1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
لاستشهاد الإمام الباقر عليه السلام
لسان حاله يقول
بعد المصيبه. روحي غريبه
من كربله للموت
روحي غريبه
★★★★★
من شفت وكتي وعذابه وشوگي لهلي والحنين
ولوعة الطف وجرحها وغربتي وليل الونين
خاطبت دهري وگلتله أي وحگ جدي الحسين
الباقر انا وماتهمني وماتحيرني السنين
لاكن حسره تعيش بگلبي
وزادت گلبي بهلوعات
شمل احبابي الرايح مني
هم يرجع ماظن هيهات
ومنين اجيبه. روحي غريبه
من كربله للموت
روحي غريبه
★★★★★
اربع اسنين وشفتها. وتمر بعيوني وتلوح
لوعة الطف وحربها. منها أتعذب وانوح
خيام محروگة ويتامى وروح مهظومه على روح
وداست الخيل على جدي تلفي اشوفنها وتروح
ذيچ الساعه الماانساها.
عن بالي مالحظه تغيب
أهلي الراحوا كلهم مني
انوار الدين واهل الطيب
بدنيا عجيبه. روحي غريبه
من كربله للموت
روحي غريبه
★★★★★
للمنيه اتضل غربتي ولوعتي لأجل الغريب
للحسين ابن الزچيه. علارض طايح خضيب
يملي هذا الكون نوحي. وحرگتي وكثر النحيب
حرگتي للموت تبقه. علحبيب. أبن الحبيب
اشكر ربي وكثرة صبري.
وعزم الروح على الأيام
اتهدم اجبال احزان بروحي
واكثرهن لوعات الشام
العاشت حبيبه روحي غريبه
من كربله للموت
روحي غريبه
★★★★★
والدي السجاد شفته . ينظر الجدي الذبيح
الثأر ابواليمه تعنه. بخنگة الفاگد يصيح
من المخيم شفته طالع بسيفه يتوچه ويطيح
وعمتي للخيمه ترجعه. دموعه فوگ الخد تسيح
دارت كل الناس اعلينه.
علينه التمت كل الناس
بعد احسين الگطعوا نحره
ومن طاح الكافل عباس
گلبي ابنحيبه. روحي غريبه
من كربله للموت
روحي غريبه
★★★★★
أنظر أيامي الاخيره وهاذي ساعات الرحيل
من بعد شمل الأحبة. الراحه صارت مستحيل
چم حبيب الفارگيته. بلطفوف وچم. خليل
ماتركلي بعمري راحه يوم ابد. ماله. مثيل
عدوان الشر تترصدني.
من ذاك اليوم الهليوم
أعلم بالسم يخلص نحبي.
وهذا المني تريده الگوم
الچانت قريبه. روحي غريبه
من كربله للموت
روحي غريبه
الشاعر حسن لعيبي الحريشاوي
لاستشهاد الامام محمد الباقر عليه السلام
يابحر الفضل (وزن نصاري )
يابحر الفضل يامنبع النور
بعيوني المدامع لجلك تفور
يبو الصادق يمظلوم
اليوم الدين مهظوم
بعيوني المدامع لجلك تفور
★★★★★
يانور الهداية وشمعة الدين
ياثاني بدر من نور الحسين
لجلك كل جرح يندار جرحين
يامنهل عذب شفت الأمريين
يبوالصادق يمولاي
يبن الماشرب ماي
يوم الطف غريب وگلبه مكسور
★★★★★
كلمن حاربك نال الخسارات
مايجني ولا ايشوف السلامات
بدرك من سطع خير وكرامات
حقد شالوا عليك وغدو شمات
كلمن حاربك صار
حطب ملموم للنار
وعلى الباغي النوايب لازم ادور
★★★★★
يلبطف شفت مولانا لوعات
من عدوان ماترحم وشمات
عساكر للعلم نظمت حملات
نهج حسين شامخ بيك مامات
تشهد دوم الايام
عزمك يبني الاسلام
وعلم آل النبي بكل بلد منشور
★★★★★
الطمعوا بالمناصب والإمارات
المعارف شافت من الگوم ويلات
صارت بس عناوين وشعارات
گضيت ايامك وياهم معانات
صاروا حرب للدين
گوم الذبحوا حسين
أمية بچفها صار الدين منحور
★★★★★
ينعاك الشرع والدين مولاي
