1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
القاب ابوفاضل. (وزن الاصلم)
لعمري حرز طاريهن القابك
يابو الفضل من اووگف ابابك
★★★★★
باب الحسين انته وگمر هاشم
وحامل لواءه وبلمجد غانم
وكبش الكتيبه وقاهر الظالم
روحي فده مولاي لترابك
★★★★★
قائد الجيش ويمنتك كافي
لحسين فادي الروح والوافي
تاريخك ابيض سيدي وصافي
اتعَطَّرْ الزاير. نسمة اطيابك
★★★★★
باب الحوايج نورك اعرفته
وساقي العطاشى بكربله انته
الحظرتك كلمن زار يابخته
ولجلك تعنه وناح لمصابك
★★★★★
من صغر سبع الگنطره ملقب
والنعم منك يا اخو زينب
حگها تون عليك لوتنحب
من النار اصعب لچمة اغيابك
★★★★★
انته المحامي بكربلا وحامي
ياحيف جسمك علارض دامي
مذبوح يم المشرعه. وضامي
وملعون كلمن بالعمد صابك
★★★★★
حامي الضعينه. يا ابوفاضل
وظهر الولايه. وللحرم كافل
الهلمنزله من الباري تستاهل
خله المجد يسجد على اعتابك
الشاعر حسن لعيبي الحريشاوي
يانفس من بعد الحسين هوني لسان حال ابا الفضل العباس عليه السلام المستهل ارجوزة ابا الفضل العباس عليه السلام في واقعة الطف (وزن ميمر )
(يانفس من بعد الحسين هُوني )
(وبعده لاكنتي اوتكوني)
(هذا حسبن وارد المنون)
(وتشربين بارد المَعينِ )
★★★★★
ياروحي من بعد الحبيب الطاهر
ماريد عمري ولاسلامة باچر
محله المنيه وهله بيوم العاشر
نحري فداه ومهجتي وعيوني
(يانفس من بعد الحسين هُوني )
★★★★★
روحي لبو السجاد روحي افديها
جيوش التجيني بيمنتي افنيها
بكووس المنايا هلعده اسگييها
من المشرعه لورادوا ايمنعوني
(يانفس من بعد الحسين هوني)
★★★★★
لوالف مره انذبح واتگطَّع
عن نصرتك مولاي ابد ماارجع
بارض الطفوف الجسم لويتوزع
محد يَغَيَّير بالعشگ مضموني
(يانفس من بعد الحسين هوني)
★★★★★
للنهر گاصد جربتي أمليها
وعيال ابوالسجاد ماي أسگيها
ماتوگف بوجهي الجيوش ادريها
ابن الصميده حيدر ايعرفوني
(يانفس من بعد الحسين هوني)
★★★★★
خلها السيوف شماتسوي ابحالي
وخل الاعادي شماتصيير أگبالي
سالم ابوالسجاد كل آمالي
بخيولهم ميهمني لو رَضوَّنيَ
(يانفس من بعد الحسين هوني )
الشاعر حسن لعيبي الحريشاوي
هذا الحر (عن وفاء وبسالة الحر بن يزيد الرياحي من اصحاب الامام الحسين عليه السلام)
هذا الحر غضب يمطر
صب الْمُرّْ على كل مُرّْ
لمن ثار بالبتار
الكتايب منه وين تفر
هذا الحر
★★★★★
هذا الحر عليهم راح
سيفه بالعده ذباح
يحصد باليمين ارواح
اصبح للحتف مفتاح
رايح للحرب مرتاح
ماهمة نزف لوطاح
لمن صال. چن زازال
يكسر سيفه مايجبر
هذا الحر
★★★★★
هذا الحر يصد بالعين
شاف الفوز يم احسين
بيه يدري اصول الدين
عرف درب الجنان امنين
ودره اصل الضلالة وين
هذا الفاز بالدارين
لبو السجاد وفّه وزاد
يدري يسامح ويغفر
هذا الحر
★★★★★
هذا الحر فده عمره
لرسول الله لبو الزهره
لبو اليمه حسم امره
يرد الظالم وشره
قليله بعينه الكثره
قليل ايموت الف مره
لمن راح. يطوي ارواح
على موج الخطر يعبر
هذا الحر
★★★★★
هذا الحر ولا يمهل
يعرفونة غضب ينزل
بالحومه تهابه الكل
بصدره الموت يستقبل
اشترة الجنة اله منزل
بسم اهل ألكسا يرتل
بالبتار. كله اصرار
سيفه الموت من يمر
هذا الحر
★★★★★
هذا الحر يناديهم
اذا مسلم بعدبيكم
ليش ايزيد حاديكم
الدرب خاسر يوديكم
وصية وبيها اوصيكم
بس حسين يهديكم
هذا الدين هوه حسين
وحتماً خاسر اليكفر
هذا الحر
★★★★★
هذا الحر نصح يسعه
حليم وهذا من طبعه
وي العده المجتمعه
اليخون حسين ويخدعه
الدنيا وخيرها ايودعه
خصمه الهادي والبضعه
لمن ثار علكفار
ترك جو الحرب مغبر
هذا الحر
الشاعر حسن لعيبي الحريشاوي
(اصحاب الحسين ) على طورملا جليل الكربلائي گوم لينه ياعلي
رغم عدتهم قليله ذوله اصحاب الحسين
هزوا جيوش الثگيله ذوله اصحاب الحسين
