محرم نزال
عباس خيال الشگر والكفل خيماته
تبرد وتندار الشمس لو دوت ريشاته
سبحان نوره وهيبته ورايته ونضراته
زلزله وتنزل عالحرب ياعضم صطراته
سبحانه ... الفحل شيخ المرجله
عنوانه ... ساقي خيمت كربله
يبوفاضل يبوفاضل
،،،،،،،،،،،،،،،،،،،،،،،،،،،،،،،،،،،
عباس رب المرجله الماعاف ميدانه
بلا ركض خلاها الزلم بالحرب فحطانه
الگابل الكافل والشرد ينگطع شريانه
عزب بروحه الخيمته وبالجود وخوانه
جراها ... وطلع يردمهم ردم
خلاها ... الخيل تسحگ بالزلم
يبوفاضل يبوفاضل
،،،،،،،،،،،،،،،،،،،،،،،،،،،،،،،،،،،
هاشمي وعنوانه الوفه ومابرد بالحومه
والنوه ايلاگي بالحرب ينگطع زردومه
من طلع خلاها الزلم بالموت مصدومه
ريشات عباس الفحل بالخيم ملزومه
سوها ... الشهم برزخ من فزع
ذروها ... وطلع يردم من طلع
يبوفاضل يبوفاضل
،،،،،،،،،،،،،،،،،،،،،،،،،،،،،،،،،،،
هلهلت زينب ونتخت ياشهم طب ليها
هوس وخليها العرب ينعرف ماضيها
والنوت توصل للخيم تنگطع رجليها
عباس ضلمه بلا نفس عالزلم خليها
يدرونك ... فحل ماتنطي الضهر
وعيونك ... حرز جربه اعله النهر
يبوفاضل يبوفاضل
،،،،،،،،،،،،،،،،،،،،،،،،،،،،،،،،،،،
ينحسب ياناس ابألف عباس تعداده
لليوم بالكافل بقت تتفاخر الساده
يشبه القالع خيبره العباس بعناده
لو سجد تنزله السمه وتنفرش سجاده
العيونه ... الشمس تتمايل خجل
بمتونه ... خيم والشاطي انحمل
يبوفاضل يبوفاضل
ابوفايز الرافضي
/channel/aabas78
قصائد لكل ايام محرم اشترك بالقناة
العباس عليه السلام
لا تعتذر حامي الخدر. اسمك يراعي الغيره
يابالفضل. لا ما تذل اختك تظل اميره
يعباس يالوفيت اويايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما قصّرت بعيونك امخليني
منّ المدينة لكربله امباريني
جان العهد ما بينك ومابيني
لآخر نفس يابالفضل تحميني
هذا الحصل بالطف ينور سنيني
بگطع الچفوف بكربله توافيني
نعم الاخو. والله وكفو. كافل خدر خواتك
بيك افتخر. سور وستر. ياخويه من صفاتك
يعباس. يالجمالك آيه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وارث علي يمرجّف الخيّاله
حد الخيم محّد كدر يدناله
سيفك مثل يوم الحشر وهواله
هز عسكر يزيد وعبر زلزاله
يحصد رگاب اهل الكفر بفعاله
موت الزلم يالخزرتك چتاله
يوم الحرب اسمك رعب ما يثبت اليسمعه
نار وغضب. تكطع رگب. اكبر عدو تصرعه
يعباس. مو قليل هوايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن رحت والراية فوك امتونك
لماي النهر ما كدروا يمنعونك
كلّ آل اميه شردوا يهابونك
يابالفضل ما ترحم ايعرفونك
وجه لوجه ما كدروا يلاگونك
غير الغدر ما عدهم يصدونك
لوله الغدر. ما ظل شمر. يم النهر تفنيهم
ما تنثني. ولا تنحني نازل غضب عليهم
يعباس. ما خلفت حچايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب أنه وكافلني انت بزودك
ما مسنه ضيم ولا ضمه بوجودك
ما نعطش ونروه بفضل مجهودك
حدما طحت نشرب عذب من جودك
اعرف غدر كطعوا يخويه زنودك
عالمشرعه بالدم وفيت عهودك
تارك اثـر. يم النهـر. عهد اختك الوفيته
انتي الوفي. وبيك اكتفي. غيرك فلا نخيته
يعباس. حققتها الغايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن طحت عالمشرعه وطاح الواك
للمشرعه حسين الغريب اتعنّاك
خويه انكسر ظهري ابمصابك ناداك
تمدد على جرف النهر خويه وياك
انت الطلبت عله النهر تبقى هناك
ما قصّرت يابالفضل ما ننساك
مهما حصل. كافل تظل. ميت عدل كفيلي
مثلك ابد ما صح سند. نعم الاخو وخليلي
يعباس. هاشميتك هايه
يعباس. فزعتك بالرايه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مسامحتك آني باليصير علية
زينب أنه وما انكسر علوية
لا ما اذل والراضية المرضية
تعرف مقامي والشموخ البية
صح عالهزل متچتّفه ومسبية
ابقى الاميره بكل زمن محمية
رغم السبي. بنت النبي. يكفيني راسي عالي
لبوة علي موقف الي ما ينمحي يغالي
يعباس. مثلك امربايه
يعباس. فزعتك بالرايه
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/aabas78
قصائد لكل ايام محرم اشترك بالقناة
العباس ع
موشح
يال هاشم خاف ماعدكم خبر
طاح كافل زينب بشاطي النهر
ـــــــــــــــــــــــــــــــــــــــــــ
حس كلبها الحره والمدمع جره
يــمـكن العباس گـــطعوا منحره
اشلون بيه إبلا أخــو واني مـــره
وللخـــيم يـدّنّـــه يا نـاس الخطر
ـــــــــــــــــــــــــــــــــــــــــــ
طــايــح الكفال مگطوع الـزنــود
وانتظر هلبت ابو الغيره يـــعــود
وعالنهر مــادري ملتمه الحشود
اوما دريت الگــمر وافــاه القــدر
ـــــــــــــــــــــــــــــــــــــــــــ
اشلـــون اوصــله وسحگنه الدرب
رايده اشرحله تره الموقف صعب
لا تــضــل عــباس نــايـم عــالترب
ورد گله حسين مكسور الظـــهر
ـــــــــــــــــــــــــــــــــــــــــــ
وينكــم يشــبول هــاشم باليصير
ابين غربه الحرمـه ياوادم تـــحيـر
واني عنـدي أيتام ما ادري المصير
وين ننطي اوجوهنه والدنــيا شــر
ـــــــــــــــــــــــــــــــــــــــــــ
ويــــن اروحن والايتام بكــل كتـــر
وگمنه من الخوف نسحگ عالجمر
اخـــلاف وجــهك ما اريــدنه العـمر
هـــاي دنـيا اومانصف بــينه الــدهر
ــــــــــــــــــــــــــــــــ
الشاعر خالد جودي العارضي
/channel/aabas78
قصائد لكل ايام محرم اشترك بالقناة
المستهل //
* الهـسه خـجـلان النهــر .. او كـصـتــه امـنـدايـه
* لأن عـطـشــان الكـمـر .. او مـا شـرب مـن مايــه
* كـال ابـن فارس مضـر * تـبقـه شاهــد يانهــر
* او مـا شــرب مـن مـايــه
1 - ـــــــــــــــــــ+ـــــــــــــــــــــــ+ـــــــــــــــــــــــ
مــر عـلى التاريــخ وابحــث .. عـن مـواقــف كربلـــه
تلكــه جــم موقـف عظيــم .. اهنـــاك كلهــا امسجـلـــه
وبسـجــل بـــدر الهـــواشــم .. تـقــره أروع مـسـألــه
ضامي بس مــا قبــل يشرب .. كــبل ابـن عقــد الولــه
* اهـنـاك شــاطي العـلكـمي * سمـع منـه احجايــه
* أشرب او ضامي السبط .. اشلـون ترهــم هـايه
* لا وحــق سيـد البشـر * تـبقـه شاهــد يانهــر
* او مـاشــرب مــن مايـــه
2 - ـــــــــــــــــــ+ـــــــــــــــــــــــ+ـــــــــــــــــــــــ
تـدري بيــش ابـن الصميــده .. نـال هـــاي المـنـزلـــه
عـنـده ايثــار او تفــاني .. او عـنـده ديـن او مـرجـلــه
ويـن تلـكــه اخــلاق فـارس .. عـلى هــاي الشــاكـلـــه
بالحـرب عـنـده استـطاعـه .. الجـيش وحـده ايقـاتـلــه
* فــرق اجيــوش آل أميــه .. فـــوك المسنـايـــه
* او راح رغـمـا عالأعادي .. بيـده دك الرايــه
جـيش ابن هـنـد انكـسر * تبقـه شاهـد يـانهــر
• او مـاشــرب مـن مايــه
3 - هــذا ابن حامـي دخيلــه .. او بـالحـروب امعـاصــره
اتـدوره تلكـاه ابكـلبهـا -- يـوم تحـمـه الزمـجــــره
ورث مـن حـيـدر صفـاتـه .. او أمـه جــانـت مفخــره
وصـتـه ايقــــــدم اخــوتــــه .. دون ابــن الطـاهــــره
* اتكـلــه يبـن أم البنيـــن .. أدري بيـك اكـفايــه
*عالفرات اجـفـوف اديـك .. يبني دكـهن ثـايــه
* واكـتب ابـدم النحـــر* تـبقـه شاهـد يانهـــر
* او مــاشـــرب مـــن مايـــه
ـــــــــــــــــــ+ـــــــــــــــــــــــ+ـــــــــــــــــــــــ
4 - مـن وصـل ساقـي العـطاشه .. والشريعـه امحاصــره