ياطيب عهد للخلگ وفاي
الناس بدون رايك مالهم راي
بيك الموت عنهم صار حداي
الصادق عاش الايام
بعدك حزن وآلام
گلبه من القهر واللوعه مفطور
الشاعر حسن لعيبي الحريشاوي
بمناسبة استشهاد الامام محمد الباقر عليه السلام (لسان حاله في واقعة الطف )
اربع سنين وشفت لوعاتها
لحظه لحظه الطف عشت ساعاتها
حرگوا علينه الخيم
وبينه ماواحد رحم
لحظه لحظه الطف عشت ساعاتها
★★★★★
اصغار نتراكض معسكرهم هجم
بلايه رحمة الخيل وصلت للخيم
حيلي من هول الجره كله انهدم
والعده من گلوبها انشال الرحم
شاف ابوي الخيم گطع حبالها
وشاف زينب ماتسر احوالها
شافها وحيله انهدم
بينه ماواحد رحم
لحظه لحظه الطف عشت ساعاتها
★★★★★
والدي السجاد حاير يلتفت
وين يلباقر يضي عيني رحت
انهدم حيله شافني لمن طحت
بين نار الخيم والعسكر صرت
يانهار الدنيا يشبه ليلها
والعساكر بينه تسحگ خيلها
العسكر علينه هجم
وبينه ماواحد رحم
لحظه لحظه الطف عشت ساعاتها
★★★★★
وي نهاري الليل بعيوني انطبگ
الضوه بيّن من مخيمنه احترگ
جدي بخيول العده شفته أنسحگ
ونحر عبدالله الطفل بالدم غرگ
صدگ تالي ام الخدر يسبونها
صدگ تبچي والدمع بعيونها
چم جرح بيه انلچم
وبينه ماواحد رحم
لحظه لحظه الطف عشت ساعاتها
★★★★★
بدور هاشم جمله طاحوا علثره
وطاح يم النهر سبع الگنطره
شلون حالي شفت كل هذا الجره
وبينه ترعه ام الخدر متحيّره
هجّوا وگامت تلم بايتامها
هيمة والسوط وشمر گدامها
وبقت مرعوبه الحرم
وبينه ماواحد رحم
لحظه لحظه الطف عشت ساعاتها
★★★★★
عاشت بعيني وبقت هاي الصور
تاكل بروحي ويعذبني. القهر
من محرم شيّب الراس وصفر
بكسر ماينجبر دلالي انكسر
بكربله الماكو مثل ايامها
رافگتني للمنيه آلامها
شكثر ياگلبي انهظم.
وبينه ماواحد رحم
لحظه لحظه الطف عشت ساعاتها
الشاعر حسن لعيبي الحريشاوي
لاستشهاد الامام محمد الباقر عليه السلام
إمامي وسيدي الباقر
يبن المصطفى الطاهر
إمامي وسيدي الباقر
★★★★★
الحكيم العالم العابد
الوجيه العارف القائد
الكريم الطاهر الماجد
على بلوه الزمن صابر
إمامي وسيدي الباقر
★★★★★
البليغ ونافذ الكلمه
الهادي الداعي للحكمه
وجودك للخلگ نعمه
سيف المعرفه الباتر
إمامي وسيدي الباقر
★★★★★
شكثر شايف غصص مره
الطفوف او وقعة الحره
يمن هز الجبل صبره
ولاعاش العمر حاير
إمامي وسيدي الباقر
★★★★★
استبداد وعذاب وشر
أمية بالظلم تفخر
متريد العلم يزهر
يلعلمك يضل زاهر
إمامي وسيدي الباقر
★★★★★
تهل لمصابك ادموعي
مصابك هوه موضوعي
الك تتوجر ضلوعي
يگلب الذاب بالعاشر
إمامي وسيدي الباقر
الشاعر حسن لعيبي الحريشاوي
✍🏻قناة الشاعرحسن لعيبي الحريشاوي كتابة أنواع القصائد في مدح ورثاء ال البيت الأطهار
✨معرف القناة🌹 /channel/a3lei
✨معرف التبادل🌹 @ha_aliebee
رابط قناتي على اليوتيوب
https://www.youtube.com/channel/UC_qMISpvnKnqhS-LTnV3thw
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
زواج النورين
شكراً يچف الزمن لمساتك الناعمه
اليوم اصبحت محتفل يامحله هلغانمه
والسمه نور ازدهت فوگ الأرض حالمه
