1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
هذا شهر اِلمْحَرَمْ (وزن تجليبه )
عَرَفتَّه جروح ماتنِظَم
هذا شهر اِلِمحَرَمْ
لفه روحي
★★★★★
مثل حال الغريب ونار بضلوعه
ولاهوه مثل كل يوم موضوعه
وجفنها العين نار وتمطر ادموعه
ومثل وَنَّة مفارگ ونتي مسموعه
عرفته من وِلاَني الهم
هذا شهر المحرم
لفه روحي
★★★★★
الدنيا من شفتها بعيني مختلفه
ولاروحي زمنها الچانت اتعرفه
بحيره الروح وايام التجي كلفه
وهذا الصار موعارض ولاصدفه
ومنه الحَيل يتهدَّم
هذا شهر المحرم
لفه روحي
★★★★★
أجه شهر الرزايا والحزن والهم
جسوم امگطعه ومنها يسيل الدم
عويل ونايحه ونيران المٌّخَيَّم
غيم الحزن بِيَّه يرعد اتلملم
معناها نهار أظلَم
هذا شهر المحرم
لفه روحي
★★★★★
لفه روحي الحزينه وماجفه عنها
انطاها النوح والراحه أخذ منها
وَنَّي على السبية المابطل وَنَّها
دواهي السود ماشة جمر سَووَّنها
ياريت العمر ماتم
هذا شهر المحرم
لفه روحي
★★★★★
عرفته الوكت شنهي الغَيَّر الوانه
ونشرها على الارض ماتنخفي احزانه
بشريان الگلب حَسيَّت نيرانه
معروف الشهر من شكل عنوانه
جرح للموت مايلتم
هذا شهر المحرم
لفه روحي
الشاعر حسن لعيبي الحريشاوي
قصيدة بحق ابا الفضل العباس عليه السلام
منك اتعلمت يابوفاضل
مااهاب ولا اخاف الباطل
★★★★★
تعلمت منك اذا يلفي العسر
بجدمي ادوس الباطل وماانكسر
وظهري معبر يصفه للخوه وجسر
ومااغض النظر عن العايل
★★★★★
تعلمت منك يسبع الگنطره
مااعيش بروح دوم امحَيَّره
الدنيا ماابيعَن لجلها الاخره
دنيا عنها البشر باچر راحل
★★★★★
علمتني الموت ينطيني الحياة
وميت المهزوز ماعنده ثبات
علمتني بحب ابو اليمه النجاة
وعلى هذا الحال اضل متواصل
★★★★★
علمتني العزم امضى من الجسد
ولايهزه ابطال لوكثرة عدد
والحياة بدون معنى للابد
بلاحسين وتعب ماتستاهل
★★★★★
علمتني يبو الغيره والوفه
التضحيه محلاها لال المصطفى
وعلى الدنيا بعد ابو اليمه العفا
بغير حبه مايشغلك شاغل
★★★★★
منك اتعلمت ياراعي الشِيَم
ماابيع الدين لا اعوف القِيَم
عالم انته وجود من بيت الكرم
يخو زينب والنعم ياكافل
الشاعر حسن لعيبي الحريشاوي
عساكر دارت على حسين (شوط كربلائي جناس )
هذا الي يحد اسيوف ذاك اسهام باريها
عساكر دارت على حسين أبد متخاف باريها
★★★★★
روايه للطفوف هناك گوم أقره يراويها
الوكت وي عتره الهادي مصاب شگد يراويها
الطف ولارِوَّت يحسين من دمك يراويها
صدگ طايح يبواليمه
عليه الگوم ملتمه
سيوف الگطعت جسمه
وتحز نحره بواترهم أكلوب الحقد عاميها
★★★★★
أنته الماخطه نهجك وعن درب النبي مازال
ايَّعَمُر چفك الثابت ولعهود النبي مازال
شماجانت مقاصدهم گلبك علنهج مازال