صــاح خـيــال المنـايــا .. ابجـيـش أميـــه او حـــذره
مــا يضــل حسيــن ضامي .. اوآنــه سبــع الكـنطــره
ماكــو غيـر أتـرس جهـنـــم .. بـالجـمــوع الغـــادره
* غــدت مـن دم النواصـب .. رايتــه امحـنـايــه
* رايه بالطـف استلـمها .. مـن علـي امسمايــه
* راية احـــزام الظهــر * تـبقـه شاهـــد يانهـــر
او مــاشــرب مــن مايـــه
ـــــــــــــــــــ+ـــــــــــــــــــــــ+ـــــــــــــــــــــــ
5 - مـن طلــع بيــن المخيــم .. سمــع زيـنـب بـت عـلــي
اتكـله تـانيـني أرد اودعـك .. لحـظــه يـا بيــرغ هـلــي
صعـبـه بالطــف انتـفـارك .. وانتــه كـافـــل محـمـلــي
او تــدري ساعــات الشدايــد .. بيـك جـانـت تـنجـلــي
* بعـدك المن أشـكي هـمي .. لـو رحـت شـجـايـه
* صعبه ناس اتشوف طولي .. والشمـاته اهـوايـه
* كلهـــا بس ودي خبـــر* تبقـــه شاهـــد يانهــر
* او ماشـــرب مــن مـايــــه
خـادم أهل البيت عليهم السلام
// أبو حيدر المجراوي
محرم الحــــرام 1447 هـ / 2025 م
/channel/aabas78
قصائد لكل ايام محرم اشترك بالقناة
6.. محرم الحرام
( نزله حماسيه)
هلا بنصارك هلا
نزلو الطف كربله
حي الله الأنصار حي الله الأنصار
ـــــــــــــــــــــــــــــــــــــــــــــــــــــ
نزلو السوح المنايه وطـبو بغيره وعـزم
ورتبك جيش ال اميه ورتبك كلب الزلم
ناده وبصوته المنادي هـلا بيـهم والنـعم
نفدي الحسين بعمرنه والـعزم شد العزم
صوت الامزامط عله
نــزلـو الطــف كربـله
حي الله الأنصار حي الله الأنصار
ـــــــــــــــــــــــــــــــــــــــــــــــــــــ
صوت المزامط تعالى ونحبس حتى الهوه
البسو ادروع الحرايب طبو السوح الوغى
وكام أبن ظاهر ينادي سهله صارت نيـنوى
عمره تسعـين يتبـختر بيده من هـز الـوى
والغـضب بيهم حله
نــزلـو الطــف كربـله
حي الله الأنصار حي الله الأنصار
ــــــــــــــــــــــــــــــــــــــــــــــــــــ
نزلو أنصار الحسين وبالعده بأن الرعب
ونكسر جيش الطغات ومابقى ليهم كلب
ورتفع صوت الوفايه وينه وينه الي يطب
مالت الحومه بزلمها ونكطع حتى الدرب
بالـعمـر ونوافي أله
نــزلـو الطــف كربـله
حي الله الأنصار حي الله الأنصار
ــــــــــــــــــــــــــــــــــــــــــــــــــــ
نـادو بـسوح المـعاره لا تـشـك أم الخـدر
والله ننطيها الركاب وفدوه يفداها العمر
وينه وينه الراد يوصل والخيامج خل يمر
مدالله وتبقى بدلاال كلنه صحنه بهل الأمر
الحـره تبـقى مـدالله
نــزلـو الطــف كربـله
حي الله الأنصار حي الله الأنصار
ـــــــــــــــــــــــــــــــــــــــــــــــــــ
هوسو ناده أبن ظاهر احنه أنصار ونظل
تحزم وشد العمامه وشــحلاته من حـمل
لن برير يصيح بيهم هسه قد حان الأجل
عابس بمحبته وهيامه عقله بجنون اكتمل
والــعشـك قـد رتله
نــزلـو الطـف كربـله
حي الله الأنصار حي الله الأنصار
ـــــــــــــــــــــــــــــــــــــــــــــــــــــ
مرتضى مكطوف الموالي
/channel/aabas78
قصائد لكل ايام محرم اشترك بالقناة
بسمه تعالى
مــوشــح //
*عــافـــت اضعــــــون الرسالـــه اديــــارها
* كـاصـــده الطـــف كربلــــه ابـ أنصـــارها
ــــــــــــــــــــ*ـــــــــــــــــــــــــ*ـــــــــــــــــــــ
1// أصـــدر حـــسيــــن الأوامــــر للضعـــن
صار أمـر تكلـــيفنــــه انعـــوف الوطــن
اســتســلمـــت أمـــة محــمـــد للـفـتــــن
* او صار أمــر الأمـــه بـيـــد اشـــرارهــــا ---------------------------------------------
2// طلعـــت اضعـــون المبــــادئ والقـيـــم
او كل شريـف المارضه ايبايــع صنــم
او لآل أميـــه ما نطـــق كـلمـــة نعــــم
* او للحسيـن او نهـجـه تـفــدي اعمــارهــا
----------------------------------------------
3// حسيــن أعلــن عــن مسيـــر القافـلــــه
امـــن الحجــــاز الحـــد مضارب كربلـــه
انـطــه دور الكـــل شخــص بــــالعــايلـــه
* او حـفـظــت اعيـــال الرســـول ادوارهـا
--------------------------------------------
4// حسين عــد العـــده و اعلـــن بالــدرب
خـاف بـالثـوره يمــر مـوقــف صعـــب
عــيــــن العـبـــاس قــائــــد للـحـــرب
* قـاهــر اجيـــوش العــدى او صكـارهــا
5 // حسيــن راد ابنهضـة الحـــق والعـــدل
ثــوره بالمضمــون مــو بـس بالشكــل
تبعـتـــه أصحــاب التـجــارب والعـقـــل
* حـسيـن قـائـدهــا او عـرف يخـتـــارهــا
---------------------------------------------
6/مـــر علـى الأســـلام أخطـــــر منعـطــف
او عنــده أبـو الأحــرار اكـثر مـن هـــدف
حــتى توصــل للعــرب (( لاء )) الشـرف
* او حــــتى لــلأجيـــال تبـــقى آثــارهـــا
----------------------------------------------
7//حسيـــن يعــرف كــل تفــاصيـــل البـلـد
او للأمـــور الطـارئــه اهـــواي استـعـــــد
جـنـه يــدري الكوفـه تـخـلـــف بــالـوعـــد
* او تغــــدرالمــا تستـــحي ابخـــطارهــا
------------------------------------------
8// من وصل طف كربله او بيها استقــر
بلـــغ انصـــاره نعــسكـــر عــالنهـــر
و استعـــدوا المعركــة يــوم الظفـــر
* والحـــرب بـاجـــر نخـــوض اغمــارهــا
----------------------------------------------
9// عـالفـــرات حسيــن خـيـم عـسكـــره
واللـــواء انطــاه السبــع الكـنـطـــره
بالطـفـــوف اليــــوم شـيعــة حيــدره
* امـن آل أميــه اضعـــاف تاخـــذ ثـــارهـــا
خــادم أهل البيت عليهم السلام
أبو حيدر المجراوي
محرم الحــــرام 1447 هـ / 2025 م
/channel/aabas78
قصائد لكل ايام محرم اشترك بالقناة
قصيدة الانصار ع ــ محرم1447 هـ
فِتيَةٌ آمَنوا بِالحُسَينْ
ــ⊱☆☆❀☆☆⊰ــ
زلـم كلفه ودوم شيالت حمـل
لاتچل مــــــن القتال ولاتمــل
ترقب الصعبات تتعده السهل
زلم حيدر ذوله واحــدهم نفل
جاؤُوا بالنّصرِ والفَتحِ المُبِينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
طب حبيـب وشــــايل ابجفه الوه
چنــه ملك الموت يمحـــيهم نوه
اوياه برير ومســـــلم وفزعو سوه
ابزودهم چم قائد وجيشه انطوه
أشِدَّاءٌ بِوَجْـهِ الكَافِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
حســــــين ما ينباع گالو بالرخص
خبصـو الطف من مراجلهم خبص
خلو الميــــدان بالقتــــــــله يقص
عنهم التاريــــخ ضل يحجي وينص
قَاْلُوا كَلَّا لِدِيْنِ النّاصِبينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
تحجي عن صولاتهم كل الصحف
بالمواقف حيــــــرو معنى الوصف
ســـيوفهم زلزال بالحومه وعصف
منهم اوجوه المعســـكر تنخطف
أصْبَحوا قُدْوَةً لِلثَائِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
تحزمـو كلهم قبل طرة الفجـــــر
أكبال الحســـين ويتانون الامـــر
صاح عابس فدوه لحسين العمر
ابدمنه نكتب كل عناوين النصــر
كَانُوا سُورَاً لابنِ الطَّيبين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
اذنو بالحومه حي اعله الجـــــهاد
عالنصر قسمو ســـوه برب العباد
الكل فتوحــات النبي همه امتداد
سند لحسين اصبح وكت الشداد
يَا لَهُمْ مِنْ رِجَالٍ صَادِقِين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