مثل ظربوا بالطفوف بعزم هزوها الالوف
ذوله اصحاب الحسين
★★★★★
عابس أبوجه الشدد والحضرمي
كل بطل للموت اصبح ينتمي
الازدي والشيباني وي الهاشمي
محد يريد السلامه ويحتمي
بالالف واحد يقابل ذوله اصحاب الحسين
عن عقيده وحق يقاتل ذوله اصحاب الحسين
عابس بگلبه لهيب ونافع وجون وحبيب
ذوله اصحاب الحسين
★★★★★
ذوله اهل الموزمه واهل اليقين
يم ابو اليمه غدوا يسرة ويمين
شگد مواقفهم تحير الظالمين
وين مثل اصحابي گالاها الحسين
نصروا حسين وكلمته ذوله اصحاب الحسين
وذلوا الطاغي وزمرته ذوله اصحاب الحسين
زلزلوا جيش الخطير وهب والحر وزهير
ذوله اصحاب الحسين
★★★★★
والتقدم مايهمه من الامر
گصر هاي الساعه لوطال العمر
الينتظر دوره علحر من الجمر
والگضه نحبه وتوزم بالصبر
ارواح حَنَّت للمنيه ذوله اصحاب الحسين
ابطال يوم الغاضريه ذوله اصحاب الحسين
قرروا نفس المصير مسلم وقيس وبرير
ذوله اصحاب الحسين
★★★★★
أختصروا الچلمات وحدودالمقال
قبل اهل البيت يردون القتال
درع للمعصوم صاروا بالنزال
ولاخطر يوصل لبو اليمه محال
عن بصيره وعن درايه. ذوله اصحاب الحسين من سعوا صوب المنايا ذوله اصحاب الحسين
مانفع درب الصلاح رفعوا سيوف ورماح
ذوله اصحاب الحسين
★★★★★
قوس نافع بالسهم للشر يصيب
من تقدم للحرب هو وحبيب
أرواحهم محزونه من أجل الغريب
لويضل ابدون. ناصر لامجيب
تسارعوا لأجل المنيه ذوله اصحاب الحسين
لاقدس واشرف قضيه ذوله اصحاب الحسين
وعرفوا انوار الجنان تبدي من هذا المكان
ذوله اصحاب الحسين
الشاعر حسن لعيبي الحريشاوي
عن لسان انصار الامام
الحسين عليه السلام
يجمعنه هلمصير النصرت الغريب
علميمنه زهير علميسره حبيب
كلنه عشك للحتف
الواحد يقابل الف
النصرت الغريب
★★★★★
انا حبيب اوالدي مظاهر
دمي لجل نسل الرسول الطاهر
ايماني يسعه يتبع المشاعر
احمد الباري ماتركني حاير
بالموقف المريم ياراحة الظمير
مسلم ونافع صاح وي عابس وزهير
علدنيا والله العفا
بگلوب كلها وفه
النصرت الغريب
★★★★★
اني زهير وصارمي بيميني
صافي العقيده ثابت بيقيني
روحي فده للموت لجل حسيني
للموت اهلا ياسيوف خذيني
كل عمري بالحياه متقوي بالدليل
ماارتبط واصير بالموقف الذليل
انا وحبيب ابعهد
واحد نضل للابد
النصرت الغريب
★★★★★
عابس آنا الي اتكونت حياتي
عندي حلم لجله يضل ثباتي
لاجل الصنعلي والبنالي ذاتي
اتكطع وصل للدين امنياتي
كل حبي للحسين وصلني للجنون
عن فطرة واعتقاد ما اعرف الظنون
امشي على هلدرب
يامحله وكت الحرب
النصرت الغريب
★★★★★
نافع انا وقوسي يعاهد سهمه
كلنه فده لحسين فدوه الأسمه
عن وجه ابوالسجاد أزيل الغمه
واليوم وكت الوفه ويوم الهمه
وبكل فخر سعيت النصرت الحسين
عن معرفة الجهاد وبلفطره واليقين
لحوض الرسول اقترب
يسگيني من العذب
النصرت الغريب
★★★★★
بصوت الشرف يوم اعلنوا للزهره
جينه نوافي بكل عزم للعتره
هذا جمعنه عن عقيده وفكره
من حسين لوصدر امر ننتظره
اكتبنه بالدماء اسطورة الوجود
للابد كربلاء ماتنتهي بحدود
لحسين كل الأمر
ونضحي هذا العمر
النصرت الغريب
الشاعر حسن لعيبي الحريشاوي
حي الله الانصار 2
سيد عماد الحسيني
الشاعر حسن لعيبي الحريشاوي
قصيدة في حق انصار الامام الحسين عليه السلام
( اتعنوا لبو السجاد گالوله الاصحاب)
( ارخصنه اول ناس نفديها الارگاب. )
★★★★★★★
اصحاب إلأجو و استاذنو يبن الزچيه امروتك
بهاي المهج يبن الحجج ارخصنه نفدي مهجتك
يابن علي يبن الوصي نرويها بالدم ثورتك
(صاحوا يماي العين يانسل الاطياب)
(ارخصنه أول ناس نفديها الارگاب)
★★★★★
يامن الك دار الفلك يبن الزچيه الطاهره
حبك يضل خير العمل هوه نعيم الاخره
لذا السبب حبك وجب وميهمنا ماصار وجره
(لجلك نريد الموت ياخير الاسباب)