ناس الرادت الظلمه
وإلهم رايد الرحمه
وادم خانوا الذمه
ومتميز الغلط والصح هاي الوادم أشبيها
★★★★★
زينب نادته منك نشبع شوف خلينه
بياصوچ التفارگنه وعهد البيه خلينه
يبن امي على گبرك گلوب تنوح خلينه
بعد ماترجع العشره
يلي فرگتك مره
وحگ الهادي والزهره
وحگ المرتضى عيوني حد موتي بواچيها
★★★★★
لدمك وگفت الافلاك من ضل علترب جاري
يلرايح لفاني النوح سكن روحي وصفه جاري
اصبرت يبن أمي بغيابك لان حكم القدر جاري
أسووت جمرة اغيابك
يخويه ولوعة امصابك
صعبه من اوصل لبابك
واتذكر خليه الدار فُرغَت من اهاليها
★★★★★
حَضَّر لوعتي دهري وروحي للحرب عَدَّها
شَتحَمَل حرب منه وياروحي اشبگه عدها
جروح اهواي عگب حسين مثل عد النجم عَدَّها
الدهر مهظومه خلاني
الدرب الشام وداني
عگب اعيون ولياني
ادري الوكت ياذي الروح يم شامت يوديها
الشاعر حسن لعيبي الحريشاوي
لسان حال العقيلة زينب تخاطب اباها امير المؤمنين علي عليه السلام (وزن الفايزي )
يابويه حيدر ضاگت الدنيا عليه
التموا على حسين الخلگ بالغاضريه
هلخلگ صوبيين بويه
داروا على حسين بويه
التموا على حسين الخلگ بالغاضريه
★★★★★
هدوا بالسيوف الاجو يابويه آلاف
صلفيين مابيهم رحم لاعدهم انصاف
وحده عزيز الطاهره علغبره ينعاف
ياريت ماصار الجره وبالعين ينشاف
لاشافت العين بويه
داروا على حسين بويه
التموا على حسين الخلك بالغاضريه
★★★★★
كل واحد يريد الغنيمه براس الحسين
وكت البدور على الارض طاحوا مطاعين
اطفال ضلوا بالرعب والحال موزين
افزعلي ياحامي الحمه انطي الوجه وين
لا الف وألفيين بويه
داروا على حسين بويه
التموا على حسين الخلگ بالغاضريه
★★★★★
انظر يبويه الغربتي ولحالتي شلون
ثارات منك ياعلي چنهم يطلبون
ناوين من ولدك ولاواحد يخلون
طحنه بخلگ كلهم ضغينه ومايرحمون
والباعوا الدين بويه
داروا على حسين بويه
التموا على حسين الخلگ بالغاضريه
★★★★★
بخيامنا انظر ياعلي وجت النيران
اصحاب الحسين اتذبحوا وبدور عدنان
رضوا عزيزك بالحوافر مات عطشان
مليت من نار الصبر والگلب خلصان
انطر گلبي نصيين بويه
داروا على حسين بويه
التموا على حسين الخلگ بالغاضريه
★★★★★
سيفك ارواح اجدادهم وداها للنار
بكل دار خليت النوايح تون كل دار
هليوم يابويه أجوا بوجوهم ثار
ذبحوا اولادك بلطفوف اكبار وصغار
عگب الميامين بويه
داروا على حسين بويه
التموا على حسين الخلگ بالغاضريه
الشاعر حسن لعيبي الحريشاوي
في حب سيد الشهداء عليه السلام
أذا موللشهيد حسين وعياله
المن يادموع. العين همَّالَه
★★★★★
ياروحي إذا مو للشهيد حسين
المن چا بعد محتاره وتنوحين
من العين تسچب كون مية عين
وانوحن للغريب النهبوا ارحاله
★★★★★
بس لحسين تسوه دمعتي ونوحي
