1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
حقيبة الرادود لتحضيرات محرم اول باول
/channel/ahmed_alziwar15
لوفاة ام البنين عليها السلام
ضحت اشبال وگمرها
وراحة الروح وعمرها
والشهود ايامها
الجنة تحت اقدامها
ام البنين
★★★★★
تضحيات وجود كلها
من البداية الحد أجلها
رضا الباري كل املها
غير هذا مايهمها
يشهد التاريخ الها
يعجز يوصف فضلها
رغم كل آلآمها
الجنة تحت اقدامها
ام البنين
★★★★★
لاحت جروح الخفيه
ومرت ايام المنيه
تعاني بالدار الخليه
وفارگت ابن الزچيه
والبدور الهاشميه
موحشه اعليها المسيه
اعليها تبچي ايتامها
الجنة تحت اقدامها
ام البنين
★★★★★
يافضل عنها نذكره
الفاضله الطاهره الحره
أبد ماقصرت مره
تفخر ابخدمة العتره
أتمنت من الولد عشره
كون كلهم فده الزهره
فده الطيب انسامها
الجنة تحت اقدامها
ام البنين
★★★★★
ابدارها تنحب عليله
عگب ابو اليمه نحيله
وابو فاضل والعقيله
ليله أشد من بعد ليله
الراحة صارت مستحيله
بدت رحلتها الطويله
والقدر گدامها
الجنة تحت اقدامها
ام البنين
★★★★★
بحر من فيض العداله
وگفت بوجه الضلاله
ورسمت الحق وجماله
ونالت بهاي البساله
الفوز من رب الجلاله
الخدمت اعلام الرساله
نفتخر خدامها
الجنة تحت اقدامها
أم البنين
الشاعر حسن لعيبي الحريشاوي
ابوذيات في ذكر ام البنين
سلام الله عليها
مصايب لفت يصعب حيل عدها
شگد چانوا بدور وگمر. عدها
حرب لأم البنين الوكت عدها
خله الدار بس وحشه وخليه
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفه يوم الرزيه
بچبدها لوعة العاشر ومرها
لفاها الموت من راحوا ومرها
بيد الصبر منحاها ومرها
عگب اعزازها التحت الوطيه
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
روضه والدهر گطع وردها
خذاها الشوگ يم الطف وردها
خبر من كربله يكتل وردها
ولدها اتذبحوا.بالغاضرية
الشاعر حسن لعيبي الحريشاوي
لسان حال العليلة (وزن ميمر ملمع ) بين السطور فصحى
(كل الرزايا بعدكم قليله )
(هل تذكرون عندكم عليله)
ياوالدي والله
شهر الحزن انعاه
انا العليله
★★★★★
شنهي عگب عيناك مابچاني
جمرة حزن هذا الوكت سَوَّاني
گطَّع دليلي وغَيَّرالي الواني
سالفتي بس نوح ودمع خلَّاني
(وَحيدةُّ حَزينَةُّ غريبه)
(مني المنايا اصبحت قريبه)
ياوالدي تدرون
اظلم بعيني الكون
انا العليله
★★★★★
انا العليله ودهري ماسامحني
من روحي اقرب وسفه اخذهم مني
ذاك الأبو ماظنتي ايودعني
اليفگدني دوم ودوم يسئل عني
(الروح نادت أهلها الظليمه)
(بدونما انفاسكم يتيمه)
گلبي شكثر مهظوم
جرح بجرح ملچوم
انا العليله
★★★★★
ياحسبتي الماتنگضي ولاتنفض
لَمَّة هلي للموت ماتتعوض
هَدَّت ضلوعي النايبه شلون انهض
چنها سنابك خيل رَضتَّهن رض
(ان الفراق غُربةًّ أكيده)
(قافلَةُ الاحباب كم بعيده)
وشماتمر ايام
ماترحل الآلام
انا العليله
★★★★★
هذا الوكت موزين يتراوالي
من نايبه النايبه يريد بحالي
جمرة مِنيَّه افراگ ابوي الغالي
وحسبات ماالهن نهاية إبالي
(ان ليالي الحزن كم بغيضه)
