جسام رمله اتحشمه
ضحي يجـــاسم بالدمه
***
هاك يبنـــــي السيـــف واطلع للــحـــرب يبني ياجاسم
ودرع لاتـــــلبس تـــدرّع بالگـــــلـــــب يبني ياجاسم
ظل وحـــــيد احسين عمك بالــــغـــرب يبني ياجاسم
هاليوم يوم الموزمه
ضحي يجاسم بالدمه
*
رخصه اطلب منـــــه وافـرض ما قبــل قبــل اچفوفه
گله ياعــــــــــــم والدي نــاده العجـــل قبل اچفــوفه
ويبني گله اويــــــــــاك يحلالي الأجـل قــبل أچفوفـه
بيك ارد اواسي فاطمه
ضحي يجاسم بالدمه
*
لو رخصلك صول صـــولت حيدره وزلزل الحومه
احمل اعله الميـــــمنه وعلـميســـره وزلزل الحومه
وعيد بالطـــــــتف يبني وقعة خيبره وزلزل الحومه
ذكرهم بحامي الحمه
ضحي يجــاسم بالدمه
**
أخذ من حسين جاســم رخصـــته وبيده بتاره
وطب ميادين الوغى بكل همــته وبيده بتاره
أمه رمــــله للـــــحرايب زفـتـــه وبيده بتاره
يرجزابأرض الملحمه
ضحي يجـــاسم بالدمه
****
أن تنكرونـــــــي فأنا ابـنُ الحسن وماتنكـرونه
سبط ُالنبيِّ المصطفى والمـؤتـمن وماتـنكرونه
هذا حسينٌ كالأسيرِالمــــــرتهـن وماتـنكرونه
هالصرخه تبقه قائمه
ضحي يجاسم بالدمه
***
قاتل وماهـــــاب اشباه الرجــال جاسم ابزوده
عن أبوه المجتبى خاض النزال جاسم ابزوده
شبل حيدرتاقن افنــــون القـتال جاسم ابزوده
ونال السعاده الدائمه
ضحي يجاسم بالدمه
**
تمت بعون الله وتوفيقه والحمدلله رب العالمين وصلى الله على محمدٍوآله الطاهرين
حيدركريم جارالله الكربلائي
/channel/aabas78
قصائد لكل ايام محرم اشترك بالقناة
مقدمه اليله الثامنه
هاي الليلة هاي الليلة --- ثامن ليلة من عاشور
"""""""""""""""""
هاي الليلة مصاب القاســــم
شمعة شبان لكــل هاشــــــــم
بالدمعــــات تنـــــــــوح الوادم
هاي اللية لكل تبجيـــــــــــــله
"""""""""""""""""
تجري وما نشــفت دمعتهـــــا
أم جاسم تســــــعر جمرتــهــــا
كل أم خل تعلك شمعتـــــها
شمعات الزفــــة تضويــــــــــله
"""""""""""""""""
مسكينه رمـــــــــله ومتكـدره
كَعدت يمــــــه تشـــــم بنحره
ظلت تجذب لجله الحســرة
شـــــبان وفركـتـها ثجيـــــله
"""""""""""""""""
شاع أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
موشح للقاسم
جاسم العريس يمشي بهيبته
وآخر النظرات جانت نظرته
آخر وداع وحزن بالعايله
بين رمله وجاسم بطف كربله
اگباله وگفت بالدمع تنظر اله
وسولفن بالطف دمعها ودمعته
جاسم اتعنه وبرز وسط الجمع
والحوافر تسحگ بذاك الضلع
بالمصيبه الليله وانهل الدمع
بالدمه العريس صارت حنته
صارت الحنه بدمع ماي الجفن
وأمه رمله تنحب اعليه وتون
ماتبطل لبست اثياب الحزن
من هوت اعله الگاع ضلت رايته
گبل لا يوگع على الغبره ذبيح
بالدمع جاسم سمع أمه تصيح
گبل عمك ردت بالحومه تطيح
صاح ابشري يمه صاح وسمعته
بعد ماطاح وتخضب بالدمه
بهل مصيبه ناحت املاك السمه
اهنانه صاحت رمله فدوه الفاطمه
شنهي ابني اتهون كل امصيبته
ابد ماقصر بساحات النزال
والجمال ايغار من عنده الجمال
أمه عرفت مايرد جاسم محال
هذا كل المختصر من قصته
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
أسمع الهوسات أجت صوب الخيم زفوا القاسم اضن اهل الشيم
گومي زينب عمته خلي نحضر زفته
زفوا القاسم اضن اهل الشيم
*
هــــذا التحبيـــــه واليحبج يعمتــــــه
گومي خلنتلگه انـــــه وياج زفتـــــه
زفــــــوا وليدي يزينب گبل حنتــــه
ولا خبر منهم وصلني اعلك شمعته
شلون زفه وبلعجل سووها جفوفه بيمن ياتره حنوها
راح اجيبن حنتّه خلي نحضر زفته
زفوا القاسم اضن اهل الشيم
***
ﭽان جاسم ما ينام الا اعله متنج
خطوه مايخطي اذا مو رخصه منج
لحظه لو غبتي يجي ويسئلني عنج
گومي للزفه يزينب وخفي ونج
اخفي ونج جاسم يزفونه أنتي روحه ومهجته وعيونه
گومي نوصل خيمته خلي نحظر زفته
زفوا القاسم اضن اهل الشيم
***
گلبــــي مدري شبيه يازينب لسبني
اسمع ويلهوسه صوت يصيح يبني
ﭽنه صوت الحسن دوهني وشدهني
دخيل أبو الحسنين خافا راح مني
خاف جاسم راح مني بكربله الله يبعد يبت حيدر كل بله
اليله جاسم فرحته خلي نحضر زفته
زفوا القاسم اضن اهل الشيم
****
شبيج دمعج مانشف ومغرك العين
اني اسولف بلعرس وانتي تونين
جان كل ضني بعرس جاسم تفرحين
امبارك بعرسك يبن رمله تنادين
لفت هالهوسات من الساحه ابن اخوج الحسن هاي افراحه
وي عمامه وصحبته خلي نحضر زفته
زفوا القاسم اضن اهل الشيم
**
وصلت الهوسات جا جسام وينه
ليش مايمشي اعله رجله وشايلينه
بني هاشم لبوا اليمه محاوطينه
أبني شو ﭽنهم عمامه مشيعينه
گلبي ما مرتاح يابت فاطمه ينبض وصوت النبض دك بالسمه
گلبي صاح بجمرته خلي نحضر زفته
زفوا القاسم اضن اهل الشيم
**
هذا ابو اليمه اليشيل ابني يزينب
هاي مو زفت عرس والخيل تلعب
توجهوا بجاسم عليه وكلها تنحب
گومي خل نتلگه عريس التخظب
ابني عريس الشهاده بهالطفوف زفته ارماح ال اميه والسيوف
هالشهيد ومحنته خلي نحضر زفته
زفوا القاسم اضن اهل الشيم
***
الشاعر
السيد كريم دانه الأعرجي
/channel/aabas78
قصائد لكل ايام محرم اشترك بالقناة
نزله للقاسم ع
يا جسام … چنه الحسن ونعومه
يا جسام … يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل ضنهم ازغير وابد ما يگدر
وشعلمه بهاي الحرب كر و فر
تاليهه ذكـرهـم مـواقـف خيبر
جاسم والنعم … رجفهـه الزلم
لا مــا ينهزم … خـوفها المنايه
الجده حيدره … محـد يگـدره
دنيـه و آخره … عاشگ للولايه