(ارخصنه اول ناس نفديها الارگاب )
★★★★★★★
نعم الزلم يوم الحسم كلمن يجود بمهجته
لابن الشرع صاروا درع وعابس ايهَوَّن غربته
انصارك نضل وانت الامل والدين روحه وغايته
(يلمصدرك نورين من عترة وكتاب )
(ارخصنه أول ناس نفديها الارگاب)
★★★★★★★
ابطال الشدد يوم العهد سووها بالطف ملحمه
بهذا العدد صاروا سند لابن الزچيه فاطمه
يوم الفِده حَلْ موعده لحسين ولحامي الحمه
(گالوا تركنه أديار لجلك والاحباب )
( ارخصنه اول ناس نفديها الارگاب. )
★★★★★★★
بزود الرفض حق ينخفض كل صوت باطل لوعله
فوگ العده اهل الرده زلزال تصبح كربله
سيوف العزم ماتنثلم بجسومهم نملي الفله
( بأهل الغدر والجور ميفيد العتاب )
( ارخصنه اول ناس نفديها الارگاب)
الشاعر حسن لعيبي الحريشاوي
حي الله الانصار
وي القدر صاروا حلف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
★★★★★
حسين عدهم غالي
اقسموا للتالي
الموت دون الوالي طبع واحد بيهم
هدف عدهم واحد
دونه كلها اتجاهد
حسين هوه القائد للابد واليهم
قرروا هلمره
الموت دون العتره
فده لابن الزهره والحتف طاريهم
للموت رادوا والحتف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
★★★★★
اصحاب كلهم نخوه
من الله صاروا صفوه
تحزموا للخوه مايهم تاليها
جون يسعه بهمه
وگف عابس يمه
صاح يابو اليمه ارواحنا نفديها
وي حبيب اتقدم
للحتف مايهتم
ثورة گالوا بالدم للابد نحييها
لمن بده يوم الزحف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
★★★★★
حسين گال انصاري
عدتي واصراري
صفوه من الباري حگي افخر بيهم
اصحاب كلهم طاعه
من اجوا فزّاعه
ربي هاي الساعه النصرتي مخليهم
اصحاب افخر عندي
وفوا بالطف عهدي
بالقيامه جدي باچر يجازيهم
ماخافوا اطباع الصلف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
★★★★★
حسين يدري اخبارهم
يدري الله اختارهم
غضب تحرگ نارهم بالنفس يحمونه
منهو مثل اصحابي
گال بعد امصابي
نور همه ابابي باچر ينورونه
افعالهم محسوبه
اسماءهم مهيوبه
بحضرتي مكتوبه اعمالهم موزونه
افعالهم ماتنوصف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
★★★★★
طالبوا واليهم
كون يرضه عليهم
اول يخليهم فده عيون الزهره
حسين يوم الشده
لايظل بس وحده
وماكو ناصر عنده بچوا كلهم حسره
والحزن ماذيهم
والدمع يچويهم
خافوا بواليهم جيوش اميه تغدره
جبل واحدهم وگف حي الله الانصار
واحدهم يعادل الف حي الله الانصار
حي الله الأنصار.
حي الله الأنصار
الشاعر حسن لعيبي الحريشاوي
قصيدة بحق انصار الامام الحسين عليه السلام
(وزن هجري)
كتبت ايام الزمان
حروف من نور الجنان
تسولف الدنيا بمجدهم
ذوله أصحاب الحسين
★★★★★
صدوا اسهام الاعادي ودافعوا عن الحسين
دروع لابن الزهره صاروا عن يسار وعن يمين
الدرسوا بمدرسة حيدر علشجاعه امعلمين
گلوب بيها حب محمد حلم للطاغي تلين
واليعرفون المصير
مايهابون شيصيير
والكتايب ماتردهم
ذوله أصحاب الحسين
★★★★★
لوحچه التاريخ عنهم بحيره مايدري شيگول
وبعمل خالص سعييهم من الله يردون القبول
ماشغلهم يوم شاغل بدنيا غداره وتزول
انصار مولحسين وحده ذوله انصار الرسول
درع صاروا للغريب
مسلم وجون وحبيب
خاسر اليوصل الحدهم
ذوله أصحاب الحسين
★★★★★
ياعباره التنطي حقهم ذوله انصار الحسين
الباعوا الدنيا بحملها ورضا الباري مشترين
فزعواوالاجل الشهادة وعلشهاده امحزمين
معرفه لحسين حبهم وچان عن فطره ويقين
انطوا دروس الثبات
بالوفه وبالتضحيات
أبد ماخلفوا وعدهم
ذوله أصحاب الحسين
★★★★★
الي گضه بالحرب نحبه وراح للباري شهيد
واليتانيها الشهاده وعن إمامه مايحيبد
ابزمان الغدر والشر والمخالف والعنيد
على الدنيا العفا گالوا لوحكم بيها يزيد
احنه انصار الرسول
