موشح نجفي للسيده رقيه عليها السلام
**
بطشت جابو راسه الله يعينها
طگ گلبها وماتت إعله حسينها
======================
بالسفر متوقعه أَن والدها چان
مَلَّت إِمنِ الخطر محتاجه الأمان
من درت مذبوح بالطف الحنان
چن حمامه وكسرو جنحينها
======================
إتلاگو اليوم الأميره والأمير
اللقاء إِلأول وصار الأخير
صدمه كتلت گلب مشتاگ وزغير
وختمت بشام العذاب سنينها
======================
حين شافت راس أبوها إبلا حضن
شمته وگالتله مخنوگه وتون
إشلون أشبگك وإنت ماعندك متن
إستشهدت فوگاه وغمضت عينها
======================
تريد تتمدد إبصفه بالظلام
حيل متعلقه رقيه بالإمام
على ذراعه وصدره متعوده تنام
بالخرابه وبالسبي إِملوعينها
=====================
من أبوها الطفله ماشبعت دلال
حجار شمروها على ظهر الجِمال
غصن ورده زنودها وخشنه الحبال
إِمجرحات الگيد گص إيدينها
======================
إمن اليسر لوعاد زين العابدين
الكربلاء إشحاله يوم الأربعين
إبلا رقيه الگبر أبوه متوجهين
الدفنها بخربة السابينها
====================
چَمِّلت زينب جرح ماينحمل
لأبوالأكبر من ترد وأباالفضل
وشتجاوبهم غداً من تنسئل
إخت عبدالله العزيزه وينها
*
خادم العليله وخادمكم هادي العگيلي الناصري
الصوره من الإرشيف الجميل مرقد مولاتي رقيه عليها السلام
/channel/aabas78
قصائد لكل ايام محرم اشترك بالقناة
اليوم بمصاب الحســـــــــــن ونينه
وبالجفوف اعله الصـــــــدر دكينه
***
اليوم بمصاب الحسـن نقـــره بأنين
وعدنه كلنـــــه معتـــقد والله ويقين
حاضره الليله عزانـــه ام الحسين
تكول وينه الــــــــــــي يدك اجبينه
***
حاضره الزهــــره تنادي للحضر
اتكول عينوني تره ظهري انكسر
اوليدي مظلوم وعليه كَلبي انفطر
وينه اليساعدنـــــــي واتهل عينه
***
فاطمه تقـــــــره وترد بالمستهل
اويانه تلطم لاتعـــــب وابلا ملل
حكه ام حسين تبجي اعله الأهل
واجفه انحسهه تحشـــــــــم بينه
***
وبالحســـــــــــينه نحس انفاســهه
بالعزه تبجــــــي وتشارك ناســهه
وعالمصاب بحركه تلطم راســهه
اتصيح ابجو اعله الحسن واسنينه
***
اتروح يم الناعــــــي واتكله بنحيب
اذكر اوليدي البقه بالطـــف غريب
المات عطشان وعلى الغبره سليب
عاري بالرملــــــــه العده امخلينه
***
يالقريت اتكول انعه الكــــــــربله
وعرج اعله الراحــت اوي العايله
عالهزل مجتوفــــه تمشي امعلعله
وي ضعنهه للســـــبي اميسرينه
***
الشاعر ابو علي الركابي
/channel/aabas78
قصائد لكل ايام محرم اشترك بالقناة
بويه وينك وين عن بنتك رحت
من ســألت اعليك گالو سـافرت
لاتطـــول بالغياب گلبي ما يحمل عذاب
بويه وينك عن رقيه
***
من عگب ذاك الدلال وذيچ الايام
بالحبل مچتوفه أيدي بديرة الشام
أنتحــــب وتـــلفت بلكي اشوفك بلكت
واشتكيلك حـــالي الشام بينه اشسوت
مرعليّه بطيف خلي اتشوفك العين
گلبي محتاج الحنانك بويه يحسين
أنشد وأنطر جواب گلبي ما يحمل عذاب
بويه وينك عن رقيه
***
خايفه مــــن البـــواچي تعمه عيني
بعد بيمن راح اشــوفك من تجيني
بكربــــله چنه سوه وچــنت لعيوني ضوه
اشعر اوياك ابأمان وچنت لجروحي دوه
گــلبي مـــا يتحمل افــراگ ويتاني
وتدري گلب الطفله يذبل من يعاني
اعليك من اشواگي ذاب گلبي ما يحمل عذاب
بويه وينك عن رقيه
***
تالي جـــيت بياوضع واشلون شفتك
بالطشت راسك وملهـــوفه شــبگتك
شفتك وگلبي انفطر وصحت آه ابكل قهــر
بالدمه شيبك خضيب امخضب ابدم الــنحر
منهو من عندك حرمني ياهضيمه
وبزغــــر سني يريد اصبح يتيمه
وينه جسمك عالتراب ؟ گلبي ما يحمل عذاب
بويه وينك عن رقيه
***
مــاتت ابديرة سبي بــذيـچ الخرابه
اونــهه يصرخ آه يحسين ومصابه
من عگب آه ونحيب لحگــت حسين الغريب
طفله ماگدرت تشوف الـــوالد بـــدمه خضيب
طفله بيديهه الحبل مــاتت غريبه
زادت اعلــه العايله آلام المصيبه
ورتفع صوت انتحاب گلبي ما يحمل عذاب
بويه وينك عن رقيه
***
تمت بفضل الله وتوفيقه، الحمد لله رب العالمين،
اللهُمَّ صل على محمّدٍ وآلِ محمّدٍ وعَجِّلْ فرجَهم
حيدر كريم جار الله الكربلائي
الفاتحة إلى أمواتي وبالخصوص والدتي رحمها الله
/channel/aabas78
قصائد لكل ايام محرم اشترك بالقناة
تجليبه السيدة رقيه (ع)
اول طفله من جور العده الظلام
على نحر الحسين اتموت برض الشام
١
اول طفله تمشي بليل مسبيه
مابين العده ونيران مچويه
الشمر يركض وراها ايصبح علويه
چتفوها بحبل خل تشهد الأيام
٢
چتفوها بحبل هالليله چتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣
مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وينظر گام وسفه الخاص وي العام
٤
وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الگلب محتام
٥
شافت راس ابوها وشهگت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦
فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
استشهاد المام الحسن ع
عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي بوداعچ هسه مستوره
چبير اخوانچ واعرف عليه بكلشي معذوره
عزيزه انتي تصد عيني عليچ وتنرسم صوره
ماتبجيها يم حسين دمعتج هايه مجبوره
بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يخيتي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ
اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها
زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي وفاتي بناگه تحييها
اعله رمله تنظر اعيونچ بالنظره تعزيها
اشلون الحرمه تلطم عاد اذا مچتوفه ايديها
بين احسينچ وجسّام نظراتچ تديريها
يعين الله گلبچ چثيره الجروح
عله اخوتها زينب تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يشيعوني الاهل باچر اخوتي الي يشيعوني
على طولي جسد والراس ملتحمه يدفنوني
اعليه ماتم ايعزون وادمهم ينوحوني
وتجيني انتي بظلام الليل اويه اخوانچ تزوروني
لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون
الشاعر ثائر الربيعي
/channel/aabas78
قصائد لكل ايام محرم اشترك بالقناة
يمته ننصب بالبقيع قرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
*
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه
رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
**
تمت ولله الحمد / المقصر مع الحسين
الشاعر علي النائلي
/channel/aabas78
قصائد لكل ايام محرم اشترك بالقناة
زيد الثائر هاي اخباره
**
معروف ابعزمه وايثاره
شايل من حيدر فقاره
دين الله الكون بأسراره
جهز نفسه وكل انصاره
زيد الثائر هاي اخباره
***
راية حيدر بي منصوره
دستور الحق نهجه وسوره
نور الله الشع بالمعموره
قرآن الباري وأنواره
زيد الثائر هاي اخباره
***
مصداق الثوره القدسيه
حامل منهاج الحريه
تلگه ابشخصه الإنسانيه
مثل حسين طف مختاره
زيد الثائر هاي اخباره
***
هاي الدنيا اتميز العاقل
ناس العاشت سوء الباطل
تأمر........بالمنكر وتجامل
شرع الاحقاد وأثاره
زيد الثائر هاي اخباره
***
واضح تاريخه وعنوانه
ثابت بالموقف ايمانه
محلاته بشخصه وبرهانه
عالم وتشاهد افكاره
زيد الثائر هاي اخباره
***
صولة حيدر بي معروفه
ذلاها اشگد جيش الكوفه
مثل الكافل چن ابطفوفه
لو يزعل ماتخمد ناره
زيد الثائر هاي اخباره
***
ضد الباطل ثار الانزع
هيهات وللظالم يخضع
معروف ابعزمه ومايرجع
يمحي المنكر هذا إصراره
زيد الثائر هاي اخباره
***
تمت بعون الله تعالى الشاعر_يوسف_الفتلاوي
/channel/aabas78
قصائد لكل ايام محرم اشترك بالقناة
ميمر // زيد الشهيد عليه السلام
ابن الامام السجاد وارث صفاته وعلمه
..............
زيد الشهيد بكل زمن ما ننساه
من ثورته نتعلّم ومن تقواه
ضد الظلم وهل الظلم شال الواه
عن جعفر الصادق ثار. ماخذ رضاته وحكمه
.............
اعظم لقب شايل حليف القرآن
زيد الشهيد وماخضع للعدوان
زلزل بدم نحره عروش الطغيان
عدوانه لسّه يخافون. من ثورته ومن اسمه
............
حارب هُشام الطاغية ونال الثار
منّ آل امية الغادره وضدهم ثار
لوما الغدر ما خلّه منهم آثار
سهم الغدر صابه وطاح. تخضّب يويلي بدمه
...........
عالنخله چم عام بحقدهم صلبوه
بعد الصلب نزّلوا جسمه وحرگوه
بذاري الهوى الهاب بحقدهم ذرّوه
ضنّو يموت وننساه. ساعة الحرگوا جسمه
...........
ما دروا زيد بكل گلب عايش نور
ما مات والله بكل زمن ظل مذكور
هذا الدليل ابمرقده الناس تزور
باب الحوائج سمّوه. كل حاجه تخلص يمه
............
زوار زيد احنه ونظل دوم وياه
ندخل ضريحه بكل وكت نتعنّاه
يكرم ضيوفه وما يقصّر شفناه
زواره احنه وخدام نتشرف بهالخدمه
سيد زيد الفحام
__
/channel/aabas78
قصائد لكل ايام محرم اشترك بالقناة
السلام على زيد الشهيد ع
زيــد بعزم ايـمانه،، قارع ظلم عدوانه
ماهمه ابد كل صار،، بس همه لحسين الثار
*
زيد عـزه ومرجله وثوره وبساله
ثار ضـد اهل الظلم واهل الظلاله
طالب بــثار الـــحسين وبــلجراله
چانت امنينته الشهاده وكل مناله
من اجل نهجه ودينه،،،رخـص دماه لحسينه
صال ودوة روحه بنار،، بس همه لحسين الثار
***
غايته اصـلاح ويطالب ثار جده
حازم وكــل الـعزم تـلگونه عده
وبالشجاعه فارس ومن يدنه حده
مثل جده حسين ظل بالترب خده
صــاب السهم جبينه،،وهل الدمع من عينه
بروحه اشكثر تقره اسرار،، بس همه لحسين الثار
*'' *''**
زيد مصلوب بجذع محد دناله،،
اربع اسنين الله يعلم شنهو حاله،،
تغـير بحر الشمس شكله وخصاله
حلمه يستشهد گبل چان ومناله ،،
بيـمنه رافــع رايه،،،بـالثـوره حقق غايه،،
ظلت نشيد الاحرار،، بس همه لحسين الثار
**
خــرج زيد ومـا يبالي بالمنيه
اباله مـرسومه صور للغاضريه
صور لسكينه وحميده ولرقيه
وللرضيع الفت گلب امنه الزجيه
ابـاله اشـكثر مرسومه،،،اصور بقت للحومه
من الطف بقت عنده اخبار،، بس همه لحسين الثار
****
صرت انـاديك وصيح بغير اواني
والله يـلغايب تره افراگك عماني
يابو صالح شيعتك تحسب ثواني
لاثـار زيــد اتحسب وظلت تتاني
گرب لو يـومك بعيد،، عــمك لثاره انريد
هم الزمن لو يندار،، بس همه لحسين الثار
*
الشاعر احسان الحميداوي
/channel/aabas78
قصائد لكل ايام محرم اشترك بالقناة
قصيده في رثاء زيد الشهيد عليه السلام
ستأذن الصادق وخذ رخصه بجهاده
قاتَل اهـل الباطل ونال الشـهـــاده
كاتب بـدم الوريد
مايذل زيد الشهيد
قاتَل اهـل الباطل ونال الشـهـــاده
.........
اقره تاريخ الهواشم مارضو بالذل مُحال
من علي ورثو شجاعه بالحرب نعِم الرجال
هذا منهم زيد واحد يملك فنون القتال
زلزل الكوفه بقتاله وحارب اصحاب الضلال
نهض بيها واعلن الثوره الشريفه
ضد اميّة التحكم بحكم السقيفه
مو مثل باقي العبيد
ما يذل زيد الشهيد
قاتَل اهـل الباطل ونال الشـهـــاده
...........