يا جسام … يـا يــوم يشبـه يومه
يا جسام … يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عدوانه رجعو وهوه ظل يتقدم
بچـاهـم اشمحلاتــه مـن يتبسم
راجـل نـزل و بكل عدد ما يهتم
واللي يوصله … بسيفـه يجنـدله
زلـزل كـربلـه … عن عمه يحامي
ما همه العمر … الـزلمـه مـو كُـبُر
گلهــم افتخر … بالنصره الامامي
يا جسام … بالساحه حلوه علومه
يا جسام … يرعـب دخـل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ادخيل الله من سرفنهن ارداناته
عمـره زغيـر ويـرعـب ابصـولاته
تشبــه لبــو فاضـل بعــد خزراته
متلـثم طلــع ... چـم رگـبه گطـع
والكل انفزع … من هاي الشهامه
زلمه الوحّدّه … فگــره العــانــده
كلهه تناشده … يكشف عن لثامه
يا جسام … بيهـم جلاهـا همـومه
يا جسام … يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حيّـرهم و بچـه الحـرب بفنـونه
شـال اللثـام و كلهـم ايشوفـونه
انت الحسن لـو منهو يتوسلونه
نـــدري بالحســن … ميت مـن زمن
رد يحمي الضعن ...ما يترك خواته
تشبهلـــه و علــي … صوتـك معتلي
مـن شكلك ولـي … ياحامل صفاته
يا جسام … شــايلهـه كــل ارســومـه
يا جسام … يــرعــب نــزل للحــومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گللهم آنـه ابـن الحسن عرفوني
جسام اسمـي و فنكم اتلاگوني
وحسين مـا عوفنه نور اعيوني
هاذ آنه اكبرت … تلميـــــذه صـــرت
منكم ما خفت … گدهه رافع الراس
لـو واحـد گدر … لخيــامـــه عبـــــر
يتـــــوذر وذر … هيبه وعمي عباس
يا جسام … نـــاذر العمـــه ادمــومـه
يا جسام … يــرعــب نـــزل للحـومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يامـه كتــل بيهــم زغيــر السـاده
مـل الجـنود ودور اعــله القـــاده
يــالَ ثـــار الحسن لمـــن نـــــاده
ظل يطبگ طبگ … هـايــم بالعشگ
و اليهــوه صـدگ … حوطهم عجيبه
اختنگت نينــوه ... مــا بيهـه هـــوه
و اعليهــم نـــوه … مـا يتـرك حبيبه
يا جسام … شايــل الغيــره دومــه
يا جسام … يرعــب دخــل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشاعر ابو ياسر المياحي
/channel/aabas78
قصائد لكل ايام محرم اشترك بالقناة
شاط للحومه ونزل... بيده كض سيف الزعل
هلهلتله كربله ... يا هله وميت هله
هذا عباس كفيلي هذا عباس
.....................................................
كتله اريد الماي منك كال يختي ادللي
غاليه ويرخص طلبها امر تامر بت علي
راح اشيل الجود بيدي كومي يختي هلهلي
اكلب الحومه باهلها الساحه تفرغ بس الي
هيج كتله وكال الي ..... يختي يختي ادللي
هذا عباس كفيلي هذا عباس
....................................................
من دخل سوح المعاره بيده رفت رايته
سيف ابوه القلع خيبر طبها شاله بيمنته
جنه حيدر من يضهضب ما يثني بضربته
جنه ملك الموت يمه كباله تعرك كصته
بخوف لا مومن خجل .... سيفه قباض الاجل
هذا عباس كفيلي هذا عباس
....................................................
چنها ايام القيامه وچنها ساعات الحشر
ماكو توبه اليوم بيها وما نفع بيها العذر
لازم ايطب الجهنم منه للرايد يفر
واليريد ايلاوي چفه يموت سكته من الخزر
موعد الساعه اقترب ..... من رفع سيفه وغضب
هذا عباس كفيلي هذا عباس
........................................................
صاح ملك الموت بيها ونفخ صور القارعه
مسرفن الذرعان طبها ورتلتله الواقعه
انكسرت افواج وكتائب والجيوش مضعضعه
يسحگ خشوم ويطرها وحده طب المشرعه
بهيبه يمشي بخطوته ....... بيده شايل جربته
هذا عباس كفيلي هذا عباس
................................................................
زلزلت ارض المعاره ولارض چنها اندحت
چانت سيوف اتلامع بيده ساخت ونمحت
مدخنه ادموم ومطرها روس .. لاچن ما صحت
فارت دموم المعاره وحدر جدمه اتناضحت
الساتر الله لو غضب..... وباسم زينب من ندب
هذا عباس كفيلي هذا عباس
......................................................
بالرگب يتوضه سيفه من كسر فيه الضحى
واذن اذان المنايا من قراها الفاتحه
هوه طبعه السطره بيها عالوجوه الچالحه
وين يالبعتو ذممكم يا عبيد المصلحه
من يرف بيده اللوه ....... ينگطع حته الهوه
هذا عباس كفيلي هذا عباس
الشاعر علي صادق المجراوي
/channel/aabas78
قصائد لكل ايام محرم اشترك بالقناة
(نزال للعباس ع)
لوما جفوف العباس .. كاع الله بلطف مالت
متوازنه ترد الكاع بجفوفه
حجايات زينب بلراس ملفوفه
كلما يصيح العباس
من خزرته وجوه الناس... مخطوفه
عطشانه عيني تشوفج
بلخيمه افتحي اجفوفج
راح اكلب الكاع اهواي
ويتسرسح اعليج الماي.. يازينب
/////
لمن سمع بل صيوان يردونه
فزن صور داحي الباب بعيونه
كلتله زينب بهداي
راح ورجع شايل ماي ... بمتونه
ضهضب وصعدت ناره
عطشان دم بتاره
كاللها اخوج العباس
خله الزلم راس براس .. يازينب
/////
لوحه الجثث فوك الكاع مرسومه
رجفها سيف العباس بلحومه
والكاع صاحت ياويل
الخياله شردت والخيل مهزومه
بلروس يركض سيفه
يختار كام بكيفه
يرجع ميتأخر چان
عباس شايل جنحان .. يازينب
////////////
ونعم منك عباس سويتها
بذرعانك المكطوعات وافيتها
زينب دهر راح تعيش
تضل فاكسه عيون الجيش خليتها
عباس صاير غيمه
من النهر للخيمه
فرحانه چي فعلك زين
زلمه وشلت راس حسين .. بطفوفه
الشاعر علي مخيلف
/channel/aabas78
قصائد لكل ايام محرم اشترك بالقناة
نزله أهوازيه .