(صار نحيب الليل لي فريضه)
ابچي لبوي حسين
حد ماتطيح العين
انا العليله
★★★★★
لا وجه ابوي وضحكته واطيابه
اسوَوَّت بحالي فرگته وغيابه
ياوكت عن الظيف ينسد بابه
ودار الغرب صارت محط أرچابه
(ان الجراح لم تزل عسيره)
(تزايدت كأدمعي الغزيره)
وبلا اهل ضليت
من الصبر مليت
انا العليله
الشاعر حسن لعيبي الحريشاوي
للقَلْبِ وَالنَّحْرِ . مُلَمَّع . (وَزْن الْمُثَلَّث ثلاث ارباع الشيعتي )
(للقلبِ وَالنَّحْرِ . أَبْكِي مَدَى الْعُمْرِ )
(ويلاه ياحسين )
★★★★★
وَيَلِي علصدر التهَشم بالحوافر
وجسم ماسالم كتر مِن الْبواتر
وراس مَرْفُوعٌ برُمْح سَاعَة الْعَاشِر
للحَرَم مِن فوگ مشبوحه النَّوَاظِر
(لسورة الْفَجْرِ أَبْكَي مَدَى العمرٍ)
(ويلاه ياحسين )
★★★★★
سَلَّوا اسيوف الْكُفْر وَالْجَاهِلِيَّه
چنهم يطلبُون حمَاي الْحَمِيَّه
خذَوا ثَار أَهْلِ الشرْك بالغاضريه
فجعوا الْمُخْتَار وَالْبَضْعَه الزچيه
(للوعة الطُّهْرِ . أَبْكِي مَدَى العمرِ)
(ويلاه ياحسين )
★★★★★
ابچي مَادَام النَّفْسَ وَالرُّوحَ بيه
والمحاجر غَيْم وخدودي وَطْيه
وَالْحزْن ثَوْبِي يضَل حَدّ الْمنيه
أَلَك كل هَذَا الْحزنُ يَبْن الزچيه
(دمعُ الْأسَى يَجْرِي . أَبْكِي مَدَى العمرِ)
(ويلاه ياحسين )
★★★★★
يابوگلب الْخَيْر علناس وَسَمَاحَه
نَاح أَلَك لَيْل الزَّمَن واضلم صَبَاحَه
الْإِنْسِ وَالْجِنِّ نَصَبُوا أَعَلَيْك المناحه
الْكَوْن أَحْمَر صَار علدنيا وشاحه
(والنار فِي صَدْرِي . أَبْكِي مَدَى العمر)
(ويلاه ياحسين )
★★★★★
منهو مِثْلَك انطه قُرْبَان وضحايا
ومنهو مِثْلَك اللَّه خَصَّه بهلمزايا
ماتهمك قَسْوَة الشَّرّ . وَالْمَنَايَا
يابداية الْأَبَد مَا إلَها . نِهَايَه
(لوقلت ماامري . أَبْكِي مَدَى العمر)
(ويلاه ياحسين)
الشَّاعِر الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
يربي يرد الاحباب
ملا سجاد سواري
الشاعر حسن لعيبي الحريشاوي
نعي لسان حال فاطمة العليله
سلام الله عليها
هلي راحوا وخَلَّوني عليله
هلي لبعيد روحَتُّهم طويله
اَصبَّر الروح ليله بعد ليله
بلكت يرد كل غايب عليه
★★★★★
هلي راحوا وخلوني وحيده
هلي راحوا وسفرتهم بعييده
أبوي حسين هذا اليوم اريده
البعد چتال زاد المرض بيه
★★★★★
هلي راحوا وياهو اليعتنيلي
هلي راحوا ومني راح حيلي
جروحي تناوبت تچوي بدليلي
التم المرض والفرگه سويه
★★★★★
باالله الياوكت روحي صبرها
يدولبها الوكت بأول عمرها
اريد الموت يتعنه ويمرها
ولااشوفن هلي گطعوا الجَيَّه
★★★★★
هم الوكت راواني بعدهم
هلي الغالين عن روحي بعدهم
شلِّي بالعمر واصبر بعدهم
خلاف اهلي ردت يوم المنيه
الشاعر حسن لعيبي الحريشاوي
عن لسان فاطمه العليله ( نصاري ) تراث
تصلح قصيدة منبريه او نعي
(بويه حسين وياكم خذوني)
(عگبكم ياهلي يعمن عيوني )
★★★★★
عيوني ياهلي يعمن عگبكم
شوكت يحصل يَمَّي عيني گربكم
مدري ياكتر اصبح دربكم
گلت وسفه هلي يمكن نسوني
★★★★★
نسوني گلت لاچن موطبعكم
يهل الوفه والرحمه نبعكم
