نصيح واحد ثاني بعيد عليها حتى يكدر يشوفها اذا جانت مايله او عدله
احنه مرات من كد ما نحب وفرحانين وقريبين من ناس ما نكدر نميز او نشوف عيوبهم ولا زلاتهم مثلهم مثل اللوحة لازم نرجع كم خطوة ليورة حتى نكدر نشوف الميلان وحتى نكدر نشوف اللوحه كامله
ممكن كل الي شفناه واحنه قريبين جان مجرد جزء جميل من لوحة بشعه ، مجرد لون حلو بوسط خريطة الوان ممكن القرب يضيع عليه هواي اشياء ما نكتشفها لحد ما نبتعد شوي
كلشي يحتاج مسافه ، الحب ، الصداقه ، والحياه مو بس علمود يتجدد ويزيد وانما بهذا البعد نكدر نشوف الصوره كامله 👍💛
مو اي واحد يحچيلك شي سلبي عن نفسك تصدكة ومو اي كلمة تسمعها عنك تأثر بيك انت المفروض قيمتك چبيرة سواء الناس حچت او ما حچت ، الناس قدرت او ماقدرت ، الناس شافت او ماشافت ، الناس نست او اتذكرت قيمتك مو لازم الناس تقدر معيارها
الناس ممكن تنسى ، الناس ممكن تبيع الناس تتغير ، قيمتك هاذ شي ثابت انت تشعر بيها بداخلك تلاكيها لمن يكون ضميرك مرتاح لمن تهتم بنفسك وتنطيها حقها لمن تكون اخلاقك عالية لمن تعرف الي الك والي عليك
مو لازم كل الناس ترضى علمود تحس بالسعادة مو كل الناس راح يدخلون بداخلك ويشوفون تفاصيلك المميزة مو كل الناس راح تشوفك شخص مبهر او حتى صح
انت تعرف ضروفك وحياتك انت الي چنت تحارب كل شي وحدك انت الي تواجه الصراعات الي جواك واقرب الناس الك يمكن محد يعرف بيها اصلاً انت وبس
خليك عزيز النفس وحاول تتجنب الناس الي يقللون من قيمتك وقدرك بطريقة واضحة ومباشرة واهتم شلون تكون افضل بعين نفسك شلون تكون فخور بنفسك لمن تكعد وية نفسك تحس انك مكتفي وراضي عن نفسك وتصرفاتك وحياتك .👍🏽🤎
احب الجلوس في النهايه
في اخر مقعد بالحافلة
في أخر طاولة بالمقهى
في أخر كرسي بالصف
اؤمن ان كل شيء من بعيد اجمل
لأن الرؤية الواسعه
ندرك منها أموراً كثيره
تقريباً ماكو اي احد وعاشرته او قابلته الا واتقيت ربي بيه
الخباثة عمرها مادخلت كلبي
ولا اعرف احقد على انسان
وانتقم منه حتى لو لأذاني
اني مو شخص مميز ولا بيه صفات ممكن تفضلني عن غيري ، لكن احاول بكل الطرق دايماً اني اكون متسامح وصاحب اثر طيب على كل الناس
سهل انك تكون شخص سيء ومكروه بس صعب هواية انك تحافظ على اصلك وطهارتك بوسط الشر الي عايشين بيه 👍🏽
اكو فرق كلش چبير بين أنك زعلان من واحد او أنك قفلت عليه ، زعلان هاي معناها بعد اله عندك رصيد لحد الان تريد تسمعه لهسه كاعد تحن وتقلق عليه ولهسه عايف الباب مفتوح ويريد تلكيله مبرر علمود ترجعون مثل الاول حتى لو مبين بتصرفاتك أَنت ممهتم اله
اما القفله هاذ شي ثاني الشخص اذا خلص كل رصيده عندك مراح تكدر تسمعه مره ثانيه وكل كلامه محفوظ من كثر تكرار الغلطات ومبرراته صارت تعصبك وتفاصيله عندك تصير مو مهمه وتصرفاته متهمك بأي شي وكل محاولاته مو كادر تقابلها غير بس بالبرود
نقطه راس سطر
ماكرهته بس بعد ما احب وجوده .👍🖤