وفوگ الحد تصير وتكثر. اجروحي
يبو الاكبر فداك اهلي وفده روحي
مصابك بالگلب. لوعاته. چتاله
★★★★★
جروح الماتهيد بگلبي المكسور
بهجمات المصاب مهدمات السور
گبل عاشور لوعاتي وبعد عاشور
وبعاشور أعيشن شوغة اهواله
★★★★★
بعشر خيول جسمك علارض مطبوع
وراس الحگ تهشم. علرمح. مرفوع
اذوبن من اشوفن حالك المفجوع
واصيحن آه. يبو السجاد واحواله
★★★★★
العمر منذور للدوم العمر منذور
بحب حسين دمي للمنيه ايفور
عرفت نفسي صدك يوم اعشگت عاشور
جميله شگد عليه. وخيره وافضاله
★★★★★
تنادي ام الخدر وبعبره مخنوگه
ضعاينه انسبت. وخيام محروگه
السمه ياريت فوگ الگاع مطبوگه
ولابيك الجره ولاشفنه هلحاله
★★★★★
أون للطاهره. البلخيم مهظومه
انچفت للگاع هاي الخيم مهدومه
يبن امي تنادي طالت النومه
وابن زياد. خويه هجمت ارجاله
الشاعر حسن لعيبي الحريشاوي
شيعتي (وزن الشيعتي )
(شيعتي مهما شربتم عذب ماء فأذكروني)
گطعوا الماي الاعادي وگطره منه ماسگوني
★★★★★
اتذكروني بوسط حومه
من العطش نيراني تلهب
انظر أخيامي أحرگوها
وبالنسه محتاره زينب
والعليل دموعه تجري
وبگلب مصيوب ينحب
الغريب انا يشيعه
بجور وبشَّر قابلوني
★★★★★
انا ابن حامي الحميه
ذاك ابوالحسنين حيدر
الماخذل طه ابحياته
وبالمعارك ماتأخر
الباع روحه للمنية
وبالغدر راسه تطبر
خالفوا درب الهدايه
مثل حيدر حاربوني
★★★★★
انا ياشيعه بثباتي
مايهز الجيش صبري
قَدَّمت للدين اخوتي
ومهجتي وسنين عمري
اسهام مثل المطر نزلت
هشمت بالحومه صدري
أبد ماگالوا محمد
جدي مالحظه رعوني
★★★★★
اني ياشيعه لجلكم
قَدَّميت اعيالي كلها
اصحابي واحبابي ومهجتي
والعشيره قدمتها
قصه مامرت ابواحد
فاجعه ماكو مثلها
جفوا ذاك العهد كله
من بعد ماكاتبوني
★★★★★
من علي أصلي ومحمد
القرابه مارعوها
نكروا حروف الرسايل
والعهود العاهدوها
حاربوني بكل وسيله
والمحامل سلبوها
علثره جسمي توذر
من بعد ماسلبوني
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لهلال شهر محرم. ( ٣ دگات )
لابَيَّنت يهلال واتمنه لاجيت
بشهر الهظم والظيم. علدنيا هَليَّت
★★★★★
ريت بخسوف تصير ماتطلع بيوم
زينب گلبها بنار كل وكته ملچوم
چن مطلعك شوغات ومرادف هموم
بگلب العقيله اتعيل چم لوعه خَليَّت
★★★★★
أهلال الشهر هَليَّت للهم علامه
لونك يگول الحال مابيه سلامه
دمع ودمه وعيال ردوا يتامه
الزينب نوايب سود ياوسفه ظميت
★★★★★
زينب هَظُمهَا اهواي ماانصف البِين
اتفر ياكتر وتروح بعيال الحسين
صاحت على العباس يابوالفضل وين
يابوالفضل بحماك مااظن تخليت
★★★★★
أهلال القهر والنوح والهم والآلام
نار العده بملگاك وصلت للخيام
لا الاكبر وعباس لاباقي جَسَّام
نجوم السمه يطيحون چنك تمنيت