✍الخادم
كامل السعيدي
/channel/aabas78
قصائد لكل ايام محرم اشترك بالقناة
عندك زلم كلهم عزم
ناده حبيب شدو الحزم
ركضوله من گلهم حيهم
**
طلعو الانصار كلهم والگمر حياهم
ذوله انصار العقيده والله يامحلاهم
برايته البيضه ابن ظاهر يركض اتلگاهم
لجل ابو اليمه الغياره تبرعو بدماهم
بعده وعدد صاحو مدد
نضحي النفس للمعتقد
طبوها والحومه انگلبت
****
انتكلوا عله الله وگصصهم عرگت من الغيره
زلم كلفه ويا كبرهم والطفوف ازغيره
صاحو الجيش ونظامه من نصول انديره
الموت لتباع آل اميه ما رضينه بغيره
بالطف بده موت العده
وهاي الجثث هالشاهده
خياله والطف مو گدهم
**
زلم ظهر الطف تكسره لو أمر قائدهم
هو بس حسين واحد غيره گلي شعدهم
تنحني الدنيه بكبرها لو زعل واحدهم
الانصار بزود صاحو يوصلون شحدهم
انطوا وعد وعله العهد
جيش العده منهم شرد
يگضونه كلمن لاگاهم
****
ركضو الحر وابن ظاهر زلزلوها الحومه
ومن برير وجون بالطف هالزلم مهزومه
من زهير وعزم نافع كل سبح بدمومه
من جنونه اليوم عابس شگگاها اهدومه
الطف انخسف وحيدر هتف
الكل ركض صوب النجف
مهيوبه فرسان الحومه
***
الصحبه موقف موش كثره انتبهلي وحاسب
من تطيح بشده تدري اهنا يبين الصاحب
ولو ردت تختار صاحب كون مثل الشايب
بكربله اصحاب ابو اليمه سحگو اكبر شارب
طبوا سوه وضاع الهوه
غص بالزلم طف نينوى
طبوها والموت بجفهم
***
جسدوا اروع ملاحم زلم گد افعالها
ذوله فرسان الطليعه الكلفه همه ارجالها
بموقفه كل حر تعرفه المهره من خيالها
بصولت أليوث المنايه انحنت ابطالها
البذل النفس صاروا درس
طول الزمن مثل الشمس
ردوها خيل وخياله
****
تمت
الشاعر ميثم العمري
/channel/aabas78
قصائد لكل ايام محرم اشترك بالقناة
((بالميدان))
بــــالميدان اتصير الحيره
والحب يتساوه ويه الغيره .. خوش انصار
"""""""""""""""""""""""""""""""""""''''''''''
يقــــــرون بــ آيات الكوثر
أنـــــا اعطيــــناك المنحر
يمخليـــــــــنه بحبك نسهر .. يالمحبوب
يمخلي الحب اجمــل صاير
من حاير ظل يحچي الحاير
مانهـــتم للجيــــش الـــداير .. يالمحبوب
كل الــحيره بيك الماي ممنوع
وأحنه الخاطرك سَبَلنه الدموع
وبضلمةّ عشگنه صرنه الشـموع
يالحبـــــك ضواها الديره
والحب يتساوه ويه الغيره .. خوش انصار
"""""""""""""""""""""""""""""""""""''''''''''
ياعــــالي وبالحب انكابر
گمنه نشوف بحبك باچر
ومتاتين ايصير العـــــاشر .. يالمحبوب
يمته نزف المنحر لجلك
يمته نصير الســاتر لهلك
يالمحبوب بدمعه نسئلك .. يالمحبوب
ويمته من الزنود چفوف ننطيك
ويمته من المناحر يبدي طاريك
كل ســــوالف الحب نلتقي بيك
والحب اصعب من تعبيره
والحب يتساوه ويه الغيره .. خوش انصار
"""""""""""""""""""""""""""""""""""''''''''''
نتسابگ والمنحــر شاهد
ياهـــــوّ اليبرز اول واحد
فرحان البرماحه الصاعد .. يالمحبوب
مو بس عابس شگ هدومه
كامت تصرخ حتى الحـومه
گــــــــوه الفرسان وملزومه .. يالمحبوب
ليش انته غريب وانته ابو الناس
ولو تارس حياتك ملگه عــــباس
هوه الجيش كله وهوه الاحساس
عباس اليصــعب تصويره
والحب يتساوه ويه الغيره .. خوش انصار
"""""""""""""""""""""""""""""""""""''''''''''
ميدان الحب هوه الغايه
وتخفگ بالميـدان الرايه
وبسمك دگيـــناها الثايه .. يالمحبوب
لو ينجاب اسمك بالـطـاري
يبدي المدمع بالحب جـاري
چا ليش اسمك يصبح عاري .. يالمحبوب
حتى الثوب منـك صار مسلوب
بغضاً بالولايه حسين مطــــلوب
من يوم السقيفه اكتاب مكتوب
والــــــدين بدمك تحريره
والحب يتساوه ويه الغيره .. خوش انصار
عبد زينب
محمد الابراهيمي
/channel/aabas78
قصائد لكل ايام محرم اشترك بالقناة
#مجالس_محرم_الحرام_١٤٤٧هـ
نزلة لـ💫
سفير الدولة الحسينية
مسلم ابن عقيل (عليه السلام)
_
اجه الجيش __ يطوعه اتبشّري
للحسين ـــــ اقدم منحري
🔹🔹🔹🔹🔹
انه مسلم تره -- جزء من حيدره
واذا اغضب اصيح -- يسبع الكنطره
اصير الوحدي جيش-- واعيد الذاكره
مثل عمي علي -- انه اقلع خيبره
على الموت الجنود -- اصفطهم سره
واخلي الكوفه هيج -- خرابه ومكبره
من الحسين ـــــ شعاري ومصدري
للحسين ـــــ اقدم منحري
🔹🔹🔹🔹🔹
مضيفي ماخله -- واعزّب مرجله
على الميدان يطيح -- حسامي الزلزله
اذا الكوفه تعيل -- اراويها البله
وكبل هم لاتصير -- اسوي كربله
زلمهم موزلم -- رسايل راسله
وتنافق بالحجي -- وتجذب بالهله
بسجلات ـــــ حسابي ودفتري
للحسين ـــــ اقدم منحري
🔹🔹🔹🔹🔹
شمايلهم تدل -- جيوش بلا عقل
على الدرهم تصير -- مثل كود النمل
يطوعه بكل درب -- مثل حيدر احل
واظل شيخ الحرب -- كلامي وبالفعل
انه عندي من اهد -- الصعب كلش سهل
من ابن عمي الحسين -- اظل فرع واصل
يظل ديِن ـــــ عليه المحشري
للحسين ـــــ فدائي حيدري
🔹🔹🔹🔹🔹
انه الميدان الي -- ورثته من هلي
اليشوف جفوفي صاح -- دخيلك ياعلي
اسويها ظلام -- اذا بيها اعتلي
الصبح يصفه القصر -- نهر دم ممتلي
تظل كلمة فصل -- الرگب ثمَ يلي
اكررها و اكول -- يطوعه هلهلي
ببو حسين ـــــ اگلها اتذكري
للحسين ـــــ اقدم منحري
🔹🔹🔹🔹🔹
سمعت آخر خبر -- مدد يصرخ عمر
الغلام الهاشمي -- عصف ريح الخطر
وحق ام البنين -- تظل بس الصور
على ريحة سيفي هاي -- بشر يسحك بشر
حسيني بموقفي -- لحد كطع النحر
واظل راية وفه -- ترف طول الدهر
للأجيال ـــــ سوالف تنقري
للحسين ـــــ اقدم منحري
🔹🔹🔹🔹🔹
علي حسين المنصوري
/channel/aabas78
قصائد لكل ايام محرم اشترك بالقناة
مسلم زعل ..زعلت علي خير العمل ..مسلم زعل
بالكوفه صوته ناده ... حي على الشهاده
من ارتجل ...من ارتجل
**
حي على خير العمل صاح وبرز
لا فارس ولا سيف منه ما عجز
حتى الهوى البالكون من صوته احتجز
قصر الامارة اهتز لمن صال ورجز
لمن حمل... رد حيدره ذاك الفحل ...لمن حمل
صولة علي وجهاده ...حي على الشهاده
من ارتجل ...من ارتجل
****
يشبه زعل عمه الصميده من يهد
شايل حجر سجيل سيفه ومستعد
نازل اعله اهل الفيل بالحومه يشد
بسم الله والكرار كر روس الحشد
ما ينحمل ...بالكوفه لو جدمه نزل ... ماينحمل
بالهمه والاراده ... حي على الشهاده
من ارتجل ... من ارتجل
****
سورة برأة من نزل للمعركه
بلا بسملة والسيف صار يحركه
يتنكة بس شجعان روس المشركه
ما قبل ملج الموت لمن شاركه
لا ما قبل ... عزريل من يمه انعزل ... لا ما قبل
بأيد نطه القياده ... حي على الشهاده
من ارتجل .. من ارتجل
***
هذا سفير حسين ابن سيد العرب
لحسين ابن عمه ولجل دينه غضب
چانت رسالة سیده وبیها خطب
قد جِإتَكُم بِالوَعدِ يا أهلَ الكُتب
ياهل الجهل .. مرسول ابن عمه الوصل ..ياهل الجهل
قد جاء بالسعاده ... حي على الشهاده
من ارتجل .. من ارتجل
****
خنتوا وعدکم والکتب صاح السفیر
امن زمان ما عدکم وفه وماکو ضمیر
بعتوا الشرفكم من علي چان الأمير
وهاي الخيانه مو جديده امن الغدير
سر الحصل .. يوم الغدير اهوه الاصل ..سر الحصل
وهاي الخيانه عاده ... حي على الشهاده
من ارتجل .. من ارتجل
***
لوما غدرهم بيه مسلم ما وگع
وهاي الخيانه ابدمهم وصارت طبع
چا خله قصر الکوفه بدماهم شبع
رغم الغدر ما گصر وبیهم صنع
صار الأجل .. وسفه یچتفوه بحبل .. صار الأجل
لكن حصل مراده ... حي على الشهاده
من ارتجل .. من ارتجل
***
يا باب الحوائج مولاي مسلم ابن عقيل عليك وعلى ابيك والك السلام ..
