1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
في رثاء الامام الحسين عليه السلام
ياهو للمدينه ايروح يگصدها
يخبر آل هاشم راح سيدها
وين اهل البواتر ساكته شعدها
كون اسيوف علظالم تجردها
وترد العساكر كون عد حدها
زينب بالحرم محتاره وَحدَّها
وعليل اعظاه حيل المرض مَرَّدَها
وچم طفله المدامع أثر بخدها
يتيمه بلاابو وحَمَّاي ماعدها
ام عون أتوجهَّت بالهم لأرض جدها
ياجدي العِدَه نالت مگاصدها
نيران الحزن ياهو اليبردها
سبايا والهِزِل جبرونه نصعدها
ولاضِل وخرابه النگعد ابسِدِها
وتناشد كل يتيمه اتريد والدها
تره اهواي المصايب كون اعددها
الترايب سبطك الغالي توسدها
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
يناعي أهل المدينة
أداء سيد حسن البوحمد الموسوي
الشاعر حسن لعيبي الحريشاوي
https://youtu.be/LSXPjsXzKY8?si=pfhMDwkRi0BMkl5P
==========================
ابوذيات لاستشهاد الإمام السجاد (ع) الشاعر حسن لعيبي الحريشاوي أداء الرادود الحسيني سلمان المغلق
لاستشهاد الإمام علي بن الحسين زين العابدين عليه السلام
أيعينك الله على الحزن مولانه
★★★★★
شلون يا ابو الباقر ايامك گضت
نار بيك على المصاب اتوجرت
اعيون چوَّاها الدمع. ماغمضت
يوم عمتك بلطفوف اتيَّسرت
ياوكت كافر تطب ديوانه
أيعينك الله على الحزن مولانا
★★★★★
آه يحسين ومصابه ولوعته
وشوغته وناره وعذابه وغربته
هذا كل الظيم روحك شافته
علوطيه حسين لمن عافته
ورضْتَّه بالخيل اسف عدوانه
أيعينك الله على الحزن مولانا
★★★★★
شلون حالك من شفت ام الخدر
بالحرم حارت تريدلهن. ستر
علحرم غارت تره جيوش الغدر
من يزيد تريد عدوانك. أجر
والمخيَّم طيَّحوا عمدانه
أيعينك الله على الحزن مولانا
★★★★★
لآخر أيامك عليل اتلوعت
من عذاب الطف الف لوعه شفت
گبل ابوك حسين لو مَيِّت ردت
ولاصرت للنايبه مهبط صرت
وحيلك العاشر يهدم أركانه
أيعينك الله على الحزن مولانا
★★★★★
عاصفه الظلمه وتِلَّگاها الحزن
وصارت الدمعه حلف وي الجفن
بآخر انفاسك على الراحوا تحن
وابنك الباقر على افراگك يون
شاف روحك بالقهر خلصانه
أيعينك الله على الحزن مولانا
الشاعر حسن لعيبي الحريشاوي
نعي للعقيلة زينب سلام الله عليها
طاحوا هلچ كلهم ذبح بالحومة
مهظومة من بعد الاهل مهظومه
بياكتر روحج ماصفت ملچومه
هاشم هوت فوگ التراب نجومه
وحسين ذابت علصعيد ارسومه
امخضب بدمه مسلبّات هدومه
وعباس جثته على النهر مهشومه
من الماي روحه ماروت محرومه
چاوين چانت كربله مظمومه
والطف عذاب وماتسر اعلومه
راحوا هلج يازينب المظلومه
الشاعر حسن لعيبي الحريشاوي
تصلح نعي اونزله تعاد بعد كل شطر ويلي على السجاد ماصار وجره
ويلي على السجاد ماصار وجره
من كربله للموت ناره أموجره
من كربله للموت روحه أمكدره
من شاف ابوه الگوم گطعوا منحره
بسيوف غيظ وحقد هامه أمطبره
وماسلم من گطع الخناجر خنصره
ابدور الهواشم نور طاحت علثره
وجسومهم فوگ التراب أموذره
ويم الشريعه الگمر بيه محد دره