★★★★★
هلال الكدر هليت لاشافتك عين
عاشر ايامك سود مذبوح الحسين
تصد زينب الاحباب كلهم مطاعين
لاوِلِد لاخوَّان لاظل بعد بيت
★★★★★
أبهَلَّتَك زينب نار دمعه التهلها
باچر مصيبه اتشوف. ماكو مثلها
باچر على التربان. يبقون اهلها
تتمنه ايردون ماتنفع الريت
★★★★★
امبَيَّن كدر واحزان. لونك يلهلال
بيه تنسبي النسوان تتذبح ارجال
وراس الشرف والجود بالرمح ينشال
معناها شهر ادموع يامن تعنيت
الشاعر حسن لعيبي الحريشاوي
https://youtu.be/T_moZaQWTJQ?si=7VjzsVluohLjN-He
Читать полностью…
https://youtu.be/g0gR5jsDXJs?si=_fP4X5AzD3jsEJwb
Читать полностью…
شكرا ياعلي حبك چنت تايه ودلاني
شال الظلمه من عيني امشي بنور خلاني
بنورك عثر وتهدم الجهل لمن تلگاني
لان متسلح بعلمك يعلمك علم رباني
بخلايا الدم جرى حبك وسكن حبك بوجداني
بحل الوسط مااقبل ومني اتهاب عدواني
وكلها تحسب احسابي شيعي وثابته اركاني
ال عنك رادوا ينشدون اگلهم انته عنواني
الشاعر حسن لعيبي الحريشاوي
بمناسبة ذكرى يوم الغدير
أَشهَدُّ اَنَّ علي
هو الامام الولي
جود وسماحه وكرم
مضرب مثل للقِيَّم
هو الإمام الولي
★★★★★
اَشهَدُّ ان علي
من العلي معتلي
الاسلام بيه ابتشر
واصعب مراحل عبر
من كل عذاب وخطر
ضامن نجاة البشر
هو الإمام الولي
★★★★★
اَشهَدُّ ان علي
بأسمه الخطر ينجلي
يامن حياته وَقُف
للدين لوتنوصف
كل حرف يشرح حَرُف
حيدر صَلابَه وعطُف
هو الإمام الولي
★★★★★
أَشهَدُ أن علي
حجة الباري العلي
من أختاره رب السمه
دون البشر قَدمَّه
لكل معضله وموزمه
سيدها حامي الحمه
هو الإمام الولي
★★★★★
اَشهَدُ ان علي
رغما على عاذلي
هو الامام الأبي
الهاشمي اليعربي
المخصوص بعد النبي
غصبا على الناصبي
هو الإمام الولي
★★★★★
أَشهَدُ ان علي
هو الصراط الجَلي
بدين النبي ملتزم
كلمه وأداره وحزم
وقوه وجداره وعزم
وفقه وبلاغه وعلم
هو الإمام الولي
الشاعر حسن لعيبي الحريشاوي
https://youtu.be/o3wChdFYTbQ?si=34QNCApxQSsHHqaS
Читать полностью…
في بيعة الغدير
آيه من العلي
مخصوصه بعلي
والباري ذكر بعد النبي هوه علي
بعدي المرتضى
گال المصطفى
وبحيره يضل خله العدو والناصبي
وأنزل الجبار
آيه للمختار
لاتضل محتار
نصب الكرار
هلا بحيدر هلا
نال هاي المنزله
هاذي آيه بالولايه تاج صارت إله
هذا حامي الحمه
اتنصب من السمه
هوه رحمه وهوه نعمه وصولته ملحمه
ماشاءالله
عنوان الفخر من سادة مضر
ايمان وعلم من سيد البشر
★★★★★
يامحله الضوه
وياشم الهوه
ويااحله خبر عم السمه وعم الارض
كل هم ينجلي
بحبك ياعلي
اكمل الرحمان هلنعمه العظيمه وهلفرض
هذا داحي الباب
هذا ابو الاطياب
قاهر الاحزاب
قاطع الاصلاب
علي سيف وعلم