خادمك المقصر
الشاعر علاء الجابري
/channel/aabas78
قصائد لكل ايام محرم اشترك بالقناة
مسلم ع
مسلم ثار لو ثارت ضده الكوفه
هاي اسرار والموقف خلي نشوفه
مسلم طالع للاصلاح رافع راية حق من راح
والموقف خلي نشوفه
طلع من المدينة بأمر ابو اليمه
سفير وجندي وشما صار ميهمه
المهم يوصل لارض كوفان كل همه
بهاني يلتقي منواه ويكلمه
لجل حسين طالع وينفذ امره
يحمي الدين من احقر وبشع زمره
جيت اصلحكم لمن صاح رافع راية حق من راح
والموقف خلي نشوفه
دخل ارض الغدر والناس تطلع
سفير حسين مسلم يبقه لو يرجع
بيهم من خطب حتى السمه تسمع
كلهم صاحوا انبايع ولا نخلع
ناس اشرار بيعة مسلم خانوها
ذله وعار ايام اللي عاشوها
راحلهم ما سل سلاح رافع راية حق من راح
والموقف خلي نشوفه
مسلم صار امير الكوفه بالاجماع
سفير حسين بحكمته غير الاوضاع
ابن زياد لامر يزيد لمن طاع
تعب مسلمنه ليله ويوم كله ضاع
تعبه وضاع ماي تبده وشيرده
ناس اتباع كلهم من اهل الرده
ظل مسلم مكسور جناح رافع راية حق من راح
والموقف خلي نشوفه
مسلم اصبح وحيد انطلب دمه
بعد لا مسجد ولا شارع ايلمه
كلها تريد راسه وراس ابن عمه
تعنه الهاني مسلم والتجه يمه
هاني الحيد ما خان بمسلم هاني
هاني يريد ميضل مسلم وحداني
هاني مخضب لمن طاح رافع راية حق من راح
والموقف خلي نشوفه
طلع مسلم مثل عمه علي الكرار
عيونه من الزعل تجدح شرار ونار
بيهم صاح وين احفاد عبد الدار
لخلي الروس فوك اسطوحكم طشار
هذا السيف حالف ميرد الغمده
عيد وكيف حرب الغدروني عنده
كل دم الغدروني انباح رافع راية حق من راح
والموقف خلي نشوفه
غدروا للذي دزه الحسين الهم
عبيد يزيد راحلهم يحررهم
وكف ضد الطغاة يحامي عن حقهم
وكفوا ضده ما واحد نصف منهم
تسل سيوف جته جيوش اتلكاها
طمع وخوف ما ينفع كلشي وياها
ما مستهظم دمه الساح رافع راية حق من راح
والموقف خلي نشوفه
الشاعر كريم دانه الاعرجي
/channel/aabas78
قصائد لكل ايام محرم اشترك بالقناة
نزله إلى مولاي مسلم بن عقيل
الكوفه مسلم بيده كضهه وشالهه
جيوش اميه من الركض شل حالهه
.....
زلم تردم بالزلم ماصح مفر
والهوى البالريه بالكوفه انحصر
الشارد من الخوف بخياله عثر
ابن عم حسين سل سيفه وظهر
الجيش من شافه برز
سبحه ونكطعت خرز
الخيل گامت تسحگ بخيالهه
جيوش اميه من الركض شل حالهه
.......
الجيش صافن ما يحارب منذهل
واحد وي الثاني ينشد ينسأل
هذا مسلم لو علي راجع عدل
هل شجاعه لو علي لو ابو الفضل
خلصانه وما تعب
نار وگباله حطب
الشجاعه مو عدد بفعالهه
جيوش اميه من الركض شل حالهه
.......
جدحت عيونه غضب لمن نزل
رَجّع السيف اعله الكراب وزعل
باوع اعله الجيش كال ابن الفحل
على هذا العدد ما أبرز فشل
ما احارب هل عدد
مستواي أكثر بعد
الكوفه جيبولي جميع ارجالهه
جيوش اميه من الركض شل حالهه
.......
كون اريد الكوفه متروسه زلم
دوم ما اقبل بعطوه ولا سلم
الخايف من الحرب ليگابل شهم
مسلم انه اكبالكم عدكم علم
عمي قتال العرب
اليوم اخلصهه الرگب
حالف اعله الكوفه اشل احوالهه
جيوش اميه من الركض شل حالهه
.......
جيوش اميه اتجمعت صار الأمر
رايه بيضه انرفعت وصاح الشمر
خلصيت الزلم مسلم نعتذر
صاح مسلم دوم ما اقبل عذر
غضب من ربكم نزل
شلون اصالحكم فشل
الكوفه ربكم يعرف شودالهه
جيوش اميه من الركض شل حالهه
.......