هم مثلي بحزن صاير وضعكم
فرگاكم تره غَيَّرَت لوني
★★★★★
المامشيوف بويه اليوم شفته
الهظم والنوح من رحتوا عرفته
عليله وحايره ونومي هجرته
مثل شوك الدمع جَرَّح أجفوني
★★★★★
ذكركم مانسيته ولا خِطَه البال
تزيد جروح گلبي البعد لوطال
ماترضون دوم أبقه على هلحال
ولاعلبال وحدي تِخَلَّوني
★★★★★
بس رجعة هلي ماعندي كل عيد
الدنيا بلااهل ياناس شتفيد
من دنياي كل حاجه فلا اريد
أريد أحباب گلبي الفارگوني
★★★★★
بحالي الاهل خل الاهل يدرون
اذا لاسامح الله مايرجعون
عدله آنا أظَلَّن لايصدگون
ولامن عجب لومَيَّتَه لگوني
الشاعر حسن لعيبي الحريشاوي
عن لسان فاطمة العليله (وزن شيعتي)
آه يبويه آه يبوبه هذا حالي هذا حالي
★★★★★
جروح گلبي شلون ترحل بويه يَلطَوَّل رحيلك
ادري حالك مثل حالي ومثل ليلي حزن ليلك
ارجع الدارك يبويه الصبر عذبني دخيلك
تصير تالي الفرگه غفله هذا ماچان على بالي
آه يبويه آه يبويه هذا حالي هذا حالي
★★★★★
سائليت الناس عنكم كل وكت مشغوله بيكم
سكته ماردولي چلمه خوفي شي صاير عليكم
هم مثل حالي وضعكم النوم مثلي مايجييكم
ياوكت يسمح واگلكم أسَوَّت ابحالي الليالي
آه يبويه آه يبويه هذا حالي هذا حالي
★★★★★
الشوفتك بويه وحنانك شكثر موتني حنيني
أنت لعيوني ضواها بلاضوه شتفيد عيني
ريت تطوي الارض هسه يانظر عيني وتجيني
تشوف وكتي أسوه بيه وبيت من الفرح خالي
آه يبويه آه يبويه هذا حالي هذا حالي
★★★★★
من بعد عينك يغالي موحشه الدار وخليه
ناحله ارسومي وعليله انحب ابونتي الخفيه
بس افكر آه يخوفي الوكت مَيَردَّك عليه
ياوكت يلتم شملنه ويرد كل عزي ودلالي
آه يبويه آه يبويه هذا حالي هذا حالي
★★★★★
لوتصد مايسر حالي بويه محتاره وعليله
فراگ عبد الله هظمني وسكنه وفراگ العقيله
وأمي واحبابي ورقيه وعمي ذاك الاشتكيله
لكل هلي مشتاگه روحي وشوكت ترجع يغالي
آه يبويه آه يبويه هذا حالي هذا حالي
الشاعر حسن لعيبي الحريشاوي
على لحن قصيده باسم الكربلائي شعجب موتي سمع صوتي عن لسان فاطمة العليله
جبل صبري كسر ظهري
على احبابي على احبابي
★★★★★
ابعدوا اهلي ولاظلي محب منهم
جمر چبدي وصرت وحدي مشوا كلهم
زعل روحي بكثر نوحي واسامحهم
والمسافر گلت باچر يدگ بابي
يدگ بابي
★★★★★
عليلتهم ولايرهم دوه الروحي
بهظم حالي على الغالي شكثر نوحي
الوكت جاني بجرح ثاني على جروحي
رساله اكتب گلت واعتب بچه اكتابي
بچه اكتابي
★★★★★
نظر شوفي عليه خوفي ابو اليمه
مشه عني يودعني ابو الرحمه
الدهرضدي بوسط چبدي يحط سهمه
صعب امري انتهه صبري وبده مصابي
بده مصابي
★★★★★
أريد آني وي خّواني اشيوصلني
البعد حرگه على الفرگه شيصبرني
اعاتبن بعد والمن ابث حزني
الجرح اثّر بعد اكثر على اصوابي
على اصوابي
★★★★★
ولامرني اليخبرني بخبر عنهم
گصوا بيه ولاجيه بعد منهم
بكسر ظهري حلف دهري ولاردهم
شيعلمهم يعودهم على غيابي
على غيابي
الشاعر حسن لعيبي الحريشاوي
لسان حال فاطمة العليله. (وزن تجليبه )
طور يلعايش بعيوني وروحي كرار ابوغنيم
خلافك بويه أَتَغَيَّر لوني.