علي زود وعزم
هوه جنه والمحنه وهوه نور الدرب
علي بالمختصر
هوه نور البصر
هو خيمه وهوه غيمه وهوه نبض الگلب
ماشاءالله
وبيوم الحشر لوصار العسر
اليوالي علي وجهه مبتشر
★★★★★
واتنصب ولي
مولانا علي
وهليوم السعد يوم الهنه ويوم الفرح
ياعيد الاغر
يانور البصر
بيه طير السعد يوم السعد غنه وصدح
فرحة الاسلام
وبهجة الاحكام
وأعظم الايام
واجمل الاعوام
علي خير العمل
علي هوه الأمل
السلامه والامامه والمسار اكتمل
علي هوه الدرب
علي نبض الگلب
بالمناقب والمراتب منو مثله وصل
ماشاءالله
غديرك ياعلي حياتي ومنهلي
من بعد النبي ماغيرك ولي
الشاعر حسن لعيبي الحريشاوي
لمناسبة يوم الغدير
ساعة فرح اهواها
للموت ماانساها
★★★★
جنه الغدير بعيني
منهل عَذب ترويني
كَمَّل الباري ديني
بيعة علي حَيَّاها
للموت ماانساها
★★★★
ربي السمه دَلَّاني
بنص نعمته خَلَّاني
مرفوع راسي وشاني
هلنعمه وين الگاها
للموت ماانساها
★★★★★
يوم الرفع هادينه
چف الوصي والينا
وتم نعمته بارينه
آيه بعلي خَصَّاها
للموت ماانساها
★★★★★
آلاف من جَمَّعهُّم
من بعدي حيدر گلَّهم
بهلمسئله ايخبرهم
بيعة علي معناها
للموت ماانساها
★★★★★
بيعة علي انسامي
وهيه نعيم ايامي
جنه وفخر گدامي
رب السمه خَلَّاها
للموت ماانساها
★★★★★
الينصر علي ويذكره
ومن خاذله يتبَرَّه
رب البريه ينصره
هذا الوعد من طه
للموت ماانساها
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
اجمل قصائد محرم كذلك يوجد قصائد شور
/channel/muhamed11117
{عتاب مع سنة 61 للهجرة }
واحد وستين يلگلچ كدر
ياسنة لوعات وهموم وقهر
واحد وستين للهجره جرح
صدفه مضمونچ تصَوَّر لوقَدَر
★★★★★
واحد وستين ايامچ محن
شلون مدري شلون عن زينب گضن
حسين چان السلوه من بعد الحسن
فارگتهم أثر من بعد الاثر
★★★★★
ليش مختلفه ولامثلچ شكل
بس نوايب جَيَّتْچ ماتنحمل
ايامچ الصعبات مابيهن سهل
علغريبه الودعت شمس وگمر
★★★★★
ياسنة شوغات. ياريتچ حلم
مقصدچ حيل العقيله ينهدم
من الهظم والظيم ظلت بس رسم
ياگلبها ام الخدر حيف انكسر
★★★★★
ليش زينب من بعد ذاك الخدر
تحدي بيها الگوم بدروب الاسر
شبعد عندچ من عذاب ومن غدر
شافت من الصار ماشافه بشر
★★★★★
بمجلس الطاغي صدگ زينب تطب
بس زجر عدوان بديار الغرب
عفيه بس شوغات يحمل هلگلب
ياهو يوصل يم علي بهذا الخبر
★★★★★
كل شهورچ ظيم وايامچ دمع
بيت بأفعال الخوارج ينفجع
ياسنه الخلت شملهم ينصدع
جَيَّتْچ لم الخدر كسرت ظهر
الشاعر حسن لعيبي الحريشاوي
في ايام محرم
شفت بيه شكثر تغيير حالي غير حال يصير
أشوف الدنيا واقع طف
عدها شكثر اتوقف
حالي غير حال يصير
★★★★★
اشوف حسين يتقرب
على الناس ويخاطبهم
يذكرهم عطايا الرب. .