بحر طويل .
.......................
طك عرج الزعل واغتاض هدّ وركب ميمونه.
صال وخبط صافي الجيش والمات الف خيعونه.
..............................................
للحومه كَصد عباس وترف رايته الخضره.
كلمن كَابله يرجع فوك امتونه بس نحره.
من كد ماكطع بالروس كاع الطف غدت حمره.
والما لاحه سيفه يموت .خوف بخزرت عيونه .
...............................................
موت ونزل بين الكَوم .يلعب عالركَب سيفه.
بين أجفوفه صار الجيش .ظل يتخير بكيفه..
فرهم مثل فر .اعصار وبصولاته اخذ حيفه .
ناس اتشوفه اجه العباس .ناس الوصي يشوفونه.
..............................................
كفهم كف هوى بشراع.حتى اختنكت الحومه.
جن يوم القيامه صار .يامصعب غضب يومه.
يم عرش السمه وبالكَاع .والله اتنومس اعلومه.
اشوس قسور الشجعان .ابن الوصي يسمونه.
...........................................
موت وحل .نفخ بالصور اسرافيل من طبهم .
مثل .كور. الغزل.بالسيف. حدر اجدامه كوّرهم
كَد ما حصد بالجيمان . خوف يموت شاردهم .
لهسّه المات .ميت خوف يومه شلون ينسونه .
.............................................
عيت هجت اكَباله الخيل وعالزلم ركبت.
من قوة ضرب سيفه .صوارمهم ثلم خلصت.
سد ادروب رجعتهم .جحافل عالنهر جلًت.
سرفن ضهضهب العباس والجربه على أمتونه .
...............................................
تملكها الشريعه بزود .بس ماقبل يتروه
رد بوابة الايثار . والنوماس والنخوه.
شلون اشرب واخوي حسين .كَلبه بنار يتجوه .
للخوه أمتنع. مو خوف مو همه اليمنعونه.
...........................................
✍ أبو منتظر الحجامي. 2024
/channel/aabas78
قصائد لكل ايام محرم اشترك بالقناة
يا عباس ، يلا شد إحزامك ، هي هاي أيامك
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛
گوم يا ليث الشدايد و الحرب
يلي سيفك يضرب و ما تنضرب
عندك الصعبات ماي و ينشرب
الحومة من تدخلها يدخلها الرعب
يا عباس ، من تسل بتارك ، يعني شبت نارك
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛
سل حسامك حيل يا راعي اللوه
لا تخلي الشمر يشتم الهوه
الجيش يمك هو و الماكو سوه
ضامي ملك الموت بس هسه ارتوه
يا عباس ، ما تمل عالعادة ، تريد جيش زيادة
مدد مدد ، يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
قل هو العباس سبع الگنطرة
مشه كل الزلم مثل المسطرة
و على هالمنوال لزمهم سره
نار سيفه ثم نار الآخرة
يا عباس ، يالجهنم سيفك ، الموت هسه بكيفك
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وارث الكرار حيدر و النعم
بالحرب تكفي فخامة الإسم
من يسولف هو تسكت الزلم
الراس من يطيره عن حكمه و علم
يا عباس ، يا وريث الوالي ، عالي صيتك عالي
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سكنه طلبت ماي منك و تعرف
من تروح بنيه جفنك ما يرف
الف فارس شنهو خلهم ١٠٠ الف
والله بس بشاربك بس ينحلف
يا عباس ، گوم يا والينه ، تريد ماي سكينه
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
غير وجهك بالحرب لا ما نشوف
لا فتى إلا أبو فاضل بالطفوف
إنت واحد لكن أكثر من ألوف
وياك ملك الموت و بخصمك يطوف
يا عباس ، بيك هاي الآيه ، فرد بس هوايه
مدد مدد يبو فاضل ، مدد مدد يبو فاضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#مدد
#علي_حسن_الكناني
/channel/aabas78
قصائد لكل ايام محرم اشترك بالقناة
مقدمه 7
ليلة السابع من محرم
سابع مسه ابشهر الدمع
من فاطمه يلچــم ضلع
هم تدري يحسين…
الليله زايـــد بالالم ضــــــلع الوديعه
مـن وگع عبـــاس يم راگ الشــريعه
نصاب سهم ابعينه وچفوفه گطيعه
اوما وصل مايه لبوسكينه ورضيعه
الجربه طراها السهم
والورد ذبل بالخـــيم
هم تدري يحسين
ياحســين ايعينك الله ابهل رزيه
احزام ظهرك راح برض الغاظريه
من رجعت امـــــن النهر للهاشميه
وي عمود الخيمه طگ ضهرك سويه
زايد على الزهره الالم
من وگع شيـــال العلم
هم تدري يحسين
°°°°°°°°°°°°°°°
✍الخادم
كامل السعيدي
/channel/aabas78
قصائد لكل ايام محرم اشترك بالقناة
يا عباس بيمناك شيل الرايه
***
البس درعك وصول ودخل للميادين
وخلي مكاطف الروس يوصل يم الحسين
من طبيت عالماي حارت تشرد امنين
وفوك ضهورها الخيل ضل يطافر الطين
وياخويه شويه الجيش وانته اهوايه
***
طك الكاع بالكاع وكلبها الحرايب
وخلي كربله تروج وسحك عالشوارب
طك عرج البدو بيك بدوي وجاي غاضب
صاحت منك دخيل عباس الكتايب
وين يضم روحه الماي تيه رايه
*
عجت والهوه اندار والعركه ثكيله
وكواك الله عباس صاحتله العقيله
طب الماكو رجال يبرزله دخيله
مو بس ماي بالجود راد الشط يشيله
دخن راسه وبالكوم سوه سوايه
**
امك زامطت بيك وانته بجفك الحل
ومن صديت عالجيش طاح الصف الاول
من تزعل يعباس سيفك وحده يزعل
وشكد بالطف الماي يم رجلك توسل
وبكماطك يا عباس منطي حجايه
***
بيده الجيش شالاه وصم الجيش بيده
وبس الزلمه عباس بالحومه يصيده
ايريد بكربله ايعيد ايام الصميده
ولاخر يوم عباس ما ينطي بعضيده
احتارت فرقة الخيل والرمايه
*
كل العسكر انهار بس خطوه تقدم
هد والخيمة ام عون يوصل رايح الدم
حمزه صاحو بصوت بالرايه تحزم
وتعطش زينب اشلون والعباس زمزم
وفوك امن الشمس غاد دك الثايه
**
تمت
تحسين الخفاجي
/channel/aabas78
قصائد لكل ايام محرم اشترك بالقناة
ابو فـاضل من دخـل ميدانها
سيفة رحه ويطحن بأكوانها
........
ابو فـاضل لـو نزل للحـومة
لوحة بـيدة كـربله مرسومة
من عـلي ماخـذه كل علومة
ضربته وحدة لان محسومة
بالـفخـر مذخـورهـاذه يومة
وكـربلة هـوه رمز عنوانها
.......