الخادم موسى البطلي
/channel/aabas78
قصائد لكل ايام محرم اشترك بالقناة
الى مولاي مسلم ابن عقيل
مسلم علمنـــــه ابتضحيته
لحسين ابيض وجهه ونيته
درس وعبره الحب عشره
لحسين ابيض وجهه ونيته
=============================
مسلم چان يطي ادروس وحب حسين موضوعه
ماكو اكتاب يشرح بيــــــه ابگلبه الفكره مطبوعه
اخـدوده اتصيــر صبــــوره وعليها تكتب ادمـوعه
طـلاب اشكثر درس مثل هانـي ومثل طـــــــوعه
ابمسلم شافت طوله ولونـه
صـــارت مجنونه بمجنونـه
امـــن اول مره
الحب والعشره
لحسين ابيض وجهه ونيته
=============================
اذا بـالـدنه فوز اتــريــد بخدمته چلب وحبـــه
مسلم جان ويه حسين يمشي بنهجه وبدربـــه
غير حسين مـاواحـد شغل فكره وسكن گلبـــه
اول قائــد ابـلا جيش بــالكوفه علن حـــربـــه
لا گاهـم مـا همـــه الـعسكر
خله الجيش أگبالـــه اتطشر
بيــــــــه امأثره
الحب والعشّره
لحسين ابيض وجهه ونيته
=============================
مـــــــن گـد العطش مسلم ماينسمع منه الصــوت
ويحمد الله مثل احسين چي عطشان راح يموت
كل شارع وحايط بيت عله خدوده نحت منحوت
بكثر مــــــاتجر بيــه الخيل يلمه بعـــد يــــــابوت
ابكل گطــرة دم ينزف گلبـه
تخضر ثوره وتمشي ابدربـه
اطيـــــب ثمره
الحب والعشره
لحسين ابيض وجهه ونيته
=============================
مثل عمــه علي مسلم بـاخلاقــه يوصفـونـــه
بس الحللاه ربــــــه عليـــه اتباوع اعيــــــونـــه
ومايسمع حچي الموزين الهسه انتم تسمعونــه
كافي امـــن الذنب كافي الليله انتوب خلـونــه
مانعصي الله بكل الـراده
ويغفر النه بجاه الــساده
ايطفي الحمره
الحب والعشره
لحسين ابيض وجهه ونيته
=============================
يالعايف صـلاتك ليش مــن عنده اخذ عبــــره
ماعاف الصلاة ابيوم حرب والدنيه مستعـــره
اشتنفعك دگت الزنجيل والـــدمام والطبـــــره
ابمحرم اذا مــــــــاصليت المن تلطم وتقـــــره
حسين الخاطرنه انطه اعياله
مــــــــــن تصلي اتغث چتاله
بيهه ادمـــــــره
الحب والعشره
لحسين ابيض وجهه ونيته
=============================
✍حيدر الشغانبي
/channel/aabas78
قصائد لكل ايام محرم اشترك بالقناة
بسمــه تعــالـــى ٩
صـــوت العطاشى امن الخيم - عبـاس عبــاس
تتصـــارخ أطفـــال او حــرم - عبـاس عبــاس
*امــواعـدنـه راعي الــرايه *ايجيب الفــرات و مـايــه
عبـــاس عبـــاس
(1) **
صوت العطش موجة حـزن گــد مــــا شجــي ابنبـراته
مَـــرْ حــــرّك إحساس النهر و تمـــايلـن روجــــاتــــــه
خلّــه گمـــــر هــــاشــم يـرد مستعجـــل أبخطـــواتــــه
منطــــي وعـــــد للعـــايلـــه ايخــاف الـوعـــد لا فــاته
كــل خطــوه يخطيها البـدر - عبـاس عبــاس
اتعــادل مســافـــات العمـر - عبـاس عبــاس
*ابكــل خطـوه ﭼـانت غـايه * يجيب الفــرات و مـايــه
عبـــاس عبـــاس
(2) *
يـــالــــراسم أبــــالك هـدف تـــاريـــخ أبـــوك اتعيـــده
عطشـــانــه إلك حتى الخيم وجهـــك أمـــــان اتــــريده
مــا نـــدري شنهـي العطلك هيـــﭻ الشـــريعـــه ابعيـده
لـــو نشف مـــايــه العلگمي اولا بيـــــدك اولا بيــــــده
نستــاهــدك صـــــاحب عهد - عبـاس عبــاس
مــا خـــالفت يـــوم ابـوعـــد - عبـاس عبــاس
* منطي گمرنه احــﭼـايه * ايجيب الفــرات و مـايــه
عبـــاس عبـــاس
(3)
صفنت ولا شبگــــة هـــوى او نحتـــاج منّــــك نسمــــه
عباس يـــا بحـــر الـــوفـــه او هـــوّه البحــــر شيلمــــه
نتصــــورك ضفــــة نهــــر والمــــاي عبــــاس اسـمـــه
روجــــك يسيــــر عـــالخيم أحـــلام الـــزغــار أترسمــه
تحتـــاجك إريــــاض الـــــورد - عبـاس عبــاس
واتـــانـيّ يـــا سـاعـــه تــــرد - عبـاس عبــاس
* مـــن غيبتــك شـــﭼـايـه * ايجيب الفــرات و مـايــه
عبـــاس عبـــاس
(4) ****
عبـــاس ﭼـــم طفلـــه وطفل تنتظــــرك اتــــرد ليهـــــا
واعيــونهـــا إتـــانـي الدرب طـــال الغيـــــاب أعليهـــا
تشــــرب دمعهـــا ابغيبتـــك أوهـــيَّ الــدمـــوع اشبيها
مـــا تطفــــه نيــران الضمه او بس جــــودك أيطفيهـــا
أسمعهـــا صـــــرخـات الألم - عبـاس عبــاس
شو مــا رجــع راعــي العلم - عبـاس عبــاس
* اشعنــده أعلـــه المسنــايه * ايجيب الفــرات و مـايــه
(5) ***
بيـــــن المخيــــــم والنهـــر صـــوت الضمـــه اينـادينــي
وأتخيـــل دمـــــوع الـــورد كـــل دمعـــه تشــلـع عينـــي
ﭼــن هســه عشرتنه انتهت يـــــا زينــب اتعـــذرينــــــي
جـــودي تبــدى أعله الدرب مـــوتـــن عطش يسنينـــــي
نـــادت عـــزيــــزة فـــــاطمه - عبـاس عبــاس
امـــودع يــــراعـــي الغــانمه - عبـاس عبــاس
*صنت العهـــــد واكفــــايه * ايجيب الفــرات او مـايــه
عبـــاس عبـــاس
خــادم أهل البيت (ع) أبو حيدر المجراوي
/channel/aabas78
قصائد لكل ايام محرم اشترك بالقناة
خبر فگد الكفيل ايشيِّب الراس
وكلشي ابكربله وَن اعله عباس
طاحت خيمة العِشرة...وحسين انكسر ضهره
اعله عباس
..................................
هالفاجعه اتخص الخيم..تختلف عن كل فاجعه
لا مو فقط ركن الوفه...كل الوفه بالطف نَعه
حتى السماء استنكرت...طيحت گمرهه ومصرعه
وحسين الله ايساعِدَه...زين او وّصل للمشرعه
ينادي ادركني خويه وياضوه العين
وعاف الدنيا كلهه وراحله حسين
شافه وهَلَّت العَبره...وحسين انكسره ضهره
اعله عباس
......................................
سبط الرسول المصطفى..حسين وحبيبه ومُهجِتَه
ابتلَّت لحيته امن الدمع...من شاف اخوه وحالته
لن شاهَد ابعينه السهم..ولا يسرته ولا يمنته
گلَّه على الدنيا العَفَه...وناح وبِچه لمصيبته
يحن الخُوّته الما مِنهه خُوَّه
وقَلَّت حِيلِتَه وآشمَت عَدُوَّه
طايح وسفه عالغَبره...وحسين انكسر ضهره
اعله عباس
.......................................
إركب بِنَفسي ياأخي...يعني اشغلاتك ياگمر
بان اعله ابو اليمه الهظم..حين اعله اخوه ضهره انكسر
كلشي انتهى ابطف كربله..لمَّن وگع راعي الفخر
زادت مَخاوف عيلته..وابتدت مرحلة الخطر
إنگطع خيط الأمل للرايد الجود
والموُاعِد سكينه مِستحي ايعود
ورايد زينب اتعذره...وحسين انكسر ضهره
اعله عباس
.....................................
رَد الحُسين الوَحَّدَه...بس اشرجع من الألم
ضاگت ابعينه الواسعه...من فُگد شَيَّال العَلَم
عالگمر زينب نِشدِتَه...واكثر بعد حيله انهدم
صاح ونِدَب مات الأخو...وساعه ويحرگون الخيم
أبو اليمه ابحزن وابگلب ينحب
گلهه راح ابو فاضل يزينب
طاحت زينب الحُرَّه...وحسين انكسر ضهره
اعله عباس
...................................
