1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
لولادة الامام علي بن موسى الرضا عليه السلام
بميلاد الرضا يامحله الانوار
اهني الناس كلها صاحب وجار
اهني الرايح وجاي
وكلمن فرح وياي
بميلاد الرضا يامحله الانوار
★★★★★
دفع سود الليالي وَنَوَّر الليل
صب على الجهل انواره سجيل
واغصان الخميلة بطلعته اتميل
يهني اهل الأرض فرحان جبريل
نزل جبريل فرحان
يطوي ليل الأحزان
بميلاد الرضا يامحله الانوار
★★★★★
كرم يوم القيامه چفك وخير
شافع لليجييك وكله تقصير
ومحافلنه سعاده بأسمك اتصيير
انفاسك هدايه الكلمن ايحيير
حبك نَوَّر الكون
غصبن عليكرهون
بميلاد الرضا يامحله الانوار
★★★★★
ياثالث علي ياكعبة الروح
يابلسم نزل مَحَّاي الجروح
گبل الناس اسمك چان باللوح
اسمك باب للجنات مفتوح
ريحان الهوه الهاب
نگول ومحله الاسباب
بميلاد الرضا يامحله الانوار
★★★★★
ابو محمد سندنه بيوم الأهوال
يوم الجاه ماينفع ولا مال
بميزان العشگ كل ذنب ينشال
حبك وحگ طه خير الأعمال
بميلاده الحزن شال
عنه وشد الأرحال
بميلاد الرضا يامحله الانوار
★★★★★
محافلنه زهت بالورد والياس
بميلاد الرضا خل تفرح الناس
من بيت النبوة وللعلم ساس
ياثامن إمام ورفعة الراس
افراح ومسرات
وللدمعه نهايات
بميلاد الرضا يامحله الانوار
الشاعر حسن لعيبي الحريشاوي
سارع بالاشتراك قبل الحذف
كروب جديد لتعليم قراءة القرآن و احكام التلاوة و التجويد
/channel/+oAfqr8s25RgyZDFi
لولادة الإمام علي بن موسى الرضا عليه السلام
هب النسيم الساكن.
بمولد إمامي الثامن
حرك الغصن الغافي
وناغه الغدير الصافي. بمولد إمامي الثامن
★★★★★
گلبي الحزين اتهنه.
من شاف مايتمنه
مولد حضارة وجنه
مدري شسولف عنه
من سطع نور الگمره
انزاح الظلام وشره بمولد إمامي الثامن
★★★★★
بيه فرحت المعموره.
وصارت باحسن صوره
انزاح الظلام بنوره.
بيه الخلگ مسروره
ابشارة الباري وعطفه.
علناس انزل لطفه. بمولد إمامي الثامن
★★★★★
بشر الباري بأسمه.
ابن العلم والعصمه
بالدنيا خير ونعمه.
وباچر شفاعه ورحمه
نور ومحبته جناحي.
ماتنوصف افراحي. بمولد إمامي الثامن
★★★★★
للدين انته البشرى.
وعيد السلام ونصره
وثوبه وهواه وعطره
يبن الوصي والزهره
محله الوكت وانسامه.
مختلفه عندي ايامه. بمولد إمامي الثامن
★★★★★
حتماً حفلنه يحله.
هليوم ماكو مثله
محله جماله وشكله.
بمولد الخير وأصله
ابغبطه الحقل وازهاره.