عالـم باحكـام دينه هـذا بـن زين العبـاد
تعنّه للصادق امامه وخذ رخصه عله الجهاد
گله( ياعمْ انتَ تُقتلْ تُصلبْ بارض السواد)
والينصرك ينصر الله ويربح بيوم المعـاد
ضد هُشام الطاغية وحكمه وغروره
ينهض بسيفـه ويقـاتـلهم ضروره
والنصر بالدم أكيد
مايذل زيد الشهيد
قاتَل اهـل الباطل ونال الشـهـــاده
.............
اعلن الثوره بشجاعه ثار ضد الظالمين
لكن الأصحاب خانو قِلّه ظلّو ثابتين
صوت زيد يصيح بيها يالثارات الحسين
إلّا آخذ ثار جدي والمفر من سيفي وين
والله لو ما ينغـدر زيـد بغـدرهم
چان افنه جيوشهم بيده وكسرهم
صرخه وليوم الوعيد
ما يذل زيد الشهيد
قاتَل اهـل الباطل ونال الشـهـــاده
............
صوّبو زيد بجبهته وفات بالراس السهم
طاح ونصاره عتنوله و زيد منها ما سلم
والطبيب الشاف جرحه عرف بالموت انختم
تموت يامولاي گلّه لو تضلّ بهالألم
گلّه طلع السهم ارحم من بقائه
في سبيل الله يرضيني بعطائه
انصر المذهب اريد
مايذل زيد الشهيد
قاتَل اهـل الباطل ونال الشـهـــاده.
........
آل اميّة بكل حكمهم ضد علي وضد عترته
ردّوا لزيـد بحقدهم عمد نبشوا جثّـتـه
گطعوا الراس باديهم يجري دم من جبهته
صلبوا الجثّه الشريفه ويلي هتكوا حرمته
رفعوا الراس برمح يهدونه للشام
جسمه ظل مصلوب عدهم اربع عوام
يبقه صوت الحق يعيد
ما يذل زيد الشهيد
قاتَل اهـل الباطل ونال الشـهـــاده
.........
هذا زيد وهذا گبره مرقد وقُبّة وصحن
الله راده يصير كعبه خالد بطول الزمن
لا هُشام ولا قصوره خلصن ايامه ومضن
ونّـظـر لزيد بعظمته مرقده جنّة عدن
تـگـصـد الزوار كـل يـوم وتزوره
واليگصده بحاجه يگضيها بحضوره
بالحشر حبه اليفيد
ما يذل زيد الشهيد
قاتَل اهـل الباطل ونال الشـهـــاده
الشاعر سيد زيد الفحام
____
/channel/aabas78
قصائد لكل ايام محرم اشترك بالقناة
يالغافي بعيونك صبح
شيسوي راسك عل رمح *** ذبحو دلالك
جرحك فلاه مثله جرح
بيك اشعمل بويه الذبح ***مخرب جمالك
خرب جمالك دوس الحافر
جسمك تطشر يوم العاشر
من عميه عيني بيك اشصاير ** بيك اشصاير
جرحك جبير اهواي … يالماشربت الماي
مسومر جمالك ليش …. مامش عليك افياي
وسفه ينكسر منك ضلع
وسفه بالحصيره تنجمع
وسفه صوت اخيتك ينسمع
بويه بويه يحسين
ــــــــــــــــــــــــــــــــــــــــــــــــــ
هدمك يبـــــويه من انسلب
بضلوعي ضل يدوي الهب ***وانه زغيره
ضعن الله حدايه الشمر
وبسوطه مـتـــولي الخدر ***وحيرتنه حيره
حيرتنه حيره بشام الغربه
واكبر هضيمه السوك انطبه
واليحدي بينه ميت كلبه *** ميت كلبه
فشله نطب ابسوك ** جابوها عرجه النوك
يوجعني ساك الايد ** حيل بحبل مشبوك
بويه صرنه فرجه للخلك
بويه وهدمي بالمدمع غرك
بويه جدمي بالنار احترك
بويه بويه يحسين
ــــــــــــــــــــــــــــــــــــــــــــــــــ
المفروض بجفوفي ورد
مو حبل بيهن ينعكد ***ويتجاره دمي
من الضعن لمن طحت
راسك عليه يلتفت ***وضل باله يمي
راسك اشوفه يبجي الحالي
ايدي كصيره ورمحك عالي
شلون امسح دمعك بويه الغالي *** بويه الغالي
يوجعني كلبي عليك ** ادري الرمح ماذيك
كون الوجع يحسين ** بيه انه لا مو بيك
ويلي الراس جابو ابطشت
ويلي بالعصه يطكه شفت
ويلي فوكه يابويه متت
بويه بويه يحسين
ــــــــــــــــــــــــــــــــــــــــــــــــــ
للشام من طب الضعن
باوعت للنوك استحن *** والله ضليمه
نسوان وطفال وزلم
التلكونه بحجار وشتم *** هاي الهضيمه
طبينه يم ناس ابلا غيره
مارحمو بيه وانه ازغيره
وعماتي لاذن أسيره ابسيره *** هاي الحيره
الماطالعلهن صوت ** بالغربه شبعن موت
بريتنه جنه ارماح ** كام الهوه من ايفوت
طحنه بوادم ابلايه رحم
طحنه ونظرت الشامت سهم
طحنه بعازت الشال العلم
بويه بويه يحسين
ــــــــــــــــــــــــــــــــــــــــــــــــــ
متني يبويه من الضرب
مطبوع بي اشجم شطب *** وخولي اليطكني
بعيوني مكسور الحجي
ويبست الهاتي من البجي *** ودمعي حركني
من طكني يابويه السابيني
كام الوجع ينشاف بعيني
جرحي انه اكبر من سنيني *** من سنيني
عمري ابغيابك ضاع ** انباكت ضحكتي ابساع
مثل الشمع بالنار ** كلبي ابوداعك ماع
صعبه مثلي تركب عل هزل
صعبه والدمع من دم يهل
صعبه جفي ينشد بحبل
بويه بويه يحسين
ــــــــــــــــــــــــــــــــــــــــــــــــــ
حسين عبد الزهره الدراجي
/channel/aabas78
قصائد لكل ايام محرم اشترك بالقناة
جيت بويه من السبي اشكيلك
انه زينب ياعلــي شد حيلك
&&&
جيت ياحيدر علي مفجوعه
شرد اسولف عن هظم يالوعه
على الكفيل وجفه المكطوعه
والحسين وجبدته شحجيلك
&&&
شرد اسولف يالولي هواي جره
الجثث على الكاع كله مطـــشره
والاجســـــاد بكل كثر وموذره
وبالقيود مقيدينه أ عليلك
&&&
من اسولفلك ينــــــــفت الدليل
على الجره عليه لوهظم العليل
لو او صفلــــك من طاح الكفيل
وهم بعد يابويه انه اروليلك
&&&
هم بعد ارويلك الموقف بعد
يوم بسهامه رمانه بن سعد
ريت بويه تشوف عدته وعدد
فرق ياخيل العده من خيلك
&&&
هجمت علينه يــــــبويه الظالمه
وفاضت انهار النحور من الدمه
وفرت اطفـــــــالك ضلت هايمه
وانت حماي الحمه لدخيلك
&&&
فرت الاطفال هاجـــــت بالطفوف
من حزن والالام وجماله الخوف
اصبحت محتاره وابين الصفوف
والنسه بعين العطف تربيلك
&&&
تربي اعيون الاجت من الــــــسبي
تشكي ليك الحال وتـــــــسمع النبي
بويه راح الصوت بس نجبي حبي
ومابعد تلكه اليجي يتجيلك
&&&
من وصلت لكـــــــبرك وبويه صحت
على الضريح بثكل جسمي من طحت
بصوت امي عليك يالوالـــــــي نحت
نوح ام وفاكده وتدعيلك
&&&
خادم اهل البيت
ابو علي السعيدي
/channel/aabas78
قصائد لكل ايام محرم اشترك بالقناة
نزله.......... (((وستوديو)))
بخطــوة الزايـر. هلا.