وابن حيدر والبتول
شَيَّب العدوان رَدَّهُمَ
ذوله أصحاب الحسين
★★★★★
اصحاب اهل نخوه وحميه ذوله انصار الامام
صدق نيه وگلب طاهر غِيِرَه عدهم والتزام
وجادوا بكل غالي للحق جسوم غطتها السهام
گالوا بسوح المنيه اعليك مولانا السلام
بعد ساعات النزال
شوفته صارت محال
بالدمه خطوا عهدهم
ذوله أصحاب الحسين
الشاعر حسن لعيبي الحريشاوي
لسان حال حميدة بنت مسلم
بن عقيل رضي الله عنهما. (وزن البند)
يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/p0p5iWCHXYU?si=yUITzMeE8UYpYDfd
Читать полностью…
لشهادة مسلم بن عقيل رضي الله عنه
الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم ماخذينه
ابوطاهر عضيدك ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اونينه
حميده تعنت العمها حزينه
يعمي والدي شومايجينه
المايسله ولاعنه سلينه
اظن عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل ناذرهن اسنينه
النصرتنه ولجل مذهبه ودينه
الشاعر حسن لعيبي الحريشاوي
نَعي لاستشهاد مُسْلِم بن عَقيل رَضِيَ اللَّهُ عنْهُ
مافاد النصْح بالخلگ مِن راد
ابوطاهر يوَجْه النَّاس مافاد
ألگالوله أَلَك أَرْوَاح وَأَجْسَاد
بطمَع وبخوف تبعَّوا راي جَلَّاد
مِثْل نار الوعود انگلبت إِرْمادْ
غدْر ذاك الزَمَان الْيَوْم ينعاد
نَفْس ذيچ النُّفُوس وذيچ الأَحْقاد
نْظَرْ صَوْب الْمَدينَة وبلدمع زاد
سَلَامِي علَيَك نَادَة يبو السجَّاد
طبْع الگوم خويه غَدْر وعْناد
الچتل أَهْل الْحَمِيَّة عدهُم أَعْياد
الشاعر حسن لعيبي الحريشاوي
لاستشهاد مسلم بن عقيل رضوان الله عليه
٣دگات (وزن الدارمي )
مسلم وجاهه وخير حكمه وسفاره
ابن العزم والجود سيف وصداره
★★★★★
أتوكل سفير حسين گاصد أَبهمَّه
متوَجَّه على الگوم بأشرف مهمه
گاطع فجوج البيد ماتعب عزمه
مخلص لابو السجاد رهن الأشاره
★★★★★
أنداروا عليه الناس الچانوا وياه
صد عنه كلمن چان بالغربه يرعاه
حظهم خساره او ويل الصاروا أعداه
شَنَّوها غاره أعليه من بعد غاره
★★★★★
ياما نصح متفيد حتى الملامه
بكلمن ذليل الحال عاف الكرامه
لكل غادر ومهزوز وَضَّح كلامه
المامشه ابنهج حسين نال الخساره
★★★★★
لجل الطمع والمال چانت الغايه
عافوا الناس ابساع درب الهدايه
سهام وحجر ورماح تالي النهايه
مسلم رموه من فوگ قصر إلاماره
★★★★★
من الله عالي الشان رب المعارج
مثل الوصي مسعاه حرب الخوارج
مسلم سفير حسين باب الحوايچ
بالكوفه نال أمراد من مشه وزاره
الشاعر حسن لعيبي الحريشاوي
قصيدة بحق ابا الفضل العباس عليه السلام
منك اتعلمت يابوفاضل
مااهاب ولا اخاف الباطل
★★★★★
تعلمت منك اذا يلفي العسر
بجدمي ادوس الباطل وماانكسر
وظهري معبر يصفه للخوه وجسر
ومااغض النظر عن العايل
★★★★★
تعلمت منك يسبع الگنطره
مااعيش بروح دوم امحَيَّره
الدنيا ماابيعَن لجلها الاخره
دنيا عنها البشر باچر راحل
★★★★★
علمتني الموت ينطيني الحياة
وميت المهزوز ماعنده ثبات
علمتني بحب ابو اليمه النجاة
وعلى هذا الحال اضل متواصل
★★★★★
علمتني العزم امضى من الجسد
ولايهزه ابطال لوكثرة عدد
والحياة بدون معنى للابد
بلاحسين وتعب ماتستاهل
★★★★★
علمتني يبو الغيره والوفه
التضحيه محلاها لال المصطفى
وعلى الدنيا بعد ابو اليمه العفا
بغير حبه مايشغلك شاغل
★★★★★
منك اتعلمت ياراعي الشِيَم
ماابيع الدين لا اعوف القِيَم
عالم انته وجود من بيت الكرم
يخو زينب والنعم ياكافل
الشاعر حسن لعيبي الحريشاوي
لزيارة العباس (3دگات ) وزن الدارمي
لزيارة العباس زايد حنيني
علخد جمر حرَّاگ همَّالَه عيني
★★★★★
بزيارة العباس ترحل اجروحي
أخذي يريح وياچ للحضره روحي
قلت الحيله وزاد بالفرگة نوحي
بالحيره صار الحال من گد ونيني
★★★★★