كسرة گلب ماتنوصف..بغياب سبع الگنطره
حاير وگف سبط النبي..ولخيامه يشبح ناظره
ياوسفه ضل الوحَّده...وحَولَه العساكر دايره
لحظات واينوح العرش...حين اليطيح اعله الثَّرَه
حگهه زينب امن ايزيد ونهه
كلشي ابيوم واحد راح منهه
تبچي وتنعه يالزهره...وحسين انكسر ضهره
اعله عباس
سيد علي الموسوي
/channel/aabas78
قصائد لكل ايام محرم اشترك بالقناة
نزله 7محرم
كبر وهـز رايـته
غيره تنكط كصته
بجـفوفه رايه راعي المنايه
ـــــــــــــــــــــــــــــــــــــــــــــــــــــ
طبها عباس بـعزم
شردت اكباله الزلم
بسيفه يثلمها العده ع التراب موسده
من نزل راعي لوفه بزود الحسين اكتفه
على النهر دك العلم ناده حماي لشيم
أخذ الماي العـذب
مورجه لابل غصب
سوه الضحايه راعي المنايه
ـــــــــــــــــــــــــــــــــــــــــــــــــــــ
أملي جود من النهر
وأنـه كافـلها الكـمر
والله زينب رادته الماي أريده وطلبته
وانه أكلها ادللي الحظه خويه اتحملي
وأنزل عليكم عذاب أروي سكنه والرباب
بيدي اشيلن كربله
وانه راعي المرجله
وانه الكفايه. راعي المنايه
ـــــــــــــــــــــــــــــــــــــــــــــــــــــ
وأقسم بربنه الرحيم
كربله عليهم جحيم
اليوم أسوي الزلزله اليوم أحير كربله
اليوم أقيم الواقعه من أطب للمشرعه
خيبر وصفين أرد أدخل بزودي وأهد
من أطب سوح الحرب
الحـومه أكـلبهـا كلـب
لا مو روايه راعي المنايه
ـــــــــــــــــــــــــــــــــــــــــــــــــــــ
له أشك حلكه الدهر
مني بس الله الستر
وأنه شيخ ع الحرب مايظل ليهم درب
وأنه غيرت حيدره اليوم أسوي المجزره
اي وحق ام البنين الاطبك اليسره بيمين
اليوم أتعبه الكفر
ماكـو منجه لليفر
بيده الرزايه راعي المنايه
ـــــــــــــــــــــــــــــــــــــــــــــــــــ
شرده ماكو يابشر
ناده عبـاس الكمر
غيضه لاح بكصته من فزع وبغيرته
عطوه عطوه ياشهم نادت افحول الزلم
ياكمر فدوه العذر ناده وبصوته الشمر
سيف هزه ومايرد
وشـحـلاته من يهد
هاي النهايه. راعي المنايه
ـــــــــــــــــــــــــــــــــــــــــــــــــــــ
مرتضى مكطوف الموالي
/channel/aabas78
قصائد لكل ايام محرم اشترك بالقناة
هاك هاك الرايه ياعباس
خلها اعله المتن واعبر .. روس عله الزلم طشر
هاك هاك الرايه ياعباس
**
هاي راية حيدر بخيبر حملها
ماكو غيرك يابو فاضل لايك الها
ترفرف بسابع سمه عباس خلها
من المخيم للنهر ينشاف ضلها
صول وردم راس فوك الراس
ابد مثني من تصطر .. روس عله الزلم طشر
هاك هاك الرايه ياعباس
**
هذا يومك يابو فاضل وانت كدها
للنجف هاي الكتايب كلها ردها
هي طلبة امك الدمعه عله خدها
باجر ام عباس تتباها بولدها
هناك ضعن الخدر ماينجاس
شجره عله الخدر خضر .. روس عله الزلم طشر
هاك هاك الرايه ياعباس
**
ارسم لكل الخيم بالرايه الحدود
منهو يوصل وانت عايش كدها وكدود
جيب ماي النهر كله وخله بالجود
ولاتعوف الرايه يمه لكطع الزنود
بيك ماضن بالبشر مقياس
بيوم العاشر اتكبر .. روس عله الزلم طشر
هاك هاك الرايه ياعباس
**
يله شيل الرايه بيدك طب عليهم
وخلي كل خطوه اثر لجفوف اديهم
الماي عكس الروج يصعد من تجيهم
رعب منك يابو فاضل صار بيهم
صار يم راك النهر وهواس
عينك عالنهر تخزر .. روس عله الزلم طشر
هاك هاك الرايه ياعباس
**
الرايه بيدك غيمه وترف بسماها
فيت وحتى الشمس ضايع ضواها
عاصفه تهب عالخصم نسمة هواها
بالطف نجوم السمه تلوذ بكفاها
جول يابن حيدر النبراس
غيره عله الخدر تمطر .. روس عله الزلم طشر
هاك هاك الرايه ياعباس
**
هذا يومك ياكمر بالرايه نازل
ماكو كد هذا الحرب غير ابو فاضل
همه صح سبعين الف صارو مقاتل
وياك ابد وجه بوجه محد ينازل
هناك سيفك يكطع الانفاس
سوي ابالك اليخطر .. روس عله الزلم طشر
هاك هاك الرايه ياعباس
**
تمت
احمد الخفاجي
/channel/aabas78
قصائد لكل ايام محرم اشترك بالقناة
(( أنصار أنصار ))
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحـنــه جـيـنــه بـكــل عـزيـمــه لـكــربـلـــه ... يـا حُـسـيـن
وهــذا جـيــش أيــزيـــد والله أنــزلّـــزلـــــه ... يـا حُـسـيـن
أنـصــار للــديـــن لـبـــن سـيــــد الــمــلــــه ... يـا حُـسـيـن
للـمـــــوت ويّــــــاك – خــلـيــهـــــــم يــذبــحـــــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نـفــدي ألك والــديــــن هـــــاي أنـــحــــورنــــــه ... يـا حُـسـيـن
وكـربـلـــه تـشـهــــد يــبــن مــكــــه ومــنـــــــــه ... يـا حُـسـيـن
أشــحـــده جــيــش أيـــزيـــــد مــنــك لــو دنـــــه ... يـا حُـسـيـن
تـعـرفـنه الـسـيـوف – بـالـحـــومـــه يــشـــوفـــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عـابـس أو جـــون وزهــيــر أويــه حــبـيـــب ... يـا حُـسـيـن
نـكَـلـب الــحــومـــه عــلـيــهـــم يــا غــريـــب ... يـا حُـسـيـن
نـنـصــر الــزهـــره يـبــن طـــــه الـحــبــيــب ... يـا حُـسـيـن
عـشـاكَــة الـمــــوت – بـالـدنــيـــــــا يـــســـمــــــونّـــــه
أنـصــار أنـصــار – لـحــسـيــن ويــعــــرفـــونّــــــه
أحـنــه أنـصــار الـرســالـه الـبـلـطـفـــوف ... يـا حُـسـيـن
أنـكَـابـل بـنـحـر الـشـهــاده هــالألـــــــوف ... يـا حُـسـيـن
حـتـى لـــو نـتـــوذّر بـحــــد الـســيـــــوف ... يـا حُـسـيـن
بالـسـيـف يـحـسيـن – مـيــهــــــم لـــو يــــوذّرونّـــــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـواحــــد بـمـيّـــه تــعـــادل ضــربـتـــــه ... يـا حُـسـيـن
نـقـســم بـحـامــي الـحـمـيّـه وطـبــرتــــه ... يـا حُـسـيـن
بـكــربـلـه الـيـدنــاك نــكَـطــع ركَـبــتـــــه ... يـا حُـسـيـن
فـرسـان هـالـجـيـش – فــنـهـــم لـــــو يــلاكَــــونّـــــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أيـخـلــد الـتــاريـــخ دمـنـــه أبــدفـتــــره ... يـا حُـسـيـن
وأحـنـه جـالـبـركـان نــار و مـسّــعـــــره ... يـا حُـسـيـن
أنـرجـع أعـلـه أيــزيـد بـالـطـف خـيـبــره ... يـا حُـسـيـن
تـفـجـرنـه بــركــان – نـــار ومـــــا يـــطــفــــونّـــــــــــه
أنـصــار أنـصــار – لـحــسـيــن ويــعــــرفـــونّــــــه
الشاعر السيد علاء الحيدري
/channel/aabas78
قصائد لكل ايام محرم اشترك بالقناة
ميمر
(#ما_ننغلب)
وكت الحرب / ما ننغلب
نگلب الحومه من نطب
انصارك وعد عيناك
بالموزمه تلگانه
ــــــــــــــــــــــــــــــــــــــــــــــــــ
وقعّنه بالدم سيدي وعاهــدناك
وكت الحرب تلگانه سيف بيمناك
ما نفترگ مثل الخيال احنه وياك
ما نتغيّر / لو نتوذّر
صحبت حيدر وبن الاشتر
بالروح انضحي ونفديك
فدوه الدماك ادمانه
ــــــــــــــــــــــــــــــــــــــــــــــــــ
تربيت حيدر وينه لي يلاوينه
ومن يگدّر ايواجهنه ويلاگينه
تعجز جيمّهم والعساكر بيـــنه
سبعين الف / ترجف رجف
من تطب رايتنه وترف
بسوح الحرايب كلفين
مرّ وصعب ملگانه
ــــــــــــــــــــــــــــــــــــــــــــــــــ
باجر نأدي ابكل بساله الادوار