وضي البدر وانواره. بمولد إمامي الثامن
ألشاعر حسن لعيبي الحريشاوي
هوسه لولادة الإمام الرضا عليه السلام
هليوم الباري اختاره
هلت علدنيا آثاره
من سر الكون اسراره
ابن الكاظم تزهي أنواره
جتنه من الباري ابشاره
ايبشر ناسه وزواره
حجه وعمره وكَفَّارَه
كلمن گاصد لدياره
وكلمن رايد أخباره
(من مشهد هلت أنواره )
الشاعر حسن لعيبي الحريشاوي ✍️
بمناسبة ولادة ثامن الحجج
الامام علي بن موسى الرضا عليه السلام
ياامامي الرضا ياشبيه الگمر
صبر عمرك گضه. ماتهاب الخطر
★★★★★
اهواي ضدك موعجيبة من شفتها
كل مفاهيم الضلاله غيرتها
شگد براهين بعلومك قدمتها
قصورهم بالصبر ياما زلزلتها
رافعه وخافضه امواج علمك بحر
ياامامي الرضا ياشبيه الگمر
★★★★★
مولدك ياما امور شگد حسمها
صالت انفاس العلم ضد الكتمها
اهتزت عروش الطغاة انذّل اسمها
هيبتك مذلول بالدنيا خصمها
ابدرب خاسر مضه الناظرك ماگدر
ياامامي الرضا ياشبيه الگمر
★★★★★
كل بني العباس ظل ثابت عهدهم
من ظهر سابع على العتره حقدهم
مولدك ارعبهم وهّدم مجدهم
بلامجد بس الغدر بالدنيا عدهم
مااخذ موعظه الظالم ولعتبر
ياامامي الرضا ياشبيه الگمر
★★★★★
ابعاد للمامون معروفه النوايا
للخلافه رادك وصّر على رايه
اعلان للسلطه يريدلها ودعايه
حتى كلشي لاجله يصفه بالنهايه
بالغدر من حضه. فرصه إلها انتظر
ياامامي الرضا ياشبيه الگمر
★★★★★
ثامن الاطهار من هلت انواره
بمولده يعني المفاخر والحضاره
المجد واضح تشهد أنوار المناره
الخاصمه رد بفشل بعد الخساره
جدك المرتضى ياسليل الفخر
ياامامي الرضا ياشبيه الگمر
الشاعر حسن لعيبي الحريشاوي
https://youtu.be/eYZh7ktto2c?si=lkuF3PY3vvUPe7SR
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ريت الطف
ريت الطف وضعها الصار يتغيير
والوادم أمرها ابراي ابو الأكبر
★★★★★
عجب شيصير لومسلم رجع سالم
واخذ منهم البيعه ورهمت الوادم
وقائدهم يصيير حسين والحاكم
وأمام وفوگ كلشي رايه يتصدر
★★★★★
يرد حسين حقه من الخلگ يسلم
لاحرب وضراوه ولانزيف الدم
المتاخر ابلا حق كون يتقدم
المتقدم ابلا حق كون يتأخر
★★★★★
بفتوى حسين كون البشر تتعبد
على نهج الحبيب المصطفى احمد
الباطل لوتعده من الخلگ ينرد
وماكو كون كلمه للظلم والشر
★★★★★
يزيد وعسكره وكلمن إله تابع
عن هذا الظلم والجور متراجع
يرد للحق ذليل وللامر خاضع
لاباطل بعد بالدنيا لامنكر
★★★★★
چان الدنيا صارت علبشر جنه
لان بحسين خير الوادم ومنه
بس الشر عكس ماچنه نتمنه
ضد نهج الرسول المصطفى وحيدر
الشاعر حسن لعيبي الحريشاوي
لاستشهاد آية الله العظمى السيد محمد محمد صادق الصدر قدس ( موشح)
ياشهيد الجمعه بعدك ياشهيد
گلوب ماتفرح ولاجرح اليهيد
★★★★★
مايردك بعد ياحيف الزمان
يا گلب مخلوق من حب وحنان
يا امان الجمعه ماعشت بامان
وراحة الدنيا على گلبك بعيد
★★★★★
المنبر يون بغيابك والصلاه
اه ياحلم الغفل فارگنه اه
ليل مظلم وجهك الصافي ضواه
زمن ضدك ابد مايرحم عنيد
★★★★★
ياحبيبي اشعر أنسمعك تگول
فاز كلمن يتَّبع نهج الرسول
لايغرك مال لادنيا تزول