ونيران ايهل دمع اعيوني
آه يلغالي. شمصعب حالي
ونيران يهل دمع اعيوني
★★★★★
عليله وماتمرني خلافك الراحه
گلب مهموم عگبك راحت افراحه
يبوگلب الحنين انفاسه فَوَّاحَه
سفر چتال بويه تطعن ارماحه
المنايا على اليفارگ تظل لوَّاحَه
ياهو يظن بعدكم روحي مرتاحه
أَنْشَدَّت دنياي بدنياكم
وين الگه الراحه بفرگاكم
واصبح تالي. شمصعب حالي
ونيران يهل دمع اعيوني
★★★★★
عليلتكم حزينه ابدار منسيَّه
ومثل ليلي. نهاري من يمر بيَّه
شسولف عن عذابي والجره اعليَّه
نار بنار خدي. وعيني. مچويَّه
ياماي النواظر انتم. وضيَّه
احسن بالظعن مابيه بعد جيَّه
گلبي الخايف من هلروحه
ماتخمد نيران اجروحه
الهم يبرالي. شمصعب حالي
ونيران يهل دمع اعيوني
★★★★★
يبويه حسين ظلت موحشه دارك
التتلگه بهله ومية هله. الزارك
من كل صوب يلفي أعليها خطارك
الزهيه بشوفتك مليانه بانوارك
عني وعنها بويه انگطعت اخبارك
مثل ناري اظن تالي اصبحت نارك
يمغرگني ابشم اطيابك
شلون اتحمل نار غيابك
الوحشه گبالي. شمصعب حالي
ونيران ايهل دمع اعيوني
★★★★★
عليك ابفاطمه يمسدر ارچابك
ارحم فاطمه المعلوله بغيابك
ومثل حال اليتامه الواگفه ابابك
على دربك تناطر ظلت احبابك
انا المتعوده اشمن زهرة اطيابك
خذاك الدرب عني ومابعد جابك
شيصبر الروح المهظومه
وشيطيب جروحي الملچومه
حاير بالي. شمصعب حالي
ونيران يهل دمع اعيوني
★★★★★
صغيره على الهظم مااحمل الحرگه
وسفر چتال أبد مابيه بعد ملگه
من حظنك يبويه الوحشة الفرگه
دلالي راح راح ولاصبر الگه
حگه يذوب گلبي وينفطر حگه
بحوافرها النوايب گامت تسحگه
كل يوم انطر باچر ترجع
خلافك عامي عيوني المدمع
بيت وخالي. شمصعب حالي
ونيران يهل دمع عيوني
الشاعر حسن لعيبي الحريشاوي
عن لسان فاطمة العليله (وزن الطويل )
شعندك ياوكت وياي ماخليتني وياهم
عليله وطالت المده تزيد بعلتي فرگاهم
★★★★★
اگضي ايامي بالشوغات وادعي الله اليصبرني
العطر تارس منازلهم بكل غايب يذكرني
العذرته على السفر ياريت على الون كون يعذرني
مثل الموت الي الدنيا صارت بعد دنياهم
★★★★★
بدلال العمر خلصته هسه تعودت علهم
ولاعلبال لاظنيت اهلي راح افارگهم
اروحن ظني وياهم اهلي هناك واخدمهم
الرعوني گلت اجازيهم واجازي بروحي رباهم
★★★★★
ماتطبگ جفنها العين وانام الليل ساعاته
افراگ اهلي صعب چتال ماتنحمل شوغاته
ادري بگلب ابوي حسين وادري بطيبته وذاته
عليه من الطريج يخاف وزيد بعلتي بلواهم
★★★★★
شلون بدون ابوي حسين يانار المثل ناري
ناري البلگلب تسعر يچملها الدمع جاري
خبر ماجاني من عدهم ولايدرون باخباري
دنه وكتي عليه النوح يوم بعيد وداهم
★★★★★
اريدن بويه لمتكم عليه الفرگه موسهله
رقيه وياها كون اگعد وهزن مهد عبدالله
يبويه الفرگه ماترحم شسولف عنها بس ذله
منين الگه گلب يحمل ولتني سيوف ذكراهم
★★★★★
اناطر واسكب دموعي عليه طالت المده
ظعنكم ناحر البيده زماني عاند ايرده
بوسط هيمه العمر مني بعدكم ماي وتبده
على الهجران والغربه الگلب تدرون ماراهم
الشاعر حسن لعيبي الحريشاوي
عنّ ارقيّه أُوگف سَل ابُوها
اشكِثر نور ابوَجِهها سلّه ابُوها
الترَاچي الّي بذِنها سلّبُوها
وبچَت مابطِّلَت حَد المِنيّه
مجموعة القصائد الحسينية لشهر محرم الحرام ١٤٤٧ هـ
للشاعر لقمان لعيبي البدران
على قناة التليگرام .