معناها ماكو حزن فرحانه أرض وسمه
يعني بداية فرح وللهم صفه خاتمه
اليوم قاد الفرح ضد الحزن ملحمه
من اقترن نور الوصي بنور ام حسن فاطمه
الشاعر حسن لعيبي الحريشاوي
https://youtu.be/qq1OGeN72IQ?si=IUEMj94gv3LU-urB
Читать полностью…
لاستشهاد الامام محمد الجواد عليه السلام على طور قصيدة يحسين ياوالينه للمرحوم حمزة الزغير
سَمَّوك يابوجعفر زمرة الباطل والشر
شم الهوه ايحرمونك اسوَّويت ويطلبونك
زمرة الباطل والشر
★★★★★
يبن الرضا يامظلوم شعندك ذنب سويته
وشنهو العدو وغاياته
دارك محط الانظار واصعب عدو لاگيته
ضدك رفع راياته
طبعك جلد ماهَزوَّك والجور ماخاويته
وماهزتك حالاته
لاماخطت من بالك دوم الاحقاد أگبالك
بحال الصعب يردونك اسوويت ويطلبونك
زمرة الباطل والشر
★★★★★
يبن المجد والاطياب ضدك حرب شنووَّها
من اهل الضلاله اتعاني
ظالم أيعيين الظالم بانوارك ايطفووها
واحد يوصي الثاني
رادووك تخضع هيهات هلغايه ماوصلوها
بدرب الصبر متفاني
اتحملت هاي الزمره بزود وصبر وبقدره
ماچنهم ايعرفونك اسوويت ويطلبونك
زمرة الباطل والشر
★★★★★
جاهدت من باع الدين وبَدَّل اقوال الهادي
وغَيَّر النور بظلمه
وحاربت هاي الافكار للعلم صوت ينادي
بفقه وعقيده وحكمه
شما واجهنَّك صعبات بالفكر عزمك حادي
تگطع ادروب الازمه
كل مسئله الماتنحل عالمها انت الاول
بكل ازمه يحتاجونك اسوويت ويطلبونك
زمرة الباطل والشر
★★★★★
يبن الحبيب المختار مرفوع راسك عالي
يبن الوصي والزهره
يبن الرضا ماترتاع وبكل جمع متبالي
من اعمالهم تتبره
يلموتك ايريدونه والموت اول تالي
موت المجد تنتظره
الشايل حقد من جودك بالسم يذبل اورودك
الباري يكون بعونك اسوويت ويطلبونك
زمرة الباطل والشر
الشاعر حسن لعيبي الحريشاوي
لاستشهاد الامام محمد الجواد
عليه السلام على وزن قصيدة
رحنه بظعينه هليوم اجينه
للمرحوم ملا وطن
اليتعنه وينه. لأرض المدينه
ينعه الامام المظلوم. بالسم گضه نحبه اليوم
مشبوحه عينه. لأرض المدينه
★★★★★
يتعنه ياهو بلخبر ذيچ الدار
دارالزچيه وحيدره. والمختار
ويوصل علي الهادي ويخبره بلصار
ضل الجواد بلاعشيره. وأنصار
غربه على غربه. وأيامه صعبه
دمع النواظر سچاب. ينتظر جية الاحباب
شوگه وحنينه. لأرض المدينه
★★★★★
وين اليخبر الهادي ويوضح الحال
حال الجواد الشاف بالغربه أهوال
ذكر الأهل مايوم ينساه. البال
واصعب دربهم لوصفه بعيد وطال
ابعيد الدرب صار. ماتوصل اخبار
الدار الاحباب الطيبيين ايصد ودمعته بالعين
بنظره حزينه. لأرض المدينه
★★★★★
مفرد غريب ولله يشكي احواله
لوعاته تجوي على الأهل چتاله
من كل كتر أهل الظلم تبراله
ضد مبدءه وفكره وجمال أفعاله
أول شبابه. رحلة عذابه
اسنينه خلصها افراگ لأهل المدينه مشتاگ
مرجع اسنينه. لأرض المدينه
★★★★★
شذنب الامام انصبت عليه احقاد
مگيود من أرض المدينه البغداد
استكبار زاد المعتصم واستبداد
من شاف نهجه الموعظه والإرشاد
زادت احقاده. ضد العباده
روح الامام بهلحال. فراگ التحبهم چتال
ظلت رهينه. لأرض المدينه
★★★★★
لهذا السبب احقاد أل العباس