بصـرخه صاحت كربله
هلا. بالمشايه. هلا بالمشايه
___
نمشي خطوات. مسافات. نون المصيبتك
شنهو حر صيف. يمــولاي. نروح الكـبـتك
شفــنه انواع المشولك شايب يكـوده لولد
مكَـٍرم وجاي الضريحك زحف جاي ولاكعد
الله سير كلش الـــجلك ياحـسين ع الوعد
أحنه شيعه وأنتـه حبنــه مانعـــوفك الأبد
طلعـت آلااف الألوف
رايه شالو بالجـفوف
عايف البـــيت وهــله بصرخه صاحـت كربله
___
طلعت الناس. ملايــــين تلاكي أم الخـدر
رجعت بروس للطـفوف. يويلي من اليسر
رجعت بدمـعه عذرها الدمعه بيها تلاالي
وعايفه بديره غربها.رقيـــه بنــت الغالي
تكله لا تنـشد يخـويه ماتطــمن أحـوالي
نكصد بدمعه حزنه نواسـي أخت الوالي
رجعت الأرض الطفوف
تسعه يم كبره وتـطوف
رقيــه مـــو بالــــقافله. بصرخه صــاحت كربله
___
خادم يـصيح. يـــــزوار. علي وياكم علي
فدوه مشـاي يله وياي مبـيتك يم هلي
فـدوه يازاير تمـرنــه الجلك أفرش عينـي
والله اغـطيك برمــشها يل تـزور حسـيني
من اخدمك ها يزاير خـدمه تسوى سنيني
خاف أقــصر أنه بــيــها ماأكــمل دينـــي
الخدمه أحله من العمر
الخـادم يــنادي بـعــذر
الخادم بصـيتك عـــله. بصرخه صاحـت كربله
___
سفرت حسين حتى. الطير. شبع منها وقنع
كل سنه تزود للمعشوك يعشـكي الماكطع
سفرت وحده بهل مواكب تنمد بطول الدرب
زايد الخير وننافـس خلهـا تــسمع الغــــرب
العالم يحير بفعلنه عدنه سهـله وموصــعب
فـــدوه ياالزاير تـــمرنه أفــرح أنه من تطب
الزاير بكل خطوه حــــج
المهـــدي ندعيله بـــفرج
بالفـــــرج ندعـــي إله بصرخه صاحـت كربله
___
الشاعر الحسيني
مرتضى مكطوف الموالي
/channel/aabas78
قصائد لكل ايام محرم اشترك بالقناة
حره ودروب اليسر ماتعرفلهه*اوتشوف عله الرمح راس الكفلهه
*
1 كفيلي عله النهرخليته مطروح
كطيعه اجفوف اديه اوراسه مذبوح
تعلك عا لرمح جـد امي ويلوح
عليه كل ما اصدن تطلع الروح
و ا و نن والمـدا مع دم اهلهه
*
2 مشيت اميسـره وابوليت ارجـاس
وشوف عله الرمح راسـك يعباس
انه الطولي كبل ما شا فته الناس
براضي الطف عجيبه احدودي تنداس
الزمن خان اوعليه اسيوفه سلهه
* *
3 اروح اويه الغـرب ياخـويه تـرضون
ود يه امجتفا ت اعليكـم ايهـو ن
انه اختـك يابوفاضل وانسبي اشلون
الشمر ترضه الشمريحديهه الضعون
الهضم والله الهضم زينب كتلهه
**
4 الهضم زينب كتلهه الحك ياكفـال
سبا هه الطف يضيغم والحمل مال
تعا ل انضر يخويه اوشا هد الحال
سبيه عله الهزل مجتو فه بحبال
دأ جرد صا رمك وجفو في حلهه
***
5 صحت بسمك يليث الغا ضر يه
دأ جرد صا ر مك والحك عليه
ابعجل خويه ابعجل خلص السبيه
كبل لا طب لعد د يوا ن اميه
تعا ل ا وز لزل ا لشا م ابهلهه
****
6 اذا يو صل خبر عباس اجاني
اويصيح انه الكفل زينب تراني
اذا بيكم زلم بس خل تتا ني
يموت اوتنخطف روحه السباني
الزلم تلزم سره اوتنطر اجلهه
****
خادم الحسين ع@حكيم الفرطوسي
/channel/aabas78
قصائد لكل ايام محرم اشترك بالقناة
عمه كومي من الطشت
.حـــيره بيــج اتحـيرت
عمه. عمه
ــــــــــــــــــــــــــــــــــــــــــــــــــــــــــــــــ
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت
كومي يل جنتي بدالال
ونــــــج يـهـــدم الجبال
الونج يذوب الصخر. والله دالالي نفــــــطر
ماتــحاجيني شكلت
حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره
عمــة كــلها وخــل تكوم
ع الطشت مو هذا نــوم
وخل تجـي لدالاالي. وهايه بنــت الغالي
ويلي ياعـمه أشفت
حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس
الورده ميته ولا حجت
تبجي زيـنب والطــمت
رمله تنحب والربـاب وسكنه تلطم بالتراب
يالعلــيل انته اشكلت
حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها
والله من سوط النذل
والله من ذاك الحــبـل
مومريضه بهل درب. هـــايه آثار الظـــــرب
وأنه عـبـاس أندبت
حيــره بيج اتحـيرت
___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب
طولي ماشافه الخيال
ويــنك انتـه بس تعال
هســـه بديار العـــدو. ويــنك انـــته ياالــــخو
والله حـــيل تمــرمرت
حيــره بــيج اتحـيرت
___
الخادم أهل البيت. ( ع)
وخادم رقيه بنت الامام الحسين
(( مرتضى مكطوف الموالي))
/channel/aabas78
قصائد لكل ايام محرم اشترك بالقناة
مسموم الحسن هـل يوم وأبنه حاضر مصابه
مهموم ودموعــه تسيل فوك خـــدوده سجّابه
**
أبـو المهدي يشيعه أنصاب أبغربه وأنغـدر بالسم
هــذا الزاهــد العابد جبده أنمــرد وتخذّم
مثل جــــــــدّه أبــــو الهادي غريب بــــــــــداره يتألّم
بغربــــــــــه أوّحشة الديره مثل جـــدّه بقـــه بحيره
ويفـــــــر النظر ويديــــــــــــــره
ويلوج مـــــــــــن أثر سمّه وعينه شابحه البابه
***
بأمر ملعون أبــــن ملعون أتصوّب مهجـــــة الزهره
جابه مـــــــن أرض طيبه وسمّه بـــــــأرض سامره
ديدنهم بنـــــــــــي العباس تعـــــادي الهادي والعتره