وگلت لتصيرون للطاغي عبيد
★★★★★
چم رسالة فقه واحكام وأصول
وجمع موسوعات أبواب وفصول
تريد من الباري للوادم قبول
توعيه وتوجيه بالوادم تريد
★★★★★
أمودع ابالله وداعاً يلحبيب
يلمثل جدك صرت بالدم خضيب
غاب لون الرادك تروح وتغيب
هواي اجوا راحوا مثل روحة يزيد
الشاعر حسن لعيبي الحريشاوي
ابوذيه لولادة فاطمة المعصومة رضي الله عنها
الشيعي مهجته زايد وجدها
بمولد فاطمه الفرحه وجدها
ابوها الكاظم العالم وجدها
امير الفقه سيد الجعفريه
الشاعر حسن لعيبي الحريشاوي
هوسات لولادة معصومة بنت الامام الكاظم عليه السلام
من العصمه قريبه. والمسميها
اخوها الرضا. حوزة علم يدريها
أجر نال وشفاعه من گصد ليها
(ماخاب اليگصد معصومه )
مثل باب الحوايج مبدأ ومنهاج
تگضي بلكرم حاجات كل محتاج
وفود اهل العلل متعنيه الها افواج
( كل صعبه العندگ تگضيها )
الشاعر حسن لعيبي الحريشاوي
لولادة السيدة معصومة بنت الامام الكاظم عليه السلام. (نصاري )
سعادة انملت بيها وضَوَّت الدار
معصومه اشرقت نور من الانوار
★★★★★
عش ال الرسول ونصر للدين
للكاظم مهجته . وقرة العين
حوزه للعلم. بنت الميامين
وچف يمطر كرم ينطي المساكين
شهد إلها الغريب ويشهد الجار
★★★★★
يامكثر كرمها بنت الإشراف
لَقبَّها الرضا معصومه من شاف
علمها ماتحده احدود واوصاف
عرفان وكرامه من الله والطاف
وكمالات ودراية وعلم واسرار
★★★★★
مثل باب الحوايچ عدها منهاج
تگضي بالكرم حاجة. المحتاج
وفود اهل العلل. متعنية افواج
معصومه اعتلت هام العلم تاج
عنوان وصفه من طبع الاطهار
★★★★★
فضل علناس من رب السماوات
بولادة فاطمة. ام الكرامات
معصومة وكريمه وطاهره الذات
نالت بالعلم أشرف مقامات
من بيت النبوة وعلي الكرار
★★★★★
اليوم من الزمن يااحله الايام
على بيت الرساله واهل الاحكام
كرامة وخير معصومه على الاسلام
وشفه المعلول من لوعات الآلام
وشفيعه بالحشر لوتسعر النار
الشاعر حسن لعيبي الحريشاوي
شخليت عندي ياوكت
چم مره ياوكتي الصعب ماخذ عزيز على الگلب
ولامره من عندي جزت
شخليت عندي ياوكت
ماخذ عزيز على الكلب
★★★★★
الياحد اظل بحالتي حال الغريب بدنيتي
يلماتهمك لوعتي قصدك تفرهد راحتي
كل مره قاصدني بغدر طعنات كلهن بالصدر
خوفي على الباقي صرت
شخليت عندي ياوكت
ماخذ عزيز على الگلب
★★★★★
خدي بدمع عيني انچوه والحزن من عيني ارتوه
خلوها والمامش سوه الجانوا سواد الها وضوه
كل مره قاصدني بجرح ياعدو الماينطي نصح
مايوم وياي انصحت
شخليت عندي ياوكت
ماخذ عزيز على الگلب
★★★★★
شيفيد وايام الاجن وي الامس يتخالفن
ماترجع ايام الزمن بالفرحه راحن ونگضن
هاذي كتابات القدر مايمحي لوعتها الحذر
مافاد من گلت وصحت
شخليت عندي ياوكت
ماخذ عزيز على الگلب
★★★★★
جلماتي ردت تنتحب عن المحب من تنحجب
والحزن واجب ينحسب لمن تفارگ من تحب
الموت اليجي ماينتظر لايندم ولايعتذر
چن ماسمع من عاتبت شخليت عندي ياوكت
ماخذ عزيز على الگلب
★★★★★
بسك يموت من الورد حاصدهم بچفك حصد
تابوتك يروح ويرد يلوصلتهم لِلَّحَدّْ
وي الوكت دومك صلح
عودت گلبي على الجرح
على الحال هذا تعودت