/channel/lukmanbdran1970
لهلال شهرمحرم
هلال بيه غاب الفرح لمن حضر
گوم جدد حزنك بهذا الشهر
لاتجافي الدمعة عين
ابچي لمصاب الحسين
گوم جدد حزنك بهذا الشهر
★★★★★
گوم جدد حزنك وزيد الالم
علخيم سبعين الف حاقد هجم
تدري لوماتدري ظلت بس حرم
والعليل اشگد اتعذب وانهظم
وي زين العابدين
ابچي لمصاب الحسين
گوم جدد حزنك بهذا الشهر
★★★★★
شگالت العدوان تنقل هلخبر
بسيف جده حسين مذبوح النحر
ماقره زين الكتب كلمن نكر
حسين مني گالها سيد البشر
رغم شر الحاقدين
ابچي لمصاب الحسين
گوم جدد حزنك بهذا الشهر
★★★★★
رادوا الصح بفكرهم مايصح
حسين مامرفوع راسه على الرمح
رادوا يكتبون والحق ينمسح
حسين بچفوف الشمر مامنذبح
انظر الحقد الدفين
ابچي لمصاب الحسين
گوم جدد حزنك بهذا الشهر
★★★★★
اقلام ماجوره على الطف سجلت
غلطة بالتاريخ راحت ونطوت
ولاجريمه بقصد چنها ادبرت
ولامناحر بالطفوف اتذبّحت
أسمع وزيد الونين
ابچي لمصاب الحسين
گوم جدد حزنك بهذا الشهر
★★★★★
اعدانه رادت مثل ماتهوه وتحب
مومثل ماصار بالطف ينكتب
لاسبي لانار لاسوط وضرب
وعلى فراشه حسين مامات بحرب
رغم فكر الواهمين
ابچي لمصاب الحسين
كوم جدد حزنك بهذا الشهر
الشاعر حسن لعيبي الحريشاوي
لوفاء أم البنين سلام الله عليها لاهل البيت عليهم السلام (ميمر)
نوگف إجلال وتقدير. لام البنين الحره
اقرينه عنها بالكتب واسمعنه
سيرة وفاها الحيدر وراجعنه
قول وفعل روح وظمير ومعنه
ماقصرت ام عباس. السيرتها كلمن يقره
يافاطمة هلأسم نور وعفه
فاطمة تخلف فاطمه موصدفه
بفيض الإحسان الباري قدر لطفه
بفاطمة معوض الكرار الباري جابر كسره
من ابواب ربها للتعنه ونعمه
يوم الحشر للناس باب الرحمه
ذابت بحب أهل الشرف والعصمه
براحتها ضحت للدين. وخدمت أولاد الزهره
گالت يولدي البشر كلمن يومه
وصت ولدها درع وسط الحومه
لبن الزچيه الطاهره المظلومه
لحسين ضحوله انحور. بس كون سالم نحره
جاها ابن حذلم هاملات اعيونه
امدنگ الهام ومهجته محزونه
لحسين گلها اربعه انذبحوا دونه
وفوگ الرمح رأس حسين. وجسمه انفرش علغبره
ونت ونين الزهره من لچمتها
اتمنت گبل هذا الخبر موتتها
نادت ابحرگة وبالگلب لوعتها
الفارگ ابن مثل حسين. شله ابحياته وعمره
الشاعر حسن لعيبي الحريشاوي
في ذكرى ام البنين على طور باسم الكربلائي عباس يادرة علي المكنونه
أم البنين الطاهره المحموده
أم البنين الطاهرة المحموده
★★★★★
شاهد كرمها بالكرم معروفه
عين الضمير بكل زمان تشوفه
أداوي العلل باب الشفا الموصوفه
وآثار الها ابكل وكت موجوده
★★★★★
زود وكمال أم البنين الحره
من يوم صارت خادمه للعتره
وضحت ابطال حيود لأجل الزهره
وآثار الها بالكرم مشهوده
★★★★★
أم عبد الله وجعفر علوم وسيره
وعثمان خلاها الجيوش ابحيره
وام البطل عباس راعي الغيره
يوم الوصل للماي يترس جوده
★★★★★
بعد الطفوف معذبه ومهمومه
خافن ولدها قصروا بالحومه
لبن الزچيه تنحب ومهظومه
راح الوفي الماخلف يوم عهوده
★★★★★
تنوح وتون طول الوكت معذورة
لمن صفت دار المجد مهجوره
فگدت ركن دين الإسلام ونوره