للخوه ضحه الروح ولأجل دينه
وأتحمل الصعبات راعي الضعينه
عيوني فده البسهام مصيوبه عينه
وليمنته يسراي فدوه ويميني
★★★★★
بلهفه تصد العين صوب المناره
واگف اباب الجود واقره الزياره
بابك شفه المعلول والماله چاره
اتعنه مهما البين مايخليني
★★★★★
أحلم أغمض العين لويسمح البين
بالحظره الگه الروح من افتح العين
لزيارتك مشتاگ ياباب الحسين
حبك فرض للدوم من اصل ديني
★★★★★
لزيارة العباس گلبي انا مشتاگ
اليوم بعشر تيام يانار الفراگ
وطبع الدمع لوسال بجفوني حراگ
بدون الزيارة ارماد حاسب اسنيني
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
في حب سيد الشهداء عليه السلام
راسي ابيض والسواد الثوبي
بيك مجنون. وتضل محبوبي
★★★★★
يلتلوم اللوم شنهي غايته
ماعرفت حسين انته وفكرته
والمن وليش وعليمن ثورته
العندي والماعندي فدوه الخدمته
هو حب حسين يمحي ذنوبي
★★★★★
لاتلومه من البچي كلمن عمه
وصدره لجل حسين سابح بلدمه
هذا نور العين سلوة فاطمه
اتلونت بلدم عليه أرض وسمه
بهظم لمصابه مشيت ادروبي
★★★★★
بيك مجنون وهله بهذا الجنون
مثل عابس ريت اصير ومثل جون
وكون لجلك درع يبن الزهره اكون
الموت يدلل على روحي ويهون
هو حبك غايتي ومطلوبي
★★★★★
ابدمي اكتب والمدامع مستهل
انته شاغلني يبن خير العمل
فدوه يابوسكينه روحي والاهل
من الصغر مجنونك الحد الاجل
ادموعي لوطال البعد مكتوبي
★★★★★
والسبية الراحت الديرته غرب
عيوني لمصابك مدامعها تصب
ونار حد الموت ضلت بلگلب
احزاني ماتخلص على طول الدرب
ايوب صبري والحزن يعگوبي
الشاعر حسن لعيبي الحريشاوي
دارمي - بحق الأنصار ( انصار الحسين)
أداء : احمد عزيز
كلمات : حسن لعيبي الحريشاوي
حي الله الانصار 1
سيد عماد الحسيني
الساعر حسن لعيبي الحريشاوي
حي الله الانصار
سيد حسن البوحمد الموسوي
الشاعر حسن لعيبي الحريشاوي
في ذكرى اصحاب الامام الحسين
عليه السلام ((وزن المثلث ))
ابطال وكت الموزمه اختارهم رب السمه
للشهيد المظلوم اختارهم هذا اليوم
البذلوا ارواح ودمه اختارهم رب السمه
★★★★★
اختارهم دون البشر رب البريه
ارواح اصفه من الذهب اهل الحميه
براي واحد من اجوا لاجل القضيه
ابعهد مايتغير اليوم المنيه
تعاهدوا كلهم حزم علمنايا ابكل عزم
عابس يسابگ جون للمنايا يردون
والاجر عد فاطمه اختارهم رب السمه
★★★★★
اختارهم دون البشر واحد طبعهم
بالولاء انصاغ وتكون جمعهم
تواصوا على الموت ابو اليمه سمعهم
ما تغير حالهم ثابت وضعهم
قسموا بذاك الضلع بالوفه نفس الطبع
حلفوا ابداحي الباب والجرح والمحراب
ابچفه كلمن صارمه اختارهم رب السمه
★★★★★
شيبهم وي الشباب بهلرزايا
حسين وجه الدين عدهم هو غايه
للفرح ماشين چن مو للمنايا
يبدي درب الخير من هاي النهايه
فده دمهم لوجره لجل عين الطاهره
مايهم كثر الگوم ولاحصل عدهم لوم
سووا الطف ملحمه اختارهم رب السمه
★★★★★
انصار الحسين ومواقفهم حميده
مومجرد حب محبتهم عقيده
طالبوا وعد الله خافوا من وعيده
حسين ميعوفونه هلحسبه بعيده
دموعهم وكت الحرب لجل ابو اليمه تصب
على حسين ينظرون وحده لويبقه شلون
اصحاب كلهم مرحمه اختارهم رب السمه
★★★★★
حسين گال اصحابي مني وانا منهم
اصحابي ماكو اصحاب بالدنيا مثلهم
ايعجب العالم على البلوى صبرهم
جيش واحدهم اذا رايد تعدهم
هناك باچر افتخر بيهم بيوم الحشر
بكلشي ضحوا للدين ذوله انصار حسين
نالوا اجمل خاتمه اختارهم رب السمه
الشاعر حسن لعيبي الحريشاوي
في شجاعة أنصار الامام الحسين عليه السلام
(وزن الدارمي ٣ دگات)
غِيِرَه وشهامه وزود حَيّ الله الانصار
عافوها لجل حسين كل غانمه ودار
★★★★★
حكمه وعقيده وراي دين ومعارف
سجلوا بالتاريخ اشرف مواقف
ما بيهم المرتاع والگلبه خايف
واحدهم على الگوم مثل الجبل صار