بأمرهم مــات جم معصوم وفكرهــم بالجريمه يحوم
على كـــــــــل هاشمي ومظلوم
الطه وعترتــــه منسوب تذبحــــــــه الطيبه أنسابه
*
فجعتنـــــــه بنــــــي العباس ومــــن عدنه الكلب لاهب
سمّت والــــــــــــــد المهدي ولينه الحاضـــــــر الغايب
الجرحه لا شفــــه ولا طاب ودوم الطلعتــــــــه يراقب
حتى يا خـــــــــــــذ الثارات من أهل الجور والغدرات
وأيجـــــــــــــــــــرعهم الويلات
بشرعــــه ومنهجه العادل ديـــــــــن الباري وكتابه
***
حضر يم والــــــــــده بلوعه المهدي أتكفّــــــــل بأمره
وباسه بجبهتــــــــــه وينحب وكلبه مستعــــــــر جمره
وبعد مــــــــــــا تمم الواجب بيده وسّــــــــــــــده بكبره
بس حسيــــــــن ضل عاري وأكفانه مـــــــــن الذاري
جوار العــــــــــــــذب والجاري
لاكن مـــــــــــــا شرب منّه آ يحسيـــــــــــن ومصابه
*
بفعل أهـــــــل الغدر والجور أميه وكــــــل بني العباس
وظلم كـــــل ناصبي ودجال بايـــــــــع ذمته للأرجاس
بكل بقعـــــــــة أرض ننظر نشوف كبور أشرف ناس
وسفه الدهـــــــــر غادرهم بسيف وســــــم اليضدهم
ومفجوعـــــــــــه بقــــت أمهم
بفعل كــــــــل حاكم وحاقد وأهـــــــــــل الكفر أذنابه
*
إلاهي بجاه كــــل معصوم أسأل وأنـــــــــــدب الليله
تعجّـــــــــــل طلعة الغايب الصارت غيبتــــــه طويله
وعشنه بضيم بغيـــــــــابه وهاي أحبابـــــــــه تدعيله
يربّي سهّــــــــــــل الأمره بطلعته كــــــل جرح يبره
ويشفي أبــــــــن الحسن صدره
يوم الياخـــــــــــــذ الثاره وينهــــــي الظلم وأسبابه
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
موشح للامام الحسن ع
اليوم دار الكرم طايح سورها
يالحسن مظلمه وغايب نورها
.....................
بدمعه لمصابك يهنياله الحضه
العين تعمه اعليك يبن المرتضى
الليله اخوك حسين بي ضاك الفضه
بالحزن هل دنيا لعبت دورها
....................
اليوم ابو فاضل جرالك دمعته
والله يدري شلون چانت حيرته
سحب من سيفه شبر من غضبته
وچان هدّم لال اميه قصورها
.......................
يانعش مثلك وبسهام انرمه
بغضاً بحيدر وامك فاطمه
اعليك ناحت سيدي ارض وسمه
الوادم العادتك ضايع شورها
....................
يامؤسس كربله بيوم الصلح
والصلح خله ال اميه تنفضح
هاي وادم بيها ماغزر ملح
طيبتك جازتها ليش بجورها
.....................
صاحب الراي وعظيم المنزله
يا امام حسين ابن عقد الوله
منك تعلمنه نمشي لكربله
من مشيت لكعبة الله تزورها
......................
يا چبير الساده ولهاشم فخر
عالعهد تلگانه كل سبعه بصفر
مأتمك يبقه لظهور المنتظر
الدمعه الك يالحسن من عاشورها
……..
نسألكم الدعاء
حسين صادق العقابي
/channel/aabas78
قصائد لكل ايام محرم اشترك بالقناة
نزله للحسن
يا مظلوم .. يا مسموم
يا محروم .. وتْعاني
ـــــــــــــــــــــــــــــــــــــــــ
بالكرم معروف انته .. والحلم عنوانك
بصبرك وحلمك عليهم .. حيرت عدوانك
المكارم اسستهه .. من عمق ايمانك
بهالصفات البيك كلهه .. الله رافع شانك
شكد مشتاك .. صدري ضاك
طول افراك .. اذّاني
ــــــــــــــــــــــــــــــــــــــــــــــ
ابني يسألني وسؤاله .. عيّشاني ابحيره
يكلي الحسين انه زرته .. وزرت راعي الغيره
الحسن جا وينه كبره .. وساكن بيا ديره
مادره بهذا سؤاله ... شكد صعب تفسيره
كلبي يلوع .. اجري دموع
هالموضوع .. خلاني
ــــــــــــــــــــــــــــــــــــــــــــــ
يا وكت كبرك نزوره ... ونعتنيه ونطوفه
وينبني وشمس الحقيقه ... ما تظل مكسوفه
وصرحك اينور المدينه .... الدنيه كلهه اتشوفه
عهد وانخطه بدمانه .... هالكبر منعوفه
بكبرك كــون .. يزهي الكون
يحتارون .. عدواني
ـــــــــــــــــــــــــــــــــــــــــــ
والله كون يصح بدينه ... بين يوم وليله
لكربله كبرك نجيبه .. من البقيع انشيله
ليش خلصنه عمرنه .. من البعد نوميله
تفرح كلوب النواصب .. لو دمعنه انسيله
كلي اجــــروح .. وسْط الروح
دمعه و نوح .. عنواني
ــــــــــــــــــــــــــــــــــــــــــ
شرد اسولف يا امامي ... عالجره بأيامنه
ردو اعلينه ال اميه ... اتمردو كدامنه
دار زينب انه اخبرك .... يالحسن مو آمنه
ترحل يريدوهه عنهه ... الشام صاحو شامنه
ويالموعود .. لو موجود
فنّه يعود .. سفياني
ــــــــــــــــــــــــــــــــــــــــــ
كل سنه نجدد عهدنه .. وكل صفر وفايه
من كرم چفك علينه .. انعزّب المشايه
بالدرب ننصب مواكب .. والضيافه الغايه
يالمضيفك دوم عامر .. محْله زاده ومايه
بماي العين .. أوفي الدين
يم حسين .. تلگاني
الشاعر احمد العكيلي
/channel/aabas78
قصائد لكل ايام محرم اشترك بالقناة
قصيدة للامام الحسن ع
خليتني ابلايه اخو واصفك باليدين
والله عمر عشنا سوه ياكرة العين
ضهري انكسر من فركتك يحزام الحسين
..........................