بدوس الحوافر إله ظلوع امكسره
لضعونه السجاد يسچب ناظره
نهبوا احمول آل الزچيه الطاهره
صارت الدنيا أعليه ظلمه ومغبره
من شاف عمته ام عون تمشي ميسره
ذيچ العزيزه الكل عمرها أمخدره
بالسم غده السجاد روحه امرمره
من الباري ماإلهم بعد كل مغفره
خصم العده المختار يوم الاخره
الشاعر حسن لعيبي الحريشاوي
ابوذيات عن الامام السجاد عليه السلام
عليل ونايبات الهم تحله
عليل وبالصبر گلبه تحله
يمگيود بحبل يصعب تحله
بحبل مچتوف تمشي على الوطيه
ذبيح على الثره منسوب لادم
لاجسم البقه على الگاع لادم
يريت العمر بعد حسين لادم
العليل ينادي يوم الغاضريه
عجب تفتر يكون الخلگ جاري
ودم حسين فوگ الأرض جاري
العليل يگول صار النوح جاري
وأبوي بعيد بأرض الغاضريه
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
اليوم ياشيعه الضلوع اتوجرن موشح
ملا سعد ابوعبدالله الاماره
الشاعر حسن لعيبي الحريشاوي
ميمر لاستشهاد الامام السجاد عليه السلام
ملا سعد ابوعبدالله الاماره
الشاعر حسن لعيبي الحريشاوي
في مدح الامام زين العابدين عليه السلام
هذا الي تعرف الگاع ممشاه
عظيم الشان عند الباري مولاه
هذا الي يعرفه الحرم والبيت
علي السجاد رب الكون علَّاه
هذا البلعلم والدين معروف
وبطيب وكرم للناس ملگاه
هذا ابن النجابه ونسل عدنان
من بيت الشرف والصيت والجاه
هذا ابن الصميده علي الكرار
الناس الدوم كلها اتلوذ بحماه
هذا ابن الصنع للناس ثورات
وخله الطاغي حيره اتصير دنياه
هذا الهز يزيد بمجلس الشام
ذليل الراي بين الناس خَلَّاه
هذا الحمل زاده ابهدوة الليل
على دار اليتيم ابليل مسعاه
هذا الماينام وبشر محتاج
ماتدري يساره شتنطي يمناه
علي السجاد هذا الحَيِّر اعقول
ياچلمة وصف توصل المعناه
الشاعر حسن لعيبي الحريشاوي
ثلاث دكات - بحق العباس
أداء : احمد عزيز
كلمات: حسن لعيبي الحريشاوي
لاستشهاد الامام علي بن الحسين زين العابدين عليه السلام
الرادود سيد حسن البو حمد الموسوي
الشاعر حسن لعيبي الحريشاوي
لاستشهاد الامام علي بن الحسين السجاد عليه السلام (وزن الهجري ) على طور اشرب الماء ياحيدر لباسم الكربلائي
عظم الله يشيعي. اجرك بهذا المصاب
من گضه السجاد نحبه. بلوعة السم گلبه ذاب
★★★★★
انعزي مولانا الْمُفَدَّى المنتظر نور الزمان
ابفجايع دنيا سوده. ابد مابيها امان
من گضه السجاد نحبه. وگصد روضات الجنان
علعليل ينوح گلبه. ولاكتر من جرحه طاب
★★★★★
انعزي العالم ابأسره. وكل مراجعنا العظام
راح نور المجد عنه. وقدوة اصحاب السلام
اعليه محزونه الصحيفه. وتنزف حروف الكلام
تنوح إله يثرب ومكه. وموحش بفگده الكتاب
★★★★★
انعزي بمصابه اليتامه. واليحط يم بابه زاد
والگصد يم بابه سائل مالگه. زين العباد
راح سيدها المدينه. وحالها اتوشح سواد
من بعد انوار خمسه. نور سادس عنها غاب
★★★★★
انفجعت الگاع وسماها والفلك اصبح حزين
غاب سيدها المدينه. وارث اسرار الحسين
غاب نور العلم عنها. رحل زين العابدين
الشاف من الطف مآسي. غربه وهموم وعذاب