بنعيم الرب يذكرهم
رغم احقادهم تلهب
يريد حسين يصلحهم
اهل الحقد واهل السب
مثل جده يعاملهم
خلاني اگولن وين
العالم يلگه مثل حسين
شاغل كلبي والتفكير
حالي غير حال يصير
★★★★★
اصحابه مابقه منهم بعينه الموقف ايشاهد
واخوه على الجرف طايح ماشارب عذب بارد
اهل بيته ضحايا اتروح ودخان الخيم صاعد
طفله بالحظن مذبوح لاچن موقفه واحد
لجل الدين والاصلاح
ماهمه نزف لوطاح
بدمه من كتب تعبير
حالي غير حال يصير
★★★★★
اجاهم يشرح ابرهان بس لله العبوديه
من يتعلم الانسان تصير قيوده حريه
حسين على الجهل بركان أعلن فكره ثوريه
حل الوسط مايرضاه مو كل ثوره سلميه
يبوالتسعة صغت ثوره
بمحرم من جزت عشره
يخامس ايه التطهير
حالي غير حال يصير
★★★★★
وعلمني شهر عاشور. ادروس شكثر علمني
مراحل ماوصلتلها الافضل حال وصلني
الكلمه سيف ارفعها على الي رايد يذلني
واضحي ماتعز روحي على كلمن يصاحبني
حسين شكثر علمني
قريب ومابعد عني
علمني على التدبير
حالي غير حال يصير
★★★★★
ومن زينب اخذت دروس ام الصبر والاحزان
زينب للصبر ايات لو وج الگلب نيران
الظنوا بالسبي تنذل بكلمه طيحت تيجان
ماخذ من عزم زينب عزمي وقوة الوجدان
اگوم شماعثر جدمي
من زينب خذت عزمي
والشر مايوگف الخير
حالي غير حال يصير
الشاعر حسن لعيبي الحريشاوي
لفه شهر المدامع ( وزن تجليبه)
لفه شهر المدامع والحزن ياروح
اغتنمي ايام حزنچ وابچي علمذبوح
★★★★★
دار احزان صيري لولفه عاشور
بدمي يفور دوم وبالخلايا يدور
للمكسور ضهره هلگلب مكسور
وهظم بالروح دايم للابد ميروح
★★★★★
ميزول الحزن بالروح ساكنها
ومن الحزن صارت والحزن منها
شگولن عن مصايب كربلا وعنها
طاريها بوسط گلبي الحزين يفوح
★★★★★
روحي امعذبه لحال الضعن منهوب
امخيم محترگ والجيش من كل صوب
ذبحوا مهجة الزهره الوگع مسلوب
عفيه شلون تتحمل عذاب ونوح
★★★★★
اسووت كربلا بعيالك الغالين
مذبوحين مثلك علترب يحسين
ابدور ثمنطعش واصحابك السبعين
شحال ام الحزن من شافتك مطروح
★★★★★
اريد ابچي وزيد النوح والحسره
لاولاد الزچيه الطاهره الزهره
بنيران الفجيعه الروح مستعره
شيطفيها ودمع عيني جمر مسفوح
الشاعر حسن لعيبي الحريشاوي
هلال محرم واستذكار العقيلة
زينب لمصائب الطف
شخليت بگلب زينب يلهلال
ضعن إلي تحبهم غرب وشال
★★★★★
يهلال الدمع زادت محنها
لملمت الحزن كله الحزنها
قصدك ماتبطل دوم ونها
انظر شوف زينب شوف ياحال
شخليت بگلب زينب يلهلال
★★★★★
ترد وتروح ماچنك شفتها
تلگاها نفس عام العفتها
تذكّرها بمصايب مانستها
ماتمها انصب يوم الحمل مال
شخليت بگلب زينب يلهلال
★★★★★
يهلال الحزن شمخلي بيها
كافلها مشه عنها اوليها
حدر الگاع صاروا من يجيها
عسكرهم گضه ماظلت ارجال
شخليت بگلب زينب يلهلال
★★★★★
شخليت بضعنها وياهو عدها
ولاكافل على الديره يردها
قصدك مايجافي الدمع خدها
خلّصها الحزن و الحزن چتال
شخليت بگلب زينب يلهلال
★★★★★
أشتظم يادمعه يادمعه تهلها
تدري اتذبحوا بالطف اهلها
عگب حسين مايرجع شملها