يخويه امن اذكر العشره. وذيج ايامنه الحلوه
وكلبك ذاكه الحنين. التارس گلبي بالخوه
تعال وشوف يبن امي. عليك الكلب يتلوه
بأمان الله رحت وحسين. ضل ابدنيا ماتسوه
يالحسن لو ساعه غبت. لعيونك اشتاك
ضل يلجم ابنبض الگلب. ياخويه الفراك
مو وكته موتك يالاخو عني رحت وين
..........................
جنت ياخويه من اشتاك لبوي ولمي الزهره
اجي الديوانك اشبع شوف وتفتح كلبي هل نضره
وادعي الله بصلاتي هواي. من عمري عله عمره
يعينه الله البلايه اخوان يحير بروحه وبامره
يالماخذ اوياك الفرح. عايفلي الاحزان
وخليت گلبي لشوفتك. كل ساعه لهفان
وديار اهلنه من رحت. تارسهه الونين
........................
گلبي هوايه شاف اجروح. و اصعب جرح بسنينه
اخوك ابحضنك امن ايموت. وبجفوفك تسد عينه
امناغه الخوه انته اويا. انكطع مابينك وبينه
يبعد العافيه الراحت. وضلت بس بواجينه
بجبدك يخويه السم مضه.وياريته بحشاي
واحتار اشبكك يالاخو. لو نگِط الماي
يالحسن وبهايه متت. ياخويه مرتين
.........................
اخوي الفاتح الديوان. وابد ماينطبك بابه
باب الحاجه للمحتاج. وتبوس الوادم اعتابه
من جدي النبي حرموه. وجم سهم النعش صابه
ولاكن من دره العباس.. سيفه اغتاض بكرابه
كل العجايب والمحن. راوتني الايام
يا نعش ميت عالمتن. يرمونه بسهام
عباس صبرك والصبر. وكت الحزن زين
..........................
آخر ساعة يبن امي. وعيني تفارك اعيونك
صرت اتمايل اويه الريح. من كامو يدفنونك
گلبي اندفن خويه اوياك. وكلمة خويه وشلونك
يمن دين الله والفقره. هليله يخسرونك
باجر اصيح بعازتك. مابين السيوف
واتلفت ومحد الي. وحاير بالطفوف
وتفزع عليي خيل وزلم. ياخويه صوبين
……….
نسألكم الدعاء
حسين صادق العقابي
/channel/aabas78
قصائد لكل ايام محرم اشترك بالقناة
نزله. (ومتوسطه))
عمه كومي من الطشت
.حـــيره بيــج اتحـيرت
__
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت
كومي يل جنتي بدالال
ونــــــج يـهـــدم الجبال
الونج يذوب الصخر. والله دالالي نفــــــطر
ماتــحاجيني شكلت
حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره
عمــة كــلها وخــل تكوم
ع الطشت مو هذا نــوم
وخل تجـي لدالاالي. وهايه بنــت الغالي
ويلي ياعـمه أشفت
حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس
الورده ميته ولا حجت
تبجي زيـنب والطــمت
رمله تنحب والربـاب وسكنه تلطم بالتراب
يالعلــيل انته اشكلت
حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها
والله من سوط النذل
والله من ذاك الحــبـل
مومريضه بهل درب. هـــايه آثار الظـــــرب
وأنه عـبـاس أندبت
حيــره بيج اتحـيرت
___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب
طولي ماشافه الخيال
ويــنك انتـه بس تعال
هســـه بديار العـــدو. ويــنك انـــته ياالــــخو
والله حـــيل تمــرمرت
حيــره بــيج اتحـيرت
___
الخادم أهل البيت. ( ع)
وخادم رقيه بنت الامام الحسين
(( الشاعر مرتضى مكطوف))
/channel/aabas78
قصائد لكل ايام محرم اشترك بالقناة
أنواره تزهـي لهاليوم زيــــد الشهيد الثائر
**
من ثار زيـــــــــد اعله الظلم والطغيان
وقـــــــــــــدّم حياته الدينه أعظم قربان
لكل ثاير أصبـــــح مدرسه الكل إنسان
ميريد اهـل الأستكبار ويحارب الكل فاجر
****
الباسل ومغوار وشهم كــــــــــل عمره
شــــــــــــاف الظلم متفشّي اعلن ثوره
بيها خلد لليــــــــــــــــــــوم خالد ذكره
بالمرقــد اليزهي بنور ابوگت المضه والحاضر
**
زيد بثورتـــــــــــــــــه هاي بيها أتخلّد
شامـــــــــــــــخ بقه لليوم شوف المرقد
صبح ومسه الزوّار بـــــــــــــي تتردد
جــــــــن وانس والأملاك تتعنّه گبــــــر الصابر
****
شــــــــــــــوف اليضحي المبدأه والدينه
بأعلــــــــــــــــى المراتب يجعله بارينه
بأخرتـــــــــــــــــه والدنيه يگرها العينه
ويجعل بأيـــــده الحاجات ربـــنه الجليل القادر
*
شوف الجليل شلـــــــــون ربنه امكرمه
الأمــــــــــلاك ترست حضرته وتخدمه
ليـــــــــــل ونهار اتطوف حضرت يمه
متفارگه صبـــــــح وليل تخدم بصحنه العامر
****
باب الحوايج زيــــــــــــد للكون أصبح
وليعتنيله شـــــــــراد ياخــــــــــذ يربح
ابكل ليطلبه بحضرتــــــــــــــه يتوشح
يگضي الحوايج بالحال ويفـــــــــرّح الكل زاير
***
ليلة شهادة زيـــــــــــــد بي خل ادعي
وأسأل البــــــــــاري بلوعتي وبدمعي
يأمّن دعائــــــــــي هالحضور وربعي
أيعجّــــــل بجية الموعود بنوره اليلالي الزاهر
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
اسمك بالذهب // يازيد انكتب
تشهدلك دمائك
ناصر كربلائك
/////////////////////////////
اعظم ثوره بعد حسين _ هزت دولت الضالم
ميزت الحجي مولاي _ دمك فهم الوادم
مصيبة يومك المعروف _ بجت كل بني هاشم
عله جذع النخله يامصلوب _ مشي نتعنه الك لازم