بالطفوف الموت صار بكيفه
من عـلي ماخـذ اذن تكـليفه
شمرت الفقار شمرت سيفه
بالركـاب يصير حـد تنظيـفه
من بني سفيـان ياخـذ حيفه
زلزل جيوش ويهد اركانها
.......
تـشرد ابطـال الـزلم كـدامه
سيفة ما يبتر يدور الهـامه
القصاص مطـبقة بأسـلامه
الحرب مقبوله بس احكامه
يحـكم يقـرر ينـفـذ اعـدامه
مايكابل شرط بس فرسانها
.......
سيفة رحه ضربته جن زلزله
شهب لو صعـقة عليهم نازله
سيفه يقبض روح ليحل اجله
بيـدة مـلك الموت سلمهه اله
بسيفه اية عالحـسيـن منـزله
اية بالحـق والعـدل برهـانها
.........
سيفه بالميدان عصة موسىه
كل سحرهم يبطل من يدوسه
يلغـف سيـوف ويكطع روسه
سجدت اركاب الزلم لدروسه
صار بالحـومة يأدي طقوسه
وشعـل بيهم بالذعـر بركانها
......
سيفة قـطعه الجهـنم بالارض
العذاب الهـم بده اصبح فرض
حل قدرهم منو بيهم يعـترض
اليشوف السيف منه ينـقرض
دخل بيهم طول ياكل بالعرض
ويـدخل وبيـدة يـسـد بيـبانها
.......
الشاعر
اياد الفرح التميمي
/channel/aabas78
قصائد لكل ايام محرم اشترك بالقناة
بالحرب عنوانك
حيدري ميدانك
هذا عباس.......هذا عباس
***
دنكت كلها تسلم ........خوفهه ايمر الگمر
والنهر مايه تحزم......... راد يتعنه النهر
هيبة العباس طبهه.....سجل بصيته الدهر
رمشت اعيونه خطفهم.....خرزته تكسر ظهر
ترتعب عدوانك
حيدري ميدانك
***
چنه عزريل اعتناهم......والطف ابسيفه ابتله
كال بسم الله يمكن .....راد يكلب كربله
اتكترت كلها العساكر.......چفه يقره البسمله
وشل الطف من خزرته....منهو كدها ويوصله
والفخر ذرعانك
حيدري ميدانك
***
هزه ارضيه نشاهد.......وصل سبع الگنطره
والنهر مايه تبده..........چنه خزرة حيدره
اصطفت اگباله الشريعه ...كلها توگف مسطره
دخنت والطف توقع.....موت واصل بالسره
يا نفل بركانك
حيدري ميدانك
***
اتفاجئت كلها تسولف.....هذا حيدر بالحرب
عالرگاب يخط هويته.....ابو فاضل من يطب
ماتت اگباله المنايا........خلصو من الرعب
چن یميل الطف عليهم.......والعساكر تنشطب
تنذهل فرسانك
حيدري ميدانك
***
سطرة الحمزه سطرته....ابو فاضل لو يطك
چان واحد لو وصله.......يصبح اثنين ابطبك
حارت الدنيا ابجربته......راد يترسهه عشك
والشمر بالهجمه شارد.....چان يتصور صدك
ماجت ابطوفانك
حيدري ميدانك
**
تمت بعون الله تعالى
خادمكم .....يوسف الفتلاوي
/channel/aabas78
قصائد لكل ايام محرم اشترك بالقناة
عكيلي للأنصار
*موته اويحسين اشمحلاهــا * مـوتـه اويحسيـن اشمحــلاهـــا
* بس البيــه حـظ يتـمـناهـا * مـوتـه او يحسيـــن اشمحــلاهــا
---------------------------------------------
1 – يهـتــف صــوت انصـــار الثـــوره
عـــد عيـــنـــك يــــا روح الزهــــــره
عـــالمــــوت انـــوقــــع بـــالعشـــــره
• فكـــرنه اوزيــن احـسبناهـــا * موتـه اويحسين اشمحــلاهـــا
---------------------------- -------------
2 – دنيــه اوصـارت كلــش صعــبــه
تهجـــيـــر اومـــأســـاة اوغــــربـــــه
كــــون ابنــــــــادم يحمـــــــــــد ربــه
• على هــاي القسمــه الردناهــا * موتـه اويحسيــن اشمحــلاهــا
3– عفنـــــه الحــج اوعـفـنـــه العمـــره
واعبرنــــــه الصحـــــراء الخـطــــــره
جـــينـــه انمــــــوت ابحــــب العـتــــره
• حـتى الخــــدر طلـكــناهــا * موتــه اويحسيــن اشمحــلاها
-------------------------------------------
4 – مــثل الكعـبــه حسيــن انشوفــــه
أحــرمـنــه او كــل يـــوم انـطــــوفـــه
مـــا تـرهـــبنـــه اسيـــوف الكــوفـــــه
• اولا بينــه اليكـــره مـلكــاهــا * موتــه او يحسين اشمحـــلاهـــا
---- ------------- -------------------------
5 – انمـوت انمـوت اشكـــد مــاعـشنــه
هـيهـــات أهـــل الدنيــه اتــغــشــنــه
للمـــوت ابـــواهــس غــبــشــــــنـــه
*عـالجـنــه البالطــف شفــناهــا * مـوتــه او يحسيـن اشمحـلاهــا
6 – هــوسنـــه امــن انـطــانـه الـرايــه
يامـــوت احــنـــه اهــلــك شـرايـــــه
لبـن الهــــادي انطـيـنــــه احجـــايــه
• و اكـفـــان المــوت البسنـــاهـا * موتــه اويحسـين اشـمحــلاهــا
------------------------------------------------
7 – عـبـأ جــيـش الـرده اصفــوفـــه
وحـــده حســـين اشلـــون انعـــوفـــه
يـــوم العـــاشــر احـــنـــه اســيــوفـــه
• والنيــه اويـــاه صـفـيـناهـــا * موتـــه او يحسيـن اشــمحـلاهـا
---------------------------------------------
8- خـــل العـسكــــر يــسمــــع كلـــــه
عــن صــــوت الحــق مــا نتـخلـــه
نهــتـــف هـيهـــات امـــن الـذلـــــه
• بس جـيـب اليفهـم مـعـنــاهــا * موتـه او يحسيـن اشمحــلاهـــا
خـــادم أهـــل البيــت عليـــهم الســـلام
أبـــو حــيدر المجــــــراوي
1446 هــــج / 2024 م
/channel/aabas78
قصائد لكل ايام محرم اشترك بالقناة
قصيدة للقاسم (ع)
طب القاسم للناس
صاحو هذا العباس
………………………………….
لايگ السيف بچفوفه يرتجز بسمه وحروفه
انه جدي داحي خيبر الكل حرب اول نشوفه
مااهم الكل عددكم خلي يبرز ياهو منكم
بل رگب حديته سيفي ويارخص گصت رگبكم
اليعثر لازم ينداس
طب القاسم ياناس
…………………………………
شايل الرايه الثگيله ياهومنهم يعتنيله
انه احامي عن حسينٌ وعن خيم عمتي العقيله
مجتبى ثاني ابكلامه منه شايل چم علامه
سيفه يگسم بل اعادي مايهم الكل سهامه
وگفاتك رفعت راس
طب القاسم ياناس
…………………………………
الاخضر يلوگ عله چتفه والعده صابتهه رجفه
من الحسن ماخذ وگفته مااجته الهيبه صدفه
عمامته الخضره لبسهه بكل فخر بل طف حرسهه
طشرالجيش ابقتاله وكربله بيهم ترسهه
لمعت سيفه ويه الطاس
طب القاسم ياناس
…………………………………….