شخليت عندي ياوكت
ماخذ عزيز على الگلب
الشاعر حسن لعيبي الحريشاوي
لولادة الامام علي بن موسى الرضا عليه السلام ( تجليبه )
جمال الليل ناغه طلعة الگمره
الماخذ روعته من ثامن العترة
يافرع الإمامة ومن نبي أصله
يطيب الفرح لجلك والسهر يحله
قليل شماشكرناه العمر كله
وقليل شماحمدنه الباري ألف مره
يتاج المعرفة المعروفة اوصافك
استحه وذاب الگمر مولاي من شافك
بلطف الله ابتشرنه بجية الطافك
السمه ويانه وأرضها اليوم مبتشره
شمحله افراحنه وإلي يكملها
التهاني بمولدك من عدنه تقبلها
يسلطان المعارف ياعلي كلها
علوم الناس عندك يابحر گطره
مثل والد شفيق على البشر گلبك
تهدي الضاع تايه ماعرف. دربك
فوز ولايتك بالاخره. وحبك
يوم الماتفيد ابنادم. الحسره
ياعلم وسماحة وسيد الحكمه
وجهت على نهج المصطفى الأمة
السعادة اليوم ماتتوصف بكلمه
بخشوع وحب نجدد سيدي الذكره
أمام الله اصطفاك وثامن اختارك
نعيم على المحب ماتنطفي انوارك
السمة وي الأرض بالفرح تشارك
تهني المرتضى والهادي والزهره
الشاعر حسن لعيبي الحريشاوي
لولادة الامام علي بن موسى الرضا عليه السلام
ينور ومعدنه الدين والاطهار الميامين
بميلادالرضا اليوم. سرور الگلب والعين
★★★★★
وحگ الثامن الضامن وعينه
بحبه من الصغر احنه وعينه
يربي انطي الصبر گلبي وعينه
افراگ ازيارته شمسوي بيه
خذاني الشوگ بجناح
خذاني المشهد وراح
هناك همومي تنزاح. وتذوب اجروح السنين
بميلاد الرضا اليوم. سرور الگلب والعين
★★★★★
شنهي قيمتي بدونك هوانه
ذليل الگلب مايرحل هوانه
يبن موسى الك مكثر هوانه
خذانه الشوك ليك بهلمسيه
جناح الشوگ مولاي
خذاني ورحت عناي
والله زيارتك هاي. چنها زيارة حسين
بميلاد الرضا اليوم. سرور الگلب والعين
★★★★★
عاجز كل فكر من راد وصفه
ياماي الزلال الگلب وصفه
من الله زيارته للناس وصفه
يمه ماتظل عله خفيه
حبيب واغله محبوب
مالك كل الگلوب
من بحور الذنوب سفينه وبيها ناجين
بميلاد الرضا اليوم. سرور الگلب والعين
★★★★★
فكر عالي مظامينه وسامي
ذلاها ملوك اشگد وسامي
اسمك علصدر هوه وسامي
بيه افخر على اليفخر عليه
بيش الي يفخرون
وبيانهج يمشون
وأساس الدنيا والكون. محبة ال ياسين
بميلاد الرضا اليوم. سرور الگلب والعين
★★★★★
من ذروة بني هاشم وصلها
مكانه الك ماواحد وصلها
الفرحة اليوم يامحله وصلها
بميلاد الرضا نفرح سويه
أمام ابامر معبود
ابن من ذل الگيود
وابو من أسس الجود. سطع مابين نورين
بميلاد الرضا اليوم. سرور الگلب والعين
الشاعر حسن لعيبي الحربشاوي
لولادة الأمام علي بن موسى الرضا عليه السلام
بميلادك ولاتنوصف فرحتنا
ومحلاها بعد هليوم. لمتنا
يسلطان المهج حلت سعادتنا
لاوينه الهموم الياما لاوتنا
يبن خير البشر للموت سادتنا
شفيع وناصر بأيام شدتنا
نودع بالملاگه وياك. غربتنا
من بحر الذنوب أنته سفينتنا
((أعلينه اليوم أتفصل ثوب الفرحه افصال ))
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لذكرى ولادة الامام علي الرضا عليه السلام
ميلاده ميلاده مولانا الرضا
★★★★★
كل الهله ابأنواره
ومحلاها أجتنا أخباره
مولده أحله أبشاره
أبن الامام الكاظم
هذا البدر من هاشم
هوه النعيم الدايم
تحله وتطيب الافراح
فوگ الارض منتشره
ميلاده ميلاده مولانا الرضا
★★★★★
ربنا النعيم ايديمه
يمطر فرح چن غيمه
بنور العلم والشيمه
بمولد إمامي الغالي
يوم الفرح يحلالي
والدنيا جنة أگبالي
اخريسان شعت انوار
سوت العالم جنه
ميلاده ميلاده مولانا الرضا
★★★★★
أهدعش يوم الرحمه
روحي فده الهلنعمه
ولكل حرف من أسمه
هلشهر تحله ايامه
بنور الرضا وانسامه
اجعلنا يرب خدامه
اجمل حدث بالتاريخ
مولد أمامي الثامن
ميلاده ميلاده مولانا الرضا
★★★★★
يحله الحزن توديعه
ويوم الافراح انطيعه
اعظم فرح للشيعه
بمولد إمامي الثامن
للجنة هوه الضامن
بلگلب حبه ساكن
عاشر انوار اهل البيت
شافعنه يوم المحشر
ميلاده ميلاده مولانا الرضا
الشاعر حسن لعيبي الحريشاوي
لاستشهاد اية الله العظمى السيد محمد محمد صادق الصدر قدس (وزن تجليبه )
يبو مأمل كسرت الباطل وشره
خطاباتك مبادئ تصنع الثوره
★★★★★
مسدد ياحليم الراي من الرب
ياجوهر الحكمه وشمعة المذهب
صبور الگلب ياما گلبك اتعذب
بس خليت خصمك حاير بأمره
★★★★★
شمانبعد تضل گلوبنه يمك
تفز جروحنه من ينذكر اسمك
مشاعل للدرب ماينطفي علمك
بكل فكره اطرحتها تنولد فكره
★★★★★
عقائد لوفقه لوشرح للقرآن
كل عنوان يفتح للعلم عنوان
منهج للاصول ومنة المنان
واضواء على ثورة خامس العتره
★★★★★
حاربت الضلاله والظلم والجور
وذليت اللئيم الظالم المغرور
أخذت الحكمة والايمان من عاشور
ومن صبر الذبيح الماشرب گطره
★★★★★
رحيلك بالمواجع نرد خلانه
يبو گلب الوفي المايوم ينسانه
برحيلك ياصدرنه الدنيا حزنانه
بجوانحنه الحزن ماينطفي جمره
الشاعر حسن لعيبي الحريشاوي
لاستشهاد السيد الصدر قدس
سلامي على الماشاف السلامه
اليريد الخير للناس. وكرامه
الشاف الدين تتلوع احكامه
وعلينه الليل. مايرحل ظلامه
وطن كسره. كسر جنح الحمامه
غربان ابحزب مختل. نظامه
تخاف من النجيب البيه شهامه
شافوا للمجد طلعت أعمامه
وخطر ضدهم موازينه وكلامه
فاجعنه العدو حصل مرامه
وبصدر المجد صوب اسهامه
صدرنه الما ابد تنسي أيامه
بعد عينه مثل حال اليتامه
الشاعر حسن لعيبي الحريشاوي
؛؛ لأستشهاد السيد محمد صادق الصدر؛؛ گعدية على طور ياليل طول ساعاتك ابو بشير النجفي؛؛ أداء جواد الحسناوي؛؛ كلمات الشاعر حسن لعيبي الحريشاوي؛؛
Читать полностью…
يا شهيد الجمعة
اداء عصام المحمداوي
بقلم المبدع الشاعر حسن لعيبي الحريشاوي
لاستشهاد السيد أية الله العظمي السيد الصدر قدس (گعدية )على طور ياليل طول ساعاتك ابوبشير النجفي
لوسيل هَلَّن دمعاتك. ونيران صارن لچماتك
لصدر الحق والايمان. شتْوَفَّي من الاحسان
★★★★★
لونزل نيران دمعك تلچم النايبه ابروحك
والعمر ينتهي ابحسره يحرگ الدلال نوحك
ولوعشت مجروح گلبك جرح مايشبه جروحك
عانى شكثر لجلك ظلم
الي رفض جور الحكم
من الدنيا متحمل هظم حتى ذلها لايلوحك
للدين ناذر ايامه وعلناس حزنه وآلامه
للطيبه وللوجدان. شتوفي من الإحسان
★★★★★
غاب واليها المعارف. رحل ياصدر الزعامه