مصلوب بجذع// نواسيك بدمع
ماعفنه عزائك
ناصر كربلائك
/////////////////////////////
كسرت جم خشم مولاي _ المناره وكبت انوارك
يازيد الشهيد اليوم _ هنياله الاجه وزارك
ياباب الله شوف الحال _ علينه وجه انضارك
حوائج عدنه من جيناك _ وطبعك تنطي خطارك
صحنه بالصحن // اكظي الماكضن
مخطوك بسمائك
ناصر كربلائك
/////////////////////////////
كل ما جاله يتجدد _ ذكرك سيدي يعله
كراماتك عله شوف العين _ وعدوك باقي بالذله
الاجاك امحزم ابيرغ _ كض شباجك وفله
الناس اتسولف ابصيتك _ زيد ايطيب العله
يومك ماجزه // بي جم معجزه
يشهدلك وفائك
ناصر كربلائك
/////////////////////////////
الكصدلك تقره البوجهه _ ابابك نيته مقريه
جم واحد اجاك اليوم _ يريد ترزقه ذريه
ورافع ايده يتوسل _ وذمت دمعه مبريه
يزيد ابجاهك وطيبك _ هواك انشمه بالريه
عجبت العجب // يالتقدر التعب
غطينه ردائك
ناصر كربلائك
/////////////////////////////
عله عمتك يبو يحيى _ دمعتك كل وكت تهمل
غيور وحزت ابروحك _ حرمه بالسبي شتحمل
شيصعدهه عله الناكه _ من يوكع طفل تنزل
يزيد وطبت الديوان _ هاي السالفه التكتل
لثارات السبي // طبعك زينبي
عله زينب بكائك
ناصر كربلائك
/////////////////////////////
ابن معصوم واخو معصوم _ شكبرهه المنزله العندك
طلعت بسيفك اتجاهد _ لثار المنذبح جدك
بعد قصت عطاشه الطف _ تميزت بحزن وحدك
وهسه سيدي الوادم _ بحظرتك لاذت ابسدك
نعرف هيبتك // لذنه بحظرتك
بحبابك لقائك
ناصر كربلائك
/////////////////////////////
تمت _ علاء الزيدي
/channel/aabas78
قصائد لكل ايام محرم اشترك بالقناة
قصيدة للمشاية (عگيلي) 1446 هـ
مشاية لگبرك والينة
ونجدد حزنك تدرينة
=============
زينب هاليوم انواسيها
ونشاركها احزان البيها
ونتذكر ما صار اعليها
ومصاب الطف ما ناسينة
================
نمشيلك ونجد ممشانة
ويمشي المهدي انحس ويانة
عينة اعله امصابك حزنانة
يا جدي ايندبك مهدينة
================
من يمشي المهدي بيا حالة
مصاب الطف يصير گبالة
كل آه التطلع چتالة
ينوح اعليك وعالي ونينة
================
انواسي اعيالك من سلبوها
من بعدك هزل ركبوها
ومن ديرة لديرة ايطبوها
يحسين الصار امأذينة
===============
نمشي ابهم وحزن ولوعة
من نذكر جسمك وضلوعة
آثار بجسمك مطبوعة
ويا حيف بسيف موذرينة
===============
علويات الهادي ابهيمة
وثمانين ايتيم ايتيمة
وبحر الصيف ابلا خيمة
وسفة السجاد امگيدينة
===============
كل عام انجدد ذكراكم
ليوم المحشر ما ننساكم
نعيش انموت انضل وياكم
حبكم مولاي اينجينة
==============
تلگاها الشيعة اتعنتك
وباحزان الطف گصدتك
يحسين اباهلك واستك
ترضى انريدك يا ابو سكينة
===============
اسالكم الدعاء رائد الاسدي
/channel/aabas78
قصائد لكل ايام محرم اشترك بالقناة
#زيد_الشهيد_ع_
وشگد حمل كبلج جرح...
يافاطمه زيد انذبح
يافاطمه....... يافاطمه
»«»«»«»««««»«»«»»««»
بكلبج مصاب الطف بعد.
يوجر ولا لحظه برد
گلبج يون اعله الولِد
وشحاله كلب ام الحسن
الشافت حسين وهله.....
متگطعين بكربله
شيخ الهواشم بالفلا....
. شافت سبي ام الحزن
زيد لمصابچ زوده......
. اه كلب الوالده
مامش دوه لكلبج يصح.
... يافاطمه زيد انذبح
»«»«»«»««««»«»«»»««»
من جده الحسين الفخر....
.. ماخذ شجاعه من الكمر
مارضه يحكمونه الكفر.....
.. ثار وطلع ضد الظلم
هد غيرته بيومن فزع.....
... آه اعله ثارات الظلع
بيه عزم حيدر مارجع....
... عنده الامر كسرة عظم
طبها وتذكر نينوى.
وشلون الحسين التوه
ثار لذبيحه المنطرح.
يافاطمه زيد انذبح
»«»«»«»««««»«»«»»««»
واسى الحسين بطيحته.
. بالسهم صابو جبهته
هناك المنيه نادته.
بجتلك تواسي ابن النبي
يندفن مثلج بالستر.
خافو عليه من الغدر
دفنوه بضفاف النهر
عن لا ينبشه الناصبي
هناك ورجع بيج الزمن.
بعمر الكمر زيد اندفن
هالذكرى لجروحج ملح.
يافاطمه زيد انذبح
»«»«»«»««««»«»«»»««»
امه اللي نكرت حيدره.
ماهمهم مصاب الجره
طلعوا جثته من الثره
والنحر حزه ابن الخنه
وزايد بعد بيهم حقد
بعد الذبح ذاك الجسد
صلبو ال قل هو احد.
محد يرجعه لمدفنه
اربع اسنين اعله الجذع
يافاطمه صبي الدمع
وراسه يفروه برمح.
يافاطمه زيد انذبح
»«»«»«»««««»«»«»»««»
عن جثته راسه انفصل
وبهايه واسى ابن الفحل
بكل ديره راسه ابنج وصل
ويلي وفرح ذباحه
للشام وصلت رايته.
راسه وصل يم عمته
چني احس بونته
اعله ام الخدر ونياحه
عمته رقيه تناظره.
بمأتم وانت حاضره
راسه لحقدهم من فضح
يافاطمه زيد انذبح
»«»«»«»««««»«»«»»««»
اكمل مواساته بصدگ.
الصدره ما شاف السحك
دون الخيم جسمه احترك.
ذروه بارض الكوفه
طشو رماده اعله الفله..
بماي النهر ذرات اله
تشربه تحن لكربله.
. تحن للكمر وجفوفه
رادو نعوفه بحرگته
. بكل شيعي شي من جثته
تشوفي يون ليل وصبح.
يافاطمه زيد انذبح
»«»«»«»««««»«»«»»««»
ونسألكم الدعاء والتوفيق
لخادم آل محمد عليهم السلام.