وگف اگلوب ال ميه ابروحه شايلهه الحميه
امه تدعيله ابنصرته ربي وفقه بكل مسيه
ابكربله القاسم مناره وصيته اكبراشاره
انصراحسين وعياله وبل حرف طبق قراره
حچاياته اغله من الماس
طب القاسم ياناس
……………………………………
امك انته اشگد كريمه بل كرم صارت عضيمه
ربتك لحسين رايه هاي تربات الحليمه
الحسن من ينطي ينطي موفقط بس گهوه يروي
منطي زلمه وخوش زلمه بل حرايب سيفه يچوي
هيبه اشگد شال احساس
طب القاسم يانس
الشاعر سلام البهادلي
/channel/aabas78
قصائد لكل ايام محرم اشترك بالقناة
موشح الليلة الثامنه
جاسم اعليه المدامع جاريات
لحد ما هل روح يغشيها الممات
___
آه يا عريس ما تم له الفرح
شاب واگبال امه عطشان انذبح
ثوب عرسه اعليه دم نحره انسفح
ويلي او ذبلن رسومه الزاهيات
___
ذبلن ارسومه الچان اشمحّلاه
باول اسنينه لچن الطف خذاه
بچّه ابو اليمه او گلب رمله چواه
يا حزنها اعليه هد الراسيات
___
ساعد الله أمه من تبچي او تحن
تنعه. والحلو الجهامه امست تون
لا هي ميته او لاهي عدله او تستچن
فگد جاسم ما ترك شي بل حياة
___
ارد اواسيها واهل مُر الدمع
عله ابنها والطم واخسف ضلع
لا تهنه ابحنه لا ياس او شمع
اترسن صينية دموع النادبات
___
مثل كوكب دري واگع عل تراب
جرع واويلاه الوان العذاب
عطش وارماح او بواتر والنشاب
او شمس من عدها ايغلي ماي الفرات
___
موش مال الآم هاذه ابن الدلال
ليش دم واتراب ضيع هل جمال
اشلون اوصفه والشعر وي دمعي سال
اضلوعي وابيات الشعر متهدمات
___
عله جاسم ما بقگت مهجه وانوح
ريت عمري فدوه لعيونه يروح
جرح جاسم كلف مو مثل الجروح
السمه ونت له او تنوح الراسيات
___
ابو فاطمة الطائي
/channel/aabas78
قصائد لكل ايام محرم اشترك بالقناة
مقدمه 8
ليلة الثامن من محرم
ثامن مسه ابشهر الدمع
مــن فاطمه يلچم ضلع
هم تدري يحسين
اليله ضـــــــخر المجتبى بدمه تحنه
بعده شاب اوماوصـــل عشرين سنه
بحضنك وروحه طلعت يحسين منه
الله يجـــــــــــبر گلبك الينگط محنه
اچـفوفك عليه اتشابگن
هوه البقيه امن الحسن
هم تدري يحسين
°°°°°°°°°°°°°°°°
سالت ادمـــوع العواطف هالمســـيه
ابوســـط صيـــوان النوايب والرزيه
رمله صـــــاحت راح جاسم من اديه
وضـــــاع وي مـوته الامل بالغاظريه
ضـلت تنادي يالولد
ماينتهي حزنك ابد
هم تدري يحسين..
°°°°°°°°°°°°°°°°°°°°°
✍الخادم
كامل السعيدي
/channel/aabas78
قصائد لكل ايام محرم اشترك بالقناة
نزال___ للقاسم ابن الحسن ع
<<<<<<>>>>>>>>>>>>>>>
بيده يعگدهه العده ويفنيهه
شيخ وابن المرجله راعيهه
حي الله جاسم.....حي الله جاسم
***
اتبسم القاسم عليهم بالنزال
سوه بيها الما يصير اروع قتال
يخطف الارواح يگضيهه ارتجال
بيده يگلب كربله وحاديها
***
تذهل الفرسان طب ميدانهه
قاسم العريس شد اعنانهه
جندل الشجعان من فرسانهه
بسيفه دم ارگابهه ايحنييهه
***
صار يوم الزلزله وطب الحرب
شرده بيهم چانت شگد تنحسب
ایميل بركان الغضب بيهم يطب
شوف عزمه ابكربله يگضيهه
***
صارت الجيمان چنهه العنكبوت
وچن يحط بيها الرحه لمن يفوت
اشر ابيده وفرض بيها سكوت
بيده شبل الحسن چن يطويهه
***
شاع واديهه وطواهه كربله
هاي اول حمله يقره البسمله
يشبه العباس يوم الزلزله
صار مصدر للغضب يرويهه
***
دنگت فرسانهه وشاع النزاع
فرت اگباله الزلم فر السباع
صار بالميدان مرعوبه الضباع
فارس الحومه خمد طاريهه
***
ظنوا العباس راجع للقتال
اتفاجئت فرسانهه وصار الجدال
صارت الشرده مثل ماي الزلال
هاي اول حملته يحچيهه
***
تمت بعون الله تعالى
الشاعر___يوسف_الفتلاوي
/channel/aabas78
قصائد لكل ايام محرم اشترك بالقناة
نزلة في القاسم ابن الحسن( ع)
وفـه تـنـضح كَـصته للـمــعــارك زفـتـه
حنته من دمه صارت
يوم عاشور
........................................................
ملـتـزم بيـهه الوصيه الإلـه كاتـبهـه الحــسـن
حسين لوشـفـتـه يبويه احتار وابكَـلبه المــحـن
كون تفزعله وتنصره مــاتـعـوفـه بهــالــزمن
مايأخرك شي يبويه انت التحامي الضعن
وهذا دين ابركَبته للـمـعــارك زفته
حنته من دمه صارت
يوم عاشور
.........................................................
القاسـم ابـن اهل الحميه مارضه ابجور الطغاة
ثـــار وابـــوجه ال اميه ومــايــبـالي بـالمـمات
ألحياة اويــــــه الاعادي والله مـــاتـنــعــد حياة
شلون يرضه الذل وابن من مـِــن زلـم للــذل أبات
ومايبالي ابطيحته للمعارك زفته
حنته من دمه صارت
يوم عاشور
.......................................................
نـــزل للــكَــوم وتمـشه مـشـيــة المـايـمـه كَوم
جان صايم سيفه وافطر بــعــد مـيـلـحكَـ يصوم
اشمال ويمين الاعــادي والاعادي اعليه تحـوم
وابد مايــهـتــم لكثره جيش من كثر الغيوم
اتذوب كلهه ابخزرته للمعارك زفته
حنته من دمه صارت
يوم عاشور
.........................................................