وباب الفرح تالي صبحت مسدوده
الشاعر حسن لعيبي الحريشاوي
ياباب الحوائج يم الابنين (نصاري )
ياباب الحوائج يم الابنين
واجبنه الحزن ونزيد الونين
لمصابچ جمر هماله كل عين
يمشبعه اليتامه والمساكين
دارچ موحشه يم الميامين
بس شوغات صارت عملت البين
بس نوح وقهر عمرچ الستين
يوفايه العلي والنصرة الدين
ولدچ علثره ضلوا مطاعين
بين المنذبح ولماله چفين
الناعي من ذكر ولدچ الطيبيين
بس بحسين ضليتي تداعين
فده لحسين كل ولدي تگولين
وين ابن الزچيه الطاهره وين
گضيتي العمر لأجله تنوحين
ياباب الحوائج يم الابنين
الشاعر حسن لعيبي الحريشاوي
حول ام البنين. (شوط كربلائي)
ام الاربعه البلدار زاد الليل لوعتها
تنادي ضعونها الراحت عليها شوكت رَدَّتْهَا
★★★★★
هاي ام البنين تگول. زاد الليل بصوابي
انادي. وين يلغياب. هيمه يترس اعتابي
گصرْ شوگي ولا ردوا. طالت غيبة احبابي
وحگ الي رفع سبعه
بعيني ضاگت الوسعه
اضل ياوكت بالدمعه
ضاگت ياعظيم الشان. وين الأهل لمتها
★★★★★
شوكت ياربي يلتمون. ياساعه الاشوفنهم
يرَدُّون شوكت للدار. واترجه خبر منهم
ضعون السافروا بيها. اعزاز على الگلب كلهم
راحوا وانتهت دنياي
بس نار البقت بحشاي
الفرگه زَيَّدَت بلواي
وادري الفرگه ماترحم. طالت حيل ساعتها
★★★★★
طويله الغيبه يحبابي. ليالي الفرگه تكتلني
مابيه أجد بالسير. . يمهم من يوصلني
گلبي من الصبر ملچوم خافن لوصدگ ضني
اضن بالدنيا تغدرهم
وگوم الي تناطرهم
خوفي لوضهر شرهم
واهل الغدر ماترحم تخون بساع عادتها
★★★★★
ياديره التشيل الروح. واهجع واستچن بيها
شلي بدنياي بعد حسين. هلدنيا العفه عليها
من نار الصبر مليت. روحي وين اوديها
محتاره صرت بامري
بيهم منشغل فكري
ومايسوه بعد عمري
بعد حسين روحي تموت راح الحزن يگضيها
★★★★★
فارگت العمر والروح. يوم حسين فارگني
عليله وغيبته طالت على الفرگه. شيصبرني
اخافن بعد ما اشوفه. چفوف الموت تاخذني
بينه يوگف وبيني
الموت ومايخليني
تشوفه وتبتشر عيني
سفره وطالت وخوفي. خوفي من نهايتها
الشاعر حسن لعيبي الحريشاوي
شفت الشمس من غابت حمره امخضبه بالدم
وگمريه يمرني الليل شو ليلي صفه أظلم
وطر روحي حزن چتال همي مومثل كل هم
ونهاري مغبره الوانه ذاك الچان يتبسم
وعزمي اختل اشوفنه الچان بمحنتي بلسم
وگلبي ماعرفت أشبيه بساع جروحه تتألم
مثلي ياگلب محتار حزن الغفله مايرحم
وچن محرب أجه وكتي غيض بساحتي اتلملم
أنتبهت آنا وفهمت الحال گرَّب شهر الْمْحَرَّم
الشاعر حسن لعيبي الحريشاوي
اريدن ينتفض دمعي وسيله
يوم الحشر ياهو انشد وسيله
من دنياي
شفت اهواي
تاه الراي
من بلواي
غير حسين ماعندي وسيله
من يوم الامر يصعب عليه
الشاعر حسن لعيبي الحريشاوي
عن لسان العليله فاطمة
سلام الله عليها
أهلي مشوا. سلوة حياتي ورجواي
أهلي مشوا. وجروحي ظلت وياي
اهلي مشوا
★★★★★
ضليت لهموم الدار.
نار الدمع والخد نار
وي زمن ظالم غدار.
بس النوايب يختار
اعليه انكتب. مهموم گلبي ومتعوب
اعليه انكتب. وماينمحي. هلمكتوب
أهلي مشوا موحش زماني ودنياي
★★★★★
من ياجرح عيني اتنام.