الشاعر حيدر كاظم الساري
/channel/aabas78
قصائد لكل ايام محرم اشترك بالقناة
موشح :
يا رقيه .. يا رقيه .. يا رقيه .. يا رقيه
عمه نشفي دموعج السچابه
مـــا يطـــول وآلـــــدچ بغـيابه
*
عمه يا زينب احــس دلالـي ذاب
ليش ابوي حسـين طـول بالغياب
تلتهب نيـراني لــو زاد العـــتاب
وادري يشــــتاگ الابو لحـــبابه
عمه ابوي شعجب طول غيبته
عمـتي تجرحـني سـاعة فركته
شلــون يتركــها العزيزة طفلته
والدهر يا عمه ســـــــل انيابه
*
وين ابويه حسين نـاوي بها السفر
انتظر مـــن عنده مـــــا بين خــبر
اني من فركاه احس ظهري انكسر
اني اســــــــــأل ما سمعت جوابه
عمه مـن ونج تهيج جــــروحي
يا رقيه ومــثل نوحــج نــــوحي
عمه اضمچ بالگلب وبــــروحي
عمه كــــــل غايب ورا اسـبابه
فزت من النوم والــمدمع جـره
هسه اجاني وعيني جانت تنظره
وينه ابـو حســين وينه شـــأخره
بگـــــلبي نيران الهـــجر لهابه
عمه شفته يصيح اسمعج طفلتي
مـــا اجيتـج اعــتذر يا مهجــتي
يا رقــيه بســيف حـزوا ركبتي
ضامــي ابوج وسلــــبوه اثيابه
يا رقـيه اهــل الــغدر منعـوني
مـــن بقيت لوحـدي حــاطـوني
من يضربونج احـس ضربوني
وآلدج وحده وصريعه اصحابه
راسي من فوك الرمح حاجاكم
انـي حـاميكم واجـيت وياكــم
راســي يهـتز لـــو نذل اذاكــم
آه يا درب الســـــــبي واجنابه
*
من تون بـ هالوضع سمعوها
بالطشت راس الأبو انطــوها
كل قصـدهم طفله ويسكـتوها
زادوا هموم الگلب وتعـــــابه
على راس حسين حطت راسها
بويه اكــعد حـاجـته بأحسـاسها
لنها ميته وگـــاطعه انفــــاسها
آ يا شام الالــــــــــــم ومصـابه
كلمة من عمق الگلب نحچيها
يا رقــــيه مصـــيبتج نحــيها
الخدمــة من خــدامج تقبليها
والشفاعه نريـد يــوم احسابه
الشاعر مهند المياحي
/channel/aabas78
قصائد لكل ايام محرم اشترك بالقناة
السيده زينب ع تتكلم مع اخيها العباس بعد عودتها في الاربعين
-------------------------------
وصل ضعن الفواطم گوم ياعباس
تلگاني يخويه و لو متأخره
اجيت بأربعينك والگلب مشتاگ
فك باب الگبر منك ردت نظره
خجلان السهم بالعين ها متشوف
اخذ العين مني والگلب جبره
اگعد خل اسولف عالجره والصار
واراويك المتون البالضرب حمره
بعد عينك خذوني امچتفه بحبال
شسولف عالضرب عالشتم عالسطره
حدي بيه الشمر يا وسفه ياعباس
وصار الراي رايه والامر امره
وهسه اني اجيت ودمعتي بالعين
حاچيني خويه بداعت الزهره
حتى لو تون بالگبر اني ارتاح
سمعني ونينك والگلب صبره
متعوده يخويه امشي بس وياك
حارس خدر اختك انته والعشره
اجيت شلون وارجع وانته مو وياي
لتخليني خويه هواي منتظره
اول مره احچي وماترد عباس
راح ارجع يخويه وبالگلب جمره
مو هين افراگك صعب ياعباس
صعب كلش صعب وافراگك اشكبره
الشاعر السيد رياض الرسل الجابري
/channel/aabas78
قصائد لكل ايام محرم اشترك بالقناة
يوم الاربعين
زيــنــب - زيــنــب - زيــنــب يــــــوم الأرّبــعـــيــــــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـصـيـح بـالّلـهـم والـهـظــم وتـنــادي
ويـن كَـبــرك صــار يـبـن الــهــــــادي
يـومـك الـبـالـطـف شـعـبلـي أفّـــــــادي
بـس هـظــم يـحـســيـن بــعّــــدك زادي
مــالـوم - مــالـــوم - مـالـوم كَـلـب أخّـتــك حــزيــــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راحـت لـشـاطــي الـنـهــر عـنّـايـــــــه
ويـن حـمــاي الـحـمــــــه والـثــايــــــه
ويــن جـفـّـك طــاح ويــن الـــرايـــــــه
كَــوم أجـتّــك زيـنــب أخّـتـك هـــايـــــه
عـبـاس - عـبــاس - عـبــاس جـــودك كَـلّــــي ويـــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يــم لأكـبـــر راحـــت الـمـهّـضــومـــــه
تــريــده يــكَـعــد لـيهــه مـن الـنـومـــه
تـكَـلّـــه عـمّـتــك جـتّــك الـمضّـلـومــــه
مـنهـو جـسّمـك غـسّلــه مــن أدمــومـه
مـذّبـوح - مـذّبـوح - مـذّبــوح بــسّـيـــوف ألّلــعــيـــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
عـلـى جــاســم راحـت أتـنـوح أبـدمـــع
هـالـحـرم يـمّـك يـعـمّــه تــنّـجــمــــــــع
جـبـنــه ويّـانــه يـجـسّـام الـشــمــــــــع
والـهـلاهـل صـوتـهـن مـا يـنّـسـمــــــع
زفّـــوك - زفّـــــوك - زفّــوك بـاالــــــدم والـــونــيـــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
للــرضـيــع أتـنــوح شـافـت مصّـرعـــه
تـكَـلّــه سهّـمـك جـيـنـه عـمّـه أنّـطـلّعـــه
در صــدر أمّــك تـريــــدك تــرّضــعــــــه
مــر غـيـابـك عـمّـه كَـلّـي أشـيـجّـرعــــه
ويّــــاك - ويّــــــاك - ويّــاك كَـلـبـــي أمـصــوّبــيـــــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بـأرّبـعـيـــن حــسـيـن زيـنـب والـظـعــن
تـشّـكـي ظــيـــم الـشـام وآلام الـمـحــــن
تـصـيـح مـنهـو الـيـجـلـي آهـات الـزمـن
ومـنـهــو يـاخـذّنــه يــردنــه للــوطـــــن
ولـّيــان - ولـّـيــان - ولـّـيـــان مــا ضـلـّــت تــعــيــــــن
بـالـنـوح - بـالـنـوح - بـالـنـوح تـصّــــرخ يـا حُـسـيــــن
الشاعر سيد علاء الحيدري
/channel/aabas78
قصائد لكل ايام محرم اشترك بالقناة