توذر جسم اخوها فوگ الارمال
شخليت بگلب زينب يلهلال
★★★★★
رايد ماتمر راحه ابعمرها
قصدك ينذهل زينب فكرها
عاشر يوم يوم شلون مرّها
ظلت حايره زينب بالعيال
شخليت بگلب زينب يلهلال
★★★★★
من بلوه على بلوه تذبها
قصدك من تهل تكسر گلبها
تذّكرها بشمر ذاك اليسبها
لوعباس حاضر چان ماعال
شخليت بگلب زينب يلهلال
الشاعر حسن لعيبي الحريشاوي
مثل هليوم (وزن تجليبه )
مثل هليوم عام الواحد وستين
انفجع گلب الشريعه والعلم والدين
★★★★★
شهر ماينوصف لواذكر ايامه
على طول الدهر ماترحل آلامه
الاسلام انفجع والدين واحكامه
يوم على الثرى مذبوح طاح حسين
★★★★★
جريمه لَوَّنَت وجه الزمن بلدم
وملت گلب النبي وآل النبي بلهم
حزين الحال منها المهدي يتألم
حالف بالدمه تبچي وتسيل العين
★★★★★
مثل هليوم بلطف حرگوا اخيامه
ومثل هليوم تاهت بالفله أيتامه
وسنابك خيل هدت طحنت اعظامه
ومثل هليوم كل اصحابه متوذرين
★★★★★
مثل هليوم ذبحوا خامس العتره
وحوافر خيل ترهب هَشَّمت صدره
شيگول السمع والشاهد ويقره
عن قصة تطر گلب المحب نصين
★★★★★
انجلت ياوادم الغبره مثل هليوم
ماضل بس عليل أمعذب ومهظوم
بعد ذبح وسلب ضلت تحوم الگوم
ينادي الصبر يارب راحوا الغالين
الشاعر حسن لعيبي الحريشاوي
على طور طلع البدر علينا بيعة الغدير
هلت انواره علينه هلت انوار الغدير
المرتضى بعده خليفه اعلن الهادي البشير
ناده جبريل وياكد بهذا بلغ يامحمد
غير حيدر ماكو احد علبشر يصبح امير
لكل موالي عيد الاكبر من السمه واجب تقرر
وصي للمختار حيدر غير حيدر مايصير
بهلخلايق منهو غيره من نبع طه وعبيره
نصبه الهادي وزيره حيدر الطه وزير
المصطفى من البدايه اختاره عن فكر ودرايه
لحيدر تلوك الولايه قرر الباري القدير
مابشر بين البريه غير حماي الحميه
للنبي يصبح وصيه بهلامر هوه جدير
فرحة الكاع وسماها من رفع جفينه طاها
صار عيد وبيه تباهه هوه عيد الله الجبير
للامامه هوه مصدر المايسير بنهجه يخسر
المايوالي بيوم حيدر حظه نيران وسعير
الشاعر حسن لعيبي الحريشاوي
https://youtu.be/kvA-f1yTp2Q?si=E9gxAfIu0lBQAyow
Читать полностью…
https://youtu.be/EW6JXJNm0sw?si=XhB5GSF4nLG7BJwk
Читать полностью…
اذا ادور قصائد لمحرم مرتبة وحلوة تفضل هذا رابط القناة
/channel/abbmmnn
عوفي يروحي الي جرالچ لاتنوحين
علفارگوني وخل دموعچ تهجر العين
وراحوا احبابچ خلصيتي العمر تبچين
گرب محرم بعد ياروحي شتگولين
انسي مصابچ وارد اذكرچ كون تنسيين
((كل المصايب هونتها امصيبة حسين))
الشاعر حسن لعيبي الحريشاوي
ابوذيات
بعد لا آمر ابدنياي منها
عگب امي عليه زاد منها
من اتذكر طفل لوتهت منها
تهيم وتخبص الدنيا عليه
وگف شامت زماني من بعدهم
يگلي شلون تفرح من بعدهم
هم يلفي عليه من بعد هم
عگب اهلي الصفوا تحت الوطيه
الشاعر حسن لعيبي الحريشاوي
https://youtu.be/fEWCOLcbTB8?si=Dr_KJU-hm1UCOJf1
Читать полностью…
https://youtu.be/mau8kACPC50?si=2RNlG4qHLFLSmHDa
Читать полностью…