صــولــة الكــرار بـيـهم بــيــده فــقــاره ونـزل
بكل عزم وبكل شجاعـه نـــزل بـيــهـم وارتجل
صـــاح إبـن الحسن آني وجيــش عدوانه انذهل
والمعــاره ابظهر اعوج من ضغُط جدمهه انعدل
صـفــوف تـرهب طبـتـه للمعارك زفته
حنته من دمه صارت
يوم عاشور
.........................................................
وبـغـدر طبـرولـه راسه وطاح مرمي اعله الترب
لـولـه مـــــا بالغدر والله حـلـم يــوكَـع بــــــالحرب
جـــانــت اتهــابه المنايا لـلأعــــــادي مـــن يطب
هـَمــه جـان حسين بعده شـلـون يـبقه اويه الغرب
وهوه جان ابصولته للمعارك زفته
حنته من دمه صارت
يوم عاشور
الشاعر ياسر العارضي
/channel/aabas78
قصائد لكل ايام محرم اشترك بالقناة
القاسم ع
شــوف ياليث النزل للحومة
ابجفه أجـــال الكفرمحتومة
.......
غضب صال وزلزل بوادي الطفوف
عيـــونه عالحسين وبسيفه يشــوف
كبـــال ســيفه دنكــت كــل الــسيوف
يقسم أبعبـــاس مكطـــوع الجفـــوف
الـــيوم يسكي كـــربلة مـن دمـــومة
......
كـــلهـم انـــه القــاسم ونجل الحسن
وانه ابن حـــيدر عــلي الرد الزمــن
مــا تهمني خيـــولــكم خــلهن يـجـن
انـــه مــن عمي تـــرى مـــأخــذ إذن
تنعــرف ضــربــاتي لـــن مختــــومة
.....
مــــا يهــمه الجيــش كــله والشسع
اعـــزل يقــــاتـل ومـــا لابـــس درع
ومــثــل الأكـــبربالحرب مــا ينجرع
أي وحـق حــيدر علي وكسـر الضلع
لــــوحه بيـــده كربــلة ومــرســـومة
......
صاح بيهم قـــاســم وعنده الجـــواب
هــاي ساعة من الــزمن قبل المصاب
بيــدي اراويـكـم انـه فــنــون العــذاب
أيسح دمكم عـالـثرة يرفـــضه التـراب
وانـــه قـــاســم سيـفي هــاذه يـــومة
......
صفــرت الــدنية ونــزل بيهه الظلام
أبعمر جاسم هــاي لحظــات الخــتام
ونـــت ونـــاحت على جسمه الحمام
صاح يـــا عــمـي ألك مــني الــسلام
والوصية من الحسن مضمومة
.....
الشاعر
أياد الفرح التميمي
/channel/aabas78
قصائد لكل ايام محرم اشترك بالقناة
قصائد محرم الحرام (الليله السابعه)
نزله (للامام العباس)
..................................................................
مـــــــن اشد اعنانها
وادخـل لميــــــدانها
الحومه اذل فرسانها
وانـــــــــــــــه عباس
..................................................................
شمرتي شمرت علي
شحده اليوصل ألي
بلــــــوه والله يبتلي
وانه عباس
مـن علي ماخذ عزم
الا ابــچيها الــــــزلم
بالحومــه لا ماانهزم
وانه عباس
غضب طگ بركانها
وغــرگت بطوفانها
الحومه اذل فرسانها
وانه عباس
..................................................................
انـــــــه اخوا ام عصابه
الزلــــــم كلها اتهابــــــه
ويالجيش عندي طلابه
وانه عباس
لووگفت اعلـــى النهر
اشطر العسكــــر شطر
اسحگ بجدمي الخطر
وانه عباس
الزلـــم هالقل شانها
والمفر ضل عنوانها
الحومه اذل فرسانها
وانه عباس
..................................................................
وينـــه وينه وينه
الگرب عم سگينه
الا افگس عينــــه
وانه عباس
مــــــن أسل بتاري
لوحـدي اخــذ ثاري
بگلبــي اطفي ناري
وانه عباس
مــــــن تشب نيرانها
تشـــــــــــرد بوديانها
الحومه اذل فرسانها
وانه عباس
..................................................................
انـــــــه فارس نينوى
انــــــــــه شيال اللوه
حـرميتهم شم الهوى
وانه عباس
انه ملك الساحـــــــه
بالحرب محد لاحـــه
اعداي مامرتاحـــــــه
وانه عباس
الزلـــــــــم كلها هانها
ولبساها اجــــــــفانها
الحومه اذل فرسانها
وانه عباس
..................................................................
ابوفاضل مـــن يهد
الزلـــــم كلها تستعد
واحــــــد بواحد لبد
وانه عباس
انـــــه راعي المرجله
الجيـــش كله مبهذله
لصولاتي تشهد كربله
وانه عباس
اله أهــــــــــد أركانها
وامحـي كل عدوانها
الحومه اذل فرسانها
.......................................................
الشاعر عماد محمد الدراجي
/channel/aabas78
قصائد لكل ايام محرم اشترك بالقناة
كف رِدنَه والجيش .. وصل للكوفه
ــــــــــــــــــــــــ
الجيش گَلّه انطينه عَطوه بسّ دِضُم ازنودك
من بعيد انطينه جودك واحنه نترس جودك
حته جرف المــاي كـلّه إخذه والله ايعودك
وخاف ما يكفيك شطنه من جِرَبنَه انـزودك
اشمر جربتك كلشي يجرالك
شِردت الوادم بس من إخيالك
توصيل ماي وللخيـم عدنـه
لا تِهِــد فــال الله ولا فـالك
( يگضي الماي ولا تگضينه )
كف ردنه والجيش .. وصل للكوفه
ــــــــــــــــــــــــ
عدنه تاريخك الابيض ماكو عندك شارِد
النهروان انطيت حقها وجيش گابل واحد
جندي عد حيدر وكتها وانته هسه القائد
عوف سيفك فقـط چفّك على الوادم زايد
دخيل الله چم اسلاح الك شـايل
السطره وخزرتك كافي ابو فاضل
مالِك إبكُبَره و رِعبِتَــه اعـيونك
بس إلتســودن يمّـــك إيقـــاتل
( والـ يدنالَك بايع روحه )
كف رِدنَه والجيش .. وصل للكوفه
ــــــــــــــــــــــــ
شلون إلمْطَهّم ايشيلك وانته خاسف گاعنه
إنته ريشاتك گضتنه وشرّديت ارجـالنه
انته صفّين وبِدِتها اشلون بالطّف مالنه
يبن قالــع باب خيـبر لا تِشَلْع ابوابنه
هَدّات حـــيدر لا تِهِـــد بينـــه
إشورطنه غلطه وعِطشَت اسكينه
غلطه وغِلَطنَـه وعطش عبدالله
سَرفَنِت رِدنَــك نــاوي تگضينه
( للتّل وصلَتْ روس القاده )
كف رِدنَه والجيش .. وصل للكوفه
ــــــــــــــــــــــــ