سحر الامامه ملكت گلوب الناس
سمته الماعدها ظمير واحساس
بأمر إلي ماعدهم حميه ونوماس
فوگ الحصيره. بحر الهجيره
فوگ السطح ضل مطروح. بأخر نفس ضل ينوح
نوحه اونينه. لأرض المدينه
الشاعر حسن لعيبي الحريشاوي
لاستشهاد الامام محمد الجواد
عليه السلام نزله
علجواد بن الرضا وحامي الحمه
نوحوا ياشيعه على بدر السمه
موحشه بغداد صارت مظلمه
نوحوا ياشيعه على بدر السمه
راح فخر الجود راعي الغانمه
نوحوا ياشيعه على بدر السمه
لجل فگده الهدى اركانه مهدمه
ياذنب ياصوچ شنهي القدمه
سمته بنت اللئيم المجرمه
ينقل الناعي اشجره من خاتمه
للمدينه ينادي بأهل الموزمه
گظوا سم وذبح ولدچ فاطمه
وخبر الهادي بدمع ينزف دمه
ابخبر هد حيل ألامام وألمه
ضلوعه من عظم المصاب مهشمه
اموجره نار ابدليله ومضرمه
بالگلب للموت ناصب مأتمه
نوحوا ياشيعه على بدر السمه
الشاعر حسن لعيبي الحريشاوي
نعي للامام محمد الجواد عليه السلام
خليه الدار والحسبه طويله
يبوالهادي ولا بالأمر حيله
وحشه و مامثلها شلون ليله
ولايمك اهل وكت المنيه
وين ابنك الهادي صار ماوين
على يوم المصيبه جزن يومين
يلحالك مثل ماصار بحسين
ثلث تيام وانته بهلرزيه
العلم يبن الرضا ينعاك والدين
بچتلك كل نواحي الگلب والعين
شبابك فرهداه الدهر والبين
عليك اتامروا أهل الرديه
خناجر بالگلب حطن وخلن
النوايب وأثرن بيه وخلن
يلمالك أهل تحظر وخلن
غريب تموت اسف يبن الزچيه
الشاعر حسن لعيبي الحربشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
لاستشهاد الامام محمد بن علي الجواد عليه السلام على وزن راية محمد حمزة الصغير
(بالغربه والالام چبدك تمرد)
(مرن عليك ايام مامرن احد )
أيام الخليفه السود. بيهن صرت موعود
مامرن احد
★★★★★
غايات معقوده بمقاصد واسباب ضدك فعلها
عدوان تطلب چنها من داحي الباب ثارات أهلها
كل مسئله اتحير عقول وألباب ميزك حلها
(وبدولة الطاغين حافل سجلها )
(مرت عليك سنين ماكو مثلها)
بيها الأمن مفقود بيهن صرت موعود
مامرن احد
★★★★★
دمعاتنا لجلك جرت هذا اليوم تجرح جفنها
بارواحنا يجري الحزن يامسموم واگف زمنها
وگلوبنا طول الوكت يامظلوم لجلك حزنها
(تتحمل الارجاس لاجل الرساله )
(بالظلم ماينقاس وجه العداله )
يا اية المعبود بيهن صرت موعود
مامرن احد
★★★★★
اتمناها يوم المعتصم والمامون هاي النهايه
مسموم ماتغمضلك الليله اعيون لا لك رعايه
ابابك مراصد للخليفه ينظرون اهل الوشايه
( سلطة غدر وعناد علمك يذلهم )
( مابطلوها احقاد مثل الگبلهم )
ماغيرك المقصود بيهن صرت موعود
مامرن احد
★★★★★
لاحتنا نيران المگابر جمرات سرها وعلنها
بفگد الجواد ارواحنا بالحسرات لاگت محنها
هاذي السمه وهاي الارض باللوعات مابطل ونها
( ذابت يبو الاطياب زهرة شبابك )
( تريد العلم طلاب وگفت ابابك. )
بجيش وحرس مرصود بيهن صرت موعود
مامرن أحد
★★★★★
من سالف الازمان هاي الالام باقي اثرها
اتبين باهل البيت هاي الايام كثرة غدرها
الدار الجواد اليوم يبچي الاسلام غايب گمرها
(غايب گمرها اليوم مهظومه داره )
( وظل الگمر محروم غابت انواره )