من أذكر هذيچ الأيام
والفرح ذاك المادام
شوفتكم تصير احلام
والله زمن. يااهلي عني تروحون
والله زمن. هاگد عليه اتغيبون
أهلي مشوا. والطير يبچي البلواي
★★★★★
معلوله تدرون الحال.
كل يوم يعبر چتال
فرگتكم ولا علبال.
موسهله واتهدم اجبال
حدمن اضل. كل يوم گلبي مهموم
حدمن اضل. يوم المضه نفس اليوم
اهلي مشوا. علبال ماچانت هاي
★★★★★
وحشه ومرض ليش اطباگ
ايزيدن عليه من أشتاگ
لاغربه احمل وفراگ.
وجمر المدامه حراگ
حالي صعب. مهظومه يابوية حسين
حالي صعب. واتحزم اعليه البين
اهلي مشوا واتعذب الفرگه اهواي
★★★★★
ياكربله جتني امنين
والها رحت بويه حسين
چاوين اروحن چاوين.
بس نايحه ودمع العين
من هلدرب. خايف دليلي ومحزون
من هلدرب مابعد اهلي ايردون
اهلي مشوا. اتبده الشمل مثل الماي
الشاعر حسن لعيبي الحريشاوي
حسين ميطيح على غبره
ولاتمر بيه الحتوف
ومايمر سيف على جسمه
بسيفه يفنيها الألوف
ولابطل يوگف أگباله
ابحيره يجعلها الصفوف
لكن المكتوب واجب
يمر بحسين ويطوف
لبه صوت الباري لمن
دنت ساعات الطفوف
حسين يعرف بالنهايه
مَعَبَر الجنه السيوف
الشاعر حسن لعيبي الحريشاوي
عن فاطمة العليله وزن المثلث ثلث ترباع الشيعتي
الله ايرد الاحباب بقت تدعي العليله
غير الصبر للروح ماضلت وسيله
تهمل نار العيون
شوكت ربي يردون
بقت تدعي العليله
★★★★★
واگفه اتنطر دربهم دمعي يجري
وين ابوي ونظر عيني وفرح عمري
عگب عماتي ورقيه انكسر ظهري
زاد نوحي بيوم راحوا خلص صبري
يربي ردلي الاحباب
والگاهم على الباب
بقت تدعي العليله
★★★★★
عمري موللنوح والونه الخفيه
ياوكت دار الاهل تصبح خليه
والشدايد وحده وحده اتمر عليه
والاشد من تمر روحي المغربيه
فَرَّح گلب متعوب
يمن فرحت يعگوب
بقت تدعي العليله
★★★★★
شلون ياربي عگبهم يضل حالي
لايهون ولاسهل فرگه الغوالي
شفت كل المايمر لحظه على بالي
انا وين وين لوعات الليالي
يربي زيح الهموم
بضعنهم من يرد يوم
بقت تدعي العليله
★★★★★
لربها من النوايب تشتكيله
غير درب الصبر ماتنفع وسيله
غربوا عنها الاهل سفره طويله
ساعه من فرگاهم اتموت العليله
تنادي خالق الكون
اريدنهم يردون
بقت تدعي العليله
★★★★★
فراگهم اول سبب زَيَّد عذابي
وسبب ثاني الوحشه تتعمد أصوابي
ما ألوم احد ولااشكي عتابي
أيهَوَّن الله شماجره ويعلم مصابي
ربي يساعد الحال
علي هذا البعد طال
بقت تدعي العليله
الشاعر حسن لعيبي الحريشاوي
ياعلي الاكبر دخيلك
اداء ولحن ملا صلاح المذخوري
الشاعر حسن لعيبي الحريشاوي
لسان حال العليله سلام الله عليها.( ميمر)
خلوني ابچي ياخلگ خلوني.