عالنَخَل صِعدَت جثثنه وبعد مامش چاره
بيدك الفارس اتگطفه چن گطَفْت إحجاره
انته شِد رايه ونِفُصلَك سيفك إخمِد ناره
شِمِر وَرّطنه وغلَطنَه وهسّه ماكو أخباره
القصر الإماره إشگد زلم وصلت
وقادتنه بطويريـج أضن لِبدَت
من تِشمُر إبرَه ينسـمِع حِسـها
هيّه الطيور الـ بالسمه وشِردَت
( عزرائيل إنطاك إمچانه )
كف رِدنَه والجيش .. وصل للكوفه
ــــــــــــــــــــــــ
احنه جبناها بدينه وجِبنَه هَم تابوتنه
احنه لو ندري انته بالطف چا نِضَل ببيوتنه
حته ما نلحگ وصيّه نكتب و حَل موتنه
احنه بالطف مگبرتنه وما حصل زاتوتنه
إگرابك فرغ واحنه الخَذَانه الدّم
من نـار ســيفك گُبَــل لـ جْهَنّم
أصفر وَجهنَــه والفــرات أحمر
لا ضل أخـو ولاضـل أبو ولا عَمّ
( نَسْلْ الوادم ماضل بيها )
كف رِدنَه والجيش .. وصل للكوفه
ــــــــــــــــــــــــ
الشاعر مهدي التقي
/channel/aabas78
قصائد لكل ايام محرم اشترك بالقناة
ياعبا س ياعباس
****
زينب بحيرة وتنادي وين سبع الگنطــــرة
وين ابو فاضل جفيلي يشوف بعياله أشجره
گوم ياراعي العلم گوم ردني للخيم
ياعباس ياعباس
****
تصيح يابو الغيرة وينك هجمت علينه العده
وسيفك أرگاب الكتايـــب تسجد من تّجرده
يرعد ويمطر قهر وسفه طايح عالنهر
ياعباس ياعباس
***
شلون اصدك ياابو فاضل طايح أعلى المشرعه
وانته يوم البيه تحارب جنّــــه يوم الواقــــــعه
تگلب الدنيه وعلي ترضى بعدك ننولي
ياعباس ياعباس
*
زينب انه وجيت اعاتب والعتب ماينحمــــل
خوية گوم الحك سبوني بطيحتك يابو الفضل
گوم يالكلّك وفه ترضى اروح مجتّفه
ياعباس ياعباس
****
النفس جنت من ارد أجره بسكته عن لاينسمع
بغيبتك سمعوا ونـــــــيني وشافوا بخدي الدمع
مارحم حالي الزمن جمّع بگلبي المحن
ياعباس ياعباس
***
الشاعر وليد العكيلي
/channel/aabas78
قصائد لكل ايام محرم اشترك بالقناة
هاي الليلة هاي الليلة -- سابع ليلة من عاشور
""""""""""""""""""
هاي الليـــــلة ليـــلة الأزهــــــر
عباس الكافـــــل المشـــــــــكر
راوه الجيـش الموت الأحمــــــر
ياحيـــدر جانت ترتيـــــــــــــله
""""""""""""""""""
ملك الموت ونازل بيهــــــــــــم
عباس بجفه مبجيهــــــــــــــــم
أولهم ينخه بتاليهـــــــــــــــــــم
مانفعت وياه كل حيـــــــــله
""""""""""""""""""
ياهو ليثبت جـــــد عيونــــه
يخطف أرواح يشـــــــــــفونه
شلون العدوان يكَربـــــــــونه
وبزندة المعصب والشـــــــــيله
""""""""""""""""""
شاعر أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
حي الله عباس
غضب عباس ودخل للحومه
ظلت اكباله العده مهزومه
مثل حيدر من غزاها بيومه
أنه العباسُ أكرِم وكفى
جعل الميدان قاعا صفصفا
وعلى الاشلاء سيفا وقفا
طب عليها بزوده ياحلاة زنوده
للحرب مشهوده
كفو ياخيالها الما ينغلب
حاسها وخله الظهر فوك الگلب
صعب والعباس ملگاته صعب
عْجبَ القوم بسيفٌ قاطعا
بقتال الشرِ حقاً ابدعا
قوة من حيدرٍ قد جمعا
بيده شايل سيفه منها ماخذ حيفه
بكيفه هي بكيفه
الحومه ما بيها زلم توكف اله
تموج من خزراته ظلت كربله
يا شجاع الوكف يمه وقاتله
أرهبَ الأعداءَ والحقُ يُقال
سيطرَ العباسُ في سوح القتال
ولهُ عزمٌ شموخ كالجبال
من غضب خيالها ترادمت بخيالها
دخيله بيده وشالها
شهم ومخلفك علي يبن الكرام
تموت كلها من طرف نصل الخيام
على رمحه تگوم وبسيفه تنام
قد علا العباسُ ظهر العاديات
وأشقَ الدربُ من صوبِ الفُرات
انا من دونُ حُسينٌ لا حياة
حسين گرة عيني أمي التوصيني
حسين اخوي وديني
بيهس وبيهم ابو فاضل وكف
ما يهمه لو گبل سبعين الف
اخو خيته معتبر وزلمه كلف
كشُداقمْ كهريتً كضبور
عندما يغضبُ بالحرب صبور
انزل الأعداء في حفر القبور
عيت وطباها جن علي الوازاها
بضربته ساواها
الشاعر اسعد الناصري
/channel/aabas78
قصائد لكل ايام محرم اشترك بالقناة
نزله
ليلة 7محرم الحرام جديد
ويـــــــــنه شـــــــيال الـــــوى
كـــــــلفه صــــارت نــيــــنـوى
___
كلفه صارت ياكمرنه الـحومه كـلفـه ياكـمر
وأنتـه خيال المنايــه وأنـتـه خلاسـه الدهر
هـذا جـودي ياكفيلي يالله صول على النهـر
عالي زودك هايخويه من العطش كلبي نفطر
مــن العطـش كلبــي نــجـــوى
كـــــلفــه صــــارت نيـــــنــوى
كلبي عطشان ونخيتك أنته ساكي الضاميه
الحومه من دمهم يخويه حمره خلها وداميه
هالله. هالله يابــو فاظل باالجنود الرامـــيه
صــول بيــهم ها يـخويه وكـطها كط الراعيه
الـضــــــربتك مـــامـــــش دوى
كــــــلفــه صـــــارت نيـــــنــوى
___
أقـسم برب الجــلاله وأله أطـحنهــم طحــن
شـنهو تعـطش بت علـينه وانه رواي البـجن
اليـوم أخلي بآل أمــيه واقـعه بطـول الزمن
تذكر الصوله وخزرتـي مني ضـربات البــدن
على الــــــذبح الزمــــو ســــرى
كـــلـفـــه صـــــارت نيــــــــنوى
سيفي يكطف بالــمناحر والــزلم لامو زلـــم
حتى لو يكثــر عـــددهم أبو فاظل مايهـــم والشـرد بالحومه خويه مــوتته تصير بحلم
الخاطـرج يـختي يزينـب إله أعــدمهم عدم
أكــطــــــع أنـــــفاس الــــهوى
كـــــلفــه صـــــارت نـــــيـنـوى
____
أدري خـويه وبالمــعاره مـا تثني على العــدو
عالي زودك هايـخويه وكفـو مـــنك والكــــفـو
وحـــدك بـــدور الاخــوه .أنته عون ويه الاخـو
مــن انــدبك يابو فاظـــل ماتكول أنته العفـــو
شـــوفـتك تســـوى الـضــوى
كـــــلفه صـــــارت نـــــيـنـوى
راح أجيب النهر يمج يخـتي يختي ام الخدر
شنهو ماي وشنهو ذوله المعـصبج فدوه العمر
والله أذلهم من أطبن وأنفــــي أوراق العـــذر