عليك المنايا جنود. بيهن صرت موعود
مامرن أحد
الشاعر حسن لعيبي الحريشاوي
لاستشهاد الامام محمد الجواد عليه السلام
(وزن الدارمي )
بضلوعي شبت نار لوعة مصابه
أبن الرضا سموه بأول شبابه
★★★★★
أبچي على البلكون تبچيله الاملاك
وگفت بحيره أليوم محبوسه الافلاك
ياگلبي ظل مهموم وابچي على مولاك
لجله الشرع مفجوع نهجه وكتابه
★★★★★
زادوا بني العباس جور واذيه
اكثر ظلم وإجرام من آل أميه
مقصدهم يعذبون ولد الزچيه
ابدور السمه الصافيين واهل النجابه
★★★★★
فاگد أبوه الچان خيمه ومحنه
غربه ومواجع شاف من صغر سنه
بدار الغرب مهظوم ماغمض جفنه
الفاگد اعزاز شلون يخلص عذابه
★★★★★
لا غفر رب الكون إلهم ذنب يوم
الخلوه عليل الحال والچبده مسموم
إلهم عذاب النار وكت الحشر دوم
المعتصم يوم الدين شنهي جوابه
★★★★★
شنهي جوابه يصير يوم القيامه
الخلاها تلهب نار چبدة أمامه
بحبل الكفر والجور چان التزامه
الخان الجواد النار باچر أحسابه
الشاعر حسن لعيبي الحريشاوي
لاستشهاد الإمام محمد الباقر عليه السلام
الفوگ الصبر صبره. ابسم انختم عمره
ويلي على الباقر
★★★★★
شحال اليودعونه. لمن يشوفونه
الْهَمّْ سلب لونه. والدمعه بعيونه
لجل اليحبونه. حظروا يشيعونه
بالدمعه والحسره
ويلي على الباقر
★★★★★
ازدحمت ابابه الناس واحبابه
بدموع سچابه تنحب على اصوابه
كل حزنه واسبابه لحسين ومصابه
المذبوح علغبره
ويلي على الباقر
★★★★★
ياحسرة الباقر. لبدر السمه الزاهر
بيه الوكت غادر. يتذكر وصابر
جرح الامس حاضر بيه لوعة العاشر
علمنگطع نحره
ويلي على الباقر
★★★★★
يتذكر الغربه. وايامها الصعبه
حسين الگضه نحبه ضربه بأثر ضربه
بسيف الدعي وحزبه.واللحيه متخضبه
ماواحد يحضره
ويلي على الباقر
★★★★★
ماتنگضي احزانه. يوم الدهر خانه
من غَيَّر الوانه. والطف على السانه
وحسين عنوانه. ساكن بوجدانه
عين الدمع حمره
ويلي على الباقر
الشاعر حسن لعيبي الحريشاوي
معاناة الفراق (ملمع )
منتظر ملهوف وبگلبك حنين
أسوت ابحالك يمولاي السنين
(انت دوماً باشتياق ومعاناة الفراق )
اسوت بحالك يمولاي السنين
★★★★★
سنين منتظرين يامن تنتظر
ننتظر ملگاك من فجر الفجر
لاحجاب يغطي نورك يابدر
منك انريد السماح ونعتذر
(ايها البدر المنير صاحب القلب الكبير )
اسوت بحالك يمولاي السنين
★★★★★
اليمته يامولاي ياراعي الشيم
أمفارگ ومهموم وتعاني الألم
المهم راحتنا عندك والأهم
بدونك الدنيا يبوصالح عدم
(ان رؤياك الحياة وكمال الأمنيات )
اسوت بحالك يمولاي السنين
★★★★★
كل امانينا نعيش بخدمتك
جنود وترفرف علينه رايتك
يلي نهج حسين منهج ثورتك
بالعدل تملي الأرض كل غايتك
(يامعز الاولياء لمتى هذا العناء )
اسوت بحالك يمولاي السنين
★★★★★
الدهور اشماتاخرك والزمن
رغم كلشي صابر بوجه المحن
بشوگ النه مازلت يبن الحسن
علينه خايف لاتغيرنه الفتن
(نتمنى كمناك ان ترانا ونراك )
اسوت بحالك يمولاي السنين
★★★★★
چم لسان بأسمك الطاهر لهج
يدعي رب الكون تعجيل الفرج
عشگ فطري سالب گلوب ومهج
حجة الله آخر انوار الحجج
(ايها الحق الرشيد قاصم الظهر العنيد )