الحد ماتطيح من البواچي عيوني
★★★★★
فراگه صعب تدرون ابوي الغالي
عن الامس هليوم يفرق حالي
حتى الشمس صارت مظلمه اگبالي
وكثر البچي والنوح غَيَّر لوني
★★★★★
كثر البچي ماخله دمعه بعيني
بنص العذاب بلوعتي يخليني
وها گد زماني اعليهم يبچيني
ومثل الزمان الي مشوا بچوني
★★★★★
اشكثر بچوَّني وتعذب گلبي
قَلَّت الحيله بيوم زايد تعبي
النسيان مو إلهم طبع ياربي
خاطر اگولن من مشوا ينسوني
★★★★★
گالوا عليله ومايبَطَّلْ وني
فجوج الدرب صعبات وتعذبني
حيره ابقه يكتلني عذابي وحزني
وحيره امشي من اتْلَوَّع يلوموني
★★★★★
مابين حيره وحيره خَلَّص صبري
فراگ الاهل چتال كاسر ظهري
فرگه ومرض ياحيف. موحش عمري
والنوم حالف مايمر بجفوني
★★★★★
صاير عليهم قدر گلبي يگلي
وظنوني بالحسبات صارت مثلي
اهلي بخطر وبْمْحنَه يمكن اهلي
ياريت خابت موصحيحه اظنوني
الشاعر حسن لعيبي الحريشاوي
نعي عن فاطمة العليلة
تون وتنوح مهظومه العليله
ليلة اصعب تجي لوگضت ليله
ونتها أصبحت كلش ثجيله
على الغابوا وغيبتهم طويله
ياهو الضال عدها وتشتكيله
عليلة حال تاليها ونحيله
الدمع نار على نار الخد تسيله
عال الوكت بيها شلون عيله
صاحت والظعن طَوَّل رحيله
يبويه مابقت بالأيد حيله
الحرمه بدون والدها ذليله
الشاعر حسن لعيبي الحريشاوي
ياحجة الله
ياحجة الله أشگد عذاب ابدربك
عاشور اجه الله يساعد گلبك
ياحجة الله
★★★★★
أنظر يمولاي
ماخلت الواحد صبر عدوانك
ياصاحب الراي
لامره لامرتين دهرك خانك ياحسرة الماي
عطشانه كلها بكربلا خلانك
واسوالف اهواي
للموت يمكن ماتفض أحزانك
خايف أسوولف والكلام يعذبك
عاشور اجه الله يساعد گلبك
ياحجة الله
★★★★★
لويمر عاشور
كل صوره من عاشور تخطف لونك
يلدمعك يفور
ونيران خدك مثل دمع اعيونك
مومثل الشهور
ولاليله بيه النوم مر بعيونك
ياگلب مكسور
وچم مره ايام الزمان اتخونك
وانت الونين على الونين أيذبك
عاشور اجه الله يساعد گلبك
ياحجة الله
★★★★★
مشتاگه كل روح
ياخير كلها للخلگ غاياتك
مشتاگه وتنوح
بلكت تمر درب الفرج راياتك آثار وجروح
ماتنمحي قصة هظم عماتك
إذكر المذبوح
وزلزل على راس العده صولاتك
وحاربها گوم الي تدور حربك
عاشور اجه الله يساعد گلبك
ياحجة الله
★★★★★
يايوم ترتاح
واكثر عذابك يبتدي من العاشر
ياهظم ينزاح
يومك يوزع حزنه گام الباچر
شمل الأهل راح
وهذا اليخلي الجرح ينزف حاير
وشلون من طاح
جدك بجيش اهل الغدر متحاصر
ايعينك على هاي النوايب ربك
عاشور اجه الله يساعد گلبك
ياحجة الله
★★★★★
لوهل الهلال
اشحال گلبك والجفن ودموعه
من صغر هلحال
لگيت الاهل يابوالوفه مفجوعه
بهموم الثگال
روحك على هذا الألم مطبوعه
حزنك الچتال
من الشرح يحتاج الف موسوعه
يارحمة الله الناس بيش اطلبك
عاشور اجه الله يساعد گلبك
ياحجة الله
الشاعر حسن لعيبي الحريشاوي
لفاطمة العليله (وزن عگيلي)
ايعين الله الطفله المهظومه
حسين الغابت عنها اعلومه
هلمعلوله يخاف عليها
حسين البلدار امخليها
يدعي الرحمان يشافيها
الظلت. متعذبه. ومالومه
مشتاگه الشوفت والدها
من حط بديره اشمبعدها
امناطر ليل. ودمعه بخدها
وصبر الواجب بيه ملزومه
ماتدري الفرگه اشتاليها
نيران المدمع تچويها
جروح الفرگه تعذب بيها
شيداوي جروح الملچومه
ابعمر الزهره سنين الذبلت
ابفرگه وكسر الخاطر مرت
بعد الراحوا تنحب ضلت
تكتل حسرتها المكتومه
معلوله وبالدار اتاني
تنادي ومن لوعتها تعاني
بويه دخيلك. لاتنساني
وجهك دوم گبالي ارسومه
والله اتخوف هاي السفره
گالت يمسافر. . بالعتره
خوفي ابطالك فوگ الغبره
وانته الوحدك وسط الحومه
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------