★★★★★
راح مصباح الهداية وللهدى أكرم سبيل
لوعة الطف ابمهجته. حزن حد يوم الرحيل
يذكر ايام المصيبه. وحالته بلطف عليل
ابدور من الاهل جُمْلَه اتوذروا فوگ التراب
الشاعر حسن لعيبي الحريشاوي
لاستشهاد الامام علي بن الحسين السجاد عليه السلام
اداء ولحن سيد حسن البوحمد الموسوي
الشاعر حسن لعيبي الحريشاوي
ناعي المدينه ( تجليبه )
يناعي اهل المدينه كون گاصدهم
عن حال الهواشم روح خَبرَّهُم
ابدور بكربلا راحوا ذبح كلهم
★★★★★
تعنه للمدينه. وراح ابن حذلم
مدرار الدمع علوَجْنَه مثل الدم
شملهم راح گلهم مابعد يلتم
جبت اخبار منها اجبال تتهدم
ماظل بس عليل من الزلم عدهم
★★★★★
يهل يثرب ينادي منهو يسمعني
وصيه من علي السجاد بلغني
انهد ركن العليه اصل العمل مبني
راح الگال عنه المصطفى مني
راح حسين راح الچان سلوتهم
★★★★★
يهل يثرب بني هاشم گضت كلها
التحق بالموت اخرها على اولها
ماتدرون زينب طاح كافلها
وتلم اعيال تبچي العطش كاتلها
نصيب النار تالي اصبح مخيمهم
★★★★★
بهل البيت هاي الوادم أسَوَّت
يهل يثرب بلاوالي الحرم ظلت
بقه بس العليل بلوعة يتلفت
عطشان وغريب وناس تشمت
هلعدوان شاف شگد هظم منهم
★★★★★
أبهم ونوح ردوا للمدينه اردود
لاكو حسين لاراعي العلم موجود
ياهلناس ناموا علتراب أحيود
و السجاد حيله من المرض مهدود
احيود البلثره طَوَّلَت نومتهم
الشاعر حسن لعيبي الحريشاوي
https://youtu.be/mvUowP72MUU?si=rQ_-fpsKPHOEI1xU
==========================
يلرايد تعرف مضمونه كلمات الشاعر حسن لعيبي الحريشاوي أداء الرادود الحسيني سلمان المغلق ٢٤/محرم/١٤٤٧
الامام السجاد عليه السلام يخاطب
ابن حذلم رسوله الى المدينه
عَجَّل للمدينه واخذ الاخبار
يبن حذلم وسولف علجره وصار
خل اخبارنه توصل لكل دار
وجار يصير بيها يسولف الجار
ابوي برمل جسمه والرمل حار
من كتر الكتر بالراس يندار
بقينه بلا اهل لاضلت انصار
والحادي بضعنه للغرب سار
گلهم بس عليل الجسم محتار
بعتبه الگوم چن تطلب الكرار
يطلبون وخذوا من حيدر الثار
الشاعر حسن لعيبي الحريشاوي
ياذنب سووته (وزن المثلث ثلاث ارباع الشيعتي )
الهظم شافته دمع زينب يهل
ياذنب سَؤَّته تركب على الهزل
★★★★★
تركب على الهزل مهظومه وسبيه
وموحشه على ام عون اجتها المغربيه
الشمس غابت لفن ساعات المسيه
اتعذبت زينب مثل امها الزچيه
والوكت عرفته من يدور ويزل
ياذنب سَؤَّته تركب على الهزل
★★★★★
ياذنب سَؤَّته وخلوها ابخرابه
الثريا اتوسدت تالي الترابه
مايلوگ الحال لرباة النجابه
ومايناسب هلوضع بنت المهابه
بالهظم عاشته وضع ماينحمل
ياذنب سَؤَّته تركب على الهزل
★★★★★
أبد مو الها الهظم بنت الزچيه
الماخيال الها طلع بين البريه
ولا عذاب الشام بعد الغاضريه
أتلاگه حزن الصبح وي حزن المسيه
والدرب گضته امگيده بالحبل
ياذنب سَؤَّته تركب على الهزل
★★★★★
شلون حال البلچتل يرحون اهلها
وتالي يم الشامت أينَوَّخ نزلها
گاصد المذلول يشتمها ويذلها
وَعَرَّفَت للناس عن أصله وأصلها
من حچت ذلته الماله اصل وفصل
ياذنب سَؤَّته تركب على الهزل
★★★★★
ياوكت ام الخدر تمشي أسيره
وبيها يفترون من ديره على ديره
وين هاشم تنهض ارجال العشيره
بالضغن ام الخدر ضلت ابحيره
والاخو نادته وين يابوالفضل
ياذنب سَؤَّته تركب على الهزل
الشاعر حسن لعيبي الحريشاوي
لاستشهاد الإمام علي بن الحسين
زين العابدين عليه السلام (وزن تجليبه )
الصحيفه تنوح كل صفحه بجمر تلهب
وعطايا السر نحيب الفاگده تنحب
من الطف بلگلب جمره
راح ولوعته بصدره
الصحيفه اتنوح
★★★★★
مثل يعگوب مابطل ابد نوحه
ظلت للعذاب وللحزن روحه
علطاح وشمر چملهن اجروحه
وجثه على التراب صبحت مطروحه
ومن شاف الارض حمره
راح ولوعته بصدره
الصحيفه اتنوح
★★★★★
هذا ابن الشهيد الماضعف عزمه
البرهن مايفوز السيف علكلمه
ولا علنور تفخر لَمَّت الظلمه
مناجاته اعتراض وعسكره الحكمه
لكن بالگلب عبره
راح ولوعته بصدره
الصحيفه اتنوح
★★★★★
وجه الدين غَيَّم والعلم مهموم
مطالبها لگت من دورت هلگوم
گضه السجاد نحبه للاسف مسموم
يوم على الهواشم ماكو مثله اليوم
يوم الطف كسر ظهره
راح ولوعته بصدره
الصحيفه اتنوح
★★★★★
خاب المايعرفه وقاصد يجهله
من ياگوم ينشد بالعرب اهله
ابن الماحصل بين البشر مثله
من روح الزچيه ومن علي اصله
المظلوم انتهه عمره
راح ولوعته بصدره
الصحيفه اتنوح
★★★★★
المدينه تعرفه ومكه ومشاهدها
الصفا ومروه تجاوب لوتناشدها
حاديها المعارف هو قائدها
زين العابدين ويبقه سيدها
عرفها الوادم تغدره
راح ولوعته بصدره
الصحيفه اتنوح
★★★★★
سعه أبشره الوليد وجهز اعوانه
غميج احقاد تكشف غدر وجدانه
نكر جود الامام وعطفه وحسانه
وحن الجاهليته ومعبد اوثانه
بالسم عالجوا امره
راح ولوعته بصدره
الصحيفه اتنوح
الشاعر حسن لعيبي الحريشاوي
لاستشهاد الامام علي بن الحسين السجاد عليه السلام (ميمر )
شماكثر هظم الايام ثابت علي بمنهاجه
★★★★★
شمايمر طاري كربله ولوعتها
ووجوه تربان الأرض غطتها
وجسوم خيل اهل الغدر داستها
زاد بثباته الايمان. صوب المجد معراجه
★★★★★
واجه علي السجاد أكبر هجمه
من گوم ماعدهم ظمير ورحمه
قابلهم بفكره. ودعائه وعزمه
أحرج سلاطين الجور. وكلمن يريد احراجه
★★★★★
واجه علي السجاد أصعب محنه
احباب وأهل للموت راحوا عنه
شمل الاهل حماي ماضل منه
راحوا أطايب عدنان. أبدور السمه الوهاجَّه
★★★★★
يالوعه ينسه اوصافها معروفه
من الشام لومن كربله والكوفه
النكروا فضل جده النبي ومعروفه
بحر العلم والايمان. زاح الجهل بامواجه
★★★★★
وين الوليد الظالم وسلطانه
مافادت اقصوره وكثر اعوانه
هذا علي السجاد عالي شانه
لهاي الخلگ مايحتاج. وكل الخلگ تحتاجه
الشاعر حسن لعيبي الحريشاوي
ابوذيات لاستشهاد الإمام السجاد عليه السلام
من مثلك اله النكبات خوان
وحيد وما الك بالضعن خوان
يبو الباقر تعرفه الوكت خوان
أخد كل الاهل بالغاضريه
سهام الزمن گصدنك ولاحن
وگلبه منكسر لجلك ولاحن
يبو الباقر نود يومك ولاحن
فجع اهل السمه واهل الوطيه
الشاعر حسن لعيبي الحريشاوي