اسوت بحالك يمولاي السنين
الشاعر حسن لعيبي الحريشاوي
لاستشهاد الامام محمد الباقر عليه السلام
تضل دوم لوعة الباقر
بدت يوم من بده العاشر
★★★★★
بدت من حطوا اخيام
احسين الماغفه ونام
خاف ايضيع الاسلام
شاف الباقر ايام
سبايا وغربة وايتام
ورحلة حزن والآم
جمع گوم حاقد وغادر
بدت يوم من بده العاشر
★★★★★
بدت من گطع النحور
لوعة يوم عاشور
الاكبر گلبه مفطور
يعاني العطش ويفور
الباقر گلبه مكسور
ويتامه ابحال مذعور
بلانوم والجفن ساهر
بدت يوم من بده العاشر
★★★★★
بدت عباس من راح
أسف يم النهر طاح
يلوع الباقر وناح
طير وفاگد اجناح
همومه اشلون تنزاح
وگلبه شوكت يرتاح
يملچوم بلوعته وصابر
بدت يوم من بده العاشر
★★★★★
بدت من دمهم ايسيل
وعليهم داست الخيل
زلم طاحوا مچاتيل
اطفال مهدمه الحيل
عليهم خيم الليل
الكون شعجب ميميل
والنجوم والدرب غابر
بدت يوم من بده العاشر
★★★★★
بدت لوعات الايام
بحبل مچتوف للشام
وأميه رفعت اعلام
طغوا عدوان الاسلام
حرب صاروا للاحكام
ذول اتباع الاصنام
يمظلوم بنظرته حاير
بدت يوم من بده العاشر
الشاعرحسن لعيبي الحريشاوي
https://youtu.be/PCxI8OzueXk?si=t7LSAIXDzuHX91Oc
Читать полностью…
للعليلة | احمد عزيز | حسن لعيبي الحريشاوي
Читать полностью…
سيتم نشر قصائد محرم جديد للرجال والنساء وكذلك هناك ديوان جديد سيتم نشره للنساء
/channel/Jafar_Jafar_ssss
هوسات لذكرى زواج النورين عليهما السلام
طلبوا أييدها الزهراء من أبوها وهوه يتعَذَّر
گال الباري يامختار بالك لحظه تتحَيَّر
من حامي الحمه الكرار انهض زَوَّج الكوثر
(حتماً حيدر يستاهلها)
★★★★★
بذو الحجة واحد بالشهر بثنين من الهجره
نور الوصي بيه اقترن بنور الزچيه الزهره
وأثمروا من هذا الشرف اقدس واطهر عتره
(ميزان الدين وساداته )
★★★★★
هله بنور الزچيه علارض أزهر
الما إلها كفو غير الوصي حيدر
يانورين منهم چم گمر نَوَّر
(يانور الدين واسبابه )
الشاعر حسن لعيبي الحريشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
لاستشهاد الامام محمد الجواد
عليه السلام (موشح)
خلت داره وارتحل عنها الجواد
ابوالهادي ابن الرضا خير العباد
موحشه بغداد هذا البيها صار
صب ظلام الليل لونه على النهار
دار تضوي كل وكتها وهسه دار
اموشحه بثوب الحزن لبست سواد
ياجبال التحمل بصبره وتشيل
من هظم من جور من وادم تعيل
بالخيانه ردوا اعليه. الجميل
وقابلوا إحسانه بالشر والعناد
رحل من احيا الصلاه والموعظه
ناشر علوم النبي. والمرتضى
گضه نحبه الجود راح ابن الرضا
تاسع الاطهار عنوان الرشاد
مهجة الأسلام وأسباب الوجود
ونعمة الايمان خير ابلاحدود
قابلوا فضل الامامه بالجحود
وزاد حقد المعتصم عن غيره زاد
گضه نحبه بعيد عن اهله غريب
غاب عنه كل حبيب وكل قريب
گضه بالسم لامداوي ولاطبيب
أبحر هجير الشمس ظل باب المراد
الشاعر حسن لعيبي الحريشاوي
ابوذيات لاستشهاد الامام محمد الجواد عليه السلام
ثوبك كل رزيه الصبر ورداك
عشرين على خمسه وذبل ورداك