واظلم الليل ابسمانه. والوكت موحشه أيامه
فَنَّدّْ اعلام الرذيله. وثبت افعال الكرامه
من زمره طابعها الغدر
عن ليله تمحيه البدر
معلوم تغدر. بالصدر ماتخاف من الملامه
من حسين منبع ثوراته الهيهات مصدر صولاته
بروح مضحي وشبان. شتوفي من الإحسان
★★★★★
بماوراء الفقه يطرح. فقه بأكثر منهجيه
بمعنى ثاني بشرح وافي وضع اسراره الخفيه
ايوجه الناس ابخطابه ابنهج خطوة معرفيه
بأفكاره وبنوره البهي
وجوه المباحث تزدهي
باوضح دلائل تنتهي وبألتفاته جوهريه
ابرهان خط الموسوعه بتحقيق اول من نوعه
للمعنى وللبرهان. شتوفي من الإحسان
★★★★★
ابشموليه ورياده ابعالم التأليف نهجه
بحث واستدلال علمي حجه ينطي بأثر حجه
سيرته واخلاقه سوت ابوسط عدوانه ضجه
بنور وكرامات الوجه
وبين العقائد والفقه
للعلم بينه يتجه. بصدق نيه وصدق لهجه
ابفرگاه مهظومه الجمعه المحراب والمنبر ينعه
گلوب المليانه احزان. شتوفي من الإحسان
ألشاعر حسن لعيبي الحريشاوي ✍️
بمناسبة ولادة فاطمة المعصومة (وزن عگيلي)
يامحله الميلاد ويومه من هَل نورچ يامعصومه
★★★★★
يلنورچ من نور الزهره الدنيا بميلادچ مبتشره
ماضلت لوعه ولاحسره ولاروح اتون ومهمومه
★★★★★
صبح الدنيا يناغي النسمه يامنبع أيمان وحكمه
ميلادچ علوادم نعمه وگمره الليل وتزهي نجومه
★★★★★
بميلادچ يابنت الكاظم فرحان الزاير والخادم
الفرحه اليوم اتعم الوادم بعيون احبابچ مرسومه
★★★★★
من قداح الجنه أطيابچ وللجنه اليدخل من بابچ
ماخاب اليگصد لعتابچ كل شده بزودچ محسومه
★★★★★
لو (قم) نسئل من عَلَّاها وبنور اليسطع خَلَّاها
الرب ابنورچ سوَّاها جنه وبيها أنتي المخدومه
الشاعر حسن لعيبي الحريشاوي
بمناسبة استشهاد السيد أية آلله العظمى محمد محمد صادق الصدر قدس ( فصحى )
اتيت سلاما مضيئ الجبين
وجئت لتمشي طريق الحسين
اليك انتهينا ومنك ابتدينا
اتيت سلاما مضيئ الجبين
★★★★★
ازحت الرزايا بنيت الحياة
فجئت رعودا فلا من طغاة
ظمئنا لقطر وعيش كريم
فجدت علينا فكنت الفرات
شربت المنون وانت المعين
اتيت سلاما مضيئ الجبين
★★★★★
ايا صدر لما رايت العذاب
يهّد النفوس لتغدوا خراب
رايت عراقا حزين كئيب
تقّطع فيه نيوب الذئاب
فصرت اليه كدرع حصين
اتيت سلاما مضيئ الجبين
★★★★★
فانت السلام ليوم السلام
كتبت كثيرا بحق الامام
وقلت سيكمل درب الحسين
ويهزم جيش الردى والظلام
امانا وعدلا ستاتي السنين
اتيت سلاما مضيئ الجبين
★★★★★
كتبت كثيرا بخط شريف
سيمضي زمان كئيب مخيف
فلابد يوما سيأتي الأمان
وتملأ عدلا بقول وسيف
بعزم امام قوي امين
اتيت سلاما مضيئ الجبين
الشاعر حسن لعيبي الحريشاوي
لولفت ليك النوايب مثل سيل المطر تنصب
وابد ماحالفك وكتك خالفك مانلت مطلب
وصرت محتار ابزمانك وگلبك الحاير تعذب
ولودعيت وضل دعائك منحجب لوصحت يارب
أگصد المعصومه تلگه اسهل السهلات الأصعب
ابجاهه الصعبات تسهل أي وحگ فاطمة وزينب
حاجتك مگضيه يمها وهاي عادات المجرب
الشاعر حسن لعيبي الحريشاوي
بصوت. مسلم المطيري
چم مرة يا وكتي الصعب
كلمات الشاعر
حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------