عالميسره راية جبير الانصار
ورهن الاشاره تستعد الاحرار
يضيگ الهوه / يغيب الضوه
ضلمه تصبّح نينوه
ليوگف يضل ابلا راس
ليّفر نگص السانه
ــــــــــــــــــــــــــــــــــــــــــــــــــ
عالميمنه يوگف زهير الوفـــاي
بايع حياته وللمواقف شـــراي
واحد ولكن سيفه ينعد بهواي
يثلم ثلم / ما ينثلم
ويگطّع ارگاب الزلم
من عنده وين يفرون
لمن يطگ بركانه
ــــــــــــــــــــــــــــــــــــــــــــــــــ
ينزل برير ونــــافع وينــــزل جون
وجيش ال اميه بالمعاره يضيعون
عابس يشگ اهدومه باجر بجنون
لو هد عابس / ميضل فارس
عدّ عباس وحيدر دارس
يصحد بروس العدوان
يخلي الزلم حيرانه
ــــــــــــــــــــــــــــــــــــــــــــــــــ
گبلك يبو الاكبر نطب الميدان
برجلينه نسحگ كل جيوش الشيطان
ونخلّي دمهم مثل روج الطوفان
غيض وغضب / نار وشهب
من ننزل انسوي العجب
منّ ايشوفونه ايلبدون
شمر وابن مرجانه
✍️ علي كاظم المنصوري
اهدي ثوابها الى روح والدتي
/channel/aabas78
قصائد لكل ايام محرم اشترك بالقناة
#نزال_للانصار
ياعقيله الأنصار .. بالخواچي أتحزمت
خيمت عالخيام .. وبالأمزامط هوست
اتعنوا ابهـل الليل .. وذبت أرواح الزلم
وداروا اعله الغيم .. البل معارك تحتزم
يـا گـلـب خــواف .. ويا أميره التنهضم
وتـبـرگ الـشـارات .. والعيون أجادحت
========ـ
صاير أستـعـراض .. والمـحنه أمنسمه
صاحوا بكل حيل .. يبت حماي الحمه
شنهي اتخــافين .. والاگـلــوب مـألـمه
واحنه عد عيناچ .. والانحور اتسطرت
========ـ
باجر اتشوفين .. شلون نكسرها الحرب
مانهاب احيود .. والـدرع تحـت الگلب
رفعي بينه الراس .. باجر ايحل الرعب
والنصر مضمون .. هالأنصار اتحـالفت
========ـ
وي لهيب الحـوم .. يرتفع عالي اللوه
من نطب ميدان .. مايضل حته الهوه
أحنـه زلــم حسين .. تدري بينه نينوه
هيـبه معـروفين .. والاعلوم اتناشرت
========ـ
أمنّـي بالخيمـات .. لا يضل بالچ تره
خطه من عباس .. عدنه يابت حيدره
تـرتــفـع رآيــات .. والصدور امناحره
للعـرك والموت .. هالانصار اتحضرت
=======ـ
ـ خيري الصفراني ✍️
/channel/aabas78
قصائد لكل ايام محرم اشترك بالقناة
الى النصار
صلاة الظهر چانت ويـّه الحسين
نده اتطيح السهام اعله المصلين
ويّاه..نصليها سـويــه
ويّاه..يـامحله الـمنيه
===================================
الصلاه حبل الـوصـل ممدود مـا بين العبد ولرب
بس بالطف حبلنه چان حسين وياهو منـه اكرب
صار اول عشگ ينضاگ عفنه الماي بـيـه نشرب
هـاي اخـر صـلاة ويـاه ولـون الـدنيـه كلـه اتـرب
مثل ريح الهوه امن يعوفنه انموت
عله افـراگه يضل يا دمع يا صـوت
نداء..امن لصحبه الوفيه
ويّاه..يـا محلـه الـمـنـيـه
===================================
يا تاريـخ هـذا ايگــول صـــلاة الـخـوف صلينه
البيها ابكربله اويه احسين وكـت الظهر وگفينه
والعباس حاضر چان اعله سيفـه طابعه ايمينه
السهام امـن ايدهم طاحت مـن خزراهم ابعينه
اشلون انخاف والعباس موجود
مـو بالماي جـوده تارسـه اجنود
لواه..غضب رب البريه
ويّاه..يـا محله الـمنيه
===================================
يــربــي لا اتخلصهــا الـصـــلاة اويـــاه ردنـهــا
صلاة وخَلف ابــو الـسجـاد يـاهـو الـمـاتمنـاهــا
يحسـدنــه الـيصـــد اســـام والبصـدره تلگاهــا
واحـنـه انگلـه هنيـالـك جـروحك بيده شداهــا
لا سـكـرت الــمــوت وطلعـت الــروح
يحس بيهه البحضن احسين مطروح
آه..عشگ عابس قضيه
ويّاه..يـا محلـه الـمنيـه
===================================
اليباوع ابوجه احسين ينسه العطش وجروحه
اذا مـيـت يصلـي اعليـه مـو عجبـه تـرد روحـه
بيبان الـجنان انشـوف ابـدعائـه كلهه مفتوحـه
امتانينـه يصافحنــه وهنيـالـه الــذي ايلــوحـه
نسلم اعليـه والـدنيه ابگفانـه
تـرگناهـه وتبعنــاه الـحنـانــه
اولا..تغيـرنـه الـدَنـيـّه
ويّاه..يـا محله اـمنيه
===================================
من گمل صلاته وشاف ثلث من صحبته مـوتــه
عبــــــره بصدره خانگته گــوه ينسمـع صـوتــه
مـن واحد لواحد راح ودمعته ابوچهه منحوتـه
تطلع منـه حسرت مـوت وگلبه اتگطـع ابتوتــه
زهيــر ايگلـه يا مـولاي تانيـت
گبل لا مـوت اگلك آنـه وفيـت
فداء..الك يبن الـزچيه
ويّاه..يـا محله الـمنيـه
==================================
الصايـر للنجاة اسـرع واكبـر مـن سفينة نــوح
معقوله يظل اوحيد ونحره امن الگفه مذبـوح
مـو ميـة ولا ميتين ابگد الـجيش بيه اجــروح
نعمة الله لـيـش الخيل تدوسه الجايه وتــروح
ماكوا خير مثـل احسين ياناس
المفروض ايتقبل مـوش ينداس
وراه..السمه نصبت عزيه
ويّاه..يـا محله الــمـنـيـه
===============================
✍حيدر الشغانبي
/channel/aabas78
قصائد لكل ايام محرم اشترك بالقناة
منهاج محرم الحرام الحرام 1447 هـ
أنصار الحسين (رضوان الله عليهم)
بسم الله وبالله
فزعو انصار الله
صوب اخيام حسين فياي
وموت احمر عالعاداه
بس طلعو من خيمهم... العِده رجفت كل زلمهم
لان امبين عزمهم... يُفنى الضَد الحُسين
گدما بيهم حميه... يقرون العنده نيه
وحاضر للطف يسَّلب... ما يسلم خطوتين
غِيره وهِمَه.. وحتى الكلمه... منهم تسطر فوارس
الجيش بكُبره.. اهتز بنظره.. لَمَن باوعله عابس
كلهم افضل.. كلهم أول.. على الموت التنافس
من گد ما بيهم نور
چنهم لؤلؤ منثور
ونِدَه بالهوه يم آل حسين
وموت احمر عالعاداه
ــــــــــــــــــــــــــــــ١ـــــــــــــــــــــــــــــــــ
اربع تالاف إجوله.. أملاك اتوسلوله
يحسين اقبل ننصرك..رفض وگلهم محال
اصحاب العندي تكفي.. للطف واكثر توَّفي
كل عصر وما مثلهم... والله ونِعم الرجال
نِعم الصفوه.. صحبه وإخوه..الضوه اتوضه بضواهم
مِن السابق..مِن اللاحق.. ولا صحبه بوفاهم
غِيره وهيبه..حُب وطيبه.. ولا رايد سواهم
كلما عطشو للماي
اكثر صارولي فياي
بالذر نادو ويه حسين
وموت احمر عالعاداه
ــــــــــــــــــــــــــــــ٢ـــــــــــــــــــــــــــــــــ
حسين اشما يمشي يلگه...صدر الرايد يشبگه
ايشبگه وللحومه ينزل... وشهاده ادعيلي انول
عدهم كل السعاده... بس النال الشهاده
المجروح ايرد يقاتل...إلا اتوذر يگول
ومحد يقنع...لَمَّن يطلع... يقتل بس چم مقاتل
الخطوه بعشره.. وعشره النظره.. ويحصدهم كالسنابل
وگلبه ايردد..ربي استشهد.. وبالجنه حسين أقابل
اباب الجنه ونتناه
وما ندخل الا اوياه
بس هنا گبله الا انموت
وموت احمر عالعاداه
ــــــــــــــــــــــــــــــ٣ـــــــــــــــــــــــــــــــــ
گدما ابو اليمه حَبهم...ويهوى اليسعد گلبهم
ويه حسين برجعته...كلهم وياه يجون
والمهدي بابتسامه...يتلگه اهل الشهامه
ومثل الطف لنصرته... بالحُب يتحزمون
اينادي المهدي.. صحبة جدي.. تشرح صدر النظرهم
الغِيره بدمهم.. الجنه اتشمهم.. گدما تعشگ عطرهم
من شيعتنا..من طينتنا..وانحب كلمن ذكرهم
شوفتهم راحة بال
حي الله ونِعم ارجال
وين ايكون حسين اوياه
وموت احمر عالعاداه
ــــــــــــــــــــــــــــــ٤ـــــــــــــــــــــــــــــــــ
ويه حسين بثورته...اويه المهدي بثأرته
شگد چا للصفوه هذه...الله امعلي المقام