لاستشهاد الامام علي بن الحسين عليه السلام
٣ دگات
ملا سعد ابوعبدالله الاماره
الشاعر حسن لعيبي الحريشاوي
لاستشهاد الامام السجاد عليه السلام (موشح)
هذا ابوالباقر بدُورَه وسيرته
استمد من حسين عزمه وثورته
★★★★★
يعينه رب الكون مولانا ارتجه
عرف اهل الشام مابيهم رجه
بعزم دافع على الدين ومنهجه
وقِلَب راي العام كله بخطبته
★★★★★
رغم ثگل الجامعه وموقف عسير
ابو الباقر چان قائد مو أسير
خله حال أعداه بالحال الخطير
زعزع بقوله يزيد ودولته
★★★★★
علي الثاني لوتناشد عن علي
شامخ بقول البليغ ومعتلي
احتار خصمه وصار بأمره مبتلي
ضل يزيد بعجب زادت حيرته
★★★★★
بالمهمه بعد ابو اليمه نهض
لكل شروط الباطل الباغي رفض
خاب منهجهم عليه من اعترض
وبصميم الحال چانت ضربته
★★★★★
لاتقيه حچه ولاخاف احتمال
بالدعاء وبالسياسة وبالمقال
شلون يضعف مصدر القوه محال
والشهاده دوم چانت غايته
الشاعر حسن لعيبي الحريشاوي
ذل اليردون يذلونه
ملا سعد ابوعبدالله الاماره
الشاعر حسن لعيبي الحريشاوي
شنهي ذنب حسين روح المصطفى
ملا عباس العبادي
الشاعر حسن لعيبي الحريشاوي
لاستشهاد الامام السجاد عليه السلام
يامناجاة الصحيفه حروف من نور الجنان
نوحي علچان بدعاءه تنملي الدنيا امان
على الصابر بالمحن يبچي لغيابه الزمن
★★★★★
فارس الكلمه البليغة للعلم چانت نداء
بارز گلوب الضلاله جيوش صبره من السماء
وبهمس صوت القياده هزم كل الادعياء
مابقت للشر بقيه لودعه يمسهم بلاء
هذا ابوحمزه الثمالي عَلَّمَه سحر البيان
للعرش يوصل دعاءه وعلارض يرجع امان
الشوفته جنة عدن يبچي لغيابه الزمن
★★★★★
اعلن السجاد حربه واعتزم حرب الطغاة
ماترك الهم وسيله ولامنافذ امنيات
صورة حسين بكيانه المارووه من الفرات
ذلهم بقوله ودعاءه ذوله اعداء الحياة
أسهام سددها بدعاءه اليرفض اهداف الضلال
املاك للباري تحضره عن يمين وعن شمال
هزم صبره اهل الفتن يبچي لغيابه الزمن
★★★★★
شطب قانون الضلاله مثل ابوه بكربلاء
بيده خط اعظم رساله للحقوق وللوفاء
بنى مثل حسين ثوره وجان مركزها الدعاء
ومثل صبره على الرزايا من يحل وكت البلاء
هيبته خافوا اثرها من دنه الكعبة يطوف
تنحني الدنيا بوجوده وتنفرج عنه الالوف
الجده هدم كل وثن يبچي لغيابه الزمن
★★★★★
يبچي محرابه وصلاته والزمن اعلن حداد
وناح کلمن عرف تالي أگبال بيته يحطله زاد
ابسواد الليل يفتر بالكرم زين العباد
السمه تعزي ارضها انصبغت بلون السواد
هذا ابن مكه الشريفه وأبن زمزم والحطيم
هذا ابن ليث المدينه والصراط المستقيم
يوم لفوه ابچفن يبچي لغيابه الزمن
★★★★★
ناحت عليه الصحيفه الي كتبها بالدموع
ناجى ربه علجراله وانحنت منه الظلو ع
اجتمعوا اصحاب السقيفه التمت اشرار الجموع
خططوا بالسم نهايه للسجود وللركوع
ياامان اهل المدينه ضيعوا حيف الامان
باعوا الخير الاجاهم واشتروا ذل الهوان
وإلي مسموم اندفن يبچي لغيابه الزمن
الشاعر حسن لعيبي الحريشاوي
موشح - بحق الحسين
أداء : احمد عزيز
كلمات: حسن لعيبي الحريشاوي