★★★★★
لأبن النبي المختار مرخوصه الارواح
محد يهاب السيف لوكثر الرماح
ويفخر الضَحَّه الروح بالحومه لوطاح
وهوه العمر محسوم لوجنه لونار
★★★★★
عن نصرة المظلوم لا مايرجعون
لوبالسيوف اوصال بلطف يصيرون
يتقارن بياجيش بيه عابس وجون
كلمن يريد الموت ماغيره يختار
★★★★★
أصحابي گال حسين ياخير الاصحاب
لاجله بعزم واصرار نذروها الارگاب
صاحوا يماي العين يانسل الاطياب
لآخر نفس وياك متهمنه الاخطار
★★★★★
لآخر نفس وياك يبن الزچيه
مثل الشهد وياك تحله المنيه
درب الشهادة انريد بالغاضريه
وبمنهجك ماشين يانهج الاحرار
الشاعر حسن لعيبي الحريشاوي
الشاعر حسن لعيبي الحريشاوي, [02/02/2013 08:45 م]
( كعديه ) عن مسلم بن عقيل سلام الله عليه
باخلاص وعبوديه صنع ثوره حسينيه
مسلم مبدء ودين ماخذ من الحسين
بهلغيره الولائيه صنع ثوره حسينيه
مسلم المعروف أصله وهلطبايع هاشميه
انفاسه من عطر النبوه الرشف منها المنهجيه
الماخذ من حسين علمه والمبادئ حيدريه
للكوفه قاصدها ابعجل
يطوي الارض حد ماوصل
لوقصر ايكون ابخجل من كلفه بهاي القضيه
هاي الثقه الجانيها للموت يفخر بيها
حلف لوعنده الف روح لبو اليمه فده تروح
سفير وعاقد النيه صنع ثوره حسينيه
عن درايه وعلم سابق حسين مدروس اختياره
دز فقيه الكله تقوى يقود كلشي بكل جداره
عالم بتكليفه عارف لسانه متخونه العباره
حامل تعاليم وقيم
بسم الله من راح اعتصم
بعزمه الصعب فض وانحسم المسلم تلوگ السفاره
بهذا الحال مايقبل الوادم للاسف تنذل
يكلهم دنيا مدوم ماتنصف بشر يوم
بهلخطبه المثاليه صنع ثوره حسينيه
من وصل للكوفه مسلم جمع الكوفه بأهلها
حمل من حسين امانه وكل نواياه وشكلها
من بعد كثر الرسايل تنادي باسم حسين كلها
ابكل سجالات وطرح
كلشي تبين واتضح
بمنطق الحكمه صدح واضع الكلمه بمحلها
يريد الناس ماتندم وذله وجور تتعلم
يكلهم لاتندمون بوضع مؤسف تصيرون
يدرون بمساعيه صنع ثوره حسينيه
جمع الالاف مسلم واطمئن يكتب رساله
يخبر حسين بجمعهم والامر حتما صفاله
بعد ماصله بخشوعه يشكر الباري تعالى
لاچنهم اصحاب الطمع
واهل الظلاله والخدع
ماهمهم الدين انصدع. وترجع ايام الظلاله
من دار الوجه الهم ولاواحد بقه منهم
انقلابات وغدر ليش بيها الوادم تعيش
رغم زمره انتقاميه صنع ثوره حسينيه
روس للشر ماحصدها بالغدر فرصه رفضها
موسجيه وطبع عنده ولاعليه واحد فرضها
غدروا بمسلم وضاگت هلسمه عليه وارضها
فعل الغدر منهم صدر
خافي الحقد تالي ظهر
من اول السابع ظهر الحيدر اترجم بغضها
يريد وبالجفن دمعه يشوف حسين ويودعه
اهل شوفتهم يريد مسلم من بقه اوحيد
بجثه اصبحت مرميه صنع ثوره حسينيه
الشاعر حسن لعيبي الحريشاوي
الشاعر حسن لعيبي الحريشاوي, [11/01/2015 09:36 ص]
عن لسان حال مسلم بن عقيل رضوان الله عليه
منشغل بالي. بالغرب حالي
انتظر رد الكتب قابلوني بالحرب
بالغرب حالي
★★★★★
ليش بين الگوم مابَيَّن اثرها
هلرسايل والكتب شنهي خبرها
بياعذر مقبول حتى أقبل عذرها
الناس مدري الكوفه متغير امرها
الچانوا اعواني صفوا عدواني
الچانوا اعوان وصحب قابلوني بالحرب
بالغرب حالي
★★★★★
التفت ماكو جميع العاهدوني
من بعد ذاك العهد كله انكروني
قلة المعروف عدهم لونسوني
ليش بالنكران والصد واجهوني
ابعهد مرواني وطبع سفياني
صفوا مابيهم محب. قابلوني بالحرب
بالغرب حالي
★★★★★
وينهم آلاف شوصاروا عليه
نقدم الارواح گالولي ضحيه
عَلِيَّّ صاروا حيف ساعات المسيه
خانوا بذاك العهد وين الحميه
لليطلبوني وحدي خلوني
وحدي حاير بالدرب قابلوني بالحرب
بالغرب حالي
★★★★★
للعده وسفه بغدرهم قدموني
لبن مرجانه بديهم سلموني
اسروني بدون رحمه عاملوني
باللعن مثل الخوارج حاسبوني
وتالي منعوني ماي ينطوني