ولذلك في عملنه...قدوه انخليهم إلنه
ونتعلم من وفاهم.. بالخدمه الالتزام
واللي انفهمه..كون الخدمه.. مو كلمن وبمرامه
كون الخادم.. يرضي القائم.. بالأفعال وكلامه
وزين ايدقق.. حتى ايحقق..منه الرايد امامه
مو بعناد اويه فلان
يجرح گلب العطشان
ويتواضع ويه اليهواه
وموت احمر عالعاداه
ــــــــــــــــــــــــــــــ٥ـــــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
/channel/aabas78
قصائد لكل ايام محرم اشترك بالقناة
مسلم چــن حيــدر بالكوفــه
مسلم چــن حيــدر بالكوفــه
* * * * * *
حيـــدر غــدرت بيـــه ألامـــه
ومسلم شـــــابه حيــدر عمـه
غــــدروه ومـــا راعــو ذمــه
غــــدّاره ألامـــــه ومعروفــه
****
مسلـم عــــاد أحـنين وخيبـــر
يشبــــه حيــدر بيـهم لـــو كــر
مسلم صــاحو لا ظـــن حيـدر
جيش الباغي هــــــز أصفوفه
****
حيّــرْ عـــدوانه أبصـــولاتــه
يشبه عمـــه أبكـــل حملاتــه
احتـــار التــــاريخ بجلماتــه
شيوصـــف مسلم بحـــروفه
****
عن حكمه حسين من أختاره
أول واحـــد مــن أنصــــــاره
بالكوفه عـــــــاد شچم غـاره
وحملاتــه بحيــدر موصوفـه
****
بغـدر الكــــافر گيّــد أيـــــده
وينذل جـان الباغــي يريـده
وينكـــر راد حسين أعضيده
وحب حسين بگلبه يشوفــه
****
وين الباغي وجيشه وقصره
عالجور أعلـن مسلم نصــره
دمه تفجر گبـــــه وحضـــره
والعــالــم يگصــد ويطوفــه
****
الشاعر
موسى البديري
/channel/aabas78
قصائد لكل ايام محرم اشترك بالقناة
❤️عيدكم مبارك وكل عام وانتم بالف الف خير اعاده الله علينا وعليكم بالخير واليمن والبركات❤️
Читать полностью…
نزل مسلم للحرب وصار موقفهم صعب
شد عليهم شد عليهم
*
كبرت بأسمه الكتايب هاشمي وجده ابو طالب
مسلم اتعناها
واقعه وقعت عليهم ورجها رج الارض بيهم
بس جثث خلاها
لعب بالفرسان جوله شورطاهم وعتنوله
ورايته علاها
نازل عليهم رعب وصار موقفهم صعب
شد عليهم شد عليهم
*
صاعقه وعالزلم نازل هذا عنوان المراجل
هاشميه اطباعه
مالت الكوفه بهلها او وگفت الفرسان كلها
تگله سمع وطاعه
هيج صار بآل أميه خله كل عشره سويه
وكلمن واتباعه
صاح ملزوم الدرب وصار موقفهم صعب
شد عليهم شد عليهم
*
هاشمي ومحد يگدره اوجوهم خلاها صفره
بيها صارت خوفه
الخيل صار امرادم الها تريد تخلص من حملها
وتفر من الكوفه
والزلم عالزلم طاحو استراح المات صاحو
والعدل ميعوفه
الزلم تسكت من يطب وصار موقفهم صعب
شد عليهم شد عليهم
*
صاح طوعه شجعيني بعلي عمي ذكريني
اليوم اله اگضيهم
براسي غيرة علي وحمزه بسيفي اكبر راس احزه
ماكو فارس بيهم
صاح بيهم ماكو رحمه اله اشطرنه الألزمه
الموت انزله عليهم
والمثل بي ينضرب وصار موقفهم صعب
شد عليهم شد عليهم
*
بسيفه يتخاطف عليهم منين مادارو يجيهم
واخذ منهم حيفه
واحد ايصيح عله واحد وين خايب منه شارد
ما يعوفك سيفه
ما تعب بس تعباهم الموت الاحمر شوفاهم
وكلشي صار بكيفه
عالصدر شد الگلب وصار موقفهم صعب
شد عليهم شد عليهم
*
الكوفه صاحتله دخيلك ما يصح مسلم مثيلك
انت عمك حيدر
من تطش بيها وتلمها فحطت الخيل وزلمها
وتعبيت العسكر
ما نمت عل عيله اعرفك مثل عمك صلب جفك
انت ما تتكرر
تگلب الحومه گلب وصار موقفهم صعب
شد عليهم شد عليهم
*
تمت
الشاعر ميثم العمري
/channel/aabas78
قصائد لكل ايام محرم اشترك بالقناة
3
حميده ابنت مسلم عليهم السلام تخاطب اباها
حياتي ابدون وجهك مو حياتي
اشــوفــنــك واضمك بمنياتـي
ــــــــــــــــــ
يگولون البشر يتناسى لـو ينسه
لان الله خلقها جبدتة مــلــســه
وانا وعينك ترى من يومي ولهِسه
شفت الضيم بويه الماشفت نفسه
يـبويـه وراح يـلـفـيـنـي ممـاتـي
اشــوفــنــك واضمك بمنياتـي
ــــــــــــــــــ
يتاج الراس طيفك من يـجي ابالي
وحگ عينك علي بس حسره تبرالي
قميصك لــو يرد يـابــويــه يالغالي
اتـمـنـى بحقيقة وترجع اگــبـالــي
تفطر جفني مـن گـد نايحاتـي
اشــوفــنــك واضمك بمنياتـي
ــــــــــــــــــ
موقـف شفتة بــويـه وحـيـل اذانـي
عمي حسين اجاني بـلهـفـه ضمانـي
وحط ايده اعله راسي وبويه خلاني
بحضينة ويــگــلــي انــي ابــوج انـي
ويگلي اني احسبج من بناتـي
اشــوفــنــك واضمك بمنياتـي
ــــــــــــــــــ
اشلون انساك وانته الشوف البعيني
يمسلم بوية انشدك من تــخــلـيـني
مشيت انته وخذت كل عمري واسنيني
يـالمـدللـنـي مـا لـحـضـه تـجـافـيـنـي
كـلـهـا ويـاك جـانــت ذكــريـاتـي
اشــوفــنــك واضمك بمنياتـي
ــــــــــــــــــ
يـبويه ابلا ابو مهمومة الابنـيه
باجر مـن تصير الدمعه ترجية
بحساسي وشعوري ما الك جيه
ولــو ترجع يبوية وتنظر البية
يـبـست مـن الـم فـگدك لهاتي
اشــوفــنــك واضمك بمنياتـي
ــــــــــــــــــ
يـا خيمة وحنينك لمن يسافر
رحيلك بـويه يشبه ليلة العاشر
اتاني لرجعتك من بين الف باجر
بعدك اني اكـسر خاطر الخاطـر
يالتنشدني وادور رضـاتــي
اشــوفــنــك واضمك بمنياتـي
ــــــــــــــــــ
شـوفت طولك اترد العمر بية
وانذرلك نذر لو ترجع اعلية
اطـش اسنيني ياقلبي وطورايـه
وكحل عـيني ضلمه وانته گمريه
من الگاك افك ايدي يغاتـي
اشــوفــنــك واضمك بمنياتـي
ــــــــــــــــــ
يا راحه الـبال ويا نـبـض قـلـبــي
يا قران روحـي ويـا جـرح دربــي
ياشهك الـريه وبـالـنفـس تعـبـي
يا شـمعه حياتي ويا سحر حبي
غلاتك بـويه اكـثـر من غلاتـي
اشــوفــنــك واضمك بمنياتـي
ــــــــــــــــــ
الشاعر زين العابدين الشمري
/channel/aabas78
قصائد لكل ايام محرم اشترك بالقناة
نزله. مسلم ابن عقيل
قصه الاهيه... بسمك وقف هيه... هاي السفاره
كلها راحت وانت خالد..... گبتك اعظم دليل
والعطش صار بحضرتك....ماي يتوزع سبيل
ياسفير حسين انت......من صنعت المسحيل
جوه رجلك كل قصرهم...صار مكسور وذليل
واليوصل الكوفه. بعيني يجي يشوفه
.قصر الاماره ......... هاي السفاره
**
صرت باالكوفه انت معلم...شامخ بكل العصور
وچي امان الله بحضرتك......بيها ترتاح الطيور
والهوى يمر اعله صحنك.....خاطر يخلي عطور
براحه نفسيه عجيبه..............يشعر الرايد يزور
عطر الامامه أنت.....كل المجد نلته...
..بزود وجداره ......هاي السفاره
**
ألف عام عليك وأكثر....وانت قرآن الخلود
بحر.ياالكلك معاجز... شما خذو منك تزود
مرتبط هذا وجودك.......سيدي بكل الوجود
من اخر الدنيا تجيلك.........كلها زوار اوفود
قائد وابن قائده....رف بيرغ الساده...
فوگ المناره......هاي السفاره
**
العنده شده ويعتنيلك......يمك يفل الشداد
ماكو مؤمن عنده حاجه...ومااخذ منك مراد
دار كل واحد يضدك...... راحت وصارت رماد
كل مجاهد راعي مبدأ......انت علمته الجهاد
كلمن نوه الثوره.....عندك اخذ دوره...
وحدد مساره......هاي السفاره
**
الشمس مايخفي ضواهه...شما كبر حجم الغيوم
الباطل اشما طال حبله...فترى يبقى وما يدوم
وكل خفافيش.السياسه ... تطيح ماتگدر تحوم
وانت الك هاي المناير.......تسجد عليها النجوم
كل نجمه تهواهه....وتصلي فوگاهه..
وتقره الزياره.......هاي السفاره
الشاعر سعد العبودي
/channel/aabas78
قصائد لكل ايام محرم اشترك بالقناة