أملي جودي من نهرهم وأســحك انه ع الكفر
أعــطــــش وســـــــيفي أرتـــوى
كــــــــلفه صــــــارت نـــــيـــنـوى
___
الشاعر الحسيني
مرتضى مكطوف الموالي
/channel/aabas78
قصائد لكل ايام محرم اشترك بالقناة
نزله
صاحت الحره هله
هذا سبعج كربله
===========
هذا خلاس الكناطر هذا عباس الكفيل
لو زعل تظلم الدنيا والنهار يصير ليل
فارس وكلها تعرفه واسمه برهان ودليل
ضعن بي عباس حامي منو بيه يكدر يعيل
بزوده تمشي القافله
هذا سبعج كربله
===========================
هذا قائد جيش اخيه وهذا شيال العلم
رمح ياسطرة يمينه وخزرت عيونه سهم
لمن يصول ويكبر جيش كدامه انهزم
كل وجه بالحرب يصفر بس ابو الغير ابتسم
هاي مشهوده اله
هذا سبعج كربله
===========================
حسين بس ايكله حيهم بيهم اتحل زلزله
معجز بالحرب سوه وسجل التاريخ اله
شكد عدد عباس صاحو حتى نعرف نوصله
فات من اربع محاور وحده طوق كربله
وياه طحنه بمشكله
هذا سبعج كربله
===========================
شلون واحد عشره عشره اطيح كدام جثث
ها انه العباس مره صاح والوادي انحرث
ضهضب وصارت رعيده ودمهم من الروس نث
بالنهر سوه المباشر للخيم بالماي بث
منو بيهم كابله
هذا سبعج كربله
==========================
صفن الجيش بكيانه والعجب بيهم كبر
هيج ماشفنه احنه فارس لا ربيعه ولا مضر
والسؤأل الطلع منهم حين حسو بالخطر
انتو متأكد ابنه!! لو علي هذا الحضر
منهو يمشي ويسأله
هذا سبعج كربله
========================
هذا فارس طب علينه لو صكر بالجناحه رف
شفنه بس ريشاته راسه يوم بالحومه خطف
يشمر الجندي وعجيبه هل ثكيل شلون خف
جم الف عل النهر وكفو وحده وكفها كف
صدك سيد المرجله
هذا سبعج كربله
وسام صباح الشويلي
/channel/aabas78
قصائد لكل ايام محرم اشترك بالقناة
الانصار ع
----------------
بالطف ينادي صوت الأنصار
----------------------------
صوت المناحـــر هـذا ناداك
يمك هتفنه بكربلـــه ويـــاك
ساتر نصير ومنهــــو يدناك
بجيش الشمر نشعل الف نار
---------------------------------
خل الطفوف اتبين الأفعــــال
بسوح الحرب تنقاس الرجال
نكلب ارضها انغير الحـــال
انضيع اثـــرها بــــلايا تذكار
----------------------------------------
لا والله وحـــــدك ما نخليـــك
دم وركــاب الـــيوم ننطـــيك
فوك الدروع كلـوب تفديـــك
هـذا عهدنه عهد الاحـــرار
-----------------------------
انخلي اليشوف ويسمع اليوم
نروي ارضها كربله دمــوم
ورايتنه فوك خيامــك تحوم
نهزم عدونه بذله وبعـــار
------------------------------------
انت الامــــام وسيد الكـــون
تدري بعمرنه وياك مرهون
لا مــا نعوفك هــــذا ميكون
فــــدوه الك منذوره الاعمار
-----------------------------------------
هـذا العهد بالـــدم كتبنـــاه
فوك النحر بسمك رسمناه
كاس لشهاده احنـه شربناه
بالطف نسوي لصارما صار
------------------------------------
نسالكم الدعاء
أبو باقر المالكي / 4/7/2024
/channel/aabas78
قصائد لكل ايام محرم اشترك بالقناة
قصائد محرم الحرام (الليله السادسه)
نزال (للانصار)
....................................................
هــــوس حبيب وشـــــال بيــــده الرايـــــه
ولزينب أخــــــت حسيـــــن أنطه حچايــــه
.......................................................
شيـــخ الانـصار بصـــــوتـــــه لمــــــــن ناده
عــــــــد عينـــــــــچ يگلها يعمــــــة الساده
الجيــــــــش هـــــذا كلــــــه ماتهمنه أعداده
واليوم لاجلچ نـــــذبـــــــح احنـــــــه القاده
غايتنه محـــــــــد يوصلچ يازينب الغايــه
.......................................................
هــــــــــــوس حبيب وناده هايخت حسين
امنـــي يزينب يمـــــچ احنــــــــه لاتخافين
عالمــــــــوت والله اليــــوم كلنـــــــه ناوين
الكــــــــــون كله نگلبـــــــه واحنه السبعين
نشتـــــــري الموت لخاطرچ يازينب شرايه
.......................................................
گلهـم حبيـب حسيــــــــــن نبقـــــــــى وياه
الـــزيـــن يوفــــي لصاحبه وماينطي مگفاه
بالروح بالـــــــــــدم والله احنـــــــــه نفداه
والمـــــوت وي حسيـــن عدنـــــــه شمحلاه
انصـارك احنـــــه وللابد يحسين وفايـــــــه
......................................................
هـــــــوس حبيب وصـــــــاح هايالشجعان
الحومـــــــه نگلبها گلب من ندخل الميدان
منريــــد تبقــــــى قـاده اولا فـــــــــــرسان
بـــــــــروس الزلم هاليـــــوم نتـــرك نيشان
جيشك يزيـــــد شـــــــواي واحنه الاهوايه
......................................................
مــــــــــن زينب أحنـــــه ننتظــــــــر هلهوله
أوحتى بسم الله نبــــــــــــــدي الصولـــــــه
وحسيـــــن أجـــــوه أنصاره وگلولــــــــــــه
بالقاده والله اليــــــــــوم نلعب جـــــولـــه
بالحومــــــه صرناله سند صرناله تچايــــــه
.......................................................
بغيــــره وعــــــزم أنصاره مـــــــــن طبوها
شمحلـه السيــــوف بأيـــــدهم لزمــــــوها
والروس تتطاير بقت بالحومــــــــه خلوها
الغــــزايــــــــه والله اليــــــوم هل ردوها
شـــــردت القاده بالحرب وانهزمت الغزايه
................................................. الشاعر عماد محمد الدراجي
/channel/aabas78
قصائد لكل ايام محرم اشترك بالقناة