ابحجر وبسوط انضرب قابلوني بالحرب
بالغرب حالي
★★★★★
ماخفت عَلِيَّّ جرالي من غدرهم
خوفي لاباچر ابو اليمه . يمرهم
ما اريده يشوف مثل الشفته منهم
ادعي عن حسين ربي يزيح شرهم
منهو يوصله لايجي يگله
لايجي الكوفه ويطب قابلوني بالحرب
بالغرب حالي
الشاعر حسن لعيبي الحريشاوي
( كعديه ) عن مسلم بن عقيل سلام الله عليه
باخلاص وعبوديه صنع ثوره حسينيه
مسلم مبدء ودين ماخذ من الحسين
بهلغيره الولائيه صنع ثوره حسينيه
مسلم المعروف أصله وهلطبايع هاشميه
انفاسه من عطر النبوه الرشف منها المنهجيه
الماخذ من حسين علمه والمبادئ حيدريه
للكوفه قاصدها ابعجل
يطوي الارض حد ماوصل
لوقصر ايكون ابخجل من كلفه بهاي القضيه
هاي الثقه الجانيها للموت يفخر بيها
حلف لوعنده الف روح لبو اليمه فده تروح
سفير وعاقد النيه صنع ثوره حسينيه
عن درايه وعلم سابق حسين مدروس اختياره
دز فقيه الكله تقوى يقود كلشي بكل جداره
عالم بتكليفه عارف لسانه متخونه العباره
حامل تعاليم وقيم
بسم الله من راح اعتصم
بعزمه الصعب فض وانحسم المسلم تلوگ السفاره
بهذا الحال مايقبل الوادم للاسف تنذل
يكلهم دنيا مدوم ماتنصف بشر يوم
بهلخطبه المثاليه صنع ثوره حسينيه
من وصل للكوفه مسلم جمع الكوفه بأهلها
حمل من حسين امانه وكل نواياه وشكلها
من بعد كثر الرسايل تنادي باسم حسين كلها
ابكل سجالات وطرح
كلشي تبين واتضح
بمنطق الحكمه صدح واضع الكلمه بمحلها
يريد الناس ماتندم وذله وجور تتعلم
يكلهم لاتندمون بوضع مؤسف تصيرون
يدرون بمساعيه صنع ثوره حسينيه
جمع الالاف مسلم واطمئن يكتب رساله
يخبر حسين بجمعهم والامر حتما صفاله
بعد ماصله بخشوعه يشكر الباري تعالى
لاچنهم اصحاب الطمع
واهل الظلاله والخدع
ماهمهم الدين انصدع. وترجع ايام الظلاله
من دار الوجه الهم ولاواحد بقه منهم
انقلابات وغدر ليش بيها الوادم تعيش
رغم زمره انتقاميه صنع ثوره حسينيه
روس للشر ماحصدها بالغدر فرصه رفضها
موسجيه وطبع عنده ولاعليه واحد فرضها
غدروا بمسلم وضاگت هلسمه عليه وارضها
فعل الغدر منهم صدر
خافي الحقد تالي ظهر
من اول السابع ظهر الحيدر اترجم بغضها
يريد وبالجفن دمعه يشوف حسين ويودعه
اهل شوفتهم يريد مسلم من بقه اوحيد
بجثه اصبحت مرميه صنع ثوره حسينيه
الشاعر حسن لعيبي الحريشاوي
ثگيل - بحق مسلم بن عقيل
أداء : احمد عزيز
كلمات : حسن لعيبي الحريشاوي
لاستشهاد مُسْلِمُ بْنُ عَقِيلٍ رَضِيَ اللَّهُ عَنْهُ (ملمع) بَيْن قَوْسَيْن فُصْحَى
(نبكي قَتِيل الكوفه)
(ذو المهجة الروؤفه )
(واَمسلماً وامسلمآه)
★★★★★
منْ الله كَرَامَه وَنِعْمَه
مُسْلِم سَفِيرٌ الرَّحْمَه
خَيْرٌ وَشَرَف لِلْأُمَّه
رَاح . ابصموده وَعَزْمُه
لحسين ناذر دَمه
إصْلَاح . الْجُمُوع ايْهمَه
(أهل الْهَوَى وَالْكُفْرِ )
(تسلحوا بِالْغَدْرِ . )
(وامسلماً وامسلمآه )
★★★★★
رَاح وَتحَمَل غُرْبَه
وَأَيَّام ضيج وَصَعْبَه
يدْرِي بمخاطر دَرْبَه
ميهمه تَالِي الْحَسبَه
وشلون يگضي نَحْبَه
لِلدَّيْن رَاحَةٌ گلبه
(لم يَخْش مِنْهُم حربا)
(لوقطعوه إرَبا . )
(وامسلماً وامسلمآه )
★★★★★
وَصَلَت رَسَايل كَثْرَه
مِن الگوم لَبَن الزَّهْرَه
كلنه نَسِير ابأمره
وكلنه فده للعتره
مُسْلِم گصد يَتحَرَّه
شَاف النوايا الْخَطِرَه
(ما أَخْطَر النوايا )
(كأنها الْمَنَايَا )
(وامسلماً وامسلمآه )
★★★★★
شَاف الخلگ مجْتَمعَه
وبمسعه واحد تسعه
لحَدْ النِّهَايَة اتَّبَعَه
ثاري الخلگ موطبعه
بِالشِّدَّة تَالِي اتخدعه
بِسَيْف الضَّلَال اتگطعه
(خُضَّب بِالدِّمَاء . )
(ملقى عَلَى الْغَبْرَاءِ )
(وامسلماً وامسلمآه )
★★★★★
مِنْ بَعْدِ هاي الشِّدَّه
وآلآف خَانُوا عهْدَه
بالحومه مُسْلِمٌ وَحْدَهُ
يتمنه چان وَقَصْدَه
منهو لحسين يگصده
وَعَن الْمَسِير أيردَّه
(بلوَعةِ الْحَنيْنِ)
(يبكي عَلَى الحُسينِ)
(وامسلماً وامسلمآه )
الشَّاعِر حَسَنٌ الشاعر حسن لعيبي الحريشاوي
في بطولات مسلم بن عقيل عليه السلام (وزن المثلث ثلاث ارباع الشيعتي )
عالم وصابر مجاهد مسلم وعارف جليل
بدر من نور الهواشم غصن من شجرة عقيل
هذا مسلم
من تقدم
مايهاب المستحيل
★★★★★
حسين يدري المسلم اتلوگ السفاره
ويدري مسلم عالم ابمعنى العباره
ونال كل هاي المعارف عن جداره
فكر وايمان ومصاديق وإداره
ارسله حسين ويريده والي للكوفه وسفير
للمهمه الصعبه جاهز لهلامر مسلم جدير
هذا مسلم
من تقدم
مايهاب المستحيل
★★★★★
تعجز الكلمات تعريف ابخصاله
هذا مسلم وفه واخلاص وبساله
گصد للكوفه ووصل يحمل رساله
يهدي هاي الناس من درب الضلاله
وصل لهل الكوفه مسلم ناصح بقول السليم
مثل نهج حسين نهجه عالم ومصلح حكيم
هذا مسلم
من تقدم
مايهاب المستحيل
★★★★★
من مناهل هاشميه واهل نخوه
بالمكارم والتسامح دوم قدوه
من نسل توحيد من معدن نبوه
اسلاحه كلمه والبلاغه سيف قوه
حَيَّر اجيوش الاعادي بالتحدي والثبات
بعد ماوضح الغايه الهم ايريد النجاة
هذا مسلم
من تقدم
مايهاب المستحيل
★★★★★
خانوا اعهود الامس تبعوا الباطل
بالصدود الجافي نكروها الرسايل
تحت رايه مسلم اتسيير الجحافل
انعاف تالي وحده بالحومه يقاتل
العتب سدوا ابوابه حتى لوبيهم يلوم
انباعت ابساع الظماير للطمع گامت تحوم
هذا مسلم
من تقدم
مايهاب المستحيل
★★★★★
عينه مشبوحه تصد لارض المدينه
لبو اليمه من يوَصلَّه الخبر وينه
يگله خانوها العهود اهل الضغينه
خايف على حسين ماواحد يعينه
هاي آخر ساعه بيها صابته اسيوف وسهام
باالاسر مسلم ينادي اعليك يحسين السلام
هذا مسلم
من تقدم
مايهاب المستحيل
الشاعر حسن لعيبي الحريشاوي
قصيدة (گعده ) في حق ام البنين
سلام الله عليها
لاوِلِدها. ولاعمدها. ولاسندها
ضلت بدار الخليه. تنتظر يوم المنيه
ام البنين
★★★★★
ام البنين الصبر منها. جفن يتفاخر ابعينه
نذرت الحيدر زمنها. دوم بالشده تعينه
رغم لوعتها وحزنها. شالت احزانه اوونينه
دره ثمينه. تكَوَّنَت
وبچف امينه. ترعرعت
طيبه وحنينه شگد وفت. شگد وفت هاي الحنينه
رحل عنها. الچان الها. كل املها
بعد حماي الحميه. تنتظر يوم المنيه
ام البنين
★★★★★
ماسمح لحضه دهرها. حسين من انوه رحيله
اتروح وتحضر امرها. من ضعف حال وعليله
التزمت الحره بصبرها. الرحله ضنت مو طويله
رحله گصيره. تصَوَّرَت
ياحيف بالحيره. اصبحت
اضعون ياديره صفت. . بيابلد وبياقبيله
مشوا عنها. وزاد ونها. شگد حزنها
والعمر مابيه بقيه. تنتظر يوم المنيه
ام البنين
★★★★★
تنادي كل صبح ومسيه. ام البنين وعدها شكوه
وين يانور الزچيه. وناظري. وللعين سلوه
سوه افراگك. والمنيه. يبني والله الفرگه بلوه
عمري بحزن. ياهو إلي
لجلك أون. ياكل هلي
درجع يبن. حيدر علي. اغيابك ابحالتي أَسوَّه
هلحنينه. شگد حزينه. بالمدينه
غاب عنها ابن الزچيه. تنتظر يوم المنيه
ام البنين
★★★★★
بلوعه تكتل حس گلبها. والخلگ ضاگ وتكَدَّر
اخبارهم شنهو الحجبها. والزمن لونه تغَيَّر
خاف لاشَدَّت حَرْبْهَا. الدنيا دوم الدنيا تفتر
بلگلب نار. ومنفجع
من زمن غدار. الطبع
وعليهم اندار. الجمع هناك يمهم كون حيدر
يازمنهم. من اخذهم. مايردهم
ولَمَّه ماترجع زهيه. تنتظر يوم المنيه
ام البنين
★★★★★
تنتحب طول الليالي. من لفه الناعي ونعاهم
گلَّها ماظل بعد غالي. الموت كل اهلچ خذاهم
من الرجال الضعن خالي بس عليل الاجه وياهم
كلشي وضح. من الخبر
حسين انذبح. من النحر
وبالدم سبح. نور الگمر. من العذب محد سگاهم
شگد هظمها. شگد ألمها. وليل همها
بعد جرح الغاضريه. تنتظر يوم المنيه
ام البنين
الشاعر حسن لعيبي الحريشاوي