راواك الخليفه الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من كاسك وجودك
يجود وخير بارض الكاظميه
الشاعر حسن لعيبي الحريشاوي
يمن دار الوكت ضدك تجهله
بحاجاتك لبوالهادي تجهله
الجواد ابسم گضه وناطر تجهله
بعيد اهله ولا بالاهل جيه
الشاعر حسن لعيبي الحريشاوي ✍️
لاستشهاد الامام محمد الجواد عليه السلام (ملمع)
( السلام عليك ياامامي الجواد. )
( السلام عليك يا أمامي الجواد )
★★★★★
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي
(طالبا للسلام داعيا للسداد )
(السلام عليك ياامامي الجواد )
★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب
(جئت شوقا اليك يبن خير العباد )
( السلام عليك ياامامي الجواد )
★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم
(واقفا في خشوع قرب باب المراد )
( السلام عليك ياامامي الجواد )
★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك
(في فؤاد كئيب قد اقمت الحداد )
(السلام عليك ياامامي الجواد )
★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل
(لك نجري الدموع ولبسنا السواد)
(السلام عليك ياامامي الجواد )
★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن
(لك حزن عميق في صميم الفؤاد )
(السلام عليك ياامامي الجواد )
الشاعر حسن لعيبي الحريشاوي
نعي لاستشهاد الامام محمد الجواد عليه السلام
مهموم الجواد وناره نارين
زمان الغربه وفراگ الميامين
ناده بلوعته والدمعه بالعين
علي يبني جمر لوعات الونيين
طالت غربتي وانتم بعيدين
عليه ايام مرن چنهن اسنين
ابدار الموحشه والحرس صوبين
على قهري وعذاب الگلب ناوين
امحزم شامتي ومسلح البين
اموت بغربتي وين الأهل وين
غريب الحال غربة جدي ألحسين
الشاعر حسن لعيبي الحريشاوي
لشهادة الامام محمد الجواد عليه السلام( ملمع)
(وزن المثلث )
جئت يبن الكرام ياامامي الجواد
باكيأ في خشوع. قد اقمت الحداد
★★★★★
جيت انوح عليك ياتاسع العتره
ما اتيهن دربك يدليني عطره
يلي من عطفك ردت مولاي نظره
گلب المفارگ يظل ملتهب جمره
لهفة في العيون لوعة في الفؤاد
جئت يبن الكرام. ياأمامي الجواد
★★★★★
اعتله الشوگ الروح وجروحي لچمها
روحي لمصابك. ولايرحل هظمها
گاطع دروب السفر كّطعني همها
عرفت معنى الروح يمك من عدمها
ليس لي من هجوع. ليس لي من رقاد
جئت يبن الكرام ياأمامي الجواد
★★★★★
يبو الهادي من الرضا طبعه وصفاته
كملّت درب العلم ساعة وفاته
ناظرت كلمن اجاك ابمعظلاته
رجع متّحير عليه تاهت جهاته
عصفت بي تدور عاتيات الوداد
جئت يبن الكرام. ياأمامي الجواد
★★★★★
وين ابن اكثم نواياه اكشفتها
حرج نفسه والمسائل فسرتها
لهلسبب احقاد منهم واجهتها
كل نوايا المعتصم انته اعرفتها
شره مستطير. شره بازدياد
جئت يبن الكرام ياأمامي الجواد
★★★★★
عارف بحقك اجيتك معتنيلك
بين اشوفك سيدي وبين اشتكيلك
من زماني ومن ذنوبي انا دخيلك
اقبلني خادم سيدي واشكر جميلك
ذاب قلبي أسى. وغدا كالرماد
جئت يبن الكرام. ياأمامي الجواد
الشاعر حسن لعيبي الحريشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي